Adyghe

Здесь вы найдете инджыл (Новый Завет) на адыгейском языке

Here you find the Injil (Bible)in the circassian language of Adyghe (Adige)

Jesus-Film: 

01 Matthew / МАТТЭ

Matthew / МАТТЭ

01

 

 

КЪЭБАРЫШІУР*

МАТТЭ

КЪЫЗЭРИІОТАГЪЭР

 

АПЭРЭШЪХЬ

 

Исус лъэпкъэу къызхэкІыгъэр

(Лука 3:23-38)

 

Мыр Исус Христосэу Даутэ ыкъор* ыкІи Ибрахьимэ ыкъор* лъэпкъэу къызхэкІыгъэм итхылъ.

2Ибрахьимэ Исхьакъ къыфэхъугъ;

Йсхьакъ Якъубэ къыфэхъугъ; ащ Иудэрэ ышхэмрэ къыфэхъугъэх; 3Иудэ Фаресрэ Зарэрэ* къыфэхъугъэх; и тІумэ янэ

 

1:1 къэбарышІур – Исус Христос ехьылІэгъэ къэбарышІур ары. Тхьэм пегъымбархэм агущыІэкІэ цІыфхэр къызэригъэгугъэгъэ Іофхэр Исус Христос Іофэу ышІагъэмкІэ ыгъэшъыпкъэжьхэзэ ыгъэхъугъэх, арэу­щтэуи цІыфхэр мыкІодхэу къызэригъэнэжьынхэ гъогу афишІыгъ.

1:1 Даутэ ыкъор ыкІи Ибрахьимэ ыкъо – ахэмэ алъэпкъ къытехъу­кІыгъэ лІыр ары.

1:3 Фаресрэ Зарэрэ – Иудэ ыкъоу зэтІуазэхэр ары. Еплъ Пегъымбар Мусэ апэрэ тхылъэу ытхыгъэм 38:27-30.

 

Фамар ыцІагъ; Фарес Есром къыфэхъугъ; ащ Арам къыфэхъугъ; 4ащ Аминадав къыфэхъугъ; ащ Наасон къыфэхъугъ;

ащ Салмон къыфэхъугъ; 5ащ Вооз къыфэхъугъ; Вооз янэ Рахав ыцІагъ; Вооз Овид къыфэхъугъ; Овид янэ Руф ыцІагъ; Овид Иессе къыфэхъугъ; 6ащ пачъыхьэ Даутэ къыфэхъугъ.

Пачъыхьэу Даутэ Сэлмэн къыфэхъугъ; Сэлмэн янэ, Урие зыцІэм ишъузэу* щытыгъагъ.

7Сэлмэн Ровоам къыфэхъугъ; ащ Авие къыфэхъугъ;

ащ Асэ къыфэхъугъ; 8ащ Иосафат къыфэхъугъ; ащ Иорам къыфэхъугъ;

ащ Озие къыфэхъугъ; 9ащ Иоафам къыфэхъугъ; ащ Ахаз къыфэхъугъ; ащ Езекие къыфэхъугъ;

10ащ Манассие къыфэхъугъ; ащ Амон къыфэхъугъ;

ащ Иосие къыфэхъугъ;

11ащ Иоаким къыфэхъугъ. Израил цІыфхэр Вавилон

къэлэшхом лІыгъэкІэ защэхэ лъэхъанэм* ыдэжь Иоаким Иехониерэ ышхэмрэ къыфэхъугъэх. 12Израил цІыфхэр Вавилоным защэхэ ужым,* Иехонием Салафиил къыфэхъугъ; ащ Зоровавел къыфэхъугъ;

13ащ Авиуд къыфэхъугъ; ащ Елиаким къыфэхъугъ;

ащ Азор къыфэхъугъ;

14ащ Садок къыфэхъугъ; ащ Ахим къыфэхъугъ; ащ

Елиуд къыфэхъугъ;

15ащ Елеазар къыфэхъугъ; ащ Матфан къыфэхъугъ;

ащ Якъубэ къыфэхъугъ;

16ащ Юсыф къыфэхъугъ. Ар ХристоскІэ заджэхэрэ

Исус къызфэхъугъэ Мерэм илІэу щытыгъ.

 

1:6 Урие зыцІэм ишъуз – Вирсавид (Батшэбэ) ары. Еплъ Пегъымбар Самуел икъэбархэр зэрыт ятІонэрэ тхылъым (2 Царств) 12:24.

1:11 Вавилон къэлэшхом лІыгъэкІэ защэхэ лъэхъанэм – Исус къэхъуным ыпэкІэ 598-рэ илъэсым пачъыхьэ Невукаднессэр идзэлІхэм Джурт цІыфхэр лІыгъэкІэ Вавилоным аригъэщагъэх.

1:12 Израил цІыфхэр Вавилоным защэхэ ужым – Исус къэхъуным ыпэкІэ 538-рэ илъэсым Персие хэгъэгум и Кайсарэу Кир зыцІэм джуртхэм яхэгъэгу къагъэзэжьынэу фит ышІыжьыгъэх.

 

17Арэущтэу Ибрахьимэрэ пачъыхьэ Даутэрэ азыфару лІы уж* пшІыкІуплІ дэлъыгъ; пачъыхьэ Даутэрэ Израил цІыф­хэр Вавилоным защэхэ лъэхъанэмрэ азыфару лІыуж пшІы­кІупчІ дэлъыгъ, Израил цІыфхэр Вавилон защэхэ лъэхъа­нэмрэ Христос* къызыхъугъэ лъэхъанэмрэ азыфагу лІыуж пшІыкІуплІи дэлъыгъ.

 

Исус къызэрэхъугъэр

(Лука 2:1-7)

 

18Исус Христос икъэхъукІэ зэрэхъугъэр мары: Юсыф Исус янэу Мерэм къыщэнэу ыгъэнэфэгъагъ*, ау зэрэ­щэнхэм ыпэкІэ, Тхьэм Ыпсэ ЛъапІэ илъэкІыныгъэкІэ Мерэм сабый къызэрэфэхъущтыр нафэу къэхъугъ. 19Юсы­фэу Мерэм илІ шъыпкъагъэ зиІэ лІэу щытыгъэти, цІыф­мэ апашъхьэ Мерэм ынапэ щытырихынэу фэмыеу, шъэ­фэу ытІупщыжьынэу тыриубытагъ.

20Ау Юсыф а Іофым егупшысэзэ, Зиусхьаным* имэлэІич­пкІыхьапІэкІэ къыфэкІуагъ.

–Даутэ ыкъо* Юсыф!– къыІуагъ ащ. –Мерэмыр шъузэу къэпщэнэу умыщын, сыда пІомэ ащ сабыеу къыфэхъу­щтыр къызхэкІырэр Тхьэм Ыпсэ ЛъапІэ ары. 21Мерэм къо къыфэхъущт, о ащ цІэу фэуусыщтри Исус*, сыда пІомэ ащ ылъэпкъ ипсэкІодхэм ялъэкІыныгъэ къыІэкІи­хыжьынышъ, мыкІодхэу къыгъэнэжьыщтых.

22А зэпстэури зыфэхъугъэр Зиусхьаным мы гущыІэ-

 

1:17 лІыуж – тымрэ ыкъомрэ азыфагу дэлъ уахътэр ары.

1:17 Христос – Мессихьыр ары. Пачъыхьэ Даутэ ылъэпкъ къытехъу­кІыгъэу, пегъымбархэм къызэраІуагъэм тетэу, Израил цІыфхэм шъхьа­фитныгъэрэ мамыр тетыгъомрэ аригъэгъотынхэу Тхьэм ахэр къызэ­ригъэгугъэгъэ пщы лъапІэр ары.

1:18 Юсыф къыщэнэу ыгъэнэфэгъагъ – джурт хабзэм тетэу лІы горэм ыгъэнэфэгъэ пшъашъэр къыщэнэу фэмыемэ, къэзыщагъэ лІым ишъуз зэритІупщыжьырэ хабзэм тетэу ытІупщыжьын фае.

1:20 Зиусхьан – Тхьэмэтэшхор ары.

1:20 Даутэ ыкъо – Даутэ ылъэпкъ къытехъукІыгъэ лІыр ары.

1:21 Исус – а цІэм къыкІырэр «цІыфхэр мыкІодхэу Къэзыгъэнэжьырэр» ары.

 

хэу* пегъымбарым ыгу къырилъхьэхи къыригъэІуагъэхэр къэшъыпкъэжьынхэр ары:

23–Мары, пшъашъэр лъэрмыхьэ хъунышъ, къо къыфэ­хъущт. Ащ цІэу фаусыщтыр Еммануил. Ащ къи­кІырэр: Тхьэр тигъусэ.

24Юсыф къызэущыжьым, Зиусхьаным имэлэІич къы­зэрэриІуагъэм тетэу зекІуагъэ, Мерэми шъузэу ыщагъ. 25Ау ар ишъуз фэхъуным ыпэкІэ Мерэм апэрэ къор къыфэхъугъ. Юсыф ащ цІэу фиусыгъэри Исус.

 

 

02

ЯТЮНЭРЭШЪХЬ

 

Тхьэгурымагъохэр тыгъэ къыкъокІыпІэмкІэ къызэрикІыгъэхэр

 

Ирод пачъыхьэ* имафэхэм Иудей хэкум* щыщ Вифле­ем къалэм* Исус къызэхъу ужым, тхьэгурымагъохэр* тыгъэ къыкъокІыпІэмкІэ къикІыхи, къалэу Ерусалим къэкІуагъэх.

2–Тыдэ щыІа джуртхэм япачъыхьэу къэхъугъэр?– къа­Іуагъ. –Сыда пІомэ ащ ижъуагъо тыгъэ къыкъокІы­пІэмкІэ тэ щытлъэгъугъэти, ар дгъэлъэпІэнэу тыкъэкІуагъ.

3Ирод пачъыхьэм ар зызэхехым къэгумэкІыгъ, Еруса­лим зэкІэ дэс цІыфхэри ащ дэгумэкІыгъэх. 4Арыти, Ирод

 

1:22-23 Зиусхьаным мы гущыІэхэу ... – еплъ Пегъымбар Исайас тхылъэу ытхыгъэм 7:14.

2:1 Ирод пачъыхьэр – Ирод Иныр ары. Исус къэхъуным ыпэкІэ я 37-4 илъэсхэм къакІоцІ Израил хэгъэгум зэкІэ ипачъыхьэу щытыгъ.

2:1 Иудей хэкур – Израил хэгъэгум ихэкухэм ащыщыгъ.

2:1 Вифлеем – Бэтлэхьэм ары. Ерусалим километрийкІэ пэчыжьэу, икъыблэ лъэныкъомкІэ ит.

2:1 тхьэгурымагъохэр – пкІыхьапІэхэм къарыкІхэрэмрэ жъуагъохэм яІофрэ апылъхэзэ, пачъыхьэ горэм е пщы горэм фэлажьэхэзэ, акъылэгъу фэхъугъэхэр ары.

 

цІыфхэм зэкІэ ядин пэщэшхохэри*, я Тэурат егъэджэкІо пащэ* пстэури ыугъоихи яупчІыгъ:

–Тыда Христос* къызщыхъун фаер?

5–Иудей хэкум щыщ Вифлеем ары,– къыраІуагъ ахэмэ, –сыда пІомэ пегъымбарым мырэущтэу къытхыгъ:*

6«О, Иудей хэкум щыщ Вифлеем. Иудэ лъэпкъым ипащэхэм анахьи зыкІи уанахь цІыкІоп; сыда пІомэ зы пащэ о къыпхэкІыщт.

А пащэм мэлахъом мэлхэр зэрищэхэрэм фэдэу, слъэпкъ Израил ыщэщт».

7Арэущтэу къызыраІом, Ирод тхьэгурымагъохэм шъэфэу къяджи, жъуагъор къызыкъокІыгъэ охътэ дэдэр зэри­гъэшІагъэ. 8Ахэр Вифлеем ыгъакІохэзэ ариІуагъ:

–ШъукІохи, сабыим икъэбар дэгъоу къызэжъугъашІ. Ар къызыжъугъоткІэ, макъэ къысэжъугъэІу, сэри ар згъэлъэпІэнэу сыкІощт.

9Тхьэгурымагъохэр пачъыхьэм къариІуагъэм едэІухи ежьагъэх. Тыгъэ къокІыпІэмкІэ щалъэгъугъэ жъу­агъори ахэмэ апэ итэу кІозэ, сабыир зыдэщыІэ чІыпІэм зынэсым, къышъхьэщыуцуагъ. 10Жъуагъор залъэгъум, лъэш дэдэу гушІуагъэх. 11Унэм зехьэхэм, сабыири ащ янэу Мерэми исхэу алъэгъугъэх. Залъэгъухэм, сабыим ыпашъхьэ лъэгонджэмышъхьэкІэ зыщырадзыхи, агъэлъэ­пІагъ. Япхъуантэхэр зэтырахыхи, тынхэу дышъи, ла­дэни*, смирни* сабыим ратыгъэх. 12Ирод дэжь амы­гъэзэжьынэу пкІыхьапІэкІэ Тхьэм къагуригъэІуагъэти, нэмыкІрэ гъогукІэ яхэгъэгу кІожьыгъэх.

 

2:4 дин пэщэшхохэр – дин пэщэшхор, дин пэщэшхоу щытыгъэхэр, дин пэщэшхохэм яунагъохэм ащыщхэр ары.

2:4 Тэурат егъэджэкІо пащэхэр – Тэурат хабзэм итхэмрэ джуртхэм адрэ тхылъ лъапІэхэу яІэхэм арытхэмрэ цІыфхэм агурызыгъаІоу щытыгъэ пащэхэр ары.

2:4 Христос – еплъ 1:17.

2:5-6 пегъымбарым къытхыгъ – еплъ Пегъымбар Михэ тхылъэу ытхы­гъэм 5:2; Пегъымбар Самуел икъэбархэр зэрыт ятІонэрэ тхылъым (2 Царств) 5:2.

2:11 ладан – мэ ІэшІу зыпыурэ Іугъо лъапІ.

2:11 смирнэ – мэ ІэшІу зыпихырэ уц гор.

 

Юсыфрэ Мерэмрэ сабыир ягъусэу Мысырым зэрэкІатхъужьыгъэр

 

13Тхьэгурымагъохэр зекІыжьхэм, Зиусхьаным имэлэІич пкІыхьапІэкІэ Юсыф къыфэкІуагъ.

–Къэтэджи,– къыІуагъ, –сабыимрэ ащ янэрэ зыда­щэхи, Мысырым кІэтхъужь. Макъи къыосэгъэІуфэ, ащ щыІ, сыда пІомэ Ирод сабыир ыукІынэу лъы-хъущт.

14Арэущтэу Юсыф тэджи, сабыимрэ ащ янэрэ чэщым зыдищэхи, Мысырым кІуагъэ. 15Ирод олІэфэкІэ ар ащ дэжьым щыпсэугъ. Арэущтэу зыфэхъугъэр Зиусхьаным мы гущыІэхэу* пегъымбарым къыригъэІуагъэхэр къэ­шъыпкъэжьынхэр ары: «Мысырым къикІыжьынэу Скъо сыкъеджагъ».

 

Ирод идзэлІхэм сабыйхэр зэраригъэукІыгъэхэр

 

16Тхьэгурымагъохэм къызэрагъэпцІагъэр Ирод зелъэ­гъум, лъэшэу къэгубжыгъ. Тхьэгурымагъохэм къыра­гъэшІэгъэ уахътэм тетэу, Вифлееми ащ зэкІэ иІэгъо –благъоми щыщ къэхъугъэкІэ сабыйхэр илъэситІу зыны­бжьым нэс аукІынхэу идзэлІхэр ыгъэкІуагъэх. 17Джащы­гъум мы гущыІэхэу пегъымбар Иеремие къыІуагъэхэр* къэшъыпкъэжьыгъэх:

18«Куохьао макъэ Рамэ къуаджэм* къыщыІугъ,

гъымэкъэшхорэ тхьаусыхэ мэкъэшхорэ ахэтэу.

Рахил зигъэсамбырыжьынэу фэмыеу, исабыйхэр

егъэежьых, сыда пІомэ ахэр щыІэжьыхэпышъ

ары».

 

2:15 Зиусхьаным мы гущыІэхэу... – еплъ Пегъымбар Осие тхылъэу ытхыгъэм 11:1.

2:17-18 пегъымбар Иеремие къыІуагъэхэр – еплъ Пегъымбар Иере­мие тхылъэу ытхыгъэм 31:15.

2:18 Рамэ къуаджэр – Ерусалим километрийкІэ пэчыжьэу, итемыр лъэ­ныкъомкІэ итыгъ. Темыр зыфаІорэр арапыбзэкІэ «шэмал», тыркубзэкІи «кузей» зэраІорэр ары.

 

Юсыфрэ Мерэмрэ сабыир ягъусэу Мысырым къызэрикІыжьыгъэхэр

 

19Ирод зэлІэ ужым, Зиусхьаным имэлэІич пкІыхьапІэ­кІэ Юсыф Мысырым къыщыфакІуи, 20къыІуагъ:

–Къэтэджи, сабыимрэ ащ янэрэ зыдащэхи, Израил хэгъэгум кІожь, сыда пІомэ сабыим ыпсэ зыгъэгъун­хэу ыуж итыгъэхэр лІагъэхэшъ ары.

21Арэущтэу Юсыф тэджи, сабыимрэ ащ янэрэ зыди­щэхи, Израил хэгъэгум кІожьыгъэ. 22Ау Ирод ичІыпІэ­кІэ ащ ыкъо Архелай* Иудей хэкум ипачъыхьэ хъугъэу Юсыф къэбар зызэхехым, ащ кІонкІэ щынагъэ. ПкІы­хьапІэкІэ Тхьэм къызыгурегъэІо ужым, Галилей хэкум* кІуи, 23НазареткІэ заджэхэрэ къалэм* дэтІысхьагъ. Арэу­щтэу зыфэхъугъэр мы гущыІэхэу пегъымбархэм Исус ехьылІагъэу къаІуагъэхэр къэшъыпкъэжьынхэр ары: «На­зарет щыщкІэ еджэщтых».

 

 

03

ЯЩЭНЭРЭШЪХЬ

 

УмэхъэкІо Иуан Тхьэм игущыІэхэр зэригъэІущтыгъэхэр

(Марк 1:1-8; Лука 3:1-9, 15-17; Иуан 1:19-28)

 

А мафэхэм умэхъэкІо* Иуан къэлъагъуи, Иудей хэкум ишъоф нэкІ цІыфхэм Тхьэм игущыІэхэр щаригъэІу­хэзэ, 2мырэущтэу къыІощтыгъ:

 

2:22 Архелай – Ирод Иным ыкъохэм ащыщыгъ. Исус къэхъуным ыпэкІэ я 4-рэ илъэсым щегъэжьагъэу Исус къызэхъу нэужым я 6-рэ илъэсым нэсыфэ, хэкухэу Иудей, Самарие, Идумей япщэу щытыгъ.

2:22 Галилей хэкур – Израил хэгъэгум итемыр лъэныкъо ит. Архелай ышэу Ирод Антипэ зыцІэр а хэкум ипщэу щытыгъ.

2:23 НазареткІэ заджэхэрэ къалэр – Галилей псыхъураем икъыблэ цыпэ километр 26-кІэ пэчыжьэу, итыгъэ къохьапІэ лъэныкъокІэ ит.

3:1 умэхъыныр – «ШъуипсэкІодхэм шъуафыкІэгъожьи, зысэжъугъэу­мэхъ, Тхьэм ахэр къышъуфигъэгъунхэм пае», ыІоти, умэхъэкІо Иуан (Яхья) цІыфхэр псым чІигъаощтыгъэх (ыумэхъыщтыгъэх). Еплъ Марк

 

–ШъуипсэкІодхэм шъуафыкІэгъожь, сыда пІомэ Тхьэу уашъом щыІэм и Тетыгъошхо* къэблэгъагъэшъ ары.

3Иуан ары пегъымбар Исайас мырэущтэу зыфиІуагъэр:*

«Шъоф нэкІым зы джэ макъэ горэ къыщэІу:

Зиусхьаным игъогу фэжъугъэпси,

игъогу лъагъохэр зэшъхьэ-зашъоу фэшъушІых».

4Иуан мэхъшэцым хэшІыкІыгъэу щыгъын щыгъыгъ, ыбги шъо бгырыпх илъыгъ. Гъомлапхъэу иІагъэр мацІэхэмрэ шъоф шъоумрэ арыгъэ. 5Джащыгъум Ерусалим дэс цІыфхэри, Иудей хэкум зэкІэ ис цІыфхэри, Иордан псыхъом иІэгъо-благъом зэкІэ ис цІыфхэри Иуан ыдэжь кІощтыгъэх. 6ПсэкІодэу ашІагъэхэр Тхьэм ыпашъхьэ ралъхьахэти, Иордан псыхъом Иуан зыщырагъэумэхъыщтыгъ.

7Зырагъэумэхъынэу фарисейхэмрэ* саддукейхэмрэ* ащыщхэу бэу ыдэжь къакІохэу Иуан зелъэгъум, ахэмэ ариІуагъ:

–Шъо, блэщылъфхэр*! Тхьэм игубжэу къэкІощтым шъуІэкІэкІынэу хэт шъушъхьэ къизылъхьагъэр? 8Шъуипсэ-

 

1:4. Исус уашъом зыдэкІоежьыгъэм къыщегъэжьагъэу, цІыфхэм диным ехьылІагъэу тетыгъо зиІэ цІыф горэм зырагъэумэхъы – а цІыфым ахэр псым чІегъаох, е псы тІэкІу ашъхьэхэм атыреутхэ. Арэущтэу ИсускІэ шІошъхъуныгъэ яІэ зэрэхъугъэр къагъэлъагъо. Ащ нэмыкІэуи Исус лІи, лІагъэхэм къызэрахэтэджыкІыжьыгъэм пае, япсэкІодхэр къафэгъугъэхэу, мыкІодыжьын щыІэныгъэ яІэ зэрэхъугъэми шыхьат фэхъух.

3:2 Тхьэу уашъом щыІэм и Тетыгъошхо – Тхьэм мы дунаеми, мы дунаем ицІыфхэми тетыгъошхоуи лъэкІыныгъэшхоуи афыриІэр ары. Инджылыр Тхьэм и Тетыгъошхо зытегущыІэкІэ, зыфиІорэр загъорэ мы уахътэм Тхьэм тетыгъошхоу иІэр ары, загъори къэкІощт уахътэм тетыгъошхоу иІэщтыр ары, загъори Тхьэм ыдэжь мыкІодыжьын щыІэныгъэ щыуиІэныр ары.

3:3 пегъымбар Исайас зыфиІуагъэр – еплъ Пегъымбар Исайас тхылъэу ытхыгъэм 40:3. Пегъымбар Исайас, Исус къэхъуным ыпэкІэ 759-698-рэ илъэсхэм къакІоцІ псэугъагъ.

3:7 фарисейхэр – джуртхэм ащыщхэу диным рылажьэрэ цІыф купэу щытыгъэх. Ахэр Тэурат хабзэм итхэмрэ ятэжъхэм къакІэныжьыгъэ хабзэхэмрэ агу етыгъэу апылъыщтыгъэх.

3:7 саддукейхэр – дин пащэхэм ащыщхэу, диным пылъхэу зы тхьамэтэ купэу щытыгъэх. Ахэмэ тхылъ лъапІэхэу алъытагъэхэр Тэурат хабзэм ит тхылъитфыр ары ныІэп.

3:7 блэщылъф – блэм къыхэкІырэ лъфыгъэр ары.

 

кІодхэм шъуафыкІэгъожьыным фэшъошэ ІофышІухэр жъугъэцакІэх. 9«Ибрахьимэ тэ тятэ ары», шъугукІэ шъуІонэу шъуфитэу шъумыгугъ, сыда пІомэ сэ шъосэІо, Тхьэм мы мыжъохэм Ибрахьимэ пае бынхэр къахигъэхъукІын ылъэкІыщт. 10Ощыр чъыг лъапсэхэм атыраубытэгъах. Арэущтэу сыдрэ чъыгэу шІугъэ къызпымыкІэрэр раупкІынышъ, машІом падзэщт.

11–ШъуипсэкІодхэм шъузэрафыкІэгъожьыгъэр къэжъугъэлъэгъонэу сэ псымкІэ шъусэумэхъы, ау саужкІэ къэ­кІощтым сэщ нахьи нахь лъэкІыныгъэшхо иІ. Ащ ицуакъэхэр фэсхьынхэуи сифэшъуащэп. Ащ Тхьэм Ыпсэ Лъа­пІэрэ машІомрэкІэ шъо шъуиумэхъыщт. 12Ащ ихьанцэ ыІэ кІэлъ, ихьамэщи ыукъэбзыжьынышъ, икоци кон­хэм аритэкъожьыщт, ау уарзэр мыкІосэжьын машІокІэ ыгъэстыщт.

 

Иуан Исус зэриумэхъыгъэр

(Марк 1:9-11; Лука 3:21-22)

 

13Джащыгъум Исус Галилей хэкум къикІи, Иордан псы­хъом къэкІуагъ Иуан зыригъэумэхъынэу. 14Ау Иуан ымыдэу, Исус мырэущтэу риІуагъ:

–О сэ сыуумэхъын фае. Сэ о усыумэхъынэу укъысфэ­кІуа?

15–Джы арэущтэу орэхъу,– ыІуи, Исус Иуан пэгъокІ ритыжьыгъ, –сыда пІомэ джаущтэу ары шъыпкъэгъэ пстэури зэрэдгъэцэкІэн фаер.

Исус аущтэу къызыреІом, Иуан къезэгъи ыумэхъыгъ.

16Исус Иуан зызэрэригъэумэхъэу, псым къыхэкІы­жьыгъ. Псым къызыхэкІыжьым, уашъор зэІукІи, Тхьэм ыпсэ ЛъапІэ тхьаркъом фэдэу ежьым къызэрэфехырэр ылъэгъугъ. 17ЕтІанэ уашъом зы макъэ къиІукІыгъ:

–Мары сэ шІу слъэгъурэ Скъо кІасэу сыгу зэГурэр.*

 

3:17 Мары сэ шІу слъэгъурэ Скъо кІасэу сыгу зэІурэр – еплъ Сэбур (Псалтыр) 2:7; Пегъымбар Мусэ апэрэ тхылъэу ытхыгъэм 22:2; Пе­гъымбар Исайас тхылъэу ытхыгъэм 42:1.

 

 

 

04

ЯПЛІЭНЭРЭШЪХЬ

Шэйтаныр Исус псэкІод ригъэшІэнэу ыуж зэритыгъэр

(Марк 1:12-13; Лука 4:1-13)

 

Джащыгъум Тхьэм Ыпсэ ЛъапІэ Исус шъоф нэкІым ыщагъ. Тхьэм Ыпсэ ЛъапІэ Исус ащ дэжьым зыфи­щагъэр шэйтаныр Исус псэкІод ригъэшІэнэу ыуж иты­ныр ары. 2Исус мэфэ тІокІитІурэ чэщ тІокІитІурэкІэ зенэкІы ужым, къэмэлэкІагъ. 3Шэйтанэу цІыфхэм псэ­кІод языгъэшІэнэу ыуж итыр Исус къыбгъодахьи къы­риІуагъ:

–О Тхьэм ури Къомэ, мы мыжъохэр хьалыгъу хъунхэу унашъо шІы.

4–Тхьэм игущыІэ тхыгъэхэм арыт,*– къыІожьыгъ Исус,

–«Хьалыгъу закъор арэп цІыфыр зэрэпсэущтыр,

сыдрэ гущыІэу Тхьэм ыжэ къыдэкІырэр ары нахь».

5Ащ нэужым шэйтаным Исус къэлэ лъапІэм зыдищи, Тхьэм иунэшхо нахь лъэгапІэу иІэм тыригъэуцуи, 6къы­риІуагъ:

–О Тхьэм ури Къомэ, мыщ дэжьым зыщедзых; сыда пІомэ Тхьэм игущыІэ тхыгъэхэм арыт:*

«Тхьэм имэлэІичхэм о къыохьылІагъэу унашъо къафишІыщт,

о плъакъокІи мыжъом уемыутэкІыным пае, аІэхэмкІэ уаІэтыщт».

7–Мырэущтэуи Тхьэм игущыІэ тхыгъэхэм арыт, *–ри­Іожьыгъ Исус, –«Зиусхьанэу уи Тхьэ умыушэты».

8ЕтІани шэйтаным Исус Іошъхьэ лъэгэ дэдэ горэм дищаий, дунаем тет пачъыхьагъо пстэури, ахэмэ щытхъу­шхоу яІэри къыригъэлъэгъуи, 9къыриІуагъ:

 

4:4 Тхьэм игущыІэ тхыгъэхэм арыт – еплъ Пегъымбар Мусэ ятфэнэрэ тхылъэу ытхыгъэм 8:3

4:6 Тхьэм игущыІэ тхыгъэхэм арыт – еплъ Сэбур (Псалтыр) 91:11-12 (урыс библиемкІэ 90:11-12).

4:7 Тхьэм игущыІэ тхыгъэхэм арыт – еплъ Пегъымбар Мусэ ятфэнэрэ тхылъэу ытхыгъэм 6:16.

 

–ЧІыгум зебдзыхызэ сэ сыбгъэлъапІэмэ, ахэр зэкІэ къы­остыщтых.

10–Сауж икІ, шэйтан!– риІожьыгъ Исус. –Сыда пІомэ Тхьэм игущыІэ тхыгъэхэм арыт:* «Зиусхьанэу уи Тхьэ бгъэлъапІэзэ, ежьым изакъоу уфэлэжьэн фае».

11Исус ар зыреІом, шэйтаныр ащ ыуж икІыжьыгъ, мэлэІичхэри къыфехыхи, Исус фэІофтабгэхэу аублагъ.

 

Исус иІоф Галилей хэкум зэрэщиублагъэр

(Марк 1:14-15; Лука 4:14-15)

 

12Иуан хьапсым чІадзагъэу* Исус къэбар зызэхехым, Галилей хэкум кІожьыгъэ. 13Назарет къалэм дэкІыжьи, хэкухэу Завулонрэ Неффалимрэ* зыцІэхэм ащыщэу псы­Іушъом Іут Капернаум къалэм кІуи, ащ дэтІысхьагъ. 14Исус арэущтэу зыфишІагъэр пегъымбар Исайас мы гу­щыІэхэу къыІуагъэхэр* къэшъыпкъэжьынхэр ары:

15«Завулон хэкур, Неффалим хэкур, псы Іушъом Іут хэкур, Иордан псыхъом иадрабгъу щыІэ хэкур, хымэ лъэпкъхэм яхэкоу Галилей!» (Ахэмэ атегущыІэу пегъымбарым мырэущтэу къыІуагъ:)

16«ЦІыфхэу шІункІыгъэм хэтхэм нэфынэшхо алъэгъугъ;

лІэныгъэм ищынагъо хэку шІункІым ис цІыфхэми нэфынэ къатридзагъ».

 

4:10 Тхьэм игущыІэ тхыгъэхэм арыт – еплъ Пегъымбар Мусэ ятфэнэрэ тхылъэу ытхыгъэм 6:13.

4:12 Иуан хьапсым чІадзагъэу – Ирод Антипэу Галилей хэкумрэ Перей хэкумрэ япщ иунашъокІэ умэхъэкІо Иуан хьапсым чІадзагъ. Еплъ Маттэ 14:3-4.

4:13 хэкухэу Завулонрэ Неффалимрэ – Завулонрэ Неффалирэ Израил лъэпкъым щыщ лІэкъуитІоу (унэгъо лъэпкъитІоу) щытыгъэх. Ахэмэ яхэкухэр Галилей псыхъураем итыгъэ къохьэпІэ лъэныкъокІи итемыр лъэныкъокІи итыгъэх. Темыр зыфаІорэр арапыбзэкІэ «шэмал», ты­ркубзэкІи «кузей» зэраІорэр ары.

4:14-16 пегъымбар Исайас мы гущыІэхэу къыІуагъэхэр... – еплъ Пе­гъымбар Исайас тхылъэу ытхыгъэм 9:1-2.

 

17А лъэхъанэм къыщегъэжьагъэу Исус Тхьэм игущы­Іэхэр цІыфхэм аригъэІухэу къыублагъ:

–ШъуипсэкІодхэм шъуафыкІэгъожь, сыда пІомэ Тхьэу уашъом щыІэм и Тетыгъошхо* къэблэгъагъэшъ ары.

 

Исус пцэжъыяшэ нэбгыриплІ игъогу рыкІонхэу къызэряджагъэр

(Марк 1:16-20; Лука 5:1-11)

 

18Исус Галилей псыхъураем* иІушъо рекІокІызэ, зэ­къошитІу ылъэгъугъ. Ахэр Симонэу ПетрэкІэ заджэхэ­рэмрэ ащ ыш Индрысрэ арыгъэ. Ахэмэ хъытыур псыхъу­раем хадзэщтыгъэ, сыда пІомэ пцэжъыяшэхэу щытыгъэ­хэти ары. 19Исус ахэмэ ариІуагъ:

–Сауж шъукъырыкІу. Пцэжъые къэшъуубытыным пае, ыуж шъузэритыгъэм фэдэу, цІыфхэр сэ сигъогу къытежъу­гъэхьанхэм пае ауж шъузэрихьащтыр шъозгъэшІэщт.

20Ахэмэ а гущыІэхэр зэрэзэхахэу, яхъытыухэр къа­бгынэхи, Исус ыуж ихьагъэх.

21Исус нахь чыжьэу кІозэ, ахэмэ анэмыкІэу зэкъоши­тІоу Зеведей ыкъохэу Якъубэрэ Иуанрэ ылъэгъугъэх. Ахэм ятэ Зеведей ягъусэу, къуашъом исхэу яхъытыухэр агъэхьазырыщтыгъэх. Исус ахэми яджагъ. 22Ахэмэ зэ­ряджэу, къуашъори яти къабгынэхи, Исус ыуж ихьагъэх.

 

Исус Галилей хэкум цІыф купышхом Тхьэм

игущыІэхэр зэрэщаригъашІэщтыгъэхэр

ыкІи зэрэщигъэхъужьыщтыгъэхэр

(Лука 6:17-19)

 

23Исус зэкІэ Галилей хэкур къыкІухьэзэ, синэгогухэм* цІыфхэм Тхьэм игущыІэхэр щаригъашІэщтыгъэх, Тхьэм

 

4:17 Тхьэу уашъом щыІэм и Тетыгъошхо – еплъ 3:2.

4:18 Галилей псыхъураер – Галилей хэкум ит псыхъурай. ИкІыхьагъэ километрэ 21-рэ мэхъу, инахь шъомбгъуапІэр километрэ 13 мэхъу.

4:23 синэгогу – джуртмэ ятхьэлъэІупІ ары.

 

 

и Тетыгъошхо ехьылІэгъэ къэбарышІури аригъэІущтыгъ, цІыфхэм ащыщэуи хэтрэ сымаджи гъойщаий ыгъэ­хъужьыщтыгъ. 24Арышъ, Исус икъэбар Сирие хэкум* тыдэкІи щыІугъ. Сымэджэ зэфэшъхьафи уз зэфэ­шъхьафи зиІэ пстэури Исус къыфащэщтыгъэх; джына­пцІэ зыхэсхэри, къытефэхэрэри, зыІэпкъ-лъэпкъ узым зэкІиубытагъэхэри ыгъэхъужьыщтыгъэх. 25 Галилей хэ­куми, КъэлипшІ* зыцІэ хэкуми, Ерусалими, Иудей хэкуми, Иордан псыхъом иадрабгъуи щыщхэр купышхохэу Исус ыуж ихьащтыгъэх.

 

 

 

05

ЯТФЭНЭРЭШЪХЬ

 

Исус Іуашъхьэм тетэу Тхьэм игущыІэхэр зэригъэІугъэхэр

(Маттэ 5-7)

 

Исус цІыф купышхохэр зелъэгъухэм, Іуашъхьэм дэ­кІуаий, тІысыгъэ. ЗэтІысым, игъогу рыкІохэрэр ежьым къыбгъодахьэхи, 2Исус ахэмэ Тхьэм игущыІэхэр аригъа­шІэхэу ыублагъ:

 

Сыхьатмафэ ежьагъэхэр

(Лука 6:20-23)

 

3–Гурэ псэрэкІэ тхьамыкІэхэу щытхэр* сыхьатмафэ ежьагъэх, сыда пІомэ ахэр Тхьэу уашъом щыІэм и Тетыгъошхо* ыІэчІэгъ чІэтых.

 

4:24 Сирие хэкур – Рим (Рум) къэралыгъошхом щыщ хэкоу щытыгъ. Израил хэгъэгур Сирие хэкум щыщыгъ.

4:25 КъэлипшІ – ахэр хымэ къалэхэу щытыгъэх. Ахэм анахьыбэхэр Джалил псыхъураем икъыблэ тыгъэ къыкъокІыпІэ лъэныкъомкІэ итыгъэх.

5:3 гурэпсэрэкІэ тхьамыкІэхэу щытхэр – Тхьэр зэрящыкІагъэр зыдэзы­шІэжьхэрэр ары.

5:3 Тхьэу уашъом щыІэм и Тетыгъошхо – еплъ 3:2.

 

4Гукъао зиІэхэр сыхьатмафэ ежьагъэх, сыда пІомэ ахэмэ ягукъао Тхьэм ашъхьэщихыщт.

5Зыгу пэгагъэ имылъхэр сыхьатмафэ ежьагъэх, сыда

пІомэ ахэмэ ІэхьышІоу къалъысыщтыр чІылъэр ары.

6Шъыпкъагъэм фэзэщхэу, фалІэхэрэр сыхьатмафэ

ежьагъэх, сыда пІомэ ахэмэ афырикъун шъыпкъагъэ агъотыжьыщт.

7ГукІэгъу зыгу илъхэр сыхьатмафэ ежьагъэх, сыда пІомэ ахэмэ гукІэгъу агъотыжьыщт.

83ыгу къабзэхэр сыхьатмафэ ежьагъэх, сыда пІомэ

ахэмэ Тхьэр алъэгъущт.

9ЗэшІуныгъэ цІыфмэ ахэзылъхьэхэрэр сыхьатмафэ ежьагъэх, сыда пІомэ ахэмэ Тхьэм ибынхэкІэ яджэщтых.

10Шъыпкъагъэм пае цІыфхэу къин зэрагъэщэчхэрэр сыхьатмафэ ежьагъэх, сыда пІомэ ахэр Тхьэу уашъом щыІэм и Тетыгъошхо ыІэчІэгъ чІэтых.

11–Сэ сигъогу шъузэрэрыкІорэм пае, цІыфхэр къышъо­хъонхэмэ, къин шъуагъэщэчмэ, къышъуфэмышъуашэу Іэегъэ пстэури къышъуаІуалІэмэ, сыхьатмафэ шъуе­жьагъ. 12Шъутхъэжь, инэуи шъугушІу, сыда пІомэ Тхьэм уашъом ІэхьышІоу къыщышъуфигъэшъошэщтыр инышъ ары. Арэущтэу шъо шъуапэкІи пегъымбархэм къин ара­гъэщэчыщтыгъ.

 

Щыгъумрэ нэфынэмрэ

(Марк 9:50; Лука 14:34-35)

 

13–ЧІылъэм ищыгъур шъоры. Ау щыгъум ищыугъэ хэкІымэ, сыдэущтэу ащ ищыугъэ хэплъхьажьыщта? Зы­кІи ишІуагъэ къэкІожьыщтэп. Ар ратэкъужьынышъ, цІыфмэ аулъэгущт.

14–Дунаем инэфынэр шъоры. Іуашъхьэм тет къалэр гъэбылъыгъэу хъушъурэп. 153ыми остыгъэ хигъанэу, ар щэлъэ чІэгъым чІигъэуцорэп, итетыпІэ лъагэ тыре­гъэуцо нахь. ЕтІанэ унэм ис пстэуми ащ инэфынэ анэсы. 16Арышъ, цІыфмэ апашъхьэ шъуинэфынэ щэрэнэф, шъуишІушІагъэхэр алъэгъунхэшъ, Шъуятэ лъапІэу уа­шъом щыІэм щытхъу фашІыным пае.

Тэурат хабзэм ехьылІагъ

 

17–Муса и Тэурат хабзэ* итхэмрэ пегъымбархэм атхы­гъэ тхылъхэм* арытхэмрэ згъэкІодынхэу сыкъэкІуагъэу шъумыгугъ. Ахэр згъэкІодынхэу арэп сыкъызфэкІуа­гъэр, изгъэкъунхэу ары нахь. 18Шъыпкъэр шъосэІо, уашъомрэ чІылъэмрэ щэІэхэфэ, Мусэ и Тэурат хабзэ итхэу хьарыфхэм анахь цІыкІуи зы уцупІи хэкІодыкІы­щтэп, ащ ит пстэури къэшъыпкъэжьыфэ. І9 ЦІыфэу мы унашъохэм анахь цІыкІухэм ащыщэу зыгорэм емыдэІоу, адрэ цІыфхэри а унашъом емыдэІунхэу языгъашІэрэм Тхьэу уашъом щыІэм и Тетыгъошхо ыІэчІэгъ чІэт цІыфхэм анахь цІыкІу дэдэкІэ еджэщтых. Ау мы унашъохэр зыгъэца­кІэу, цІыфмэ ахэр языгъашІэрэр Тхьэу уашъом щыІэм и Тетыгъошхо ыІэчІэгъ чІэт цІыф инхэм ащыщкІэ еджэ­щтых. 20Шъыпкъэр шъосэІо, шъуишъыпкъагъэ Тэурат егъэджэкІо пащэхэмрэ* фарисейхэмрэ* яшъыпкъагъэ нахьи нахь ин мыхъумэ, Тхьэу уашъом щыІэм и Теты­гъошхо ыІэчІэгъ шъучІэхьащтэп.

 

Губжыным ехьылІагъ

 

21–Пэсэрэ цІыфхэм зэрараІуагъэр* шъо зэхэшъухыгъ: «ЦІыф умыукІ. ЦІыф зыукІырэр хьыкумышІэм* ыпашъ­хьэ ращэщт». 22Ау сэ шъосэІо, хэтми ежь ышы* фэ­губжырэр хьыкумышІэм ыпашъхьэ ращэщт. Ежь ышы

 

5:17 Тэурат хабзэр – пегъымбар Мусэ тхылъитфэу ытхыгъэхэр ары. Тэурат хабзэр джуртхэм ятхылъ лъапІэхэм ащыщэу апэрэ Іахьэу мэхъу.

5:17 пегъымбархэм атхыгъэ тхылъхэр – джуртхэм ятхылъ лъапІэхэм ащыщхэу ятІонэрэ Іахьэу мэхъу.

5:20 Тэурат егъэджэкІо пащэхэр – еплъ 2:4.

5:20 фарисейхэр – еплъ 3:7.

5:21 цІыфхэм зэрараІуагъэр – еплъ Пегъымбар Мусэ ятІонэрэ тхылъэу ытхыгъэм 20:13.

5:21 хьыкумышІэр – зы цІыф горэ хыеу е мысэу щытмэ, хабзэм иунашъо тетэу зэхэзыфырэр ары.

5:22 шыхэр – зы диным рылажьэхэрэр ары.

 

 

«О ушъхьэнэкІ!» езыІорэр Тхьэмэтэ Хэсэшхом* ыпашъ­хьэ ращэщт. Ау ышы «О удел!» езыІорэр джэхьнэмы машІом кІоныр фэшъуашэу мысэ хъущт.

23–Арышъ, Тхьэм ептынэу тыныр къурмэн шІыпІэм зыпхьыкІэ, о пшы гукъанэ горэ къыпфыриІэу угу къэ­кІыжьмэ, 24уитын къурмэн шІыпІэм ыпашъхьэ къыщы­гъани, ыпэрапшІэу кІуи, пшы ешІужь. ЕтІанэ къакІуи, уитын тыжь.

25–О уидэогъу псынкІэу ешІужь, уригъусэу гъогум утетыфэ. Армырмэ хьыкумышІэм ыпашъхьэ урищэщт. ХьыкумышІэми иІофшІакІо уІэкІилъхьащт, хьапсыми учІадзэщт. 26Шъыпкъэр осэІо, аужырэ чапычыр* оты­жьыфэ, хьапсым укъычІэкІыжьыщтэп.

 

Зинэ шІэным ехьылІагъ

 

27–ЗэраГуагъэр* зэхэшъухыгъ: «Зинэ умышІэ». 28Ау сэ шъосэІо, хэти зы бзылъфыгъэ горэм енэцІэу еплъымэ, ыгукІэ зинэ ышІэгъах. 29Арышъ, о унэ джабгъу псэ­кІод пшІэнэу удихьыхмэ, къитхъыжьи чІэдз. О ппкъы зэкІэ джэхьнэмым хадзэным нахьи, о пІэпкълъэпкъхэм ащыщэу зы пшІокІодыныр оркІэ нахьышІу. 30О пІэ джабгъуи псэкІод пшІэнэу удихьыхмэ, пыупкІыжьи чІэдз. О ппкъы зэкІэ джэхьнэмым кІоным нахьи, пІэпкъ-лъэпкъ­хэм ащыщэу зы пшІокІодыныр оркІэ нахьышІу.

 

5:22 Тхьэмэтэ Хэсэшхор – дин Іофхэм яхьылІагъэу хьыкум зышІэу, анахь тетыгъо зиІэ хасэу джуртхэм яІагъэр ары. Тхьэмэтэ нэбгырэ 70-рэ Тхьэмэтэ Хэсэшхом щыщыгъэх. А хэсэшхом итхьаматэр дин пэщэшхор арыгъэ. Тхьэмэтэ Хэсэшхом загъорэ «СинедрионкІэ» еджэх.

5:26 чапыч – арапыбзэкІи тыркубзэкІи «хъурышэ» мэхъу.

5:27 зэраІуагъэр – еплъ Пегъымбар Мусэ ятІонэрэ тхылъэу ытхыгъэм 20:14.

 

Шъхьэгъусэ тІупщыжьыным ехьылІагъ

(Маттэ 19:9; Марк 10:11-12; Лука 16:18)

 

31–Пасэм мыри аІуагъ:* «Зишъуз зытІупщыжьырэм къызэритІупщыжьырэ тхылъ рерэт». 32Ау сэ шъосэІо, ишъуз зинэ ымышІагъэу, хэтми зытІупщыжьырэм шъу­зым зинэ ригъэшІагъэу мэхъу, (етІанэ шъузыр джыри дэкІожьмэ). Ащ фэдэу хэтми лІы горэм къытІупщы­жьыгъэ шъуз къэзыщэжьырэм зинэ ышІагъэу мэхъу.

 

ТхьарыІоным ехьылІагъ

 

З3–Джыри пэсэрэ цІыфхэм зэрараІуагъэр* шъо зэхэ­шъухыгъ: «ЗыкІи пцІыкІэ тхьарыІо умышІы, ау Зиус­хьаным фэпшІыгъэ тхьарыІохэр бгъэшъыпкъэжьынхэ фае». 34Ау сэ шъосэІо, шъо тхьарыІо зыкІи шъушІы хъущтэп, уашъомкІи тхьарыІо шъумышІы, сыда пІомэ уашъор Тхьэм итІысыпІэ лъапІэу щытышъ ары. 35 ЧІы­лъэмкІи тхьарыІо шъумышІы, сыда пІомэ ар Тхьэм ылъакъохэр зытет лъэгукІэтын лъапІэу щытышъ ары. ЕрусалимкІи тхьарыІо шъумышІы, сыда пІомэ ар пачъыхьэшхом икъалэшъ ары. 360 пшъхьэкІи тхьарыІо умышІы, сыда пІомэ, зы шъхьац налъэ нэмыІэми, шІуцІи фыжьи пшІын плъэкІыщтэп. 37Ау шъуигущыІэ «Ары» шъуІоу щытмэ, ар жъугъэцакІэ, шъуигущыІи «Хьау, арэп» шъуІоу щытмэ, ари жъугъэцакІэ. Ащ блэкІырэр шэйтаным иІоф щыщ.

 

ЦІыф бзаджэм шъупэмыуцужь

(Лука 6:29-30)

 

38–Мыри зэраІуагъэр* зэхэшъухыгъ: «О унэ къеІэрэм ынэ еІэжь, о пцэ къеорэм ыцэ еожь», 39ау сэ шъо-

 

5:31 мыри аІуагъ – еплъ Пегъымбар Мусэ ятфэнэрэ тхылъэу ытхыгъэм 24:1.

5:33 цІыфхэм зэрараІуагъэр – еплъ Пегъымбар Мусэ ящэнэрэ тхылъэу ытхыгъэм 19:12, яплІэнэрэ тхылъэу ытхыгъэм 30:2, ятфэнэрэ тхылъэу ытхыгъэм 23:21.

5:38 зэраІуагъэр – еплъ Пегъымбар Мусэ ятІонэрэ тхылъэу ытхыгъэм 21:24.

 

сэІо, цІыф бзаджэм шъупэмыуцужь. Ау хэти о унэкІушъо джабгъу къеорэм адрэ нэкІушъори фэгъаз. 403ыгорэ уиджанэ пІихынэу къыодэонэу фаемэ, уищыгъын кІы­Іутелъи къыфэгъан. 41Лъэубэкъу мин дэпкІунэу уез­гъэзырэм лъэубэкъу минитІу дэкІу. 42О зыгорэкІэ къыо­лъэІурэм ет, чІыфэ пІызыхынэу фаеми уакІыб фэмыгъаз.

 

Шъуипыйхэр шІу шъулъэгъух

(Лука 6:27-28, 32-36)

 

43–ЗэраІуагъэр* зэхэшъухыгъ: «Уигъунэгъу шІу лъэ­гъу, уипый уджэгъу». 44Ау сэ шъосэІо, шъуипыйхэр шІу шъулъэгъух, цІыфхэу къин шъозыгъэщычыхэрэм Тхьэм шІукІэ шъуафелъэІу, 45Шъуятэ лъапІэу уашъом щыІэм ибынхэу шъухъуным пае. Ащ итыгъэ цІыф бзаджэ­хэми цІыфышІухэми къафыкъуегъэкІы, шъыпкъагъэ зиІэ­хэми зимыІэхэми ощх къафырегъэщхы. 46ІПІу шъузылъэ­гъухэрэм язакъоу шІу шъулъэгъухэмэ, сыд фэдэ Іэхьы­шІуа шъузщыгугъырэр? Хьакъулахь ахъщэр* хэзыххэрэм а дэдэр арыба ашІэрэр? 47Шъо шъушыхэм анэмыкІ зыми ыІапэ шъумыубытмэ, илыягъэу сыда шІугъэу шъу­шІэрэр? Хымэ лъэпкъхэми а дэдэр ашІэба? 48Арышъ, Шъуятэ лъапІэу уашъом щыІэм ишъыпкъагъэ щыкІа­гъэ зи имыІэу, ежьыр икъугъэу зэрэщытым фэдэу, шъори зишъыпкъагъэ щыкІагъэ зи имыІэу, цІыф икъу­гъэхэу шъущытын фае.

 

5:43 зэраІуагъэр – еплъ Пегъымбар Мусэ ящэнэрэ тхылъэу ытхыгъэм 19:18. ГущыІэхэу «уипый уджэгъу» зыфаІохэрэр а тхылъым итхэп.

5:46 хьакъулахь ахъщэр – цІыфхэр къалэ горэм зыдахьэхэкІэ е зыдэ­кІхэкІэ, псэуалъэхэу, хьапщыпхэу, лэжьыгъэхэу яІэхэм Рим (Рум) къэралыгъошхом (хьыкумэтым) ахъщэу атырилъхьащтыгъэр ары. ЦІы­фхэм, анахьэу дин тхьаматэхэм, хьакъулахь ахъщэр хэзыххэрэр зэрапэ­сыщтыгъэхэп, гъэнэфэгъэу дин унашъохэм ахэр ямыдэІоу зэрэщыты­гъэхэм пае.

 

 

06

ЯХЭНЭРЭШЪХЬ

 

Сэдакъэм ехьылІагъ

 

–Шъо шІушІагъэр зышъушІэкІэ, цІыфхэм тагъэшІэ­гъощт шъуІоу, ахэмэ алъэгъоу зэрэшъумышІэнхэм шъу­фэсакъ. Армырмэ шъуЯтэ лъапІэу уашъом щыІэм Іэхьы­шІу къышъуфигъэшъошэщтэп.

2–Арышъ, сэдакъэ зыптыкІэ, цІыфхэм къэбар ямы­гъашІ, синэгогухэм* ачІэсхэу, урамхэми атетхэу нэпитІу зиІэ цІыфхэм адрэ цІыфхэм къэбар зэрарагъашІэрэм фэдэу, ежьхэм зыщагъэтхъужьынхэм пае. Шъыпкъэр шъосэІо, арэущтэу зышІэхэрэм яІахьэ агъотыгъах. 3Ау о сэдакъэ зыптыкІэ, о пІэ джабгъу Іофэу ышІырэр пІэ сэмэгу ымышІэу орэхъу, 4сэдакъэу о птыгъэр шъэфэу къэнэным пае. Ащыгъум Уятэ лъапІэу цІыфхэм шъэфэу ашІэрэр зылъэгъурэм уиІэхьэшІу къыуитыщт.

 

Тхьэм елъэІугъэным ехьылІагъ

(Лука 11:2-4)

 

5–Тхьэм шъуелъэІу хъумэ, нэпитІу зиІэ цІыфхэм зэра­шІырэм фэдэу шъумышІы. ЦІыфхэм зарагъэлъэгъуным пае, Тхьэм елъэІухэзэ, синэгогухэми урам къуапэхэми къащыуцунхэр якІас. Шъыпкъэр шъосэІо, ахэмэ яІахьэ агъотыгъах. 6Ау о Тхьэм уелъэІу зыхъукІэ, уи­унэ кІоцІы ихьажьи, пчъэр къыфэшІи, Уятэ лъапІэу цІыфхэм амылъэгъурэм елъэІу. Ащыгъум Уятэ лъапІэу цІыфхэм шъэфэу ашІэрэр зылъэгъурэм уиІэхьышІу къы­уитыщт. 7Тхьэм шъузелъэІукІэ, бащэ шъумыІо, хымэ лъэпкъхэм зэрашІырэм фэдэу; сыда пІомэ ахэмэ гущы­Іабэ къаІомэ, ятхьэлъэІухэмэ Тхьэр къядэІунэу мэгугъэх. 8Арышъ, ахэмэ зэрашІырэм фэдэу шъумышІы; сыда пІомэ шъо шъуелъэІуным ыпэкІэ шъуищыкІагъэр шъу­Ятэ лъапІэм ешІэшъ ары.

9–Мырэущтэу Тхьэм шъуелъэІу:

 

6:2 синэгогур – еплъ 4:23.

 

«О Тятэ лъапІэу уашъом щыІэр!

ПцІэ цІыфхэм агъэлъапІэу орэхъу.

10Уи Тетыгъошхо* къэрэкІу.

Узыфаер уашъом зэрэщыхъурэм фэдэу, чІылъэми щэрэхъу.

11Хьалыгъоу тищыкІагъэр непэ къытэт.

12Мыхъунэу тшІагъэхэр къытфэгъэгъух,

тэ мыхъун къытэзышІагъэхэм зэрафэдгъэгъурэм фэдэу.

13 Шэйтаным псэкІод тигъэшІэнэу фит умышІы, ащи тыщыухъум. МыкІодыжьын тетыгъошхори,

лъэкІыныгъэшхори, щытхъушхори оуиех. Амин».

14–ЦІыфмэ мыхъунэу ашІагъэхэр зафэжъугъэгъухэкІэ, Шъуятэ лъапІэу уашъом щыІэм шъори мыхъунэу шъу­шІагъэхэр къышъуфигъэгъущтых,– къыпигъэхъожьыгъ Исус. 15–Ау цІыфмэ мыхъунэу ашІагъэхэр шъо зафэ­шъумыгъэгъухэкІэ, Шъуятэ лъапІи шъо мыхъунэу шъушІагъэхэр къышъуфигъэгъущтхэп.

 

НэкІыным ехьылІагъ

 

16–Ащ фэдэу шъунэкІы зыхъукІэ, нэпитІу зиІэ цІыф­хэм афэдэу зышъумыгъэнэшхъэй; сыда пІомэ зэрэнэкІ­хэрэр цІыфмэ арагъэлъэгъуным пае, ахэмэ анахэ зэха­гъахьэ. Шъыпкъэр шъосэІо, ахэмэ яІахьэ агъотыгъах. 17, 18Ду o унэкІы зыхъукІэ, цІыфхэм ащ гу лъамытэу, Уятэ лъапІэу цІыфхэм амылъэгъурэм изакъоу зэрэунэ­кІырэм гу лъитэным пае, дэгъэ лъапІэ пшъхьэ щыф, унэгуи тхьакІы. Ащыгъум Уятэ лъапІэу цІыфхэм шъэ­фэу ашІэрэр зылъэгъурэм уиІэхьышІу къыуитыщт.

 

6:10 уи Тетыгъошхо – еплъ 3:2.

 

Уашъом мылъкушхо щышъуугъой

(Лука 12:33-34)

 

19–ЧІылъэм мылъкушхо щышъумыугъой, сыда пІомэ хъунэмрэ улъыинымрэ чІылъэм щыІэр щагъэкІоды, тыгъуакІохэми чІылъэм щыІэхэр атІэкІых ыкІи аты­гъух. 20Ау уашъом мылъкушхо щышъуугъой. Хъунэми улъыиными ащ дэжьым щагъэкІодырэп, тыгъуакІохэми щатІэкІырэп ыкІи щатыгъурэп. 21Сыда пІомэ о уимы­лъкушхо зыдэщыІэм угуи щыІэщт.

 

Пкъым иостыгъэ

(Лука 11:33-36)

 

22–Пкъым иостыгъэр нэр ары. Арышъ, о унэ псаумэ, о ппкъи зэкІэ нэфынэщт. 23Ау о унэ дэимэ, о ппкъи зэкІэ шІункІыщт. Арышъ, о пхэлъ нэфынэр шІункІымэ, а шІункІыгъэр сыдэу шІункІыгъэшху!

 

Тхьэмрэ ахъщэмрэ

(Лука 16:13)

 

24–Зы цІыфыр тхьэмэтитІум афэлэжьэн ылъэкІыщтэп, е зыр ыуджэгъунышъ, адрэр шІу ылъэгъущт, е зым шъыпкъэу фыщытынышъ, адрэр зэрипэсыщтэп. Шъо Тхьэми ахъщэми шъуафэлэжьэн шъулъэкІыщтэп.

 

ГумэкІыным ехьылІагъ

(Лука 12:22-34)

 

25–Арышъ, шъосэІо, «Сыда тшхыщтыр, сыда тешъо­щтыр?» шъуІоу, шъуищыІэныгъэ пае шъумыгумэкІ. «Сы­да тщыгъыщтыр?» шъуІоу, шъупкъы паий шъумыгумэкІ. Гъомылэм нахьи щыІэныгъэр нахь лъапІэба, щыгъыным нахьи пкъыр нахь лъапІэба? 26Ошъогум щыбыбырэ бзыу­хэм шъуяплъ. Ахэмэ чылапхъи апхъырэп, лэжьыгъи къа­хыжьырэп, конхэм аратэкъожьырэп, ау щытми Шъуятэ лъапІэу уашъом щыІэм ахэр егъашхэх. Шъо ахэмэ ана­хьи бэкІэ шъуанахь лъапІэба? 27ГумэкІынымкІэ хэта

 

шъо шъуащыщэу зищыІэныгъэ зы сыхьат закъокІэ зезыгъэукІыхьан зылъэкІыщтыр?

28–Щыгъыным пае сыда шъузкІэгумэкІырэр? Губгъо къэгъагъэхэм якъэкІыкІэ шъуеплъ. Ахэр лажьэхэрэп, ци аджырэп, 29ау сэ шъосэІо, ежь пачъыхьэ Сэлмэн сыд фэдизэу дахэу кІэракІэщтыгъэми, ахэмэ ащыщэу зыго­рэм фэдэу фэпагъэу щытыгъэп. 30А уцэу губгъом непэ итэу, неущ хьакум радзэжьыщтыр Тхьэм арэущтэу зи­гъэкІэракІэкІэ, ащ нахьи шъо бэкІэ нахь шъуигъэкІэ­рэкІэнба, шъо шІошъхъуныгъэ зимакІэхэр? 31Арышъ, «Сыда тшхыщтыр?» е «Сыда тешъощтыр?» е «Сыда тщы­гъыщтыр?» шъуІоу шъумыгумэкІ. 32Сыда пІомэ ащ фэдэ Іоф пстэури ары дунаем тет лъэпкъхэр зылъыхъухэрэр. А зэпстэури шъо зэрэшъуищыкІагъэр Шъуятэ лъапІэу уа­шъом щыІэм ешІэ. 33Ау ыпэрапшІэу Тхьэм и Тетыгъо­шхо иІофхэмрэ Тхьэм ишъыпкъагъэрэ ауж шъуит, етІанэ а Іоф пстэури къышъуІэкІэхьащтых. 34Арышъ, неущырэ мафэм шъуфэмыгумэкІ. Неущырэ мафэр ежь ышъхьэ фэ­гумэкІыжьыщт, сыда пІомэ зыфэгумэкІыжьын икъун Іоф сыдрэ мафи иІэшъ ары.

 

 

 

07

ЯБЛЭНЭРЭШЪХЬ

 

Зыми хьыкум тешъумышІыхь

(Лука 6:37-38, 41-42)

 

–Зыми хьыкум тешъумышІыхь, Тхьэм хьыкум къы­шъутыримышІыхьаным пае. 2Сыда пІомэ шъо цІыфхэм хьыкум зэратешъушІыхьарэм фэдэу, Тхьэм шъори хьыкум къышъутыришІыхьащт, шъо шапхъэу зэрышъу­шырэм фэдэ шапхъэкІи Тхьэм шъо къышъуфишы­жьыщт.

3–О унэ пкъэоу кІэлъым гу лъымытэу, пхъэцалэу о пшы* ынэ кІэлъыр сыд пае плъэгъура? 4Пкъэур о унэ кІэлъ пэтызэ, сыдэущтэу пшы епІон плъэкІыра:

 

7:3 о пшы – еплъ 5:22.

 

«Пхъэцалэу о унэ кІэлъыр къычІэсэгъэх» пІоу? 5О нэпитІу зиІэр, ыпэрапшІэу пкъэоу о унэ кІэлъыр къыкІэхыжьи, етІанэ пхъэцалэу пшы ынэ кІэлъыр къызэрэкІэпхыжьы­щтыр нафэу плъэгъущт.

6–Іофхэу шъо шъугухэмкІэ лъапІэу щытхэр хьэхэмэ яшъумыт. Налмэс-налкъутэхэр къохэмэ апашъхьэ щи­шъумыпхъыхь. Армырмэ ахэмэ ахэр аулъэгунхэшъ, зы­къызэрагъэзэкІынышъ, шъори шъузэхацунтхъэжьыщт.

 

Тхьэм шъуелъэІу, шъулъыхъу, къэлапчъэм шъутеу

(Лука 11:9-13)

 

7–ШъуелъэІуи, Тхьэм къышъуитыщт; шъулъыхъуи, къэжъугъотыщт; къэлапчъэми шъутеуи, Тхьэм къы­шъуфыІуихыщт; 8сыда пІомэ хэтми Тхьэм елъэІурэр зыкІэлъэІурэр иІэ хъущт, лъыхъурэми зылъыхъурэр къыгъотыщт; къэлапчъэм теорэми Тхьэм къыфыІуи­хыщт.

9–Е цІыф къышъухэта, зыкъо хьалыгъу пае къелъэ­Іумэ, мыжъо езытыщтыр? 10Е пцэжъые пае къелъэІумэ, блэ езытыщтыр? 11Арэущтэу шъо шъубзаджэ пэтми, шъуибынхэм шІу яшъутын шъулъэкІымэ, ащ нахьи нахьыбэу Шъуятэ лъапІэу уашъом щыІэм ежьым елъэІухэрэм ІофышІухэр къаритыщтхэба? 12 Арэущтэу цІыфхэр къыжъудэзекІонхэу шъо шъузэрэфаем фэдэу, шъори ахэмэ сыдигъуи шъуадэзекІу. Джары Тэурат хабзэм итхэми пегъымбархэм атхыгъэхэми къарыкІырэр.

 

Къэлэпчъэ зэжъур

(Лука 13:24)

 

13–Къэлэпчъэ зэжъумкІэ шъудахь; сыда пІомэ кІоды­пІэм икъэлапчъэ шъуамбгъо, ащ кІорэ гъогури гъо­гушхошъ ары. А гъогум рыкІохэрэри бэ мэхъух. 14Ау щы­Іэныгъэм икъэлапчъэ зэжъу, ащ кІорэ гъогури бгъузэ. Ар къэзыгъотхэрэри макІэх.

 

Чъыгыр зыфэдэр къыпыкІэрэмкІэ къэпшІэщт

(Лука 6:43-44)

 

15–Пегъымбар нэпцІхэм шъуафэсакъ. Ахэмэ мэлышъо щыгъын ащыгъэу, ау агухэмкІэ тыгъужъ цунтхъакІо­хэм афэдэхэу шъуадэжь къэкІох. 16Чъыгыр зыфэдэр къыпыкІэрэмкІэ зэрэпшІэрэм фэдэу, а цІыфхэм Іофхэу агъэцакІэхэрэмкІэ ахэр зыфэдэхэр къэшъушІэщтых. Пырэжъые куандэм сэнашъхьэ къыпача, е шхъум ынджыр къыпача? 17Ащ фэдэу сыдрэ чъыгышІум шІу къыпэкІэ, ау чъыг дэим дэй къыпэкІэ. 18ЧъыгышІум дэй къыпыкІэн ылъэкІыщтэп, чъыг дэими шІу къыпыкІэн ылъэкІыщтэп. 19Сыдрэ чъыгэу шІу къызыпымыкІэрэр раупкІынышъ, ма­шІом падзэщт. 20Арышъ, а цІыфхэм Іофхэу агъэцакІэ­хэрэмкІэ ахэр зыфэдэхэр къэшъушІэщтых.

 

ЕгъашІэми шъо шъусшІэщтыгъэп

(Лука 13:25-27)

 

21–Хэтрэ цІыфэу «Зиусхьан! Зиусхьан!» сызыгъэлъа­пІэу къысэзыІорэр арэп Тхьэу уашъом щыІэм и Теты­гъошхо* ыІэчІэгъ чІэхьащтыр, Сятэ лъапІэу уашъом щыІэр зыфаер зыгъэцакІэрэр ары нахь. 22А мафэм цІыфыбэмэ мырэущтэу къысаІощт: «Зиусхьан! Зиусхьан! Тхьэм ежь игущыІэхэр тэ тыгухэм къарилъхьэхэу, ахэр о пцІэкІэ къатІощтыгъэхэба, джынапцІэхэри о пцІэкІэ цІыфмэ ахэтфыщтыгъэхэба, Іодышхо гъэшІэгъон Іаджы­хэри о пцІэкІэ тшІэщтыгъэхэба?» 23Ау сэ ахэмэ занкІэу ясІощт: «ЕгъашІэми шъо шъусшІэщтыгъэп. СанэІу шъуикІ, шъо бзэджашІэхэр».

 

7:21 Тхьэу уашъом щыІэм и Тетыгъошхо – мыщ дэжьым ащ къикІырэр Тхьэм ицІыф лъапІэхэр игъусэхэу зыдэщыІэр ары.

 

Унэ зышІырэ лІы Іушымрэ унэ зышІырэ лІы акъылынчъэмрэ

(Лука 6:47-49)

 

24–Арышъ, хэти сэ сигущыІэхэр зэхэзыхэу, ахэри зы­гъэцакІэрэр зыфэдэр лІы Іушэу зиунэ мыжъо пытэм тезышІыхьагъэр ары. 25Ощхыр къещхыгъ, псыхэри къи­угъэх, жьыбгъэхэри къепщэхэзэ, а унэм тезэрэхьагъэх, ау а унэр къызэхэуагъэп, сыда пІомэ мыжъом тыра­шІыхьагъэти ары. 26Ау хэти сигущыІэхэр зэхэзыхэу, ахэри зымыгъэцакІэрэр зыфэдэр лІы акъылынчъэу, зиунэ пшахъом тезышІыхьагъэр ары. 27Ощхыр къе­щхыгъ, псыхэри къиугъэх, жьыбгъэхэри къепщэхэзэ а унэм тезэрэхьагъэх. А унэр къызэхэуагъ, къызызэхаоми, Іае дэдэу къызэхэуагъ.

28Исус мы гущыІэхэр къызеІохэм ыуж, цІыф купы­шхохэм Іофхэр зэраригъашІэщтыгъэ шІыкІэр агъэшІэ­гъуагъ, 29сыда пІомэ Тэурат егъэджэкІо пащэхэмрэ фарисейхэмрэ афэмыдэу, тетыгъошхо иІэу, цІыфхэм Іофхэр аригъашІэщтыгъэхэти ары.*

 

 

 

08

ЯЕНЭРЭШЪХЬ

 

Исус шъоджэ уз Іае зиІэ лІы горэ зэригъэхъужьыгъэр

(Марк 1:40-45; Лука 5:12-16)

 

Исус Іуашъхьэм къызехыжьым, цІыф купышхуабэхэр ыуж итхэу кІощтыгъэх. 2Ащ дэжьым шъоджэ уз Іае зиІэ лІы горэ Исус къыбгъодахьи, лъэгонджэмышъхьэкІэ ыпа­шъхьэ къитІысхьи къыІуагъ:

–О тхьаматэ, уфаемэ сыбгъэхъужьын плъэкІыщт.

 

7:29 тетыгъошхо иІэу, цІыфхэм Іофхэр аригъашІэщтыгъэхэти ары – Исус Тэурат егъэджэкІо пащэхэм афэдэу щытыгъэп. Ахэм пэсэрэ дин пащэ еджэгъэшхохэм ягущыІэхэмкІэ ежьхэм къаІуагъэхэр агъэшъыпкъэ­жьынхэм пылъыщтыгъэх.

 

3Исус ыІэ ыщэий, теІаби* къыІуагъ:

–Ары, сыфай, псаоу къэхъужь!

Ардэдэм шъоджэ узыр а лІым хэкІыжьи, къабзэу хъу­жьыгъэ. 4Ащ дэжьым Исус а лІым риІуагъ:

–Фэсакъ, мыр зыми емыІотэжь, ау дин пащэм ыдэжь кІуи зегъэлъэгъу. ЕтІанэ пегъымбар Мусэ иунашъо тетэу къурмэн шІы. Ар узэрэхъужьыгъэмкІэ цІыфхэм апа­шъхьэ шыхьат щыхъущт.

 

Исус дзэ пащэм иунэІут зэригъэхъужьыгъэр

(Лука 7:1-10; Иуан 4:43-54)

 

5ЕтІанэ Исус Капернаум къалэм* дэхьагъ. Зыда­хьэм, дзэ пащэ горэ къыбгъодахьи къелъэІугъ:

6–O тхьаматэ, сиунэІут ыІэпкъ-лъэпкъ узым зэкІиубы­тагъэу, гугъушхо ыхьэу, унэм илъ.

7–Сэ сыкъэкІонышъ, ар згъэхъужьыщт,– Исус ащ риІуагъ.

8–O тхьаматэ, о сиунэ укъихьанэу сифэшъуашэп,– къы­Іожьыгъ дзэ пащэм, –ау зы гущыІэ закъо къаІуи, унашъо шІи, сиунэІут хъужьыщт. 9Сыда пІомэ сэри лІы горэм иунашъо ыІэчІэгъ сычІэт, сэ сиунашъоми ыІэчІэгъ дзэ­лІхэр чІэтых. Зыгорэм «КІо» есІомэ, кІощт. Адрэми «КъакІо» есІомэ, къэкІощт. СиунэІути «Мыр шІэ» есІомэ, ышІэщт.

10Исус ар зызэхехым, ыгъэшІагъуи, игъусэхэм ариІуагъ:

–Шъыпкъэр шъосэІо, мыщ фэдэ шІошъхъуныгъэ зиІэ цІыф закъо Израил хэгъэгум изгъотагъэп. 11Ау сэ шъосэІо, тыгъэ къыкъокІыпІэмкІи тыгъэ къохьапІэмкІи цІыфы­бэхэр къикІынхэшъ, Ибрахьимэ, Исхьакъ, Якъубэ яъу­сэхэу Тхьэу уашъом щыІэм и Тетыгъошхо иешхэ- ешъо­шхо чІыпІэхэр щаубытыщтых. 12Ау мы пачъыхьагъом ицІыфхэр шІункІыгъэм икуупІэ хадзэщтых. Ащ дэжьым куохьауныгъэрэ цэ зэрэгъэшхыныгъэрэ щыхъущтых.

 

8:3 теІаби – шъоджэ уз Іае зиІэм утеІабэ хъущтыгъэп.

8:5 Капернаум къалэр – Галилей псыхъураем итемыр-тыгъэ къохьапІэ Іушъом Іут.

 

13ЕтІанэ Исус дзэ пащэм риІуагъ:

–КІо, о пшІошъ зэрэхъугъэм фэдэу къыбдэхъущт.

А сыхьат дэдэм пащэм иунэІут хъужьыгъэ.

 

Исус цІыфыбэхэр зэригъэхъужьыгъэхэр

(Марк 1:29-34; Лука 4:38-41)

 

14ЕтІанэ Исус Петрэ иунэ ихьи, Петрэ ишІугуащэ плъы­рстыркІэ сымаджэу, пІэм хэлъэу ылъэгъугъ. 15Исус ащ ыІапэ нэсыгъ, плъырстырыри хэкІыжьыгъ. ШІугуащэр къэ­тэджыжьи, Исус къыхьакІэу ыублагъ.

16Пчыхьашъхьэр къызэсым, джынапцІэ зыхэс цІыфы­бэхэр Исус ыдэжь къащагъэх. Исус джынапцІэхэр зы гущыІэкІэ цІыфмэ ахифыхи, сымэджэ пстэури ыгъэхъу­жьыгъэх. 17Арэущтэу зыфэхъугъэр пегъымбар Исайас мы гущыІэхэу къыІуагъэхэр* къэшъыпкъэжьынхэр ары:

«Тэ тигъойщаехэр ттырихи,

тиузхэр ежьым зытырилъхьажьыгъэх».

 

Исус игъогу рыкІоным къин щэчыныгъэу хэлъыр

(Лука 9:57-62)

 

18ЦІыф купышхуабэхэу къеуцокІыгъэхэр Исус зелъэ­гъухэм, игъогу рыкІохэрэм ариІуагъ:

–НекІо псыхъураем иадрабгъу тызэпырыжъугъэкІ.

19Джащыгъум зы Тэурат егъэджэкІо пащэ* горэ Исус къыбгъодахьи къыриІуагъ:

–Дин гъэсакІу, тыдэ укІоми, уауж сыкъырыкІощт.

20–Баджэхэм исынхэу бы яІ, ошъогу бзыухэми набгъо яІ, ау ЦІыф Лъэпкъым Ыкъо* ышъхьэ зэрихьылІэжьын чІы-

 

8:17 пегъымбар Исайас мы гущыІэхэу къыІуагъэхэр... – еплъ Пе­гъымбар Исайас тхылъэу ытхыгъэм 53:4.

8:19 Тэурат егъэджэкІо пащэ – еплъ 2:4.

8:20 ЦІыф Лъэпкъым Ыкъо – «ЦІыф Лъэпкъым Ыкъо фэдэу уашъом

 

пІэ иІэп,– риІожьыгъ Иисус.

21ЕтІанэ игъогу рыкІохэрэм ащыщэу нэмыкІ зыгорэм Исус къыриІуагъ:

–Тхьаматэ, ыпэрапшІэу сыкІонышъ, сятэ чІэслъхьа­жьынэу фит сыкъэшІ.

22–ЛІагъэхэу щытхэм ежьхэм ялІагъэхэм яхьадэхэр чІа­рэлъхьажьых, ау о сауж къырыкІу,– риІожьыгъ Исус.

 

Исус жьыбгъэ щынэгъошхор зэригъэуцугъэр

(Маркъэ 4:35-41; Лукъэ 8:22-25)

 

23Исус зы къуашъо горэм зетІысхьэм, игъогу рыкІохэ­рэри ыуж итхэу къуашъом итІысхьагъэх. 24ОшІэ-дэмы­шІэу жьыбгъэ щынэгъошхо псыхъураем къыщыхъуи, псыорхэр къуашъом къиохэу хъугъэ. Ау Исус чъыещты­гъэ. 25Джащыгъум ахэр Исус къыбгъодахьэхи, къагъэущи аІуагъ:

–Зиусхьан, тымыкІодэу тыкъэгъэнэжь, тэкІоды.

26–Сыда шъузкІэщынэрэр, шІошъхъуныгъэр зимакІэ­хэр?– ариІуагъ Исус ахэмэ. ЕтІанэ къэтэджи, жьыбгъэ­шхоми псыми ягыий, кІым-сым дэдэу къэхъугъ.

27–Хэта мыр жьыбгъэшхори псыри зыгъэдаІорэр?– аІуагъ цІыфхэмэ агъэшІагъоу.

 

Исус джынапцІэ зыхэс нэбгыритІу зэригъэхъужьыгъэхэр

(Марк 5:1-20; Лука 8:26-39)

 

28ЕтІанэ псыхъураем иадрабгъу ит хэкоу Гергесэ зыцІэ къалэм епхыгъэм Исус зынэсым, джынапцІэ зыхэс нэбгы­ритІу къэунэхэм къачІэкІыхи, къыпэгъокІыгъэх. А гъогум зы цІыфи бламыгъэкІэу, лІы ябгэхэу щытыгъэх.

 

иошъуапщэхэм ахэтэу, зыгорэ къехыгъ», пегъымбар Данил къыІогъэгъэ гущыІэхэр Исус ежь ышъхьэ пае ыІожьыгъэх. ЦІыф Лъэпкъым Ыкъоу зиунэ уашъом щыІэу, уашъом къехыгъэр Исус ары (Иуан 3:13). Гъощагъэхэм алъыхъузэ, мыкІодхэу къыгъэнэжьынхэм пае, ЦІыф Лъэ­пкъым Ыкъо къэкІуагъ (Лука 19:10). ЦІыфыбэмэ апае шъхьэщэфы­жьэу ыпсэ ытыным пае, ЦІыф Лъэпкъым Ыкъо къэкІуагъ (Марк 10:45). ЛІагъэхэм къахэтэджыкІыжьын фэягъ (Маттэ 17:9). Ежь Ятэ ищытхъушхо иІэу, дунаем ицІыфхэм хьыкум атришІыхьаным пае, ЦІыф Лъэпкъым Ыкъо дунаем къэкІожьыщт (Маттэ 25:31).

 

29–Тхьэм Ыкъу, сыда о уиІофэу къытхэлъыр? Игъо къэ­мысэу къин тэбгъэщэчынэу укъэкІуагъа?– аІозэ къэкууа­гъэх.

30Ау ахэмэ апэчыжьэу къо Іэхъогъушхо щыхъущтыгъ. 31Джащыгъум джынапцІэхэр Исус къелъэІугъэх:

–Мы лІыхэм тызахэпфыкІэ, мо къо Іэхъогъум тыгъа­кІуи, къохэмэ апкъыхэм тахэгъахь.

32–ШъукІу!– ариІуагъ Исус ахэмэ. Арэущтэу зеІом, джынапцІэхэр лІыхэм ахэкІыжьхи, къохэм апкъыхэм ахэ­хьагъэх. Къохэм апкъыхэм захахьэхэм, Іэхъогъур зэкІэ Іошъхьэ нэпкъым къечъэхи, псыхъураем хэлъадэхи, псым хэлІыхьагъэх. 33Ау къуахъохэр хэхьажьхи, къалэм кІохи, хъугъэ-шІэгъэ пстэури, джынапцІэ зыхэс лІитІум къащы­шІыгъэри щаІотагъ. 34Къэбарыр заІуатэм, къалэм дэс цІыф пстэури Исус пэгъокІынхэу дэкІыгъэх. Исус залъэ­гъум, яхэку ыбгынэнэу къелъэІугъэх.

 

 

 

09

ЯБГЪОНЭРЭШЪХЬ

 

Исус лІы горэу зыІэпкъ-лъэпкъ узым зэкІиубытагъэр зэригъэхъужьыгъэр

(Марк 2:1-12; Лука 5:17-26)

 

ЕтІанэ Исус къуашъо горэм итІысхьи, псыхъураем къы­зэпырыкІыжьи, икъалэ къэкІожьыгъ. 2Джащыгъум лІы лІы горэу зыІэпкъ-лъэпкъ узым зэкІиубытагъэр пІуаблэм телъэу Исус ыдэжь къахьыгъ. Исус ахэмэ яшІошъхъуныгъэ зелъэгъум, лІэу зыІэпкъ-лъэпкъ узым зэкІиубытагъэм риІуагъ:

–Угу умыгъэкІоды, сикІал! УипсэкІодхэр къыпфэгъугъэх.

3Исус ар къызеІом, Тэурат егъэджэкІо пащэхэм ащы­щэу заулэмэ агукІэ аІуагъ:

–Мы лІым Тхьэр егъэпцІы.

4Исус ахэмэ агухэм арылъыр ешІэти къыІуагъ:

–Шъугухэм мыщ фэдэ гукъэкІ бзаджэхэр сыда зыкІары­лъыр? 5Тара нахь псынкІагъор, «УипсэкІодхэр къыпфэ­гъугъэх», пІоныр ара, хьауми «Къэтэджи, къэкІухь»,

 

пІоныр ара? 6Ау къэшъушІэным пае, ЦІыф Лъэпкъым Ыкъо* псэкІодхэр ыгъэгъунхэу дунаем тетыгъо зэрэщы­риІэр, – джащыгъум Исус лІэу зыІэпкъ-лъэпкъ узым зэ­кІиубытагъэм риІуагъ: –Къэтэджи, уипІуаблэ къашти, шъуадэжь кІожь.

7А лІыр къэтэджи, ядэжь кІожьыгъэ.8ЦІыф купышхохэм ар залъэгъум, агъэшІэгъуагъ. Тхьэу цІыфхэм ащ фэдэ тетыгъо къязытыгъэми щытхъу фашІыгъ.

 

Исус игъогу рыкІонэу Маттэ къызэреджагъэр

(Марк 2:13-17; Лука 5:27-32)

 

9Исус нахь чыжьэу кІозэ, хьакъулахь ахъщэр* зыщы­хахырэ унэм Іусэу, Маттэ зыцІэ зы лІы горэ ылъэгъугъ.

–Сауж къырыкІу,– риІуагъ Исус. Маттэ къэтэджи, Исус ыуж ихьагъ.

10ЕтІанэ Исус Маттэ иунэ щышхэщтыгъ. Хьакъулахь ахъщэр хэзыххэрэмрэ псэкІод зышІэхэрэмрэ бэ хъухэу къэкІуагъэхэу, Исусрэ игъогу рыкІохэрэмрэ адашхэщты­гъэх. 11Фарисейхэм* ар залъэгъум, Исус игъогу рыкІо­хэрэм араІуагъ:

–Шъо шъуидин гъэсакІо хьакъулахь ахъщэр хэзыххэ­рэмрэ псэкІод зышІэхэрэмрэ сыда зыкІадашхэрэр ыкІи зыкІадешъорэр?

12Ау Исус ар зызэхехым, къыІуагъ:

–Псаухэр арэп Іазэ зищыкІагъэхэр, сымаджэхэр ары нахь. 13ШъукІуи, мы гущыІэхэу Тхьэм къыІуагъэхэм* къарыкІырэр къызэжъугъашІ: «КъурмэншІыныр арэп сызыфаер, гукІэгъур ары нахь». Сыда пІомэ шъыпкъагъэ зиІэ цІыфхэм сяджэнэу арэп сыкъызфэкІуагъэр, псэкІод зышІэхэрэр япсэкІодхэм афыкІэгъожьынхэм пае, сяджэ­нэу ары нахь.

 

9:6 ЦІыф Лъэпкъым Ыкъо – еплъ 8:20.

9:9 хьакъулахь ахъщэр – еплъ 5:46.

9:11 фарисейхэр – еплъ 3:7.

9:13 мы гущыІэхэу Тхьэм къыІуагъэхэр – еплъ Пегъымбар Осие тхылъэу ытхыгъэм 6:6.

 

 

Джурт тхьаматэхэр нэкІыным ехьылІагъэу Исус къызэреупчІыгъэхэр

(Марк 2:18-22; Лука 5:33-39)

 

14Джащыгъум Иуан игъогу рыкІохэрэр Исус ыдэжь къа­кІохи къыраГуагъ:

–Тэррэ фарисейхэмрэ бэрэ тэнэкІы*. О уигъогу рыкІо­хэрэм сыда зыкІамынэкІырэр?

15–Шъаор ягъусэфэкІэ, шъаом игъусэхэр шъыгъон алъэкІына?– ариІожьыгъ Исус ахэмэ. –Ау шъаор заты­рахыщт мафэхэр къэкІощтых. А мафэхэр къызыкІохэкІэ, анэкІыщт.

16–ШэкІыкІэм щыщ идэжьын щыгъыныжъым зыми ты­ридэрэп, сыда пІомэ шэкІыкІэм щыщ идэжьыным щы­гъыныжъыр зэІитхъынышъ, гъуанэр нахь ин ышІыщт. 17Джащ фэдэу, сэнэпс шІыгъакІэр шъонтыжъхэм арагъа­хъорэп. Арэущтэу ашІымэ, шъонтхэр къызэготхъынхэшъ, сэнэпсыр къичъыжьыщт, шъонтхэри кІодыщтых. Сэнэпс шІыгъакІэр шъонтыкІэх зэрарагъахъорэр. Ащыгъум тІури мыкІодхэу къэнэжьыщтых.

 

Исус тхьаматэ горэм ыпхъоу лІагъэр

къызэригъэтэджыжьыгъэр; Исус ищыгъын кІапэ

къынэсыгъэ бзылъфыгъэр зэригъэхъужьыгъэр

(Марк 5:21-43; Лука 8:40-56)

 

18Исус цІыфхэм а гущыІэхэр ариІохэзэ, тхьаматэ горэ къыбгъодахьи, лъэгонджэмышъхьэкІэ Исус ыпашъхьэ къи­тІысхьи къыІуагъ:

–Сэ спхъу джы дэдэм лІагъэ, ау о къакІори, пІэ телъхьи къэхъужьыщт.

19Джащыгъум Исус къэтэджи, игъогу рыкІохэрэр игъу­сэхэу а тхьаматэм ыдэжь кІуагъэ.

20Зы бзылъфыгъэ горэ, илъэс пшІыкІутІу хъугъэу, лъыбэ къыкІэкІэу гуІэщтыгъэ. Ар Исус ыкІыбкІэ къе­кІуалІи, ищыгъын кІапэ къынэсыгъ; 21сыда пІомэ ыгу­кІэ мыщ фэдэу ыІуагъэти ары: «Исус ищыгъыным сынэс нэмыІэми сыхъужьыщт».

 

9:14 тэнэкІы – агухэмкІэ фаехэу, ахэм тхьамафэ къэс мэфитІо анэкІы­щтыгъ.

 

22Исус зыкъызэригъэзэкІи, бзылъфыгъэр къызелъэ­гъум, къыІуагъ:

–Угу умыгъэкІоды, сипшъашъ. УишІошъхъуныгъэ уигъэ­хъужьыгъ.

А сыхьат дэдэм къыщегъэжьагъэу а бзылъфыгъэр хъу­жьыгъэ.

23ЕтІанэ Исус тхьаматэм иунэ ихьи, къамыл сырынэхэм япщэрэ цІыфхэри, цІыф купышхори бырсырхэу, хьада­гъэ ашІэу зелъэгъум, 24къыІуагъ:

–ШъуикІых, пшъэшъэжъыер лІагъэп, мэчъые нахь.

Исус ар къызеІом, къыдэхьащхыгъэх. 25Исус цІыф ку­пышхор зырегъэкІы ужым, пшъэшъэжъыем ыдэжь ихьи, ыІэ ыубытыгъ. Зеубытым, пшъэшъэжъыер къэтэджыгъ. 26А къэхъугъэм икъэбар а хэкум зэкІэ ис цІыфхэм зэ­лъашІэ хъугъэ.

 

Исус лІы нэшъуитІу зэригъэхъужьыгъэр

 

27Исус а чІыпІэм къызекІыжьым, лІы нэшъуитІу ыуж къихьагъэу къылъыджэщтыгъ:

–Даутэ Ыкъу,* гукІэгъу къытфэшІ!

28ЕтІанэ Исус унэм зехьэм, а лІы нэшъуитІур къы­бгъодэхьагъ. Исус ахэмэ ариІуагъ:

–Ар сэ сшІэн зэрэслъэкІыщтымкІэ шІошъхъуныгъэ шъуиІа?

–ШІошъхъуныгъэ тиІ, о тхьаматэ,– къыраІожьыгъ ахэмэ.

29ЕтІанэ Исус ахэмэ анэхэм анэси къыІуагъ:

–Шъо шъушІошъ зэрэхъугъэм фэдэу, къыжъудэрэхъу.

30Исус арэущтэу къызеІом, ахэмэ анэхэр къэплъэжьы­гъэх.

–Шъуфэсакъ, мыр зыми ешъумыІу,– ыІуагъ Исус ахэмэ унэшъо пытэ афишІэу. 31Ау ахэр унэм къызекІыжьхэм, а къэбарыр хэкум зэкІэ изы ашІыгъ.

 

9:27 Даутэ Ыкъу – цІыфхэр мыкІодхэу Къэзыгъэнэжьырэр пачъыхьэ Даутэ иунэгъо лъэпкъы зэрэщыщым пае, джуртхэр ащ «Даутэ ЫкъокІэ» еджэх.

 

Исус бзакоу, джынапцІэ зыхэс лІы горэ зэригъэхъужьыгъэр

 

32Исусрэ игъогу рыкІохэрэмрэ унэм икІыжьхэ зэхъум, бзакоу, джынапцІэ зыхэс лІы горэ цІыфхэм Исус ыдэжь къащагъ. 33Исус джынапцІэр а лІым хифи, лІэу бзакоу щытыгъэр къэгущыІагъ. Ар залъэгъум, цІыф купышхом ыгъэшІагъуи ыІуагъ:

–Мыщ фэдэ Іоф Израил хэгъэгум тэ ныбжьи щытлъэ­гъугъэп.

34Ау фарисейхэм аІуагъ:

–ДжынапцІэхэм япащэ илъэкІыныгъэ ары мы лІым джынапцІэхэр цІыфмэ зэрахифырэр.

 

Исус цІыф купышхом ыгу зэрэфэгъугъэр

 

35Исус къэлэ пстэури, къоджэ пстэури къыкІухьащты­гъэх. Синэгогухэм цІыфхэм Тхьэм игущыІэхэр щаригъа­шІэщтыгъэх, Тхьэм и Тетыгъошхо ехьылІэгъэ къэбары­шІури аригъэІущтыгъ, хэтрэ сымаджи гъойщаий ыгъэ­хъужьыщтыгъ. 36Мэлахъо зимыІэ мэл Іэхъогъум фэдэу улэугъэхэу, заухъумэжьын амылъэкІэу цІыф купышхохэр зелъэгъухэм, Исус ыгу афэгъугъ. 37ЕтІанэ игъогу ры­кІохэрэмэ ариІуагъ:

–Лэжьыгъэр бэ, ау лэжьакІохэр макІэх. 38Арышъ, лэ­жьыгъэр къахыжьыным пае, лэжьакІохэр къыгъэкІонхэу лэжьыгъэр зием шъуелъэІу.

 

 

 

10

ЯПШІЭНЭРЭШЪХЬ

 

Апостол пшІыкІутІур

(Марк 3:13-19; Яука 6:12-16)

 

Исус игъогу рыкІорэ нэбгырэ пшІыкІутІумэ къяджи, ахэмэ джынэпцІэ Іаехэр цІыфмэ ахафынхэу тетыгъо ари­тыгъ, хэтрэ сымаджи гъойщаий агъэхъужьынэуи лъэ­кІыныгъэ аритыгъ.

 

2А апостол* пшІыкІутІумэ ацІэхэр мары: Апэу Симонэу ПетрэкІэ заджэхэрэр; ащ ышэу Индрыс; Зеведей ыкъуитІоу Якъубэрэ Иуанрэ; 3Филипп, Варфоломей, Фомэ, Маттэу хьакъулахь ахъщэр хэзыхыщтыгъэр, Алфей ыкъо Якъуб, Фаддей; 4Симонэу зихэгъэгу ыгу етыгъэу фэлажьэщты­гъэр,* Иудэ Искариот; а Иудэр ары нэужым Исус тетыгъо зиІэхэм аІэкІэзыгъэхьанэу щытыгъэр.

 

Исус апостол нэбгырэ пшІыкІутІур Тхьэм фэлэжьэнхэу зэрэдигъэкІыгъэхэр

(Марк 6:7-13; Лука 9:1-6)

 

5А апостол пшІыкІутІур Исус зыдегъэкІхэм, мы уна­шъор афишІыгъ:

–Хымэ лъэпкъхэм адэжь шъумыкІу, Самарие хэкум* щыщ къалэ горэми шъудэмыхь. 6Ащ нахьи Израил ицІы­фэу мэл кІодыгъэхэм афэдэхэм адэжь шъукІу. 7ШъукІуи, «Тхьэу уашъом щыІэм и Тетыгъошхо* къэблэгъагъ», шъу­Іуи, къэбар яжъугъэІу. 8Сымаджэхэр жъугъэхъужьых, лІагъэхэри къэжъугъэтэджыжьых, шъоджэ уз Іаер зиІэ­хэри псаохэу, къабзэхэу жъугъэхъужьых, джынапцІэхэри цІыфхэм ахэшъуфых. Уасэ хэмылъэу къышъуІэкІэхьагъ, шъори уасэ хэмылъэу яшъутыжь. 9Шъуибгырыпхыхэм арылъэу дышъи, тыжьыни, гъоплъэ ахъщи зыдэшъу­мышт. 10Гъогум шъузытехьэкІэ, Іалъмэкъи, джэнитІуи, цуакъи, бэщи зыдэшъумыштэх. Сыда пІомэ лэжьакІом ишхын ифэшъуашэшъ ары.

11–Къалэми, къуаджэми, тыдэ шъудахьэми, къышъу­фэшъуашэ цІыф горэм шъукІэупчІ. А чІыпІэм шъукъе-

 

10:2 апостол – нэмыкІ цІыф горэм ыцІэкІэ гущыІэнэуи Іоф ышІэнэуи фитыныгъэ зиІэр ары. Исус игъогу рыкІорэ нэбгырэ пшІыкІутІум «апостолхэкІэ» яджэх. Ахэр Исус илІыкІохэу тетыгъо зэритыгъэхэр ары.

10:4 Симонэу зихэгъэгу ыгу етыгъэу фэлажьэщтыгъэр – ар Фалестин хэгъэгум фэлажьэрэ цІыф куп горэм щыщыгъэнкІи мэхъу. Рим (Рум) къэралыгъошхом щыщхэу яхэгъэгу ашІозыубытыгъэхэм къатырахы­жьыным а купым хэтхэр ыуж итыгъэх.

10:5 Самарие хэкур – Иудей хэкумрэ Галилей хэкумрэ азыфагу дэлъ хэкур арыгъэ. Джуртхэмрэ Самарие цІыфхэмрэ алъэпкъхэри, яхабзэхэри, ядинхэри зэфэшъхьафхэу зэрэщытыгъэхэм пае зэпыищтыгъэх.

10:7 Тхьэу уашъом щыІэм и Тетыгъошхо – еплъ 3:2.

 

 

кІыжьыфэ нэс, а цІыфым иунэ шъуис. 12Унэм шъузихьэ­кІэ, «Тхьэм шъо мы унэм исхэм гупсэфыныгъэ къы­шъуерэт», шъуІуи, шІуфэс яшъух. 13Унэм исхэр а шІуфэс гущыІэм фэшъуашэхэмэ, Тхьэм гупсэфыныгъэ ахэмэ къа­ритыщт, ау фэмышъуашэхэу къычІэкІымэ, гупсэфыны­гъэр шъуадэжьы къерэгъэзэжь. 14Ау зы унэ горэм исхэм, е зы къалэ горэм дэсхэм ащыщэу зыми шъуримыгъэбла­гъэмэ, е шъуигущыІэхэм ямыдэІумэ, а унэм шъукъызи­кІыжькІэ, е а къалэм шъукъызыдэкІыжькІэ, шъулъа­къохэм акІэрылъ сапэр акІэрыжъугъэтэкъужь. 15Шъы­пкъэр шъосэІо, ахърэт мафэм а къалэм къинэу ыщэчы­щтым нахьи, къалэхэу Содомрэ Гоморрэрэ* къинэу ащэ­чыщтыр нахь мэкІэщт.

 

Сэ сигъогу шъузэрэрыкІорэм пае, цІыфхэм къин шъуагъэщэчыщт

(Марк 13:9-13; Лука 21:12-17)

 

16–Мары, мэлхэм шъуафэдэу тыгъужъхэм шъуахэсэ­гъахьэ. Арышъ, блэхэм афэдэу Іушэу шъущыт, гъэпцІэ­ныгъэ зыхэмылъ тхьаркъохэм афэдэуи шъущыт. 17ЦІыф­мэ шъуафэсакъ, сыда пІомэ тхьамэтэ хасэхэм апашъхьэ шъуращэщт, ясинэгогухэми къамыщкІэ къащышъоощтых. 18Сэ сигъогу шъузэрэрыкІорэм пае, Іэшъхьэтетхэмрэ па­чъыхьэхэмрэ апашъхьэ шъуращэщт. ШъузыращэкІэ, ахэ­ми хымэ лъэпкъхэми апашъхьэ къэбарышІум шыхьат шъу­фэхъунэу игъо шъуфифэщт. 19ХьыкумышІэм* ыпа­шъхьэ шъузыращэкІэ, «Сыда тІощтыр?» е «Сыдэущтэу тІо­щта», шъуІоу шъумыгумэкІ; сыда пІомэ шъуІон фаер Тхьэм Ыпсэ ЛъапІэм ащ дэжьым шъугухэм къарилъхьащт. 20КъэгущыІэщтыр шъорэп, Шъуятэ лъапІэ Ыпсэ Лъа­пІэу шъугухэм арылъыр ары нахь.

21–Шым ежь ышы, тым ежь ибын тетыгъо зиІэхэм ари­гъэукІыным пае, аІэкІигъэхьащт. Бынхэри ятэ-янэхэм апэуцущтых, тетыгъо зиІэхэми арагъэукІыщтых. 22Шъо

 

10:15 къалэхэу Содомрэ Гоморрэрэ – ахэр Хы ЛІагъэм иІушъо Іутыгъэх. Ахэмэ адэс цІыфхэм ябзэджагъэ пае Тхьэм а къэлитІур машІокІэ ыгъэ­кІодыгъагъэх. Еплъ Пегъымбар Мусэ апэрэ тхылъэу ытхыгъэм 19:24-28.

10:19 хьыкумышІэр – зы цІыф горэ хыеу е мысэу щытмэ, хабзэм иунашъо тетэу зэхэзыфырэр ары.

сэ сцІэ зэрэжъугъэлъапІэрэм пае, цІыф пстэуми шъуа­уджэгъущт. Ау кІэухым нэсыфэ теубытэныгъэ зиІэр мы­кІодэу Тхьэм къыгъэнэжьыщт. 233ы къалэм къин щы­шъуагъэщэчмэ, нэмыкІрэ къалэ горэм кІэшъуІэжь. Сыда пІомэ, шъыпкъэр шъосэІо, Израил хэгъэгум икъалэхэр къэшъукІухьанхэу игъо шъуимыфэзэ, ЦІыф Лъэпкъым Ыкъо* къэкІожьыщт.

24–ЕджакІор езыгъаджэрэм нахьи нахь инэп, Іофта­бгэри итхьаматэ нахьи нахь инэп. 25ЕджакІор езыгъа­джэрэм фэдэ хъумэ, ащ ар фырикъущт, унэІутри итхьаматэ фэдэ хъумэ, ащи ар фырикъущт. Унэр зием ВелзевулкІэ* зеджэхэкІэ, унагъом исхэми ащ нахьи нахь Іае афаІонба?

 

Шъузщыщынэн фаер

(Лука 12:4-7)

 

26–Арышъ, ахэмэ шъуащымыщын, сыда пІомэ къэмы­лъэгъожьынэу чІэухъумагъэу зи щыІэп, цІыфхэм къамы­шІэнэуи гъэбылъыгъэу зи щыІэп. 27Мэзахэм щышъуа­сІорэр мэфэ нэфынэм къыщышъуІотэжь. ШъутхьакІумэхэм къяІушъашъэхэу къышъуаІорэм икъэбар унашъхьэхэм шъуатетэу цІыфхэм яжъугъэІу. 28Псэр зыукІын зымы­лъэкІэу, пкъыр зыукІыхэрэм шъуащымыщын. Ащ нахьи, псэри пкъыри джэхьнэмым щызыгъэкІодышъущтым шъу­щыщын. 29Бзыу цІыкІуитІур зы чапычкІэ ащэрэба? Ау щытми, Шъуятэ лъапІэ фэмыеу, ахэмэ ащыщэу зи чІыгум къытефэщтэп. 30Ау шъо шъушъхьэ тет шъхьац налъэ пстэури лъытагъэ. 31Арышъ, шъумыщын. Шъо бзыу­бэхэм анахьи шъуанахь лъапІ.

 

Христос игъогу рыкІохэрэм узэращыщыр цІыфхэм ябгъэшІэныр

(Лука 12:8-9)

 

32–Зыгорэм цІыфмэ апашъхьэ сэ сигъогу рыкІохэрэм зэращыщыр щиІомэ, ар сигъогу рыкІохэрэм зэращыщыр

 

10:23 ЦІыф Лъэпкъым Ыкъо – еплъ 8:20.

10:25 Велзевул – джынапцІэхэм япащэу шэйтаныр ары.

 

Сятэу уашъом щыІэм ыпашъхьэ сэри щысІощт. 33Ау хэтми сэ сигъогу рыкІохэрэм ащымыщэу цІыфмэ апашъ­хьэ щызыІорэр, ар сигъогу рыкІохэрэм зэращымыщыр Сятэу уашъом щыІэм ыпашъхьэ сэри щысІощт.

 

Зэзэгъыныгъэр чІылъэм къыфэсхьынэу арэп

сыкъызфэкІуагъэр, сэшхор къыфэсхьынэу ары нахь

(Лука 12:51-53; 14:26-27)

 

34–Зэзэгъыныгъэр чІылъэм къыфэсхьыным пае, сэ сы­къэкІуагъэу шъумыгугъ. Зэзэгъыныгъэр къэсхьынэу арэп сыкъызфэкІуагъэр, сэшхор къэсхьынэу ары нахь; 35сыда пІомэ сэ сыкъызфэкІуагъэр къор ятэ, пхъури янэ, нысэри игуащэ пэзгъэуцужьынэу ары. 36ЦІыфым ипый­хэри ежь иунагъо исхэр ары.

37–Хэтми сэ шІу сызэрилъэгъурэм нахьи, зятэ е зянэ нахьышІоу зылъэгъурэр сфэшъуашэу щытэп. Ащ фэдэуи хэтми сэ шІу сызэрилъэгъурэм нахьи, е зыкъо е зыпхъу нахьышІоу зылъэгъурэр сфэшъуашэу щытэп. 38Хэтми зи­къащ къэзыштэу, сэ сауж къырымыкІорэр сфэшъуашэу щытэп. 39Хэтми зыпсэ мыкІодэу, къызэригъэнэжьыщтым ыуж итым ыпсэ шІокІодыщт, ау хэтми сэщ пае зыпсэ зы­шІокІодрэм ыпсэ мыкІодэу къыгъэнэжьыщт.

 

ІэхьышІу бгъотыныр

(Марк 9:41)

 

40–Шъо шъуезыгъэблагъэрэм сэри сыригъэблэгъагъэу мэхъу, сэ сезыгъэблагъэрэми сэ сыкъэзыгъэкІуагъэри ригъэблэгъагъэу мэхъу. 41Хэти зы пегъымбар горэ зэрэпе­гъэмбарым пае езыгъэблагъэрэм пегъымбарым иІэхьы­шІу къыгъотыжьыщт, хэти шъыпкъагъэ зиІэ цІыфыр ащ ишъыпкъагъэ пае езыгъэблагъэрэми шъыпкъагъэ зиІэ цІыфым иІэхьышІу къыгъотыжьыщт. 42Хэти мы цІыф цІыкІухэм ащыщэу зыгорэ сэ сигъогу зэрэрыкІорэм пае, зы псы чъыІэ шъоныбжъэ нэмыІэми езыгъашъорэм, шъы­пкъэр шъосэІо, ащ ифэшъошэ ІэхьышІу шІокІодыщтэп.

 

 

11

ЯПШІЫКІУЗЭНЭРЭШЪХЬ

 

Исус игъогу рыкІорэ нэбгырэ пшІыкІутІум унашъохэр зафешІыхэ ужым, а чІыпІэм икІи, джуртмэ якъалэхэм цІыфхэм Тхьэм игущыІэхэр щаригъэшІэнхэу ыкІи щари­гъэІунхэу кІуагъэ.

 

УмэхъэкІо* Иуан лІыкІохэр Исус ыдэжь зэригъэкІуагъэхэр

(Лука 7:18-35)

 

2Иуан хьапсым чІэсэу* Христос Іофэу ышІагъэхэм якъэбар зызэхехым, игъогу рыкІохэрэм ащыщэу нэбгы­ритІу ыгъакІуи, 3ригъэупчІыгъ:

–Ора къэкІон фаер, хьауми нэмыкІ горэм тыпэплъэн фая?

4–Жъугъэзэжьи,– ариІожьыгъ Исус ахэмэ, –Іофэу зэ­хэшъухыхэрэмрэ шъулъэгъухэрэмрэ Иуан ешъуІо­тэжьых: 5Нэшъухэр къэплъэжьых, лъащэхэр тэрэзэу мэзекІожьых, шъоджэ уз Іае зиІэхэр псаохэу, къабзэ­хэу мэхъужьых, дэгухэм зэхахыжьы, лІагъэхэр къэтэ­джыжьых, тхьамыкІэхэми къэбарышІур зэхахы. 6Сэщ пае зыгу мыхъун къизымыгъахьэрэр сыхьатмафэ ежьагъ.

7Иуан игъогу рыкІохэрэр зежьэжьхэм, Исус цІыф купышхохэм Иуан ехьылІагъэу ариІоу ыублагъ:

–Шъоф нэкІым шъузыдэкІым, сыда шъулъэгъунэу шъузыфэягъэр? Жьыбгъэм ыгъэсысырэ къамыл шъу­лъэгъунэу арыгъа? 8Армырмэ, сыда шъулъэгъунэу шъу­зыфэягъэр ащ дэжьым шъузыдэкІым? Щыгъын дахэхэр зыщыгъ зы лІы горэ арыгъа? Щыгъын дахэхэр зы­щыгъхэр зэрысхэр пачъыхьэхэм яунэшхохэр ары. 9Адэ, сыда шъулъэгъунэу шъузыфэягъэр ащ дэжьым шъу­зыдэкІым? Пегъымбара? Сэ шъосэІо, ар пегъымбар къодыеп, ар пегъэмбарым нахьи нахь ин. 10Ар лІы­кІоу Тхьэм игущыІэ тхыгъэхэм* зикъэбар мырэущтэу

 

11:2 умэхъакІо – еплъ 3:1.

11:2 Иуан хьапсым чІэсэу – еплъ 14:3-4.

11:10 Тхьэм игущыІэ тхыгъэхэм арытыр – еплъ Пегъымбар Малахие тхылъэу ытхыгъэм 3:1.

 

арытыр ары:

«Мары уапэрапшІэу силІыкІо къэсэгъакІо, ащ уигъогу пфигъэпсыщт».

11–Шъыпкъэр шъосэІо, бзылъфыгъэхэм къакІэхъуагъэ­хэм ащыщэу умэхъэкІо Иуан нахьи нахь ин щыІэп. Арэу щытми, Тхьэу уашъом щыІэм и Тетыгъошхо ыІэчІэгъ чІэт цІыфхэм ащыщэу анахь цІыкІури Иуан нахьи нахь ин. 12УмэхъэкІо Иуан имафэхэм къащегъэжьагъэу джы нэсы, цІыфхэм Тхьэу уашъом щыІэм и Тетыгъошхо ыІэ­чІэгъ чІэт цІыфхэм къин арагъэщэчыгъ, бзэджашІэхэми а тетыгъошхор лІыгъэкІэ аубытынэу ыуж итых; 13сыда пІомэ умэхъэкІо Иуан имафэхэм нэсыфэ, пегъымбархэр зэкІэ пегъымбар Мусэ и Тэурат хабзэ итхэмкІи а теты­гъошхор къызэрэкІощтым къытегущыІагъэх. 14Ар шъу­штэнэу шъуфаемэ, умэхъэкІо Иуаныр къэкІонэу щытыгъэ пегъымбар Иляс* ары. 15РыдэІонэу тхьакІумэ зиІэм зэ­херэх!

16–Джырэ цІыфхэр сыда зыфэзгъэдэщтыр? Урамым тес кІалэхэу мырэущтэу зыІохэу, яныбджэгъумэ яджэ­хэрэм афэдэх:

17«Къамылым тышъуфепщагъэ пэтми, шъо шъу­къэшъуагъэп; тэ гъыбзэ орэд къышъуфэтІуагъэ пэтми, шъо шъугъыгъэп».

18–Сыда пІомэ Иуан къэкІуагъ. Ар мэнэкІы, сэнэпси ешъорэп. «Ащ джынапцІэ хэс», аІо. 19ЦІыф Лъэпкъым Ыкъо къэкІуагъ. Ар машхэ ыкІи ешъо, «Шхэн ешъоныр зикІасэу, хьакъулахь ахъщэр* хэзыххэрэмрэ псэкІод зышІэхэрэмрэ яныбджэгъу», аІо. Ау Тхьэм изэхэ­шІыкІыныгъэшхо къыхэкІыгъэ хъугъэ-шІагъэхэм азэхэ­шІыкІыныгъэшхор къагъэшъыпкъэжьы.

 

Сыхьатмыгъо уежьагъ, Хоразин къалэ! Сыхьатмыгъо уежьагъ, Вифсаидэ къалэ!

(Лука 10:13-15)

 

20Джащыгъум Исус къалэхэу ежь иІофышхо гъэшІэ­гъонхэм анахьыбэхэр зыщишІагъэхэм ягыеу ыублагъ,

 

11:14 къэкІонэу щытыгъэ пегъымбар Иляс – еплъ Пегъымбар Мала­хие тхылъэу ытхыгъэм 4:5-6.

11:19 хьакъулахь ахъщэр – еплъ 5:46.

 

 

ахэр япсэкІодшІагъэхэм зэрафыкІэмыгъожьыгъэхэм пае.

21–Сыхьатмыгъо уежьагъ, Хоразин къалэ! Сыхьатмыгъо уежьагъ, Вифсайдэ къалэ! Сыда пІомэ шъуадэжь сэ щысшІэгъэ Іофышхо гъэшІэгъонхэр къалэхэу Тиррэ Сидонрэ* ащысшІагъэхэу щытыгъэмэ, бэшІагъэу шъыгъо­ныгъэ щыгъын ащыгъэу.. анэкІухэр яжьэкІэ цІэлагъэхэу япсэкІодшІагъэхэм афыкІэгъожьыщтыгъэх. 22Ау сэ шъо­сэІо, ахърэт мафэм шъо къинэу шъущэчыщтым нахьи, Тиррэ Сидонрэ къинэу ащэчыщтыр нахь мэкІэщт. 23О Капернаум къалэ, уашъом удэкІоена? Джэхьнэмым икуу­пІэ нэсыфэ укІоцІырызыщт нахь,* сыда пІомэ уадэжь щысшІэгъэ Іофышхо гъэшІэгъонхэр Содом къалэм* щы­сшІагъэхэу щытыгъэмэ, ар джы нэсыфэ щытэу къэнэ­щтыгъ. 24Ау сэ шъосэІо, ахърэт мафэм къинэу о пщэчыщтым нахьи, Содом къинэу ыщэчыщтыр нахь мэкІэщт.

 

Садэжь шъукъакІуи, гупсэфыныгъэ шъостыщт

(Лука 10:21-22)

 

25 Ащ дэжьым Исус игущыІэ лъигъэкІуатэу ыІуагъ:

–Сят, уашъоми чІылъэми я Зиусхьан мы Іофхэр цІыф Іушхэмрэ цІыф губзыгъэхэмрэ ашІоушъэфыгъэу, сабый­хэм зэрябгъэшІагъэмкІэ щытхъур пфэсэшІы. 26Ары, Сят, о ар арэущтэу пшІоигъуагъ.

27–Сятэ щыІэ пстэури къысІэкІилъхьагъ. Къо лъапІэр зыфэдэр Ты лъапІэм нэмыкІ зыми ышІэрэп. Ты лъапІэр зыфэдэри Къо лъапІэмрэ Къо лъапІэм ар зэригъэшІэнхэу фэе цІыфхэмрэ анэмыкІ зыми ышІэрэп.

28–ЗэкІэ улэугъэхэу, хьылъэ онтэгъу зытелъхэр, садэжь шъукъакІуи, гупсэфыныгъэ шъостыщт. 29Сэ сибжьы* зытешъулъхьи, сэ къасІорэр зэжъугъашІэ, сыда пІомэ сэ сыгу шъабэ, пэгагъи зи илъэп. ЕтІанэ шъугухэмкІэ гупсэфыныгъэ жъугъотыщт; 30сыда пІомэ сэ сибжьы щэчыгъошІоу, сихьылъи псынкІэу щытышъ ары.

 

11:21 къалэхэу Тиррэ Сидонрэ – ахэр хымэ къалэхэу Галилей хэкум итемыр лъэныкъокІэ хыІушъом Іутыгъэхэр ары.

11:23 О Капернаум къалэ . . . укІоцІырызыщт нахь – еплъ Пегъымбар Исайас тхылъэу ытхыгъэм 14:13,15.

11:23 Содом къалэр – еплъ 10:15.

11:29 бжьы – цухэр е псыцухэр кум зыкІашІэкІэ, апшъэ тыра­лъхьэрэ пхъэр ары.

 

 

12

ЯПШІЫКІУТЮНЭРЭШЪХЬ

 

Исус игъогу рыкІохэрэм шэмбэт мафэм коцышъхьэхэр къызэрэпачыгъэхэр

(Марк 2:23-28; Лука 6:1-5)

 

А лъэхъанэм Исус зы шэмбэт мафэ* горэм коц хьасэ­хэм ахэтэу кІощтыгъ. Игъогу рыкІохэрэр мэлакІэ лІа­гъэхэти, коцышъхьэхэр къыпачыхэзэ ашхыхэу аублагъ. 2Фарисейхэм* ар залъэгъум, Исус къыраІуагъ:

–Еплъ, шэмбэт мафэм хабзэкІэ пшІэ мыхъущтыр* уигъогу рыкІохэрэм ашІэ.

3–Даутэрэ игъусэхэмрэ мэлакІэ лІэхэ зэхъум, ащ ышІа­гъэм* шъуеджагъэба?– ариІожьыгъ Исус. 4–Ар Тхьэм иунэ ихьи, цІыфхэм Тхьэм ыпашъхьэ агъэтІылъыгъэ хьалыгъур* ежьыми игъусэхэми ашхыгъ. А хьалыгъур дин пащэхэм анэмыкІ хабзэкІэ зыгорэм ышхы мыхъу­нэу щытыгъ, ау Даути игъусэхэми ашхыгъ. 5Е дин пащэхэр Тхьэм иунэшхо чІэтхэу, шэмбэт мафэм лажьэ­хэу, а мафэр амыгъэлъапІэ пэтми,* лажьэ ямыІэу къы­зэрэнэрэр Мусэ и Тэурат хабзэ зэритхагъэм шъуеджа­гъэба? 6Ау сэ шъосэІо, Тхьэм иунэшхо нахьи нахь инэу зыгорэ къышъухэт. 7«КъурмэншІыныр арэп сызыфаер, гукІэгъур ары нахь», ыІуи, Тхьэм къыІогъэ гущыІэхэм*

 

12:1 шэмбэт мафэр – джуртхэм ямэфэ лъапІ ары. А мафэм хэти Іоф ышІэнэу фитэп.

12:2 фарисейхэр – еплъ 3:7.

12:2 пшІэ мыхъущтыр – Мусэ и Тэурат хабзэ иунашъо тетэу, шэмбэт мафэм лэжьыгъэ къэпхыныр мыхъунэу щытыгъ. Еплъ Пегъымбар Мусэ ятІонэрэ тхылъэу ытхыгъэм 34:21.

12:3-4 ащ ышІагъэр – еплъ Пегъымбар Самуел икъэбархэр зэрыт апэрэ тхылъым (1 Царств) 21:1-6.

12:4 цІыфхэм Тхьэм ыпашъхьэ агъэтІылъыгъэ хьалыгъур – еплъ Пегъымбар Мусэ ящэнэрэ тхылъэу ытхыгъэм 24:5-9.

12:5 дин пащэхэр шэмбэт мафэм лажьэхэу, а мафэр амыгъэлъапІэ пэтми – ахэмэ Тхьэм къурмэн фашІызэ, Іоф ашІэщтыгъ. Еплъ Пегъымбар Мусэ яплІэнэрэ тхылъэу ытхыгъэм 28:9-10.

12:7 Тхьэм къыІогъэ гущыІэхэр – еплъ Пегъымбар Осие тхылъэу ытхыгъэм 6:6.

 

къарыкІырэр шъушІэщтгъэмэ, лажьэ зимыІэхэрэр жъугъэмысэщтгъэхэп; 8сыда пІомэ ЦІыф Лъэпкъым Ыкъо* шэмбэт мафэм итхьамат.

 

Исус зыІэ лъэныкъор пыгъукІыгъэу щыт лІы горэ зэригъэхъужьыгъэр

(Марк 3:1-6; Лука 6:6-11)

 

9ЕтІанэ Исус а чІыпІэм икІи, ахэмэ ясинэгогу* чІэхьагъ. 10ЗыІэ лъэныкъор пыгъукІыгъэу щыт лІы горэ ащ дэ­жьым чІэтыгъ. Арэущтэу зэхъум, Исус зэрагъэмысэн Іоф горэ къагъотыным пае, мырэущтэу къеупчІыгъэх:

–Шэмбэт мафэм сымаджэр бгъэхъужьыныр хабзэкІэ хъущта, мыхъущта?

11–Хэта шъуащыщэу мэлы закъоу иІэр шэмбэт ма­фэм машэм зифэкІэ, къыубытыжьэу, къизымыхыжьы­щтыр?– ариІуагъ Исус ахэмэ. 12–ЦІыфыр мэлым нахьи бэкІэ нахь лъапІэба? Арышъ, шэмбэт мафэм шІу пшІэ­ныр хабзэкІэ хъущт.

13ЕтІанэ Исус а лІым риІуагъ:

–О пІэ къэщэй.

ЛІым ыІэ къыщэий, адрэ Іэм фэдэу хъужьыгъэ. 14Джащыгъум фарисейхэр синэгогум чІэкІыжьхи, Исус агъэкІодынэу гухэлъ ашІызэ, зэрагъэкІодыщт шІыкІэм­кІэ зэупчІыжьыгъэх.

 

Тхьэм ежьым фэлэжьэнэу къыхихыгъэр

 

Ау Исус ахэмэ ягухэлъ къызешІэм, а чІыпІэм икІы­жьыгъ. 15ЦІыфыбэхэр ыуж итхэу кІуагъэх, ахэмэ ахэт сымаджэхэри зэкІэ ыгъэхъужьыгъэх. 16Ау Исус ежьыр хэт щыщми ахэмэ цІыфмэ къарамыгъэшІэнэу унашъо пытэ афишІыгъ. 17Арэущтэу зыфэхъугъэр пегъымбар

 

12:8 ЦІыф Лъэпкъым Ыкъо – еплъ 8:20. 12:9 синэгогу – еплъ 4:23.

 

Исайас итхылъ итхэу, Тхьэм мы гущыІэхэу* Христосым ехьылІагъэу къыІуагъэхэр къэшъыпкъэжьынхэр ары:

18«Мыры къысфэлэжьэнэу къыхэсхыгъэр. Ар сэ шІу слъэгъоу, сикІасэу сыгу зэІурэр ары. Сэ спсэ ащ ыгу ислъхьанышъ, ащ шъыпкъагъэр хымэ лъэпкъхэм аригъэІущт.

19Ащ бырсыр макъэ къиІэтыщтэп ыкІи куощтэп.

Ащ ымакъэ урамхэми зыми щызэхихыщтэп.

20Къамыл ныкъо зэпыкІ* зэпикІыжьыщтэп, макІэу блэрэ шъагъэри* ыгъэкІосэщтэп, шъыпкъагъэр тыригъэкІоным нэсыфэ.

21Лъэпкъхэр зыщыгугъыхэу зыпаплъэхэрэр ежьыр ары».

 

Исусрэ джынапцІэхэм япащэу Велзевулырэ

(Марк 3:20-30; Лука 11:14-23; 12:10)

 

22Ащ дэжьым нэшъоу ыкІи бзакоу джынапцІэ зыхэс лІы горэ цІыфхэм Исус ыдэжь къащагъ. Къызащэм, Исус лІы бзакор гущыІэшъоу ыкІи ылъэгъушъоу ыгъэ­хъужьыгъ. 23ЦІыф купышхохэм зэкІэ лъэшэу агъэ­шІагъоу аІуагъ:

–Мыр Даутэ Ыкъоу* Христос* арын фаеба?

24Ау фарисеймэ ар зызэхахым, мырэущтэу аГуагъ:

–Велзевулэу* джынапцІэмэ япащэ илъэкІыныгъэ ары джынапцІэхэр цІыфхэм зэрахифырэр.

25Ахэмэ ягухэлъхэр Исус ышІэхэзэ ариІуагъ:

 –Сыд фэдэрэ пачъыхьагъор лъэныкъуитІоу зигощымэ, зэхэтэкъощт. Ащ фэдэуи сыд фэдэрэ къали, сыд фэдэрэ

 

12:17-21 Тхьэм мы гущыІэхэу ... – еплъ Пегъымбар Исайас тхылъэу ытхыгъэм 42:1-4.

12:20 Къамыл ныкъо зэпыкІ . . . макІэу блэрэ шъагъэр – заухъумэжьын зымылъэкІэу, лъэкІыныгъэ зимыІэ цІыфхэр ары.

12:23 Даутэ Ыкъо – еплъ 9:27.

12:23 Христос – еплъ 1:17.

12:24 Велзевул – еплъ 10:25.

 

уни лъэныкъуитІоу гощыгъэ хъумэ, щыІэжьын ылъэ­кІыжьыщтэп. 26Шэйтаными зы цІыф горэм шэйтаныр хифымэ, ащыгъум ежь ышъхьэкІэ лъэныкъуитІоу зэ­рэгъэхъугъэу мэхъу. Сыдэущтэу етІанэ ащ итетыгъо щыІэжьын ылъэкІына? 27Адэ, Велзевул илъэкІыныгъэ­кІэ сэ джынапцІэхэр цІыфхэм ахэсэфыхэмэ, шъо шъу­ицІыфхэм джынапцІэхэр цІыфхэм зэрахафырэр хэт илъэ­кІыныгъэу хъура? Арышъ, ахэр шъо шъуихьыкумы­шІэхэу* хъущтых. 28Ау сэ джынапцІэхэр цІыфхэм зэра­хэсфырэр Тхьэм Ыпсэ ЛъапІэ арышъ, Тхьэм и Теты­гъошхо* къызэрэшъухэхьагъэр ары ащ къикІырэр.

29–Ащ фэдэу, кІуачІэ зиІэ лІы горэм иунэ ихьэу, ащ ихьапщыпхэр къытыгъун хэта зылъэкІыщтыр, ыпэра­пшІэу а лІэу кІуачІэ зиІэр зэкІоцІимыпхэмэ? Ау а лІыр зэкІоцІипхэмэ, иунэ къыхъункІэн ылъэкІыщт.

30–Сэ симыгъусэр къыспэуцу, къыздэзымыугъуоирэми ретэкъухьэ. 31Арышъ, сэ шъосэІо, цІыфхэм сыдрэ псэкІодэу ашІагъэри, сыд фэдэу Тхьэр агъапцІыгъэми афэгъушъущтых, ау хэти Тхьэм Ыпсэ ЛъапІэ зыгъэ­пцІырэм къыфэгъущтэп. 32Хэти ІДІыф Лъэпкъым Ыкъо гущыІэ Іае фэзыІорэм фэгъущт, ау Тхьэм Ыпсэ ЛъапІэ гущыІэ Іае фэзыІорэм мы дунаеми адрэ дунаеми къы­щыфэгъущтэп.

 

Чъыгыр зыфэдэр къыпыкІэрэмкІэ къэпшІэщт

(Лука 6:43-45)

 

З3–Чъыгыр шІумэ, къыпыкІэрэри шІу; чъыгыр дэймэ, къыпыкІэрэри дэи; сыда пІомэ чъыгыр зыфэдэр къы­пыкІэрэмкІэ къэпшІэщт. 34Шъо, блэщылъфыхэр, шъо шъуибзэджагъэкІэ сыдэущтэу шІу къэшъуІон шъулъэ­кІына? Сыда пІомэ жэм къыдэкІырэр гум илъыр ары.

35ЦІыфышІум ыгу илъ шІугъэм шІугъэ къыхехы, цІыф бзаджэми ыгу илъ бзэджагъэм бзэджагъэ къыхехы.

36Сэ шъосэІо, цІыфхэм сыдрэ гущыІэу, пкІэ зимыІэу къаІорэм ипэгъокІ ахърэт мафэм Тхьэм ратыжьын фаеу хъущт; 37сыда пІомэ уигущыІэхэм яхьылІагъэу Тхьэм уигъэхыещт, уигущыІэхэм яхьылІагъэуи уигъэмысэщт.

 

12:27 хьыкумышІэр – зы цІыф горэ хыеу е мысэу щытмэ, хабзэм иунашъо тетэу зэхэзыфырэр ары.

12:28 Тхьэм и Тетыгъошхо – еплъ 3:2.

 

Зы нэшэнэ гъэшІэгъонышхо горэ уашъом

къафыригъэхынэу фарисейхэр Исус къызэрелъэІугъэхэр

(Марк 8:11-12; Лука 11:29-32)

 

38Ащ дэжьым Тэурат егъэджэкІо пащэхэмрэ фарисей­хэмрэ ащыщхэм Исус къыраГуагъ:

–Дин гъэсакІу, зы нэшэнэ гъэшІэгъонышхо горэ тэбгъэлъэгъунэу тыфай.

39–Джырэ цІыф бзаджэхэу Тхьэр зымышІэхэрэр нэ­шэнэ гъэшІэгъонышхо фаех, – ариІожьыгъ Исус ахэмэ, –ау пегъымбар Юныс инэшанэ нэмыкІ Тхьэм ахэмэ къаритыщтэп; 40сыда пІомэ Юныс* пцэшхо джадэм ыныбэ мэфищырэ чэщищырэ зэрилъыгъэм фэдэу, ЦІыф Лъэпкъым Ыкъо мэфищырэ чэщищырэ чІылъэм икуупІэ чІэлъыщт. 41Ниневие къалэм дэсыгъэ цІыфхэр ахърэт мафэм къэтэджыжьынхэшъ, джырэ цІыфхэм къядэо­щтых ыкІи къагъэмысэщтых, сыда пІомэ ахэмэ Тхьэм игущыІэхэр Юныс аригъэІухэу зызэхаххэм, япсэкІод­шІагъэхэм афыкІэгъожьыгъэх, ыкІи мары, пегъымбар Юныс нахьи нахь инэу зыгорэ къышъухэт. 42Джащ фэдэу къыблэ хэгъэгум щыщэу бзылъфыгъэ пачъыхьэр* ахърэт мафэм къэтэджыжьынышъ, джырэ цІыфхэм къядэощт ыкІи къыгъэмысэщтых, сыда пІомэ а бзы­лъфыгъэ пачъыхьэр пачъыхьэ Сэлмэн* изэхэшІыкІы­ныгъэ едэІунэу чІылъэм икъуапэ къикІи къэкІуагъ, ыкІи мары, пачъыхьэ Сэлмэн нахьи нахь инэу зыгорэ къы­шъухэт.

 

ДжынэпцІэ Іаем къызэригъэзэжьырэр

(Лука 11:24-26)

 

43–Зы джынэпцІэ Іае горэ цІыф горэм зыхэкІыкІэ, псы зэрымыт шъоф нэкІым макІошъ, зыгъэпсэфыпІэ горэм лъыхъоу къекІухьэ, ау ыгъотырэп. 44Зыгъэпсэ-

 

12:40 Юныс – еплъ Пегъымбар Юныс икъэбар зэрыт тхылъым (Иона) 1:17.

12:42 бзылъфыгъэ пачъыхьэр – еплъ Пачъыхьэхэм якъэбархэр зэрыт апэрэ тхылъым (3 Царств) 10:1-10.

12:42 пачъыхьэ Сэлмэн – Сулиман ары.

 

фыпІэ ымыгъотэу, «Сызыхэсыгъэ цІыфэу сэ сиунэу щыты-гъэм ыдэжь згъэзэжьыщт», еІо. Ащ ыдэжь къегъэзэ-жьышъ, унэр нэкІэу, пхъэнкІыгъэу, зэлъыІухыгъэу къе-гъотыжьы. 45Джащыгъум макІо, джынэпцІибл ежьым нахьи нахь бзаджэхэу къызыдещэхэшъ, унэм ехьэхэшъ, етІысхьэх. Аужыпкъэм а лІым иІоф ыпэрэм нахьи нахь дэи мэхъу. Джары джырэ цІыфхэм къяхъулІэщтыр.

 

Исус янэрэ ышхэмрэ

(Марк 3:31-35; Лука 8:19-21)

 

46Исус а гущыІэхэр цІыф купышхохэм ариІохэзэ, ежь янэрэ ышхэмрэ къэкІуагъэхэу, къыдэгущыІэхэмэ ашІоигъоу щагум дэтыгъэх. 47Зыгорэм Исус къыри-Іуагъ:

–КъэдаІолъ, о уянэрэ пшыхэмрэ къэкІуагъэхэу, къы-бдэгущыІэхэмэ ашІоигъоу щагум дэтых.

48–Хэта сянэри, хэта сшыхэри?– риІожьыгъ Исус а къезыІуагъэм. 49ЕтІанэ игъогу рыкІохэрэм Іапэ афишІи къыІуагъ:

–Мыхэр ары сэ сянэри сшыхэри; 50сыда пІомэ хэти сэ Сятэу уашъом щыІэр зыфаер зыгъэцакІэрэр ары сэ сшыри, сшыпхъури, сянэри.

 

 

 

13

ЯПШІЫКІУЩЭНЭРЭШЪХЬ

 

Чылапхъэр зыпхъырэм ехьылІэгъэ гъэсэныгъэ тхыдэр

(Марк 4:1-9; Лука 8:4-8)

 

А мэфэ дэдэм Исус унэм къикІи, псыхъурэе Іушъом ІутІысхьагъ. 2ЦІыф купышхохэу ежь ыдэжь къыщызэрэу-гъоигъэхэр зэрэбагъэм пае, ежьыр зы къуашъо горэм итІысхьагъ. ЦІыфхэр зэкІэ псыхъураем Іутыгъ. 3ЕтІа-нэ Исус гъэсэныгъэ тхыдэхэмкІэ цІыфхэм Іофыбэхэр ариІуагъэх:

 

–ШъукъэдаІу. Зы лІы горэ чылапхъэ ыпхъынэу дэкІыгъ. 4Чылапхъэр ыпхъызэ, ащ щыщ тІэкІу гъогум тетэ­къуагъ. Бзыухэр къэбыбыхи, ар ашыпыгъ. 5Ау зы тІэ­кІуи ятІэ макІэ зыхэлъ чІыгу мыжъуалъэм тетэкъуагъ. ЧІыгур куугъэпти, шІэх дэдэу къыхэкІыгъ, 6ау тыгъэр къызыдэкІуаем пыгъукІыгъ, лъапсэ куу зэрямыІагъэм паий, гъугъэх. 7НэмыкІ тІэкІуи панэхэм ахэтэкъуагъ. Панэхэр къэкІыхи, чылапхъэу къыхэкІыгъэхэр атхьала­гъэх. 8Ау етІани зы тІэкІу чІыгу дэгъум хэтэкъуагъ, шъхьэхэри къапыкІагъэх. Зы шъхьэ налъэм коцишъэ къикІагъ, адрэм тІокІищ, адрэми щэкІ къикІагъ.

9ЕтІанэ Исус къыпигъэхъожьыгъ:

–РыдэІонэу тхьакІумэ зиІэм зэхерэх.

 

Исус цІыфхэм Іофхэр аригъашІэхэзэ, гъэсэныгъэ тхыдэхэр къызыкІафиІотэщтыгъэхэр

(Марк 4:10-12; Лука 8:9-10)

 

10Ащ нэужым игъогу рыкІохэрэр Исус къыбгъодахьэхи къеупчІыгъэх:

–ЦІыфхэм уадэгущыІэзэ, гъэсэныгъэ тхыдэхэр сыда зы­кІафэпІуатэрэр?

11–Тхьэу уашъом щыІэм и Тетыгъошхо ишъэфхэр шъу­шІэнхэу Тхьэм фитыныгъэ къышъуитыгъ, ау ахэмэ къа­ритыгъэп,– ариІожьыгъ Исус ахэмэ. 12–Тхьэм зиІэм нахьыбэ къыритыщт, къелыжьынэуи бэ иІэщт, ау Тхьэм зимыІэм иІэ тІэкІури Іихыжьыщт. 13Сэ цІыфхэм садэ­гущыІэзэ, гъэсэныгъэ тхыдэхэр зыкІафэсІуатэрэр мары:

Ахэр еплъыхэ пэтми, алъэгъурэп, даІохэ пэтми, зэхахырэп ыкІи къагурыІорэп.

14–Іофэу ахэмэ къяхъулІэрэмкІэ Тхьэм ежь игущыІэхэу пегъымбар Исайас ыгу къырилъхьэхи, къыригъэІуагъэ­хэр* къэшъыпкъэжьыгъэх:

«Шъо егъашІэм зэхэшъухы зэпытыщт, ау къыжъугурыІощтэп;

шъо егъашІэм шъулъэгъу зэпытыщт, ау гу лъы­шъутэщтэп.

 

13:14-15 Тхьэм . . . пегъымбар Исайас . . . къыригъэІуагъэхэр – еплъ Пегъымбар Исайас тхылъэу ытхыгъэм 6:9-10. Пегъымбар Исайас, Исус къэхъуным ыпэкІэ 759-698 илъэсхэм къакІоцІ псэугъагъ.

 

15Сыда пІомэ мы цІыф лъэпкъым щыщхэм агухэм гулъытэ ямыІэ хъугъэ.

Ахэмэ атхьакІумэхэмкІэ жъажъэу зэхахы, анэхэри аупІыцІагъэх.

Арэущтэу щымытыгъэмэ, анэхэмкІэ алъэгъу­щтыгъ,

атхьакІумэхэмкІи зэхахыщтыгъ, агухэмкІи къагу­рыІощтыгъ,

садэжьи къагъэзэжьыгъэмэ, сэ ахэр згъэхъужьы­щтгъэх».

16–Ау шъо шъунэхэри шъутхьакІумэхэри сыхьатмафэ ежьагъэх, ахэмэ ыкІи алъэгъу ыкІи зэхахы. 17Шъыпкъэр шъосэІо, пегъымбар Іаджи шъыпкъагъэ зиІэ цІыф Іаджи шъо шъулъэгъурэр алъэгъумэ ашІои­гъуагъ, ау алъэгъугъэп, шъо зэхэшъухырэри зэхахынэу ашІоигъуагъ, ау зэхахыгъэп.

 

Чылапхъэр зыпхъырэм ехьылІэгъэ гъэсэныгъэ тхыдэм

къикІырэр Исус игъогу рыкІохэрэм къызэрагуригъэІуагъэр

(Марк 4:13-20; Лука 8:11-15)

 

18–Ащыгъум чылапхъэр зыпхъырэм ехьылІэгъэ гъэсэ­ныгъэ тхыдэм къикІырэм шъукъедэІу: 19Тхьэм и Теты­гъошхо икъэбар зыгорэм зэхихэу, ау ар къызыгурымы­ІокІэ, Шэйтаныр къэкІошъ, чылэпхъэшІоу а цІыфым ыгу илъ хъугъэр рехыжьы. Мыр чылапхъэу гъогум тепхъагъэм фэд. 20Адрэ цІыфыри мыжъуабэ зэрылъ чІыгум тепхъэгъэ чылапхъэм фэд. А цІыфыр ары Тхьэм игущыІэхэр зэрэзэхиххэу, а гущыІэхэр гушІуагъокІэ зы­штэрэр. 21Ау ащ ыгукІэ лъапсэ зэримыІэм пае, шІошъ­хъуныгъэм игъогу бэрэ тетыжьрэп. Тхьэм игущыІэхэм апаекІэ, е гузэжъогъу зэрэхафэу, е цІыфхэм ащ къин зэрэрагъэщэчэу, шІошъхъуныгъэм игъогу текІыжьы. 22ЕтІани зы цІыф панэхэм ахэпхъэгъэ чылапхъэм фэд. Ащ Тхьэм игущыІэхэр зэхехых, ау мы дунаем игугъу­хэмрэ баиныгъэм игъэпцІэныгъэрэ Тхьэм игущыІэхэу ыгу илъхэр атхьалэхэшъ, ащ зи шІугъэ къыпыкІырэп. 23ЕтІани нэмыкІ зы цІыф чІыгу дэгъум хэпхъэгъэ чы­лапхъэм фэд. Ар ары Тхьэм игущыІэхэр зэхэзыхэу, зэхэ­зышІыкІырэр. Ащ шІугъэ къыпэкІы, е фэдишъэ, е фэдэ тІокІищ, е фэдэ щэкІ.

 

Уц шІоеу коцым ыгузэгу пый горэм щипхъыгъэм ехьылІэгъэ гъэсэныгъэ тхыдэр

 

24Исус нэмыкІ гъэсэныгъэ тхыди ахэмэ къафиІотагъ:

–Тхьэу уашъом щыІэм и Тетыгъошхо зыфэдэр лІэу чылэпхъэшІу зихьасэ хэзыпхъагъэр ары. 25Ау цІыфхэр чъыехэзэ, ипый къакІуи, уц шІой коцым ыгузэгу хипхъи ІукІыжьыгъ. 26А чылапхъэр къэкІэу, къыпы­кІэнэу зыфежьэм, ащ игъусэу уц шІоири къыхэкІыгъ.

27–Хьасэр зием ыдэжь илэжьакІохэр кІохи раІуагъ: «Тхьаматэ, чылэпхъэшІу уихьасэ хэупхъагъэба? Адэ, мы уц шІоир тыдэ къикІыгъа?»

28–«Ар пый горэм ышІагъ», къариІожьыгъ тхьаматэм. «Тэ тыкІонышъ, ар къыхэтчынэу уфая?» аІуи, лэжьа­кІохэр тхьаматэм еупчІыгъэх.

29–Ау ежьым къыІуагъ: «Хьау, ар хъущтэп, сыда пІомэ уц шІоим игъусэу коцыри къыхэшъучынкІэ мэхъу. 30ТІу­ри зэгъусэу хыныгъом нэсыфэ къызэдэрэкІ. Къахыжьын зыхъукІэ, хынакІомэ сэ ясІощт: Уц шІойхэр ыпэрапшІэу къыхэшъухи шъупхых, машІокІэ жъугъэстынхэм пае; етІанэ коцыр къэшъухи, сиконхэм арышъутакъу».

 

Горчицацэмрэ тэджэпсымрэ яхьылІэгъэ гъэсэныгъэ тхыдэхэр

(Марк 4:30-32; Лука 13:18-21)

 

31Ащ нэмыкІэуи зы гъэсэныгъэ тхыдэ Исус ахэмэ къафи­Іотагъ:

–Тхьэу уашъом щыІэм и Тетыгъошхо* зыфэдэр гор­чицацэр* ары. А цэр зы лІы горэм ихьасэ щишІагъ. 32Цэ пстэуми анахь цІыкІу пэтми, ар къызыкІырэ ужым, зы илъэс зыныбжь къэкІыгъэ пстэуми анахь инэу щыт. Ошъогу бзыухэри къэбыбыхэзэ, ащ икъутамэхэм ате­сынхэу чъыгы мэхъу.

33ЕтІанэ Исус нэмыкІ гъэсэныгъэ тхыди къафиІотагъ:

–Тхьэу уашъом щыІэм и Тетыгъошхо зыфэдэр тэджэ­псыри ары. Зы бзылъфыгъэ горэм тэджэпсыр къышти,

 

13:31 Тхьэу уашъом щыІэм и Тетыгъошхо – еплъ 3:2. 13:31 горчицэ – арапыбзэкІи тыркубзэкІи «хъардэл» ары.

 

хьаджыгъэ ІанлъищымкІэ зэхипшыхьагъ, зэрэщытэу къэ­тэджыфэ.

34А зэпстэури Исус гъэсэныгъэ тхыдэхэмкІэ цІыф ку­пышхохэмэ къафиІотагъ. Гъэсэныгъэ тхыдэ хэмытэу адэ­гущыІэщтыгъэп. 35Исус цІыфхэм адэгущыІэзэ, гъэсэныгъэ тхыдэхэр зыфафиІотагъэр пегъымбарым мы гущыІэхэу къыІуагъэхэр къэшъыпкъэжьынхэр ары:

«Гъэсэныгъэ тхыдэхэр къэсІуатэхэу сыжэ къызэ­тесхынышъ,

дунаер къызыхъугъэм щегъэжьагъэу аушъэфыщтыгъэ Іофхэр къэсІощтых».

 

Уц шІоеу коцым ыгузэгу пыим щипхъыгъэм ехьылІэгъэ

гъэсэныгъэ тхыдэм къикІырэр Исус игъогу рыкІохэрэм

къызэрагуригъэІуагъэр

 

36Ащ нэуж Исус цІыф купышхохэм къахэкІи, унэу зэрысыгъэм ихьагъ. Игъогу рыкІохэрэр къыбгъодахьэхи къыраІуагъ:

–Хьасэм къыхэкІэгъэ уц шІоим ехьылІэгъэ гъэсэныгъэ тхыдэм къикІырэр къыдгурыгъаІу.

37–ЧылэпхъэшІур зыпхъырэр ЦІыф Лъэпкъым Ыкъу* ары,– къыІожьыгъ Исус. 38–Хьасэм къикІырэр дунаер ары. ЧылэпхъэшІуми къикІырэр Тхьэм и Тетыгъошхо ыІэчІэгъ чІэт цІыфхэр ары. Уц шІоими къикІырэр шэй­таным ицІыфхэр ары. 39ЕтІанэ пыеу а уцыр коц гузэ­гум хэзыпхъагъэм къикІырэр шэйтаныр ары. Хыны­гъоми къикІырэр мы дунаем икІэух ары, хынакІохэми къарыкІырэр мэлэІичхэр ары.

40–Уц шІоир къыхачэу, машІомкІэ зэрагъэстырэм фэдэу ары зэрэхъущтыр мы дунаем икІэух дэжь: 41ЦІыф Лъэпкъым Ыкъо имэлэІичхэр ыгъэкІонхэшъ, уц шІоир лэжьыгъэм зэрэхачырэм фэдэу, цІыфхэм псэкІод языгъа­шІэрэ цІыфхэри, нэмыкІ цІыфхэу бзэджагъэ зышІэхэ­рэри Тхьэм и Тетыгъошхо ыІэчІэгъ чІаукъэбзыкІыщтых. 42МэлэІичхэм а цІыфхэр аугъоинхэшъ, мэшІошхом ихьаку радзэщтых. Ащ дэжьым куохьауныгъэрэ цэ зэрэ­гъэшхыныгъэрэ щыхъущтых. 43Джащыгъум шъыпкъа­гъэ зиІэ цІыфхэр тыгъэ нэбзыйхэм афэдэу, Ты лъапІэм

 

13:37 ЦІыф Лъэпкъым Ыкъу – еплъ 8:20.

 

и Тетыгъошхо ыІэчІэгъ чІэтхэу къыщынэфыщтых. РыдэІонэу тхьакІумэ зиІэм зэхерэх.

 

Гъэсэныгъэ тхыдищ

 

44–Ащ нэмыкІэуи Тхьэу уашъом щыІэм и Тетыгъошхо зыфэдэр мылъкушхоу хьасэм щыгъэбылъыгъэу щыты­гъэр ары. А мылъкушхор зы цІыф горэм къызегъотым, ыгъэбылъыжьи, гушІозэ кІуи, иІэр зэкІэ ыщэжьи, а хьасэр къыщэфыгъ.

45–ЕтІанэ Тхьэу уашъом щыІэм и Тетыгъошхо зыфэдэр налмэс-налкъутэ дэгъухэм алъыхъурэ сатыушІэр* ары. 46Налмэс-налкъутэ лъапІэ зегъотым, кІуи иІэр зэкІэ ыщэжьи, ар къыщэфыгъ.

47–Джыри Тхьэу уашъом щыІэм и Тетыгъошхо зыфэдэр хъытыоу хым хадзагъэу, пцэжъые зэмылІэужыгъуабэ къэзыубытыгъэр ары. 48Ащ изы зэхъум, пцэжъыяшэ­хэм ар хыІушъом къытыралъэшъожьыгъ. ЕтІанэ ахэр тІысхи, пцэжъые дэгъухэр щалъэхэм аралъхьэхи, пцэ­жъые дэйхэри чІадзыжьыгъэх. 49Джащ фэдэу ары зэрэ­хъущтыр мы дунаем икІэух дэжь. МэлэІичхэр къехын­хэшъ, шъыпкъагъэ зиІэ цІыфхэм цІыф бзаджэхэр къахащынхэшъ, 50мэшІошхом ихьаку радзэщтых. Ащ дэжьым куохьауныгъэрэ цэ зэрэгъэшхыныгъэрэ щыхъу­щтых.

 

МылъкукІэмрэ мылъкужъымрэ

 

51Ащ нэуж Исус игъогу рыкІохэрэмэ яупчІыгъ:

–А пстэури шъо шІоу къыжъугурыІуагъа?

–ПІІоу къыдгурыІуагъэх, Зиусхьан,– аІуи, ахэмэ пэгъокІ къатыжьыгъ.

52–Ащ къыхэкІыкІэ хэтрэ Тэурат егъэджэкІо пащэу* Тхьэу уашъом щыІэм и Тетыгъошхо ыІэчІэгъ чІахьэрэр унэ зие горэм фэд,– ариІуагъ Исус ахэмэ. –Ащ мы­лкъу гъэтІылъыпІэу иІэм мылъкукІи мылъкужъи къы­чІехы.

 

13:45 сатыушІэр – щэн-щэфакІор ары. 13:52 Тэурат егъэджэкІо пащэ – еплъ 2:4.

 

Назарет дэс цІыфхэм Исус зэрамыштагъэр

(Марк 6:1-6; Лука 4:16-30)

 

53А гъэсэныгъэ тхыдэхэр якъыІотэн Исус къызе­ухым, а чІыпІэм икІыжьыгъ. 54Янэ икъалэ къэкІожьи, ясинэгогу цІыфхэм Тхьэм игущыІэхэр щаригъашІэхэу ыублагъ. ЦІыфхэм зэраригъашІэщтыгъэ шІыкІэр агъэ­шІагъоу къаІуагъ:

–Мы лІым мыщ фэдиз зэхэшІыкІыныгъэшхо тыдэ къы­рихыгъа? Мы лъэкІыныгъэ зыхэлъ Іофышхохэр тыдэ къикІыгъэха? 55ПхъашІэм ыкъор арыба мыр? Мыщ янэба МерэмкІэ заджэхэрэр? Якъуб, Иосый, Симон, Иудэ мы лІым ышхэба? 56Ышыпхъухэри зэкІэ тэ къыт­хэсхэба? Арэущтэу зыщыткІэ, мы лІым мы Іоф пстэури тыдэ къырихыгъа?

57Арэущтэу Исус пае агу мыхъун къырагъэхьагъ.

–Пегъымбарым лъытэныгъэ фэзымышІыхэрэр ежь янэ икъалэ дэсхэмрэ ежь иунагъо щыщхэмрэ арых ныІэп,– ариІуагъ Исус ахэмэ.

58Ахэмэ шІошъхъуныгъэ зэрямыІэм пае, Исус Іофы­шхо гъэшІэгъоныбэхэр ащ щищІагъэхэп.

 

 

 

14

ЯПШІЫКІУПЛІЭНЭРЭШЪХЬ

 

УмэхъэкІо Иуан ышъхьэ зэрэпаупкІыгъэр

(Марк 6:14-29; Лука 9:7-9)

 

А мафэхэм пщэу Ирод* Исус икъэбар зэхихыгъэти, 2Іофтабгэхэмэ ариІуагъ:

–Ар умэхъэкІо Иуан арын фае. Ар лІагъэхэм къа­хэтэджыкІыжьыгъ, джари ащ фэдэ лъэкІыныгъэ зыхэлъ Іофышхохэр ыІэ къызкІикІыхэрэр.

3, 4Ирод ар зыкІиІуагъэр мары: Ежьым ышэу Филипп зыцІэр псаоу пэтми, Ирод а Филипп ишъузэу Иродиадэ

 

14:1 пщэу Ирод – Ирод Антипэ ары. Исус къэхъуным ыпэкІэ я 4-рэ илъэсым къыщегъэжьагъэу Исус къызэхъу нэужым я 39-рэ илъэсым нэсы, ар Галилей хэкумрэ, Перей хэкумрэ япщэу щытыгъ.

 

зыцІэр къыщэжьыгъ. Ащ къызэрищэжьыгъэм пае, Иуан Ирод риІощтыгъ: «О пшы ишъуз къэпщэжьыныр хабзэкІэ хъущтэп». Ащ нэужым Иродиадэ ихьатыркІэ Ирод идзэлІхэм Иуан аригъэубыти, Іэхъу-лъэхъу тыраригъалъхьи, хьапсым чІаригъэдзагъ. 5 Ирод Иуан ыукІынэу фэягъ, ау цІыфхэм ащыщынэщтыгъ, сыда пІомэ ахэмэ Иуан пегъымбаркІэ алъытэщтыгъэти ары.

6Ау Ирод къызыхъугъэ мафэр загъэлъапІэм, Иродиадэ ыпхъу утыгум къиуцуи, къафашъуи, пщы Ирод ыгу еІугъ. 7Ыгу еІугъэти, пшъашъэм тхьарыІо фишІи ыІуагъ:

–Сыд щыщми узыфаер остын.

8Янэ ыгъэІушыгъэти, пшъашъэм къыІуагъ:

–УмэхъэкІо Иуан ышъхьэ лэгъэшхо горэм илъэу къысэт.

9,10Пачъыхьэм ар зызэхехым, ыгу лъэшэу къеуагъ, арышъхьакІэ хьакІэхэм апашъхьэ пшъашъэм тхьарыІоу фишІыгъэм пае зыфаер ратынэу унашъо ышІи, Иуан ышъхьэ хьапсым къыщыпиупкІынэу зы дзэлІ горэ ыгъэкІуагъ. 11Иуан ышъхьэ лэгъэшхом илъэу къахьи, пшъашъэм ратыгъ, пшъашъэми янэ фихьыгъ. 12ЕтІанэ Иуан игъогу рыкІохэрэр къакІохи, Иуан ихьадэ хьапсым чІахы-жьи, чІалъхьажьыгъ. ЗычІалъхьажьы ужым, кІохи къэбарыр Исус фахьыгъ.

 

Исус нэбгырэ минитф зэригъэшхагъэр

(Марк 6:30-44; Лука 9:10-17; Иуан 6:1-14)

 

13Исус а къэбарыр зызэхехым, цІыфхэм ахэкІи, къуашъомкІэ чІыпІэ Іудзыгъэ горэм изакъоу кІуагъэ. Ау цІыф купышхохэм ар зызэхахым, къалэхэм къадэкІыхи, лъэсэу Исус лъыкІуагъэх. 14Исус къуашъом къикІи, цІыф купышхор зелъэгъум, ыгу афэгъуи, сымаджэхэу ахэтхэр ыгъэхъужьыгъэх.

15 Пчыхьэ зэхъум, игъогу рыкІохэрэр Исус къыбгъодахьэхи къаГуагъ:

–Мы чІыпІэр нэкІы, мафэри хэкІотэгъах. Къуаджэхэм кІонхэшъ, гъомлапхъэ къызфащэфыжьыным пае, цІыф купышхохэр тІупщыжьых.

16–3ыми кІонхэу ящыкІагъэп. Шъо ахэр жъугъашхэх,–ариІуагъ Исус ахэмэ.

17–Тэ хьалыгъуитфрэ пцэжъыитІурэ нахь зи тиІэп,– къыраІожьыгъ адрэхэм.

18 –Мо сэ ахэр къысфэшъухьых,– къыІожьыгъ Исус. 19ЕтІанэ Исус цІыф купышхохэр уцым хэтІысхьанхэу ариІуагъ. Хьалыгъуитфымрэ пцэжъыитІумрэ къыштэхи, уашъом дэплъыий, Тхьэм щытхъу фишІыгъ. ЕтІанэ хьалыгъухэр зэгуичыхи, игъогу рыкІохэрэм аритыгъэх; ахэми цІыф купышхохэм афагощыгъэх. 20ЦІыф пстэури шхагъэх ыкІи загъэшхэкІыгъ. Ащ нэужым хьалыгъу такъырхэу къялыжьыгъэхэр мэтэ пшІыкІутІу арызэу аугъоижьыгъэх. 21 Шхагъэхэр зэкІэ, бзылъфыгъэхэмрэ сабыйхэмрэ хэмытхэу, нэбгырэ минитф фэдиз хъущтыгъэх.

 

Исус псы кІыІум тетэу зэрэкІуагъэр

(Марк 6:45-52; Иуан 6:16-21)

 

22ЕтІанэ Исус цІыф купышхохэр ытІупщыжьыхэфэ, игъогу рыкІохэрэр ежьым ыпэрапшІэу псыхъураем иадрабгъу зэпырыкІынхэу къуашъом ригъэтІысхьагъэх. 23ЦІыф купышхохэр зетІупщыжьыхэ ужым, изакъоу Тхьэм елъэІунэу Іуашъхьэм дэкІоягъ. Пчыхьашъхьэр къызэсым, ащ дэжьым изакъоу къытенагъ. 24Ау къуашъор псыхъураем ыгузэгу нэсыгъагъ, жьыбгъэри къыпеоти, хыорхэм къуашъор къин хадзагъ.

25 АтэкъэІогъум дэжь къуашъом исхэм алъэныкъокІэ псы кІыІум тетэу Исус къэкІуагъ. 26Исус псы кІыІум тетэу къакІоу игъогу рыкІохэрэмэ залъэгъум, хьадэ джадэу аІуи, лъэшэу щтагъэхэу къэкууагъэх.

27 Ау къызэкуохэм, Исус къариІуагъ:

–Шъугу шъумыгъэкІоды, сэры ар, шъумыщын.

28–Зиусхьан,* орымэ ар, псы кІыІум сытетэу, уадэжь сыкъэкІонэу къысаІу,– риІуагъ Петрэ Исус.

29–КъакІо,– къыІуагъ Исус.

Петр къуашъом икІи, псы кІыІум тетэу Исус ыдэжь кІоу ыублагъ. 30Ау жьыбгъэшхоу къепщэрэм гу зылъетэм, къэщтагъ. Псым чІэбэу зеублэм, къэкууагъ:

–Зиусхьан, сымытхьалэу сыкъэгъэнэжь.

 

14:28 Зиусхьан – Тхьэмэтэшхор ары.

 

31 Петрэ ар къызэриІоу, Исус ыІэ ыщэий, къыубыти къыриІуагъ:

–О шІошъхъуныгъэ зимакІэр, сыда узкІехъырэхъышагъэр?

32ЕтІанэ а нэбгыритІур къуашъом адитІысхьажьхи, жьыбгъэр уцужьыгъэ. 333эуцужьым, къуашъом исхэр лъэгонджэмышъхьэкІэ Исус ыпашъхьэ къитІысхьэхи раІуагъ:

–Шъыпкъэу о Тхьэм ури Къоу ущыт.

 

Исус Геннисарет хэкум сымаджэхэр зэрэщигъэхъужьыгъэхэр

(Марк 6:53-56)

 

34Псыхъураем зызэпырэкІыхэм, Геннисарет хэкум нэсыгъэх. 35А чІыпІэм ис цІыфхэмэ Исус къызашІэжьым, а хэкум зэрэщытэу макъэ щагъэІуи, сымаджэхэр зэкІэ Исус къыфахьыгъэх. 363и мыхъуми, Исус ищыгъын кІапэ нигъэсынхэу къелъэІугъэх, ищыгъын кІапэми нэсыгъэ пстэури хъужьыгъэх.

 

 

15

ЯПШІЫКІУТФЭНЭРЭШЪХЬ

 

Тыжъхэм къакІэныжьыгъэ хабзэхэр

(Марк 7:1-23)

 

Джащыгъум Ерусалим къикІыгъэ фарисейхэмрэ Тэурат егъэджэкІо пащэхэмрэ Исус ыдэжь къакІохи къеупчІыгъэх:

2–O уигъогу рыкІохэрэр тятэжъхэм къытфагъэнэгъэ хабзэхэм сыда зыкІатекІыхэрэр? Сыда пІомэ ахэмэ аІэхэр амытхьакІыхэу машхэх!

3–Шъо шъуятэжъхэми яхабзэхэм шъуатетыным пае, Тхьэм иунашъо сыда шъузыкІытекІырэр?– ариІожьыгъ

Исус. 4–Сыда пІомэ Тхьэм ыІуагъ:* «Уятэрэ уянэрэ лъытэныгъэ афэшІ», ыкІи «Хэти щэрэт зятэ е зянэ ІэягъэкІэ тегущыІэрэр шъуукІын фае». 5,6Ау шъо шъоІо: «Зы цІыф горэм ежьым ятэ е янэ мырэущтэу риІомэ: Сэ тынэу шъо шъостын слъэкІыщтгъэр джы Тхьэм пае тын сшІыщт, ыІоу, ащыгъум ятэ-янэхэм лъытэныгъэ афимышІыми хъущт». Арэущтэу шъушІэзэ, шъуятэжъхэм къышъуфагъэнэгъэ хабзэхэмкІэ Тхьэм игущыІэхэр зы лъэныкъокІэ ешъогъэзых. 7Шъо, нэпитІу зиІэхэр! Пасэм пегъымбар Исайас шъыпкъэр къышъуиІолІагъ мырэущтэу зеІом:*

8 «Мы цІыфхэм аІупэхэмкІэ сагъэлъапІэ,

ау агухэмкІэ спэчыжьэх.

9Ахэмэ цІыфхэм Іофхэр арагъашІэхэзэ,

цІыфхэм яхабзэ Тхьэм иунашъо зэрэфагъадэрэм пае,

сызэрагъэлъапІэрэр хьаулый».

10 Ащ нэужым Исус цІыф купышхомэ къяджи ариІуагъ:

–ШъукъэдаІу ыкІи зыгурыжъугъаІу. 11ЦІыфыр мыкъабзэу зышІырэр ыжэ дахьэрэр арэп, ыжэ къыдэкІырэр ары нахь.

12Джащыгъум игъогу рыкІохэрэр Исус къыбгъодахьэхи къеупчІыгъэх:

–Фарисейхэм* а къэпІуагъэхэр зызэхахым, агу мыхъун къызэрэрагъэхьагъэр ошІа?

13 –Сыдрэ къэкІыгъэу Сятэу уашъом щыІэм чІым химыгъэтІысхьагъэр къыхэтхъыжьыгъэу хъущт,– ариІожьыгъ Исус. 14–Ахэмэ ауж шъуикІ. Мы фарисейхэр цІыф нэшъухэм япэрыт нэшъух. Зы нэшъум адрэ нэшъур зэрищэн хъумэ, тІури машэм ифэщтых.

15Арэущтэу зеІом, Петр Исус къыриІожьыгъ:

–А гъэсэныгъэ тхыдэу къэпІотагъэм къикІырэр къыдгурыгъаІу.

16 –Джыри зи къыжъугурымыІоу ара?– къыІожьыгъ Исус

 

15:4 Тхьэм ыІуагъ – еплъ Пегъымбар Мусэ ятІонэрэ тхылъэу ытхыгъэм 20:12; 21:17.

15:7-9 пегъымбар Исайас зеІом – еплъ Пегъымбар Исайас тхылъэу ытхыгъэм 29:13.

15:12 фарисейхэр – еплъ 3:7.

 

17–Жэм дахьэрэ пстэури ныбэм зэрихьэу, пкъым къызэрэхэкІыжьырэр къыжъугурыІорэба? 18Ау жэм къыдэкІыхэрэр гу кІоцІым къекІых. Ахэр ары цІыфыр мыкъабзэу зышІыхэрэр; 19сыда пІомэ гум къикІыхэрэр мыхэр ары: гупшысэ бзаджэхэр, цІыф укІыныр, зинэ шІэныр, тыгъоныр, цІыфхэм пцІы ателъхьаныр, ІэягъэкІэ цІыфхэм атегущыІэныр. 20Ахэр ары цІыфыр мыкъабзэу зышІыхэрэр. Ау Іэ мытхьакІыгъэхэмкІэ шхэным цІыфыр мыкъабзэу ышІырэп.

 

Ханаан хэкум щыщ бзылъфыгъэм шІошъхъуныгъэу иІагъэр

(Марк 7:24-30)

 

21 ЕтІанэ Исус а чІыпІэм икІи, къалэхэу Тиррэ Сидонрэ* яІэгъо-благъо кІуагъэ. 22Джащыгъум а лъэныкъом къикІыгъэу, Ханаан хэкум щыщэу зы бзылъфыгъэ горэ* Исус ыдэжь къакІуи къэкууагъ:

–Тхьаматэу Даутэ Ыкъу,* гукІэгъу къысфэшІ. Зы джынапцІэ горэм сэ спхъу Іаеу ригъэзыгъэу щыт.

23 Ау Исус а бзылъфыгъэм зы гущыІи риІуагъэп, зы пэгъокІи ритыжьыгъэп. Игъогу рыкІохэрэр Исус къыбгъодахьэхи къаІуагъ:

–Мыр куозэ, тауж итышъ, ІугъэкІ.

24–Израил цІыфхэу мэл кІодыгъэхэм афэдэхэр ары ныІэп сыкъызфэкІуагъэхэр,– къыІожьыгъ Исус.

25 Ау бзылъфыгъэр Исус къыбгъодахьи, лъэгонджэмышъхьэкІэ ыпашъхьэ къитІысхьи къыІуагъ:

–О тхьаматэ, къыздэІэпыІ!

26–Хьалыгъур сабыйхэм аІыпхэу хьэхэм ябгъэшхыныр тэрэзэп,– пэгъокІ ытыжьыгъ Исус.

27–Шъыпкъэ, тхьаматэ,– къыІожьыгъ бзылъфыгъэм, –ау хьэхэми ятхьаматэхэм яІанэ къетэкъохырэ шкъойхэр ашхых.

28–О бзылъфыгъ, шІошъхъуныгъэу уиІэр ины,– ри-

 

15:21 къалэхэу Тиррэ Сидонрэ – еплъ 11:21.

15:22 Ханаан хэкум щыщэу зы бзылъфыгъэ горэ – а бзылъфыгъэр мыджуртэу, Рим (Рум) къэралыгъошхом щыщ Сирие хэкум къыщыхъугъ. Еплъ Марк 7:26.

15:22 Даутэ Ыкъу – еплъ 9:27.

 

Іуггъ Исус. –О зэрэпшІоигъом тетэу къыбдэрэхъу.

А сыхьатым къыщегъэжьагъэу а бзылъфыгъэм ыпхъу хъужьыгъэ.

 

Исус цІыфыбэхэр зэригъэхъужьыгъэхэр

 

29 Ащ нэужым Исус а чІыпІэм икІи, Галилей псыхъураем рекІокІыгъ. Іуашъхьэм дэкІуаий, ащ дэжьым тетІысхьагъ. 30ЦІыф купышхуабэхэм цІыф лъащэри, Іащэри, нэшъури, дэгури, нэмыкІрэ уз зиІэхэри къыздащэхи, Исус ыдэжь къакІохи, сымаджэхэр ащ ылъакъохэм адэжь щагъэтІылъыгъэх. ЗагъэтІылъхэм, Исус ахэр ыгъэхъужьыгъэх. 31 Бзакохэр гущыІэхэу, Іащэхэр псаохэу, лъащэхэр тэрэзэу зекІожьхэу, нэшъухэр къэплъэжьыгъэхэу цІыфхэм залъэгъум, агъэшІэгъуи, Израил и Тхьэ щытхъу фашІыгъ.

 

Исус нэбгырэ миниплI зэригъэшхагъэхэр

(Марк 8:1-10)

 

32Исус игъогу рыкІохэрэм къяджи къыІуагъ:

–Мы цІыфхэм сыгу ягъу, сыда пІомэ мэфищ хъугъэу сигъусэх, ашхыни яІэп. МэлакІэ лІэхэу стІупщыжьынхэкІэ сыфаеп. Гъогум щызэхэфэнхэкІи мэхъу.

33 –Мыщ фэдиз цІыф купышхом афырикъун хьалыгъу шъоф нэкІым тыдэ къитхын тлъэкІына?– аІуи, игъогу рыкІохэрэм Исус къыраГуагъ.

34–Хьалыгъу тхьапша шъуиІэр?– ариІуагъ Исус ахэмэ.

–Хьалыгъуиблырэ пцэжъые тІэкІурэ тиІ,– къаІожьыгъ ахэмэ.

35Джащыгъум Исус цІыф купышхор чІыгум етІысэхынхэу унашъо афишІыгъ. 36 Хьалыгъуиблымрэ пцэжъыехэмрэ къыштэхи, Тхьэм щытхъу фишІыгъ. ЕтІанэ хьалыгъухэр зэгуичыхи, игъогу рыкІохэрэм аритыгъэх. Ахэми цІыфхэм афагощыгъэх. 37 ЦІыф пстэури шхагъэх ыкІи загъэшхэкІыгъ. Ащ нэужым хьалыгъу такъырхэу къялыжьыгъэхэр мэтибл арызэу аугъоижьыгъэх. 38Шхагъэхэр, бзылъфыгъэхэмрэ сабыйхэмрэ хэмытхэу, нэбгырэ

миниплІ фэдиз хъущтыгъэх. 39ЕтІанэ Исус цІыф купышхор ытІупщыжьи, къуашъом итІысхьи, Магадан хэкум кІуагъэ.

 

 

16

ЯПШІЫКІУХЭНЭРЭШЪХЬ

 

Зы нэшэнэ гъэшІэгъонышхо горэ уашъом къафыригъэхынэу фарисейхэр Исус къызэрелъэІугъэхэр

(Марк 8:11-13; Лука 11:29-32)

 

Фарисейхэмрэ саддукейхэмрэ* Исус ыдэжь къакІохи, ежьыр агъэунэфыным пае, зы нэшэнэ гъэшІэгъонышхо горэ уашъом къафыригъэхынэу къелъэІугъэх.

2Ау Исус ахэмэ ариІожьыгъ:

–Пчыхьашъхьэм мырэущтэу шъоІо: «Уашъор шэплъышъ, мафэр ошІу хъущт». 3Пчэдыжьыми мырэущтэу шъоІо: «Уашъом ошъуапщэр тиз ыкІи шэплъышъ, непэ оешхо хъущт». Уашъом итеплъэ къикІырэр къыжъугурэІо, ау мы лъэхъанэм инэшанэхэм къарыкІырэр къыжъугурыІон шъулъэкІырэп. 4Джырэ цІыф бзаджэхэу Тхьэр зымышІэхэрэр нэшэнэ гъэшІэгъонышхо фаех, ау пегъымбар Юныс инэшанэ* нэмыкІ Тхьэм ахэмэ къаритыщтэп.

Ар къызеІом, Исус ахэмэ ахэкІи ІукІыжьыгъ.

 

Фарисейхэмрэ саддукейхэмрэ ятэджэпс

(Марк 8:14-21)

 

5ЕтІанэ псыхъураем иадрабгъу зызэпырэкІыжьхэм, игъогу рыкІохэрэм хьалыгъу къыздахьынэу ащыгъупшэгъагъ. 6Исус ахэмэ ариІуагъ:

–Шъуфэсакъ. Фарисейхэмрэ саддукейхэмрэ ятэджэпсы зыщышъуухъум.

7–Хьалыгъу тиІэпышъ ары ащ зыкІиІорэр,– зэраІозэ, игъогу рыкІохэрэр а Іофым тегущыІагъэх.

 

16:1 Фарисейхэмрэ саддукейхэмрэ – еплъ 3:7. 16:4 пегъымбар Юныс инэшанэ – еплъ 12:39-40.

 

8Исус ахэмэ аГуагъэм гу лъити къыІуагъ: –ШІошъхъуныгъэ зимакІэхэр, хьалыгъу зэрэшъуимыІэм сыд пае шъутегущыІэра? 9Джыри зи къыжъугурымыІоу ара? Шъугу къэкІыжьырэба, хьалыгъуитфыр цІыф минитфым зафызэгосэчым, хьалыгъу шкъойхэр арызэу сыд фэдиз матэхэу шъуугъоижьыгъэхэр? 10 Хьалыгъуиблыри цІыф миниплІым зафызэгосэчым, хьалыгъу такъыр матэхэу сыд фэдиза арызэу шъуугъоижьыгъэхэр? 11Фарисейхэмрэ саддукейхэмрэ ятэджэпс зыщышъуухъум», сІуи зэсэІом, хьалыгъур арэп сэ зыфэсІогъагъэр, ар сыдэущтэу къыжъугурымыІора?

12Исус зыфиІогъагъэр хьалыгъу тэджэпсыр арыгъэп, ау Фарисейхэмрэ саддукейхэмрэ цІыфхэм Іофхэу арагъашІэхэу щытыгъэхэр ары нахь. Ащ зыщаухъумэн зэрэфаер Исус игъогу рыкІохэрэм джы къагурыІуагъ.

 

«Оры Христосэу Тхьэм Ыкъор» ыІуи, Петр Исус зэрэриІуагъэр

(Марк 8:27-30; Лука 9:18-21)

 

13ЕтІанэ Кайсарфилипие къалэм* иІэгъо-благъо Исус къызэкІом, игъогу рыкІохэрэм яупчІыгъ:

–Сэ ЦІыф Лъэпкъым Ыкъо* хэт сыщыщэу цІыфхэм аІора?

14 –Зы купым о уумэхъэкІо Иуанэу аІо,– къаІожьыгъ ахэмэ. –НэмыкІхэми о упегъымбар Илясэу* аІо. ЕтІанэ адрэхэми о упегъымбар Иеремиеу е пегъымбархэмэ уащыщ горэу аІо.

15 –Адэ шъори, сэ хэт сыщыщэу шъуІора?– яупчІыгъ Исус ахэмэ.

16 –Оры Христосэу* щыІэныгъэр къыздикІырэ Тхьэм Ыкъор,– къыІожьыгъ Симон Петр.

 

16:13 Кайсарфилипие къалэр – Галилей псыхъураем километрэ 40-кІэ пэчыжьэу, итемыр лъэныкъомкІэ итыгъ.

16:13 ЦІыф Лъэпкъым Ыкъо – еплъ 8:20.

16:14 пегъымбар Иляс – ар чІылъэм къыгъэзэжьынышъ, Христос игъогу фигъэпсынэу джуртхэр паплъэхэу щытыгъэх. Еплъ Пегъымбар Малахие тхылъэу ытхыгъэм 4:5-6.

16:16 Христос – еплъ 1:17.

 

17 –Сыхьатмафэ уежьагъ, о Юныс ыкъо Симон,– ыІуи, Исус ащ риІожьыгъ. –Сыда пІомэ мыр зэхэозыгъэшІыкІыгъэр цІыфыр арэп, Сятэу уашъом щыІэр ары нахь. 18 Сэ осэІо, о у Петрэ, мыжъом уфэд, сэ сичылыс о къыптесшІыхьащт, лІэныгъэм ыкІуачІэхэри а чылысым текІонхэ алъэкІыщтэп. 19Тхьэу уашъом щыІэм и Тетыгъошхо* иІункІыбзэхэр остыщтых; чІылъэм сыд щыщми о фит умышІырэр уашъоми фиты щыхъущтэп; чІылъэм сыд щыщми о фит пшІырэри уашъоми фиты щыхъущт.

20ЕтІанэ ежьыр зэрэ Христосыр зыми рамыІотэжьынэу Исус игъогу рыкІохэрэм унашъо пытэ афишІыгъ.

 

Исус ежьыр зэраукІыщтри, лІагъэхэм къызэрахэтэджыкІыжьыщтри къызэриІуагъэр

(Марк 8:31-9:1; Лука 9:22-27)

 

21А лъэхъанэм къыщегъэжьагъэу Исус игъогу рыкІохэрэм къагуригъаІоу ыублагъ:

–Сэ Ерусалим сыкІон фаеу щыт. Нахьыжъхэми*, дин пэщэшхохэми, Тэурат егъэджэкІо пащэхэми* къиныбэ сагъэщэчын ыкІи саукІын фаеу щыт, ящэнэрэ мафэми лІагъэхэм сыкъахэтэджыкІыжьын фаеу щыт.

22Арэущтэу зеІом, Петрэ Исус зы лъэныкъокІэ Іуищи, фимыдэу фежьагъ:

–Зиусхьан, Тхьэм ар ерэмыд. Ар зыкІи къыохъулІэ хъущтэп.

23Исус Петрэ зыкъыфигъази риІуагъ:

–Сауж икІ, шэйтан. Сэ сигъогукІэ пэрыохъу укъысфэхъу, сыда пІомэ, о уигупшысакІэ Тхьэм игупшысакІэу щытэп, цІыфым игупшысакІэу щыт нахь.

24Джащыгъум Исус игъогу рыкІохэрэм ариІуагъ:

–Зыгорэ сэ сауж къырыкІонэу фаемэ, ежьыр зыфэе Іофхэр къерэгъанэхи, лІэныгъэм икъащ къерэшти, сауж къырэрэкІу; 25сыда пІомэ хэти зыпсэ мыкІодэу къэзыгъэнэжьынэу фаем ыпсэ шІокІодыщт, ау хэти сэщ пае

 

16:19 Тхьэу уашъом щыІэм и Тетыгъошхо– еплъ 3:2.

16:21 нахьыжъхэр – лъытэныгъэ зиІэ джурт дин тхьэмэтэ купэу щытыгъэх. Ахэмэ ащыщхэу заулэ Тхьэмэтэ Хэсэшхом щыщыгъэх.

16:21 дин пэщэшхохэмрэ Тэурат егъэджэкІо пащэхэмрэ – еплъ 2:4.

 

зыпсэ зышІокІодрэм ыпсэ мыкІодэу къыгъэнэжьыщт. 26Дунаер зэкІэ зы цІыфым ие хъоу, ежьыр кІодмэ, а цІыфым ишІуагъэу къэкІощтыр сыда? Хьауми цІыфым ыпсэ пае уасэу сыда ытышъущтыр? 27 Сыда пІомэ ЦІыф Лъэпкъым Ыкъо имэлэІичхэр игъусэхэу ежь Ятэ ищытхъушхо фэдэ щытхъушхо иІэу къэкІожьыщт. Ащыгъум хэти ышІагъэм фэшъуашэу ригъэгъотыжьыщт. 28 Шъыпкъэр шъосэІо, ЦІыф Лъэпкъым Ыкъо и Тетыгъошхо иІэу къакІоу алъэгъуфэ, мыщ дэжьым щыт цІыфхэм ащыщхэу заулэм лІэныгъэр алъэгъущтэп.

 

 

17

ЯПШІЫКІУБЛЭНЭРЭШЪХЬ

 

Исус итеплъэ зэрэзэрихъокІыгъэр

(Марк 9:2-13; Лука 9:28-36)

 

Мэфих зытешІэ ужым, Исус Петри, Якъуби, ащ ышы Иуани зидищэхи, Іошъхьэ лъагэм язакъоу дищэягъэх. 2Джащыгъум ахэмэ апашъхьэ Исус итеплъэ щызэрихъокІыгъ. Ынэгу тыгъэм фэдэу къэлыдыгъ, ищыгъынхэри осым фэдэу фыжьыбзэу хъугъэх. 33эплъэхэм, пегъымбархэу Мусэрэ Илясрэ Исус къыдэгущыІэхэу ащ игъогу рыкІорэ нэбгырищым къафэлъэгъуагъэх.

4–Зиусхьан, мыщ дэжьым тызэрэщыІэр дэгъу,– ыІуи, Петр Исус къыриІуагъ. –Уфаемэ, чэлищ мыщ дэжьым щызгъэІэн, ощ пае зы, Мусэ паий зы, Иляс паий зы.

5Петр гущыІэзэ, ошІэ-дэмышІэу ошъопщэ нэфынэ къакІуи, ахэмэ къашъхьэщыхьагъ. Ошъуапщэм зы макъэ горэ къыхэІукІыгъ:

–Мары сэ шІу слъэгъурэ Скъо кІасэу сыгу зэГурэр.* Ащ ыІорэм шъуедэІу.

6Ар зызэхахым, Исус игъогу рыкІохэрэр лъэшэу щтагъэхэу чІыгум бгъэгукІэ зырадзэхыгъ. 7Ау Исус ахэмэ абгъодахьи, ІапэкІэ анэси къыІуагъ:

–Шъумыщын, шъукъэтэдж.

8 Къыздэплъыехэм, Исус нэмыкІ зи алъэгъужьыгъэп.

 

17:5 Мары сэ шІу слъэгъурэ Скъо кІасэу сыгу зэІурэр – еплъ 3:17.

9Ахэр Іуашъхьэм къехыжьхэзэ, Исус ахэмэ унашъо афишІыгъ:

–ЦІыф Лъэпкъым Ыкъо* лІагъэхэм къахэтэджыкІы-жьыфэ, шъулъэгъугъэр зыми ешъумыІотэжь.

10Игъогу рыкІорэ нэбгырищыр Исус къеупчІыгъэх:

–Адэ, Тэурат егъэджэкІо пащэхэм, «ЫпэрапшІэу пегъымбар Иляс къэкІон фае»,* сыда зыкІаІорэр?

11–Шъыпкъэ, Иляс къэкІонышъ, Іоф пстэури тэрэзэу зэтыригъэуцожьын фае,– ариІожьыгъ Исус. 12–Ау сэ шъосэІо, Иляс къэкІогъах, ари къашІэжьыгъэп, ау Іоф бзэджагъэу ащ рашІэнхэу зыфэягъэхэр рашІагъэх. Ащ фэдэу ахэмэ ЦІыф Лъэпкъым Ыкъуи къин рагъэщэ-чыщт.

13Джащыгъум Исус зыфиІогъагъэр умэхъэкІо Иуан арэу Исус игъогу рыкІохэрэм къагурыІуагъ.

 

Исус джынапцІэ зыхэс кІалэ горэ зэригъэхъужьыгъэр

(Марк 9:14-29; Лука 9:37-43а)

 

14 Ащ нэужым Исусрэ игъусищымрэ цІыф купышхом адэжь къызагъэзэжьым, зы лІы горэ Исус къыбгъода-хьи, ыпашъхьэ лъэгонджэмышъхьэкІэ къитІысхьи, 15 къы-Іуагъ:

–Тхьаматэ, скъо гукІэгъу къыфэшІ, сыда пІомэ мэза-кІэр къызихьэкІэ, лъэшэу къин ещэчы. Бэрэ машІом е псым хэфэ. 160 уигъогу рыкІохэрэм адэжь сщагъэ, арышъхьакІэ, ахэмэ агъэхъужьын алъэкІыгъэп.

17–Еоой, шІошъхъуныгъэ зимыІэхэу, джырэ цІыф къуанчэхэр,– къыІожьыгъ Исус. –Сыд фэдизрэ сышъу-хэтын фая? Сыд фэдизрэ шъусщыІэн фая? А кІалэр къысфашъущ.

18Къызыфащэм, Исус джынапцІэм егыигъ, джынапцІэ-ри кІалэм хэкІыжьыгъ. А сыхьатым щегъэжьагъэу кІа-лэр хъужьыгъэ.

19ЕтІанэ Исусрэ игъогу рыкІохэрэмрэ язакъоу къы-зэнэжьхэм, ахэр Исус къыбгъодахьэхи къеупчІыгъэх:

 

17:9 ЦІыф Лъэпкъым Ыкъо – еплъ 8:20.

17:10 ЫпэрапшІэу пегъымбар Иляс къэкІон фае – еплъ 16:14.

 

–Сыд пае а джынапцІэр тэ хэтфын тымылъэкІыгъа?

20–Шъо шъуишІошъхъуныгъэ зэрэмакІэр арышъ ары,– ариІожьыгъ Исус. –Шъыпкъэр шъосэІо, горчицацэм* фэдизэу шІошъхъуныгъэ шъуиІэмэ, мы Іуашъхьэм, «ІукІи модэ кІо!» зешъуІокІэ, ар ІукІынышъ кІощт. Ащыгъум шъо къыжъудэмыхъун Іоф зи къэнэжьыщтэп.

21–Мыщ фэдэ джынапцІэр тхьэлъэІумрэ нэкІынымрэ афэшъхьафкІэ цІыфым хэпфышъущтэп,– къыпигъэхъо-жьыгъ Исус.

 

Исус ежьыр зэраукІыщтри, лІагъэхэм къызэрахэтэджыкІыжьыщтри ятІонэрэу къызэриІуагъэр

(Марк 9:30-32; Лука 9:43-45)

 

22Исусрэ игъогу рыкІохэрэмрэ Галилей хэкум зыщы-зэрэугъоижьхэм, Исус ариІуагъ:

–ЦІыф Лъэпкъым Ыкъо цІыфхэм аІэкІэхьанышъ, 23ахэмэ ежьыр аукІыщт, ящэнэрэ мафэми лІагъэхэм къа-хэтэджыкІыжьыщт.

Исус ар зареІом, агу лъэшэу къеуагъ.

 

Исусрэ Петрэрэ Тхьэм иунэшхо пае хьакъулахь ахъщэр зэратыгъэр

 

24Капернаум къалэм къызэкІохэм, Тхьэм иунэшхо пае хьакъулахь ахъщэу дидрахм зыцІэр* хэзыхыхэрэр Петрэ ыдэжь къакІохи къаГуагъ:

–Тхьэм и унэшхо пае хьакъулахь ахъщэу дидрахмэр шъуи-дин гъэсакІом ета?

25–Ары, еты,– къыІожьыгъ Петрэ.

ЕтІанэ Петрэ унэм зехьэм, ар къэмыгущыІэу Исус ащ дэгущыІагъ:

–О сыдэу ухаплъэра, Симон? Дунаем тет пачъыхьэмэ хьакъулахьэу хьапщыпхэм атыралъхьэрэмрэ хьакъула-

 

17:20 горчицэ – арапыбзэкІи тыркубзэкІи «хъардэл» ары.

17:24 Тхьэм иунэшхо пае хьакъулахь ахъщэу (еплъ 5:46) дидрахм зыцІэр – хэтрэ зы джуртэу зыныбжь икъугъэм илъэс къэс лэжьакІом имэфэпкІитІум фэдиз ахъщэ Тхьэм иунэшхо пае ытын фаеу щытыгъ.

 

хьэу цІыфмэ атыралъхьарэмрэ хэта къызыІахырэр? Ежьхэмэ акъохэр ара, хьауми нэмыкІ цІыфхэр ара?

26–НэмыкІ цІыфхэр ары,– къыІожьыгъ Петр.

–Джащыгъум ежьхэм акъохэм хьакъулахь атыралъ-хьарэп, арыба?– ыІуи, Исус ащ риІожьыгъ. 27–Ау мы цІыфхэм агу къетымыгъэоным пае, псыхъураем кІуи, уипцэкъэнтф хадзи, апэрэ пцэжъыеу къыхэбдзырэр къа-шти, ыжэ зэтехи, тыжьын ахъщэ дэбгъотэщт. Ар шти, хьакъулахьэу сэщ паий ощ паий ят.

 

 

18

ЯПШІЫКЮЕНЭРЭШЪХЬ

 

Тхьэм и Тетыгъошхо ыІэчІэгъ чІэт цІыфхэм ащыщэу хэта анахь ин дэдэр?

(Марк 9:33-37; Лука 9:46-48)

 

А мафэхэм игъогу рыкІохэрэр Исус къыбгъодахьэхи къеупчІыгъэх:

–Тхьэу уашъом щыІэм и Тетыгъошхо ыІэчІэгъ чІэт цІыфхэм ащыщэу хэта анахь ин дэдэр?

2Исус сабый горэм къеджи, азыфагу дигъэуцуи, Зкъы-Іуагъ:

–Шъыпкъэр шъосэІо, шъугухэм арылъыр зэшъухъо-кІэу, сабыйхэм шъуафэдэу шъумыхъумэ, Тхьэу уашъом щыІэм и Тетыгъошхо ыІэчІэгъ шъучІэхьащтэп. 4Арышъ, мы сабыим фэдэу хэти зышъхьэ зыгъэцІыкІужьырэр ары Тхьэу уашъом щыІэм и Тетыгъошхо ыІэчІэгъ чІэт цІыфхэм анахь ин дэдэр. 5 Хэти мыщ фэдэ сабыир сэ сцІэкІэ къезыгъэблагъэрэм сэ сыригъэблэгъагъэу мэхъу.

 

ЦІыфхэм псэкІод ашІэнэу дэзыхьыхырэ Іофхэр

(Марк 9:42-48; Лука 17:1-2)

 

6–Ау мы цІыкІухэм ащыщэу сэркІэ шІошъхъуныгъэ зиІэм псэкІод ышІэнэу хэти дэзыхьыхрэм ыпшъэтыкъ мыжъо шъхьал кІэрашІэу, хы куупІэм хадзэу рагъэ-тхьэлагъэмэ, ежьымкІэ нахьышІущтыгъ. 7ЦІыфхэм псэ-

кІод ашІэнэу дэзыхьыхырэ Іофхэм апаекІэ дунаер сыхьат-мыгъо ежьагъ. Шъыпкъэ, ащ фэдэ Іофхэр къэхъунхэ фае, ау цІыфэу къызыпкъырыкІырэр сыхьатмыгъо ежьагъ. 8Е о пІэ орэхъу, е о плъакъо орэхъу псэкІод пшІэнэу удихьыхмэ, пыупкІыжьи чІэдз. ІитІури е лъэ-къуитІури уиІэхэу мыухыжьын машІом упадзэным нахьи, уІащэу е улъащэу мыкІодыжьын щыІэныгъэ бгъотыныр оркІэ нахьышІу. 9Ащ фэдэуи, о унэ псэкІод пшІэнэу удихьыхмэ, къитхъыжьи, чІэдз. УнитІу псаоу джэхьнэ-мым имашІо упадзэным нахьи, зы нэ нахь уимыІэми, мыкІодыжьын щыІэныгъэ бгъотыныр оркІэ нахьышІу.

10–Шъуфэсакъ, мы цІыкІухэм ащыщэу зыгори зэшъу-мыпэсэу шъущымыт; сыда пІомэ сэ шъосэІо, мы цІы-кІухэмэ ямэлэІичхэу уашъом щыІэхэм Сятэу уашъом щыІэм ынэгу щалъэгъу зэпыт. 11Сыда пІомэ ЦІыф Лъэпкъым Ыкъо къызыфэкІуагъэр цІыф кІодыгъэм лъыхъунышъ, мыкІодэу къыгъэнэжьыныр ары.

 

Мэлэу кІодыгъэм ехьылІэгъэ гъэсэпэ тхыдэр

(Лука 15:3-7)

 

12–Шъо сыдэущтэу шъухаплъэра? Зы цІыф горэм мэли-шъэ иІэу тІон. Ахэмэ ащыщэу зыр гъуащэмэ, адрэ тІо-кІиплІырэ пшІыкІубгъурэр Іуашъхьэмэ къатыринэн-хэшъ, кІонышъ, мэлэу гъощагъэм лъыхъущтба? 13Шъы-пкъэр шъосэІо, а мэлыр къызигъотыжькІэ, мэл тІокІи-плІырэ пшІыкІубгъурэу ныбжьи мыгъощагъэхэм анахьи, а мэлым нэхь щыгушІукІыщт. 14Ащ фэдэу Шъуятэ лъа-пІэу уашъом щыІэр мы цІыкІухэм ащыщэу зыгори кІо-дынэу фаеп.

 

Шэу псэкІод зышІэрэр

(Лука 17:3)

 

15–О пшы* оркІэ псэкІод ышІэмэ, ыдэжь кІуи, ар зэрэпсэкІодыр шъуизакъо зыхъукІэ гурыгъаІу. Къы-зыодэІукІэ, ащыгъум о пшы къыпфэнэщт. 16Ау къызыо-мыдэІукІэ, зы нэбгырэ е нэбгыритІу пшы ыдэжь зыдащ.

 

18:15 шы – еплъ 5:22.

 

Ащыгъум «шыхьатитІумэ е шыхьатищымэ къаІорэмкІэ* сыдрэ гущыІи гъэшъыпкъагъэу хъущт». 17Ахэмэ ядэІу-нэу ымыдэмэ, чылыс зэІукІэм щыщхэм апашъхьэ Іофыр илъхь. Чылыс зэІукІэми едэІунэу ымыдэмэ, хымэ лъэпкъ-хэм ащыщэу зыгорэм фэдэу, е хьакъулахь ахъщэр хэзы-хырэм* фэдэу оркІэ орэхъу.

18–Шъыпкъэр шъосэІо, чІылъэм сыд щыщми шъо фит шъумышІырэр уашъоми фиты щыхъущтэп; чІылъэм сыд щыщми шъо фит шъушІырэри уашъоми фиты щыхъущт.*

19–Джыри шъосэІо, чІылъэм шъуащыщэу нэбгыритІу шъузэгурыІоу, сыд щыщкІи шъуелъэІумэ, Сятэу уашъом щыІэм ар къышъуфишІэщт. 20Сыда пІомэ сэ сцІэкІэ нэбгыритІу е нэбгырищ зызэрэугъоихэкІэ, сэри ахэмэ сахэт.

 

ГукІэгъу зыхэмылъ унэІутым ехьылІэгъэ гъэсэныгъэ

тхыдэр

 

21 Джащыгъум Петр Исус къыбгъодахьи къеупчІыгъ:

–Зиусхьан, сэ сшы сэркІэ псэкІод ышІэмэ, тхьапшырэ фэзгъэгъун фая? Гъогогъуиблым нэса?

22–Сэ осэІо, гъогогъуибл къодыеп, гъогогъуиблыр тІо-кІищырэ пшІырэкІэ штагъэу нахь,– риІожьыгъ Исус.

23–Арышъ, Тхьэу уашъом щыІэм и Тетыгъошхо зыфэ-дэр пачъыхьэу зиунэІутмэ ателъ чІыфэр зылъытэнэу фэягъэр ары. 24Ылъытэнэу зыфежьэм, талант* минипшІ чІыфэ зытелъэу зыгорэ къыфащагъ. 25Ау къыритыжьы-нэу амал иІэпти, ари, ащ ишъузи, ибынхэри, иІэр зэкІэ ащэхэзэ, чІыфэр ригъэпщыныжьынэу пачъыхьэм уна-шъо ышІыгъ.

 

18:16 шыхьатитІумэ е шыхьатищымэ къаІорэмкІэ ... – еплъ Пегъымбар Мусэ ятфэнэрэ тхылъэу ытхыгъэм 19:15.

18:17 хьакъулахь ахъщэр хэзыхырэр – еплъ 5:46.

18:18 Еплъ 16:19.

18:24 талант – зы талант динар минихым фэдиз мэхъу. Зы динар лэжьакІом имэфапкІэщтыгъ.

 

26–Джащыгъум а унэІутым лъэгонджэмышъхьэкІэ пачъы-хьэм ыпашъхьэ зыщыридзыхи риІуагъ: «Семыгъэз. ЗэкІэ остыжьыщт». 27Пачъыхьэм ыгу унэІутым егъуи, чІыфэр фигъэгъуи ытІупщыжьыгъ.

28–А унэІутыр зыІокІыжьым, адрэ унэІутмэ ащыщэу динаришъэ чІыфэ зытелъым ІукІи, «Сэ сичІыфэу пте-лъыр къысэтыжь», ыІуи ытхьалэу ыублагъ.

29–Джащыгъум адрэ унэІутым ащ ыпашъхьэ зыщыри-дзыхи, елъэІузэ къыІуагъ: «Семыгъэз, остыжьыщт».

30–Ау мыдрэм ымыдэу, кІуи, хьапсым чІаригъэдзагъ, чІыфэр къыретыжьыфэ. 31Адрэ унэІутхэу ар зылъэгъу-гъэмэ лъэшэу агу къеуагъэти, тхьаматэм ыдэжь кІохи, къэхъугъэр зэкІэ раІотэжьыгъ.

32–Тхьаматэм а унэІутыр къаригъащи риІуагъ: «Унэ-Іут бзадж, укъысэлъэІугъэти, сичІыфэу птелъыгъэр зэ-кІэ пфэзгъэгъугъ. 33Сэ о гукІэгъу къызэрэпфэсшІыгъэм фэдэу, ори адрэ унэІутым гукІэгъу фэпшІын фэягъэба?» 34Тхьаматэр лъэшэу къэгубжыгъэ, ичІыфэу телъыри зэкІэ къыретыжьыфэ, аІыгъынэу а унэІутыр хьапс ухъумакІо-хэмэ аритыгъ.

35 (ЕтІанэ Исус къыпигъэхъожьыгъ:) –Шъуащыщэу хэти ыгукІэ ышы фэзымыгъэгъурэм сэ Сятэу уашъом щыІэр ащ фэдэу къыдэзекІощт.

 

 

19

ЯПШІЫКІУБГЪОНЭРЭШЪХЬ

 

Шъхьэгъусэ тІупщыжьыным ехьылІагъ

(Марк 10:1-12)

 

Исус а гущыІэхэр къызеІохэм ыуж, Галилей хэкум икІи, Иудей хэкоу Иордан псыхъом иадрабгъу щыІэм кІуа-гъэ. 2ЦІыф купышхохэри ыуж итхэу кІуагъэх, ахэмэ ясымаджэхэри а чІыпІэм щигъэхъужьыгъэх.

3Джащыгъум фарисей заулэ Исус къыбгъодахьэхи, хагъэукъоным пае къеупчІыгъэх:

–Сыд фэдэ шхьаусыгъом къыхэкІыкІэ лІым ишъуз ытІу-пщыжьыныр хабзэкІэ хъущта?

4–Тхьэу щыІэр зэкІэ къэзыгъэхъугъэм ублапІэм дэжь

цІыфхэр «хъулъфыгъэрэ бзылъфыгъэрэ къыгъэхъу-гъэх», ыІоу, Тхьэм игущыІэ тхыгъэхэм арытхэм* шъуя-джагъэба?– пэгъокІ ытыжьыгъ Исус. 5–«Ащ къыхэкІы-кІэ лІыр ятэ-янэхэм ахэкІынышъ, ишъуз гъусэ фэхъу-нышъ, итІур зыпкъы хъущтых», ыІоу, Тхьэм зэриІуа-гъэм* шъуеджагъэба? 6Арэущтэу ахэр зыпкъых нахь, пкъитІоу хъужьхэрэп. Арышъ, а тІоу Тхьэм гъусэ зэфи-шІыгъэхэр цІыфым зэгуигъэкІыжьы хъущтэп.

7–Адэ, «Зы лІы горэм зэритІупщыжьырэ тхылъ ишъуз ритымэ, шъузыр ытІупщыжьы хъущт», ыІуи, пегъдмбар Мусэ сыд пае унашъо къышІыгъа,*– къыраІуагъ фари-сейхэм Исус.

8–Шъуигуркъагъэ* пае шъуишъузхэр шъутІупщы-жьынхэу пегъымбар Мусэ фит шъуишІыгъ,– ариІожьыгъ Исус. –Ау ублапІэм дэжь арэущтэу щытыгъэп. 9Ау сэ шъосэІо, ишъуз зинэ ымышІагъэу хэтми зытІупщыжьэу, нэмыкІ бзылъфыгъэ къэзыщэжьырэм зинэ ышІагъэу мэхъу. Ащ фэдэу хэтми лІы горэм ытІупщыжьыгъэ шъуз къэзыщэжьырэм зинэ ышІагъэу мэхъу.

10–ЛІымрэ шъузымрэ зэрэзэфыщытыр арэу щытмэ, ащыгъум къэмыщэныр нахьышІу,- аГуи, игъогу рыкІо-хэрэмэ Исус къыраІуагъ.

11–Сэ къэсІуагъэр хэти ыштэн ылъэкІыщтэп,- ариІо-жьыгъ Исус. –Ар зыштэн зылъэкІхэрэр Тхьэм лъэкІы-ныгъэ къызэритыгъэхэр ары ныІэп; 12сыда пІомэ цІыф-хэм ащыщхэу зы куп янэмэ къызэралъфэу къащэни дэкІони амылъэкІынэу къэхъухэшъ, къащэни дэкІони алъэкІырэп. НэмыкІхэми къащэн амылъэкІынэу цІыф-хэм ашІыгъэх. ЕтІанэ нэмыкІхэми Тхьэу уашъом щыІэм и Тетыгъошхо ыІэчІэгъ чІэтынхэм пае, ежьхэм къа-щэни дэкІони адэрэп. Ар зыштэн зылъэкІырэм ерэштэ.

 

19:4 Тхьэм игущыІэ тхыгъэхэм арытхэр – еплъ Пегъымбар Мусэ апэрэ тхылъэу ытхыгъэм 1:27.

19:5 Тхьэм зэриІуагъэр – еплъ Пегъымбар Мусэ апэрэ тхылъэу ытхы-гъэм 2:24.

19:7 пегъымбар Мусэ унашъо къышІыгъ – еплъ Пегъымбар Мусэ ятфэнэрэ тхылъэу ытхыгъэм 24:1.

19:8 гуркъагъэ – къаигъагъэкІэ къыбгурыІонэу умыдэныр, пІуагъэми утемыкІыныр ары.

 

Исусрэ сабыйхэмрэ

(Марк 10:13-16; Лука 18:15-17)

 

13Джащыгъум цІыфхэм сабыйхэр Исус къыфащагъэх, Тхьэм ынэшІу къащифэным пае, Исус ыІэхэр атырилъ-хьанхэуи Тхьэм афелъэІунэуи. Ау Исус игъогу рыкІо-хэрэм афадагъэп. 14Ау Исус къыІуагъ:

–Сабыйхэр мо садэжь къэрэкІох, зи яшъумыІоу, сыда пІомэ ащ фэдэхэр Тхьэу уашъом щыІэм и Тетыгъошхо ыІэчІэгъ чІэтых.

15ЕтІанэ Исус ыІэхэр ахэмэ атрилъхьагъэх. Ащ нэ-ужым а чІыпІэм икІыжьыгъ.

 

КІэлэ баир

(Марк 10:17-31; Лука 18:18-30)

 

16 Зы лІы горэ Исус къыбгъодахьи къыІуагъ:

–Дин гъэсакІу, мыкІодыжьын щыІэныгъэ згъотыным пае, сыд дэгъоу сшІэщтыр?

17 –ДэгъумкІэ сыд пае укъысэупчІыра?– риІожьыгъ Исус а лІым. -Тхьэм нэмыкІ дэгъу зи щыІэп. МыкІо-дыжьын щыІэныгъэ бгъотынэу уфаемэ, Тхьэм иуна-шъохэр гъэцакІэх.

18–Сыд унашъоха?*– къыриІожьыгъ адрэм Исус.

–«ЦІыф умыукІы, зинэ умышІэ, умытыгъу, нэмыкІ цІыфхэм пцІы атемылъхь, 19уятэрэ уянэрэ лъытэны-гъэ афэшІ, о пшъхьэ шІу зэрэплъэгъурэм фэдэу, уигъу-нэгъури шІу лъэгъу»,– къыІожьыгъ Исус.

20–СикІэлэгъу къыщегъэжьагъэу ахэр зэкІэ сэгъэца-кІэх,– къыриІожьыгъ кІалэм Исус. –Сыда джыри сищы-кІагъэр?

21–Зишъыпкъагъэ щыкІагъэ зи зимыІэ цІыф икъугъэу ухъунэу уфаемэ, кІуи, уимылъку щэжьи, ахъщэр тхьа-мыкІэхэм ят,– риІожьыгъ Исус. –Джащыгъум мылъку-шхо уашъом щыуиІэ хъущт. ЕтІанэ къакІуи, сауж къы-рыкІу.

19:18-19 Сыд унашъоха еплъ Пегъымбар Мусэ ятІонэрэ тхылъэу ытхыгъэм 20:12-16 ыкІи ящэнэрэ тхылъэу ытхыгъэм 19:18.

22КІалэм ар зызэхехым, ыгу къеоу ІукІыжьыгъ, сыда пІомэ мылъкушхо иІагъэти ары.

23–Шъыпкъэр шъосэІо, Тхьэу уашъом щыІэм и Теты-гъошхо ыІэчІэгъ чІэхьаныр баимкІэ къин,– ариІуагъ Исус игъогу рыкІохэрэм. 24–Джыри шъосэІо, баир Тхьэм и Тетыгъошхо ыІэчІэгъ чІэхьаным нахьи, махъ-шэр мэстанэм икІыныр нахь ІэшІэх.

25Исус къыІуагъэр игъогу рыкІохэрэм зызэхахым, ар лъэшэу агъэшІагъоу къеупчІыгъэх:

–Арэущтэу щытмэ, ежьым зимыгъэкІодэу, хэта зыкъэ-зыгъэнэжьын зылъэкІыщтыр?

26Исус ахэмэ яплъи ариІуагъ:

–ЦІыфхэм ежьхэм замыгъэкІодэу, зыкъагъэнэжьын алъэкІырэп, ау Тхьэм ымылъэкІын Іоф зи щыІэп.

27–Мо къэдаІолъ, тэ тиІэгъэ пстэури къэдгъани, о уауж тыкъырыкІуагъ,– къыриІуагъ Петр Исус. –Сыда ащыгъум ІэхьышІоу тэ къэдгъотыщтыр?

28–Шъыпкъэр шъосэІо,– ариІуагъ Исус, –адрэ дунаем ЦІыф Лъэпкъым Ыкъо щытхъушхо иІэу итІысыпІэ лъа-пІэ зытетІысхьэкІэ, шъо сауж къырыкІуагъэхэр тІы-сыпІэ лъапІэ пшІыкІутІум шъуатетІысхьанышъ, мысэ-хэмрэ хыехэмрэ зэхэжъудзыхэзэ, Израил иунэгъо лъэпкъ пшІыкІутІумэ хьыкум атешъушІыхьащт. 29Хэт щыщми е зиунэхэр, е зышхэр, е зышыпхъухэр, е зятэ, е зянэ, е зибынхэр, е чІыгухэр сэщ пае къэзыгъэнагъэм фэдишъэу къыгъотыщт, мыкІодыжьын щыІэныгъи ІэхьышІоу къылъысыщт. 30Ау апэ итхэм ащыщхэу бэхэр ауж къи-нэщтых, ауж итхэри апэу хъущтых.

 

 

20

ЯТЮКІЭНЭРЭШЪХЬ

 

СэнэшъхьашІэхэм* яхьылІэгъэ гъэсэпэ тхыдэр

 

–Тхьэу уашъом щыІэм и Тетыгъошхо* зыфэдэр мары. Зы сэнэшъхьэ хатэ зие горэм пчэдыжьым жьэу лэжьа-кІохэр исэнэшъхьэ хатэм щигъэлэжьэнхэм пае алъыхъунэу дэкІыгъ. 2ЛэжьакІохэр къызегъотхэм, адэгущыІи, мафэм динар зырыз аритынэу зэгурыІохи, Іоф ашІэнэу исэнэ-шъхьэ хатэ ыгъэкІуагъэх.

3–Пчэдыжьым сыхьатыр бгъум дэжь* сэнэшъхьэ хатэр зиер дэкІи, ахэмэ анэмыкІхэу Іоф зимыІэ лІыхэр бэдзэ-рым дэжь Іутхэу ылъэгъугъэх. 4 Зелъэгъухэм мырэущтэу ариІуагъ: «Шъори сисэнэшъхьэ хатэ шъукІу, къышъу-тефэрэр шъостын». Арэущтэу зареІом, ахэри кІуагъэх.

5–Щэджагъом дэжьи,* сыхьатыр щым дэжьи,* сэнэ-шъхьэ хатэр зиер джыри дэкІи, ыпэрэм фэдэу ышІагъ. 6ЫкІэм ыкІэжьым сыхьатыр тфым дэжь* дэкІи, нэмыкІ-хэри щытхэу зегъотхэм, ариІуагъ: «Мэфэ реным зи шъу-мышІэу, мыщ дэжьым сыда шъузыкІыщытыр?»

7–Адрэмэ къыраІожьыгъ: «Іоф тэзыгъэшІэн дгъоты-гъэп».

–Арэущтэу къызаІом, сэнэшъхьэ хатэр зием ариІо-жьыгъ: «Шъори шъукІуи, сисэнэшъхьэ хатэ шъущылажь. Къышъутефэрэр къышъостын».

8–Пчыхьашъхьэр къызэсым, сэнэшъхьэ хатэр зием лэжьакІохэмэ япащэ риІуагъ: «ЛэжьакІохэм къяджи,

 

20:1 сэнэшъхьашІэхэр – сэнэшъхьэ хатэм щылажьэхэрэр ары.

20:1 Тхьэу уашъом щыІэм и Тетыгъошхо – еплъ 3:2.

20:3 пчэдыжьым сыхьатыр бгъум дэжь – гущыІэ-гущыІэу зэбдзэкІымэ, «ящэнэрэ сыхьатыр» мэхъу. Ащ къикІырэр пчэдыжьым сыхьатыр бгъур ары.

20:5 щэджагъом дэжь – гущыІэ-гущыІэу зэбдзэкІымэ, «яхэнэрэ сыхьа-тыр» мэхъу. Ащ къикІырэр щэджагъор ары.

20:5 сыхьатыр щым дэжь – гущыІэ-гущыІэу зэбдзэкІымэ, «ябгъонэрэ сыхьатыр» мэхъу. Ащ къикІырэр щэджэгъоужым сыхьатыр щыр ары.

20:6 сыхьатыр тфым дэжь – гущыІэ-гущыІэу зэбдзэкІымэ, «япшІы-кІузэнэрэ сыхьатыр» мэхъу. Ащ къикІырэр щэджэгъоужым сыхьатыр тфыр ары.

 

ауж къэкІуагъэхэмкІэ къэубли, апэрэхэм анэсэу мэфа­пкІэр ят».

9–Сыхьатыр тфым Іофыр зыублагъэхэр къызэкІохэм, лэжьакІомэ япащэ динар зырыз аритыгъ. 10ЕтІанэ Іофыр апэу зыублагъэхэр къызэкІохэм, нахьыбэ ариты­нэу гугъагъэх, ау ахэми динар зырыз аритыгъ. 11Ахъщэр заштэм, сэнэшъхьэ хатэр зием фэтхьаусыхагъэх. 12«Тэ мэфэ реным фэбэ Іаем тыхэтэу, къин тщэчызэ Іоф тшІагъэ пэтми, мы лІыхэу ауж къэкІуагъэхэу, зы сыхьат нахь Іоф зымышІагъэмэ тафэбгъэдагъ», къаІуагъ.

13–Ау сэнэшъхьэ хатэр зием ахэмэ ащыщэу зыгорэм риІуагъ: «Синыбджэгъу. Мыхъун зи къыуасшІэрэп. Зы динарба тызэрэзэгурыІуагъэр? 14УимэфапкІэ шти, кІожь. Мы лІэу ауж къэкІуагъэми о остыгъэм фэдиз естынэу сыфай. 15Сэ сызыфаер сиахъщэ есшІэн сыфитба? Хьауми о ошъугъуа, сэ сыгу шІугъэ зэрилъым пае?»

16(ЕтІанэ Исус къыпигъэхъожьыгъ:) –Арэущтэу ауж итхэр апэу хъущтых, апэ итхэри ауж къинэщтых; сыда пІомэ, къеблэгъагъэхэр бэ, ау къыхэхыгъэу щытхэр макІэх.

 

Исус ежьыр зэраукІыщтри, лІагъэхэм къызэрахэтэджыкІыжьыщтри ящэнэрэу къызэриІуагъэр

(Марк 10:32-34; Лука 18:31-34)

 

17ЕтІанэ Исус Ерусалим дэкІуаеу, гъогум зытетым, игъогу рыкІорэ нэбгырэ пшІыкІутІур зы лъэныкъокІэ язакъоу Іуищыхи ариІуагъ:

18–Мары тэ джы Ерусалим тыдэкІуае. Ащ дэжьым ЦІыф Лъэпкъым Ыкъо* дин пэщэшхохэмрэ Тэурат егъэ­джэкІо пащэхэмрэ аІэкІэхьащт. Ахэмэ ежьым укІ къы­тыралъхьащт, 19къыкІэнэкІэнхэуи, къамыщкІэ къеон­хэуи, къащым раІулІынэуи хымэ лъэпкъхэм* аГэкІалъ­хьащт; ящэнэрэ мафэми ежьыр лІагъэхэм къахэтэджы­кІыжьыщт.

 

20:18 ЦІыф Лъэпкъым Ыкъо – еплъ 8:20.

20:19 хымэ лъэпкъхэр – Рим (Рум) цІыфхэу тетыгъо зиІэхэр ары.

 

Зеведей ыкъохэм янэ Исус Іофэу зыкІелъэІугъэр

(Марк 10:35-45)

 

20Джащыгъум Зеведей ыкъохэм* янэ, ыкъохэри игъу­сэхэу, Исус къыбгъодахьи, лъэгонджэмышъхьэкІэ ыпа­шъхьэ къитІысхьи, зыгорэкІэ къелъэІунэу фэягъ.

21–Сыда узыфаер?– риІуагъ Исус бзылъфыгъэм.

–О уитетыгъошхо къызысыкІэ, мы скъуитІу зыр уиджабгъукІэ, адрэри уисэмэгубгъукІэ къэтІысынхэу фит шІы,– къыриІожьыгъ бзылъфыгъэм.

22–Шъо шъузыкІэлъэІурэр шъушІэрэп,– къыІожьыгъ Исус. –Сэ сызэшъощт къиныгъэм ишъуалъэ итым шъо шъуешъон шъулъэкІыщта, хьауми цІыфхэм Іаеу сызэрау­мэхъыщт* шІыкІэм фэдэу, зяжъугъэумэхъын шъулъэ­кІыщта?

–ТлъэкІыщт,– къыраІожьыгъ ахэмэ.

23–Сэ сызэшъощт къиныгъэм ишъуалъэ итым шъори шъуешъощт,– ариІуагъ Исус. –ЦІыфхэм сэ Іаеу сызэ­раумэхъыщт шІыкІэм фэдэу, шъори шъуаумэхъыщт. Ау сэ сиджабгъукІэ ыкІи сисэмэгубгъукІэ шъукъэтІы­сынэу фит шъусшІын слъэкІыщтэп. А тІысыпІэхэр цІыф­хэу Сятэ зыфигъэхьазырыгъэхэм яй.

24 Адрэ нэбгырипшІэу Исус игъогу рыкІохэрэм ар зызэхахым, зэшитІумэ афэгубжыгъэх. 25 Ау Исус игъогу рыкІохэрэм къяджагъ.

–Шъо шъошІэ,– ариІуагъ Исус, –мы дунаем тет пщыхэр цІыфхэм апшъэ зэрэдэсхэрэр, тхьаматэхэм цІыфхэм тетыгъо зэрафыряІэри шъошІэ. 26Ау шъо шъуазыфагу арэп зэрэщытын фаер. Шъуащыщэу ин хъунэу фаер Іофтабгэу къышъуфэхъун фае. 27 Шъуащыщэу апэ иты­нэу фаери пщылІ къышъуфэхъун фае. 28Ащ фэдэу ЦІыф Лъэпкъым Ыкъо цІыфхэм яшІуагъэ ежьым зэригъэкІы­жьыныр арэп къызфэкІуагъэр, ежьым ишІуагъэ цІыфхэм аригъэкІыныр, цІыфыбэхэми апае ыпсэ шъхьэщэфы­жьэу ытыныр ары нахь.

 

20:20 Зеведей ыкъохэр – апостолхэу Якъубэрэ Иуанрэ ары. Еплъ Марк 10:35.

20:22 умэхъыныр – еплъ 3:1.

 

 

Исус лІы нэшъуитІур зэригъэхъужьыгъэхэр

(Маркъэ 10:46-52; Лукъэ 18:35-42)

29 Ащ нэуж Исусрэ игъогу рыкІохэрэмрэ Ерихон къа­лэм* къызыдэкІыжьхэм, цІыф купышхо ыуж итэу кІо­щтыгъ. 30А чІыпІэм лІы нэшъуитІу гъогу напцэм Іусы­гъэх. Ахэмэ Исус зэрэблэкІырэр зызэхахым, мэкъэ­шхокІэ къаджэхэу къаублагъ:

–Тхьаматэу Даутэ Ыкъу*, гукІэгъу къытфэшІ!

31 Ау цІыф купышхом хэтхэм амыдэу, «Щыжъугъэт!» аІуи араІуагъ, ауми лІы нэшъуитІур джыри нахь мэкъэ­шхокІэ къэджагъэх:

–Тхьаматэу Даутэ Ыкъу, гукІэгъу къытфэшІ!

32 Исус къызэтеуцуи, къяджи ариІуагъ: –Сыда шъуфэсшІэнэу шъузыфаер?

З3–Тхьаматэ, тынэхэр къэгъэплъэжьых,– къыраІо­жьыгъ ахэмэ.

З4Исус ыгу ахэмэ акІэгъуи, анэхэм атеІэбагъ. Ардэдэми ахэмэ анэхэр къэплъэжьыгъэх, Исуси ыуж ихьагъэх.

 

 

 

21

ЯТЮКІЫРЭ ЗЫНЭРЭШЪХЬ

 

Щытхъушхо иІэу, Исус Ерусалим зэрэдэхьагъэр

(Марк 11:1-11; Лука 19:28-38; Иуан 12:12-19)

 

Исусрэ игъогу рыкІохэрэмрэ Ерусалим игъунэгъу хъугъэх. Елеон зыцІэ Гуашъхьэм* Іус Виффагие къуа­джэм къызынэсхэм, Исус игъогу рыкІохэрэм ащыщхэу нэбгыритІу апэ ыгъэкІуагъэх, 2мырэущтэу ариІозэ:

 

20:29 Ерихон къалэр Ерусалим итемыр тыгъэ къыкъокІыпІэ лъэны­къомкІэ, километрэ 24-кІэ пэчыжьэу, Иордан псыхъом итыгъэ къохьэ­пІэ лъэныкъокІэ ит.

20:30 Даутэ Ыкъу еплъ 9:27.

21:1 Елеон зыцІэ Іуашъхьэр Зейтун Іуашъхьэр ары. Ерусалим игъунэгъубзэу, итыгъэ къыкъокІыпІэ лъэныкъокІэ Кедрон къула-джэм иадрабгъу ит.

 

–ШъуапэкІэ ит къуаджэм шъудахь. Шъузэрэдахьэу щы­дыбз горэ, ищыд къунан игъусэу, епхыгъэу шъуапэ къи­фэщт. Ахэр къыкІэрышъутІэтыкІхи, къысфашъущэх. 33ы­горэм зыгорэ къышъуиІомэ, «Тхьаматэр мыхэм афай», ешъуІуи, занкІэу къэшъущэнхэу фит шъуишІыщт.

4 Арэущтэу зыфэхъугъэр пегъымбарым мы гущыІэхэу къыІуагъэхэр* къэшъыпкъэжьынхэр ары: 5 «Къалэу Сион* пхъум фэдэм ешъуІу: Еплъ, гушъэбагъэ иІэу ыкІи щыдым тесэу, уипачъыхьэ къыпфэкІо; ар зытесыр щыдыбзым икъунан ары». 6Игъогу рыкІохэрэр кІохи, Исус зэрариІуагъэм тетэу ашІыгъ. 7Щыдыбзымрэ щыд къунанымрэ къащэхи, ящы­гъынхэр атыралъхьагъэх, щыгъынхэми акІыІу Исус те­тІысхьагъ. 8 ЦІыф купышхомэ ящыгъынхэр гъогум тырау­бгъощтыгъэх, нэмыкІхэми къутамэхэр чъыгымэ къа­паупкІыхэти, гъогум тыралъхьэщтыгъэх. 9ЦІыф купы­шхохэу Исус ыпэ итхэу кІощтыгъэхэми, ыуж итхэу кІощтыгъэхэми мэкъэшхокІэ аІощтыгъ:* –Хьусаннэ*, Даутэ Ыкъо ыдэжь! Зиусхьаным ыцІэкІэ къакІорэм щытхъушхор ий! Хьусаннэ! Анахь Иным щытхъушхор ий! 10ЕтІанэ Исус Ерусалим зыдахьэм, зэрэкъалэу къэбы­рысыри, цІыфмэ къаІощтыгъ: –Мыр хэта?

11–Ар Исус ары, Галилей хэкум щыщ Назарет къалэм къикІыгъэ пегъымбарыр,– къаІощтыгъэ цІыф купы­шхохэм.

 

21:4-5 пегъымбарым мы гущыІэхэу къыІуагъэхэр еплъ Пегъымбар Исайас тхылъэу ытхыгъэм 62:11; Пегъымбар Зэкъарие тхылъэу ытхы­гъэм 9:9.

21:5 къалэу Сион Ерусалим къалэр ары.

21:9 мэкъэшхокІэ аІощтыгъ еплъ Сэбур (Псалтыр) 118:25-26 (урыс библиемкІэ 117:25-26).

21:9 Хьусаннэ щытхъу гущыІэр ары.

 

Исус щэн-щэфакІохэр Тхьэм иунэшхо къызэрэчІифыгъэхэр

(Марк 11:15-19; Лука 19:45-48; Иуан 2:13-22)

 

12Ащ нэужым Исус Тхьэм иунэшхо чІахьи, щэн-щэ­факІохэу ащ чІэтхэр* зэкІэ къычІифыхэу ыублагъ; ахъщэ зыхъожьхэрэм* яІанэхэмрэ тхьаркъо зыщэхэрэм япхъэнтІэ­кІухэмрэ зэпыригъэзагъэх. 13 Исус ахэмэ ариІуагъ:

–Тхьэм къызэриІорэр игущыІэ тхыгъэхэм арыт,* «Сэ сиунэ тхьэлъэІупІэу щытыщт», ау шъо «хъункІэкІо гъэбылъыпІэм»* фэдэу шъошІы.

14Исус Тхьэм иунэшхо чІэтэу, нэшъухэмрэ лъащэхэмрэ ыдэжь къакІохи, ежьым ащ дэжьым ахэр щигъэхъу­жьыгъэх. 15Ау дин пэщэшхохэмрэ Тэурат егъэджэкІо пащэхэмрэ* Исус ышІэгъэ Іоф гъэшІэгъонхэр залъэгъу­хэм, сабыйхэр Тхьэм иунэшхо чІэтхэу, «Хьусаннэ Даутэ Ыкъо* ыдэжь!» аІоу, къэзэрэджагъэхэри зызэхахым, амыдэу, 16 Исус къыраІуагъ:

–Ахэмэ къаІохэрэр зэхэоха?

–Зэхэсэхы,– ариІожьыгъ Исус, –ау ныбжьи шъуеджа­гъэба Даутэ мыщ фэдэу Тхьэм зэрэриІуагъэм:* «Сабыйхэмрэ сабый быдзашъохэмрэ аІупІэхэмкІэ щытхъу къызфябгъэшІыгъ».

17ЕтІанэ Исус ахэмэ ахэкІи, къалэм дэкІи, Вифа­ние къуаджэм* кІуи, ащ чэщыр щырихыгъ.

 

21:12 щэн-щэфакІохэу ащ чІэтхэр ахэмэ къурмэныпхъэ былымхэр Тхьэм иунэшхо ищагу щащэщтыгъэх.

21:12 ахъщэ зыхъожьхэрэр Тхьэм иунэшхо пае хьакъулахь ахъщэр зытырэхэми, къурмэныпхъэ былымхэр къэзыщэфыхэрэми апае ахэмэ хымэ ахъщэхэр ахъожьыщтыгъэх.

21:13 Тхьэм игущыІэ тхыгъэхэм арыт еплъ Пегъымбар Исайас тхылъэу ытхыгъэм 56:7.

21:13 хъункІэкІо гъэбылъыпІэ еплъ Пегъымбар Иеремие тхылъэу ытхыгъэм 7:11.

21:15 дин пэщэшхохэмрэ Тэурат егъэджэкІо пащэхэмрэ еплъ 2:4.

21:15 Даутэ Ыкъо еплъ 9:27.

21:16 Тхьэм зэрэриІуагъэр еплъ Сэбур (Псалтыр) 8:2 (урыс библием-кІэ 8:3).

21:17 Вифание къуаджэр Ерусалим километрищкІэ пэчыжьэу, итыгъэ къыкъокІыпІэ лъэныкъокІэ ит.

 

Исус ынджыр чъыгым зэребгыгъэр

(Марк 11:12-14, 20-24)

 

18Нэф къызэшъым, Ерусалим къэкІожьызэ, Исус къэмэлэкІагъ. 19Гъогум Іутэу ынджыр чъыг зелъэ­гъум, ащ къыІухьагъ, ау тхьапэ нэмыкІ зи пымытэу зелъэгъум, мырэущтэу чъыгым риІуагъ:

–ЕгъашІэми о зи къыппымыкІэжьынэу орэхъу!

Ар къызэриІоу ынджыр чъыгыр гъугъэ. 20Ар залъэ­гъум, игъогу рыкІохэрэм агъэшІагъоу аІуагъ:

–Сыдэущтэу ынджыр чъыгыр ащ фэдэу псынкІэу гъугъа?

21–Шъыпкъэр шъосэІо,– ариІуагъ Исус ахэмэ, –шъу­гу щэч къишъумыгъахьэу, шІошъхъуныгъэ шъуи­Іэмэ, ынджыр чъыгым къехъулІагъэм имызакъоу шъу­шІэн шъулъэкІыщт, мы Іуашъхьэми, «ЗыкъэІэти, хым зыхадз», зешъуІокІэ, арэущтэу хъущт. 22 ШІошъхъуныгъэ шъуиІэмэ, сыд щыщкІи шъуелъэІумэ, Тхьэм ар къы­шъуфишІэщт.

 

Джурт тхьаматэхэр Исус итетыгъо къезытыгъэмкІэ къызэреупчІыгъэхэр

(Марк 11:27-33; Лука 20:1-8)

 

23 ЕтІанэ Исус Тхьэм иунэшхо чІахьи, цІыфхэм Тхьэм игущыІэхэр аригъашІэхэу ыублагъ. Ахэмэ аригъашІэхэ зэхъум, дин пэщэшхохэмрэ цІыфхэм янахьыжъхэмрэ къыбгъодахьэхи къаІуагъ:

–Мы Іофхэр пшІэнхэу фитыныгъэр тыда къыздипхы­гъэр? Ахэр пшІэнхэу тетыгъор хэта о къыозытыгъэр?

24 –Сэри шъо зы Іоф горэкІэ сышъоупчІыщт,– ари­Іожьыгъ Исус. –ПэгъокІ къысэшъутыжьмэ, сэри шъо­сІон мы Іофхэр сшІэнхэу фитыныгъэр къыздисхыгъэр. 25 Иуан цІыфхэр ыумэхъынхэу* хэт къэзыгъэкІуа­гъэр? ЦІыфхэр ара, хьауми Тхьэр ара?

–«Тхьэр ары Иуан къэзыгъэкІуагъэр», тІомэ, ежьым къытиІожьыщт: «Адэ, сыд пае Иуан къыІуагъэхэр

 

21:25 умэхъыныр еплъ 3:1.

 

шъушІошъ мыхъугъа?»– аІозэ, ахэр зэупчІыжьыгъэх. 26–Ау «Щыфхэр ары Иуан къэзыгъэкІуагъэхэр», тІомэ, цІыфхэм тащыщынэн фае, сыда пІомэ цІыф пстэуми Иуан пегъымбарэу зэрэщытыгъэр алъытэшъ ары.

27Арыти, –ТшІэрэп,– аІуи, Исус къыраІожьыгъ.

–Ащыгъум сэри шъосІощтэп мы Іофхэр сшІэнхэу фитыныгъэр къыздисхыгъэр,– ыІуи, Исус ахэмэ ариІо­жьыгъ.

 

КъуитІумэ яхьылІэгъэ гъэсэныгъэ тхыдэр

 

28ЕтІанэ Исус къыІуагъ:

–Сыдэущтэу шъо шъухаплъэра? ЛІы горэм къуитІу иІагъ. А лІыр апэрэм бгъодахьи риІуагъ: «СикІал, кІуи, непэ сисэнэшъхьэ хатэ щылажь».

29–Ау ащ пэгъокІ къыритыжьыгъ: «Сыфаеп», арышъ­хьакІэ ащ нэужым кІэгъожьи кІуагъэ.

30–ЕтІанэ тыр адрэ кІалэми бгъодахьи, а дэдэр риІуагъ. Ащ къыІожьыгъ: «СыкІощт, тхьаматэ», ау кІуагъэп.

31–Хэта тІумэ язэу ятэ шІоигъор зыгъэцэкІагъэр?

–Апэрэр ары,- къыраІожьыгъ ахэмэ.

–Шъыпкъэр шъосэІо,– ариІуагъ Исус, –хьакъулахь ахъщэр хэзыххэрэмрэ бзылъфыгъэ хэтакІохэмрэ шъо шъуапэу Тхьэм и Тетыгъошхо ыІэчІэгъ чІэхьащтых. 32Сыда пІомэ Иуан шъыпкъагъэм игъогу шъутыригъэ­хьанэу къэкІуагъ, ау шъо Иуан цыхьэ фэшъушІыгъэп, арышъхьакІэ хьакъулахь ахъщэр хэзыххэрэмрэ бзы­лъфыгъэ хэтакІохэмрэ Иуан ыІуагъэр ашІошъ хъугъэ. Шъо ахэмэ ашІошъ зэрэхъугъэр шъулъэгъугъэ пэтми, шъукІэгъожьыгъэп, Иуани цыхьэ фэшъушІыгъэп.

 

СэнэшъхьэшІэ бзаджэхэм яхьылІэгъэ гъэсэныгъэ тхыдэр

(Марк 12:1-12; Лука 20:9-19)

 

33–НэмыкІ гъэсэныгъэ тхыдэми шъукъедэІу. Унэ зие го­рэм сэнэшъхьэ хатэ ыгъэтІысхьагъ. Мыжъо чэукІэ къы­шІыхьи, сэнэшъхьэ фызалъэ хишІыхьи, унэ плъэпІэ лъаги дишІыхьагъ. ЕтІанэ сэнэшъхьэшІэ* горэхэм хатэр аІэ-

 

21:33 сэнэшъхьашІэхэр еплъ 20:1.

 

кІилъхьи, хымэ хэгъэгу горэм кІуагъэ. 34ЕтІанэ сэнэ­шъхьэ пычыжьыгъор къызэсым, исэнэшъхьэ Іахьэ къа­Іахынэу сэнэшъхьашІэхэм адэжь унэІутхэр ыгъэкІуагъэх.

35–Ау сэнэшъхьашІэхэм унэІутхэр къаубытхи, зыми къе­уагъэх, адрэр къаукІыгъ, ящэнэрэми мыжъохэмкІэ ео­хэзэ, къаукІыгъ. 36 Сэнэшъхьэ хатэр зием джыри зэ унэ­Іутхэр ыгъэкІуагъэх, апэу ыгъэкІуагъэхэм анахьи нахьы­бэжьэу. СэнэшъхьашІэхэм ахэми а дэдэр къарашІагъ. 37ЫкІэм ыкІэжьым сэнэшъхьэ хатэр зием, «Сэ скъо лъы­тэныгъэ къыфашІын», ыІуи, ыкъо ахэмэ адэжь ыгъэ­кІуагъ.

38–Ау сэнэшъхьашІэхэм сэнэшъхьэ хатэр зием ыкъо залъэгъум, зэраІожьыгъ: «Мыры сэнэшъхьэ хатэр къы­зыфэнэжьыщтыр. Ар тэжъугъэукІи, сэнэшъхьэ хатэр тэ къытфэнэжьыщт». 39Арэущтэу ари къаубыти, сэнэ­шъхьэ хатэм къыдадзыжьи къаукІыгъ.

40–Арышъ, сэнэшъхьэ хатэр зиер къызыкІожькІэ, а сэнэшъхьашІэмэ сыд аришІэщтыр?– къыпигъэхъожьыгъ Исус.

41 Зэхэзыхыгъэхэм Исус мырэущтэу къыраІуагъ:

–Сэнэшъхьэ хатэр зием а бзэджашІэхэр Іаеу ыгъэ­кІодынхэшъ, нэмыкІ сэнэшъхьашІэхэу сэнэшъхьэ пычы­жьыгъор къызыскІэ, исэнэшъхьэ Іахьэ къезытыжьы­щтхэм хатэр аІэкІилъхьащт.

Унэ зышІыхэрэм зэрамыпэсэу чІадзыжьыгъэ мыжъор

42ЕтІанэ Исус ариІуагъ:

–Тхьэм игущыІэ тхыгъэхэм* мырэущтэу зэрарытым шъуеджагъэба:

«Унэ зышІыхэрэм зэрамыпэсэу чІадзыжьыгъэ

мыжъор мыжъо лъэпсэ дэдэу унэм фэхъугъ. Мыр Зиусхьаным иІэшІагъэ Іоф, ари тэ гъэшІэгъонэу къытфэлъагъо»? 43–Арышъ, шъосэІо,– къыпигъэхъожьыгъ Исус. –Тхьэм и Тетыгъошхо* ыІэчІэгъ шъучІэхьаным ифиты-

 

21:42 Тхьэм игущыІэ тхыгъэхэр еплъ Сэбур (Псалтыр) 118:22-23 (урыс библиемкІэ 117:22-23).

21:43 Тхьэм и Тетыгъошхо еплъ 3:2.

 

ныгъэ шъо шъутырихынышъ, и Тетыгъошхо фэшъуашэу шІугъэ зыгъэцакІэрэ нэмыкІ лъэпкъ горэм ритыщт. 44Мы мыжъом тефэрэр зэпкъыриутыщт, ау зытефэрэр мыжъом ыщытІэщт.

45Мы гъэсэпэ тхыдэхэр дин пэщэшхохэмрэ фари­сейхэмрэ зызэхаххэм, ахэмэ яхьылІагъэу Исус ахэр къызэриІуатэхэрэр къагурыІуагъэти, 46ежьыр къаубыты­нэу пылъыгъэх, ау цІыф купышхохэм ащыщынэщты­гъэх, сыда пІомэ ахэмэ Исус пегъымбаркІэ алъытэщты­гъэти ары.

 

 

22

ЯТЮКІЫРЭ ТІУНЭРЭШЪХЬ

 

Нысэщэ джэгушхом ехьылІэгъэ гъэсэныгъэ тхыдэр

(Лука 14:15-24)

 

Джыри зэ Исус гъэсэныгъэ тхыдэхэмкІэ цІыфхэм ари­Іуагъ:

2–Тхьэу уашъом щыІэм и Тетыгъошхо* зыфэдэр мары. Зы пачъыхьэ горэм ыкъо къыригъащи, нысэщэ джэ­гушхо фишІыгъ. 3Къыригъэблэгъэнхэу зэриІогъэгъэ цІыфхэм пачъыхьэм иунэІутхэр алъигъэкІуагъэх, ау къэ­кІонхэу фэягъэхэп.

4–ЕтІанэ пачъыхьэм ахэмэ анэмыкІ унэІутхэр ыгъа­кІохи, мырэущтэу ариІуагъ: «Къезгъэблэгъэнхэу зэсІо­гъагъэхэм яшъуІу: Іанэр хьазыр, сицухэри сибылымхэу джэгушхом фэзгъэшхагъэхэри шІуязгъэбзыгъэх, зэкІэри хьазыр; джэгушхом шъукъеблагъ».

5–Ау унэІутхэм къаІуагъэм а цІыфхэр ымыгъапэхэу зэбгырыфыгъэх, зыр ихьасэ кІуагъэ, адрэри иІоф ыуж ихьа­жьыгъ. 6Адрэхэм пачъыхьэм иунэІутхэр аубытхи, лые арахызэ, къаукІыгъэх. 7Пачъыхьэм ар зызэхехым, къэ­губжи, идзэ ыгъакІуи, а цІыф укІакІохэр аригъэгъэ­кІодхи, якъали машІокІэ аригъэгъэстыгъ.

8–ЕтІанэ пачъыхьэм иунэІутхэм ариІуагъ: «Джэгу­шхор ашІынэу хьазыр, ау къезгъэблэгъэнхэу зэсІогъэ­гъэ цІыфхэр къэкІонхэу яфэшъуашэп. 9Арышъ, гъогу

22:2 Тхьэу уашъом щыІэм и Тетыгъошхо – еплъ 3:2.

зэхэкІыпІэхэм шъукІуи, хэт щыщ жъугъотми, джэ­гушхом къежъугъэблагъ». 10А унэІутхэр гъогухэм ате­хьэхи, агъотыгъэхэр зэкІэ, цІыф дэгъуи цІыф бзаджи, къырагъэблэгъагъ; арэущтэу джэгу зыщашІырэ унэм изы хъугъэ.

11–Ау етІанэ пачъыхьэм хьакІэхэр зэригъэлъэгъунхэу къызехьэм, нысащэм фэшъошэ щыгъын щымыгъэу лІы горэ ылъэгъугъ. 123елъэгъум, а лІым еупчІыгъ: «Си­ныбджэгъу, мырэущтэу уфэпагъэу сыдэущтэу укъи­хьагъа?» Ау адрэм зиушъэфыгъ.

13–Джащыгъум пачъыхьэм иунэІутмэ ариІуагъ: «Іэхъу-лъэхъу а лІым тешъулъхьи, шІункІыгъэм икуу­пІэ хашъудз. Ащ дэжьым куохьауныгъэрэ цэ зэрэгъэ­шхыныгъэрэ щыхъущтых».

14–Сыда пІомэ къеблэгъагъэхэр бэ, ау къыхэхыгъэу щытхэр макІэх,– къыпигъэхъожьыгъ Исус.

 

Хьакъулахь ахъщэм ехьылІагъ

(Марк 12:13-17; Лука 20:20-26)

 

15Джащыгъум фарисейхэр* кІохи, Исус игущыІэ горэм зэрэтыраубытэн шІыкІэмкІэ зэупчІыжьыгъэх. 16Арэу­щтэу фарисейхэм ежьхэм ягъогу рыкІохэрэр Исус ыдэжь агъэкІуагъэх, пщэу Ирод ыуж рыкІохэрэр* ягъусэхэу. Ахэмэ къаІуагъ:

–Дин гъэсакІу, шъыпкъагъэ зиІэ лІэу узэрэщытри, шъыпкъагъэм тетэу Тхьэм игъогу цІыфхэм зэрябгъа­шІэрэри тэшІэ. ЦІыфхэм аІорэми уигъапэрэп, сыда пІомэ цІыфмэ ятеплъэ уемыплъэу, цІыф пстэури уизэ­фэдэхэу щытых. 17Арышъ, къытаІу, сыд фэдэу уха­плъэра? Кайсарым* хьакъулахь ахъщэр* етты хъущта, мыхъущта?

18 Ау Исус ахэмэ ябзэджагъэ гу лъитагъэти къыІуагъ:

 

22:15 фарисейхэр еплъ 3:7.

22:16 пщэу Ирод ыуж рыкІохэрэр ахэр Рим (Рум) Іэшъхьэтетым фэмыехэу, пачъыхьэ Ирод Иным къытехъукІыгъэ цІыфхэм ащыщэу зыгорэ пщы афэхъунэу фэягъэх.

22:17 Кайсар а лъэхъанэм, Исус къызэхъу нэужым 14-37 илъэсхэм къакІоцІ, Тиверый зыцІэр Рим Кайсарэу щытыгъ.

22:17 хьакъулахь ахъщэр еплъ 5:46.

 

–Сыд пае сыхэжъугъэукъонэу шъупылъа, шъо нэпитІу зиІэхэр? 19Мо хьакъулахь ахъщэр сэжъугъэлъэгъу.

Арэущтэу динар ахъщэ Исус къыфахьыгъ.

20–Хэта зисурэт мыщ итыри, хэта зыцІэ мыщ тетха­гъэри?– ариІуагъ Исус.

21–Кайсарыр ары,– къаІуагъ ахэмэ.

–Ащыгъум Кайсарым иер Кайсарым ешъутыжь, Тхьэм иери Тхьэм ешъутыжь,– ариІуагъ Исус.

22 Ар зызэхахым ахэмэ агъэшІэгъозэ, Исус къагъани ІукІыжьыгъэх.

 

Саддукейхэр лІагъэхэм якъэтэджыжьын ехьылІагъэу Исус къызэреупчІыгъэхэр

(Марк 12:18-27; Лука 20:27-40)

 

23 А мэфэ дэдэм саддукейхэу* лІагъэхэр къызэрэтэджы­жьыщтхэр зышІошъ мыхъухэрэм ащыщхэу заулэ Исус къыбгъодахьэхи къеупчІыгъэх:

24–Дин гъэсакІу, пегъымбар Мусэ ыІуагъ:* «Зы лІы горэм бын имыІэу лІэмэ, а лІым унагъор фишІыным пае, ышы шъузабэр къыщэжьын фае». 25Тэ зэкъошибл къытхэтыгъ. Ахэмэ ащыщэу апэрэм шъуз къыщагъэу дунаем ехыжьыгъ. Бын иІагъэпти, шъузыр ышы къы­фигъэнагъ. 26Ащ фэдэуи ятІонэрэми, ящэнэрэми, яблэ­нэрэм нэс ар къяхъулІагъ. 273эпстэуми ауж дэдэу шъузыри дунаем ехыжьыгъ. 28Джы лІагъэхэр къызы­тэджыжьхэкІэ, мы зэкъошиблымэ ащыщэу хэта зишъузы­щтыр ар? ЗэкІэми шъузэу яІагъэба?

29–Шъухэукъо,– ариІожьыгъ Исус ахэмэ. –ШъузкІы­хэукъорэр Тхьэм игущыІэ тхыгъэхэмрэ Тхьэм илъэкІы­ныгъэшхомрэ зэрэшъумышІэхэрэр ары. 30ЛІагъэхэр къы­зытэджыжьхэкІэ, шъуз къащэжьыщтэп, лІыми дэкІо­жьыщтхэп, уашъом щыІэ мэлэІичхэм афэдэхэу щытыщтых нахь. 31Ау шъыпкъэу лІагъэхэр къэтэджыжьыщтха, шъуІоу шъукъэупчІымэ, мы гущыІэхэу Тхьэм ыІуагъэ­хэм* шъуяджагъэба: 32«Сэры Ибрахьими, Исхьакъи,

 

22:23 саддукейхэр еплъ 3:7.

22:24 пегъымбар Мусэ ыІуагъ еплъ Пегъымбар Мусэ ятфэнэрэ тхылъэу ытхыгъэм 25:5-6.

22:31-32 мы гущыІэхэу Тхьэм ыІуагъэхэр еплъ Пегъымбар Мусэ ятІонэрэ тхылъэу ытхыгъэм 3:2-6.

 

Якъуби я Тхьэр»? Ащ къикІырэр Тхьэр псэухэмрэ лІа­гъэхэу зыфаІохэрэмрэ я Тхьэу зэрэщытыр ары.

33ЦІыф купышхохэм ар зызэхахым, Исус Іофхэу ари­гъашІэхэрэр агъэшІэгъуагъэх.

 

Тхьэм иунашъохэм ащыщэу анахь ин дэдэр

(Марк 12:28-34; Лука 10:25-28)

 

34Исус саддукеймэ ажэхэр аригъэубытыгъэхэу фари­сеймэ зызэхахым, зэрэугъоигъэх. 35Ахэмэ ащыщэу зы Тэурат егъэджэкІо пащэ горэ Исус ыгъэунэфыным пае къеупчІыгъ:

36–Дин гъэсакІу, Тхьэм иунашъохэм ащыщэу анахь ин дэдэр* тары?

37–«ЗэкІэ о угурэ упсэрэкІи, зэкІэ уизэхэшІыкІыны­гъэкІи о Зиусхьанэу уи Тхьэ шІу лъэгъу»,– риІожьыгъ Исус. 38–Анахь ин дэдэу, апэрэ унашъор джары. 39ЯтІо­нэрэ унашъори* ащ фэд: «О пшъхьэ шІу зэрэплъэгъурэм фэдэу, уигъунэгъуи шІу лъэгъу». 40Мы унэшъуитІум пегъымбар Мусэ и Тэурат хабзэ итхэмрэ зэкІэ адрэ пегъымбархэм аІуагъэхэмрэ зэкІэ къырагъэубытых.

 

Христос хэта зыкъор?

(Марк 12:35-37; Лука 20:41-44)

 

41 Фарисейхэр къызызэрэугъоихэм, Исус ахэм яупчІыгъ:

42–Христос сыда ешъуІуалІэрэр? Хэты ыкъу ар?

–Даутэ ыкъу ар,– къыраІожьыгъ фарисеймэ.

43–Арэущтэу щытмэ, Тхьэм Ыпсэ ЛъапІэ Даутэ ыгу къырилъхьи, Христос ехьылІагъэу «Си Зиусхьан» ыІозэ, къызэрэригъэІуагъэр сыдэущтэу хъугъа?– ари­Іожьыгъ Исус. –Даутэ ыІуагъэба:*

44«Тхьэу Зиусхьаным сэ си Зиусхьан къыриІуагъ:

 

22:36-37 Тхьэм иунашъохэм ащыщэу анахь ин дэдэр еплъ Пегъымбар Мусэ ятфэнэрэ тхылъэу ытхыгъэм 6:5.

22:39 ятІонэрэ унашъор еплъ Пегъымбар Мусэ ящэнэрэ тхылъэу ытхыгъэм 19:18.

22:43-44 Даутэ ыІуагъэба еплъ Сэбур (Псалтыр) 110:1 (урыс библием­кІэ 109:1).

 

О уипыйхэр плъэкъо чІэгъ къычІэсэгъэуцохэфэ, сэ сиджабгъукІэ къызготІысхь»? 45Ежь Даутэ Христос «си ЗиусхьанкІэ» еджэ,– къы­пигъэхъожьыгъ Исус. –Арэу зыхъукІэ, сыдэущтэу Хри­стос Даутэ ыкъоу хъура?

463ыми Исус зы гущыІэ къыриІожьын ылъэкІыгъэп. А мафэм къыщегъэжагъэу ащ нэмыкІыкІэ Исус къеупчІы­жьынэу хэти тегушхуагъэп.

 

 

 

23

ЯТЮКІЫРЭ ЩЫНЭРЭШЪХЬ

 

Исус Тэурат егъэджэкІо пащэхэмрэ фарисейхэмрэ ямысагъэ къызэригъэлъэгъуагъэр

(Марк 12:38-40; Лука 11:37-52; 20:45-47)

 

Джащыгъум Исус цІыф купышхохэмрэ игъогу рыкІохэрэмрэ ариІуагъ:

2–Тэурат егъэджэкІо пащэхэмрэ фарисейхэмрэ пегъым­бар Мусэ итІысыпІэ лъапІэ тетІысхьагъэх. 3Арышъ, зэкІэ шъушІэн фаеу ыкІи жъугъэцэкІэн фаеу ахэмэ къышъуаІорэр жъугъэцакІэ, арышъхьакІэ ашІэрэр шъу­мышІэ, сыда пІомэ ахэмэ аІо нахь, агъэцакІэрэп. 4Хьылъэу зехьэгъуаехэр зэкІоцІапхэзэ, цІыфхэм атамэ­хэм атыралъхьэ, ау ежьхэр цІыфхэм адэІэпыІэнхэу зы Іэхъуамби агъэхъыерэп.

5 –Ахэмэ яшІушІэгъэ пстэури цІыфхэм арагъэлъэгъу­ным пае ашІэ. Ахэмэ янэмаз къэмлэнэжьыехэр* агъэшъуамбгъох, яшъошэ кІыхьэхэм якІапэхэри агъэ­кІыхьэх. 6 Ешхэ-ешъошхохэм адэжьи синэгогухэм цІыф­хэр защызэІукІэхэкІи, тхьэмэтэ тІысыпІэхэр аубытын­хэри шІу алъэгъу. 7ЗэІукІэхэми ежьхэм аІэхэм цІыф­хэр ащарагъэбэунхэри, «дин гъэсакІокІэ» зэрагъэджэн­хэри якІас.

 

23:5 янэмаз къэмлэнэжьыехэр – къэмлэнэжьыехэу (шъом хэшІы­кІыгъэ дэлъхьапІэ цІыкІужьыехэр) ятхылъ лъапІэхэм арытхэм ащы­щхэр зыдэлъхэр джуртхэм шъо кІапсэкІэ анатІэхэмрэ аІапшъэхэмрэ аращэкІых. Еплъ Пегъымбар Мусэ ятфэнэрэ тхылъэу ытхыгъэм 6:8; 11:18.

 

8–Ау шъо «дин гъэсакІокІэ» зэшъумыгъаджэх, сыда пІо­мэ дин гъэсакІоу шъуиІэ закъор Христос ары, шъо зэ­кІэри шъузэкъошых. 9ШъуятэкІэ зыми чІылъэм шъуще­мыдж, сыда пІомэ шъо шъуятэу шъуиІэ закъор уашъом щыІэ Шъуятэ лъапІэр ары. 10Ащ фэдэуи «ушъыякІокІэ» зэшъумыгъаджэх, сыда пІомэ ушъыякІоу шъуиІэ закъор Христос* ары. 11Шъо шъуащыщэу анахь ин дэдэр Іоф­табгэу къышъуфэхъун фае. 12Сыда пІомэ хэти ежь ышъ­хьэ зыгъэиныжьырэр Тхьэм ыгъэцІыкІущт, хэти ежь ышъ­хьэ зыгъэцІыкІужьырэри Тхьэм ыгъэиныщт.

13–Сыхьатмыгъо шъуежьагъ, Тэурат егъэджэкІо пащэ­хэри,* фарисейхэри,* шъо нэпитІу зиІэхэр! Тхьэу уа­шъом щыІэм и Тетыгъошхо* икъэлапчъэ цІыфмэ апа­шъхьэ щэшъогъэпытэ. Шъо а тетыгъошхом ыІэчІэгъ шъучІахьэрэп, чІэхьанхэу фаехэри чІэхьанхэу фит шъу­шІыхэрэп. 14Сыхьатмыгъо шъуежьагъ, Тэурат егъэджэ­кІо пащэхэри, фарисейхэри, шъо нэпитІу зиІэхэр! Шъузабэхэм яунэхэр къатешъохых, цІыфмэ зыкъяжъу­гъэгъэшІэгъоным паий, тхьэлъэІухэр шъогъэкІыхьэх. Ащ пае Тхьэм инэу шъуигъэпщыныжьыщт.

15–Сыхьатмыгъо шъуежьагъ, Тэурат егъэджэкІо пащэ­хэри, фарисеАхэри, шъо нэпитІу зиІэхэр! Шъо чІыгуми хыми къащышъокІухьэ, зы цІыф закъо шъуидин къи­жъугъэхьаным пае. Ар къызэжъудэхъукІэ, шъощ нахьи фэдитІукІэ нахь Іаеу, джэхьнэм бынэу ар шъогъэхъу.

16–Сыхьатмыгъо шъуежьагъ, шъо пэщэ нэшъухэу мырэущтэу зыІохэрэр: «Тхьэм иунэшхо ыцІэкІэ зыго­рэм тхьэ ыІомэ, ащ зи къикІырэп, ау Тхьэм иунэшхо идышъэ ыцІэкІэ зыгорэм тхьэ ыІомэ, тхьарыІуагъэу мэхъу». 17Шъо акъыл зимыІэхэу цІыф нэшъухэр! Тара нахь лъапІэр: дышъэр ара, хьауми Тхьэм иунэшхоу ды­шъэр лъапІэу зышІырэр ара? 18Мырэущтэуи шъоІо: «Къурмэн шІыпІэм ыцІэкІэ зыгорэм тхьэ ыІомэ, ащ зи къикІырэп, ау къурмэныпхъэу къурмэншІыпІэм телъым ыцІэкІэ зыгорэм тхьэ ыІомэ, тхьарыІуагъэу мэхъу».

 

23:10 Христос – еплъ 1:17.

23:13 Тэурат егъэджэкІо пащэхэр - еплъ 2:4.

23:13 фарисейхэр – еплъ 3:7.

23:13 Тхьэу уашъом щыІэм и Тетыгъошхо – еплъ 3:2.

 

19Шъо цІыф нэшъухэр! Тара нахь лъапІэр, къурмэны­пхъэр ара, хьауми къурмэншІыпІэу къурмэныпхъэр лъа­пІэу зышІырэр ара? 20Арышъ, къурмэншІыпІэм ыцІэкІэ тхьэ зыІорэм къурмэншІыпІэм ыцІэкІи, ащ телъ пстэумэ ацІэкІи тхьэ ыІуагъэу мэхъу. 21Джащ фэд Тхьэм иунэ­шхо ыцІэкІэ тхьэ зыІорэми Тхьэм иунэшхо ыцІэкІи, ащ чІэсым ыцІэкІи тхьэ ыІуагъэу мэхъу. 22Уашъом ыцІэкІэ тхьэ зыІорэми Тхьэм итІысыпІэ лъапІэ ыцІэ­кІи, ащ тесым ыцІэкІи тхьэ ыІуагъэу мэхъу.

23–Сыхьатмыгъо шъуежьагъ, Тэурат егъэджэкІо пащэ­хэри, фарисейхэри, шъо нэпитІу зиІэхэр! Хатэм къы­дэкІагъэхэм анахь пыутэхэм ащыщэу зы пшІанэр Тхьэм пае шъоты, ау Тэурат хабзэм итхэу, нахь Іофхэу жъу­гъэцэкІэн фаехэу, зэфагъэр, гукІэгъуныгъэр, Тхьэм фэшъыпкъэныгъэр къэшъогъанэх. Ахэр ары жъу­гъэцэкІэн фаехэр, адрэ Іофхэри къэшъумыгъанэхэу. 24Шъо пэщэ нэшъухэр! Шъузашъорэм аргъоир хэшъу­хызэ, махъшэу хэлъыр шъодыры.

25–Сыхьатмыгъо шъуежьагъ, Тэурат егъэджэкІо пащэ­хэри, фарисейхэри, шъо нэпитІу зиІэхэр! Шъо шъуи­шъуалъэхэмрэ шъуилагъэхэмрэ акІыбхэр шъогъэкъа­бзэх, ау акІоцІхэм нэйпсыягъэрэ зымыщыІэныгъэрэ нахь зи арылъхэп. 26O фарисей нэшъур! ЫпэрапшІэу шъуалъэмрэ лагъэмрэ акІоцІ гъэкъабзэ, джащыгъум акІыбхэри къабзэу хъущтых.

27–Сыхьатмыгъо шъуежьагъ, Тэурат егъэджэкІо пащэ­хэри, фарисейхэри, шъо нэпитІу зиІэхэр. Шъо фыжьэу зыкІыІу гъэлагъэ къэунэхэм шъуафэд. Ахэр дахэу къэлъа гъох, арышъхьакІэ акІоцІыкІэ хьэдэкъупшъхьэрэ сыдрэ зы шІоигъэрэ ачІизых. 28Ащ фэдэу шъори шъуитеплъэкІэ шъыпкъагъэр зиІэ цІыфхэм шъуафэдэу цІыфхэм шъукъа фэлъагъо, ау шъукІоцІыкІэ нэпитІугъэрэ бзэджагъэрэ шъу кІоцІизых.

29–Сыхьатмыгъо шъуежьагъ, Тэурат егъэджэкІо пащэ­хэри, фарисейхэри, шъо нэпитІу зиІэхэр! Пегъымбархэм апае къэунэхэр шъогъэуцух, шъыпкъагъэ зиІэ цІыфхэм якъэнэтІэхэсхэри шъогъэкІэракІэх. 30Ау щытми, «Тятэ­жъхэм ямафэхэм тэ тыщыІагъэмэ, ахэмэ пегъымбармэ алъ загъачъэм, гъусэ тафэхъущтгъэп», шъоІо. 31Джау­щтэу шъоІозэ, пегъымбархэр зыукІыгъэмэ акъохэу шъу­зэрэщытыр шъор-шъорэу къэшъоушыхьатыжьы. 32Дэгъуба ащыгъум, шъуятэжъхэм къаублэгъэ Іофыр ижъугъэкъужь.

33–Шъо блэхэр! Шъо блэщылъфэхэр*! Джэхьнэмым шъукІонэу Тхьэм къышъутырилъхьащтым сыдэущтэу шъуІэкІэкІын? 34Ащ пае мары пегъымбархэри, зэхэ­шІыкІыныгъэ зиІэ цІыфхэри, дин гъэсакІохэри сэ къы­шъуфэсэгъакІох. Ахэмэ ащыщэу зы купыр къащым ешъуІулІынышъ, шъуукІыщтых; адрэ купми шъуисинэ­гогухэм къамыщкІэ шъущяощт, зы къалэм дэшъуфы­хэзэ адрэ къалэм шъуфыщтых. 35Арэущтэу дунаем щагъэ­чъэгъэ лъы хыер зэкІэ шъо къышъутефэщт, шъыпкъа­гъэ зиІэу пегъымбар Авел ылъ щегъэжьагъэу пегъым­бар Зэкъариеу Варахый ыкъо ылъ къыхиубытэу. Пегъым­бар Зэкъариер ары Тхьэм иунэшхорэ къурмэн шІы­пІэмрэ азыфагу щышъуукІыгъагъэр. 36Шъыпкъэр шъо­сэІо, мы мыхъомышІэ Іоф пстэуми ямысагъэ джырэ цІыфхэм къатефэщт.

 

Ей Ерусалим!

(Лука 13:34-35)

 

37–Ей Ерусалим, Ерусалим! УицІыфхэм пегъымбархэр аукІых, Тхьэм илІыкІохэми мыжъохэмкІэ яохэзэ аукІых. Бзыум ищырхэр ытамэмэ ачІэгъ зэрэщычІиугъуаехэрэм фэдэу, сыд фэдизрэ уибынхэр зэсыугъоилІэнхэу сэ сыфэ­ягъ, ау шъо шъуфэягъэп. 38Мо зэ шъуеплъ, Тхьэр шъуикъалэ нэшІукІэ къеплъыжьыщтэп. 39Сэ шъосэІо, «Зиусхьаным ыцІэкІэ къэкІорэм щытхъушхор ий!» зы­щышъуІощт мафэм нэсыфэ, сышъулъэгъужьыщтэп.

 

 

 

24

ЯТЮКІЫРЭ ПЛІЫНЭРЭШЪХЬ

 

Исус Тхьэм иунэшхо зэрэзэхакъутэщтыр къызэриІуагъэр

(Марк 13:1-2; Лука 21:5-6)

 

Исус Тхьэм иунэшхо къычІэкІыжьи, ІукІыжьы зэхъум, Тхьэм иунэшхо хэт унэхэр Исус рагъэлъэгъунэу игъогу рыкІохэрэр къыбгъодэхьагъэх.

 

23:33 блэщылъф – блэм къыхэкІырэ лъфыгъэр ары.

 

2–Мы пстэури шъолъэгъуа?– ариІуагъ Исус ахэмэ. –Шъыпкъэр шъосэІо, мыжъуитІу къызэтемынэжьэу, пстэури къызэхэтэкъощтых.

 

Къиныбэ щэчыныгъэм иублапІ

(Марк 13:3-13; Лука 21:7-19)

 

3Ащ ыужым Исус Елеон зыцІэ Гуашъхьэм* тесэу, игъогу рыкІохэрэм язакъоу къыбгъодахьэхи къеупчІы­гъэх:

–КъытаІу, о зыфэпІогъэ Іофхэр сыдигъо къэхъущтых, о дунаем укъызэрэкІожьыщтымрэ дунаем икІэух къы­зэрэкІощтымрэ янэшанэхэри сыд фэдэха?

4–Зыми шъукъызэримыгъэпцІэщтым шъуфэсакъ,– ариІожьыгъ Исус. 5–Сыда пІомэ сэ сцІэкІэ зэджэжь­хэу, «Сэры Христос*», аІоу, цІыфхэу къэкІощтхэр бэу хъущтых, цІыфыбэхэри агъэпцІэщтых. 6Благъэми чы­жьэми зэо къэбар зэхэшъухыщт, ау шъо шъущынэнэу ищыкІагъэп. А Іофхэр къэхъунхэ фае, ау дунаем икІэух къэсыгъэу щытыгоп. 73ы лъэпкъыр адрэ лъэ-пкъым, зы пачъыхьагъори адрэ пачъыхьагъом езэонэу къэтэджыщт. Гъаблэхэри къэхъущтых, чІыпІэ-чІыпІэ­хэмкІи чІыгур инэу щысысыщт. 8А Іофхэр зэкІэ къи­ныбэ щэчыныгъэм иублапІэ ныІэп.

9–ЦІыфхэм шъо къин шъуагъэщэчыным пае, тетыгъо зиІэхэм шъуаІэкІагъэхьанышъ, шъуарагъэукІыщт, сэ сцІэ зэрэжъугъэлъапІэрэм паий, лъэпкъ пстэуми шъуа­уджэгъущт. 10Джащыгъум цІыфыбэ шІошъхъуныгъэм игъогу текІыщтых; зым адрэр тетыгъо зиІэхэм ари­гъэубытыщт, зым адрэри ыуджэгъущт. 11Пегъымбар нэпцІыбэхэр къэлъэгъощтых, цІыфыбэхэри къагъэпцІэ­щтых. 12Бзэджагъэм къызэрэхэхъощтым къыхэкІэу, цІыфыбэмэ яшІулъэгъуныгъэ чъыІэу хъущт. 13Ау кІэ­ухым нэсыфэ теубытэныгъэ зиІэр мыкІодэу Тхьэм къы­гъэнэжьыщт. 14Ау сэ къысфэлажьэрэ цІыфхэм Тхьэм и Тетыгъошхо ехьылІэгъэ къэбарышІур чІылъэм тыдэкІи щагъэІун фаеу щыт, цІыф лъэпкъ пстэуми апашъхьэ шыхьатхэу щыхъунхэм пае. Ащ нэужым дунаем икІэух къэсыщт.

 

24:3 Елеон зыцІэ Іуашъхьэр – еплъ 21:1. 24:5 Христос – еплъ 1:17.

 

Гузэжъогъушхор

(Марк 13:14-23; Лука 21:20-24)

 

15–Арышъ, «Зэхэзыкъутэрэ ГущыкІыгъоу»* пегъым­бар Данил зытегущыІагъэр чІыпІэ лъапІэм щытэу зы­шъулъэгъукІэ, (еджэрэм къыгурэрэІу), 16ащыгъум Иудей хэкум ис цІыфхэр Іуашъхьэхэм ярэкІолІэжьых. 17Унашъхьэм тетыри къызехыкІэ, зыгорэ зыдихьынэу унэм ерэмыхьажь. 18Губгъом итыми ищыгъын кІыІутелъ зыдихьынэу къерэмыгъэзэжь. 19А мафэхэм бзылъфыгъэ лъэрмыхьэхэмрэ сабый быдзашъо зиІэхэмрэ сыхьатмы­гъо ежьэщтых. 20Шъузхэхьажьыщт мафэр кІымафэм е шэмбэт мафэм темыфэнэу Тхьэм шъуелъэІу; 21сыда пІомэ гузэжъогъушхо а мафэхэм хъущт. Ащ фэдэ гузэжъогъушхо дунаер къызыхъугъэм щегъэжьагъэу джырэ нэсыфэ щыІагъэп ыкІи щыІэжьыщтэп. 22А мафэ­хэр нахь макІэ мыхъугъэхэмэ, зы цІыфи мыкІодэу къэ­нэжьыщтгъэп. Ау ежьым къыхихыгъэ цІыфхэм яхьатыр­кІэ Тхьэм а мафэхэр нахь макІэ ышІыщтых. 23А мафэ­хэм «Мары Христос мыщ дэжьым щыІ», ыІоу, е «Христос модэ щыІ», ыІоу зыгорэм къышъуиІомэ, шъушІошъ шъу­мыгъэхъу; 24сыда пІомэ Христос нэпцІхэмрэ пегъым­бар нэпцІхэмрэ къэлъэгъощтых. Ахэмэ нэшэнэ гъэ­шІэгъонышхохэри, Іофышхо гъэшІэгъонхэри къагъэ­лъэгъощтых, алъэкІымэ, Тхьэм къыхихыгъэ цІыфхэри агъэпцІэнхэм пае. 25Джары а Іофхэр къэхъунхэм ыпэ якъэбар шъосІуагъэ.

26–Арышъ, «Мары, Христос шъоф нэкІым щыІ», къы­зышъуаІокІэ, ащ дэжьым шъумыкІу. «Мары, Христос ыкІоцІырэ унэм щыІ», аІоми, шъушІошъ шъумыгъэхъу; 27сыда пІомэ, тыгъэ къыкъокІыпІэм къыщытэджырэ пчыкІэм* тыгъэ къохьапІэм нэсы дунаер зэригъэнэ-

 

24:15 «Зэхэзыкъутэрэ ГущыкІыгъор» – Исус «Зэхэзыкъутэрэ Гущы­кІыгъор» зыфиІогъэ гущыІэхэр пегъымбар Данил икъэбар зэрыт тхылъым 9:27; 11:31; 12:11 итых. Пегъымбар Данил зытегущыІагъэр къурмэншІыпІэу пачъыхьэ Антиок Епифан тхьэ нэпцІхэм апае Тхьэм иунэшхо щигъэуцугъагъэр ары. Ар къызыхъугъэр Исус къэхъуным ыпэ 167-рэ илъэсыр ары. Ау Исус «Зэхэзыкъутэрэ ГущыкІыгъом» зытегущыІэм, зыфиІуагъэр Тхьэм ищынагъо зыгу имылъэу, бзэджэ дэдэ цІыф гъэнэфагъэ горэу ары. Дунаем иаужырэ мафэхэм а цІы­фыр къэлъэгъон фаеу щыт.

24:27 пчыкІэ – шыблэм инэфынэ ары.

 

фырэм фэдэу, мафэу ЦІыф Лъэпкъым Ыкъо къызы­кІожьыщтри хъущт. 28ШъушІэрэба, хьэйуан псэхалІэр зыдэщыІэм бгъэжъхэри зэрэщызэрэугъоищтхэр.

 

ЦІыф Лъэпкъым Ыкъо дунаем къызэрэкІожьыщтыр

(Марк 13:24-27; Лука 21:25-28)

 

29–А гузэжъогъушхо мафэмэ ауж ошІэ-дэмышІэу тыгъэр ушІункІыжьыщт, мазэри къэнэфыжьыщтэп. Жъуагъохэри уашъом къефэхыщтых, уашъом щыІэ кІуачІэхэри хъыещтых. 30Джащыгъум ЦІыф Лъэпкъым Ыкъо инэшанэ уашъом къыщылъэгъощт, дунаем тет лъэпкъ пстэури гъыхэу абгъэгу еожьыщтых. ЦІыф Лъэпкъым Ыкъо ошъуапщэхэм ахэтэу, лъэкІыныгъэ­шхорэ щытхъушхорэ иІэхэу, къакІоу алъэгъущт. 31ЕтІанэ бжъэмыешхом ымакъэ чан къэІунышъ, ЦІыф Лъэпкъым Ыкъо имэлэІичхэр ыгъэкІощтых, дунай лъэ­ныкъуиплІым, зы ошъо чапэм къыщегъэжьагъэу адрэ ошъо чапэм нэс, ицІыфхэу къыхихыгъэхэр къахищы­хэзэ, ежьым къыфаугъоижьынхэу.

 

Ынджыр чъыгым шъыпкъагъэу къыдгуригъаІорэр

(Марк 13:28-31; Лука 21:29-33)

 

32–Ынджыр чъыгым къехъулІэрэмкІэ Іоф горэ зэжъу­гъашІэ: Икъутамэхэм псы къахахьэу, итхьапэхэр къы­пыкІэхэ зыхъукІэ, гъэмафэр къызэрэблагъэр шъошІэ.33Ащ фэдэу шъори мы Іофхэр зэкІэ зышъулъэгъухэкІэ, ЦІыф Лъэпкъым Ыкъо гъунэгъоу, къэлапчъэм дэжь зэрэщытыр шъушІэ. 34Шъыпкъэр шъосэІо, мы Іофхэр зэкІэ къэ­хъунхэм ыпэкІэ, мы лъэпкъыр кІодыщтэп. 35Уашъомрэ чІылъэмрэ кІодыжьыщтых, ау сэ сигущыІэхэр кІодыжьы­щтхэп.

 

А мафэри а сыхьатри къызысыщтыр зыми ышІэрэп

(Марк 13:32-37; Лука 17:26-30, 34-36)

 

36–Ау а мафэри а сыхьатри къызысыщтыр зыми ышІэрэп. Уашъохэм ащыІэ мэлэІичхэм ашІэрэп, Тхьэм

Ыкъоми ышІэрэп. Ты лъапІэм изакъоу ары ныІэп зышІэрэр. 37 Пегъыбар Нухьэ имафэхэм адэжь Іофхэр зэрэщыты­гъэхэм фэдэу, ЦІыф Лъэпкъым Ыкъо дунаем къызы­кІожьыщтым ыдэжь Іофхэр щытыщтых. 38Сыда пІомэ псы къиугъэшхор* къэмыкІуагъэу, а мафэхэм цІыфхэр шхэщтыгъэх ыкІи ешъощтыгъэх, къащэщтыгъэх ыкІи дакІощтыгъэх, Нухьэ къухьэм зитІысхьэгъэ мафэм нэсы­фэкІэ. 39Къэхъущтыр амышІэу псы къиугъэшхор къа­кІуи, ахэр зэкІэ ыхьыгъэх ыкІи ытхьалагъэх. Ащ фэдэу ЦІыф Лъэпкъым Ыкъо дунаем къызыкІожьы­щтым ыдэжь Іофхэр щытыщтых. 40Ащ дэжьым нэбгы­ритІу губгъом итыщтых, язырэр мэлэІичхэм уашъом дахьыещт, адрэр къагъэнэщт. 41 БзылъфыгъитІу зы шъхьа­лым щыхьаджэщт, язырэр мэлэІичхэм уашъом дахьыещт, адрэр къагъэнэщт.

42–Арышъ, шъумычъыеу шъусакъ, сыда пІомэ Зиу­схьаныр дунаем къызыкІожьыщт. мафэр шъушІэрэпышъ ары. 43Ау мыр зэжъугъашІэ: унэр зием тыгъуакІор къызыкІощт сыхьатыр ышІэщтыгъэмэ, чъыещтгъэп, иуни къыригъхьэу илъыр рыригъэтыгъукІыщтгъэп. 4Арышъ, шъори шъухьазырын фае, сыда пІомэ ЦІыф Лъэпкъым Ыкъо къэкІожьынэу шъузымыгугъэрэ сыхьат горэм дунаем къэкІожьыщт.

 

Узщыгугъышъун унэІут е узщымыгугъышъун унэІут

(Лука 12:41-48)

 

45–Хэта адэ зэхэшІыкІыныгъэ зиІэу, зыщыгугъышъунэу унэІутэу тхьаматэм адрэ унэІутхэу иІэхэм пащэу афишІы­гъэр, игъом ашхын аритынэу? 46А унэІутыр сыхьатмафэ ежьагъ, итхьаматэ къэкІожьыгъэу, арэущтэу ышІэу къы­зигъотыжькІэ. 47Шъыпкъэр шъосэІо, тхьаматэм имы­лъку зэкІэ а унэІутым ыІэ рилъхьащт. 48 Ау а унэ­Іутым бзэджагъэ зэрихьэзэ, «Ситхьаматэ шІэхэу къэ­кІожьыщтэп», ыгукІэ ыІоу, 49адрэ унэІутхэм яоу ыкІи ешъуакІомэ адашхэу ыкІи адешъоу зиублэкІэ, 50а унэ­Іутыр зымыгугъэрэ мафэ горэм ыкІи зыщимышІэрэ сыхьат горэм итхьаматэ къэкІожьыщт. 51А унэІутыр

24:38-39 псы къиугъэшхор еплъ Пегъымбар Мусэ апэрэ тхылъэу 6:13-7:24.

укІыкІаеу ыукІыщт, нэпитІу зиІэхэм къиныгъэ зыщади­щэчыщт чІыпІэми ыгъэкІощт. Ащ дэжьым куохьауны­гъэрэ цэ зэрэгъэшхыныгъэрэ щыхъущтых.

 

 

 

25

ЯТЮКІЫРЭ ТФЫНЭРЭШЪХЬ

 

ПшъэшъипшІымэ яхьылІэгъэ гъэсэныгъэ тхыдэр

 

–А мафэм Тхьэу уашъом щыІэм и Тетыгъошхо* зыфэ­дэу щытыщтыр мары. ПшъэшъипшІмэ яостыгъэхэр аштэхи, шъаом пэгъокІынхэу дэкІыгъэх. 2Ахэмэ ащы­щэу тфым акъыл ямыІэу щытыгъэх, тфыр Іушхэу щытыгъэх. 3Акъыл зимыІэ пшъашъэхэм яостыгъэхэр заштэхэм, дагъэ зыдаштагъэп. 4Пшъэшъэ Іушхэм яосты­гъэмэ ягъусэу, дагъэ зэрыт дагъалъэхэри зыдаштагъэх. 5Шъаор къызэгужъом, пшъэшъэ пстэури шъхьаукъэхи хэчъыягъэх.

6–Ау чэщныкъом дэжь зы макъэ горэ къэІугъ: «Мары шъаор къакІо! ШъукъыпэгъокІ!»

7–Джащыгъум а пшъашъэхэр зэкІэ къэтэджыхи, яосты­гъэхэр агъэхьазырыгъэх. 8Акъыл зимыІэ пшъашъэхэр пшъэшъэ Іушхэм ялъэІугъэх: «Шъуидагъэ щыщ къытэ­шъут, сыда пІомэ, тиостыгъэхэр мэкІуасэх».

9–Ау пшъэшъэ Іушхэм къаІожьыгъ: «Шъори тэри ар тфырикъухэнэп. Дагъэ зыщэрэмэ адэжь шъукІоу къы­зфэшъущэфымэ нахьышІу».

10–Къащэфынэу ахэр зэкІохэм, шъаор къэкІуагъ, хьазырэу щытыгъэ пшъэшъитфыри игъусэхэу джэгу зыщашІырэ унэм ихьэхи, къэлапчъэри къыфашІыжьыгъ.

11–Ащ нэуж адрэ пшъашъэхэри къэкІожьхи, мырэу­щтэу аІуагъ: «Титхьаматэу титхьаматэ! Къэлапчъэр къытфэІух!»

12–Ау ащ къыІожьыгъ: «Шъыпкъэр шъосэІо, шъо хэтми шъузщыщыр сшІэрэп».

13–Арышъ, шъумычъыеу шъусакъ,– къыпигъэ­хъожьыгъ Исус, –сыда пІомэ ЦІыф Лъэпкъым Ыкъо дунаем къызыкІожьыщт мафэри сыхьатри шъушІэрэпышъ ары.

25:1 Тхьэу уашъом щыІэм и Тетыгъошхо – еплъ 3:2.

 

Талант зыцІэ ахъщэхэм яхьылІэгъэ гъэсэныгъэ тхыдэр

(Лука 19:11-27)

 

14–Джыри Тхьэу уашъом щыІэм и Тетыгъошхо къызэ­рэкІощтыр зыфэдэр мары. Зы лІы горэ хымэ хэгъэгу горэм кІонэу зэхъум, иунэІутмэ къяджи, имылъку аІэ­кІилъхьагъ. 15Зым талантитф* ритыгъ, нэмыкІми талан­титІу ритыгъ, етІанэ нэмыкІми зы талант ритыгъ. Хэти лъэкІыныгъэу иІэм фэшъуашэу рити, гъогум техьагъ. 16Талантитф зэритыгъэр занкІэу кІуи, ахэр ыгъэлажьэхи, джыри талантитф къыхьыжьыгъ. 17Джащ фэдэу талан­титІу зэритыгъэми джыри талантитІу къыхьыжьыгъ. 18Ау тхьаматэм зы талант зэритыгъэр кІуи, ар чІы­гум чІитІи, итхьаматэ иахъщэ ыгъэбылъыгъ.

19–Бэ тешІагъэу а унэІутмэ ятхьаматэ къэкІожьыгъ, иунэІутхэм ахъщэр зэрагъэлэжьагъэмкІи яупчІынэу ыублагъ. 20Талантитф зэритыгъагъэр тхьаматэм бгъо­дахьи, адрэ талантитфэу къыхьыгъэхэр къыфихьыхи къыІуагъ: «Тхьаматэ, талантитф къысІэкІэплъхьагъ. Мары, ахэмкІэ джыри талантитф къэсхьыжьыгъ».

21–Тхьаматэм ащ риІуагъ: «Дэгъоу пшІагъэ. О сып­щыгугъышъунэу уунэІут дэгъу! Іоф макІэхэмкІэ сызщы­гугъышъунэу лІэу узэрэщытыгъэм пае, Іофыбэхэр къы­пІэкІэслъхьащтых. КъакІуи, уитхьаматэ игушІуагъо къы­хахь!»

22–Джаущтэу талантитІу зэритыгъагъэри тхьаматэм бгъодахьи къыІуагъ: «Тхьаматэ, талантитІу къысІэкІэ­плъхьагъ. Мары, ахэмкІэ джыри талантитІу къэсхьы­жьыгъ».

23–Тхьаматэм ащ риІуагъ: «Дэгъоу пшІагъэ. О сып-щыгугъышъунэу уунэІут дэгъу! Іоф макІэхэмкІэ сыз­щыгугъышъунэу лІэу узэрэщытыгъэм пае, Іофыбэхэр къыпІэкІэслъхьащтых. КъакІуи, уитхьаматэ игушІуагъо къыхахь!»

24–ЕтІанэ зы талант зэритыгъагъэри тхьаматэм бгъо­дахьи къыІуагъ: «Тхьаматэ, о узэрэлІы пхъашэр сшІэ­щтыгъэ, чылапхъэ зыхэмыпхъагъэм лэжьыгъэр къы­щыохыжьы, зыхэмысагъэми къыщыоугъоижьы. 25Сыщы­нэти сыкІуи, уиталант чІыгум чІэзгъэбылъхьагъ. Мары, оуиер осэтыжьы».

 

25:15 талант – еплъ 18:24.

26–Тхьаматэм ащ риІуагъ: «О уунэІут бзадж ыкІи уунэ­Іут фэмыф! О пшІэщтыгъэ сэ чылапхъэр зыхэсымыпхъа­гъэм лэжьыгъэ къызэрэщысхыжьырэри, зыхэсымыса­гъэм къызэрэщысыугъоижьырэри. 27Арэущтэу зыхъукІэ, сэ сиахъщэ банкым ептын фэягъэба? Ащыгъум къызы­сэгъэзэжьым, сиахъщэ хэхъуагъэу къычІэсхыжьыщтыгъ».

28–«Мы лІым италант Іышъухи, талантипшІ зиІэм ешъут. 29Сыда пІомэ Тхьэм хэт щыщми зиІэм нахьыбэ къыритыщт, къелыжьынэуи бэ иІэщт. Ау Тхьэм зимыІэм иІэ тІэкІури Іихыжьыщт. 30Ау мы унэІутэу пкІэ зимы­Іэр шІункІыгъэм икуупІэ хэшъудз. Ащ дэжьым куохьау­ныгъэрэ цэ зэрэгъэшхыныгъэрэ щыхъущтых».

Ар къызеІо ужым, Исус мэкъэшхокІэ къыІуагъ:

–РыдэІонэу тхьакІумэ зиІэм зэхерэх.

 

ЦІыф Лъэпкъым Ыкъо цІыф лъэпкъхэм хьмкум зэратыришІыхьащтыр

 

31–ЦІыф Лъэпкъым Ыкъо* щытхушхо иІэу, имэлэІич пстэури игъусэхэу дунаем къызыкІожькІэ, итІысыпІэ лъа­пІэу щытхъушхо зиІэм тетІысхьащт. 32Лъэпкъ пстэури ежьым ыпашъхьэ къыщызэрэугъоищтых, мэлахъом мэл­хэмрэ пчэнхэмрэ зэрэзэхидзыхэрэм фэдэуи, цІыфхэр зэ­хидзыщтых. 33Мэлхэр иджабгъукІэ пчэнхэр исэмэгу­бгъукІэ ыгъэуцущтых.

34–Джащыгъум Пачъыхьэм иджабгъумкІэ щытхэм ариІощт: «Сэ Сятэ лъапІэ ынэшІу зыщифагъэхэр, шъу­къакІуи, Тхьэм дунаер къызигъэхъугъэм къыщегъэжьагъэу къышъуфигъэхьазырыгъэ тетыгъор шъуиІэхьышІоу шъу­убыты. 35Сыда пІомэ мэлакІэ сызэлІэм, сыжъугъэ­шхагъ; псыфалІэ сызэлІэми, псы сежъугъэшъуагъ; хы­мэу сызыщэтыми, сыкъежъугъэблэгъагъ, 36зыщыслъэн зысемыІэми, сышъуфэпагъ; сызэсымаджэми шъукъы­слъыплъагъ; хьапсым сызычІэсыми, садэжь шъукъэ­кІуагъ».

37–Джащыгъум шъыпкъагъэ зиІэ цІыфхэм къыраІо­жьыщт: «Зиусхьан, сыдигъо мэлакІэ улІэу утлъэгъуи узы­дгъэшхагъэр, е псыфалІэ улІэу псы узедгъэшъуагъэр?

 

25:31 ЦІыф Лъэпкъым Ыкъо – еплъ 8:20.

 

38Сыдигъуа хымэу утлъэгъуи узедгъэблэгъагъэр, е зыщы­плъэн уимыІэу узытфэпагъэр? 39Усымаджэу е хьапсым учІэсэу сыдигъуа утлъэгъуи, уадэжь тыкъызыкІуагъэр?»

40–Пачъыхьэм ахэмэ пэгъокІ аритыщт: «Шъыпкъэр шъосэІо. Сэ сшы* анахь цІыкІу дэдэхэм ащыщэу зыгорэм фэшъушІагъэр сэ къысфэшъушІагъэу мэхъу».

41–ЕтІанэ Пачъыхьэм исэмэгубгъукІэ щытхэм ари­Іощт: «Садэжь шъуІукІ, шъо Тхьэм ынае зыщифа­гъэхэр. Шэйтанымрэ ащ имэлэІичхэмрэ Тхьэм афигъэ­хьазырыгъэ мыкІосэжьын машІом шъукІу. 42Сыда пІомэ мэлакІэ сызэлІэм, сыжъугъэшхагъэп; псыфалІэ сызэ­лІэми, псы сежъугъэшъуагъэп; 43хымэу сызыщэтыми, сыкъежъугъэблэгъагъэп, зыщыслъэн зысемыІэми, сы­шъуфэпагъэп; сызэсымаджэми, хьапсым сызычІэсми, шъукъыслъыплъагъэп».

44–Джащыгъум ахэми Пачъыхьэм къыраІожьыщт: «Зиусхьан, мэлакІэ улІэу, е псыфалІэ улІэу, е ухымэу, е зыщыплъэн уимыІэу, е усымаджэу, е хьапсым учІэсэу сы­дигъо утлъэгъуи, тишІуагъэ отымыгъэкІэу сыдигъуа укъы­зыдгъэнагъэр?»

45–Джащыгъум Пачъыхьэм пэгъокІ аритыщт: «Шъы­пкъэр шъосэІо, мы цІыкІу дэдэмэ ащыщэу зыгорэм фэ­шъумышІагъэр сэ къысфэшъумышІагъэу мэхъу».

46–Арэущтэу ахэмэ мыухыжьын къин ащэчынэу ІукІы­жьыщтых, ау шъыпкъагъэ зиІэ цІыфхэм мыкІодыжьын щыІэныгъэ къалъысынэу ІукІыжьыщтых.

 

 

26

ЯТЮКІЫРЭ ХЫНЭРЭШЪХЬ

 

Тхьэмэтэ Хэсэшхом щыщ тхьаматэхэм Исус тхьагъэпцІыгъэкІэ аукІынэу гухэлъ зэрашІыгъэр

(Марк 14:1-2; Лука 22:1-2; Иуан 11:45-53)

 

Исус а гущыІэ пстэури къызеІохэ ужым, игъогу рыкІохэрэм ариІуагъ:

25:40 шыхэр – еплъ 5:22.

2–Пасхъэ зыцІэ мэфэкІ мэфэшхор* къэсыным мэфитІу зэриІэр шъо шъошІэ. ЦІыф Лъэпкъым Ыкъуи къащым раІулІынэу тетыгъо зиІэхэм аІэкІэхьащт.

3Джащыгъум дин пэщэшхохэри, Тэурат егъэджэкІо па щэхэри*, цІыфмэ янахьыжъхэри дин пэщэшхоу* Кайафэ зыцІэм иунэшхо къыщызэІукІагъэх. 4Ахэмэ Исус тхьа­гъэпцІыгъэкІэ аубытынышъ, аукІынэу гухэлъ ашІыгъ.

5–Ау цІыфхэм бырсырышхо амышІыным пае, мэфэкІ мэфэшхом тефэу орэмыхъу,– аІуагъ ахэмэ.

 

Зы бзылъфыгъэ горэм Вифание къуаджэм дагъэу осэшхо зиІэр Исус зэрэщифагъэр

(Марк 14:3-9; Иуан 12:1-8)

 

6ЕтІанэ Исус Вифание къуаджэм щыІэу, Симонэу шъоджэ уз Іае зиІагъэм иунэ щыІагъ. 7Исус ащ дэжьым зыщэІэм, зы бзылъфыгъэ горэ унэм къихьагъ. А бзылъфыгъэм алавастэр зыцІэ мыжъом хэшІыкІыгъэу зы апч ыІыгъыгъ. А апчым осэшхо зиІэ дагъэу мэ ІэшІу зыпихырэр итыгъ. Исус Іанэм пэсэу, бзылъфы­гъэр къыбгъодахьи, Исусым ышъхьэ дагъэр тырикІагъ.

8Исус игъогу рыкІохэрэм ар залъэгъум, агу римыхьэу мырэущтэу аГуагъ:

–Сыд пае мы дагъэу осэшхо зиІэр хьаулыеу ыгъэ­кІодыгъа? 9Ар осэшІукІэ ащагъэмэ, тхьамыкІэхэм ахъщэр афагощын алъэкІыщтыгъ.

10 Ау Исус ащ гу лъити ариІуагъ:

–Сыд пае бзылъфыгъэр жъугъэукІытэра? Сыда пІомэ

 

26:2 Пасхъэ зыцІэ мэфэкІ мэфэшхор – Пасхъэ зыцІэ мэфэкІ мэфэ­шхомрэ Хьалыгъу Мыгъэтэдж зыщашхырэ мэфэкІ мэфэшхо мафэхэм­рэ зэдагъэлъапІэхэзэ, Тхьэм Мысырым (Египет) къызэрэригъэкІы­жьыгъагъэхэр джуртхэм агъэлъапІэ. Пасхъэ мэфэкІ мэфэшхор Нисан зыцІэ мазэм и 14-м тефэ (яплІэнэрэ мазэм иапэрэ мафэм пэгъунэгъу), Хьалыгъу Мыгъэтэдж зыщашхырэ мэфэкІ мэфэшхо мафэ­хэр Нисан и 15-22 мафэхэм къакІоцІ агъэлъапІэх. А мафэхэм тэджэпс тхьацум халъхьэрэп.

26:3 дин пэщэшхохэр – еплъ 2:4.

26:3 нахьыжъхэр – еплъ 16:21.

26:3 дин пэщэшхор – дин пащэхэм ятхьаматэуи Тхьэмэтэ Хэсэшхом итхьаматэуи щытыгъ.

 

ащ шІугъэ горэ къысфишІагъ. 11ТхьамыкІэхэр къы­шъухэт зэпытых, ау сэ сышъухэт зэпытыщтэп. 12А бзылъфыгъэм мы дагъэр сэ спкъы къызытырекІэм, сызэрэчІалъхьажьыным сыфиухьазырыгъ. 13Шъыпкъэр шъосэІо, сэ къысфэлажьэрэ цІыфхэм чІылъэм зэкІэ къэбарышІур* тыдэ щагъэІуми, мы бзылъфыгъэм ышІа­гъэр къаІотэжьыщт, цІыфхэм а бзылъфыгъэр шІукІэ агу къагъэкІыжьыным пае.

 

Иудэ зыцІэм Исус дин пэщэшхохэм аІэкІигъэхьанэу зэрадиштагъэр

(Марк 14:10-11; Лука 22:3-6)

 

14Джащыгъум Исус игъогу рыкІорэ нэбгырэ пшІы­кІутІумэ ащыщэу, Иудэ ИскариоткІэ заджэхэрэр дин пэ­щэшхохэмэ адэжь кІуи, 15къыГуагъ:

–Исус къышъуІэкІэзгъахьэмэ, сыда къысфэшъушІэщтыр?

Ахэмэ тыжьын ахъщэ щэкІ къыратынэу къагъэгу­гъагъ. 16Ащ щегъэжьагъэу Исус ахэмэ аІэкІигъэхьаным пае, Іэрыфэгъу уахътэ Иудэ паплъэу ыублагъ.

 

Исус Пасхъэ пчыхьэшъхьашхэр игъогу рыкІохэрэм зэрадишІыгъэр

(Марк 14:12-21; Лука 22:7-14, 21-23; Иуан 13:21-30)

 

17Хьалыгъу Мыгъэтэдж зыщашхырэ мэфэкІ мэфэшхо мафэхэм* яапэрэ мафэм дэжь игъогу рыкІохэрэр Исус къыбгъодахьэхи къеупчІыгъэх:

–Пасхъэ пчыхьэшъхьашхэр щыпшІынэу тыдэ щыдгъэ­хьазырынэу уфая?

18–Къалэм шъудахь,– къыІожьыгъ Исус. –ЛІы гъэнэ­фагъэ горэм дэжь шъукІуи, ешъуІу: «Дин гъэсакІом еІо: Сэ сигъо къэблэгъагъ. Сэррэ сигъогу рыкІохэ­рэмрэ Пэсхъэ пчыхьэшъхьашхэр уиунэ щытшІыщт».

 

26:13 къэбарышІур – Исус Христос ехьылІэгъэ къэбарышІур ары. Тхьэм пегъымбархэм ягущыІэкІэ цІыфхэр къызэригъэгугъэгъэ Іофхэр Исус Христос Іофэу ышІагъэмкІэ къыгъэшъыпкъэжьыгъэх, арэущтэуи цІыфхэр мыкІодхэу къызэригъэнэжьынхэ гъогу афишІыгъ.

26:17 Хьалыгъу Мыгъэтэдж зыщашхырэ мэфэкІ мэфэшхо мафэхэр – еплъ 26:2, Пасхъэ зыцІэ мэфэкІ мэфэшхом.

 

19Исус зэрариІуагъэм тетэу, игъогу рыкІохэрэм ашІи, Пасхъэ пчыхьэшъхьашхэр агъэхьазырыгъ.

20Пчыхьашъхьэр къызэсым, Исус игъогу рыкІорэ нэбгы­рэ пшІыкІутІур игъусэхэу Іанэм пэтІысхьагъ. 21Ахэр шхэ­хэ зэхъум, Исус къыІуагъ:

–Шъыпкъэр шъосэІо, шъуащыщ горэм тетыгъо зиІэхэм саІэкІигъэхьащт.

22Ахэмэ лъэшэу агу къеуагъ. Зыр зым ыуж итэу къы­раІонэу фежьагъэх:

–Зиусхьан, сэрэп ар, арыба?

23–Мы апсым сигъусэу зыІэкІэ хьалыгъу къыхэзы­гъаорэр ары тетыгъо зиІэхэм саІэкІэзыгъэхьащтыр,­пэгъокІ ытыжьыгъ Исус. 24–Шъыпкъэ, ЦІыф Лъэпкъым Ыкъо* дунаем ехыжьыщт, ежьым ехьылІагъэу Тхьэм игущыІэ тхыгъэхэм зэрарытым фэдэу. Ау ЦІыф Лъэ­пкъым Ыкъо тетыгъо зиІэхэм аІэкІэзыгъахьэрэр сы­хьатмыгъо ежьагъ. А цІыфыр къэмыхъугъэмэ, ежьым­кІэ нахьышІущтыгъ.

25Иудэу Исус тетыгъо зиІэхэм аІэкІэзыгъэхьанэу щы­тыгъэм къыІуагъ:

–Равви*, сэрэп ар, арыба?

–Оры, къызэрэпІорэм фэдэу,*– Исус ащ риІуагъ.

 

Зиусхьаным ипчыхьэшъхьашх

(Марк 14:22-26; Лука 22:15-20; 1 Кор. 11:23-25)

 

26Ахэр шхэхэ зэхъум, Исус хьалыгъур къыштагъ, Тхьэм щытхъу фишІи, зэгуичи, игъогу рыкІохэрэм арити къыІуагъ:

-Ма, шъушхы, мы хьалыгъур сэ спкъы ары.

27ЕтІани зы шъуалъэ къышти, Тхьэм щытхъу фишІи, арити къыІуагъ:

-Шъо зэкІэри мыщ итым щыщ шъуешъу. 28Мы сэнэ­псыр сэ слъэу Тхьэм ежьымрэ ицІыфхэмрэ азыфагу

 

26:24 ЦІыф Лъэпкъым Ыкъо – еплъ 8:20.

26:25 Равви – дин гъэсакІор ары.

26:25 –Оры, къызэрэпІорэм фэдэу,– е –О пшъхьэкІэ къэпІуагъ.

 

дилъхьэгъэ зэзэгъыныгъэр зыгъэшъыпкъэжьырэр* ары. ЦІыфыбэхэм яшІуагъэ къэкІонэу, лъэу сэ къыскІэ­кІыщтыр ары, япсэкІодхэр афэгъунхэм пае. 29Сэ шъо­сэІо, джы щегъэжьагъэу Сятэ и Тетыгъошхо къызы­кІощтым нэсыфэ, сэнэшъхьэ къутамэм ипс сешъожьы­щтэп. А мафэм кІэу сэ сыкъыжъудешъожьыщт.

30ЕтІанэ Исусрэ игъогу рыкІохэрэмрэ тхьэщытхъу орэд къызаІо ужым, унэм икІыхи, Елеон Іуашъхьэм кІуагъэх.

 

«Сэ сыкъэмышІэу къэпІощт», Исус Петрэ зэрэриІуагъэр

(Марк 14:27-31; Лука 22:31-34; Иуан 13:36-38)

 

31 Ащ дэжьым Исус игъогу рыкІохэрэм ариІуагъ:

–Нычэпэ шъо пстэуми сизакъоу утыгум сыкъишъу­нэщт, сыда пІомэ Тхьэм къызэриІорэр игущыІэ тхыгъэхэм арыт:* «Сэ мэлахъор сыукІыщт, мэлы Іэхъогъури зэбгырыкІыжьыщт». 32Ау лІагъэхэм сыкъызахэтэджы­кІыжьыкІэ, шъуапэ рапшІэу Галилей хэкум сыкІощт.

З3–Пстэуми утыгум укъыранэми, сэ ныбжьи укъисы­нэщтэп, – къыриІуагъ Петрэ Исус.

34–Шъыпкъэр осэІо,– риІожьыгъ Исус Петрэ, –мы ны­чэпэ дэдэм атакъэр Іоным ыпэкІэ, сэ сыкъэмышІэу гъого­гъуищэ къэпІощт.

35–Сэ о сыбдэлІэн фаеу щытми, усымышІэу сІо­щтэп,- къыриІожьыгъ Петрэ Исус. Ащ фэдэ къабзэу Исус игъогу рыкІорэ адрэ лІы пстэуми къаІуагъ.

 

26:28 Сэ слъэу . . . зэзэгъыныгъэр зыгъэшъыпкъэжьырэр – пэсэрэ зэзэгъыныгъэу Тхьэм ежьымрэ ылъэпкърэ азыфагу дилъхьагъэр зыгъэшъыпкъэжьыгъагъэр къурмэныпхъэм ылъ арыгъэ. А лъыр цІыф­хэм атыраутхэгъагъ. Еплъ Пегъымбар Мусэ ятІонэрэ тхылъэу ытхы­гъэм 24:7-8. Ащ фэдэу зэзэгъыныгъакІэу Тхьэм ежьырэ ицІыфхэмрэ азыфагу дилъхьагъэр зыгъэшъыпкъэжьыгъэр Исус ылъэу къащым щыкІэкІыгъэр ары. А зэзэгъыныгъэм зэритым фэдэу, цІыф горэм ИсускІэ шІошъхъуныгъэ иІэ хъумэ, мыкІодэу Тхьэм ар къыгъэнэ­жьыщт.

26:31 Тхьэм игущыІэ тхыгъэхэм арыт – еплъ Пегъымбар Зэкъарие тхылъэу ытхыгъэм 13:7.

 

Исус Гефсимание хатэм Тхьэм зэрэщелъэІугъэр

(Марк 14:32-42; Лука 22:39-46)

36Ащ нэуж Гефсимание* зыцІэ чІыпІэ горэм Исус игъогу рыкІохэрэр игъусэхэу кІуагъэ.

–Мо шъуетІысэх, сэ модэ сыкІоу, Тхьэм селъэІуфэ,– ыІуи, Исус ахэмэ ариІуагъ. 37ЕтІанэ Петрэрэ Зеведей ыкъуитІурэ зыдищэхи, ыгу къеоу, гумэкІэу ыублагъ. 38Джащыгъум ахэмэ ариІуагъ:

–СылІэрэм фэдэу инэу сыгу хэкІы. Шъумычъыеу шъу­сакъэу мо садэжь шъущыІ.

39ЕтІанэ зы тІэкІу ІукІоти, чІыгум бгъэгукІэ зыри­дзыхи, Тхьэм елъэІузэ къыІуагъ:

–Сэ Сят, амал иІэмэ, мы къин щэчыныгъэм ишъуалъэ сэ сІых. Ау сэ сызыфаер мыхъоу, о узыфаер орэхъу.

40Ащ ыужым Исус игъогу рыкІорэ нэбгырищымэ адэжь къыгъэзэжьи, чъыехэу къыгъотыжьыгъэх.

–Арэущтэу зы сыхьат закъокІэ шъусигъусэу шъумы­чъыеу, шъусакъын шъулъэкІыгъэп, ара?– ыІуи, Исус Петрэ риІуагъ. 41–Шъумычъыеу шъусакъ, псэкІодшІэным шъудимыхьыхынэуи Тхьэм шъуелъэІу. Гур фай, ау пкъым ылъэкІырэп.

42ЕтІанэ Исус ятІонэрэу ІукІыжьи, Тхьэм елъэІузэ къыІуагъ:

–Сэ Сят, мы къин щэчыныгъэм ишъуалъэ сІыпхынэу мыхъунэу щытмэ, о узыфаер орэхъу.

43Джыри зэ Исус къызегъэзэжьым, а нэбгырищыр чъые­хэу къыгъотыжьыгъэх, сыда пІомэ анапІэхэр онтэгъоу хъугъэхэти ары. 44Джыри зэ ахэр къыгъанэхи, ІукІи, а гущыІэ дэдэхэмкІэ ящэнэрэу Тхьэм елъэІугъ.

45ЕтІанэ Исус игъогу рыкІохэрэм адэжь къыгъэзэжьи ариІуагъ:

–Зыжъугъэпсэфызэ джыри шъочъыя? Мары, сыхьатыр къэблэгъагъ. ЦІыф Лъэпкъым Ыкъо псэкІод зышІэрэ цІыфхэм аІэкІэхьащт. 46Шъукъэтэдж! НекІо, мары ахэмэ саІэкІэзыгъэхьащтыр къэблэгъагъ!

 

26:36 Гефсимание – Елеон (Зейтун) Іуашъхьэм итыгъэ къохьапІэ егъэзыхыгъом щыт хатэ гор.

 

Исус зэраубытыгъэр

(Марк 14:43-50; Лука 22:47-53; Иуан 18:3-12)

47Исус джыри гущыІэзэ, игъогу рыкІорэ нэбгырэ пшІыкІутІумэ ащыщэу Иудэу Исус тетыгъо зиІэхэм аІэкІэзыгъэхьанэу щытыгъэр къэкІуагъ. Сэшхохэмрэ умэхэмрэ аІыгъхэу, цІыф купышхо игъусагъ. Дин пэщэ­шхохэмрэ цІыфмэ янахьыжъхэмрэ ары ахэр къэзыгъэ­кІогъагъэхэр.

48–Сэ сызэбэущтыр ары зыфасІорэр. Ар шъуубыт,– ыІуи, Иудэм Исус зэраІэкІигъэхьащт шІыкІэр игъусэхэм ариІогъагъ. 49Иудэ зэрэнэсэу Исус екІуалІи,

–Опсэу, Равви!– ыІуи, Исус ебэугъ.

50–Ныбджэгъу, сыда укъызкІэкІуагъэр?– ыІуи, Исус ащ риІуагъ.

Джащыгъум адрэхэр Исус къекІуалІэхи аубытыгъ. 51ОшІэ-дэмышІэу Исус игъусэхэм ащыщэу зыгорэм исэ­шхо къырихи, дин пэщэшхом иунэІут еуи, ытхьакІумэ лъэныкъо гуиупкІыгъ.

52Джащыгъум Исус ащ риІуагъ:

–О уисэшхо сапІэм илъхьажь, сыда пІомэ сэшхом еІэрэ пстэури сэшхом екІодылІэжьыщтых. 53Хьаури Сятэ се­мылъэІушъункІэ огугъа? СелъэІумэ, ащ джы дэдэм мэлэ­Іич дзэ пшІыкІутІум ехъоу къысфигъэкІощт. 54Ау етІанэ сыдэущтэу Тхьэм игущыІэ тхыгъэхэм арытхэр къэшъы­пкъэжьыщтха? Тхьэм игущыІэ тхыгъэхэм арытба, мырэу­щтэу зэрэхъун фаер?

55 А сыхьатым Исус а цІыф купышхом риІуагъ:

–ХъункІакІо горэ шъуубытыщтым фэдэу, сэшхохэмрэ умэхэмрэ шъуІыгъхэу шъукъыспэгъокІыгъа? Мафэ къэ-си Тхьэм иунэшхо цІыфхэм Тхьэм игущыІэхэр щязгъа-шІэхэзэ сычІэсыгъ, арышъхьакІэ сышъуубытыгъэп. 56Ау мыр зэкІэ зыфэхъугъэр пегъымбармэ атхыгъэхэр къэ­шъыпкъэжьынхэр ары.

Джащыгъум Исус игъогу рыкІорэ пстэуми ежьыр уты­гум къырани хэхьажьыгъэх.

 

26:59 Тхьэмэтэ Хэсэшхор – еплъ 5:22.

 

Исус Тхьэмэтэ Хэсэшхом ыпашъхьэ зэрэращагъэр

(Марк 14:53-65; Лука 22:54-55; Иуан 18:13-14, 19-24)

 

57Исус заубыты ужым, дин пэщэшхоу Кайафэ зыцІэм ыдэжь ащагъ. Ащ дэжьым Тэурат егъэджэкІо пащэ­хэмрэ нахьыжъхэмрэ къыщызэІукІагъэх. 58Петри чыжьэ­кІэ Исус ыуж итэу, дин пэщэшхом ищагу нэсыфэ къы­кІэлъыкІуагъ. КІэухэу Исус фэхъущтыр ылъэгъуным пае, Петрэ щагум дахьи, ухъумакІохэм ахэтІысхьагъ.

59Дин пэщэшхохэри, нахьыжъхэри, Тхьэмэтэ Хэсэ­шхом* щыщхэу адрэ тхьэмэтэ пстэури Исус укІ ты­ралъхьаным пае, шыхьатныгъэ нэпцІ лъыхъущтыгъэх. 60Шыхьат нэпцІыбэхэр къэтэджыхи, Іаджи Исус ты­ралъхьагъэ пэтми, зыфаер къагъотыгъэп.

Ау ыкІэм ыкІэжьым шыхьат нэпцІитІу къэтэджыхи, 61мырэущтэу къаІуагъ:

–Мы лІым ыІощтыгъэ: «Тхьэм иунэшхо зэхэскъу­тэнышъ, мэфищкІэ зэтезгъэуцожьын слъэкІыщт».

62ЕтІанэ дин пэщэшхор къэтэджыгъ.

–Сыд мы лІыхэм о къыптралъхьарэр? Сыда зи къы­зкІэмыІорэр?– къыриІуагъ ащ Исус. 63Ау Исус зи къы­Іуагъэп.

–ЩыІэныгъэр къыздикІырэ Тхьэм ыцІэкІэ сыолъэІу, къытаІу, ора Христосэу Тхьэм Ыкъо?- къыриІуагъ дин пэщэшхом Исус.

64–Ары, къызэрэпІорэм фэдэу,*– риІуагъ Исус. –Ау сэ шъосэІо, джы щегъэжьагъэу лъэкІыныгъэшхор зиІэ Тхьэм иджабгъукІэ госэу, ошъуапщэхэми ахэтэу, ЦІыф Лъэпкъым Ыкъо къакІоу шъулъэгъущт.

65Джащыгъум дин пэщэшхом ищыгъынхэр къызэгу­итхъыгъэх.*

–Тхьэр ыгъэпцІыгъ,– къыІуагъ ащ. –Сыда нэмыкІ шыхьат зэрэтищыкІэгъэжьыр? Джары, Тхьэр зэригъэпцІы­гъэр шъо зэхэшъухыгъ. 66Сыдэущтэу шъухаплъэра?

–УкІ ифэшъуаш,– пэгъокІ къатыжьыгъ ахэмэ.

67Джащыгъум Исус ынэгу кІэужъунтхи, бжымкІэ

 

26:64 –Ары, къызэрэпІорэм фэдэу,– е –О пшъхьэкІэ къэпІуагъ.

26:65 ищыгъынхэр къызэгуитхъыгъэх – гущыкІыгъэшхомрэ щынэ­гъошхомрэ къахэкІыкІэ, дин пэщэшхом ищыгъынхэр къызэгуи­тхъыгъэх.

еуагъэх. НэмыкІхэри ынэпашъо еохэзэ, 68раІуагъ:

–Христос, упегъымбармэ, хэтми къыоуагъэм ыцІэ къаІо!

 

Петрэ Исус ымышІэу къызэриІуагъэр

(Марк 14:66-72; Лука 22:54-62; Иуан 18:15-18, 25-27)

 

69Джащыгъум Петрэ щагум дэсыгъ. Зы унэІут пшъашъэ горэ къекІуалІи къыІуагъ:

–Ори а Исусэу Галилей щыщым уригъусагъ.

70–Хьау, зыфапІорэр сшІэрэп,– къыщиІуагъ Петрэ зэ­кІэмэ апашъхьэ.

71ЕтІанэ Петрэ щагум идэкІыпІэ Іухьэу фежьагъ. Джащыгъум нэмыкІ унэІут пшъашъэ горэм ар къылъэ­гъуи, ащ дэжьым щытхэм ариІуагъ:

–Мы лІыри Назарет щыщ Исус игъусагъ.

72Джыри зэ Петрэ, –А лІыр сшІэрэп,– ыІуи, тхьэ ыІуагъ.

73Зы тІэкІу тешІагъэу, ащ дэжьым щытхэм Петрэ къы­бгъодахьэхи къыраІуагъ:

–Шъыпкъэу ори ахэмэ уащыщ, сыда пІомэ уигущыІакІэ ар нафэ къешІы.

74–Тхьэр сэгъэпцІы, къасІорэр мышъыпкъэмэ, а лІыр сшІэрэп,– ыІуи, Петрэ тхьарыІо ышІэу ыублагъ.

Ардэдэм атакъэр къэІуагъ. 75Джащыгъум Исус къы­риІогъэгъэ гущыІэхэр Петрэ ыгу къэкІыжьыгъэх:

–Атакъэр Іоным ыпэкІэ, сэ сыкъэмышІэу гъогогъуищэ къэпІощт.

Ар ыгу къызэкІыжьым, Петрэ щагум дэкІи, лъэшэу гъыгъэ.

 

 

27

ЯТЮКІЫРЭ БЛЫНЭРЭШЪХЬ

 

Исус Іэшъхьэтетэу Пилат ыпашъхьэ зэрэращагъэр

(Марк 15:1-5; Лука 23:1-5; Иуан 18:28-38)

 

Нэф къызэшъым, дин пэщэшхо пстэумрэ цІыфмэ яна­хьыжъхэмрэ зэдеусэхи, Исус укІ тыралъхьанэу аухэсыгъ. 2Исус Іэхъу тыралъхьи, Іуащи, Іэшъхьэтетэу Понтый Пилат* ІэкІалъхьагъ.

 

Иудэ зэрэлІагъэр

(Апостол. 1:18-19)

 

3Иудэу Исус ахэмэ аІэкІэзыгъэхьагъэм Исус укІ зэрэ­тыралъхьагъэр зелъэгъум, кІэгъожьи, ратыгъэ тыжьын ахъщэ щэкІыр дин пэщэшхохэмрэ нахьыжъхэмрэ афи­хьыжьхи, 4ариІуагъ:

–Лъы хыер къызэрэшъуІэкІэзгъэхьагъэмкІэ псэкІод сшІагъэ.

–Ащ тэ тиІоф хэлъэп, о уиІоф нахь,– къыраІуагъ ахэмэ.

5Джащыгъум Иудэ а тыжьын ахъщэхэр Тхьэм иунэ­шхо кІоцІым щыритэкъухи, чІэкІыжьыгъ. ЕтІанэ кІуи, зитхьалэжьыгъ.

6Дин пэщэшхохэм тыжьын ахъщэхэр аштэжьхи къаІуагъ:

–Мыхэр Тхьэм пае ахъщэр зыдэлъ пхъуантэм хабзэкІэ даплъхьэ хъущтэп, сыда пІомэ ар лъыуасэшъ ары.

7Ащыгъум зэупчІыжьхи, хымэхэр чІалъхьажьынхэу къошынышІэм ихьасэ а ахъщэмкІэ къащэфынэу аухэ­сыгъ. 8Арэущтэу непэ нэсы а хьасэм «Лъыуасэ Хьасэ­кІэ» еджэх. 9Джащыгъум пегъымбар Иеремие мы гущы­Іэхэу къыІуагъэхэр* къэшъыпкъэжьыгъэх:

 

27:2 Пилат – Рим (Рум) цІыфхэм ащыщэу, Понтый Пилат, Исус къызэхъу нэужым 26-36 илъэсхэм къакІоцІ, хэкухэу Иудей, Самарие, Идумей яІэшъхьэтетэу щытыгъ.

27:9-10 пегъымбар Иеремие мы гущыІэхэу къыІуагъэхэр – еплъ Пегъым­бар Зэкъарие тхылъэу ытхыгъэм 11:12-13; Пегъымбар Иеремие тхылъэу ытхыгъэм 32:6-10.

 

«Шъхьэуасэу Израил цІыфхэм ежьым пае агъэнэфэгъэ тыжьын ахъщэ щэкІыр ашти, 10ахэмкІэ къошынышІэм ихьасэ къащэфыгъ, Зиусхьаным унашъо къызэрэсфишІы­гъэм тетэу».

 

Іэшъхьэтет Пилат Исус зэреупчІыгъэр

(Марк 15:2-5; Лука 23:3-5; Иуан 18:33-38)

 

11Джащыгъум Исус Іэшъхьэтетэу Пилат ыпашъхьэ иу­цуагъ.

–О джуртмэ уряпачъыхьа?– ыІуи, Іэшъхьэтетыр Исус къеупчІыгъ.

–Ары, къызэрэпІорэм фэдэу,*– къыІожьыгъ Исус.

12Ау дин пэщэшхохэмрэ нахьыжъхэмрэ Исус загъэмы­сэм, Исус зи къыІуагъэп. 13Джащыгъум Пилат Исус къыриІуагъ:

–Къыптыралъхьарэр зыфэдизыр зэхэпхырэба?

14Ау Исус зы гущыІи къыІожьыгъэп. Зи къызэримы­Іожьыгъэм пае, Іэшъхьэтет Пилат лъэшэу ыгъэшІэ­гъуагъ.

 

Исус укІ зэрэтыралъхьагъэр

(Марк 15:6-15; Лука 23:13-25; Иуан 18:39-19:16)

 

15Пасхъэ зыцІэ мэфэкІ мэфэшхор* къэсымэ, цІыфхэр зы­кІэлъэІурэ хьапсчІэс горэ шъхьафитэу къафитІупщы­жьыныр Іэшъхьэтет Пилат ихабзэу щытыгъ. 16А мафэхэм Вараввэ ыцІэу, зы хьапсчІэс цІэрыІо горэ ахэмэ яІагъ. 17Арыти, ахэр къызызэІукІэхэм, Пилат яупчІыгъ:

–Хэта шъхьафитэу къышъуфэстІупщыжьынэу шъу­зфаер? Варавва, хьаури ХристоскІэ заджэхэрэ Исус ара?

18Пилат арэущтэу зыкІяупчІыгъэр шъугъоным къыхэ­кІэу ахэмэ Исус къызэрэІэкІалъхьагъэр ешІэти ары.

19Пилат унэшъошІ тІысыпІэм тесызэ, ишъуз лІыкІохэр къыфигъакІохи къыраригъэІуагъ:

 

27:11 –Ары, къызэрэпІорэм фэдэу,– е –О пшъхьэкІэ къэоІо. 27:15 Пасхъэ зыцІэ мэфэкІ мэфэшхор – еплъ 26:2.

 

–Мы лІэу шъыпкъагъэ зиІэм мыхъун горэ епшІэкъон, сыда пІомэ нычэпэ пкІыхьапІэ Іае слъэгъуи, мы лІым пае къин сщэчыгъэ.

20Ау Пилат Вараввэ шъхьафитэу къырагъэтІупщыжьы­нэуи, Исус рагъэгъэкІодынэуи дин пэщэшхохэмрэ нахьы­жъхэмрэ цІыф купышхохэм араІуагъ.

21–ТІумэ язэу хэта шъхьафитэу къышъуфэстІупщыжьы­нэу шъузыфаер?– ыІуи, Іэшъхьэтетэу Пилат джыри зэ цІыфмэ ариІуагъ.

–Вараввэ ары,– къаІуагъ ахэмэ.

22–Адэ, ХристоскІэ заджэхэрэ Исус сыд есшІэщт?– ариІуагъ Пилат.

–Къащым теІулІ!– къаІуагъ зэкІэ ахэмэ.

23–Сыда ащ бзэджагъэу ышІагъэр?– къыІуагъ Пилат.

Ау ахэр нахь инэу къэзэрэгъэкууагъэх:

–Къащым теІулІ!

24Пилат зи хишІыхьан ымылъэкІэу, цІыфхэр нахь къы­зэрэбырсырыхэрэр зелъэгъум, псы къышти, цІыфхэм апашъхьэ ыІэхэр щитхьакІыжьхи къыІуагъ:

–Мы лІэу шъыпкъагъэ зиІэм ылъ сэ къыстефэрэп. Ар шъо шъупшъэ илъ!

25–Ащ ылъ тэри тибынхэми къыттерэф!– къаІуагъ зэкІэ цІыфхэм.

26Джащыгъум Пилат Вараввэ шъхьафитэу афитІупщы­жьыгъ. ЕтІанэ дзэлІхэр Исус къамыщкІэ ригъаохи, къа­щым тыраІулІэнэу аІэкІилъхьагъ.

 

ДзэлІхэр Исус зэрэкІэнэкІагъэхэр

(Марк 15:16-20; Иуан 19:2-3)

 

27Джащыгъум Іэшъхьэтет Пилат идзэлІхэм Исус пре­торием* зыцІэ унэшхом ыкІоцІ чІащагъ, адрэ къэнэгъэ дзэлІ купышхори Исус бгъу пстэумкІэ къыкІэлъырытхэу щызэхаугъоягъэх. 28ЕтІанэ дзэлІхэм Исус ищыгъынхэр къыщахыхи, плъыжь чІапцІэу зы шъошэ кІыхьэ щалъагъ. 29Панэм хэшІыкІыгъэ пачъыхьэ танджэ фабли, ышъхьэ тыралъхьи, ыІэ джабгъуи бэщ цІыкІу ІэкІалъхьагъ. Ащ нэужым лъэгонджэмышъхьэкІэ ыпашъхьэ къитІысхьэхи,

 

27:27 Преторие – Іэшъхьэтетэу Пилатым иунэшхо ары.

 

кІэнакІэхэзэ «Опсэу, джуртмэ япачъыхь!» къыраІуагъ. 30ЕтІанэ теужъунтхагъэх, бэщкІэ ышъхьэ еощтыгъэх. 31Ахэр Исус зыкІэнакІэхэ ужым, шъошэ кІыхьэр щахыжьи, ежь ищыгъынхэр щалъэжьыгъэх. ЕтІанэ къащым тыраІу­лІэнэу преторием ращыжьыгъ.

 

Исус къащым зэрэтыраІулІагъэр

(Марк 15:21-32; Лука 23:26-43; Иуан 19:17-27)

 

32Къалэм къыдэкІыхэзэ, Симон ыцІэу, Кириние къа­лэм* щыщэу зы лІы горэм ІукІагъэх. ЗыІокІэхэм, Исус икъащ ыхьынэу Симон рагъэзыгъ. 33Исус къызащэм, Голгофэ зыфаІорэ чІыпІэм нэсыгъэх (Голгофэ къикІы­рэр «Шъхьэпкъ ЧІыпІэр» ары). 34Ащ дэжьым зынэсхэм, сэнэпсрэ зэзыпс дыджырэ зэхэшІыхьагъэу зэфагощыгъэх. 36ЕтІанэ ащ дэжьым тІысхи, Исус аухъумэщтыгъэх. 37Исус къащым зыкІытыраІулІагъэр зы пхъэмбгъу горэм тетха­гъэу, ежь ышъхьагъкІэ къащым тыраІулІагъэу щытыгъ: «Мыр джуртхэм я Пачъыхьэу Исус ары». З8А чІыпІэм хъункІэкІуитІу, зыр иджабгъукІэ адрэр исэмэгубгъу­кІэ, Исус игъусэхэу къащхэм атыраІулІагъэх. 39Къыблэ­кІырэ цІыфхэм Исус къехъоныхэзэ ашъхьэхэр агъэсысхэу, 40мырэущтэу аІуагъ:

–О Тхьэм иунэшхо зэхэзыкъутэу, мэфищкІэ зэтезы­гъэуцожьыщтыр, умыкІодэу зыкъэгъэнэжь! О Тхьэм ури Къомэ, къащым къехыжь!

41Ащ фэдэу дин пэщэшхохэми, Тэурат егъэджэкІо пащэхэми, нахьыжъхэми Исус кІэнакІэхэу къаГуагъ:

42–НэмыкІ цІыфхэр мыкІодхэу къыгъэнэжьыгъэх, ау ежь зыкъигъэнэжьышъурэп. Ежьыр Израил ипачъыхьэу щытмэ, къащым къерэхыжьи, ежьымкІэ шІошъхъуныгъэ тиІэ хъущт. 43Ежьыр Тхьэм щэгугъы. Тхьэр ежьым къы­фаеу щытмэ, мыкІодэу къерэгъэнэжь. Сыда пІомэ «Сэ Тхьэм сыри Къу», ыІощтыгъэ.

44Ащ фэдэу Исус игъусэхэу къащхэм араІулІыгъэ хъун­кІакІохэри ежьым къехъоныщтыгъэх.

 

27:32 Кириние къалэр – Ливие хэгъэгоу Африкэм итемыр лъэныкъом итым икъэлэшхоу щытыгъ.

 

Исус зэрэлІагъэр

(Марк 15:33-41; Лука 23:44-49; Иуан 19:28-30)

 

45Щэджагъом* щегъэжьагъэу а хэгъэгум тыдэкІи шІункІ къыщыхъугъ, сыхьатыр щым* нэсы. 46Сыхьатыр щым дэжь Исус мэкъэшхокІэ джагъэ:

–Или, Или! Лама савахфани?* (Ащ къикІырэр: –О Ситхь, о Ситхь! Сыд пае утыгум сизакъоу сыкъиунагъа?)

47А чІыпІэм щытхэмэ ащыщхэм ар зызэхахым, аІуагъ: –Пегъымбар Иляс еджэ.

48Ащ лъыпытэу ахэмэ ащыщэу зыгорэ Іулъади, кІышъо зэраІотырэр къыштагъ. Сэнэпс шІоІугъэр хиз ышІи, бэщ горэм пилъхьи, Исус кІигъэшъунэу фищэигъ.

49–Зэ, пегъымбар Иляс къакІоу, мыкІодэу къыгъэ­нэжьмэ, тежъугъэплъ,– къаГуагъ адрэхэм.

50Ау Исус джыри зэ мэкъэшхокІэ джи, ыпсэ ытыгъ.

51Джащыгъум Тхьэм иунэшхо ипэІухъо ыпшъхьэкІэ къыщегъэжьагъэу ыхэ нэсыфэ тІоу къызэготхъыгъ. ЧІы­гури къэсысыгъ, мыжъохэри зэгоутыгъэх. 52Къэунэхэри зэІукІыхи, Тхьэм ицІыф лъапІэхэу лІагъэхэу щытхэм ащыщхэу бэ къэтэджыжьыгъэх. 53Ахэр къэунэхэм къачІэ­кІыжьыгъэх, Исус лІагъэмэ къызахэтэджыкІыжьы ужыми, къэлэ лъапІэу Ерусалим дахьэхи, бэмэ зыкъарагъэлъэ-гъугъ.

54Дзэ пащэми ащ игъусэхэу Исус зыухъумэщтыгъэхэми чІыгур къызэрэсысырэри зэкІэ хъугъэ-шІагъэри залъэ­гъум, лъэшэу щтагъэхэу аІуагъ:

–Шъыпкъэ дэдэу мыр Тхьэм Ыкъоу щытыгъ.

55ЧыжьэкІэ къаплъэхэу, бзылъфыгъэ Іаджи ащ дэжьым щытыгъэх. Ахэр Исус ІэпыІэгъу фэхъухэзэ, игъусэхэу Галилей къикІыгъагъэх. 56Мыхэр ахэмэ ахэтыгъэх: Маг-

 

27:45 щэджагъом – гущыІэ-гущыІэу зэбдзэкІымэ, «яхэнэрэ сыхьатыр» мэхъу. Ащ къикІырэр щэджагъор ары.

27:45 сыхьатыр щым – гущыІэ-гущыІэу зэбдзэкІымэ, «ябгъонэрэ сыхьа­тыр» мэхъу. Ащ къикІырэр щэджэгъоужым сыхьатыр щыр ары.

27:46 Или, Или, лама савахфани – еплъ Сэбур (Псалтыр) 22:1 (урыс библиемкІэ 21:1).

 

далэ къуаджэм* щыщ Мерэми, Зеведей ыкъохэм яни, нэмыкІ Мерэми. Ар Якъубэрэ Иосыйрэ янэу щытыгъ.

 

Исус ихьадэ къэунэм зэрэчІалъхьажьыгъэр

(Марк 15:42-47; Лука 23:50-56; Иуан 19:38-42)

 

57Пчыхьашъхьэр къызэсым, Юсыф ыцІэу Аримафей къуаджэм щыщэу, зы лІы бай горэ къэкІуагъ. Ари Исус игъогу рыкІохэрэм ащыщыгъ. 58Ар Пилат ыдэжь кІуи, Исус ихьадэ кІэлъэІугъ. Джащыгъум хьадэр Юсыф раты­жьынэу Пилат унашъо ышІыгъ. 59Юсыф хьадэр къышти, чэфын къабзэ рищэкІи, 60Іошъхьэ цакІэу аригъэкъута­гъэм ежьым пае кІэу къыхаригъэшІыкІыгъэ къэунэм чІилъхьажьыгъ. ЕтІанэ Юсыф къэунэ чІэхьапІэм мыжъо­шхо ІуигъэукІораий ІукІыжьыгъ. 61Магдалэ къуаджэм щыщ Мерэмрэ адрэ Мерэмрэ ащ дэжьым щыІагъэх, къэунэм пэІусхэу.

 

Къэунэм иухъумакІохэр

 

62ЯтІонэрэ мафэу бэрэскэшхом къыкІэлъыкІорэ мафэм дин пэщэшхохэмрэ фарисейхэмрэ зэрэугъоихи, Іэшъхьэ­тет Пилат ыдэжь кІуагъэх.

63–Тхьаматэ, а пцІыусым псау пэтэу, «Мэфищ нэужым лІагъэхэм сыкъахэтэджыкІыжьыщт», ыІуи, зэриІогъа­гъэр тыгу къэкІыжьыгъ,– къаІуагъ ахэмэ. 64–Арышъ, ухъумакІохэр ящэнэрэ мафэм нэсыфэ къэунэм фэсакъы­хэзэ, аухъумэнэу унашъо шІы. Армырмэ игъогу рыкІохэ­рэр къэкІонхэшъ, ихьадэ атыгъунышъ, цІыфмэ араІощт: «ЛІагъэхэм къахэтэджыкІыжьыгъ». А аужырэ пцІыр апэ­рэ пцІым нахьи нахь дэеу хъущт.

65–УхъумакІохэр шъосэтых, шъукІуи, шъо зэрэшъу­лъэкІэу къэунэр къэшъуухъум,– ариІуагъ Пилат.

66Ахэр кІохи, къэунэм ухъумакІохэр Іуагъэуцуагъэх, мыжъоми мыхъур тырадзагъ.

 

27:56 Магдалэ къуаджэр – Галилей псыхъураем итыгъэ къохьапІэ лъэны­къомкІэ ит.

 

 

28

ЯТЮКІЫРЭ ИНЭРЭШЪХЬ

ЯТЮКІЫРЭ ИНЭРЭШЪХЬ

Исус лІагъэхэм къызэрахэтэджыкІыжьыгъэр

(Марк 16:1-8; Лука 24:1-12; Иуан 20:1-10)

Шэмбэтыр блэкІыгъэу, тхьамафэм иапэрэ мафэм нэф къызэшъым, Магдалэ къуаджэм щыщ Мерэмрэ адрэ Мерэмрэ къэунэм еплъынхэу кІуагъэх.

2ОшІэ-дэмышІэу чІыгур лъэшэу къэсысыгъ, сыда пІо­мэ Зиусхьаным имэлэІич уашъом къехи, къэунэм Іухьи, мыжъошхор ІуигъэукІорэикІыжьи, мыжъошхом тетІыс­хьагъ. 3Ащ итеплъэ пчыкІэм* фэдэу щытыгъ, ищыгъын-хэри осым фэдэу фыжьыбзэу щытыгъэх. 4УхъумакІохэр ащ зэрэщыщынэхэрэм пае кІэзэзыщтыгъэх, хьадашъуи яІэ хъугъэ.

5–Шъумыщын,– ариІуагъ мэлэІичым бзылъфыгъэмэ. –Исусэу къащым раІулІыгъэм шъузэрэлъыхъурэр сэ сэ­шІэ. 6Ар мыщ дэжьым щыІэжьэп. ЗэриІуагъэм тетэу, ар лІагъэхэм къахэтэджыкІыжьыгъ. ШъукъакІуи, шъуеплъ, мары Зиусхьаныр зыдэщылъыгъэ чІыпІэр. 7Джы шъо псын­кІэу шъукІуи, игъогу рыкІохэрэм яшъуІу: «Исус лІагъэхэм къахэтэджыкІыжьыгъ. Шъо шъуапэ рапшІэу ар Галилей кІощт. Ащ дэжьым ар щышъулъэгъужьыщт». Джары, къэ­барыр сэ шъосІуагъэ.

8Арэущтэу бзылъфыгъэхэр къэунэм ІукІыжьхи, агу изыгъэу гушІогъошхуи яІэу, макъэ арагъэІунэу Исус игъогу рыкІохэрэм адэжь чъэхэу фежьагъэх. 9Игъогу рыкІохэрэм макъэ арагъэІунэу а бзылъфыгъэхэр кІохэ­зэ, ошІэ-дэмышІэу Исус къаІукІи къариІуагъ:

–Шъопсэу.

Мыдрэхэр Исус ечъалІэхи, ыпашъхьэ лъэгонджэмышъ­хьэкІэ итІысхьэхи, ылъакъохэр аубытыгъэх. 10Джащыгъум Исус ариІуагъ:

–Шъумыщын. ШъукІохи, сшыхэр* Галилей кІонхэу макъэ яжъугъэІу. Ащ сэри сыщалъэгъущт.

28:3 пчыкІэ – шыблэм инэфынэ ары. 28:10 шыхэр – еплъ 5:22.

Дин пэщэшхохэмэ ухъумакІохэр къуалъхьэкІэ зэращэфыгъэхэр

11Бзылъфыгъэхэр кІохэ зэхъум, ухъумакІохэм ащыщ­хэр къалэу Ерусалим дахьэхи, дин пэщэшхохэм адэжь кІохи, зэкІэ хъугъэр араІотагъ. 12Дин пэщэшхохэр, нахьы­жъхэр ягъусэхэу, зэрэугъоихи, зэупчІыжьыгъэх. Ахъща­бэ ухъумакІохэмэ арати, 13араІуагъ:

–«Чэщым тэ тызыхэчъыем, Исус игъогу рыкІохэрэр къакІохи, ихьадэ атыгъугъ», шъуІон фае. 14А къэбарыр Іэшъхьэтетым зызэхихыкІэ, дгъэсамбырынышъ, шъори зи къышъуимыІонэу тшІыщт.

15Арэущтэу ухъумакІохэм ахъщэр ашти, араІуагъэм тетэу зекІуагъэх. Непэ къэсыфэ а къэбарыр джуртмэ зэрахьэу ахэлъ.

Исус игъогу рыкІохэрэм Іофэу ашІэнэу апшъэ рилъхьагъэр

(Марк 16:14-18; Лука 24:36-49; Иуан 20:19-23; Апостол. 1:6-8)

16Ащ нэужым Исус игъогу рыкІорэ нэбгырэ пшІыкІу­зыр Галилей кІохи, ежь зыфиІогъэгъэ Іуашъхьэм дэ­кІоягъэх. 17ЕтІанэ Исус залъэгъум, лъэгонджэмышъхьэ­кІэ ыпашъхьэ итІысхьагъэх; ау зышІошъ мыхъурэ заулэ ахэмэ ахэтыгъэх. 18Исус игъогу рыкІохэрэм къабгъода­хьи ариІуагъ:

–Уашъоми чІылъэми тетыгъошхор зэкІэ щысиІэу сІэ илъ. 19Арышъ, шъукІохи лъэпкъ пстэури сигъогу къы­тежъугъахьэх. Ты лъапІэми, Ыкъуи, Тхьэм Ыпсэ Лъа­пІи ацІэкІэ шъуумэхъыхи*, 20унашъохэу шъосІуагъэхэр зэкІэ агъэцэкІэнхэу яшъуІу. ШъыпкъэмкІэ, дунаем икІэух нэсы сэ ренэу сышъуигъусэщт. Амин.

28:19 умэхъыныр – еплъ 3:1.

02 Markus / Марк

Markus/Марк

01

КЪЭБАРЫШІУР

МАРК

КЪЫЗЭРИЮТАГЪЭР

 

АПЭРЭШЪХЬ

 

УмэхъэкІо Иуан Тхьэм игущыІэхэр зэригъэІущтыгъэхэр

(Маттэ 3:1-12; Лука 3:1-9, 15-17; Иуан 1:19-28)

 

Тхьэм Ыкъоу Исус Христос ехьылІэгъэ къэбары­шІур мырэущтэу къеублэ.

2Тхьэм мыщ фэдэу къызэриІорэр пегъымбархэм ятхы­лъхэм арыт:

«Мары уапэ рапшІэу сэ силІыкІо къэсэгъакІо; ащ уигъогу къыпфигъэпсыщт. 3Ащ иджэ макъэ ары* мыщ фэдэу ыІозэ, шъоф нэкІым къыщыІурэр: Зиусхьаным игъогу фэжъугъэпси, игъогу лъагъохэр зэшъхьэ-зашъоу фэшъушІых».

 

1:3 Ащ иджэ макъэ ары – еплъ Пегъымбар Исайас тхылъэу ытхыгъэм 40:3.

 

4Тхьэм къызэриІуагъэм тетэу, умэхъэкІо* Иуан шъоф нэкІым къыщылъагъуи,* цІыфхэм Тхьэм игущыІэхэр ари­гъэІухэзэ, мырэущтэу къыІощтыгъ:

–ШъуипсэкІодхэм шъуафыкІэгъожьи, зысэжъугъэ­умэхъ, Тхьэм ахэр къышъуфигъэгъунхэм пае.

5Иудей хэкум* зэкІэ ис цІыфхэри, Ерусалим дэс цІыф пстэури Иуан ыдэжь кІощтыгъэх. ПсэкІодхэу ашІагъэ­хэр Тхьэм ыпашъхьэ ралъхьэхэти, Иордан псыхъом Иуан зыщырагъэумэхъыщтыгъ. 6Иуан махъшэцым хэшІыкІы­гъэу щыгъын щыгъыгъ, ыбги шъобгырыпх илъыгъ, ма­цІи шъоф шъоуи ышхыщтыгъ. 7Тхьэм игущыІэхэр цІыфхэм аригъэІухэзэ къыІощтыгъ:

–Сэщ нахьи нахь лъэкІыныгъэшхо иІэу зыгорэ саужкІэ къэкІощт. Зезгъэзыхэу ащ ицокъэлъэпсхэр фэстІэтэн­хэуи сифэшъуашэп. 8Сэ псымкІэ шъусыумэхъыгъ, ау ащ Тхьэм Ыпсэ ЛъапІэкІэ шъуиумэхъыщт.

 

Иуан Исус зэриумэхъыгъэр

(Маттэ 3:13-17; Лука 3:21-22)

 

9А мафэхэм Галилей хэкум* щыщ Назарет къалэм* Исус къыдэкІи, Иордан псыхъом Иуан зыщыригъэумэ­хъыгъ. 10Исус псым къыхэкІыжьы пэтэу, уашъор зэгочи, Тхьэм Ыпсэ ЛъапІэ тхьаркъом фэдэу ежьым къызэрэфе­хырэр ылъэгъугъ. 11Уашъоми зы макъэ къиІукІыгъ:

–Сэ шІу слъэгъурэ Скъо кІасэу сыгу зэІурэр оры.*

 

1:4 умэхъакІо – еплъ Маттэ 3:1.

1:4 Иуан шъоф нэкІым къыщылъагъуи – умэхъэкІо Иуан (Яхья) иІоф зыублагъэр Исус къызэхъу нэужым 27-рэ илъэсым игъунэгъу ары. Еплъ Лука 3:1-3.

1:5 Иудей хэкур – еплъ Маттэ 2:1.

1:9 Галилей хэкур –еплъ Маттэ 2:22.

1:9 Назарет къалэр – еплъ Маттэ 2:23.

1:11 Сэ шІу слъэгъурэ Скъо кІасэу сыгу зэІурэр оры – еплъ Сэбур (Псалтыр) 2:7; Пегъымбар Мусэ апэрэ тхылъэу ытхыгъэм 22:2; Пе­гъымбар Исайас тхылъэу ытхыгъэм 42:1.

 

Шэйтаныр Исус псэкІод ригъэшІэнэу ыуж зэритыгъэр

(Маттэ 4:1-11; Лука 4:1-13)

 

12Ащ лъыпытэу Тхьэм Ыпсэ ЛъапІэ Исус шъоф нэ­кІым ыщагъ. 13Шэйтаныр Исус псэкІод ригъэшІэнэу ыуж итэу, Исус мэфэ тІокІитІурэ шъоф нэкІым итыгъ. ХьакІэ­къуакІэхэм ахэтыгъ. МэлэІичхэри фэІофтабгэщтыгъэх.

 

Исус иІоф Галилей хэкум зэрэщиублагъэр

(Маттэ 4:12-17; Лука 4:14-15)

 

14УмэхъэкІо Иуан хьапсым зычІадзэ ужым,* Исус Гали­лей хэкум кІуи, Тхьэм и Тетыгъошхо ехьылІэгъэ къэбары­шІур щигъэІоу ыублагъ.

15–Мафэр къэсыгъ, Тхьэм и Тетыгъошхуи* къэблэгъагъ. ШъуипсэкІодхэм шъуафыкІэгъожьи, къэбарышІур шъу­шІошъ жъугъэхъу,– ыІощтыгъ.

 

Исус пцэжъыяшэ нэбгыриплІ игъогу рыкІонхэу къызэряджагъэр

(Маттэ 4:18-22; Лука 5:1-11)

 

16Исус Галилей псыхъураем* иІушъо рекІокІызэ, Си­монрэ ащ ышэу Индрысрэ хъытыур псым хадзэу ылъэгъу­гъэх, сыда пІомэ пцэжъыяшэхэу щытыгъэхэти ары. 17Исус ахэмэ ариІуагъ:

–Сауж шъукъырыкІу. Пцэжъые къэшъуубытыным пае, ыуж шъузэритыгъэм фэдэу, цІыфхэр сэ сигъогу къы-

 

1:14 Иуан Хьапсым зычІадзэ ужым – еплъ Маттэ 4:12.

1:15 Тхьэм и Тетыгъошхо – Тхьэм мы дунаеми, мы дунаем ицІыфхэми тетыгъошхоуи лъэкІыныгъэшхоуи афыриІэр ары. Инджылыр Тхьэм и Тетыгъошхо зытегущыІэкІэ, зыфиІорэр загъорэ мы уахътэм Тхьэм тет­ыгъошхоу иІэр ары, загъори къэкІощт уахътэм Тхьэм тетыгъошхоу иІэщтыр ары, загъори Тхьэм ыдэжь мыкІодыжьын щыІэныгъэ щыуиІэныр ары.

1:16 Галилей псыхъураер – еплъ Маттэ 4:18.

 

тежъугъэхьанхэм пае, ауж шъузэрихьащтыр шъозгъэ­шІэщт.

18 Ахэмэ а гущыІэхэр зэрэзэхахэу, хъытыухэр къабгынэхи, Исус ыуж ихьагъэх.

19Исус ащ тІэкІу ІукІотыгъэу, Зеведей ыкъохэу Якъубэ­рэ Иуанрэ къуашъом исхэу, яхъытыухэр агъэхьазырхэу ылъэгъугъэх. 20Ащ лъыпытэу Исус ахэми яджагъ. Ятэу Зеведеирэ илэжьакІохэмрэ къуашъом исхэу къабгынэхи Исус ыуж ихьагъэх.

 

Исус лІы горэм джынэпцІэ Іае зэрэхифыгъэр

(Лука 4:31-37)

 

21ЕтІанэ Капернаум къалэм* дэхьагъэх. Шэмбэт мафэр* къызэсым, Исус синэгогум* чІахьи, цІыфхэм Тхьэм игу­щыІэхэр аригъашІэхэу ыублагъ. 22ЦІыфхэм Исус Іофхэр зэраригъашІэщтыгъэ шІыкІэр агъэшІэгъуагъ, сыда пІо­мэ Тэурат егъэджэкІо пащэхэм* афэмыдэу, тетыгъошхо иІэу, Тхьэм игъогу цІыфхэм аригъашІэщтыгъэти ары. 23ОшІэ-дэмышІэу джынэпцІэ Іае зыхэс лІы горэ синэго­гум къыщылъагъуи къахэкууагъ:

24–Сыд уиІофэу къытхэлъыр, Назарет щыщ Исус? Ты­бгъэкІодынэу укъэкІуагъа? О хэтми узщыщыр сэшІэ: Тхьэм ыдэжь къикІыгъэ ЛъапІэр оры.

25–Щыгъэт, мы лІым къыхэкІыжь!– къыІуагъ Исус джынапцІэм егыеу. 26ДжынэпцІэ Іаем лІыр къыгъэкІэзэ­зи, мэкъэшхокІэ къэкууи лІым хэкІыжьыгъ.

27ЦІыфхэм ар залъэгъум, пстэуми лъэшэу агъэшІагъуи зэраІожьыгъ:

–Сыда мыр? ІофыкІэхэр цІыфхэм арегъашІэх. Тетыгъо­шхуи иІэу, джынэпцІэ Іаехэми унашъо афишІызэ, егъэ­даІох.

 

1:21 Капернаум къалэр – Галилей псыхъураем итемыр тыгъэ къохьапІэ Іушъом Іут. Темыр зыфаІорэр арапыбзэкІэ «шэмал», тыркубзэкІи «кузей» ары.

1:21 шэмбэт мафэр – еплъ Маттэ 12:1.

1:21 синэгогу – еплъ Маттэ 2:4.

1:22 Тэурат егъэджэкІо пащэхэр – еплъ Маттэ 2:4.

 

28Арэущтэу Галилей хэкум зэкІэ Исус икъэбар псынкІэу тыдэкІи щыІугъ.

 

Исус цІыфыбэхэр зэригъэхъужьыгъэхэр

(Маттэ 8:14-17; Лука 4:38-41)

 

29ЕтІанэ ахэр синэгогум къызэрэчІэкІыжьхэу, Якъубэрэ Иуанрэ ягъусэхэу, Симонрэ Индрысрэ яунэ кІуагъэх. 30Симон ишІугуащэ плъырстыркІэ сымаджэу пІэм хэ­лъыгъ. Ар зэрэсымаджэр занкІэу Исус къыраІуагъ. 31Исус ащ ыдэжь кІуи, ыІэ ыубыти, къыгъэтІысыгъ. ШІугуа­щэм плъырстырыр хэкІыжьи, къэтэджыжьи, ахэр къы­хьакІэхэу ыублагъ.

32Пчыхьашъхьэм тыгъэр зыкъохьажьы ужым, сыма­джэхэмрэ джынапцІэ зыхэсхэмрэ зэкІэ Исус къыфаща­гъэх. 33Къалэм дэс пстэури пчъэІупэм къыщызэІукІагъэх. 34Ащ дэжьым Исус уз зэмылІэужыгъуабэ зиІэ сымаджэ Іаджи ыгъэхъужьыгъэх, джынэпцІабэхэри цІыфхэм ахи­фыгъэх, ау джынапцІэхэр къэгущыІэнхэу фит ышІыгъэ­хэп, сыда пІомэ ахэмэ ар зэрэ-Христосыр ашІэщтыгъэти арыгъэ.

 

Исус Галилей хэкур къыкІухьэзэ, Тхьэм игущыІэхэр цІыфхэм зэраригъэІущтыгъэхэр

(Лука 4:42-44)

 

35Пчэдыжьым жьы дэдэу Исус къэтэджи, къалэм дэкІи, чІыпІэ Іудзыгъэ горэм кІуи, Тхьэм щелъэІугъ. 36Симон­рэ игъусэхэмрэ Исус лъыхъунхэу дэкІыгъэх. 37Къызагъо­тыжьым раІуагъ:

–ЗэкІэ цІыфхэр къыплъэхъух.

38–Гъунэгъу къуаджэхэми къалэхэми тыжъугъакІу, ахэ­ми Тхьэм игущыІэхэр цІыфхэм щязгъэІунхэм пае,– къа­риІожьыгъ Исус, –сыда пІомэ джары сэ сыкъызфэкІуа­гъэр.

39Арэущтэу Галилей хэкур зэкІэ къыкІухьэзэ, ясинэ­гогухэм цІыфхэм Тхьэм игущыІэхэр щаригъэІущтыгъэх, джынапцІэхэри цІыфхэм ахифыщтыгъэх.

 

Исус шъоджэ уз Іае зиІэ лІы горэ зэригъэхъужьыгъэр

(Маттэ 8:1-4; Лука 5:12-16)

 

40Шъоджэ уз Іае зиІэ лІы горэ Исус ыдэжь къакІуи, лъэгонджэмышъхьэкІэ къэтІыси къелъэІугъ:

–Уфаемэ, сыбгъэхъужьын плъэкІыщт.

41 Исус ыгу егъугъ, ыІэ ыщэий, теІаби* ыІуагъ:

–Ары, сыфай, псаоу хъужь!

42Ардэдэм шъоджэ узыр а лІым хэкІыжьи, къабзэу хъу­жьыгъэ.

43 Ащ лъыпытэу Исус ар ытІупщыжьэу, фигъэпытэу ри­Іуагъ:

44 –Фэсакъ, мыр зыми емыІотэжь, ау дин пащэм ыдэжь кІуи зегъэлъэгъу. Узэрэхъужьыгъэм пае, пегъымбар Мусэ иунашъо тетэу къурмэн шІы. Ар узэрэхъужьыгъэмкІэ цІыфхэм апашъхьэ шыхьат щыхъущт.

45 Ау а лІыр ІукІыжьи, къехъулІэгъэ пстэури ыІуатэзэ къэбарыр цІыфхэм ариІоу ыублагъ. Арыти, цІыфхэм къа­лъэгъоу Исус зы къалэ горэмя дэхьан ымылъэкІы­жьы хъугъэ, ау чІыпІэ Іудзыгъэхэм ащыІагъ. Ау щытми, тыдэкІи къикІыхэу цІыфхэр ыдэжь къэкІощтыгъэх.

 

 

02

ЯТЮНЭРЭШЪХЬ

 

Исус лІы горэу зыІэпкъ-лъэпкъ узым зэкІиубытагъэр зэригъэхъужьыгъэр

(Маттэ 9:1-8; Лука 5:17-26)

 

Мафэ заулэ тешІагъэу Исус Капернаум къалэм къызе­гъэзэжьым, иунэ къызэрэкІожьыгъэр цІыфмэ зэхахыгъ. 2Зызэхахым, цІыфхэу къэзэрэугъоигъэхэр зэрэбагъэм пае, унэпчъэІупэми хэуцуапІэ имыІэжьэу хъугъэ, Исуси Тхьэм игущыІэхэр аригъэІухэу ыублагъ. 3Джащыгъум цІыф куп къэкІуагъ; ахэмэ ащыщэу нэбгыриплІым лІы горэу зыІэпкъ-лъэпкъ узым зэкІиубытагъэр къыздахьыгъ. 4ЦІыфхэр зэрэбагъэм къыхэкІыкІэ, сымаджэр Исус

 

1:41 теІаби – еплъ Маттэ 8:3.

 

рахьылІэн алъэкІыгъэп. ЗамылъэкІым, унашъхьэм да­хьыий, Исус зыдэщыІэм дэжь унашъхьэм щыщ тырахи, сымаджэр пІуаблэм телъэу ратІупщэхыгъ. 5Исус ахэмэ яшІошъхъуныгъэ зелъэгъум, лІэу зыІэпкъ-лъэпкъ узым зэкІиубытагъэм риІуагъ:

–СикІал, уипсэкІодхэр къыпфэгъугъэх.

6Тэурат егъэджэкІо пащэхэу ащ щысыгъэхэм ащыщхэм агухэмкІэ аІуагъ:

7–Сыд пае мы лІыр мырэущтэу гущыІэра? Ащ Тхьэр егъэпцІыба? Тхьэм нэмыкІэу, хэта псэкІодхэр зыгъэгъун зылъэкІырэр?

8Ардэдэм Исус ыгукІэ ахэмэ агухэм арылъыр ешІэти ариІуагъ:

–Сыд пае ащ фэдэ Іофхэр шъо шъугухэмкІэ шъуІора? 9Тара нахь псынкІагъор, лІэу зыІэпкъ-лъэпкъ узым зэ­кІиубытагъэу щытым «УипсэкІодхэр къыпфэгъугъэх», епІоныр ара, хьауми «Тэджи, уипІуаблэ къашти къэ­кІухь», епІоныр ара? 10Ау къэшъушІэным пае, ЦІыф Лъэпкъым Ыкъо* псэкІодхэр ыгъэгъунхэу дунаим теты­гъо зэрэщыриІэр,– джащыгъум Исус лІэу зыІэпкъ-лъэпкъ узым зэкІиубытагъэу щытым риІуагъ: 11–Сэ осэІо, къэтэджи, уипІуаблэ къашти, шъуадэжь кІожь!

12Ар дэдэм лІыр къэтэджи, ипІуаблэ къышти, цІыф пстэуми алъэгъоу унэм икІыжьыгъ. Ар пстэуми инэу агъэшІагъозэ, Тхьэм щытхъу фашІэу аІуагъ:

–Мыщ фэдэ Іоф тэ ныбжьи тлъэгъугъэп.

 

Исус игъогу рыкІонэу Левый къызэреджагъэр

(Маттэ 9:9-13; Лука 5:27-32)

 

13Исус джыри Галилей псыхъурэе Іушъом Іухьажьыгъ. ЦІыф купышхо ыдэжь къэкІуагъэ, Исуси Тхьэм игущы­Іэхэр аригъашІэхэу ыублагъ. 14ЕтІанэ нахь чыжьэу кІозэ, хьакъулахь ахъщэр* зыщыхахырэ унэм Іусэу, Алфей ыкъо Левый ылъэгъугъ.

–Сауж къырыкІу,– риІуагъ Исус. Левый къэтэджи, Исус ыуж ихьагъ.

 

2:10 ЦІыф Лъэпкъым Ыкъо – еплъ Маттэ 8:20.

2:14 хьакъулахь ахъщэр – еплъ Маттэ 5:46.

 

15 ЕтІанэ Исус Левый иунэ щышхэщтыгъ. Хьакъулахь ахъщэр хэзыххэрэмрэ псэкІод зышІэхэрэмрэ бэ хъухэу, Исусрэ игъогу рыкІохэрэмрэ адашхэщтыгъэх; сыда пІомэ Исус ыуж итэу къэкІуагъэхэр бэ мэхъухэти ары. 16Тэурат егъэджэкІо пащэхэу фарисейхэм* ащыщхэм Исус хьакъулахь ахъщэр хэзыххэрэмрэ псэкІод зышІэхэрэмрэ адашхэу залъэгъум, Исус игъогу рыкІохэрэм араІуагъ:

–Хьакъулахь ахъщэр хэзыххэрэмрэ псэкІод зышІэхэ­рэмрэ сыда ар зыкІадашхэрэр ыкІи зыкІадешъорэр?

17 Исус ар зызэхехым, ариІуагъ:

–Псаухэр арэп Іазэ зищыкІагъэхэр, сымаджэхэр ары нахь. ІПъыпкъагъэ зиІэ цІыфхэм сяджэнэу арэп сыкъы­зфэкІуагъэр, псэкІод зышІэхэрэр япсэкІодхэм афыкІэгъо­жьынхэм пае, сяджэнэу ары нахь.

 

Джурт тхьаматэхэр нэкІыным ехьылІагъэу Исус къызэреупчІыгъэхэр

(Маттэ 9:14-17; Лука 5:33-39)

 

18УмэхъэкІо Иуан игъогу рыкІохэрэмрэ фарисейхэмрэ анэкІыщтыгъ*. ЦІыф заулэ къакІохи, Исус къыраІуагъ:

–Иуан игъогу рыкІохэрэмрэ фарисейхэмэ ягъогу рыкІо­хэрэмрэ анэкІы. О уигъогу рыкІохэрэм сыд зыкІамы­нэкІырэр?

19–ІПъаор ягъусэфэкІэ, шъаом игъусэхэр нэкІын алъэ­кІына? Хьау, шъаор ягъусэфэкІэ, нэкІынхэ алъэкІыщтэп,– ариІожьыгъ Исус ахэмэ. 20–Ау шъаор затырахыщт ма­фэхэр къэкІощтых. А мафэр къызыкІокІэ, нэкІыщтых.

21–ШэкІыкІэм щыщ идэжьын щыгъыныжъым зыми ты­ридэрэп. Арэущтэу ышІымэ, шэкІыкІэм щыщ идэжьыным щыгъыныжъыр зэІитхъынышъ, гъуанэр нахь ин ышІыщт. 22Джащ фэдэу, зыми сэнэпс шІыгъакІэр шъо­нтыжъхэм аригъахъорэп. Арэущтэу ышІымэ, сэнэпсым шъонтхэр къызэгуитхъынхэшъ, сэнэпсыри къичъыщт, шъонтхэри кІодыщтых. Ау сэнэпс шІыгъакІэр шъонты­кІэхэм арагъэхъон фае.

 

2:16 фарисейхэр – еплъ Маттэ 3:7.

2:18 анэкІыщтыгъ – агухэмкІэ фаехэу, фарисейхэм тхьамафэ къэс мэфитІум анэкІыщтыгъ.

 

Исус игъогу рыкІохэрэм шэмбэт мафэм коцышъхьэхэр къызэрэпачыгъэхэр

(Маттэ 12:1-8; Лука 6:1-5)

 

23Шэмбэт мафэ горэм Исус коц хьасэхэм ахэтэу кІощтыгъ. Игъогу рыкІохэрэр кІохэзэ, коцышъхьэхэр къыпачыхэу аублагъ. 24Фарисейхэм Исус къыраІуагъ:

–Еплъ, ахэмэ шэмбэт мафэм хабзэкІэ пшІэ мыхъу­щтыр* сыд пае ашІэра?

25–Даутэрэ игъусэхэмрэ къин хэтхэу, мэлакІэ лІэхэ зэ­хъум, ащ ышІагъэм зыкІи шъуеджагъэба?– ариІожьыгъ Исус. 26–Авиафар зыцІэ дин пэщэшхом* имафэхэм Даутэ Тхьэм иунэ ихьи, цІыфхэм Тхьэм ыпашъхьэ агъэтІылъы­гъэ хьалыгъур* ышхыгъ. А хьалыгъур дин пащэхэм анэмыкІ хабзэкІэ зыгорэм ышхы мыхъунэу щытыгъ, ау Даутэ ышхыгъ игъусэхэми аригъэшхыгъ.

27ЕтІанэ Исус ариІуагъ:

–Тхьэм шэмбэт мафэр цІыфым пае къыгъэхъугъэ нахь, цІыфыр шэмбэт мафэм пае къыгъэхъугъэп. 28Арышъ, ЦІыф Лъэпкъым Ыкъо шэмбэт мафэм итхьамат.

 

 

03

ЯЩЭНЭРЭШЪХЬ

 

Исус зыІэ лъэныкъо пыгъукІыгъэу щыт лІы горэ зэригъэхъужьыгъэр

(Маттэ 12:9-14; Лука 6:6-11)

 

Джыри зэ Исус синэгогум чІэхьажьыгъ. ЗыІэ лъэныкъо пыгъукІыгъэу щыт лІы горэ ащ дэжьым чІэтыгъ. 2Шэмбэт мафэм тефэу Исус а лІыр ыгъэхъужьыщтмэ, фарисейхэр еплъакІощтыгъэх, зэрагъэмысэн Іоф горэ къагъотыным

 

2:24 пшІэ мыхъущтыр – пегъымбар Мусэ и Тэурат хабзэ иунашъо тетэу шэмбэт мафэм лэжьыгъэ къэпхыныр мыхъунэу щытыгъ. Еплъ Пегъым­бар Мусэ ятІонэрэ тхылъэу ытхыгъэм 34:21.

2:26 дин пэщэшхор – еплъ Маттэ 26:3.

2:26 цІыфхэм Тхьэм ыпашъхьэ агъэтІылъыгъэ хьалыгъур – еплъ Пегъымбар Мусэ ящэнэрэ тхылъэу ытхыгъэм 24:5-9.

 

пае. 3Исус лІэу зыІэ лъэныкъо пыгъукІыгъэм риІуагъ:

–Къэтэджи, мо утыгум къихь.

4ЕтІанэ ахэмэ ариІуагъ:

–Шэмбэт мафэм шІугъэ пшІэныр ара, хьауми бзэджагъэ пшІэныр ара хабзэкІэ хъущтыр, псэ мыкІодэу къэбгъэ­нэжьыныр ара, хьауми бгъэкІодыныр ара?

Ау ахэмэ заушъэфыгъ.

5Ахэмэ ягуркъагъэ* Исус ыгу къеуи, губжыгъэу аха­плъи, лІым риІуагъ:

–О пІэ къэщэй.

ЛІым ыІэ къыщэий, адрэ Іэм фэдэу хъужьыгъ. 6Джащыгъум фарисейхэр синэгогум чІэкІыжьхи, ежьхэмрэ пачъыхьэ Ирод ыуж рыкІохэрэмрэ* Исус агъэкІо­дынэу гухэлъ ашІызэ, зэрагъэкІодыщт шІыкІэмкІэ зэ­упчІыжьыщтыгъэх.

 

ЦІыф купышхор Исус зэрэкІэлъыкІуагъэр

7Исус игъогу рыкІохэрэр игъусэхэу а чІыпІэм икІыжьи, Галилей псыхъураем кІуагъэ. Галилей хэкум щыщ цІы­фыбэхэр Исус ыуж ихьагъэх. 8Исус ышІэгъэ Іоф пстэу­ри зэхахыгъэти, Иудей хэкуми, Ерусалими, Идумей хэку­ми, Иордан псыхъом иадрабгъу щыІэ хэкуми, къалэхэу Тиррэ Сидонрэ* алъэныкъоми цІыфыбэхэр къарыкІыхи, Исус ыдэжь къэкІуагъэх. 9Ащ дэжьым цІыф купышхор тезэрэмыгъэбэнэнхэм пае, Исус игъогу рыкІохэрэм зы къуашъо ежьым хьазырэу фыщагъэтынэу ариІуагъ. 10Сы­да пІомэ Исус цІыфыбэхэр ыгъэхъужьхэу щытыгъэти, уз зиІэ пстэури нэсынхэу зытырадзэщтыгъ. 11Джы­нэпцІэ Іаехэми Исус залъэгъукІэ ыпашъхьэ зырадзыхти куощтыгъэх: «О Тхьэм ури Къу». 12Ау Исус ежьыр хэт щыщми цІыфхэм къарамыгъэшІэнэу джынапцІэхэм ишъыпкъэу афигъэпытэщтыгъ.

 

3:5 гуркъагъэ – къайгъагъэкІэ къыбгурыІонэу умыдэныр, пІуагъэми утемыкІыныр ары.

3:6 пачъыхьэ Ирод ыуж рыкІохэрэр – еплъ Маттэ 22:16.

3:8 къалэхэу Тиррэ Сидонрэ – еплъ Маттэ 11:21.

 

Исус игъогу рыкІорэ нэбгырэ пшІыкІутІур зэригъэнэфагъэхэр

(Маттэ 10:1-4; Лука 6:12-16)

 

13Исус Іуашъхьэм дэкІуаий, ежь зыфаехэм къяджи, ахэр ыдэжь къэкІуагъэх. 14Нэбгырэ пшІыкІутІу игъу­сэнхэуи, Тхьэм игущыІэхэр цІыфхэм арагъэІунхэм пае, ыгъэкІонхэуи ыгъэнэфагъэх. 15Ащ нэмыкІэу, сымаджэ­хэр агъэхъужьынхэуи, джынапцІэхэр цІыфхэм ахафын­хэуи тетыгъо аритыгъ. 16Исус нэбгырэ пшІыкІутІоу ыгъэнэфагъэхэр мыхэр арых: Симонэу Исус ятІонэрэ цІэу Петрэ зыфиусыгъэр; 173еведей ыкъуитІоу Якъубэрэ Иуанрэ (ахэмэ ятІонэрэ цІэу Воанергес фиусыгъэх; Воа­нергес къикІырэр «Шыблэм ыкъохэр» ары); 18ЕтІанэ Индрыс, Филипп, Варфоломей, Маттэ, Фомэ, Алфей ыкъо Якъубэ, Фаддей, Симонэу зихэгъэгу ыгу етыгъэу фэлажьэ­щтыгъэр,* 19Иудэ Искариот. А Иудэ ары нэужым Исус тетыгъо зиІэхэм аІэкІэзыгъэхьанэу щытыгъэр.

 

Исусрэ джынапцІэхэм япащэу Велзевулрэ

(Маттэ 12:22-32; Лука 11:14-23; 12:10)

 

20ЕтІанэ Исус унэм кІожьыгъэ. Ежьыррэ игъогу ры­кІохэрэмрэ шхэгъу амыгъотэу, джыри зэ цІыф купы­шхо къэзэрэугъоигъ. 21Исус иунэкъощхэм ежьым къы­зэригъэзэжьыгъэр зызэхахым, «Ащ зишІэжьырэп», аІо­ти, къащэжьынэу лъыкІуагъэх.

22Тэурат егъэджэкІо пащэхэу Ерусалим къикІыгъэхэу къэкІуагъэхэм Исус ехьылІагъэу аІощтыгъ:

–Велзевул* ащ хэс, Велзевулэу джынапцІэхэм япащэ илъэкІыныгъэ ары джынапцІэхэр цІыфхэм зэрахифы­рэр.

23Арыти, Исус ахэмэ къяджи, гъэсэныгъэ тхыдэхэмкІэ ариІуагъ:

–Шэйтаным сыдэущтэу шэйтаныр цІыф горэм хифын ылъэкІына? 243ы пачъыхьагъом лъэныкъуитІоу зигощымэ,

 

3:18 Симонэу зихэгъэгу ыгу етыгъэу фэлажьэщтыгъэр – еплъ Маттэ 10:4. 3:22 Велзевул – еплъ Маттэ 10:25.

 

щыІэжьын ылъэкІыщтэп. 25Ащ фэдэу зы унэри лъэныкъуи­тІоу гощыгъэ хъумэ, щыІэжьын ылъэкІыщтэп. 26Шэйтанри къэтэджэу, ежь ышъхьэ пэуцужьэу, лъэныкъуитІоу зэрэ­гъэхъумэ, ар щыІэжьын ылъэкІыщтэп, икІодыжьыгъо къэсыгъэ нахь. 273ыми кІуачІэ зиІэ лІы горэм иунэ ихьэу, ихьапщыпхэр къырихын ылъэкІыщтэп ыпэ рапшІэу а лІэу кІуачІэ зиІэр зэкІоцІимыпхэмэ. Ау а лІыр зэкІоцІипхэмэ, йунэ къытІэкІын ылъэкІыщт. 28Шъыпкъэр шъосэІо, цІыфхэм япсэкІод пстэури сыд фэдизэу Тхьэр агъэпцІми, къафэгъушъущтых. 29Ау хэти Тхьэм Ыпсэ ЛъапІэ зыгъэ­пцІырэм егъашІэми къыфэгъущтэп, мыкІодыжьын псэкІод­кІэ мысэ хъугъэ нахь.

30Исус ар зыкІиІуагъэр, «ДжынэпцІэ Іае хэс», аІоу, ахэмэ ежьым ехьылІагъэу аІуагъэти ары.

 

Исус янэрэ ышхэмрэ

(Маттэ 12:46-50; Лука 8:19-21)

 

31Джащыгъум Исус янэрэ ышхэмрэ къэкІуагъэх. Ща­гум дэтхэу, Исус къеджэнэу зыгорэ агъэкІуагъ. 32ЦІыф купышхоу Исус къетІысэкІыгъэхэм къыраІуагъ:

–О уяни, пшыхэри, пшыпхъухэри щагум дэтхэу къыпкІэупчІэх.

З3–Хэта сяни сшыхэри?– ариІожьыгъ Исус ахэмэ.

34 ЕтІанэ къетІысэкІыгъэхэм ахаплъи къыІуагъ:

–Мыхэр ары сэ сянэри сшыхэри. 35Хэти Тхьэр зы­фаер зыгъэцакІэрэр ары сэ сшыри, сшыпхъури, сянэри.

 

 

04

ЯПЛІЭНЭРЭШЪХЬ

 

Чылапхъэр зыпхъырэм ехьылІэгъэ гъэсэныгъэ тхыдэр

(Маттэ 13:1-9; Лука 8:4-8)

 

Исус джыри зэ псыхъурае Іушъом цІыфхэм Тхьэм игу­щыІэхэр щаригъашІэхэу ыублагъ. ЦІыфхэу Исус ыдэжь къыщызэрэугъоигъэхэр зэрэбагъэм пае, ежьыр псым тет къуашъо горэм дэкІуаий, итІысхьагъ. ЗэкІэ цІыф

купышхор псым игъунэгъоу Іушъом Іутыгъ. 2Гъэсэныгъэ тхыдэхэмкІэ цІыфхэм Іофыбэр аригъэшІагъ. ЦІыфхэм ари­гъашІэзэ, мыщ фэдэу ариІуагъ:

3–ШъукъэдаГу. ЛІы горэм чылапхъэ ыпхъынэу дэкІыгъ. 4Чылапхъэр ыпхъызэ, ащ щыщ тІэкІу гъогум тетэ­къуагъ. Бзыухэр къэбыбыхи, ар ашыпыгъ. 5Зы тІэкІуи ятІэ макІэ зыхэлъ чІыгу мыжъуалъэм тетэкъуагъ. ЧІы­гур куугъэпти, шІэх дэдэу къыхэкІыгъ, 6ау тыгъэр къы­зыдэкІуаем пыгъукІыгъ, лъэпсэ куу зэрямыІагъэм паий, гъугъэх. 7НэмыкІ тІэкІуи панэхэм ахэтэкъуагъ. Па­нэхэр къэкІыхи, чылапхъэу къыхэкІыгъэхэр атхьалэхи, зи къапагъэкІагъэп. 8ЕтІани зы тІэкІу чІыгу дэгъум хэтэкъуагъ. Ахэр къэкІыхи, къыдэкІуаехи, шъхьэхэр къа­пыкІагъэх. Зы шъхьэ налъэм коцыцэ щэкІ къыпыкІагъ, адрэм тІокІищ, адрэми коцыцишъэ къыпыкІагъ.

9ЕтІанэ Исус къыпигъэхъожьыгъ:

–РыдэІонэу тхьакІумэ зиІэм зэхерэх.*

 

Исус цІыфхэм Іофхэр аригъашІэхэзэ, гъэсэныгъэ тхыдэхэр къызыкІафиІотэщтыгъэхэр

(Маттэ 13:10-17; Лука 8:9-10)

 

10ЦІыфхэр зэбгырыкІыжьхи, Исус изакъоу къызэнэ­жьым, игъогу рыкІорэ нэбгырэ пшІыкІутІумрэ игъусэхэм­рэ гъэсэныгъэ тхыдэхэм яхьылІагъэу къеупчІыгъэх.

11–Тхьэм и Тетыгъошхо ишъэфхэр шъушІэнхэу Тхьэм фитыныгъэ къышъуитыгъ,– ариІуагъ Исус, –ау нэмыкІ цІыфхэм гъэсэныгъэ тхыдэхэмкІэ Іоф пстэури алъэІэсы. 12Арэущтэу*

«ахэр анэхэмкІэ еплъыхэ пэтми, зи алъэгъущтэп,

атхьакІумэхэмкІэ даІохэ пэтми, зи къагурыІощтэп.

Армырмэ Тхьэм ыдэжь къагъэзэжьыщтыгъ,

ащи япсэкІодхэр афигъэгъущтгъэх».

 

4:12 Арэущтэу. . . – еплъ Пегъымбар Исайас тхылъэу ытхыгъэм 6:9-10.

 

Чылапхъэр зыпхъырэм ехьылІэгъэ гъэсэныгъэ тхыдэм къикІырэр Исус игъогу рыкІохэрэм къызэрагуригъэІуагъэр

(Маттэ 13:18-23; Лука 8:11-15)

 

13Ащ ыужым Исус ахэмэ ариГуагъ:

–Мы гъэсэныгъэ тхыдэр къыжъугурымыІоу, адрэ гъэ­сэныгъэ тхыдэ пстэури сыдэущтэу къыжъугурыІощта? 143ыпхъырэм Тхьэм игущыІэхэр епхъых. 15ЦІыфхэм ащыщэу зы купыр чылапхъэу гъогум тепхъагъэм фэд. Тхьэм игущыІэхэр зэрэзэхаххэу, шэйтаныр къэкІошъ, гущыІэхэу агухэм арылъ хъугъэхэр рехыжьых.

16–Адрэ цІыф купыр чІыгу мыжъуалъэм тепхъэгъэ чылапхъэм фэд. Тхьэм игущыІэхэр зэрэзэхаххэу, а гущыІэхэр гушІуагъокІэ аштэх. 17Ау ахэмэ агухэмкІэ лъа­псэ зэрямыІэм пае, шІошъхъуныгъэм игъогу бэрэ теты­жьхэрэп. Тхьэм игущыІэхэм апаекІэ, е гузэжъогъу зэрэхафэхэу, е цІыфхэм ахэмэ къин зэрарагъэщэчэу, шІошъхъуныгъэм игъогу текІыжьых. 18ЕтІанэ зы цІыф купыр панэхэм ахэпхъэгъэ чылапхъэм фэд. Ахэмэ Тхьэм игущыІэхэр зэхахых, 19ау мы дунаем игугъухэри, баиныгъэм игъэпцІэныгъэри, нэмыкІ Іоф мыхъомы­шІэхэм акІэхъопсэныри агухэм ехьэхэшъ, Тхьэм игущы­Іэхэу агухэм арылъхэр атхьалэхэшъ, а цІыфхэми шІу­гъэ къапыкІырэп. 20ЕтІани нэмыкІ цІыф куп чІыгу дэ­гъум хэпхъэгъэ чылапхъэм фэд. Ахэмэ Тхьэм игущы­Іэхэр зэхахыхэшъ, а гущыІэхэр аштэх, ахэми шІугъэ къа­пэкІы, е фэдэ щэкІ, е фэдэ тІокІищ, е фэдишъэ.

 

Щэлъэ чІэгъым чІэт остыгъэр

 

21Ащ ыужым Исус ариІуагъ:

–Зыгорэм остыгъэр къыхьэу, щэлъэ чІэгъым е пІэ­кІор чІэгъым ар чІегъэуцуа? Остыгъэм итетыпІэ лъагэ тырегъэуцо нахь. 22Сыда пІомэ сыд щыщми гъэбылъы­гъэр къэлъэгъожьыщт, сыд щыщми чІэухъумагъэри къэнэфэжьыщт. 23РыдэІонэу тхьакІумэ зиІэм зэхерэх.

24Исус етІанэ ариІуагъ:

–Зэхэшъухырэм тэрэзэу гу лъышъут. Шъо шапхъэу зэрэшъушырэм фэдэ шапхъэкІэ Тхьэм шъо къышъу­фишыжьыщт, нахьыбэуи къышъуфыхигъэхъощт. Тхьэм

25 зиІэм нахьыбэ къыритыщт, ау Тхьэм зимыІэм иІэ тІэкІури Іихыжьыщт.

 

Чылапхъэу къэкІырэм ехьылІэгъэ гъэсэныгъэ тхыдэр

 

26Исус мыри къыІуагъ:

–Тхьэм и Тетыгъошхо зыфэдэр мары. ЛІы горэм чыла­пхъэр чІыгум хепхъэ. 27Чэщым мэчъые, мафэми къэ­ущы, чылапхъэр къэкІы, къыдэкІуае, ау ар зэрэхъурэр ащ ышІэрэп. 28ЧІыгум ежь-ежьырэу къыхэкІы, ыпэ рапшІэу пкъыр къыхэкІы, етІанэ ар мэшъхьалъэ, етІанэ мэтІыргъо. 29Шъхьэналъэхэр зытІыргъохэкІэ, хыныгъор къэсыгъэшъ, ахыжьы.

 

Горчицацэм ехьылІэгъэ гъэсэныгъэ тхыдэр

(Маттэ 13:31-32; Лука 13:18-19)

 

30–Тхьэм и Тетыгъошхо сыдым фэдгъэдэн?– къыІуагъ Исус. –Хьауми сыд гъэсэныгъэ тхыдэкІэ ар зыфэдэр къэтІон? 31Ар зыфэдэр горчицацэр* ары. ЧІыгум хэ­фэфэ, дунаим тет цэ пстэуми анахь цІыкІу. 32Ау чІыгум зыхафэкІэ, къэкІышъ, зы илъэс зыныбжь къэ­кІыгъэ пстэуми анахьи нахь инэу мэхъу. Ижьауи къо­лэбзыухэр чІэсынхэ алъэкІынэу къутэмэ инхэри къыго­кІэх.

33Ащ фэдэ гъэсэныгъэ тхыдабэхэмкІэ цІыфхэм зэ­хашІыкІын зэралъэкІыщтым тетэу, Исус Тхьэм игущы­Іэхэр ариІощтыгъэх. 34Гъэсэныгъэ тхыдэ хэмытэу цІыф­хэм адэгущыІэщтыгъэп. Ау игъогу рыкІохэрэр яза­къоу къызэнэжьхэкІэ, пстэури зэхаригъэшІыкІыщтыгъ.

 

Исус жьыбгъэ щынэгъошхор зэригъэуцугъэр

(Маттэ 8:23-27; Лука 8:22-25)

 

35А мэфэ дэдэм пчъыхьэр къызэсым, Исус игъогу рыкІохэрэм ариІуагъ:

4:31 горчицэ – арапыбзэкІи тыркубзэкІи «хъардэл» ары.

–НекІо, псыхъураем иадрабгъу тызэпырыжъугъэкІ.

36Игъогу рыкІохэрэр цІыф купышхом къыхэкІыхи, Исус къуашъоу зэрысым къыдитІысхьэхи ежьагъэх. НэмыкІ къуашъохэри игъусагъэх. 37Жьыбгъэ щынэгъо­шхо къэхъуи, къуашъом псыорхэр къиохэу, псыр изы хъоу фежьагъ. 38Исус ышъхьэ шъхьантэм телъэу, къошъо кІоцІым ыкІэкІэ щычъыещтыгъ. Ахэмэ къагъэущи ра­Іуагъ:

–Дин гъэсакІу, тызэрэкІодырэм уигъэгумэкІырэба?

39Исус къэтэджи, жьыбгъэшхом егыий, псым риІуагъ:

–Самбыр! Щыгъэт!

Жьыбгъэр уцужьи, кІым-сым дэдэу къэхъугъ. 40ЕтІанэ игъогу рыкІохэрэм ариІуагъ:

–Сыд пае ащ фэдизэу шъущтэрэ? ШІошъхъуныгъэ джыри шъуимыІэу ара?

41–Хэт мыр, жьыбгъэшхори псыри зыгъэдаІорэр?–зэраІожьыгъ ахэмэ щтагъэхэу.

 

 

05

ЯТФЭНЭРЭШЪХЬ

 

Исус джынапцІэ зыхэс лІы горэ зэригъэхъужьыгъэр

(Маттэ 8:28-34; Лука 8:26-39)

 

Галилей псыхъураем иадрабгъу ит хэкоу Гадарэ зыцІэ къалэм епхыгъэм нэсыгъэх. 2Исус къуашъом къызэри­кІэу, джынэпцІэ Іае зыхэс лІы горэ къэунэхэм алъэны­къокІэ къикІи къыпэгъокІыгъ. 3А лІыр къэунэхэм ахэ­сыгъ. ГъучІ Іэхъурэ лъэхэъурэкІэ зыми ыпхын ылъэкІы­щтыгъэп. 4Сыда пІомэ гъучІ Іэхъу-лъэхъу бэрэ ты­ралъхьэщтыгъ, ау Іэхъур ээпичыщтыгъ, лъэхъури зэ­пиутыщтыгъ. Арэущтэу зыми а лІыр ыгъэуцун ылъэкІы­щтыгъэп. 5Чэщи мафи къэунэхэмрэ Іуашъхьэхэмрэ ахэт зэпытыщтыгъ, куомэ-кІыизэ мыжъохэмкІэ зэожьы­щтыгъ.

6ЧыжьэкІэ а лІым Исус зелъэгъум, къачъи лъэгъон­джэмышъхьэкІэ ыпашъхьэ къитІысхьагъ. 7МэкъэшхокІэ къэкуозэ къыІуагъ:

–Исус, Тхьэу анахь Иным Ыкъу, сыда уиІофэу къы­схэлъыр? Тхьэм ыцІэкІэ сыолъэІу, къин сэмыгъэлъэгъу!

8А лІым арэущтэу зыкІиІуагъэр, Исус джынапцІэм, «О джынэпцІэ Іае, мы лІым хэкІыжь!» риІуагъэти ары.

9–Сыда о пцІэр?– еупчІыгъ Исус а лІым.

–Сэ сцІэр дзэ,– пэгъокІ къытыжьыгъ ащ, –сыда пІомэ бэ тэхъушъ ары.

10ЕтІанэ Исус ахэр а хэкум римыфынхэу лъэшэу къе­лъэІугъэх.

11А чІыпІэ дэдэм зы къо Іэхъогъушхо Іошъхьэ нэпкъым щыхъущтыгъ. 12Джащыгъум джынэпцІэ Іаехэр Исус къе­лъэІугъэх:

–Къохэм адэжь тыгъакІуи, ахэмэ апкъыхэм тахэгъахь.

13Исус ахэр фит ышІыгъэх. ДжынэпцІэ Іаехэр лІым хэкІыжьхи, къохэм апкъыхэм ахэхьагъэх. Къо Іэхъогъур Іошъхьэ нэпкъым къечъэхи, псыхъураем хэлъадэхи, псым ытхьалагъэх. Ахэр минитІу фэдиз хъущтыгъэх.

14Къуахъохэр хэхьажьхи, къалэмрэ къуаджэхэмрэ хъу­гъэ-шІагъэр щаІотэжьыгъ, цІыфхэри хъугъэр зэрагъэ­лъэгъунэу къэкІуагъэх. 15Ахэр Исус ыдэжь къызэкІохэм, джынэпцІабэхэр къызхэкІыжьыгъэ лІыр фэпагъэу, иакъыл къыгъотыжьыгъэу, ащ дэжьым щысэу алъэ­гъугъ. Ар залъэгъум, къэщтагъэх. 16Джащыгъум къэхъугъэр зылъэгъугъэ цІыфхэм джынапцІэхэр зы­хэсыгъэ лІымрэ къохэмрэ къяхъулІагъэр цІыфхэм ара­Іотэжьыгъ. 17ЦІыфхэм ар зызэхахым, Исус яхэку ыбгынэнэу къелъэІугъэх.

18Исус къуашъом итІысхьажьы зэхъум, джынапцІэхэр къызхэкІыжьыгъэ лІыр ащ къелъэІугъ:

–Гъусэ сызыфэшІ.

19–О уибынхэм адэжь уиунэ кІожьи, Зиусхьаным къы­пфишІэгъэ шІугъэшхомрэ гукІэгъу къызэрэпфишІы­гъэмрэ яІотэжь,– риІуагъ Исус ар фимыдэу. 20Арэущтэу ар кІуи, Исус къыфишІагъэр КъэлипшІ* зыцІэ хэкум щиІуатэу ыублагъ, цІыфхэми зэкІэ агъэшІэгъуагъ.

 

5:20 КъэлипшІ – еплъ Маттэ 4:25.

 

Исус Иаир зыцІэм ыпхъоу лІагъэр

къызэригъэтэджыжьыгъэр; Исус ищыгъын къынэсыгъэ

бзылъфыгъэр зэригъэхъужьыгъэр

(Маттэ 9:18-26; Лука 8:40-56)

 

21Исус къуашъомкІэ Галилей псыхъураем иадрабгъу зызэпырэкІыжьым, цІыф купышхо ежьым ыдэжь къы­щызэрэугъоигъ. Исус псы Іушъом Іутэу, 22Иаир зыцІэ синэгогу пащэ горэ къэкІуагъ. Ащ Исус зелъэгъум, ылъакъохэм адэжь зыкъыщыридзыхи, 23лъэшэу къелъэ­Іугъ:

–Сэ спхъу цІыкІу малІэ пэт. Хъужьынышъ, псаоу къэ­нэжьыным пае, къакІуи, пІэхэр телъхьэх.

24Джащыгъум Исус а лІым игъусэу кІуагъэ. ЦІыф купышхо Исус тезэрэгъэбанэхэу игъусэхэу кІощты­гъэх. 25А цІыфхэм зы бзылъфыгъэ горэ ахэтыгъ. Илъэс пшІыкІутІу хъугъэу, бэрэ ащ лъы къыкІэкІэу гуІэщтыгъ. 26Іэзэ Іаджи еплъыгъагъэх, къиныби рагъэ­щэчыгъагъ. Бзылъфыгъэм иІэ пстэури ахэмэ атыригъэ­кІодэгъагъ, ау нахь Іае хъущтыгъэ нахь, ишІуагъэ къэ­кІуагъэп. 27Ащ Исус икъэбар зэхихыгъэти, цІыф купы­шхом хэтэу Исус ыкІыбкІэ къакІуи, ищыгъын къы­нэсыгъ; 28сыда пІомэ а бзылъфыгъэм мыщ фэдэу ыгу­кІэ ыІуагъэти ары: «Исус ищыгъынхэм санэс нэмыІэми, сыхъужьыщт». 29Ардэдэм лъыкІэкІыныр уцужьыгъэ, зэ­рэхъужьыгъэри ыпкъыкІэ зэхишІагъ.

30 Исус ыгукІэ кІуачІэ зэрэхэкІыгъэм занкІэу гу лъи­тагъ. ЦІыф купышхом хэтэу зыкъызэригъэзэкІи ари­Іуагъ:

–Хэта сищыгъынхэм къанэсыгъэр?

31 –ЦІыф купышхор къыптезэрэгъэбанэхэу плъэгъузэ, етІани, «Хэта къызнэсыгъэр?» оІуа?– къыраІуагъ игъогу рыкІохэрэм.

32 Ау Исус ар зышІагъэр ылъэгъуным пае, зиплъыхьэ­щтыгъ. 33Джащыгъум бзылъфыгъэм къехъулІагъэр ешІэти, щтагъэу, кІэзэзэу къыІухьи, Исус ыпашъхьэ зыкъыщыридзыхи, шъыпкъэр зэкІэ къыриІуагъ.

34–Сипшъашъ,– риІуагъ Исус, –уишІошъхъуныгъэ уи­гъэхъужьыгъ. Гъогу маф, гупсэфыныгъэ уиІэу опсэу. Узы­нчъэу ухъужьыгъ.

35Исус гущыІэзэ, лІы заулэ синэгогу пащэм иунэ

къикІыгъэхэу, къакІохи, Иаир къыраІуагъ:

–Ппхъу дунаем ехыжьыгъ. Дин гъэсакІом сыд пае джыри къин ебгъэлъэгъужьыра?

36Ау Исус ахэмэ къаІуагъэр зэрэзэхихэу, синэгогу пащэм риІуагъ:

–Умыщын, шІошъхъуныгъэ зигъаІэ къодый.

37ЕтІанэ Петри, Якъуби, ащ ышы Иуани нэмыкІ зи зыдимыщэу, Исус гъогум техьажьыгъ. 38Синэгогу пащэм иунэ къызэкІохэм, Исус цІыфхэр бырсырхэу, хьадагъэ ашІэу, пыхьэхэу ылъэгъугъэх. 39Исус унэм къызехьэм, ариІуагъ:

–Сыд пае бырсыр къэшъуІэтэу, хьадагъэ шъушІыра? Пшъэшъэжъыер лІагъэп, мэчъые нахь.

40Исус ар къызеІом, къыдэхьащхыгъэх. Ау Исус зэ­пстэури унэм къыригъэкІыхи, пшъэшъэжъыем ятэ-янэм­рэ игъусищрэ зыдищэхи, пшъэшъэжъыер зэрылъ унэм ихьагъ. 41ЕтІанэ пшъэшъэжъыем ыІэ къыубыти ри­Іуагъ:

–Талифэ кум! (Ащ къикІырэр, –Сипшъэшъэжъый, сэ осэІо, къэтэдж!)

42Пшъэшъэжъыер ардэдэм къэтэджыжьи, унэ кІоцІыр къыкІухьагъ. Ар илъэс пшІыкІутІум итыгъ. Ар залъэ­гъум, лъэшэу агъэшІэгъуагъ. 43Ау Исус хъугъэр зыми рамыІотэжьынэу унэшъо пытэ афишІыгъ. ЕтІанэ пшъэ­шъэжъыер агъэшхэнэу ариІуагъ.

 

 

06

 


ЯХЭНЭРЭШЪХЬ

 

Назарет дэс цІыфхэм Исус зэрамыштагъэр

(Маттэ 13:53-58; Лука 4:16-30)

 

Исус, игъогу рыкІохэрэр игъусэхэу, а чІыпІэм икІы­жьи, янэ икъалэ кІожьыгъэ. 2Шэмбэт мафэр къызэсым, синэгогум цІыфхэм Тхьэм игущыІэхэр щаригъашІэхэу ыублагъ. Ежьым едэІугъэ цІыфыбэхэм агъэшІагъоу къа­Іуагъ:

–Мы лІым къыІохэрэр тыдэ къырихыгъэха? Сыдэу зэ­хэшІыкІыныгъэшхо Тхьэм ащ къыритыгъа! Сыдэу Іо­фышхо гъэшІэгъонха ащ ыІэ къикІыхэрэр! 3Мерэм ыкъоу пхъашІэр арыба мыр, Якъубэ, Иосый, Иудэ, Симон ашыр? Ышыпхъухэри тэ къытхэсхэба?

Арэущтэу Исус пае агу мыхъун къырагъэхьагъ.

4–Пегъымбарым лъытэныгъэ фэзымышІыхэрэр ежь янэ икъалэ дэсхэр, ежь иблагъэхэр, ежь иунагъо щыщ­хэр ары ныІэп,– ариІуагъ Исус ахэмэ.

5Исус сымэджэ заулэм ыІэхэр атырилъхьэхэу зэри­гъэхъужьыгъэхэм нэмыкІ а чІыпІэм Іофышхо гъэшІэ­гъон зи щишІагъэп. 6Ахэмэ яшІошъмыхъуныгъи ыгъэ­шІэгъуагъ.

 

Исус игъогу рыкІорэ нэбгырэ пшІыкІутІур Тхьэм фэлэжьэнхэу зэрэдигъэкІыгъэхэр

(Маттэ 10:1, 5-15; Лука 9:1-6)

 

ЕтІанэ цІыфхэм Тхьэм игущыІэхэр аригъашІэхэзэ, игъунэгъу къуаджэхэр къыкІухьащтыгъэх. 7Джащыгъум Исус игъогу рыкІорэ нэбгырэ пшІыкІутІумэ къяджи, тІу­рытІоу дигъэкІыхэу ыублагъ. ДжынэпцІэ Іаехэр цІыф­хэм ахафынхэу тетыгъо аритыгъ. 8Мы унашъор афи­шІыгъ:

–Гъогум шъузытехьэкІэ, зы бэщ нэмыкІ зи зыдэшъу­мышт. Хьалыгъуи, Іалъмэкъи, бгырыпхым илъ ахъщи зыдэшъумыштэх. 9Ау цокъэ къызэрыкІохэр зыщы­шъулъэх. ДжэнитІуи зыщышъумылъ.

10–ХьакІэу зы унэ горэм шъуихьэмэ, а чІыпІэм шъу­къыдэкІыжьыфэ нэс, а унэм шъуис,– къыпигъэхъо­жьыгъ Исус. 11–Зы чІыпІэ горэм шъущырамыгъэбла­гъэмэ е къыщышъомыдэІухэмэ, а чІыпІэм шъукъы­зикІыжькІэ, мыхъунэу ашІагъэмкІэ ахэмэ апашъхьэ шыхьат щыхъуным пае, шъуицуакъэхэм акІэрылъ сапэр акІэрыжъугъэтэкъужь. Шъыпкъэр шъосэІо, ахърэт мафэм а къалэм къинэу ыщэчыщтым нахьи, Содомрэ Гоморрэрэ къинэу ащэчыщтыр нахь мэкІэщт.

12Арэущтэу а нэбгырэ пшІыкІутІур гъогум техьэхи, «ШъуипсэкІодхэм шъуафыкІэгъожь», цІыфхэм араІозэ, агъэІоу аублагъ. 13ДжынэпцІабэхэр цІыфмэ ахафыщты­гъэх, сымаджэ Іаджи дагъэ щафэзэ агъэхъужьыщтыгъэх.

 

УмэхъэкІо Иуан ышъхьэ зэрэпаупкІыгъэр

(Маттэ 14:1-12; Лука 9:7-9)

 

14Исус цІэрыІоу хъугъэти, икъэбар пачъыхьэу Ирод* зэ­хихыгъ. Зызэхехым, мырэущтэу ыІуагъ:

–Мыр умэхъэкІоу Иуан ары. Ар лІагъэхэм къахэтэ­джыкІыжьыгъ, джары ащ фэдэ лъэкІыныгъэ зыхэлъ Іофышхохэр ыІэ къызкІикІыхэрэр.

15–Ар пегъымбар Иляс* ары,– аІощтыгъ нэмыкІ цІыф­хэм.

–Ар пегъымбар гор, пэсэрэ пегъымбархэм афэдэу,–аІощтыгъ етІани нэмыкІхэми.

16 Ау Ирод ахэмэ ягущыІэхэр зызэхеххэм, ыІуагъ: –Иуанэу зышъхьэ пязгъэупкІыгъэр лІагъэхэм къахэ­тэджыкІыжьыгъ.

17Ирод ар зыкІиІуагъэр мыры: Ежьым ышэу Филипп зыцІэр псаоу пэтми, Ирод а Филипп ишъузэу Иро­диадэ зыцІэр къыщэжьыгъ. 18Ащ къызэрищэжьыгъэм пае, Иуан Ирод риІощтыгъ: «О пшы ишъуз къэпщэ­жьыныр хабзэкІэ хъущтэп». 19Ащ пае Иродиадэ Иуан гужъ фыриІэу хъугъэ. Иродиадэ ихьатыркІэ Ирод идзэ­лІхэм Иуан аригъэубыти, хьапсым чІаригъэдзагъ. Иро­диадэ Иуан аригъэукІынэу фэягъ, ау ар къыдэхъугъэп. 20Сыда пІомэ Иуан шъыпкъагъэ зиІэ цІыф лъапІэу зэрэщытыр Ирод ышІэщтыгъэти, щыщынэщтыгъ ыкІи ыухъумэщтыгъ. Иуан къыІохэрэм зядэІукІэ, инэу гу­мэкІыщтыгъ, ау щытми игуапэу едэІущтыгъ.

21Зы мафэ горэм Иродиадэ Іофэу зылъыхъущтыгъэр къыфифагъ. Ирод къызыхъугъэ мафэр ыгъэлъэпІэнэу икъулыкъушІэхэм, идзэ ипэщэшхохэм, Галилей хэ­кум итхьаматэхэм ешхэ-ешъошхо афишІи къыригъэ­блэгъагъэх. 22Джащыгъум Иродиадэ ыпхъу унэм къихьи къафэшъуагъ. Иродрэ ихьакІэхэмрэ агу рихьыгъ.

–УзыфаемкІи къысэлъэІуи, укъызэрысэлъэІурэр къы­пфэсшІэщт,– риІуагъ пачъыхьэм пшъашъэм. 23Тхьары­Іуи фишІыгъ:

 

6:14 пачъыхьэ Ирод – еплъ Маттэ 14:1. 6:15 пегъымбар Иляс – еплъ Маттэ 16:14.

 

–Сыд щыщми узыфаер остын, сипачъыхьагъу ыныкъо нэс.

24Пшъашъэр унэм икІыжьи, янэ еупчІыжьыгъ:

–СыдкІэ селъэІущта?

–УмэхъэкІо Иуан ышъхьэкІэ елъэІу,– къыриІожьыгъ янэ.

25Пшъашъэр псынкІэу унэм къилъэдэжьи, пачъыхьэм къыриІуагъ:

–Джыдэдэм умэхъэкІо Иуан ышъхьэ зы лэгъэшхо горэм илъэу къысэт.

26Пачъыхьэм ар зызэхехым, ыгу лъэшэу къеуагъ, ары­шъхьакІэ хьакІэхэм апашъхьэ пшъашъэм тхьарыІоу фишІыгъэм пае игущыІэ епцІыжьынэу фэягъэп. 27Ары­ти, ардэдэм зы дзэлІ горэ Иуан ышъхьэ къыхьынэу унашъо фишІи ыгъэкІуагъ. 28Ар кІуи, Иуан ышъхьэ хьа­псым щыпиупкІи, лэгъэшхом илъэу къыхьи, пшъашъэм къыритыгъ. Пшъашъэм янэ ритыжьыгъ. 29Иуан игъогу рыкІохэрэм хъугъэ-шІагъэр зызэхахым, къакІохи, Иуан ихьадэ хьапсым чІахыжьи, къэунэм чІалъхьажьыгъ.

 

Исус нэбгырэ минитф зэригъэшхагъэр

(Маттэ 14:13-21; Лука 9:10-17; Иуан 6:1-4)

 

30Апостолхэр* Исус ыдэжь къыщызэрэугъоихи, Іофэу ашІэгъэ пстэумрэ цІыфхэм аригъэшІэгъэ Іоф пстэумрэ раІотэжьыгъэх. 31КъэкІо-накІохэр зэрэбагъэм пае, Исусрэ игъогу рыкІохэрэмрэ шхэгъуи фифэжьыщтыгъэ­хэпти, Исус ахэмэ ариІуагъ:

–ЧІыпІэ Іудзыгъэ горэм тизакъоу тыкІонышъ, зы­жъугъэпсэфыщт.

32Арыти, къуашъом исхэу Іудзыгъэ чІыпІэ горэм язакъоу кІуагъэх. 33ЦІыфхэм ахэр къуашъом исхэу, ІукІыхэу алъэгъугъ, бэми къашІэжьыгъэх. ЦІыфхэр къэлэ пстэуми лъэсэу къадэчъыхи, Исусрэ игъогу рыкІохэрэмрэ къуашъомкІэ зыдэкІощтыгъэ чІыпІэм нэмысхэ рапшІэу ахэр нэсхи, къэзэрэугъоигъэх. 34Исус къуашъом къикІи, цІыф купышхор зелъэгъум, а цІыф­хэр мэлахъо зимыІэ мэл Іэхъогъум фэдэхэу щыты-

 

6:30 апостолхэр – еплъ Маттэ 10:2.

 

гъэхэти, ыгу ягъуи, Іофыбэхэр аригъашІэхэу ыублагъ.

35Мафэр зыхэкІуатэм, игъогу рыкІохэрэр Исус къыбгъо­дахьэхи къаІуагъ:

–Мы чІыпІэр нэкІы, мафэри хэкІотэгъах. 36Чы­лэ-къоджэ гъунэгъухэм кІонхэшъ, гъомлапхъэ къызфа­щэфыжьыным пае, цІыфхэр тІупщыжьых; сыда пІомэ, ашхын зи яІэп.

37–Шъо ахэр жъугъашхэх,– ариІуагъ Исус ахэмэ.

–ТыкІонышъ, динар* шъитІум ауасэ хьалыгъу къэт­щэфына, мы цІыфхэм ядгъэшхынэу?– къыраІожьыгъ адрэхэм.

38–Хьалыгъу тхьапша шъуиІэр?– ариІуагъ Исус. –Шъу­кІуи къызэжъугъашІ.

КъызэрагъашІи къаІуагъ:

–Хьалыгъуитфырэ пцэжъыитІурэ тиІ.

39ЕтІанэ Исус цІыф пстэури куп-купэу уц шхъуантІэм хагъэтІысхьанхэу игъогу рыкІохэрэм унашъо афишІыгъ. 40ЕтІанэ цІыфхэр шъэрышъэу, шъэныкъо-шъэныкъоу куп-купэу тІысыгъэх. 41ЕтІанэ Исус хьалыгъуитфымрэ пцэжъыитІумрэ къыштэхи, уашъом дэплъыий, Тхьэм щытхъу фишІыгъ. ЕтІанэ хьалыгъухэр зэгуичыхи, цІыф­мэ апашъхьэ ралъхьанхэу игъогу рыкІохэрэм ариты­гъэх. ПцэжъыитІури ахэмэ зэкІэми афигощыгъ. 42ЦІыф пстэури шхагъэх ыкІи загъэшхэкІыгъ. 43Ащ нэужым къялыжьыгъэ хьалыгъу такъырхэмрэ пцэжъыехэмрэ мэтэ пшІыкІутІу арызэу аугъоижьыгъэх. 44Шхагъэхэр лІы минитф хъущтыгъэх.

 

Исус псы кІыІум тетэу зэрэкІуагъэр

(Маттэ 14:22-33; Иуан 6:16-21)

 

45Исус цІыф купышхор етІупщыжьыфэ, игъогу ры­кІохэрэр ежьым ыпэ рапшІэу псыхъураем иадрабгъу ит Вифсайдэ къалэм зэпырыкІынхэу къуашъом ригъэтІыс­хьагъэх. 46Исус цІыфхэр зетІупщыжьыхэ ужым, Тхьэм елъэІунэу Іуашъхьэм дэкІоягъ.

47Пчыхьэр къызэсым, къуашъор псыхъурэе гу­зэгум нэсыгъагъ, Исуси изакъоу чІыгум къытенагъ.

 

6:37 динар – еплъ Маттэ 18:24.

 

48Къуашъом исхэм жьыбгъэр къапеоти, ахэмэ ерагъэу къошъо бэщхэмкІэ афэу Исус ылъэгъугъэх. АтэкъэІо­гъум дэжь къуашъом исхэм алъэныкъокІэ псы кІыІум тетэу, Исус къэкІуагъ. Ахэмэ аблэкІы пэтыгъ. 49Исус псы кІыІум тетэу къакІоу залъэгъум, хьадэджадэу ашІо­шІи, къэкууагъэх, 50сыда пІомэ зэпстэуми ар алъэгъуи, лъэшэу щтагъэхэти ары.

Ардэдэм Исус къадэгущыІагъ:

–Шъугу шъумыгъэкІоды, сэры ар, шъумыщын.

51ЕтІанэ ахэмэ къуашъом адитІысхьи, жьыбгъэр уцу­жьыгъэ. Лъэш дэдэу агъэшІэгъуагъ, 52сыда пІомэ Іофы­шхо гъэшІэгъонэу Исус хьалыгъухэмкІэ ышІэгъагъэр къагурымыІоу, гуркъэхэу* щытыгъэхэти ары.

 

Исус Геннисарет хэкум сымаджэхэр зэрэщигъэхъужьыгъэхэр

(Маттэ 14:34-36)

 

53Псыхъураем зызэпырэкІыхэм, Геннисарет хэкум нэсхи, гъурзыр щырадзыхыгъ. 54Къуашъом къызэрикІы­хэу, цІыфхэм Исус къашІэжьыгъ. 55ЦІыфхэм а хэкур зэкІэ къачъыхьэу, сымаджэхэр пІуаблэхэм акІоцІылъхэу Исус зыдэщыІэу зыфаІорэ чІыпІэм къахьэу къаублагъ. 56Къуаджэми, къалэми, чылэми Исус тыдэ кІуагъэми сымаджэхэр а чІыпІэхэм ягузэгупІэхэм ащагъэтІылъти, зи мыхъуми ищыгъын кІапэм нигъэсынхэу къелъэІущты­гъэх, Исус ищыгъын кІапэми нэсыгъэ пстэури хъужьы­щтыгъэх.

 

 

07

ЯБЛЭНЭРЭШЪХЬ

 

Тыжъхэм къакІэныжьыгъэ хабзэхэр

(Маттэ 15:1-20)

 

Фарисейхэри Ерусалим къикІыгъэ Тэурат егъэджэкІо пащэхэм ащыщхэри Исус ыдэжь къыщызэрэугъоигъэх.

 

6:52 гуркъэхэу – еплъ 3:5.

 

2Ахэмэ Исус игъогу рыкІохэрэм ащыщхэр Іэ мыкъа­бзэхэмкІэ, ащ къикІырэр аІэхэр амытхьакІыхэу, шхэхэу алъэгъугъ. 3Сыда пІомэ фарисейхэмрэ адрэ джурт пстэумрэ ятэжъхэм къакІэныжьыгъэ хабзэхэм атетхэу, аІэхэр амытхьакІыгъэхэу шхэхэрэп. 4Бэдзэрым къикІы­жьхэмэ, замыгъэкъэбзэжьыгъэу шхэхэрэп. А хабзэхэм анэмыкІэу, ятэжъхэм къакІэныжьыгъэ хэбзабэхэр зэ­рахьэ, гущыІэм пае, шъуалъэхэми, къумгъанхэми, лэ­гъупхэми ятхьакІынхэр.

5Арыти, фарисейхэмрэ Тэурат егъэджэкІо пащэхэмрэ Исус къеупчІыгъэх:

–О уигъогу рыкІохэрэр тятэжъхэм къытфагъэнэгъэ хабзэхэм атемытхэу, Іэ шІоихэмкІэ сыд пае шхэхэра?

6–Пегъымбар Исайас шъо нэпитІу зиІэхэм шъыпкъэр къышъуиІолІагъ,– ариІожьыгъ Исус. –Мыщ фэдэу итхылъ ит:*

«Мы цІыфхэм аІупэхэмкІэ сагъэлъапІэ, ау агухэмкІэ спэчыжьэх. 7Ахэм цІыфхэм Іофхэр арагъашІэхэзэ, цІыфхэм яхабзэ Тхьэм иунашъо зэрэфагъадэрэм пае, сэ сызэрагъэлъапІэрэр хьаулый».

8–Тхьэм иунашъо къэжъугъэнагъэу, цІыфхэм къакІэ­ныжьыгъэ хабзэхэм шъуатет.

9–Шъуятэжъхэм къакІэныжьыгъэ хабзэхэр жъугъэцэ­кІэнхэм пае, Тхьэм иунашъо зы лъэныкъокІэ ешъогъэ­зы,– къыпигъэхъожьыгъ Исус. 10–Сыда пІомэ пегъымбар Мусэ ыГуагъ:* «Уятэрэ уянэрэ лъытэныгъэ афэшІ», ыкІи «Хэти щэрэт зятэ е зянэ ІэягъэкІэ тегущыІэрэр шъуукІын фае». 11,12Ау шъо шъоІо: «Зы цІыф горэм ежьым ятэ е янэ мырэущтэу риІомэ: Сэ тынэу шъо шъостын слъэкІыщтгъэр джы корбан сшІыщт, ыІоу, (ащ къикІырэр Тхьэм пае тын сшІыщт), ащыгъум а цІыфым ятэ е янэ зи фимышІэнэу фит». 13Арэущтэу шъушІы­зэ, шъуятэжъхэм яхабзэхэу шъо шъукъохэм къафэ­жъугъанэхэрэмкІэ Тхьэм игущыІэхэр зы лъэныкъокІэ ешъогъэзых. Ащ фэдэ Іаджи шъошІэ.

 

7:6-7 Пегъымбар Исайас . . . итхылъ ит – еплъ Пегъымбар Исайас тхылъэу ытхыгъэм 29:13.

7:10 пегъымбар Мусэ ыІуагъ – еплъ Пегъымбар Мусэ ятІонэрэ тхылъэу ытхыгъэм 20:12; 21:17.

 

14Исус цІыф купышхом джыри зэ къяджи ариІуагъ:

–Шъо пстэури шъукъысэдэІу, къасІорэри зыгурыжъу­гъаГу. 15ЦІыфыр мыкъабзэу зышІын зылъэкІырэр шхы­нэу ышхырэр арэп, ыгу къикІыхэрэр ары нахь. 16Рыдэ­Іонэу тхьакІумэ зиІэм зэхерэх.

17Исус цІыф купышхом хэкІыжьи, унэм зехьажьым, игъогу рыкІохэрэр а гъэсэныгъэ къэбарым ехьылІагъэу къеупчІыгъэх.

18–Шъори зи къыжъугурымыІоу ара?– ариІожьыгъ Исус. –ЦІыфым шхынэу ышхырэм ежьыр мыкъабзэу ышІын зэримылъэкІырэр къыжъугурыІорэба? 19Сыда пІомэ цІыфым шхынэу ышхырэр ыгу ихьэрэп, ыныбэ ехьэ нахь, етІани пкъым хэкІыжьы. (А гущыІэхэмкІэ Исус шхын пстэури хьалэлэу ыІуагъ.)

20–ЦІыфым ыгу къикІырэр ары мыкъабзэу зышІырэр,–къыпигъэхъожьыгъ Исус. 21–Сыда пІомэ цІыфым ыкІо­цІырэ ыгурэ ары мыхэр къызэрыкІыхэрэр: гупшысэ бза­джэхэр, зинэ шІэныр, тыгъоныр, цІыф укІыныр, 22нэй­псыеныр, бзэджагъэр, тхьагъэпцІыгъэр, мыхъомышІэ псэу­кІэр, шъугъоныр, цІыфхэм ІэягъэкІэ атегущыІэныр, пэ­гагъэр, делагъэр. 23А бзэджэгъэ пстэури гу кІоцІым къекІыхэшъ, цІыфыр мыкъабзэу ашІы.

 

Сирофиникие хэкум щыщ бзылъфыгъэм шІошъхъуныгъэу

иІагъэр

(Маттэ 15:21-28)

 

24ЕтІанэ Исус а чІыпІэм икІи, къалэхэу Тиррэ Сидонрэ яІэгъо-благъо кІуагъэ. Зы унэ горэм зехьэм, ащ дэжьым ежьыр зэрэщыІэр зыми ышІэнэу фэягъэп, ау ар гъэбэ­лъыгъэу хъугъэп. 253ы бзылъфыгъэу джынапцІэ зыхэс пхъу зиІэм Исус къызэрэкІуагъэр зэрэзэхихэу къакІуи, ылъакъохэм адэжь зыщыридзыхыгъ. 26А бзылъфыгъэр Сирофиникие хэкум щыщыгъ, ыбзи урымыбзагъ*. Ып­хъу джынапцІэр хифынэу Исус къелъэІугъ.

27–Ыпэ рапшІэу сабыйхэм загъэгъэшхэкІ,– риІуагъ Исус а бзылъфыгъэм, –сыда пІомэ сабыйхэм хьалы­гъур аІыпхэу, хьэхэм ябгъэшхыныр тэрэзэп.

7:26 урымыбзэр – иунаныбзэр ары.

28–Шъыпкъэ, тхьаматэ,– къыриІожьыгъ бзылъфыгъэм, –ау сабыйхэм къаІэпытэкъурэ хьалыгъу шкъойхэр Іэнэ чІэгъым чІэс хьэхэми ашхых.

29–А гущыІэр къызэрэпІуагъэм пае, джынапцІэр о ппхъу хэкІыжьыгъ,– риІуагъ Исус. –О уиунэ кІожь.

30Бзылъфыгъэр унэм къызэкІожьым, джынапцІэр хэ­кІыжьыгъэу, ыпхъу пІэм хэлъэу къыгъотыжьыгъ.

 

Исус дэгоу ыкІи гущыІэгъуаеу щыт лІы горэ зэригъэхъужьыгъэр

 

31Ащ ыужым Исус къалэхэу Тиррэ Сидонрэ* яІэ­гъо-благъо къикІыжьи, КъэлипшІ* зыцІэ хэкум кІоцІы­рыкІи, Галилей псыхъураем къэкІожьыгъ. 32Джащыгъум дэгоу ыкІи гущыІэгъуаеу щыт лІы горэ цІыфхэм Исус къыфащи, ыІэ тырилъхьанэу къелъэІугъэх.

33Исус а лІыр цІыфхэм зы лъэныкъокІэ ахищи, яза­къоу къызэнэжьхэм, ыІэхъуамбэхэр лІым ытхьакІумэхэм ариІухи, ужъунтхи, лІым ыбзэгу теІэбагъ. 34ЕтІанэ уашъом дэплъыий, куоу хэщэтыкІи, а лІым риІуагъ: «Еффатэ!» (Еффатэм къикІырэр, «ПтхьакІумэхэм зыкъызэІуахы­жьыщт!») 35Ардэдэм лІым ытхьакІумэхэм зэхахэу хъу­жьыгъэх, ыбзэгуи къытІупщыжьи, къабзэу къэгущыІэу ыублагъ.

36Исус цІыфхэм ар зыми рамыІотэжьынэу унашъо афи­шІыгъ. Ау сыд фэдизэу унашъо афишІыгъэми, а Іофыр нахьыбэу агъэІущтыгъ. 37ЦІыфхэм хъугъэ-шІагъэр ин дэдэу агъэшІагъозэ аІощтыгъ:

–ЗэкІэри дэгъоу ышІагъ. Дэгухэм зэхахэу егъэхъу­жьых, бзакохэри къегъэгущыІэх.

 

7:31 къалэхэу Тиррэ Сидонрэ – еплъ Маттэ 11:21. 7:31 КъэлипшІ – еплъ Маттэ 4:25.

 

 

08

ЯЕНЭРЭШЪХЬ

 

Исус нэбгырэ миниплІ зэригъэшхагъэр

(Маттэ 15:32-39)

 

А мафэхэм джыри зэ цІыф купышхо къэзэрэугъоигъ. Ахэмэ ашхын зи яІагъэпти, Исус игъогу рыкІохэрэм къяджи ариІуагъ:

2–ЦІыф купышхом сыгу ягъу, сыда пІомэ мэфищ хъугъэу сигъус, ышхыни иІэп. 3МэлакІэ лІэхэу пІыф­хэр стІупщыжьхэмэ, гъогум щызэхэфэщтых, сыда пІомэ чыжьэу къикІыгъэхэр ахэмэ ахэтых.

4–Мы шъоф нэкІым ахэмэ афырикъун хьалыгъу зы­горэм тыдэ къихын ылъэкІына?– аІуи, игъогу ры­кІохэрэм Исус къыраІожьыгъ.

5–Хьалыгъу тхьапша шъуиІэр?– яупчІыгъ Исус ахэмэ. –Хьалыгъуибл тиІ,– къаІожьыгъ ахэмэ. 6Джащыгъум Исус цІыф купышхор чІыгум етІысэхын­хэу унашъо ышІыгъ. Хьалыгъуиблыр къыштэхи, Тхьэм щытхъу фишІыгъ. ЕтІанэ хьалыгъухэр зэгуичыхи, цІыф купышхом ыпашъхьэ ралъхьанхэу игъогу рыкІохэрэм аритыгъэх. Ахэми арэущтэу ашІыгъ. 7Пцэжъые цІыкІу заули яІагъ. Ахэмэ апаий Исус Тхьэм щытхъу фишІи, ахэри цІыфмэ апашъхьэ ралъхьанхэу игъогу рыкІохэрэм ариІуагъ. 8ЦІыфхэр шхагъэх ыкІи загъэшхэкІыгъ. Ащ нэужым хьалыгъу такъырхэу къялыжьыгъэхэр мэтибл ар ызэу аугъоижьыгъэх. 9Шхагъэхэр нэбгырэ миниплІы фэдиз хъущтыгъэх. ЕтІанэ Исус цІыфхэр ытІупщыжьыгъэх. 10 ЦІыфхэр зетІупщыжьыхэ ужым, игъогу рыкІохэрэр игъу­сэхэу къуашъом итІысхьи, къуаджэу Далмануфэ иІэгъо­благъо кІуагъэ.

 

Зы нэшэнэ гъэшІэгъонышхо горэ уашъом къафыригъэхынэу фарисейхэр Исус къызэрелъэІугъэхэр

(Маттэ 16:1-4; Лука 11:29-32)

 

11Фарисейхэр Исус ыдэжь къакІохи, гущыІэкІэ къены­къокъухэу къаублагъ. Ежьыр агъэунэфыным пае, зы нэ­шэнэ гъэшІэгъонышхо горэ уашъом къафыригъэхынэу фэягъэх. 12Исус ыгукІэ куоу хэщэтыкІи къыІуагъ:

–Джырэ цІыфхэр нэшэнэ гъэшІэгъонышхо сыд пае кІэупчІэхэра? Шъыпкъэр шъосэІо, Тхьэм джырэ цІыф­хэм нэшэнэ гъэшІэгъонышхо зи къаритыщтэп.

13ЕтІанэ Исус ахэр къыгъанэхи, къуашъом итІысхьи, псыхъураем иадрабгъу зэпырыкІыжьыгъ.

 

Фарисейхэм ятэджэпсырэ пачъыхьэ Ирод итэджэпсырэ

(Маттэ 16:5-12)

 

14Исус игъогу рыкІохэрэм икъун хьалыгъу къызда­хьынэу ащыгъупшэгъагъ. Къуашъом илъэу, зы хьалы­гъу закъо нэмыкІ зи къыздахьыгъэп. 15Исус ахэмэ афи­гъэпытэу ариІуагъ:

–Шъуфэсакъ, фарисейхэм ятэджэпсырэ пачъыхьэ Ирод итэджэпсырэ защышъуухъум.

16–Хьалыгъу тиІэпышъ ары ащ зыкІиІорэр,– зэраІоу, игъогу рыкІохэрэр а Іофым тегущыІагъэх.

17Исус ахэмэ аІорэм гу лъити ариІуагъ:

–Хьалыгъу зэрэшъуимыІэм сыд пае шъутегущыІэрэ? Джыри зи зэхэшъумышІыкІэу ыкІи къыжъугурымыІоу ара? Ащ фэдизэу шъугуркъэу* шъущыта? 18Нэ шъуиІэ пэтми, шъумылъэгъоу ара? ТхьакІумэ шъуиІэ пэтми, зэхэшъумыхэу ара? 19Шъугу къэкІыжьырэба, хьалыгъуи­тфыр цІыф минитфым зафызэгосэчым, хьалыгъу такъыр матэхэу сыд фэдиза арызэу шъуугъоижьыгъэхэр?

–Мэтэ пшІыкІутІу,– къыраІожьыгъ ахэмэ.

20–Хьалыгъуиблыри цІыф миниплІым зафызэгосэчым, хьалыгъу такъыр матэхэу сыд фэдиза арызэу шъуугъои­жьыгъэхэр?

–Мэтибл,– къыраІожьыгъ ахэмэ.

21–Джыри зи къыжъугурымыІоу ара?– ариІуагъ Исус ахэмэ.

 

8:17 гуркъэ – еплъ 3:5.

 

Исус Вифсайдэ къуаджэм щыщэу лІы нэшъу горэ зэригъэхъужьыгъэр

 

22ЕтІанэ Исусрэ игъогу рыкІохэрэмрэ Вифсайдэ къу­аджэм* къэкІуагъэх. ЦІыфхэм лІы нэшъу горэ Исус къыфащи, теІэбэнэу елъэІугъэх. 23Исус нэшъум ыІэ ыубыти, къуаджэм дищыгъ. ЕтІанэ нэшъум ынэхэм акІэужъунтхи, ыІэхэр нэшъум тырилъхьэхи еупчІыгъ:

–Зыгорэ олъэгъуа?

24Нэшъум ышъхьэ къыІэти къыІуагъ:

–ЦІыфхэм къакІухьэу сэлъэгъух. Ахэр чъыгхэм афэ­дэх.

25ЕтІанэ Исус ыІэхэр джыри зэ нэшъум ынитІумэ атырилъхьажьыгъэх. Ащ дэжьым лІым тэрэзэу ылъэ­гъоу хъугъэ. Ар хъужьи, пстэури нафэу ылъэгъоу хъужьыгъэ. 26Ащ нэужым Исус а лІым риІуагъ:

–Къуаджэм удэмыхь, зыми зи емыІу.

ЕтІанэ ядэжь ыгъэкІожьыгъ.

 

«Оры Христосыр», ыІуи, Петрэ Исус зэрэриІуагъэр

(Маттэ 16:13-20; Лука 9:18-21)

 

27Исусрэ игъогу рыкІохэрэмрэ Кайсарфилипие къа­лэм* иІэгъо-благъо икъуаджэхэм алъэныкъомкІэ кІуа­гъэх. КІохэзэ, Исус игъогу рыкІохэрэм яупчІыгъ:

–ЦІыфхэм сэ хэт сыщыщэу аІора?

28–Зы купым о уумэхъэкІо Иуанэу аІо,– къыраІо­жьыгъ ахэмэ. –НэмыкІхэми о упегъымбар Илясэу* аІо. ЕтІанэ адрэхэми о пегъымбархэмэ уащыщ горэу аІо.

29–Адэ шъори, сэ хэт сыщыщэу шъуІора?– яупчІыгъ Исус ахэмэ.

–Оры Христосыр*,– ыІуи, Петрэ Исус къыриІожьыгъ.

 

8:22 Вифсайдэ къуаджэр – Вифсайдэ къуаджэр Иулиас зыцІэ къуаджэу Галилей псыхъураем итемыр тыгъэ къыкъокІыпІэ Іушъом Іутыгъэр арыщтын.

8:27 Кайсарфилипие къалэр – Галилей псыхъураем километрэ 40-кІэ пэчыжьэу, итемыр лъэныкъомкІэ итыгъ.

8:28 пегъэмбар Иляс – еплъ Маттэ 16:14.

8:29 Христос – еплъ Маттэ 1:17.

 

30Ащ дэжьым Исус ар зыми рамыІотэжьынэу ахэмэ афигъэпытагъ.

 

Исус ежьыр зэраукІыщтри, лІагъэхэм къызэрахэтэджыкІыжьыщтри къызэриІуагъэр

(Маттэ 16:21-28; Лука 9:22-27)

 

31Джащыгъум Исус игъогу рыкІохэрэм мырэущтэу аригъашІэу ыублагъ:

–ЦІыф Лъэпкъым Ыкъо* къиныбэ ыщэчын фаеу щыт. Нахьыжъхэми*, дин пэщэшхохэми*, Тэурат егъэджэ­кІо пащэхэми* ежьыр зэрамыпэсын ыкІи аукІын фаеу щыт, мэфищ нэужми лІагъэхэм къахэтэджыкІыжьын фаеу щыт.

32Исус мы Іофхэр шъхьаихыгъэу къыІуагъэх. Джащы­гъум Петрэ Исус зы лъэныкъокІэ Іуищи, фимыдэу ыу­благъ.

33Ау Исус зыкъызэригъэзэкІи, игъогу рыкІохэрэм яплъи, Петрэ егыигъ:

–Сауж икІ, шэйтан! О уигупшысакІэ Тхьэм игупшы­сакІэу щытэп, цІыфым игупшысакІэу щыт нахь.

34ЕтІанэ Исус цІыф купышхомрэ игъогу рыкІохэрэм­рэ къяджи ариІуагъ:

–Зыгорэ сэ сауж къырыкІонэу фаемэ, ежьыр зыфэе Іофхэр къерэгъанэхи, лІэныгъэм икъащ къерэшти, сауж къырэрэкІу; 35сыда пІомэ хэти зыпсэ мыкІодэу къэзы­гъэнэжьынэу фаем ыпсэ шІокІодыщт, ау хэти сэщ пае­рэ къэбарышІум* паерэ зыпсэ зышІокІодрэм ыпсэ мы­кІодэу къыгъэнэжьыщт. 36Дунаер зэкІэ зы цІыфым ие хъоу, ежьыр кІодмэ, ишІуагъэу къэкІощтыр сыда? 37ЦІы-

 

8:31 ЦІыф Лъэпкъым Ыкъо – еплъ Маттэ 8:20.

8:31 нахьыжъхэр – еплъ Маттэ 16:21.

8:31 дин пэщэшхохэр – еплъ Маттэ 2:4.

8:31 Тэурат егъэджэкІо пащэхэр – еплъ Маттэ 2:4.

8:35 къэбарышІур – Исус Христос ехьылІэгъэ къэбарышІур ары. Тхьэм пегъымбархэм ягущыІэкІэ цІыфхэр къызэригъэгугъэгъэ Іофхэр Исус Христос Іофэу ышІагъэмкІэ къыыгъэшъыпкъэжьхэзэ ыгъэхъугъэх, арэущтэуи цІыфхэр мыкІодхэу къызэригъэнэжьыщтхэ гъогу афишІыгъ.

 

фым ыпсэ пае уасэу сыд ытышъущтыр? 38Джырэ цІыф­хэу Тхьэр зымышІэхэу, псэкІод зышІэхэрэм ащыщэу хэти сэррэ сэ сигущыІэхэмрэ къыттеукІытыхьэрэм, сэ ЦІыф Лъэпкъым Ыкъуи а цІыфым сытеукІытыхьажьыщт, мэ­лэІич лъапІэхэр сигъусэхэу сэ Сятэ ищытхъушхо фэдэ щытхъушхо сиІэу сыкъызыкІожькІэ.

 

 

09

ЯБГЪОНЭРЭШЪХЬ

 

–Шъыпкъэр шъосэІо,– ариІуагъ Исус ахэмэ, –Тхьэм и Тетыгъошхо* лъэкІыныгъэшхокІэ къэкІуагъэу алъэ­гъуфэ, мыщ дэжьым щыт цІыфхэм ащыщхэу заулэм лІэныгъэр алъэгъущтэп.

 

Исус итеплъэ зэрэзэрихъокІыгъэр

(Маттэ 17:1-13; Лука 9:28-36)

 

2Мэфих зытешІэ ужым, Исус Петри, Якъуби, Иуани зыдищэхи, зы Іошъхьэ лъагэ горэм язакъоу дищэя­гъэх. Джащыгъум ахэмэ апашъхьэ Исус итеплъэ щызэри­хъокІыгъ. 3Дунаим тет гыкІакІо горэм щыгъынхэр фыжьэу зэригыкІышъущтхэм нахьи, Исус ищыгъынхэр нахь фыжьыбзэу, къэлыдэу хъугъэх. 4Ащ дэжьым пе­гъымбархэу Илясрэ Мусэрэ ахэм къафэлъэгъуагъэх, ахэри Исус къыдэгущыІэхэу щытыгъэх.

5–Равви, мыщ дэжьым тызэрэщыІэр дэгъу,– ыІуи, Петрэ Исус къыриІуагъ. –Чэлищ щыдгъэІэн, ощ пае зы, Мусэ паий зы, Иляс паий зы.

6Петрэ ыІон ышІагъэп; сыда пІомэ ахэр щтагъэхэти ары.

7Джащыгъум зы ошъуапщэ къакІуи къашъхьэщы­хьагъ. Ошъуапщэм зы макъэ горэ къыхэІукІыгъ:

–Мары сэ шІу слъэгъурэ Скъо кІасэр. Ащ ыІорэм шъуедэІу.*

 

9:1 Тхьэм и Тетыгъошхо – еплъ 1:15.

9:7 Мары сэ шІу слъэгъурэ Скъо кІасэр. Ащ ыІорэм шъуедэІу! – еплъ Сэбур (Псалтыр) 2:7; Пегъымбар Мусэ апэрэ тхылъэу ытхы­гъэм 22:2 ыкІи ятфэнэрэ тхылъэу ытхыгъэм 18:15.

 

8ОшІэ-дэмышІэу, зызэплъэкІыжьхэм, ахэмэ ягъусэу Исус нэмыкІ зи алъэгъужьыгъэп.

9Ахэр Іуашъхьэм къехыжьхэзэ, ежьырэу ЦІыф Лъэ­пкъым Ыкъо лІагъэхэм къахэтэджыкІыжьыфэ, алъэгъу­гъэр зыми рамыІотэжьынэу Исус унашъо афишІыгъ. 10А гущыІэхэр агу раубытагъэх, «ЛІагъэхэм къахэтэджы­кІыжьынэу Исус зыфиІуагъэм къыригъэкІыгъэр сыда?» аІозэ зэупчІыжьыгъэх.

11Ахэр Исус къеупчІыгъэх:

–Тэурат егъэджэкІо пащэхэм ыпэ рапшІэу пегъымбар Иляс къэкІон фаеу аІоу, сыда зыкІаІорэр?

12–Шъыпкъэ, ыпэ рапшІэу Иляс къэкІонышъ, Іоф пстэури тэрэзэу зэтыригъэуцожьын фае,– ариІожьыгъ Исус, –ау Тхьэм игущыІэ тхыгъэхэм зэрарытым фэдэу, ЦІыф Лъэпкъым Ыкъо къиныбэ ыщэчын фаеу щыт, цІыфхэми зэрамыпэсын фаеу щыт. 13Ау сэ шъосэІо, Иляс къэкІогъах,* Іоф бзэджагъэу ежьым рашІэнхэу зыфэягъэхэри рашІагъэх, ежьым ехьылІагъэу Тхьэм игу­щыІэ тхыгъэхэм зэрарытым фэдэу.

 

Исус джынапцІэ зыхэс кІалэ горэ зэригъэхъужьыгъэр

(Маттэ 17:14-20; Лука 9:37-43а)

 

14Исусрэ игъусищрэ адрэ нэбгырэхэу игъогу ры­кІохэрэм адэжь къызагъэзэжьым, цІыф купышхом ахэр къауцухьагъэхэу, Тэурат егъэджэкІо пэщэ куп ахэмэ къянэкъокъухэу алъэгъугъэх. 15Исус къызалъэгъум, цІыф купышхом зэкІэ агъэшІагъуи, къыбгъодэлъадэхи, шІуфэс къырахыгъ.

16–Сыдым ехьылІагъэу ахэмэ шъуянэкъокъура?–яупчІыгъ Исус игъогу рыкІохэрэм.

17ЦІыф купышхом хэтэу зыгорэм къыриІуагъ:

–Дин гъэсакІу, джынапцІэу сэ сикІалэ бзако зышІы­рэр хэсти, къыпфэсщагъ. 18ДжынапцІэр кІалэм къыха­хьэ къэс, чІыгум къытыредзэ. ЫІупс къыІутІэтІэу, ыцэ­хэр зэригъэшхыхэу зэтекъэ. О уигъогу рыкІохэрэм

 

9:13 Иляс къэкІогъах – Исус зыфиІуагъэр умэхъэкІоу Иуан (Яхьяр) ары. Иуан Христос игъогу ыгъэпсынэу Тхьэм къызэригъэгугъэгъэ пегъымбар Иляс ары. Еплъ Маттэ 16:14.

 

джынапцІэр хафынэу сялъэІугъ, арышъхьакІэ ахэмэ ар хафын алъэкІыгъэп.

19–Еоой, шъо джырэ цІыфхэу шІошъхъуныгъэ зимы­Іэхэр,– ариІожьыгъ Исус. –Сыд фэдизрэ сышъухэтын фая? Сыд фэдизрэ шъусщыІэн фая? А кІалэр къысфа­шъущ.

20Ахэмэ кІалэр Исус къыфащагъ. Ау джынапцІэм Исус зэрилъэгъоу, кІалэр къыгъэкІэзэзыгъ. КІалэр чІы­гум къытефи, Іупсыр къыІутІэтІэу укІорэигъэ.

21–Сыд фэдиз хъугъэу мыщ фэдэу щыта?– еупчІыгъ Исус кІалэм ятэ.

–ИцІыкІугъэ къыщегъэжьагъэу арэущтэу щыт,– къы­Іожьыгъ ятэ. 22–ДжынапцІэм ар ыгъэкІодыным пае, машІоми псыми бэрэ ахидзэщтыгъ. Зыгорэ пшІэн плъэ­кІымэ, гукІэгъу къытфэшІи къыддэІэпыІ.

23–«Зыгорэ пшІэн плъэкІымэ», оІо,– риІуагъ Исус а лІым. –ШІошъхъуныгъэ зиІэм сыдрэ Іофи ышІэн елъэ­кІы.

24Ардэдэм кІалэм ятэ къэкууагъ:

–Сэ сшІошъ мэхъу, сишІошъмыхъуныгъэ сытекІонэу къыздэІэпыІ, тхьаматэ.

25Исус цІыф купышхо къэзэрэугъоигъэу зелъэгъум, джынэпцІэ Іаем егыий риІуагъ:

–О, цІыфхэр бзакоу ыкІи дэгоу зышІырэ джынапцІ, унашъо къыпфэсэшІы, мы кІалэм хэкІыжьи, ныбжьи укъыхэмыхьажь.

26ДжынэпцІэ Іаер къыхэкуукІи, кІалэр лъэшэу къы­гъэкІэзэзи хэкІыжьыгъ. КІалэр хьадэм фэдэу хъугъэ. Арыти, а цІыфхэм ащыщыбэхэм, «Ар лІагъэ» аІуагъ. 27Ау Исус кІалэм ыІэ къыубыти, ылъакъохэм атыригъэуцуагъ, кІалэри къэтэджыжьыгъ.

28Ащ ыужым Исус унэ горэм зехьэм, игъогу рыкІохэрэм язакъоу къызынэжьхэм, къеупчІыгъэх:

–Сыд пае а джынапцІэр тэ хэтфын тымылъэкІыгъа?

29–Мыщ фэдэ лъэпкъыр тхьэлъэІунымрэ нэкІынымрэ афэшъхьафкІэ цІыфым хэпфышъущтэп,– ариІожьыгъ Исус.

 

Исус ежьыр зэраукІыщтри, лІагъэхэм къызэрахэтэджыкІыжьыщтри ятІонэрэу къызэриІуагъэр

(Маттэ 17:22-23; Лука 9:43б-45)

 

30Исусрэ игъогу рыкІохэрэмрэ а чІыпІэм икІыхи, Галилей хэкум кІоцІырыкІыгъэх. Ахэр зыдэщыІэхэр Исус зыми къышІэнэу фэягъэп, 31сыда пІомэ игъогу рыкІо­хэрэм Іофхэр аригъашІэщтыгъэхэти ары. Ахэмэ мырэу­щтэу ариІуагъ:

–ЦІыф Лъэпкъым Ыкъо цІыфхэм аІэкІэхьанышъ, ахэмэ ежьыр аукІыщт, ау заукІы ужым, мэфищ те­шІагъэу лІагъэхэм къахэтэджыкІыжьыщт.

32Ау игъогу рыкІохэрэм а гущыІэхэм къарыкІырэр къагурыІуагъэп, ежьым къеупчІынхэуи щынэщтыгъэх.

 

Хэта анахь ин дэдэр?

(Маттэ 18:1-5; Лука 9:46-48)

 

33Капернаум къалэм къэкІожьыгъэх. Унэм зехьэхэм, Исус игъогу рыкІохэрэм яупчІыгъ:

–Гъогум шъузытетым, сыда шъузытегущыІагъэр?

34Ау ахэмэ заушъэфыгъ, сыда пІомэ ахэр гъогум зы­тетхэм, «Тэ тщыщэу хэт анахь ин дэдэр», аІоти зэнэ­къокъущтыгъэх.

35Исус тІыси, игъогу рыкІорэ нэбгырэ пшІыкІутІум къяджи ариІуагъ:

–Зыгорэ апэ итынэу фаемэ, ар ауж дэдэу хъун фае, пстэу­ми Іофтабгэуи афэхъун фае.

36Зы сабый горэм ыІэ къыубыти, агузэгу ригъэуцуи, ІаплІ рищэкІи ариІуагъ:

37–Хэти мыщ фэдэ сабыир сэ сцІэкІэ къезыгъэбла­гъэрэм сэ сыригъэблэгъагъэу мэхъу; хэти сэ сезыгъэ­благъэрэми сэ сизакъоу арэп ригъэблагъэрэр, сэ сыкъэ­зыгъэкІуагъэри ары.

 

Къытпэмыуцурэр тигъус

(Лука 9:49-50)

 

38–Дин гъэсакІу, лІы горэм о пцІэкІэ джынапцІэхэр цІыфхэм ахифхэу тлъэгъугъэ,– ыІуи, Иуан Ису къыриІуагъ. –Ар тэ зэрэтщымыщым пае зэтетІэжьэнэу тыпылъыгъ.

39–ЗэтешъумыІажь ар,– къыІуагъ Исус, –сыда пІомэ сэ сцІэкІэ Іофышхо гъэшІэгъон зышІэрэр ащ лъыпытэу ІэягъэкІэ къыстегущыІэн ылъэкІыщтэп. 40Сыда пІомэ тэ къытпэмыуцурэр тигъусэшъ ары. 41Шъыпкъэр шъо­сэІо, Христос игъогу шъузэрэрыкІорэм пае, зы псы шъуалъэ шъуезыгъашъорэм ифэшъошэ ІэхьышІу шІо­кІодыщтэп.

 

ЦІыфхэм псэкІод ашІэнэу дэзыхьыхырэ Іофхэр

(Маттэ 18:6-9; Лука 17:1-2)

 

42–Мы цІыкІухэм ащыщэу сэркІэ шІошъхъуныгъэ зиІэм псэкІод ышІэнэу хэти дэзыхьыхрэм ыпшъэтыкъ мыжъо шъхьал кІэрашІэу, хым хадзагъэмэ, ежьымкІэ нахьышІущтыгъ. 43,44О пІэ псэкІод пшІэнэу удихьыхмэ, пыупкІыжь. УІитІу псаоу джэхьнэмэу цІыфылыр зышхы­щтэу, хьамлыухэр зыщымылІэжьыщтэу, зимашІуи мы­кІосэжьыщтым* укІоным нахьи, уІащэу мыкІодыжьын щыІэныгъэ бгъотыныр оркІэ нахьышІу. 45,460 плъакъуи псэкІод пшІэнэу удихьыхмэ, пыупкІыжь. ПлъэкъуитІу псаоу джэхьнэмэу цІыфылыр зышхыщтэу, хьамлыухэр зыщымылІэжьыщтэу, зимашІуи мыкІосэжьыщтым упа­дзэным нахьи, улъащэу мыкІодыжьын щыІэныгъэ бгъо­тыныр оркІэ нахьышІу. 47,48Ащ фэдэуи, о унэ псэкІод пшІэнэу удихьыхмэ, къитхъыжь. УнитІу псаоу джэхь­нэмэу цІыфылыр зышхыщтэу, хьамлыухэр зыщымылІэ­жьыщтэу, зимашІуи мыкІосэжьыщтым упадзэным нахьи, зы нэ нахь уимыІэми, Тхьэм и Тетыгъошхо ыІэчІэгъ учІэхьаныр оркІэ нахьышІу. 49Тхьэм хэтрэ цІыфи машІокІэ ыщыущт, сыдрэ къурмэныпхъэри щыгъукІэ ащыущт.

50–Щыгъур дэгъу. Ау щыгъум ищыугъэ хэкІымэ, сы­дэущтэу ищыугъэ хэшъулъхьажьыщт? Щыугъэ зыхэжъу­гъэлъ, шъузэгурыІоуи шъузэдэпсэу.

 

9:43 хьамлыухэр зыщымылІэжьыщтэу, зимашІуи мыкІосэжьыщтыр –еплъ Пегъымбар Исайас тхылъэу ытхыгъэм 66:24.

 

 

10

ЯПШІЭНЭРЭШЪХЬ

ЯПШІЭНЭРЭШЪХЬ

Шъхъэгьусэ тІупщыжьыным ехьылІагъ

(Маттэ 19:1-12)

Исус а лъэныкъом икІыжьи, Иудей хэкоу Иордан псыхъом иадрабгъу щыІэм кІуагъэ. Джыри зэ цІыф купышхохэр ыдэжь къыщызэрэугъоигъэх, зэрихабзэуи Исус ахэмэ Тхьэм игущыІэхэр аригъашІэхэу ыублагъ.

2Джащыгъум фарисей заулэ Исус къыбгъодахьэхи, ежьыр хагъэукъоным пае, къеупчІыгъэх:

–ЛІым ишъуз ытІупщыжьыныр хабзэкІэ хъущта?

3–Пегъымбар Мусэ унашъоу сыда къышъуфишІыгъэр?–ариІожьыгъ Исус ахэмэ.

4–ЛІы горэм ишъуз зэритІупщыжьырэ тхылъ ытхы­мэ, шъузыр ытІупщыжьынэу пегъымбар Мусэ фит ышІыгъ*,– къаІожьыгъ ахэмэ.

5–Шъуигуркъагъэ* пае пегъымбар Мусэ а унашъор къышъуфитхыгъ,– ариІожьыгъ Исус ахэмэ. 6–Ау убла­пІэм дэжь Тхьэм щыІэр зэкІэ къызегъэхъум, цІыфхэр «хъулъфыгъэрэ бзылъфыгъэрэ къыгъэхъугъэх»*. 7«Ащ къыхэкІыкІэ* лІыр ятэ-янэхэм ахэкІынышъ, ишъуз гъусэ фэхъунышъ, 8итІур зыпкъы хъущтых». Арэу­щтэу ахэр зыпкъых нахь, пкъитІоу хъужьхэрэп. 9Арышъ, а тІоу Тхьэм гъусэ зэфишІыгъэхэр цІыфым зэгуигъэ­кІыжьы хъущтэп.

10ЕтІанэ унэм исхэу, игъогу рыкІохэрэр а ІофымкІэ Исус къеупчІыгъэх. 11Исус ариІуагъ:

–Хэтми зишъуз зытІупщыжьэу, нэмыкІ бзылъфыгъэ къэзыщэжьырэм апэрэ шъузымкІэ зинэ ышІагъэу мэхъу. 12Шъузыри илІ гокІыжьэу нэмыкІ лІы горэм дэкІожьмэ, ащи зинэ ышІагъэу мэхъу.

10:4 Мусэ фит ышІыгъ – еплъ Пегъымбар Мусэ ятфэнэрэ тхылъэу ытхыгъэм 24:1.

10:5 гуркъагъэ – еплъ 3:5.

10:6 хъулъфыгъэрэ бзылъфыгъэрэ къыгъэхъугъэх – еплъ Пегъымбар Мусэ апэрэ тхылъэу ытхыгъэм 1:27.

10:7-8 Ащ къыхэкІыкІэ – еплъ Пегъымбар Мусэ апэрэ тхылъэу ытхыгъэм 2:24.

Исусрэ сабыйхэмрэ

(Маттэ 19:13-15; Лука 18:15-17)

13ЕтІанэ цІыфхэм сабыйхэр Исус къыфащагъэх, Тхьэм ынэшІу ахэмэ къащифэным пае, Исус ахэмэ атеІэбэнэу. Ау Исус игъогу рыкІохэрэм афадагъэп. 14Исус ащ гу зы­лъетэм, ыгу ябгъэу ариІуагъ:

–Сабыйхэр садэжь къэрэкІох, зи яшъумыІоу, сыда пІомэ ащ фэдэхэр Тхьэм и Тетыгъошхо ыІэчІэгъ чІэ­тых. 15Шъыпкъэр шъосэІо, сабыим Тхьэм и Тетыгъошхо зэридэрэм фэдэу, хэтми Тхьэм и Тетыгъошхо зымыдэрэр а Тетыгъошхом ыІэчІэгъ чІэхьащтэп.

16ЕтІанэ Исус сабыйхэм ІаплІ арищэкІи, ыІэхэр аты­рилъхьэхи, Тхьэм ынэшІу къащифэнэу афелъэІугъ.

ЛІы баир

(Маттэ 19:16-30; Лука 18:18-30)

17Исус гъогум зытехьажьым, зы лІы горэ ыдэжь къачъи, лъэгонджэмышъхьэкІэ ыпашъхьэ къитІысхьи къе­упчІыгъ:

–Дин гъэсэкІо дэгъу, мыкІодыжьын щыІэныгъэ ІэхьышІоу къыслъысыным пае, сыда сшІэщтыр?

18–Сыда дэгъукІэ укъызкІысаджэрэр?– риІожьыгъ Исус а лІым. –Тхьэм нэмыкІэу зи дэгъу щыІэп. 19Тхьэм иуна­шъохэр ошІэх: «ЦІыф умыукІ, зинэ умышІэ, умытыгъу, нэмыкІ цІыфхэм пцІы атемылъхь, цІыфхэм яІэр гъэ­пцІэныгъэкІэ къатемых, уятэрэ уянэрэ лъытэныгъэ афэшІ».

20–Дин гъэсакІу,– къыриІожьыгъ а лІым Исус, –си­кІэлэгъу къыщегъэжьагъэу ахэр зэкІэ сэгъэцакІэх.

21Джащыгъум Исус а лІым еплъи, ыгу еІуи риІожьыгъ: –Зы уищыкІагъ. КІуи, уиІэ пстэури щэжьи, ахъщэр

тхьамыкІэхэм ят. Джащыгъум уашъом мылъкушхо щы­уиІэ хъущт. ЕтІанэ къащыр къашти, къакІуи, сауж къырыкІу.

22Ар Исус къызеІом, лІым ынэгу къызэІахьи, ыгу къеоу ІукІыжьыгъ, сыда пІомэ мылъкушхо иІагъэти ары.

23Исус зиплъыхьи, игъогу рыкІохэрэм ариІуагъ:

–Мылъку зиІэхэмкІэ Тхьэм и Тетыгъошхо ыІэчІэгъ чІэхьанхэу сыдэу къин!

24Исус игъогу рыкІохэрэм а гущыІэхэр зызэхаххэм, лъэшэу агъэшІэгъуагъ. Ау Исус джыри зэ ариІуагъ:

–Синыбджэгъухэр, мылъкум щыгугъыхэрэмкІэ Тхьэм и Тетыгъошхо ыІэчІэгъ чІэхьанхэр сыдэу къин! 25Баир Тхьэм и Тетыгъошхо ыІэчІэгъ чІэхьаным нахьи, ма­хъшэр мэстанэм икІыныр нахь ІэшІэх.

26Исус игъогу рыкІохэрэм ар нахьыбэу агъэшІагъуи зэраІожьыгъ:

–Арэущтэу щытмэ, ежьым зимыгъэкІодэу, хэт зыкъэ­зыгъэнэжьын зылъэкІыщтыр?

27Исус ахэмэ яплъи къыІуагъ:

–ЦІыфхэм ежьхэм замыгъэкІодэу зыкъагъэнэжьын алъэ­кІырэп, ау Тхьэм елъэкІы; сыда пІомэ Тхьэм ымылъэ­кІын Іоф зи щыІэп.

28–Мо къэдаІолъ, тэ тиІэгъэ пстэури къэдгъани, о уауж тыкъырыкІуагъ,– ыІуи, Петрэ Исус риІоу ыублагъ.

29,30–Шъыпкъэр шъосэІо,– къыІуагъ Исус, –хэт щыщми е зиунэ, е зышхэр, е зышыпхъухэр, е зянэ, е зятэ, е зишъуз, е зибынхэр, е зичІыгухэр сэщ паерэ къэбарышГум* паерэ къэзыгъэнагъэу, джы мы дунаем унэхэр, шыхэр, шыпхъухэр, ныхэр, бынхэр, чІыгухэрэ фэдишъэу щы­зымыгъотыжьыщт цІыф зи щыІэп, а цІыфыми къи­ныбэ рагъэщэчыщт. Адрэ дунаеми мыкІодыжьын щы­Іэныгъэ щыриІэ хъущт. 31Ау апэ итхэм ащыщхэу бэхэр ауж къинэщтых, ауж итхэри апэу хъущтых.

Исус ежьыр зэраукІыщтри, лІагъэхэм къызэрахэтэджыкІыжьыщтри ящэнэрэу къызэриІуагъэр

(Маттэ 20:17-19; Лука 18:31-34)

32Ерусалим дэкІуаехэу гъогум зытетхэм, игъогу ры­кІохэрэм апэ итэу Исус кІуагъэ. Ахэмэ агъэшІагъоу, щынагъо агухэм арылъэу, ыуж итхэу кІощтыгъэх. Исус джыри зэ игъогу рыкІорэ нэбгырэ пшІыкІутІур зы лъэ-

10:29-30 къэбарышІур – еплъ 8:35.

ныкъокІэ Іуищыхи, ежьым къехъулІэщтыр ариІоу ыублагъ.

З3–Мары, тэ джы ЕрусалимкІэ тыдэкІуае,– ыІуагъ. –Ащ дэжьым ЦІыф Лъэпкъым Ыкъо дин пэщэшхохэмрэ Тэу­рат егъэджэкІо пащэхэмрэ аІэкІэхьащт. Ахэмэ ежьым укІ къытыралъхьащт, хымэ лъэпкъхэми* аІэкІалъхьащт. 34Ахэр къыкІэнэкІэщтых, къытеужъунтхэщтых, къа­мыщкІэ къеощтых ыкІи аукІыщт. Мэфищ нэужми ежьыр лІагъэхэм къахэтэджыкІыжьыщт.

Якъубэрэ Иуанрэ Іофэу Исус зыкІелъэІугъэхэр

(Маттэ 20:20-28)

35Зеведей ыкъохэу, Якъубэрэ Иуанрэ Исус къыбгъо­дахьэхи къыраІуагъ:

–Дин гъэсакІу, тэ тыкъызэрэолъэІущтыр къытфэ­пшІэнэу тыфай.

З6–Сыда къышъуфэсшІэнэу шъузыфаер?– ариІуагъ Исус.

37–О уищытхъушхо къызыскІэ, зыр уиджабгъукІэ адрэр уисэмэгубгъукІэ тыкъэтІысынэу фит тыкъэшІ,– къыра­Іожьыгъ ахэмэ.

38–Шъо шъузыкІэлъэІурэр шъушІэрэп,– ариІуагъ Исус. –Сэ сызэшъощт къиныгъэм ишъуалъэ итым шъо шъуе­шъон шъулъэкІыщта, хьауми цІыфхэм Іаеу сызэраумэ­хъыщт шІыкІэм фэдэу, зяжъугъэумэхъын шъулъэкІы­щта?

39–ТлъэкІыщт,– къыраІожьыгъ ахэмэ.

–Сэ сызэшъощт къиныгъэм ишъуалъэ итым шъори шъуешъощт,– ариІуагъ Исус. –ЦІыфхэм сэ Іаеу сы­зэраумэхъыщт шІыкІэм фэдэу, шъори шъуаумэхъыщт. 40Ау сэ сиджабгъукІэ е сисэмэгубгъукІэ шъукъэтІы­сынэу фит шъусшІын слъэкІыщтэп. А тІысыпІэхэр цІыфхэу Тхьэм зыфигъэхьазырыгъэхэм яй.

41Адрэ нэбгырипшІэу Исус игъогу рыкІохэрэм ар зы­зэхахым, Якъубрээ Иуанрэ афэгубжыгъэх. 42Ащ дэжьым Исус игъогу рыкІохэрэм къяджагъ.

–Шъо шъошІэ,– ариІуагъ Исус, –мы дунаем пщы-

10:33 хымэ лъэпкъхэр – мыщ дэжьым ащ къикІырэр Рим (Рум) и цІыфхэу тетыгъо зиІэхэр ары.

кІэ щызаджэхэрэр цІыфхэм апшъэ зэрэдэсхэрэри, ятхьа­матэхэм цІыфхэм тетыгъо зэряфыряІэри шъошІэ. 43Шъо шъуазыфагу арэп зэрэщытын фаер. Шъуащыщэу ин хъу­нэу фаер Іофтабгэу къышъуфэхъун фае. 44Шъуащыщэу апэ итынэу фаери пстэуми пщылІ афэхъун фае. 45Сы­да пІомэ ЦІыф Лъэпкъым Ыкъо* цІыфхэм яшІуагъэ ежьым зэригъэкІыжьыныр арэп къызфэкІуагъэр, ежьым ишІуагъэ цІыфхэм аригъэкІыныр, цІыфыбэхэми апае ыпсэ шъхьэщэфыжьэу ытыныр ары нахь.

Исус Вартимей зыцІэ нэшъур зэригъэхъужьыгъэр

(Маттэ 20:29-34; Лука 18:35-43)

46Исусрэ игъогу рыкІохэрэмрэ Ерихон къалэм* къэ­кІуагъэх. ЦІыф купышхо ягъусэу ахэр къалэм зыдэкІы­жьхэм, Тимей ыкъоу Вартимей зыцІэу, зы лъэІокІо нэшъу горэ гъогу напцэм Іусыгъ. 47Назарет щыщ Исус зэрэблэкІырэр зызэхехым, мэкъэшхокІэ къэ­джагъ:

–Даутэ Ыкъо* Исус, гукІэгъу къысфэшІ!

48ЦІыфыбэхэм амыдэу «Щыгъэт!» раІуагъ. Ау ар джыри нахь мэкъэшхокІэ къэджагъ:

–Даутэ Ыкъу, гукІэгъу къысфэшІ!

49Исус къызэтеуцуи къыІуагъ:

–Мо шъукъедж.

–Умыщын, къэтэдж, ежьыр къыоджэ,– аІуи, нэшъум къеджагъэх. 50Нэшъум ищыгъын кІыІутелъ зытыридзы­жьи, къызщылъэти Исус ыдэжь къэкІуагъ.

51–Сыда къыпфэсшІэнэу узыфаер?– риІуагъ Исус а лІым.

–Равви, сынэхэр къэгъэплъэжьых,– къыриІуагъ нэшъум.

52–КІожь,– риІуагъ Исус. –О уишІошъхъуныгъэ уи­гъэхъужьыгъ.

Ардэдэм нэшъум ынэхэр къэплъэжьыгъэх, Исуси ыуж итэу гъогум техьагъ.

10:45 ЦІыф Лъэпкъым Ыкъо – еплъ Маттэ 8:20. 10:46 Ерихон къалэр – еплъ Маттэ 20:29. 10:47 Даутэ Ыкъо – еплъ Маттэ 9:27.

11

ЯПШІЫКІУЗЭНЭРЭШЪХЬ

 

Щытхъушхо иІэу, Исус Ерусалим зэрэдэхьагъэр

(Маттэ 21:1-11; Лука 19:28-40; Иуан 12:12-19)

 

Исусрэ игъогу рыкІохэрэмрэ Ерусалим игъунэгъу хъугъэх. Елеон Гуашъхьэм* Іус къуаджэхэу Виффагиерэ Вифаниерэ къызынэсхэм, Исус игъогу рыкІохэрэм ащыщ­хэу нэбгыритІу апэ ыгъэкІуагъэх, 2мырэущтэу ариІозэ:

–ШъуапэкІэ ит къуаджэм шъудахь. Шъузэрэдахьэу, щыд къунанэу зы цІыф горэ ныбжьи зытемытІысхьагъэр епхыгъэу шъуапэ къифэщт. Ар къыкІэрышъутІэтыкІи, мо къашъущэ. 3«Сыда шъушІэрэр?» ыІоу, зыгорэ къы­шъоупчІымэ, «Зиусхьаныр ащ фай», ешъуІуи, занкІэу къэшъущэнэу фит шъуишІыщт.

4Ахэр кІохи, урамым тетэу къэлапчъэ горэм епхы­гъэу, щыд къунан горэ къагъоти, къыкІэратІэтыкІыгъ. 5А чІыпІэм щытхэм ащыщхэм къараІуагъ:

–Сыд пае а щыд къунаныр къыкІэрышъутІэтыкІыра?

6Исус зэриІуагъэм фэдэу пэгъокІ аратыжьи, адрэхэм щыд къунаныр ащэнэу фит къашІыгъэх. 7Щыд къунаныр Исус ыдэжь къащи, ящыгъынхэр тыралъхьагъэх. ЕтІанэ Исус щыд къунаным тетІысхьагъ. 8ЦІыфыбэхэм ящы­гъынхэр гъогум тыраубгъощтыгъэх, нэмыкІхэми чъыг къутамэхэр хатэхэм къащыпаупкІыхэти, гъогум тыра­лъхьэщтыгъэх. 9ЦІыфхэу Исус ыпэ итхэу кІощтыгъэ­хэми, ыуж итхэу кІощтыгъэхэми мэкъэшхокІэ аІощтыгъ: –Хьусаннэ!* Зиусхьаным ыцІэкІэ къакІорэм щы­тхъушхор ий! 10Тятэшхоу Даутэ и Тетыгъоу къэкІощтым щытхъу­шхор ий! Хьусаннэ! Анахь Иным щытхъушхор ий!*

11Исус Ерусалим дахьи, Тхьэм иунэшхо чІэхьагъ. Зэпстэури къызеплъыхьэм ыуж, мафэр хэкІотагъэти, къалэм дэкІи, игъогу рыкІорэ нэбгырэ пшІыкІутІур игъусэхэу Вифание къуаджэм кІуагъэ.

 

11:1 Елеон Іуашъхьэр – еплъ Маттэ 21:1.

11:9 Хьусаннэ – щытхъу гущыІэ ары.

11:9-10 Еплъ Сэбур (Псалтыр) 118:25-26 (урыс библиемкІэ 117:25-26).

 

Исус ынджыр чъыгым зэребгыгъэр

(Маттэ 21:18-19)

 

12ЯтІонэрэ мафэм Вифанием зыдэкІыжьхэм, Исус къэмэлэкІагъ. 13Тхьапэхэр зыпыт ынджыр чъыг чыжьэ­кІэ зелъэгъум, зыгорэ пытмэ еплъынэу кІуагъэ. Чъыгым зынэсым, тхьапэ нэмыкІ зи пымытэу къычІэкІыгъ, сыда пІомэ ынджырым игъо щытыгъэпти ары. 14Арэущтэу зэхъум, Исус чъыгым риІуагъ:

–Непэ щегъэжьагъэу о къыппыкІэу егъашІэми зыми зи ерэмышх.

Игъогу рыкІохэрэм Исус къыІуагъэр зэхахыгъ.

 

Исус щэн-щэфакІохэр Тхьэм иунэшхо къызэрэчІифыгъэхэр

(Маттэ 21:12-17; Лука 19:45-48; Иуан 2:13-22)

 

15ЕтІанэ Ерусалим нэсыгъэх. Исус Тхьэм иунэшхо чІахьи, щэн-щэфакІохэу ащ чІэтхэр* къычІифыхэу ыу­благъ. Ахъщэ зыхъожьхэрэм* яІанэхэмрэ, тхьаркъо зыщэ­хэрэм япхъэнтІэкІухэмрэ зэпыригъэзагъэх. 16Тхьэм иунэшхо кІоцІыкІэ зыми зи щызэпырихынэу ыдагъэп.17ЦІыфхэм шъыпкъэр аригъашІэзэ, мыщ фэдэу ариІуагъ:

–Тхьэм къызэриІорэр игущыІэ тхыгъэхэм арытба:* «Сэ сиунэ лъэпкъ пстэуми тхьэлъэІупІэу афэхъущт?» Ау шъо «хъункІэкІо гъэбылъыпІэм»* фэдэу шъушІыгъэ.

18Дин пэщэшхохэмрэ Тэурат егъэджэкІо пащэхэмрэ Исус къыІуагъэхэр зызэхаххэм, ежьыр зэрагъэкІодыщт шІыкІэм лъыхъухэу аублагъ; сыда пІомэ Исус Іофхэу аригъашІэщтыгъэхэр цІыф купышхом ыгъэшІагъохэти, дин пэщэшхохэмрэ Тэурат егъэджэкІо пащэхэмрэ Исус щыщынэщтыгъэх.

19ЕтІанэ пчыхьэр къызэсым, Исусрэ игъогу рыкІохэ­рэмрэ къалэм дэкІыжьыгъэх.

 

11:15 щэн-щэфакІохэу ащ чІэтхэр – еплъ Маттэ 21:12.

11:15 ахъщэ зыхъожьхэрэр – еплъ Маттэ 21:12.

11:17 Тхьэм игущыІэ тхыгъэхэм арытба? – еплъ Пегъымбар Исайас тхылъэу ытхыгъэм 56:7.

11:17 хъункІэкІо гъэбылъыпІэ – еплъ Пегъымбар Иеремие тхылъэу ытхыгъэм 7:11.

 

Ынджыр чъыгэу гъугъэр

(Маттэ 21:20-22)

 

20Пчэдыжьым ынджыр чъыгым къызыблэкІыжьхэм, ылъапсэ нэсэу ар зэрэгъугъэр алъэгъугъ. 21Петрэ ащ дэжьым Исус ыІогъагъэр ыгу къэкІыжьи къыриІуагъ:

–Равви, еплъ, ынджыр чъыгэу узэбгыгъэр гъугъэ!

22–ТхьэмкІэ шІошъхъуныгъэ шъугухэм арыжъу­гъэлъ,– ариІожьыгъ Исус ахэмэ. 23–Шъыпкъэр шъо­сэІо, зыгорэм ыгу щэч къыримыгъахьэу, къыІорэр хъун­кІэ шІошъхъуныгъэ иІэу, мы Іуашъхьэм, «ЗыкъэІэти хым зыхадз», зиІокІэ, ар къыдэхъущт. 24Арышъ, шъо­сэІо, сыд щыщкІи Тхьэм шъуелъэІумэ, Тхьэм ар къы­зэрэшъуфишІэщтымкІэ шІошъхъуныгъэ шъугухэм ары­жъугъэлъи, къышъуфишІэщт. 25Тхьэм шъузелъэІукІи, гукъанэ зыгорэм фышъуиІэмэ фэжъугъэгъу, Шъуятэ лъапІэу уашъом щыІэм шъо мыхъунхэу шъушІагъэхэр къышъуфигъэгъунхэм пае. 26Ау шъо ащ фэшъумы­гъэгъумэ, Шъуятэ лъапІэу уашъом щыІэм шъо мы­хъунхэу шъушІагъэхэри къышъуфигъэгъущтхэп.

 

Джурт тхьаматэхэр Исус итетыгъо къезытыгъэмкІэ къызэреупчІыгъэхэр

(Маттэ 21:23-27; Лука 20:1-8)

 

27Джыри зэ Исусрэ игъогу рыкІохэрэмрэ Еруса­лим къэкІожьыгъэх. Исус Тхьэм иунэшхо къыкІухьэзэ, дин пэщэшхохэмри, Тэурат егъэджэкІо пащэхэри, на­хьыжъхэри къыбгъодахьэхи, 28къыраІуагъ:

–Мы Іофхэр пшІэнхэу фитыныгъэр тыда къыздипхы­гъэр, е ахэр пшІэнхэу тетыгъор хэта о къыозытыгъэр?

29–Сэри шъо зы Іоф горэкІэ сышъоупчІыщт,– ариІу­агъ Исус. –ПэгъокІ къысэшъутыжьмэ, сэри шъосІон мы Іофхэр сшІэнхэу фитыныгъэр къыздисхыгъэр. 30Иуан цІыфхэр ыумэхъынхэу хэта къэзыгъэкІуагъэр? ЦІыфхэр ара, хьауми Тхьэр ара? ПэгъокІ къысэшъут.

31–«Тхьэр ары Иуан къэзыгъэкІуагъэр», тІомэ, ежьым къытиІожьышт: «Адэ, сыд пае Иуан къыІуагъэхэр шъу­шІошъ мыхъугъэха?»– аІозэ, ахэр зэупчІыжьыгъэх. 32–«ЦІыфхэр ары Иуан къэзыгъэкІуагъэхэр», етІожьы­на?– ау ахэр цІыфхэм ащыщынэщтыгъэх; сыда пІомэ цІыф пстэуми Иуан шъыпкъэу пегъымбарэу зэрэщы­тыгъэр алъытэщтыгъэти ары. 33Арыти,

–ТшІэрэп,– аІуи, Исус къыраІожьыгъ.

–Ащыгъум сэри шъосІощтэп мы Іофхэр сшІэнхэу фиты­ныгъэр къыздисхыгъэр,– ариІожьыгъ Исус ахэмэ.

 

 

12

ЯПШІЫКІУТЮНЭРЭШЪХЬ

ЯПШІЫКІУТЮНЭРЭШЪХЬ

СэнэшъхьэшІэ бзаджэхэм яхьылІэгъэ гъэсэныгъэ тхыдэр

(Маттэ 21:33-46; Лука 20:9-19)

Исус гъэсэныгъэ тхыдэхэмкІэ цІыфхэм адэгущыІэу ыублагъ:

–ЛІы горэм сэнэшъхьэ хатэ ыгъэтІысхьагъ. Мыжъо чэукІэ къышІыхьи, сэнэшъхьэ фызалъэ ышІи, унэ плъэ­пІэ лъаги дишІыхьагъ. ЕтІанэ сэнэшъхьашІэ* горэхэм ха­тэр аІэкІилъхьи, хымэ хэгъэгу горэм кІуагъэ. 2Сэнэшъхьэ пычыжьыгъор къызэсым, исэнэшъхьэ Іахьэ къаІихынэу унэІут горэ сэнэшъхьашІэхэм адэжь ыгъэкІуагъ. 3Ау ахэмэ унэІутыр къаубыти, къеохи, ІэнэкІэу къатІупщы­жьыгъ. 4ЕтІанэ сэнэшъхьэ хатэр зием нэмыкІ унэІут горэ сэнэшъхьашІэхэм адэжь ыгъэкІуагъ. Ащи ышъхьэ къео­хи, лые къырахыгъ. 5ЕтІанэ нэмыкІ унэІут горэ ыгъэ­кІуагъ; ар къаукІыгъ; нэмыкІ унэІутыбэхэри ыгъэкІуа­гъэх; зы купым къеуагъэх, адрэ купыри къаукІыгъ.

6–ШІу ылъэгъурэ ыкъо закъо къыфэнагъ. «Скъо лъы­тэныгъэ къыфашІын», ыІуи, ауж дэдэу ар сэнэшъхьа­шІэхэм адэжь ыгъэкІуагъ.

7–Ау сэнэшъхьашІэхэм зэраІожьыгъ: «Мыры сэнэшъхьэ хатэр къызыфэнэжьыщтыр. Ар тэжъугъэукІи, сэнэшъхьэ хатэр тэ къытфэнэжьыщт». 8Арэущтэу сэнэшъхьэ хатэр зием ыкъо къаубыти, къаукІи, сэнэшъхьэ хатэм къыда­дзыжьыгъ.

9–Сэнэшъхьэ хатэр зием сыда ышІэщтыр?– къыпигъэ­хъожьыгъ Исус. –Ар къэкІонышъ, сэнэшъхьашІэхэр ыгъэ-

12:1 сэнэшъхьашІэхэр – сэнэшъхьэ хатэм щылажьэхэрэр ары.

кІодынхэшъ, сэнэшъхьэ хатэр нэмыкІхэм аІэкІилъхьащт. 10Мы гущыІэхэу Тхьэм игущыІэ тхыгъэхэм арытхэм* шъуяджагъэба:

«Унэ зышІыхэрэм зэрамыпэсэу чІадзыжьыгъэ

мыжъор мыжъо лъэпсэ дэдэу унэм фэхъугъ. 11Мыр Зиусхьаным иІэшІагъэ Іоф, ари тэ гъэшІэгъонэу къытфэлъагъо»? 12Тэурат егъэджэкІо пащэхэмрэ дин пэщэшхохэмрэ мы гъэсэныгъэ тхыдэр ежьхэм яхьылІагъэу Исус къызэриІо­тагъэр къагурыІуагъэти, Исус къаубытынэу пылъыгъэх, ау цІыф купышхом щыщынэщтыгъэхэти, ыуж икІыжьхи ІукІыжьыгъэх.

Хьакъулахь ахъщэм ехьылІагъ

(Маттэ 22:15-22; Лука 20:20-26)

13Ащ нэужым Тэурат егъэджэкІо пащэхэмрэ дин пащэ­хэмрэ гущыІэ горэм тыраубытэным пае, фарисейхэм ащыщхэри пачъыхьэ Ирод ыуж рыкІохэрэм ащыщхэри Исус ыдэжь агъэкІуагъэх. 14Ахэр Исус ыдэжь къакІохи къыраГуагъ:

–Дин гъэсакІу, шъыпкъагъэ зиІэ лІэу узэрэщытри, цІыфхэм аІорэм узэримыгъапэрэри тэшІэ, сыда пІомэ цІыфхэм ятеплъэ уемыплъэу, цІыф пстэури уизэфэдэхэу щытых, шъыпкъагъэми тетэу, Тхьэм игъогу цІыфхэм яогъашІэ. Кайсарым* хьакъулахь ахъщэр* етты хъущта, мыхъущта? Еттына, еттымытына?

15Ау Исус ахэмэ янэпитІугъэ гу лъитагъэти ариІуагъ: –Сыд пае сыхэжъугъэукъонэу шъупылъа? Зы динар*

ахъщэ къысфэшъухьи сэжъугъэлъэгъу.

16Зы динар къыфахьыгъ.

12:10-11 мы гущыІэхэу Тхьэм игущыІэ тхыгъэхэм арытхэм – еплъ Сэбур (Псалтыр) 118:22-23 (урыс библиемкІэ 117:22-23).

12:14 Кайсар – еплъ Маттэ 22:17.

12:14 хьакъулахь ахъщэр – еплъ Маттэ 5:46.

12:15 динар – еплъ Маттэ 18:24.

–Хэта зисурэт мыщ итыри, хэта зыцІэр мыщ тетхагъэри?–ариІуагъ Исус.

–Кайсарыр ары,– къаІуагъ ахэмэ.

17–Ащыгъум Кайсарым иер Кайсарым ешъутыжь, Тхьэм иери Тхьэм ешъутыжь,– ариІуагъ Исус.

Ахэмэ ежьыр бэу агъэшІэгъуагъ.

Саддукейхэр лІагъэхэм якъэтэджыжьын ехьылІагъэу Исус къызэреупчІыгъэхэр

(Маттэ 22:23-33; Лука 20:27-40)

18Саддукейхэу* лІагъэхэр къызэрэтэджыжьыщтхэр зы­шІошъ мыхъухэрэм ащыщхэу заулэ Исус ыдэжь къакІохи къеупчІыгъэх:

19–Дин гъэсакІу, пегъымбар Мусэ мырэущтэу къытфи­тхыгъ:* «ЛІы горэм ышы лІэу, бын имыІэу шъуз къыкІэн­мэ, ышы унагъо фишІыным пае, а лІым шъузабэр къыщэжьын фае». 203экъошибл щыІагъ. Ахэм ащыщэу апэрэм шъуз къыщагъ, ау бын къыкІэмынэу дунаем ехы­жьыгъ. 21ЯтІонэрэми а шъузыр къыщэжьыгъ. Ащи бын къыкІэмынэу дунаем ехыжьыгъ, ящэнэрэри ащ фэдагъ. 22Блыми а шъузыр къащэжьыгъ, ау бын къакІэныгъэп. Зэпстэуми ауж дэдэу шъузыри дунаем ехыжьыгъ. 23ЛІа­гъэхэр къызытэджыжьхэкІэ, хэта зишъузыщтыр ар? Сыда пІомэ блыми шъузэу яІагъэшъ ары,

24–Тхьэм игущыІэ тхыгъэхэмрэ Тхьэм илъэкІыныгъэ­шхомрэ зэрэшъумышІэхэрэр арыба шъузкІыхэукъорэр?–ариІожьыгъ Исус ахэмэ. 25–Сыда пІомэ лІагъэхэр къы­зытэджыжьхэкІэ, шъуз къащэжьыщтэп, лІыми дэкІожьы­щтхэп, уашъом щыІэ мэлэІичхэм афэдэхэу щытыщтых нахь. 26Ау лІагъэхэр къызэрэтэджыжьыщтхэр пегъым­бар Мусэ итхылъ зэритым шъуеджагъэба? Пэнэ куандэм икъэбар зэрыт чІыпІэм ыдэжь ит Тхьэр пегъымбар Мусэ къыдэгущыІэу мырэущтэу къызэриІуагъэр:* «Сэры Ибра-

12:18 Саддукейхэр – еплъ Маттэ 3:7.

12:19 пегъымбар Мусэ мырэущтэу къытфитхыгъ – еплъ Пегъымбар Мусэ ятфэнэрэ тхылъэу ытхыгъэм 25:5-6.

12:26 Тхьэр Мусэ къыдэгущыІэу... къызэриІуагъэр – еплъ Пегъымбар Мусэ ятІонэрэ тхылъэу ытхыгъэм 3:2-6.

хьими, Исхьакъи, Якъуби я Тхьэр». 27Ащ къикІырэр Тхьэр псаухэмрэ лІагъэхэу зыфаІохэрэмрэ я Тхьэу зэрэ­щытыр ары. Шъо инэу шъухэукъо.

Тхьэм иунашъохэм ащыщэу анахь ин дэдэр

(Маттэ 22:34-40; Лука 10:25-28)

28Тэурат егъэджэкІо пащэхэм ащыщэу зыгорэм Исус­рэ саддукейхэмрэ зэнэкъокъухэу зэхихыгъ, Исус дэгъоу пэгъокІ къызэраритыгъэри ешІэти, къыбгъодахьи къе­упчІыгъ:

–Тхьэм иунашъо пстэуми ащыщэу анахь ин дэдэр тара?

29–Анахь ин дэдэр* мыры: «ШъукъэдаІу, Израил цІыф­хэр, Зиусхьанэу ти Тхьэ ары зизакъоу Зиусхьаныр; 30зэкІэ о угурэ упсэрэкІи, зэкІэ уизэхэшІыкІыныгъэкІи, зэкІэ пкІуачІэкІи Зиусхьанэу уи Тхьэ шІу лъэгъу». 31ЯтІонэрэ унашъор* мыры: «О пшъхьэ шІу зэрэплъэгъурэм фэдэу, уигъунэгъуи шІу лъэгъу». Мы унэшъуитІум анахьи уна­шъо нахь ин щыІэп,– къыІожьыгъ Исус.

32–Дэгъоу, дин гъэсакІу,– ыІуи, Тэурат егъэджэкІо па­щэм Исус къыриІожьыгъ, –Тхьэр зэрэзакъор, ащ нэмы­кІэу Тхьэ зэрэщымыІэри шъыпкъэу къэпІуагъ. 33ЗэкІэ о угурэ упсэрэкІи, зэкІэ уизэхэшІыкІыныгъэкІи, зэкІэ пкІуачІэкІи ар шІу плъэгъуныр, о пшъхьи шІу зэрэплъэ­гъурэм фэдэу, уигъунэгъуи шІу плъэгъуныр, Тхьэм пае агъэстырэ къурмэныпхъэ пстэумрэ тын пстэумрэ анахьи бэкІэ нахь лъапІ.

34Исус Тэурат егъэджэкІо пащэм губзыгъэу пэгъокІ къызэритыгъэр зелъэгъум, риІуагъ:

–О Тхьэм и Тетыгъошхо ыІэчІэгъ учІэхьанэу упэчыжьэп.

Ащ къыщегъэжьагъэу ащ нэмыкІыкІэ Исус къеупчІы­жьынэу хэти тегушхуагъэп.

12:29-30 Анахь ин дэдэр – еплъ Пегъымбар Мусэ ятфэнэрэ тхылъэу ытхыгъэм 6:4-5.

12:31 ЯтІонэрэ унашъор – еплъ Пегъымбар Мусэ ящэнэрэ тхылъэу ытхыгъэм 19:18.

Христос хэта зыкъор?

(Маттэ 22:41-46; Лука 20:41-44)

35Исус Тхьэм иунэшхо чІэтэу, цІыфхэм Тхьэм игущы­Іэхэр аригъашІэхэзэ къыІуагъ:

–Тэурат егъэджэкІо пащэхэм Христос Даутэ ыкъоу сыдэущтэу аІонэу хъугъа? 36Сыда пІомэ Тхьэм Ыпсэ ЛъапІэ ежь Даутэ ыгу къырилъхьи, мырэущтэу къыри­гъэІуагъэба:*

«Тхьэу Зиусхьаным сэ си Зиусхьан къыриІуагъ: О уипыихэр плъэкъо чІэгъ къычІэсэгъэуцохэфэ, сэ сиджабгъукІэ къызготІысхь»? 37–Ежь Даутэ Христос «си ЗиусхьанкІэ» еджэ,– къы­пигъэхъожьыгъ Исус. –Арэу зыхъукІэ, сыдэущтэу Хри­стос Даутэ ыкъоу хъура?

ЦІыф купышхор игуапэу Исус едэІущтыгъ.

Исус Тэурат егъэджэкІо пащэхэм ямысагъэ къызэригъэлъэгъуагъэр

(Маттэ 23:1-36; Лука 20:45-47)

38Исус цІыфхэм Тхьэм игущыІэхэр аригъашІэхэзэ къы­Іуагъ:

–Тэурат егъэджэкІо пащэхэм шъуафэсакъ. Ахэмэ шъошэ кІыхьэхэр ащыгъхэу къакІухьаныр якІас. ЗэІукІэхэми ежьхэм аІэхэм цІыфхэр щарагъэбэунхэри, 39синэгогухэм цІыфхэр зыщызэІукІэхэкІи, ешхэ-ешъошхохэм адэжьи тхьэмэтэ тІысыпІэхэр аубытынхэри якІас. 40Шъузабэхэм яунэхэри къатырахых. ЦІыфхэм зыкъарагъэгъэшІэгъо­ным пае, тхьэлъэІухэр агъэкІыхьэх. Тхьэм ахэмэ яфэ­шъуашэ инэу аригъэпщыныжьыщт.

Шъузабэм ахъщэу Тхьэм пае ытыгъэр

(Лука 21:1-4)

41ЦІыфхэм Тхьэм тын фашІэу, ахъщэхэр зыдалъхьэрэ пхъуантэхэм апашъхьэ Исус тІысыгъэу, ахъщэхэр зэрэдалъ-

12:36 Тхьэм Ыпсэ ЛъапІэ Даутэ... къыригъэІуагъэба? – еплъ Сэбур (Псалтыр) 110:1 (урыс библиемкІэ 109:1).

хьахэрэм еплъыщтыгъ. ЦІыф баибэхэм ахъщэ бэу далъ­хьагъ. 423ы шъузэбэ тхьамыкІэ горэ къакІуи, гъоплъэ ахъщитІу пхъуантэм дилъхьагъ. Ар зы чапыч* фэдиз мэхъу.

43Джащыгъум Исус игъогу рыкІохэрэм къяджи ари­Іуагъ:

–Шъыпкъэр шъосэІо, мы шъузэбэ тхьамыкІэм изакъоу адрэ дэзылъхьэгъэ цІыф пстэуми анахьи нахьыбэ дилъ­хьагъ; 44сыда пІомэ ахэмэ ахъщэу къялыжьыгъэм щыщ далъхьагъэти ары, ау а шъузабэм зэкІэ дилъхьагъ – зэрэ­псэунэу макІэ тІэкІоу иІэр зэкІэ ары.

13

ЯПШІЫКІУЩЭНЭРЭШЪХЬ

 

Исус Тхьэм иунэшхо зэрэзэхакъутэщтыр къызэриІуагъэр

(Маттэ 24:1-2; Лука 21:5-6)

 

Исус Тхьэм иунэшхо къычІэкІыжьызэ, игъогу рыкІо­хэрэм ащыщэу зыгорэм къыриІуагъ:

–Еплъ, дин гъэсакІу! Мыхэр сыдэу мыжъо джадэха! Мыхэр сыдэу унэ гъэшІэгъонха!

2–Мы унэшхохэр олъэгъуха?– ыІуи, Исус ащ риІо­жьыгъ. –МыжъуитІу къызэтемынэжьэу пстэури къызэ­хэтэкъощтых.

 

Къиныбэ щэчыныгъэм иублапІ

(Маттэ 24:3-14; Лука 21:7-19)

 

3Ащ ыужым Исус Тхьэм иунэшхо фэзанкІэу Елеон Іуа­шъхьэм тесэу, Петри, Якъуби, Иуани, Индрыси яза­къоу къызэнэжьхэм, къеупчІыгъэх:

4–КъытаІу, о зыфэпІогъэ Іофхэр сыдигъо къэхъущтых, ахэр зэкІэ къызэрэхъущтхэм янэшанэри сыда?

5–Зыми шъукъызэримыгъэпцІэщтым шъуфэсакъ,– ыІуи,

 

12:42 чапыч – арапыбзэкІи тыркубзэкІи «хъурышэ» мэхъу.

 

Исус ахэмэ ариІоу ыублагъ. 6–Сэ сцІэкІэ зэджэжьхэу, «Сэры Христос», аІоу, цІыфхэу къэкІощтхэр бэу хъу­щтых, цІыфыбэхэри агъэпцІэщтых. 7Ау благъэми чыжьэ­ми зэо къэбар зызэхэшъухыкІэ, шъумыщын. А Іофхэр къэхъунхэ фае, ау дунаем икІэух къэсыгъэу щытыгоп. 83ы лъэпкъыр адрэ лъэпкъым, зы пачъыхьагъори адрэ пачъыхьагъом езэонэу къэтэджыщт. ЧІыпІэ-чІыпІэхэм­кІи чІыгур инэу щысысыщт, гъаблэхэри къэхъущтых. А Іофхэр къиныбэ щэчыныгъэм иублапІ.

9–Ау шъо шъузыфэсакъыжь. Тхьамэтэ хасэхэм апа­шъхьэ шъуращэщт, синэгогухэми къамыщкІэ къащы­шъоощтых. Сэ сигъогу шъузэрэрыкІорэм пае, Іэшъхьэ­тетхэмрэ пачъыхьэхэмрэ апашъхьэ къэбарышІум* шыхьат шъуфэхъунэу шъукъиуцощт. 10Ау ыпэ рапшІэу сэ къыс­фэлажьэрэ цІыфхэм къэбарышІур лъэпкъ пстэуми ара­гъэІун фаеу щыт. 11ХьыкумышІэм* ыпашъхьэ шъуращэнэу шъузаубыткІэ, «Сыда тІощтыр?» шъуІоу, ыпэ рапшІэу шъу­мыгумэкІ. А сыхьат дэдэм гущыІэхэу Тхьэм Ыпсэ ЛъапІэ шъугухэм къарилъхьэхэрэр къашъуІох; сыда пІомэ шъо­рэп къэгущыІэщтыр, Тхьэм Ыпсэ ЛъапІ ары нахь.

12–Шым ежь ышы, тым ежь ибын тетыгъо зиІэхэм ари­гъэукІыным пае, аІэкІигъэхьащт. Бынхэри ятэ-янэхэм апэуцущтых, тетыгъо зиІэхэми арагъэукІыщтых. 13Шъо сэ сцІэ зэрэжъугъэлъапІэрэм пае, цІыф пстэуми шъуа­уджэгъущт. Ау кІэухым нэсыфэ теубытэныгъэ зиІэр мыкІодэу Тхьэм къыгъэнэжьыщт.

 

Гузэжъогъушхор

(Маттэ 24:15-28; Лука 21:20-24)

 

14–Ау «Зэхэзыкъутэрэ ГущыкІыгъоу»* пегъымбар Да­нил зытегущыІагъэр зыдэщымытын фэе чІыпІэм щытэу зышъулъэгъукІэ, (еджэрэм къыгурэрэІу), ащыгъум Иудей хэкум ис цІыфхэр Іуашъхьэхэм ярэкІолІэжьых. 15Уна­шъхьэм тетыри къызехыкІэ, зыгорэ зыдихьынэу унэм ерэмыхьажь. 16Губгъом итыми ищыгъын кІыІутелъ зы-

 

13:9 къэбарышІур – еплъ 8:35

13:11 хьыкумышІэр – еплъ Маттэ 5:21.

13:14 «Зэхэзыкъутэрэ ГущыкІыгъор» – еплъ Маттэ 24:15.

 

дихьынэу къерэмыгъэзэжь. 17А мафэхэм бзылъфыгъэ лъэрмыхьэхэмрэ сабый быдзашъо зиІэхэмрэ сыхьатмы­гъо ежьэщтых. 18Мы Іофхэр кІымафэм темыфэнхэу Тхьэм шъуелъэІу; 19сыда пІомэ а мафэхэм гузэжъогъушхо ду­наем щыхъущт. Ащ фэдэ гузэжъогъушхо Тхьэм дунаер къызигъэхъугъэм щегъэжьагъэу джырэ нэсыфэ щыІа­гъэп ыкІи щыІэжьыщтэп. 20Зиусхьаным а мафэхэр нахь макІэ ымышІыгъэхэмэ, зы цІыфи мыкІодэу къэнэжьыщт­гъэп. Ау ежьым къыхихыгъэ цІыфхэм яхьатыркІэ Зиус­хьаным а мафэхэр нахь макІэ ышІыгъэх. 21А мафэхэм «Мары, Христос* мыщ дэжьым щыІ», ыІоу, е «Христос модэ щыІ», ыІоу зыгорэм къышъуиІомэ, шъушІошъ шъу­мыгъэхъу. 22Христос нэпцІхэмрэ пегъымбар нэпцІхэмрэ къэлъэгъощтых. Ахэмэ нэшэнэ гъэшІэгъонышхохэри Іо­фышхо гъэшІэгъонхэри къагъэлъэгъощтых, алъэкІымэ, Тхьэм къыхихыгъэ цІыфхэр агъэпцІэнхэм пае. 23Ау шъо шъузыфэсакъыжь, а Іоф пстэури къэхъунхэм ыпэкІэ ахэмэ якъэбар къышъосІуагъ.

 

ЦІыф Лъэпкъым Ыкъо дунаем къызэрэкІожьыщтыр

(Маттэ 24:29-31; Лука 21:25-28)

 

24–Ау а мафэхэм гузэжъогъушхом ыуж тыгъэр ушІун­кІыжьыщт, мазэри къэнэфыжьыщтэп. 25Жъуагъохэри уа­шъом къефэхыщтых, уашъом щыІэ кІуачІэхэри хъые­щтых. 26Джащыгъум ЦІыф Лъэпкъым Ыкъо ошъуапщэ­хэм ахэтэу, лъэкІыныгъэшхорэ щытхъушхорэ иІэхэу, къакІоу цІыфхэм алъэгъущт. 27Джащыгъум ЦІыф Лъэ­пкъым Ыкъо мэлэІичхэр ыгъэкІощтых, дунай лъэны­къуиплІым зы ошъо чапэм къыщегъэжьагъэу адрэ ошъо чапэм нэс, ежь ицІыфхэу къыхихыгъэхэр къыхищыхэзэ, ежьым къыфаугъоижьынхэу.

 

Ынджыр чъыгым шъыпкъагъэу къыдгуригъаІорэр

(Маттэ 24:32-35; Лука 21:29-33)

 

28–Ынджыр чъыгым къехъулІэрэмкІэ Іоф горэ зэжъу­гъашІэ: икъутамэхэм псы къахахьэу, ытхьапэхэр къыпы­кІэхэ зыхъукІэ, гъэмафэр къызэрэблагъэр шъошІэ.

29Ащ фэдэу шъори, мы Іофхэр къэхъухэу зышъулъэгъу­кІэ, ЦІыф Лъэпкъым Ыкъо гъунэгъоу, къэлапчъэм дэжь зэрэщытыр шъушІэ. 30Шъыпкъэр шъосэІо, мы Іофхэр зэкІэ къэхъунхэм ыпэкІэ, мы лъэпкъыр кІодыщтэп. 31Уа­шъомрэ чІылъэмрэ кІодыжьыщтых, ау сэ сигущыІэхэр кІодыжьыщтхэп.

 

А мафэри а сыхьатри къызысыщтыр зыми ышІэрэп

(Маттэ 24:36-44)

 

32–Ау а мафэр е а сыхьатыр къызысыщтыр зыми ышІэ­рэп. Уашъом щыІэ мэлэІичхэми ашІэрэп, Тхьэм Ыкъуи ышІэрэп. Ты лъапІэ изакъоу ары ныІэп ар зышІэрэр. 33Шъу­зыфэсакъыжь! Шъумычъыеу шъусакъ, Тхьэми шъуелъэ­Іу; сыда пІомэ а сыхьатыр къызыкІощтыр шъушІэрэпышъ ары! 34Ар зыфэдэр мары: лІы горэм чыжьэу къыкІу­хьанэу иунэ екІы. Хэти ежь иІоф ышІэнэу иунэІутхэм иунэ аІэкІелъхьэ, къэлапчъэм Іут ухъумакІори мычъыеу сакъынэу унашъо фешІы. 35Арышъ, шъори шъумычъыеу шъусакъ; сыда пІомэ, пчыхьэшъхьапэр арыми, чэщны­къор арыми, атэкъэІогъур арыми, пчэдыжь нэфшъагъор арыми, унэр зиер къызыкІожьыщтыр шъушІэрэпышъ ары! 36Ар шъумышІахэу къызыкІожькІэ, шъучъыеу шъу­пэмыплъэу зыкъешъумыгъэгъот. 37Шъо къышъуасІорэр зэпстэуми ясэІо: шъумычъыеу шъусакъ!

 

 

14

ЯПШІЫКІУПЛІЭНЭРЭШЪХЬ

 

Тхьэмэтэ Хэсэшхом щыщ тхьаматэхэм Исус тхьагъэпцІыгъэкІэ аукІынэу гухэлъ зэрашІыгъэр

(Маттэ 26:1-5; Лука 22:1-2; Иуан 11:45-53)

 

Пасхъэ зыцІэ мэфэкІ мэфэшхомрэ Хьалыгъу Мыгъэ­тэдж зыщашхырэ мэфэкІ мэфэшхо мафэхэмрэ* къэсын-

 

14:1 Пасхъэ зыцІэ мэфэкІ мэфэшхомрэ Хьалыгъу Мыгъэтэдж зыща­шхырэ мэфэкІ мэфэшхо мафэхэмрэ – еплъ Маттэ 26:2.

 

хэкІэ мэфитІу къэнэжьыгъ. Дин пэщэшхохэмрэ Тэурат егъэджэкІо пащэхэмрэ Исус аукІыным пае, тхьагъэпцІы­гъэкІэ зэраубытыщт шІыкІэм лъыхъущтыгъэх. 2Сыда пІомэ ахэмэ аІуагъ:

–ЦІыфхэм бырсырышхо амышІыным пае, мэфэкІ мэ­фэшхом тефэу орэмыхъу.

 

Зы бзылъфыгъэ горэм Вифание къуаджэм дагъэу осэшхо зиІэр Исус зэрэщифагъэр

(Маттэ 26:6-13; Иуан 12:1-8)

 

3ЕтІанэ Исус Вифание къуаджэм щыІэу, Симонэу шъо­джэ уз Іае зиІагъэм иунэ Іанэм пэсэу щышхэщтыгъ. Шхэзэ, бзылъфыгъэ горэ унэм къихьагъ. А бзылъфы­гъэм алавастэр зыцІэ мыжъом хэшІыкІыгъэу, апч ыІыгъыгъ. Нард зыцІэ къэкІыгъэм идагъэ къабзэу ыкІи осэшхо зиІэу, мэ ІэшІу зыпихырэр а апчым итыгъ. Бзылъ­фыгъэм апчыр ыкъути, Исус ышъхьэ дагъэр тырикІагъ.

4Ар залъэгъум, зы куп губжи, мыщ фэдэу зэриІо­жьыгъ:

–Мы дагъэу осэшхо зиІэр хьаулыеу сыд пае ыгъэкІо­дыгъа? 5А дагъэр ащагъэмэ, динар шъищ нахьи нахьыбэ къыхьыщтыгъ, тхьамыкІэхэми афагощын алъэкІыщтыгъ.

Арэущтэу аІозэ, бзылъфыгъэм щыхьагъэх.

6–Ыуж шъуикІ,– къыІуагъ Исус. –Сыд пае бзылъфы­гъэр жъугъэукІытэра? Ащ шІугъэ къысфишІагъ. 7Тхьа­мыкІэхэр къышъухэт зэпытых, сыдигъо шъуфаеми шІугъэ афэшъушІэн шъулъэкІыщт, ау сэ сышъухэт зэпытыщтэп. 8Мы бзылъфыгъэм ылъэкІыгъэр ышІагъ. Ащ сэ спкъы дагъэ щифи, сызэрэчІалъхьажьыным сыфиухьазырыгъ. 9Шъыпкъэр шъосэІо, сэ къысфэлажьэрэ цІыфхэм чІы­лъэм зэкІэ къэбарышІур* тыдэ щагъэІуми, мы бзылъфы­гъэм ышІагъэр къаІотэжьыщт, цІыфхэм шІукІэ а бзы­лъфыгъэр агу къагъэкІыжьыным пае.

 

14:9 къэбарышІур – еплъ 8:35.

 

Иудэ зыцІэм Исус дин пэщэшхохэм аІэкІигъэхьанэу зэрадиштагъэр

(Маттэ 26:14-16; Лука 22:3-6)

 

10Исус игъогу рыкІорэ нэбгырэ пшІыкІутІум ащыщэу Иудэ Искариот зыцІэр дин пэщэшхохэм адэжь кІуагъэ, Исус аІэкІигъэхьаным пае. 11Ахэмэ ар зызэхахым, гушІуа­гъэх, ахъщи Иудэ къыратынэу къагъэгугъагъ. Арэущтэу Иудэ Исус ахэмэ аІэкІигъэхьаным пае, Іэрыфэгъу уахътэ паплъэу ыублагъ.

 

Исус Пасхъэ пчыхьэшъхьашхэр игъогу рыкІохэрэм зэрадишІыгъэр

(Маттэ 26:17-25; Лука 22:7-14, 21-23; Иуан 13:21-30)

 

12Хьалыгъу Мыгъэтэдж зыщашхырэ мэфэкІ мэфэшхо мафэхэм ащыщэу апэрэ мафэу Пасхъэ шъынэр зыщы­шІуабзыщтыгъэм дэжь игъогу рыкІохэрэм Исус къыра­Іуагъ:

–Пасхъэ пчыхьэшъхьашхэр щыпшІынэу тыдэ тыкІо­нышъ, щыдгъэхьазырынэу уфая?

13Арэущтэу Исус игъогу рыкІохэрэм ащыщэу нэбгыри­тІу къалэм ыгъэкІуагъэх, мырэущтэу ариІуагъэу:

–Къалэм шъудахьи, зы лІы горэм псы къошын ыхьэу, ащ дэжьым къыщышъуІукІэщт. А лІым ыуж шъуитэу шъукІу. 14А лІыр зэрыхьэрэ унэр зием ешъуІу: «Дин гъэсакІом еІо: Сэррэ сигъогу рыкІохэрэмрэ Пасхъэ пчы­хьэшъхьашхэр зыщытшІыщт хьакІэщыр тыдэ щыІа?» 15Джащыгъум гъэкІэрэкІагъэу, тегъэпсыхьагъэу хьэкІэщы­шхо лъагэ горэ шъуигъэлъэгъущт. Ащ дэжьым зэкІэри къыщытфэжъугъэхьазыр.

16Исус игъогу рыкІохэрэр дэкІыхи, къалэм дэхьагъэх. Исус зэрариІуагъэм тетэу пстэури къагъоти, Пасхъэ пчы­хьэшъхьашхэр агъэхьазырыгъ.

17Пчыхьашъхьэр къызэсым, Исус игъогу рыкІорэ нэбгырэ пшІыкІутІур игъусэхэу къэкІуагъ. 18Ахэр Іанэм пэсхэу шхэхэ зэхъум, Исус къыІуагъ:

–Шъыпкъэр шъосэІо, шъо сэ къыздашхэхэрэм шъуащыщ горэм тетыгъо зиІэхэм саІэкІигъэхьащт.

19Ахэмэ агу къеуагъ. Зым зыр ыуж итэу къыраІонэу фежьагъэх:

–Ар сэрэп, арыба?

20–Шъо пшІыкІутІум шъуащыщэу мы апсым сигъу­сэу хьалыгъу къыхэзыгъаорэр ары тетыгъо зиІэхэм са­ІэкІэзыгъэхьащтыр,– ариІуагъ Исус. 21–Шъыпкъэ, ЦІыф Лъэпкъым Ыкъо дунаем ехыжьыщт, ежьым ехьылІагъэу Тхьэм игущыІэ тхыгъэхэм зэрарытым фэдэу. Ау ЦІыф Лъэпкъым Ыкъо тетыгъо зиІэхэм аІэкІэзыгъахьэрэр сы­хьатмыгъо ежьагъ! А цІыфыр къэмыхъугъэмэ, ежьымкІэ нахьышІущтыгъ.

 

Зиусхьаным ипчыхьэшъхьашх

(Маттэ 26:26-30; Лука 22:15-20; 1. Кор. 11:23-25)

 

22Ахэр шхэхэ зэхъум, Исус хьалыгъур къыштагъ, Тхьэм щытхъу фишІи, зэгуичи, ахэм арити къыІуагъ:

–Ма, шъушхы, мы хьалыгъур сэ спкъы ары.

23ЕтІанэ зы шъуалъэ къышти, Тхьэм щытхъу фишІи аритыгъ. Ахэр зэкІэ ащ итым щыщ ешъуагъэх.

24–Мы сэнэпсыр сэ слъэу Тхьэм ежьымрэ ицІыфхэмрэ азыфагу дилъхьэгъэ зэзэгъыныгъэр къэзыгъэшъыпкъэ­жьырэр* ары,– ариІуагъ Исус. –ЦІыфыбэхэм яшІуагъэ къа­кІонэу, лъэу сэ къыскІэкІыщтыр ары. 25Шъыпкъэр шъо­сэІо, Тхьэм и Тетыгъошхо къызыкІощтым нэсыфэ, сэнэ­шъхьэ къутамэм ипс сешъожьыщтэп. А мафэм кІэу сешъожьыщт.

26ЕтІанэ Исусрэ игъогу рыкІохэрэмрэ тхьэщытхъу орэд къызаІо ужым, унэм икІыхи, Елеон Іуашъхьэм кІуагъэх.

 

«Сэ сыкъэмышІэу къэпІощт», Исус Петрэ зэрэриІуагъэр

(Маттэ 26:31-35; Лука 22:31-34; Иуан 13:36-38)

 

27–Шъо пстэуми сизакъоу утыгум сыкъишъунэщт,– ари­Іуагъ Исус игъогу рыкІохэрэм, –сыда пІомэ Тхьэм къызэриІорэр игущыІэ тхыгъэхэм арыт:* «Сэ мэлахъор

 

14:24 Сэ слъэу... зэзэгъыныгъэр къэзыгъэшъыпкъэжьырэр – еплъ Маттэ 26:28.

14:27 Тхьэм... игущыІэ тхыгъэхэм арыт – еплъ Пегъымбар Зэкъарие тхылъэу ытхыгъэм 13:7.

 

сыукІыщт, мэлхэри зэбгырыкІыжьыщтых». 28Ау лІагъэ­хэм сыкъызахэтэджыкІыжьыкІэ, шъуапэ рапшІэу Галилей хэкум сыкІощт.

29–Пстэуми утыгум укъыранэми, сэ укъисынэщтэп,–къыриІуагъ Петрэ Исус.

30–Шъыпкъэр осэІо,– риІожьыгъ Исус Петрэ, –мы ны­чэпэ дэдэм атакъэр тІо Іоным ыпэкІэ, гъогогъуищэ сэ сыкъэмышІэу къэпІощт.

31–Сэ сыбдэлІэн фаеу щытми, усымышІэу сІощтэп,–теубытагъэу къыІуагъ Петрэ. Ащ фэдэ къабзэу Исус игъо­гу рыкІорэ адрэ лІы пстэуми къаІуагъ.

 

Исус Гефсимание хатэм Тхьэм зэрэщелъэІугъэр

(Маттэ 26:36-46; Лука 22:39-46)

 

32Ащ нэужым Гефсимание* зыцІэу чІыпІэ горэм нэ­сыгъэх.

–Мо шъуетІысэх, сэ Тхьэм селъэІуфэ,– ыІуи, Исус игъо­гу рыкІохэрэм ариІуагъ. 33Исус етІанэ Петри, Якъуби, Иуани зыдищэхи, ыгу къеоу, гумэкІэу ыублагъ.

34–СылІэрэм фэдэу инэу сыгу хэкІы,– ариІуагъ. –Шъу­мычъыеу шъусакъэу мо шъущыІ.

35ЕтІанэ зы тІэкІу ІукІоти, чІыгум зыридзыхи, амал иІэмэ, къин щэчыныгъэм исыхьат блигъэкІынэу Тхьэм елъэІугъ.

З6–Аввэу* сэ Сят, о умылъэкІын Іоф зи щыІэп,– ыІуагъ. –Мы къин щэчыныгъэм ишъуалъэ сэ сІых. Ау сэ сызыфаер мыхъоу, о узыфаер орэхъу.

37Ащ ыужым Исус игъогу рыкІорэ нэбгырищымэ адэжь къыгъэзэжьи, чъыехэу къыгъотыжьыгъэх.

–Симон очъыя?– ыІуи, Исус Петрэ риІуагъ. –Зы сыхьат закъокІэ умычъыеу усакъын плъэкІыгъэп, ара? 38Шъу­мычъыеу шъусакъ, псэкІодшІэным шъудимыхьыхынэуи Тхьэм шъуелъэІу. Гур фай, ау пкъым ылъэкІырэп.

39Исус етІанэ ІукІыжьи, а гущыІэ дэдэхэмкІэ Тхьэм елъэІугъ. 40Джыри зэ къызегъэзэжьым, а нэбгырищыр

 

14:32 Гефсимание – еплъ Маттэ 26:36. 14:36 Аввэ – «ты» ары.

 

чъыехэу къыгъотыжьыгъэх, сыда пІомэ анапІэхэр онтэ­гъоу хъугъэхэти ары. Ахэмэ Исус къыраІожьыщтыр ашІагъэп. 41Исус ящэнэрэу къызегъэзэжьым, ахэмэ ариІуагъ: –Зыжъугъэпсэфызэ джыри шъочъыя? Икъун! Сыхьатыр къэсыгъ. Мары, ЦІыф Лъэпкъым Ыкъо псэкІод зышІэрэ цІыфхэм аІэкІэхьащт. 42Шъукъэтэдж! НекІо, мары ахэмэ саІэкІэзыгъэхьащтыр къэблэгъагъ.

 

Исус зэраубытыгъэр

(Маттэ 26:47-56; Лука 22:47-53; Иуан 18:3-12)

 

43Ардэдэм Исус джыри гущыІэзэ, игъогу рыкІорэ нэб­гырэ пшІыкІутІум ащыщэу Иудэу Исус тетыгъо зиІэхэм аІэкІэзыгъэхьанэу щытыгъэр къэкІуагъ. Сэшхохэмрэ умэ­хэмрэ аІыгъхэу, цІыф купышхо игъусагъ. Дин пэщэшхо­хэри, Тэурат егъэджэкІо пащэхэри, нахьыжъхэри ары ахэр къэзыгъэкІогъагъэхэр.

44–Сэ сызэбэущтыр ары зыфасІорэр,– ыІуи, Иудэ Исус зэраІэкІигъэхьащт шІыкІэр игъусэхэм ариІогъагъ. –Ар шъуубыти, шъуфэсакъызэ Іушъущ.

45Иудэ зэрэнэсэу Исус екІуалІи, –Равви!– ыІуи, Исус ебэугъ. 46Арэущтэу Исус аубытыгъ. 47Ащ дэжьым щыт­хэм ащыщэу зым исэшхо къырихи, дин пэщэшхом иунэІут еуи, ытхьакІумэ лъэныкъо гуиупкІыгъ.

48–ХъункІакІо горэ шъуубытыщтым фэдэу, сэшхохэмрэ умэхэмрэ шъуІыгъхэу шъукъыспэгъокІыгъа?– ариІуагъ Исус ахэмэ. 49–Мафэ къэси Тхьэм иунэшхо цІыфхэм Тхьэм игущыІэхэр щязгъашІэхэу сышъухэтыгъ, арышъхьакІэ сы­шъуубытыгъэп. Ау мыр зыфэхъугъэр Тхьэм игущыІэ тхы­гъэхэм арытхэр къэшъыпкъэжьынхэр ары.

50Джащыгъум Исус игъогу рыкІорэ пстэуми ежьыр уты­гум къырани хэхьажьыгъэх.

 

КІалэу хэхьажьыгъэр

 

51Зы кІалэ горэ чэсэй фыжь ыпкъ ещэкІыгъэу, Исус игъусэхэм ахэтыгъ. А кІалэр къаубытэу аублагъ, 52ары­шъхьакІэ кІалэм чэсэй фыжьыр ахэмэ къаІэкІини, пцІанэу аІэкІэкІи хэхьажьыгъ.

 

Исус Тхьэмэтэ Хэсэшхом ыпашъхьэ зэрэращагъэр

(Маттэ 26:57-68; Лука 22:54-55, 63-71; Иуан 18:13-14, 19-24)

 

53Исус дин пэщэшхом ыдэжь ащагъ, адрэ дин пэщэшхо­хэри, нахьыжъхэри, Тэурат егъэджэкІо пащэхэри зэкІэ ащ дэжьым къыщызэІукІагъэх. 54Петри чыжьэкІэ Исус ыуж итэу, дин пэщэшхом ищагу нэсыфэ къыкІэлъыкІо­гъагъ. Ащ дэжьым машІом зыщыригъэоу, ухъумакІохэм ахэсыгъ.

55Дин пэщэшхохэмрэ Тхьэмэтэ Хэсэшхом* щыщхэу адрэ тхьаматэ пстэумрэ Исус укІ тыралъхьаным пае, шыхьат лъыхъущтыгъэх, ау зи къагъотыгъэп. 56Шыхьат нэпцІы­бэхэм Исус пцІы Іаджи тыралъхьагъ, арышъхьакІэ къа­Іуагъэхэр зэтефагъэхэп.

57Арэущтэу зэхъум, шыхьат нэпцІ куп къэтэджи, мыр Исус тырилъхьагъ:

58–Мы лІым мыщ фэдэу къыІоу зэхэтхыгъэ: «Тхьэм иунэшхоу цІыфхэм аІэкІэ ашІыгъэр сэ зэхэскъутэнышъ, цІыфхэм аІэкІэ амышІыгъэу нэмыкІ унэшхо мэфищкІэ зэтезгъэуцожьыщт».

59Ау а шыхьатхэми Исус тыралъхьагъэхэр зэтефагъэ­хэп.

60ЕтІанэ дин пэщэшхор къэтэджи, утыгум къиуцуагъ.

–Сыд мы лІыхэм о къыптралъхьэрэр?– еупчІыгъ ар Исус. –Сыда зи къызкІэмыІорэр?

61 Исус зиушъэфэу, зи къыІуагъэп.

–Ора Христосэу щытхъушхор зиІэ Тхьэм Ыкъо? –джыри зэ дин пэщэшхор еупчІыгъ.

62–Сэры,– къыІуагъ Исус,– лъэкІыныгъэшхор зиІэ Тхьэм иджабгъукІи госэу, ошъуапщэми ахэтэу, ЦІыф Лъэпкъым Ыкъо къакІоу шъулъэгъущт.

63Джащыгъум дин пэщэшхом ищыгъынхэр къызэгуи­тхъыгъэх*.

 

14:55 Тхьэмэтэ Хэсэшхор – еплъ Маттэ 5:22.

14:63 ищыгъынхэр къызэгуитхъыгъэх– еплъ Маттэ 26:65.

 

–Сыда нэмыкІ шыхьат зэрэтищыкІэгъэжьыр?– къыІуагъ ащ. 64–Тхьэр зэригъэпцІыгъэр шъо зэхэшъухыгъ. Сыдэу­щтэу шъухаплъэра?

Ахэмэ зэкІэмэ Исус укІ ифэшъуашэу къаГуагъ. 653ы купыр Исус теужъунтхэхэу аублагъ. ЫнэкІуи рахъуи, бжымкІэ еуагъэх.

–Упегъымбармэ, хэтми къыоуагъэм ыцІэ къаІо!– раІуагъ. УхъумакІохэри Исус енэпэшъоуагъэх.

 

Петрэ Исус ымышІэу къызэриІуагъэр

(Маттэ 26:69-75; Лука 22:56-62; Иуан 18:15-18; 25-27)

 

66Петрэ ыхэкІэ щагум зыдэтым, дин пэщэшхом иунэІут пшъашъэхэм ащыщ къэкІуагъ. 67Петрэ машІом зыщыри­гъэоу зелъэгъум, еплъи риІуагъ:

–Ори а Исусэу Назарет щыщым уригъусагъ.

68–Хьау, о зыфапІорэр сэ сшІэрэп ыкІи зэхэсшІы­кІырэп,– ыІуагъ Петр. ЕтІанэ щагум дэкІи, идэхьапІэ дэхьагъ. Атакъэр къэІуагъ.

69УнэІут пшъашъэм Петрэ ащ дэжьым щытэу зелъэгъум, а чІыпІэм щытхэм джыри зэ ариІожьэу ыублагъ:

–Мыр ахэмэ ащыщ.

70–Хьау, сэ ахэмэ сащыщэп,– джыри зэ ыІуагъ Петрэ.

Зы тІэкІу тешІагъэу ащ дэжьым щытхэм джыри зэ Петрэ къыраІожьыгъ:

–Шъыпкъэу ори ахэмэ уащыщ; сыда пІомэ Галилей хэкум ущыщба? ЯгущыІакІэкІэ укъэгущыІэ.

71–Тхьэр сэгъэпцІы къасІорэр мышъыпкъэмэ, а лІэу зыфашъуІорэр сшІэрэп,– ыІуи, Петрэ тхьарыІо ышІэу ыублагъ.

72Ардэдэм ятІонэрэу атакъэр къэІуагъ. Джащыгъум Исус къыриІогъэгъэ гущыІэхэр Петрэ ыгу къэкІыжьы­гъэх:

–Атакъэр тІо Іоным ыпэкІэ, гъогогъуищэ сэ сыкъэмы­шІэу къэпІощт.

Ар ыгу къызэкІыжьым, Петрэ къэгъыгъ.

 

 

15

ЯПШІЫКІУТФЭНЭРЭШЪХЬ

 

Исус Іэшъхьэтетэу Пилат ыпашъхьэ зэрэращагъэр

(Маттэ 27:1-2, 11-14; Лука 23:1-5; Иуан 18:28-38)

 

Нэф къызэрышъэу, нахьыжъхэри, Тэурат егъэджэкІо пащэхэри, адрэ тхьаматэхэу Тхьэмэтэ Хэсэшхом щыщ­хэри ягъусэхэу, дин пэщэшхохэмэ хасэ ашІыгъ. Исус Іэхъу тыралъхьи, Іуащи, Іэшъхьэтетэу Пилат* ІэкІалъ­хьагъ.

2–О джуртхэм уряпачъыхьа?– ыІуи, Пилат Исус къе­упчІыгъ.

–Ары, къызэрэпІорэм фэдэу,*– риІожьыгъ Исус.

3Дин пэщэшхохэм ІэджыкІи Исус агъэмысэщтыгъ. 4Пи­лат джыри зэ Исус къеупчІыгъ:

–Сыда зи къызкІэмыІорэр? Къыптыралъхьэрэр зыфэди­зыр плъэгъурэба?

5Ау Исус зи къыІожьыгъэп. Зи къызэримыІожьыгъэм пае, Пилат ыгъэшІэгъуагъ.

 

Исус укІ зэрэтыралъхьагъэр

(Маттэ 27:15-26; Лука 23:13-25; Иуан 18:39-19:16)

 

6Пасхъэ мэфэкІ мэфэшхо къэсымэ, цІыфхэр зыкІэ­лъэІурэ хьапсчІэс горэ шъхьафитэу къафитІупщыжьыныр Пилат ихабзэу щытыгъ. 7А мафэхэм нэбгырэ заулэу цІыф­хэр къэзыгъэбырсыгъэхэу, лІы горэ зыукІыгъэхэр хьапсым чІэсыгъэх. Вараввэ зыцІэу зы лІы горэ ахэмэ ахэтыгъ. 8ЦІыфхэр купышхоу Пилат ыдэжь къакІохи, ихабзэ фэдэу къафишІэнэу къелъэІугъэх.

9–Джуртхэм япачъыхьэ шъхьафитэу къышъуфэстІуп­щыжьынэу шъуфая?– ариІожьыгъ Пилат. 10Пилат аущтэу зыкІяупчІыгъэр шъугъоным къыхэкІэу, дин пащэхэм Исус къызэрэІэкІалъхьагъэр къыгурыІуагъэти ары. 11Ау Пилат Вараввэ шъхьафитэу къырагъэтІупщыжьыным пае,

 

15:1 Пилат – еплъ Маттэ 27:2.

15:2 –Ары, къызэрэпІорэм фэдэу,– е –О пшъхьэкІэ къэоІо.

 

дин пэщэшхохэм цІыф купышхор зэкІагъэплъыхьагъэх.

12–Адэ, джуртхэм япачъыхьэу зыфашъуІорэм сыда есшІэщтыр?– джыри зэ ариІуагъ Пилат.

13–Къащым теІулІ!– къэкууагъэх ахэр.

14–Сыд ащ бзэджагъэу ышІагъэр?– ариІуагъ Пилат.

Ау ахэр нахь инэу къэзэрэгъэкууагъэх:

–Къащым теІулІ!

15Джащыгъум Пилат цІыф купышхор ыгъэрэзэнхэу фэягъэти, Вараввэ шъхьафитэу къафитІупщыжьыгъ. ЕтІанэ дзэлІхэр Исус къамыщкІэ ригъаохи, къащым тыраІулІэнэу аІэкІилъхьагъ.

 

ДзэлІхэр Исус зэрэкІэнэкІагъэхэр

(Маттэ 27:27-31; Иуан 19:2-3)

 

16ДзэлІхэм преторие* зыцІэ унэшхом Исус чІащи, адрэ къэнагъэ дзэлІ купышхор ащ щызэхаугъоягъэх. 17ЕтІанэ плъыжь чІапцІэу зы шъошэ кІыхьэ Исус щалъи, панэ хэшІыкІыгъэу пачъыхьэ тандж фабли, ышъхьэ тыралъ­хьагъ. 18 Шъхьащэ фашІэу аублагъ: «Опсэу, о джуртхэм япачъыхь!» аІозэ. 19ЕтІанэ бэщкІэ ышъхьэ еощтыгъэх, теужъунтхэщтыгъэх ыкІи агъэлъапІэрэм фэдэу лъэгон­джэмышъхьэкІэ ыпашъхьэ къитІысхьэщтыгъэх. 20Ахэр Исус зыкІэнакІэхэ ужым, шъошэ кІыхьэ плъыжь чІапцІэр щахыжьи, ежь ищыгъынхэр щалъэжьыгъэх. ЕтІанэ къа­щым тыраІулІэнэу преторием ращыжьыгъ.

 

Исус къащым зэрэтыраІулІагъэр

(Маттэ 27:32-44; Лука 23:26-43; Иуан 19:17-27)

 

21Кириние къалэм* щыщэу, Симон зыцІэу зы лІы горэ щыІагъ. Ар Александррэ Руфрэ ятэу щытыгъ. Ар губгъом къикІызэ блэкІ пэтэу, Исус икъащ ыхьынэу рагъэзыгъ. 22Голгофэ зыфаІорэ чІыпІэм Исус ащагъ, (Голгофэ къи­кІырэр «Шъхьэпкъ ЧІыпІэр» ары). 23Ащ дэжьым зынэс-

 

15:16 Преторие – еплъ Маттэ 27:27. 15:21 Кириние къалэр– еплъ Маттэ 27:32.

 

хэм, мур зыцІэ мыстхъу горэ зыхэлъ сэнэпс Исус фащэигъ, арышъхьакІэ аІихыгъэп. 24ЕтІанэ Исус къащым тыраІу­лІагъ. Пхъэдз ашІызэ, ищыгъынхэм ащыщэу хэти иІахьэу къылъысыщтыр зэфагощыгъ.

25Исус къащым зытыраІулІэм, пчэдыжьым сыхьатыр бгъум нэсыгъагъ. 26Исус къащым зыкІыраІулІыгъэр зы пхъэм­бгъу горэм мырэущтэу тетхагъэу щытыгъ: «Джуртхэм я Пачъыхь». 27А чІыпІэм хъункІэкІуитІу, зыр иджабгъу­кІэ адрэр исэмэгубгъукІэ, Исус игъусэхэу къащхэм атыра­ІулІагъэх. 28Арэущтэу мы гущыІэхэу Тхьэм игущыІэ тхыгъэхэм арытхэр* къэшъыпкъэжьыгъэх: «Хабзэм текІы­гъэхэм ащыщэу ежьыр алъытагъ».29КъыблэкІырэ цІыфхэр Исус къехъонхэзэ, ашъхьэхэр агъэсысхэу, мырэущтэу аІуагъ:

–О Тхьэм иунэшхо зэхэзыкъутэу, мэфищкІэ зэтезыгъэ­уцожьыщтыр, 30умыкІодэу зыкъэгъэнэжьи, къащым къе­хыжь!

31Ащ фэдэу дин пэщэшхохэмрэ Тэурат егъэджэкІо па­щэхэмрэ Исус кІэнакІэхэу зэраІожьыгъ:

–НэмыкІ цІыфхэр мыкІодэу къыгъэнэжьыгъэх, ау ежь зыкъигъэнэжьышъурэп. 32Христосэу Израил ипачъы­хьэ джы къащым къерэхыжь. Ар тлъэгъумэ, шІошъхъу­ныгъэ тиІэ хъущт.

Исус игъусэхэу къащхэм атыраІулІагъэхэри ежь къехъо­ныщтыгъэх.

 

Исус зэрэлІагъэр

(Маттэ 27:45-56; Лука 23:44-49; Иуан 19:28-30)

 

33Щэджагъом* щегъэжьагъэу сыхьатыр щым* нэс, а хэгъэгум тыдэкІи шІункІ къыщыхъугъ. 34Сыхьатыр щым дэжь Исус мэкъэшхокІэ джагъэ:

–Элой, Элой! Лама савахфани? (Ащ къикІырэр, «О Ситхь, о Ситхь! Сыд пае утыгум сизакъоу сыкъиунагъ?»)

 

15:28 Тхьэм игущыІэ тхыгъэхэм арытхэр – еплъ Пегъымбар Исайас тхы­лъэу ытхыгъэм 53:12.

15:33 щэджагъом – еплъ Маттэ 27:45.

15:34 сыхьатыр щым – еплъ Маттэ 27:45.

 

35А чІыпІэм щытхэм ащыщхэм ар зызэхахым, аІуагъ:

–ШъукъэдаІу, ар пегъымбар Иляс еджэ.

36Зыгорэ Іулъади, кІышъо зэраІотырэм сэнэпс шІоІу­гъэр хиз ышІи, бэщ горэм пилъхьи, Исус кІигъэшъунэу фищэигъ. ЕтІанэ ыІуагъ:

–Зэ, пегъымбар Иляс къакІоу къащым къыпихыжьмэ, тежъугъэплъ.

37Ау Исус мэкъэшхокІэ джи, ыпсэ ытыгъ.

38Джащыгъум Тхьэм иунэшхо ипэІухъо ыпшъэкІэ къы­щегъэжьагъэу ыхэ нэсыфэ тІоу къызэготхъыгъ.

39ДзэлІхэм япащэу Исус къыфэзанкІэу щытым Исус мырэущтэу лІэу зелъэгъум, къыІуагъ:

–Шъыпкъэ дэдэу мы лІыр Тхьэм Ыкъоу щытыгъ.

40ЧыжьэкІэ къаплъэхэу бзылъфыгъэхэри ащ дэжьым щытыгъэх. Мыхэр ахэмэ ахэтыгъэх: Магдалэ къуаджэм* щыщ Мерэми, Саломий, нэмыкІ Мерэми. А Мерэм Якъубэ нахьыкІэу зыфаІорэмрэ ышы Иосыирэ янэу щытыгъ. 41Исус Галилей хэкум зыщэІэм, ахэр игъусэщтыгъэх ыкІи ІэпыІэгъу фэхъущтыгъэх. Ахэмэ анэмыкІхэуи бзы­лъфыгъэ Іаджи Исус игъусэхэу Ерусалим къэкІуагъэхэу а чІыпІэм щытыгъэх.

 

Исус ихьадэ къэунэм зэрэчІалъхьажьыгъэр

(Маттэ 27:57-61; Лука 23:50-56; Иуан 19:38-42)

 

42Бэрэскэшхо мэфагъ, шэмбэт мафэм ыпэрэ мафэр ары. Пчыхьэшъхьапэ хъугъэти, 43Аримафей къуаджэм щыщ Юсыфыр къэкІуагъ. А Юсыф Тхьэмэтэ Хэсэшхом щыщэу, лъытэныгъэ зифэшъошэ тхьаматэу щытыгъ. Тхьэм и Тетыгъошхо къэсыным паплъэу щытыгъ. Ащ зигъэгушхуи, Пилат ыдэжь кІуи, Исус ихьадэ кІэлъэІугъ. 44Исус зэрэлІагъэр Пилат ыгъэшІэгъуагъ. ДзэлІхэм япа­щэ къаригъащи еупчІыгъ:

–Исус бэшІагъа зылІагъэр?

45Дзэ пащэм Исус зэрэлІагъэр Пилат къызыреІом, Юсыф Исус ихьадэ ыхьыжьынэу фит ышІыгъ. 46Юсыф чэфын къыщэфи, хьадэр къащым къыпихыжьи, чэфыныр рищэкІи, Іошъхьэ цакІэу акъутагъэм къыхашІыкІыгъэ

 

15:40 Магдалэ къуаджэр – еплъ Маттэ 27:56.

 

къэунэм чІилъхьажьыгъ. ЕтІанэ къэунэ чІэхьапІэм зы мыжъошхо ІуигъэукІорэягъ. 47Магдалэ къуаджэм щыщ Мерэмрэ Иосый янэ Мерэмрэ Юсыф хьадэр зычІилъхьа­жьыгъэр алъэгъугъ.

 

 

16

ЯПШІЫКІУХЭНЭРЭШЪХЬ

ЯПШІЫКІУХЭНЭРЭШЪХЬ

Исус лІагъэхэм къызэрахэтэджыкІыжьыгъэр

(Маттэ 28:1-8; Лука 24:1-12; Иуан 20:1-10)

Шэмбэтыр зыблэкІым, Магдалэ къуаджэм щыщ Мерэ­ми, Саломий, Якъубэ* янэ Мерэми къэунэм кІо­хэу, Исус ихьадэ дагъэ щафэным пае, мэ ІэшІу зыпихырэ щыфэн дагъэхэр ащэфыгъэх. 2Тхьамафэм иапэрэ мафэм* жьы дэдэу, тыгъэр къыкъокІыгъэ къодыеу, къэунэм кІонхэу гъогум техьагъэх.

3–Къэунэ чІэхьапІэм мыжъошхоу Іулъыр хэт тфыІуи­гъэукІорэикІына?– зэраІожьыгъ ахэмэ.

43эплъэхэм, мыжъошхор, ар мыжъошхо ин дэдагъ, Іу­гъэукІорэикІыгъэу алъэгъугъ. 5Къэунэм зычІахьэхэм, щыгъын фыжьы кІыхьэкІэ фэпагъэу, зы кІалэ горэ джа­бгъу лъэныкъомкІэ щысэу алъэгъуи, агучІэ изыгъ.

6–ШъумыгумэкІ,– къариІуагъ ащ ахэмэ. –Назарет щыщ Исусэу къащым раІулІыгъэм шъузэрэлъыхъурэр сэшІэ. Ар мыщ дэжьым щыІэжьэп. Ар лІагъэхэм къахэтэджы­кІыжьыгъ! Мары чІыпІэу зычІалъхьажьыгъэр. 7Ау шъо шъукІуи, Петрэрэ адрэ лІыхэу Исус игъогу рыкІохэрэмрэ яшъуІу: «Шъо шъуапэ рапшІэу ар Галилей кІощт. Къы­зэрэшъуиІуагъэм тетэу ащ дэжьым щышъулъэгъужьыщт».

8Джащыгъум агучІэ изыгъэти, бзылъфыгъэхэр кІэзэз­хэу къэунэм къычІэкІыжьхи, хэхьажьыгъэх. Зыми зи раІуагъэп, сыда пІомэ джащ фэдизэу щынагъэхэти ары.

16:1 Якъубэ – еплъ 15:40.

16:2 Тхьамафэм иапэрэ мафэр – тхьаумэфэ мафэр ары.

Исус Магдалэ къуаджэм щыщ Мерэм зыкъызэрэригъэлъэгъугъэр

(Маттэ 28:9-10; Иуан 20:11-18)

9Тхьамафэм иапэрэ мафэм жьэу Исус лІагъэхэм къы­захэтэджыкІыжьым, ыпэ рапшІэу Магдалэ къуаджэм щыщ Мерэм зыкъыригъэлъэгъугъ. А Мерэм ары Исус джы­нэпцІибл зыхифыгъагъэр. 10Мерэм цІыфхэу Исус игъусэ­гъагъэхэу, джы шъыгъохэу гъыщтыгъэхэм адэжь кІуи, хъугъэ-шІагъэр ариІуагъ. 11Исус зэрэпсаурэри Мерэм ар зэрилъэгъугъэри зызэхахым, ашІошъ хъугъэп.

Исус игъогу рыкІохэрэм ащыщхэу нэбгыритІу зыкъызэраригъэлъэгъугъэр

(Лука 24:13-35)

12ЕтІанэ игъогу рыкІохэрэм ащыщхэу нэбгыритІу гу­бгъомкІэ кІохэзэ, нэмыкІ теплъэ иІэу, Исус зыкъаригъэ­лъэгъугъ. 13Ахэми агъэзэжьи, адрэ цІыфхэу Исус игъогу рыкІохэрэм къэбарыр араІотэжьыгъ, ау ахэмэ ашІошъ хъугъэп.

Исус игъогу рыкІохэрэм Іофэу ашІэнэу апшъэ рилъхьагъэр

(Маттэ 28:16-20; Лука 24:36-49; Иуан 20:19-23; Апостол. 1:6-8)

14Ащ ыужым игъогу рыкІорэ нэбгырэ пшІыкІузыр шхэ­хэзэ, Исус зыкъаригъэлъэгъугъ. Ахэмэ яшІошъмыхъу­ныгъэмрэ ягуркъагъэрэ* апаий, ежьыр лІагъэхэм къахэ­тэджыкІыжьыгъэу зылъэгъугъэхэм къаІотагъэр ашІошъ зэрэмыхъугъэм паий ягыигъ.

15–Дунаер зэкІэ къэшъукІухьи,– ариІуагъ Исус ахэмэ, –цІыф пстэуми къэбарышІур* яжъугъэІу. 16Хэти зы­шІошъ хъоу, зыгорэм зезыгъэумэхъырэр* мыкІодэу Тхьэм къыгъэнэжьыщт, ау хэти зышІошъ мыхъурэр Тхьэм ыгъэ-

16:14 гуркъагъэр – еплъ 3:5. 16:15 къэбарышІур – еплъ 8:35. 16:16 умэхъыныр – еплъ Маттэ 3:1.

мысэщт. 17Мы нэшанэхэр шІошъхъуныгъэ зиІэ цІыфхэм ягъусэщтых: Сэ сцІэкІэ цІыфхэм джынапцІэхэр ахафы­щтых; амышІэрэ бзэхэмкІэ гущыІэщтых; 18аІэхэмкІи блэ­хэр къаштэщтых; лІэныгъэ къызхэкІын шъоным ешъохэми, зи къаришІэщтэп; ахэмэ аІэхэр зытыралъхьэрэ сыма­джэхэр хъужьыщтых.

Исус уашъом зэрэдэкІоежьыгъэр

(Лука 24:50-53; Апостол. 1:9-11)

193иусхьан Исус игъогу рыкІохэрэм къызадэгущыІэм ыуж, Тхьэм ар уашъом дищэежьыгъ, Тхьэм иджабгъу­кІи щысынэу готІысхьагъ. 20Исус игъогу рыкІохэрэр ежьагъэхэу, Тхьэм игущыІэхэр тыдэкІи щагъэІущтыгъэх. Зиусхьаныр адэлажьэу, нэшэнэ гъэшІэгъонышхохэу ежь игущыІэхэм гъусэу афишІэу щытыгъэхэмкІэ а гущыІэхэр ыгъэшъыпкъэжьыщтыгъэх. Амин.

03 Luke / Лука

01

 


 

КЪЭБАРЫШІУР ЛУКА КЪЫЗЭРИIОТАГЪЭР

 

АПЭРЭШЪХЬ

 

Мы тхылъыр зыкІэстхыгъэр

 

Хъугъэ-шІагъэхэу тапашъхьэ щыхъугъэхэм якъэбархэр цІыфыбэмэ атхыжьынхэу пылъыгъэх. 2Ахэмэ атхыгъэхэр цІыфхэу а Іофхэр ублапІэм щегъэжьагъэу нэкІэ зылъэгъугъэхэрэмрэ Тхьэм игущыІэхэм афэлажьэхэрэмрэ къызэрэтаІотэжьыгъэхэм атетэу ары. 3 Арэущтэу сэри мы хъугъэшІэгъэ Іоф пстэуми яублапІэ щегъэжьагъэу сыфэсакъыпэу зысэгъэунэфы ужым, о, лъытэныгъэ зифэшъошэ Феофил*, зэкІэлъыкІоу пфэстхынхэу тесыубытагъ, 4о къыуагъэшІэгъэ Іофхэм яшъыпкъагъэ пшІэным пае.

 

1:3 Феофил Лука мы тхылъыр зыфитхырэр ары, еплъ Апостол. 1:1. Феофил тхьаматэ горэу щытыгъ, Мэссихь ехьылІэгъэ къэбарышІуми щыгъуазэу щытыгъ. Ащ нэмыкІэу Феофил икъэбар зи тиІэп.

 

МэлэІич ДжэбраIил умэхъэкІо Иуан къызэрэхъущтыр къызэриІуагъэр

 

5Иудей хэкум* ипачъыхьэ Ирод* имафэхэм Зэчрей зыцІэу зы дин пащэ горэ щыІагъ. Ар АвиекІэ заджэхэрэ дин пэщэ купым хэтыгъ. Ишъхьэгъусэ Елизаветэ Хьарун къытехъукІыгъэ цІыфхэм ащыщыгъ. 6ТІуми Тхьэу ЗиусхьанымкІэ шъыпкъагъэ яІэу, иунашъохэмрэ ихабзэхэмрэ атетхэу, зэрагъэмысэн Іоф зи абгъэдэмылъэу псэущтыгъэх. 7 Бын яІагъэп, сыда пІомэ Елизаветэ бын къыхэкІэу щытыгъэп, тІури ныбжькІэ хэкІотагъэхэу щытыгъэх. 83эчрей зыхэт дин пэщэ купыр Тхьэм иунэшхо щылэжьэнэу игъо къызынэсым, Зэчрей дин пащэу Тхьэм ыпашъхьэ Іоф щишІэщтыгъ. 9Дин пащэхэм яхабзэ тетэу пхъэдз зашІым, Зиусхьаным иунэшхо кІоцІ чІэхьанышъ, мэ ІэшІу зыпихырэ уцыр Тхьэм пае ыгъэстынэу Зэчрей къытефагъ. 10Уцыр зыщагъэстын фэе сыхьатыр къызэсым, Зэчрей уцыр ыгъэстыфэкІэ, зэкІэ цІыфхэр Тхьэм иунэшхо щагу Тхьэм щелъэІущтыгъэх.

11Джащыгъум уц гъэстыпІэм иджабгъукІэ щытэу, Зиусхьаным имэлэІич горэ Зэчрей къыщыфэлъэгъуагъ. 123эчрей ар зелъэгъум, къащти щынэгъэшхо хэфагъ. 13Джащыгъум мэлэІичыр къыдэгущыІагъ:

–Укъэмыщт, Зэчрей. УилъэІу Тхьэм къызэхихыгъ. Уишъхьэгъусэ Елизаветэ къо къыфэхъущт, ащи Иуан цІэу о фэуусыщт. 14Ар гушІогъошхорэ тхъэгъошхорэ къыпфэхъущт, ар къызэрэхъугъэм пае, цІыфыбэхэри гушІощтых. 15 ЗиусхьанымкІэ лІышхоу щытыщт, сэнэпсымрэ узыгъэутэшъон шъонымрэ яшъощтэп, янэ ышъо зыхидзагъэм щегъэжьагъэуи Тхьэм ы Псэ ЛъапІэ инэу ыгу илъыщт. 16Израил цІыфыбэхэри Зиусхьанэу я Тхьэ игъогу къытыригъэхьажьыщтых. 17Тхьэм ы Псэ ЛъапІэ пегъымбарэу Илясым* ыгу зэрилъыгъэм фэдэу, ащ ыгу илъэу, Иляс кІуачІэ зэриІагъэм фэдэуи кІуачІэ иІэу, Зиусхьаныр къэкІоным ыпэкІэ, ар къэкІощт. Тыхэмрэ къохэмрэ агухэр шIу зэфишIыжьыщтых, Тхьэм

 

1:5 Иудей хэкур – зэкІэ Палестинэ хэгъэгур ары.

1:5 Ирод – Ирод Иныр ары. Хьисэ къэхъуным ыпэкІэ 37-4 илъэсхэм къакІоцІ Израил хэгъэгум зэкІэ ипачъыхьэу щытыгъ.

1:17 Пегъымбар Иляс – еплъ Пегъымбар Малахие тхылъэу ытхыгъэм 4:5-6.

 

емыдэІухэрэри шъыпкъагъэ зиІэ цІыфхэм ягъогу тыригъэхьащтых. Арэущтэу Зиусхьаным фэшъошэ лъэпкъ хъунэу ащ Израил лъэпкъыр ыгъэхьазырыщт.

18 –Ар зэрэшъыпкъэр сыдэущтэу сшІэщта?– ыІуи, Зэчрей мэлэІичым риІуагъ. –Сэ лІыжъы сыхъугъ, сишъхьэгъуси ныбжькІэ хэкІотагъ.

19–Тхьэм ыпашъхьэ ит мэлэІичэу ДжэбраIил сэры,– къыриІожьыгъ мэлэІичым. –Мы къэбарышІур осІоным пае, сыкъыбдэгущыІэнэу Тхьэм сыкъигъэкІуагъ. 20Джары, сэ къыосІуагъэр пшІошъ хъугъэпышъ, а зыфэсІогъэ Іофхэр охъухэфэ, умыгущыІэшъоу, бзакоу ущытыщт. Игъо къызысыкІэ, ахэр къэхъунхэ фае.

21 Ащ нэсыфэ Зэчрей Тхьэм иунэшхо къызэрэчІэмыкІыжьыгъэр цІыфхэм агъэшІагъоу ащ ежэщтыгъэх. 22ЕтІанэ Зэчрей Тхьэм иунэшхо къызычІэкІыжьым, цІыфхэм къадэгущыІэн ылъэкІыгъэп. Джащыгъум Тхьэм иунэшхо зыгорэ къызэрэщыфэлъэгъуагъэр зэхашІыкІыгъ. Зэчрей зыфаер ыІэхэмкІэ къагуригъаІоу, бзакоу къэнагъ.

23Тхьэм иунэшхо Іофэу щишІэщтыгъэхэм ямафэхэр зытекІыхэм, Зэчрей иунэ ыгъэзэжьыгъ. 24Бащэ темышІэу ишъхьэгъусэ Елизаветэ ышъо сабый хидзагъ, мэзитфыкІи цІыфмэ къахэхьагъэп. 25«Зиусхьаным мыр сэ къысфишІагъ», ыІуагъ ащ. «Мы мафэхэм ынэшІу къысщифэу, цІыфхэмэ апашъхьэ симыгъуагъэ щыстырихыгъ».

 

МэлэІичэу ДжэбраIил Хьисэ къызэрэхъущтыр Мерэм къызэрэриІуагъэр

 

26Елизаветэ мэзихкІэ лъэрмыхьэу, Тхьэм имэлэІич ДжэбраIил Галилей хэкум* щыщэу, Назарет зыцІэ къалэ горэм* къыгъэкІуагъ. 27 Ар къызфигъэкІуагъэр Мерэм зыцIэ пшхагъэ горэ ары. Юсыф

 

1:26 Галилей хэкур – Израил хэгъэгум итемыр лъэныкъо ит. Архелай ышэу Ирод Антипэ зыцІэр а хэкум ипщэу щытыгъ.

1:26 Назарет зыцІэ къалэр - Галилей псыхъураем икъыблэ цыпэм километр 26-кІэ пэчыжьэу, итыгъэ къохьэпІэ лъэныкъокІэ ит.

 

лІэу пачъыхьэ Даутэ къытехъукІыгъэ цІыфхэм ащыщым а Мерэм къыщэнэу ыгъэунэфыгъэу щытыгъ. 28Мерэм зыдэщыІэм мэлэІичыр къакІуи къыІуагъ:

–ГушІо, о Тхьэм ынэшІу зыщифагъэр, Зиусхьаныр уигъусэ!

29МэлэІичым къыІуагъэм Мерэм лъэшэу къыгъэгузэжъуагъ, а шІуфэс гущыІэу къыриІуагъэм къикІырэми егупшысагъ.

30 –Укъэмыщт, Мерэм,– ыІуи, мэлэІичым ащ къыриІуагъ, –Тхьэм ынэшІу къыпщифагъ. 31 О пшъо сабый хидзэнышъ, къо къыпфэхъущт. Ащ Хьисэ* цІэу о фэуусышт. 32Ар цІыфышхоу хъущт, анахь Иным ы КъокІи еджэщтых. Ятэшхо пачъыхьэ Даутэ итІысыпІэ лъапІэ Зиусхьанэу Тхьэм ащ къыритыщт, 33 мыкІодыжьын тетыгъуи Якъубэ ылъэпкъ фыриІэщт. Итетыгъошхуи егъэшІэм кІэух иІэщтэп.

34 –Ар сыдэуштэу хъуна?– еупчІыгъ Мерэм мэлэІичым. –Сэ пшъэшъэ дэмыкІуагъэу сыщыт.

35 –Тхьэм ы Псэ ЛъапІэ къыпфехыщт, анахь Иным ыкІуачІи уигъусэщт,– къыриІожьыгъ мэлэІичым. –Арышъ, кІэлэ лъапІэу къэхъущтым Тхьэм ы КъокІэ еджэщтых. 36Мары, уиблагъэ Елизаветэу бын къызхэмыкІынэу зыфаІощтыгъэм ижъышъхьэм ышъо хидзагъэу, джы яхэнэрэ мазэм ит; 37сыда пІомэ Тхьэм ымылъэкІын Іоф зи щыІэп.

38–Мары, сэ Зиусхьаным сырипщылІ,– къыІуагъ Мерэм. –О зэрэпІуагъэм тетэу къыздэрэхъу.

ЕтІанэ мэлэІичым Мерэм къыгъани, ІукІыжьыгъ.

 

Мерэм Елизаветэ ыдэжь зэрэкІуагъэр

 

39 А мафэхэм Мерэм зигъэхьазыри, Іошъхьэ хэкум щыщэу Иудэ зыцІэ унэгъо лъэпкъыр зыдэс къуаджэ горэм псынкІэу кІуагъэ. 40А къуаджэм зынэсым, Мерэм Зэчрей иунэ ихьи, Елизаветэ шІуфэс рихыгъ. 41 Елизаветэ Мерэм ишІуфэс гущыІэ зызэхехым, сабыеу ыныбэ

 

1:31 Хьисэ – а цІэм къикІырэр «цІыфхэр мыкІодхэу Къэзыгъэнэжьырэр» ары.

 

илъым зыкъигъэхъыягъ. Джащыгъум Тхьэм ы Псэ ЛъапІэ Елизаветэ ыгу инэу илъ хъуи, 42Елизаветэ мэкъэшхокІэ къыІуагъ:

–Бзылъфыгъэ пстэумэ анахьи Тхьэм ынэшІу о нахь къыпщифагъ, о пкъы къыхэкІыщт сабыими Тхьэм ынэшІу къыщифагъ. 43 Сэ сыхэт, си Зиусхьан янэ садэжь къэкІонэу? 44 О уишІуфэс гущыІэ сэ стхьакІумэ зынэсым, сыныбэ илъ сабыим гушІуагъокІэ зыкъигъэхъыягъ. 45 Зиусхьаным къыриІуагъэр къехъулІэнкІэ зышІошъ хъугъэр сыхьатмафэ ежьагъ!

 

Мерэм Зиусхьаным щытхъушхо зэрэфишІыгъэр

 

46ЕтІанэ Мерэм къыІуагъ:

–Сэ спсэкІэ Зиусхьаным ииныгъэ щытхъушхор фэсэшІы,

47сымыкІодэу сыкъэзыгъэнэжьырэ Тхьэм инэу сыщэгушІукІы,

48сыда пІомэ Зиусхьаныр ипщылІ тхьамыкІэ нэшІукІэ къеплъыгъ.

Мары, джы щегъэжьагъэу лъэхъан пстэуми яцІыфхэм

сэ сыхьатмафэ сежьагъэу аІощт,

49сыда пІомэ ЛъэкІыныгъэшхо ЗиІэм Іоф гъэшІэгъонхэр къысфишІагъэх.

Ежьым ыцІэр ары лъапІэр.

50Тхьэм ежь ищынагъо зыгу илъ цІыфхэм гукІэгъу афешІы,

ятэ щегъэжьагъэу ыкъо хиубытэу.

51 Іоф гъэшІэгъонхэр ыІэкІэ ыгъэхъагъэх,

пэгагъэ зыгу илъхэр зэбгырифыгъэх.

52Тетыгъо зиехэм ятІысыпІэхэм къаридзыхыгъэх,

пэгагъэ зыгу имылъхэр къыІэтыгъэх.

53ЩыкІагъэ зиІэхэм тынышІухэр аритыгъэх,

ау байхэр ІэнэкІэу къыгъэнагъэх.

54, 55 ИпщылІэу Израил лъэпкъым кІэлъэплъэ.

Тятэшхохэр къызэригъэгугъагъэхэм атетэу,

Ибрахьимрэ ащ къытехъукІыгъэ цІыфхэмрэ

гукІэгъу афишІынэу ыгу илъ зэпыт.

 

56Елизаветэ дэжь Мерэм мэзищкІэ щыІагъ, етІанэ ядэжь ыгъэзэжьыгъ.

 

УмэхъэкІо Иуан къызэрэхъугъэр

 

57Елизаветэ илъфэгъу мафэ къэси, къо къыфэхъугъ. 58Елизаветэ игъунэгъухэмрэ иблагъэхэмрэ Зиусхьаным гукІэгъушхо ащ къызэрэфишІыгъэр зызэхахым, Елизаветэ фэгушІуагъэх.

59Яенэрэ мафэм сабыир сунэт ашІынэу зэрэугъоихэ зэхъум, цІэу ятэ Зэчрей ыцІэ фаусынэу аублагъ. 60 Ау сабыим янэ афидагъэп.

–Хьау, ащ Иуан ыцІэщт,– ыІуагъ.

61 –О уиблагъэхэм зи ахэтэп ащ фэдэ цІэ зиІэр, –къыраІожьыгъ ахэмэ.

62 Ащ нэуж сабыим ятэ ІэкІэ зэхырагъэшІыкІызэ, цІэу фиусынэу зыфаемкІэ еупчІыгъэх. 63Ащ пхъэмбгъу парчэ горэ къахьынэу агуригъэІуагъ. Ар къызахьым, ащ тыритхагъ:

–Ащ ыцІэщтыр Иуан.

Ахэмэ зэкІэми ар агъэшІэгъуагъ. 64Ардэдэм ыбзэрэ ыбзэгурэ къытІупщыжьхи, Тхьэм щытхъу фишІэу къэгущыІэжьыгъ. 65 Гъунэгъухэу къегъэтІысыкІыгъэхэр зэкІэ щынэгъошхом хэфагъэх, Иудей Іошъхьэ хэкум тыдэкІи а Іофхэри зэкІэ зэлъашІэ хъугъэх. 66А Іофхэр зэхэзыхыгъэ пстэуми ахэр агухэм ралъхьэхэу аІощтыгъ:

–Мы сабыир сыд фэдэу хъущта?

Сыда пІомэ Зиусхьаным ынэшІу ащ щифагъ.

 

Зэчрей ыгу Тхьэм къырилъхьэгъэ гущыІэхэр къызэриІуагъэхэр

 

67Тхьэм ы Псэ ЛъапІэ сабыим ятэу Зэчрей ыгу инэу илъ хъуи, мы гущыІэхэр къыригъэІуагъэх:

68 –Зиусхьанэу Израил и Тхьэ щытхъушхор ий,

сыда пІомэ ылъэпкъэу Израил нэшІукІэ къеплъи,

шъхьафитныгъэ къыритыгъ.

69Тхьэм ежьым фэлажьэрэ пачъыхьэ Даутэ къытехъукІыгъэ

цІыфхэм ащыщэу лъэкІыныгъэшхо зиІэу,

тымыкІодэу тыкъэзыгъэнэжьыщтыр къытфигъэкІуагъ,

70пасэм щегъэжьагъэу ипегъымбар лъапІэхэм агухэм къарилъхьи,

къызэраригъэІуагъэм фэдэу.

71 Ащ типыйхэм тащиухъумэу, тымыкІодэу тыкъигъэнэжьыщт,

тызыуджэгъухэрэми тыкъаІэкІихыжьыщт.

72Арэущтэу Тхьэм тятэжъышхохэм гукІэгъушхо къафешІы,

зэзэгъыныгъэ лъапІэу ежьымрэ тятэжъышхоу Ибрахьимэрэ

азыфагу гущыІэ пытэкІэ дилъхьагъэри егъэцакІэ.

73 А гущыІэ пытэр мырыгъэ:

74 Тэ типыйхэм тыкъаІэкІихыжьыщт,

щынагъуи тыгухэм арымылъэу, ежьым тыфэлэжьэнэу тигъэлъэкІыщт,

75 ежьым ыпашъхьэ тигъашІэкІэ гукъэбзагъэрэ шъыпкъагъэрэ тиІэхэзэ.

 

76ЕтІанэ Зэчрей къыпигъэхъожьыгъ:

–О сикІал, анахь Иным урипегъымбарэу аІощт,

сыда пІомэ Зиусхьаным игъогу бгъэпсынэу ежьым ыпэ укІощт.

77 О Зиусхьаным ылъэпкъ ебгъэшІэщт, япсэкІодхэр зэрафигъэгъухэрэмкІэ

ахэр мыкІодхэу, Тхьэм къызэригъэнэжьхэрэр.

78 Ти Тхьэ гукІэгъуныгъэу иІэр ины.

Ежьыр къыкъокІырэ тыгъэм фэдэу уашъом къикІэу къытфэкІощт,

79лІэныгъэм ищынагъо хэтхэмрэ шІункІыгъэм хэтхэмрэ атепсэным паий,

мамырныгъэ гъогум тытыригъэхьаным паий.

80 Сабыим хахъуи, ыгуи ыпси хэхъуагъ. Израил цІыфмэ апашъхьэ къызщихьащт мафэм нэс шъоф нэкІым щыІагъ.

 

 

 

 

02

ЯТЮНЭРЭШЪХЬ

Хьисэ къызэрэхъугъэр

(Маттэ 1:18-25)

 

А мафэхэм Рим* къэралыгъошхом зэкІэ ис цІыф пстэури алъытэнхэу ыкІи ацІэхэр атхынхэу Кайсар Аугуст* зыцІэм унашъо къыдигъэкІыгъ. 2Мыр апэ дэдэу цІыфхэр зыщалъытагъэхэр ары. Ар къызыхъугъэр Сирие хэкум* иІэшъхьэтетэу Квириный зыцІэм илъэхъан ары. 3Арыти, хэтрэ цІыфи ежь ыцІэ аригъэтхыным пае, ятэ-янэхэр зыщыщ къалэм кІуагъэ.

4 Арэущтэу Юсыф пачъыхьэ Даутэ къытехъукІыгъэ цІыфхэм зэращыщым пае, Галилей хэкум щыщэу Назарет зыцІэ къалэм дэкІи, Иудей хэкум щыщэу Даутэ икъалэу Бэтлэхьэм* зыцІэм дэкІоягъ.

5 Юсыф Мерэмэу къыщэнэу ыгъэунэфыгъэм игъусэу ежь ыцІэ аригъэтхыным пае, Бэтлэхьэм дэкІоягъ. Мерэм ышъо сабый хидзагъ, 6ыкІи ащ дэжьым щыІэхэу, илъфэгъу мафэ къэсыгъ. 7Джащыгъум Мерэм ыкъоу щыпэбыныр къыфэхъуи, хъэдэным кІоцІищыхьагъ. ХьакІэщым ахэмэ апае чІыпІэ нэкІ иІэжьэпти, былымхэр зычІэт цощым ит Іус шхынлъэ горэм дилъхьагъ.

 

МэлэІичыр мэлэхъохэм къазэрэфэлъэгъуагъэр

 

8А Іэгъо-благъом мэлэхъо заулэ ямэлхэм апэсхэу чэщым губгъом итыгъэх. 9Тхьэм имэлэІич горэ ахэмэ къафэлъэгъуагъ. Зиусхьаным инэфынэ гъэшІэгъонышхо мэлахъохэр къызеуцухьэм, ахэр лъэшэу къэ-щтагъэх. 10Ау мэлэІичым къариІуагъ:

 

2:1 Рим – Рум ары.

2:1 Аугуст – Кайсар Гай Октавиан цІэу зэреджагъэхэм ащыщ. Хьисэ къэхъуным ыпэкІэ 27-рэ илъэсым щегъэжьагъэу Хьисэ къызэхъу нэужым 14-рэ илъэсым нэсыфэ ар Рим и Кайсарэу щытыгъ.

2:2 Сирие хэкур – Сирие зыцІэ хэкур Рим къэралыгъошхом щыщ хэкоу щытыгъ. Израил хэгъэгур Сирие хэкум щыщыгъ.

2:4 икъалэу Бэтлэхьэм – Ерусалим километрийкІэ пэчыжьэу, икъыблэ лъэныкъокІэ щыт.

 

–Шъукъэмыщт, ау шъукъэдаIу! ЗэкІэ шъулъэпкъ пае къэбар гушІогъошхо къышъосІощт: 11Шъуи КъэгъэнэжьакIо Даутэ икъалэ* непэ къыщыхъугъ, Зиусхьанэу Мэссихь ары. 12Мыр шъоркІэ нэшанэ хъущт: Зы сабый горэ хъэдэным кІоцІыщыхьагъэу, Іус шхынлъэм дэлъэу къэжъугъотыщт.

13ЕтІанэ ошІэ-дэмышІэу мэлэІичым ыдэжь уашъом щыщэу мэлэІич купышхо къыщылъэгъуагъ. Тхьэм щытхъушхо фашІэу мырэущтэу къаІуагъ:

14–Щытхъушхор уашъомкІэ Тхьэм ий,

чІылъэмкІэ цІыфхэу Тхьэр разэ зыфэхъухэрэм гупсэфыныгъэр яй!

15 МэлэІичхэр ІукІыжьхи, уашъом зыдэкІоежьхэм, мэлахъохэм зэраІожьыгъ:

–Зиусхьаным зикъэбар къытфигъэІугъэ хъугъэ-шІагъэр тлъэгъунэу Бэтлэхьэм тыжъугъакІу.

16Арыти, Бэтлэхьэм псынкІэу кІохи, Мерэми Юсыфи Іус шхынлъэм дэлъ сабыйри къагъотыгъэх. 17Ахэмэ ахэр залъэгъухэм, мэлэІичым сабыим ехьылІагъэу къариІуагъэхэр аІотэжьыгъэх. 18Мэлахъохэм къаІуагъэхэр зэхэзыхыгъэ цІыф пстэуми агъэшІэгъуагъэх. 19Ау Мерэм мы Іофхэр зэкІэ ыгу риубытэхи ягупшысагъ. 20Мэлахъохэм зэхахыгъэ пстэумрэ алъэгъугъэ пстэумрэ апае Тхьэр агъэлъапІэзэ, щытхъу фашІызэ, агъэзэжьыгъ. А Іофхэр зэрэхъугъэхэр мэлэІичым ахэмэ къызэрариІуагъэм тетэу ары.

 

Юсыфрэ Мерэмрэ сабыеу Хьисэ Зиусхьаным ыпашъхьэ зэрэрахьагъэр

 

21 Мэфий тешІагъэу сабыир сунэт ашІын фаеу зэхъум, Мерэм ышъо хидзэным ыпэкІэ, мэлэІичым ащ къызэрэриІогъагъэм тетэу Хьисэ фаусыгъ.

22 Пегъымбар Мусэ и Тэурат хабзэ иунашъо тетэу* Юсыфрэ Мерэмрэ зызыщагъэкъэбзэжьын фэе мафэхэр зыблэкIхэм, сабыир Зиусхьаным ыпашъхьэ рахьаным пае, Ерусалим зыдахьыгъ, 23мы унашъоу

 

2:11 Даутэ икъалэ – Бэтлэхьэм ары.

2:22 Пегъымбар Мусэ и Тэурат хабзэ иунашъо тетэу – еплъ Пегъымбар Мусэ ящэнэрэ тхылъэу ытхыгъэм 12:2-4.

 

Зиусхьаным ихабзэ итым тетэу:* «Хэтрэ хъулъфыгъэ щыпэбыныр Зиусхьаным иеу щытын фае». 24Ащ нэмыкІэуи Ерусалим зыфэкІуагъэхэр Зиусхьаным ихабзэ иунашъо тетэу*, ежьхэр къабзэу хъунхэм пае, «губгъо тхьаркъо цІыкІуитІу е тхьаркъо щыр цІыкІуитІу» къурмэныпхъэу ахьыныр ары.

25 А мафэхэм Симеон зыцІэу зы лІы горэ Ерусалим дэсыгъ. Ар шъыпкъагъэ зиІэу, Тхьэм ищынагъо зыгу илъ лІэу щытыгъ. Израил игукъао Тхьэм тырихыжьыным ежэу щытыгъ. Тхьэм ы Псэ ЛъапІи ыгу илъыгъ. 26Тхьэм ы Псэ ЛъапІэ Симеон зэхэригъэшІыкІыгъ, Зиусхьаным ыдэжь къикІынэу щытыгъэ Мэссихь* ылъэгъуным ыпэкІэ, лІэныгъэр зэримылъэгъущтыр. 27Арэущтэу зыхъукІэ, Тхьэм ы Псэ ЛъапІэ Симеон Тхьэм иунэшхо чІигъэхьагъ. Тэурат хабзэм иунашъо тетэу, сабыир Тхьэм ыпашъхьэ рахьаным пае янэрэ ятэрэ сабыеу Хьисэ Тхьэм иунэшхо къызычІахьэм, 28Симеон сабыир ІаплІкІэ къышти, мы гущыІэхэр ыІохэзэ, Тхьэм щытхъу фишІыгъ:

29–Зиусхьан, сызэрэбгъэгугъагъэм тетэу, сэ о

уиIорышIэр гупсэфыныгъэ сыгу илъэу джы дунаим серэхыжь;

30, 31 сыда пІомэ цІыф лъэпкъ пстэуми апашъхьэ

о щыбгъэхьазырыгъэу, цІыфхэр мыкІодхэу къэзыгъэнэжьыщтыр

сэ сынэхэмкІэ слъэгъугъэ.

32 Ар нэфынэу хымэ лъэпкъхэм* шъыпкъагъэр

языгъэшІэщтыр ары,

о плъэпкъ Израил щытхъушхо иІэ зыгъэхъущтри ары.

 

2:23 Зиусхьаным ихабзэ итым тетэу – еплъ Пегъымбар Мусэ ятІонэрэ тхылъэу ытхыгъэм 13:2.

2:24 Зиусхьаным ихабзэ иунашъо тетэу – еплъ Пегъымбар Мусэ ящэнэрэ тхылъэу ытхыгъэм 12:8.

2:26 Мэссихь – Мессихьыр ары. Пачъыхьэ Даутэ ылъэпкъ къытехъукІыгъэу, пегъымбархэм къызэраІуагъэм тетэу, Израил

цІыфхэм шъхьафитныгъэрэ мамыр тетыгъомрэ аригъэгъотынхэу Тхьэм ахэр къызэригъэгугъэгъэ пщы лъапІэр ары.

2:32 хымэ лъэпкъхэр – мыджуртхэр ары.

 

33Юсыфрэ сабыим янэрэ Симеон сабыим ехьылІагъэу къыІогъэ гущыІэхэр агъэшІэгъуагъэх. 34ЕтІанэ ахэмэ ынэшІу къащифэнэу Симеон Тхьэм афелъэІуи, сабыим янэ Мерэм риІуагъ:

–Израил щыщ цІыфыбэхэр мы сабыим текІодэнхэм паий, цІыфыбэхэри мыкІодхэу къыгъэнэжьынхэм паий, нэшанэу цІыфхэр къызпэуцущтыр хъуным паий, Тхьэм ар къыгъэкІуагъ.

35 Арэущтэу цІыфыбэмэ агухэм арылъхэр нафэ къэхъущтых. Сэшхом фэдэу гукъэошхом о угуи къыуІэщт.

36Асир зыцІэ унагъом щыщэу, Фануил ыпхъоу Аннэ ыцІэу зы пегъымбар бзылъфыгъэ горэ щыІагъ. ЫныбжькІэ лъэшэу хэкІотагъэу щытыгъ. ЗыдэкІо ужым илъэсиблэ илІ игъусагъ. 37ЕтІанэ лІыр лІи, бзылъфыгъэр ыныбжь тІокІиплІырэ плІырэ охъуфэ шъузабэу щытыгъ. Чэщи мафи Тхьэм иунэшхо къычІэмыкІэу, нэкІэу, Тхьэм елъэІоу, чэщи мафи Тхьэм фэлажьэу щытыгъ. 38А ныор а сыхьат дэдэм Мерэмрэ Юсыфрэ абгъодахьи, Тхьэм щытхъу фишІи, Тхьэм Ерусалим шъхьафитныгъэ къызэрэритыщтым паплъэхэу щытыгъэ цІыфхэм сабыим игугъу къафишІы зэпытыщтыгъ.

39 Мерэмрэ Юсыфрэ Зиусхьаным ихабзэ иунашъо тетэу, зэкІэри загъэцакІэ ужым, Галилей хэкум щыщ якъалэу Назарет агъэзэжьыгъ. 40Сабыим хахъуи, ыгуи ыпсэми ахэхъуагъ, акъылышIуагъэ иІэ хъугъэ, Тхьэм ынэшІуи ащ къыщифэу щытыгъ.

 

КІалэу Хьисэ Тхьэм иунэшхо зэрэкІуагъэр

 

41 Илъэс къэс Хьисэ янэ-ятэхэр Пасхъэ зыцІэ мэфэкІ мэфэшхом* дэжь Ерусалим кІощтыгъэх. 42КІалэр илъэс пшІыкІутІу зэхъум, хабзэм тетэу мэфэкІ мэфэшхом пае Ерусалим кІуагъэх. 43 МэфэкІ

 

2:41 Пасхъэ зыцІэ мэфэкІ мэфэшхор – Пасхъэ зыцІэ мэфэкІ мэфэшхомрэ Хьалыгъу Мыгъэтэдж зыщашхырэ мэфэкІ мэфэшхохэмрэ зэдагъэлъапІэхэзэ, Тхьэм Мысырым (Египет) къызэрэригъэкІыжьыгъагъэхэр джуртхэм агъэлъапІэ. Пасхъэ мэфэкІ мэфэшхор Нисан зыцІэ мазэм и 14-м тефэ (яплІэнэрэ мазэм иапэрэ мафэ пэгъунэгъу). Хьалыгъу Мыгъэтэдж зыщашхырэ мэфэкІ мэфэшхохэм Нисан и 15-22 мафэхэм къакІоцІ агъэлъапІэ. А мафэхэм тэджэпс тхьацум халъхьэрэп.

 

мэфэшхо мафэхэр зыблэкІхэм, янэ-ятэхэм якъалэ къагъэзэжьы зэхъум, ахэмэ амышІэу кІалэу Хьисэ Ерусалим къыдэнагъ. 44Адрэ ягъусэхэм ахэтэу гугъэхэу, янэ-ятэхэр зы мафэ гъогум тетыгъэх. ЕтІанэ яблагъэхэмрэ яныбджэгъухэмрэ адэжь кІалэм щылъыхъухэу аублагъ. 45 Къызамыгъотыжьым, лъыхъухэзэ, Ерусалим къагъэзэжьыгъ.46Мэфищ ужым Тхьэм иунэшхо чІэсэу, дин гъэсакІохэмэ ахэсэу, ахэмэ къаІорэм едэІоу ыкІи яупчІэу къагъотыжьыгъ. 47 КІалэм ыІорэм къедэІущтыгъэ пстэуми игубзыгъагъэрэ ипэгъокІхэмрэ агъэшІагъощтыгъэх. 48 Янэ-ятэхэм кІалэр залъэгъум, агъэшІэгъуагъ.

–А кІал, сыда къытэпшІагъэр?– къыриІуагъ янэ. –Уяти сэри гумэкІыгъом тыхэтэу тыкъыплъэхъу.

49–Сыд пае шъукъыслъыхъура?– ариІожьыгъ ежьым. –Сэ Сятэ иунэшхо сычІэсын зэрэфаер шъушІэрэба?

50 Ау кІалэм гущыІэхэу къариІуагъэхэр къагурыІуагъэхэп ахэмэ.

51 ЕтІанэ янэ-ятэхэм ягъусэу Хьисэ Назарет ехыжьыгъ, афэІорышІэуи щытыгъ. Янэ мы Іофхэр зэкІэ ыгу риубытагъэх. 52Хьисэ хахъозэ, иакъылышIуагъи хахъозэ, Тхьэми цІыфхэми агу къеІугъ.

 

 

03

ЯЩЭНЭРЭШЪХЬ

 

УмэхъэкІо Иуан Тхьэм игущыІэхэр зэригъэІущтыгъэхэр

(Маттэ 3:1-12; Марк 1:1-8; Иуан 1:19-28)

 

Кайсар Тиверый* итетыгъо ипшІыкІутфэнэрэ илъэсыр арыгъэ; Понтый Пилат* зыцІэр Иудей хэкум иІэшъхьэтетэу щытыгъ; Ироди* Галилей хэкум ипщэу щытыгъ; ышы Филипп* Итурей хэкумрэ

 

3:1 Тиверый – Хьисэ къызэхъу нэужым я 14-37 илъэсхэм къакІоцІ Рим (Рум) Кайсарэу щытыгъ.

3:1 Понтый Пилат – Рим цІыфхэм ащыщэу, Понтый Пилат, Хьисэ къызэхъу нэужым я 26-36 илъэсхэм къакІоцІ, хэкухэу Иудей, Самарие, Идумей яІэшъхьэтетэу щытыгъ.

3:1 Ирод - Ирод Антипэ ары. Хьисэ къэхъуным ыпэкІэ я 4-рэ илъэсым к ьыщегъэжьагъэу Хьисэ къызэхъу нэужым я 39-рэ илъэсым нэсыфэ, ар Галилей хэкумрэ Перей хэкумрэ япщэу щытыгъ.

 

 Трахонит хэкумрэ япщэу щытыгъ. Лисание зыцІэр Авилиней хэкум ипщэу щытыгъ. 2Аннэрэ Кайафэрэ* дин пэщэшхохэу* щытыгъэх. А мафэхэр ары Зэчрей ыкъо Иуанэу шъоф нэкІым щыпсэущтыгъэм Тхьэм игущыІэхэр къызыфехыгъэхэр. 3 Иуан Иордан псыхъом иІэгъо-благъо зэкІэ къыкІухьэу, цІыфхэм Тхьэм игущыІэхэр аригъэІухэзэ, мырэущтэу къыІощтыгъ:

–ШъуипсэкІодхэм шъуафыкІэгъожьи, зысэжъугъэумэхъ*, Тхьэм ахэр къышъуфигъэгъунхэм пае.

4Мы Іофхэр зэкІэ хъугъэх, пегъымбар Ешай игущыІэхэр зэрыт тхылъым зэритым фэдэу,*

«ПІъоф нэкІым зы джэ макъэ горэ къыщэІу:

Зиусхьаным игъогу фэжъугъэпси,

игъогу лъагъохэр зэшъхьэ-зэшъоу фэшъушІых.

5 Сыдрэ къуладжи сэищт, сыдрэ Іуашъхьи бги къефэхыщт.

Гъогу ІонтІагъэхэр занкІэу хъущтых.

Зэшъхьэ-зашъоу щымыт гъогухэр зэшъхьэ-зашъоу хъущтых.

6ЦІыфхэр мыкІодхэу Тхьэм къызэригъэнэжьхэрэр

            цІыф пстэуми алъэгъущт».

 

 

3:1 Филипп – Хьисэ къэхъуным ыпэкІэ 4-рэ илъэсым щегъэжьагъэу Хьисэ къызэхъу нэужым я 34-рэ илъэсым нэсыфэ, Итурей хэкумрэ Трахонит хэкумрэ япщэу щытыгъ. Ахэр хэгъэгум итемыр тыгъэ къыкъокІыпІэ лъэныкъом итыгъэх.

3:2 Аннэрэ Кайафэрэ – Хьисэ къызэхъу нэужым я 6-15 илъэсхэм къакІоцІ Аннэ дин пэщэшхоу щытыгъ. Кайафэу Аннэ ыпхъум илІ я 18-36 илъэсхэм къакІоцІ дин пэщэшхоу щытыгъ.

3:2 дин пэщэшхор – дин пащэхэм ятхьаматэуи Тхьэмэтэ Хэсэшхом итхьаматэуи щытыгъ.

3:3 умэхъыныр – «ШъуипсэкІодхэм шъуафыкІэгъожьи, зысэжъугъэумэхъ, Тхьэм ахэр къышъуфигъэгъунхэм пае», ыІоти, умэхъэкІо Иуан (Яхья) цІыфхэр псым чІигъаощтыгъэх (ыумэхъыщтыгъэх). Хьисэ уашъом зыдэкІоежьыгъэм къыщегъэжьагъэу, цІыфхэм диным ехьылІагъэу тетыгъо зиІэ цІыф горэм зырагъэумэхъы а цІыфым ахэр псым чІегъаох, е псы тІэкІу ашъхьэхэм атыреутхэ. Арэущтэу ХьисэкІэ шІошъхъуныгъэ яІэ зэрэхъугъэр къагъэлъагъо. Ащ нэмыкІэуи Хьисэ лІи, лІагъэхэм къызэрахэтэджыкІыжьыгъэм пае япсэкІодхэр къафэгъугъэхэу, мыкІодыжьын щыІэныгъэ яІэ зэрэхъугъэми шыхьат фэхъух.

3:4-6 пегъымбар Ешай игущыІэхэр зэрыт тхылъым зэритым фэдэу - еплъ Пегъымбар Ешай тхылъэу ытхыгъэм 40:3-5.

 

7 ЦІыф купышхохэм зырагъэумэхъынэу Иуан ыдэжь къыдэкІыгъэх. Ежьым ахэмэ ариІуагъ:

–Шъо блэщылъфхэр!* Тхьэм игубжэу къэкІощтым шъуІэкІэкІынэу хэта шъушъхьэ къизылъхьагъэр? 8ШъуипсэкІодхэм шъуафыкІэгъожьыным фэшъошэ ІофышІухэр жъугъэцакІэх. «Ибрахьим тэ тят ары», шъугукІэ шъуІон шъуфитэу шъумыгугъ, сыда пІомэ сэ шъосэІо, Тхьэм мы мыжъохэм Ибрахьимэ пае бынхэр къахигъэхъукІынхэ ылъэкІыщт. 9 Ощыр чъыг лъапсэхэм атыраубытэгъах. Арэущтэу сыдрэ чъыгэу шІугъэ къызпымыкІэрэр раупкІынышъ, машІом падзэщт.

10ЦІыф купышхохэр Иуан къеупчІыгъэх:

–Сыда адэ тэ тшІэщтыр?

11–Хэти джэнитІу зиІэм джанэ зимыІэм зыр рерэт,– ариІожьыгъ ахэмэ. –Шхын зиІэми шхын зимыІэм рерэт.

12Хьакъулахь ахъщэр* хэзыххэрэми зырагъэумэхъыным пае, Иуан ыдэжь къакІохи къеупчІыгъэх:

–Дин гъэсакІу, тэ сыда тшІэщтыр?

13 –ЦІыфхэм къаІышъухын фаем нахьыбэ къаІышъумых,– ариІожьыгъ ахэмэ.

14–Адэ, тэ сыда тшІэщтыр?– аІуи, дзэлІхэри Иуан къеупчІыгъэх.

–Зыми егъэзыныгъэкІэ иахъщэ къытешъумых, зыми пцІыкІэ шъуемыдау. Ахъщэ лэжьапкІэу къышъуатырэм шъуезэгъ,– ариІожьыгъ ахэмэ.

15 –Мы Иуан Мэссихьэу* зыфаІорэр ары шъуІуа?–аІоу, гугъапІэ яІэу цІыфхэр зэкІэ агухэмкІэ зэупчІыжьыщтыгъэх.

 

3:7 блэщылъф – блэм къыхэкІырэ лъфыгъэр ары.

3:12 хьакъулахь ахъщэр – цІыфхэр къалэ горэм дахьэхэ е дэкІыхэ зыхъукІэ, псэуалъэхэу, хьапщыпхэу, лэжьыгъэхэу яІэхэм Рим (Рум) къэралыгъошхом (хьыкумэтым) ахъщэу атырилъхьащтыгъэр ары. ЦІыфхэм, анахьэу дин тхьаматэхэм, хьакъулахь ахъщэр хэзыххэрэр зэрапэсыщтыгъэхэп, гъэнэфэгъэ дин унашъохэр къырамыдзэхэу зэрэщытыгъэхэм пае.

3:15 Мэссихь – Мессихьыр ары. Пачъыхьэ Даутэ ылъэпкъ къытехъукІыгъэу, пегъымбархэм къызэраІуагъэм тетэу, Израил цІыфхэм шъхьафитныгъэрэ мамыр тетыгъорэ аригъэгъотынхэу Тхьэм ахэр къызэригъэгугъэгъэ пщы лъапІэр ары.

 

16–Сэ псымкІэ шъусэумэхъы, ау сэщ нахьи нахь лъэкІыныгъэшхо иІэу зыгорэ къэкІощт,– ариІуагъ Иуан ахэмэ зэкІэ. –Ащ ицокъэлъэпсхэр фэстІэтэнхэуи сифэшъуашэп. Ащ Тхьэм ы Псэ ЛъапІэрэ машІомрэкІэ шъо шъуиумэхъыщт. 17Ащ ихьанцэ ыІэ кІэлъ, ихьамэщи ыукъэбзыжьынышъ, икоци иконхэм аритэкъожьыщт, ау уарзэр мыкІосэжьын машІомкІэ ыгъэстыщт.

18Арэущтэу Иуан цІыфмэ нэмыкІ Іофыбэхэр аригъашІэхэзэ, къэбарышІур аригъэІущтыгъ.

19Пщы Ирод, ежь ышы* псаоу пэтми, а шым ишъузэу Иродиадэ зыцІэр къызэрищэжьыгъэм паий, ащ нэмыкІ бзэджагъэу ышІэгъэ пстэуми апаий, Иуан пщы Ирод егыигъ. 20Джащыгъум Ирод бзэджагъэу ышІэгъэ пстэуми ахигъахъуи, идзэлІхэм Иуан хьапсым чІаригъэдзагъ.

 

Иуан Хьисэ зэриумэхъыгъэр

(Маттэ 3:13-17; Марк 1:9-11)

 

Иуан цІыф пстэури ыумэхъыхэ зэхъум, Хьисэи ыумэхъыгъ. Хьисэ Тхьэм зелъэІум, уашъор зэІукІи, 22тхьаркъом ыпкъ фэдэу пкъы иІэу, Тхьэм ы Псэ ЛъапІэ Хьисэ къыфехыгъ. Уашъом зы макъэ горэ къиІукІыгъ:

–Оры сэ шІу слъэгъурэ с Къо кІасэр. Сэ сыгу о къыоІугъ.*

 

Хьисэ лъэпкъэу къызхэкІыгъэр

(Маттэ 1:1-17)

 

23Хьисэ иІоф зеублэм, илъэс щэкІ ыныбжьыгъ. ЦІыфмэ къызэрашІошІыгъэм фэдэу, ар Юсыф ыкъуагъ. Ар Илый ыкъуагъ. 24Ар Матфат ыкъуагъ. Ар Левый ыкъуагъ. Ар Мелхый ыкъуагъ. Ар Ианнай

 

3:19 ыш - ышы Филиппэу (еплъ Марк 6:17) Рим (Рум) къэлэшхом щыпсэущтыгъэр ары.

3:22 Оры сэ шІу слъэгъурэ Скъо кІасэр. Сэ сыгу о къыоІугъ - еплъ Сэбур (Псалтыр) 2:7; Пегъымбар Мусэ апэрэ тхылъэу ытхыгъэм 22:2; Пегъымбар Ешай тхылъэу ытхыгъэм 42:1.

 

ыкъуагъ. Ар Юсыф ыкъуагъ. 25Ар Маттафый ыкъуагъ. Ар Амос ыкъуагъ. Ар Наум ыкъуагъ. Ар Еслим ыкъуагъ. Ар Наггей ыкъуагъ. 26Ар Мааф ыкъуагъ. Ар Маттафый ыкъуагъ. Ар Семей ыкъуагъ. Ар Юсыф ыкъуагъ. Ар Иудэ ыкъуагъ. 27Ар Иоаннан ыкъуагъ. Ар Рисай ыкъуагъ. Ар Зоровавел ыкъуагъ. Ар Салафиил ыкъуагъ. Ар Нирый ыкъуагъ. 28Ар Мелхый ыкъуагъ. Ар Аддый ыкъуагъ. Ар Косам ыкъуагъ. Ар Елмодам ыкъуагъ. Ар Ир ыкъуагъ. 29Ар Иосие ыкъуагъ. Ар Елиезер ыкъуагъ. Ар Иорим ыкъуагъ. Ар Матфат ыкъуагъ. Ар Левый ыкъуагъ. 30Ар Симеон ыкъуагъ. Ар Иудэ ыкъуагъ. Ар Юсыф ыкъуагъ. Ар Ионан ыкъуагъ. Ар Елиаким ыкъуагъ. 31 Ар Мелеай ыкъуагъ. Ар Майнан ыкъуагъ. Ар Маттафай ыкъуагъ. Ар Нафан ыкъуагъ. Ар Даутэ ыкъуагъ. 32Ар Иессе ыкъуагъ. Ар Овид ыкъуагъ. Ар Вооз ыкъуагъ. Ар Сэлмон ыкъуагъ. Ар Наасон ыкъуагъ. 33 Ар Аминадав ыкъуагъ. Ар Арам ыкъуагъ. Ар Есром ыкъуагъ. Ар Фарес ыкъуагъ. Ар Иудэ ыкъуагъ. 34Ар Якъубэ ыкъуагъ. Ар Исхьакъ ыкъуагъ. Ар Ибрахьимэ ыкъуагъ. Ар Фаррэ ыкъуагъ. Ар Нахор ыкъуагъ. 35 Ар Серух ыкъуагъ. Ар Рагав ыкъуагъ. Ар Фалек ыкъуагъ. Ар Евер ыкъуагъ. Ар Салэ ыкъуагъ. 36Ар Кайнан ыкъуагъ. Ар Арфаксад ыкъуагъ. Ар Сим ыкъуагъ. Ар Нухьэ ыкъуагъ. Ар Ламех ыкъуагъ. 37Ар Мафусал ыкъуагъ. Ар Енох ыкъуагъ. Ар Иаред ыкъуагъ. Ар Малелеил ыкъуагъ. Ар Кайнан ыкъуагъ. 38Ар Енос ыкъуагъ. Ар Сиф ыкъуагъ. Ар Адэм ыкъуагъ. Ар Тхьэм ий.

 

 

04

ЯПЛІЭНЭРЭШЪХЬ

Шэйтаныр Хьисэ псэкІод ригъэшІэнэу ыуж зэритыгъэр

(Маттэ 4:1-11; Марк 1:12-13)

 

Тхьэм ы Псэ ЛъапІэ инэу ыгу илъэу, Хьисэ Иордан псыхъом къыІукІыжьыгъ. 2Тхьэм ы Псэ ЛъапІэ ежьыр шъоф нэкІым ыщагъ. А чІыпІэм шэйтаныр ежьым псэкІод ригъэшІэнэу мэфэ тІокІитІурэ ыуж итыгъ. А мафэхэм Хьисэ зи ышхыгъэп, ахэри зытешІэхэ ужым къэмэлэкІагъ.

3Джащыгъум шэйтаным Хьисэ къыриІуагъ: -О Тхьэм ури Къомэ, мы мыжъор хьалыгъу хъунэу унашъо фэшІ. 4–Тхьэм игущыІэ тхыгъэхэм арыт,–* риІожьыгъ Хьисэ, –«Хьалыгъу закъор арэп цІыфыр зэрэпсэущтыр, сыдрэ гущыІэу Тхьэм ыдэжь къикІырэр ары нахь». 5ЕтІанэ шэйтаным Хьисэ чІыпІэ лъагэ горэм дищаий, зы нэплъэгъукІэ дунаим тет пачъыхьагъо пстэури къыригъэлъэгъугъэх. 6Ащ Хьисэ къыриІуагъ:

–Мы пачъыхьагъохэм ятетыгъо пстэумрэ щытхъушхоу яІэмрэ о остыщтых, сыда пІомэ сІэ илъых ыкІи сэ сызфаем естынэу сыфит. 7 Лъэгонджэмышъхьэу укъэтІысэу, сэ сыбгъэлъапІэмэ, ахэр зэкІэри оуие хъущтых. 8–Тхьэм игущыІэ тхыгъэхэм арыт,–* риІожьыгъ Хьисэ, –«Зиусхьанэу уи Тхьэ бгъэлъапІэзэ, ежьым изакъоу уфэлэжьэн фае».

9Ащ ыужым шэйтаным Хьисэ Ерусалим ыщи, Тхьэм иунэшхо нахь лъэгапІэу иІэм тыригъэуцуи къыриІуагъ: –О Тхьэм ури Къомэ, мыщ дэжьым зыщедзых; 10, 11 сыда пІомэ Тхьэм игущыІэ тхыгъэхэм арыт:*

«Тхьэм имэлэІичхэм укъаухъумэнэу унашъо къафишІыщт,

о плъакъокІи мыжъом уемыутэкІыным пае, аІэхэмкІэ уаІэтыщт».

12 –Тхьэм игущыІэ тхыгъэхэм арыт,–* риІожьыгъ Хьисэ, –«Зиусхьанэу уи Тхьэ умыушэты».

13 ЕтІанэ шэйтаным Хьисэ псэкІод зэригъэшІэн Іэмал пстэури зеухым, игъо къыфифэмэ къыгъэзэжьынэу ІукІыжьыгъ.

 

4:4 Тхьэм игущыІэ тхыгъэхэм арыт – еплъ Пегъымбар Мусэ ятфэнэрэ тхылъэу ытхыгъэм 8:3.

4:8 Тхьэм игущыІэ тхыгъэхэм арыт – еплъ Пегъымбар Мусэ ятфэнэрэ тхылъэу ытхыгъэм 6:13.

4:10-11 Тхьэм игущыІэ тхыгъэхэм арыт – еплъ Сэбур (Псалтыр) 91:11-12 (урыс библиемкІэ 90:11-12).

4:12 Тхьэм игущыІэ тхыгъэхэм арыт – еплъ Пегъымбар Мусэ ятфэнэрэ тхылъэу ытхыгъэм 6:16.

 

Хьисэ иІоф Галилей хэкум зэрэщиублагъэр

(Маттэ 4:12-17; Марк 1:14-15)

 

14ЕтІанэ Тхьэм ы Псэ ЛъапІэ илъэкІыныгъэкІэ Хьисэ Галилей хэкум ыгъэзэжьыгъ. Хьисэ икъэбар а хэкум зэкІэ щыІугъ. 15ЦІыф пстэуми щытхъу къыфашІэу, Хьисэ ахэмэ ясинэгогухэм* Тхьэм игущыІэхэр щаригъашІэщтыгъэх.

 

Назарет дэс цІыфхэм Хьисэ зэрамыштагъэр

(Маттэ 13:53-58; Марк 6:1-6)

 

16Хьисэ зыщапІугъэ Назарет къалэм* къэкІуагъ. Зэрихабзэу шэмбэт мафэм* синэгогум чІэхьагъ. ЗычІахьэм, Тхьэм игущыІэ тхыгъэхэм ащыщхэм афяджэнэу апашъхьэ къиуцуагъ. 17Пегъымбар Ешай итхылъ къыратыгъ. Тхылъыр къызэІуихи, мырэущтэу зэрытхэгъэ чІыпІэр къыгъотыгъ:*

18 «Зиусхьаным ы Псэ ЛъапІэ сыгу илъ хъугъэ;

сыда пІомэ Тхьэм дэгъэ лъапІэр къысщифагъ.

КъызкІысщифагъэр тхьамыкІэхэм къэбарышІур язгъэІуныр ары.

Зыгу кІодыгъэхэр згъэхъужьынхэуи, хьапсчІэсхэр шъхьафит зэрэхъужьыщтхэр

язгъэІунэуи,

нэшъухэр къэзгъэплъэжьынхэуи, къин зыщэчыхэрэр шъхьафит сшІыжьынхэуи Тхьэм сыкъигъэкІуагъ.

19 Зиусхьаным ынэшІу цІыфхэм къазыщифэщт илъэсыр къызэрэсыгъэм икъэбар язгъэІунэуи

сыкъигъэкІуагъ».

20Хьисэ етІанэ тхылъыр зэгуилъхьэжьи, синэгогу ІофышІэм ритыжьи тІысыгъэ. Синэгогум чІэс

 

4:15 синэгогу – джуртмэ ятхьэлъэІупІэ ары.

4:16 Назарет къалэр – еплъ 1:26.

4:16 шэмбэт мафэр – джуртхэм ямэфэ лъапІ ары. А мафэм хэти Іоф ышІэн фитэп.

4:17-19 зэрытхэгъэ чІыпІэр къыгъотыгъ – еплъ Пегъымбар Ешай тхылъэу ытхыгъэм 61:1-2; 58:6.

 

цIыф пстэуми анэхэр тырагъэкъагъэхэу ежьым еплъыщтыгъэх. 21 Хьисэ ахэмэ ариІоу ыублагъ:

–Зэхэшъухы пэтзэ, мы гущыІэхэу Тхьэм игущыІэ тхыгъэхэм арытхэр непэ къэшъыпкъэжьыгъэх.

22ЦІыфхэм агу инэу Хьисэ еІугъ, игущыІэ дахэхэри агъэшІэгъуагъэх. Ахэмэ къаГуагъ:

–Юсыф ыкъу арыба мыр?

23–Щэч хэмылъэу, мы гущыІэжъыр къысэшъуІощт: «Іазэ, зыгъэхъужь!»– ариІуагъ Хьисэ. –Капернаум къалэм Іофэу щыпшІагъэхэу зэхэтхыгъэхэр мы къалэу уянэ икъалэ щышІэх.

24 Хьисэ етІани къыпигъэхъожьыгъ:

–Шъыпкъэр шъосэІо, хэтрэ пегъымбар янэ икъалэ щадэрэп. 25Ау шъыпкъэр шъосэІо, пегъымбар Иляс* имафэхэм илъэсищырэ мэзихырэ уашъом щыІэ Тхьэм ощхыр къемыщхэу зыпеупкІым, хэкум тыдэкІи гъэблэшхуи зыщэхъум, Израил хэгъэгум шъузэбэ Іаджи исыгъэх. 26 Ау щытми, ахэмэ ащыщ горэм ыдэжь Тхьэм Иляс ыгъэкІуагъэп, Сидон къалэм иІэгъо-благъо щыщ Сарептэ къуаджэм дэс шъузабэ горэм ыдэжь ыгъэкІуагъэ нахь. 27Ащ фэдэуи, пегъымбар Елисей* имафэхэм шъоджэ уз Іаер зиІэ цІыфыбэхэр Израил исыгъэх, ау Елисей ахэмэ ащыщэу зи ыгъэхъужьыгъэп. Сирие хэкум щыщэу Неман зыцІэр ыгъэхъужьыгъэ нахь.

28 Ар зызэхахым, синэгогум чІэс цІыф пстэури лъэшэу къэгубжыгъэх. 29Къызщылъэтхи, Хьисэ къалэм дафи, къалэр зытет бгышъхьэм радзыхынэу ащагъ. 30Ау Хьисэ ахэмэ азыфагу дэдэм кІоцІырыкІи ІукІыжьыгъ.

 

Хьисэ лІы горэм джынэпцІэ Іае зэрэхифыгъэр

(Марк 1:21-28)

 

31 ЕтІанэ Хьисэ Галилей хэкум щыщ Капернаум къалэм* къехи, шэмбэт мафэм цІыфхэм Тхьэм игущыIэхэр аригъашIэхэу ыублагъ. 32 ЦIыфхэм Хьисэ Iофхэр

 

4:25-26 пегъымбар Иляс – еплъ Пачъыхьэхэм якъэбархэр зэрыт апэрэ тхылъым (3-я Царств) 17:1.

4:27 пегъымбар Елисей – еплъ Пачъыхьэхэм якъэбархэр зэрыт ятІонэрэ тхылъым (4-я Царств) 5:1-4.

4:31 Капернаум къалэр – Галилей псыхъураем итемыр тыгъэ къохьэпІэ Іушъом Іут.

 

ЗраригъашIэщтыгъэ шIыкIэр лъэшэу агъэшIэгъуагъ, сыда пIомэ тетыгъошхо иIэу, ахэмэ адэгущыIэщтыгъэ ары.

            33 Синэгогум джынэпцIэ Iае зыхэс лIы горэ щыIагъ. Ар мэкъэшхокIэ къахэкууагъ:                            

            34 - Еоой, сыд уиIофэу къытхэлъыр, Нахарет щыщ Хьисэ? ТыбгъэкIодынэу укъэкIуагъа?  О хэтми узыщыщыр сэшIэ: Тхьэм ыдэжь къикIыгъэ ЛъапIэр оры!

            35 -Щыгъэт, мы лIым хэкIыжь!- къыIуагъ Хьисэ джынапцIэм егыеу. ДжынапцIэм зэкIэмэ апашъхьэ лIыр къыриути, зи римышIэу хэкIыжьыгъ.

            36ЗэкIэми лъэшэу агъэшIагъоу зэраIожьыщтыгъ:

- Мыр сыда? Тетыгъошхорэ лъэкIыныгъэшхорэ иIэу, джынэпцIэ Iаехэм унашъо афишIызэ, цIыфхэм ахефых.  

37 Джаущтэу Хьисэ икъэбар Iэгъо-блэгъо хэкум тыдэкIи щыIугъ.

 

Хьисэ цIыфыбэхэр зэригъэхъужьыгъэхэр

(Маттэ 8:14-17; Марк 1:29-34)

 

38 Хьисэ синэгогум къычIэкIыжьи, Симон иунэ ихьагъ. Симон ишIугуащэ плъырстырэм инэу ригъэзыгъэу пIэм хэлъыгъ. Хьисэ ар ыгъэхъужьынэу елъэIугъэх.

39 Хьисэ сымаджэм шъхьэщыуцуи, плъырстырэм егыий, хигъэкIыжьыгъ. Бзылъфыгъэр занкIэу къэтэджыжьи, ахэр къыхьакIэу ыублагъ.

         40 Тыгъэр къохьажьы зэхъум, уз зэфэшъхьаф зиIэ сымаджэхэр зэкIэри Хьисэ къыфащэхэу цIыф пстэуми аублагъ. Ахэмэ ащыщ пэпчъ ыIэ тырилъхьэзэ, ыгъэхъужьыщтыгъэх. 41 ДжынапцIэхэр цIыфыбэхэм къахэкIыжьыщтыгъэх ыкIи къэкуощтыгъэх:

         - Оры Мэссихьэу Тхьэм ы Къор!

         Ар зэрэ Мэссихьыр ахэмэ ашIэщтыгъэти, Хьисэ ягыити, къэгущыIэнхэу фит ышIыщтыгъэхэп.

 

Хьисэ Галилей хэкур къыкІухьэзэ, Тхьэм игущыІэхэр цІыфхэм зэраригъэІущтыгъэхэр

(Марк 1:35-39)

 

42Нэф къызэшъым, Хьисэ къалэм дэкІи, чІыпІэ Іудзыгъэ горэм кІуагъэ. Ау цІыф купышхохэр ежьым лъыхъухи къызагъотыжьым, адэжь къагъэнэнэу пылъыгъэх.

43 –НэмыкІ къалэхэми Тхьэм и Тетыгъошхо* ехьылІэгъэ къэбарышІур цІыфмэ щязгъэІун фае. Джары Тхьэм сыкъызфигъэкІуагъэр,- ариІуагъ Хьисэ.

44Арэущтэу Галилей хэкум ит синэгогухэм Тхьэм игущыІэхэр цІыфмэ щаригъэІущтыгъэх.

 

 

05

ЯТФЭНЭРЭШЪХЬ

 

Хьисэ апэрэ нэбгырищыр игъогу рыкІонхэу къызэряджагъэр

(Маттэ 4:18-22; Марк 1:16-20)

 

Мафэ горэм Хьисэ Геннисарет зыцІэ псыхъураем* Іутэу, Тхьэм игущыІэхэм ядэІунхэм пае, цІыф купышхохэр къэзэрэугъоихи тезэрэгъэбэнагъэх. 2А чІыпІэм псы Іушъом къошъуитІу Іутэу Хьисэ ылъэгъугъ. Пцэжъыяшэхэр ахэмэ къарыкІыгъэхэу, яхъытыухэр агъэкъэбзэщтыгъэх. 3А къуашъохэм язэу Симон ием Хьисэ ихьи, тІэкІу ІукІотынэу Симон риІуи тІысыгъэ. ЕтІанэ къуашъом исэу, цІыф купышхохэм Тхьэм игущыІэхэр аригъашІэхэу ыублагъ.

4ЦІыфхэм зарегъашІэхэ ужым, Хьисэ Симон риІуагъ:

 

4:43 Тхьэм и Тетыгъошхо – Тхьэм мы дунаими, мы дунаим ицІыфхэми тетыгъошхоуи лъэкІыныгъэшхоуи афыриІэр ары. Инджылыр Тхьэм и Тетыгъошхо зытегущыІэкІэ, зыфиІорэр загъорэ мы уахътэм Тхьэм тетыгъошхоу иІэр ары, загъори къэкІощт уахътэм тетыгъошхоу иІэщтыр ары, загъори Тхьэм ыдэжь мыкІодыжьын щыІэныгъэ щыуиІэныр ары.

5:1 Геннисарет зыцІэ псыхъураер – Галилей псыхъураер ары. Галилей хэкум ит псыхъурай. ИкІыхьагъэ километрэ 21-рэ мэхъу, инахь шъомбгъуапІэр километрэ 13 мэхъу.

 

–КуупІэм хахьи, пцэжъые къэшъуубытыным пае, шъуихъытыухэр хажъудзэх.

5–Тхьаматэ, чэщы реным бэрэ тыулэугъ, ау зи къэтыубытыгъэп,– къыІожьыгъ Симон. –Ау о зэрэпІорэм тетэу, джыри зэ хъытыухэр сэ хэздзэжьыщтых.

6Хъытыухэр зыхадзэхэм, пцэжъыябэхэр къаубытыгъэти, яхъытыухэр зэготхъыхэу аублагъ. 7Ягъусэхэу адрэ къуашъом исхэр къэкІонхэшъ, къадэІэпыІэнхэу Іэ афашІыгъ. Ахэр къакІохи, чІэбынкІэ щынагъоу къошъуитІумэ пцэжъые арызэу ашІыгъ.

8Симон Петрэ ар зелъэгъум, Хьисэ ылъакъохэм адэжь зыщыридзыхи ыІуагъ:

–Сэ збгъодэкІ, Зиусхьан! Сэ сыпсэкІодышІэ цІыф.

9Ар зыкІиІуагъэр пцэжъыехэу къаубытыгъэхэр зэрэбагъэм пае, ежьыми адрэ игъусэхэми агучІэ изыгъагъэти ары. 10Ащ фэдэу Зеведей ыкъуитІоу Якъуби Иуани Симон дэлажьэщтыгъэхэми агучІэ изыгъагъ.

–Умыщын,– риІуагъ Хьисэ Симон. –Пцэжъые къэуубытыным пае, ыуж узэритыгъэм фэдэу, джы къыщегъэжьагъэу цІыфхэр сэ сигъогу къытебгъэхьащтых.

11ЕтІанэ ахэмэ якъуашъохэр псым къыхалъэшъужьхи, зэпстэури къагъани, Хьисэ ыуж ихьагъэх.

 

Хьисэ шъоджэ уз Іае зиІэ лІы горэ зэригъэхъужьыгъэр

(Маттэ 8:1-4; Марк 1:40-45)

 

12Хьисэ къалэ горэм щыІэу, лІы горэ шъоджэ уз Іаер ыпкъ хизэу къэкІуагъ. Ащ Хьисэ зэрилъэгъугъэм тетэу, чІыгум бгъэгукІэ зыщыридзыхи елъэІугъ:

–Тхьаматэ, уфаемэ сыбгъэхъужьын плъэкІыщт.

13Хьисэ ыІэ ыщэий, теІаби* къыІуагъ:

–Сыфай, псаоу хъужь!

Ардэдэм шъоджэ узыр а лІым хэкІыжьыгъ. 14Хьисэ ащ фигъэпытэу риІуагъ:

–Мыр зыми емыІотэжь, ау дин пащэм ыдэжь кІуи, зегъэлъэгъу. Узэрэхъужьыгъэм пае, пегъымбар Мусэ иунашъо тетэу къурмэн шІы. Ар узэрэхъужьыгъэмкІэ цІыфхэм апашъхьэ шыхьат щыхъущт.

 

5:13 теІаби – шъоджэ уз Іае зиІэм утеІабэ хъущтыгъэп.

15 Ау Хьисэ икъэбар ыпэм нахьи нахьыбэу цІыфмэ ахэхьагъэу хъугъэ. Арэущтэу цІыф купышхохэр Хьисэ къыІохэрэм къядэІунхэу, яузхэри рагъэгъэхъужьынхэу ыдэжь къакІохэу хъугъэ. 16Ау Хьисэ цІыфмэ ахэкІызэ, Іудзыгъэ чІыпІэхэм Тхьэм щелъэІуным пае, кІонэу ихабзэу щытыгъ.

 

Хьисэ лІы горэу зыІэпкъ-лъэпкъ узым зэкІиубытагъэр зэригъэхъужьыгъэр

(Маттэ 9:1-8; Марк 2:1-12)

 

17 Зы мафэ горэм Хьисэ цІыфхэм Тхьэм игущыІэхэр аригъашІэщтыгъэх. Галилей хэкум щыщ къоджэ пстэуми, Иудей хэкум щыщ къоджэ пстэуми, Ерусалими къарыкІыгъэхэу, фарисейхэри* Тэурат егъэджэкІо пащэхэри* Хьисэ къедэІущтыгъэ цІыфхэм ахэсыгъэх. Сымаджэхэр ыгъэхъужьынхэу Зиусхьаным ыкІуачІэ Хьисэ хэлъыгъ. 18Джащыгъум лІы горэу зыІэпкъ-лъэпкъ узым зэкІиубытагъэр пІуаблэм телъэу нэбгырэ заулэмэ къахьызэ, Хьисэ ыпашъхьэ ралъхьаным пае, унэм рахьанэу пылъыгъэх. 19 Ау цІыфхэр зэрэбагъэм къыхэкІыкІэ сымаджэр унэм рахьан алъэкІыгъэп. Арэущтэу зэхъум, унашъхьэм дэкІуаехи, унашъхьэм щыщ тырахи, сымаджэр пІуаблэм телъэу, цІыф пстэуми къалъэгъоу Хьисэ ыпашъхьэ къыратІупщэхыгъ.

20Ахэмэ яшІошъхъуныгъэ зелъэгъум, Хьисэ а лІым риІуагъ:

–УипсэкІодхэр къыпфэгъугъэх.

21 Ар зеІом, Тэурат егъэджэкІо пащэхэмрэ фарисейхэмрэ агухэмкІэ аІоу аублагъ:

–Хэта мыр? Тхьэр егъэпцІыба? Тхьэм нэмыкІэу, хэта псэкІодхэр зыгъэгъун зылъэкІырэр?

22 Ау Хьисэ ахэмэ агухэм арылъыр ешІэти ариІуагъ:

–Сыд пае ащ фэдэ Іофхэр шъо шъугукІэ шъуІора? 23Тара нахь псынкІагъор,

 

5:17 фарисейхэр – джуртхэм ащыщхэу диным рыкІорэ цІыф купэу щытыгъэх. Ахэр Тэурат хабзэм итхэмрэ ятэжъхэм къакІэныжьыгъэ хабзэхэмрэ агу етыгъэу апылъыщтыгъэх.

5:17 Тэурат егъэджэкІо пащэхэр – Тэурат хабзэм итхэмрэ джуртхэм адрэ тхылъ лъапІэхэу яІэхэм арытхэмрэ цІыфхэм агурызыгъаІоу щытыгъэ пащэхэр ары.

 

«УипсэкІодхэр къыпфэгъугъэх», пІоныр ара, хьауми «Къэтэджи къэкІухь», пІоныр ара? 24Ау къэшъушІэным пае, Щыф Лъэпкъым ы Къо* псэкІодхэр ыгъэгъунхэу дунаим тетыгъо зэрэщыриІэр, – джащыгъум Хьисэ лІэу зыІэпкъ-лъэпкъ узым зэкІиубытагъэу щытым риІуагъ: –Сэ осэІо, къэтэджи, уипІуаблэ къашти, шъуадэжь кІожь!

25 Ардэдэм а лІыр ахэмэ апашъхьэ къыщытэджи, пІуаблэу зытелъыгъэр зыдиштэжьи, Тхьэм щытхъу фишІызэ, ядэжь кІожьыгъэ. 26ЗэкІэми агучІэ изыгъэу Тхьэм щытхъу фашІыщтыгъ. Щынагъэхэу къаІощтыгъ:

–Сыда гъэшІэгъонышху тэ непэ тлъэгъугъэр!

 

Хьисэ игъогу рыкІонэу Левый къызэреджагъэр

(Маттэ 9:9-13; Марк 2:13-17)

 

27 Ащ нэуж Хьисэ къызыдэкІым, хьакъулахь ахъщэ зыщыхахырэ унэм Іусэу, хьакъулахь ахъщэр хэзыхырэ лІы горэу Левый зыцІэр ылъэгъугъ.

–Сауж къырыкІу,– риІуагъ Хьисэ. 28Левый къэтэджи, зэкІэри къыгъани, Хьисэ ыуж ихьагъ.

29ЕтІанэ Левый иунэ ешхэ-ешъошхо Хьисэ щыфишІыгъ. Хьакъулахь ахъщэр хэзыххэрэмрэ нэмыкІ хьакІэхэмрэ бэ хъухэу Іанэм пэсыгъэх. 30Арэущтэу залъэгъум, фарисейхэмрэ Тэурат егъэджэкІо пащэхэмрэ ар агу римыхьэу, Хьисэ игъогу рыкІохэрэм араІуагъ:

–Хьакъулахь ахъщэр хэзыххэрэмрэ псэкІод зышІэхэрэмрэ сыда шъузкІадашхэрэр ыкІи шъузкІадешъорэр?

31Псаухэр арэп Іазэ зищыкІагъэхэр, сымаджэхэр ары нахь,– ариІожьыгъ Хьисэ. 32 –Шъыпкъагъэ зиІэ цІыфхэм сяджэнэу арэп сыкъызфэкІуагъэр, псэкІод зышІэхэрэр япсэкІодхэм афыкІэгъожьынхэм пае, сяджэнэу ары нахь.

 

5:24 ЦІыф Лъэпкъым ы Къо – «ЦІыф Лъэпкъым ы Къо фэдэу уашъом иошъуапщэхэм ахэтэу, зыгорэ къехыгъ», пегъымбар Даниил къыІогъэгъэ гущыІэхэр Хьисэ ежь ышъхьэ пае ыІожьыгъэх. ЦІыф Лъэпкъым ы Къоу зиунэр уашъом щыІэу, уашъом къехыгъэр Хьисэ ары (Иуан 3:13). Гъощагъэхэм алъыхъузэ, мыкІодхэу къыгъэнэжьынхэм пае, ЦІыф Лъэпкъым ы Къо къэкІуагъ (Лука 19:10). ЦІыфыбэмэ апае шъхьэщэфыжьэу ыпсэ ытыным пае, ЦІыф Лъэпкъым ы Къо къэкІуагъ (Марк 10:45). ЛІагъэхэм къахэтэджыкІыжьын фэягъ (Маттэ 17:9). Ежь Ятэ ищытхъушхо иІэу, дунаим ицІыфхэм хьыкум атришІыхьаным пае, ЦІыф Лъэпкъым ы Къо дунаим къэкІожьыщт (Маттэ 25:31).

 

Джурт тхьаматэхэр нэкІыным ехьылІагъэу Хьисэ къызэреупчІыгъэхэр

(Маттэ 9:14-17; Марк 2:18-22)

 

33 Фарисейхэмрэ Тэурат егъэджэкІо пащэхэмрэ Хьисэ къыраІуагъ:

–Иуан игъогу рыкІохэрэм бэрэ анэкІы* ыкІи Тхьэм елъэІух, фарисейхэмэ ягъогу рыкІохэрэри ары, ау о уигъогу рыкІохэрэр машхэх ыкІи ешъох.

34–Шъаор ягъусэфэкІэ, шъаом игъусэхэр жъугъэнэкІынха?– ариІожьыгъ Хьисэ ахэмэ. 35–Ау шъаор затырахыщт мафэхэр къэкІощтых. А мафэхэр къызыкІохэкІэ, анэкІыщт.

36Джащыгъум зы гъэсэпэ къэбар ариІуагъ:

–Зыми идэжьын щыгъыныкІэм къыпитхъэу, щыгъыныжъым тыридэрэп. Арэущтэу ышІымэ, щыгъыныкІэр зэІитхъыжьынышъ, щыгъыныкІэм щыщэу идэжьыныр щыгъыныжъым екІущтэп. 37Джащ фэдэу зыми сэнэпс шІыгъакІэр шъонтыжъхэм аригъахъорэп. Арэущтэу ышІымэ, сэнэпс шІыгъакІэм шъонтхэр къызэгуитхъынхэшъ, сэнэпсри къичъыжьыщт, шъонтхэри кІодыщтых. 38 Ау сэнэпс шІыгъакІэр шъонтыкІэхэм арагъахъон фае. Ащыгъум тІури мыкІодхэу къэнэжьыщтых. 39Сэнэпсыжъ ешъуагъэм сэнэпс шІыгъакІэм ыгу еIущтэп; сыда пІомэ сэнэпсыжъыр нахь дэгъоу еІошъ ары.

 

 

06

ЯХЭНЭРЭШЪХЬ

 

Хьисэ игъогу рыкІохэрэм шэмбэт мафэм коцышъхьэхэр къызэрэпачыгъэхэр

(Маттэ 12:1-8; Марк 2:23-28)

 

Шэмбэт мафэ горэм Хьисэ коц хьасэхэм ахэтэу кІозэ, игъогу рыкІохэрэм коцышъхьэхэр къыпачыхэзэ, ІэгукІэ аІотыхэзэ ашхыщтыгъэх. 2Фарисей заулэмэ аІуагъ:

 

5:33 анэкІы – агухэмкІэ фаехэу, ахэр тхьамафэ къэс мэфитІо анэкІыщтыгъ.

 

–Шэмбэт мафэм хабзэкІэ пшІэ мыхъущтыр* сыд пае шъушІэра?

3 –Даутэрэ игъусэхэмрэ мэлакІэ лІэхэ зэхъум, ащ ышІагъэм шъуеджагъэба?– ариІожьыгъ Хьисэ ахэмэ. 4–Ар Тхьэм иунэ ихьи, цІыфхэм Тхьэм ыпашъхьэ агъэтІылъыгъэ хьалыгъур* ышти ышхыгъ, игъусэхэми аригъэшхыгъ. А хьалыгъур дин пащэхэм анэмыкІ хабзэкІэ зыгорэм ышхы мыхъунэу щытыгъ.

5ЕтІанэ Хьисэ ариІуагъ:

–ЦІыф Лъэпкъым ы Къо шэмбэт мафэм итхьамат.

 

Хьисэ зыІэ лъэныкъо пыгъукІыгъэу щыт лІы горэ зэригъэхъужьыгъэр

(Маттэ 12:9-14; Марк 3:1-6)

 

6НэмыкІ шэмбэт мафэ горэм Хьисэ синэгогум чІахьи, цІыфхэм Тхьэм игущыІэхэр аригъашІэщтыгъэх. ЗыІэ джабгъу пыгъукІыгъэу щыт лІы горэ ащ дэжьым чІэтыгъ. 7Шэмбэт мафэм тефэу Хьисэ а лІыр ыгъэхъужьыщтмэ, Тэурат егъэджэкІо пащэхэмрэ фарисейхэмрэ Хьисэ еплъакІощтыгъэх, зэрагъэмысэн Іоф горэ къагъотыным пае. 8Ау Хьисэ ахэмэ агухэм арылъыр ышІагъ, лІэу зыІэ лъэныкъо пыгъукІыгъэми риІуагъ:

–Къэтэджи, мо утыгум къихь.

ЛІыр къэтэджи, утыгум къихьагъ. 9ЕтІанэ Хьисэ ахэмэ ариІуагъ:

–Сэ сышъоупчІы. Шэмбэт мафэм шІугъэ пшІэныр ара, хьауми бзэджагъэ пшІэныр ара хабзэкІэ хъущтыр, псэ мыкІодэу къэбгъэнэжьыныр ара, хьауми бгъэкІодыныр ара?

10ЕтІанэ ахэмэ зэкІэмэ ахаплъи, а лІым риІуагъ:

–О пІэ къэщэй.

ЛІым ыІэ къыщэий, адрэ Іэм фэдэу хъужьыгъ. 11 Ау ахэр губжыным

 

6:2 пшІэ мыхъущтыр – Мусэ и Тэурат хабзэ иунашъо тетэу, шэмбэт мафэм лэжьыгъэ къэпхыныр мыхъунэу щытыгъ. Еплъ Пегъымбар Мусэ ятІонэрэ тхылъэу ытхыгъэм 34:21.

6:4 цІыфхэм Тхьэм ыпашъхьэ агъэтІылъыгъэ хьалыгъур – еплъ Пегъымбар Мусэ ящэнэрэ тхылъэу ытхыгъэм 24:5-9.

 

къызэкІигъаплъэхи, Хьисэ рашІэщтымкІэ зэупчІыжьыщтыгъэх.

 

Хьисэ апостол нэбгырэ пшІыкІутІур къызэрэхихыгъэхэр

(Маттэ 10:1-4; Марк 3:13-19)

 

12 А мафэхэм Тхьэм елъэІуным пае, Хьисэ Іуашъхьэм дэкІоягъ. Тхьэм елъэІузэ, чэщыр зэкІэ ащ щигъэкІуагъ. 13 Нэф къызэрэшъэу, игъогу рыкІохэрэм къяджи, ахэмэ ащыщэу нэбгырэ пшІыкІутІу къахихи, апостолхэкІэ* яджагъ. А апостолхэр мыхэр арыгъэх: 14Симонэу ятІонэрэ цІэу Петрэ зыфиусыгъэр; ащ ышэу Индрыс; етІанэ Якъубэ, Иуан, Филипп, Варфоломей, 15Маттэ, Фомэ, Алфей ыкъо Якъубэ, Симонэу зихэгъэгу ыгу етыгъэу фэлажьэрэмкІэ* заджэхэрэр, 16Якъубэ ыкъо Иудэ, Иудэ Искариот. А Иудэ Искариот ары нэужым тетыгъо зиІэхэм Хьисэ аІэкІэзыгъэхьанэу щытыгъэр.

 

Хьисэ цІыф купышхом Тхьэм игущыІэхэр зэраригъашІэщтыгъэхэри зэригъэхъужьыщтыгъэхэри

(Маттэ 4:23-25)

 

17Ахэмэ ягъусэу Хьисэ къехыжьи, чІыпІэ зэшъхьэ-зэшъу горэм къыщыуцугъ. Игъогу рыкІохэрэм ащыщхэу зы купышхо а чІыпІэм щытыгъ. Ахэмэ анэмыкІэуи цІыф купышхо Иудей хэкум зэкІэ, Ерусалими, къалэхэу Тиррэ Сидонрэ* яхыІушъохэми къарыкІыхи, ащ дэжьым къыщызэрэугъоигъэх. 18Ахэр зэкІэ Хьисэ гущыІэхэу къыІохэрэм ядэІунхэуи яузхэр рагъэгъэхъужьынхэуи къэкІогъагъэх. ДжынэпцІэ Іаехэмэ къин зэрагъэщэчырэ цІыфхэри Хьисэ ыгъэхъужьыщтыгъэх.

 

6:13 апостол – нэмыкІ цІыф горэм ыцІэкІэ гущыІэнэуи Іоф ышІэнэуи фитыныгъэ зиІэр ары. Хьисэ игъогу рыкІорэ нэбгырэ пшІыкІутІум «апостолхэкІэ» яджэх. Ахэр Хьисэ илІыкІохэу тетыгъо зэритыгъэхэр ары.

6:15 Симонэу зихэгъэгу ыгу етыгъэу фэлажьэрэмкІэ заджэхэрэр – ар Палестинэ хэгъэгум фэлажьэрэ цІыф куп горэм щыщыгъэнкІи мэхъу. Рим (Рум) къэралыгъошхом щыщхэу яхэгъэгу ашІозыубытыгъэхэм къатырахыжьыным а купым хэтхэр ыуж итыгъэх.

6:17 къалэхэу Тиррэ Сидонрэ – ахэр хымэ къалэхэу Галилей хэкум итемыр лъэныкъомкІэ хыІушъом Іутыгъэхэр ары.

 

19Сымэджэ пстэури ытъэхъужьынхэу кІуачІэ ыпкъ къыхэкІэу зэрэщытыгъэм пае, цІыфхэр зэкІэ зэрэнэсынхэм ыуж итыгъэх.

 

Сыхьатмафэ ежьагъэхэри сыхьатмыгъо ежьагъэхэри

(Маттэ 5:1-12)

 

20Хьисэ игъогу рыкІохэрэм яплъи къыІуагъ:

–Сыхьатмафэ шъуежьагъ, шъо тхьамыкІэхэр,

сыда пІомэ Тхьэм и Тетыгъошхо* ыІэчІэгъ шъучІэт.

21 Сыхьатмафэ шъуежьагъ, шъо джы мэлакІэ лІэхэрэр,

сыда пІомэ шъо зыжъугъэшхэкІыжьыщт.

Сыхьатмафэ шъуежьагъ, шъо джы гъыхэрэр,

сыда пІомэ шъугушІожьыщт.

22Сыхьатмафэ шъуежьагъ,

ЦІыф Лъэпкъым ы Къо* игъогу шъузэрэрыкІорэм пае,

цІыфхэмэ шъуауджэгъумэ, шъузыхадзымэ, къышъохъонхэмэ,

шъуцІи Іае ашІымэ.

23 А мафэм шъугушІу, шъузэрэгушІорэм пае, шъудэпкІай,

сыда пІомэ Тхьэм уашъом ІахьышІоу къыщышъуфигъэшъошэщтыр ины.

А цІыфхэмэ ятэжъхэм пегъымбармэ арэущтэу арашІэщтыгъ.

24 Ау сыхьатмыгъо шъуежьагъ, шъо байхэр,

сыда пІомэ шъугу зыгъэтхъэн Іофхэр жъугъотыгъахэх.

25 Сыхьатмыгъо шъуежьагъ, джы зызыгъэшхэкІыгъэхэр,

сыда пІомэ мэлакІэ шъулІэжьыщт.

Сыхьатмыгъо шъуежьагъ, джы гушІохэрэр,

сыда пІомэ шъугъыщт ыкІи шъупыхьажьыщт.

 

6:20 Тхьэм и Тетыгъошхо – Тхьэм мы дунаими, мы дунаим ицІыфхэми тетыгъошхоуи лъэкІыныгъэшхоуи афыриІэр ары. Инджылыр Тхьэм и Тетыгъошхо зытегущыІэкІэ, зыфиІорэр загъорэ мы уахътэм Тхьэм тетыгъошхоу иІэр ары, загъори къэкІощт уахътэм Тхьэм тетыгъошхоу иІэщтыр ары, загъори Тхьэм ыдэжь мыкІодыжьын щыІэныгъэ щыуиІэныр ары.

6:22 ЦІыф Лъэпкъым ы Къо – еплъ 5:24.

 

26 Сыхьатмыгъо шъуежьагъ, зэкІэ цІыфхэр къышъущытхъухэмэ,

сыда пІомэ а цІыфхэм ятэжъхэм арэущтэу пегъымбар нэпцІхэм арашІэщтыгъ.

 

Шъуипыйхэр шІу шъулъэгъух

(Маттэ 5:38-48; 7:12а)

 

27–Ау шъо къысэдэІухэрэм шъосэІо. Шъуипыйхэр шІу шъулъэгъух, шъузыуджэгъухэрэми шІу афашъушІ. 28 Къышъобгыхэрэми Тхьэм ынэшІу къащифэнэу шъуафелъэІу, ІаекІэ къыжъудэзекІохэрэми шІукІэ Тхьэм шъуафелъэІу. 29О унэкІушъо лъэныкъо къеорэм адрэ нэкІушъори фэгъаз. О уищыгъын кІыІутелъ птезыхырэм джанэри къыфэгъан. 30Хэтми зыгорэкІэ къыолъэІурэм ет, уихьапщыпхэр птезыхырэми къыуитыжьынэу емыІу. 31 ЦІыфхэр шъо къыжъудэзекІонхэу шъузэрэфаем фэдэу, шъори ахэмэ шъуадэзекІу.

32 ШІу шъузылъэгъухэрэм язакъоу шІу шъулъэгъухэмэ, шъоркІэ сыд фэдэ щытхъуа ащ хэлъыр? ПсэкІод зышІэхэрэм ежьхэр шІу къэзылъэгъухэрэр шІу алъэгъужьхэба? 33 ШІугъэ къышъуфэзышІэрэ цІыфхэм шІу афашъушІэжьмэ, шъоркІэ сыд фэдэ щытхъуа ащ хэлъыр? ПсэкІод зышІэхэрэм арыба ашІырэр? 34КъышъуатыжьынкІэ шъузыщыгугъыхэрэм чІыфэ яшъутымэ, шъоркІэ сыд фэдэ щытхъуа ащ хэлъыр? ПсэкІод зышІэхэрэм адрэ псэкІод зышІэхэрэм чІыфэ араты, аратыгъэм фэдиз къаІахыжьынэу щыгугъыхэу. 35Ау шъуипыйхэр шІу шъулъэгъух, шІу афашъушІ, къышъуатыжьынкІэ шъущымыгугъэу чІыфи яшъут. Арэущтэу зышъушІыкІэ, Тхьэм ІахьышІоу къэшъуфигъэшъошэщтыр ины хъущт, анахь Иным ибынхэуи шъущытышт; сыда пІомэ цІыфхэу шІу зыфаІорэр къызыгурымыІохэрэмкІи цІыф бзаджэхэмкІи Тхьэр шІу. 36Шъуятэ лъапІэ гукІэгъу зэриІэм фэдэу, шъори гукІэгъу зижъугъаІ.

 

Зыми хьыкум тешъумышІыхь

(Маттэ 7:1-5)

 

37–3ыми хьыкум тешъумышІыхь, Тхьэми хьыкум къышъутыришІыхьащтэп. Зы цІыфи шъумыгъэмыси, Тхьэми шъуигъэмысэщтэп. ЦІыфхэм афэжъугъэгъу, Тхьэми

шъуигъэмысэщтэп. ЦІыфхэм афэжъугъэгъу, Тхьэми къышъуфигъэгъущт. 38 ЦІыфхэм яшъути, Тхьэм шъо къышъуитыщт. Шъуишапхъэ гъэсысыгъэу, иубагъэу, изэу къелыжьыгъэу Тхьэм къышъуфишІэжьыщт; сыда пІомэ шъо шапхъэу зэрэшъушырэм фэдэ шапхъэкІэ Тхьэм шъо къышъуфишыжьыщт.

39ЕтІанэ Хьисэ зы гущыІэжъ горэ ариІуагъ: –Зы нэшъум адрэ нэшъур зэрищэн ылъэкІына? ТІури машэм ифэнхэба? 40 ЕджакІор езыгъаджэрэм нахьи нахь инэп, ау хэти зэкІэ зэригъэшІагъэ зыхъукІэ, езыгъаджэрэм фэдэу мэхъу.

41 –О унэ пкъэоу кІэлъым гу лъымытэу, пхъэцалэу о пшы* ынэ кІэлъыр сыд пае плъэгъура? 420 унэ пкъэоу кІэлъыр умылъэгъоу, сыдэущтэу пшы епІон плъэкІыра, «Пхъэцалэу о унэ кІэлъыр къычІэсэгъэх, сшы?» О нэпитІу зиІэр, ыпэ рапшІэу пкъэоу о унэ кІэлъыр къыкІэхыжьи, етІанэ пхъэцалэу о пшы ынэ кІэлъыр къызэрэкІэпхыжьыщтыр нафэу плъэгъущт.

 

Чъыгыр зыфэдэр къыпыкІэрэмкІэ къэпшІэщт

(Маттэ 7:17-20; 12:346-35)

 

43 –ЧъыгышІум дэй къыпыкІэрэп, чъыг дэими шІу къыпыкІэрэп. 44 Сыдрэ чъыги зыфэдэр къыпыкІэрэмкІэ къэпшІэщт. Пырэжъые куандэм ынджыр къыпачырэп, шхъуми сэнашъхьэ къыпачырэп. 45 ЦІыфышІум ыгу илъ шІугъэм шІугъэ къыхехы, цІыф бзаджэми ыгу илъ бзэджагъэм бзэджагъэ къыхехы; сыда пІомэ жэм къыдэкІырэр гум илъыр ары.

 

Унэ зышІырэ лІы Іушымрэ унэ зышІырэ лІы акъылынчъэмрэ

(Маттэ 7:24-27)

 

46–Сыд пае «Зиусхьан! Зиусхьан!» шъуІоу къысашъуІора, сэ сІорэр шъумыгъэцакІэу? 47Хэти садэжь къакІоу, сигущыІэхэр зэхэзыхэу, ахэри

 

6:41 о пшы – зы диным рыкІохэрэр зэкъошхэу мэхъух.

 

зыгъэцакIэрэр зыфэдэр шъозгъэшІэщт. 48Ар зыфэдэр унэ зышІырэ лІэу чІыгур куоу къэзытІэу, унэ лъапсэр мыжъо пытэм тезышІыхьагъэр ары. Псышхор къызеум, псым иорхэр а унэм еуагъэх, ау а унэр пытэу зэрашІыгъэм пае, агъэхъыен алъэкІыгъэп. 49Ау сигущыІэхэр зэхэзыхэу, ахэри зымыгъэцакІэрэр зыфэдэр лІэу зиунэ лъэпсэ пытэ имыІэу, чІыгушъхьэм тезышІыхьагъэр ары. Псым иорхэр а унэм къызэреохэу, къызэхэуагъ. А унэр къызызэхаоми, Іае дэдэу къызэхэуагъ.

 

 

07

ЯБЛЭНЭРЭШЪХЬ

 

Хьисэ дзэ пащэм иунэІут зэригъэхъужьыгъэр

(Маттэ 8:5-13; Иуан 4:43-54)

 

Хьисэ а гущыІэхэм зэкІэ цІыфхэр зарегъэдэІухэ ужым, Капернаум къалэм дэхьагъ. 2Дзэ пащэ горэм шІу ылъэгъурэ унэІут горэ иІагъ. А унэІутыр лІэным нэсыгъэу сымаджэу щылъыгъ. 3Дзэ пащэм Хьисэ икъэбар зызэхехым, Хьисэ къэкІонышъ, иунэІут ыгъэхъужьынэу джуртхэм янахьыжъхэм* ащыщхэу заулэ лъэІуакІоу ыдэжь ыгъэкІуагъэх. 4Ахэр Хьисэ ыдэжь къызэкІохэм, лъэшэу елъэІухэзэ раІуагъ:

О ар ащ фэпшІэнэу ифэшъуаш, 5 сыда пІомэ тэ тлъэпкъ шІу елъэгъу, тисинэгогуи тфаригъэшІыгъ.

6Хьисэ адишти адэкІуагъ.

Дзэ пащэм иунэ пэблагъэхэ зэхъум, дзэ пащэм иныбджэгъухэр Хьисэ къыпигъэгъокІыхи къыраригъэІуагъ:

-Тхьаматэ, зымыгъэулэу, о сэ сиунэ укъихьанэу сифэшъуашэп. 7Ар сифэмышъуашэу зэрэщытым пае, уадэжь сэ сшъхьэкІэ сыкъэкІонэуи зыфэзгъэшъошагъэп. Ау зы гущыІэ закъо къаІуи, унашъо шІи, сиунэІут хъужьыщт. 8Сэри лІы горэм иунашъо ыІэчІэгъ сычІэт, сэ сиунашъуи ыІэчІэгъ дзэлІхэр чІэтых. Зыгорэм «КІо» есІомэ, кІощт. Адрэми «КъакІо» есІомэ, къэкІощт. СиунэІути «Мыр шІэ» есІомэ, ышІэщт.

 

7:3 нахьыжъхэр – лъытэныгъэ зиІэ джурт дин тхьаматэ купэу щытыгъэх. Ахэмэ ащыщхэу заулэ Тхьэмэтэ Хэсэшхом щыщыгъэх.

 

9Хьисэ ар зызэхехым, а лІыр ыгъэшІэгъуагъ, ыуж ит цІыф купышхоми зыфигъази ариІуагъ:

Сэ шъосэІо, мыщ фэдэ шІошъхъуныгъэ зиІэ цІыф горэ Израил хэгъэгуми изгъотагъэп.

10ЕтІанэ лІыкІохэм унэм агъэзэжьыгъ. Къызагъэзэжьым, унэІутыр хъужьыгъэу къагъотыжьыгъ.

 

Наин къалэм щыщ шъузабэм икІалэу лІагъэр Хьисэ

къызэригъэтэджыжьыгъэр

 

11Охътэ тІэкІу тешІагъэу Хьисэ Наин зыцІэ къалэм кІуагъэ. Игъогу рыкІохэрэри цІыф купышхори игъусэхэу кІощтыгъэх. 12 Хьисэ къэлапчъэм игъунэгъу зэхъум, хьадэ горэ къыдахыщтыгъ. Ар шъузабэ горэм ыкъо закъоу щытыгъ. ЦІыф купышхуи къалэм щыщэу шъузабэм игъусагъ. 133иусхьаным шъузабэр зелъэгъум, ыгу егъуи мырэущтэу риІуагъ:

–Умыгъ, тян.

14ЕтІанэ пхъэмбаим бгъодахьи, ащ теІэбагъ. Хьадэр зыхьыхэрэр къызэтеуцуагъэх. ЕтІанэ Хьисэ къыІуагъ:

–А кІал, къэтэдж, осэІо!

15 Ар зеІом, кІалэу лІагъэр къэтэджыжьи, къэгущыІэу фежьагъ. Хьисэи ащ янэ ар ритыжьыгъ.

16Ахэмэ зэкІэми щынэгъошхо агу къихьагъ, Тхьэми щытхъу фашІэу аIуагъ:

–Пегъымбарышхо къытхэкІыгъ. Тхьэр нэшІукІэ ылъэпкъ къеплъыгъ.

17Хьисэ ышІагъэм икъэбар зэкІэ Иудей хэкуми зэкІэ Іэгъо-благъоми ащыІугъ.

 

УмэхъакІо Иуан лІыкІохэр Хьисэ ыдэжь зэригъэкІуагъэхэр

(Маттэ 11:2-19)

 

18 Мы Іофхэр зэкІэ Иуан игъогу рыкІохэрэм ежьым раІотэжьыгъэх. 19Ахэмэ ащыщхэу нэбгыритІу Иуан къяджи, Зиусхьаным дэжь ыгъэкІуагъэх мырэущтэу еупчІынхэу:

–Ора къэкІон фаер, хьауми нэмыкІ горэм тыпэплъэн фая?

20 А нэбгыритІур Хьисэ ыдэжь къызэкІохэм, къаІуагъ:

 

–УмэхъэкІо Иуан тыкъыоупчІынэу уадэжь тыкъигъэкІуагъ: «Ора къэкІон фаер, хьауми нэмыкІ горэм тыпэплъэн фая?»

21А мафэхэм сымаджэ Іаджи, уз Іае зиІэ Іаджи, джынапцІэ зыхэс цІыф Іаджи Хьисэ ыгъэхъужьыгъэх. Нэшъу Іаджи къыгъэплъэжьыгъэх. 22Хьисэ ахэмэ ариІожьыгъ:

–Жъугъэзэжьи, Іофэу шъулъэгъугъэхэмрэ зэхэшъухыгъэхэмрэ Иуан ешъуІотэжьых: Нэшъухэр къэплъэжьых, лъащэхэр тэрэзэу мэзекІожьых, шъоджэ уз Іаер зиІэхэр псаухэу, къабзэхэу мэхъужьых, дэгухэми зэхахыжьы, лІагъэхэр къэтэджыжьых, тхьамыкІэхэми къэбарышІур зэхахы. 23Сэщ пае зыгу мыхъун къизымыгъахьэрэр сыхьатмафэ ежьагъ.

24Иуан илІыкІохэр зыІокІыжьхэм, Хьисэ цІыф купышхохэм Иуан ехьылІагъэу ариІоу ыублагъ:

–Шъоф нэкІым шъузыдэкІым, сыда шъулъэгъунэу шъузыфэягъэр? Жьыбгъэм ыгъэсысырэ къамыл шъулъэгъунэу арыгъа? 25Армырмэ, сыда шъулъэгъунэу шъузыфэягъэр ащ дэжьым шъузыдэкІым? Дахэу фэпагъэу зы лІы гора? Дэхэ дэдэу фэпагъэхэу, псэукІэшІу зиІэхэр зэрысхэр пачъыхьэхэм яунэшхохэр ары. 26Адэ, сыда шъулъэгъунэу шъузыфэягъэр ащ дэжьым шъузыдэкІым? Пегъымбара? Сэ шъосэІо, ар пегъымбар къодыеп, ар пегъымбарым нахьи нахь ин. 27Ар лІыкІоу зикъэбар Тхьэм игущыІэ тхыгъэхэм мырэущтэу арытыр ары:* «Мары, уапэ рапшІэу силІыкІо къэсэгъакІо, ащ о уигъогу пфигъэпсыщт».

28 –Сэ шъосэІо, бзылъфыгъэхэм къакІэхъуагъэхэм ащыщэу, умэхъэкІо Иуан нахьи нахь ин щыІэп. Ау щытми, Тхьэм и Тетыгъошхо ыІэчІэгъ чІэт цІыфхэм ащыщэу анахь цІыкІури Иуан нахьи нахь ин.

29Хьисэ гущыІэхэу къыІуагъэхэм ядэІущтыгъэ цІыф пстэуми, хьакъулахь ахъщэр* хэзыххэрэри ахэмэ ахэтхэу, Тхьэм игущыІэхэр зафэу алъытагъэх. Ахэр

 

7:27 Тхьэм игущыІэ тхыгъэхэм арытыр – еплъ Пегъымбар Малахие тхылъэу ытхыгъэм 3:1.

7:29 хьакъулахь ахъщэр – цІыфхэр къалэ горэм дахьэхэ е дэкІыхэ зыхъукІэ, псэуалъэхэу, хьапщыпхэу, лэжьыгъэхэу яІэхэм Рим (Рум) къэралыгъошхом (хьыкумэтым) ахъщэу атырилъхьащтыгъэр ары.

ЦІыфхэм, анахьэу дин тхьаматэхэм, хьакъулахь ахъщэр хэзыххэрэр зэрапэсыщтыгъэхэп, гъэнэфэгъэ дин унашъохэр къырамыдзэхэу зэрэщытыгъэхэм пае.

 

 

арыгъэх Иуан зезыгъэумэхъыгъэхэр. 30Ау фарисейхэмрэ Тэурат егъэджэкІо пащэхэмрэ ашІэн фаеу Тхьэр зыфаер адагъэп. Ахэр арыгъэх Иуан зезымыгъэумэхъыгъэхэр.

31 –Джырэ цІыфхэр сыда зыфэзгъэдэщтыр?– къыІуагъ Хьисэ. –Сыд ахэр зыфэдэхэр? 32 Урамым тес кІалэхэу мырэущтэу зыІохэу, зэджэжьхэрэм афэдэх:

«Къамылым тышъуфепщагъэ пэтми, шъо шъукъэшъуагъэп;

тэ гъыбзэ къышъуфэтІуагъэ пэтми, шъо шъугъыгъэп».

З3–Сыда пІомэ умэхъэкІо Иуан къэкІуагъ. Ащ хьалыгъу ымышхэу щыт, сэнэпси емышъоу щыт. «Ащ джынапцІэ хэс», шъоІо. 34ЦІыф Лъэпкъым ы Къо къэкІуагъ. Ар машхэ ыкІи ешъо. «Шхэнешъоныр зикІасэу, хьакъулахь ахъщэр хэзыххэрэмрэ псэкІод зышІэхэрэмрэ яныбджэгъу», шъоІо. 35 АрышъхьакІэ Тхьэм иакъылышIуагъэ зыдэгъэ пстэуми а акъылышIуагъэр къагъэшъыпкъэжьы.

 

 

Хьисэ псэкІодышІэ бзылъфыгъэ хэтакІо горэм ипсэкІодхэр

зэрэфигъэгъугъэхэр

 

36Фарисейхэм ащыщэу зыгорэм Хьисэ ыгъэшхэнэу ригъэблэгъагъ. Хьисэ фарисеим иунэ ихьи, Іанэм пэтІысхьагъ. 37 Къалэм щыщэу зы псэкІодышІэ бзылъфыгъэ хэтакІо горэм Хьисэ фарисеим иунэ щышхэнэу зэреблэгъагъэр къышІагъ. Алавастэр зыцІэ мыжъом хэшІыкІыгъэу, зы апч горэу осэшхо зиІэ дагъэ зэрытыр къыздихьи къэкІуагъ. 38Хьисэ ыкІыбкІэ къыбгъодахьи, лъэшэу зэрэгъыгъэм пае, ынэпсыхэмкІэ Хьисэ ылъакъохэр ыгъэуцІынхэу къыублагъ. ЕтІанэ Хьисэ ылъакъохэр ышъхьацыкІэ ылъэкІыжьыгъэх, ылъакъохэм ябэугъ, осэшхо зиІэ дагъэм щыщи ащифагъ.

39Фарисеу Хьисэ къезыгъэблэгъагъэм ар зелъэгъум, ыгукІэ ыІуагъ:

–Мыр пегъымбарэу щытыгъэмэ, мы бзылъфыгъэу къынэсырэр зыфэдэр, псэкІодышІэ бзылъфыгъэ хэтакІоу зэрэщытыр ышІэщтыгъ.

 

хьащтыгъэх. Игъогу рыкІорэ нэбгырэ пшІыкІутІур игъусагъэх. 2 ДжынапцІэхэр зыхифыгъэхэу, зиузхэр ыгъэхъужьыгъэхэу бзылъфыгъэ заули игъусагъэх: Магдалэ къуаджэм щыщ Мерэмэу Хьисэ джынэпцІибл зыхифыгъагъэр, 3 етІанэ пщэу Ирод* иунэзехьэу Хузэ зыцІэм ишъхьэгъусэ Иуаннэ, етІанэ Сусанни, ащ нэмыкІыбэхэри. А бзылъфыгъэхэм ямылъкукІэ Хьисэрэ игъогу рыкІохэрэмрэ ІэпыІэгъу афэхъущтыгъэх.

 

 

08

Чылапхъэ зыпхъырэм ехьылІэгъэ гъэсэпэ тхыдэр

(Маттэ 13:1-9; Марк 4:1-9)

 

4Ащ нэужым цІыф купышхо къэзэрэугъоигъэу, тэдрэ къуаджэм къикІыгъэ цІыфхэри Хьисэ ыдэжь къызэкІохэм, мы гъэсэпэ тхыдэр афиІотагъ:

5 –Зы лІы горэ чылапхъэ ыпхъынэу дэкІыгъ. Чылапхъэр ыпхъызэ, ащ щыщ тІэкІу гъогум тетэкъуагъ. ЦІыфхэм ар лъэгукІэ аубагъ, ошъогу бзыухэми ашыпыгъ. 6ТІэкІуи чІыгу мыжъуалъэм тетэкъуагъ. Ахэр къызыхэкІыхэм, псы агъотыгъэпти, гъужьыгъэх. 7НэмыкІ тІэкІуи панэхэм ахэтэкъуагъ. Панэхэр ахэмэ ягъусэхэу къэкІыхи, чылапхъэу къыхэкІыгъэхэр атхьалагъэх. 8 ЕтІани зы тІэкІуи чІыгу дэгъум хэтэкъуагъ. Ахэр къэкІыхи, шъхьэхэр къапыкІэхи, зы шъхьэ налъэм коцишъэ къикІагъ.

Ар Хьисэ къызеІо нэужым, мэкъэшхокІэ къыІуагъ:

–РыдэІонэу тхьакІумэ зиІэм зэхерэх.

 

Хьисэ цІыфхэм Іофхэр аригъашІэхэзэ, гъэсэпэ тхыдэхэр къызыкІафиІотэщтыгъэхэр

(Маттэ 13:10-17; Марк 4:10-12)

 

9Игъогу рыкІохэрэр Хьисэ къеупчІыгъэх:

–Мы гъэсэпэ тхыдэм сыда къикІырэр?

10–Тхьэм и Тетыгъошхо ишъэфхэр шъушІэнхэу Тхьэм фитыныгъэ къышъуитыгъ,– къыІуагъ Хьисэ, –ау нэмыкІ цІыфхэм гъэсэпэ тхыдэхэмкІэ садэгущыІэ. Арэущтэу*

 

 

8:3 пщэу Ирод – еплъ 3:1.

 

 

«ахэр еплъыхэ пэтми, алъэгъущтэп,

даІохэ пэтми, къагурыІощтэп».

 

Чылапхъэр зыпхъырэм ехьылІэгъэ гъэсэпэ тхыдэм къикІырэр Хьисэ игъогу рыкІохэрэм къызэрагуригъэІуагъэр

(Маттэ 13:18-23; Марк 4:13-20)

 

11 –Гъэсэпэ тхыдэм къикІырэр мыры: Чылапхъэр Тхьэм игущыІэу ары. 12ЦІыфхэм ащыщэу зы купыр чылапхъэу гъогум тетэкъуагъэм фэд. Мыхэр ары Тхьэм игущыІэхэр зэхэзыххэрэр, ау етІанэ шэйтаныр къэкІошъ, шІошъхъуныгъэ аримыгъэгъотызэ, а гущыІэхэр агухэм арехыжьых, Тхьэм а цІыфхэр къымыгъэнэжьынхэм пае. 13Адрэ цІыф купыр чІыгу мыжъуалъэм тетэкъогъэ чылапхъэм фэд. Мыхэр ары Тхьэм игущыІэхэр зэрэзэхаххэу, а гущыІэхэр гушІуагъокІэ зыштэхэрэр, ау ахэмэ лъапсэ яІэп. ШІошъхъуныгъэм игъогу бэрэ тетыжьхэрэп. ЯшІошъхъуныгъэ ишъыпкъагъэ гъэунэфыгъэу зыхъукІэ, шІошъхъуныгъэм игъогу текІыжьых. 14ЕтІанэ зы цІыф купыр панэхэм ахэтэкъогъэ чылапхъэм фэд. Мыхэр ары Тхьэм игущыІэхэр зэхэзыххэрэр, ау мы дунаим игугъухэмкІи, баиныгъэмкІиэ, щыІэныгъэм итхъагъохэмкІи мэкІэ-макІэу зырагъэтхьалэ, ахэми шІугъэ къапыкІырэп. 15ЕтІани нэмыкІ цІыф куп чІыгу дэгъум хэтэкъогъэ чылапхъэм фэд. Мыхэр ары шІугъэрэ шъыпкъагъэрэ зыгу илъхэу, Тхьэм игущыІэхэр зэхэзыххэу зыубытхэрэр. Теубытэныгъэ яІэу, шІугъэ къапэкІы.

Хьисэ ар къызеІо ужым, мэкъэшхокІэ къыІуагъ:

–РыдэІонэу тхьакІумэ зиІэм зэхерэх.

 

Щэлъэ чІэгъым чІэт остыгъэр

(Марк 4:21-25)

 

16–3ыми остыгъэ хигъанэу, щэлъэ чІэгъым е пІэкІор чІэгъым чІигъэуцорэп, ау унэм къихьахэрэм инэфынэ алъэгъуным пае, итетыпІэ лъагэ тырегъэуцо. 17Сыда

 

8:10 Арэущтэу ... – еплъ Пегъымбар Ешай тхылъэу ытхыгъэм 6:9-10.

 

пІомэ къэмылъэгъожьынэу гъэбылъыгъэу зи щыІэп, цІыфхэм къамышІэнэуи къэмылъэгъожьынэуи чІэухъумагъэу зи щыІэп. 18Арышъ, шъузэрэдэІощтым шъуфэсакъ. Тхьэм хэт щыщми зиІэм нахьыбэ къыритыщт, ау Тхьэм зи зимыІэм иІэу шІошІырэри Іихыжьыщт.

 

Хьисэ янэрэ ышхэмрэ

(Маттэ 12:46-50; Марк 3:31-35)

 

19Хьисэ янэрэ ышхэмрэ ежьым ыдэжь къэкІуагъэх, арышъхьакІэ цІыфхэр багъэхэти, екІолІэнхэ алъэкІыгъэп. 2()Джащыгъум Хьисэ къэбар фахьыгъ:

–О уянэрэ пшыхэмрэ уалъэгъумэ ашІоигъоу щагум дэтых.

21 –Тхьэм игущыІэхэр зэхэзыххэу зыгъэцакІэхэрэр ары сэ сянэри сшыхэри,– ариІожьыгъ Хьисэ ахэмэ.

 

Хьисэ жьыбгъэ щынэгъошхор зэригъэуцугъэр

(Маттэ 8:23-27; Марк 4:35-41)

 

22Мафэ горэм игъогу рыкІохэрэр игъусэхэу къуашъо горэм Йсус итІысхьи ариІуагъ:

–НекІо, псыхъураем иадрабгъу тызэпырыжъугъэкІ.

Арэущтэу ежьагъэх. 23 Къуашъом исхэу кІохэзэ, Хьисэ хэчъыягъ. Псыхъураем жьыбгъэшхо къыщепщи, къуашъом псыр изы къэхъоу фежьи, щынэгъошхо хэфагъэх.

24Джащыгъум Хьисэ къыбгъодахьэхи, къагъэущи аІуагъ:

–Зиусхьан, Зиусхьан, тэкІоды!

Хьисэ къэтэджи, жьыбгъэшхоми псыорхэми ягыий, зэтыригъэуцуагъэх, кІым-сыми къэхъугъ. 25 ЕтІанэ ахэмэ ариІуагъ:

–ШъуишІошъхъуныгъэ тыдэ щыІа?

–Хэта мыр? Жьыбгъэшхоми псыми унашъо афишІызэ егъэдаІох,– щтагъэхэу, агъэшІагъоу зэупчІыжьыгъэх ахэр.

 

Хьисэ джынэпцІабэхэр зыхэс лІы горэ зэригъэхъужьыгъэр

(Маттэ 8:28-34; Марк 5:1-20)

 

26Галилей хэкум къыпэІулъ хэкоу Гадарэ зыцІэ къалэм епхыгъэм къуашъомкІэ нэсыгъэх. 27Хьисэ къуашъом икІи, псы Іушъом зытехьэм, къалэм щыщэу джынапцІэхэр зыхэс лІы горэ къачъэзэ къыпэгъокІыгъ. А лІым бэшІагъэу щыгъын щыгъыжьыгъэп, унэ горэми исыжьыгъэп, ау къэунэхэм ахэсыгъ. 28Ащ Хьисэ зелъэгъум, ыпашъхьэ чІыгум зыкъыщыридзыхи, мэкъэшхокІэ къэкуозэ, къыІуагъ:

–Хьисэ, Тхьэу анахь Иным ы Къу, сыда уиІофэу къысхэлъыр? СыолъэІу, къин сэмыгъэлъэгъу.

29 Ар зыкІиІуагъэр джынэпцІэ Іаер лІым хэкІыжьынэу Хьисэ унашъо фишІыгъэти ары. ДжынапцІэхэр а лІым бэрэ хахьэщтыгъэх. ЦІыфхэм гъучІ Іэхъу-лъэхъу ащ тыралъхьэти, аухъумэу аІыгъыщтыгъ. Ау Іэхъу-лъэхъухэр зэпиутхэти, джынапцІэм а лІыр шъоф нэкІым ригъэзыхьэщтыгъ.

30–Сыда о пцІэр?– еупчІыгъ Хьисэ а лІым.

–Сэ сцІэр дзэ,– къыІожьыгъ ащ. Ар зыкІиІуагъэр джынэпцІабэхэр хэхьагъэхэу шытыгъэти ары. 31 ДжынапцІэхэр чІылъэм икуупІэу чІэ зимыІэм кІонхэу унашъо афимышІынэу Хьисэ къелъэІугъэх.

32 А чІыпІэ дэдэм къо Іэхъогъушхо Іошъхьэ нэпкъым щыхъущтыгъ. А къохэм апкъыхэм ахэхьанхэу фит къышІынхэу джынапцІэхэр Хьисэ къелъэІугъэх. Хьисэ ахэр фит ышІыгъэх. 33Ардэдэм джынапцІэхэр лІым хэкІыжьхи, къохэм апкъыхэм ахэхьагъэх. Къо Іэхъогъур Іошъхьэ нэпкъым къечъэхи, псыхъураем хэлъадэхи, псым ытхьалагъэх.

34Къуахъохэм хъугъэ-шІагъэр залъэгъум, хэхьажьхи, къалэмрэ къуаджэхэмрэ хъугъэ-шІагъэр ащаІотагъ. 35 ЦІыфхэр хъугъэ-шІагъэр зэрагъэлъэгъунэу дэкІыгъэх. Ахэр Хьисэ ыдэжь къызэкІохэм, джынапцІэхэр къызхэкІыгъэ лІыр фэпагъэу, иакъыл къыгъотыжьыгъэу Хьисэ ыдэжь щысэу алъэгъугъ. Ар залъэгъум, лъэшэу къэщтагъэх. 36Хъугъэр зылъэгъугъэ цІыфхэм джынапцІэхэр зыхэсыгъэ лІыр Хьисэ зэригъэхъужьыгъэр джы араІотэжьыгъ. 37Джащыгъум яхэку ыбгынэнэу Гадарэ цІыф пстэури Хьисэ къелъэІугъэх, сыда пІомэ ахэр щынэгъошхо хэфагъэхэти ары. Арэущтэу ІукІыжьыным пае, Хьисэ къуашъом итІысхьагъ.

38Хьисэ къуашъом итІысхьэ пэтызэ, джынапцІэхэр къызхэкІыгъэ лІыр Хьисэ къелъэІугъ:

–Гъусэу къызыфэшІ.

39–О уиунэ кІожьи, Тхьэм къыпфишІэгъэ шІугъэшхор уицІыфхэм яІотэжь!– риІуагъ Хьисэ а лІым. ЕтІанэ ытІупщыжьыгъ. ЛІыр кІожьи, Хьисэ къыфишІэгъэ шІугъэшхор къалэм щиІотэжьыгъ.

 

Хьисэ Иаир зыцІэм ыпхъоу лІагъэр

къызэригъэтэджыжьыгъэр; Хьисэ ищыгъын кІапэ

къынэсыгъэ бзылъфыгъэр зэригъэхъужьыгъэр

(Маттэ 9:18-26; Марк 5:21-43)

 

40 ЕтІанэ Хьисэ къызегъэзэжьым, цІыф купышхор къыпэгъокІыгъ, сыда пІомэ зэкІэри ащ паплъэщтыгъэхэти ары. 41Иаир зыцІэ синэгогу пащэ горэ къакІуи, Хьисэ ылъакъохэм адэжь зыкъыщыридзыхи къелъэІугъ:

–Садэжь къакІо.

42 Сыда пІомэ илъэс пшІыкІутІу фэдиз ыныбжьэу зы пхъу закъо иІагъ. Ар лІэным нэсыгъэу сымаджэу щылъыгъ.

Арэущтэу Хьисэ Иаир ыдэжь кІо зэхъум, цІыф купышхор тезэрэгъэбэнагъ. 43Ахэмэ зы бзылъфыгъэ горэ ахэтыгъ. Илъэс пшІыкІутІу хъугъэу, ащ бэрэ лъы къыкІэкІэу гуІэщтыгъэ. Ащ иІэр зэкІэ Іазэхэм атыригъэкІодэгъагъ, ау зыми ыгъэхъужьын ылъэкІыщтыгъэп. 44А бзылъфыгъэр Хьисэ ыкІыбкІэ къекІуалІи, ищыгъын кІапэ къынэсыгъ. Ащ зэрэнэсэу илъыкІэкІын уцужьыгъэ.

45 –Хэта къызнэсыгъэр?– къыІуагъ Хьисэ.

Зэпстэуми загъэхые зэхъум, Петр къыІуагъ:

–Тхьаматэ, цІыфхэм укъауцухьызэ, къыптебанэхэу зэрэщытхэр плъэгъурэба?

46–Зыгорэ къызнэсыгъ,– къыІуагъ Хьисэ. -Сыда пІомэ кІуачІэ зэрэсхэкІыгъэр зэхэсшІагъэшъ ары.

47 Ау бзылъфыгъэм ышІагъэр къызэрашІэщтыр зелъэгъум, кІэзэзэу къыІухьи, Хьисэ ыпашъхьэ зыкъыщыридзыхи, цІыф пстэуми апашъхьэ къызкІынэсыгъэри, занкІэу зэрэхъужьыгъэри къыІуагъ:

48–Сипшъашъ, уишІошъхъуныгъэ уигъэхъужьыгъ,–риІуагъ Хьисэ. –Гъогу маф. Гупсэфыныгъэ уиІэу опсэу.

49Хьисэ гущыІэзэ, синэгогу пащэм иунэ зыгорэ къикІыгъэу, къакІуи къыІуагъ:

–О ппхъу дунаим ехыжьыгъ. Дин гъэсакІом къин джыри емыгъэлъэгъужь.

50 Ау Хьисэ ар зызэхехым, Иаир риІуагъ:

–О умыщын. ШІошъхъуныгъэ зигъаІэ къодый. Ппхъу къэхъужьыщт.

51 Хьисэ Иаир иунэ зынэсым, Петрэ, Иуан, Якъубэ, пшъэшъэжъыем ятэ-янэ анэмыкІ унэм зыдыригъэхьагъэп. 52ЦІыф пстэуми хьадагъэ ашІызэ, абгъэгухэм яожьыщтыгъэх. Ау Хьисэ ыІуагъ:

–Хьадагъэ шъумышІы. Ар лІагъэп, мэчъые нахь.

53 Ау ахэмэ ар зэрэлІагъэр ашІэти, Хьисэ къыдэхьащхыгъэх. 54Ау Хьисэ пшъэшъэжъыем ыІэ къыубыти, мэкъэшхокІэ къыІуагъ:

–Сипшъэшъэжъый, къэтэдж!

55 Пшъэшъэжъыем ыпсэ къыпыхьажьи, ардэдэм къэтэджыжьыгъ. Ар агъэшхэнэу Хьисэ ариІуагъ. 56Пшъэшъэжъыем ятэ-янэхэм лъэшэу агъэшІэгъуагъ, ау Хьисэ хъугъэ-шІагъэр зыми рамыІотэжьынэу афигъэпытагъ.

 

 

09

ЯБГЪОНЭРЭШЪХЬ

 

Хьисэ игъогу рыкІорэ нэбгырэ пшІыкІутІур Тхьэм фэлэжьэнхэу зэрэдигъэкІыгъэхэр

(Маттэ 10:515; Марк 6:713)

 

Хьисэ игъогу рыкІорэ нэбгырэ пшІыкІутІур зэІуигъакІэхи, цІыфмэ джынапцІэхэр ахафынхэуи, яузхэр агъэхъужьынхэуи лъэкІыныгъэрэ тетыгъорэ аритыгъ. 2Тхьэм и Тетыгъошхо ехьылІэгъэ къэбарышІур агъэІунэуи, сымаджэхэр агъэхъужьынхэуи дигъэкІыгъэх. 3 Мырэущтэу ариІуагъ:

–Гъогум шъузытехьэкІэ, зи зыдэшъумышт, бэщи, Іалъмэкъи, хьалыгъуи, ахъщи зыдэшъумышт. ДжэнитІуи зыщышъумылъ. 4ХьакІэу зы унэ горэм шъуихьэмэ, а чІыпІэм шъукъикІыжьыфэ нэс, а унэм шъуис. 5 ЦІыфхэм шъурамыгъэблагъэмэ, якъалэ шъукъызыдэкІыжькІэ, мыхъунэу ашІагъэмкІэ ахэмэ апашъхьэ шыхьат щыхъуным пае, шъулъакъохэм акІэрылъ сапэр акІэрыжъугъэтэкъужь.

6Арэущтэу Хьисэ игъогу рыкІохэрэр ежьэхи, къуаджэмэ адэхьэ-адэкІыхэу къэбарышІур щагъэІущтыгъ, тыдэкІи сымаджэхэри щагъэхъужьыщтыгъэх.

 

Пщы Ирод зэрэгумэкІыгъэр

(Маттэ 14:1-12; Марк 6:14-29)

 

7 Пщы Ирод* Хьисэ ышІэгъэ пстэуми якъэбар зэхихыгъэти, гумэкІи, зыфихьын ышІэщтыгъэп, сыда пІомэ цІыф куп ыІощтыгъ:

–Пегъымбар Иуан лІагъэхэм къахэтэджыкІыжьыгъ.

8Пегъымбар Иляс* къэлъэгъуагъ,– аІощтыгъ етІанэ нэмыкІхэми.

–Пэсэрэ пегъымбархэм ащыщэу горэ къэтэджыжьыгъ,– аІощтыгъ адрэхэми. 9Ау Ирод къыІуагъ:

–Иуан ышъхьэ дзэлІхэм пязгъэупкІыгъ. Адэ, мыщ фэдэ къэбархэр зэраІуалІэрэ лІыр хэта?

Арэущтэу къыІозэ, Хьисэ зэригъэлъэгъунэу ыуж итыгъ.

 

Хьисэ нэбгырэ минитф зэригъэшхагъэр

(Маттэ 14:13-21; Марк 6:30-44; Иуан 6:1-14)

 

10 Апостолхэм* Хьисэ ыдэжь къызагъэзэжьым, Іофхэу ашІагъэхэр раІотэжьыгъэх. ЕтІанэ Хьисэ цІыфхэм ахэкІи, апостолхэр зыдищэхэзэ, язакъоу ВифсайдэкІэ заджэхэрэ къалэм* кІуагъэх. 11 Ау цІыф купышхохэм ар къызашІэм,

 

9:7 пщы Ирод – еплъ 3:1.

9:8 пегъымбар Иляс – ар чІылъэм къыгъэзэжьынышъ, Мэссихь игъогу фигъэпсынэу джуртхэр паплъэхэу щытыгъэх. Еплъ Пегъымбар Малахие тхылъэу ытхыгъэм 4:5-6.

9:10 апостолхэр – еплъ 6:13.

9:10 ВифсайдэкІэ заджэхэрэ къалэр – Галилей псыхъураем итемыр тыгъэ къыкъокІыпІэ Іушъо Іутыгъ.

 

Хьисэ лъыкІуагъэх. Хьисэ ахэмэ дахэкІэ къапэгъокІыгъ, Тхьэм и Тетыгъошхо ехьылІагъэуи адэгущыІагъ, зэІэзэн фаеу зищыкІагъэхэри ыгъэхъужьыгъэх.

12Мафэр хэкІуатэу ыублагъ. Игъогу рыкІорэ нэбгырэ пшІыкІутІур Хьисэ къыбгъодахьэхи къыраІуагъ:

–Къоджэ-чІылэ гъунэгъухэм кІонхэшъ, гъолъыпІэрэ гъомлапхъэрэ къагъотынхэм пае, цІыф купышхор тІупщыжь; сыда пІомэ мы чІыпІэр Іудзыгъэшъ ары.

13–Шъо ахэр жъугъашхэх,– ариІуагъ Хьисэ ахэмэ.

–Тэ хьалыгъуитфырэ пцэжъыитІурэ нахь тиІэп,– къаІуагъ ахэмэ, – хьауми мы цІыф пстэуми ашхын къафэтщэфынэу тыкІона?

14Ахэр лІы минитф фэдиз хъущтыгъэх.

ЕтІанэ Хьисэ игъогу рыкІохэрэм ариІуагъ:

–ЦІыфхэр шъэныкъо-шъэныкъоу, куп-купэу ежъугъэтІысэхых.

15Игъогу рыкІохэрэм арэущтэу ашІызэ, цІыф пстэури рагъэтІысэхыгъэх. 16ЕтІанэ Хьисэ хьалыгъуитфымрэ пцэжъыитІумрэ къыштэхи, уашъом дэплъыий, ахэмэ апае Тхьэм щытхъу фишІыгъ. ЕтІанэ хьалыгъухэр зэгуичыхи, цІыфмэ апашъхьэ ралъхьанхэу игъогу рыкІохэрэм аритыгъэх. 17 ЦІыф пстэури шхагъэх ыкІи загъэшхэкІыгъ. Ащ нэужым хьалыгъу такъырхэу къялыжьыгъэхэр мэтэ пшІыкІутІу арызэу аугъоижьыгъэх.

 

«Оры Тхьэм и Мэссихь», ыІуи, Петр Хьисэ зэрэриІуагъэр

(Маттз 16:13-19; Марк 8:27-29)

 

18 Зы мафэ горэм чІыпІэ Іудзыгъэ горэм щыІэу, игъогу рыкІохэрэр игъусэхэу Хьисэ Тхьэм зелъэІу ужым, ахэмэ яупчІыгъ:

–ЦІыф купышхохэм сэ хэт сыщыщэу аІора?

19–Зы купым о уумэхъэкІо Иуанэу аІо,– къаІожьыгъ ахэмэ. –НэмыкІхэми о упегъымбар Илясэу аІо. ЕтІанэ адрэхэми пэсэрэ пегъымбархэм ащыщэу зыгорэ къэтэджыжьыгъэу аІо.

20–Адэ шъори, сэ хэт сыщыщэу шъуІора?– ариІуагъ Хьисэ.

–Оры Тхьэм и Мэссихь,– къыІожьыгъ Петрэ.

 

Хьисэ ежьыр зэраукІыщтри, лІагъэхэм къызэрахэтэджыкІыжьыщтри къызэриІуагъэр

(Маттэ 16:20-28; Марк 8:31-9:1)

 

21 Джащыгъум Хьисэ ежьыр зэрэ Мэссихьыр зыми рамыІотэжьынэу афигъэпытагъ.

22 –ЦІыф Лъэпкъым ы Къо къиныбэ ыщэчын фаеу щыт,–ыІуагъ. –Нахьыжъхэми*, дин пэщэшхохэми*, Тэурат егъэджэкІо пащэхэми* ежьыр зэрамыпэсын ыкІи аукІын фаеу щыт, ящэнэрэ мафэми лІагъэхэм къахэтэджыкІыжьын фаеу щыт.

23–Зыгорэ сэ сауж къырыкІонэу фаемэ, ежьыр зыфэе Іофхэр къерэгъанэхи, лІэныгъэм икъащ мафэ къэс къерэшти, сауж къырэрэкІу,– ариІуагъ Хьисэ ахэмэ зэкІэмэ. 24 –Сыда пІомэ хэти зыпсэ мыкІодэу къэзыгъэнэжьынэу фаем ыпсэ шІокІодыщт, ау хэти сэщ пае зыпсэ зышІокІодрэм ыпсэ мыкІодэу къыгъэнэжьыщт. 25Дунаир зэкІэ зы цІыфым ие хъоу, ежьыр кІодмэ, е ыпсэ зэрар фэхъужьмэ, ишІуагъэу къэкІощтыр сыда? 26 Хэти сэррэ сэ сигущыІэхэмрэ къыттеукІытыхьарэм сэ, ЦІыф Лъэпкъым ы Къуи, а цІыфым сытеукІытыхьажьыщт, Ты лъапІэмрэ мэлэІич лъапІэхэмрэ ящытхъушхо фэдэ щытхъушхо сиІэу сыкъызыкІожькІэ. 27Шъыпкъэр шъосэІо, Тхьэм и Тетыгъошхо алъэгъуфэ, мыщ дэжьым щыт цІыфхэм ащыщхэу заулэм лІэныгъэр алъэгъущтэп.

 

Хьисэ итеплъэ зэрэзэрихъокІыгъэр

(Маттэ 17:1-8; Марк 9:2-8)

 

28Хьисэ а гущыІэхэр къызеІохэ ужым мэфий тешІагъэу, Петри, Иуани, Якъуби зыдищэхи, Тхьэм елъэІунэу Іуашъхьэм дэкІоягъ. 29Тхьэм елъэІузэ, ынапэ итеплъэ зэрихъокІыгъ, ищыгъынхэри фыжьыбзэу, къэлыдэу хъугъэх. 303эплъэхэм,  

 

9:22 нахьыжъхэр – еплъ 7:3.

9:22 дин пэщэшхохэр – дин пэщэшхор, дин пэщэшхоу щытыгъэхэр, дин пэщэшхохэм яунагъохэм ащыщхэр ары.

9:22 Тэурат егъэджэкІо пащэхэр – еплъ 5:17.

 

нэбгыритІу Хьисэ къыдэгущыІэу щытэу алъэгъугъ. Ахэр пегъымбар Мусэрэ Илясрэ арыгъэх. 31 Нэфынэ гъэшІэгъонышхом къыхэлыдыкІыхэу къэлъэгъуагъэх, Хьисэ Ерусалим дунаим зэрэщехыжьын фаеми тегущыІагъэх. 32 Петрэрэ игъусэхэмрэ хэчъыягъэх, ау къызэущыжьхэм, Хьисэ нэфынэ гъэшІэгъонышхом хэтэу, къыхэлыдыкІэу адрэ нэбгыритІур къыбгъодэтхэу алъэгъугъэх. 33А нэбгыритІур ІукІыжьхэ зэхъум, Петрэ Хьисэ риІуагъ:

–Тхьаматэ, мыщ дэжьым тызэрэщыІэр дэгъу. Чэлищ щыдгъэІэн, ощ пае зы, Мусэ паий зы, Иляс паий зы.

Петрэ ыІорэр ымышІэу ащ фэдэу къыІуагъ.

34Петр гущыІэзэ, ошъуапщэ къакІуи, ахэмэ къашъхьэщыхьагъ. Ошъуапщэр къызашъхьэщэхьэм, Хьисэ игъогу рыкІохэрэр къэщтагъэх. 35 Ошъуапщэм зы макъэ горэ къыхэІукІыгъ:

–Мары сэ шІу слъэгъурэ с Къо кІасэр. Ащ ыІорэм шъуедэІу.*

36 А макъэр къызэІу ужым, Хьисэ изакъоу къэнагъ. Ау игъогу рыкІохэрэм алъэгъугъэр а мафэхэм зыми рамыІуатэу аушъэфыгъ.

 

Хьисэ джынапцІэ зыхэс кІалэ горэ зэригъэхъужьыгъэр

(Маттэ 17:14-18; Марк 9:14-27)

 

37ЯтІонэрэ мафэм ахэр Іуашъхьэм къызехыжьхэм, цІыф купышхо Хьисэ къыпэгъокІыгъ. 38 ОшІэ-дэмышІэу а цІыф купышхом зы лІы горэ къыхэкуукІыгъ:

–Дин гъэсакІу, сэ скъо усфеплъынэу сыолъэІу, а къо закъор ары сиІэр. 39ДжынапцІэ горэм кІалэр зэкІеубытэшъ, ошІэ-дэмышІэу егъэкуо. КІалэм ыжэ Іупс къыІутІэтІэу, джынапцІэм ар къегъэкІэзэзышъ, къинышхо римыгъахьэу хэкІыжьырэп. 40 О уигъогу рыкІохэрэм джынапцІэр хафынэу сялъэІугъ, арышъхьакІэ ахэмэ ар хафын алъэкІыгъэп.

41 –Еоой, шІошъхъуныгъэ зимыІэхэу, джырэ цІыф къуанчэхэр,– къыІожьыгъ Хьисэ. –Сыд фэдизрэ сышъухэтын ыкІи шъусщыІэн фая? О пкъо мо къащэ.

42 Ау кІалэр къакІозэ, джынэпцІэ Іаем ар чІыгум тыридзи ыгъэкІэзэзыгъ.

 

9:35 Мары сэ шІу слъэгъурэ с Къо кІасэр. Ащ ыІорэм шъуедэІу – еплъ Сэбур (Псалтыр) 2:7; Пегъымбар Мусэ япэрэ тхылъэу ытхыгъэм 22:2 ыкІи ятфэнэрэ тхылъэу ытхыгъэм 18:15.

 

Хьисэ джынэпцІэ Іаем егыий, кІалэр ыгъэхъужьыгъ, яти ритыжьыгъ. 43 ЦІыф пстэуми Тхьэм илъэкІыныгъэшхо лъэшэу агъэшІэгъуагъ.

 

Хьисэ ежьыр цІыфхэм зэраубытыщтыр ятІонэрэу къызэриІуагъэр

(Маттэ 17:22-23; Марк 9:30-32)

 

ЦІыф пстэуми Хьисэ Іофхэу ышІагъэ пстэури агъэшІагъохэ зэхъум, игъогу рыкІохэрэм ариІуагъ:

44–Мы гущыІэхэр шъутхьакІумэхэм арыжъугъахь. ЦІыф Лъэпкъым ы Къо цІыфхэм аубытыщт.

45 Ау а гущыІэхэм къарыкІырэр къагурыІуагъэп. А гущыІэхэр къагурыІон амылъэкІынэу ахэмкІэ гъэбылъыгъэу щытыгъэх, а гущыІэхэм яхьылІагъэуи Хьисэ къеупчІынхэу щынэщтыгъэх.

 

Хэта анахь ин дэдэр?

(Маттэ 18:1-5; Марк 9:33-37)

 

46Хьисэ игъогу рыкІохэрэм, «Тэ тщыщэу хэта анахь иныр?» аІоу, зэнэкъокъуныгъэ къахэхьагъ. 47Хьисэ ахэмэ агухэм арылъыр ышІэзэ, зы сабый горэ къышти, ыбгъукІэ ыгъэуцуи ариІуагъ:

48–Хэти мы сабыир сэ сцІэкІэ къезыгъэблагъэрэм сэ сыригъэблэгъагъэу мэхъу, хэти сэ сезыгъэблагъэрэми сэ сыкъэзыгъэкІуагъэри ригъэблэгъагъэу мэхъу, сыда пІомэ шъуащыщэу анахь цІыкІур ары анахь ин дэдэр.

 

Къышъупэмыуцурэр шъуигъус

(Марк 9:38-40)

 

49–Тхьаматэ, о пцІэкІэ лІы горэм джынапцІэхэр цІыфхэм ахифхэу тлъэгъугъэ,– къыІуагъ Иуан. – Ар тэ зэрэтщымыщым пае, зэтетІэжьэнэу тыпылъыгъ.

50 –ЗэтешъумыІажь ар,– къыриІожьыгъ Хьисэ, –сыда пІомэ шъо къышъупэмыуцурэр шъуигъусэшъ ары.

 

Самарие хэкум щыщ къуаджэ горэм дэсхэм

Хьисэ рагъэблэгъэнэу зэрамыдагъэр

 

51 Тхьэм Хьисэ уашъом зыдищэежьыщт мафэр къызэблагъэм, Хьисэ Ерусалим кІонэу тыриубытагъ. 52ЛІыкІохэр ыпэ рапшІэу ыгъэкІуагъэх. Ахэр кІохи, Самарие хэкум* щыщэу зы къуаджэ горэм зыщыхьакІэн чІыпІэ къыфагъэхьазырынэу дэхьагъэх. 53 Ау Хьисэ Ерусалим зэрэкІорэм пае, а къуаджэм дэс цІыфхэм рагъэблэгъэнэу адагъэп. 54 Ар залъэгъум, Хьисэ игъогу рыкІохэрэм ащыщхэу Якъубэрэ Иуанрэ къаГуагъ:

–Зиусхьан, уашъом машІо къехэу мы цІыфхэр ыгъэстынхэу тІона?

55 Ау Хьисэ ахэмэ зафигъази, афимыдэу ариІуагъ:

–Хьау, ар хъущтэп; 56сыда пІомэ ЦІыф Лъэпкъым ы Къо къызфэкІуагъэр цІыфхэр ыгъэкІодынхэу арэп, мыкІодхэу къыгъэнэжьынхэу ары нахь.

ЕтІанэ нэмыкІ къуаджэ горэм кІуагъэх.

 

Хьисэ игъогу рыкІоным къин щэчыныгъэу хэлъыр

(Маттэ 8:19-22)

 

57Гъогум рыкІохэзэ, зыгорэм Хьисэ къыриІуагъ:

–Тыдэ укІоми, уауж сыкъырыкІощт.

58– Баджэхэм исынхэу бы яІ, ошъогу бзыухэми набгъо яІ, ау ЦІыф Лъэпкъым ы Къо* ышъхьэ зэрихьылІэжьын чІыпІэ иІэп,– риІожьыгъ Хьисэ.

59–Сауж къырыкІу,– риІуагъ Хьисэ нэмыкІ горэм.

–Тхьаматэ,– къыІожьыгъ адрэм, – ыпэ рапшІэу сыкІонышъ, сятэ чІэслъхьажьынэу фит сыкъэшІ.

60–ЛІагъэхэу щытхэм ежьхэм ялІагъэхэм яхьадэхэр чІарэлъхьажьых,– риІожьыгъ Хьисэ. –Ау о кІуи, Тхьэм и Тетыгъошхо ехьылІэгъэ къэбарышІур гъэІу.

61–Сэ уауж сыкъырыкІощт, тхьаматэ,– къыІуагъ нэмыкІ горэми. –Ау ыпэ рапшІэу сэ сибынхэм аІапэ сыубытыжьынэу фит сыкъэшІ.

 

9:52 Самарие хэкур – Иудей хэкумрэ Галилей хэкумрэ азыфагу дэлъ хэкур арыгъэ. Джуртхэмрэ Самарие цІыфхэмрэ яхабзэхэри ядинхэри зэрэзэфэшъхьафхэм пае, зэпыищтыгъэх.

9:58 ЦІыф Лъэпкъым ы Къо – еплъ 5:24.

 

62 –ПхъэІэшэкІыр* зыубытыгъэу къызэплъэкІыжьырэр Тхьэм и Тетыгъошхо фэлэжьэнэу ифэшъуашэп,– ыІуи, Хьисэ ащ риІожьыгъ.

 

 

10

ЯПШІЭНЭРЭШЪХЬ

 

Хьисэ игъогу рыкІорэ нэбгырэ тІокІищырэ пшІырэ Тхьэм фэлэжьэнхэу зэрэдигъэкІыгъэхэр

 

Ащ нэужым Зиусхьаным нэбгырэ тІокІищырэ пшІырэ къыгъэлъагъохи, тэдрэ къалэуи тэдрэ чІыпІэуи ежьыр зыдэкІон фаем тІурытІоу ыпэрапшІэу ыгъэкІуагъэх. 2Мырэущтэу ариІуагъ:

–Лэжьыгъэр бэ, ау лэжьакІохэр макІэх. Арышъ, лэжьыгъэр зием шъуелъэІу, лэжьыгъэр къахыжьыным пае, лэжьакІохэр къыгъэкІонхэу. 3ШъукІу! Мо шъукъэдаІу, шъынэхэм шъуафэдэу тыгъужъхэм шъуахэсэгъахьэ. 4Ахъщалъи, Іалъмэкъи, цуакъи зыдэшъумыштэх. Гъогум зыми шІуфэс щешъумых.

5–ХьакІэу зы унэ горэм шъузихьэкІэ, ыпэ рапшІэу, «Тхьэм шъо мы унэм исхэм гупсэфыныгъэ къышъуерэт»,  шъуІуи, шІуфэс яшъух. 6А гупсэфыныгъэр зифэшъошэ цІыф а унэм исмэ, Тхьэм гупсэфыныгъэр ащ къыритыщт. Имысмэ, гупсэфыныгъэр шъо къышъуфэкІожьыщт. 7А унэм шъукъини, къышъуатырэри шъушхы ыкІи шъуешъу, сыда пІомэ лэжьакІом илэжьапкІэ ыгъотынэу ифэшъуашэшъ ары. Бысымыр зэшъухъокІэу, зы унэм шъукъикІэу, нэмыкІ цІыфым иунэ шъуимыхь.

8–Зы къалэ горэм шъудахьэу шъузырагъэблагъэкІэ, ащ дэжьым къышъуатырэр шъушхы. 9Сымаджэхэр ащ дэжьым щыжъугъэхъужьых, мырэущтэуи яшъуІу: «Тхьэм и Тетыгъошхо къышъупэблэгъагъ». 10Ау зы къалэ горэм шъудахьэу, ащ дэжьым шъущырамыгъэблагъэмэ, иурамхэм шъуатехьи, мырэущтэу шъуІо: 11«Шъуикъалэ исапэу тэ тлъакъохэм акІэрылъыр къышъутетэтэкъожьы; ау щытми зэжъугъашІэ, Тхьэм и Тетыгъошхо къызэрэблэ гъагъэр». 12Сэ шъосэІо, ахърэт мафэм а къалэм

 

9:62 пхъэІашэ – шыхэр е цухэр зыкІэшІагъэу чІыгу зэражъорэр ары. ПхъэІэшэкІ – пхъэІашэм ыкІэ ІэубытыпІэу иІэр ары.

 

къинэу ыщэчыщтым нахьи, Содом къалэм* къинэу ыщэчыщтыр нахь мэкІэщт.

 

Сыхьатмыгъо уежьагъ, Хоразин къалэ! Сыхьатмыгъо уежьагъ,

Вифсайдэ къалэ!

(Маттэ 11:20-24)

 

13–Сыхьатмыгъо уежьагъ, Хоразин къалэ! Сыхьатмыгъо уежьагъ, Вифсайдэ къалэ! Сыда пІомэ шъуадэжь сэ щысшІэгъэ Іофышхо гъэшІэгъонхэр къалэхэу Тиррэ Сидонрэ* ащысшІагъэхэу щытыгъэмэ, бэшІагъэу шъыгъоныгъэ щыгъын ащыгъхэу, анэгухэр яжьэкІэ цІэлагъэхэу япсэкІодшІагъэхэм афыкІэгъожьыщтгъэх. 14Ау ахърэт мафэм шъо къинэу шъущэчыщтым нахьи, Тиррэ Сидонрэ къинэу ащэчыщтыр нахь мэкІэщт. 15 О Капернаум къалэ, уашъом удэкІоена? Джэхьнэмым икуупІэ нэсыфэ упхырызыщт нахь.*

16–Шъо къышъодэІурэр, сэри къысэдэІу. Шъо шъузымыдэрэм сэри сидэрэп, сэ сызымыдэрэми сэ сыкъэзыгъэкІуагъэри ыдэрэп.

 

Хьисэ игъогу рыкІорэ нэбгырэ тІокІищырэ пшІырэм

къызэрагъэзэжьыгъэр

 

17Хьисэ игъогу рыкІорэ нэбгырэ тІокІищырэ пшІырэмэ гушІуагъокІэ къагъэзэжьи аІуагъ:

Зиусхьан, о пцІэ къызытІокІэ, джынапцІэхэри тэ тІэмычІэ илъ мэхъух.

18Шъыпкъэ, пчыкІэм* фэдэу шэйтаныр уашъом къефэхэу сэ слъэгъугъэ,–

 

10:12 Содом къалэр Хы ЛІагъэм иІушъо Іутыгъ. Содом къалэм дэсхэм ябзэджагъэ пае, Тхьэм ар машІокІэ ыгъэкІодыгъагъ. Еплъ Пегъымбар Мусэ апэрэ тхылъэу ытхыгъэм 19:24-28.

10:13 къалэхэу Тиррэ Сидонрэ – еплъ 6:17.

10:15 О Капернаум къалэ... упхырызыщт нахь – еплъ Пегъымбар Ешай тхылъэу ытхыгъэм 14:13,15.

10:18 пчыкІэ – шыблэм инэфынэ ары.

 

ариІуагъ Хьисэ. 19– Блэхэми скорпионхэми* шъуатеуцонэуи, пыим ыкІуачІэ зэкІэ шъутекІонэуи тетыгъо шъостыгъ; зыми иягъэ къышъокІыщтэп. 20 Ау джынапцІэхэр шъуІэмычІэ зэрилъхэм пае, шъумыгушІу, шъуцІэхэр уашъом итхылъ зэритхэм пае, шъугушІо нахь.

 

Хьисэ зэрэгушІуагъэр

(Маттэ 11:25-27; 13:16-17)

 

21А сыхьатым Тхьэм ы Псэ ЛъапІэ инэу къыгъэгушІоу Хьисэ къыІуагъ:

Сят, уашъоми чІылъэми я Зиусхьан, мы Іофхэр цІыф Іушхэмрэ цІыф губзыгъэхэмрэ ашІоушъэфыгъэу, сабыйхэм зэрябгъэшІагъэмкІэ щытхъу пфэсэшІы. Ары, Сят, о ар арэущтэу пшІоигъуагъ.

22ЕтІанэ Хьисэ игъогу рыкІохэрэм зафигъазл къыІуагъ:

–Сятэ щыІэ пстэури къысІэкІилъхьагъ. Къо лъапІэр зыфэдэр Ты лъапІэм нэмыкІ зыми ышІэрэп. Ты лъапІэр зыфэдэри Къо лъапІэмрэ Къо лъапІэм зэригъэшІэнхэу фэе цІыфхэмрэ анэмыкІ зыми ышІэрэп.

23 Хьисэрэ игъогу рыкІохэрэмрэ язакъоу къызэнэжьхэм, Хьисэ ахэмэ зафигъази ариІуагъ:

–Шъо шъунэхэм алъэгъурэр зылъэгъурэ нэхэр сыхьатмафэ ежьагъэх! 24Сыда пІомэ сэ шъосэІо, пегъымбар Іаджи пачъыхьэ Іаджи шъо шъулъэгъурэр алъэгъунэу ашІоигъуагъ, ау алъэгъугъэп, шъо зэхэшъухырэри зэхахынэу ашІоигъуагъ, ау зэхахыгъэп.

 

Самарие хэкум щыщэу гукІэгъу зыхэлъ цІыфыр

 

25 Зы Тэурат егъэджэкІо пащэ горэ къэтэджи, Хьисэ ыгъэунэфыным пае, къыІуагъ:

Дин гъэсакІу, мыкІодыжьын щыІэныгъэ ІахьышІоу къыслъысыным пае, сыда сшІэщтыр?

26Тэурат хабзэм сыда итыр?– риІожьыгъ Хьисэ. –Сыдэущтэу укъеджэра?

27–«ЗэкІэ о угурэ упсэрэкІи, зэкІэ пкIуэчІэкІи, зэкІэ уизэхэшІыкІыныгъэкІи

 

10:19 скорпион – акърэб ары.

 

 

 

Зиусхьанэу уи Тхьэ шІу лъэгъу, о пшъхьи шІу зэрэплъэгъурэм фэдэу, уигъунэгъури шІу лъэгъу»,–* къыІожьыгъ адрэм.

28 –Шъыпкъэр къэпІуагъ,– риІуагъ Хьисэ а лІым. –А къэпІуагъэр гъэцакІи, мыкІодыжьын щыІэныгъэ бгъотыщт.

29 Ау Тэурат егъэджэкІо пащэм зигъэхыенэу фэягъэти, Хьисэ риІуагъ:

–Хэта адэ сэ сигъунэгъу?

30 –Зы лІы горэ Ерусалим дэкІи, Ерихон къалэм* ехызэ, хъункІакІомэ аІэкІэфагъ,– къыІожьыгъ Хьисэ. –ХъункІакІомэ ар ахъункІыгъ, ищыгъынхэри щахыгъ, Іаеу еохи, ыпсэ пыт къодыеу къагъани, хэхьажьыгъэх. 31А сыхьат дэдэм зы дин пащэ горэ а гъогумкІэ ехынэу хъугъэ. А лІыр зелъэгъум, гъогум иадрабгъумкІэ блэкІыгъ. 32Ащ фэдэу Левый зыцІэ унэгъо лъэпкъым* щыщэу зы дин пащэ горэ а чІыпІэм нэси, а лІыр зелъэгъум, гъогум иадрабгъумкІэ блэкІыгъ. 33Ау Самарие хэкум щыщэу зы лІы горэ а гъогум рыкІозэ, а лІым ыдэжь къэсыгъ. Ар зелъэгъум, ыгу егъуи, 34бгъодэхьагъ, иуІагъэхэм дагъэрэ сэнэпсырэкІэ яІази ыпхыгъэх. ЕтІани а лІыр къыІэти, ежьыр зытесыгъэ щыдым тырилъхьи, хьакІэщ горэм рихьи, лъыплъагъ. 35ЯтІонэрэ мафэм динаритІу ыджыбэ къырихи, хьакІэщыр зием рити, къыІуагъ: «О мы лІым лъыплъи, сыд фэдиз нахьыбэу тебгъэкІуадэми, къызызгъэзэжькІэ, остыжьыщт».

З6–Джы, о зэрэпшІошІырэмкІэ мы нэбгырищым ащыщэу хъункІакІохэм аІэкІэфэгъэ лІым игъунэгъу фэдэу хэта нахьышІоу дэзекІуагъэр?– къыпигъэхъожьыгъ Хьисэ.

37–ЛІэу гукІэгъу фэзышІыгъэр ары,– къыІуагъ Тэурат егъэджэкІо пащэм.

–Ори кІуи, ащ фэдэу шІэ,– риІуагъ Хьисэ.

 

10:27 ЗэкІэ о угурэ упсэрэкІи... шІу лъэгъу – еплъ Пегъымбар Мусэ ятфэнэрэ тхылъэу ытхыгъэм 6:5, ыкІи ящэнэрэ тхылъэу ытхыгъэм 19:18.

10:30 Ерихон къалэр – Ерусалим итемыр тыгъэ къыкъокІыпІэ лъэныкъокІэ, километрэ 24-кІэ пэчыжьэу, Иордан псыхъом итыгъэ къохьэпІэ лъэныкъокІэ ит.

10:32 Левый зыцІэ унэгъо лъэпкъыр -а унэгъо лъэпкъым щыщ пстэури дин пащэхэу щытхэзэ, Тхьэм иунэшхо щылажьэщтыгъэх. Еплъ Пегъымбар Мусэ яплІэнэрэ тхылъэу ытхыгъэм 3:1-13.

 

Мерэмрэ Марфэрэ

 

38ЕтІанэ Хьисэрэ игъогу рыкІохэрэмрэ ягъогу рыкІохэзэ, зы къуаджэ горэм зыдахьэхэм, Марфэ зыцІэу бзылъфыгъэ горэм иунэ Хьисэ ригъэблэгъагъ. 39А бзылъфыгъэм Мерэм ыцІэу зы шыпхъу иІагъ. А шыпхъур Зиусхьаным игущыІэхэм ядэІоу, ылъакъохэм адэжь щысыгъ. 40Ау ыгъэхьэкІэнхэм иІофхэр Марфэ шІобаІо хъугъэх. Арыти, ар Хьисэ къыбгъодахьи къыриІуагъ:

–Зиусхьан, Іофхэр зэкІэ сэ сизакъоу сшІэнхэу сшыпхъу сыкъызэригъанэрэр пшІоемыкІуба? Ар къыздэІэпыІэнэу еІу!

41 –Ей Марфэу си Марф,– риІожьыгъ Зиусхьаным, –о Іоф бащэмэ зябгъэгъэгумэкІэу зыогъалІэ. 42Ау зы ныІэп уищыкІагъэр. Мерэм Іахьэ нахьышІур къыхихыгъ, а ІахьышІури ащ Іахыжьыщтэп.

 

 

11

ЯПШІЫКІУЗЭНЭРЭШЪХЬ

 

Тхьэм елъэІугъэным ехьылІагъ

(Маттэ 6:9-15; 7:7-11)

 

Зы чІыпІэ горэм Хьисэ Тхьэм щелъэІущтыгъ. Тхьэм зелъэІу ужым, игъогу рыкІохэрэм ащыщэу зыгорэм ежьым къыриІуагъ:

–Зиусхьан, умэхъэкІо Иуан игъогу рыкІохэрэм Тхьэм узэрелъэІун фэе шІыкІэр зэраригъэшІагъэм фэдэу, ори тэ тэгъашІэ.

2–Тхьэм шъуелъэІу зыхъукІэ, мырэущтэу шъуІо,– ариІуагъ Хьисэ.

«О Тятэ лъапІэу уашъом щыІэр!

ПцІэ цІыфхэм агъэлъапІэу орэхъу.

Уи Тетыгъошхо къэрэкІу.

Узыфаер уашъом зэрэщыхъурэм фэдэу,

чІылъэми щэрэхъу.

3Хьалыгъоу тищыкІагъэр мафэ къэси къытэт.

4Тэ типсэкІодхэр къытфэгъэгъух,

сыда пІомэ тэри хэти мыхъун къытэзышІэрэм

фэтэгъэгъу.

Шэйтаным псэкІод тигъэшІэнэу фит умышІы,

ащи тыщыухъум».

5 –Шъо шъуащыщэу зыгорэм ныбджэгъу иІэу тІон,– ариІуагъ Хьисэ. –Чэщныкъом а ныбджэгъум иунэ макІошъ, реІо: «Синыбджэгъу, чІыфэу хьалыгъуищ къысэт, 6сыда пІомэ синыбджэгъу горэ гъогурыкІоу къысфэкІуагъ. Езгъэшхын зи сиІэп».

7– Арэущтэу зеІом, унэм ис ныбджэгъум адрэм къыреІожьы: «Сымыгъэулэу. Къэлапчъэр гъэпытагъэ, сисабыйхэри сигъусэхэу пІэм хэлъых. Сыкъэтэджэу зыгорэ остын слъэкІыщтэп».

8–Сэ шъосэІо,– къыпигъэхъожьыгъ Хьисэ, – зэриныбджэгъум пае, къэтэджэу хьалыгъур къыримытыщтми, ыуж зэримыкІыжьырэм пае къэтэджынышъ, зыфаер зэкІэ къыритыщт.

9– Арышъ, шъосэІо, шъуелъэІуи Тхьэм къышъуитыщт; шъулъыхъуи къэжъугъотыщт; къэлапчъэми шъутеуи, Тхьэм къышъуфыІуихыщт; 10сыда пІомэ хэтми лъаІорэм зыкІэлъэІурэр иІэ хъущт, лъыхъурэми зылъыхъурэр къыгъотыщт; къэлапчъэм теорэми Тхьэм къыфыІуихыщт.

11Ты къышъухэта, зыкъо хьалыгъу пае къелъэІумэ, мыжъо езытыщтыр, е пцэжъые пае къелъэІумэ, блэ езытыщтыр, 12е кІэнкІэ пае къелъэІумэ, скорпион* езытыщтыр? 13Арэущтэу шъо шъубзаджэ пэтми, шъуибынхэм шІу зэряшъутыщтыр шъошІэ. Ащ нахьи нахьыбэу Ты лъапІэу уашъом щыІэм ежьым елъэІухэрэм ежь ы Псэ ЛъапІэ къаритыщтба?

 

Хьисэрэ джынапцІэхэм япащэу Велзевулрэ

(Маттэ 12:22-30; Марк 3:20-27)

 

14 Хьисэ лІы бзако горэм джынапцІэу ащ ыбзэ зыубытырэр хифыгъ. ДжынапцІэр зыхэкІыжьым, бзакоу щытыгъэ лІыр къэгущыІагъ. ЦІыф купышхохэм агъэшІэгъуагъ. 15 Ау ащыщхэу заулэмэ къаIуагъ:

–Велзевулэу джынапцІэхэм япащэ илъэкІыныгъэ ары джынапцІэхэр цІыфхэм зэрахифырэр.

 

11:12 скорпион – акърэб ары.

 

16НэмыкІхэми Хьисэ агъэунэфыным пае, зы нэшэнэ гъэшІэгъонышхо горэ уашъом къафыригъэхынэу фэягъэх.

17 Ау ахэмэ ягухэлъхэр Хьисэ ышІэхэзэ ариІуагъ:

– Сыдрэ зы пачъыхьагъуи лъэныкъуитІоу зигощымэ, зэхэтэкъощт, унэ гори лъэныкъуитІоу гощыгъэ хъумэ, къызэхэощт. 18Шэйтанри лъэныкъуитІоу зэрэгъэхъумэ, итетыгъо сыдэущтэу щыІэжьын ылъэкІына? Ар зыкІасІорэр Велзевул илъэкІыныгъэкІэ сэ джынапцІэхэр цІыфхэм ахэсэфыхэу шъоІошъ ары. 19Адэ, Велзевул илъэкІыныгъэкІэ сэ джынапцІэхэр цІыфхэм ахэсэфыхэмэ, шъо шъуицІыфхэм джынапцІэхэр зэрахафырэр хэт илъэкІыныгъэу хъура? Арышъ, ахэр шъо хьыкумышІэхэу къышъуфэхъущтых. 20Ау сэ джынапцІэхэр цІыфхэм зэрахэсфырэр Тхьэм ыІэхъуамбэшъ, Тхьэм и Тетыгъошхо къызэрэшъухэхьагъэр ары ащ къикІырэр.

21 –КІуачІэ зиІэ лІы горэм ІашэкІэ дэгъоу тегъэпсыхьагъэу, иунэ къыухъумэ зыхъукІэ, имылъкукІэ щынагъо щыІэп. 22Ау ащ нахьи нахь кІочІэшхо зиІэ лІы горэ ащ къытебанэу къызытекІокІэ, Іашэу зыщыгугъыхэрэр къытырихынхэшъ, ахэр зэкІэ ыгощыжьыщтых.

23–Сэ симыгъусэр къыспэуцу, сэ къыздэзымыугъоирэми ретэкъухьэ.

 

ДжынэпцІэ Іаем къызэригъэзэжьырэр

(Маттэ 12:43-45)

 

24– Зы джынэпцІэ Іае горэ цІыф горэм зыхэкІыкІэ, псы зэрымыт шъоф нэкІым макІошъ, зыгъэпсэфыпІэ горэм лъыхъоу къекІухьэ. ЗыгъэпсэфыпІэ ымыгъотэу, «Сызыхэсыгъэ лІэу сэ сиунэу щытыгъэм ыдэжь згъэзэжьыщт», еІо. 25Ащ ыдэжь къегъэзэжьышъ, унэр пхъэнкІыгъэу, зэлъыІухыгъэу къегъотыжьы. 26Джащыгъум макІо, джынэпцІибл ежьым нахьи нахь бзаджэхэу къыздещэхэшъ, унэм ехьэхэшъ етІысхьэх. ЫкІэм ыкІэжьым а лІым иІоф ыпэм нахьи нахь дэи мэхъу.

27 А гущыІэхэр Хьисэ къыІохэзэ, цІыф купышхом хэтэу зы бзылъфыгъэ горэм ымакъэ Іэтыгъэу къыриІуагъ:

– Ныбэу узэрылъыгъэри, бгъэу узкІэшъугъэри сыхьатмафэ ежьагъэх.

28–Шъыпкъэ,– къыІуагъ Хьисэ, – ау Тхьэм игущыІэхэр зэхэзыхэу, ахэри зыгъэцакІэрэр ащ нахьи нахь сыхьатмафэ ежьагъэх.

 

ЦІыф Лъэпкъым ы Къо цІыфхэм нэшанэ зэрафэхъурэр

(Маттэ 12:38-42; Марк 8:12)

 

29ЦІыфхэр нахь купышхохэу Хьисэ ыдэжь къыщызэрэугъоихэ зэхъум, ащ къыІуагъ:

– Джырэ цІыфхэр бзаджэх. Ахэр нэшэнэ гъэшІэгъонышхо фаех, ау пегъымбар Юныс* инэшанэ нэмыкІ Тхьэм ахэмэ къаритыщтэп, 30сыда пІомэ Юныс Ниневие къалэм дэсыгъэ цІыфхэм нэшанэ зэрафэхъугъэм фэдэу, ЦІыф Лъэпкъым ы Къо джырэ цІыфхэм нэшанэ афэхъущт. 31 Ау сэ шъосэІо, къыблэ хэгъэгум щыщэу бзылъфыгъэ пачъыхьэр* ахърэт мафэм къэтэджынышъ, джырэ цІыфхэм къядэощт ыкІи къыгъэмысэщтых, сыда пІомэ а бзылъфыгъэ пачъыхьэр пачъыхьэ Сэлмэн* иакъылышIуагъэ едэІунэу чІылъэм ыкъуапэ къикІи къэкІуагъ, ыкІи мары пачъыхьэ Сэлмэн нахьи нахь инэу зыгорэ къышъухэт. 32Ниневие къалэм дэсыгъэ цІыфхэр ахърэт мафэм къэтэджынхэшъ, джырэ цІыфхэм къядэощтых ыкІи къагъэмысэщтых, сыда пІомэ ахэмэ Тхьэм игущыІэхэр Юныс аригъэІухэу зызэхаххэм, япсэкІодшІагъэхэм афыкІэгъожьыгъэх, ыкІи мары Юныс нахьи нахь инэу зыгорэ къышъухэт.

 

Пкъым иостыгъ

(Маттэ 5:15; 6:22-23)

 

33– 3ыми остыгъэ хигъанэу, гъэбылъыгъэ къогъу горэм ар къуигъэуцорэп е щэлъэ чІэгъым чІигъэуцорэп, унэм къихьэхэрэм инэфынэ алъэгъуным пае, итетыпІэ лъагэ тырегъэуцо нахь. 34Пкъым иостыгъэ нэр ары. Арышъ, о унэ псаумэ, зэкІэ ппкъы

 

11:29-30 пегъымбар Юныс – еплъ Пегъымбар Юныс икъэбар зэрыт тхылъым (Иона) З.

11:31 бзылъфыгъэ пачъыхьэр – еплъ Пачъыхьэхэм якъэбархэр зэрыт апэрэ тхылъым (3 Царств) 10:1-10.

11:31 пачъыхьэ Сэлмэн – Сулиман ары.

 

нэфынэщт. Ау о унэ дэимэ, зэкІэ о ппкъы шІункІыщт. 35Арышъ, о пхэлъ нэфынэр шІункІыгъэ мыхъуным фэсакъ. 36Арэущтэу зэкІэ о ппкъы шІункІыгъэ хэмылъэу нэфынэ хизмэ, зэкІэ о ппкъы нэфынэу хъущт, остыгъэ нэфынэм укъызэригъэнэфырэм фэдэу.

 

Хьисэ Тэурат егъэджэкІо пащэхэмрэ фарисейхэмрэ ямысагъэ къызэрыхигъэщыгъэр

(Маттэ 23:1-36; Марк 12:38-40; Лука 20:45-47)

 

37Хьисэ а гущыІэхэр къызеІохэ ужым, фарисей горэм ежьыр ыгъэшхэнэу иунэ ригъэблэгъагъ. Хьисэ ащ иунэ ихьи, Іанэм пэтІысхьагъ. 38Шхэным ыпэкІэ Хьисэ ыІэхэр зэримытхьакІыгъэхэр фарисеим зелъэгъум, ыгъэшІэгъуагъ.

39–Шъо фарисейхэм шъуишъуалъэхэмрэ шъуилагъэхэмрэ акІыбхэр шъогъэкъабзэх,– риІуагъ Зиусхьаным, – ау нэйпсыягъэрэ бзэджагъэрэ нахь зи шъукІоцІылъэп. 40Шъо акъыл зимыІэхэр! Тхьэу кІыбыр къэзыгъэхъугъэм кІоцІыри къыгъэхъугъэба? 41 Ау шъо шъуишъуалъэхэмрэ шъуилагъэхэмрэ акІоцІ илъыр тхьамыкІэхэм яшъогъэшхышъ, шъоркІэ зэкІэ къабзэу хъущт.

42– Ау сыхьатмыгъо шъуежьагъ, шъо фарисейхэр! Хатэм къыдэкІагъэхэм анахь пыутыхэм ащыщэу зы пшІанэр Тхьэм пае шъоты, ау зэфагъэмрэ Тхьэр шІу зэрэшъулъэгъурэмрэ къэшъогъанэх. Ахэр ары жъугъэцэкІэн фаехэр, адрэ Іофхэри къэшъумыгъанэхэу.

43– Сыхьатмыгъо шъуежьагъ, шъо фарисейхэр! Синэгогухэм тхьамэтэ тІысыпІэхэр ащышъуубытынхэри, зэІукІэхэм цІыфхэр шъуІэхэм щяжъугъэбэунхэри шІу шъолъэгъу.

44– Сыхьатмыгъо шъуежьагъ, шъо Тэурат егъэджэкІо пащэхэри, фарисейхэри, шъо нэпитІу зиІэхэр, сыда пІомэ хэкІодэжьыгъэ къэхэмэ шъо шъуафэд. ЦІыфхэм гу лъамытэу, ахэмэ акІыІу рэкІох.

45Тэурат егъэджэкІо пащэхэм ащыщэу зыгорэм Хьисэ къыриІуагъ:

– Дин гъэсакІу, арэущтэу пІомэ, тэри укъытэхъоны.

46 – Шъо Тэурат егъэджэкІо пащэхэри, сыхьатмыгъо шъуежьагъ,– къыІожьыгъ Хьисэ, – сыда пІомэ хьылъэ зехьэгъуаехэр цІыфхэм атешъолъхьэх, ау ахэмэ шъуадэІэпыІэнэу зы Іэхъуамби жъугъэхъыерэп.

47– Сыхьатмыгъо шъуежьагъ! Пегъымбархэу шъо шъуятэжъхэм аукІыгъагъэхэм апае къэунэхэр шъогъэуцухэшъ, 48 шъуятэжъхэм ашІэгъагъэхэм шъори зэрадежъугъаштэрэр къэшъоушыхьаты; сыда пІомэ шъуятэжъхэр арыба пегъымбархэр зыукІыгъагъэхэр, шъорыба къэунэхэр афэзыгъэуцухэрэр? 49Ащ пае Тхьэм иакъылышIуагъэкIэ къыІуагъ: «Пегъымбархэри апостолхэри ахэмэ афэзгъэкІощтых. Ахэмэ ащыщэу зы купыр къаукІыщт, зы купыми къин рагъэщэчыщт». 50, 51 Арышъ шъосэІо, пегъымбар Авел ылъ щегъэжьагъэу пегъымбар Зэчрей ылъ къыхиубытэу, зэкІэ пегъымбархэм ялъыуасэ джырэ цІыфхэм Тхьэм аригъэпщыныжьыщт. Пегъымбар Зэчрей ары къурмэн шІыпІэмрэ Тхьэм иунэшхорэ азыфагу щагъэкІодыгъагъэр. Шъыпкъэр шъосэІо, ахэмэ зэкІэ ялъыуасэ джырэ цІыфхэм Тхьэм аригъэпщыныжьыщт.

52–Сыхьатмыгъо шъуежьагъ, Тэурат егъэджэкІо пащэхэр, сыда пІомэ шІэныгъэм иІункІыбзэ шъо шъуштагъэ. Ау шІэныгъэм иунэ шъо шъуихьагъэп, ихьанхэу фэягъэхэри ихьанхэу фит шъушІыгъэхэп.

53, 54 Ащ дэжьым Хьисэ зыІокІыжьым, Тэурат егъэджэкІо пащэхэмрэ фарисейхэмрэ ежьыр хагъэукъоным фаехэу, Іоф горэм хаубытэным ешакІохэу, ІофыбэхэмкІэ еупчІыхэзэ рагъэзэу аублагъ.

 

 

12

 


ЯПШІЫКІУТЮНЭРЭШЪХЬ

 

НэпитІугъэм шъуфэсакъ

 

Джащыгъум цІыфхэм хэуцуапІэ амыгъотыжьэу, купышхо мин пчъагъэкІэ къызызэІокІэхэм, Хьисэ апэу игъогу рыкІохэрэм ариІоу къыублагъ:

–Фарисейхэм ятэджэпсэу янэпитІугъэ шъуфэсакъ. 2 Къэмылъэгъожьынэу чІэухъумагъэу зи щыІэп, цІыфхэм къамышІэнэуи гъэбылъыгъэу зи щыІэп. 3Ащ къыхэкІыкІэ, мэзахэм щышъуІуагъэр мэфэ нэфынэм цІыфхэм зэхахыжьыщт, унэ кІоцІым шъущыІушъашъэу тхьакІумэм ишъуІуагъэри унашъхьэхэм атетхэу къыщаІотэжьыщт.

 

Шъузщыщынэн фаер

(Маттэ 10:28-31)

 

4–Ау сэ шъосэІо, синыбджэгъухэр, пкъыр зыукІхэу ащ нэужым ащ ехъу зи зышІэн зымылъэкІхэрэм шъуащымыщын. 5 Ау шъо шъузщыщынэн фаер сэ шъозгъэлъэгъущт: ЗиукІырэ ужым, джэхьнэмым хэзыдзэжьынэу тетыгъо зиІэр ары шъузщыщынэн фаер. Ары, шъосэІо, ащ шъущыщын. 6Бзыу цІыкІуитфыр чапычитIукІэ* ащэрэба? Ау щытми, ахэмэ ащыщэу зи щымыгъупшэжьэу Тхьэм ыгу илъ. 7Ау шъо шъушъхьэ тет шъхьац налъэ пстэури лъытагъэ. Шъумыщын, бзыубэхэм анахьи шъо шъуанахь лъапІ.

 

Мэссихь игъогу рыкІохэрэм узэращыщыр цІыфхэм ябгъэшІэныр

(Маттэ 10:32-33; 12:32; 10:19-20)

 

8– Сэ шъосэІо, сэ ЦІыф Лъэпкъым ы Къо* сигъогу рыкІохэрэм зэращыщыр цІыфхэм апашъхьэ хэтми къыщызыІорэр, сэри ар сигъогу рыкІохэрэм зэращыщыр Тхьэм имэлэІичхэм апашъхьэ къыщысІощт. 9 Ау хэтми сэ сигъогу рыкІохэрэм ащыщэу цІыфхэм апашъхьэ щызымыІорэр, сэри ар сигъогу рыкІохэрэм зэращымыщыр Тхьэм имэлэІичхэм апашъхьэ щысІощт. 10 Хэтми ЦІыф Лъэпкъым ы Къо гущыІэ Іае фэзыІорэм фэгъущт, ау Тхьэм ы Псэ ЛъапІэ зыгъэпцІырэм фэгъущтэп.

11 –Синэгогухэм шъузаратыкІэ, хэку пащэхэмрэ тетыгъор зиІэхэмрэ апашъхьэ шъузыращэкІэ, «Сыдэущтэу зыдгъэхыен?» шъуІоу, ыкІи «Сыда тІощтыр?» шъуІоу шъумыгумэкІ; 12сыда пІомэ къэшъуІон фаер а сыхьатым Тхьэм ы Псэ ЛъапІэ шъуигъэшІэшт.

 

ЛІы баеу акъыл зимыІэм ехьылІэгъэ гъэсэпэ тхыдэр

 

13ЦІыф купышхом хэтэу лІы горэ Хьисэ къелъэІугъ:

–Дин гъэсакІу, тэ тятэ къыкІэныжьыгъэ мылъкур сэ сшы къыздегъэгощ.

 

 

12:6 чапыч – арапыбзэкІи тыркубзэкІи «хъурышэ» мэхъу.

12:8 ЦІыф Лъэпкъым ы Къо – еплъ 5:24.

 

14 –Шъузэрэгощыщт шІыкІэр къышъосІонэу хэта сызыгъэуцугъэр?– риІожьыгъ Хьисэ. 15 ЕтІанэ цІыфмэ ариІуагъ:

–Шъуфэсакъ! Сыд фэдэ нэйпсыягъэ къызыхэшъумыгъаф, сыда пІомэ цІыфым сыд фэдиз мылъку иІэми, ар ищыІэныгъэ епхыгъэпышъ ары.

16ЕтІанэ Хьисэ зы гъэсэпэ тхыдэ афиІотагъ:

–ЛІы бай горэм ичІыгу лэжьыгъабэ къыхэкІыгъ. 17Арэущтэу зэхъум, ышъхьэ фиІожьэу къыублагъ: «Сыда сшІэщтыр? Сэ силэжьыгъэхэр зэрыслъхьан зи сиІэп».

18– ЕтІанэ къыІуагъ: «Мырэущтэу сшІэщт. Сикъакъырхэр скъутэнхэшъ, нахь инхэу сшІыжьынхэшъ, сигъажъорэ симылъкурэ зэкІэ ахэмэ арыслъхьащт. 19ЕтІанэ сэ зэсІожьыщт: Илъэсыбэ пфырикъун Іаджи уиІ. Зыгъэпсэф, шхэ, ешъу, зыгъатхъ!»

20– Ау Тхьэм къыриІуагъ: «О акъыл зимыІэ цІыф! Мы чэщ дэдэм о ппсэ хэсхыжьыщт. Мы бгъэтІылъыгъэхэр хэт къызыфэнэжьыщтыр?»

21 – Ежь ышъхьэ пае мылъушхо зыугъоеу, ау Тхьэм ыдэжькІэ мылъушхо зимыІэм джары къехъулІэщтыр.

 

ГумэкІыным ехьылІагъ

(Маттэ 6:25-34, 19-21)

 

22– Арышъ шъосэІо,– ариІуагъ Хьисэ игъогу рыкІохэрэм, – «Сыда тшхыщтыр?» шъуІоу, шъуищыІэныгъэ пае шъумыгумэкІ. «Сыда тщыгъыщтыр?» шъуІоу, шъупкъы паий шъумыгумэкІ. 23ЩыІэныгъэр гъомылэм нахьи нахь лъапІ, пкъыри щыгъыным нахьи нахь лъапІ. 24 Къуалэхэм шъуяплъ: Ахэмэ чылапхъи апхъырэп, лэжьыгъи къахыжьырэп. Конхэри къакъырхэри яІэхэп, ау щытми Тхьэм къареты. Шъо бзыухэм анахьи бэкІэ шъуанахь лъапІ! 25 ГумэкІынымкІэ хэта шъо шъуащыщэу зы Іэнтэгъу фэдиз нэмыІэми икІыхьагъэ хэзыгъэхъон зылъэкІыщтыр? 26Ащ фэдэу мэкІэ тІэкІур зышъумылъэкІыкІэ, адрэ къэнагъэ пстэуми апае сыда шъузкІэгумэкІырэр?

27– Къэгъагъэхэм якъэкІыкІэ шъуеплъ. Ахэр лажьэхэрэп, ци аджырэп, ау сэ шъосэІо, ежь пачъыхьэу Сэлмэн* сыд фэдизэу дахэу кІэракІэщтыгъэми, ахэмэ

 

12:27 пачъыхьэ Сэлмэн – Сулиман ары. Илъэхъан ыдэжь ар пачъыхьэ пстэуми анахьи нахь баеу щытыгъ. Еплъ Пачъыхьэхэм якъэбархэр зэрыт апэрэ тхылъым (3-я Царств) 10:23.

 

ащыщэу зыгорэми фэдэу гъэкІэрэкІагъэу щытыгъэп. 28А уцэу губгъом непэ итэу неущ хьакум радзэжьыщтыр Тхьэм арэущтэу зигъэкІэракІэкІэ, ащ нахьи бэкІэ нахьыбэу шъо шъуигъэкІэрэкІэщт, шъо шІошъхъуныгъэ зимакІэхэр! 29Шъо шъушхыщтымрэ шъузэшъощтымрэ ауж шъуимыт ыкІи шъуафэмыгумэкІ. 30Сыда пІомэ ащ фэдэ Іоф пстэури ары дунаим тет лъэпкъхэр зылъыхъухэрэр. Ахэр зэрэшъуищыкІагъэр шъу Ятэ лъапІэ ешІэ. 31 Ау ыпэ рапшІэу Тхьэм и Тетыгъошхо иІофхэм ауж шъуит, етІанэ адрэ къэнэгъэ Іофхэри къышъуІэкІэхьащтых.

32– Шъумыщын, шъо куп тІэкІур, сыда пІомэ шъу Ятэ лъапІэ и Тетыгъошхо къызыскІэ, тетыгъо къышъуитынэу игуап. 33 Шъуихьапщыпхэр шъущэхи, ахъщэр тхьамыкІэхэм яшъут. Жъы мыхъужьын ахъщалъэхэр зыфэшъушІых, нахь макІэ мыхъужьын мылъкушхо уашъом щызэжъугъэгъот. Ащ дэжьым тыгъуакІо горэ а мылъкушхом щекІолІэшъущтэп, хъунэхэми ашхыщтэп. 34Сыда пІомэ шъуимылъкушхо зыдэщыІэм шъугухэри щыІэщтых.

 

Шъумычъыеу шъусакъ!

(Маттэ 24:45-51)

 

35 –Шъо шъуицыякІэхэр дэупкІагъэхэу, шъуиостыгъэхэри хэгъэнагъэхэу хьазырэу шъущыт. 36ЦІыфхэу зитхьаматэ нысащэм къикІыжьыным паплъэхэу, къэлапчъэм къызэрэтеоу фыІузыхынэу хьазырэу щытхэм афэдэу шъущыт. 37Тхьаматэр къызыкІожьыкІэ, унэІутхэу мычъыехэу ыкІи сакъыхэу къыгъотыжьхэрэр сыхьатмафэ ежьагъэх. Шъыпкъэр шъосэІо, ицыякІэ диупкІэнышъ, Іанэм пигъэтІысхьащтых, ежьыри къэкІонышъ, ашъхьэщытыщт. 38Чэщныкъом дэжь е нэфшъэгъо атэкъэІогъум дэжь тхьаматэр къэкІожьыгъэу, а унэІутхэр мычъыехэу ыкІи сакъыхэу къызигъотыжьхэкІэ, ахэр сыхьатмафэ ежьагъэх. 39Ау мыр зэжъугъашІэ: Унэр зием тыгъуакІор къызыкІощт сыхьатыр ышІэщтыгъэмэ, чъыещтгъэп, иуни къыригъахьэу илъыр рыригъэтыгъукІыщтгъэп. 40Шъори шъухьазырын фае, сыда пІомэ ЦІыф Лъэпкъым ы Къо къэкІожьынэу шъузымыгугъэрэ сыхьат горэм дунаим къэкІожьыщтышъ ары.

41 –Зиусхьан,– къыІуагъ Петрэ, –мы гъэсэпэ тхыдэр тэщ пае къэпIуагъа, хьауми цІыф пстэуми апае къэпІуагъа?

42– Хэта адэ, зэхэшІыкІыныгъэ зиІэу, зыщыгугъышъунэу унэзехьэу тхьаматэм унэІутхэу иІэхэм пащэ афишІыщтыр игъом яшхын аритынэу?– къыІуагъ Зиусхьаным. 43 –А унэІутыр сыхьатмафэ ежьагъ, итхьаматэ къэкІожьыгъэу, арэущтэу ышІэу къызигъотыжькІэ. 44 Шъыпкъэр шъосэІо, тхьаматэм имылъку зэкІэ а унэІутым ыІэ рилъхьащт. 45 Ау а унэІутым «Сэ ситхьаматэ шІэхэу къэкІожьыщтэп», ыгукІэ ыІоу, адрэ унэІутхэм, бзылъфыгъи хъулъфыгъи, яоу ыкІи ешхэу, ешъоу, уташъоу зиублэкІэ, 46 а унэІутыр зымыгугъэрэ мафэ горэм ыкІи зыщимышІэрэ сыхьат горэм итхьаматэ къэкІожьыщт. А унэІутыр укІыкІаеу ыукІыщт, шІошъхъуныгъэ зимыІэхэм къиныгъэ зыщадищэчын чІыпІэми ыгъэкІощт.

47– Ау итхьаматэ зыфаер ышІэщтыгъэ пэтми, унэІутэу зызымыгъэхьазырыгъэм, е тхьаматэр зыфаер зымыгъэцэкІагъэм утыныбэ къытефэщт. 48 Ау итхьаматэ зыфаер зымышІэу, утын зифэшъуашэ зышІагъэм нахь утын макІэ къытефэщт. Тхьэм бэ зэритыгъэм бэ ытыжьынкІи къыщыгугъыщт, бэ зыІэ рилъхьагъэми нахьыбэкІи къыщыгугъыщт.

 

Зы унэм зэдисхэр зэрэзэмызэгъыщтхэр

(Маттэ 10:34-36)

 

49– ЧІылъэм машІо есыдзыным пае, сэ сыкъэкІуагъ. А машІор зэхэнагъэемэ, сыдэу сыгопэщтыгъ! 50ЦІыфхэм Іаеу сэ саумэхъын* фаеу щыт, ар охъуфэ инэуи сэгумэкІы! 51 Зэзэгъыныгъэ чІылъэм къыфэсхьыным пае, сыкъэкІуагъэу шъогугъа? Хьау, сэ шъосэІо, зэмызэгъыныгъэ къэсхьынэу ары нахь, 52 сыда пІомэ джы щегъэжьагъэу, зы унэм ис нэбгыритфыр лъэныкъуитІоу зэрэгъэхъущт: щыр тІум пэуцущт, тІури щым пэуцущт. 53ЛъэныкъуитІоу зэрэгъэхъунхэшъ, тыр къом пэуцущт, къори тым пэуцущт, ныр пхъум пэуцущт, пхъури ным пэуцущт, гуащэри нысэм пэуцущт, нысэри гуащэм пэуцущт.

 

12:50 саумэхъын – еплъ 3:3.

 

Мы лъэхъанэм инэшанэхэм къарыкІырэр зыгурыжъугъаІу

(Маттэ 16:2-3)

 

54– Тыгъэ къохьапІэмкІэ ошъуапщэ къытехьэу шъулъэгъумэ, «Ощх къещхыщт», занкІэу шъоІо, арэущтэуи мэхъу,– ариІуагъ Хьисэ цІыф купышхом. 55 –Къыблэ лъэныкъом къикІырэ жьыбгъэри къепщэ хъумэ, «Фабэ дэдэу хъущт», шъоІо, арэущтэуи мэхъу. 56Шъо нэпитІу зиІэхэр! ЧІылъэмрэ уашъомрэ ятеплъэ къикІырэр къыжъугурэІо, мы лъэхъанэм инэшанэхэм къарыкІырэр сыд пае къыжъугурымыІора?

 

О уидэогъу узэрешІужьыным ыуж ит

(Маттэ 5:25-26)

 

57 –Сыд пае шъо шъушІэн фаер шъор-шъорэу зэхэшъумышІыкІыра? 58ГущыІэм пае, о уидэогъу уригъусэу хьыкумышІэм* ыдэжь узыкІокІэ, гъогум шъурыкІозэ, узэрешІужьыным ыуж ит. Армырмэ уидэогъу хьыкумышІэм ыпашъхьэ уригъэуцощт, ащи хьапс ухъумакІом уІэкІилъхьащт, хьапс ухъумакІоми хьапсым учІидзэщт. 59Сэ осэІо, аужырэ чапычыр отыжьыфэ, хьапсым укъычІэкІыжьыщтэп.

 

 

13

ЯПШІЫКІУЩЭНЭРЭШЪХЬ

 

О уипсэкІодшІагъэхэм афыкІэгъожь

е ор-орэу зыбгъэкІодыжьыгъэу мэхъу

 

А мафэхэм цІыф куп Хьисэ ыдэжь къакІохи, Галилей цІыфхэу Іэшъхьэтет Пилат* ицІыфхэм аригъэукІыгъагъэхэм якъэбар къыфахьыгъ. А Галилей цІыфхэм алъырэ якъурмэныпхъэ ылъымрэ зэхэлъадэхэу, Пилат ицІыфхэм ахэр аригъэукІыгъагъэх.

 

12:58 хьыкумышІэр – зы цІыф горэ хыеу е мысэу щытмэ, хабзэм иунашъо тетэу зэхэзыфырэр ары.

13:1 Пилат – еплъ 3:1.

 

2Хьисэ ыдэжь къэкІуагъэхэм ариІожьыгъ:

–Мы Галилей цІыфхэр арэущтэу зэрэкІодыгъэхэм пае, Галилеим щыщхэу адрэ цІыф пстэумэ анахьи нахь псэкІодышІэхэу шъогугъа? 3Хьау, арэущтэу щытэп, сэ шъосэІо! Ау шъуипсэкІодшІагъэхэм шъуафыкІэмыгъожьмэ, шъори зэкІэ ащ фэдэ къабзэу шъукІодыщт. 4Хьаури Силоам зыцІэ чІыпІэм ит унэ плъэпІэ лъагэр нэбгырэ пшІыкІуеу къызытеуи, чІиукІыхьагъэхэр адрэ цІыфхэу Ерусалим дэс пстэуми анахьи нахь мысагъэхэкІэ шъогугъа? 5Хьау, арэущтэу щытэп, сэ шъосэІо! Ау шъуипсэкІодшІагъэхэм шъуафыкІэмыгъожьмэ, шъори зэкІэ ащ фэдэ къабзэу шъукІодыщт.

 

Ынджыр чъыг гъугъэм ехьылІэгъэ гъэсэпэ тхыдэр

 

6ЕтІанэ Хьисэ мы гъэсэпэ тхыдэр къафиІотагъ:

–ЛІы горэм исэнэшъхьэ хатэ ынджыр чъыг хэтэу иІагъ. Зыгорэ къыпыкІагъэмэ еплъынэу зэкІом, зи къыпыкІагъэу ыгъотыгъэп. 7Джащыгъум сэнэшъхьашІэм риІуагъ: «Мары илъэсищ хъугъэу мы чъыгым зыгорэ къыпыкІэмэ сеплъынэу сыкъэкІо, ау зи пытэу згъотырэп. Арышъ иупкІыжь, сыд пае чІыгум ыкІуачІэ хьаулыеу хихыра?»

8– СэнэшъхьашІэм къыриІожьыгъ: «Тхьаматэ, мы илъэсым щигъэтыгу. Чъыгыр ихъурэягъэкІэ къэстІыхьанышъ, ебз тІэкІуи чІэстэкъон. 9 КъэкІорэгъэм къыпыкІэнкІи мэхъу. Джащыгъуми къызыпымыкІэкІэ, иупкІын плъэкІын».

 

Хьисэ бзылъфыгъэ горэу зиузэнкІыжьын зымылъэкІэу,

зытхыцІэ уфагъэу щытыр шэмбэт мафэм зэригъэхъужьыгъэр

 

10 Шэмбэт мафэм синэгогу горэм Хьисэ цІыфхэм Тхьэм игущыІэхэр щаригъашІэщтыгъэх. 11 Бзылъфыгъэ горэ илъэс пшІыкІуй хъугъэу, зыгъэсымаджэрэ

джынапцІэ хэсэу ащ дэжьым щыІагъ. ЗиузэнкІыжьын ымылъэкІэу, ытхыцІэ уфагъэу щытыгъ. 12Хьисэ ар зелъэгъум, еджи риІуагъ:

– Нын, джы щегъэжьагъэу ухъужьыгъэу, шъхьафитэу ухъугъ.

13ЕтІанэ ыІэхэр а бзылъфыгъэм зытырелъхьэм, ардэдэм ащ зиузэнкІыжьи хъужьыгъэ, Тхьэми щытхъу фишІыгъ.

14 Ау Хьисэ шэмбэт мафэм сымаджэр зэригъэхъужьыгъэм пае, синэгогу пащэр губжи, цІыфмэ ариІуагъ:

– ЦІыфыр лэжьэн фаеу мэфих щыІ. А мафэхэм зыжъугъэхъужьынэу шъукъакІо нахь, шэмбэт мафэм шъукъэмыкІу.

15 –Шъо нэпитІу зиІэхэр!– риІожьыгъ Зиусхьаным а пащэм. –Шъуащыщэу зыгорэ щыІа, зицу е зищыд шэмбэт мафэми къыкІэзытІэтыкІэу, цощым къычІэзыщэу псы езымыгъашъорэ? 16Арэу зыхъукІэ, мы бзылъфыгъэу Ибрахьимэ къытехъукІыгъэ цІыфхэм ащыщэу, илъэс пшІыкІуй хъугъэу шэйтаным ыпхыгъэр шэмбэт мафэм шъхьафит сшІэу згъэхъужьын фэягъэба?

17Хьисэ ар къызеІом, къыпэгущыІэжьырэ цІыф пстэури укІытэжьыгъэх, къэнэгъэ цІыфхэри Хьисэ Іофышхо гъэшІэгъонхэу ышІагъэ пстэуми апае гушІощтыгъэх.

 

Горчицэцэмрэ тэджэпсымрэ яхьылІэгъэ гъэсэпэ тхыдэхэр

(Маттэ 13:31-33; Марк 4:30-32)

 

18–Тхьэм и Тетыгъошхо* зыфэдэр сыда?– къыІуагъ Хьисэ. –Ар сыдым фэзгъэдэна? 19Ар зыфэдэр горчицацэр* ары. Ар лІы горэм къышти, ихатэ щишІагъ. Ар къэкІи, чъыгы хъугъэ, ошъогу бзыухэри икъутамэхэм атесхэу хъугъэ.

20 – Тхьэм и Тетыгъошхо сыдым фэзгъэдэна?– джыри зэ къыІуагъ Хьисэ. 21–Ар зыфэдэр тэджэпсыр ары. Зы бзылъфыгъэ горэм ар къышти, ІэнлъищымкІэ хьаджыгъэ зэхипшыхьагъ, зэпстэури къэтэджыфэ.

 

13:18 Тхьэм и Тетыгъошхо – еплъ 6:20.

13:19 горчицэ – арапыбзэкІи тыркубзэкІи «хъардэл» зыфаІорэр ары.

 

Къэлэпчъэ зэжъур

(Маттэ 7:13-14, 21-23)

 

22Хьисэ къалэхэмрэ къуаджэхэмрэ къыкІухьэхэзэ, цІыфхэм Тхьэм игущыІэхэр аригъашІэхэзэ, игъогу Ерусалим фигъэзагъ. 23Зыгорэ ежьым къеупчІыгъ:

–Тхьаматэ, мыкІодхэу, Тхьэм къыгъэнэжьыщт цІыфхэр макІэха?

24 –Къэлэпчъэ зэжъумкІэ шъузэрэдэхьащтым зэрэшъулъэкІэу ыуж шъуит,– ариІожьыгъ Хьисэ, –сыда пІомэ сэ шъосэІо, цІыфыбэхэр дэхьанхэу ыуж итыщтых, ау алъэкІыщтэп. 25Унэ бысымыр къэтэджынышъ, къэлапчъэр зыщыфишІыжьыщт сыхьатыр къэсышт. ЕтІанэ, «Тхьаматэ, къэлапчъэр къытфыІух», шъуІоу, кІыбым шъудэтэу, къэлапчъэм шъукъытеонкІи мэхъу.

–Джащыгъум ащ къышъуиІожьыщт: «Шъо хэтми шъузщыщыр сшІэрэп».

26 –ЕтІанэ шъуІоу шъуублэщт: «Тыуигъусэу тышхэщтыгъ ыкІи тешъощтыгъ, тикъалэ иурамхэми Тхьэм игущыІэхэр ащытэбгъашІэщтыгъэх».

27 –Ау ащ къышъуиІощт: «Шъо хэтми шъузщыщыр сшІэрэп, санэІу шъуикІ, зэкІэ шъо бзэджашІэхэр!»

28–Ибрахьими, Исхьакъи, Якъуби, адрэ пегъымбар пстэури Тхьэм и Тетыгъошхо ыІэчІэгъ чІэхьагъэхэу, ау шъо а Тетыгъошхом ыІэчІэгъ шъукъычІафыгъэу зышъулъэгъукІэ, куохьауныгъэрэ цэ зэрэгъэшхыныгъэрэ къэхъущтых. 29ЦІыфхэр тыгъэ къыкъокІыпІэмкІи, тыгъэ къохьапІэмкІи, темырымкІи, къыблэмкІи къикІынхэшъ, Тхьэм и Тетыгъошхо иешхэ-ешъошхо чІыпІэхэр щаубытыщтых. 30Джащыгъум ауж итхэм ащыщхэр апэу хъущтых, апэ итхэм ащыщхэри ауж къинэщтых.

 

Ей Ерусалим!

(Маттэ 23:37-39)

 

31А сыхьат дэдэм фарисей* куп къакІуи, Хьисэ къыриІуагъ:

 

13:31 фарисейхэр – еплъ 5:17.

 

–Мыщ дэжьым ІукІ. Армырмэ пщэу Ирод ицІыфхэм уаригъэукІыщт.

32–ШъукІуи,– ариІожьыгъ Хьисэ, –а баджэм ешъуІу: «Сэ непи неущи джынапцІэхэр цІыфхэм ахэсфыщтых, сымаджэхэри згъэхъужьыщтых, ящэнэрэ мафэми сиІоф сыухыщт». 33Ау щытми, непи, неущи, неущмыщкІи сигъогу сырыкІон фаеу щыт, сыда пІомэ пегъымбарыр Ерусалим нэмыкІ чІыпІэ щылІэ хъущтэп.

34–Ей Ерусалим, Ерусалим! УицІыфхэм пегъымбархэр аукІых, Тхьэм илІыкІохэми мыжъокІэ яохэзэ аукІых. Бзыум ищырхэр ытамэмэ ачІэгъ зэрэщычІиугъуаехэрэм фэдэу, сыд фэдизрэ уибынхэр сэ зэсыугъоилІэнхэу сыфэягъ, ау шъо шъуфэягъэп. 35Мо зэ шъуеплъ, Тхьэр шъуикъалэ нэшІукІэ къеплъыжьыщтэп. Сэ шъосэІо, «Зиусхьаным ыцІэкІэ къакІорэм щытхъушхор ий!» зыщышъуІощт мафэм нэсыфэ, сышъулъэгъужьыщтэп.

 

 

14

ЯПШІЫКІУПЛІЭНЭРЭШЪХЬ

 

Хьисэ зэкІэбэгагъэу щыт лІы горэ шэмбэт мафэм зэригъэхъужьыгъэр

 

Шэмбэт мафэ горэм фарисейхэм ятхьаматэхэм ащыщэу зыгорэм иунэ щышхэнэу Хьисэ зырегъэблагъэм, цІыфхэр Хьисэ еплъакІощтыгъэх. 2 ЗеплъакІохэм, зэкІэбэгагъэу щыт лІы горэ Хьисэ ыпашъхьэ къиуцуагъэу алъэгъугъ. 3 Хьисэ Тэурат егъэджэкІо пащэхэмрэ фарисейхэмрэ ариІуагъ:

–Шэмбэт мафэм сымаджэр бгъэхъужьыныр хабзэкІэ хъущта, мыхъущта?

4Ау ахэмэ заушъэфыгъ. Зызаушъэфым, Хьисэ сымаджэм теІаби, ыгъэхъужьыгъ. ЕтІанэ ытІупщыжьыгъ.

5 ЕтІанэ Хьисэ ахэмэ яупчІыгъ:

–Шъуащыщэу зыгорэм ищыд е ицу шэмбэт мафэм псынэм ифэмэ, а сыхьатым къырихыжьынба?

6Ахэмэ пэгъокІ къыратышъугъэп.

 

ХьакІэхэмрэ бысымымрэ зэрагъэшІэн фае Іофхэр

 

7ХьакІэхэм тхьэмэтэ тІысыпІэхэр аубытхэу Хьисэ гу зылъетэм, мы гъэсэпэ тхыдэр къафиІотагъ:

8–Зыгорэм ешхэ-ешъошхо горэм уригъэблагъэмэ, тхьэмэтэ тІысыпІэм умытІыс, сыда пІомэ ощ нахьи нахь тхьаматэ горэ къыригъэблэгъагъэхэм ахэтынкІи мэхъу. 9Джащыгъум бысымэу ори ари шъукъезыгъэблэгъагъэр къыббгъодэхьанышъ, къыуиІощт: «Мы лІым о уитІысыпІэ ет». Арэу зыхъурэм, о уукІытэжьыгъэу, аужырэ тІысыпІэр уубытын фаеу хъущт. 10Ау узырагъэблагъэкІэ, аужырэ тІысыпІэм тІыс. Джащыгъум бысымыр о къыббгъодэхьанышъ, къыуиІощт: «ТІэкІу дэкІотай, синыбджэгъу». Ар адрэ хьэкІэ пстэуми апашъхьэ оркІэ нахь щытхъу мэхъу; 11сыда пІомэ хэти зышъхьэ зыгъэиныжьырэр Тхьэм ыгъэцІыкІущт, ежь ышъхьэ зыгъэцІыкІужьырэри Тхьэм ыгъэиныщт.

12ЕтІанэ Хьисэ ибысым риІуагъ:

–Щэджэгъуашхэ е пчыхьэшъхьашхэ о зыпшІыкІэ, уиныбджэгъухэр, е пшыхэр, е уиблагъэхэр, е уигъунэгъу байхэр къемыгъэблагъэх. Ахэр къебгъэблагъэхэмэ, афэпшІагъэр къыпфашІэжьынэу урагъэблэгъэжьэнкІи мэхъу. 13 Ау ешхэ-ешъошхо зыпшІыкІэ, тхьамыкІэхэр, сэкъатхэр, лъащэхэр, нэшъухэр къегъэблагъэх. 14 АфэпшІагъэр ахэмэ къыпфашІэжьын зэрамылъэкІырэм пае, сыхьатмафэ уежьагъ. Шъыпкъагъэ зиІэ цІыфхэр къызытэджыжьхэкІэ, афэпшІагъэр Тхьэм къыпфишІэжьыщт.

 

Ешхэ-ешъошхом ехьылІэгъэ гъэсэпэ тхыдэр

(Маттэ 22:1-10)

 

15Хьисэ игъусэхэу Іанэм пэсхэм ащыщэу зыгорэм мыр зызэхехым, къыІуагъ:

–Тхьэм и Тетыгъошхо къызыскІэ, адрэ хьакІэхэм ягъусэу Іанэм пэсыщтыр сыхьатмафэ ежьагъ.

16–Зы лІы горэм ешхэ-ешъошхо ышІыгъ, – риІуагъ Хьисэ а лІым, –цІыфыбэхэри къыригъэблэгъэнхэу ариІуагъ. 17 Ешхэ-ешъошхор зыщаублэщт сыхьатыр къызэсым, зы унэІут горэ къыригъэблэгъэнхэу зэриІогъэгъэ

цІыфхэм адэжь мырэущтэу ариІонэу ыгъэкІуагъ: «Джы шъукъеблагъ, пстэури хьазыр».

18–Ау къафагъэгъунхэм пае, зэпстэури зэфэдэу лъаІохэу аублагъ. Апэрэм риІуагъ: «Сэ зы хьасэ къэсщэфыгъ, ар сыкІоу зэсымыгъэлъэгъумэ хъущтэп. Къысфэгъэгъу».

19 –Адрэм къыІуагъ: «ЦуипшІ къэсщэфыгъэшъ, язэрэщыт згъэунэфынэу сэкІо пэт. Къысфэгъэгъу».

20–Ящэнэрэми къыІуагъ: «Сэ шъуз къэсщагъэшъ, сыкъэкІон слъэкІыщтэп».

21 –Джащыгъум унэІутым къыгъэзэжьи, хъугъэ-шІагъэр итхьаматэ къыриІожьыгъ. КъызыреІожьым, бысымыр къэгубжи, унэІутым риІуагъ: «ПсынкІэу къалэм иурамышхохэмрэ иурам цІыкІухэмрэ атехьи, тхьамыкІэхэр, сэкъатхэр, нэшъухэр, лъащэхэр мо къащэх».

22–УнэІутым къызегъэзэжьым, къыІуагъ: «Тхьаматэ, уиунашъо згъэцэкІагъэ, ау джыри тІысыпІэ нэкІхэр щыІэх».

23 –Джащыгъум тхьаматэм унэІутым риІуагъ: «Гъогухэмрэ гъогу лъагъохэмрэ атехьи, сиунэ из хъуным пае, уапэ къифэрэ цІыфхэр къэкІонхэу шІы. 24Сэ шъосэІо, а цІыфхэу сэ къезгъэблэгъэнхэу зэсІогъагъэхэм ащыщэу зи сиІанэ къыхэІэнэп».

–Сыда пІомэ кьеблэгъагъэхэр бэ, ау къыхэхыгъэу щытхэр макІэх,– къыпигъэхъожьыгъ Хьисэ.

 

Хьисэ игъогу рыкІоным къын щэчыныгъэу хэлъыр

(Маттэ 10:37-38)

 

25 ЦІыф купышхохэр Хьисэ игъусэхэу кІощтыгъэх. Хьисэ зафигъази, ахэмэ ариІуагъ:

26–Хэт щыщми садэжь къакІоу, зянэ, зятэ, зишъуз, зибынхэр, зышхэр, зышыпхъухэр шІу зэрилъэгъухэрэм нахьи, зыпси шІу зэрилъэгъурэм нахьи, сэ нахьышІу сызымылъэгъурэр сигъогу рыкІохэрэм ащыщ хъун ылъэкІыщтэп. 27Хэти зикъащ зезыхьэу, сэ сауж къырымыкІорэм сэ сигъогу рыкІохэрэм ащыщ хъун ылъэкІыщтэп.

28–Шъуащыщэу зыгорэм унэ плъэпІэ лъагэ ышІынэу фае хъумэ, ыпэрапшІэу тІысэу, тефэщтым еплъэу, а унэр зэрэригъэкъун ахъщэ иІэмэ, зэупчІыжьын фаеба? 29Арэущтэу ымышІэмэ, лъапсэр ыгъэуцугъэу, ащ унэр ыухын зимылъэкІыкІэ, ар къэзылъэгъурэ цІыф пстэури къыдэхьащхыхэу, 30мырэущтэу аІощт: «Мы лІым унэр ышІэу ригъэжьагъ, ау фэухыгъэп».

31 –Ащ фэдэуи, зы пачъыхьэ горэм нэмыкІ пачъыхьэ горэм зао ришІылІэнэу ыгу хэлъмэ, ыпэ рапшІэу тІысынышъ, дзэлІ мин тІокІ зиІэ пыеу къыфакІорэм ежьым идзэлІ минипшІыкІэ пэуцушъущтмэ, егупшысын фаеба? 32Пэуцун ымылъэкІмэ, пыир чыжьэу щытэу, лІыкІохэр фигъэкІонхэшъ, зэшІужьынхэу ригъэлъэІущтых. 33Ащ фэдэу шъуащыщэу хэти иІэ пстэури къэзымыгъанэрэр сэ сигъогу рыкІохэрэм ащыщ хъун ылъэкІыщтэп.

 

Щыугъэ зыхэмылъ щыгъур

(Маттэ 5:13; Марк 9:50)

 

34–Щыгъур дэгъу. Ау щыгъум ищыугъэ хэкІымэ, сыдэущтэу ищыугъэ ащ хэплъэхьажьыщт? 35 Хьасэмрэ ебзымрэкІэ нахьышІу хъущтэп, чІадзыжьы нахь.

–РыдэІонэу тхьакІумэ зиІэм зэхерэх.

 

 

15

ЯПШІЫКІУТФЭНЭРЭШЪХЬ

 

Мэлэу кІодыгъэм ехьылІэгъэ гъэсэпэ тхыдэр

(Маттэ 18:12-14)

 

Хьакъулахь ахъщэр хэзыххэрэмрэ псэкІод зышІэхэрэмрэ зэкІэ Хьисэ едэІунхэу къекІолІагъэх. 2 Ау фарисейхэмрэ Тэурат егъэджэкІо пащэхэмрэ агу емыІоу аІуагъ:

–Мы лІым псэкІод зышІэрэ цІыфхэр гъусэ зыфешІых ыкІи адэшхэ.

3Арэущтэу къызаІом, Хьисэ мы гъэсэпэ тхыдэр ахэмэ афиІотагъ:

4– Шъуащыщэу зыгорэм мэлишъэ иІэу тІон. Ахэмэ ащыщэу зыр шІокІодмэ, адрэ тІокІиплІырэ пшІыкІубгъурэр губгъом къыринэнхэшъ, кІодыгъэр къегъотыжьыфэ лъыхъонба? 5Ар къызигъотыжькІэ, гушІоу къеІэтышъ, ытамэ къытырелъхьэ. 6Унэм къызыкІожькІэ, иныбджэгъухэмрэ игъунэгъухэмрэ къяджэшъ, ареІо: «ШъукъыздэгушІу, сэ симэлэу сшІокІодыгъэр къэзгъотыжьыгъ». 7Сэ шъосэІо, ащ фэдэу шъыпкъагъэ зиІэ нэбгырэ тІокІиплІырэ пшІыкІубгъурэу псэкІод фыкІэгъожьыныр зимыщыкІагъэхэм апае, гушІуагъоу уашъом щыхъурэм нахьи, псэкІод зышІэрэ цІыф закъоу зипсэкІодхэм афыкІэгъожьырэм пае, уашъом нахь гушІогъошхо щыхъущт.

 

Тыжьын ахъщэу кІодыгъэм ехьылІэгъэ гъэсэпэ тхыдэр

 

8– Ащ фэдэуи бзылъфыгъэ горэм тыжьын ахъщипшІ иІэу тІон. Ахэмэ ащыщэу зыр шІокІодмэ, остыгъэ хигъанэу, ахъщэр къегъотыжьыфэ, фэсакъыпэу лъыхъузэ, унэр зэкІэ къыпхъэнкІынба? 9Ар къызигъотыжькІэ, иныбджэгъухэмрэ игъунэгъухэмрэ къяджэшъ, ареІо: «ШъукъыздэгушІу, ахъщэу сшІокІодыгъэр къэзгъотыжьыгъ». 10 Сэ шъосэІо, ащ фэдэ къабзэу псэкІод зышІэрэ цІыфэу кІэгъожьырэм Тхьэм имэлэІичхэр фэгушІощтых.

 

КІодыгъэ кІалэм ехьылІэгъэ гъэсэпэ тхыдэр

 

11 –Зы лІы горэм къуитІу иІагъ,– къыІуагъ Хьисэ. 12 –Къо нахьыкІэм ятэ риІуагъ: «Сят, мылъкум щыщэу къыстефэщт Іахьэр къысэт». Арыти, тым мылъкур ахэмэ афигощыгъ.

13–Мэфэ заулэ зытешІэм, къо нахьыкІэм иІэр зэкІэ зэкІиугъуаий, хымэ хэгъэгу горэм кІуагъэ. А хэгъэгум мыхъо-мышІэ псэукІэкІэ имылъку щигъэкІодыгъ. 14ЗэкІэри зегъэкІодым, гъэблэшхо а хэгъэгум къыщыхъуи, щыкІэгъэшхо иІэ хъугъэ. 15Арэущтэу зэхъум, а хэгъэгум щыпсэурэ лІы горэм ыдэжь кІуи, Іоф къыІихыгъ. А лІым икъохэр губгъом щигъэхъунхэу ыгъэкІуагъ. 16Къохэм яІус щыщ ыныбэ из ышІынэу ехъуапсэщтыгъ, ау а Іусым щыщ хэти ащ къыритыгъэп.

17–КІалэм итхьамыкІагъо зыздешІэжьым, ышъхьэ фиІожьыгъ: «Сэ сятэ илэжьакІохэр сыд фэдиз хъухэми, шхын афырикъуни къялыжьыни яІ, ау сэ мэлакІэм сиукІэу мыщ дэжьым сыщыІ! 18Сятэ ыдэжь сыкІожьынышъ, есІощт: Сят, уашъомкІи оркІи псэкІод сшІагъэ. 190 сэ скъо къысэпІонэу сифэшъуашэп. О уилэжьакІохэм ащыщэу зым фэдэу сэри сышт». 20ЕтІанэ тэджи, ятэ ыдэжь кІожьынэу ежьагъ.

–Ыкъо чыжьэкІэ къэкІожьэу ятэ къызелъэгъум, ыгу егъуи, пэгъочъи, ІаплІ рищэкІи, ебэоу ыублагъ.

21 – Ыкъо ятэ риІуагъ: «Сят, уашъомкІи оркІи псэкІод сшІагъэ. О сэ скъо къысэпІонэу сифэшъуашэп».

22–Ау ятэ иунэІутхэм ариІуагъ: «Щыгъынхэм анахь дэгъур псынкІэу къыфэшъухьи щышъулъ. Зы Іэлъыни Іэрышъулъхь, цуакъэхэри щышъулъэх. 23Тэнэ гъэшхагъэр къашъущи, шІошъубз. Тыжъугъашх ыкІи тыжъугъэгушІу. 24Мы сэ скъо лІагъэу щытыгъ, ау къэхъужьыгъ, кІодыгъэу щытыгъ, ау къэдгъотыжьыгъ». Арэущтэу ешхэ-ешъошхо ашІэу аублагъ.

25 –Ау тым ыкъо нахьыжъ губгъом итыгъ. КъэкІожьэу унэм игъунэгъу къызэхъум, орэд макъэрэ Іэгу тео макъэрэ зэхихыгъ. 26УнэІутхэм ащыщэу зыгорэм еджи, «Сыда къэхъугъэр?» ыІуи еупчІыгъ. 27УнэІутым къыриІуагъ: «ПшынахьыкІэ къэкІожьыгъ. Уятэ ар псаоу зэригъотыжьыгъэм пае, тэнэ гъэшхагъэр шІуаригъэбзыгъ».

28–Къо нахьыжъым ар зызэхехым, къэгубжи, унэм ихьажьынэу фэягъэп. Ау ятэ унэм къикІи, ихьажьынэу къелъэІоу ыублагъ. 29Къо нахьыжъым ятэ пэгъокІ ритыгъ: «КъэдаІу! Сэ мыщ фэдиз илъэс хъугъэу сыпфэлажьэ, о уиунашъохэми зыкІи сатекІыгъэп. Сэ синыбджэгъухэми ешхэ-ешъошхо афэсшІыным пае, зы чэцІи къысэптыгъэп. 30Ау джы о пкъо зыфапІоу уимылъку бзылъфыгъэ хэтакІохэм атезыгъэкІодагъэр къэкІожьыгъэшъ, тэнэ гъэшхагъэр фышІуябгъэбзыгъ!»

31 –Ау тым къыриІуагъ: «Скъо, о сыдигъуи садэжь ущыІ, сиІэ пстэури оуий. 32Ау тэ тыгушІон ыкІи тытхъэжьын фаеба, мы пшынахьыкІэ лІагъэу щытыгъ, ау къэхъужьыгъ, кІодыгъэу щытыгъ, ау къэдгъотыжьыгъ»?

 

 

16

ЯПШІЫКІУХЭНЭРЭШЪХЬ

 

ЛІы баим иунэзехьэ тхьагъэпцІым ехьылІэгъэ гъэсэпэ

Тхыдэр

 

–ЛІы бай горэм унэзехьэ горэ иІагъ,– ариІуагъ Хьисэ игъогу рыкІохэрэм. –«Мы лІым уимылъку пшІуегъэкІоды», аIуи, цІыфхэм лІы баим раІуагъ. 2Арэущтэу лІы баир иунэзехьэ къеджи риІуагъ: «О къыохьылІагъэу сыд мы зэхэсхырэр? Симылъку зэрэзепхьэгъэ шІыкІэр сэгъэлъэгъу. Джы нэуж симылъку о зепхьэ хъущтэп».

3 –Унэзехьэм ышъхьэ фиІожьыгъ: «Сыда сэ сшІэщтыр? Ситхьаматэ сиІоф сІехыжьы. ЧІыгур стІынэу кІуачІэ икъун сиІэп, сылъэІонэуи сэукІытэ. 4СиІоф сІихыжьмэ, сшІэщтыр джы сэшІэ, цІыфхэм яунэхэм сырагъэблэгъэным пае».

5 –Арэущтэу унэзехьэр цІыфхэу итхьаматэ ичІыфэ зытелъхэм зырызэу къяджи, ахэмэ ащыщэу апэрэм риІуагъ: «Ситхьаматэ ичІыфэу сыд фэдиза птелъыр?»

6– ЧІыфэр зытелъ лІым къыІуагъ: «Дэгъэ къошынишъэ стелъ».

–Адрэм риІожьыгъ: «Мары уичІыфэ тхылъ къэштэжьи, тІыси, псынкІэу шъэныкъо итх».

7 –ЕтІанэ унэзехьэм нэмыкІ зыгорэми риІуагъ: «О чІыфэу сыд фэдиза птелъыр?»

–Ащ къыІуагъ: «Коц дзыуишъэ стелъ».

–Адрэм риІожьыгъ: «УичІыфэ тхылъ къэштэжьи, тІокІиплІ итх».

8–Арэущтэу зэхъум, тхьаматэр иунэзехьэ тхьагъэпцІым щытхъужьыгъ, ІушыгъэкІэ зэрэзекІуагъэм пае, сыда пІомэ, мы дунаим ицІыфхэр ежьхэр зэрэзэдэзекІохэрэмкІэ нэфынэ шъыпкъэм щызекІорэ цІыфхэм анахьи нахь Іушых. 9Ау сэ шъосэІо, дунэе мылъкумкІэ ныбджэгъухэр зэжъугъэгъотых, а мылъкур зышъуухыкІэ, мыкІодыжьын псэупІэм шъурагъэблэгъэным пае.

10–Іоф макІэхэмкІэ узщыгугъышъунэу щыт цІыфым ІофыбэхэмкІи ущыгугъышъущт, Іоф макІэхэмкІи узщыгугъышъунэу щымыт цІыфым ІофыбэхэмкІи ущыгугъышъущтэп. 11Арэущтэу зыхъукІэ, дунэе мылъкур зешъухьанэу зыщыгугъышъунхэ цІыфхэу шъущымытыгъэмэ, ащыгъум мылъку шъыпкъэр хэт шъо шъуІэ къизылъхьащтыр? 12 НэмыкІхэм ямылъкукІэ зыщыгугъышъунхэ цІыфхэу шъущымытыгъэмэ, шъо шъуимылъку зешъухьанэу хэта къышъозытыщтыр?

13 –Зы унэІутыр тхьэмэтитІум афэлэжьэн ылъэкІыщтэп; сыда пІомэ, е зыр ыуджэгъунышъ, адрэр шІу ылъэгъущт, е зым шъыпкъэу фыщытынышъ, адрэр зэрипэсыщтэп. Шъо Тхьэми ахъщэми шъуафэлэжьэн шъулъэкІыщтэп.

 

Тэурат хабзэмрэ Тхьэм и Тетыгъошхорэ

(Маттэ 11:12-13)

 

14Ахъщэр шІу дэдэу зылъэгъурэ фарисейхэм ар зэкІэ зызэхахым, Хьисэ дэхьащхыгъэх. 15 Ау Хьисэ ахэмэ ариІуагъ:

–Шъорыба, шъыпкъагъэ зиІэ цІыфхэм зафэзыгъадэхэу, цІыфмэ апашъхьэ зафэу зыщызыгъэлъагъохэрэр, ау Тхьэм шъо шъугухэм арылъыр ешІэ; сыда пІомэ цІыфмэ агъэлъапІэрэ Іофхэр Тхьэм ыдэжькІэ лъэшэу пыутых.

16–Пегъымбар Мусэ и Тэурат хабзэ итхэмрэ пегъымбархэм атхыгъэхэм арытхэмрэ Тхьэм фэлажьэрэ цІыфхэм агъэІугъэх, умэхъэкІо Иуан имафэхэм анэсыфэ. Ащ къыщегъэжьагъэу Тхьэм и Тетыгъошхо ехьылІэгъэ къэбарышІур агъэІу, хэти а Тетыгъошхом ыІэчІэгъ чІэхьаным гузэжъогъукІи ыуж ит. 17Ау пегъымбар Мусэ и Тэурат хабзэ ит хьарыфхэм анахь цІыкІур хэкІодыкІыным нахьи, уашъори чІылъэри нахь кІодыжьыщтых.

 

Шъхьэгъусэ тІупщыжьыным ехьылІагъ

(Маттэ 5:32; 19:9; Марк 10:11,12)

 

18–Хэтми зишъуз зытІупщыжьэу, нэмыкІ бзылъфыгъэ къэзыщэжьырэм зинэ ышІагъэу мэхъу. Ащ фэдэу хэтми лІы горэм ытІупщыжьыгъэ шъуз къэзыщэжьырэм зинэ ышІагъэу мэхъу.

 

ЛІы баимрэ Лазарырэ

 

19–ЛІы бай горэ щыІагъ. Ар щыгъынхэм анахь лъапІэхэмкІэ фэпагъэу, мафэ къэси ешхэ-ешъошхо ышІыщтыгъ. 20ЛІы баим икъэлапчъэ дэжь зы лІы тхьамыкІэ горэ, Лазар ыцІэу, ыкІышъо бэгухэр тетхэу щылъыгъ. 21А лІы тхьамыкІэм лІы баем иІанэ къетэкъохыгъэхэмкІэ имэлэкІалІэ ыгъэуцунэу шІоигъуагъ. Хьэхэри къекІуалІэхэти, ибэгухэр абзэихьащтыгъэх.

22–ЛІы тхьамыкІэр дунаим ехыжьыгъ, мэлэІичхэми ар Ибрахьимэ ыдэжь ахьыгъ. ЛІы баири дунаим ехыжьи, чІалъхьажьыгъ. 23 А лІы баир гугъушхо хэтэу, лІагъэхэм ячІыпІэ щыІэу къыдэплъыий, Лазари бгъодэсэу, Ибрахьимэ ылъэгъугъ. 24Ар зелъэгъум джагъэ: «Тятэ Ибрахьимэ, гукІэгъу къысфэшІи, Лазар къысфэгъакІуи, ащ ыІэхъомбапэ псым херэгъауи, сыбзэгу ерэгъэучъыІ, сыда пІомэ мы машІом сыхэтэу къинышхо сэлъэгъу».

25–Ау Ибрахьимэ къыІуагъ: «СикІал, угу къэгъэкІыжь, дунаим узытетым, уиІэхьышІу щыбгъотэу зэрэщытыгъэр, ау Лазар ащ фэдэу къин ыхьэу зэрэщытыгъэр. Ау джы ащ ыгу зыгъэрэзэн Іофхэр егъотыжьых, о къинышхом ухэт. 26Ащ нэмыкІэуи шъоррэ тэррэ тазыфагу тІуакІэ дэлъ, мыщ дэжьым къикІыхэу шъуадэжь кІонхэу фаехэр мыкІошъунхэм пае. Ащ фэдэу шъуадэжь къикІэу тадэжь зи къэкІошъурэп».

27–Арэущтэу зеІом, лІы баим къыІуагъ: «Ащыгъум тят, сыолъэІу, сятэ иунэ Лазар гъакІо, 28сыда пІомэ сэ шитф сиІ. Мы къинышхо щэчыпІэм ахэри къэмыкІонхэм пае, фэсакъынхэу агурерэгъаІу».

29–Ау Ибрахьимэ къыриІожьыгъ: «Пегъымбар Мусэ ытхыгъэмрэ адрэ пегъымбархэм атхыгъэхэмрэ яІэх, ахэмэ ярэдэІух».

30–Ау лІы баим къыІуагъ: «Хьау, тятэ Ибрахьимэ, ау лІагъэхэм къахэтэджыкІыжьыгъэу зыгорэм ыгъэзэжьмэ, ахэмэ япсэкІодхэм афыкІэгъожьыщтых».

31 –Ибрахьимэ къыриІожьыгъ: «Пегъымбар Мусэмрэ адрэ пегъымбархэмрэ ямыдэІухэмэ, зыгорэ лІагъэхэм къахэтэджыкІыжьыщтми, ашІошъ хъущтэп».

 

 

 

17

ЯПШІЫКІУБЛЭНЭРЭШЪХЬ

 

ЦІыфхэм псэкІод ашІэнэу дэзыхьыхырэ Іофхэм, псэкІод гъэгъуным, шІошъхъуныгъэм, ІорышІэным яхьылІагъ

(Маттэ 18:6-7, 21-22; Марк 9:42)

 

–ЦІыфхэм псэкІод ашІэнэу дэзыхьыхырэ Іофхэр къэхъунхэ фае, ау а Іофхэр къызпкъырыкІырэ цІыфыр сыхьатмыгъо ежьагъ, ариІуагъ Хьисэ игъогу рыкІохэрэм. 2 –А цІыфым мы цІыкІухэм ащыщэу зыгорэм псэкІод ышІэнэу дихьыхыным нахьи, мыжъо шъхьал ежьым ыпшъэтыкъ кІэрашІэу хым хадзагъэмэ, ежьымкІэ нахьышІущтыгъ. 3 Арышъ, шъузфэсакъыжь.

–О пшы* псэкІод ышІэмэ, ар зэрэпсэкІодыр еІожь, ыкІи ар кІэгъожьмэ, фэгъэгъу. 43ы мафэм ыкІоцІы гъогогъуиблэ оркІэ псэкІод ышІэмэ, къыгъэзэжьэу, «СыкІэгъожьыгъ», ыІомэ, фэгъэгъужь.

5–ШІошъхъуныгъэу тиІэм къытфыхэгъахъу!– аІуи, апостолхэм* Зиусхьаным къыраІуагъ.

6–Горчицацэм* фэдизэу шІошъхъуныгъэ шъуиІэу, мы ынджыр чъыгым, «Зыкъыхэтхъыжьи, хым зыщыхэшІэжь», ешъуІомэ, къышъодэІущт,– къыІуагъ Зиусхьаным.

7 –Шъуащыщэу зыгорэм унэІутэу иІэр жъоу е мэлхэр ыгъэхъухэу тІон. А унэІутыр губгъом къызикІыжькІэ, «ПсынкІэу къакІуи, Іанэм къыпытІысхь», риІона? 8Ар хэгъэкІыри, риІощтыр мыры: «Пчыхьэшъхьашхэ къысфэгъэхьазыри, уицыякІэ дэупкІи, сэшхэфэ, сешъофэ, къысшъхьэщыт. Ащ нэужым о ушхэни уешъони уфит». 9УнэІутым унашъоу фэпшІыгъэр зэригъэцэкІагъэм пае, щытхъу фэпшІыщта? Сыгугъэрэп. 10Ащ фэдэу шъори унашъоу Тхьэм къышъуфишІыгъэр зыжъугъэцэкІэрэ ужым, мырэущтэу шъуІон фае: «Тэ тыунэІут ныІэп. Тэ тшІагъэр тшІэн фаеу щытыр ары ныІэп».

 

17:3 О пшы – шыхэр зы диным рыкІохэрэр ары.

17:5 апостолхэр – еплъ 6:13.,

17:6 горчицэ – арапыбзэкІи тыркубзэкІи «хъардэл» зыфаІорэр ары.

 

Хьисэ шъоджэ уз Іаер зиІэ лІы нэбгырипшІ зэригъэхъужьыгъэхэр

 

11 Хьисэ Ерусалим кІозэ, Самарие хэкумрэ Галилей хэкумрэ азыфагу кІоцІырыкІыщтыгъ. 12Къуаджэ горэм дахьэ пэтызэ, шъоджэ уз Іаер зиІэ лІы нэбгырипшІ къыІукІагъэх. Чыжьэу къэуцухи, 13 мэкъэшхокІэ къэджагъэх:

–Хьисэ, тхьаматэ, гукІэгъу къытфэшІ!

14Ахэр зелъэгъухэм, Хьисэ къыІуагъ:

–ШъукІуи, дин пащэхэм зяжъугъэлъэгъу.

Ахэр гъогум рыкІохэзэ, къабзэу хъужьыгъэх.

15Ахэмэ ащыщэу зым зэрэхъужьыгъэр зелъэгъум, мэкъэшхокІэ Тхьэм щытхъу фишІэу къыгъэзэжьыгъ. 16Хьисэ ылъакъохэм адэжь бгъэгукІэ зыкъыщыридзыхи, щытхъу фишІыгъ. А лІыр Самарие хэкум* щыщыгъ.

17 –НэбгырипшІыр къабзэу хъужьыгъэхэба?– къыІуагъ Хьисэ. –Адрэ нэбгырибгъур тыдэ къэнагъэха? 18Мы лІы хымэ закъом нэмыкІ къыгъэзэжьэу, Тхьэм щытхъу фишІынэу зи къахэкІыгъэп, ара?

19ЕтІанэ Хьисэ а лІым риІуагъ:

–Тэджи кІожь, уишІошъхъуныгъэ уигъэхъужьыгъ.

 

Тхьэм и Тетыгъошхо къызэрэкІощтыр

(Маттэ 24:23-28, 37-41)

 

20 –Тхьэм и Тетыгъошхо сыдигъо къэкІощта?– аІуи, фарисейхэр Хьисэ къызеупчІыхэм, ащ ариІожьыгъ:

–Тхьэм и Тетыгъошхо нэрылъэгъоу къэкІощтэп, 21 цІыфхэми, «Мары, ар мыщ дэжьым щыІ», е «Муары, модэ щыІ», аІощтэп. Сыда пІомэ Тхьэм и Тетыгъошхо шъо къышъухэт.*

22ЕтІанэ Хьисэ игъогу рыкІохэрэм ариІуагъ:

–ЦІыф Лъэпкъым ы Къо* имафэхэм ащыщэу зы мэфэ закъо нэмыІэми шъулъэгъу зышъушІоигъо мафэхэр къэкІощтых, ау ар шъулъэгъущтэп. 23 «Мары, ЦІыф Лъэ

 

17:16 Самарие хэкур – еплъ 9:52.

17:21 Тхьэм и Тетыгъошхо шъо къышъухэт – е шъо шъугухэм арылъ. Еплъ 6:20.

17:22 ЦІыф Лъэпкъым ы Къо – еплъ 5:34.

 

ЦIыф Лъэпкъым ы Къо мыщ дэжьым щыІ», е «Муары, модэ щыІ», къышъуаІощт, ау ащ дэжьым шъумыкIу, а цІыфхэми шъуакІэлъымычъ; 24сыда пІомэ зы ошъокъуапэм къыщегъэжьагъэу адрэ ошъокъуапэм нэс пчыкІэм* дунаир зэригъэнэфырэм фэдэу, ежьыр къызыкІожьыщт мафэм ыдэжь ЦІыф Лъэпкъым ы Къо къэлъэгъожьыщт. 25Ау ыпэ рапшІэу къиныбэ ыщэчын фаеу щыт, джырэ цІыфхэми ежьыр зэрамыпэсын фаеу щыт.

26 –Пегъымбар Нухьэ имафэхэм адэжь Іофхэр зэрэщытыгъэхэм фэдэу, ЦІыф Лъэпкъым ы Къо дунаим къызыкІожьыным ыпэрэ мафэхэм адэжь Іофхэр щытыщтых. 27 ЦІыфхэр шхэщтыгъэх ыкІи ешъощтыгъэх, къащэщтыгъ ыкІи дакІощтыгъэх, Нухьэ къухьэм зитІысхьэгъэ мафэм нэсыфэкІэ. ЕтІанэ псы къиугъэшхор* къакІуи, ахэр зэкІэ ыгъэкІодыгъэх.

28–Пегъымбар Лут* имафэхэм адэжь Іофхэри ащ фэдэу щытыгъэх: ЦІыфхэр шхэщтыгъэх ыкІи ешъощтыгъэх, щэщтыгъэх ыкІи щафэщтыгъэх, чІыгуми хапхъэщтыгъэх, унэхэри ашІыщтыгъэх. 29Ау Лут Содом къалэм зыдэкІыгъэ мафэм машІорэ тхъомзашхъорэ уашъом къыщещхыхи, ахэр зэкІэ ыгъэкІодыгъэх.

30–ЦІыф Лъэпкъым ы Къо къызылъэгъожьыщт мафэм ыдэжьи Іофхэр ащ фэдэ къабзэу щытыщтых. 31А мафэм унашъхьэм тетыр ихьапщыпхэу унэм илъхэр зыдихьынхэу унэм ерэмыхьажь. Губгъом итыми унэм къерэмыгъэзэжь. 32Лут ишъуз* къехъулІагъэр шъугу къэжъугъэкІыжь. 33Хэтми зыпсэ мыкІодэу къызэригъэнэжьыщтым ыуж итым ыпсэ шІокІодыщт, ау хэти зыпсэ зышІокІодырэм ыпсэ мыкІодэу къыгъэнэжьыщт. 34Сэ шъосэІо, а чэщым нэбгыритІу зы пІэм хэлъыщтых. Язырэр мэлэІичхэм уашъом дахьыещт, адрэри къагъэнэщт. 35БзылъфыгъитІу зэдэхьаджэщтых, язырэр мэлэІичхэм уашъом дахьыещт, адрэри къагъэнэщт. 36 НэбгыритІури губгъом итыщтых, язырэр мэлэІичхэм уашъом дахьыещт, адрэри къагъэнэщт.

 

17:24 пчыкІэ – шыблэм инэфын ары.

17:27 псы къиугъэшхор – еплъ Пегъымбар Мусэ апэрэ тхылъэу ытхыгъэм 7:6-23.

17:28-29 пегъымбар Лут – еплъ Пегъымбар Мусэ апэрэ тхылъэу ытхы-гъэм 19:15-25.

17:32 Лут ишъуз – еплъ Пегъымбар Мусэ апэрэ тхылъэу ытхыгъэм 19:26.

 

 

37Тыда ар зыщыхъущтыр, Зиусхьан?– къыраІуагъ Хьисэ.

Хьайуан псэхалІэр зыдэщыІэм бгъэжъхэри щызэрэугъоищтых,-- ариІожьыгъ Хьисэ.

 

 

18

ЯПШІЫКЕНЭРЭШЪХЬ

 

Шъузабэмрэ шъыпкъагъэ зимыІэ хьыкумышІэмрэ

яхьылІэгъэ гъэсэпэ тхыдэр

 

ЕтІанэ игъогу рыкІохэрэм агу амыгъэкІодэу, Тхьэм елъэІухэ зэпытыным пае, Хьисэ зы гъэсэпэ тхыдэ къафиІотагъ. 2Мыщ фэдэу къыІуагъ:

Тхьэми щымыщынэу, цІыфхэми ащымыукІытэу, хьыкумышІэ* горэ къалэ горэм дэсыгъ. 3А къэлэ дэдэм зы шъузабэ гори дэсыгъ. «Сидэогъу сифэшъуашэр къысегъэт», ыІозэ, хьыкумышІэм ыдэжь къэкІо зэпытыщтыгъ.

4Бэрэ хьыкумышІэм шъузабэр зыкІэлъэІурэр фидагъэп. ЕтІанэ ежь зэриІожьыгъ: «Тхьэм сыщымыщынэми, цІыфхэм сащымыукІытэми, 5сэ сшъхьэ ымыгъэуз зэпытыным пае, мы шъузабэм ифэшъуашэ езгъэгъотын. Армырмэ къысфэчъэ зэпытызэ зысигъэгъэпсэфыщтэп».

6ЕтІанэ Зиусхьаным ыІуагъ:

Шъыпкъагъэ зимыІэ хьыкумышІэм ыІорэр зэхэшъоха? 7Тхьэм ежь къыхихыгъэ цІыфхэу чэщи мафи лъэшэу къелъэІухэрэм яфэшъуашэ аригъэгъотынба? Яфэшъуашэ аригъэгъотыным бэрэ ригъэжэщтха? 8Сэ шъосэІо, ахэмэ яфэшъуашэ псынкІэу аригъэгъотыщт. Ау ЦІыф Лъэпкъым ы Къо мы дунаим къызыкІожькІэ, шІошъхъуныгъэ зиІэхэр щигъотыщтха?

 

Фарисеимрэ хьакъулахь ахъщэр хэзыхырэ лІымрэ

яхьылІэгъэ гъэсэпэ тхыдэр

 

9Ащ нэмыкІэуи ежьхэм шъыпкъагъэ яІэу зыщыгугъыжьхэу, нэмыкІхэр зэзымыпэсырэ цІыф заулэм Хьисэ мы гъэсэпэ тхыдэр къафиІотагъ:

 

 

18:2 хьыкумышІэр зы цІыф горэ хыеу е мысэу щытмэ, хабзэм иунашъо тетэу зэхэзыфырэр ары.

 

10НэбгыритІу Тхьэм елъэІунхэу Тхьэм иунэшхо кІуагъэх. Зыр фарисейхэм ащыщыгъ, адрэр хьакъулахь ахъщэр хэзыххэрэм ащыщыгъ. 11 Фарисеир ащ дэжьым щытэу, ыгукІэ мырэущтэу Тхьэм елъэІущтыгъ: «Адрэ цІыфхэу хъункІакІохэми, бзэджашІэхэми, зинэ зышІэхэрэми, модэ щыт хьакъулахь ахъщэр хэзыхырэми сэ сызэрафэмыдэм пае, щытхъу пфэсэшІы, cи Тхь. 12Сэ тхьамафэ къэс мэфитІо сэнэкІы*, федэу згъотырэм ипшІанэ Тхьэм пае сэты».

13Ау хьакъулахь ахъщэр хэзыхырэр чыжьэу къэуцугъэу, ынэхэмкІэ уашъом дэплъыенэу фэмыеу, ыбгъэгу еозэ Тхьэм елъэІущтыгъ: «Си Тхь, сэ, псэкІод зышІэрэ цІыфым, гукІэгъу къысфэшІ».

14Сэ шъосэІо, адрэ лІым фэмыдэу мы лІым ТхьэмкІэ шъыпкъагъэ иІэу Ідэжь кІожьыгъэ. Сыда пІомэ хэти зышъхьэ зыгъэиныжьырэр Тхьэм ыгъэцІыкІущт, ежь ышъхьэ зыгъэцІыкІужьырэри Тхьэм ыгъэиныщт.

 

Хьисэрэ сабыйхэмрэ

(Маттэ 19:13-15; Марк 10:13-16)

 

15ЕтІанэ цІыфхэм сабыйхэр Хьисэ къыфащагъэх, Тхьэм ынэшІу къащифэным пае, Хьисэ ахэмэ атеІэбэнэу. Ау игъогу рыкІохэрэм ар залъэгъум, афадагъэп. 16Ау Хьисэ сабыйхэм къяджи къыІуагъ:

Сабыйхэр садэжь къэрэкІох, зи яшъумыІоу, сыда пІомэ ащ фэдэхэр Тхьэм и Тетыгъошхо ыІэчІэгъ чІэтых. 17Шъыпкъэр шъосэІо, сабыим Тхьэм и Тетыгъошхо зэридэрэм фэдэу, хэтми Тхьэм и Тетыгъошхо зымыдэрэр а Тетыгъошхом ыІэчІэгъ чІэхьащтэп.

 

Тхьэмэтэ баир

(Маттэ 19:16-30; Марк 10:17-31)

 

18 Зы тхьаматэ горэ Хьисэ къеупчІыгъ:

Дин гъэсэкІо дэгъу, мыкІодыжьын щыІэныгъэ ІахьышІу къыслъысыным пае, сыда сшІэн фаер?

 

 

18:12 сэнэкІы агухэмкІэ фаехэу, фарисейхэм тхьамафэ къэс мэфитІо анэкІыщтыгъ.

 

19Сыда дэгъукІэ укъызкІысаджэрэр?– риІожьыгъ Хьисэ а лІым. –Тхьэм нэмыкІэу зи дэгъу щыІэп. 20Тхьэм иунашъохэр* ошІэх: «Зинэ умышІэ, цІыф умыукІ, умытыгъу, нэмыкІ цІыфхэм пцІы атемылъхь, уятэрэ уянэрэ лъытэныгъэ афэшІ».

21СикІэлэгъу къыщегъэжьагъэу ахэр зэкІэ сэгъэцакІэх,– риІожьыгъ адрэм.

22 Ар Хьисэ зызэхехым, риІуагъ:

Джыри зы уищыкІагъ. УиІэр зэкІэ щэжьи, ахъщэр тхьамыкІэхэм ят. Джащыгъум уашъом мылъкушхо щыуиІэ хъущт. ЕтІанэ сауж къырыкІу.

23Адрэм ар зызэхехым, ыгу лъэшэу къеуагъ, сыда пІомэ мылъкушхо иІагъэти ары. 24Ау Хьисэ ащ ыгу къызэреорэр зелъэгъум, къыІуагъ:

Мылъку зиІэхэмкІэ Тхьэм и Тетыгъошхо ыІэчІэгъ чІэхьанхэу сыдэу къин! 25Баир Тхьэм и Тетыгъошхо ыІэчІэгъ чІэхьаным нахьи, махъшэр мэстанэм икІыныр нахь ІэшІэх.

26 Ар зэхэзыхыгъэ цІыфхэм къаIуагъ:

Арэущтэу щытмэ, ежьым зимыгъэкІодэу, хэта зыкъэзыгъэнэжьын зылъэкІыщтыр?

27ЦІыфмэ ашІэн амылъэкІырэр Тхьэм ышІэн елъэкІы,– къыІуагъ Хьисэ.

28Мо къэдаІолъ!– къыІуагъ Петрэ. –Тэ тиІэгъэ пстэури къэдгъани, о уауж тыкъырыкІуагъ.

29Шъыпкъэр шъосэІо,– ариІожьыгъ Хьисэ, –хэт щыщми е зиунэ, е зятэ-янэхэр, е зышхэр, е зышыпхъухэр, е зишъуз, е зибынхэр Тхьэм и Тетыгъошхо пае къэзыгъэнагъэу, 30иІагъэм нахьи бэкІэ нахьыбэ мы дунаим щызымыгъотыжьыщт цІыф зи щыІэп, адрэ дунаими мыкІодыжьын щыІэныгъэ щыриІэ хъущт.

 

Хьисэ ежьыр зэраукІыщтри, лІагъэхэм

къызэрахэтэджыкІыжьыщтри ящэнэрэу къызэриІуагъэр

(Маттэ 20:17-19; Марк 10:32-34)

 

31 Хьисэ игъогу рыкІорэ нэбгырэ пшІыкІутІур зы лъэныкъокІэ Іуищыхи ариІуагъ:

 

18:20 Тхьэм иунашъохэр еплъ Пегъымбар Мусэ ятІонэрэ тхылъэу ытхыгъэм 20:12-16.

 

–Мары, тэ джы Ерусалим тыдэкІуае. ЦІыф Лъэпкъым ы Къо ехьылІагъэу пегъымбархэм атхыгъэ пстэури къехъулІэхэзэ, къэшъыпкъэжьыщтых. 32 Ащ къикІырэр ежьыр хымэ лъэпкъхэм* аІэкІэхьащт. Ахэри къыкІэнэкІэщтых, къехъоныщтых ыкІи къытеужъунтхэщтых. 33ЕтІанэ къамыщкІэ къеощтых ыкІи аукІыщт, ящэнэрэ мафэми ежьыр лІагъэхэм къахэтэджыкІыжьыщт.

34 Ау игъогу рыкІохэрэм а гущыІэхэу ариІуагъэхэм ащыщэу зи къагурыІуагъэп. А гущыІэхэм къарыкІырэр ахэмкІэ шъэфэу щытыгъэх, Хьисэ ахэмэ къаригъэкІыгъэри къагурыІуагъэп.

 

Хьисэ зы лъэІокІо нэшъу горэ зэригъэхъужьыгъэр

(Маттэ 20:29-34; Марк 10:46-52)

 

35Хьисэ Ерихон къалэм* кІозэ игъунэгъоу зэхъум, нэшъу горэ лъэІуакІоу гъогу напцэм Іусыгъ. 36ЦІыф купышхо блэкІэу зызэхехым, ар къэупчІагъ:

–Сыда мыр?

37–Назарет щыщ Хьисэ мыщ дэжьым блэкІы,– къыраІуагъ цІыфхэм.

38 Ар къызаІом, нэшъур мэкъэшхокІэ къэджагъ:

–Даутэ ы Къо* Хьисэ, гукІэгъу къысфэшІ!

39Апэ ит цІыфхэм амыдэу, «Щыгъэт!» аIуи къыраІуагъ. Ау ар джыри нахь мэкъэшхокІи къэджагъ:

–Даутэ ы Къу, гукІэгъу къысфэшІ!

40 Хьисэ къызэтеуцуи, ежьым ыдэжь а лІыр къаригъэщагъ. Нэшъур игъунэгъоу къызэкІом, еупчІыгъ:

41 –Сыда къыпфэсшІэнэу узыфаер?

–Тхьаматэ, сынэхэр къэгъэплъэжьых,– къыІожьыгъ нэшъум.

 

18:32 хымэ лъэпкъхэр – Рим (Рум) цІыфхэу тетыгъо зиІэхэр ары.

18:35 Ерихон къалэр – Ерусалим итемыр тыгъэ къыкъокІыпІэ лъэныкъокІэ, километрэ 24-кІэ пэчыжьэу, Иордан псыхъом итыгъэ къохьэпІэ лъэныкъокІэ ит.

18:38 Даутэ ы Къо – цІыфхэр мыкІодхэу Къэзыгъэнэжьырэр пачъыхьэ Даут иунэгъо лъэпкъы зэрэщыщым пае джуртхэр ащ «Даутэ ы КъокІэ» еджэх.

 

42–Унэхэр къэплъэжьыщтых,– къыриІуагъ Хьисэ. –УишІошъхъуныгъэ уигъэхъужьыгъ.

43Ардэдэм нэшъум ынэхэр къэплъэжьыгъэх, Тхьэми щытхъу фишІызэ, Хьисэ ыуж ихьагъ. ЦІыф пстэуми ар залъэгъум, ахэми Тхьэм щытхъу фашІыгъ.

 

 

19

ЯПШІЫКІУБГЪОНЭРЭШЪХЬ

 

Хьисэрэ Закхейрэ

 

Ащ нэужым Хьисэ Ерихон къалэм дэхьагъэу ащ кІоцІырыкІыщтыгъ. 23акхей зыцІэу зы лІы горэ ащ дэсыгъ. Ар хьакъулахь ахъщэр хэзыххэрэм япащэхэм ащыщыгъ, цІыф баеуи щытыгъ. 3 Хьисэ хэтми зыщыщыр зэригъэлъэгъумэ шІоигъуагъ, арышъхьэкІэ ежьыр лІы мылъагэу щытыти, цІыф купышхом хэтэу зи ылъэгъун ылъэкІыщтыгъэп. 4Арыти, цІыфхэм апэ ишъи, ынджыр чъыг горэм дэпшыягъ, Хьисэ ылъэгъуным пае, сыда пІомэ Хьисэ а гъогумкІэ блэкІын фэягъ.

5Хьисэ а чІыпІэм зынэсым, дэплъыий, Закхей риІуагъ:

–Закхей, псынкІэу къех, непэ уадэжь себлэгъэн фае.

63акхей псынкІэу къехыжьи, игуапэу иунэ Хьисэ ригъэблэгъагъ. 7 ЦІыф пстэуми ар залъэгъум, агу емыІоу аІуагъ:

–ПсэкІод зышІэрэм ыдэжь хьакІэу ихьагъ.

83акхей къэтэджи, Зиусхьан Хьисэ къыриІуагъ:

–Мо къэдаІолъ, Зиусхьан! Симылъку ызыныкъо тхьамыкІэхэм ястыщт. Зы Іоф горэмкІэ цІыф горэ згъэпцІагъэмэ, фэдиплІ ар фэспщыныжьыщт.

9ЦІыфхэр мыкІодхэу къэзыгъэнэжьырэр непэ мы унагъом ыдэжь къэкІуагъ,– риІуагъ Хьисэ Закхей, –сыда пІомэ мы лІыри Ибрахьимэ къытехъукІыгъэ цІыфхэм ащыщ. 10Сыда пІомэ ЦІыф Лъэпкъым ы Къо къызфэкІуагъэр цІыфхэу кІодыгъэхэм алъыхъунышъ, мыкІодхэу къыгъэнэжьынхэр ары.

 

Минэ зыцІэ ахъщэхэм яхьылІэгъэ гъэсэпэ тхыдэр

(Маттэ 25:14-30)

 

11 ЦІыфхэр Хьисэ гущыІэхэу къыІохэрэм ядэІухэ зэхъум, мы гъэсэпэ тхыдэр къыпигъэхъуагъ; сыда пІомэ Хьисэ Ерусалим игъунэгъоу щытыгъ, Тхьэм и Тетыгъошхо ардэдэм къэлъэгъонэуи цІыфхэр гугъэщтыгъэх. 12Арэущтэу зэхъум, Хьисэ къыІуагъ:

Зы пщы горэ зы хэгъэгу чыжьэ горэм кІонэу щытыгъ, ежь ихэгъэгу пае пачъыхьэ заригъэшІынышъ, етІанэ къыгъэзэжьыным пае. 13 ДэкІыным ыпэкІэ, иунэІутхэм ащыщхэу нэбгырипшІ къяджи, минэ* зыцІэ ахъщэ зырыз арити ариІуагъ: «Къэсэгъэзэжьыфэ, мы ахъщэмкІэ къэшъущэф ыкІи шъущэ».

14Ау мы пщым ихэгъэгу щыщ цІыфхэм ежьыр ауджэгъущтыгъэти, «Мы лІыр пачъыхьэ къытфэхъунэу тыфаеп», аІоу арагъэІонэу лІыкІохэр пщым ыужкІэ а хэгъэгум агъэкІуагъэх.

15Ащ пае къэмынэу а пщыр пачъыхьэу агъэнэфагъ. ЕтІанэ пщым къызегъэзэжьым, унэІутхэу ахъщэхэр зэритыгъагъэхэм къяджагъ. Ахэмэ ащыщэу хэти ищэн-щэфэн ІофкІэ ыгъэхъагъэхэр зэригъашІэмэ шІоигъуагъ.

16Апэрэ унэІутыр къакІуи къыІуагъ: «Тхьаматэ, къысэптыгъэ минэ ахъщэмкІэ фэдипшІ къэзгъэхъагъ».

17Тхьаматэм ащ риІуагъ: «Дэгъоу пшІагъэ, сиунэІут дэгъу! Іоф макІэхэмкІэ сызщыгугъышъунэу лІэу узэрэщытыгъэм пае, къэлипшІ къыпІэкІэслъхьащт».

18ЯтІонэрэ унэІутыр къакІуи къыІуагъ: «Тхьаматэ, къысэптыгъэ минэ ахъщэмкІэ фэдитф къэзгъэхъагъ».

19Тхьаматэм ащ риІуагъ: «Къэлитф о къыпІэкІэслъхьащт».

20Ящэнэрэ унэІутри къакІуи къыІуагъ: «Тхьаматэ, мары о уиминэ ахъщэ. Хъэдэн горэм кІоцІысщыхьи, щызгъэлъыгъ. 21ЛІы пхъашэу узэрэщытым пае, сыкъыпщыщынагъ. УмыгъэтІылъыгъэр къэоштэжьы, чІыгум о хэмыпхъагъэри къэохыжьы».

22–Итхьаматэ ащ риІуагъ: «О уигущыІэхэмкІэ узгъэмысэщт, о унэІут бзадж!

 

19:13 минэ дышъэ ахъщэу лэжьакІом мэзищкІэ лэжьапкІэу ратыщтыгъэр ары.

 

О пшІэщтыгъ сэ лІы пхъашэу сызэрэщытри, сымыгъэтІылъыгъэр къызэрэсштэжьырэри, чІыгум хэсымыпхъагъэр къызэрэсхыжьырэри. 23 Сиахъщэ банкым сыда о зыкІимылъхьагъэр? Ащыгъум къызысэгъэзэжьым, сиахъщэ хэхъуагъэу къычІэсхыжьыщтыгъ».

24ЕтІанэ тхьаматэм къыбгъодэтхэм ариІуагъ: «Мы лІым минэ ахъщэр Іышъухи, минэ ахъщипшІ зиІэм ешъут».

25Ахэмэ раIуагъ: «Тхьаматэ, минэ ахъщипшІ ащ иІахэба

26Тхьаматэм къыІожьыгъ: «Сэ шъосэІо, Тхьэм хэт щыщми зиІэм нахьыбэ къыритыщт, ау Тхьэм зи зимыІэм иІэ тІэкІури Іихыжьыщт. 27Ау джы сэ сипыйхэу пачъыхьэ сафэхъунэу фэмыягъэхэр къашъущэхи, сапашъхьэ щышъуукІых».

 

Щытхъушхо иІэу, Хьисэ Ерусалим зэрэдэхьагъэр

(Маттэ 21:1-11; Марк 11:1-11; Иуан 12:12-19)

 

28Хьисэ а гущыІэхэр къызеІохэм ыуж, Ерусалим дэкІоенэу игъогу техьажьыгъ. 29Елеон зыцІэ Іуашъхьэм Іус къуаджэхэу Виффагиерэ Вифаниерэ зыцІэхэм Хьисэ ягъунэгъу зэхъум, игъогу рыкІохэрэм ащыщхэу нэбгыритІу ыпэкІэ ыгъэкІуагъэх, 30мырэущтэу ариІозэ:

–ШъуапэкІэ ит къуаджэм шъудахь. Шъузэрэдахьэу щыд къунанэу зы цІыф ныбжьи зытемытІысхьагъэр епхыгъэу шъуапэ къифэщт. Ар къыкІэрышъутІэтыкІи, мо къашъущэ. 31«Сыд ар къызыкІыкІэрышъутІэтыкІырэр?» ыІоу, зыгорэ къышъоупчІымэ, мырэущтэу ешъуІу: «Зиусхьаныр ащ фай».

32 А лІыкІуитІур кІохи, Хьисэ зэрариІуагъэм тетэу зэкІэ къагъотыгъ. 33Щыд къунаныр къызыкІэратІэтыкІым, ар зиехэм къараІуагъ:

–Сыда щыд къунаныр зыкІыкІэрышъутІэтыкІырэр?

34 –Зиусхьаныр ащ фай,– къаÍуагъ ахэмэ.

35 ЕтІанэ щыд къунаныр Хьисэ дэжь къащи, ящыгъынхэр тыралъхьахи, Хьисэ тырагъэтІысхьагъ. 36Хьисэ щыд къунаным тесэу кІо зэхъум, цІыфхэм ящыгъынхэр гъогум фытыраубгъощтыгъэх.

37Ерусалим игъунэгъоу гъогур Елеон Іуашъхьэм къызщехырэ чІыпІэм Хьисэ зынэсым, Іофышхо гъэшІэгъонхэу алъэгъугъэ пстэуми апае гушІохэу, мэкъэшхокІэ Тхьэм щытхъу фашІэу, игъогу рыкІорэ куп пстэуми аІоу аублагъ:

38 –Зиусхьаным ыцІэкІэ къакІорэ пачъыхьэм щытхъушхор ий! Мамырныгъэ уашъом щыІ! Анахь Иным щытхъушхор ий!* 39 ЦІыф купышхом хэтэу фарисей заулэмэ Хьисэ къыраІуагъ:

Дин гъэсакІу, уигъогу рыкІохэрэм щагъэтынэу яІу!

40Сэ шъосэІо,– къыІожьыгъ Хьисэ, –ахэмэ щагъэтмэ, мыжъохэр къэкуощтых.

41 Хьисэ Ерусалим нахь игъунэгъу къэси, къалэр зелъэгъум, ащ фэгъызэ къыІуагъ:

42О мамырныгъэ къыпфэзыхьыщт Іофхэр непэ пшІагъоет, ау джы о унэхэм ахэр ашІогъэбылъыгъэу щытых; 43сыда пІомэ, уипыйхэм пытапІэхэмкІэ укъызыщауцухьащт мафэхэр къыпфэкІощтых. Ахэмэ о укъаухъурэищт, тэдрэ лъэныкъокІи къыптезэрэгъэбэнэщтых. 44 Уипыйхэм ори уибынхэу къыбдыдэсхэри шъуагъэкІодыщт, мыжъуитІу зэтелъэуи къагъэнэщтэп, умыкІодэу Тхьэм укъызигъэнэжьын уахътэр къызэрэпфифагъэр къызэрэбгурымыІуагъэм пае.

 

Хьисэ щэн-щэфакІохэр Тхьэм иунэшхо къызэрэчІифыгъэхэр

(Маттэ 21:12-17; Марк 11:15-19; Иуан 2:13-22)

 

45 ЕтІанэ Хьисэ Тхьэм иунэшхо чІахьи, щэн-щэфакІохэр* къычІифхэу ыублагъ. 46Ахэмэ ариІуагъ:

–Тхьэм къызэриІорэр игущыІэ тхыгъэхэм арыт:* «Сэ сиунэ тхьэлъэІупІэу щытыщт». Ау шъо «хъункІэкІо гъэбылъыпІэм»* фэдэу шъушІыгъэ.

 

19:38 Еплъ Сэбур (Псалтыр) 118:25-26 (урыс библиемкІэ 117:25-26).

19:45 щэн-щэфакІохэр – ахэмэ къурмэныпхъэ былымхэр Тхьэм иунэшхо ищагу щащэщтыгъэх.

19:46 Тхьэм игущыІэ тхыгъэхэм арыт – еплъ Пегъымбар Ешай тхылъэу ытхыгъэм 56:7.

19:46 хъункІэкІо гъэбылъыпІэ – еплъ Пегъымбар Иеремие тхылъэу ытхыгъэм 7:11.

 

47Мафэ къэси Тхьэм иунэшхо чІэтэу, Хьисэ цІыфхэм Тхьэм игущыІэхэр аригъашІэщтыгъэх. АрышъхьакІэ дин пэщэшхохэм, Тэурат егъэджэкІо пащэхэм, адрэ тхьаматэхэу цІыфмэ яІэхэм Хьисэ зэрагъэкІодыщт шІыкІэм лъыхъухэу аублагъ, 48ау цІыф пстэуми ягуапэу Хьисэ едэІущтыгъэхэти, мыхъунэу рашІэнэу зи агъотыгъэп.

 

 

20

ЯТЮКІЭНЭРЭШЪХЬ

 

Джурт тхьаматэхэр Хьисэ итетыгъо къезытыгъэмкІэ

къызэреупчІыгъэхэр

(Маттэ 21:23-27; Марк 11:27-33)

 

Мафэ горэм Тхьэм иунэшхо чІэтэу, Хьисэ цІыфхэм Тхьэм игущыІэхэр аригъашІэхэзэ, къэбарышІур аригъэІущтыгъэ. Джащыгъум дин пэщэшхохэмрэ Тэурат егъэджэкІо пащэхэмрэ нахьыжъхэр ягъусэхэу къыбгъодахьэхи къеупчІыгъэх:

2КъытаІу, мы Іофхэр пшІэнхэу фитыныгъэр тыда къыздипхыгъэр, е ахэр пшІэнхэу тетыгъор хэта о къыозытыгъэр?

3Сэри шъо зы Іоф горэкІэ сышъоупчІыщт,– ариІожьыгъ Хьисэ. –ПэгъокІ къысэшъут. 4Иуан цІыфхэр ыумэхъынхэу хэта къэзыгъэкІуагъэр, цІыфхэр ара, хьауми Тхьэр ара?

5 –«Тхьэр ары Иуан къэзыгъэкІуагъэр», тІомэ, «Адэ, сыд пае Иуан къыІуагъэхэр шъушІошъ мыхъугъэха?» къыІожьыщт,– аІозэ, ахэр зэупчІыжьыгъэх. 6–Ау «ЦІыфхэр ары къэзыгъэкІуагъэхэр», тІомэ, цІыф пстэури мыжъохэмкІэ къытаохэзэ, таукІыщт, сыда пІомэ Иуан пегъымбарэу зэрэщытыгъэр ашІошъ мэхъу.

7Арыти, –Иуан къэзыгъэкІуагъэр тшІэрэп,– къаІуагъ.

8Ащыгъум сэри шъосІощтэп, мы Іофхэр сшІэнхэу фитыныгъэр къыздисхыгъэр,– ариІожьыгъ Хьисэ.

 

СэнэшъхьэшІэ бзаджэхэм яхьылІэгъэ гъэсэпэ тхыдэр

(Маттэ 21:33-46; Марк 12:1-12)

 

9ЕтІанэ Хьисэ цІыфхэм мы гъэсэпэ тхыдэр афиІуатэу ыублагъ:

-ЛІы горэм сэнэшъхьэ хатэ ыгъэтІысхьи, сэнэшъхьашІэ* горэхэм аІэкІилъхьагъ. Ащ нэужым хымэ хэгъэгу горэм бэрэ къэтынэу кІуагъэ. 10Сэнэшъхьэ пычыжьыгъор къызэсым, исэнэшъхьэ Іахьэ къыратыжьынэу сэнэшъхьашІэхэм адэжь зы унэІут горэ ыгъэкІуагъ. Ау сэнэшъхьашІэхэр унэІутым къеохи, ІэнэкІэу къатІупщыжьыгъ. 11 Хатэр зием етІани зы унэІут горэ ыгъэкІуагъ, ау ащи къеохи, лые къырахи, ІэнэкІэу къатІупщыжьыгъ. 12ЕтІани ящэнэрэ унэІут горэ ыгъэкІуагъ. Ари къауІи, къыд афыжьыгъ.

13 –Джащыгъум сэнэшъхьэ хатэр зием къыІуагъ: «Сыда сшІэщтыр? Сэ шІу слъэгъурэ скъо кІасэр згъэкІон. Ащ лъытэныгъэ къыфашІынкІи мэхъу».

14Ау сэнэшъхьашІэхэм хатэр зием ыкъо залъэгъум, зэупчІыжьхи зэраІожьыгъ: «Мыры сэнэшъхьэ хатэр къызыфэнэжьыщтыр. Ар тэжъугъэукІи, сэнэшъхьэ хатэр тэ къытфэнэжьыщт». 15 Арэущтэу сэнэшъхьэ хатэм къыдадзыжьи къаукІыгъ.

Сэнэшъхьэ хатэр зием сыда ахэмэ аришІэщтыр?– къыпигъэхъожьыгъ Хьисэ. 16Ар къэкІонышъ, сэнэшъхьашІэхэр ыгъэкІодынхэшъ, сэнэшъхьэ хатэр нэмыкІхэм аІэкІилъхьащт.

Тхьэм ерэмыд!– къаІуагъ цІыфхэм ар зызэхахым.

17 Ау Хьисэ ахэмэ яплъи къыІуагъ:

Ащыгъум мы гущыІэхэу Тхьэм игущыІэ тхыгъэхэм арытхэм* сыда къарыкІырэр:

«Унэ зышІыхэрэм зэрамыпэсэу чІадзыжьыгъэ

мыжъор

мыжъо лъэпсэ дэдэу унэм фэхъугъ»?

18А мыжъом тефэрэр къызэпкъыриутыщт, ау зытефэрэр мыжъом ыщытІэщт.

 

20:9 сэнэшъхьашІэхэр – сэнэшъхьэ хатэм щылажьэхэрэр ары.

20:17 Тхьэм игущыІэ тхыгъэхэм арытхэр – еплъ Сэбур (Псалтыр) 118:22 (урыс библиемкІэ 117:22).

 

19Тэурат егъэджэкІо пащэхэмрэ дин пэщэшхохэмрэ Хьисэ мы гъэсэпэ тхыдэр ежьхэм яхьылІагъэу къызэриІотагъэр къагурыІуагъэти, а сыхьат дэдэм Хьисэ къаубытынэу пылъыгъэх, ау цІыфхэм ащыщынэщтыгъэх.

 

Хьакъулахь ахъщэм ехьылІагъ

(Маттэ 22:15-22; Марк 12:13-17)

 

20Арыти, Тэурат егъэджэкІо пащэхэмрэ дин пэщэшхохэмрэ Хьисэ еплъакІощтыгъэх, къуалъхьэкІи ащэфыгъэхэу, шъыпкъагъэ зиІэ цІыфхэм афэдэу тхьагъэпцІыгъэкІэ зызышІырэ цІыф куп фагъэкІуагъэх. Хьисэ хэкум ипщэу тетыгъор зиІэм ыІэ ІэкІагъэхьаным пае, зы гущыІэ горэм тыраубытэнэу гугъэщтыгъэх. 21 Ахэр Хьисэ къеупчІыгъэх:

–Дин гъэсакІу, о шъыпкъагъэр къызэрэпІорэри, цІыфхэм шъыпкъагъэр зэрябгъашІэрэри тэшІэ. ЦІыфхэм ятеплъэ уемыплъэу, цІыф пстэури уизэфэдэхэу щытых, шъыпкъагъэм тетэуи Тхьэм игъогу цІыфхэм яогъашІэ. 22Кайсарым* хьакъулахь ахъщэр етты хъущта, мыхъущта?

23 Ау Хьисэ ахэмэ ятхьагъэпцІыгъэ гу лъитагъэти ариІуагъ:

–Сыд пае сыхэжъугъэукъонэу шъупылъа? 243ы динар* ахъщэ сэжъугъэлъэгъу. Хэта зисурэт мыщ итыри, хэта зыцІэ мыщ тетхагъэри?

–Кайсарыр ары,– къаІуагъ ахэмэ.

25Ащыгъум Кайсарым иер Кайсарым ешъутыжь, Тхьэм иери Тхьэм ешъутыжь,– ариІуагъ Хьисэ.

26Арэущтэу цІыфхэм апашъхьэ гущыІэ горэм щытыраубытэнэу алъэкІыгъэп, пэгъокІэу Хьисэ аритыгъэри агъэшІагъозэ заушъэфыгъ.

 

20:22 Кайсар а лъэхъаным, Хьисэ къызэхъу нэужым я 14-37 илъэсхэм къакІоцІ, Тиверый зыцІэр Рим Кайсарэу щытыгъ.

20:24 динар – ар лэжьакІом имэфапкІэщтыгъ.

 

Саддукейхэр лІагъэхэм якъэтэджыжьын ехьылІагъэу Хьисэ къызэреупчІыгъэхэр

(Маттэ 22:23-33; Марк 12:18-27)

 

27 Саддукейхэу* лІагъэхэр къызэрэтэджыжьыщтхэр зышІошъ мыхъухэрэм ащыщхэу заулэ Хьисэ къыбгъодахьэхи къеупчІыгъэх:

28Дин гъэсакІу, пегъымбар Мусэ мырэущтэу къытфитхыгъ:* «ЛІы горэм ышы лІэу, бын имыІэу шъуз къыкІэнмэ, ышы унагъо фишІыным пае, а лІым шъузабэр къыщэжьын фае». 29Джы зэкъошибл щыІагъ. Ахэмэ ащыщэу апэрэм шъуз къыщагъ, ау бын къыкІэмынэу дунаим ехыжьыгъ. 30ЯтІонэрэми а шъузыр къыщэжьыгъ. Ащи бын къыкІэмынэу дунаим ехыжьыгъ. 31 Ящэнэрэми а шъузыр къыщэжьыгъ. Ащ фэдэуи яблэнэрэм нэс бын къакІэмынэу зэкІэри дунаим ехыжьыгъэх. 323эпстэуми ауж дэдэу шъузыри дунаим ехыжьыгъ. 33Джы лІагъэхэр къызытэджыжьхэкІэ, хэта зишъузыщтыр ар? Сыда пІомэ блыми шъузэу яІагъэшъ ары.

34–Джырэ цІыфхэм къащэх ыкІи дэкІох,– ариІожьыгъ Хьисэ ахэмэ. 35 –Ау лІагъэхэм къахэтэджыкІыжьынхэшъ, адрэ дунаим щыпсэунхэу зифэшъуашэхэм шъуз къащэжьыщтэп, лІыми дэкІожьыщтхэп. 36Ахэр мэлэІичхэм афэдэх, лІэн алъэкІыжьыщтэп ыкІи лІагъэхэм къахэтэджыкІыжьыгъэхэшъ, Тхьэм ибынхэу щытых. 37Ау лІагъэхэр къызэрэтэджыжьыщтхэр пегъымбар Мусэми нафэу къыгъэлъэгъуагъ. Сыда пІомэ пэнэ куандэм икъэбар* Тэурат хабзэм зэрыт чІыпІэм ыдэжь ит пегъымбар Мусэ Тхьэу Зиусхьаным «Ибрахьими, Исхьакъи, Якъуби я ТхьэкІэ» зэреджэрэр. 38Ащ къикІырэр Тхьэр псэухэмрэ лІагъэхэу зыфаІохэрэмрэ я Тхьэу зэрэщытыр ары; сыда пІомэ ежьым ыдэжькІэ пстэури псэух.

39Хьисэ ар къызеІом, Тэурат егъэджэкІо пащэхэм ащыщхэу заулэмэ къаІуагъ:

 

20:27 Саддукейхэр – дин пащэхэм ащыщхэу, диным пылъхэу зы тхьаматэ купэу щытыгъэх. Ахэмэ тхылъ лъапІэхэу алъытагъэхэр Тэурат хабзэм ит тхылъитфыр ары ныІэп.

20:28 Пегъымбар Мусэ мырэущтэу къытфитхыгъ – еплъ Пегъымбар Мусэ ятфэнэрэ тхылъэу ытхыгъэм 25:5-6.

20:37 пэнэ куандэм икъэбар – еплъ Пегъымбар Мусэ ятІонэрэ тхылъэу ытхыгъэм 3:2-6.

 

–Дин гъэсакIу, дэгъоу къэпІуагъ.

40ЕтІанэ ащ нэмыкІыкІэ Хьисэ къеупчІыжьынэу хэти тегушхуагъэп.

 

Мэссихь хэта зыкъор?

(Маттэ 22:41-46; Марк 12:35-37)

 

41 Ащ дэжьым Хьисэ ахэмэ ариІуагъ:

–Мэссихь* Даутэ ыкъоу сыдэущтэу аІонэу хъугъа? 42, 43Сыда пІомэ ежь Даутэ мыщ фэдэу къызэриІуагъэр Сэбурым итба:*

«Тхьэу Зиусхьаным сэ си Зиусхьан къыриІуагъ:

О уипыйхэр лъэгукІэтын пфэсшІыхэфэ,

сэ сиджабгъукІэ къызготІысхь»?

44Ежь Даутэ Мэссихь «Си ЗиусхьанкІэ» еджэ,–къыпигъэхъожьыгъ Хьисэ. –Арэу зыхъукІэ, сыдэущтэу Мэссихь Даутэ ы Къоу хъура?

 

Хьисэ Тэурат егъэджэкІо пащэхэм ямысагъэ къызэрэхигъэщыгъэр

(Маттэ 23:1-36; Марк 12:38-40; Лука 11:37-54)

 

45 ЦІыф пстэури Хьисэ къедэІухэ зэхъум, игъогу рыкІохэрэм ариІуагъ:

46–Тэурат егъэджэкІо пащэхэм шъуафэсакъ. Ахэмэ шъошэ кІыхьэхэр ащыгъхэу къакІухьаныр якІас. ЗэІукІэхэми ежьхэм аІэхэм цІыфхэр ащырагъэбэунхэр шІу алъэгъу. Синэгогухэм цІыфхэр защызэІукІэхэкІи, ешхэ-ешъошхохэм адэжьи тхьэмэтэ тІысыпІэхэр аубытынхэри шІу алъэгъу. 47 Шъузабэхэм яунэхэри къатырахых. ЦІыфхэм зыкъарагъэгъэшІэгъоным пае, ятхьэлъэІухэр агъэкІыхьэх. Тхьэм ахэмэ яфэшъуашэ инэу аригъэпщыныжьыщт.

 

20:41 Мэссихь – еплъ 2:26.

20:42-43 Сэбурым итба – еплъ Сэбур (Псалтыр) 110:1 (урыс библиемкІэ 109:1).

 

 

21

ЯТЮКІЫРЭ ЗЫНЭРЭШЪХЬ

 

Шъузабэм ахъщэу Тхьэм пае ытыгъэр

(Марк 12:41-44)

 

Хьисэ Тхьэм иунэшхо чІэтэу зэплъэм, цІыф байхэм Тхьэм тын фашІэу, ахъщэхэр пхъуантэхэм адалъхьэхэу ылъэгъугъ. 2Яплъы зэхъум, шъузэбэ тхьамыкІэ горэм гъоплъэ ахъщитІу пхъуантэм дилъхьэу ылъэгъугъ.

3Шъыпкъэр шъосэІо,– къыІуагъ, –мы шъузэбэ тхьамыкІэм адрэ пстэуми анахьи нахьыбэ дилъхьагъ; 4сыда пІомэ ахэмэ ахъщэу къялыжьыгъэм щыщ далъхьагъэти ары, ау а шъузабэм зэрыпсэунэу мэкІэ тІэкІоу иІэр зэкІэ дилъхьагъ.

 

Тхьэм иунэшхо зэрэзэхакъутэщтыр Хьисэ къызэриІуагъэр

(Маттэ 24:1-2; Марк 13:1-2)

 

5Тхьэм иунэшхо мыжъо дахэхэмкІи тынхэу цІыфхэм Тхьэм фашІыгъэхэмкІи дахэу гъэкІэрэкІагъэу зэрэщытым зыгорэхэр зытегущыІэхэм, Хьисэ къыІуагъ:

6Мыщ дэжьым щышъулъэгъурэр мыжъуитІу къызэтемынэжьэу, пстэури къызызэхэтэкъощт мафэхэр къэсыщтых.

7Дин гъэсакІу, о зыфэпІогъэ Іофхэр сыдигъо къэхъущтха, ахэр къызэрэхъущтхэм янэшанэхэри сыдха?– къеупчІыгъэх ахэр.

 

Нэшанэхэмрэ къиныбэ щэчыныгъэмрэ

(Маттэ 24:3-14; Марк 13:3-13)

 

8 –ЦІыфхэм шъукъызэрамыгъэпцІэщтым шъуфэсакъ,– къыІожьыгъ Хьисэ. –Сыда пІомэ сэ сцІэкІэ зэджэжьхэу, «Сэры Мэссихь», аІоу ыкІи «Мафэр къэблэгъагъ», аІоу цІыфхэу къэкІощтхэр бэу хъущтых. Ахэмэ ауж шъуимыхь. 9 Заохэм якъэбархэмрэ цІыфхэм пачъыхьагъухэм ягъэпсыкІэ акъутэжьынэу къызэрэтаджэхэрэм якъэбархэмрэ зызэхэшъухыкІэ, шъукъэмыщт. А Іофхэр къэхъунхэ фае, ау дунаим икІэух занкІэу къэсыщтэп.

10Зы лъэпкъыр адрэ лъэпкъым, зы пачъыхьагъури адрэ пачъыхьагъум езэонэу къэтэджыщт,– етІанэ ариІуагъ Хьисэ. 11 –ЧІыпІэ-чІыпІэхэмкІи чІыгур ин дэдэу щысысыщт, зэпахырэ узхэри гъаблэхэри къэхъущтых. УашъомкІи щынэгъошхо нэшанэхэр къикІыщтых.

12Ау мы Іоф пстэури къэхъунхэм ыпэкІэ, сэ сцІэ зэрэжъугъэлъапІэрэм пае, цІыфхэм шъуаубытыщт, къини шъуагъэщэчыщт. Синэгогухэм шъуаратыщт, хьапсхэми шъуачІадзэщт, пачъыхьэхэмрэ Іэшъхьэтетхэмрэ апашъхьи шъуращэщт. 13Джащыгъум ахэмэ апашъхьэ къэбарышІум шыхьат шъуфэхъущт. 14Ау мыр шъугухэм арыжъугъэлъ: Зыжъугъэхыеу яшъуІощтыр ыпэкІэ жъугъэхьазырыным шъупымылъ; 15сыда пІомэ къышъонэкъокъухэрэр къышъупэмыуцужьышъунхэу ыкІи къышъупэмыгущыІэжьышъунхэу гущыІэхэри акъылышIуагъэри къышъостыщтых. 16Шъуянэ-шъуятэхэми, шъушыхэми, шъуиблагъэхэми, шъуиныбджэгъухэми тетыгъо зиІэхэм шъуаІэкІагъэхьащт, шъуащыщэу зы купи аукІыщт. 17 Шъо сэ сцІэ зэрэжъугъэлъапІэрэм пае, цІыф пстэуми шъуауджэгъущт. 18Ау зы шъхьац налъи шъо шъушъхьэхэм ахэкІодыкІыщтэп. 19 Теубытэныгъэ шъуиІэмэ, шъупсэхэр мыкІодхэу къэжъугъэнэжьыщтых.

 

Ерусалим зэракъутэщтыр Хьисэ къызэриІуагъэр

(Маттэ 24:15-21; Марк 13:14-19)

 

20–Ерусалим дзэхэм къауцухьагъэу зышъулъэгъукІэ, икъутэжьыгъо къызэрэблэгъагъэр шъушІэщт. 21 Ащыгъум Иудей хэкум ис цІыфхэр Іуашъхьэхэм ярэкІолІэжьых, къалэм дэсхэри дэрэкІыжьых, губгъом итхэри къалэм дэрэмыхьажьых. 22 Сыда пІомэ Тхьэм игущыІэ тхыгъэхэм арыт пстэури къэшъыпкъэжьынхэм пае, цІыфхэм ашІагъэхэр Тхьэм зыщаригъэпщыныжьын мафэхэр мырых. 23 А мафэхэм бзылъфыгъэ лъэрмыхьэхэмрэ быдзэшъо сабый зиІэхэмрэ сыхьатмыгъо ежьэщтых. Мы хэгъэгум ицІыфхэр къинышхо хэфэщтых, Тхьэри мы лъэпкъым лъэшэу къыфэгубжыщт. 24 Ахэмэ ащыщхэр сэшхокІэ аукІыщтых, адрэхэри гъэрэу къаубытыгъэхэу лъэпкъ пстэуми адэжь ащэщтых. Хымэ лъэпкъхэм ялъэхъан ыухыфэ, ахэмэ Ерусалим лъэгукІэ аутэщт.

 

ЦІыф Лъэпкъым ы Къо дунаим къызэрэкІожьыщтыр

(Маттэ 24:29-31; Марк 13:24-27)

 

25Нэшэнэ гъэшІэгъонышхохэр тыгъэм, мазэм ыкІи жъуагъохэм къащылъэгъощтых. ЧІылъэм тет цІыф лъэпкъхэм ашІэщтыр амышІэу агу кІодыщт. Хыри лъэшэу къыдэуаеу ибырсыр мэкъэшхо къэІущт. 26Дунаим къыщыхъущтхэм паплъэхэу, цІыфхэр щынагъом хэтхэу мэхыщтых, сыда пІомэ уашъом щыІэ кІуачІэхэр хъыещтыхэшъ ары. 27Джащыгъум ЦІыф Лъэпкъым ы Къо ошъуапщэм хэтэу, лъэкІыныгъэшхорэ щытхъушхорэ иІэхэу къакІоу цІыфхэм алъэгъущт. 28 А Іофхэр къэхъухэу заублэкІэ, шъукъэтэджи, шъушъхьэхэр къэшъуІэтых, сыда пІомэ Тхьэм къиным шъузщыхихыжьыщт мафэр къэблэгъагъэшъ ары.

 

Ынджыр чъыгым шъыпкъагъэу къыдгуригъаІорэр

(Маттэ 24:32-35; Марк 13:28-31)

 

29ЕтІанэ Хьисэ зы гъэсэпэ къэбар горэ ариІуагъ:

Ынджыр чъыгымрэ адрэ чъыг пстэумрэ шъуяплъ. 30 Чъыгхэр къэтІэмхэу зыфежьэхэкІэ, гъэмафэр къызэрэблагъэр зыми къышъуимыІоу шъошІэба? 31 Ащ фэдэу шъори мы Іофхэр къэхъухэу зышъулъэгъухэкІэ, Тхьэм и Тетыгъошхо благъэ къызэрэхъугъэр шъушІэ.

32Шъыпкъэр шъосэІо, мы Іофхэр зэкІэ къэхъунхэм ыпэ, мы лъэпкъыр кІодыщтэп. 33Уашъомрэ чІылъэмрэ кІодыжьыщтых, ау сэ сигущыІэхэр кІодыжьыщтхэп.

 

Сыдигъуи шъусакъ!

 

34Ешхэ-ешъонымкІи, утэшъонымкІи, мы дунаим игугъухэмкІи шъушъхьэхэр зэІышъумыгъэхьанхэу шъузыфэсакъыжь. Армырмэ шъумышІахэу а мафэр къышъутеошт. 35 Сыда пІомэ а мафэр чІылъэшъхьашъом тет цІыф пстэуми хъытыум фэдэу къафэкІощт. 36Сыдигъуи шъусакъ, къэхъущт пстэуми шъуахэкІыным паий, кІуачІэ жъугъотынышъ, ЦІыф Лъэпкъым ы Къо ыпашъхьэ шъузэрихьащтымкІэ Тхьэм шъуелъэІу зэпыт.

37Мафэ къэс Хьисэ Тхьэм иунэшхо чІэтэу, цІыфхэм Тхьэм игущыІэхэр аригъашІэщтыгъэх, ау чэщ къэхъу къэс, къалэм дэкІыти, Елеон зыцІэ Іуашъхьэм чэщыр щырихыщтыгъ. 38Жьэу пчэдыжь къэс Хьисэ едэІунхэу цІыф пстэури Тхьэм иунэшхо къэкІощтыгъэх.

 

 

22

ЯТЮКІЫРЭ ТІУНЭРЭШЪХЬ

 

Тхьэмэтэ Хэсэшхом щыщ тхьаматэхэм Хьисэ

тхьагъэпцІыгъэкІэ аукІынэу гухэлъ зэрашІыгъэр

(Маттэ 26:1-5, 14-16; Марк 14:1-2, 10-11; Иуан 11:45-53)

 

Хьалыгъу Мыгъэтэдж зыщашхырэ мэфэшхо мафэхэу ПасхъэкІэ заджэхэрэр* къэблэгъагъэх. 2Дин пэщэшхохэмрэ Тэурат егъэджэкІо пащэхэмрэ Хьисэ цІыфхэм амышІэу зэрагъэкІодыщт шІыкІэм лъыхъущтыгъэх, сыда пІомэ ахэр цІыфхэм ащыщынэщтыгъэхэти ары. 3Джащыгъум Хьисэ игъогу рыкІорэ нэбгырэ пшІыкІутІумэ ащыщэу ИскариоткІэ заджэхэрэ Иудэ ыгу шэйтаныр ихьагъ. 4ЕтІанэ Иудэ дин пэщэшхохэмрэ Тхьэм иунэшхо иухъумакІохэм япащэхэмрэ адэжь кІуи, Хьисэ зэраІэкІигъэхьащт шІыкІэмкІэ адэгущыІагъ. 5 Ахэр гушІуагъэх, ахъщи ратынэу къагъэгугъагъ. 6Арэущтэу Иудэ адишти, цІыф купышхохэм амышІэу Хьисэ аГэкІигъэхьаным пае, Іэрыфэгъу уахътэ паплъэу ыублагъ.

 

Хьисэ игъогу рыкІохэрэм Пасхъэ пчыхьэшъхьашхэр

зэрагъэхьазырыгъэр

(Маттэ 26:17-25; Марк 14:12-21; Иуан 13:21-30)

 

7Хьалыгъу Мыгъэтэдж зыщашхырэ мэфэкІ мэфэшхо мафэхэм ащыщэу Пасхъэ шъынэр зыщышІуаубзын фэе мафэр къэсыгъ. 8Арэущтэу зэхъум, Хьисэ Петрэрэ Иуанрэ ыгъэкІуагъэх, мырэущтэу ариІуагъэу:

 

22:1 Хьалыгъу Мыгъэтэдж зыщашхырэ мэфэкІ мэфэшхо мафэхэу ПасхъэкІэ заджэхэрэр – еплъ 2:41.

 

–ШъукІуи, Пасхъэ пчыхьэшъхьашхэр тшІыным пае жъугъэхьазыр.

9–Тыдэ щыдгъэхьазырынэу уфая?– къыраІожьыгъ ахэмэ.

10ШъукъэдаІу!– ариІуагъ Хьисэ. –Къалэм шъузэрэдахьэу, зы лІы горэм псы къошын ыхьэу къышъуІукІэщт. А лІым ыуж шъуитэу унэу зэрыхьэрэм шъори шъуихьи, 11 унэр зием ешъуІу: «Дин гъэсакІом къыуеІо: Сэррэ сигъогу рыкІохэрэмрэ Пасхъэ пчыхьэшъхьашхэр зыщытшІыщт хьакІэщыр тыдэ щыІа?» 12Джащыгъум гъэкІэрэкІагъэу зы хьэкІэщышхо лъагэ горэ шъуигъэлъэгъущт. Ащ дэжьым зэкІэри щыжъугъэхьазыр.

13Ахэр етІанэ кІохи, Хьисэ къызэрариІуагъэм тетэу къагъоти, Пасхъэ пчыхьэшъхьашхэр агъэхьазырыгъ.

 

Зиусхьаным ипчыхьэшъхьашхэ

(Маттэ 26:26-30; Марк 14:22-26; 1 Кор. 11:23-35)

 

14Сыхьатыр къызэсым, апостол нэбгырэ пшІыкІутІур игъусэхэу Хьисэ Іанэм пэтІысхьагъ.

15Къин сщэчыным ыпэкІэ, мы Пасхъэ пчыхьэшъхьашхэр къыжъудэсшІымэ лъэшэу сшІоигъуагъ,– ариІуагъ ахэмэ. 16–Сыда пІомэ сэ шъосэІо, Тхьэм и Тетыгъошхо къэсыгъэу, Пасхъэ мэфэкІ мэфэшхом къикІырэр шъыпкъэ къыщэхъуфэ, Пасхъэ пчыхьэшъхьашхэр сэ сшІыжьыщтэп.

17ЕтІанэ Хьисэ зы шъуалъэ къышти, Тхьэм щытхъу фишІи къыІуагъ:

Мыр къашъушти, мыщ итым щыщ шъукъыздешъу; 18сыда пІомэ сэ шъосэІо, Тхьэм и Тетыгъошхо къэсыфэ, сэнэшъхьэ къутамэм ипс сешъожьыщтэп.

19ЕтІанэ Хьисэ хьалыгъур къыштагъ, Тхьэм щытхъу фишІи, зэгуичи, ахэмэ арити къыІуагъ:

Мы хьалыгъур сэ спкъэу шъо сишІуагъэ шъокІынэу стыщтыр ары. Шъугу сыкъэжъугъэкІыжьыным пае, шъушхы.

20 Ащ фэдэу пчыхьэшъхьашхэ ужым шъуалъэр къышти къыІуагъ:

Мы шъуалъэм сэнэпсэу итым къикІырэр зэзэгъыныгъакІэу Тхьэм ежьыррэ шъоррэ шъуазыфагу дилъхьарэр ары. А зэзэгъыныгъакІэр къэзыгъэшъыпкъэжьырэр лъэу шъо сишІуагъэ шъокІынэу сэ къыскІэкІыщтыр ары.* 21 Ау тетыгъо зиІэхэм сэ саІэкІэзыгъэхьащтыр сигъусэу мы Іанэм пэс. 22ЦІыф Лъэпкъым ы Къо* Тхьэм зэриухыгъэм тетэу, дунаим ехыжьыщт. Ау тетыгъо зиІэхэм ар аІэкІэзыгъахьэрэр сыхьатмыгъо ежьагъ.

23Хьисэ ар зеІом, игъогу рыкІохэрэр зэупчІыжьхэу аублагъ:

Тэ тщыщэу хэта ар зышІэнэу зыгу хэлъыр?

 

Хьисэ игъогу рыкІохэрэм ащыщэу анахь инэу алъытэн

фаемкІэ зэрэзэнэкъокъугъэхэр

 

24Хьисэ игъогу рыкІохэрэм ащыщэу анахь инэу алъытэн фаемкІэ зэнэкъокъухэу аублагъ.

25Дунаим тет пачъыхьэхэр цІыфхэм апшъэ дэсых,– ариІуагъ Хьисэ. –Тетыгъор зиІэхэми шІу зышІэхэрэмкІэ цІыфхэр зэрагъаджэх. 26Шъо шъуазыфагу арэп зэрэщытын фаер. Ар мыхъоу, шъуазыфагу анахь иныр цІыкІум фэдэу орэхъу, тхьаматэри шъхьагърытым фэдэу орэхъу. 27Хьауми хэта анахь иныр, Іанэм пэсыр ара, шъхьагърытыр ара? Іанэм пэсыр арыба? Ау шъхьагърытым фэдэу сэ сышъухэт. 28Сэ къин сщэчэу сызыщэтым, сигъусагъэхэр шъоры. 29Сэ тетыгъо сиІэнэу c Ятэ къызэрэситыгъэм фэдэу, шъори тетыгъо шъуиІэнэу шъосэты. 30Сэ си Тетыгъошхо къызыскІэ, сиІанэ шъупэсэу шъушхэщт ыкІи шъуешъощт, Израил иунэгъо лъэпкъ пшІыкІутІум хьыкум атешъушІыхьанэу пачъыхьэ тІысыпІэхэм шъуатетІысхьащт.

 

22:20 А зэзэгъыныгъакІэр къэзыгъэшъыпкъэжьырэр лъэу шъо сишІуагъэ шъокІынэу сэ къыскІэкІыщтыр ары – пэсэрэ зэзэгъыныгъэу Тхьэм ежьымрэ ылъэпкъырэ азыфагу дилъхьагъэр къэзыгъэшъыпкъэжьыгъагъэр къурмэныпхъэм ылъ арыгъэ. А лъыр цІыфхэм атыраутхэгъагъ. Еплъ пегъымбар Мусэ ятІонэрэ тхылъэу ытхыгъэм 24:7-8. Ащ фэдэу зэзэгъыныгъакІэу Тхьэм ежьыррэ ицІыфхэмрэ азыфагу дилъхьагъэр зыгъэшъыпкъэжьыгъэр Хьисэ ылъэу къащым щыкІэкІыгъэр ары. А зэзэгъыныгъэм зэритым фэдэу, цІыф горэм ХьисэкІэ шІошъхъуныгъэ иІэ хъумэ, мыкІодэу Тхьэм ар къыгъэнэжьыщт.

22:22 ЦІыф Лъэпкъым ы Къо – еплъ 5:24.

 

«Сэ сыкъэмышІэу къэпІощт», Хьисэ Петрэ зэрэриІуагъэр

(Маттэ 26:31-35; Марк 14:27-31; Иуан 13:36-38)

 

31 –Симон, Симон, къэдаІу. МэкъумэщышІэм коцымрэ уарзэмрэ зэрэзэхидзыхэрэм фэдэу, шъуигъэунэфыным пае, шэйтаным Тхьэм фитыныгъэ къыІихыгъ. 32Ау шІошъхъуныгъэм игъогу утемыкІынэу Тхьэм сыпфелъэІугъ. О садэжь къызыбгъэзэжькІэ, пшыхэм* агухэр гъэпытэх.

33Зиусхьан, сэ о сыуигъусэу хьапсым сыкІощтми, лІэныгъэм сыІукІэщтми, сыфэхьазыр, – къыриІуагъ Симон Петрэ Хьисэ.

34Петрэ, сэ осэІо,– къыІожьыгъ Хьисэ, –непэ атакъэр Іоным ыпэкІэ, сэ сыкъэмышІэу гъогогъуищэ къэпІощт.

 

Ахъщалъэр, Іалъмэкъыр, сэшхор

 

35Ахъщалъи Іалъмэкъи шъумыІыгъхэу, цуакъэхэри шъущымыгъхэу шъузыдэсэгъэкІым*, щыкІагъэ горэ шъуиІагъа?– ариІуагъ Хьисэ.

Хьау, щыкІагъэ зи тиІагъэп,– къаІожьыгъ ахэмэ.

36Ау джы, ахъщалъи, Іалъмэкъи зиІэм зыдерэшт,–ариІуагъ Хьисэ. –Сэшхо зимыІэми ищыгъын кІыІутелъ ерэщи, сэшхо къерэщэф. 37Сэ шъосэІо, мы гущыІэхэу Тхьэм игущыІэ тхыгъэхэм арытхэр* сэ къысэхъулІэхэзэ, къэшъыпкъэжьынхэ фае: «Хабзэм текІыгъэхэм ащыщэу ежьыр алъытагъ». Сыда пІомэ сэ къысэхьылІагъэу Тхьэм игущыІэ тхыгъэхэм арытхэр къэхъу пэтхэшъ ары.

38–3иусхьан, мары сэшхуитІу тиІ,– къаІуагъ ахэмэ.

–Ар икъущт,– ариІожьыгъ Хьисэ.

 

22:32 о пшыхэр – зы диным рыкІохэрэр ары.

22:35 шъузыдэсэгъэкІым – еплъ 10:4.

22:37 Тхьэм игущыІэ тхыгъэхэм арытхэр – еплъ Пегъымбар Ешай тхылъэу ытхыгъэм 53:12.

 

Хьисэ Елеон зыцІэ Іуашъхьэм Тхьэм зэрэщелъэІугъэр

(Маттэ 26:36-46; Марк 14:32-42)

 

39Хьисэ Ерусалим дэкІи, ихабзэ тетэу Елеон Іуашъхьэм дэкІоягъ. Игъогу рыкІохэрэри игъусагъэх. 40ЗыдэкІощт чІыпІэм зынэсым, ариІуагъ:

–ПсэкІодшІэным шъудимыхьыхынэу Тхьэм шъуелъэІу.

41 ЕтІанэ Хьисэ зы мыжъо дзыгъом фэдизэу ахэмэ ахэкІи ІукІыгъ. ЛъэгонджэмышъхьэкІэ тІыси, Тхьэм елъэІугъ:

42–Сэ c Ят, уфаемэ мы къин щэчыныгъэм ишъуалъэ сэ сІых. Ау сэ сызыфаер мыхъоу, о узыфаер орэхъу.

43Джащыгъум зы мэлэІич горэ уашъом къехи, кІуачІэ ригъэгъотыжьынэу къыфэлъэгъуагъ. 44 Хьисэ гумэкІыгъэшхом хэтэу, нахь лъэшэу Тхьэм елъэІугъ. ИпкІэнтІэпсхэри лъы ткІопсхэм афэдэу чІыгум теткІощтыгъэх.

45Тхьэм зелъэІум ыуж Хьисэ къызэтэджыжьым, игъогу рыкІохэрэм адэжь зэкІом, гумэкІыгъэшхо зэряІэм пае, хэчъыягъэхэу къыгъотыжьыгъэх.

46Сыд пае шъучъыера?– ариІуагъ Хьисэ ахэмэ. –Шъукъэтэджи, псэкІодшІэным шъудимыхьыхынэу Тхьэм шъуелъэІу.

 

Хьисэ зэраубытыгъэр

(Маттэ 26:47-56; Марк 14:43-50; Иуан 18:3-12)

 

47Хьисэ гущыІэзэ, игъогу рыкІорэ нэбгырэ пшІыкІутІум ащыщэу Иудэ зыцІэр апэ итэу цІыф купышхо къэкІуагъ. Иудэ Хьисэ ебэунэу къыбгъодэхьагъ.

48Иудэ, ЦІыф Лъэпкъым ы Къо укъызэребэурэмкІэ тетыгъо зиІэхэм аІэкІэогъахьа?– риІуагъ Хьисэ.

49Хьисэ игъусэхэм къэхъущтым гу зылъатэм, къаIуагъ:

–Зиусхьан, сэшхохэмкІэ тахэона?

50Хьисэ игъусэхэм ащыщэу зыр дин пэщэшхом иунэІутым еуи, иджабгъу тхьакІумэ гуиупкІыгъ.

51 –Икъун! Ыуж икІ!– къыІуагъ Хьисэ. ЕтІанэ унэІутым ытхьакІумэ теІаби ыгъэхъужьыгъ.

52 Ащ нэужым Хьисэ ежьыр зыубытынэу къэкІогъэ дин пэщэшхохэми, Тхьэм иунэшхо иухъумакІохэм япащэхэми, нахьыжъхэми ариІуагъ:

 

ХъункІакІо горэ шъуубытыщтым фэдэу, сэшхохэмрэ умэхэмрэ шъуІыгъхэу шъукъэкІуагъа? 53Мафэ къэси Тхьэм иунэшхо сышъухэтыгъ, арышъхьакІэ сышъуубытыгъэп. Ау джы игъо шъуфифагъ, мы сыхьатми шІункІыгъэ бзаджэм тетыгъор ие хъугъэ.

 

Петрэ Хьисэ ымышІэу къызэриІуагъэр

(Маттэ 26:57-58, 69-75; Марк 14:53-54, 66-72; Иуан 18:15-18, 25-27)

 

54Арэущтэу ахэмэ Хьисэ аубыти, Іуащи, дин пэщэшхом иунэ ращагъ. Петрэ чыжьэкІэ ауж итэу алъыкІуагъ. 55 Щагу гузэгум машІор рашІыхьи къызетІысэкІыхэм, Петри ахэтІысхьагъ. 563ы унэІут пшъашъэ горэм Петрэ машІом пэсэу ылъэгъуи, къызеплъыпэм, къыІуагъ:

–Мыри Хьисэ игъусагъ.

57–Хьау,– къыІуагъ Петрэ, – ар сшІэрэп, пшъашъ.

58 Зы тІэкІу тешІагъэу нэмыкІ горэми Петрэ къылъэгъуи къыІуагъ:

–Ори ахэмэ уащыщ.

–Хьау, лІы, сэ ахэмэ сащыщэп, – къыІожьыгъ Петрэ.

59 Зы сыхьат фэдиз тешІагъэу, етІани зыгорэм теубытагъэу къыІуагъ:

Щэч хэмылъэу мы лІыри ащ игъусагъ, сыда пІомэ ар Галилей щыщ.

60Хьау, лІы, а зыфапІорэр сшІэрэп,– къыІожьыгъ Петрэ. КъэгущыІэзэ, ардэдэм атакъэр къэІуагъ. 613иусхьаным зыкъызэригъэзэкІи, Петрэ еплъыгъ. Джащыгъум Зиусхьаным къыриІогъэгъэ гущыІэхэр Петрэ ыгу къэкІыжьыгъэх:

–Непэ атакъэр Іоным ыпэкІэ, сэ сыкъэмышІэу гъогогъуищэ къэпІощт.

62 Ар ыгу къызэкІыжьым, Петрэ щагум дэкІи, лъэшэу гъыгъэ.

 

УхъумакІохэр Хьисэ зэрэкІэнэкІагъэхэр

(Маттэ 26:67-68; Марк 14:65)

 

63 Хьисэ зыухъумэщтыгъэхэр ежьым кІэнакІэщтыгъэх ыкІи еощтыгъэх.

64Хьисэ ынэхэр щапхэхи еупчІыгъэх:

–Упегъымбармэ, хэтми къыоуагъэм ыцІэ къаІо!– 65 Къехъонхэзэ, нэмыкІ Іаджи къыраІуагъ.

 

Хьисэ Тхьэмэтэ Хэсэшхом ыпашъхьэ зэрэращагъэр

(Маттэ 26:59-66; Марк 14:55-64; Иуан 18:19-24)

 

66Нэф къызэшъым, цІыфмэ анахьыжъхэри, дин пэщэшхохэри, Тэурат егъэджэкІо пащэхэри къызэІукІэхи, Тхьэмэтэ Хэсэшхом* ыпашъхьэ Хьисэ ращагъ.

67Мэссихьыр орымэ, къытаIу,– къыраІуагъ.

Сэ къышъуасІомэ, шъушІошъ хъущтэп,– ариІожьыгъ Хьисэ. 68Сэри сышъоупчІымэ, пэгъокІ къысэшъутыщтэп ыкІи сышъутІупщыжьыщтэп. 69Ау джы щегъэжьагъэу ЦІыф Лъэпкъым ы Къо лъэкІыныгъэшхо зиІэ Тхьэм иджабгъукІэ госыщт.

70– Ащыгъум о Тхьэм ури Къоу ара?– къаІуагъ ахэмэ зэкІэмэ.

–Ары, шъо зэрэшъуІорэм фэдэу арэу сыщыт,–* ариІожьыгъ Хьисэ.

71 –Сыда нэмыкІ шыхьат зэрэтищыкІэгъэжьыр?– къаІуагъ ахэмэ. –Ежь ижэдэкІэу зэхэтхыгъэба?

 

 

23

ЯТЮКІЫРЭ ЩЫНЭРЭШЪХЬ

 

Хьисэ Іэшъхьэтетэу Пилат ыпашъхьэ зэрэращагъэр

(Маттэ 27:1-2, 11-14; Марк 15:1-5; Иуан 18:28-38)

 

ЕтІанэ хасэм хэт пстэури къэтэджыжьхи, Хьисэ Іэшъхьэтетэу Пилат* ыдэжь ащагъ. 2 Хьисэ агъэмысэу къ ублагъ, мырэущтэу аІоу:

 

 

22:66 Тхьэмэтэ Хэсэшхор – дин Іофхэм яхьылІагъэу хьыкум зышІэу, анахь тетыгъо зиІэ хасэу джуртхэм яІагъэр ары. Тхьаматэ нэбгырэ 70-рэ Тхьэмэтэ Хэсэшхом щыщыгъэх. А хэсэшхом итхьаматэу дин пэщэшхор арыгъэ. Тхьэмэтэ Хэсэшхом загъорэ «СинедрионкІэ» еджэх.

22:70 –Ары, шъо зэрэшъуІорэм фэдэу арэу сыщыт,– е –Шъо шъушъхьэкІэ къэшъоІо, сэ арэу сызэрэщытыр.

23:1 Пилат – еплъ 3:1.

 

Мы лІым тэ тлъэпкъ къыгъэбырсырэу, Кайсарым хьакъулахь ахъщэр раримыгъэтэу, ежьыр Мэссихь* пачъыхьэу зыфиІожьэу тыубытыгъэ.

3 О джуртхэм уряпачъыхьа?– ыІуи, Пилат Хьисэ къеупчІыгъ.

Ары, къызэрэпІорэм фэдэу, –* риІожьыгъ Хьисэ.

4Джащыгъум Пилат дин пэщэшхохэмрэ цІыф купышхохэмрэ ариІуагъ:

Мы лІыр зи зэрызгъэмысэн езгъотылІэрэп.

5Галилей хэкум къыщегъэжьагъэу мыщ дэжьым нэсыфэ, Иудей хэкум зэкІэ тыдэ укІоми, мы лІым цІыфхэм Іофхэу аригъашІэхэрэмкІэ къегъэбырсырых,– аІуи, ахэр ыуж имыкІыжьхэу къаІуагъ.

 

Хьисэ пщэу Ирод ыпашъхьэ зэрэращагъэр

 

6Пилат Галилей гущыІэр зызэхехым, къэупчІагъ:

–Мы лІыр Галилей щыща?

7Хэкоу Ирод* зипщым Хьисэ зэрэщыщыр Пилат къызешІэм, Ирод ыдэжь Хьисэ аригъэщагъ, сыда пІомэ а мафэхэм атефэу Ирод Ерусалим къэкІуагъэу щытти ары.

8Ирод Хьисэ зелъэгъум, лъэшэу гушІуагъэ, сыда пІомэ Хьисэ игугъу зэхихыгъэти, бэ шІагъэу зэригъэлъэгъумэ шІоигъуагъэти ары. Хьисэ зы нэшэнэ гъэшІэгъонышхо горэ къыригъэлъэгъунэу гугъэщтыгъэ. 9Ар Хьисэ бэкІэ еупчІыгъ, ау Хьисэ зи риІуагъэп. 10Дин пэщэшхохэу ыкІи Тэурат егъэджэкІо пащэхэу ащ дэжьым щытхэм Хьисэ лъэшэу агъэмысэщтыгъ. 11Иродрэ идзэлІхэмрэ агъэпыутэу Хьисэ дэзекІуагъэх ыкІи кІэнакІэщтыгъэх. ЕтІани Ирод идзэлІхэм Хьисэ шъошэ фыжькІэ пачъыхьэм фэдэу аригъэфапи, Пилат ыдэжь аригъэщэжьыгъ. 12А мафэм Иродрэ Пилатрэ ныбджэгъу зэфэхъугъэх. Ащ ыпэкІэ зэпыищтыгъэх.

 

23:2 Мэссихь – еплъ 2:26.

23:3 –Ары, къызэрэпІорэм фэдэу,– е –О пшъхьэкІэ къэоІо.

23:7 Ирод – еплъ 3:1.

 

Хьисэ укІ зэрэтыралъхьагъэр

(Маттэ 27:15-26; Марк 15:6-15; Иуан 18:39-19:16)

 

13 Іэшъхьэтетэу Пилат дин пэщэшхохэри, адрэ тхьаматэхэу Тхьэмэтэ Хэсэшхом щыщхэри, цІыфхэри къызэІуигъакІэхи, 14ариІуагъ:

Мы лІым цІыфхэр къыгъэбырсырхэу шъуІуи къысфэшъущагъ. Джы шъо шъуапашъхьэ ащ сыщеупчІыгъ, ау зэрыжъугъэмысэрэмкІэ лажьэ иІэу езгъотылІагъэп. 15 Пщы Ироди мысэу ылъытагъэп, сыда пІомэ къытфаригъэщэжьыгъ. ЗэрэшъулъэгъурэмкІэ, укІ зифэшъошэ Іоф мы лІым зи ышІагъэп. 16Арышъ, къамыщкІэ езгъэонхэшъ, стІу пщыжьыщт.

17Пасхъэ мэфэкІ мэфэшхом пае хьапсчІэсхэм ащыщэу зы нэбгырэ Пилат цІыфхэм шъхьафитэу къафитІупщыжьын фаеу щытыгъ. 18ЦІыфхэр зэкІэ къэзэрэгъэкуухэу аублагъ:

Мыр Іущ, Вараввэ шъхьафитэу къытфэтІупщыжь.

19 А Вараввэу зыцІэм къэлэдэсхэр къызэригъэбырсырыгъэхэм паий, цІыф горэ зэриукІыгъэм паий хьапсым чІадзагъэу щытыгъ.

20Пщэу Пилат Хьисэ шъхьафитэу ытІупщыжьмэ шІоигъуагъэти, цІыфхэм джыри зэ зафигъази адэгущыІагъ.

21 Ау ахэр куо зэпытыгъэх:

Къащым теІулІ! Къащым теІулІ!

22–Сыда мы лІым бзэджагъэу ышІагъэр? УкІ зифэшъошэ Іоф зи ышІагъэу езгъотылІагъэп. Арышъ, къамыщкІэ езгъэонхэшъ, стІупщыжьыщт,– ящэнэрэу ариІуагъ пщы Пилат ахэмэ.

23Къащым теІулІ!– аІозэ, мэкъэшхокІэ цІыфхэм зэпамыгъэоу аІощтыгъ. Якуо макъэкІэ зыфаери къадэхъугъ. 24 Арэущтэу цІыфхэр зыфэягъэр Пилат къафишІэнэу тыриубытагъ. 25 ЦІыфхэр къызэригъэбырсырыгъэхэмрэ цІыф горэ зэриукІыгъэмрэ апае, хьапсым чІадзэгъэгъэ Вараввэу цІыфхэр зыкІэлъэІугъэр шъхьафитэу къафитІупщыжьыгъ. Ау Хьисэ зыфаер рашІэн фитхэу ахэмэ аІэкІилъхьагъ.

 

Хьисэ къащым зэрэтыраІулІагъэр

(Маттэ 27:32-44; Марк 15:21-32; Иуан 19:17-27)

 

26Хьисэ къащым тыраІулІэнэу преторием зыращым, Симон ыцІэу, Кириние къалэм* щыщэу зы лІы горэ губгъом къикІыжьызэ ІукІагъэх. Ар къаубыти, къащыр ытамэхэм атыралъхьи, Хьисэ ыуж итэу кІозэ, къащыр ыхьынэу рагъэзыгъ. 27ЦІыф купышхо Хьисэ лъыкІощтыгъ. Зыбгъэгухэм яожьхэу, Хьисэ зыгъэерэ бзылъфыгъэхэри ахэтыгъэх. 28Хьисэ ахэмэ зафигъази ариІуагъ:

Ерусалим ибзылъфыгъэхэр, сэщ пае шъумыгъ, шъо шъушъхьэ паий, шъуибынхэм апаий шъугъ нахь; 29сыда пІомэ «Бзылъфыгъэхэу бын къызхэмыкІыгъэхэри, джы ри мылъфагъэхэри, быдз езымыгъэшъуагъэхэри сыхьатмафэ ежьагъэх», зыщаІощт мафэхэр къэсыщтых. 30Ащыгъум къушъхьэхэм, «Шъукъыттеф!»* Іуашъхьэхэми, «Тыкъэшъуухъум!» араІоу хъущт. 31 Сыда пІомэ чъыгыр тІэмыгъэ зыхъукІэ, цІыфхэм мыщ фэдэ Іофхэр зашІэхэкІэ, чъыгыр гъужьыгъэ зыхъукІэ, ащ нахьи нахь бзэджагъэхэр ашІэщтба?

32 БзэджэшІитІу Хьисэ игъусэхэу къащхэм атыраІулІэнэу дащыгъэх. 33«Шъхьэпкъ» зыфаІорэ чІыпІэм зынэсхэм, ащ дэжьым Хьисэ къащым щытыраІулІагъ. БзэджэшІитІур, зыр иджабгъукІэ адрэр исэмэгубгъукІэ, Хьисэ игъусэхэу къащхэм атыраІулІагъэх.

34–Сэ c Ят, къафэгъэгъу!– къыІуагъ Хьисэ. –Мы цІыфхэм ашІэрэр къагурыІорэп.

ДзэлІхэми пхъэдз ашІызэ, Хьисэ ищыгъынхэр зэфагощыгъэх. 35 Щыфхэу ащ дэжьым щытхэр хъурэм еплъыщтыгъэх. Тхьэмэтэ Хэсэшхом щыщ тхьаматэхэри Хьисэ кІэнакІэхэу къаІуагъ:

–НэмыкІ цІыфхэр мыкІодхэу къыгъэнэжьыгъэх. Тхьэм къыхихыгъэ Мэссихь ежьыр арымэ, мыкІодэу зыкъерэгъэнэжь.

36ДзэлІхэри Хьисэ кІэнакІэхэу къыбгъодахьэхи, сэнэпс шІоІугъэ къыфащэизэ, 37къыраІуагъ:

 

23:26 Кириние къалэр – Ливие хэгъэгоу Африкэм итемыр лъэныкъом итым икъэлэшхоу щытыгъ.

23:30 къушъхьэхэм, «Шъукъыттеф!» – еплъ Пегъымбар Осие тхылъэу ытхыгъэм 10:8.

 

–О джуртхэм уряпачъыхьэмэ, умыкІодэу зыкъэгъэнэжь.

38 Зы пхъэмбгъу горэм алыджыбзэкІп*, латинабзэкІи, джуртыбзэкІи тетхагъэу, Хьисэ ышъхьагъкІэ къащым тыраІулІагъэу щытыгъ: «Джуртхэм я Пачъыхьэр мыры».

39 БзэджашІэхэу ащ дэжьым тыраІулІагъэхэм ащыщэу зыр Хьисэ къехъони къыІуагъ:

–Орыба Мэссихьыр? Ори тэри тымыкІодэу тыкъэгъэнэжь!

40 Ау адрэр ащ егыеу къыІуагъ:

- Тхьэм ущыщынэрэба? Хьыкумэу мы лІым тырашІыхьагъэр ори къыптрашІыхьагъэба? 41 ЗэфагъэкІэ тэ тагъэпщыныжьы, сыда пІомэ бзэджагъэу тшІагъэхэм яфэшъуашэ тагъэгъотыжьы. Ау мы лІым мыхъун зи ышІагъэп.

42ЕтІанэ къыІуагъ: –Хьисэ, уи Тетыгъошхо къызыскІэ, угу сыкъэгъэкІыжь.

43–Шъыпкъэр осэІо, непэ джэнэтым ущысигъусэщт,–ыІуи, Хьисэ ащ риІожьыгъ.

 

Хьисэ зэрэлІагъэр

(Маттэ 27:45-56; Марк 15:33-41; Иуан 19:28-30)

 

44Щэджагъо хъугъагъэ, а хэгъэгуми тыдэкІи шІункІ къыщыхъугъ, сыхьатыр щым нэс, 45сыда пІомэ тыгъэр ушІункІыгъэти ары. Тхьэм иунэшхо ипэІухъо тІоу къызэготхъыгъ.

46–С Ят, спсэ о къыпІэкІэсэлъхьэ,–* мэкъэшхокІэ къыІуагъ Хьисэ. А гущыІэхэр къызеІохэ ужым, ыпсэ ытыгъ.

47ДзэлІхэм япащэ хъугъэр зелъэгъум, Тхьэм щытхъу фишІи къыІуагъ:

–Шъыпкъэ дэдэу мы лІыр шъыпкъагъэ зиІэ лІэу щытыгъ.

48 А зэкІэри зырагъэлъэгъунэу къызэрэугъоигъэ цІыф купышхо пстэуми хъугъэр залъэгъум ыуж, абгъэгухэм яожьхэзэ, яунэхэм кІожьыгъэх. 49Хьисэ иныбджэгъу пстэури, бзылъфыгъэхэу ежьым игъусэхэу Галилей къикІыгъа-

 

23:38 алыджыбзэр – грекыбзэр ары.

23:46 спсэ къыпІэкІэсэлъхьэ – еплъ Сэбур (Псалтыр) 31:6 (урыс библиемкІэ 30:6).

 

гъэхэри ахэмэ ахэтхэу, чыжьэкІэ уцугъэхэу мы хъугъэ-шІагъэхэм яплъыщтыгъэх.

 

Хьисэ ихьадэ къэунэм зэрэчІалъхьажьыгъэр

(Маттэ 27:57-61; Марк 15:42-47; Иуан 19:38-42)

 

50Юсыф зыцІэу лІы горэ Тхьэмэтэ Хэсэшхом* итхьаматэхэм ащыщыгъ. Ар шъыпкъагъэ зиІэ лІы дэгъоу щытыгъ. 51 Тхьэмэтэ Хэсэшхом итхьаматэхэм ашІэнэу аухэсыгъагъэр адиштэгъагъэп. А Юсыф Иудей хэкум щыщ Аримафей зыцІэ къуаджэм щыщыгъ. Тхьэм и Тетыгъошхо къэсыным паплъэу щытыгъ. 52Ар пщэу Пилат ыдэжь кІуи, Хьисэ ихьадэ кІэлъэІугъ. 53ЕтІанэ хьадэр къащым къыпихыжьи, чэфын рищэкІи, Іошъхьэ цакІэу акъутагъэм къыхашІыкІыгъэ къэунэу ыпэкІэ цІыф зи зычІамылъхьажьыгъэм чІилъхьажьыгъ. 54А мафэр бэрэскэшхо мафэу щытыгъ, шэмбэт мафэри къэблэгъагъ.*

55 Бзылъфыгъэхэу Хьисэ игъусэхэу Галилей къикІыгъагъэхэр Юсыф игъусэхэу кІохи, къэунэри Юсыф хьадэр къэунэм зэрэчІилъхьажьырэри алъэгъугъ. 56ЕтІанэ унэм къызагъэзэжьым, мэІэшІу зыпихырэ щыфэн дагъэхэмрэ осэшхо зиІэ дагъэхэмрэ агъэхьазырыгъэх. Хабзэм тетэу етІанэ шэмбэт мафэм загъэпсэфыгъ.

 

 

24

ЯТЮКІЫРЭ ПЛІЫНЭРЭШЪХЬ

 

Хьисэ лІагъэхэм къызэрахэтэджыкІыжьыгъэр

(Маттэ 28:1-10; Марк 16:1-8; Иуан 20:1-10)

 

Тхьамафэм иапэрэ мафэм нэф къызэшъым, бзылъфыгъэхэм осэшхо зиІэхэу, мэІэшІу зыпихырэ щыфэн дагъэхэу агъэхьазырыгъэхэр зыдахьэхи, къэунэм кІуагъэх, нэмыкІ зыгорэхэри ягъусэхэу. 23ынэсхэм, мыжъошхор къэунэм ичІэхьапІэ ІугъэукІорэикІыгъэу къагъотыгъ.

 

23:50 Тхьэмэтэ Хэсэшхор – еплъ 22:66.

23:54 къэблэгъагъ – тыгъэр къызыкъуахьэкІэ, мафэр ыублагъ.

 

3Ау къэунэм зычІахьэхэм, Зиусхьанэу Хьисэ ихьадэ чІагъотыжьыгъэп. 4Ар зыфахьын амышІэу щытхэзэ, зэплъэхэм, щыгъын фыжьыбзэкІэ фэпагъэхэу лІитІу амышІахэу апашъхьэ къиуцуагъэх. 5 Бзылъфыгъэхэр къэщтагъэхэу ашъхъэхэр чІыгум зырагъэзыххэм, а лІитІумэ къараІуагъ:

–ЛІагъэхэм адэжь псаум сыд пае шъущылъыхъура? 6Ар мыщ дэжьым щыІэжьэп, лІагъэхэм къахэтэджыкІыжьыгъ. Ар Галилей хэкум щыІэзэ, мырэущтэу къызэрэшъуиІогъагъэр шъугу къэжъугъэкІыжь: 7«ЦІыф Лъэпкъым ы Къо* псэкІод зышІэрэ цІыфхэм аІэкІэхьэн фаеу щыт, къащыми раІулІынышъ, ящэнэрэ мафэм лІагъэхэм къахэтэджыкІыжьын фаеу щыт».

8Ар къызаІом, Хьисэ игущыІэхэр агу къэкІыжьыгъэх.

9 Бзылъфыгъэхэр къэунэм къычІэкІыжьхи, Хьисэ игъогу рыкІорэ нэбгырэ пшІыкІузымрэ адрэ ягъусэгъэ пстэумрэ а зэкІэри араІотэжьыгъ. 10 Апостолхэм* ар языІотагъэхэр мы бзылъфыгъэхэр арыгъэх: Магдалэ къуаджэм щыщ Мерэми, Иуанни, Якъубэ янэ Мерэми, адрэ бзылъфыгъэхэу ахэмэ ягъусагъэхэри. 11 Ау бзылъфыгъэхэм къаІуагъэхэм зи къарымыкІэу апостолхэм къащыхъугъ, ашІошъи хъугъэп. 12Ау Петрэ тэджи, къэунэм чъагъэ. Зыриуфэхи, къэунэм зычІэплъэм, чэфынхэм анэмыкІ зи ылъэгъугъэп. Хъугъэр ыгъэшІагъоу иунэ ыгъэзэжьыгъ.

 

Еммаус къуаджэм кІорэ гъогур

(Марк 16:12-13)

 

13 А мэфэ дэдэм Хьисэ игъогу рыкІохэрэм ащыщхэу нэбгыритІу километрэ пшІыкІузкІэ Ерусалим пэчыжьэу щыт Еммаус зыцІэ къуаджэм кІощтыгъэх. 14КІохэзэ, хъугъэ-шІагъэ пстэуми рыгущыІэщтыгъэх. 15 ЗэдэгущыІэхэу зэупчІыжьхэу кІохэзэ, ежь Хьисэ абгъодахьи, ягъусэу кІуагъэ. 16Ау ахэмэ анэхэм къащипхъуи, зэрэ Хьисэ ашІэжьыгъэп.

 

24:7 ЦІыф Лъэпкъым ы Къо – еплъ 5:24.

24:10 апостолхэр – еплъ 6:13.

 

17–Гъогум шъутетэу сыда шъузэрыгущыІэхэрэр, сыд паий шъунэшхъэйра?– ариІуагъ Хьисэ.

18 –Мы мафэхэм Ерусалим къыщыхъугъэ Іофхэр ащ дэсхэм ащыщэу зымышІэрэ закъор орыщтын,– ыІуи, ахэмэ ащыщэу Клеопэ зыцІэм Хьисэ къыриІожьыгъ.

19–Сыд Іофха?– яупчІыгъ Хьисэ. – азарет щыщ Хьисэ къехъулІагъэр ары,– къыраІуагъ ахэмэ. –Ар Тхьэмрэ цІыф пстэумрэ адэжькІэ игущыІэхэмкІи Іофхэу ышІагъэхэмкІи лъэкІыныгъэшхо зиІэ пегъымбарэу щытыгъ. 20Дин пэщэшхохэмрэ Тхьэмэтэ Хэсэшхом итхьаматэхэмрэ Пилат укІ тырырагъэлъхьаным пае, Пилат ар ІэкІагъахьи, къащым тырырагъэІулІагъ. 21 Израил лъэпкъым шъхьафитныгъэ къезытыщтыр ежьыр арэу тэ тыщыгугъыщтыгъ. 22Ащ нэмыкІэу, а зэпстэури зыхъугъэр непэ мэфищ мэхъу, тибзылъфыгъэхэм ащыщхэу зыгорэхэми къэбар гъэшІэгъон къытфаІотагъ. Ахэр пчэдыжьым жьэу къэунэм кІуагъэх, 23 ау Хьисэ ихьадэ къагъотыжьыгъэп. Къызагъэзэжьым, мэлэІичитІу къафэлъагъуи, Хьисэ псаоу ахэмэ къараІуагъэу къаІотэжьыгъ. 24Тэ тщыщ зыгорэхэр етІанэ къэунэм кІохи, бзылъфыгъэхэм зэраІуагъэм тетэу пстэури къагъотыгъ, ау Хьисэ ышъхьэкІэ алъэгъугъэп.

25 –Сыдэу къыжъугурыІогъуае, пегъымбархэм аІогъэ пстэури шъушІошъ хъунэу сыдэу къин къышъуфэхъурэ!–ариІуагъ Хьисэ ахэмэ. 26–Мэссихь ищытхъушхо иІэ хъуным нэсыфэ, мы къиныгъэхэр ыщэчынхэ фэягъэба?

27ЕтІанэ Хьисэ пегъымбар Мусэмрэ адрэ пегъымбар пстэумрэ къащегъэжьагъэу Тхьэм игущыІэ тхыгъэ пстэуми ежьым ехьылІагъэу арытхэр зэхаригъэшІыкІыгъэх.

28 Къуаджэу зыдэкІощтыгъэхэм игъунэгъу зэхъухэм, Хьисэ къэмыуцоу блэкІырэм фэдагъ. 29Ау ахэмэ ар амыгъакІоу къагъэуцуи къыраІуагъ:

–Мафэр хэкІотагъ, пчыхьашъхьи мэхъу пэт. Арышъ, тигъусэу къанэ.

Ар къызаІом, Хьисэ адишти, адэжь къэнагъ.

30ЕтІанэ Хьисэ ахэмэ ягъусэу шхэнэу Іанэм  эм зыпэтІысхьэм, хьалыгъур къыштагъ, Тхьэм щытхъу фишІи, зэгуичи аритыгъ. 31 Джащыгъум анэхэр къэплъэжьхи, зэрэХьисэр къашІэжьыгъ. КъызашІэжьым, Хьисэ кІодыжьи, анэхэмкІэ алъэгъужьыгъэп.

32–Гъогум тызытетым, Хьисэ къыддэгущыэу Тхьэм игущыІэ тхыгъэхэм арытхэр къыдгуригъаІо зэхъум, игущыІэхэмкІэ тызэригъэгушІуагъэм пае, тыгухэр машІом фэдэу къызэкІигъанэщтыгъэба?– зэраІожьыгъ ахэмэ.

33Ардэдэм ахэр къэтэджыжьхи, Ерусалим агъэзэжьыгъ. Апостол пшІыкІузымрэ адрэ ягъусэхэмрэ зэрэугъоигъэхэу къагъотыгъэх.

34–Зиусхьаныр шъыпкъэ дэдэу лІагъэхэм къахэтэджыкІыжьыгъ, Симони зыкъыригъэлъэгъугъ,– аІуагъ апостолхэм. 35Ежьхэми гъогум къыщахъулІагъэри, Хьисэ хьалыгъур зызэгуечым, къызэрашІэжьыгъэри къаІотэжьыгъ.

 

Хьисэ игъогу рыкІохэрэм зыкъызэраригъэлъэгъугъэр

(Маттэ 28:16-20; Марк 16:14-18; Иуан 20:19-23; Апостол. 1:6-8)

 

36Ахэмэ мы Іофхэр къаIyaтэзэ, ежь Хьисэ азыфагу къиуцуи къариІуагъ:

– Гупсэфыныгъэ шъуиІэу шъопсэу.

37Ахэр къызэрэщтагъэхэм пае, агучІэ изыгъэу, хьадэ джадэ алъэгъоу къашІошІыгъ.

38–Сыд пае шъугумэкІыра?– къариІуагъ Хьисэ. –Сыд пае шъугу щэч къихьэра? 39 Сэ сІэхэмрэ слъакъохэмрэ шъукъяплъ. Сэр дэдэр ары. ШъукъыстеІаби, шъуеплъ, сыда пІомэ хьадэ джадэм шъори, лыри, къупшъхьэри иІэхэп, сэ сиІэу зэрэшъулъэгъурэм фэдэу.

40 Мы гущыІэхэр къызеІохэм, ыІэхэмрэ ылъакъохэмрэ аригъэлъэгъугъэх. 41ГушІуагъом къыхэкІэу ашІошъ мыхъоу агъэшІагъо зэхъум, къариІуагъ:

–Мыщ дэжьым шхын горэ шъуиІа?

42Пцэжъые гъэжъэгъэ ныкъо ратыгъ. 43Ар къаІихи, апашъхьэ щишхыгъ.

44–Сызышъухэтым къышъуасІощтыгъэр мыры: пегъымбар Мусэ и Тэурат хабзи, адрэ пегъымбархэм ятхылъхэми, Сэбурыми сэ къысэхьылІагъэу арыт пстэури къысэхъулІэхэзэ, къэшъыпкъэжьынхэ фаех, – къариІуагъ Хьисэ ахэмэ.

45ЕтІанэ Тхьэм игущыІэ тхыгъэхэм арытхэр зэхаригъэшІыкІыхэзэ, 46къариІуагъ:

–Тхьэм игущыІэ тхыгъэхэм арыт: Мэссихь къин ыщэчын фаеу щыт, етІани лІэнышъ, ящэнэрэ мафэм лІагъэхэм къахэтэджыкІыжьын фаеу щыт. 47Ерусалим щегъэжьагъэу дунаим тет лъэпкъ пстэури къыхиубытэу, сэ къысфэлажьэрэ цІыфхэм сэ Мэссихь сцІэкІэ мы къэбарыр агъэІущт: ШъуипсэкІодхэм шъуафыкІэгъожьи, Тхьэм ахэр къышъуфигъэгъущтых. 48Шъо а Іоф пстэуми шъуряшыхьат. 49ШъукъэдаІу, сэ Сятэ шъукъызэригъэгугъагъэр* къышъуфезгъэхыщт. Ау уашъом къикІэу кІуачІэ къышъуфехыфэ, къалэу Ерусалим шъукъыдан.

 

Хьисэ уашъом зэрэдэкІоежьыгъэр

(Марк 16:19-20; Апостол. 1:9-11)

 

50ЕтІанэ Хьисэ ахэр Ерусалим дищыхи, Вифание къуаджэм игъунэгъоу ыщэхи, ыІэхэр къыІэтхи, Тхьэм ынэшІу къащифэнэу афелъэІугъ. 51Тхьэм афелъэІузэ ахэкІи, Тхьэм ар уашъом дищэяжьыгъ. 52Арэущтэу зэхъум, ежьым щытхъу фашІэу, лъэгонджэмышъхьэкІэ тІысыгъэх. ЕтІанэ гушІогъошхом хэтхэу Ерусалим агъэзэжьыгъ. 53Тхьэм щытхъу фашІэу, Тхьэм иунэшхо щыІэ зэпытыщтыгъэх. Амин.

 

24:49 Сэ Сятэ шъукъызэригъэгугъагъэр – Тхьэм ы Псэ ЛъапІэ ары. Еплъ Апостол. 1:4-5.

 

04 John / ИУАН

John / ИУАН

01

 


КЪЭБАРЫШІУР

ИУАН

КЪЫЗЭРИЮТАГЪЭР

АПЭРЭШЪХЬ

ГущыІэр цІыфэу зэрэхъугъэр

УблапІэм ыдэжь ГущыІэр* щыІагъ. Ар Тхьэм ыдэжь щыІагъ, а ГущыІэри Тхьэу арыгъэ. 2УблапІэм щегъэжьа­гъэу а ГущыІэр Тхьэм ыдэжь щыІагъ.

3Тхьэм а ГущыІэм зэкІэри къыригъэгъэхъугъ. Тхьэм къыгъэхъугъэ пстэумэ ащыщэу а ГущыІэм къыримы­гъэгъэхъугъэ зи щыІэп. 4МыкІодыжьын щыІэныгъэ а ГущыІэм хэлъыгъ, а щыІэныгъэри цІыфхэм нэфынэ афэхъугъ. 5Нэфынэр шІункІыгъэм щэнэфы, шІункІыгъэ­ри нэфынэм текІуагъэп.

6Тхьэм къыгъэкІуагъэу, зы лІы горэ дунаем къыте­хьагъ. Ащ ыцІагъэр Иуан. 7ЦІыф пстэуми а нэфынэмкІэ

1:1 ГущыІэр – Тхьэм илъэкІыныгъэшхоу щыІэ пстэури къэзыгъэхъоу, цІыфхэр мыкІодхэу къэзыгъэнэжьырэри Тхьэм изэхэшІыкІыныгъэ­шхори а ГущыІэм хэлъых. А ГущыІэр цІыфэу хъугъэ, ар Хри­стосыр ары.


шІошъхъуныгъэ яІэ хъуным пае, Иуан нэфынэм шыхьат фэхъунэу шыхьатэу къэкІуагъ. 8Ежьыр арэп нэфынагъэр, ау нэфынэм шыхьат фэхъунэу Тхьэм ар къыгъэкІуагъ. 9Нэфынэ шъыпкъэу цІыф пстэури къэзыгъэнэфырэр ду­наем къытехьанэу щытыгъ.

10А ГущыІэр дунаем къытехьагъ. Тхьэм а ГущыІэм ду­наер зэкІэ къыригъэгъэхъугъ, ау щытми дунаем ицІыф­хэм ар къашІэжьыгъэп. 11Ежь ихэгъэгу къэкІуагъ, ау ицІыфхэм* ежьыр аштагъэп. 12Ау ежьыр зэкІэ зыштэгъэ цІыфхэу ежьымкІэ шІошъхъуныгъэ зиІэхэр Тхьэм ибын хъунхэу фитыныгъэ аритыгъ. 13Ахэр Тхьэм ибын зэрэ­хъугъэ шІыкІэр быныр къызэрыхъурэ шІыкІэм фэдэп. Ащ къикІырэр ахэр Тхьэм ибын зэрэхъугъэхэр зы хъулъ­фыгъэ зы бзылъфыгъэм зэрехъуапсэрэм фэдэп, е зы лІы горэ бын зэрэфаем фэдэп, ау Тхьэм бын фэхъу­ныр къызхэкІыгъэр Тхьэр ары.

14 А ГущыІэр цІыфэу хъугъэ ыкІи къытхэтыгъ. Ежьым ищытхъушхуи тлъэгъугъэ. А щытхъушхор Ты лъапІэм Ыкъо закъо ищытхъушху ары. НэшІу щыфэныгъэрэ шъы­пкъагъэрэ ежьым ыгу илъыгъэх.

15 Иуан ежьым шыхьат фэхъугъ. МэкъэшхокІэ мырэу­щтэу ыІуагъ:

–Мары зыфэсІуагъэр, «Сэ саужкІэ къэкІощтыр сэщ нахьи нахь ин, сыда пІомэ сэ сыкъэхъуным ыпэкІэ, ар щыІагъ».

16Ежьым ишІугъэшхо щыщэу зы нэшІу щыфэныгъэр адрэ нэшІу щыфэныгъэм къыкІэлъыкІоу къыднигъэ­сыгъ. 17Сыда пІомэ Тэурат хабзэр Тхьэм иунашъокІэ къытфэзыгъэнагъэр пегъымбар Мусэ ары, ау нэшІу щы­фэныгъэмрэ шъыпкъагъэмрэ къызпкъырыкІыгъэр Исус Христос ары. 18Тхьэр егъашІэми нэкІэ зыми ылъэ­гъугъэп. Къо закъоу Ты лъапІэм ыдэжь щыІэм Тхьэр зыфэдэр къытфигъэнэфагъ.


1:11ихэгъэгу . . . ицІыфхэр – Израил хэгъэгури Израил цІыфхэри ары.


УмэхъэкІо Иуан ишыхьатныгъ

(Маттэ 3:1-12; Марк 1:2-8; Лука 3:15-17)

19Иуан Исус шыхьат зэрэфэхъугъэр мыры; Ерусалим щыщ джуртхэм дин пащэхэри левитхэри* Иуан еупчІын­хэу ыдэжь агъэкІуагъэх.

–Ухэта, о?– аІуи къызеупчІыхэм, 20Иуан шъыпкъэр ымыушъэфэу, нафэу къыІуагъ:

–Сэрэп Христосыр*.

21–Адэ, ухэта о?– къеупчІыжьыгъэх ахэр. – Пегъымбар Иляс* ора?

–Хьау,– ыІуагъ Иуан.

–Пегъымбарыр* ора?– къеупчІыжьыгъэх.

–Хьау,– ыІуагъ.

22–Ухэта о, адэ?– къыраІуагъ. –ТыкъэзыгъэкІуагъэмэ пэгъокІ яттыжьынэу къытаІу. Сыда о зэпІолІэжьырэр?

23      –Пегъымбар Исайас* мырэущтэу зыфиІогъэ макъэр сэры: «Зиусхьаным игъогу занкІэу шъушІы, ыІозэ, шъоф нэкІым зы джэ макъэ горэ къыщэІу»,– къыІуагъ Иуан.

24      А лІыкІохэр фарисейхэмэ* ащыщыгъэх. Ахэр Иуан къеупчІыгъэх:

25–Христос орымырмэ, Иляс орымырмэ, пегъым-

1:19 Левитхэр – Левый зыцІэ дин пэщэ унэгъо лъэпкъым щыщхэу Тхьэм иунэшхо щылажьэщтыгъэхэр ары.

1:20 Христос – Мессихьыр ары. Пачъыхьэ Даутэ ылъэпкъ къытехъукІы­гъэу, пегъымбархэм къызэраІуагъэм тетэу, Израил цІыфхэм шъхьа­фитныгъэмрэ мамыр тетыгъомрэ аригъэгъотынхэу Тхьэм ахэр къызэ­ригъэгугъэгъэ пщы лъапІэр ары.

1:21 пегъымбар Иляс – ар чІылъэм къыгъэзэжьынышъ, Христос игъогу фигъэпсынэу джуртхэр паплъэхэу щытыгъэх. Еплъ Пегъымбар Малахие тхылъэу ытхыгъэм 4:5-6.

1:21 пегъымбарыр – Христосыр дунаем къызэрэкІощтымкІэ цІыфхэм макъэ аригъэІунэу къэлъэгъон фэягъэ пегъымбарыр ары.

1:23 пегъымбар Исайас – еплъ Пегъымбар Исайас тхылъэу ытхыгъэм 40:3.

1:24 фарисейхэр – джуртхэм ащыщхэу диным рыкІорэ цІыф купэу щытыгъэх. Ахэр Тэурат хабзэм итхэмрэ ятэжъхэм къакІэныжьыгъэ хабзэхэмрэ агу етыгъэу апылъхэу щытыгъэх.


барыри орымырмэ, сыд пае ащыгъум цІыфхэр уумэхъы­хэра*?

26–Сэ псымкІэ цІыфхэр сэумэхъых,– ариІуагъ Иуан. –Ау шъумышІэрэ горэ къышъухэт. 27Ежьыр ары сауж­кІэ къэкІощтыр. Ежьыр сэщ нахьи нахь ин. Ащ ицо­къэлъэпсхэр фэстІэтэнхэуи сифэшъуашэп.

28Ар зэкІэ зыщыхъугъэр Вифание къуаджэр ары, Иор­дан псыхъом иадрабгъоу Иуан цІыфхэр зыщиумэхъы­щтыгъэхэр.

Тхьэм икъурмэныпхъэ шъынэр

29ЯтІонэрэ мафэм Иуан Исус къакІоу зелъэгъум, къы­Іуагъ:

–Мары Тхьэм икъурмэныпхъэ шъынэу дунаем ицІыфхэм япсэкІодхэр атезыхыжьырэр. 30Мары зыфэсІуагъэр: «ЛІэу саужкІэ къэкІощтыр сэщ нахьи нахь ин, сыда пІомэ сэ сы­къэхъуным ыпэкІэ ар щыІагъ». 31 Ар сэ сшІэщтыгъэп, ау сэ цІыфхэр псымкІэ сыумэхъынхэу сыкъызкІэкІуагъэр ар хэтми зыщыщыр Израил цІыфмэ язгъэшІэныр ары.

32ЕтІанэ Иуан Исус шыхьат фэхъузэ къыІуагъ:

–Тхьэм Ыпсэ ЛъапІэр тхьаркъом фэдэу уашъом къехи, Исус къыфехи, къызэрэшъхьащытыр слъэгъугъ. 33Ежьыр сэ сшІэщтыгъэп, ау цІыфхэр псымкІэ сыумэ­хъынхэу сыкъэзыгъэкІуагъэм къысиІуагъ: «Тхьэм Ыпсэ ЛъапІэ къызфехэу, къызшъхьащыт цІыфыр ары Тхьэм Ыпсэ ЛъапІэкІэ цІыфхэр зыумэхъыщтыр». 34Арэущтэу зэрэхъугъэр сэ слъэгъугъэ, ежьыр Тхьэм зэри-Къори къэсэушыхьаты.

1:25 умэхъыныр – «ШъуипсэкІодхэм шъуафыкІэгъожьи, зысэжъугъэ­умэхъ, Тхьэм ахэр къышъуфигъэгъунхэм пае», ыІоти умэхъэкІо Иуан (Яхья) цІыфхэр псым чІигъаощтыгъэх (ыумэхъыщтыгъэх). Еплъ Марк 1:4. Исус уашъом зыдэкІоежьыгъэм къыщегъэжьагъэу, цІыф­хэм диным ехьылІагъэу тетыгъо зиІэ цІыф горэм зырагъэумэхъы – а цІыфым ахэр псым чІегъаох е псы тІэкІу ашъхьэхэм атыреутхэ. Арэущтэу ИсускІэ шІошъхъуныгъэ яІэ зэрэхъугъэр къагъэлъагъо. Ащ нэмыкІэуи Исус лІи, лІагъэхэм къызэрахэтэджыкІыжьыгъэм пае, япсэ­кІодхэр къафэгъугъэхэу, мыкІодыжьын щыІэныгъэ яІэ зэрэхъугъэми шыхьат фэхъух.


Апэрэ лІыхэу Исус игъогу техьагъэхэр

35ЯтІонэрэ мафэм Иуан игъогу рыкІорэ нэбгыритІу игъусэхэу а чІыпІэм щыІагъ. 36Ащ дэжьым Иуан Исус зелъэгъум, къыІуагъ:

–Мары Тхьэм икъурмэныпхъэ шъынэр.

37Иуан игъогу рыкІорэ нэбгыритІум ащ ар къыІоу зызэхахым, Исус ыуж ихьагъэх. 38Исус зыкъызэригъэзэ­кІи, ахэр ежьым ыуж къихьагъэхэу зелъэгъум, ариІуагъ:

–Сыда шъузыфаер?

–Равви, тыдэ ущыпсэура?– къыраІожьыгъ ахэмэ. (Рав­вим къикІырэр «Дин ГъэсакІор» ары.)

39–ШъукъакІуи, шъулъэгъущт,– ариІуагъ Исус.

Арэущтэу ахэр къакІохи, Исус зыщыпсэурэр алъэ­гъугъ, а мафэми Исус ыдэжь къэнагъэх. Сыхьатыр плІым дэжьыгъ.*

40Иуан Исус ехьылІагъэу ыІуагъэхэр зэхэзыхыгъэхэу, Исус ыуж ихьэгъэ нэбгыритІумэ язырэр Симон Петрэ ышы Индрыс арыгъэ.

41 Индрыс ыпэ рапшІэу ыш Симон къыгъоти риІуагъ:

–Мессихьыр къэдгъотыгъ. (Мессихьым къикІырэр «Христос» ары.)

42ЕтІанэ Индрыс Исус ыдэжь Симон къыщагъ. Исус Симон зелъэгъум, къыриІуагъ:

–О у Симонэу Иуанэ урикъу. КифэкІэ къыоджэщтых (Кифэм къикІырэр «Мыжъор» ары).

Исус игъогу рыкІонхэу Филиппрэ Нафанаилрэ зэряджагъэр

43ЯтІонэрэ мафэм Исус Джалил хэкум кІонэу тыри­убытагъ. ЕтІанэ Исус Филипп ІукІи риІуагъ:

–Сауж къырыкІу.

44А Филипп Индрысрэ Петрэрэ зыщыщ Вифсайдэ къалэм* щыщыгъ. 45Филипп кІуи, Нафанаил къыгъоти риІуагъ:

1:39 сыхьатыр плІым дэжьыгъ – гущыІэ-гущыІэу зэбдзэкІымэ, «япшІэнэрэ сыхьатыр» мэхъу. Ащ къикІырэр щэджагъоужыр сыхьатыр плІыр ары.

1:44 Вифсайдэ къалэр – Галилей псыхъураем итемыр тыгъэ къыкъо­кІыпІэ Іушъо Іутыгъ.


–Тэурат хабзэм итэу, пегъымбар Муси, адрэ пегъым­бархэми зигугъу къашІыгъэр къэдгъотыгъ. Ар Юсыф ыкъоу Назарет къалэм* щыщ Исус ары.

46–Назарет шІугъэ зыхэлъ горэ къыдэкІына?– къы­риІожьыгъ Нафанаил.

–КъакІуи еплъ,– риІожьыгъ Филипп.

47Исус Нафанаил къакІоу зелъэгъум, ащ ехьылІагъэу ыІуагъ:

–Мыр Израил лІы шъыпкъэу тхьагъэпцІыгъэ зи зы­хэмылъыр ары.

48–Тыдэ сыщыпшІэра?– ыІуи, Нафанаил Исус къыри­Іуагъ.

–Филипп къыоджэным ыпэкІэ, ынджыр чъыгым ычІэгъ учІэтэу услъэгъугъ,– риІожьыгъ Исус.

49–Равви, о Тхьэм ури Къу, Израил урипачъыхь, – къыриІожьыгъ Нафанаил.

50–Ынджыр чъыгым ычІэгъ учІэтэу услъэгъугъ, къы­зэрэосІуагъэм пае, пшІошъ хъугъэ,– риІуагъ Исус. –Ащ нахьи нахь гъэшІэгъонхэр плъэгъущтых.

51 ЕтІанэ Исус Нафанаил риІуагъ:

–Шъыпкъэ дэдэр шъосэІо, уашъор зэІухыгъэу, ЦІыф Лъэпкъым Ыкъо* ышъхьагъкІэ мэлэІичхэр* дэкІуаехэуи къехыхэуи шъулъэгъущт.

1:45 Назарет къалэр – Галилей псыхъураем икъыблэ цыпэм километрэ 26-кІэ пэчыжьэу, итыгъэ къохьэпІэ лъэныкъокІэ щыт.

1:51 ЦІыф Лъэпкъым Ыкъо – «ЦІыф Лъэпкъым Ыкъо фэдэу уашъом иошъуапщэхэм ахэтэу зыгорэ къехыгъ», пегъымбар Данил къыІогъэ­гъэ гущыІэхэр Исус ежь ышъхьэ пае ыІожьыгъэх. ЦІыф Лъэпкъым Ыкъоу зиунэ уашъом щыІэу, уашъом къехыгъэр Исус ары (Иуан 3:13). Гъощагъэхэм алъыхъузэ, мыкІодхэу къыгъэнэжьынхэм пае, ЦІыф Лъэпкъым Ыкъо къэкІуагъ (Лука 19:10). ЦІыфыбэмэ апае шъхьэщэфыжьэу ыпсэ ытыным пае, ЦІыф Лъэпкъым Ыкъо къэкІуагъ (Марк 10:45). ЛІагъэхэм къахэтэджыкІыжьын фэягъ (Маттэ 17:9). Ежь Ятэ ищытхъушхо иІэу, дунаем ицІыфхэм хьыкум атыришІыхьа­ным пае, ЦІыф Лъэпкъым Ыкъо дунаем къэкІожьыщт (Маттэ 25:31).

1:51 мэлэІичхэр дэкІуаехэуи къехыхэуи – еплъ Пегъымбар Мусэ апэрэ тхылъэу ытхыгъэм 28:12.


 

02

ЯТЮНЭРЭШЪХЬ

Канэ къуаджэм нысащэу щыІагъэр

Ящэнэрэ мафэм Галилей хэкум* щыщэу Канэ къуаджэм* нысащэ щыІагъ. Исус янэ а нысащэм щыІагъ. 2Исуси игъогу рыкІохэрэри а нысащэм рагъэблэгъагъэхэу щы­тыгъэх.

3Сэнэпсыр заухым, янэ Исус риІуагъ:

–Сэнэпс яІэжьэп.

4–0 бзылъфыгъ, сыда сэ сиІофэу ащ хэлъыр? Сэ сигъо къэсыгъэгоп,– къыриІожьыгъ Исус янэ.

5–Исус сыд къышъуиІоми, жъугъэцакІэ, – ариІуагъ Исус янэ унэІутхэм.

6А чІыпІэм мыжъом хэшІыкІыгъэ къошыних Іутыгъэх, джуртхэм ядин хабзэ тетэу загъэкъэбзэжьыным пае. Къошын пэпчъ литрэ тІокІиплІ-шъэрэ тІокІырэ фэдиз ифэщтыгъ.

7–Къошынхэм псы арызэу арыжъугъахъу, – ариІуагъ Исус унэІутхэм. Арэущтэу ахэмэ къошынхэм арызыбзэу рагъэхъуагъ. 8Исус етІанэ ариІуагъ:

–Къошынхэм тІэкІу-тІэкІу къахэшъухи, хьатыякІом фэшъухь.

Арэущтэуи ашІыгъ. 9ХьатыякІор псэу сэнэпс хъугъэм еІубыгъ. Сэнэпсыр къыздикІыгъэр ышІагъэп, ау унэ­Іутхэу а псыр къошынхэм къахэзыхыгъэхэм ашІэщтыгъ. Арэущтэу хьатыякІор шъаом къеджи, 10риІуагъ:

–Ыпэ рапшІэу сэнэпс дэгъур Іанэм къытырагъэуцо. ХьакІэхэр бэу зешъохэ ужым, сэнэпс нахь пыутыр Іанэм къытырагъэуцожьы, ау о сэнэпс дэгъур джы нэс щыбгъэ­тыгъ.

11Исус инэшэнэ гъэшІэгъонышхохэм ащыщхэм апэрэр мыр арыгъэ. А нэшэнэ гъэшІэгъонышхор Галилей хэкум щыщэу Канэ къуаджэм щигъэлъэгъуагъ. Арэущтэу ищы-

2:1 Галилей хэкур – Израил хэгъэгум итемыр лъэныкъом ит. Архелай ышэу Ирод Антипэ зыцІэр а хэкум ипщэу щытыгъ.

2:1 Канэ къуаджэр – Назарет къалэм километрихкІэ пэчыжьэу, ите­мыр лъэныкъокІэ щыт.


тхъушхо къыгъэнэфагъ, игъогу рыкІохэрэм ежьымкІэ шІошъхъуныгъэу яІэри нахь пытэ хъугъэ.

12 Ащ нэуж яни, ышхэри, игъогу рыкІохэрэри игъусэ­хэу Исус Капернаум къалэм* къехыгъ. Ащ дэжьым мэфэ заулэрэ щыІагъэх.

Исус щэн-щэфакІохэр Тхьэм иунэшхо къызэрэчІифыгъэхэр

(Маттэ 21:12-13; Марк 11:15-17; Лука 19:45-46)

13Джуртхэм ямэфэкІ мэфэшхоу Пасхъэ зыцІэр* къэ­блэгъагъ, Исуси Ерусалим дэкІоягъ. 14Тхьэм иунэшхо чІэхьагъ. ЗычІахьэм, цухэр, мэлхэр, тхьаркъохэр зы­щэхэрэри* Іанэхэм апэсхэу ахъщэр зыхъожьхэрэри* ащ дэжьым чІилъэгъуагъэх. 15Джащыгъум къамыщ кІа­псэм къыхишІыкІи, яозэ, Тхьэм иунэшхо чІэт пстэу­ри, цухэри мэлхэри ягъусэхэу, къычІифыгъэх. Ахъщэ зыхъожьхэрэми яІанэхэр зэпыригъэзагъэх, яахъщэхэри ритэкъухьагъэх.

16–Мыхэр Іушъухых, Сятэ иунэ бэдзэр шъумышІы, – ариІуагъ Исус тхьаркъохэр зыщэхэрэм.

17Арэущтэу зэхъум, «О уиунэ сызэрэфэгумэкІырэм си­гъэлІэщт», зыфиІорэ гущыІэхэу Тхьэм игущыІэ тхыгъэ­хэм зэрарытхэр* Исус игъогу рыкІохэрэмэ агу къэкІы­жьыгъ.

2:12 Капернаум къалэр – Галилей псыхъураем итемыр тыгъэ къохьэпІэ Іушъом Іут.

2:13 МэфэкІ мэфэшхоу Пасхъэ зыцІэр – Пасхъэ зыцІэ мэфэкІ мэфэ­шхомрэ Хьалыгъу Мыгъэтэдж зыщашхырэ мэфэкІ мэфэшхохэмрэ зэдагъэлъапІэхэзэ, Тхьэм Мысырым (Египет) къызэрэригъэкІы­жьыгъагъэхэр джуртхэм агъэлъапІэ. Пасхъэ мэфэкІ мэфэшхор Нисан зыцІэ мазэм и 14-м тефэ (яплІэнэрэ мазэм иапэрэ мафэ пэгъунэгъу). Хьалыгъу Мыгъэтэдж зыщашхырэ мэфэкІ мэфэшхохэр Нисани 15-22 мафэхэм къакІоцІ агъэлъапІэх. А мафэхэм тэджэпс тхьацум халъхьэрэп.

2:14 цухэр, мэлхэр, тхьаркъохэр зыщэхэрэр – ахэмэ къурмэныпхъэ былымхэр Тхьэм иунэшхо ищагу щащэщтыгъэх.

2:14 ахъщэ зыхъожьхэрэр – Тхьэм иунэшхо пае хьакъулахь ахъщэр зытырэхэми къурмэныпхъэ былымхэр къэзыщэфыхэрэми апае ахэмэ хымэ ахъщэхэр ахъожьыщтыгъэх.

2:17 Тхьэм игущыІэ тхыгъэхэм зэрарытхэр – еплъ Сэбур (Псалтыр) 69:9 (урыс библиемкІэ 68:10).


18Джащыгъум джуртхэм Исус къыраІожьыгъ:

–Мыр пшІэнэу фитыныгъэ зэрэуиІэмкІэ сыд фэдэ нэ­шэнэ гъэшІэгъонышхо тэбгъэлъэгъуна?

19–Мы тхьэунэр зэхэшъукъути, сэ мэфищкІэ зэтезгъэ­уцожьыщт, – пэгъокІ аритыжьыгъ Исус ахэмэ.

20–Мы тхьэунэр илъэс тІокІитІурэ хырэкІэ зэтырагъэ­уцуагъ,– къаІуагъ джуртхэм. –О мэфищкІэ зэтебгъэ­уцожьышъущта?

21Ау Исус тхьэунэу зыфиІуагъэр ежьым ыпкъ арыгъэ. 22Исус лІагъэхэм къызахэтэджыкІыжьым ыуж, игъогу рыкІохэрэм а гущыІэхэу къыІогъагъэхэр агу къэкІыжь­хи, Тхьэм игущыІэ тхыгъэхэмкІи Исус гущыІэхэу къы­ІуагъэхэмкІи шІошъхъуныгъэ яІэ хъугъэ.

ЦІыф пстэуми агухэм арылъыр Исус ешІэ

23Пасхъэ мэфэкІ мэфэшхом Ерусалим Исус щыІэзэ, нэшэнэ гъэшІэгъонышхохэу къыгъэлъэгъуагъэхэр алъэ­гъугъэхэти, цІыфыбэмэ ежьымкІэ шІошъхъуныгъэ яІэ хъугъэ. 24Ау Исус цІыфхэм цыхьэ афишІыгъэп, сыда пІомэ ахэр зэкІэ ышІэщтыгъэхэти ары. 25Зыгорэ цІыф­хэм яхьылІагъэу шыхьат къыфэхъунэу Исус ищыкІагъэп, сыда пІомэ, цІыфхэм агухэм арылъыр ышІэщтыгъэти ары.

 

03

ЯЩЭНЭРЭШЪХЬ

ИкІэрыкІэу шъукъалъфыжьын фае

Никодим ыцІэу, фарисейхэм ащыщэу зы лІы горэ щы­Іагъ. Ар джурт тхьаматэхэм ащыщыгъ. 2Ар Исус ыдэжь чэщым къакІуи къыриІуагъ:

–Равви*, о Тхьэм ыдэжь къикІыгъэ дин гъэсакІоу узэ­рэщытыр тэшІэ; сыда пІомэ Тхьэр уигъусэу щымытмэ,

3:2 Равви – дин гъэсакІор ары.


нэшэнэ гъэшІэгъонышхохэу о къэбгъэлъагъохэрэр зы­ми къыгъэлъэгъон ылъэкІыщтэп.

3–Шъыпкъэ дэдэр осэІо, зы цІыф горэ икІэрыкІэу къа­мылъфыжьмэ, Тхьэм и Тетыгъошхо* ылъэгъун ылъэкІы­щтэп,– риІожьыгъ Исус.

4–ЦІыфыр жъы хъумэ, сыдэущтэу къалъфыжьынэу хъущта?– къыриІожьыгъ Никодим. –Ежь янэ ыныбэ ихьажьынышъ, икІэрыкІэу къалъфыжьыщта?

5–Шъыпкъэ дэдэр осэІо,– пэгъокІ ытыжьыгъ Исус, –псымрэ Тхьэм Ыпсэ ЛъапІэрэ къахэкІэу цІыфыр икІэрыкІэу къамылъфыжьмэ, Тхьэм и Тетыгъошхо ыІэ­чІэгъ чІэхьан ылъэкІыщтэп. 6ЦІыфым къыфэхъурэр цІыфы, ау цІыфэу Тхьэм Ыпсэ ЛъапІэ къыхэкІырэр Тхьэм Ыпсэ ЛъапІэ зыгу илъ цІыфыр ары. 7«ИкІэ­рыкІэу шъукъалъфыжьын фае», сІуи къызэрэосІуагъэр умыгъэшІагъо. 8Жьыбгъэр ежьыр зыфаемкІэ щепщэ. Ымакъэ зэхэохы, арышъхьакІэ къыздикІырэри зыда­кІорэри пшІэрэп. Джары хэтрэ цІыфэу Тхьэм Ыпсэ ЛъапІэ къыхэкІыгъэм иІоф зытетыр.

9–Ар сыдэущтэу хъура? – къеупчІыгъ Никодим Исус.

10–О Израил дин гъэсакІохэм уащыщ, ар умышІэу ара?– пэгъокІ ритыжьыгъ Исус. 11–Шъыпкъэ дэдэр осэІо, тэ тшІэрэр ары тызэрыгущыІэрэр, тлъэгъугъэри ары шы­хьат тызфэхъурэр, ау щытми, тэ тишыхьатныгъэ шъо жъудэрэп. 12Мы дунаем иІофхэм ягугъу къышъуфэс­шІыгъ, ау шъо шъушІошъ хъугъэп. Уашъом иІофхэм ягугъу къышъуфэсшІымэ, сыдэущтэу шъушІошъ хъуна? 13 ЦІыф зи уашъом дэкІоягъэп, ау ЦІыф Лъэпкъым Ыкъоу зиунэ уашъом щыІэр уашъом къехыгъ. 14Пегъым­бар Мусэ* шъоф нэкІым блэр зэрэщиІэтыгъагъэм фэдэу, ЦІыф Лъэпкъым Ыкъуи цІыфхэм къаІэтын фае,*

3:3 Тхьэм и Тетыгъошхо – Тхьэм мы дунаеми, мы дунаем ицІыфхэми тетыгъошхоуи лъэкІыныгъэшхоуи афыриІэр ары. Инджылыр Тхьэм и Тетыгъошхо зытегущыІэкІэ, зыфиІорэр загъорэ мы уахътэм Тхьэм тетыгъошхоу иІэр ары, загъори къэкІощт уахътэм тетыгъошхоу иІэ­щтыр ары, загъори Тхьэм ыдэжь мыкІодыжьын щыІэныгъэ щыІуи­Іэныр ары.

3:14 Пегъымбар Мусэ – еплъ Пегъымбар Мусэ яплІэнэрэ тхылъэу ытхыгъэм 21:4-9.

3:14 ЦІыф Лъэпкъым Ыкъуи цІыфхэм къаІэтын фае – а гущыІэ­хэмкІэ Исус къыригъэкІыгъэр ежьыр къащым зэрэраІулІыщтри Тхьэм ыдэжь зэрэдэкІоежьыщтри ары. ЦІыф Лъэпкъым Ыкъо Исус ары. Еплъ 1:51.


15ежьымкІэ шІошъхъуныгъэ зиІэ пстэуми мыкІодыжьын щыІэныгъэ яІэ хъуным пае.

16–Сыда пІомэ Тхьэм дунаем ицІыфхэр ащ фэдизэу шІу зэрилъэгъугъэхэм къыхэкІэу, ежь Ыкъо закъор ытыгъ, хэти Тхьэм ЫкъокІэ шІошъхъуныгъэ зиІэр мыкІо­дэу къэнэжьыным ыкІи мыкІодыжьын щыІэныгъэ иІэ хъуным пае.

17Тхьэм дунаем ицІыфхэр ыгъэмысэнхэр арэп ежь Ыкъо дунаем къызфигъэкІуагъэр, ау Ыкъо дунаем ицІыфхэр мы­кІодхэу къыригъэгъэнэжьынхэр ары нахь. 18Тхьэм ежь ЫкъокІэ хэти шІошъхъуныгъэ зиІэр ыгъэмысэщтэп, ау хэти шІошъхъуныгъэ зимыІэр Тхьэм ыгъэмысэгъах, Ыкъо закъомкІэ шІошъхъуныгъэ иІэ зэрэмыхъугъэм пае. 19Тхьэм цІыфхэр зыкІигъэмысэхэрэр мыры: Нэфынэр дунаем къытехьагъ, ау цІыфхэм нэфынэм нахьи шІун­кІыгъэр нахьышІу алъэгъугъ, сыда пІомэ Іофхэу ашІа­гъэхэр бзэджагъэхэшъ ары. 20Хэти бзэджагъэр зыгъэца­кІэрэм нэфынэр еуджэгъу, Іофхэу ышІагъэхэри нафэ къэмыхъунхэм пае, нэфынэм екІуалІэрэп. 21Ау хэтми шъы­пкъагъэр зыгъэцакІэрэр нэфынэм екІуалІэ, Іофхэу ышІа­гъэхэр Тхьэр ыгу зэрилъым пае, зэригъэцэкІагъэхэр на­фэ къэхъуным пае.

УмэхъэкІо Иуан Исус зэрэтегущыІагъэр

22Ащ нэужым Исусрэ игъогу рыкІохэрэмрэ Иудей хэкум* кІуагъэх. Ахэмэ ягъусэу Исус а чІыпІэм къани, цІыфхэр щиумэхъыщтыгъэх. 23Къуаджэу Салим зыцІэм пэгъунэгъу Енон зыцІэ чІыпІэу псы зыщыбагъэм Иуани цІыфхэр щиумэхъыщтыгъэх. Ахэр Иуан ыдэжь къакІо­хэти, зырагъэумэхъыщтыгъ. 24А лъэхъанэм Иуан хьа­псым чІадзагъэу* щытыгъэгоп. 25Иуан игъогу рыкІохэ­рэм ащыщхэмрэ зы джурт горэмрэ диным тетэу зызэрэ­бгъэкъэбзэжьыщт ІофымкІэ зэнэкъокъухэу фежьагъэх. 26Игъогу рыкІохэрэр Иуан ыдэжь къакІохи къыраІуагъ:

–Равви, еплъ Иордан псыхъом иадрабгъу о узигъусагъэ лІэу шыхьат узыфэхъугъэм цІыфхэр еумэхъых, цІыф­хэри зэкІэ ащ ыдэжь къэкІох.

3:22 Иудей хэкур – Израил хэгъэгум ихэкухэм ащыщыгъ. 3:24 хьапсым чІадзагъэу – еплъ Марк 6:17-18.


27–Тхьэм римыгъэлъэкІымэ, зыми зи ышІэн ылъэкІы­щтэп,– къыІожьыгъ Иуан. 28–«Христосыр сэрэп, ау Христос ыпэ Тхьэм сыкъигъэкІуагъ», сІуи зэрэсІуа­гъэмкІэ шъо шъусишыхьат. 29Нысэр зиер шъаор ары. Ау шъаом игъусэу ащ дэжьым щытэу, шъаом ымакъэ зэхэзыхырэр щэгушІукІы. А гушІуагъоу икъугъэр сэ сигушІуагъоуи хъугъэ. 30Ежьыр нахь ин хъун фае, сэри нахь цІыкІоу сыхъун фае.

Уашъом къехырэр

31ЫпшъэкІэ къехырэр зэкІэмэ апшъэ щыІ. Ау чІылъэм щыщыр чІылъэм ий, чІылъэм щыщхэр зэрэгущыІэхэрэм фэдэу мэгущыІэ. Уашъом къехырэр зэкІэмэ апшъэ щыІ. 32Ащ Іофхэу ылъэгъугъэхэмрэ зэхихыгъэхэмрэ къеушы­хьатыжьых, ау ащ ишыхьатныгъэ зыми ыдэрэп. 33Ау ащ ишыхьатныгъэ зыдагъэм Тхьэр зэрэшъыпкъэр ыдагъэу мэхъу. 34Сыда пІомэ Тхьэм къыгъэкІуагъэм Тхьэм игу­щыІэхэр ары къыІохэрэр. А цІыфым ыгу Тхьэм ежь Ыпсэ ЛъапІэ гъунэ имыІэу къырелъхьэ. 35Ты лъапІэм ежь Ыкъо шІу елъэгъу, зэпстэури ыІэ къырилъхьагъ. 36Тхьэм ЫкъокІэ шІошъхъуныгъэ зиІэм мыкІодыжьын щыІэныгъэ иІэ хъугъэ, ау Ыкъо емыдэІурэм мыкІоды­жьын щыІэныгъэ ылъэгъущтэп, Тхьэм игубж телъыщт нахь.

 

04

ЯПЛІЭНЭРЭШЪХЬ

Исус Самарие бзылъфыгъэм зэрэдэгущыІагъэр

Иуан игъогу рыкІохэрэм анахьи Исус игъогу рыкІохэрэр нахьыбэ хъухэу, Исус ахэр зэриумэхъыщтыгъэхэм икъэ­бар фарисейхэм зэранэсыгъэр Исус къышІагъ. 2(Ау ахэр зыумэхъыщтыгъэхэр Исус игъогу рыкІохэрэр арыгъэ, ежь Исус арыгъэп.) 3А къэбарыр Исус зызэхехым, Иудей хэкум икІи, Галилей хэкум кІожьыгъэ.


4Арэущтэу Самарие хэкум* кІоцІырыкІын фаеу хъугъэ. 5Исус кІозэ, Самарие хэкум щыщ къалэу Сихар зыцІэм нэсыгъ; а къалэр Якъубэ ыкъо Юсыф ритыгъэгъэ чІыгу Іахьэм* пэгъунэгъугъ. 6А чІыпІэм Якъубэ ипсынэ щы­тыгъ. Исус гъогууанэм ыгъэпшъыгъэти, псынэм ыдэжь тІысыгъэ. Сыхьатыр пшІыкІутІум дэжьыгъ.*

7Исус псынэм дэжь щысэу Самарие бзылъфыгъэ горэ псыхьэ къэкІуагъ.

–Псы тІэкІу сегъашъу,– ыІуи, Исус а бзылъфыгъэм риІуагъ. 8Джащыгъум Исус игъогу рыкІохэрэм гъомылэ къащэфынэу къалэм кІогъагъэх.

9–О джуртэу ущыт, сэ Самарие бзылъфыгъэу сыщыт,– къыриІуагъ Самарие бзылъфыгъэм Исус. –Сыдэущтэу псы уезгъэшъонэу укъысэлъэІушъура?– (Арэущтэу зы­кІиІуагъэр джуртхэмрэ Самарие цІыфхэмрэ зэхахьэу щытыгъэхэпти ары.)

10–Тхьэм итын зыфэдэри, «Псы тІэкІу сегъашъу», о къыозыІорэр хэт зыщыщыри пшІэщтыгъэмэ, о ащ уе­лъэІущтыгъ, ащи о щыІэныгъэ къыозытыщт псым ури­гъашъощтыгъ,– пэгъокІ ритыжьыгъ Исус.

11–Тхьаматэ,– къыриІожьыгъ бзылъфыгъэм, –псынэр куу, о псы къызэрипхыни уиІэп. Ащыгъум а псэу щыІэ­ныгъэ къысэзытыщтыр тыда къыздипхыщтыр? 12Тятэ­жъышхоу Якъубэ ары мы псынэр къытфэзыгъэнагъэр. Ежьыри ыкъохэри мы псым ешъощтыгъэх, ибылымхэри ригъашъощтыгъэх. Ащ нахьи унахь ина о?

13–Мы псым хэт ешъоми, псыфалІэ лІэжьыщт,– пэ­гъокІ ритыжьыгъ Исус. 14–Ау сэ псэу естырэм ешъорэр ныбжьи псыфалІэ лІэжьыщтэп. Сэ псэу естырэр цІыфым ыгу илъэу, псы къызэрычъ зэпытырэ псынэ фэхъужьыщт; а псыми мыкІодыжьын щыІэныгъэ иІэ ыгъэхъущт.

15–Тхьаматэ,– къыриІуагъ бзылъфыгъэм, –псыфалІи сымылІэжьынэу, псыхьи сыкъэмыкІожьынэу а псым щыщ къысэт.

4:4 Самарие хэкур – Иудей хэкумрэ Галилей хэкумрэ азыфагу дэлъ хэ­кур арыгъэ. Джуртхэмрэ Самарие цІыфхэмрэ яхабзэхэри ядинхэри зэ­рэзэфэшъхьафхэм пае, зэпыищтыгъэх.

4:5 чІыгу Іахьэр – еплъ Пегъымбар Мусэ апэрэ тхылъэу ытхыгъэм

48:22.

4:6 сыхьатыр пшІыкІутІум дэжьыгъ – гущыІэ-гущыІэу зэбдзэкІымэ, «яхэнэрэ сыхьатыр» мэхъу. Ащ къикІырэр щэджагъор ары.


16–КІуи, уилІ къеджи, къэкІожь,– риІуагъ Исус.

17 –Сэ лІы сиІэп,– къыриІожьыгъ бзылъфыгъэм.

–Тэрэз,– риІуагъ Исус бзылъфыгъэм. –ЛІы зэрэуимы­Іэр шъыпкъэу къэпІуагъ. 18ЛІитф уиІагъ, джы уиІэри о уилІэу щытэп. А къэпІуагъэр шъыпкъэ.

19–Тхьаматэ, узэрэпегъымбар горэр къэсшІагъ,– къыри­Іожьыгъ бзылъфыгъэм. 20–Тэ тятэжъхэр мы Іуашъхьэм Тхьэм щелъэІущтыгъэх, ау шъо джуртхэм шъоІо, Еру­салим арэу Тхьэм узыщелъэІун фаер.

21–О бзылъфыгъ,– риІуагъ Исус, –пшІошъ гъэхъу, мы Іуашъхьэми Ерусалими Ты лъапІэм шъузыщемылъэІун мафэ къэкІощт. 22Шъо Самарие цІыфхэм Тхьэу шъузэ­лъэІурэр шъушІэрэп, ау тэ Тхьэу тызэлъэІурэр тэшІэ, сыда пІомэ мы дунаем ицІыфхэр мыкІодхэу къэзыгъэ­нэжьырэр джуртхэм ащыщ.

23Исус етІанэ ыІуагъ:

–Ты лъапІэм шъыпкъэу елъэІухэрэр агу етыгъэу, шъыпкъагъэкІэ зыщелъэІурэ мафэр къэсыщт ыкІи къэ­сыгъ. Ащ фэдэу елъэІухэрэр ары Ты лъапІэм икІасэхэр. 24Тхьэр псэ, ащ елъэІухэрэри Тхьэм Ыпсэ ЛъапІэ илъэ­кІыныгъэкІи шъыпкъагъэкІи елъэІунхэ фае.

25–Мессихьэу ХристоскІэ заджэхэрэр къызэрэкІощтыр сэшІэ,– къыриІожьыгъ бзылъфыгъэм. –Ар къызыкІо­кІэ, Іоф пстэури къыдгуригъэІощт.

26–А зыфапІорэр сэры, джы къыбдэгущыІэрэр ары,– риІуагъ Исус.

27Джащыгъум Исус игъогу рыкІохэрэр къэкІожьыгъэх. Исус бзылъфыгъэ горэм дэгущыІэу залъэгъум агъэшІэ­гъуагъ, арышъхьакІэ «Сыда узыфаер», е «Сыда ащ узкІы­дэгущыІэрэр?» ыІоу, ахэмэ ащыщэу зыми къыІуагъэп.

28ЕтІанэ бзылъфыгъэм ипсы къошын къыгъани, къа­лэм кІожьи, цІыфхэм ариІуагъ:

29–ШъукъакІу, модэ лІы горэм сэ сшІэгъэ пстэури къысиІожьыгъ. Христосыр ары шъуІуа?

30Ахэр къалэм къыдэкІыхи, Исус ыдэжь къэкІуагъэх.

31 Ахэр джыри къэмысыхэзэ, игъогу рыкІохэрэр Исус къелъэІугъэх:

–Равви, шхэ.

32      Ау Исус ариІуагъ:

–Шъо шъумышІэрэ шхын сиІ.


33 Ащ къыхэкІэу игъогу рыкІохэрэм, –Зыгорэм шхын къыфихьыгъ шъуІуа?– аІуи, зыр адрэм еупчІыжьыгъ.

34      –Сэ сишхын сыкъэзыгъэкІуагъэр зыфаер згъэцэкІэн­ри, ащ иІоф сыухынри ары,– ариІуагъ Исус ахэмэ. 35–Джыри мэзиплІкІэ хыныгъор къэсыщт, арыба шъуІо­рэр? Ау сэ шъосэІо, шъунапІэхэр къэшъуІэтхи, губгъо хьасэхэм шъуяплъ! Лэжьыгъэхэр ягъо къэхъуи, яхы­ныгъо къэсыгъ. 36Джы лэжьыгъэр къэзыхыжьырэм ифэ­шъошэ Іахьэ егъотыжьы, джы мыкІодыжьын щыІэны­гъэм пае лэжьыгъэр къехыжьы. Арэущтэу чылапхъэр зы­пхъырэри лэжьыгъэр къэзыхыжьырэри зэдэгушІощтых. 37Арэущтэу, «Зым чылапхъэр епхъы, адрэм лэжьыгъэр къехыжьы», зыфаІорэ гущыІэр шъыпкъэ хъугъэ. 38Шъо шъуздэмыулэугъэ лэжьыгъэр къэшъухыжьынэу шъуз­гъэкІуагъ. А лэжьыгъэм нэмыкІхэр дэулэугъэх, шъо ахэмэ яІофи шъухэхьагъ.

39А къалэм дэсхэу Самарие цІыфыбэми ИсускІэ шІошъ­хъуныгъэ яІэ хъугъэ, а бзылъфыгъэр Исус шыхьат фэ­хъоу, «Сэ сшІэгъэ пстэури къысиІуагъ», зэриІуагъэм пае. 40Арэущтэу Самарие цІыфхэр Исус ыдэжь къызэкІохэм, адэжь тІэкІурэ щыІэнэу Исус къелъэІугъэх. КъызелъэІу­хэм, Исус ахэмэ адэжь мэфитІукІэ къэнагъ. 41Исус игу­щыІэхэр зызэхаххэм, ежьымкІэ шІошъхъуныгъэ зиІэ хъу­гъэхэр нахьи нахьыбэ хъугъэх.

42–Джы о къэпІуагъэхэм язакъоу арэп шІошъхъуныгъэ тиІэ зыгъэхъугъэхэр,– раІуагъ ахэмэ бзылъфыгъэм. –Ау тэ ттхьакІумэхэмкІэ ежьым къыІохэрэр зэхэтхыгъ, ду­наем ицІыфхэр мыкІодхэу къэзыгъэнэжьырэри шъы­пкъэмкІэ ежьыр арэу зэрэщытыр къэтшІагъ.

Исус пачъыхьэм фэлажьэрэ Іэшъхьэтетым ыкъо зэригъэхъужьыгъэр

(Маттэ 8:5-13; Лука 7:1-10)

43А мэфитІум ыуж Исус а чІыпІэм икІи, Галилей хэкум кІуагъэ; 44сыда пІомэ пегъымбарым янэ икъалэ дэсхэм лъытэныгъэ зэрэфамышІырэр ежь Исус къыушыхьаты­гъагъ. 45ЕтІанэ Галилей хэкум Исус къызэкІом, ащ ис цІыфхэм къырагъэблэгъагъ, сыда пІомэ мэфэкІ мэфэ­шхом ахэр Ерусалим щыІагъэхэти, а мафэхэм Исус ащ дэжьым щишІэгъэ пстэури алъэгъугъагъэх.


46 Джарэущтэу Галилей хэкум щыщэу Канэ зыцІэ къуа­джэм Исус джыри къэкІожьыгъ. А къуаджэр ары псыр сэнэпс зыщишІыгъагъэр. Пачъыхьэм фэлажьэрэ Іэшъ­хьэтет* горэ Капернаум къалэм дэсыгъ. Ащ ыкъо сыма­джэу щылъыгъ. 47Исус Иудеим къикІи, Галилей къы­зэрэкІуагъэр а Іэшъхьэтетым зызэхехым, Исус ыдэжь къэкІуагъ.

–КъыздакІуи, сэ скъо сымаджэу лІэныгъэм нэсыгъэр сфэгъэхъужь,– ыІуи къелъэІугъ.

48–Нэшэнэ гъэшІэгъонышхохэмрэ Іофышхо гъэшІэ­гъонхэмрэ шъумылъэгъухэмэ, шІошъхъуныгъэ шъуиІэ хъущтэп,– риІуагъ Исус.

49-Тхьаматэ, сэ скъо мылІэ рапшІэу къакІуи, ыдэжь ех,– ыІуи, пачъыхьэм фэлажьэрэ Іэшъхьэтетым Исус къыри­Іожьыгъ.

50–КІожь, пкъо псэущт,– риІуагъ Исус.

Исус риІогъэ гущыІэхэр а лІым ышІошъ хъуи кІожьы­гъэ. 51 Іэшъхьэтетыр гъогум тетэу зэкІожьым, иунэІутхэр къыпэгъокІыхи къыраІуагъ:

–Пкъо псау.

52–Сыхьатыр тхьапшым ыдэжь хъужьынэу къызиубла­гъэр?– ыІуи яупчІыгъ.

–Тыгъуасэ щэджэгъоужым сыхьатыр зым дэжь* плъы­рстырыр хэкІыжьыгъ,– къыраІожьыгъ ахэмэ.

53Ар къызаІом, кІалэм ятэ къышІагъ плъырстырыр ыкъо зыхэкІыжьыгъэр, «Пкъо псэущт», Исус къызщыри­Іогъэгъэ сыхьат дэдэр ары. Джащыгъум ежьыми зэрэуна­гъоуи шІошъхъуныгъэ яІэ хъугъэ.

54Исус Иудеим къикІи, Галилей къызэкІом, джары ятІонэрэ нэшэнэ гъэшІэгъонышхоу къыгъэлъэгъуагъэр.

4:46 Пачъыхьэм фэлажьэрэ Іэшъхьэтет – зыфэлажьэщтыгъэр Ирод Антипэу Галилей хэкумрэ Перей хэкумрэ япщ ары.

4:52 сыхьатыр зым дэжь – гущыІэ-гущыІэу зэбдзэкІымэ, «яблэнэрэ сыхьатыр» мэхъу. Ащ къикІырэр щэджэгъоужым сыхьатыр зыр ары.


 

05

ЯТФЭНЭРЭШЪХЬ

Псыхъурэе зыгъэпскІыпІэм дэжь Исус лІы горэ зэрэщигъэхъужьыгъэр

Ащ нэужым джурт мэфэкІ мэфэшхо щыІагъ, Исуси Ерусалим къэкІуагъ. 2Ерусалим Мэл Къэлапчъэ зыцІэм ыдэжь псыхъурэе зыгъэпскІыпІэ горэ, джуртыбзэкІэ Вифездэ ыцІэу, дэт. Шъхьэ зытелъ пкъэу къэлэпчъитф а зыгъэпскІыпІэм иІ. 3А чІыпІэм сымаджэ Іаджи чІэлъы­гъэх, нэшъуи, лъащи, зыІэпкъ-лъэпкъ узым зэкІиубы­тагъи. Ахэр псым зыкъигъэхъыеным ежэщтыгъэх; 4сыда пІомэ Зиусхьаным имэлэІич загъорэ а зыгъэпскІыпІэм хахьэти, псыр къыгъэхъыещтыгъ. Псыр къызыхъыекІэ, апэу ащ хэхьагъэр сыд уз иІэми хъужьыщтыгъ. 5Илъэс щэкІырэ ирэ сымаджэу щытыгъэ лІы горэ а сымаджэхэм ахэлъыгъ. 6Исус ар щылъэу зелъэгъум, бэшІагъэу сымэ­джагъэу ешІэти, еупчІыгъ:

–Ухъужьынэу уфая?

7–Тхьаматэ,– къыриІожьыгъ сымаджэм, –псыр зыхъые­кІэ, зыгъэпскІыпІэм сыхэзыгъэхьан гъусэ сиІэп. Сэ сыкІо къэс, сапэ нэмыкІ горэ псым хахьэ.

8 –Къэтэдж, уипІуаблэ къашти къэкІухь,– риІуагъ Исус.

9Исус ар къызэреІоу, а лІыр хъужьыгъэ. ИпІуаблэ къыштэжьи къыкІухьагъ.

Ар къызыхъугъэр шэмбэт мэфагъ*. 10Арыти, джуртмэ а лІэу хъужьыгъэм раІуагъ:

–Непэ шэмбэт маф, хабзэкІэ уипІуаблэ пштэжьыныр хъущтэп.

11–Сэ сызыгъэхъужьыгъэм «УипІуаблэ къашти къэ­кІухь», ыІуи къысиІуагъ,– къариІожьыгъ а лІым ахэмэ.

12–«УипІуаблэ къашти къэкІухь», къыозыІуагъэр хэт щыщ?– аІуи еупчІыгъэх.

13 Ау лІэу хъужьыгъэм зыгъэхъужьыгъэр зыщы­щыр ышІэщтыгъэп; сыда пІомэ а чІыпІэм цІыф купы­шхо щыІагъэти, Исус ІукІыжьыгъагъ.

5:9 шэмбэт мафэр – джуртхэм ямэфэ лъапІ ары. А мафэм хэти Іоф ышІэн фитэп.


14 Ащ нэужым Исус а лІым Тхьэм иунэшхо щыІукІи риІуагъ:

–Джы дэгъоу ухъужьыгъ. Нахь Іае къыомыхъулІэным пае, псэкІод умышІэжь.

15А лІыр ІукІыжьи, джуртмэ адэжь кІуи, зыгъэхъу­жьыгъэр зэрэ-Исусыр ариІотэжьыгъ. 16Шэмбэт мафэм ащ фэдэ Іофхэр зэришІэхэрэм пае, джуртхэм Исус къин къырагъэщэчэу аублагъ, аукІынэуи ыуж къихьагъэх.

17–Джы къызынэсыгъэм сэ Сятэ Іоф ешІэ, сэри Іоф сэ­шІэ,– ариІуагъ Исус ахэмэ.

18Ащ пае джуртхэм Исус аукІынэу нахьи нахь лъэшэу ыуж итыгъэх. ЬІуж зыкІитыгъэхэр шэмбэт мафэм яхабзэ­кІэ мыхъущтыр Исус зэришІагъэм имызакъоу, Тхьэм зыфигъадэу, Тхьэр ежь Ятэу зэриІуагъэри ары.

Къо лъапІэм тетыгъоу иІэр

19–Шъыпкъэ дэдэр шъосэІо,– ариІуагъ Исус ахэмэ, –ежь-ежьырэу Къо лъапІэм зи ыгъэцэкІэн ылъэкІыщтэп; Ты лъапІэм ыгъэцакІэу ылъэгъурэм нэмыкІ зи ыгъэцэ­кІэн ылъэкІыщтэп. Ты лъапІэм сыд ыгъэцакІэми, Ыкъуи ар егъэцакІэ. 20Сыда пІомэ Ты лъапІэм ежь Ыкъо шІу елъэгъу. Ежьым ыгъэцакІэрэ пстэури Ыкъо къырегъэ­лъэгъу, жъугъэшІэгъоным паий, мы Іофхэм анахьи нахь Іофышхохэр Ыкъо ригъэлъэгъущтых. 21Арэущтэу лІагъэ­хэр Ты лъапІэм къыгъэтэджыжьхэзэ къызэригъэпсэужьхэ­рэм фэдэу, Ыкъуи ежь зыфэе цІыфхэр къегъэпсэужьых. 22Ты лъапІэм зыми хьыкум тыришІыхьарэп, ау хьыкум шІын Іоф пстэури Ыкъо къыфигъэзагъ, 23цІыф пстэуми Ты лъапІэм лъытэныгъэ зэрэфашІырэм фэдэу, Ыкъуи лъытэныгъэ фашІыным пае. Ыкъо лъытэныгъэ фэзымы­шІырэм Ты лъапІэу ар къэзыгъэкІуагъэми лъытэныгъэ фимышІэу мэхъу.

24–Шъыпкъэ дэдэр шъосэІо, сэ сигущыІэхэм ядэІоу, сыкъэзыгъэкІуагъэмкІэ шІошъхъуныгъэ зиІэ хъурэм мы­кІодыжьын щыІэныгъэ иІэ хъугъэ. Тхьэм ар ыгъэмысэ­щтэп, ау ар лІэныгъэм ІэкІэкІыжьи, щыІэныгъэм ІэкІэ­хьагъ. 25Шъыпкъэ дэдэр шъосэІо, лІагъэмэ Тхьэм Ыкъо ымакъэ зэхахынышъ, ежьым едэІухэрэм щыІэныгъэ зы­щагъотыщт мафэр къэкІощт ыкІи къэкІогъах. 26Сыда


пІомэ Ты лъапІэм цІыфхэм щыІэныгъэ зэраритырэм фэ­дэу, ежь Ыкъуи цІыфхэм щыІэныгъэ аритынэу тетыгъо къыритыгъ. 27Сэ ЦІыф Лъэпкъым Ыкъоу* сызэрэщытым пае, цІыфхэм хьыкум атесшІыхьанэу Ты лъапІэм тетыгъо къыситыгъ.

28–Ар шъумыгъэшІагъо, сыда пІомэ къэхэмэ ачІэлъ пстэуми Тхьэм Ыкъо ымакъэ зэхахынышъ, къэхэм къы­зщычІэкІыжьыщт мафэр къэкІощт. 29ШІу зышІагъэхэр псэунхэу къэтэджыжьыщтых, е зышІагъэхэми ямысагъэ фэшъуашэу агъотыжьынэу къэтэджыжьыщтых. 30Сэр-сэ­рэу зи сшІэн слъэкІыщтэп, ау Тхьэм къыІоу зэрэзэхэсхы­рэм фэдэу, цІыфмэ хьыкум атесэшІыхьэ; хьыкумэу сэ атесшІыхьарэри зафэ, сыда пІомэ сэ сызыфаем ыуж си­мытэу, сэ сыкъэзыгъэкІуагъэр зыфаер згъэцэкІэным ыуж сит.

Шыхьатхэу Исус фэхъухэрэр

31–Сэр-сэрэу шыхьат сызфэхъужьмэ, сишыхьатныгъэ хъунэу щытэп, 32ау нэмыкІ горэ шыхьат къысфэхъунэу щыІ. Ащ сэ къысэхьылІагъэу къыушыхьатырэр зэрэ­шъыпкъэр сэшІэ.

33–Шъо лІыкІохэр Иуан фэжъугъэкІуагъэх, ежьыри шъыпкъагъэм шыхьат фэхъугъ. 343ы цІыф горэ шыхьат къысфэхъунэу сищыкІагъэп, ау шъо шъумыкІодэу Тхьэм шъукъигъэнэжьыным пае, ар къэсэІо. 35Иуан остыгъэу къэнэфырэм фэдагъ. Ащ инэфынэ тІэкІурэ шъурыгушІо­нэу шъуфэягъ.

36–Иуан шыхьатныгъэу къысфишІыгъэм нахьи нахь шыхьэтныгъэшхо сиІ. Сэ згъэцэкІэн фэе Іофхэу Ты лъа­пІэм спшъэ къырилъхьагъэхэр сэгъэцакІэх. А Іофхэр ары Ты лъапІэм сыкъызэригъэкІуагъэмкІэ шыхьат къы­сфэхъухэрэр. 37Ты лъапІэу сэ сыкъэзыгъэкІуагъэр ежь ышъхьэкІэ шыхьат къысфэхъугъ. Ащ ымакъэ егъашІэми зэхэшъухыгъэп, ынапи шъулъэгъугъэп. 38Ащ сыкъызэ­ригъэкІуагъэмкІэ шІошъхъуныгъэ зэрэшъуимыІэм пае, ащ игущыІэхэр шъугухэм арылъ зэпытхэп. 39Тхьэм игу­щыІэ тхыгъэхэм мыкІодыжьын щыІэныгъэ ахэжъугъо­тэн шъуІоу, лъэшэу шъуахэплъэ. Ахэр ары шыхьат

5:27 ЦІыф Лъэпкъым Ыкъо – еплъ 1:51.


къысфэхъухэрэр. 40Ау щытми, а щыІэныгъэр шъуиІэ хъуным пае, садэжь шъукъэкІонэу шъуфаеп.

41–ЦІыфхэр къысщытхъунхэу ыуж ситэп. 42Ау шъо шъусэшІэ: Тхьэм ишІулъэгъуныгъэ шъо шъугухэм ары­лъэп. 43Сэ Сятэ ыцІэкІэ сэ сыкъэкІуагъ, ау шъо сыжъу­дэрэп; ау нэмыкІ горэ ежь ыцІэкІэ къакІомэ, ар жъудэщт. 44Тхьэ закъом ыдэжь къикІырэ щытхъум ыуж шъуимы­тэу, зыр адрэм шъущытхъоу шъущытмэ, сыдэущтэу шІошъхъуныгъэ шъуиІэ хъуна?

45–Ты лъапІэм ыпашъхьэ шъущызгъэмысэнкІэ шъумы­гугъ. Шъо шъузыгъэмысэщтыр пегъымбар Мусэу шъузы­щыгугъырэр ары. 46МусэкІэ шІошъхъуныгъэ шъуиІагъэ­мэ, сэркІи шІошъхъуныгъэ шъуиІэщтыгъ, сыда пІомэ Мусэ зигугъу ышІыгъэр сэры. 47Ащ ытхыгъэхэр шъу­шІошъ зымыхъукІэ, сэ сІохэрэр сыдэущтэу шъушІошъы хъуных?

 

06

ЯХЭНЭРЭШЪХЬ

Исус нэбгырэ минитф зэригъэшхагъэр

(Маттэ 14:13-21; Марк 6:30-44; Лука 9:10-17)

Ащ нэуж Галилей зыцІэ псыхъураем* (Тивериадэ зыцІэ псыхъураер ары) Исус къуашъомкІэ* зэпырыкІыжьыгъ. 2Сымаджэхэр ыгъэхъужьхэзэ, нэшэнэ гъэшІэгъонышхо­хэу Исус къыгъэлъэгъуагъэхэр зэралъэгъугъэхэм пае, цІыф купышхо ыуж итэу кІощтыгъ. 3Исус Іуашъхьэм дэ­кІоягъ, ащ дэжьыми тетІысхьагъ, игъогу рыкІохэрэр игъусэхэу. 4Джуртмэ ямэфэкІ мэфэшхоу Пасхъэ зыцІэр* къэблэгъагъ.

5Исус ынапІэхэр къыІэтхи, цІыфыбэхэр ыдэжь къакІо­хэу зелъэгъум, игъогу рыкІохэрэм язэу Филипп зыцІэм риІуагъ:

6:1 Галилей зыцІэ псыхъураер – Галилей хэкум ит псыхъурай. ИкІы­хьагъэ километрэ 21-рэ мэхъу, инахь шъомбгъуапІэр километрэ 13 мэхъу.

6:1 къуашъо – арапыбзэкІэ «къарибыр», тыркубзэкІи «сандал» зыфаІорэр ары.

6:4 Джуртхэм ямэфэкІ мэфэшхоу Пасхъэ зыцІэр – еплъ 2:13.

 

–Мы цІыфхэм ядгъэшхынэу хьалыгъу тыдэ къыщыт­щэфыщта?

6Исус ар зыкІиІуагъэр Филипп ыгъэунэфынэу ары; сыда пІомэ ежьым ышІэн фаер ышІэщтыгъ.

7–Хэти тІэкІу ышхынэу динар* шъитІур хьалыгъу уасэ афырикъущтэп,– ыІуи, Филипп Исус пэгъокІ къы­ритыжьыгъ.

8Исус игъогу рыкІохэрэм ащыщэу Симон Петрэ ышэу Индрыс зыцІэм къыІуагъ:

9–Хьэ хьалыгъуитфырэ* пцэжъыитІурэ зыІыгъырэ кІэлэ цІыкІу горэ къытхэт, ау мыщ фэдиз цІыфмэ ар сыдэу­щтэу афырикъуна?

10–ЦІыфхэр ежъугъэтІысэхых,– къыІуагъ Исус. А чІы­пІэм уцыбэ щыІагъ. Арэущтэу лІыхэу зипчъагъэ минитф фэдиз хъущтыгъэхэр етІысэхыгъэх. 11ЕтІанэ Исус хьалы­гъухэр къыштэхи, Тхьэм щытхъу фишІи, игъогу рыкІо­хэрэм аритыгъ. Ахэми цІыфхэу щысхэм афагощыгъ, пцэ­жъыехэми ащыщэу хэти зыфаем фэдизэу аратыгъ.

12ЗызагъэшхэкІыжьым, Исус игъогу рыкІохэрэм ари­Іуагъ:

–Зи хэмыкІодыкІыным пае, къялыжьыгъэ хьалыгъу та­къырхэр шъуугъоижьых.

13Арэущтэу ахэр аугъоижьыгъэх, хьэ хьалыгъуитфым щыщэу шхагъэмэ къялыжьыгъэ такъырхэр мэтэ пшІы­кІутІу арызэу аугъоижьыгъ.

14Нэшэнэ гъэшІэгъонышхоу Исус къыгъэлъэгъуагъэр цІыфмэ залъэгъум, аІуагъ:

–Дунаем къэкІон фае пегъымбарыр* шъыпкъэу мырын фаеба?

15Ау цІыфхэр къэкІонхэшъ, ежьыр аубытынышъ, лІы­гъэкІэ пачъыхьэ ашІынэу агу зэрэхэлъыр Исус ешІэти, ІукІыжьи, изакъоу Іуашъхьэм дэкІоежьыгъ.

6:7 динар – а уахътэм ар лэжьакІом имэфапкІэщтыгъ. 6:9 хьэ хьалыгъу – ар «арпэм» хэшІыкІыгъ. 6:14 пегъымбарыр – еплъ 1:21.


Исус псы кІыІум тетэу зэрэкІуагъэр

(Матгэ 14:22-27; Марк 6:45-52)

16Пчыхьэр къызэсым, Исус игъогу рыкІохэрэр псыІу­шъом ехыгъэх. 17Ащ дэжьым къуашъом итІысхьэхи, псы­хъураем зэпырыкІхэу КапернаумкІэ ежьагъэх. Мэзахэ хъугъэхагъ, ау Исус ахэмэ адэжь джыри къэкІожьыгъа­гъэгоп. 18Псыхъураер ыгъэуалъэу жьыбгъэшхо къепщэ­щтыгъ. 19Стадие* тІокІырэ тфырэ-щэкІ фэдиз къуашъор зафым ыуж, псы кІыІум тетэу Исус къакІоу, къуашъом пэгъунэгъоу къэхъоу алъэгъугъ. Ар залъэгъум, къэщта­гъэх. 20Ау Исус къариІуагъ:

–Сэры ар, шъумыщын!

21Джащыгъум Исус къуашъом къырагъэтІысхьанэу фэягъэх, ардэдэми къуашъор зыдэкІощтыгъэ псыІушъом нэсыгъ.

Исусэу цІыфхэм щыІэныгъэ язытырэ хьалыгъур

22ЯтІонэрэ мафэм цІыф купышхоу псыхъураем иадра­бгъу щытхэм Исус игъогу рыкІохэрэр зэрытІысхьэгъэгъэ къуашъом нэмыкІ къуашъо горэ ащ дэжьым Іутэу зэрэ­щымытыгъагъэм гу лъатагъ. Исус а къуашъом игъогу рыкІохэрэм адимытІысхьэгъагъэу, язакъоу ахэр зэрэІу­кІыгъагъэхэми гу лъатагъ. 23ЕтІанэ Зиусхьан Исус Тхьэм щытхъу зыфешІым ыуж, цІыфмэ хьалыгъухэр зыщашхы­гъэгъэ чІыпІэм пэгъунэгъоу, Тивериадэ къалэм* къикІы­гъэхэу, нэмыкІрэ къуашъохэр къыІухьагъэх. 24А цІыф купышхом Исуси игъогу рыкІохэрэри а чІыпІэм щымыІэ­жьхэу залъэгъум, ежьхэр къуашъохэм арытІысхьэхи, Исус лъыхъухэу Капернаум къалэм* кІуагъэх.

25Исус псыхъураем иадрабгъу щыІэу къызагъотым, къыраІуагъ:

–Равви, сыдигъо мыщ укъэкІуагъа?

26–Шъыпкъэ дэдэр шъосэІо,– ариІуагъ Исус ахэмэ,

6:19 стадие – метр 192-рэ мэхъу.

6:23 Тивериадэ къалэр – Галилей псыхъураем итыгъэ къохьэпІэ Іушъом Іут.

6:24 Капернаум къалэр – еплъ 2:12.


–шъо нэшэнэ гъэшІэгъонышхохэр зэрэшъулъэгъугъэхэр арэп шъукъызкІыслъыхъурэр, хьалыгъухэм ащыщ шъу­шхи, зыжъугъэшхэкІыгъэти ары нахь. ^ Шхынэу кІоды­рэм ыужы шъуимыт, шхынэу мыкІодэу цІыфмэ мыкІоды­жьын щыІэныгъэ яІэ зыгъэхъурэм ыужы шъуит нахь. А шхыныр ары ЦІыф Лъэпкъым Ыкъо къышъуитыщтыр; сыда пІомэ Тхьэу Ты лъапІэм ЦІыф Лъэпкъым Ыкъо зэридэрэм имыхъур къытырилъхьагъ.

28Джащыгъум Исус къеупчІыгъэх:

–Адэ, Тхьэр зыфэе Іофхэр дгъэцэкІэнхэм пае, тэ сыда тшІэн фаер?

29–Тхьэм къыгъэкІуагъэмкІэ шІошъхъуныгъэ шъуиІэ­ныр ары Тхьэр зыфэе Іофыр,– ариІуагъ Исус ахэмэ.

30–Сыд фэдэ нэшэнэ гъэшІэгъонышхо тэбгъэлъэгъуна, ар тлъэгъоу, оркІэ шІошъхъуныгъэ тиІэным пае? Сыда пшІэщтыр?– къыраІожьыгъ ахэмэ. 31 –Тятэжъхэм шъоф нэкІым мэнн зыцІэ шхыныр* щашхыщтыгъ, Тхьэм игу­щыІэ тхыгъэхэм зэрарытым фэдэу,* «Уашъом къикІырэ хьалыгъу ашхынэу Тхьэм къаритыгъ».

32–Шъыпкъэ дэдэр шъосэІо,– ариІуагъ Исус, –пегъым­бар Мусэ арэп уашъом къикІырэ хьалыгъур къышъо­зытыгъагъэр, сэ Сятэ ары нахь уашъом къикІырэ хьа­лыгъу шъыпкъэр къышъозытырэр; 33сыда пІомэ уа­шъом къехэу, дунаем ицІыфмэ щыІэныгъэ къязытырэр ары Тхьэм ихьалыгъу.

34–А хьалыгъур къытэт зэпыт, тхьаматэ,– къыраІуагъ ахэмэ.

35–ЦІыфмэ щыІэныгъэ язытырэ хьалыгъур сэры,– ари­Іуагъ Исус. –Садэжь къакІорэр мэлэкІэжьыщтэп, сэркІэ шІошъхъуныгъэ зиІэр егъашІэми псыфалІи лІэжьыщтэп. 36 Ау къызэрэшъосІуагъэм фэдэу, сэ сышъулъэгъугъэ пэт­ми, шІошъхъуныгъэ шъуиІэ хъурэп. 37Ты лъапІэм къы­ситырэ цІыф пстэури садэжь къэкІощтых, хэт щыщми садэжь къакІорэри ІузгъэкІыжьыщтэп. 38Сыда пІомэ сэ сызыфаер згъэцэкІэнэу арэп уашъом сыкъызфехыгъэр,

6:31 мэнн зыцІэ шхыныр щашхыштыгъ – Израил цІыфхэр Мысырым (Египет) къикІыжьхи, шъоф нэкІым къыщакІухьэу зыщэтым, шхынэу Тхьэм аригъэшхыщтыгъэр ары. Еплъ Пегъымбар Мусэ ятІонэрэ тхы­лъэу ытхыгъэм 16:4-15.

6:31 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 78:24 (урыс библиемкІэ 77:24).


сэ сыкъэзыгъэкІуагъэр зыфаер згъэцэкІэнэу ары нахь. 39Сэ Сятэу сыкъэзыгъэкІуагъэр зыфаер ежьым цІыфэу сэ къыситыгъэхэмэ ащыщэу зи мыкІодынэу ары, ахърэт мафэми а цІыфыр сэ къэзгъэтэджыжьыныр ары. 40Шъы­пкъэ, хэт щыщми Къо лъапІэр зылъэгъоу, ежьым­кІэ шІошъхъуныгъэ зиІэм мыкІодыжьын щыІэныгъэ иІэ зэрэхъущтыр ары Сятэ зыфаер; ахърэт мафэми а цІыфыр сэ къэзгъэтэджыжьыщт.

41«Уашъом къехыгъэ хьалыгъур сэры», ыІуи, Исус зэ­риІуагъэм пае, джуртхэм ар агу римыхьэу, 42аІуагъ:

–Юсыф ыкъоу Исус арыба мыр? Ежь ятэрэ янэрэ тэшІэ. «Уашъом сыкъехыгъ», ыІоу сыдэущтэу къыІон ылъэкІыра?

43–Сэ къэсІуагъэр сыда шъугу зыкІемыІурэр?– ариІуагъ Исус. 44–Ты лъапІэу сыкъэзыгъэкІуагъэм къысфимыщэ­мэ, зы цІыфи садэжь къэкІон ылъэкІырэп. Садэжь къа­кІорэри ахърэт мафэм сэ къэзгъэтэджыжьыщт. 45Пе­гъымбархэм мырэущтэу атхыгъ:* «Тхьэм зэкІэмэ ахэмэ шъыпкъагъэр аригъэшІэщт». Хэт щыщми Ты лъапІэм къыІохэрэм ядэІоу, ахэр зэзыгъашІэрэр садэжь къэкІощт. 46Тхьэм щыщым нэмыкІэу Ты ЛъапІэр зыми ылъэгъу­гъэп. Ежьыр ары Ты лъапІэр зылъэгъугъэр. 47Шъыпкъэ дэдэр шъосэІо, сэркІэ шІошъхъуныгъэ зиІэ хъурэм мы­кІодыжьын щыІэныгъэ иІэ хъугъэ. 48ЦІыфмэ щыІэныгъэ язытырэ хьалыгъур сэры. 49Шъуятэжъхэм шъоф нэкІым мэнн шхыныр щащхыщтыгъ, ау щытми лІагъэх. 50Ау уа­шъом къехыгъэ хьалыгъур мары. Зыгорэм ар ышхымэ лІэжьыщтэп. 51ЦІыфмэ щыІэныгъэ язытырэ хьалыгъоу уашъом къехыгъэр сэры. А хьалыгъум щыщ зышхырэр егъашІэми щыІэщт. Дунаем ицІыфхэм щыІэныгъэ яІэ згъэхъуным пае, хьалыгъоу стыщтыр сэ спкъы ары.

52–Мы лІым ыпкъ сыдэущтэу тигъэшхын ылъэкІыщт? – аІуи, джуртхэр лъэшэу зэнэкъокъухэу аублагъ.

53–Шъыпкъэ дэдэр шъосэІо,– ариІуагъ Исус ахэмэ, –ЦІыф Лъэпкъым Ыкъо ыпкъ шъумышхэу, ылъи шъуе­мышъомэ, щыІэныгъэ шъухэлъыщтэп. 54Сэ спкъы зышхэу, слъи ешъорэм мыкІодыжьын щыІэныгъэ иІэ хъугъэ, ахърэт мафэми сэ ар къэзгъэтэджыжьыщт. 55Сыда пІомэ сэ спкъы шхын шъыпкъ, сэ слъи шъоны

6:45 пегъымбархэм атхыгъ – еплъ Пегъымбар Исайас тхылъэу ытхыгъэм 54:13.


шъыпкъэшъ ары. 56Сэ спкъы зышхэу, слъи ешъорэм ыгу силъ зэпытыщт, ежьыри сыгу илъ зэпытыщт. 57ЩыІэ­ныгъэ шъыпкъэ къыздикІырэ Ты лъапІэм сыкъигъакІуи, ищыІэныгъэ ежьым ыдэжь къызэрикІырэм фэдэу, сэ спкъы зышхырэм ищыІэныгъэ садэжь къикІыщт. 58Мыры уашъом къехыгъэ хьалыгъур. А хьалыгъур шъуятэжъхэм ашхыщтыгъэ мэнн шхыным фэдэп. Ар ашхыщтыгъэ пэт­ми лІагъэх, ау мы хьалыгъур зышхырэр егъашІэми щы­Іэщт.

59Исус Капернаум къалэм дэт синэгогум* чІэтэу, цІыф­хэм Тхьэм игущыІэхэр аригъашІэхэ зэхъум, а гущыІэхэр къыІуагъэх.

ГущыІэхэу цІыфхэм мыкІодыжьын щыІэныгъэ яІэ зыгъэхъухэрэр

60Исус къыІуагъэхэр зызэхаххэм, игъогу рыкІохэрэм ащыщхэу бэмэ къаІуагъ:

–Мыщ къыІохэрэр сыдэу гущыІэ къинха! Хэт ахэмэ ядэ­Іун зылъэкІырэр?

61Исус къыІуагъэхэр ахэмэ агу зэремыІухэрэр ыгукІэ ешІэти ариІуагъ:

–Сэ къэсІуагъэхэр шъугу рихьыхэрэп, ара? 62Ау ЦІыф Лъэпкъым Ыкъо ыпэкІэ зыдэщыІагъэм дэкІоежьэу шъу­лъэгъумэ, сыда етІанэ шъуІощтыр? 63Тхьэм Ыпсэ ЛъапІэ ары цІыфхэм мыкІодыжьын щыІэныгъэ къязытырэр. Сэ спкъы шъозгъэшхынэу арэп зыфасІорэр. Ащ ишІуагъэ къакІорэп. ГущыІэхэу къышъосІуагъэхэм Тхьэм Ыпсэ ЛъапІи мыкІодыжьын щыІэныгъэри шъуиІэхэ къашІы. 64Ау шІошъхъуныгъэ зимыІэхэр къышъухэтых.

Исус арэущтэу зыкІиІуагъэр ахэмэ ащыщхэу шІошъхъу­ныгъэ зимыІэхэри, тетыгъо зиІэхэм ежьыр аІэкІэзыгъэ­хьанэу щытыгъэри апэм щегъэжьагъэу ышІэщтыгъэти ары. 65ЕтІани Исус къыпигъэхъожьыгъ:

–Джары, «Ты лъапІэм римыгъэлъэкІмэ, зы цІыфи са­дэжь къэкІон ылъэкІыщтэп,» сІуи зыкІэсІуагъэр.

66Ащ щегъэжьагъэу Исус игъогу рыкІохэрэмэ ащыщ­хэу бэ игъогу текІыжьхи, гокІыжьыгъэх.

6:59 синэгогу – джуртхэм ятхьэлъэІупІэ ары.


67Арэущтэу зэхъум, Исус игъогу рыкІорэ нэбгырэ пшІыкІутІумэ ариІуагъ:

–Шъори шъузбгъодэкІыжьынэу шъуфая?

68–3иусхьан, хэт ыдэжь тыкІона, адэ?– ыІуи, Симон Петрэ Исус къыриІуагъ. –МыкІодыжьын щыІэныгъэ тиІэ зыгъэ­хъурэ гущыІэхэр о уиІэх, 69Христосэу щыІэныгъэ шъы­пкъэ къыздикІырэ Тхьэм узэри-Къор тшІошъ хъугъэ ыкІи тшІагъэ.

70–Шъо пшІыкІутІур сигъогу шъукъырыкІонэу шъукъыхэ­схыгъэба? Ау щытми, шъуащыщэу зыр джынапцІэу щыт,– ариІуагъ Исус ахэмэ. 71Исус зыфиІуагъэр Симон Искариот ыкъоу Иудэ ары. А Симон Искариотыр Исус игъогу ры­кІорэ нэбгырэ пшІыкІутІумэ ащыщэу щытыгъэ пэтми, нэужым Исус тетыгъо зиІэхэм аІэкІэзыгъэхьанэу щытыгъэр ежьыр ары.

 

07

ЯБЛЭНЭРЭШЪХЬ

Исус ышхэм яшІошъмыхъуныгъ

Ащ нэужым Исус Галилей хэкум къыщикІухьэщтыгъ. Джуртхэм ежьыр аукІынэу ыуж итыгъэхэти, Иудей хэ­кум къыщикІухьанэу фэягъэп. 2Джурт мэфэкІ мэфэшхо мафэхэу цІыфхэр чэлхэм зыщачІэсхэрэр* къэблэгъагъэх.

3Арыти, ышхэм Исус къыраІуагъ:

–Іофышхо гъэшІэгъонхэу пшІэхэрэр уигъогу рыкІохэ­рэм алъэгъунхэм пае, мыщ дэжьым икІыжьи, Иудей хэ­кум кІожь. 4ЦІыфхэм зязыгъэшІэнэу фаем шъэфэу Іоф ышІэрэп. Мы Іофышхо гъэшІэгъонхэр бгъэцакІэхэмэ, дунаем ицІыфхэмэ зягъэлъэгъу.

5Сыда пІомэ Исус ыш дэдэхэми ежьымкІэ шІошъхъу­ныгъэ яІэу щытыгъэп.

7:2 Джурт мэфэкІ мэфэшхо мафэхэу цІыфхэр чэлхэм зыщачІэсхэрэр – Джуртхэр Мысырым къызекІыжьыхэ ужым, илъэс тІокІитІо шъоф нэ­кІыр къакІухьэу чэлхэм зэрачІэсыгъагъэхэр илъэс къэс мэфэ заулэрэ чэлхэм ачІэсхэу, агу къагъэкІыжьы. Еплъ Пегъымбар Мусэ ящэнэрэ тхылъэу ытхыгъэм 23:33-43.


6Арыти, Исус ахэмэ ариІуагъ:

–ШъоркІэ сыдигъуи игъу, ау сэ сигъо къэсыгъэгоп. 7Дунаем ицІыфхэм шъо шъуауджэгъун алъэкІыщтэп, ау сэ сауджэгъу. Ахэмэ Іофхэу ашІэхэрэр зэрэбзаджэ­хэмкІэ сэ шыхьат сызэрэхъурэр ары сызкІауджэгъурэр. 8Шъо мэфэкІ мэфэшхо мафэхэм апае Ерусалим шъу­кІу. Сэ а мафэхэм апае сыкІощтгоп, сыда пІомэ сэ сигъо къэсыгъэгопышъ ары.

9Исус арэущтэу зареІом, Галилей хэкум къэнагъ.

МэфэкІ мэфэшхо мафэхэу цІыфхэр чэлхэм зыщачІэсхэрэр ыгъэмэфэкІэнхэм пае, Исус Ерусалим зэрэкІуагъэр

10Ау Исус ышхэр мэфэкІ мэфэшхохэм апае зекІохэм ыуж, Исуси кІуагъэ, ау цІыфмэ амышІэу, къамылъэгъоу кІуагъэ. 11А мэфэкІ мэфэшхо мафэхэм адэжь джуртхэм, «Исус тыдэ щыІа?» аІозэ лъыхъущтыгъэх.

12ЦІыф купышхохэм Исус игугъу бэрэ ашІэу зэІушъа­шъэщтыгъэх. Ахэмэ ащыщхэу заулэмэ аІощтыгъ:

–Ар цІыф дэгъу.

–Хьау, ар цІыф дэгъоп, цІыфхэр гъогу занкІэм тырещых,– аІощтыгъ адрэхэм.

13Ау джуртхэмэ зэращыщынэщтыгъэхэм пае, цІыфмэ апашъхьэ зыми Исус игугъу щишІыщтыгъэп.

14А мэфэкІ мэфэшхо мафэхэм азыныкъо зыблэкІым ыуж, Исус Тхьэм иунэшхо чІахьи, цІыфхэм Тхьэм игущы­Іэхэр аригъашІэхэу ыублагъ.

15–Мы лІыр емыджагъэу, мыщ фэдиз шІэныгъэ тыдэ къырихыгъа?– агъэшІагъозэ аІуагъ джуртхэм.

16–ГущыІэхэу сэ цІыфхэм язгъашІэхэрэр сэ садэжь къикІыхэрэп, сэ сыкъэзыгъэкІуагъэм ыдэжь къекІыхэ нахь. 17Тхьэр зыфаер зыгъэцэкІэнэу фаем гущыІэхэу сэ цІыфхэм язгъашІэхэрэр Тхьэм ыдэжь къикІыхэми, сэ са­дэжь къикІыхэми ышІэщт. 18Ежьым ыцІэкІэ къэгущыІэ­рэр ежь ышъхьэ ищытхъу ыуж ит, ау къэзыгъэкІуагъэм ищытхъу ыуж итым шъыпкъагъэ иІ, зи пхэнджи ащ хэ­лъэп. 19Пегъымбар Мусэ Тэурат хабзэр къышъуфигъэна­гъэба? Ау щытми, Тэурат хабзэм итхэр зыгъэцакІэрэ цІыф къышъухэтэп. Сыда сышъуукІынэу сауж шъузкІи­тыр?– ариІуагъ Исус ахэмэ.


20–ДжынапцІэ о пхэс,– къаІожьыгъ цІыфхэмэ. –Хэта о узыукІынэу уауж итыр?

21–Зы Іофышхо гъэшІэгъон закъо шэмбэт мафэм зэрэ­сшІагъэм пае, шъо зэкІэми шъогъэшІагъо,– ариІо­жьыгъ Исус ахэмэ. 22–Шъуеплъ, пегъымбар Мусэ сунэт шІыныр хабзэу къышъуфигъэнагъэшъ, (ау шъыпкъэмкІэ сунэт шІыныр зыдэжь къикІыгъэр Мусэ арэп, тятэжъы­шхохэр ары нахь), шъо шэмбэт мэфэ дэдэми цІыфыр сунэт шъошІыба? 23Джы, пегъымбар Мусэ и Тэурат хабзэ ит унашъоу сунэт шІыным ехьылІагъэм шъуемыдэІоу шъу­мыхъуным пае, шэмбэт мэфэ дэдэми цІыфыр сунэт шъу­шІынэу шъуфит. Арэущтэу зыхъукІэ, сыд пае шъукъыс­фэгубжыра, зы лІы горэ шэмбэт мафэм зэрэзгъэхъу­жьыгъапэм пае? 24Іоф плъышъом шъуеплъэу хьыкум шъумышІы, ау шъыпкъагъэм тетэу хьыкум шъушІы.

Исус Христосыр арэу шъуІуа?

25Джащыгъум Ерусалим щыщ цІыфхэм ащыщхэу заулэмэ аГуагъ:

–АукІынэу зыуж итхэр мырба? 26Шъуеплъ, цІыф пстэуми апашъхьэ къызэрэщыгущыІэрэм, ау щытми зи раІорэп. Тэ титхьаматэхэм ар зэрэ-Христосыр* зэрагъэ­шІагъэ, шъуІуа? 27Ау мыр зыщыщыр тэшІэ. Ау Христос къызыкІокІэ, зыщыщыр зыми ышІэщтэп.

28Джащыгъум Исус Тхьэм иунэшхо чІэтэу, цІыфхэм Тхьэм игущыІэхэр аригъашІэхэзэ, мэкъэшхокІэ къыІуагъ:

–Сэ сышъошІэ, сызыщыщыри шъошІэ. Сэр-сэрэу мыщ дэжьым сыкъэкІуагъэп, сэ сыкъэзыгъэкІуагъэм шъы­пкъагъэ иІ. Ежьыр шъо шъушІэрэп, 29ау сэ ежьыр сэшІэ, сыда пІомэ сэ ежьым сыщыщ, ежьыри ары сыкъэзыгъэ­кІуагъэр.

30Исус ар зеІом, аубытынэу фежьагъэх, ау ежьыр зыща­убытыщтым игъо къэсыгъэгопти, цІыф зи ІэкІэ нэсы­гъэп. 31Ау цІыф купышхом щыщхэу бэмэ ежьымкІэ шІошъхъуныгъэ яІэ хъугъэ.

–Христос къызыкІокІэ, мы лІым нахьи нахьыбэу нэ-

7:26 Христос – еплъ 1:20.


шэнэ гъэшІэгъонышхохэр къыгъэлъэгъошъун, шъуІуа?– аІощтыгъ ахэмэ.

Фарисейхэмрэ дин пэщэшхохэмрэ Исус аубытынэу Іофтабгэхэр зэрагъэкІуагъэхэр

32ЦІыф купышхор ащ фэдэу Исус ехьылІагъэу Іушъа­шъэхэу фарисейхэм* зызэхахым, ахэмрэ дин пэщэшхо­хэмрэ* Исус аубытынэу Іофтабгэхэр агъэкІуагъэх.

33Ау Исус къыІуагъ:

–Сэ зы тІэкІурэ сышъухэтыщт, етІанэ сыкъэзыгъэ­кІуагъэм ыдэжь сыкІожьыщт. 34Шъукъыслъыхъужьыщт, ау сыкъэжъугъотыжьыщтэп, сыздэщыІэми шъукъэкІон шъулъэкІыщтэп.

35–Тыда ар дгъотын тымылъэкІынэу зыдэкІонэу ыгу хэлъыр?– аІуи, джуртхэм зэраІожьыгъэ. –Тэ тицІыф­хэу урымхэм* ахэгощагъэхэу псэухэрэм адэжь кІонышъ, урымхэм Іофхэр аригъэшІэщтых, шъуІуа? 36«Шъукъы­слъыхъужьыщт, ау сыкъэжъугъотыжьыщтэп, сыздэщы­Іэми шъукъэкІон шъулъэкІыщтэп», зыфиІуагъэм сыда шъуІуа къыригъэкІыгъэр?

Псыхъохэу цІыфхэм щыІэныгъэ пгъыпкъэ яІэ зыгъэхъухэрэр

37МэфэкІ мэфэшхо мафэхэм ащыщэу аужырэ мафэу анахь мэфэ лъапІэм Исус къиуцуи, мэкъэшхокІэ къыІуагъ:

–ПсыфалІэ лІэрэр садэжь къэрэкІуи ерэшъу. 38Тхьэм игущыІэ тхыгъэхэм зэрарытым фэдэу, «СэркІэ шІошъ­хъуныгъэ зиІэм псыхъохэу щыІэныгъэ шъыпкъэ иІэ зы­гъэхъухэрэр ыгу къичъыщтых».

39Исус зыфиІуагъэр ежьымкІэ шІошъхъуныгъэ зиІэхэ­мэ Тхьэм ежь Ыпсэ ЛъапІэу агухэм къарилъхьащтыр ары. Ащ нэсыфэ Тхьэм ежь Ыпсэ ЛъапІэр шІошъхъуныгъэ

7:32 фарисейхэр – еплъ 1:24.

7:32 дин пэщэшхохэр – дин пэщэшхор, дин пэщэшхоу щытыгъэхэр, дин пэщэшхохэм яунагъохэм ащыщхэр ары.

7:35 урымхэр – иунанхэр ары.


зиІэхэм агухэм къарилъхьэгъагъэгоп, сыда пІомэ Исус ищытхъушхо джыри иІэ хъугъагъэгоп.

ЦІыфхэр Исус ехьылІагъэу зэрэзэгурымыІуагъэхэр

40      А гущыІэхэр зызэхаххэм, цІыф купышхом щыщ заулэмэ аІощтыгъ:

–Шъыпкъэу мыры пегъымбарыр.

41–Джары Христосыр,– аІощтыгъ адрэхэм. Ау нэмыкІхэ­ми аІощтыгъ:

–Христосыр Галилей хэкум щыщыщтэп, арыба? 42Тхьэм игущыІэ тхыгъэхэм арытба,* Христос Даутэ къытехъукІы- гъэ цІыфхэм зэращыщыщтри, Даутэ зыщыщ къалэу Виф­леем зыцІэм* зэрэщыщыщтри?

43Арэущтэу Исус ехьылІагъэу цІыфхэр куп-купэу зэрэ­гъэхъугъэх. 44Ахэмэ ащыщэу зы куп Исус ыубытынэу фэя­гъэ, ау зыгори ащ ІэкІэ нэсыгъэп.

Тетыгъо зиІэхэм яшІошъмыхъуныгъ

45Арэущтэу а Іофтабгэхэр дин пэщэшхохэмрэ фарисей­хэмрэ адэжь къэкІожьыгъэх. КъызэкІожьхэм, адрэхэм яупчІыгъэх:

–Сыд пае Исус къыздэшъумыщагъа?

46–А лІыр къызэрэгущыІэрэм фэдэу, зы цІыф егъа­шІэми гущыІагъэп,– аІуагъ Іофтабгэхэм.

47–Ащыгъум шъори шъудихьыхыгъэба?– араІожьыгъ фарисейхэм. 48–Тэ титхьаматэхэм ащыщэу зыгорэми, фарисейхэм ащыщэу зыгорэми ежьымкІэ шІошъхъуны­гъэ иІэ хъугъа? 49Ау мы цІыф купышхоу пегъымбар Мусэ и Тэурат хабзэ зымышІэрэм Тхьэм ынае къащифагъэу щыт.

50Фарисейхэм ащыщэу Никодим зыцІэм (ежьыр ары Исус ыдэжь чэщым къэкІогъагъэр) адрэмэ ариІуагъ:

7:42 Тхьэм игущыІэ тхыгъэхэм арытба – еплъ Пегъымбар Михэ тхылъэу ытхыгъэм 5:2.

7:42 къалэу Вифлеем зыцІэр – Бэтлэхьэм ары. Ерусалим километрийкІэ пэчыжьэу, икъыблэ лъэныкъомкІэ ит.

51–Ыпэ рапшІэу емыупчІэу, ышІэрэр тэрэзэу зэримы­гъашІэу, тихабзэ цІыфым хьыкум тырешІыхьа?

52–Ори Галилей хэкум ущыща?– къыраІуагъ Никодим. –Тхьэм игущыІэ тхыгъэхэм ахаплъи, пегъымбар горэ Гали­лей зэрэщымыщыр къэпшІэщт.

53ЕтІанэ ахэр зэбгырыкІыжьхи, хэти ядэжь кІожьыгъэ.

 

08

ЯЕНЭРЭШЪХЬ

Бзылъфыгъэу зинэ зышІэ пэтэу аубытыгъэр

Исус Елеон зыцІэ Іуашъхьэм* кІуагъэ. 2Нэф къызэ­шъым, Тхьэм иунэшхо чІэхьажьыгъ, цІыфхэри зэкІэ ежьым ыдэжь къэкІуагъэх. Исус тІыси, Тхьэм игущы­Іэхэр аригъашІэхэу ыублагъ. 3Ащ дэжьым зы бзылъфы­гъэ горэу зинэ зышІэ пэтэу къаубытыгъэр Тэурат егъэ­джэкІо пащэхэми* фарисейхэми Исус къыфащи, утыгум къырагъэуцуи, 4къыраІуагъ:

–Дин гъэсакІу, мы бзылъфыгъэр, зинэ ышІэ пэтэу, къа­убытыгъ. 5Мыщ фэдэхэм мыжъохэмкІэ тяозэ, тыукІын­хэу Тэурат хабзэм зэритым фэдэу, пегъымбар Мусэ уна­шъо къытфишІыгъ*. О сыда епІуалІэрэр?

6Арэущтэу зыкІаІуагъэр Исус Іоф хагъэфэнышъ, зэра­гъэмысэн горэ къагъотыныр ары.

Ау Исус зиуфи, ІапэкІэ чІыгум зыгорэ тыритхагъ. 7Зэпамыгъэоу къеупчІыхэ зэхъум, Исус зыкъиузэнкІы­жьи ариІуагъ:

–Шъуащыщэу псэкІод зимыІэр апэу бзылъфыгъэм мы­жъокІэ ерэу.

8Ар зареІом, зиуфэжьи, чІыгум тыритхэу ыублэжьыгъ.

8:1 Елеон зыцІэ Іуашъхьэр – Зейтун Іуашъхьэр ары. Ерусалим игъунэ­гъубзэу, итыгъэ къыкъокІыпІэ лъэныкъомкІэ Кедрон къуладжэм иадрабгъу щыт.

8:3 Тэурат егъэджэкІо пащэхэр – Тэурат хабзэм итхэмрэ джуртхэм адрэ тхылъ лъапІэхэу яІэхэм арытхэмрэ цІыфхэм агурызыгъаІоу щытыгъэ пащэхэр ары.

8:5 пегъымбар Мусэ унашъо къытфишІыгъ – еплъ Пегъымбар Мусэ ятфэнэрэ тхылъэу ытхыгъэм 22:22.


9Ар зызэхахым, агухэмкІэ загъэмысэжьэу, анахьыжъ­хэр апэ итхэу, зым ыуж адрэр итэу, аужырэм нэс зэкІэ ІукІыжьыгъэх. Исус изакъоу къэнагъ, бзылъфыгъэри утыгум къинагъ. 10Исус зыкъиузэнкІыжьи, бзылъфы­гъэм нэмыкІ зи ылъэгъужьыгъэпти, ащ риІуагъ:

–О бзылъфыгъ, узыгъэмысэщтыгъэхэр тыдэ щыІэха? Узыгъэмысэнэу цІыф зи къэнагъэп, ара?

11–Хьау, Зиусхьан,– къыІуагъ бзылъфыгъэм, –цІыф зи къэнагъэп.

–Сэри узгъэмысэрэп,– къыІуагъ Исус. –КІожь, джы щегъэжьагъэу псэкІод умышІэжь.

Исусэу мы дунаем инэфынэр

12Исус джыри цІыфмэ адэгущыІи къыІуагъ:

–Дунаем инэфынэр сэры. Сэ сауж къырыкІорэр шІун­кІыгъэм хэтэу зекІощтэп, щыІэныгъэм инэфынэ ыгъо­тыщт нахь.

13–О ор-орэу шыхьат узфэхъужьы,– къыраІуагъ фари­сейхэм. –Арышъ, уишыхьатныгъэ хъунэу щытэп.

14–Сэ шыхьат сызфэхъужьми, сишыхьатныгъэ хъунэу щыт,– ариІожьыгъ Исус ахэмэ, –сыда пІомэ сэ сызщыщ­ри сыздакІорэри сэшІэ. Ау шъо сызщыщри сыздакІорэри шъушІэрэп. 15Мы дунаем ицІыфхэм Іофхэм хьыкум зэра­трашІыхьэрэм фэдэу хьыкум шъошІы. Сэ зыми хьыкум тесшІыхьэрэп. 16Ау зыгорэм хьыкум тесшІыхьэ хъумэ, ащыгъум хьыкумэу тесшІыхьарэр шъыпкъэу щыт, сыда пІомэ, сэ зизакъоп, Ты лъапІэу сыкъэзыгъэкІуагъэри си­гъус. 17НэбгыритІумэ къаушыхьатырэр шыхьатныгъэ хъунэу зэрэщытыр шъо шъуи Тэурат хабзэ ит*. 18Сэр-сэ- рэу шыхьат сызфэхъужьы. Ты лъапІэу сыкъэзыгъэкІуа­гъэри шыхьат къысфэхъу.

19 Арыти къеупчІыгъэх:

–Тыдэ щыІа уятэ?

–Сэри Сяти шъо тышъушІэрэп,– пэгъокІ ытыжьыгъ Исус. –Сэ сышъушІэщтыгъэмэ, Сяти шъушІэщтыгъэ.

20Исус Тхьэм иунэшхо чІэтэу, цІыфхэм Тхьэм тын фа-

8:17 шъо шъуи Тэурат хабзэ ит – еплъ Пегъымбар Мусэ ятфэнэрэ тхы­лъэу ытхыгъэм 19:15.


шІэу ахъщэр зыдалъхьэрэ пхъуантэхэм адэжь щытэу, цІыфхэм Тхьэм игущыІэхэр аригъашІэхэ зэхъум, а гущы­Іэхэр къыІуагъэх. Зыми ар ыубытэу фежьагъэп, сыда пІо­мэ ежьыр зыщаубытыщтым игъо къэсыгъэгопти ары.

Сэ сыздакІорэм шъо шъукъэкІон шъулъэкІыщтэп

21Исус джыри ахэмэ ариІуагъ:

–Сэ сышъухэкІыжьыщт, шъори шъукъыслъыхъужьыщт, ау шъуипсэкІодхэр шъутелъхэу шъулІэжьыщт. Сэ сызда­кІорэм шъо шъукъэкІон шъулъэкІыщтэп.

22–Ежь-ежьырэу зиукІыжьыщта?– аІуагъ джуртхэм. –Ара, «Сэ сыздакІорэм шъо шъукъэкІон шъулъэкІы­щтэп», зыкІиІорэр?

23–Шъо ыхэ шъущыщ, ау сэ ыпшъэ сыщыщ,– ариІуагъ Исус. –Шъо мы дунаем шъущыщ, сэ мы дунаем сыщы­щэп. 24«ШъуипсэкІодхэр шъутелъхэу шъулІэжьыщт», шъо­сІуагъэ. Шъыпкъэ, сэ хэтми сызщыщыр къызышъуасІо­кІэ, шъушІошъ мыхъумэ, шъуипсэкІодхэр шъутелъхэу шъулІэжьыщт.

25–О хэта узщыщыр адэ?– къыраІуагъ ахэмэ.

–Апэм щегъэжьагъэу сэ хэтми сызщыщыр къызэрэшъо­сІуагъэм фэдэу сыщыт,– ариІожьыгъ Исус. 26–Шъо къы­шъохьылІагъэу сэ сІонэу ыкІи шъузэрызгъэмысэнэу Іа­джи сиІ, ау сэ сыкъэзыгъэкІуагъэр шъыпкъэ, ащ къыІо­хэу зэхэсхыгъэхэр дунаем ицІыфмэ ясэІох.

27Исус Ты лъапІэм ехьылІагъэу къызэрадэгущыІэрэр къагурыІуагъэп. 28Арыти, Исус ариІуагъ:

–ЦІыф Лъэпкъым Ыкъо зышъуІэтыкІэ,* сэ хэтми сы­зщыщри сэр-сэрэуи зи сымыгъэцакІэу, Сятэ гущыІэхэу сигъэшІагъэхэр къызэрэсІохэрэр къэшъушІэщт. 29Сы­къэзыгъэкІуагъэр сэ сигъусэ, сизакъоу сыкъигъэнагъэп, сыда пІомэ ежьым игъоу ылъытэрэ Іофхэр сэ сыдигъуи сэгъэцакІэхэшъ ары.

30Исус а гущыІэхэр къыІохэзэ, цІыфыбэмэ ежьымкІэ шІошъхъуныгъэ яІэ хъугъэ.

8:28 ЦІыф Лъэпкъым Ыкъо зышъуІэтыкІэ – еплъ 3:14; 1:51.


Шъыпкъагъэм шъхьафит шъуишІыжьыщт

31Исус джуртхэу шІошъхъуныгъэ къыфызиІэ хъугъэхэм ариІуагъ:

–Сэ сигущыІэхэр шъугухэм арылъхэмэ, шъыпкъэу си­гъогу рыкІохэрэм шъуащыщ. 32Джащыгъум шъыпкъа­гъэр къэшъушІэщт, шъыпкъагъэми шъхьафит шъуишІы­жьыщт.

33–Тэ Ибрахьимэ къытехъукІыгъэ цІыфхэм тащыщ, егъа­шІэми зыми тырипщылІыгъэп,– къыраІожьыгъ ахэмэ. –«Шъхьафит шъухъужьыщт» зыфапІорэм сыда къибгъэ­кІырэр?

34–Шъыпкъэ дэдэр шъосэІо,– ариІуагъ Исус. –Хэти псэ­кІод зышІэрэр псэкІодшІэным пщылІы фэхъужьы. 35Ау пщылІыр унэм къинэжьы зэпытыщтэп. Ятэ ыкъу ары унэм къинэжьы зэпытыщтыр. 36Арышъ, Къо лъапІэм шъхьафит шъуишІыжьмэ, шъхьафит шъыпкъэ шъухъу­жьыщт. 37Ибрахьимэ къытехъукІыгъэ цІыфхэм шъузэра­щыщыр сэшІэ, ау сигущыІэхэр шъугухэм арылъхэрэ­пышъ, сышъуукІынэу сауж шъуит. 38Сэ Сятэ дэжь щыс­лъэгъугъэхэр ары къасІохэрэр, шъори шъуятэ ыдэжь щыжъулъэгъугъэ Іофхэр ары жъугъэцакІэхэрэр.

Шъуятэ шэйтаныр ары

39–Тэ тятэр Ибрахьимэ ары,– аІуи, джуртхэм Исус къыраІуагъ.

–Ибрахьимэ шъурибынхэу щытыгъэмэ, Ибрахьимэ иІоф­хэр жъугъэцэкІэщтгъэх,– ариІожьыгъ Исус. 40–Ау джы сышъуукІынэу сауж шъуит, Тхьэм къыІорэ шъыпкъагъэр зэхэсхыгъэу къышъосІуагъэ пэтми, сышъуукІынэу сауж шъуит. Ибрахьимэ ащ фэдэ Іофхэр ышІэщтыгъэхэп. 41Шъо шъуятэ Іофхэу ыгъэцакІэхэрэр шъори шъогъэца­кІэх.

–ЗинэкІэ тэ тыкъэхъугъэп,– къыраІуагъ Исус. –Ты за­къоу тиІэр Тхьэр ары.

42–Тхьэр шъуятэу щытыгъэмэ, сэ шІу сышъулъэгъу- щтыгъ,– ариІуагъ Исус, –сыда пІомэ сэ Тхьэм сыщыщэу мыщ дэжьым сыкъэкІуагъ. Сэр-сэрэу сыкъэкІуагъэп, ежьым сыкъигъэкІуагъэ нахь. 43Сэ къасІохэрэр сыд пае


къыжъугурымыІохэра? Сэ къасІохэрэм шъуядэІун шъулъэ­кІырэпышъ ары къызкІыжъугурымыІорэр. 44Шъуятэ шэй­таныр ары. Шъуятэ зыфаер ары шъо жъугъэцэкІэнэу шъузыфаер. Апэм щегъэжьагъэу ар цІыф укІакІоу щыт, шъыпкъагъэми тетэп, сыда пІомэ шъыпкъагъэ зи хэлъы­пышъ ары. Ащ пцІы зиусыкІэ, ыгу илъыр къеІо, сыда пІомэ ар пцІыусышъ, пцІыри къызхэкІырэр ежьырышъ ары. 45Ау сэ шъыпкъагъэр къызэрэсІорэм пае, къасІохэ­рэр шъушІошъ хъурэп. 46Сэ псэкІод сшІагъэу шъуащыщ горэм къыушыхьатын ылъэкІына? Шъыпкъагъэр къэсэІо пэтми, сыд пае къасІохэрэр шъушІошъ мыхъура? 47Тхьэм ибынхэр ежьым игущыІэхэм ядэІух, ау шъо Тхьэм игущы­Іэхэм шъузкІямыдэІурэр Тхьэм ибынхэу шъущытэпышъ ары.

Ибрахьимэ къэхъуным ыпэкІэ сэ сыщыІ

48–Самарие цІыфхэм* уащыщ, джынапцІи о пхэс тэІо. Тэ къатІорэр шъыпкъэба?– аІуи, джуртхэмэ Исус къыра­Іожьыгъ.

49–ДжынапцІэ сэ схэсэп,– ариІожьыгъ Исус. –Сэ Сятэ лъытэныгъэ фэсэшІы, ау шъо шъукъысэхъоны. 50Сэ сищытхъу ыуж ситэп, ау сищытхъу ыуж итэу, цІыф­хэм хьыкум атезышІыхьэрэр щыІ. 51Шъыпкъэ дэдэр шъо­сэІо, сэ сигущыІэхэр зыгъэцакІэрэм егъашІэми лІэны­гъэр ылъэгъущтэп.

52Исус ар зеІом, джуртхэмэ къыраІожьыгъ:

–ДжынапцІэр о зэрэпхэсыр джы тшІагъэ. Ибрахьимэ лІагъэ, пегъымбархэри лІагъэх, ау о «Сэ сигущыІэхэр зы­гъэцакІэрэр егъашІэми лІэжьыщтэп», оІо. 53Тятэжъы­шхо Ибрахьимэ нахьи унахь ина о? Ар лІагъэ, пегъымбар­хэри лІагъэх. О ухэтэу зыплъытэжьыра?

54–Сэ сыкъызщытхъужьмэ, сищытхъу зи уасэ иІэп,– пэгъокІ ытыжьыгъ Исус. –Ау сэ сищытхъу зышІырэр Сятэу шъо шъуи Тхьэу зыфашъуІорэр ары. 55Ар шъо шъушІэрэп, ау сэ ар сэшІэ. Ар сымышІэу сІуагъэмэ, сэри шъощ фэдэу пцІыусэу сыхъущтыгъ. Ау ар сэшІэ, игущы-

8:48 Самарие цІыфхэр – еплъ 4:4.


Іэхэри сэгъэцакІэх. 56Шъуятэжъышхо Ибрахьимэ симафэ зэрилъэгъущтымкІэ гушІощтыгъэ. Ар ылъэгъугъ ыкІи гушІуагъэ.

57–Илъэс шъэныкъо умыныбжьэу, ау щытми Ибрахьимэ плъэгъугъэу оІо,– аІуи, джуртхэм Исус къыраІуагъ.

58–Шъыпкъэ дэдэр шъосэІо,– ариІуагъ Исус ахэмэ. –Ибрахьимэ къэхъуным ыпэкІэ, сэ сыщыІ.

59Исус ар зареІом, аукІыным пае еонхэу мыжъохэр къа­штагъэх. Ау Исус амылъэгъоу къахэкІыжьи, Тхьэм иунэшхо къычІэкІыжьыгъ.

 

09

ЯБГЪОНЭРЭШЪХЬ

Исус нэшъоу къэхъугъэ лІы горэ зэригъэхъужьыгъэр

Исус къыкІухьэзэ, нэшъоу къэхъугъэ лІы горэ ылъэ­гъугъ. 2Исус игъогу рыкІохэрэр ежьым къеупчІыгъэх:

–Равви, мы лІыр нэшъоу къэхъунэу хэта псэкІод зышІа­гъэр, ежьыр ара, ятэ-янэхэр ара?

3–Мы лІыри ятэ-янэхэри арэп зилажьэр, ау нэшъоу къызкІэхъугъэр, ежьым къехъулІэрэмкІэ Тхьэм иІоф нафэу хъуныр ары,– пэгъокІ ытыжьыгъ Исус. 4–Мафэу щэтыфэ, сыкъэзыгъэкІуагъэм иІофхэр сэ згъэцэкІэнхэ фае. Чэщыр къэсыщт. Чэщыр къызысыкІэ, зыми зи ышІэн ылъэкІырэп. 5Дунаем сытетыфэкІэ, дунаем инэ­фынэр сэры.

6Исус ар къызеІом, чІыгум теужъунтхи, ІупсымкІэ ятІэ зэхишІыхьи, а зэхишІыхьагъэр нэшъум ынэмэ ащи­фагъ.

7–Силоам зыцІэ псыхъурэе зыгъэпскІыпІэм кІуи, зы­щытхьакІ,– ыІуи Исус нэшъум риІуагъ. (Силоам къикІы­рэр «АгъэкІуагъэр» ары.) Нэшъур кІуи, зитхьакІи, ылъэ­гъоу хъугъэу къэкІожьыгъ.

8Гъунэгъухэми, ар нэшъоу зэрэщытыгъэр зылъэгъу­гъагъэхэми аІуагъ:

–ЛъэІуакІоу щысыщтыгъэр арыба мыр?

9–Ары,– ыІуагъ зы купым.


–Хьау, арэп, ащ фэд ныІэп,– аГуагъ нэмыкІхэм. –Сэры ар,– ыІуагъ ежьым.

10–О унэхэр сыдэущтэу къаплъэхэу хъугъа?– къе­упчІыгъэх ахэр.

11 –Исус зыцІэ лІым ятІэ зэхишІыхьи, а зэхишІыхьа­гъэр сынэмэ къащифи, «Силоам зыцІэ псыхъурэе зы­гъэпскІыпІэм кІуи, зыщытхьакІ», къысиІуагъ. Арэущтэу сыкІуи,      зызысэтхьакІым,                      сынэхэр         къаплъэхэу хъугъэ,– къыІожьыгъ а лІым.

12–Тыдэ щыІа ар?– къеупчІыгъэх ахэр. –СшІэрэп,– къыІожьыгъ ащ.

Исус Іофышхо гъэшІэгъонэу ышІагъэр фарисейхэм зэрагъэунэфыгъэр

13Джащыгъум а лІэу нэшъоу щытыгъэр фарисейхэм адэжь ащагъ. 14Ау Исус ятІэ зэхишІыхьи, нэшъум ынэ­хэр къызигъэплъэгъэ мафэр шэмбэт мэфагъ. 15Арыти, фарисейхэр а лІым къеупчІыгъэх:

–Сыдэущтэу унэхэр къаплъэхэу хъугъэ?

–ЯтІэ сынэхэм къатырилъхьи, зызысэтхьакІым, слъэ­гъоу хъугъэ,– къыІожьыгъ а лІым.

16–Мы лІыр Тхьэм ыдэжь къикІырэп,– аІуагъ фарисей­хэм ащыщхэу заулэмэ, –сыда пІомэ шэмбэт мафэр ыгъэ­лъапІэрэп*.

–ПсэкІодышІэ лІы горэм ащ фэдэ нэшэнэ гъэшІэгъоны­шхохэр ышІэн ылъэкІына?– аІуагъ нэмыкІхэм. Арэу­щтэу ахэр куп-купэу зэрэгъэхъугъэх.

17–О унэхэр ары къыгъэплъагъэхэр. А лІым сыда епІуа­лІэрэр?– джыри еупчІыжьыгъэх нэшъоу щытыгъэм.

–Ар зы пегъымбар гор,– пэгъокІ ытыжьыгъ а лІым.

18Ау щытми, а лІэу зынэхэр къаплъэхэу хъугъэм ятэ­-янэхэр къарагъащэхэу яупчІыхэфэ, ар нэшъоу зэрэщы­тыгъэри, ынэхэр къаплъэхэу зэрэхъугъэри джуртмэ ашІошъ хъугъэп.

9:16 шэмбэт мафэр ыгъэлъапІэрэп – шэмбэт мафэм ятІэ зэхэпшІыхьэ хъущтэп. Джуртхэм ар ІофшІэным фагъадэ.


19–Шъо шъукъоу нэшъоу къэхъугъэу зыфашъуІорэр ара мыр?– яупчІыгъэх ахэмэ. –Сыдэущтэу ылъэгъоу хъу­гъа?

20–Мыр тэ зэрэткъори, нэшъоу къызэрэхъугъэри тэ тэ­шІэ,– къаІуагъ ятэ-янэмэ. 21–Ау джы ылъэгъоу зэрэхъу­гъэри, ынэхэр къэзыгъэплъагъэри тшІэрэп. Ежьым шъу­еупчІ, ежь ышъхьэкІэ пэгъокІ къышъуитыжьынэу ыныбжь икъугъ.

22Ятэ-янэхэм арэущтэу къызкІаІуагъэр джуртхэм ащы­щынэщтыгъэхэти ары; сыда пІомэ хэт щыщми Исус зэрэ-Христосыр зыдагъэр синэгогум чІафынэу* джуртмэ зэдаштагъэу щытыгъэти ары. 23Джары, «Ыныбжь икъугъ, ежьым шъуеупчІ», аІуи, ятэ-янэхэмэ къызкІаІуагъэр.

24Арыти, джуртхэр нэшъу щытыгъэм ятІонэрэу къе­джэхи раІуагъ:

–Тхьэм щытхъу фэшІ. Мы лІыр псэкІодышІэу зэрэщы­тыр тэ тэшІэ.

25–Ар лІы псэкІодышІэу щытмэ сшІэрэп,– къыІожьыгъ нэшъоу щытыгъэм. –Ау мы зыр сэшІэ, сэ нэшъоу сыщы­тыгъ, ау джы слъэгъоу хъугъэ.

26–Сыд ащ къыуишІагъэр?– еупчІыгъэх ахэр. –Сыдэу­щтэу унэхэр къыгъэплъагъэха?

27–ШъосІогъахэ, ау шъукъедэІугъэп, сыд пае джыри зэ зэхэшъухынэу шъуфая?– къариІуагъ нэшъоу щытыгъэм. –Шъори ащ игъогу шъурыкІонэу шъуфая?

28Арэущтэу къызареІом, ехъоныгъэх ыкІи раГуагъ:

–О мы лІым игъогу рыкІохэрэм уащыщ, ау тэ пегъым­бар Мусэ игъогу рыкІохэрэм тащыщ. 29Тхьэр пегъым­бар Мусэ къызэрэдэгущыІагъэр тэшІэ, ау мы лІыр къыз­дикІыгъэр тэ тшІэрэп.

30–Ар къыздикІыгъэр зэрэшъумышІэрэр арыба гъэ­шІэгъоныр, ау щытми ащ сынэхэр къыгъэплъагъэх,­къариІуагъ а лІым. 31–Тхьэр псэкІодышІэ цІыфхэм зэря­мыдэІурэр тэшІэ, ау Тхьэм ищынагъо зыгу илъэу, Тхьэм игъоу ылъытэрэ Іофхэр зыгъэцакІэрэр ары Тхьэр зэдэІурэр. 32Ау цІыф горэм нэшъоу къалъфыгъэр къыгъэплъагъэу егъашІэми цІыфмэ зэхахыгъэп. 33Мы

9:22 синэгогум чІафынэу – зы цІыф горэ синэгогум чІафымэ, Тхьэм ылъэпкъ щымыщэу алъытэ.


лІыр Тхьэм ыдэжь къимыкІыгъэмэ, ащ зи ыгъэцэкІэн ылъэкІыщтгъэп.

34–О упсэкІодышІэ хъураеу укъалъфыгъ,– раІожьыгъ ахэмэ. –О зыгорэ тэбгъэшІэщта?

ЕтІанэ синэгогум къычІафыгъ.

Фарисейхэм янэшъугъ

35А лІыр синэгогум къызэрэчІафыгъэр Исус зэхихыгъ, ащ нэужми ар зелъэгъум риІуагъ:

–Тхьэм ыКъокІэ шІошъхъуныгъэ уиІа?

З6–Тхьаматэ,– пэгъокІ къытыжьыгъ а лІым, –шІошъ­хъуныгъэ сиІэным пае, хэта зыфапІорэр къысаІу!

37–Ар о плъэгъугъэ, сэ, джы къыбдэгущыІэрэр, ары,– риІуагъ Исус.

38–ШІошъхъуныгъэ сиІэ хъугъэ, Зиусхьан,– ыІуи, а лІыр Исус ыпашъхьэ лъэгонджэмышъхьэкІэ итІысхьагъ.

39–Зымылъэгъухэрэм алъэгъу хъужьынэу, зылъэгъоу зызышІошІыжьхэрэми амылъэгъужь хъуным пае, цІыф­хэм хьыкум атесшІыхьанэу мы дунаем сэ сыкъы­техьагъ,– къыІуагъ Исус.

40Фарисейхэм ащыщхэу Исус игъусагъэхэм Исус ар къы­Іуагъэу зызэхахым, къеупчІыгъэх:

–Тэри тынэшъоу ара зыфапІорэр?

41–ІПъунэшъугъэмэ, псэкІод шъуиІэщтгъэп, ау «Тэлъэ­гъу» шъоІошъ, шъуипсэкІод къышъутенэжьы,– ариІо­жьыгъ Исус.

 

10

ЯПШІЭНЭРЭШЪХЬ

Мэлэхъо дэгъур

–Шъыпкъэ дэдэр сэ шъосэІо, мэлэщым къэлапчъэмкІэ дэмыхьэу, нэмыкІ чІыпІэкІэ дэпшыеу дахьэрэр тыгъуа­кІоу ыкІи хъункІакІоу щыт. 2Ау къэлапчъэмкІэ дахьэ­рэр мэлхэм ямэлахъо ары. 3УхъумакІом мэлахъом къэла­пчъэр къыфыІуехы, мэлхэри мэлахъом ымакъэ едэІух.

Мэлахъор ежь имэлхэм ацІэкІэ яджэ ыкІи къыдещых. 4Мэлахъом имэл пстэури къыздищхэкІэ, апэ итэу макІо. Мэлхэри ыуж итхэу макІох, сыда пІомэ ымакъэ ашІэжьышъ ары. 5Ау зы хымэ горэм ыуж ихьащтхэп, кІатхъу­жьы нахь, сыда пІомэ хымэ макъэр ашІэжьырэпышъ ары.

6А гъэсэныгъэ тхыдэр Исус ариІуагъ. Ау ащ къикІырэр ахэмэ къагурыІуагъэп.

7Арыти, Исус джыри къыІуагъ:

–Шъыпкъэ дэдэр шъосэІо, мэлэщым икъэлапчъэр сэры. 8СапэкІэ къэкІогъэ пстэури тыгъуакІох ыкІи хъункІа­кІох, мэлхэри ахэмэ ядэІугъэхэп. 9Къэлапчъэр сэры. СэркІэ дахьэрэр мыкІодэу къэнэжьыщт, дэхьащт-къыдэ­кІыжьыщт, хъупІи ыгъотыщт. 10ТыгъуакІор къызфакІо­рэр тыгъонэуи, ыукІынэуи, ыгъэкІодынэуи ары. Сэ сы­къызфэкІуагъэр щыІэныгъэшхоу икъугъэр цІыфмэ ясты­ныр ары.

11–Мэлэхъо дэгъур сэры. Мэлэхъо дэгъум ыпсэ мэлхэм апае еты. 12Мэлхэр зимыеу, ыпкІэкІэ лажьэрэр мэлахъоу щытэп. Ащ тыгъужъыр къакІоу зилъэгъукІэ, мэлхэр къегъанэхэшъ, кІетхъужьы. ЕтІанэ тыгъужъыр мэлхэм къахэлъадэшъ, елІых ыкІи зэбгырефых. 13А лІым зыкІы­кІитхъужьырэр ыпкІэкІэ лажьэу, мэлхэм зэрафэмыгумэ­кІырэр ары.

14,15–Мэлэхъо дэгъур сэры. Ты лъапІэм сыкъишІэу, сэри Ты лъапІэр зэрэсшІэрэм фэдэу симэлхэр сэшІэх, мэл­хэми сыкъашІэ. Сэ спси симэлхэм апае сэты. 16Мы мэл Іэхъогъум щымыщхэу нэмыкІ мэлхэри сиІэх. Ахэри къэс­щэнхэ фае, ахэри сымакъэ къедэІущтых. Арэущтэу зы мэл Іэхъогъоуи зы мэлахъоуи хъущт. 17Сэ спсэ къэсштэ­жьынэу зэрэстырэр ары Ты лъапІэм шІу сызкІилъэгъу­рэр. 18Сэ спсэ зыми стырихырэп, сэр-сэрэу ар сэты. Ар стынэуи къэсштэжьынэуи лъэкІыныгъэ сиІ. А унашъор сэ Сятэ къысфишІыгъ.

19А гущыІэхэм апае джуртхэр джыри зэ куп-купэу зэ­рэгъэхъугъэх.

20–Ащ джынапцІэ хэс, ыІорэр ышІэжьырэп. Сыда ащ шъузкІедэІурэр?– аІощтыгъэ ахэмэ ащыщхэу бэмэ.

21 Ау нэмыкІхэм аІощтыгъ:

–А къыІохэрэр джынапцІэ зыхэс лІым игущыІэхэп. ДжынапцІэм нэшъур къыгъэплъэн ылъэкІына?

 

Джуртхэм Исус зэрамыштагъэр

22ЕтІанэ Тхьэм иунэшхо ежьым фагъази, къызэрэраты­жьыгъагъэм пае, мэфэкІ мэфэшхо мафэхэу* Ерусалим щагъэмэфэкІыхэрэр къэсыгъэх. КІымэфагъ. 23Исуси Тхьэм иунэшхо чІэтэу, пачъыхьэ Сэлмэн ыцІэкІэ заджэхэ­рэ щагоу шъхьэ зытелъ пкъэу къэлапчъэхэр зиІэм къы­щикІухьэщтыгъэ. 24Джуртмэ Исус къауцухьи къеупчІы­гъэх:

–Нафэу къытэмыІоу, сыд фэдизрэ джыри тэмыгъашІэу тыщыбгъэІэщта? Христосыр орымэ, занкІэу къытаІу.

25–ШъосІуагъэба, ау шъо шъушІошъ хъурэп,– ариІо­жьыгъ Исус. –Сэ Сятэ ыцІэкІэ згъэцакІэрэ Іофхэр шы­хьат къысфэхъух. 26Ау шъо шъушІошъ хъурэп, сыда пІо­мэ зэрэшъосІуагъэм тетэу симэлхэм шъо шъуащыщэп. 27Симэлхэр сымакъэ къедэІух. Сэ ахэр сэшІэх, ахэри сауж итхэу къэкІох. 28Ахэмэ мыкІодыжьын щыІэныгъэ ясэты, егъашІэми кІодыжьыщтхэп. Зыми ахэр сІэкІихынхэ ылъэкІыщтэп. 29Сэ Сятэу ахэр къысэзытыгъэр зэкІэмэ анахь ин. Зыми ахэр Сятэ ІэкІихынхэ ылъэкІыщтэп. 30Ты лъапІэмрэ сэррэ тыз.

31Исус ар зареІом, джуртхэмэ ежьыр аукІыным пае, еонхэу мыжъохэр къаштагъэх. 32Ау Исус ариІуагъ:

–Ты лъапІэм ыдэжь къикІыгъэу, Іофышхо гъэшІэгъон Іаджи шъозгъэлъэгъугъэ. Ахэмэ ащыщэу тара мыжъо­хэмкІэ шъукъысаозэ, сызтешъуукІыхьанэу шъузыфаер?

33–Іофышхо гъэшІэгъон горэ о зэрэпшІагъэр арэп мы­жъохэмкІэ тыкъыуаозэ, утыукІынэу тызыкІыфаер, ау о уцІыфэу «Сытхь» пІоу, Тхьэр зэрэбгъэпцІырэр ары,– къыраІожьыгъ джуртхэм.

34–Шъо шъуи Тэурат хабзэ итба, Тхьэм мырэущтэу

10:22 Тхьэм иунэшхо ежьым фагъази, къызэрэратыжьыгъагъэм пае, мэфэкІ мэфэшхо мафэхэр – Исус къэхъуным ыпэкІэ 167-рэ илъэсым Антиок Епифан зыцІэ пачъыхьэм тхьэ нэпцІхэм апае къурмэн шІыпІэ Тхьэм иунэшхо щигъэуцугъагъ. А пачъыхьэм Тхьэм иунэшхо арэу­щтэу зэриуцІэпІыгъагъэм пае, джуртхэм а унэшхор агъэкъэбзэ­жьи, Тхьэм ынэшІу ащ щифэнэу елъэІугъагъэх. Арэущтэу Тхьэм иунэ­шхо ежьым фагъази, къызэрэратыжьыгъагъэр агу къагъэкІыжьызэ, джуртхэм илъэс къэс мэфийкІэ а мэфэкІ мэфэшхо мафэхэр агъэмэфэ­кІых. ДжуртыбзэкІэ а мэфэкІ мэфэшхо мафэхэм зэряджэхэрэр «Хану­кэ» ары.


зэриГуагъэр:* «Сэ сІуагъэ шъо тхьэхэу шъузэрэщы­тыр?»– ариІожьыгъ Исус. –Тхьэм игущыІэ тхыгъэхэри укъуагъэхэу хъущтэп. 35Арэущтэу ежь игущыІэхэр цІыфхэу къызфэкІуагъэхэмэ «Шъо тхьэхэу шъущыт», ыІуи, Тхьэм ариІуагъ. 36Арышъ, сэ Ты лъапІэм къы­гъэнэфагъэу мы дунаем къыгъэкІуагъэм, «Сэ Тхьэм сыри Къу», зэрэсІуагъэм пае, сыдэущтэу «О Тхьэр огъэпцІы», къысэшъуІон шъулъэкІыра? 37Сэ Сятэ иІоф­хэр сымыгъэцакІэхэу щытмэ, сэркІэ шІошъхъуныгъэ зишъумыгъаІ. 38Ау сэ Сятэ иІофхэр згъэцакІэхэу щыт­мэ, сэркІэ шІошъхъуныгъэ шъуимыІэ пэтми, а Іоф­хэмкІэ шІошъхъуныгъэ зижъугъаІ. Ащыгъум сэ Ты лъапІэм сыщыщэу ыгу сызэрилъ зэпытри, Ты лъа­пІэри сэ къысщыщэу сыгу зэрилъ зэпытри къэшъу­шІэщт ыкІи къыжъугурыІощт.

39Джыри зэ Исус аубытынэу фежьагъэх, арышъхьакІэ ежьыр аІэпыкІыгъ.

40Ащ нэужым Исус Иордан зыцІэ псыхъом джыри зэпы­рыкІыжьи, Иуан цІыфхэр зыщиумэхъыщтыгъэ чІыпІэм кІуи, ащ дэжьым къэнагъ. 41ЦІыфыбэхэри ыдэжь къэ­кІуагъэх.

–Иуан зы нэшэнэ гъэшІэгъонышхуи къыгъэлъэгъуа­гъэп, ау мы лІым ехьылІагъэу къыІуагъэхэр зэкІэ шъы­пкъэх,– къаГуагъ ахэмэ.

42А чІыпІэми цІыфыбэмэ ИсускІэ шІошъхъуныгъэ яІэ хъугъэ.

 

11

ЯПШІЫКІУЗЭНЭРЭШЪХЬ

Лазар зэрэлІагъэр

ЛІы горэ Лазар ыцІэу сымаджэу щытыгъ. Ар Ви­фание къуаджэм* щыщыгъ. Мерэми ышыпхъу Марфи а

10:34 Тхьэм . . . зэриІуагъэр – еплъ Сэбур (Псалтыр) 82:6 (урыс библием­кІэ 81:6).

11:1 Вифание къуаджэр – Ерусалим километрищкІэ пэчыжьэу, итемыр тыгъэ къыкъокІыпІэ лъэныкъомкІэ щыт.


къуаджэм щыщыгъэх. 2А Мерэм* ары осэшхо зиІэ да­гъэр Зиусхьаным ылъакъохэм ащифи, ышъхьацкІэ зы­лъэкІыжьыгъэр. Ащ ышы Лазар ары сымаджэу щытыгъэр. 3Арэущтэу зэхъум, зэшыпхъуитІум Исус лІыкІо фагъа­кІуи рырагъэІуагъ:

–Зиусхьан, о шІу плъэгъурэр сымадж.

4Исус ар зызэхехым, къыІуагъ:

–А узыр лІэныгъэ къызхэкІырэ узэп, Тхьэм щытхъу­шхо фэзышІыщт уз нахь. А узым къыхэкІыкІэ цІыфхэм Тхьэм Ыкъо щытхъушхо фашІыщт.

5Исус, Марфи, Марфэ ышыпхъуи, Лазари шІу ылъэ­гъущтыгъэх. 6Лазар зэрэсымаджэр Исус зызэхехым, зы­дэщыІэ чІыпІэм джыри мэфитІукІэ къэнагъ.

7Ащ нэуж игъогу рыкІохэрэм ариІуагъ:

–Иудей хэкум* джыри тыжъугъэкІожь.

8–Равви, джуртхэр мыжъохэмкІэ къыоонхэу уаукІы­нэу уауж зитыгъэр бэ шІагъап, джыри ащ окІожьа?– къыраІуагъ игъогу рыкІохэрэмэ.

9–Мафэр сыхьат пшІыкІутІу мэхъуба?– къыІожьыгъ Исус. –Мафэм зекІорэр лъэпаорэп, сыда пІомэ дунаем инэфынэ елъэгъушъ ары. 10Ау чэщым зекІорэр мэлъэ­пао, сыда пІомэ нэфынэм хэтэпышъ ары.

11Исус а гущыІэхэр зареІохэ ужым, ариІуагъ: –Тиныбджэгъу Лазар хэчъыягъ, ау къэзгъэушыжьынэу

сэкІо.

12–Зиусхьан, хэчъыягъэмэ хъужьыщт,– къыраГуагъ игъогу рыкІохэрэм. 13Ау Исус зыфиІуагъэр Лазар зэрэ­лІагъэр ары, ау игъусэхэм къызэрагурыІуагъэр чъыен къызэрыкІом Исус тегущыІэу ары.

14Джащыгъум Исус нафэу ариІуагъ:

–Лазар лІагъэ. 15Ау шъощ пае сигуапэ ащ дэжьым сызэ­рэщымыІагъэр, шІошъхъуныгъэ шъуиІэ хъуным пае. Ау некІо ыдэжь тыжъугъакІу.

16Исус арэущтэу зареІом, Фомэу ТІуазэкІэ заджэхэрэм адрэ нэбгырэхэу Исус игъогу рыкІохэрэм ариІуагъ:

–НекІох, тэри Исус тыдэрэкІод.

11:2 А Мерэмыр – еплъ 12:1-8. 11:7 Иудей хэкур– еплъ 3:22.


Исусэу лІагъэхэр къэзыгъэтэджыжьэу, щыІэныгъэ язытырэр

17ЕтІанэ ащ дэжьым зынэсым, Лазар къэунэм зычІалъ­хьажьыгъэр мэфиплІ зэрэхъугъэр Исус къышІагъ. 18Ви­фание къуаджэр стадие* пшІыкІутфыкІэ Ерусалим пэчы­жьэу щыт. 19Лазар зэрэлІагъэм пае, джуртыбэ тхьаусха­кІо Марфэрэ Мерэмрэ къафэкІуагъэх. 20Марфэ Исус къызэрэкІорэр зызэхехым, ащ пэгъокІыгъ, ау Мерэм унэм къинагъ.

21–Зиусхьан,– ыІуи, Марфэ Исус къыриІуагъ. –О мыщ ущыІагъэемэ, сэ сшы лІэщтыгъэп. 22Ау о Тхьэм сыд щыщ­кІи уелъэІумэ, джыри ар къызэрэпфишІэщтыр сэшІэ.

23–О пшы къэтэджыжьыщт,– риІуагъ Исус.

24–Аужырэ мафэу лІагъэхэр къэзыщытэджыжьы­щтым ари къызэрэтэджыжьыщтыр сэшІэ,– къыриІо­жьыгъ Марфэ.

25–ЛІагъэхэр къэзыгъэтэджыжьэу, щыІэныгъэр язы­тырэр сэры; сэркІэ шІошъхъуныгъэ зиІэр лІэми щыІэщт; 26хэти ащ фэдэ щыІэныгъэ зиІэ хъоу, сэркІэ шІошъхъу­ныгъэ зиІэр егъашІэми лІэжьыщтэп. Ар пшІошъ мэ­хъуа?– риІуагъ Исус.

27–Ары, Зиусхьан,– къыриІожьыгъ Марфэ. –Христо­сэу* Тхьэм Ыкъоу дунаем къэкІон фэягъэр орэу зэрэщы­тыр сшІошъ мэхъу.

28Марфэ ар къызеІом, ыгъэзэжьи, ышыпхъу Мерэм къеджи, шъэфэу риІуагъ:

–Дин гъэсакІор къэкІуагъэу къыоджэ.

29Мерэм ар зызэхехым, псынкІэу къэтэджи, Исус ыдэжь къэкІуагъ. 30Исус джыри къуаджэм дэхьэгъагъэ­гоп, Марфэ зыщыІукІагъэм ыдэжь щытыгъ. 31Джуртхэу тхьаусхакІо къэкІуагъэхэр Мерэм игъусэхэу унэм исы­гъэхэм Мерэм псынкІэу тэджи, унэм икІыгъэу залъэгъум, къэунэм кІонышъ, ащ дэжьым щыгъынэу ашІошІи, ыуж ихьагъэх.

32 Ау Мерэм Исус зыдэщыІэм къакІуи, Исус зелъэгъум,

11:18 стадие – метр 192-рэ мэхъу. 11:27 Христос – еплъ 1:20.


ылъакъохэм адэжь зыщыридзыхи къыриІуагъ:

–Зиусхьан, о мыщ ущыІагъэемэ, сэ сшы лІэщты­гъэп.

33Исус Мерэм гъэу, ащ игъусэхэу къэкІогъэ джуртхэри гъыхэу зелъэгъухэм, ыгу къеуи, лъэшэу гумэкІыгъэ.

34–Тыда хьадэр зыщычІэшъулъхьажьыгъэр?– къыІуагъ Исус.

–Зиусхьан, къакІуи, еплъ,– къыраІуагъ ахэмэ.

35Джащыгъум Исус къэгъыгъ.

36Ар залъэгъум, джуртмэ къаІуагъ:

–Ащ шІу зэрилъэгъущтыгъэм шъуеплъ!

37–Мы лІэу нэшъум ынэхэр къэзыгъэплъагъэм а лІыр ымыгъэлІэн ылъэкІыщтыгъэба?– къаІуагъ ахэмэ ащыщ­хэу заулэмэ.

Исус Лазар лІагъэхэм къызэрахигъэтэджыкІыжьыгъэр

38Исус ыгу лъэшэу къыхаІэу, къэунэм кІуагъэ. Ар гъо­чІэгъэу щытыгъ, мыжъуи ащ Іуалъхьажьыгъэу щытыгъ.

39–Мыжъор Іушъух,– къыІуагъ Исус.

–Зиусхьан,– ыІуи, лІагъэм ышыпхъу Марфэ Исус къы­риІуагъ, –ар зылІагъэр мэфиплІ мэхъу, мэ Іае къы­пихы хъугъэ.

40–ШІошъхъуныгъэ уиІэмэ, Тхьэм ищытхъушхо зэрэ­плъэгъущтыр къыосІуагъэба?– риІуагъ Исус.

41Арэущтэу лІагъэр зычІэлъ гъочІэгъым Іулъ мыжъор Іуахыгъ. Исуси уашъом дэплъыий къыІуагъ:

–Сэ Сят! СилъэІу укъызэредэІугъэмкІэ щытхъу къы­пфэсэшІы. 42Сыдигъуи силъэІухэм укъызэрядэІурэр сэ­шІэ. О сыкъызэрэбгъэкІуагъэмкІэ мыщ дэжьым щыт цІыф купышхом шІошъхъуныгъэ яІэ хъуным пае, мы гу­щыІэхэр къэсІуагъэх.

43Исус ар къызеІом ыуж, мэкъэшхокІэ къыІуагъ:

–Лазар, къычІэкІ!

44ЛІагъэм ыІэхэми ылъакъохэми чэфынхэр къящэкІы­гъэхэу, ынэгуи шэкІ фыжь ещэкІыгъэу къычІэкІыгъ.

–Чэфынхэу ещэкІыгъэхэр къытешъухыжьи, орэ­кІожь!– ариІуагъ Исус.


Тхьэмэтэ Хэсэшхом щыщ тхьаматэхэм Исус тхьагъэпцІыгъэкІэ аукІынэу гухэлъ зэрашІыгъэр

(Маттэ 26:1-5; Марк 14:1-2; Лука 22:1-2)

45Исус Іофышхо гъэшІэгъонэу ышІагъэр залъэгъум, Мерэм ыдэжь къэкІогъэгъэ джуртхэм ащыщхэу бэмэ ИсускІэ шІошъхъуныгъэ яІэ хъугъэ. 46Ау а джуртхэмэ ащыщэу куп фарисеймэ адэжь кІохи, Исус ышІагъэр ара­Іотэжьыгъ. 47Дин пэщэшхохэмрэ фарисейхэмрэ хъугъэ­шІагъэр зызэхахым, Тхьэмэтэ Хэсэшхом* щыщхэр зэІуа­гъэкІагъэх.

–Сыда тшІэщтыр?– аІозэ зэхэупчІыхьажьыгъэх. –Мы лІым нэшэнэ гъэшІэгъонышхоу Іаджи къегъэлъагъо. 48Ащ тыпэмыуцоу къэдгъанэмэ, цІыф пстэуми ащкІэ шІошъхъуныгъэ яІэ хъущт. Рим къэралыгъошхом щыщ­хэу, мы хэгъэгур зыІэ илъхэр къэкІонхэшъ, Тхьэм иунэ­шхуи ттырахынышъ, тэ тлъэпкъи агъэкІодыщт.

49Джуртхэм ащыщэу, а илъэсым дин пэщэшхоу* щытэу Кайафэ* зыцІэм адрэмэ ариІуагъ:

–Шъо зи шъушІахэрэп. 50Тэ тлъэпкъ зэкІэ кІоды­ным нахьи, лъэпкъым пае зы нэбгырэ закъо лІэмэ, тэр­кІэ зэрэнахьышІур къыжъугурыІорэба?

51Ар ежь-ежьырэу къыІуагъэп, ау а илъэсым дин пэщэ­шхоу щытыгъэти, джурт лъэпкъым пае Исус ыпсэ зэри­тыщтыр Тхьэм ащ ыгу къырилъхьи, къыригъэІуагъ. 52Исус ыпсэ зыфитыщтыр джурт лъэпкъым пае закъор армырэу, Тхьэм ибынхэу зэбгыридзыгъэхэр зы хъунхэуи зы чІыпІэ щиугъоижьынхэуи ары. 53Арыти, а мафэм ще­гъэжьагъэу Исус аукІынэу рахъухьагъ.

54Ащ къыхэкІэу цІыфхэм алъэгъоу Исус джуртхэмэ къахэхьажьыгъэп, ау а чІыпІэм икІи, шъоф нэкІым ылъэ-

11:47 Тхьэмэтэ Хэсэшхор – дин Іофхэм яхьылІагъэу хьыкум зышІэу, анахь тетыгъо зиІэ хасэу джуртхэм яІагъэр ары. Тхьаматэ нэбгырэ 70-рэ Тхьэмэтэ Хэсэшхом щыщыгъэх. А хэсэшхом итхьаматэу дин пэщэшхор арыгъэ. Тхьэмэтэ Хэсэшхом загъорэ «СинедрионкІэ» еджэх.

11:49 дин пэщэшхор – дин пащэхэм ятхьаматэуи Тхьэмэтэ Хэсэшхом итхьаматэуи щытыгъ.

11:49 Кайафэ – Аннэ ыпхъу илІэу щытыгъ. Исус къызэхъу нэужым я 18-36 -рэ илъэсхэм къакІоцІ дин пэщэшхоу щытыгъ.


ныкъокІэ ит къуаджэу Ефраим* зыцІэм кІуи, игъогу ры­кІохэрэр игъусэхэу ащ дэжьым къэнагъ.

55Джуртхэм ямэфэкІ мэфэшхоу Пасхъэ зыцІэр къэблэ­гъагъэти, диным къызэриІорэм тетэу, мэфэкІ мэфэшхом ыпэкІэ загъэкъэбзэжьынэу а хэкум щыщхэу цІыфыбэхэр Ерусалим къэкІуагъэх. 56Джащыгъум Исус лъыхъущты­гъэх, Тхьэм иунэшхо чІэтхэуи зэхэупчІыхьажьыщтыгъэх:

–Сыда шъуІорэр шъо? МэфэкІ мэфэшхом пае ар къэ­кІонба?

57Ау дин пэщэшхохэмрэ фарисейхэмрэ Исус аубыты­ным пае, унашъо къыдагъэкІыгъагъ:

–Хэти Исус зыдэщыІэр зышІэрэм макъэ къытигъэІун фае.

 

12

ЯПШІЫКІУТЮНЭРЭШЪХЬ

ЯПШІЫКІУТЮНЭРЭШЪХЬ

Мерэм Вифание къуаджэм дагъэу осэшхо зиІэр Исус ылъакъохэм зэращифагъэр

(Маттэ 26:6-13; Марк 14:3-9)

МэфэкІ мэфэшхоу Пасхъэ зыцІэр* къэсынкІэ мэфих къэнагъэу, Исус Вифание къуаджэм къэкІуагъ. Лазарэу Исус лІагъэхэм къахигъэтэджыкІыжьыгъэр ащ дэжьым щыпсэущтыгъ. 2Исус пчыхьэшъхьашхэ къыфагъэхьазы­рыгъ, Марфи бысымгуащэу щытыгъ. Исус игъусэу Іанэм пэсыгъэхэм Лазари ахэсыгъ. 3Джащыгъум Мерэм нард зы­цІэ къэкІыгъэм идагъэ къабзэу ыкІи осэшхо зиІэу, мэІэ­шІу зыпихырэм щыщ зы апч къышти, Исус ылъакъохэм ащифи, ышъхьацкІи ылъэкІыжьыгъэх. Дагъэм къыпи­хырэ мэ ІэшІур унэм изы хъугъэ.

4Ау Исус игъогу рыкІохэрэм ащыщэу Иудэ Симон Искариотэу, Исус тетыгъо зиІэхэм аІэкІэзыгъэхьанэу щытыгъэм къыІуагъ:

11:54 Ефраим къуаджэр – Ерусалим километрэ 24-кІэ пэчыжьэу, итемыр тыгъэ къыкъокІыпІэ лъэныкъомкІэ итыгъ. Темыр зыфаІорэр арапыбзэкІэ «шэмал», тыркубзэкІи «кузей» ары.

12:1 МэфэкІ мэфэшхоу Пасхъэ зыцІэр – еплъ 2:13.


5–Мы дагъэу осэшхо зиІэр динар* шъищкІэ тщэу тхьа­мыкІэхэм сыда зыкІятымытыгъэр?

6Иудэ ар зыкІиІуагъэр тхьамыкІэхэм ыгу афэгъукІэ арэп, тыгъуакІоу щытыгъэти ары нахь. Ащ ахъщалъэр ыІыгъыгъэти, ащ ахъщэу ралъхьэрэм хэтыгъухьэщтыгъ.

7–А бзылъфыгъэм ыуж икІ,– къыІуагъ Исус. –Сэ сызщычІалъхьажьыщт мафэм пае мы дагъэр сфиухъу­магъ. 8Сыда пІомэ тхьамыкІэхэр шъо къышъухэт зэпы­тых, ау сэ сышъухэт зэпытыщтэп.

9ЦІыф купышхоу джуртхэм ащыщхэм Исус ащ дэжьым зэрэщыІэр зэхахыгъэти къэкІуагъэх, ау къызфэкІуагъэ­хэр Исус изакъоп, Лазарэу лІагъэхэм къахигъэтэджыкІы­жьыгъэри зэрагъэлъэгъунэу арыгъэ. 10Арэущтэу дин пэ­щэшхохэм Лазари аукІынэу рахъухьагъ, 11сыда пІомэ Ла­зар пае джуртыбэхэр ятхьаматэхэм агокІыхи, ИсускІэ шІошъхъуныгъэ яІэ хъугъэ.

Щытхъушхо иІэу, Исус Ерусалим зэрэдэхьагъэр

(Маттэ 21:1-11; Марк 11:1-11; Лука 19:28-40)

12ЯтІонэрэ мафэм мэфэкІ мэфэшхом пае къэкІогъэ цІыф купышхохэм Исус Ерусалим къызэрэкІорэр зэха­хыгъ. 133ызэхахым, палмэ чъыгым* икъутамэхэр аштэхи, Исус пэгъокІынхэу дэкІыгъэх, мэкъэшхокІэ къаІозэ:

–Хьусаннэ!* Израил ипачъыхьэу

Зиусхьаным ыцІэкІэ къакІорэм

щытхъушхор ий! 14ЕтІанэ Исус зы щыд къунан къыгъоти, тетІысхьагъ, Тхьэм игущыІэ тхыгъэхэм зэрарытым фэдэу,*

15 «Умыщын Сион къалэ.

Мары, уипачъыхьэ щыд къунаным* тесэу къэкІо».

12:5 динар – еплъ 6:7.

12:13 палмэ чъыгыр – хъурмэ чъыгыр ары.

12:13 Хьусаннэ – щытхъу гущыІэ ары.

12:14-15 Тхьэм игущыІэ тхыгъэхэм зэрарытым фэдэу – еплъ Пегъымбар Исайас тхылъэу ытхыгъэм 40:9; Пегъымбар Зэкъарие тхылъэу ытхы­гъэм 9:9.

12:15 щыд къунан – щыд курэр ары.


16Исус игъогу рыкІохэрэм а хъугъэ-шІагъэм къикІы­рэр къагурыІуагъэп, ау Исус щытхъушхо иІэ хъугъэу, уа­шъом зыдэкІоежьым ыуж, Исус ехьылІагъэу Тхьэм игу­щыІэ тхыгъэхэм а гущыІэхэр зэрарытхэри, а гущыІэхэм атетэу цІыфхэр Исус зэрэдэзекІуагъэхэри агу къэкІы­жьыгъ.

17ЦІыфхэу купышхом хэтхэу Исус игъусагъэхэм адрэ цІыфхэм араІуатэ зэпытыщтыгъ, Исус Лазар еджи, къэ­унэм къычІигъэкІыжьи, лІагъэхэм къызэрахигъэтэджы­кІыжьыгъэр. 18А нэшэнэ гъэшІэгъонышхор къызэригъэ­лъэгъуагъэр цІыфыбэмэ зэхахыгъэти, Исус пэгъокІын­хэу дэкІыгъэх. 19Ар залъэгъум, фарисеймэ зэраІожьыгъ:

–Шъуеплъ, ежьым зи ешъушІэн зэрэшъумылъэкІырэр шъолъэгъу. Мары дунаем ицІыф пстэури ежьым ыуж ехьэх.

Исус ежьыр зэраукІыщтыр къызэриІуагъэр

20МэфэкІ мэфэшхом Тхьэм щелъэІунхэу къэкІуагъэхэ­мэ урым цІыф* заулэхэр ахэтыгъэх. 21Ахэр Галилей хэ­кум ит Вифсайдэ къалэм* щыщ Филипп ыдэжь кІохи елъэ­Іугъэх:

–Тхьаматэ, Исус тлъэгъунэу тыфай.

22Филиппи кІуи, Индрыс риІуагъ. ЕтІанэ Филиппрэ Индрысрэ кІохи, Исус раІуагъ.

23–ЦІыф Лъэпкъым Ыкъо ищытхъушхо цІыфхэм зыщалъэгъущт сыхьатыр къэсыгъ,– къариІуагъ Исус. 24–Шъыпкъэ дэдэр шъосэІо, коцыцэр чІыгум хафэу мы­лІэмэ, изакъоу къэнэжьы, ау чІыгум хафэу зылІэкІэ, гъэбэжъушхо къыхьыщт. 253ыпсэ шІу зылъэгъурэм ыпсэ шІокІодыщт, ау зыпсэ мы дунаем щызыуджэгъурэм сыди­гъуи щыІэнэу къыгъэнэжьыщт. 26Сэ къысфэлажьэрэр сауж къырэрэкІу. Сэ сыздэщыІэми къысфэлажьэрэри щыІэщт. Ты лъапІэм сэ къысфэлажьэрэм лъытэныгъэ фишІыщт.

27–Джы сэгумэкІы. Сыд сІона? Сэ Сятэ мы къиныгъэм сыхэхыжь, есІона? Мы къиныгъэр сщэчынэу ары дунаем

12:20 урым цІыфхэр – иунан цІыфхэр ары. 12:21 Вифсайдэ къалэр – еплъ 1:44.


сыкъызфэкІуагъэр. 28Сэ Сятэ о пцІэ ищытхъушхо цІыф­хэм ягъэлъэгъу.

Исус ар зеІом, уашъом зы макъэ къиІукІыгъ:

–Сэ сцІэ ищытхъушхо цІыфхэм язгъэлъэгъугъ, джыри зэ язгъэлъэгъужьыщт.

29ЦІыф купышхом хэт цІыфхэу ащ дэжьым щытхэм ар зызэхахым, аІуагъ:

–Ар шыблэ гъогъо макъ.

–МэлэІич горэ ащ къыдэгущыІагъ,– аІуагъ нэмыкІ­хэмэ.

30–Мы макъэр сэщ пае къэІугъэп, шъощ пае нахь,– къыІуагъ Исус. 31–Джы Тхьэм дунаем ицІыфхэм хьыкум атыришІыхьащт. Джы Тхьэм мы дунаем ипщ* тыридзыщт. 32Ау цІыфхэм сэ сыкъызаІэтыкІэ,* цІыф пстэури садэжь къэсщэщтых.

33Ежьыр зэрэлІэщт шІыкІэр ахэмэ агуригъэІоным пае, Исус а гущыІэхэр къыІуагъэх.

34–Христос егъашІэми зэрэщыІэщтыр Тэурат хабзэм тигъэшІагъ,– къыраІуагъ цІыф купышхом. –ЦІыфхэм ЦІыф Лъэпкъым Ыкъо* къызэраІэтыщтыр къэоІо, ар сыдэу хъура? ЦІыф Лъэпкъым Ыкъоу зыфапІорэр хэта?

35–Нэфынэр джыри зы тІэкІурэ къышъухэтыщт,– ари­Іуагъ Исус ахэмэ. –ШІункІыгъэр къышъутемыоу нэфы­нэр шъуиІэфэ шъукІу. ШІункІыгъэм хэтэу зекІорэм зы­дакІорэр ышІэрэп. 36Нэфынэм ибынхэу шъухъуным пае, нэфынэр шъуиІэфэ, нэфынэмкІэ шІошъхъуныгъэ зижъу­гъаІ.

А гущыІэхэр Исус къызеІохэм ыуж, ахэмэ ахэкІи, амы­лъэгъужьы хъугъэ.

Джуртхэм яшІошъмыхъуныгъ

37Исус ащ фэдиз нэшэнэ гъэшІэгъонышхохэр ахэмэ апашъхьэ къыщигъэлъэгъуагъэхэми, ежьымкІэ шІошъ­хъуныгъэ яІэ хъугъэп. 38Арэущтэу зыфэхъугъэр мы гу-

12:31 мы дунаем ипщ – шэйтаныр ары.

12:32 сыкъызаІэтыкІэ – еплъ 3:14.

12:34 ЦІыф Лъэпкъым Ыкъо – еплъ 1:51.

щыІэхэу пегъымбар Исайас къыІуагъэхэр* къэшъыпкъэ­жьынхэр ары:

«Зиусхьан, къэбарэу дгъэІугъэр хэта зышІошъ хъу-

гъэр? Тхьэу Зиусхьаным ыкІочІэшхуи хэта нафэ зыфэхъу­гъэр?» 39А гущыІэхэр шъыпкъэх. А цІыфхэм шІошъхъуныгъэ яІэ хъун алъэкІыщтыгъэп, сыда пІомэ пегъымбар Исайас итхылъ итэу нэмыкІ чІыпІэм ыдэжь къызэриІуагъэм фэ­Дэу,*

40«Тхьэм ахэмэ анэхэр нэшъоу къыгъэхъугъэх, агухэри гуркъэхэу къыгъэхъугъэх. Арэущтэу анэхэмкІэ алъэгъурэп, агухэмкІи къагу-

рыІорэп, ыгъэхъужьынхэм паий, Тхьэм ыдэжь къагъэзэжь­рэп».

41Пегъымбар Исайас Исус щытхъушхоу иІэнэу щыты­гъэр зэрилъэгъугъэм пае, а гущыІэхэр къыІуагъэх. Зи­гугъу ышІыгъэр Исус ары.

42Ау щытми, джурт тхьаматэхэм ащыщхэу бэмэ Исус­кІэ шІошъхъуныгъэ яІэ хъугъэ, ау цІыфмэ апашъхьэ ар къыщаІуагъэп, сыда пІомэ «Синэгогум тыкъычІафыщт», аІозэ, фарисейхэм ащыщынэщтыгъэхэти ары. 43Сыда пІомэ Тхьэм ищытхъу нахьи цІыфмэ ящытхъу нахьышІу алъэгъущтыгъ.

44ЕтІанэ Исус мэкъэшхокІэ къыІуагъ:

–СэркІэ шІошъхъуныгъэ зиІэ хъурэм шІошъхъуныгъэ зыфиІэ хъурэр сэ сизакъоу арэп, сэ сыкъэзыгъэкІуагъэм­кІи шІошъхъуныгъэ иІэ мэхъу. 45Сэ сызылъэгъурэм сэ сыкъэзыгъэкІуагъэри елъэгъу. 46СэркІэ шІошъхъуныгъэ зиІэр шІункІыгъэм къыхэмынэным пае, нэфынэу дунаем сыкъэкІуагъ.

47–Сэ сигущыІэхэр зэхэзыххэу, ахэмэ ямыдэІурэр сэ згъэмысэщтэп. Сыда пІомэ дунаем ицІыфхэр згъэмысэн­хэу арэп сыкъызфэкІуагъэр, ахэр мыкІодхэу къэзгъэнэ­жьынхэу ары нахь. 48Сэ сызэзымыпэсэу сигущыІэхэри зы-

12:38 пегъымбар Исайас къыІуагъэхэр – еплъ Пегъымбар Исайас тхылъэу ытхыгъэм 53:1.

12:39-40 пегъымбар Исайас къызэриІуагъэм фэдэу – еплъ Пегъымбар Исайас тхылъэу ытхыгъэм 6:10.


мыдэрэм ежьыр зыгъэмысэн горэ иІ. ГущыІэхэу къэсІуагъэхэм

ахърэт мафэм а цІыфыр агъэмысэщт. 49Сыда пІомэ сэр-сэрэу сигущыІэхэр къэсІуагъэхэп, ау Ты лъапІэу сыкъэзыгъэкІуагъэм къэсІощтхэр унашъо къысфи­шІыгъ. 50Ащ иунашъо цІыфхэм мыкІодыжьын щыІэны­гъэ яІэ зэригъэхъурэр сэшІэ. Арышъ, къасІохэрэр зэкІэ Ты лъапІэм къызэриІуагъэм тетэу сэ къэсэІожьых.

13

ЯПШІЫКІУЩЭНЭРЭШЪХЬ

Исус игъогу рыкІохэрэм алъакъохэр зэритхьакІыгъэхэр

Пасхъэ зыцІэ мэфэкІ мэфэшхор къэсынэу щытыгъ. Ду­наем ехыжьынышъ, Ты лъапІэм ыдэжь зыщигъэзэжьыщт сыхьатыр къызэрэсыгъэр Исус ышІэщтыгъ. Ежь ицІыф­хэу дунаем тетхэр шІу ылъэгъущтыгъэх, кІэухыми нэсы­фэ шІу ылъэгъущтыгъэх.

2Пчыхьэшъхьашхэ ашІыщтыгъ. Исус тетыгъо зиІэхэм аІэкІигъэхьанэу шэйтаным Симон Искариот ыкъоу Иудэ ыгу рилъхьэгъах. 3Исус ыІэ Ты лъапІэм зэкІэ къызэрэри­лъхьагъэри, Тхьэм зэрэщыщри, Тхьэм ыдэжь зэригъэзэ­жьыщтри ышІэщтыгъ. 4Арэущтэу Исус Іанэм пэкІи, ищыгъын кІыІутелъ зыщихи, ІэплъэкІ къышти, ыбгы къырищэкІыгъ. 5ЕтІанэ лэджэным псы ригъахъуи, игъогу рыкІохэрэм алъакъохэр афитхьакІыхэу, Іэплъэ­кІэу ыбг ещэкІыгъэмкІи афилъэкІыжьхэу ыублагъ. 6Исус Симон Петрэ зыбгъодахьэм, Симон Петрэ ащ къыриІуагъ:

–Зиусхьан, э слъакъохэр о птхьакІыхэ хъуна?

7–Сэ сшІэрэр джы о къыбгурыІорэп, ау етІанэ къыб­гурыІощт,– риІожьыгъ Исус.

8–Сэ слъакъохэр егъашІэми озгъэтхьакІынхэп,– къы­риІуагъ Петрэ.

– ПфэсымытхьакІымэ, сигъогу рыкІохэрэм уащыщэп,– риІожьыгъ Исус.

9–0 Зиусхьан, ащыгъум слъакъомэ ямызакъоу сІэхэри сшъхьи сфэтхьакІых,– къыриІуагъ Симон Петрэ.

10–ЗызыгъэпскІыгъэм ылъакъохэр ары ныІэп ытхьа­кІынхэ фаер,– риІуагъ Исус, –сыда пІомэ ар зэкІэ къа­бзэ; шъори шъукъабз, ау шъо зэкІэ шъукъабзэп.


11Исус «Шъо зэкІэ шъукъабзэп» зыкІиІуагъэр ежь теты­гъо зиІэхэм аІэкІэзыгъэхьанэу щытыгъэр зэрахэтыр ышІэщтыгъэти ары.

12 Исус ахэмэ алъакъохэр ытхьакІыхи, ищыгъынхэр зыщилъэжьхи зэтІысыжьым, яупчІыгъ:

–КъышъуфэсшІагъэр шъошІа? 13Шъо «Дин ГъэсакІо­кІэ» ыкІи «ЗиусхьанкІэ» шъукъысэджэ; шъуІорэр тэрэз, аущтэуи сыщыт. 14Сэ шъуи Зиусхьанэу ыкІи шъуи Гъэса­кІоу сыщыт пэтми, шъо шъулъакъохэр къышъуфэстхьа­кІыгъэх. Шъори шъулъакъохэр зэфэшъутхьакІыжьынхэ фае. 15ШъушІэн фаер шъозгъэлъэгъугъ, сэ къышъуфэ­сшІагъэм фэдэу, шъори шъушІэным пае. 16Шъыпкъэ дэ­дэр шъосэІо, Іофтабгэр итхьаматэ нахьи нахь инэп; ащ фэдэуи лІыкІор ежьыр зыгъэкІуагъэм нахьи нахь инэп. 17Мы Іофхэр къыжъугурыІохэу, шъогъэцакІэхэмэ сы­хьатмафэ шъуежьагъ.

18–Ау шъо зэкІэми къышъохьылІагъэу ар сэ къасІорэп. Сэ къыхэсхыгъэхэр сэшІэх, ау мы гущыІэхэу Тхьэм игу­щыІэ тхыгъэхэм арытхэр* къэшъыпкъэжьынхэ фае: «Си­хьалыгъу зышхыгъэм ылъэдакъэ къысфигъэзэжьи, пый къысфэхъугъ».

19–Ар къэхъуным ыпэкІэ, джы сэ шъосэІо, ар хъу зыхъу­кІэ, сэ сызэрэ-ХристосымкІэ шІошъхъуныгъэ шъуиІэ хъу­ным пае. 20Шъыпкъэ дэдэр шъосэІо, сэ къэзгъакІорэр къезыгъэблагъэрэм сэри сыригъэблэгъагъэу мэхъу, сэ сезыгъэблагъэрэми сэ сыкъэзыгъэкІуагъэри ригъэблэ­гъагъэу мэхъу.

Исус игъогу рыкІохэрэм ащыщэу зыгорэм ежьыр тетыгъо зиІэхэм зэраІэкІигъэхьащтыр къызэриІуагъэр

(Маттэ 26:20-25; Марк 14:17-21; Лука 22:21-23)

21Исус а гущыІэхэр къызеІохэм ыуж, къэгумэкІи, къы­ушыхьатэу къыІуагъ:

–Шъыпкъэ дэдэр шъосэІо, шъуащыщэу зыгорэм теты­гъо зиІэхэм саІэкІигъэхьащт.

22Ар къызеІом, Исус ахэмэ ащыщэу зыфиІорэр игъогу рыкІохэрэм амышІэу, зыр адрэм еплъыжьыщтыгъ.

13:18 Тхьэм игущыІэ тхыгъэхэм арытхэр – еплъ Сэбур (Псалтыр) 41:9 (урыс библиемкІэ 40:10).


23Игъогу рыкІохэрэм ащыщэу Исус анахьышІоу ылъэ­гъурэр ежьым къыбгъодэсэу Іанэм пэсыгъ. 24Симон Петрэ а нэбгырэу Исус къыбгъодэсым Іэ фишІыгъ, Исус зы­фиІорэмкІэ еупчІынэу.

25А лІым Исус ыбгъэгу зычІидзи, еупчІыгъ:

–Зиусхьан, хэта а зыфапІорэр?

26–Мы хьалыгъу Іулъхьэр апсым хэзгъэонышъ, зэсты­щтыр ары зыфасІорэр,– пэгъокІ ытыжьыгъ Исус. ЕтІанэ хьалыгъу Іулъхьэр апсым хигъауи, Симон Искариот ыкъо Иудэ ритыгъ. 27Иудэ а хьалыгъу Іулъхьэр зештэм, ыгу Шэйтаныр къихьагъ.

–ПшІэнэу о угу илъыр шІэхэу шІэ!– ыІуи, Исус Иудэ риІуагъ.

28Ау Исус ащ арэущтэу зыкІыриІуагъэр Іанэм пэсыгъэ­мэ ащыщэу зыми къыгурыІуагъэп. 29Иудэ ахэмэ яахъща­лъэ ыІыгъыгъэти, е «Пасхъэ мэфэшхом пае тищыкІагъэр къэщэф», е «ТхьамыкІэхэм зыгорэ ят», ыІозэ, Исус ащ риІуагъэу заулэмэ къашІошІыгъ. 30Иудэм хьалыгъу Іулъ­хьэр Исус къызэрэІихэу, унэм икІыгъ. Чэщэу щытыгъ.

УнэшъуакІэр

31Иудэ унэм зекІым, Исус къыІуагъ:

–Джы цІыфхэм ЦІыф Лъэпкъым Ыкъо ищытхъушхо алъэгъунэу щыт, ащи Тхьэм ищытхъушхо аригъэлъэгъу­нэу щыт. 32Ащ Тхьэм ищытхъушхо цІыфхэм арегъэлъэ­гъушъ, ежь Тхьэми ЦІыф Лъэпкъым Ыкъо ищытхъушхо цІыфхэм аригъэлъэгъущт. Бэ темышІэуи Тхьэм ащ ищы­тхъушхо аригъэлъэгъущт.

З3–Сибынхэр, сышъуигъусэнэу къэнэжьырэр бэп. Шъо шъукъыслъыхъущт, ау «СыздакІорэм шъо шъукъэкІон шъулъэкІыщтэп», сІуи, джуртмэ зэрясІуагъэм фэдэу, джы шъори шъосэІо.

34–УнэшъуакІэ шъосэты: ШІу шъузэрэлъэгъу. Сэ шІу шъузэрэслъэгъугъэм фэдэу, шъори шІу шъузэрэлъэгъу. 35Шъо шІу шъузэрэлъэгъумэ, шъо сигъогу шъузэрэры­кІорэр цІыф пстэуми ашІэщт.


«Сэ сыкъэмышІэу къэпІощт,» ыІуи, Исус Петрэ зэрэриІуагъэр

(Маттэ 26:31-35; Марк 14:27-31; Лука 22:31-34)

36Симон Петрэ Исус къыриІуагъ:

–Зиусхьан, тыда уздакІорэр?

–Сэ сыздакІорэм джы укъыскІэлъыкІон плъэкІыщтэп, ау етІанэ укъыскІэлъыкІощт,– риІожьыгъ Исус.

37–Зиусхьан,– къыриІуагъ Петрэ. –Сыд джы сыкъыпкІэ­лъыкІон зыкІэсымылъэкІырэр? Ощ пае сэ спсэ стыщт.

38–Сэщ пае о упсэ птыщта?– пэгъокІ ытыжьыгъ Исус. –Шъыпкъэ дэдэр осэІо, атакъэр Іоным ыпэкІэ сэ сыкъэ­мышІэу гъогогъуищэ къэпІощт!

 

14

ЯПШІЫКІУПЛІЭНЭРЭШЪХЬ

Исусэу Ты лъапІэм ыдэжь кІорэ гъогур

–ШъумыгумэкІ. ТхьэмкІэ шІошъхъуныгъэ зижъугъаІ, сэркІи шІошъхъуныгъэ зижъугъаІ. 2Сэ Сятэ иунэшхо унэхэу хэтхэр бэ; арэу щымытыгъэмэ, шъосІощтыгъэ: «ЧІыпІэ къышъуфэзгъэхьазырынэу сыкІощт». 3СыкІоу, чІыпІэ къызышъуфэзгъэхьазыркІэ, сыкъэкІожьынышъ, сэ сыздэщыІэм шъори шъущыІэнэу шъуздэсщэщт. 4Сыз­дакІорэм игъогу шъо шъошІэ.

5–Зиусхьан,– къыриІуагъ Фомэ Исус, –уздакІорэр тшІэ­рэп. Арышъ, уздакІорэм игъогу сыдэущтэу тшІэн тлъэ­кІына?

6–Гъогури, шъыпкъагъэри, щыІэныгъэри сэры,– ри­Іожьыгъ Исус. –Сэ сигъогу рымыкІомэ, Ты лъапІэм ыдэжь цІыф зи кІошъущтэп. 7Сэ сышъошІэмэ, Сяти шъо­шІэ. Джы щегъэжьагъэу Сятэ шъошІэ ыкІи шъулъэгъу­гъэ.

8–Зиусхьан,– ыІуи, Филипп Исус къыриІуагъ. –Ты лъа­пІэр тэгъэлъэгъуи, ар тфырикъущт.

9–Мыщ фэдизрэ сышъуигъусагъэу, джыри о сыкъэмы­шІэу ара, Филипп?– риІуагъ Исус. –Сэ сызылъэгъугъэм Ты лъапІэри ылъэгъугъ. Арышъ, о «Ты лъапІэр тэгъэ-


лъэгъу», сыдэущтэу пІошъура? 10Сэ Ты лъапІэм сыщы­щэу, ежь ыгу сызэрилъ зэпытри, Ты лъапІэри сэ къысщы­щэу, сэ сыгу зэрилъ зэпытри пшІошъ хъурэба? ГущыІэхэу къышъуасІохэрэр сэр-сэрэу къасІохэрэп. Ты лъапІэу къысщыщэу, сэ сыгу илъ зэпытым иІофхэр егъэцакІэх. 11Сэ Ты лъапІэм сыщыщэу, ежь ыгу сызэрилъ зэпытри, Ты лъапІэри сэ къысщыщэу, сэ сыгу зэрилъ зэпытри зы­сІокІэ, шъушІошъ жъугъэхъу. Ар мыхъуми, Іофхэу сэ згъэцакІэхэрэм апае шІошъхъуныгъэ зижъугъаІ. 12Шъы­пкъэ дэдэр шъосэІо, сэркІэ шІошъхъуныгъэ зиІэм Іоф­хэу сэ згъэцакІэхэрэр ыгъэцэкІэщтых, ахэмэ анахьи нахь Іофышхохэри ыгъэцэкІэщтых, сыда пІомэ сэ Ты лъапІэм ыдэжь сыкІожьыщт. 13Сэ сцІэкІэ сыд щыщкІи Ты лъапІэм шъуелъэІумэ, ар сэ къышъуфэсшІэщт, Ыкъо Ты лъапІэм ищытхъушхо цІыфхэм аригъэлъэгъуным пае. 14Сэ сцІэ­кІэ сыд щыщкІи шъукъысэлъэІумэ, сэ ар къышъуфэ­сшІэщт.

Тхьэм Ыпсэ ЛъапІэ къафыригъэхынэу Исус игъогу рыкІохэрэр зэригъэгугъагъэхэр

15–Шъо сэ шІу сышъулъэгъумэ, сиунашъохэр жъугъэ­цэкІэщтых. 16Сэ Ты лъапІэм селъэІунышъ, ащ шъуи­гукъао Шъушъхьэщызыхыжьын нэмыкІ горэ къышъу­фыригъэхыщт. Ар шъуигъусэ зэпытыщт. 17Тхьэм Ыпсэ ЛъапІэу цІыфхэм шъыпкъагъэр языгъашІэрэр ары. Ду­наем ицІыфхэм ар зэрамылъэгъурэм ыкІи зэрамышІэ­рэм пае, ар агу илъынэу адэн алъэкІырэп, ау шъо ар шъошІэ, сыда пІомэ шъуигъусэшъ ыкІи шъугу илъ зэпы­тышъ ары. 18Шъыпкъэ, шъо ибэу шъукъэзгъэнэщтэп; шъуадэжь сыкъэкІожьыщт. 19ТІэкІу шІэмэ, дунаем ицІыфхэм салъэгъужьыщтэп, ау шъо сышъулъэгъущт, сыда пІомэ сэ сыщыІэшъ, шъори шъущыІэщт. 20Ау Сятэ ыгу сызэрилъ зэпытри, шъори сэ сыгу шъузэрилъ зэпыт­ри, сэри шъо шъугухэм сызэрарылъ зэпытри а мафэм шъо шъушІэщт. 21Сиунашъохэр зиІэу, ахэр зыгъэцакІэ­рэр ары сэ шІу сызылъэгъурэр. Сэ шІу сызылъэгъурэр Сяти шІу къылъэгъущт. Сэри ар шІу слъэгъущт ыкІи зыкъезгъэлъэгъущт.

22Джащыгъум Иудэ (Иудэ Искариот зыцІэр арэп) Исус къыриІуагъ:


–Зиусхьан, дунаем ицІыфхэм о зямыгъэлъэгъоу, тэ зыкъытэбгъэлъэгъунэу оІо, ар сыдэущтэу хъура?

23–Сэ шІу сызылъэгъурэм сигущыІэхэр ыгъэцэкІэ­щтых,– риІожьыгъ Исус. –Сэ Сяти ар шІу къылъэгъущт, а цІыфыми ыдэжь тэ тыкъэкІонышъ, ащ ыгу тилъыщт. 24ШІу сызымылъэгъурэм сигущыІэхэр ыгъэцакІэхэрэп. ГущыІэхэу къасІохэу зэхэшъуххэрэр сэ сигущыІэхэу щыт­хэп, Ты лъапІэу сыкъэзыгъэкІуагъэм игущыІэхэу щытхэ нахь.

25–Сышъуигъусэфэ, а гущыІэхэр шъосІуагъэх. 26Ау шъуигукъао Шъушъхьэщызыхыжьрэр, Тхьэм Ыпсэ Лъа­пІэ ары, сэ сцІэкІэ Ты лъапІэм къышъуфыригъэхыщт. Ащ зэкІэ шъуигъэшІэщт, сэ къышъосІуагъэхэри зэкІэ шъугу къыгъэкІыжьыщтых. 27Гупсэфыныгъэ къышъу­фэсэгъанэ, сигупсэфыныгъэ шъосэты. Гупсэфыныгъэу сэ шъостырэр дунаем къышъуитын ылъэкІырэп. Шъумы­гумэкІ ыкІи шъумыщын.

28–«СышъухэкІыжьми, шъуадэжь сыкъэкІожьыщт» сІуи, зэрэшъосІуагъэр зэхэшъухыгъэ. Сэ шІу сышъулъэ­гъугъэмэ, «Ты лъапІэм ыдэжь сыкІожьыщт» сІуи, сэ зэрэ­сІуагъэмкІэ шъугушІощтыгъ, сыда пІомэ Ты лъапІэр сэщ нахьи нахь ин. 29Мы Іофыр къэхъуным ыпэкІэ шъосІуагъэ, ар хъу зыхъукІэ, шІошъхъуныгъэ шъуиІэ хъуным пае. 30Бащэрэ сыкъыжъудэгущыІэжьыщтэп, сыда пІомэ мы дунаем ипщ* къакІо пэт. Ащ иІоф сэ къысхэлъэп. 31Ау Ты лъапІэр сэ шІу зэрэслъэгъурэри, унашъоу къысфишІы­гъэхэр зэрэзгъэцакІэхэрэри дунаем ицІыфхэм ашІэн фае. Шъукъэтэджи, мыщ тыІужъугъэкІыжь.

 

15

ЯПШІЫКІУТФЭНЭРЭШЪХЬ

Исусэу сэнэшъхьэ къулэ шъыпкъэр

–Сэнэшъхьэ къулэ шъыпкъэр сэры, сэнэшъхьашІэри сэ Сятэ ары. 2Сикъутамэхэм ащыщэу зи къызпымыкІэ­рэр пеупкІы. Сыдрэ къутамэуи къызпыкІэрэр еукъэбзы,

14:30 Мы дунаем ипщ – шэйтаныр ары.


нахьыбэ къыпыкІэным пае. 3ГущыІэхэу шъосІуагъэхэм­кІэ шъо шъугухэр укъэбзыгъахэ. 4Сэ шъугухэм сары­жъугъэлъ зэпыт, шъори сыгу шъуилъ зэпытыщт. Къута­мэр сэнэшъхьэ къулэм пымытмэ, зи къызэрэпымыкІэ­шъущтым фэдэу, шъори шъугухэм сарышъумыгъэлъ зэпытмэ, шІугъэ къышъупыкІыщтэп.

5–Сэнэшъхьэ къулэр сэры, къутамэхэри шъоры. ЦІыф горэм ыгу сэ силъ зэпытэу, ежьыри сыгу илъ зэпытмэ, а цІыфым бэу шІугъэ къыпыкІыщт; сыда пІомэ сэ сы­шъуигъусэу щымытмэ, зи шъушІэн шъулъэкІыщтэп. 6ЦІыф горэм ыгу симылъ зэпытмэ, къутамэм фэдэу ар чІадзыжьынышъ, гъужьыщт. Ащ фэдэ къутамэхэр ау­гъоинхэшъ, машІом падзэнхэшъ, агъэстыжьыщтых. 7Шъо шъугухэм сарылъ зэпытэу, сигущыІэхэри шъугу­хэм арылъ зэпытхэмэ, сыд шъузыфаемкІэ Сятэ шъуелъэІу, ащыгъум шъузэрелъэІурэри шъуиІэ хъущт. 8ЦІыфмэ сэ Сятэ щытхъушхо зэрэфяжъугъэшІыщтыр шъо бэу шІу­гъэ къызэрэшъупыкІырэр ары. Арэущтэу сигъогу шъузэ­рэрыкІорэр къэжъугъэлъэгъощт.

9–Ты лъапІэм шІу сызэрилъэгъугъэм фэдэу, сэри шъо шІу шъуслъэгъугъ. СишІулъэгъуныгъэ зыхэшъумыгъэн. 10Сиунашъохэр зыжъугъэцакІэхэкІэ, сэ шъо шІу шъу­слъэгъу зэпытыщт, сэри Сятэ иунашъохэр зэрэзгъэцэ­кІагъэхэм пае, ащ сэ шІу сызэрилъэгъу зэпытрэм фэдэу. 11А Іофхэр къызыфышъосІуагъэхэр сигушІуагъо шъугу­хэм арылъынышъ, шъуигушІуагъуи икъугъэу хъуныр ары. 12Мыры сиунашъо: Сэ шъо шІу шъузэрэслъэгъу­гъэм фэдэу, шъори шІу шъузэрэлъэгъун фае. 13ЦІыфэу ежь иныбджэгъухэм апае зыпсэ зытырэм ишІулъэгъуны­гъэ нахьи нахь шІулъэгъуныгъэшхо щыІэп. 14Сиунашъо­хэр шъогъэцакІэхэмэ, шъори шъусиныбджэгъух. 15Джы шъо ІофтабгэхэкІэ сышъоджэжьрэп, сыда пІомэ Іофтаб­гэм ежь итхьаматэ игухэлъ ышІэрэп. Сэ шъо синыбджэ­гъухэкІэ сышъоджагъ, сыда пІомэ Сятэ къыІохэу зэхэс­хыгъэхэр зэкІэ къышъуфэсІотэжьыгъэх. 16Шъо сэ сы­къыхэшъухыгъэп, ау сэ шъо шъукъыхэсхыгъ. Шъо шъу­кІонышъ, шІугъэ къышъупыкІынышъ, а шІугъэри къэ­нэжьынэу згъэнэфагъэ. Джащыгъум сэ сцІэкІэ сыд щыщ­кІи Ты лъапІэм шъуелъэІумэ, ащ шъо къышъуфишІэщт. 17ШІу шъузэрэлъэгъуныр ары унашъоу къышъуфэсшІы­рэр.


Дунаем ицІыфхэм Исус игъогу рыкІохэрэр зэрауджэгъухэрэр

18–Дунаем ицІыфхэм шъуауджэгъоу щытмэ, шъо шъуа­уджэгъуным ыпэкІэ, сэри сауджэгъугъэу зэрэщытыгъэр зыщышъумыгъэгъупш. 19Мы дунаем шъущыщыгъэмэ, мы дунаем ицІыфхэм ежьхэм афэдэу шІу шъуалъэгъу­щтыгъ. Джы зэрэщытымкІэ, мы дунаем шъущыщэп, ау мы дунаем шъуиІахьэ хэмылъынэу шъо шъукъыхэсхыгъ. Джары дунаем ицІыфхэм шъузыкІауджэгъурэр. 20Сэ къышъосІогъэ гущыІэхэр зыщышъумыгъэгъупшэх: Іоф­табгэр итхьаматэ нахьи нахь инэп. Сэ къин сагъэщэ­чыгъ, шъори къин шъуагъэщэчыщт. Сэ сигущыІэхэм ядэІухэу щытыгъэхэмэ, шъо шъуигущыІэхэми ядэІу­щтых. 21Ау сэ сцІэ зэрэжъугъэлъапІэрэм пае, а бзэджа­гъэ пстэури къышъуашІэщт, сыда пІомэ сэ сыкъэзыгъэ­кІуагъэр ашІэрэпышъ ары. 22Сэ сыкъакІуи, сигущыІэхэр ясымыІуагъэхэмэ, псэкІод яІэщтгъэп, ау джы псэкІодхэу ашІагъэхэм апае фэгъэгъу зи яІэп. 23Сэ сызыуджэгъурэм Сяти еуджэгъу. 24Сэщ нэмыкІ зыми ымышІэгъэ Іофы­шхохэр ахэмэ апашъхьэ щысымышІагъэхэмэ, ахэмэ псэ­кІод яІэщтгъэп. Ау джы а Іофышхохэу сэ сшІагъэхэр алъэгъугъэхэ пэтми, сэри Сяти тыкъауджэгъу. 25Ау арэу­щтэу зыфэхъун фаер мы гущыІэхэу ахэмэ я Тэурат хабзэ итхэр* къэшъыпкъэжьынхэр ары: «Сэ лажьэ симыІэ пэтми, сауджэгъугъ».

26–Ау Ты лъапІэм ыдэжь къикІэу шъуигукъао Шъу­шъхьэщызыхыжьрэр къышъуфезгъэхыщт. Ар Ты лъа­пІэм ыдэжь къикІэу, ащ Ыпсэ ЛъапІэу цІыфхэм шъы­пкъагъэр языгъашІэрэр ары. Ар къызыкІокІэ, шыхьат сэ къысфэхъущт. 27ІПъори шыхьат шъукъысфэхъущт, сыда пІомэ апэм щегъэжьагъэу шъусигъусэу щытыгъэ­ти ары.

15:25 яТэурат хабзэ итхэр – еплъ Сэбур (Псалтыр) 69:4 (урыс библием­кІэ 68:5).


 

16

ЯПШІЫКІУХЭНЭРЭШЪХЬ

ЯПШІЫКІУХЭНЭРЭШЪХЬ

–А Іофхэр зэкІэ къызыфышъосІуагъэхэр сэ сигъогу шъутемыкІынэу ары. 2Синэгогухэм шъукъачІафыщт. Ащ имызакъоу, хэт щыщми шъузыукІырэр Тхьэм фэла­жьэкІэ зыгугъэщт мафэри къэсыщт. 3Ты лъапІэри сэри тызэрамышІагъэм пае, а Іофхэр ашІэщт. 4Ау а Іофхэр джы къызфышъосІуагъэхэр а мафэр къызыскІэ, ахэр къызэрэшъосІуагъэхэр шъугу къэжъугъэкІыжьынхэу ары. Сышъуигъусагъэти, нахьыпэкІэ ахэр сэ къышъуасІощты­гъэхэп.

Тхьэм Ыпсэ ЛъапІэ Іофхэу ыгъэцакІэхэрэр

5–Джы сыкъэзыгъэкІуагъэм ыдэжь сыкІожьыщт. Ау шъуащыщ гори «Тыдэ укІорэ?» ыІоу къысэупчІырэп. 6Ау а Іофхэр зэрэшъосІуагъэхэм пае, шъугу мапэ. 7Ау шъыпкъэр шъосэІо, сэ сызэрэшъухэкІырэр шъоркІэ нахьышІу; сыда пІомэ сышъухэмыкІымэ, шъуигукъао Шъушъхьэщызыхыжьрэр къышъуфэкІощтэп. СызыкІокІэ, ар къышъуфезгъэхыщт. 8Шъуигукъао Шъушъхьэщызыхы­жьрэр къызыкІокІэ, псэкІодшІэныр зыфэдэри, шъыпкъа­гъэр зыфэдэри, Тхьэм мы дунаем ицІыфхэм хьыкум зэратыришІыхьащтри зэхаригъэшІыкІыщт: 9сэркІэ шІошъ­хъуныгъэ яІэ зэрэмыхъугъэр зэрэпсэкІодыр зэхаригъэ­шІыкІыщт. 10Шъыпкъагъэ зэрэсиІэри зэхаригъэшІы­кІыщт, сыда пІомэ сэ Ты лъапІэм ыдэжь сыдэкІое­жьынышъ, сышъулъэгъужьыщтэп. 11Тхьэм ихьыкум цІыфхэм атыришІыхьаныр зыфэдэри зэхаригъэшІыкІыщт, сыда пІомэ Тхьэм мы дунаем ипщ* ыгъэмысэгъах.

12–Джыри къышъосІонэу щыІэр бэ, ау джы шъо ар шъу­щыІэн шъулъэкІыщтэп. 13Ау Тхьэм Ыпсэ ЛъапІэу цІыф­хэм шъыпкъагъэр языгъашІэрэр къызыкІокІэ, шъыпкъа­гъэр зэкІэ зэхэшъуигъэшІыкІыщт. Ежь-ежьырэу зи къыІощтэп, Тхьэм къыІохэу зэхиххэрэр ары къыІощтхэр, къэхъущт-къэшІэщтхэри къышъуигъэІущтых. 14Ащ щы­тхъушхо къысфишІыщт, сыда пІомэ Іофхэу шъуигъэ­шІэщтхэр зэкІэ сэ садэжь къекІыхэшъ ары. 15Ты лъапІэм

16:11 мы дунаем ипщ – шэйтаныр ары.


иІэр зэкІэ сэсый. Ары зыкІэсІуагъэр Тхьэм Ыпсэ Лъа­пІэу цІыфхэм шъыпкъагъэр языгъашІэрэр Іофхэу сІохэ­рэр къызэрэшъуигъэшІэжьыщтхэр.

Исус игъогу рыкІохэрэм ягукъао текІынышъ, гушІуагъокІэ зэрэзэблихъущтыр

16ТІэкІу шІэмэ, сышъулъэгъужьыщтэп, етІани тІэкІу шІэмэ сышъулъэгъужьыщт; сыда пІомэ Ты лъапІэм ыдэжь сыдэкІоежьыщтышъ ары.

17Исус ар зеІом, игъогу рыкІохэрэм ащыщхэу заулэмэ зэраІожьыгъ:

–«ТІэкІу шІэмэ сышъулъэгъужьыщтэп, етІани тІэкІу шІэмэ сышъулъэгъужьыщт», ыкІи «Ты лъапІэм ыдэжь сыдэкІоежьыщт», зиІокІэ къыригъэкІырэр сыд шъуІуа?

18Арэущтэу ахэмэ аІо зэпытыщтыгъ:

–«ТІэкІу шІэмэ» зыфиІорэм къыригъэкІырэр тшІэрэп.

19Исус ахэр къеупчІыхэмэ зэрашІоигъор къышІи ари­Іуагъ:

–«ТІэкІу шІэмэ сышъулъэгъужьыщтэп, етІани тІэкІу шІэмэ сышъулъэгъужьыщт», сІуи, зыфэсІуагъэмкІэ шъу­зэупчІыжьа? 20Шъыпкъэ дэдэр шъосэІо, шъо шъугъыщт ыкІи шъупыхьащт, ау дунаем ицІыфхэр гушІощтых. Шъо шъугу къеощт, ау шъуигукъао текІынышъ, гушІуагъокІэ зэблихъущт. 21Бзылъфыгъэм сабый къыфэхъунэу зыхъу­кІэ, къин ещэчы, сыда пІомэ къин зыщищэчын фае игъор къэсыгъэшъ ары. Ау бын къызыфэхъукІэ, гушІо­зэ къинэу ыщэчыгъэр щэгъупшэжьы, сыда пІомэ дунаем зы цІыф къытехъуагъэшъ ары. 22Ащ фэдэу шъори джы гукъао шъуиІ, ау сэ шъуслъэгъужьыщт. Джащыгъум шъори шъугушІожьыщт, а гушІуагъори зыми шъутыри­хыщтэп. 23А мафэм зыкІи шъукъысэупчІыщтэп. Шъы­пкъэ дэдэр шъосэІо, сэ сцІэкІэ Ты лъапІэм сыд щыщ­кІи шъуелъэІумэ, ар къышъуфишІэщт. 24Джы нэсы сэ сцІэкІэ Сятэ зыкІи шъуелъэІугъэп. ШъуелъэІуи, шъузэ­релъэІурэри шъуиІэ ыгъэхъущт, шъуигушІуагъо икъу­гъэу хъуным пае.

25–А Іофхэр гъэсэныгъэ тхыдэхэмкІэ шъосІуагъэх. Ау гъэсэныгъэ тхыдэхэмкІэ сыкъызыжъудэмыгущыІэ­жьын мафэр къэсыщт. А мафэр къызыскІэ, Ты лъа­пІэм ехьылІагъэу нафэу шъосІощт. 26А мафэм сэ сцІэкІэ Ты лъапІэм шъуелъэІущт. Шъо къышъохьы­лІагъэу Ты лъапІэм селъэІунэу шъуасІорэп; 27сыда пІомэ шъо сэ шІу сышъулъэгъугъэу, Тхьэм сызэрэ­щыщымкІэ шІошъхъуныгъэ шъуиІэ зэрэхъугъэм пае, ежь Ты лъапІэми шъо шІу шъуелъэгъу. 28Ты лъа­пІэм сыщыщэу сэ дунаем сыкъытехьагъ. Джыри зэ дунаем сытекІыжьынышъ, Ты лъапІэм ыдэжь сыдэ­кІоежьыщт.

29–Джы гъэсэныгъэ тхыдэ хэмытэу, нафэу укъэгу­щыІэ,– къаІуагъ Исус игъогу рыкІохэрэм. 30–О зэкІэри зэрэпшІэрэри, цІыф горэм ыгу илъыр пшІэным пае, а цІыфыр къыоупчІыжьынэу щыкІагъэ зэрэуимыІэри джы зэдгъэшІагъ. Ащ пае Тхьэм о узэрэщыщымкІэ шІошъхъу­ныгъэ тиІ.

31–Джы шІошъхъуныгъэ шъуиІэ хъугъа?– ариІуагъ Исус ахэмэ. 32–Мары, шъо шъузэбгырыкІыжьэу, шъуа­щыщэу хэти иунэ зигъэзэжьыщт игъор къэсы пэт ыкІи къэсыгъах. Сэ сизакъоу утыгум сыкъишъунэщт, ау сэ сизакъоп, сыда пІомэ, Ты лъапІэр сигъусэшъ ары.

33–А Іофхэр сэ къызфышъосІуагъэхэр сэ шъугухэм сы­зэрарылъым пае, гупсэфыныгъэ шъуиІэ хъуныр ары. Ду­наем къин щышъущэчыщт, ау шъугу шъумыгъэкІоды: сэ дунаем сытекІуагъ.

17

ЯПШІЫКІУБЛЭНЭРЭШЪХЬ

Исус Тхьэм зэрелъэІугъэр

А гущыІэхэр къызеІохэ ужым, Исус уашъом дэплъыий къыІуагъ:

–Сэ Сят, игъор къэсыгъ. О пкъо ищытхъушхо цІыфхэм ягъэлъэгъу, о пКъуи о уищытхъушхо цІыфхэм аригъэ-


лъэгъуным пае. 2Сыда пІомэ цІыф пстэуми тетыгъо афы­риІэнэу о Пкъо ыІэ ахэр иплъхьагъэх, о ащ ыІэ иплъ­хьэгъэ цІыф пстэуми мыкІодыжьын щыІэныгъэ ариты­ным пае. 3ЦІыфхэм мыкІодыжьын щыІэныгъэ яІэ зэрэхъу­рэ гъогур о Тхьэ шъыпкъэ закъор узэрашІэщтри, о къэбгъэ­кІогъэ Исус Христос зэрашІэштри ары. 4Сэ Іофэу згъэ­цэкІэнэу спшъэ къиплъхьагъэр зэрэзгъэцэкІагъэмкІэ ду­наем ицІыфхэм о уищытхъушхо язгъэлъэгъугъ. 5Джы, Сят, дунаер къэхъуным ыпэкІэ, уадэжь щысиІэгъэ щытхъу­шхом фэдэ щытхъушхо уадэжь щысиІэ гъэхъу.

6–Дунаем яІахьэ хэмылъынэу сэ сІэ къиплъхьэгъэ цІыфмэ о уязгъэшІагъ. Ахэр о уицІыфхэу щытыгъэх, сэ сІэ къиплъхьагъэх, уигущыІэхэри агъэцэкІагъэх. 7Сэ сІэ къиплъхьагъэр зэкІэ уадэжь къызэрикІыгъэр ахэмэ джы ашІэ; 8сыда пІомэ о сІэ къиплъхьэгъэ гущыІэхэр сэ ахэмэ аІэ ислъхьажьыгъэх. Ахэмэ а гущыІэхэр аштагъэх. Сэ о сы­зэрэпщыщым ишъыпкъагъэ зэрагъэшІагъ, о сыкъызэрэ­бгъэкІуагъэмкІи шІошъхъуныгъэ яІэ хъугъэ. 9Сэ ахэмэ апае сыолъэІу. Дунаем ицІыфхэр арэп сыкъызфыолъэ­Іурэр, о сэ сІэ къиплъхьэгъэ цІыфхэр ары нахь, сыда пІомэ ахэр оуиех. 10ЦІыфхэу сэ сІэ илъхэр зэкІэри оуи­ех, уицІыфхэри зэкІэ сэсиех. Ахэми сищытхъушхо агъэ­нафэ. 11Сэ джы дунаем сытетыжьыщтэп, ау ахэр джыри дунаем тетых. Сэ уадэжь сыкъэкІожьыщт. Сятэ лъапІ, о пцІэу къысэптыгъэм ыкІуачІэкІэ ахэр къэухъумэх, оррэ сэррэ зы тызэрэхъурэм фэдэу, ахэри зы хъунхэм пае. 12Сэ ахэмэ сырягъусэу зыщэтым, о пцІэу къысэптыгъэм ыкІуа­чІэкІэ ахэр къэсыухъумэщтыгъэх ыкІи сафэсакъы­щтыгъ. КІодын фае цІыфым* нэмыкІ ахэмэ ащыщэу зи кІодыгъэп, Тхьэм игущыІэ тхыгъэхэм арытхэр къэшъы­пкъэжьынхэм пае.

13–Ау джы уадэжь сыкъэкІожьыщт. Дунаем сытетыфэ, мы гущыІэхэр къэсэІох, сигушІуагъо ахэмэ агухэм икъу­гъэу арылъ хъуным пае. 14О уигущыІэхэр ахэмэ аІэ ислъ­хьажьыгъэх. Сэ мы дунаем сызэрэщымыщым фэдэу, ахэ­ри мы дунаем зэрэщымыщхэм пае, мы дунаем ицІыфхэм ахэр ауджэгъугъэх. 15СыкъызэрэолъэІурэр ахэр шэйта­ным о щыуухъумэнхэр ары, ахэр дунаем тепхыжьынхэр арэп. 16Сэ мы дунаем сызэрэщымыщым фэдэу, ахэри мы

17:12 кІодын фае цІыфыр – Иудэу Исус тстыгъо зиІэхэм аІэкІэзыгъэхьа­нэу щытыгъэр ары.


дунаем щыщхэп. 17Ахэмэ шъыпкъагъэмкІэ зыкъыуаты­жьынэу гъэхъу. О уигущыІэхэр ары шъыпкъагъэу щыт­хэр. 180 дунаем сыкъызэрэбгъэкІуагъэм фэдэу, сэри ахэр дунаем згъэкІуагъэх. 19Сэ ахэмэ яхьатыркІэ зыкъыо­сэты, ахэми шъыпкъэу зыкъыуатыгъэу хъуным пае.

20–Ахэмэ язакъоу арэп сэ сыкъызфыолъэІурэр, ахэмэ ягущыІэхэмкІэ сэркІэ шІошъхъуныгъэ зиІэ хъущт цІыф­хэми сыкъафыолъэІу. 21Ахэр зэкІэри зы орэхъух. О Сятэ сэ сыгу уилъ зэпытэу, сэри о угу сызэрилъ зэпытым фэдэу, тэ ахэми агухэм тарылъ зэпытынэу сыкъыолъэІу. Ащыгъум о сыкъызэрэбгъэкІуагъэмкІэ дунаем ицІыфмэ шІошъхъуныгъэ яІэ хъущт. 22О сэ щытхъушхо сиІэ зэрэ­бгъэхъугъэм фэдэу, сэри ахэмэ щытхъушхо яІэ згъэхъу­гъэ, тэ зы тызэрэщытым фэдэу, ахэри зы хъунхэм пае: 23Сэ ахэмэ агухэм сарылъ зэпытэу, о сэ сыгу уилъ зэпы­тэу, шъыпкъэу зы орэхъух. Ащыгъум о сыкъызэрэбгъэ­кІуагъэри, сэ шІу сызэрэплъэгъугъэм фэдэу, ахэри шІу зэрэплъэгъугъэхэри дунаем ицІыфхэм ашІэщт.

24–Сят, цІыфхэу о сІэ къиплъхьагъэхэр сэ сыздэщы­Іэм сигъусэхэу щыІэнхэу сэ сшІоигъу, сэ щытхъушхоу сиІэ бгъэхъугъэр алъэгъуным пае. А щытхъушхор сиІэ зыкІэбгъэхъугъэр дунаер къэхъуным ыпэкІэ, шІу сызэрэ­плъэгъугъэр ары.

25–Сятэ заф, дунаем ицІыфхэм о уашІэрэп, ау сэ усэ­шІэ. СицІыфхэм о сыкъызэрэбгъэкІуагъэр ашІэ. 26Сэ о ахэмэ уязгъэшІагъ ыкІи уязгъэшІэщт, шІулъэгъуныгъэу о къысфыуиІэр ахэми агухэм арылъ зэпытыным паий, сэри ахэмэ агухэм сарылъ зэпытыным паий.

 

18

ЯПШІЫКЮЕНЭРЭШЪХЬ

Исус зэраубытыгъэр

(Маттэ 26:47-56; Марк 14:43-50; Лука 22:47-53)

Исус а гущыІэхэр къызеІохэ ужым, дэкІи, игъогу рыкІо­хэрэр игъусэхэу Кедрон зыцІэ къуладжэм зэпырыкІыгъ. Ащ дэжьым хатэ горэ Іутыгъ. Исусрэ игъогу рыкІохэ­рэмрэ а хатэм дэхьагъэх.

2Иудэу Исус тетыгъо зиІэхэм аІэкІэзыгъэхьанэу щы­тыгъэм а чІыпІэр ышІэщтыгъ, сыда пІомэ Исусрэ


игъогу рыкІохэрэмрэ а чІыпІэм бэрэ щызэІукІэщты­гъэх. 3Джарэущтэу дзэлІ купрэ ухъумэкІо купэу дин пэщэ­шхохэми фарисейхэми агъэкІуагъэмрэ Иудэ зыдища­гъэх. Ахэмэ машІо зыпыгъэнэгъэ бэщхэри, остыгъэхэри, Іашэхэри аІыгъхэу къэкІуагъэх.

4Исус къехъулІэщтыр зэкІэ ешІэти, апэгъокІи яуп­чІыгъ:

–Хэта шъузлъыхъурэр?

5–Назарет щыщ Исус ары,– къыраІуагъ ахэмэ.

–Сэры ар,–ариІуагъ Исус. Иудэу Исус ахэмэ аІэкІэзы­гъэхьанэу щытыгъэр ахэмэ ахэтыгъ.

6Исус, «Сэры ар», ыІуи зареІом, ахэр зэкІакІохи, чІы­гум зытырадзагъ.

7–Хэта шъузлъыхъурэр?– ыІуи, Исус джыри зэ яу­пчІыгъ.

–Назарет щыщ Исус ары,– къыраІожьыгъ ахэмэ.

8–Сэры ар шъосІуагъэба?– ариІуагъ Исус. –Сэрымэ шъузлъыхъурэр, сигъусэхэмэ зи яшъумышІэу, орэкІо­жьых!

9Исус арэущтэу зыфиІуагъэр ежьым мы гущыІэхэу Ты лъапІэм риІогъагъэхэр къэшъыпкъэжьынхэр ары:

–О сІэ къиплъхьэгъэ цІыфхэм ащыщэу зи згъэкІоды­гъэп.

10Симон Петрэ сэшхо зыдиІыгъыгъэти, ар къырихи, дин пэщэшхом* иунэІут еуи, иджабгъу тхьакІумэ гуи­упкІыгъ. А унэІутым ыцІагъэр Малх.

11–Сэшхор сапІэм илъхьажь,– ыІуи, Исус Петрэ риІуагъ. –Ты лъапІэм къыситыгъэ къиныгъэм ишъуалъэ итым сешъон фаеба?

Исус дин пэщэшхом ыпашъхьэ зэрэращагъэр

(Маттэ 26:57-58; Марк 14:53-54; Лука 22:54)

12ЕтІанэ дзэ пащэр ягъусэу дзэлІ купымрэ джурт ухъу­макІохэмрэ Исус аубыти, Іэхъу тыралъхьагъ. 13Ыпэ ра-

18:10 дин пэщэшхор – еплъ 11:49.


пшІэу Аннэ* зыцІэм ыдэжь ащагъ. Аннэ а илъэсым идин пэщэшхоу Кайафэ зыцІэм ишІупщэу щытыгъ. 14А Кайа­фэ ары адрэ джуртхэм агурызыгъаІоу мырэущтэу язы­Іогъагъэр: «Тэ тлъэпкъ зэкІэ лІэным нахьи, зы нэбгырэ закъо лІэмэ нахьышІу».

Петрэ Исус ымышІэу къызэриІуагъэр

(Маттэ 26:69-70; Марк 14:66-68; Лука 22:55-57)

15Симон Петрэрэ Исус игъогу рыкІохэрэм ащыщэу нэмыкІ зыгорэмрэ Исус кІэлъыкІощтыгъэх. А лІэу Исус игъогу рыкІорэр дин пэщэшхом инэІуасэу щытыгъэти, Исус игъусэу дин пэщэшхом ищагу дэхьагъ. 16Ау Петр дэ­мыхьэу, къэлэпчъэ кІыбым къэнагъ. Ащ нэужым Исус игъогу рыкІорэ лІэу дин пэщэшхом инэІуасэу щытыр къы­дэкІыжьи, пчъэІут пшъашъэм дэгущыІи, Петрэ щагум дищагъ.

17–Ори а лІым игъогу рыкІохэрэм уащыщба?– ыІуи, пчъэІут пшъашъэм Петрэ къыриІуагъ.

–Хьау, сэ ахэмэ сащыщэп,– ыІуагъ Петрэ.

18ЧъыІэу щытыгъэти, унэІутхэмрэ адрэ лІыхэмрэ шІо­мыкІ машІо ашІыгъэу, зырагъэоу щытыгъэх. Петри ахэмэ задыригъэоу ахэтыгъ.

Дин пэщэшхор Исус зэреупчІыгъэр

(Маттэ 26:59-66; Марк 14:55-64; Лука 22:66-71)

19Джащыгъум дин пэщэшхор Исус къеупчІыгъ: –О уигъогу рыкІохэрэр хэтха? Іофхэу цІыфхэм ябгъа­шІэхэрэр сыдха?

20–Шъэф хэмылъэу дунаем ицІыфмэ садэгущыІэ­щтыгъ,– пэгъокІ ритыжьыгъ Исус. –Синэгогуми, Тхьэм иунэшхоми, джуртхэр зэкІэ зыщызэІукІэхэрэми, цІыф­хэм Тхьэм игущыІэхэр щязгъашІэ зэпытыщтыгъ. Шъэ­фэу зи сІуагъэп. 21Сыда сэ укъызкІысэупчІырэр? Гущы-

18:13 Аннэ – Исус къызэхъу нэужым я 6-15 илъэсхэм къакІоцІ Аннэ дин пэщэшхоу щытыгъ. Кайафэу Аннэ ыпхъу илІ я 18-36 илъэсхэм къакІоцІ дин пэщэшхоу щытыгъ.


Іэхэу ясІуагъэхэр зэхэзыхыгъэмэ яупчІ. Ахэмэ гущыІэ­хэу сэ сІуагъэхэр ашІэхэба?

22Исус арэущтэу къызеІом, ухъумакІохэм ащыщэу пэ­гъунэгъоу щытым Исус къенэпэшъуауи ыІуагъ:

–Дин пэщэшхом сыдэущтэу укъыдэгущыІэжьыра?

23–Мыхъун къэсІуагъэмэ, ар къысэгъэлъэгъу,– ри­Іуагъ Исус. –Ау шъыпкъэр къэсІуагъэмэ, сыд пае укъы­саора?

24Исус Іэхъу телъэу дин пэщэшхоу Кайафэ ыдэжь Аннэ дзэлІхэм аригъэщэгъагъ.

Петрэ Исус ымышІэу джыри зэ зэриІуагъэр

(Маттэ 26:71-75; Марк 14:69-72; Лука 22:58-62)

25Ащ нэсыфэ Симон Петрэ машІом Іутэу зыригъэу­щтыгъ.

–Ори а лІым игъогу рыкІохэрэм уащыщба?– къы­раІуагъ адрэхэмэ.

–Хьау, сэ ахэмэ сащыщэп,– ыІуагъ Петрэ афемыуцолІэ­жьэу.

26Дин пэщэшхом иунэІутхэм ащыщэу зытхьакІумэ Петрэ гуиупкІыгъэм иблагъэ горэм къыІуагъ:

–А лІым уригъусэу хатэм удэслъэгъуагъэба?

27–Хьау, ар шъыпкъэп,– ыІуи, Петрэ джыри зэ еуцолІэ­жьыгъэп. Ардэдэм атакъэр къэІуагъ.

Исус Іэшъхьэтетэу Пилат ыпашъхьэ зэрэращагъэр

(Маттэ 27:1-2, 11-14; Марк 15:1-5; Лука 23:1-5)

28Ащ нэуж Кайафэ иунэ Исус ращыжьи, Рим Іэшъхьэ­тетым иунэшхоу преторие зыцІэм чІащагъ. Нэф шъыгъа­гъэ. А джуртхэр преторием чІэхьагъэхэп, сыда пІомэ Пасхъэ мэфэкІ мэфэшхо пчыхьэшъхьашхэр ашІынэу фэя­гъэхэти, мыкъабзэу зашІынэу фэягъэхэп*. 29Арыти,

18:28 мыкъабзэу зашІынэу фэягъэхэп – джуртхэм ядин рымыкІорэ цІыф горэм иунэ зихьэхэкІэ, мыкъабзэу хъугъэхэу ашІошІы.


Іэшъхьэтетэу Пилат* зыцІэр преторием къычІэкІи ари­Іуагъ:

–Мы лІыр сыда зэрыжъугъэмысэрэр?

30–Мы лІым бзэджагъэ ышІагъэу щымытыгъэмэ, уа­дэжь къатщэщтыгъэп,– къыраІожьыгъ ахэмэ.

31–Шъо шъущэжьи, шъуихабзэ тетэу ышІагъэм фэшъу­ашэу хьыкум тешъушІыхь!– ариІуагъ Пилат.

–Тэ зыгорэм укІ тетлъхьан тыфитэп,– аІуи, джурт­мэ Пилат къыраІуагъ. 32Арэущтэу зыфэхъугъэр Исус лІакІэу фэхъущтыр* агуригъэІоным пае, къыІогъэгъэ гущыІэхэр къэшъыпкъэжьынхэр ары.

33Джащыгъум Пилат джыри преторием чІэхьажьи, Исус къаригъащи риІуагъ:

–Джуртхэм уряпачъыхьа?

34–Ар ор-орэу къэоІуа, хьауми нэмыкІхэр къыбдэгу­щыІэхэзэ, сэ къысэхьылІагъэу ар аІуагъа?– къыІожьыгъ Исус.

35–Сэ сыджурта?– пэгъокІ къытыжьыгъ Пилат. –О плъэпкъырэ дин пэщэшхохэмрэ укъысфащагъ. Сыда пшІагъэр?

36–Сипачъыхьагъу мы дунаем щыщэп,– пэгъокІ къы­тыжьыгъ Исус. –Сипачъыхьагъу мы дунаем щыщыгъэмэ, джуртхэм саІэкІэмыфэным пае, къысфэлажьэхэрэр заощтгъэх. Ау сэ сипачъыхьагъу мы дунаем щыщэп.

37– О упачъыхь ащыгъум?– ыІуи, Пилат Исус риІуагъ.

–Ары, къызэрэпІорэм фэдэу* сэ сыпачъыхь,– къыІо­жьыгъ Исус. –Шъыпкъэ, сэ сыкъызфэхъугъэри, дунаем сыкъызфытехьагъэри шъыпкъагъэр къэсыушыхьатыныр ары. Хэтми шъыпкъагъэм ыуж итыр сэ сигущыІэ къедэ­Іущт.

18:29 Пилат – Рим (Рум) цІыфхэм ащыщэу, Понтый Пилат, Исус къызэ­хъу нэужым я 26-36 илъэсхэм къакІоцІ, хэкухэу Иудей, Самарие, Иду­мей яІэшъхьэтетэу щытыгъ.

18:32 лІакІэу фэхъущтыр – Рим (Рум) цІыфхэм къащхэм атыраІулІхэу, бзэ­джашІэхэр агъалІэщтыгъэх. Еплъ 3:14. «ЦІыф Лъэпкъым Ыкъо аІэтын фае», ыІуи, Исус зыфиІогъэ гущыІэхэм къаригъэкІыгъэр ежьыр къа­щым зэрэраІулІыщтыр ары. Джуртхэм гъэлІакІэу яІагъэр мыжъо­хэмкІэ еохэзэ, агъэлІэныр арыгъэ.

18:37 –Ары, къызэрэпІорэм фэдэу сэ сыпачъыхь,– е –О пшъхьэкІэ къэ­оІо сэ сызэрэпачъыхьэр.


38–Шъыпкъагъэу зыфапІорэр сыда?– ыІуи, Пилат Исус риІуагъ.

Исус укІ зэрэтыралъхьагъэр

(Маттэ 27:15-31; Марк 15:6-20; Лука 23:13-25)

Пилат ар къызэреІоу, джыри зэ джуртмэ адэжь дэкІы­жьи ариІуагъ:

–Мы лІыр сэ зэрызгъэмысэн зи езгъотылІэрэп. 39Ау Пасхъэ мэфэкІ мэфэшхо къэси, хьапсчІэс горэ шъхьа­фитэу къышъуфэстІупщыжьыныр шъуихабзэ. Арышъ, «Джуртхэм япачъыхьэу» зыфаІорэр шъхьафитэу къы­шъуфэстІупщыжьынэу шъуфая?

40–Мы лІыр арэп тызыфаер, Вараввэ шъхьафитэу къы­тфэтІупщыжь!– аІозэ къэзэрэгъэкууагъэх ахэр. Вараввэу зыцІэр хъункІакІоу щытыгъ.

 

19

ЯПШІЫКІУБГЪОНЭРЭШЪХЬ

Ащ нэужым Пилат дзэлІхэм Исус аригъэубыти, къа­мыщкІэ ригъэуагъэх. 2ДзэлІхэм панэм хэшІыкІыгъэу па­чъыхьэ тандж абли, Исус ышъхьэ тыралъхьагъ. Плъыжь чІапцІэу зы шъошэ кІыхьи щалъагъ. 3ЕтІанэ къыбгъо­дахьэхэти аІощтыгъ:

–Опсэу, джуртмэ япачъыхь!

ЕтІанэ енэпэшъоуагъэх.

4Пилат джыри зэ преторием къычІэкІыжьи, джуртмэ ариІуагъ:

–Зэрызгъэмысэн зи зэресымыгъотылІэрэр шъушІэным пае, мары, къышъуфэсэщы.

5Ащ нэуж Исус панэ танджыр ышъхьэ телъэу, шъошэ кІыхьэ плъыжь чІапцІэр щыгъэу къычІэкІыгъ. Пилат цІыфхэм ариІуагъ:

–Мары а цІыфыр.

6Ау дин пэщэшхохэмрэ ухъумакІохэмрэ Исус залъэ­гъум, къэзэрэгъэкуощтыгъэх:

–Къащым теІулІ! Къащым теІулІ!


–Ар шъо шъущэжьи, къащым тешъуІулІ,– ариІуагъ Пилат, –сыда пІомэ сэ зэрызгъэмысэн зи езгъотылІэрэп.

7–Тэ хабзэ тиІ,*– къыраІожьыгъ джуртхэм. –А хабзэу тиІэм тетэу ар лІэн фае, сыда пІомэ Тхьэм Ыкъоу зи­шІыгъэшъ ары.

8Пилат а гущыІэхэр зызэхеххэм, лъэшэу къэщтагъ. 9Джыри преторием чІэхьажьи, Исус риІуагъ:

–Тыдэ ущыща?

Исус пэгъокІ зи ритыжьыгъэп.

10–УкъыздэгущыІэрэп, ара?– ыІуи, Пилат Исус ри­Іуагъ. –ПшІэрэба, шъхьафитэу устІупщыжьынэуи, къа­щым урязгъэІулІынэуи тетыгъо зэрэсиІэр.

11–Ыпшъэ щыІэ Тхьэм къыуимытыгъэмэ, зи къысэп­шІэнэу тетыгъо уиІэщтгъэп,– къыриІожьыгъ Исус. –Арэу­щтэу зэрэщытым пае, о сыкъыпІэкІэзыгъэхьагъэм нахьи нахьыбэу псэкІод иІ.

12Ащ щегъэжьагъэу Исус шъхьафитэу зэритІупщыжьы­ным Пилат ыуж итыгъ. АрышъхьакІэ джуртхэр къэзэ­рэгъэкуощтыгъэх:

–Ар шъхьафитэу птІупщыжьмэ, Кайсарым уриныбджэ­гъоп. Хэтми ежьым пачъыхьэ зызышІыжьырэр Кайсарым ипый.

13Пилат а гущыІэхэр зызэхеххэм, Исус къычІищи, хьы­кум тІысыпІэм тетІысхьагъ. А тІысыпІэр зыдэщыІэ чІы­пІэм ыцІэ Лифосторотон, джуртыбзэкІи Гаввафэ ары. 14А мафэр Пасхъэ зыцІэ мэфэкІ мэфэшхом ыпэ бэрэ­скэшхо мэфагъ. Сыхьатыр пшІыкІутІум дэжьыгъ.*

–Мары шъуипачъыхьэ!– ариІуагъ Пилат джуртмэ.

15–Іущ, Іущ, ар къащым теІулІ,– къэзэрэгъэкуощтыгъэх ахэр.

–Шъуипачъыхьэ къащым тесІулІэна?– ариІожьыгъ Пи­лат.

–Кайсарым нэмыкІ пачъыхьэ тиІэп,– аІожьыгъ дин пэщэшхохэмэ.

16Арэущтэу къызыраІом, Пилат Исус къащым тыраІулІэ­нэу аІэкІилъхьагъ.

19:7 тэ хабзэ тиІ – еплъ Пегъымбар Мусэ ящэнэрэ тхылъэу ытхыгъэм 24:16.

19:14 сыхьатыр пшІыкІутІум дэжьыгъ – гущыІэ-гущыІэу зэбдзэкІымэ, «яхэнэрэ сыхьатыр» мэхъу. Ащ къикІырэр щэджагъор ары.


Исус къащым зэрэтыраІулІагъэр

(Маттэ 27:32-44; Марк 15:21-32; Лука 23:26-43)

ЕтІанэ Исус зыдащи, ІукІыжьыгъэх. 17Джарэущтэу Исус икъащ ыхьэу, къалэм дэкІи, чІыпІэу «Шъхьапкъ ЧІыпІэ» зыфаІорэм ащагъ. А чІыпІэр джуртыбзэкІэ Голгофэ зыцІэр ары. 18А чІыпІэм Исус къащым щыра­ІулІыгъ. НэбгыритІу игъусэуи, зыр зы бгъумкІэ адрэр адрэбгъумкІэ, Исус азыфагу дэтэу къащхэм атыраІулІагъэх.

19Пилат пхъэмбгъу горэм «Назарет щыщ Исусэу джурт­мэ я Пачъыхьэ» ыІоу, идзэлІхэм тыраригъатхи, къащым тыраригъэгъэуцуагъ. Ар джуртыбзэкІи, урымыбзэкІи*, ла­тинабзэкІи тетхагъэу щытыгъ. 20Исус къащым зыщыра­ІулІыгъэ чІыпІэр къалэм игъунэгъути, джуртхэм ащыщ­хэу ащ еджагъэхэр бэу щытыгъэх. 21Ау джуртхэм ядин пэщэшхохэм Пилат къыраІуагъ:

–«Джуртмэ я Пачъыхь» пІоу утемытх, ау Исус «Сэ джуртхэмэ сыря Пачъыхь» ыІуи, зэриІощтыгъэр тетх.

22–Сэ тестхагъар тестхэгъах,– къыІожьыгъ Пилат.

23ДзэлІхэм Исус къащым зыраІулІым, ищыгъынхэр аштэхи, хэтрэ дзэлІым Іахьэ фашІэу, ІэхьиплІэу агощы­гъэх. Джанэри аштагъ, арышъхьакІэ джанэр мыдыгъэу, ыпшъэ щегъэжьагъэу ылъапэ нэсы шъагъэу, зы шэкІы­шхоу щытыгъ.

24–Мыр зэготэшъумыгъэтхъэу, пхъэдз итэжъугъадзи, зытефэрэм еттыщт,– зэраІожьыгъ ахэмэ.

Арэущтэу зыфэхъугъэр мы гущыІэхэу Исус ехьылІа­гъэу Тхьэм игущыІэ тхыгъэхэм арытхэр* къэшъыпкъэ­жьынхэр ары:

–Сэ сищыгъынхэр зэфагощыгъэх, сиджанэ пае пхъэдз ашІыгъ.

А гущыІэхэу тхыгъэхэм атетэу дзэлІмэ ашІагъ.

25Исус икъащ ыдэжь яни, янэ ышыпхъуи, Клеопэ зыцІэм ишъхьэгъусэ Мерэми, Магдэлэ къуаджэм щыщ Мерэми щытыгъэх. 26Исус янэрэ игъогу рыкІохэрэм ащыщэу ежьым анахьышІоу ылъэгъурэмрэ ащ дэжьым щытхэу къызелъэгъухэм, янэ къыриІуагъ:

19:19 урымыбзэр – иунаныбзэр ары.

19:24 Тхьэм игущыІэ тхыгъэхэм арытхэр – еплъ Сэбур (Псалтыр) 22:18 (урыс библиемкІэ 21:19).

–О бзылъфыгъ, джы мары о пкъо! 27ЕтІанэ а нэбгырэу игъогу рыкІорэм риІуагъ: –Джы мары уянэ!

А сыхьатым къыщегъэжьагъэу а лІэу Исус игъогу ры­кІорэм ежь иунэ Исус янэ щигъэпсэунэу ыщагъ.

Исус зэрэлІагъэр

(Маттэ 27:45-56; Марк 15:33-41; Лука 23:44-49)

28Ащ нэужым иІоф зэриухыгъэр Исус ешІэти, Тхьэм игущыІэ тхыгъэхэм арытхэр къэшъыпкъэжьынхэм пае къыІуагъ:

–ПсыфалІэ сэлІэ.

29Ащ дэжьым сэнэпс шІоІугъэ изэу зы апс горэ щы­тыгъ. КІышъор зэраІотырэ горэ сэнэпс шІоІугъэм ха­гъауи, хьисоп зыцІэ къамыл бэщым палъхьи, Исус ыжэ рахьылІагъ. 30Исус сэнэпс шІоІугъэм зыкІэшъу ужым, ыІуагъ:

–СиІоф ухыгъэ.

ЕтІанэ ышъхьэ къыуфи, ыпсэ ытыгъ.

31Бэрэскэшхо мэфагъ. А шэмбэтыр мэфэшхуагъ. Шэм­бэт мафэм хьадэхэр къащхэм апамыгъэлъынхэм пае, джуртхэр Пилат елъэІугъэх:

–Унашъо шІы. Къащхэм раІулІыгъэхэм алъэкІапІэхэр зэпарэутхи*, хьадэхэр къащхэм къапарэхыжьых.

32Джарэущтэу дзэлІхэр къакІохи, апэрэм ылъэкІапІэ­хэр зэпаутыгъэх. ЕтІанэ адрэ нэбгырэу Исус игъусэу адрэ къащым еГулІыгъэм ылъэкІапІэхэр зэпаутыгъэх. 33Ары­шъхьакІэ, Исус ыдэжь Іухьэхи, зэрэлІагъэр залъэгъум, ащ ылъэкІапІэхэр зэпаутыгъэхэп. 34Ау дзэлІмэ ащыщэу зыгорэ Исус ычапэ пчыкІэ хэпыджагъ. Зэрэхэпыджэу, лъи пси ащ къикІыгъэх. 35Хъугъэр зылъэгъугъэм ар къыушыхьатыгъ, къыушыхьатыгъэри шъыпкъэ. Ар зэ­рэшъыпкъэр ащ ешІэ. Шъо шІошъхъуныгъэ шъуиІэныр ары ащ къызкІиушыхьатырэр. 36Мы Іофхэр зэкІэ аущтэу

19:31 алъэкІапІэхэр зэпарэутхи – къащхэм раІулІыгъэхэм алъэкІапІэхэр зыфызэпаутыщтыгъэхэр нахь псынкІэу лІэнхэр ары.

19:36 Тхьэм игущыІэ тхыгъэхэм арытхэр – еплъ Пегъымбар Мусэ яплІэ-


зыфэхъугъэхэр мы гущыІэхэу Тхьэм игущыІэ тхыгъэхэм арытхэр* къэшъыпкъэжьынхэр ары:

–Ащ ыкъупшъхьэхэм ащыщэу зи зэпыутыщтэп.

37Ащ нэмыкІэуи Тхьэм игущыІэ тхыгъэхэм мырэущтэу арыт:*

–Зыхэпыджагъэхэм еплъыщтых.

Исус ихьадэ къэунэм зэрэчІалъхьажьыгъэр

(Маттэ 27:57-61; Марк 15:42-47; Лука 23:50-56)

38Юсыф ыцІэу, Аримафей къуаджэм* щыщэу, зы лІы горэ щыІагъ. Ар Исус игъогу рыкІохэрэм шъэфэу ащы­щыгъ, сыда пІомэ джуртмэ ащыщынэщтыгъэти ары. Ар Пилат ыдэжь кІуи елъэІугъ:

–Исус ихьадэ къащым къыпысхыжьынэу фит сышІ.

Пилат фит зешІым, Юсыф кІуи, Исус ихьадэ къащым къыпихыжьыгъ.

39Юсыф игъусэу Никодими къэкІуагъ. Никодим ары Исус ыдэжь чэщым къэкІогъагъэр. Ащ литришъэ фэдиз зэхэгъэкІухьагъэу, мэ ІэшІу зыпихырэ уцхэу смирнэрэ алоерэ зыцІэхэр къыздихьыгъэх. 40ЕтІанэ а нэбгыритІумэ Исус ихьадэ къащым къыпахыжьи, джуртмэ хьадэр зэрэчІа­лъхьажьырэ хабзэм тетэу, мэІэшІу зыпихырэ уцхэр игъу­сэхэу, чэфынхэр хьадэм ращэкІыгъэх. 41Исус къащым зыщыраІулІыгъэ чІыпІэм хатэ горэ щытыгъ. А хатэм къэунакІэу егъашІэми зы хьадэ зычІамылъхьажьыгъэр дэтыгъ. 42Джуртмэ шэмбэт мафэм пае зызыщагъэхьазы­рырэ мафэу щытыгъэти, а къэунэри гъунэгъугъэти, Исус ихьадэ ащ чІалъхьажьыгъ.

нэрэ тхылъэу ытхыгъэм 9:12; Сэбур (Псалтыр) 34:20 (урыс библиемкІэ 33:21).

19:37 Тхьэм игущыІэ тхыгъэхэм арыт – еплъ Пегъымбар Зэкъарие тхылъэу ытхыгъэм 12:10.

19:38 Аримафей къуаджэр – Ерусалим километрэ 35-кІэ пэчыжьэу, итемыр тыгъэкъохьэпІэ лъэныкъомкІэ итыгъ.


 

20

ЯТЮКІЭНЭРЭШЪХЬ

Исус лІагъэхэм къызэрахэтэджыкІыжьыгъэр

(Маттэ 28:1-10; Марк 16:1-8; Лука 24:1-12)

Тхьамафэм иапэрэ мафэм*, пчэдыжьым жьэу джыри мэзахэу, Магдалэ къуаджэм щыщ Мерэм къэунэм кІуа­гъэ. ЗэкІом, мыжъошхор къэунэм ІугъэукІорэикІыгъэу ылъэгъугъ. 2Мерэм ащ фэдэу зелъэгъум, Симон Петрэрэ игъогу рыкІохэрэм ащыщэу Исус анахьышІоу ылъэгъу­рэмрэ адэжь чъи ариІуагъ:

–Зиусхьаныр къэунэм чІахыгъ, зыдахьыгъэри тшІэ­рэп.

3Петрэрэ адрэ лІэу Исус игъогу рыкІорэмрэ унэм икІы­хи, къэунэмкІэ ежьагъэх. 4ТІури зэгъусэхэу чъагъэх, ау адрэ лІэу Исус игъогу рыкІорэр Петрэ нахьи нахь псынкІэу чъи, ыпэ къэунэм нэсыгъ. 53иуфи, чІаплъи, чэфынхэр щылъхэу ылъэгъугъэх, ау къэунэм чІэхьагъэп. 6Ащ ыуж итэу, Симон Петрэ къэси, къэунэм чІэхьагъ. ЗычІахьэм, чэфынхэр ащ дэжьым щылъхэу ылъэгъугъэх, 7ау чэфы­нэу Исус ышъхьэ ещэкІыгъагъэр адрэ чэфынхэм абгъо­дэмылъэу, зэкІоцІыщыхьагъэу изакъоу зы чІыпІэм щы­лъыгъ. 8ЕтІанэ адрэ лІэу Исус игъогу рыкІорэр ыпэ къэсыгъагъэри къэунэм чІэхьагъ. Ащи зэкІэ ылъэгъуи, ышІошъ хъугъэ; 9сыда пІомэ Исус лІагъэхэм къахэтэ­джыкІыжьын фаеу зэрэщытыр Тхьэм игущыІэ тхыгъэхэм зэрарытым фэдэу, ахэмэ къагурыІогъагъэгоп. 10ЕтІанэ а лІыхэу Исус игъогу рыкІохэрэм адэжь агъэзэжьыгъ.

Исус Магдалэ къуаджэм щыщ Мерэм зыкъызэрэригъэлъэгъугъэр

(Марк 16:9-11)

11Мерэм къэунэм ыдэжь щытэу гъыщтыгъ. Гъызэ къэ­унэм чІэплъэнэу зызеуфэм, 12мэлэІичІитІу фыжьыкІэ фэ­пагъэхэу, Исус ихьадэ зыдэщылъыгъагъэм ыдэжь, зыр ышъхьэкІэ адрэр ылъапэкІэ, щысхэу ылъэгъугъэх.

20:1 Тхьамафэм иапэрэ мафэр – тхьаумафэ мафэр ары.


13–О бзылъфыгъ! Сыда узкІэгъырэр?– аГуи, ахэмэ Ме­рэм къыраІуагъ.

–Си Зиусхьан ихьадэ чІахыгъ, зыдахьыгъэри сшІэрэп,– ариІожьыгъ Мерэм.

14Ар къыІуагъэу зыкъызызэрегъэзэкІым, Исус щытэу ылъэгъугъ, ау ар зэрэ-Исусыр ышІагъэп.

15–О бзылъфыгъ, сыда узкІэгъырэр?– къыриІуагъ Исус. –Хэта узлъыхъурэр?

Мерэм хатэм пэсырэ лІыр арэу къышІошІи риІуагъ:

–Тхьаматэ, орымэ ар чІэзыхыгъэр зыдэпхьыгъэр къы­саГуи, сэ ар схьыжьыщт.

16–Мерэм!– къыриІуагъ Исус.

Ар зеІом, Мерэм зыкъызэригъэзэкІи, джуртыбзэкІэ риІуагъ:

–Раввуни!– (Раввуним къикІырэр «Дин ГъэсакІор» ары.)

17–Укъызнэмыс,– къыІуагъ Исус, –сыда пІомэ Ты лъа­пІэм ыдэжь джыри сыдэкІоежьыгъэгопышъ ары, ау сшы­хэм* адэжь кІуи, ахэмэ яІу: «Сэ Сятэ шъори Шъуятэу, сэ си Тхьэу шъори шъуи Тхьэм ыдэжь сыдэкІоежьыщт».

18Ар къызыреІом, Магдалэ къуаджэм щыщ Мерэм Исус игъогу рыкІохэрэм адэжь кІуи, Зиусхьаныр зэрилъэгъу­гъэри мы гущыІэхэр къызэриІуагъэхэри ариІотэжьыгъ.

Исус игъогу рыкІохэрэм зыкъызэраригъэлъэгъугъэр

(Маттэ 28:16-20; Марк 16:14-18; Лука 24:36-49)

19А мэфэ дэдэм, тхьамафэм иапэрэ мафэу арыгъэ, пчы­хьашъхьэм Исус игъогу рыкІохэрэр унэ горэм щызэІу­кІагъэх. Джуртмэ ащыщынэщтыгъэхэти, унэу зыщызэІу­кІагъэм ипчъэхэр агъэпытагъэх. Джащыгъум Исус адэжь къакІуи, пчэгум къиуцуи къариІуагъ:

–Гупсэфыныгъэ шъуиІэу шъопсэу!

20Ар къызеІом, ыІэхэри ычапэри къаригъэлъэгъугъэх. Зиусхьаныр залъэгъум, игъогу рыкІохэрэр гушІуагъэх.

21–Гупсэфыныгъэ шъуиІэу шъопсэу!– къариІуагъ Исус джыри зэ. –Ты лъапІэм сэ сыкъызэригъэкІуагъэм фэдэу, сэри шъусэгъакІо.

20:17 сшыхэр – зы диным рыкІохэрэр ары.


22 Ар къызеІо ужым, игъогу рыкІохэрэм япщи ариІуагъ: –Тхьэм Ыпсэ ЛъапІэ шъугухэм арысэжъугъалъхь.

23ПсэкІодхэр шъо зыфэжъугъэгъурэм фэгъущтых, зы-

фэшъумыгъэгъурэми фэгъущтхэп.

«О уси Зиусхьан ыкІи уси Тхь», Фомэ Исус зэрэриІуагъэр

24Исус игъогу рыкІорэ нэбгырэ пшІыкІутІумэ язэу Фо­мэу ТІуазэкІэ заджэхэрэр Исус къызэкІом, адрэмэ ягъу­сагъэп.

25Адрэ лІыхэу Исус игъогу рыкІохэрэм къыраІуагъ:

–Зиусхьаныр тлъэгъугъэ.

–ГъучІыІунэ опІэ гъуанэхэр Исус ыІэмэ атесымылъа­гъохэу, сэ сІэхъуамбэ а гъучІыІунэ уапІэ гъуанэхэм ате­сымылъхьэу, сэ сІи Исус ычапэ тесымылъхьэу сшІошъы хъущтэп,– ариІуагъ Фомэ ахэмэ.

26Мэфий зытешІэм ыуж Исус игъогу рыкІохэрэр джы­ри унэм исыгъэх, Фоми ягъусагъ. Пчъэхэр агъэпытагъэхэ пэтми, Исус къакІуи, пчэгум къиуцуи къариІуагъ:

–Гупсэфыныгъэ шъуиІэу шъопсэу!

27ЕтІанэ Исус Фомэ риІуагъ:

–О пІэхъуамбэ мо къытелъхь, сІэмэ къяплъ. ПІи къэ­щэий, сэ счапэ къытелъхь, пшІошъ мыхъоу ущымытэу, шІошъхъуныгъэ зигъаІ.

28–О уси Зиусхьан ыкІи уси Тхь!– Фомэ Исус ри­Іуагъ.

29–Сэ сыплъэгъугъэти, пшІошъ хъугъэ,– къыриІуагъ Исус. –Мы Іофхэр амылъэгъугъэхэ пэтми, шІошъхъуны­гъэ зиІэ хъугъэхэр сыхьатмафэ ежьагъэх.

Мы тхылъыр зыфэттхыгъэр

30Мы нэшэнэ гъэшІэгъонышхохэм анэмыкІэу Исус игъогу рыкІохэрэм апашъхьэ мы тхылъым имытхэу, нэшэнэ гъэшІэгъонышхо Іаджыхэри къыгъэлъэгъуагъэх. 31Ау мы Іофхэр зыфэттхыгъэр Исусыр Христосэу Тхьэм Ыкъоу зэрэщытымкІэ шІошъхъуныгъэ шъуиІэ хъуныр ары, а шІошъхъуныгъэмкІи Исус ыцІэкІэ мыкІодыжьын щыІэныгъэ шъуиІэ хъуныр ары.


 

21

ЯТЮКІЫРЭ ЗЫНЭРЭШЪХЬ

Исус игъогу рыкІохэрэм ащыщхэу нэбгыриблымэ зыкъызэраригъэлъэгъугъэр

Ащ нэуж Тивериадэ зыцІэ псыхъураем* игъогу рыкІо­хэрэм джыри зэ Исус зыкъаригъэлъэгъугъ. Ар зэрэхъу­гъэр мары: 2Симон Петрэрэ, Фомэу ТІуазэкІэ заджэхэ­рэмрэ, Галилей хэкум ит Канэ къуаджэм щыщ Нафа­наилрэ, Зеведей ыкъуитІурэ, нэмыкІ нэбгыритІоу Исус игъогу рыкІохэрэмрэ зэгъусагъэх.

3–Пцэжъыяшэ сыкІощт,– ыІуи, Симон Петрэ адрэмэ ариІуагъ.

–Тэри тыкъыбдэкІощт,– къыраІожьыгъ ахэмэ. ЕтІанэ ежьэхи, къуашъом итІысхьэхи, кІуагъэх, а чэщым зи къа­убытыгъэп.

4Нэф къызэшъым, Исус псыІушъом Іутыгъ, ау ар зэ­рэ-Исусыр игъогу рыкІохэрэм ашІэжьыгъэп.

5 –Ныбджэгъухэр,– ариІуагъ Исус, –пцэжъые къэшъу­убытыгъа?

–Хьау, зи къэтыубытыгъэп,– къыраІожьыгъ ахэмэ.

6 –Къуашъом иджабгъу лъэныкъокІэ хъытыур хажъу­дзи, къэшъуубытыщт,– ариІуагъ Исус. Ар къызеІом, хъы­тыур хадзи, пцэжъыябэр хъытыум къызэрихьагъэм пае, хъытыур къыхахыжьын алъэкІыгъэп.

7Игъогу рыкІохэрэм ащыщэу Исус анахьышІоу ылъэ­гъурэм Петр риІуагъ:

–Мыр Зиусхьаныр ары.

Симон Петрэ ар зэрэ-Зиусхьаныр зызэхехым, ищыгъын кІыІутелъ зыщихыгъагъэти, ар къызэрищэкІыжьи, псым зыхидзагъ. 8Адрэ лІыхэу Исус игъогу рыкІохэрэм пцэ­жъыехэр зэрылъ хъытыур къыздалъэшъузэ, къуашъом исхэу къэсыгъэх, сыда пІомэ псыушъом пэчыжьэу щыты­гъэхэп, Іэнтэгъу шъитІум фэдиз ныІэп зэрэпэчыжьагъэ­хэр, 9ПсыІушъом къэзынэсхэм, шІомыкІ машІор хэгъэнагъэу, ащ пцэжъые телъэу, хьалыгъуи бгъодэлъэу алъэгъугъ.

21:1 Тивериадэ зыцІэ псыхъураер – Галилей псыхъураер ары.


10–Джы къэшъуубытыгъэ пцэжъыехэм ащыщ къэ­шъухь,– ариІуагъ Исус.

11      Симон Петрэ къуашъом ыдэжь кІуи, пцэжъые инхэр зэрыз хъытыур Іушъом къытырилъэшъуагъ. Пцэжъые­хэу хъытыум илъыгъэхэр шъэрэ шъэныкъорэ щырэ хъу­щтыгъэ. Ащ фэдиз илъыгъэхэ пэтми, хъытыур зэІэ­тхъыгъэп.

12–ШъукъакІуи, пчэдыжьышхэ шъушІы,– ариІуагъ Исус. –О хэт ущыща?– ыІоу, игъогу рыкІохэрэм ащыщэу зи

Исус къеупчІынэу тегушхуагъэп. Ар зэрэ-Зиусхьаныр ашІагъ. 13Исус къакІуи, хьалыгъур къышти аритыгъ. Ащ фэдэу пцэжъыехэри аритыгъ. 14Исус лІагъэхэм къыза­хэтэджыкІыжьы ужым, игъогу рыкІохэрэм зыкъызэра­ригъэлъэгъугъэр мыр ящэнэрэу щытыгъ.

Исус Петрэ зэрэдэгущыІагъэр

15Зэшхэхэм ыуж, Исус Симон Петрэ риІуагъ:

–Иуан ыкъо Симон, мыхэмэ сызэралъэгъурэм нахьи нахьышІоу сыолъэгъуа?

–Ары, Зиусхьан,– къыриІожьыгъ Петрэ. –ШІу узэрэс­лъэгъурэр о ошІэ.

–Сэ сишъынэхэр гъэхъух,– риІуагъ Исус.

16–Иуан ыкъо Симон, шІу сыолъэгъуа?– ыІуи, ятІонэ­рэу Исус Петрэ риІуагъ.

–Ары, Зиусхьан,– къыриІожьыгъ Петрэ. –ШІу узэрэ­слъэгъурэр о ошІэ.

–Сэ симэлхэм Іахъоу афэхъу,– риІуагъ Исус.

17–Иуан ыкъо Симон, шІу сыолъэгъуа?– ыІуи, ящэнэ­рэу Исус Петрэ риІуагъ.

«ШІу сыолъэгъуа?» ыІуи, ящэнэрэу Исус зэреупчІы­гъэм пае, Петрэ ыгу къеуи къыриІожьыгъ:

–Зиусхьан, зэкІэри о ошІэ, шІу узэрэслъэгъурэри ошІэ.

–Симэлхэр гъэхъух,– риІуагъ Исус. 18–Шъыпкъэ дэдэр осэІо, уикІэлэгъу ор-орэу убгы бгырыпх иплъхьэти, узы­фаем укІощтыгъ. Ау жъы узыхъукІэ, о пІэхэр фэпщэй­хэзэ, нэмыкІ горэм бгырыпхыр убгы къырилъхьанышъ, уздэкІонэу узыфэмыем уищэщт.


19Исус ащ фэдэу зыфыриІуагъэр лІакІэу Петрэ фэхъу­щтэу*, Тхьэм щытхъушхо зэрыфишІыщт шІыкІыр гури­гъэІоныр арыгъэ. Исус ар зыреІом ыуж риІуагъ:

–Сэ сауж къырыкІу.

Исусрэ игъогу рыкІохэрэм ащыщэу анахьышІоу ылъэгъурэмрэ

20Петрэ зыкъызызэрегъэзэкІым, игъогу рыкІохэрэм ащыщэу Исус анахьышІоу ылъэгъурэр ауж итэу къакІоу ылъэгъугъ. А лІыр ары пчыхьэшъхьашхэм дэжь Исус къыбгъодэсэу Іэнэм пэсэу къезыІогъагъэр:

–Зиусхьан, хэт тетыгъо зиІэхэм уаІэкІэзыгъэхьащтыр?

21Петрэ а лІыр зелъэгъум, Исус къеупчІыгъ: –Зиусхьан, мы лІыр сыдэу хъущт?

22–Сэ дунаем къэсэгъэзэжьыфэкІэ, ар щыІэнэу сыфае­мэ, сыда уиІофэу ащ хэлъыр?– риІожьыгъ Исус. –О сауж къырыкІу!

23Арэущтэу, «А лІэу Исус игъогу рыкІорэр лІэщтэп», зыІорэ къэбар шІошъхъуныгъэ зиІэ къошхэм ахэхьагъ. АрышъхьакІэ, «Ар лІэщтэп», ыІоу Исус Петрэ къыриІо­гъагъэп. Исус къыриІогъагъэр мары: «Сэ къэсэгъэзэжь­фэкІэ, ар щыІэнэу сыфаемэ, сыд уиІофэу ащ хэлъыр?»

24А лІэу Исус игъогу рыкІорэр ары мы Іофхэр къэзы­ушыхьатырэри ахэр зытхыгъэри. Ащ къыушыхьатырэр зэрэшъыпкъэр тэ тэшІэ.

25Исус нэмыкІ Іофыбэхэри ышІагъэх. Сызэрэгугъэрэм­кІэ, ахэр зэкІэри зырызэу тхыгъэхэмэ, тхыгъэн фаеу тхылъхэр дунаем тефэщтгъэхэп. Амин.

21:19 лІакІэу Петрэ фэхъущтыр – Петрэ къащым тыраІулІэнышъ, агъэ­лІэныр ары; сыда пІомэ зыгорэ къащым зытыраІулІэрэм, кІапсэкІэ е бгы­рыпхкІэ ыІэхэр къащым тырапхэщтыгъэх.

 

05 Acts / Апостoлхэм

01

 

 

АПОСТОЛХЭМ

ІОФХЭУ АШІАГЪЭХЭР

 

АПЭРЭШЪХЬ

 

Тхьэм ежь ы Псэ ЛъапІэ апостолхэм къафыригъэхынэу

къызэригъэгугъагъэхэр

 

1, 2Феофил* лъапІ, апэм къыщегъэжьагъэу Тхьэм Хьисэ уашъом зыдищэежьыгъэ мафэм нэсыфэ, Хьисэ ышІэгъэ Іоф пстэури, цІыфхэм аригъэшІэгъэ Іоф пстэури апэрэ тхылъэу* сэ стхыгъэм ит. Хьисэ, Тхьэм ежьыр уашъом дищэежьыным ыпэкІэ, къыхихыгъэ апостолхэм* Тхьэм ы Псэ ЛъапІэ ыкІуачІэкІэ унашъохэр афишІыгъэх. 3 Хьисэ къин зещэчым ыуж, щэч хэмылъэу лІагъэхэм къы­зэрахэтэджыкІыжьыгъэр бэрэ афигъэшъыпкъэжьэу ахэмэ ­

 

1:1,2 Феофил – еплъ Лука 1:1.

1:1,2 апэрэ тхылъыр – «Лука КъэбарышІур КъызэриІотагъэр» зыфа­Іорэ тхылъыр ары. Еплъ Лука 1:1-4.

1:1,2 апостол – нэмыкІ цІыф горэм ыцІэкІэ гущыІэнэуи Іоф ышІэнэуи фитыныгъэ зиІэр ары. Хьисэ игъогу рыкІорэ нэбгырэ пшІыкІутІум «апо­столхэкІэ» яджэх. Ахэр Хьисэ илІыкІохэу тетыгъо зэритыгъэхэр ары.

 

 заригъэлъэгъущтыгъ. Мэфэ тІокІитІум къыкІоцІ апо­столхэм бэрэ заригъэлъэгъущтыгъ, Тхьэм и Тетыгъошхо* иІофхэм яхьылІагъэуи къадэгущыІэщтыгъ. 4 Хьисэ ахэмэ ягъусэ зэхъум, унашъо афишІыгъ:

Епусалим къалэм шъудэмыкІ, ау сэ зигугъу къышъу­фэсшІыгъэу, Ты лъапІэм шъукъызэригъэгугъагъэм* шъу­паплъ; 5сыда пІомэ Иуан псыкІэ цІыфхэр ыумэхъы­щтыгъэх*, ау мэфэ заулэ зытешІэкІэ, Тхьэм ежь ы Псэ ЛъапІэкІэ шъуиумэхъыщт.

 

Хьисэ уашъом зэрэдэкІоежьыгъэр

 

6Зызэрэугъоихэм, апостолхэр Хьисэ къеупчІыгъэх:

–Зиусхьан, Израил ипачъыхьагъу мы мафэхэм зэтебгъэ­уцожьыщта?

7–Ты лъапІэм итетыгъошхокІэ уахътэхэуи лъэхъанэ­хэуи ыгъэнэфагъэхэр шъушІэнхэ шъуфитэп,– ариІо­жьыгъ Хьисэ. 8–Ау Тхьэм ы Псэ ЛъапІэ къызышъуфе­хыкІэ, лъэкІыныгъэ шъуиІэ хъунышъ, Ерусалими, Иудей хэкуми зэкІэ, Самарие хэкуми зэкІэ, дунаим ыкъуапэ нэс шыхьат шъукъыщысфэхъущт.

9Хьисэ а гущыІэхэр къызеІохэм ыуж, ахэмэ алъэгъоу Тхьэм ар уашъом дищэежьыгъ. Зы ошъуапщэ горэ Хьисэ къышъхьэщырыхьи, ежьыр амылъэгъужьы хъугъэ.

 

1:3 Тхьэм и Тетыгъошхо – Тхьэм мы дунаими, мы дунаим ицІыфхэми те­тыгъошхоуи лъэкІыныгъэшхоуи афыриІэр ары. Инджылыр Тхьэм и Тетыгъошхо зытегущыІэкІэ, зыфиІорэр загъорэ мы уахътэм Тхьэм те­тыгъошхоу иІэр ары, загъори къэкІощт уахътэм Тхьэм тетыгъошхоу иІэщтыр ары, загъори Тхьэм ыдэжь мыкІодыжьын щыІэныгъэ щыуиІэ­ныр ары.

1:4 Ты лъапІэм шъукъызэригъэгугъагъэр – Тхьэм ы Псэ ЛъапІэ ары. Еплъ Лука 24:49; Иуан 15:26.

1:5 умэхъыныр – «ШъуипсэкІодхэм шъуафыкІэгъожьи, зысэжъугъэу­мэхъ, Тхьэм ахэр къышъуфигъэгъунхэм пае», ыІоти, умэхъэкІо Иуан (Яхья) цІыфхэр псым чІигъаощтыгъэх (ыумэхъыщтыгъэх). Еплъ Марк 1:4. Хьисэ уашъом зыдэкІоежьыгъэм щегъэжьагъэу, цІыфхэм диным ехьылІагъэу тетыгъо зиІэ цІыф горэм зырагъэумэхъы – а цІыфым ахэр псым чІегъаох, е псы тІэкІу ашъхьэхэм атыреутхэ. Арэущтэу ХьисэкІэ шІошъхъуныгъэ яІэ зэрэхъугъэр къагъэлъагъо. Ащ нэмыкІэуи Хьисэ лІи, лІагъэхэм къызэрахэтэджыкІыжьыгъэм пае япсэкІодхэр къафэ­гъугъэхэу, мыкІодыжьын щыІэныгъэ яІэ зэрэхъугъэми шыхьат фэхъух.

 

10Хьисэ уашъом зыдэкІоежьым, апостолхэм анэхэр уа­шъом тырагъэдыкъагъэхэу, ошІэ-дэмышІэу лІитІу шъошэ фыжькІэ фэпагъэхэу* ахэмэ адэжь къэуцугъэх.

11Шъо Галилей цІыфхэр,– къаIуагъ а лІитІумэ, –сыд пае мыщ дэжьым шъущытэу уашъом шъудэплъыера? Мы Хьисэу Тхьэм уашъом дищэежьыгъэр уашъом дэкІоежьы­гъэу зэрэшъулъэгъугъэм фэдэ къабзэу къехыжьыщт.

 

Апостолхэм ежьхэм ащыщ хъунэу Иудэ ычІыпІэкІэ

Матфый зэрэхахыгъэр

 

12 Ащ нэужым апостолхэр Елеон Іуашъхьэм* ехыжьхи, Ерусалим агъэзэжьыгъ. Елеон Іуашъхьэр Ерусалим игъу­нэгъоу щыт, шэмбэт гъогум* икІыхьагъэ фэдизэу. 13 Къа­лэм дэхьажьхи, ахэр зэрыс унэ лъагэм дэкІоежьыгъэх; мыхэр арыгъэх: Петрэ, Иуан, Якъубэ, Индрыс; етІанэ Филипп, Фомэ, Варфоломей, Маттэ; Алфей ыкъо Якъуб, Симонэу зихэгъэгу ыгу етыгъэу фэлажьэщтыгъэр, Якъубэ ыкъо Иудэ. 14Бзылъфыгъэ заулэ, Хьисэ янэу Мерэм, Хьисэ ышхэр ягъусэхэу, ахэмэ зэкІэ зэдаштэу Тхьэм елъэІу зэпытыщтыгъэх.

15 А мафэхэм ХьисэкІэ шІошъхъуныгъэ зиІэ купэу нэбгы­ришъэрэ тІокІырэ фэдиз хъущтыгъэм Петрэ къыхэуцуи къыІуагъ:

16–Сшыхэр*, Тхьэм игущыІэ тхыгъэхэм арыт гущыІэ­хэу Тхьэм ы Псэ ЛъапІэ пачъыхьэ Даутэ ыгу къырилъхьэ­хи, Иудэ зыцІэм ехьылІагъэу къыригъэІуагъэхэр къэ­къыпкъэжьынхэ фэягъэх. А Иудэ ары* Хьисэ къэзыубыты­гъэхэм гъогур языгъэлъэгъугъэр. 17Ари тэ тщыщыгъ, мы Іофыми тигъусэу рылажьэщтыгъ.

18Бзэджагъэу ышІагъэм пае пкІэу ратыгъэмкІэ* Иудэ хьасэ къыщэфыгъ. А хьасэм

 

1:10 лІитІу шъошэ фыжькІэ фэпагъэхэу – мэлэІичхэр ары.

1:12 Елеон Іуашъхьэр – Зейтун Іуашъхьэр ары. Ерусалим игъунэ­гъубзэу, итыгъэ къыкъокІыпІэ лъэныкъокІэ Кедрон къуладжэм иадрабгъу ит.

1:12 шэмбэт гъогу – зы километрэ фэдиз мэхъу. Джурт хабзэм иунашъо тетэу, шэмбэт мафэм зы километрэ нахьыбэ укІо хъущтэп.

1:16 сшыхэр – зы диным рыкІохэрэр ары.

1:16 А Иудэ ары . . . гъогур языгъэлъэгъугъэр – еплъ Лука 22:47.

 

бгъэгукІэ тефи, ыныбэ зэгоути, икІэтІыйхэр зэкІэ къикІыгъэх. 19Ерусалим дэс цІыф пстэуми Иудэ къехъулІагъэм икъэбар зэхахыгъ, абзэкІи а хьасэм АкелдамэкІэ еджэщтыгъэх. Ащ къикІы­рэр «Лъыосэ Хьасэ».

20ЕтІанэ Петрэ къыпигъэхъожьыгъ:

–Сэбурым мыщ фэдэу ит:*

«Иунэ нэкІ орэхъу. Зи ерэмыс».

Мыщ фэдэуи ит:

«Ащ ипшъэрылъ нэмыкІ горэм ерэштэжьи, ычІыпІэ ерэуцожь».

21, 22–Арыти, Хьисэ лІагъэхэм къызэрахэтэджыкІыжьы­гъэр Иудэ ычІыпІэкІэ нэмыкІ горэм къыддиушыхьатын фае. А шыхьатыр Хьисэ къытхахьэу, къытхэкІэу зыщы­тыгъэ лъэхъаным зэкІэ, Иуан Хьисэ зиумэхъыгъэ мафэм щегъэжьагъэу Тхьэм Хьисэ уашъом дищэежьыфэ, тигъу­сагъэхэм ащыщын фае.

23Арэущтэу нэбгыритІу агъэуцугъ: Юсыфэу ВарсавэкІэ заджэхэрэмрэ (ащ Иусти раІуагъ) Матфыйрэ.

24, 25ЕтІанэ Тхьэм елъэІухэзэ аІуагъ:

–Зиусхьан, о цІыф пстэуми агухэм арылъыр ошІэ. Мы нэбгыритІумэ ащыщэу, апостолым иІоф ышІэнэу хэпхы­гъэр къытэгъэлъэгъу; сыда пІомэ Иудэ а Іофыр къы­гъани, ежь фэшъошэ чІыпІэ кІуагъэ.

26ЕтІанэ пхъэдз ашІи, пхъэдзыр Матфый тефагъ. Арэу­щтэу апостол пшІыкІузымэ ягъусэу Матфыий апостолэу хъугъэ.

 

 

 

02

 

ЯТIOНЭРЭШЪХЬ

 

Тхьэм ы Псэ ЛъапІэ ХьисэкІэ шІошъхъуныгъэ зиІэхэм

къызэрафехыгъэр

 

      Пэнтэкост зыцІэ мэфэкІ мэфэшхор* къызэсым, шІошъ­хъуныгъэ зиІэхэр зэкІэ зы чІыпІэм

1:18 пкІэу ратыгъэр – еплъ Лука 22:3-6.

1:20 Сэбурым ит – еплъ Сэбур (Псалтыр) 69:25; 109:8 (урыс библиемкІэ 68:26; 108:8).

2:1 Пэнтэкост зыцІэ мэфэкІ мэфэшхор – коцхэр къызахыжьырэм ыуж, джуртхэм илъэс къэс ятфэнэрэ мазэм щагъэмэфэкІырэ мэфэкІ мэфэшхор ары. Пасхъэ мэфэкІ мэфэшхом ыуж, мэфэ шъэныкъозыблэкІыхэкІэ, Пэнтэкост мэфэкІ мэфэшхор къэсы. «Пэнтэ­костым» къикІырэр «яшъэныкъорэр» ары.

 

 

щытыгъэх. 2ОшІэ-дэмышІэу жьыбгъэшхоу къепщэрэм ибырсыр мэкъэшхо фэдэ макъэ уашъом къехи, унэу зэрысхэм зэкІэ мэкъэ­шхор из хъугъэ. 3МашІом фэдэу бзэгухэр къафэлъэгъуа­гъэх. А бзэгухэм загощи, ахэмэ ащыщэу хэтрэ зы цІыфым зы бзэгу къытенагъэу хъугъэ. 4Тхьэм ы Псэ ЛъапІэ зэкІэми агухэм инэу арылъ хъуи, хымабзэхэмкІэ къэгу­щыІэхэу аублагъ, Тхьэм ы Псэ ЛъапІэ къызэригъэгу­щыІагъэхэм фэдэу.

5Дунаим сыдрэ лъэпкъи щыщхэу Тхьэм ищынагъо зыгу илъ джуртхэр Ерусалим дэсыгъэх. 6А бырсыр мэ­къэшхор къызэхъум, зыфахьын амышІэу, цІыфыбэхэр зэхэлъэдагъэх; сыда пІомэ хэти ежь ыбзэкІэ ахэр къэ­гущыІэхэу зэхахыгъэти ары. 7Лъэшэу агъэшІагъоу зэра­Іожьыщтыгъ:

–Мы къэгущыІэрэ лІыхэр зэкІэ Галилей хэкум щыщ­хэба? 8Ащыгъум тэ тщыщэу, хэти ежь ыбзэкІэ ахэр къэгущыІэхэу зэхихын ылъэкІэу сыдэущтэу хъура? 9 Пар­фие хэгъэгум щыщхэми, Мидие хэгъэгум щыщхэми, Елам хэгъэгум щыщхэми, Месопотамие хэгъэгум исхэми, хэку­хэу Иудейрэ Каппадокиерэ арысхэми, хэкухэу Понтрэ Асиерэ арысхэми, 10хэкухэу Фригиерэ Памфилиерэ арыс­хэми, Мысырымрэ Ливие хэгъэгум щыщ Кириние къалэм пэгъунэгъу лъэныкъомрэ арысхэми, Рим къэлэшхом къи­кІыгъэхэми, 11джуртхэми, прозелитхэми*, Крит хы­гъэхъунэм* щыщхэми, арабхэми, тэ зэкІэ тыбзэхэмкІэ Тхьэм Іофышхохэу ышІагъэхэм якъэбар ахэмэ къаIуатэу зэхэтэхы.

12ЦІыф пстэуми агъэшІагъоу, зыфахьын амышІэу зэра­Іожьыщтыгъ:

–Сыда щыщ мы къэхъугъэр?

13Зыгорэхэри акІэнакІэхэу къаIуагъ:

–Сэнэпс ІэшІум ыгъэутэшъуагъэх.

 

2:11 прозелитыр – зидин зэблэзыхъугъэр ары.

2:11 хыгъэхъунэ – чІыгу гъушъэу псы гузэгум итыр ары.

 

Пэнтэкост мэфэкІ мэфэшхом Петрэ цІыф купышхом хэтхэм

апашъхьэ къызэрэщыгущыІагъэр

 

14Джащыгъум Петрэ апостол пшІыкІузымэ ягъусэу къэ­тэджи, ымакъэ къыІэти, гущыІэу къыублагъ.

–Сшы джуртхэмрэ, Ерусалим дэсхэмрэ, мыр зэжъугъа­шІэ, къасІохэрэми шъукъядэІу. 15Шъо шъузэрэгугъэрэм фэдэу мы лІыхэр утэшъуагъэхэп, сыда пІомэ пчэдыжьым сыхьатыр бгъу* хъугъэ ныІэп. 16Ау мыщ дэжьым къыщыхъугъэр пегъымбар Иоил* Іофэу мырэущтэу зыте­гущыІагъэр ары:

17«Тхьэм мырэущтэу еІо: дунаим иаужырэ мафэхэм

сэ с Псэ ЛъапІэ цІыф пстэуми къафезгъэхыщт.

СигущыІэхэр шъо шъукъохэмрэ шъупхъухэмрэ

агухэм къарыслъхьанхэшъ, къязгъэІощтых.

ШъуикІалэхэми Іофхэр къафэзгъэлъэгъощтых,

шъуинахьыжъхэми пкІыхьапІэхэр язгъэлъэгъущтых.

18 А мафэхэм къысфэлажьэрэ цІыфхэм,

хъулъфыгъэми бзылъфыгъэми, сэ с Псэ ЛъапІэ къафезгъэхыщт,

сигущыІэхэри ахэм агухэм къарыслъхьанхэшъ, къязгъэІощтых.

19Уашъом Іофышхо гъэшІэгъонхэр къыщызгъэлъэгъощтых,

чІылъэми нэшэнэ гъэшІэгъонышхохэр

къыщызгъэлъэгъощтых, лъы, машІо, Іугъошхо къэхъущтых.

20 Зиусхьаным имэфэшхоу щытхъушхо зиІэр къэкІоным

ыпэкІэ, тыгъэри шІункІ къэхъущт, мазэри лъым фэдэу хъущт.

21 Хэт щыщми Зиусхьаныр къыдэІэпыІэнэу елъэІурэри мыкІодэу къэнэжьыщт».

22 Ащ нэужым Петрэ джыри ипсалъэ къыпидзэжьыгъ:

–Шъо, Израил лІыхэр, мы гущыІэхэм шъукъядэІу: Тхьэм Назарет щыщ Хьисэ ежьым зэрэщыщыр шъор­кІэ къыгъэшъыпкъэжьыгъ. Тхьэм ар къызэригъэшъыпкъэжьыгъэр

 

2:15 пчэдыжьым сыхьатыр бгъу – гущыІэ-гущыІэу зэбдзэкІымэ, «ящэ­нэрэ сыхьатыр» мэхъу. Ащ къикІырэр пчэдыжьым сыхьатыр бгъур ары.

2:16-20 пегъымбар Иоил . . . зытегущыІагъэр – еплъ Пегъымбар Иоил тхылъэу ытхыгъэм 2:28-32.

 

Хьисэ лъэкІыныгъэ зыхэлъ Іофышхохэмрэ Іофышхо гъэшІэгъонхэмрэ шъуадэжь зэрэщыригъэшІа­гъэхэри, нэшэнэ гъэшІэгъонышхохэр зэрэщыригъэгъэ­лъэгъуагъэхэри ары. 23Тхьэм гухэлъэу ыухыгъэм тетэуи, Тхьэм ар къэхъуным ыпэ къэхъунэу зэришІэщтыгъэм фэдэуи, Хьисэ къышъуІэкІэхьагъ. ЦІыф бзаджэхэм шъо къащым ряжъугъэІулІи яжъугъэукІыгъ. 24Ау Тхьэм ар лІэныгъэм икъин щэчыныгъэм хищыжьыгъэу, лІагъэхэм къахигъэтэджыкІыжьыгъ; сыда пІомэ лІэныгъэм ар ыІы­гъынэу хъущтыгъэп. 25Пегъымбар Даутэ Хьисэ ехьылІагъэу мырэущтэу къыІуагъ:*

«Зиусхьаныр сапашъхьэ итэу слъэгъу зэпытыгъ.

ЗыкІи симыгъэгумэкІыным пае, ар сиджабгъукІэ къызгот.

26Арышъ, сыгу мэгушІо, сыжэ-бзэгуи мэгушІо.

Спкъи гугъэпІэшІу иІэу псэфыжьыщт,

27сыда пІомэ лІагъэхэм ядунаи сэ спсэ къыщыбгъэнэжьыщтэп.

УиIорышIэ лъапІэм ихьадэ бгъэшъущтэп.

28 ЩыІэныгъэм ыдэжь кІорэ гъогухэр сэбгъэшІагъэх.

Уадэжь сэ сыщыбгъэгушІожьыщт».

29–Сшыхэр, тятэжъышхо Даутэ ехьылІагъэу гушхоны­гъэкІэ сыкъэгущыІэн сыфит. Ар дунаим ехыжьыгъагъ ыкІи чІалъхьажьыгъагъ, непэ къэсыфэ икъэунэ тадэжь щыІ. 30Даутэ пегъымбарэу щытыгъ, ащи ышІэщтыгъ, Мэссихьэу* ежь Даутэ къытехъукІынэу щытыгъэ цІыфхэм ащыщыр ежь Даутэ ипачъыхьэ тІысыпІэ тыригъэтІыс­хьанэу Тхьэм гущыІэ пытэкІэ къызэригъэгугъагъэр*. 31Арышъ, Даутэ къэхъущтыр ешІэти, Мэссихь къыте­гущыІэу* «Тхьэм ар лІагъэхэмэ ядунай къыщигъэнэжьы­щтэп», ыкІи «ащ ихьадэ ыгъэшъущтэп» ыІуи

 

 

2:25-28 пегъымбар Даутэ . . . къыІуагъ – еплъ Сэбур (Псалтыр) 16:8-11 (урыс библиемкІэ 15:8-11).

2:30 Мэссихь – Мессихьыр ары. Пачъыхьэ Даутэ ылъэпкъ къытехъу­кІыгъэу, пегъымбархэм къызэраІуагъэм тетэу, Израил шъхьафитны­гъэрэ мамыр тетыгъорэ аригъэгъотынхэу Тхьэм Израил къызэри­гъэгугъэгъэ пщы лъапІэр ары.

2:30 Тхьэм гущыІэ пытэкІэ къызэригъэгугъагъэр – еплъ Сэбур (Псал­тыр) 132:11 (урыс библиемкІэ 131:11).

2:31 Даутэ . . . Мэссихьым къытегущыІэу – еплъ Сэбур (Псалтыр) 16:10 (урыс библиемкІэ 15:10).

 

къызеІом, зыфиІуагъэр Мэссихь лІагъэхэм къахэтэджыкІыжьынэу зэрэщытыгъэр ары. 32А Хьисэ ары Тхьэм лІагъэхэм къахигъэтэджыкІыжьыгъэр, а Іофыми тэ зэкІэри тыри­шыхьат. 33Тхьэм Хьисэ уашъом дищэежьи, иджабгъукІэ зыгуегъэтІысхьэм ыуж, Ты лъапІэм ежь ы Псэ ЛъапІэу къызэригъэгугъагъэр къыритыгъ, зэрэшъулъэгъурэм ыкІи зэрэзэхэшъухырэм фэдэуи Хьисэ Тхьэм ы Псэ ЛъапІэ къытфыригъэхыгъ. 34Сыда пІомэ Даутэ уашъом дэкІое­жьыгъэп, ау мырэущтэу къыІуагъ:*

«Тхьэу Зиусхьаным сэ си Зиусхьан къыриІуагъ:

35О уипыихэр лъэгукІэтын пфэсшІыхэфэ,

сэ сиджабгъукІэ къызготІысхь».

36–Арышъ, Израил цІыф пстэуми мыр яшъыпкъэу арэшІ: Мы Хьисэу шъо къащым ешъуІулІыгъэр, Тхьэм ыкІи Зиусхьанэу ыкІи Мэссихьэу къыгъэхъугъ.

37ЦІыфхэм ар зызэхахым, агу хэуІагъ. Ахэмэ Петрэрэ адрэ апостолхэмрэ къараІуагъ:

–Тшыхэр, сыда тэ тшІэн фаер?

38–ШъуипсэкІодхэм шъуафыкІэгъожьи, Хьисэ Мэссихь ыцІэкІэ шъо пстэуми зытэжъугъэумэхъ*, Тхьэм шъуи­псэкІодхэр къышъуфигъэгъунхэм пае,– ариІожьыгъ Петрэ. –Ащыгъум Тхьэм итынэу ежь ы Псэ ЛъапІэ шъу­гухэм къарилъхьащт. 39Тхьэм ежь ы Псэ ЛъапІэ зыфы­ригъэхынэу къыгъэгугъагъэхэр шъори, шъуибынхэри, чыжьэу щыІэ цІыфхэри зэкІэ – цІыфхэу ежь ибын хъун­хэу Зиусхьанэу ти Тхьэ зэкІэ заджэхэрэр ары.

40НэмыкІ гущыІабэкІэ Петрэ ахэмэ афигъэпытэу ялъэ­Іугъ:

–Мы лъэпкъ къуанчэм Тхьэм зыхежъугъэщыжьи, шъу­мыкІодэу зыкъежъугъэгъэнэжь.

41Арэущтэу Петрэ игущыІэхэр зыштагъэхэм зарагъэумэ­хъыгъ. А мафэм шІошъхъуныгъэ зиІэхэм япчъагъэ минищ фэдиз хэхъуагъ. 42Емызэщхэу шІошъхъуныгъэ зиІэ хъугъэ цІыфхэм апостолхэм Тхьэм игущыІэхэр зара­гъэгъашІэхэу зэпытыщтыгъэх, зэкъошхэм фэдэуи зэхэ­тыгъэх, хьалыгъу зэгуачы зэпытыщтыгъ, Тхьэми елъэІу зэпытыщтыгъэх.

 

2:34-35 Даутэ . . . къыІуагъ – еплъ Сэбур (Псалтыр) 110:1 (урыс библиемкІэ 109:1).

2:38 умэхъыныр – еплъ 1:5.

2:42 хьалыгъу зэгуачы зэпытыщтыгъ – Хьисэ лІи, лІагъэхэм къызэрахэтэджыкІыжьыгъэр агу къагъэкІыжьызэ, ХьисэкІэ шІошъхъуныгъэ зиІэхэр зэдашхэх.

 

 

ШІошъхъуныгъэ зиІэхэм язэкъошныгъ

 

43Апостолхэм Іофышхо гъэшІэгъон Іаджыхэр ашІагъэ­хэти, нэшэнэ гъэшІэгъонышхо Іаджыхэри къагъэлъэ­гъуагъэхэти, цІыфхэм зэкІэ агухэм щынагъо арылъ хъу­гъэ. 44ШІошъхъуныгъэ зиІэхэр зэкІэ зэгъусагъэх, яІэри зэкІэ язэфэдагъ. 45Ямылъкухэмрэ яхьапщыпхэмрэ ащэхи, къыкІэкІыгъэм щыщ хэти ищыкІагъэм фэдиз ратыгъ. 46Зыгу-зыпсэу мафэ къаси Тхьэм иунэшхо щызэІукІэ зэпытыщтыгъэх. Яунэхэми хьалыгъур щызэгуачыщтыгъ, гушІохэу агу шъыпкъэхэкІэ зэдашхэщтыгъэх. 47Тхьэм ищытхъу ашІыщтыгъ, цІыф пстэуми агуи яІущтыгъ. Зиусхьаным цІыфхэу мыкІодхэу къыгъэнэжьхэрэмкІэ шІошъхъуныгъэ зиІэхэм япчъагъэ мафэ къэси хигъа­хъощтыгъ.

 

 

 

 

 

 

03

ЯЩЭНЭРЭШЪХЬ

 

Петрэрэ Иуанрэ Тхьэм иунэшхо икъэлапчъэ дэжь

зылъакъохэм атеуцон зымылъэкІырэ лІы горэ

зэрэщагъэхъужьыгъэр

 

Зы мафэ горэм щэджэгъоужым цІыфхэр Тхьэм зыще­лъэІурэ сыхьат щым дэжь* Петрэрэ Иуанрэ Тхьэм иунэ­шхо кІощтыгъэх. 23ы лІы горэ, къызыхъугъэм щегъэ­жьагъэу ылъакъохэм атеуцон ымылъэкІэу, Тхьэм иунэ­шхо икъэлапчъэхэм ащыщхэу «Къэлапчъэ дах» зыфаІо­рэм къахьыщтыгъ. Ар мафэ къэси къахьыти, Тхьэм иунэ­шхо чІахьэхэрэм сэдакъэкІэ ялъэІунэу а къэлапчъэм дэжь агъэтІысыщтыгъ. 3А лІым Петрэрэ Иуанрэ Тхьэм иунэ­шхо чІахьэхэзэ зелъэгъухэм, ялъэІугъ:

–Сэдакъэ къысэшъут!

 

3:1 сыхьатыр щым дэжь – гущыІэ-гущыІэу зэбдзэкІымэ, «ябгъо­нэрэ сыхьатыр» мэхъу. Ащ къикІырэр щэджэгъоужым сыхьатыр щыр ары.

 

4Петрэрэ Иуанрэ анэхэр а лІым тырагъэдыкъагъэхэу, еплъыхэзэ, Петрэ къыІуагъ:

–Мо зэ къытэплъ!

5Зыгорэ къыратынкІэ ащыгугъэу а лІыр афыдэплъыягъ.

6–Дышъи тыжьыни сэ зи сиІэп,– къыІуагъ Петрэ, –ау сиІэр осэты: Назарет къалэм щыщ Хьисэ Мэссихь ыцІэкІэ унашъо пфэсэшІы, къэтэджи, къэкІухь!

7ЕтІанэ Петрэ а лІым ыІэ джабгъу къыубыти къы­гъэтэджыгъ. Ардэдэм а лІым ылъакъохэмрэ ылъэ­гуанджэхэмрэ кІуачІэ къахэхьажьыгъ. 8Ар къызщылъэ­ти, ылъакъохэм атеуцожьи, къыкІухьэу ыублагъ. ЕтІанэ Петрэрэ Иуанрэ ягъусэу Тхьэм иунэшхо чІахьи, къыкІу­хьэу, дэпкІаезэ Тхьэм щытхъу фишІыгъ. 9ЦІыф пстэуми ар къыкІухьэу, Тхьэм щытхъу фишІэу алъэгъугъ. 103а­лъэгъум, Тхьэм иунэшхо «и Къэлапчъэ дах» зыфаІорэм ыдэжь лъэІуакІоу щысыщтыгъэр арэу цІыфхэм къашІэ­жьыгъ, агучІи изыгъэу а лІым къехъулІагъэр лъэшэу агъэшІэгъуагъ.

 

Петрэ цІыф купышхом ыпашъхьэ къызэрэщыгущыІагъэр

 

11ЛІэу агъэхъужьыгъэр Петрэрэ Иуанрэ ауж имыкІэу, цІыфхэм зэкІэ лъэшэу агъэшІагъоу пачъыхьэ Сэлмэн ыцІэкІэ заджэхэрэ щагоу шъхьэ зытелъ пкъэу къэлапчъэ­хэр зиІэм ыдэжь чъэхи, а нэбгырищым адэжь къыщы­зэрэугъоигъэх. 12Петрэ ар зелъэгъум, цІыфмэ ариІуагъ:

–Израил лІыхэр, сыд пае ар жъугъэшІагъора? Сыд пае ащ фэдизэу тэ шъукъытэплъыра? Тэр-тэрэу лъэкІыны­гъэшхо тиІэу, е Тхьэр инэу тэ тэгъэлъапІэшъ, мы лІым зекІон едгъэлъэкІыгъэу шъогугъа? 13Мы лІым къехъу­лІагъэмкІэ Ибрахьимэ, Исхьакъ, Якъубэ я Тхьэу тятэ­жъышхохэм я Тхьэ цІыфхэм апашъхьэ ы Къо Хьисэ ищы­тхъушхо къыщигъэлъэгъуагъ. Ар тетыгъо зиІэхэм шъо аІэкІэжъугъэхьагъ. Іэшъхьэтет Пилат* ар шъхьафитэу къытІупщыжьынэу тыриубытагъэ пэтми, ащ ыпашъхьэ Хьисэ

 

3:13 Пилат – Рим (Рум) цІыфхэм ащыщэу, Понтый Пилат, Хьисэ къызэхъу нэужым я 26-36 илъэсхэм къакІоцІ хэкухэу Иудей, Са­марие, Идумей яІэшъхьэтетэу щытыгъ.

 

 

щызэшъупэсыгъэп. 14ЦІыф ЛъапІэу ыкІи Зафэр зэшъупэсыгъэп, зы укІакІо горэ шъхьафитэу къышъуфи­тІупщыжьынэуи Іэшъхьэтет Пилат шъуелъэІугъ. 15 Щы­Іэныгъэ шъыпкъэр цІыфмэ язытырэр арэущтэу шъу­укІыгъэ, ау Тхьэм ар лІагъэхэм къахигъэтэджыкІы­жьыгъ. Тэри а Іофым тыришыхьат. 16Мы лІэу шъу­лъэгъурэм ыкІи шъушІэрэм Хьисэ ыцІэ зэрэщыгугъы­гъэм пае, кІуачІэ иІэ хъугъэ. Хьисэ ыцІэрэ Хьисэ ыдэжь къикІырэ шІошъхъуныгъэмрэ ары шъо пстэуми шъуапашъхьэ мы лІыр щызыгъэхъужьыпагъэр.

17–Ащ нэмыкІэу, сшыхэр, шъори шъуитхьаматэхэми Хьисэ ешъушІагъэр зэхэшъумышІыкІэу зэрэшъушІагъэр сэшІэ. 18Тхьэм пегъымбар пстэуми агухэм къарилъхьи, къаригъэІуагъ, ежь и Мэссихь къиныбэ ыщэчын фаеу зэрэщытыщтыр, Тхьэм зэриухыгъэм тетэуи хъугъэ. 19Арыти, Тхьэм шъуипсэкІодхэр къышъуфигъэгъунхэм пае, ахэмэ шъуафыкІэгъожьи, Тхьэм игъогу шъутехь. 20Ащыгъум шъугухэм зызыщагъэпсэфыжьын лъэхъаныхэр Зиусхьаным ыдэжь къикІыщтых, Тхьэм Мэссихьэу къышъу­фигъэнэфэгъэ Хьисэи къыгъэкІожьыщт. 21Тхьэм зэпстэури тэрэзэу зэтригъэуцожьыфэ, Мэссихь уашъом щыІэн фае, Тхьэм ипегъымбар лъапІэхэм агухэм къарилъхьи, къызэра­ригъэІуагъэм тетэу. 22ГущыІэм пае, пегъымбар Мусэ къы­Іуагъ:* «Зиусхьанэу шъуи Тхьэм шъушыхэм ащыщэу, сэ сфэдэ пегъымбар горэ къыгъэкІощт. Ащ къышъуиІощт пстэуми шъуядэІун фае. 23А пегъымбарым къыІохэрэм хэт щыщми ямыдэІурэр лъэпкъым хэкІынышъ, кІоды­жьыщт».

24–Адрэ пегъымбар пстэуми, пегъымбар Самуел щегъэ­жьагъэу ащ къыкІэлъыкІуагъэхэми, пегъымбархэу Тхьэм игущыІэхэр зыгу къырилъхьэхи, къызэригъэІогъэ пстэу­ми мы мафэхэм ягугъу ашІыщтыгъ. 25Пегъымбархэм ажэ­кІэ Тхьэм цІыфхэр къызэригъэгугъэгъэ Іофхэр зыгъот­хэрэр шъоры, Тхьэм ежьыррэ шъуятэжъышхохэмрэ азы­фагу дилъхьэгъэ зэзэгъыныгъэм иІахьышІуи зыгъотхэ­рэр шъоры, Тхьэм пегъымбар Ибрахьимэ зэрэриІуагъэм тетэу, «О къыптехъукІыщт цІыфым дунаим ылъэпкъ пстэуми сынэшІу щыфэныгъэр анигъэсынэу сшІыщт». 26Тхьэм ежь ы Къуи къызегъэлъагъом, лъэпкъхэм апэу ежь ы Къо къызфигъэкІуагъэр шъоры, шъуащышу хэти

 

3:22 пегъымбар Мусэ къыІуагъ – еплъ Пегъэмбар Мусэ ятІонэрэ тхылъэу ытхыгъэм 18:15,18.

 

шъуащыщэу хэти игъогу бзаджэ тырыригъэгъэкІэу, ынэшІу къыщыригъэфэным пае.

 

 

04

ЯПЛІЭНЭРЭШЪХЬ

 

Джурт тхьаматэхэм Петрэрэ Иуанрэ Тхьэмэтэ Хэсэшхом

 ыпашъхьэ зэрэращагъэхэр

 

Петрэрэ Иуанрэ цІыфхэм адэгущыІэхэзэ, дин пащэхэр, Тхьэм иунэшхо иухъумакІохэм ятхьаматэ, саддукейхэр* лъэшэу губжыгъэхэу итІум къабгъодэхьагъэх; 2сыда пІомэ Петрэрэ Иуанрэ цІыфхэм Тхьэм игущыІэхэр арагъашІэхэу, Хьисэ лІагъэхэм къызэрахэтэджыкІыжьыгъэм пае, лІагъэ­хэр къызэрэтэджыжьыщтхэр агъэІущтыгъэти ары. 3Арэу­щтэу ахэмэ Петрэрэ Иуанрэ аубытхи, пчыхьашъхьэ хъу­гъэти, ятІонэрэ мафэм нэсы хьапсым чІагъэсыгъэх. 4Петрэ­рэ Иуанрэ къэбарэу агъэІурэр зэхэзыхыгъэхэм ащыщхэу бэмэ ХьисэкІэ шІошъхъуныгъэ яІэ хъугъэ. Ахэмэ япчъа­гъэ нэбгырэ минитф фэдиз хъугъэ.

5ЯтІонэрэ мафэм джурт тхьаматэхэр, нахьыжъхэр*, Тэу­рат егъэджэкІо пащэхэр* Ерусалим щызэІукІагъэх. 6Дин пэщэшхоу* Аннэ* зыцІэр ащ дэжьым щыІагъ, етІанэ Кайафэ*, Иуан, Александр, нэмыкІ лІыхэу дин пэщэшхом иунагъо щыщхэр ащ дэжьым

 

4:1 саддукейхэр – дин пащэхэм ащыщхэу, диным пылъхэу зы тхьамэтэ купэу щытыгъэх. Ахэмэ тхылъ лъапІэхэу алъытагъэхэр Тэурат хабзэм итхылъитф ары ныІэп.

4:5 нахьыжъхэр – лъытэныгъэ зиІэ джурт дин тхьаматэ купэу щытыгъэх. Ахэмэ ащыщхэу заулэ Тхьэмэтэ Хэсэшхом щыщыгъэх.

4:5 Тэурат егъэджэкІо пащэхэр – Тэурат хабзэм итхэмрэ джуртхэм адрэ тхылъ лъапІэхэу яІэхэм арытхэмрэ цІыфхэм агурызыгъаІоу щытыгъэ пащэхэр ары.

4:6 дин пэщэшхор – дин пащэхэм ятхьаматэуи Тхьэмэтэ Хэсэшхом итхьаматэуи щытыгъ.

4:6 Аннэ – Хьисэ къызэхъу нэужым я 6-15 илъэсхэм къакІоцІ дин пэщэшхоу щытыгъ.

4:6 Кайафэ – Аннэ ыпхъу илІэу щытыгъ, Хьисэ къызэхъу нэужым я 18-36 илъэсхэм къакІоцІ дин пэщэшхоу щытыгъ.

 

щыІагъэх. 7Ахэмэ Петрэрэ Иуанрэ утыгум къыращэхи яупчІыгъэх:

–Сыд фэдэ кІуачІэкІэ, е хэт ыцІэкІэ а лІыр хъужьыгъа?

8Ар зэІом, Тхьэм ы Псэ ЛъапІэ Петрэ ыгу инэу илъ хъуи ариІуагъ:

–Шъо тэ тлъэпкъ итхьаматэхэри, нахьыжъхэри! 9ЛІэу зылъакъохэм атеуцон зымылъэкІыгъэм тэ шІоу фэтшІагъэм иІоф шъухаплъэзэ, «Сыдэущтэу ар хъужьы­гъа?» шъуІозэ, непэ шъукъытэупчІы. 10Арышъ, шъо зэ­пстэуми, Израил лъэпкъым зэкІэ мыр зэжъугъашІэ: Наза­рет къалэм щыщ Хьисэ Мэссихь ыцІэ ыкІуачІэ ары мы лІыр зыгъэхъужьыпагъэр, ащ паий ар шъуапашъхьэ ит. Хьисэ ары къащым тешъуІулІагъэр, ау Тхьэм ар лІагъэхэм къахигъэтэджыкІыжьыгъ. 11Ежьыр ары

«Унэ зышІыхэрэм зэрамыпэсэу чІадзыжьыгъэ мыжъоу

мыжъо лъэпсэ дэдэу унэм фэхъугъэр».*

12–ЦІыфхэр мыкІодхэу къэзыгъэнэжьырэ закъор Хьисэ ары. Ащ ыцІэ нэмыкІэу, Тхьэм уашъом ычІэгъ чІэт цІыф­хэм аритыгъэу зи щыІэп тымыкІодэу тыкъэзыгъэнэжьын зылъэкІынэу.

13Джурт тхьаматэхэм Петрэрэ Иуанрэ ягушхоныгъэ за­лъэгъум, гъэсэныгъэ зимыІэ лІы къызэрыкІохэу зэрэ­щытхэми гу зылъатэм, агъэшІэгъуагъ, Хьисэ зэригъуса­гъэхэри къашІэжьыгъ. 14Ау а лІэу агъэхъужьыгъэр ахэмэ ягъусэу ащ дэжьым щытэу алъэгъугъэти, ащ нахьыбэ араІо­жьын алъэкІыгъэп. 15Арэущтэу зэхъум, Синедрион* хасэ унэм Петрэрэ Иуанрэ чІагъэкІыжьхи, ежьхэр зэупчІыжь­хэу аублагъ. 16ЗэупчІыжьхэзэ мырэущтэу зэраІожьыгъ:

–Мы лІитІум сыда ятшІэщтыр? Ерусалим дэс цІыф пстэуми ахэмэ Іофышхо гъэшІэгъон зэрашІагъэр ашІэ. «Іофышхо ашІагъэп», тэ тІо хъущтэп. 17Ау хъугъэм икъэбар ащ нахьи нахьыбэу цІыфмэ ахэмыхьаным пае, «Хьисэым ыцІэкІэ зы цІыф горэм шъудэгущыІэмэ,

4:11 Еплъ Сэбур (Псалтыр) 118:22 (урыс библиемкІэ 117:22).

4:15 Синедрион – Тхьэмэтэ Хэсэшхор ары. Дин Іофхэм яхьылІагьэу хьыкум зышІэу, анахь тетыгъошхо зиІэ хасэу джуртхэм яІагъэр ары. Тхьаматэ нэбгырэ 70-рэ Тхьэмэтэ Хэсэшхом щыщыгъэх. А хэсэшхом итхьаматэу дин пэщэшхор арыгъэ.

 

къиныбэ шъодгъэщэчыщт», тІонышъ, мы лІыхэм афэдгъэпытэн фае.

18ЕтІанэ Петрэрэ Иуанрэ хэсэ унэм къычІащэжьхи, Хьисэ ыцІэкІэ зи къамыІожьынэуи, цІыфхэм зи арамыгъэ­шІэжьынэуи афагъэпытагъ. 19Ау Петрэрэ Иуанрэ ахэмэ араІожьыгъ:

–Тхьэм тедэІуным нахьи, шъо тышъодэІуныр Тхьэм­кІэ тэрэза, мытэрэза, шъор-шъорэу хьыкум тешъу­шІыхьан фае. 20Ау тэ Іофхэу тлъэгъугъэхэмрэ зэхэ­тхыгъэхэмрэ къэтымыІо хъущтэп.

21ЕтІанэ джурт тхьаматэхэм, «ШъукъытэмыдэІумэ, къи­ныбэ шъодгъэщэчыщт», аІуи, джыри зэ афагъэпыти къа­тІупщыжьыгъэх. Ахэмэ къин арагъэщэчынэу ушъхьагъу агъотыгъэп, сыда пІомэ а хъугъэ-шІагъэм пае, цІыф пстэуми Тхьэм щытхъу фашІыщтыгъэти ары. 22Мы Іофы­шхо гъэшІэгъонымкІэ апостолхэм агъэхъужьыгъэ лІым ыныбжь илъэс тІокІитІум ехъущтыгъ.

 

ШІошъхъуныгъэ зиІэхэр Тхьэм зэрелъэІугъэхэр

 

23Петрэрэ Иуанрэ къызатІупщыжьхэм, ягъусэхэм адэжь агъэзэжьи, дин пэщэшхохэмрэ нахьыжъхэмрэ къа­раIуагъэр аІотэжьыгъ. 24Ахэмэ ар зызэхахым, зэдаштэу амакъэ инэу къаІэти, Тхьэм елъэІугъэх:

–Зиусхьан, уашъори, чІыри, хыри, ахэмэ ащыІэ пстэури къэзыгъэхъугъэр оры. 25Тятэжъышхо Даутэ ыжэкІэ о укъэгущыІагъ. Ар о къыпфэлажьэу щытыгъ, о п Псэ Лъа­пІэ илъэкІыныгъэкІи мы гущыІэхэр ащ ебгъэІуагъэх:*

«Хымэ лъэпкъхэр сыда зыкІэгубжыхэрэр?

ЦІыфхэм пкІэ зимыІэ гухэлъхэри сыда зыфыряІэр?

26Дунаим ипачъыхьэхэм зыкъаІэтыгъ, пащэхэри зэрэугъойхи,

Зиусхьанэу Тхьэмрэ ежь и Мэссихьэу дагъэ зыщи­фагъэмрэ

апэуцунхэу зэгурыІуагъэх».

27–А гущыІэхэр шъыпкъэх, сыда пІомэ пщы Иродрэ* Іэшъхьэтет Понтый Пилатрэ хымэ

 

4:25-26 мы гущыІэхэр ащ ебгъэІуагъэх – еплъ Сэбур (Псалтыр) 2:1-2.

4:27 пщы Ирод – Ирод Антипэ ары. Хьисэ къэхъуным ыпэкІэ я 4-рэ илъэсым щегъэжьагъэу Хьисэ къызэхъу нэужым я 39-рэ илъэсым нэсы, ар Галилей хэкумрэ, Перей хэкумрэ япщэу щытыгъ. Еплъ Лука 23:7-11.

 

 

лъэпкъхэмрэ Израил цІыфхэмрэ ягъусэхэу, о п Къо лъапІэ Хьисэу дагъэ зыщыпфагъэм пэуцунхэу мы къалэм щызэрэугъоигъэх. 28О пкІочІэшхокІи, уигухэлъ тетэуи хъун фэегъэ Іофхэу ыпэ­кІэ бгъэнэфагъэхэр ахэмэ агъэцэкІагъэх. 29Джы, Зиусхьан, «ШъукъытэмыдэІумэ, къиныбэ шъодгъэщэчыщт», аІозэ, ахэмэ къызэраІорэм еплъ, уигущыІэхэр гушхоныгъэ пстэумкІи дгъэІунхэу тэ, къыпфэлажьэхэрэм, кІуачІэ къы­тэт. 30Арышъ, п Къо лъапІэу Хьисэ ыцІэкІэ сымаджэхэр бгъэхъужьынхэуи, нэшэнэ гъэшІэгъонышхохэр къэбгъэ­лъэгъонхэуи, Іофышхо гъэшІэгъонхэр пшІэнхэуи о пІэ къэщэй.

31Тхьэм зелъэІухэ ужым, чІыпІэу зыщызэрэугъоигъэ­хэр къэсысыгъ. Тхьэм ы Псэ ЛъапІэ зэкІэмэ агухэм инэу арылъ хъуи, гушхоныгъэкІэ Тхьэм игущыІэхэр агъэІоу рагъэжьагъ.

 

ШІошъхъуныгъэ зиІэхэм мылъкоу яІэр язэрэзэфэдагъэр

 

32ХьисэкІэ шІошъхъуныгъэ зиІэхэр зэкІэ зыгу-зыпсэу щытыгъэх. Зыми имылъку ехьылІагъэу «Мыр сэсый» ыІуагъэп, ар зэкІэ язэфэдагъ. 33Апостолхэр Хьисэ лІа­гъэхэм къызэрахэтэджыкІыжьыгъэм лъэкІыныгъэшхо­кІэ шыхьат фэхъугъэх, Тхьэм ынэшІуи зэкІэми инэу къа­щифэу щытыгъ. 34ЩыкІагъэ зиІэ цІыф зи ахэтыгъэп; сыда пІомэ, е чІыгу, е унэ зиІэ пстэуми ахэр ащэжьхэти, ахъщэу къыкІэкІыгъэр къахьыти, 35апостолхэм апа­шъхьэ ралъхьэщтыгъ. А ахъщэм щыщэу апостолхэм хэти ищыкІагъэм фэдиз ратыщтыгъ.

36Кипр хыгъэхъунэм* щыщэу, Левый унэгъо лъэпкъым щыщэу лІы горэ щыІагъ. А лІым Юсыф ыцІагъ. Апостол­хэр ащ ВарнавэкІэ еджэщтыгъэх. (Варнавэ зыфаІорэ лІы­цІэм къикІырэр «ЦІыфхэр Зыгъэгушхорэр» ары.) 37 Ащ хьа­сэу иІагъэр ыщи, ахъщэр къыхьи, апостолхэм апашъхьэ къырилъхьагъ.

 

4:36 хыгъэхъунэ – чІыгу гъушъэу псы гузэгум итыр ары.

 

 

05

ЯТФЭНЭРЭШЪХЬ

 

Ананыйрэ Сапфирэрэ якъэбар

 

Ананый ыцІэу, лІы горэ щыІагъ. Ежьымрэ ишъхьэ­гъусэу Сапфирэрэ мылъку горэ ащагъ. 2Шъузым ышІэзэ, Ананый мылъкум ыуасэ щыщ ежьым пае зы тІэкІу хихи, къэнагъэр ыхьи, апостолхэм апашъхьэ рилъхьагъ.

3–Ананый, – къыІуагъ Петрэ, –Тхьэм ы Псэ ЛъапІэ пцІы фэуусынэуи, чІыгум ыуасэ щыщ ощ пае хэпхынэуи шэйтаным угу къырилъхьанэу сыдэущтэу хъугъа? 4ЧІы­гур пщэным ыпэкІэ, оуиеу щытыгъэба? Зыощэм ыуж, ахъщэм узыфаер епшІэн плъэкІыщтыгъэба? Мыщ фэдэу пшІэнэу сыд пае угу иплъхьагъ? ПцІы зыфэуусыгъэр цІыфхэр арэп, Тхьэр ары нахь.

5Ананый а гущыІэхэр зызэхеххэм, зэхафи, ыпсэ хэ­кІыгъ. Хъугъэ-шІагъэр зэхэзыхыгъэхэр зэкІэ щынэгъо­шхом хэфагъэх. 6КІэлэ ныбжьыкІэ куп къакІохи, ихьадэ чэфын ращэкІи, унэм рахыжьи, къэм чІалъхьажьыгъ.

7Сыхьэтищ фэдиз тешІагъэу, къэхъугъэр ымышІэу Ана­ный ишъхьэгъусэ унэм къихьагъ.

8–КъысаІу,– риІуагъ Петрэ, – чІыгур мыщ фэдиз ахъщэкІэ шъущагъа?

–Ары, ащ фэдиз ахъщэр ары зэрытщагъэр,– къыІуагъ бзылъфыгъэм.

9–Сыд пае Зиусхьаным ы Псэ ЛъапІэ жъугъэунэфынэу шъузэрэгъэгугъэжьыгъа?– риІуагъ Петрэ. –Еплъ, уилІ ихьадэ къэм чІэзылъхьажьыгъэхэр пчъэІупэм Іутых, о уихьади рахыжьыщт.

10Ардэдэм бзылъфыгъэр Петрэ ылъакъохэм адэжь щызэхафи, ыпсэ хэкІыгъ. КІэлэ ныбжьыкІэхэр къызе­хьэхэм, ари лІагъэу къагъотыгъ. Ихьадэ унэм рахыжьи, дахи, ишъхьэгъусэ бгъодэлъэу чІалъхьажьыгъ.

11Чылыс зэІукІэм щыщ пстэури хъугъэ-шІагъэхэр зэ­хэзыхыгъэ пстэури щынэгъошхом хэфагъэх.

 

Апостолхэм нэшэнэ гъэшІэгъонышхо Іаджи

зэрагъэлъэгъуагъэмрэ Іофышхо гъэшІэгъон Іаджи

зэрашІагъэмрэ

12Апостолхэм цІыфхэм апашъхьэ нэшэнэ гъэшІэгъо­нышхо Іаджи къыщагъэлъагъощтыгъ, Іофышхо гъэшІэ­гъон Іаджи щашІэщтыгъ. ШІошъхъуныгъэ зиІэ пстэуми зэдаштэу, пачъыхьэ Сэлмэн ыцІэкІэ заджэхэрэ щагоу шъхьэ зытелъ пкъэу къэлапчъэхэр зиІэм щызэІукІэщты­гъэх. 13ЦІыфхэр шІошъхъуныгъэ зиІэхэм ахэхьанхэу за­гъэгушхощтыгъэп, ау лъытэныгъэ афыряІэу щытыгъ. 14 Ащ имызакъоу, цІыф нахьыбэ, хъулъфыгъэхэми, бзылъ­фыгъэхэми, ЗиусхьанымкІэ шІошъхъуныгъэ яІэ хъоу, аго­хьэ зэпытыщтыгъэх. 15Арышъ, Петрэ зыблэкІыкІэ, зи мы­хъуми, иныбжьыкъу сымаджэхэм ащыщхэм къатыридзэ­ным пае, цІыфхэм ясымаджэхэр пІэхэми пІуаблэхэми ате­лъхэу къахьыхэти, урамхэм къатыралъхьащтыгъэх. 16Еру­салим игъунэгъу къалэхэми цІыфыбэхэр къарыкІыхэти, ясымаджэхэмрэ джынэпцІэ Іаехэм рагъэзыгъэхэмрэ къа­хьыщтыгъэх. Апостолхэм ахэр зэкІэ агъэхъужьыщтыгъэх.

 

Джурт тхьаматэхэм апостолхэр къин зэрарагъэщэчыгъэр

 

17ЕтІанэ дин пэщэшхомрэ дин пэщэшхом игъусэ пстэу­хэмрэ шъугъоныр агу къихьагъ. Дин пэщэшхом игъусэхэр диным рыкІорэ цІыф купэу саддукей* купкІэ заджэхэрэм щыщыгъэх. 18Апостолхэр аубытхи, къалэм ихьапс чІа­дзагъэх. 19Ау чэщым Зиусхьаным имэлэІич хьапсым ипчъэхэр Іуихыхи, ахэр къычІищыжьхи къыІуагъ:

20–ШъукІожьи, Тхьэм иунэшхо шъучІахьи, мы щыІэ­ныгъэ лъапІэм икъэбар зэкІэ цІыфмэ яшъуІуат.

21Апостолхэр едэІухи, нэф къызэшъым, Тхьэм иунэшхо чІахьэхи, а къэбарыр цІыфхэм арагъашІэу аублагъ.

Дин пэщэшхомрэ ащ игъусэхэмрэ къызэкІохэм, Тхьэмэтэ Хэсэшхом* щыщхэм (Израил цІыфмэ янахьыжъхэр* ары)

 

5:17 саддукейхэр – еплъ 4:1.

5:21 Тхьэмэтэ Хэсэшхор – еплъ 4:15.

5:21 нахьыжъхэр – еплъ 4:5.

 

къяджэхи, апостолхэр къащэнхэм пае ухъумакІохэр хьа­псым агъэкІуагъэх. 22Ау ухъумакІохэр хьапсым зэкІохэм, апостолхэр ащ чІэсхэу агъотыгъэхэп. Арыти, къагъэзэжьи къаІуагъ:

23–Хьапсыр пытэу гъэпытагъэу, ухъумакІохэри пчъэ­хэм аІутхэу къэдгъотыгъ, ау пчъэхэр Іутхи, тызычІа­хьэм, зи чІэдгъотагъэп.

24Тхьэм иунэшхо иухъумакІохэм ятхьаматэмрэ дин пэ­щэшхохэмрэ ар зызэхахым, зыфахьын ашІагъэп.

25Джащыгъум зыгорэ къакІуи, къэбар ахэмэ къафи­хьызэ ариІуагъ:

–Шъо хьапсым чІэжъудзэгъэгъэ цІыфхэр Тхьэм иунэ­шхо чІэтхэу, цІыфхэм Іофхэр арагъашІэх.

26Ар зареІом, илІыхэр игъусэхэу ухъумакІохэм ятхьа­матэр кІуи, апостолхэр къащагъэх, ау лІыгъэкІэ къаща­гъэхэп, сыда пІомэ цІыфхэр мыжъохэмкІэ яонхэшъ, зэраукІынхэм щыщынэщтыгъэхэти ары.

27Апостолхэр къащэхи, Тхьэмэтэ Хэсэшхом ыпашъхьэ ращагъэх. Дин пэщэшхор яупчІэу ыубли, мырэущтэу ыІуагъ:

28–«Мы лІым ыцІэкІэ цІыфхэм зи яшъумыгъашІ!» тІуи, унэшъо пытэ къышъуфэтшІыгъэба? Ау шъо Іофхэу цІыфхэм яжъугъэшІагъэхэр Ерусалим диз хъугъэ. Джы мы лІым ылъ къыттежъугъэфэнэу шъугу хэлъ.

29–ЦІыфхэм анахьи Тхьэм нахь тедэІун фае,– пэ­гъокІ къатыжьыгъ Петрэрэ адрэ апостолхэмрэ. 30–Тя­тэжъхэм я Тхьэ Хьисэ лІагъэхэм къахигъэтэджыкІы­жьыгъ. Ар шъо пкъэум ешъуІулІи, жъугъэлІагъэ. 31Хьисэ Израил цІыфхэр япсэкІодхэм афыкІыригъэгъожьын­хэшъ, къафэгъунхэм пае, Тхьэм Хьисэ тхьаматэу ыкІи цІыфхэр мыкІодхэу къэзыгъэнэжьынэу уашъом дищэе­жьи, ежьым иджабгъукІэ зыгуигъэтІысхьагъ. 32Тэри Тхьэм ы Псэ ЛъапІи мы Іоф пстэуми тыряшыхьат. Тхьэм ежь ы Псэ ЛъапІэ ежьым едэІурэ цІыфхэм агухэм къа­релъхьэ.

33Тхьэмэтэ Хэсэшхом щыщхэм ар зызэхахым, къызэкІэ­плъыхьэхи, апостолхэр аукІынхэу фэягъэх. 34Ау фарисей* горэ, Гамалил ыцІэу, цІыф пстэуми лъытэныгъэ зыфы­ряІэ Тэурат

 

5:34 фарисейхэр – джуртхэм ащыщхэу, диным рыкІорэ цІыф купэу щытыгъэх. Ахэр Тэурат хабзэмрэ ятэжъхэм къакІэныжьыгъэ хабзэ­хэмрэ агу етыгъэу апылъыщтыгъэх.

 

егъэджэкІо пащэу щытыр Тхьэмэтэ Хэсэ­шхом хэсэу къэтэджи, апостолхэр унэм тІэкІукІэ чІащын­хэу унашъо ышІыгъ. 35ЕтІанэ Тхьэмэтэ Хэсэшхом щыщхэм ариІуагъ:

–Израил лІыхэр, мы лІыхэм яшъушІэщтымкІэ шъузфэ­сакъыжь, 36сыда пІомэ бэмышІэу Февдэ ыцІэу, зы лІы горэ щыІагъ. Ежьыр лІы инэу цІыфхэм ашІуигъэшІэу, нэбгырэ шъиплІ фэдиз гъусэ къыфэхъугъэх, ау цІыфхэм ар аукІыгъ, игъусэхэри зэбгырыкІыжьхи, кІодыжьыгъэх. 37Ащ къынэуж цІыфхэм япчъагъэ залъытэм, Иудэ зыцІэ лІэу Галилей хэкум щыщыр къэтэджи, цІыф Іэджи гъусэ къыфэхъугъ. ЦІыфхэм ари аукІыгъ, игъусэ пстэури зэбгы­рыкІыжьыгъэх. 38Джы мыр шъосэІо: Мы лІыхэм ауж шъуикІыжьи, шъутІупщыжьых. Ахэмэ ягухэлри яІофи къызхэкІырэр цІыфыр арымэ, кІодыжьыщт. 39Ау яІоф къызхэкІырэр Тхьэр арымэ, ахэр жъугъэуцунхэ шъулъэ­кІыщтэп. Шъузфэсакъыжь, Тхьэм шъупэуцоу къычІэкІын­кІи мэхъу.

40Арэущтэу Гамалил къыІуагъэхэм ядэІугъэх. ЕтІанэ апостолхэм къяджэжьхи, къамыщкІэ яуагъэх. Ащ нэ­ужым Хьисэ ыцІэкІэ цІыфмэ зи арамыІонэу унашъо афашІи атІупщыжьыгъэх.

41Арэущтэу Хьисэ ыцІэкІэ лые къарахынэу Тхьэм къызэрафигъэшъошагъэмкІэ щыгушІукІхэу, апостолхэр Тхьэмэтэ Хэсэшхо унэм къычІэкІыжьыгъэх. 42Мафэ къэси Тхьэм иунэшхуи унэхэми цІыфхэм Тхьэм игу­щыІэхэр щарагъашІэ зэпытыщтыгъэх, къэбарышІоу Хьисэыр Мэссихьэу зэрэщытри цІыфхэм арагъэІу зэпыты­щтыгъэх.

06

ЯХЭНЭРЭШЪХЬ

 

Апостолхэм ежьхэм адэІэпыІэнхэу нэбгырибл зэрагъэнэфагъэхэр

 

А мафэхэм ХьисэкІэ шІошъхъуныгъэ зиІэхэр нахьыбэ хъухэ зэхъум, алыджэбзэкІэ гущыІэрэ джуртхэм* джуртыбзэкІэ гущыІэрэ джуртхэм* афэтхьаусыхэхэу аІуагъ:

 

 

6:1 алыджэбзэкІэ гущыІэрэ джуртхэр – Палестинэ хэгъэгум нэмыкІ хэгъэгу горэм щыщхэу грекыбзэкIэ гущыIэщтыгъэх..

6:1 джуртыбзэкІэ гущыІэрэ джуртхэр – ахэр Палестинэ щыщыгъэх.

 

–Мафэ къэси шхын зыжъугощыкІэ, тэ тишъузабэхэр пхъэтэпэмыхь шъошІы.

2Арэущтэу зэхъум, апостол пшІыкІутІур ХьисэкІэ шІошъхъуныгъэ зиІэ цІыфхэм зэкІэ къяджэхи къаІуагъ:

–Шхын дгощыным пае, Тхьэм игущыІэхэм цІыфхэр яты­мыгъэдэІунхэр тэрэзэп. 3Арэущтэу зэрэщытым пае, тшы­хэр, цІыф пстэуми лъытэныгъэ зыфыряІэу, Тхьэм ы Псэ ЛъапІэ инэу зыгу илъхэу, акъылышIуагъэ зиІэ нэбгы­рибл шъуащыщэу къыхэшъух. Мы Іофыр ахэмэ апшъэ итлъхьан. 4Тэри Тхьэм телъэІунми, Тхьэм игущыІэхэр цІыфмэ ядгъэІунхэми тыпылъ зэпытыщт.

5Мы гущыІэхэр цІыфхэу зэІукІагъэхэм зэкІэ агу еIугъэх. Арэущтэу Стефанэу шІошъхъуныгъэмрэ Тхьэм ы Псэ Лъа­пІэрэ инэу зыгу илъ лІы къыхахыгъ. Ащ нэмыкІэу Фи­липп, Прохор, Никан, Тимон, Пармен, Николаеу Антио­хие къалэм щыщэу, джуртэу хъугъэр къыхахыгъэх. 6Ахэр апостолхэм апашъхьэ щагъэуцугъэх. Апостолхэр Тхьэм елъэІугъэх, аІэхэри ахэмэ ашъхьэхэм атралъхьагъэх*.

7Арэущтэу Тхьэм игущыІэхэм а лъэныкъом инэу зыща­убгъущтыгъ. ХьисэкІэ шІошъхъуныгъэ зиІэхэм япчъагъэ Ерусалим бэу щыхэхъуагъ. Дин пащэхэм ащыщ купы­шхоми шІошъхъуныгъэ яІэ хъугъэ.

 

Стефан зэраубытыгъэр

 

8Стефан Тхьэм ынэшІу инэу къызщифагъэу, лъэкІы­ныгъэшхо зиІэ лІэу щытыгъ. Ащ Іофышхо гъэшІэгъонхэр ышІэщтыгъэх, нэшэнэ гъэшІэгъонышхохэри цІыфмэ апашъхьэ къыщигъэлъагъощтыгъэх. 9Шъхьафитныгъэ зиІэ хъугъэхэу* зыфаІорэ лІыхэм ясинэгогу*

 

6:6 аІэхэр ахэмэ ашъхьэхэм атралъхьагъэх – арэущтэу зыфашІагъэр а Іофыр а лІыхэм апшъэ ралъхьанри, ахэмэ а Іофыр агъэцэкІэным пае, Тхьэм ынэшІу къащифэнри ары,

6:9 шъхьафитныгъэ зиІэ хъугъэхэр – джуртхэу пщылІхэу щыты­гъэхэу, шъхьафитныгъэ зыгъотыжьыгъэхэр ары.

6:9 синэгогу – джуртхэм ятхьэлъэІупІэ ары.

 

 

щыщхэр (ахэр Кириние къалэм, Александрие къалэм, Киликие хэ­кум, Асие хэкум щыщыгъэх) Стефан енэкъокъухэу ау­благъ. 10Ау Стефан иакъылышIуагъэ паий, игущыІэ­хэр Тхьэм ы Псэ ЛъапІэ къызэрэригъэІуагъэхэм паий ежьым пэуцужьынхэ алъэкІыщтыгъэп.

11Джащыгъум ахэмэ цІыф заулэмэ мырэущтэу арагъэ­Іуагъ:

–Мы лІыр пегъымбар Мусэмрэ Тхьэмрэ яхъонэу зэхэ­тхыгъ.

12 Арэущтэу заІом, цІыфхэри, нахьыжъхэри, Тэурат егъэджэкІо пащэхэри зэкІагъэплъыхьагъэх. Ахэми Сте­фан аубыти, Тхьэмэтэ Хэсэшхом ыпашъхьэ ращагъ. 13Шыхьат нэпцІхэри къащагъэх. А шыхьатхэм' мырэу­щтэу аГуагъ:

–Мы лІыр мы чІыпІэ лъапІэмрэ Тэурат хабзэмрэ яхъоны зэпыт. 14Сыда пІомэ Назарет къалэм щыщ Хьисэ мы чІыпІэр зэхикъутэщт, пегъымбар Мусэ къытфи­гъэнэгъэ хабзэхэри зэблихъущтых, мы лІым къыІоу тэ зэхэтхыгъ.

15Тхьэмэтэ Хэсэшхом щыщ пстэури Стефан езэрэгъэ­плъыгъэх. Ащ ынапэ мэлэІич напэм фэдэу къащыхъугъ.

 

 

07

ЯБЛЭНЭРЭШЪХЬ

 

Стефан Тхьэмэтэ Хэсэшхом ыпашъхьэ къызэрэщыгущыІагъэр

 

ЕтІанэ дин пэщэшхор Стефан еупчІыгъ:

–Мы лІыхэм къаІохэрэр шъыпкъэха?

2–Тшыхэри, тятэхэри, шъукъэдаIу!– къыІожьыгъ Сте­фан. –Тятэжъышхо Ибрахьимэ Харан къалэм дэмытІыс­хьэ рапшІэу, щытхъушхо зиІэ Тхьэр Месопотамие хэгъэ­гум ащ къыщыфэлъэгъуагъ. 3Тхьэм мырэущтэу къыри­Іуагъ:*

 

7:3 Тхьэм . . . къыриІуагъ – еплъ Пегъымбар Мусэ апэрэ тхылъэу ытхыгъэм 12:1.

 

«О уихэгъэгуи, уиблагъэхэми ахэкІи, сэ озгъэлъэ­гъущт хэгъэгум кІо!»

4–Арэущтэу Ибрахьимэ Халдей хэгъэгум икІи, Харан къалэм кІуи, дэтІысхьагъ. Ятэ зэлІэ ужым, мы хэгъэгоу шъо шъузэрысым Тхьэм къыгъэкощи къэкІуагъ. 5Мыщ дэжьми Тхьэм Ибрахьимэ мылъку зи къыщыритыгъэп, лъэкъо тегъэуцуапІэ фэдиз чІыгум щыщи къыритыгъэп. Ау Ибрахьимэ а мафэхэм зи сабый имыІагъэ пэтми, мы хэгъэгур ежьымрэ ежьым къытехъукІыщтхэмрэ хэгъэгу афэхъунэу Тхьэм къыгъэгугъагъ. 6Тхьэм мырэущтэу къыІуагъ:* «О къыптехъукІыщтхэр илъэс шъиплІкІэ хы­мэ хэгъэгум щыпсэущтых, цІыфхэм ахэр агъэпщылІхэзэ, лыехэри къарахыщтых. 7Ау ахэр зыгъэпщылІырэ лъэ­пкъым сэ езгъэпщыныжьыщт. Ащ ыужым о къыптехъу­кІыщтхэр а хэгъэгум икІынхэшъ, кІонхэшъ, мы чІыпІэм сыщагъэлъэпІэщт». 8ЕтІанэ Тхьэм ежьымрэ Ибрахьимэрэ азыфагу зэзэгъыныгъэ зэрэдилъхьагъэм итамыгъэу, Ибра­хьимэ сунэтшІыныр* къыфигъэнагъ. ЕтІанэ Ибрахьимэ Исхьакъ къыфэхъуи, яенэрэ мафэм сунэт ышІыгъ. Ащ нэужым Исхьакъи къыщи, Якъубэ къыфэхъугъ. Якъуби тэ тятэжъышхоу пшІыкІутІумэ ятэу афэхъугъ.

9–Ау тятэжъышхохэр ежьхэм аш Юсыф ешъугъухэти, пщылІ фэдэу Мысырым ащэнэу лІы куп горэм ращагъ. Ау Тхьэр Юсыф игъусагъ, 10икъин пстэуми къахи­щыжьыгъ. Тхьэм Юсыф акъылышIуагъэ къырити, Мысырым ипачъыхьэ Фыраун ынэшІу къыщыригъэфагъ. Фыраун Мысырыми ежь иунэшхоми Юсыф пащэу афишІыгъ.

11–Ащ нэужым гъэблэшхорэ тхамыкІэгъэшхорэ Мысыр хэгъэгуми зэкІэ Ханаан хэгъэгуми къащыхъугъ. Тятэжъы­шхохэми шхын агъотыщтыгъэп. 12Якъубэ Мысырым гъомлапхъэ щыІэу зызэхехым, апэу тятэжъхэр ащ дэжьым ыгъэкІуагъэх. 13Ышхэр Мысырым ятІонэрэу къызэкІохэм, Юсыф зыкъаригъэшІэжьыгъ. Фырауни Юсыф иунагъо ышІэу хъугъэ. 14ЕтІанэ Юсыф ышхэр ыгъакІохи, ятэу Якъубэ къэбар фаригъэхьыгъ, зэкІэ иунэкъощхэр, нэбгырэ тІокІищырэ пшІыкІутфырэ Мысырым къэкІон хэу. 15Арэущтэу

 

7:6-7 Тхьэм . . . къыІуагъ – еплъ Пегъымбар Мусэ апэрэ тхылъэу ытхыгъэм 15:13-14.

7:8 сунэт – обрезание ары.

 

Якъубэ Мысырым кІуагъэ. Ащ ежьыри тятэжъхэри щылІагъэх. 16Ахэмэ яхьадэхэр Сихэм къалэм ахьыжьхи, Ибрахьимэ тыжьын ахъщэкІэ Емор ыкъохэм къащищэфыгъэ къэунэм чІалъхьажьыгъэх.

17–Тхьэм Ибрахьимэ къызэригъэгугъагъэм игъэшъы­пкъэжьыгъо къэсы зэхъум, тэ тлъэпкъ Мысырым нахьы­бэ щыхъу зэпытыщтыгъ, 18нэмыкІ лІэу Юсыф зымышІэ­щтыгъэр пэчъыхьэу хъуным нэсыфэ. 19А пачъыхьэр ти­цІыфхэм тхьагъэпцІыгъэкІэ адэзекІощтыгъ, тицІыфхэм ясабыйхэри ымыгъэпсэунхэм пае, чІаригъэдзыжьхэу тятэжъхэм лые арихыщтыгъ.

20–А мафэхэм пегъымбар Мусэ къэхъугъ, Тхьэм ыдэжь­кІи сабый дахэу щытыгъ. МэзищкІэ ятэ иунэ щаІыгъыгъ, етІанэ губгъом къыщагъэнагъ. 21Губгъом къызыщагъа­нэм, Фыраун ыпхъу къыхьи, ыкъо фэдэ ыпІугъ. 22Арэу­щтэу Мысыр цІыфхэм акъылышIуагъэу  яІэгъэ пстэури Мусэ рагъэшІагъ, Муси игущыІэхэмкІи ышІэгъэ Іофхэм­кІи лъэкІыныгъэ зиІэ лІэу щытыгъ.

23–Мусэ ыныбжь илъэс тІокІитІум зынэсым, ышхэу Из­раил цІыфхэр зэригъэлъэгъунхэу рихъухьагъ. 24Мысыр лІы горэм Израил лІыхэм ащыщэу зыгорэм лые рихэу зе­лъэгъум, ІэпыІэгъу фэхъуи, лые къезыхырэм ышІэгъэ Іофым ипэгъокІ ригъэгъотызэ, еуи ыукІыгъ. 25Мусэ ышхэм зэхашІыкІынэу шІошІыгъ Тхьэм ежьым ахэр къиным къызэрэхыригъэщыжьыщтхэр, ау ахэмэ зэхашІы­кІыгъэп. 26ЯтІонэрэ мафэм ышхэм ащыщхэу нэбгыритІу зэзаохэу Мусэ зелъэгъум, зэригъэшІужьынхэм пае ари­Іуагъ: «Шъо лІитІур, шъо шъузэкъош, сыд пае лые зэ­шъухыра?»

27–Ау ышы лые езыхырэр Мусэ еІункІи риІуагъ: «Хэта о тхьаматэу укъытфэхъунэуи хьыкум къыттепшІыхьанэуи укъэзыгъэлъэгъуагъэр? 28Тыгъуасэ Мысыр лІыр зэрэу­укІыгъэм фэдэу сыуукІынэу уфая?» 29А гущыІэхэр Мусэ зызэхеххэм, хэхьажьи, Мадиам хэгъэгум кІуи, итІысхьагъ. Ащ къуитІу къыщыфэхъугъэх.

30–Илъэс тІокІитІу зытешІэм, Синай къушъхьэм дэжь шъоф нэкІым пэнэ куандэу машІо зыхэнагъэм* хэтэу,мэлэІич горэ Мусэ къыщыфэлъэгъуагъ. 31Мусэ ар зелъэгъум,

 

7:30-34 пэнэ куандэу машІо зыхэнагъэр – еплъ Пегъымбар Мусэ ятІонэрэ тхылъэу ытхыгъэм 3:1-10.

 

ыгъэшІэгъуагъ. Нахь тэрэзэу еплъынэу зекІуалІэм, Зиусхьаным ымакъэ къэІугъ: 32«Уятэжъы­шхохэм я Тхьэу Ибрахьимэ, Исхьакъ, Якъубэ я Тхьэр сэры». Мусэ къэкІэзэзи, еплъынэу тегушхуагъэп.

33–ЕтІанэ Зиусхьаным къыриІуагъ: «О уицуакъэхэр зыщыхых, сыда пІомэ узытет чІыпІэр чІыпІэ лъапІэшъ ары. 34Сэ слъэпкъ гузэжъогъу Мысырым зэрэщыхэтыр слъэгъугъэ, ящэІу макъэхэри зэхэсхыгъэх. Ахэр къиным къыхэсщыжьынхэу сыкъехыгъ. КІо, о Мысырым узгъэ­кІожьыщт».

35(ЕтІанэ Стефан ипсалъэ джыри къыпидзэжьыгъ:) –Ахэмэ, «Хэта о тхьаматэу укъытфэхъунэуи хьыкум къыт­тепшІыхьанэуи укъэзыгъэлъэгъуагъэр?» аІоу, амыдэу зыфаІогъэгъэ Мусэ ары. А Мусэ дэдэр ары ахэмэ тхьаматэ афэхъунэуи шъхьафит ышІынхэуи Тхьэм къыгъэкІуа­гъэр, мэлэІичэу пэнэ куандэм хэтэу къыфэлъэгъуагъэм иІэпыІэгъукІэ. 36Муси ары Израил цІыфхэр Мысырым къизыщыжьыгъэр, Мысырыми, Хы Плъыжьми, илъэс тІокІитІо шъоф нэкІыми Іофышхо гъэшІэгъонхэр къащы­зышІагъэр, нэшэнэ гъэшІэгъонышхохэри къащызыгъэлъэ­гъуагъэр. 37А Мусэ ары Израил цІыфхэм языІуагъэри: «Шъушыхэм ащыщэу сэ сфэдэу пегъымбар горэ Зиусхьа­нэу Тхьэм къышъуфигъэкІощт». 38Мусэ ары тятэжъхэу шъоф нэкІым щызэІукІэщтыгъэхэм ахэтыгъэр. Мусэ мэлэ­Іичэу Синай къушъхьэм къыщыдэгущыІагъэм игъусагъ, мыкІодыжьын гущыІэхэри тэ къытфигъэнэжьынхэу къы­ІэкІэхьагъэх.

39–Ау тятэжъхэр Мусэ едэІунхэу фаещтыгъэхэп. Мусэ зэрамыпэсэу агухэмкІэ Мысырым зыфагъэзагъэ. 40Ахэмэ Хьарун раІуагъ:* «Тапэ итхэу ахьынхэу тхьэ сурэтхэр тфэшІых! Мысырым тыкъизыщыжьыгъэ Мусэ къехъулІа­гъэр тшІэрэп». 41А мафэхэм шкІэ теплъэ иІэу тхьэ нэпцІ ашІи, къурмэн ащ фашІыгъ. Ахэмэ ежьхэм аІэкІэ ашІы­гъэ тхьэ нэпцІым щыгушІукІхэу, ешхэ-ешъошхо ашІыгъ. 42Ау Тхьэм ыкІыб ахэмэ къафигъази, ахэмэ уашъом ипкъыгъохэм тхьэпІалъэу ялъэІунхэу къыгъэнагъэх, пе­гъымбархэм ятхылъ зэритым фэдэу:*

 

7:40 ахэмэ . . . раІуагъ – еплъ Пегъымбар Мусэ ятІонэрэ тхылъэу ытхыгъэм 32:1,23.

7:42-43 пегъымбархэм ятхылъ зэритым фэдэу – еплъ Пегъымбар Амос тхылъэу ытхыгъэм 5:25-27.

 

«Шъо Израил цІыфхэр, илъэс тІокІитІо шъоф нэкІым шъузетым,

     къурмэныпхъэу шІошъубзы­щтыгъэр сэра къызфэшъушІыщтыгъэр?

43Хьау, къурмэн къызфэшъушІыщтыгъэр сэрэп,

ау къэшъухьыщтыгъэр шъуитхьэ нэпцІэу Молох* зыцІэм итхьэлъэІупІэ щэтыри, шъуитхьэ нэ­пцІэу Ремфан* ижъуагъо исурэти ары.

Мыхэр ары шъуялъэІунхэу тхьэ нэпцІхэу шъушІы­гъэхэр.

Арэущтэу зыхъукІэ, Бабилэн зыцІэ къэлэшхом нахьи нахь чыжьэу

шъуипыйхэм шъуязгъэщэщт».

44 –Тятэжъхэм шыхьатныгъэм итхьэлъэІупІэ чэтэнгъэ­Іагъэр* шъоф нэкІым щыряІагъ. А чэтэнгъэІагъэр Тхьэм Мусэ унашъо къызэрэфишІыгъагъэм фэдэу ашІыгъагъ, чэтэнгъэІагъэм ышъо теплъэу Мусэ ылъэгъугъагъэм те­тэу. 45Ащ ыужым тэ тятэжъхэм а чэтэнгъэІагъэр къакІэ­ныгъэу, къыздахьыгъ. Тхьэм ахэмэ апашъхьэ хымэ лъэ­пкъхэр къырифыхэзэ, Хьисэ Нун ыкъо тятэжъхэм япащэу а лъэпкъхэм яхэгъэгу къызатырахым, а чэтэнгъэІагъэр къыздахьыгъ. ЕтІанэ пачъыхьэ Даутэ имафэхэм анэсы­фэ, чэтэнгъэІагъэр а хэгъэгум къинагъ. 46Тхьэм ынэшІу Даутэ щифагъ. Даутэ Тхьэм елъэІугъ: «О Якъубэ ури Тхь, унэшхо къыпфэсшІынэу фит сыкъэшІ». 47Ау пачъыхьэ Сэлмэн ары Тхьэм унэшхор фэзышІыгъэр.

48–Ау анахь Иныр цІыфхэм аІэкІэ ашІыгъэ унэхэмэ арысэп. Зиусхьаным къызэриІорэр пегъымбарым итхылъ зэритым фэдэу:*

49«Уашъор ары сипачъыхьэ тІысыпІэ, чІылъэри ары силъэгукІэтыныр.

 

7:43 Молох – Аммон лъэпкъым итхьэ нэпцІ арыгъэ. Аммон лъэпкъыр Иордан псыхъом итыгъэ къыкъокІыпІэ лъэныкъокІэ щыпсэущтыгъ. гъэх.

7:43 Ремфан – пэсэрэ тхьэ нэпцІхэм ащыщэу, ошъопкъыгъоу Сатурн зыцІэм итхьэу алъытэщтыгъэр ары.

7:44 шыхьатныгъэм итхьэлъэІупІэ чэтэнгъэІагъэр – Израил цІыфхэм шъоф нэкІым къыщакІухьэ зэхъум, Тхьэм иунэ фэдэу зы чэтэнгъэІагъэ зыдахьыщтыгъ. А чэтэнгъэІагъэр Тхьэр зэрягъусэр шыхьат афэхъущтыгъ. Еплъ Пегъымбар Мусэ ятІонэрэ тхылъэу ытхыгъэм 36:8-38.

7:48-50 пегъымбарым итхылъ зэритым фэдэу – еплъ Пегъымбар Ешай тхылъэу ытхыгъэм 66:1-2.

 

Сыд фэдэ уна къысфэшъушІыщтыр? Тыдэ щыІа зызщызгъэпсэфыщт чІыпІэр?

50Мыхэр зэкІэ къэзыгъэшІыгъэр сэрыба?»

51 –Шъо цІыф къаигъэхэр! ШъугухэмкІи шъутхьакІу­мэхэмкІи Тхьэр зымышІэрэ цІыфхэм шъуафэд. Шъо шъуятэжъхэм шъуафэдэу, Тхьэм ы Псэ ЛъапІэ шъу­пэуцу зэпыты. 52Шъуятэжъхэм къин зэрамыгъэщэчыгъэ пегъымбар горэ щыІагъа? Хьау, щыІагъэп. Шъыпкъа­гъэр ЗиІэр дунаим къызэрэтехьащтыр къэзыгъэІухэрэри аукІыгъэх. Шъори тетыгъо зиІэхэм ар аІэкІэшъугъахьи, яжъугъэукІыгъ. 53 МэлэІичхэм Тэурат хабзэр къызыІэкІалъхьагъэр шъоры, ау щытми Тэурат хабзэм итхэр жъугъэцакІэрэп.

 

Стефан мыжъокІэ еохэзэ зэраукІыгъэр

 

54Тхьэмэтэ Хэсэшхом щыщхэм Стефан къыІорэр зы­зэхахым, къызэкІэплъыхьагъэхэу, ацэхэр зэрагъэшхы­щтыгъэх. 55Ау Тхьэм ы Псэ ЛъапІэ Стефан ыгу инэу илъ хъуи, уашъом дэплъыий, Тхьэм ищытхъушхуи Хьисэ Тхьэм иджабгъукІэ готэуи ылъэгъугъ.

56–Шъуеплъ,– къыІуагъ Стефан, –уашъохэр зэІухы­гъэхэу, ЦІыф Лъэпкъым ы Къо* Тхьэм иджабгъукІэ готэу сэлъэгъу.

57Джащыгъум ахэмэ атхьакІумэхэр ІуапІохи, мэкъэ­шхокІэ куохэу тезэрэгъэбэнагъэх. 58ЕтІанэ Стефан къа­лэм далъэшъуи, мыжъокІэ еохэзэ, аукІэу аублагъ. Шы­хьатхэм ящыгъынхэр Шаул* зыцІэу зы кІалэ горэм ылъа­къохэм адэжь щагъэтІылъыгъэх.

 

7:56 ЦІыф Лъэпкъым ы Къо – «ЦІыф Лъэпкъым ы Къо фэдэу уашъом иошъуапщэхэм ахэтэу, зыгорэ къехыгъ» пегъымбар Даниил къыІогъэгъэ гущыІэхэр Хьисэ ежь ышъхьэ пае ыІожьыгъэх. ЦІыф Лъэпкъым ы Къоу зиунэ уашъом щыІэу, уашъом къехыгъэр Хьисэ ары (Иуан 3:13). Гъощагъэхэм алъыхъузэ, мыкІодхэу къыгъэнэжьынхэм пае, ЦІыф Лъэпкъым ы Къо къэкІуагъ (Лука 19:10). ЦІыфыбэмэ апае шъхьэщэфыжьэу ыпсэ ытыным пае, ЦІыф Лъэпкъым ы Къо къэкІуагъ (Марк 10:45). ЦІыф Лъэпкъым ы Къо лІагъэхэм къахэтэджыкІыжьын фэягъ (Маттэ 17:9). Ежь Ятэ ищытхъушхо иІэу, дунаим ицІыфхэм хьыкум атыришІыхьаным пае, ЦІыф Лъэпкъым ы Къо дунаим къэкІожьыщт (Маттэ 25:31).

7:58 Шаул – апостол Паул ыцІэ джуртыбзэкІэ Шаул аІо.

 

59 АукІынэу мыжъомкІэ еохэ зэхъум, Стефан елъэІугъ:

–Зиусхьан Хьисэ, спсэ хэх!

60ЕтІанэ лъэгонджэмышъхьэкІэ тІыси, мэкъэшхокІэ къэкууи къыІуагъ:

–Зиусхьан, мы псэкІодыр мы цІыфхэм апшъэ имылъхь! Ар къыІуи, ыпсэ хэкІыгъ.

 

 

08

ЯЕНЭРЭШЪХЬ

 

Шаул Стефан зэраукІыгъэр игъоу ылъэгъугъ.

 

Шаул чылыс зэІукІэм щыщхэм къин зэраригъэщэчыщтыгъэр

 

А мэфэ дэдэм цІыфхэм чылыс зэІукІэм щыщхэу Ерусалим дэсхэм лъэшэу къин арагъэщэчэу аублагъ. Апостолхэм анэмыкІэу, шІошъхъуныгъэ зиІэ пстэури Иудей хэкумрэ Самарие хэкумрэ ащызэбгырыкІыжьыгъэх. 2Тхьэм ищынагъо зыгу илъ лІыхэм Стефан чІалъхьажьи, хьэдэгъэшхо фашІыгъ. 3Ау Шаул чылыс зэІукІэм щыщхэр ыгъэкІодынхэу ыуж итыгъ. Зы унэм икІымэ, адрэ унэм ихьэзэ, илІыхэм хъулъфыгъэхэри бзылъфыгъэхэри лІыгъэкІэ раригъэщыхэти, хьапсым чІаригъадзэщтыгъэх.

 

Филипп къэбарышІур Самарие хэкум зэрэщигъэІущтыгъэр

 

4ЦІыфхэу зэбгырыкІыжьыгъагъэхэм къакІухьэзэ, къэбарышIур* цІыфхэм арагъэІущтыгъ. 5Филипп* Самарие хэкум* щыщ къалэ горэм къакІуи, ащ дэс цІыф­мэ

 

8:4 къэбарышІур – Хьисэ Мэссихь ехьылІэгъэ къэбарышІур ары. Тхьэм пегъымбархэм ажэкІэ цІыфхэр къызэригъэгугъэгъэ Іофхэр Хьисэ Мэссихь Іофэу ышІагъэмкІэ къыгъэшъыпкъэжьыгъэх, арэущтэуи цІыфхэр къызэригъэнэжьынхэ гъогу афишІыгъ.

8:5 Филипп – апостолхэм ежьхэм адэІэпыІэнхэу агъэнэфэгъэ лІиблым ащыщыгъ. Еплъ 6:5.

8:5 Самарие хэкур – Иудей хэкумрэ Галилей хэкумрэ азыфагу дэлъ хэкур арыгъэ. Джуртхэмрэ Самарие цІыфхэмрэ яхабзэхэри ядинхэри зэфэшъхьафхэу зэрэщытыгъэхэм пае, зэпыищтыгъэх.

 

Мэссихь ехьылІэгъэ къэбарыр аригъэІугъ. 6ЦІыф купышхохэм Филипп къэгущыІэу зэхахэу, Іофышхо гъэ­шІэгъонхэу ышІэщтыгъэхэри залъэгъухэм, къыІохэрэм яшъыпкъэу ядэІущтыгъэх; 7сыда пІомэ цІыфыбэхэм ахэс джынэпцІэ Іаехэр кІыихэу ахэкІыщтыгъэх, зыІэпкъ-лъэпкъ узым зэкІиубытэгъэ цІыфыбэхэри, цІыф лъащэ­хэри Филипп ыгъэхъужьыщтыгъэх. 8Арэущтэу а къалэм ицІыфхэм гушІогъошхо яІэ хъугъэ.

9Ау а къалэм Симон ыцІэу зы лІы горэ дэсыгъ. Зы заулэрэ ушхъухьаныгъэм пылъыгъэу, ежьыр лІы инэу ашІуигъэшІэу Самарие хэкум ис цІыфмэ ашІогъэ­шІэгъоныщтыгъ.

10–Мы лІыр Тхьэм илъэкІыныгъэшхоу «ЛъэкІыныгъэ Инэу» зыфаІорэр ары,– аІозэ, цІыф пстэури, ини цІыкІуи, Симон къыІохэрэм агу етыгъэу ядэІущтыгъэх. 11Бэ­шІагъэу иушхъухьаныгъэ ахэмэ инэу агъэшІагъоти, яшъыпкъэу едэІущтыгъэх. 12Ау Тхьэм и Тетыгъошхо* ехьылІэгъэ къэбарышІумрэ Хьисэ Мэссихь ыцІэ ехьы­лІэгъэ къэбарышІумрэ Филипп аригъэІухэу, цІыфхэм шІошъхъуныгъэ яІэ хъу зэхъум, хъулъфыгъэхэми бзылъфыгъэхэми Филипп зырагъэумэхъыгъ. 13Ежь Симони ХьисэкІэ шІошъхъуныгъэ иІэ хъуи, Филипп зыригъэу­мэхъыгъэу, ыуж итэу кІощтыгъ. Филипп нэшэнэ гъэшІэгъонышхохэу къыгъэлъагъощтыгъэхэри Іофышхо гъэ­шІэгъонхэу ышІэщтыгъэхэри Симон зилъэгъухэкІэ, ыгъэшІагъощтыгъэх.

14Ерусалим дэс апостолхэм Самарие цІыфхэм Тхьэм игущыІэхэр зэрадагъэхэр зызэхахым, Петрэрэ Иуанрэ ахэмэ адэжь агъэкІуагъэх. 15Петрэрэ Иуанрэ зынэсхэм, Тхьэм ы Псэ ЛъапІэ шІошъхъуныгъэ зиІэхэм агухэм арылъ хъунэу Тхьэм афелъэІугъэх; 16сыда пІомэ Тхьэм ы Псэ ЛъапІэ ахэмэ ащыщэу зыми къыфехыгъагъэгоп, Зиусхьанэу Хьисэ ыцІэкІэ Филипп ахэр ыумэхъыгъагъэхэ ныІэп. 17Джащыгъум Петрэрэ Иуанрэ аІэхэр ахэмэ атралъхьахи, Тхьэм ы Псэ ЛъапІэ а шІошъхъуныгъэ зиІэхэм агухэм арылъ хъугъэ.

 

8:12 Тхьэм и Тетыгъошхо – еплъ 1:3.

 

18Апостолхэм аІэхэр затыралъхьэм, а цІыфхэм Тхъэм ы Псэ ЛъапІэ агухэм арылъ зэрэхъугъэр Симон зелъэ­гъум, апостолхэм ахъщэ къафихьи, мырэущтэу къыІуагъ:

19–Сэ сІэхэр цІыф горэм теслъхьэхэмэ, Тхьэм ы Псэ ЛъапІэ ыгу илъ хъуным пае, сэри мы лъэкІыныгъэр къысэшъут.

20–Тхьэм итын ахъщэкІэ къэпщэфышъунэу пшІошІы­гъэшъ, уиахъщи ори шъузэдэрэкІод,– риІуагъ Петрэ. 21 –Тхьэм ыдэжькІэ угу шъыпкъагъэ илъэпти, мы Іофым ущыщэп ыкІи уиІахьи хэлъэп ыкІи. 22Арышъ, мы бзэджагъэу уиІэм фыкІэгъожьи, Тхьэм елъэІу. Мыхъун гухэлъэу уиІэр Тхьэм къыпфигъэгъункІи мэхъу; 23сыда пІомэ шъугъоныр о угу инэу илъэу, бзэджагъэми узэ­кІиубытагъэу сэлъэгъу.

24 –КъэшъуІуагъэхэм ащыщэу зи къысэмыхъулІэнэу Тхьэм шъукъысфелъэІу,– къыІожьыгъ Симон.

25 Апостолхэр Зиусхьаным шыхьат фэхъухи, игущыІэхэр къызагъэІухэ ужым, Самарие хэкум щыщ къоджабэмэ къэбарышІур ащагъэІузэ, Ерусалим агъэзэжьыгъ.

 

Филиппрэ Ефиопие хэгъэгум щыщ Іэшъхьэтетымрэ

 

26–Тэджи, Ерусалим дэкІи, Газэ къалэм* кІорэ гъогум щэджагъом дэжь техь!– ыІуи, Зиусхьаным имэлэІич Филипп къыриІуагъ. Ар шъоф нэкІым кІорэ гъогоу щыт. 27Арэущтэу Филипп тэджи, гъогум техьагъ. КІозэ, Ефио­пие хэгъэгум щыщ лІы горэм ІукІагъ. А лІыр Ефиопием ибзылъфыгъэ пачъыхьэу Кандакие фэлажьэрэ Іэшъхьэтет­хэм ащыщыгъ. Бзылъфыгъэ пачъыхьэм имылъку зэкІэ ащ ыІэ илъыгъ. Ар Ерусалим Тхьэм щелъэІунэу къэ­кІогъагъ. 28Ихэгъэгу ыгъэзэжьынэу кум итІысхьагъэу, пегъымбар Ешай ытхыгъэ тхылъым еджэщтыгъ.

29–А кум екІуалІи, ащ готэу кІо!– ыІуи, Тхьэм ы Псэ ЛъапІэ Филипп къыриІуагъ.

 

8:26 Газэ къалэр – Ерусалим километрэ 85-кІэ пэчыжьэу, икъыблэ тыгъэ къохьапІэ лъэныкъомкІэ хы Іушъом Іут.

 

30Филипп кум екІуалІи, а лІыр пегъымбар Ешай ытхыгъэ тхылъым еджэу зызэхехым, къыІуагъ:

–Узаджэрэм къикІырэр къыбгурэІуа?

31–Зыгорэм зэхэсимыгъэшІыкІмэ, сыдэущтэу къызгу­рыІон слъэкІына?– къыІожьыгъ Іэшъхьэтетым. ЕтІанэ ар Филипп елъэІугъ:

–КъитІысхьи, къызготІысхь.

32Іэшъхьэтетыр Тхьэм игущыІэ тхыгъэхэм арытхэу зэ­джагъэхэр мы гущыІэхэр ары:*

«Мэлым фэдэу шІуабзынэу ащагъ.

Зыупхъорэм ыпашъхьэ шъынэр зи ымыІоу

зэрэщытым фэдэу,

ежьым ыжэ зэтырихыгъэп.

33Ежьыр агъэпыутыгъ,

зэфагъи хэмылъэу хьыкум тырашІыхьагъ.

А лъэхъаным ицІыфхэм ябзэджагъэ зынэсыгъэр

хэт къэзыІон зылъэкІырэр?

Сыда пІомэ ыпсэ мы дунаим щыхахыгъ».

34–Мыр къысэпІонкІэ сыолъэІу,– ыІуи, Іэшъхьэтетым Филипп къыриІуагъ. –Пегъымбарым зигугъу ышІырэр хэта? Ежьыр ара, нэмыкІ цІыф гора?

35Джащыгъум Филипп а гущыІэ дэдэхэу Тхьэм игущыІэ тхыгъэхэм арытхэмкІэ къыубли, Хьисэ ехьылІэгъэ къэбарышІур Іэшъхьэтетым риІуагъ.

36Гъогум рыкІохэзэ, псы горэм ыдэжь нэсыгъэх. Іэшъхьэтетым къыІуагъ:

–Мыщ псы щыІ. Сэ сыуумэхъымэ*, хъунба?

37–ЗэкІэ о угукІэ шІошъхъуныгъэ уиІэмэ, усыумэ­хъымэ хъущт,– риІуагъ Филипп.

   –Хьисэ Мэссихь Тхьэм зэри КъомкІэ шІошъхъуныгъэ сиІ,– къыІожьыгъ Іэшъхьэтетым.

   38ЕтІанэ Іэшъхьэтетым кур зыфырэм ар къыригъэ­гъэуцуи, Іэшъхьэтетымрэ Филиппрэ псым хахьэхи, Филипп адрэр ыумэхъыгъ. 39Псым къызыхэкІыжьхэм, Зиусхьаным ы ЛъапІэ Филипп нэмыкІ чІыпІэ горэм ошІэ-дэмышІэу ыхьыгъ, Іэшъхьэтетми Филипп ылъэгъу

 

8:32-33 мы гущыІэхэр ары – еплъ Пегъымбар Ешай тхылъэу ытхы­гъэм 53:7-8.

8:36 умэхъыныр – еплъ 1:5.

 

жьыгъэп. ГушІуагъом хэтэу игъогу техьажьыгъ. ^Ау Филипп Азот къалэм* къыщылъэгъуагъ. Кесарие къа­лэм* нэсы къыкІухьэзэ, къэбарышІур къэлэ пстэуми ащигъэІущтыгъ.

 

 

09

ЯБГЪОНЭРЭШЪХЬ

 

Шаул Хьисэ игъогу зэрэтехьагъэр

(Апостол. 22:6-16; 26:12-18)

 

Шаул ХьисэкІэ шІошъхъуныгъэ зиІэхэм инэу афэгубжэу, «Хьисэ игъогу шъутемыкІымэ, шъутыукІыщт», ыІозэ ари­Іо зэпытыщтыгъ. Дин пэщэшхом ыдэжь кІуи елъэІугъ:

2–Дамаск къалэм щыІэ синэгогухэм тхылъхэр афэт­хыхи, къысэтых.

Шаул ар зыфишІагъэр Хьисэ игъогу тетхэм ащыщхэр Дамаск къыщигъотхэмэ, хъулъфыгъэхэми бзылъфыгъэ­хэми, илІыхэм ахэмэ Іэхъухэр атыраригъалъхьахэу Еру­салим къыщэнхэр ары. 3Шаул гъогум рыкІозэ, Дамаск игъунэгъу зэхъум, ошІэ-дэмышІэу нэфынэ уашъом къехи къыуцухьагъ. 4Шаул чІыгум тефагъэу, макъэ горэм къы­риІоу зэхихыгъ:

–Шаул, Шаул, сыд пае къин сэ сэбгъэщэчырэ?

5– О ухэта, Зиусхьан?– ыІуи, Шаул къыІуагъ.

–Хьисээу къин зэбгъэщэчырэр сэры,– къыІожьыгъ адрэ макъэм. –Цур зием ибэщ кІыхьэ папцІэ цур ылъакъокІэ къызэрешъутырырэм фэдэу ошІымэ, уиягъэ зэогъэкІыжьы. 6Ау къэтэджи, къалэм дахь. О пшІэн фаер ащ дэжьым зыгорэм къыщыуиІощт.

7Шаул игъусэхэм зы гущыІэ горэ къамыІоу, ащ дэжьым щытхэу къэнагъэх. Макъэр зэхахыгъ, ау цІыф зи алъэ­гъугъэп. 8Шаул чІыгум къытетэджыкІыджьыгъ, ау ынэхэр

 

8:40 Азот къалэр – Газэ къалэмрэ Иоппие къалэмрэ языфагу дэтэу, хыІушъом Іут.

8:40 Кесарие къалэр – Ерусалим километрэ 90-кІэ пэчыжьэу, итемыр тыгъэ къохьапІэ лъэныкъомкІэ хыІушъом Іутэу, Палестинэ хэгъэгум икъэлэшхоу щытыгъ. Рим (Рум) Іэшъхьэтетыр а къалэм дэсыгъ. Темыр зыфаІорэр арапыбзэкІэ «шэмал», тыркубзэкІи «кузей» зыфаІорэр ары.

 

къызызэтырехыжьхэм, ахэмэ зи амылъэгъужьэу къэ­нагъ. Арыти, Шаул ыІэ аІыгъэу Дамаск дащагъ. 9Шаул мэфищым зи ымылъэгъоу щытыгъ, шхагъэп ыкІи ешъуа­гъэп ыкІи.

10ХьисэкІэ шІошъхъуныгъэ зиІэхэм ащыщэу Ананый Да­маск дэсыгъ. Зиусхьаныр ащ къыфэлъагъуи къеджагъ:

–Ананый!

–Сэры, Зиусхьан,– ыІуи, Ананый къыІожьыгъ.

11–Тэджи, «Урам ЗэнкІ» зыфаІорэ урамым тет Иудэ иунэ кІо,– ыІуи, Зиусхьаным Ананый къыриІуагъ. –Ащ дэжьым Шаул ыцІэу Тарс къалэм щыщым кІэупчІ, сыда пІомэ ар Тхьэм елъэІу. 12Ынэхэри къыгъэплъэжьынхэм пае, Ананый зы лІы горэ ыдэжь къакІоу, ыІэхэр къыты­рилъхьахэу къыфэлъэгъуагъ.

13–Зиусхьан,– къыІожьыгъ Ананый, –мы лІым уицІыф лъапІэхэу Ерусалим дэсхэм къинэу аригъэщэчыгъэхэр зыфэдизхэр цІыфыбэмэ къысаІуагъ. 14Джы дин пэщэ­шхохэм фитыныгъэ къаІихыгъэу, илІыхэм о къыолъэ­Іурэ цІыф пстэуми Іэхъухэр атыраригъэлъхьанхэм пае, мыщ дэжьым къэкІуагъ.

15 Ау Зиусхьаным Ананый къыриІуагъ:

–КІо! Хымэ лъэпкъхэми, пачъыхьэхэми, Израил цІыф­хэми сэ сцІэ икъэбар анигъэсынэу мы лІыр сэ къы­хэсхыгъ. 16Сэ сцІэ пае къинэу ыщэчын фаер зыфэдизыр сэ сшъхьэкІэ езгъэлъэгъущт.

17Арэущтэу Ананый а унэм кІуи ихьагъ. ЫІэхэр Шаул ышъхьэ тырилъхьэхи къыІуагъ:

–Шаул, сэ сшы, мыщ дэжьым укъакІо зэхъум, Зиусхьан Хьисэу гъогум къыщыпфэлъэгъуагъэм сыкъигъэкІуагъ, о унэхэр къэплъэжьынхэм паий, Тхьэм ы Псэ ЛъапІэ инэу угу илъ хъуным паий.

18 Ар къызеІом, пцэжъые шъомпІэ цІыкІухэм афэдэхэу Шаул ынэхэм зыгорэхэр къакІэтэкъухи, ынэхэри къэ­плъэжьыгъэх. ЕтІанэ Шаул къэтэджи, Ананый ар ыумэ­хъыгъ. 19Ащ нэужым Шаул шхагъэ, ыкІуачІи къыгъо­тыжьыгъ.

 

Шаул къэбарышІур Дамаск къалэм зэрэщигъэІущтыгъэр

 

ЕтІанэ ХьисэкІэ шІошъхъуныгъэ зиІэхэу Дамаск къалэм дэсхэм адэжь Шаул мафэ заулэрэ щыІагъ. 20Хьисэ Тхьэм зэры Къор синэгогухэм ардэдэм ащигъэІоу ыублагъ. 21Ар зэхэзыхыгъэ цІыфхэм зэкІэм агъэшІагъоу къаІощтыгъ:

–Мы лІыр арыба Хьисэ елъэІурэ цІыфхэм Ерусалим къин щязыгъэщэчыщтыгъэр? ИлІыхэм Хьисэ елъэІухэрэм Іэхъухэр атыраригъэлъхьанхэшъ, дин пэщэшхохэм адэжь ыщэнхэу мыщ къэкІуагъэу щытба?

22Ау Шаул нахь лъэкІыныгъэ иІэ хъугъэ. Хьисэ зэрэ Мэссихьыр* къыгъэшъыпкъэжьызэ, Дамаск дэс джуртхэмэ ежьым къыраІожьыщтыр амышІэу къыгъэнагъэх.

 

Шаул джуртхэм зэраІэпыкІыгъэр

 

23Мафэ пчъагъэ зытешІэ ужым, Шаул аукІынэу джурт­хэм гухэлъ ашІыгъ. 24Ау ахэмэ ягухэлъ Шаул къышІагъ. Ар аукІынэу чэщи мафи къэлапчъэмэ аІутхэу паплъэ­щтыгъэх. 25Ау шІошъхъуныгъэ зиІэхэм чэщым Шаул зы­дащи, къэлэ дэпкъым хэт гъуанэ горэмкІэ мэтэшхом исэу дэпкъым ратІупщэхыгъ.

 

Шаул ХьисэкІэ шІошъхъуныгъэ зиІэхэу Ерусалим дэсхэм

адэжь зэрэкІуагъэр

 

26Шаул Ерусалим зынэсым, ХьисэкІэ шІошъхъуныгъэ зиІэхэм ахэхьанэу пылъыгъ, ау ащ ХьисэкІэ шІошъхъу­ныгъэ иІэ зэрэхъугъэр ахэмэ ашІошъ мыхъоу щыщы­нэщтыгъэх. 27Ау Варнавэ* Шаул зыдищи, апостолхэм адэжь кІуагъэ. Шаул гъогум Зиусхьаныр зэрэщилъэгъу­гъэри, Зиусхьаныр Шаул къызэрэдэгущыІагъэри, Шаул етІанэ Хьисэ ыцІэкІэ къэбарышІур гушхоныгъэкІэ Дамаск зэрэщигъэІущтыгъэри Варнавэ ахэмэ ариІотэжьыгъ. 28Арэущтэу зэхъум, Шаул ХьисэкІэ шІошъхъуныгъэ зиІэ­хэм ахахьэмэ, ахэкІыжьызэ, ахэмэ адэжь Ерусалим щы­Іагъ, Зиусхьаным ыцІэкІи цІыфмэ къэбарышІур гушхоныгъэкІэ

 

9:22 Мэссихь – еплъ 2:30.

9:27 Варнавэ – еплъ 4:36-37.

 

аригъэІущтыгъ. 29АлыджэбзэкІэ гущыІэрэ джурт­хэм* адэгущыІэщтыгъ ыкІи янэкъокъущтыгъ, ау ахэмэ ар къаукІынэу пылъыгъэх. 303эшыхэм* ар къызашІэм, Шаул Кесарие къалэм ращэхи, Тарс къалэм агъэкІуагъ.

31Арэущтэу зэкІэ Иудей хэкум, зэкІэ Галилей хэкум, зэкІэ Самарие хэкум арыс чылыс зэІукІэхэм мамыр­ныгъэ яІэ хъугъэ. ШІошъхъуныгъэ зиІэхэм гурэ псэ­рэкІэ нахь лъэкІыныгъэ агъотызэ, Зиусхьаным ищына­гъо агухэм арылъэу, Тхьэм ы Псэ ЛъапІэ ыгъэгушхохэу, нахьыбэ хъугъэх.

 

Петрэ Еней зэригъэхъужьыгъэр

 

32Петрэ хэкур къыкІухьэ зэхъум, Тхьэм ицІыф лъапІэ­хэу Лиддэ къалэм* дэсхэм адэжь кІуагъэ. 33Ащ дэжьым Еней ыцІэу лІы горэм щыІукІагъ. Илъэсий хъугъэу, ыІэ­пкъ-лъэпкъ узым зэкІиубытагъэу ар пІэм хэлъыгъ.

34–Еней, –риІуагъ Петрэ, –Хьисэ Мэссихь уегъэхъужьы. Къэтэджи, уипІэ Іухыжь!

Ардэдэм Еней къэтэджыжьыгъ. 35Лиддэ къалэм зэкІэ дэс­хэми Сарон зыцІэ шъоф зэшъхьэ-зашъом* зэкІэ тесхэми зэкІэ Еней залъэгъум, Зиусхьаным игъогу техьагъэх.

 

Петрэ Тавифэ бзылъфыгъэр лІагъэхэм

къызэрахигъэтэджыкІыжьыгъэр

 

36Иоппие къалэм* ХьисэкІэ шІошъхъуныгъэ зиІэ бзылъ­фыгъэ горэ, Тавифэ ыцІэу, дэсыгъ. (Тавифэм къикІырэр

 

9:29 АлыджэбзэкІэ гущыІэрэ джуртхэр – еплъ 6:1.

9:30 зэшыхэр – зы диным рыкІохэрэр ары.

9:30 Тарс къалэр – Паул а къалэм щыщыгъ. А къалэр Рим (Рум) къэралыгъошхом щыщэу, Киликие хэкум икъэлэшхоу щытыгъ.

9:32 Лиддэ къалэр – Ерусалим километрэ 32-кІэ пэчыжьэу, итемыр тыгъэ къохьэпІэ лъэныкъокІэ ит. Иоппие къалэми километрэ 15-кІэ пэчыжьэу щыт. Непэ а къалэм ыцІэ Лод.

9:35 Сарон зыцІэ шъоф зэшъхьэ­зашъор – Кесарие къалэм щегъэжьа­гъэу Иоппие къалэм нэс хыІушъом Іутэу зыщеушъобгъу. ИкІыхьагъэ километрэ 48-рэ мэхъу.

9:36 Иоппие къалэр – Лиддэ къалэм километрэ 15-кІэ пэчыжьэу, хыІушъом Іут. Непэ «Яфэ» раІо. Яфэ къалэр Тел Авив щыщ.

 

«Мэз Пчэныр» ары.) ШІубэ ышІэу, сэдакъэхэр ыты зэпытыщтыгъ. 37А мафэхэм ар сымаджэ хъуи лІагъэ. Ар агъэпскІыжьи, унэ лъагэм ыкІоцІ ралъхьагъ. 38Лиддэ къалэр Иоппие къалэм игъунэгъути, Петрэ ащ дэжьым зэрэщыІэр ХьисэкІэ шІошъхъуныгъэ зиІэхэм зызэхахым, «Зымыгъэгужъоу, тадэжь къакІо!» Петрэ раІонэу лІы­кІуитІу лъагъэкІуагъ.

39Петрэ къэтэджи, къадэкІуагъ. Иоппие къалэм зынэ­сым, унэ лъагэм ращагъ. Шъузабэхэм зэкІэ Петрэ къауцухьи, Тавифэ ягъусэу зыщэтым, джанэхэуи щы­гъынхэуи ышІыгъагъэхэр, гъыхэзэ къырагъэлъэгъу­гъэх.

40Петрэ цІыфхэр зэкІэ унэм ригъэкІыхи, лъэгонджэмы­шъхьэкІэ тІыси, Тхьэм елъэІугъ. ЕтІанэ хьадэм зыфигъази къыІуагъ:

–Тавифэ, къэтэдж!

Тавифэ ынэхэр къызэтрихыхи, Петрэ зелъэгъум, къэ­тэджи къэтІысыгъ. 41Петрэ ащ ыІэ ыубыти къыгъэтэ­джыгъ. ЕтІанэ Тхьэм ицІыф лъапІэхэмрэ шъузабэхэмрэ къяджи, Тавифэ псаоу аритыжьыгъ. 42А къэбарыр Иоп­пие къалэм дэсхэм зэкІэ зэлъашІэ хъугъэ, цІыфыбэхэми ЗиусхьанымкІэ шІошъхъуныгъэ яІэ хъугъэ. 43ЕтІанэ Си­мон ыцІэу, шъуашІэ горэм ихьакІэу Петрэ мэфэ пчъа­гъэкІэ Иоппие къалэм къыдэнагъ.

 

 

10

ЯПШІЭНЭРЭШЪХЬ

 

Корнелый илІыкІохэм Петрэ къызэраригъэщагъэр

 

Корнелый зыцІэу зы лІы горэ Кесарие къалэм дэсыгъ. Италие хэгъэгум щыщ дзэм хэтхэу, нэбгыришъэ хъурэ купхэм япащэхэм ар ащыщыгъ. 2Ежьми иунагъом зэ­кІэми Тхьэр агъэлъапІэу щытыгъ*, Тхьэм ищынагъуи агухэм арылъыгъ. Джуртхэм ахэт тхьамыкІэхэм

 

10:2 Тхьэр агъэлъапІэу щытыгъ – джурт лъэпкъым щымыщхэу ыкІи сунэт амышІыгъэхэу щытыгъэ пэтми, а хымэхэр синэгогум кІохэзэ, Тхьэр агъэлъапІэщтыгъ.

 

сэдакъэ бэу аритыщтыгъ, Тхьэм елъэІу зэпытыщтыгъ. 3Щэ­джэгъоужым сыхьатыр щым* пэгъунэгъу хъугъэу, Тхьэм имэлэІич ащ къекІуалІи, «Корнелый!» ыІоу къеджэзэ нафэу къыфэлъэгъуагъ.

4Корнелый къэщыни, ынэхэр тыригъэкъагъэхэу ри­Іуагъ:

–Зиусхьан, сыда узыфаер?

–УитхьэлъэІухэри уисэдакъэхэри Тхьэм ыпашъхьэ ихьагъэх, Тхьэми ахэр щымыгъупшэжьыгъэхэу ыгу илъых,– къыриІожьыгъ мэлэІичым. 5–ПетрэкІэ заджэ­хэрэ Симон къыздащэнэу Иоппие къалэм лІыкІохэр гъакІох. 6Ар шъуашІэ Симонэу зиунэ хы Іушъом Іутым ихьакІэу щыт.

7Ар къезыІогъэ мэлэІичыр зыІокІыжьым, Корнелый иунэІутхэм ащыщхэу нэбгыритІурэ иІофтабгэ дзэлІхэм ащыщэу Тхьэр зыгъэлъапІэрэмрэ къяджи, 8хъугъэ-шІа­гъэхэр зэкІэ афиІотэжьхи, Иоппие къалэм ыгъэкІуагъэх.

9ЯтІонэрэ мафэм ахэр гъогум рыкІохэзэ къалэм игъу­нэгъу зэхъухэм, сыхьатыр пшІыкІутІум* пэгъунэгъу хъу­гъэу, Петрэ Тхьэм елъэІунэу унашъхьэм дэкІоягъ. 10Джащыгъум мэлакІэ къэлІагъэти, зыгорэ ышхынэу фэягъ. Шхыныр агъэхьазыры зэхъум, Тхьэм Петрэ зыгорэ къы­фигъэлъэгъуагъ. 11 Уашъор зэІухыгъэу, шэкІ фыжь иным фэдэу зыгорэ къехэу ылъэгъугъ. Ар къопиплІымкІэ кІэ­шІагъэу, чІыгум къырагъэлэлэхыгъэм фэдэу щытыгъ. 12Сыд фэдэрэ лъэпкъыгъуи щыщхэу лъэкъуиплІкІэ кІорэ псэушъхьэхэр, ныбэкІэ цуахъорэ псэушъхьэхэр, ошъогу бзыухэр а шэкІ фыжьым кІоцІылъыгъэх. 13ЕтІанэ зы макъэ горэм Петрэ къыриІуагъ:

–Петрэ, къэтэдж. ШІобзи, шхэ.

14–Хьау, Зиусхьан,– къыІожьыгъ Петрэ, –ар хъухэщтэп. Мышхыпхъи, хьэрами сэ егъашІэми сшхыгъэп.

15ЯтІонэрэу а макъэм Петрэ къыриІуагъ:

 

10:3 сыхьатыр щым – гущыІэ-гущыІэу зэбдзэкІымэ, «ябгъонэрэ сыхьа­тыр» мэхъу. Ащ къикІырэр щэджэгъоужым сыхьатыр щыр ары. Джуртхэр а сыхьатым Тхьэм елъэІух.

10:9 сыхьатыр пшІыкІутІум – гущыІэ-гущыІэу зэбдзэкІымэ, «яхэнэрэ сыхьатыр» мэхъу. Ащ къикІырэр щэджагъор ары.

 

–Тхьэм къабзэу ыкІи шхыпхъэу зыфиІуагъэр о хьэра­мэу умыІо.

16Арэущтэу гъогогъуищэ хъугъэ. ЕтІанэ шэкІ фыжьыр уашъом дэкІоежьыгъ.

17Къыфэлъэгъуагъэм къикІырэм Петрэ ыгукІэ егупшы­сэзэ, Корнелый къыгъэкІогъэ лІыхэр Симон иунэ кІэ­упчІэхэзэ, ар къагъотыгъэу къэлапчъэм Іутыгъэх.

18–ПетрэкІэ заджэхэрэ Симон мы унэм иса?– аІоу, къэупчІэхэзэ джагъэх.

19Петрэ къыфэлъэгъуагъэм егупшысэзэ, Тхьэм ы Псэ ЛъапІэ къыриІуагъ:

–Мары нэбгырищ къыплъэхъух. 20Къэтэджи, унэм ех, уемынэгуеу ахэмэ адакІу; сыда пІомэ ахэр къэзыгъэ­кІуагъэр сэры.

21 Петрэ ехи, лІыхэм ариІуагъ:

–Шъо шъузлъыхъурэр сэры. Іоф горэ шъуиІэу шъу­къэкІуагъа?

22 –Тэ тыкъэзыгъэкІуагъэр дзэ пащэу Корнелый ары,–къаІуагъ а лІыхэм. –Ар шъыпкъагъэ зиІэу, Тхьэм ищы­нагъо зыгу илъэу, джурт лъэпкъым зэкІэ лъытэныгъэ зыфыряІэ лІэу щыт. Ащ иунэ лІыкІохэм укъыраригъэ­щэнышъ, къапІохэрэм ядэІунэу мэлэІич лъапІэ горэм унашъо къыфишІыгъ.

23Джащыгъум Петрэ ахэр къыригъэблагъэхи, ыхьэкІа­гъэх.

ЯтІонэрэ мафэм Петрэ ахэмэ ягъусэу гъогум техьагъ. Иоппие къалэм щыщ ышы* заули игъусагъэх.

24Ащ къыкІэлъыкІорэ мафэм Кесарие къалэм нэсы­гъэх. Корнелый иунэкъощхэри иблагъэхэри къыугъои­гъэхэу, Петрэрэ игъусэхэмрэ апаплъэщтыгъэх. 25Петрэ унэм зехьэм, Корнелый ащ пэгъокІи, ылъакъохэм адэжь зыщыридзыхи, лъэгонджэмышъхьэкІэ тІысыгъэ. 26Ау Петрэ Корнелый къыгъэтэджыжьи ыІуагъ:

–Къэтэдж, сэри сыцІыф ныІэп.

27ЕтІанэ Петрэ Корнелый дэгущыІэзэ унэм зехьэм, цІыфыбэхэр щызэрэугъоигъэхэу ылъэгъугъ.

28–Джурт горэ хымэ лъэпкъым щыщхэм е ахэхьанэу е яунэ ихьанэу тихабзэкІэ зэрэмыхъущтыр шъори шъошІэ,– ариІуагъ Петрэ ахэмэ. –Ау зы цІыф горэ е мыкъа­бзэу

 

10:23 ышыхэр – еплъ 9:30.

 е шІоеу сымылъытэн фаеу Тхьэм зэхысигъэшІы­кІыгъ. 29Арыти, мы лІыкІохэм сыкъызяшъогъащэм, зыми семынэгуеу сыкъэкІуагъ. Джы сышъоупчІы, Іоф горэ шъуиІэу сыкъяжъугъэщагъа?

30–МэфиплІкІэ узэкІэІэбэжьмэ мы сыхьатым, щэджэ­гъоужым сыхьатыр щым*, сиунэ Тхьэм сыщелъэІущтыгъ,–къыІожьыгъ Корнелый. –ОшІэ-дэмышІэу щыгъын фыжь лыдхэр щыгъхэу, зы лІы горэ сапашъхьэ къиуцуи, 31къыІуагъ: «Корнелый, Тхьэм уитхьэлъэІу зэхихыгъ, уисэдакъэхэри щымыгъупшэжьыгъэхэу ыгу илъых. 32Пе­трэкІэ заджэхэрэ Симон къыздащэнэу Иоппие къалэм лІы­кІохэр гъакІох. Ар шъошІэ Симонэу зиунэ хыІушъом Іутым ихьакІэу щыт. Ар къэкІонышъ, къыбдэгущыІэщт». 33Арыти, занкІэу къыплъызгъэкІуагъэх. УкъызэрэкІуа­гъэр дэгъоу пшІагъэ. Джы тэ зэпстэури о къэпІонхэу, Зи­усхьаным унашъо къыпфишІыгъэхэм тядэІунэу мыщ дэ­жьым Тхьэм ыпашъхьэ тит.

 

Петрэ Корнелый иунэ къэбарышІур къызэрэщиІотагъэр

 

34ЕтІанэ Петрэ мырэущтэу къыІуатэ ыублагъ:

–Тхьэр цІыфхэм ятеплъэ емыплъэу, цІыф пстэури изэфэдэхэу зэрэщытыр шъыпкъэу зэзгъэшІагъ. 35Сыд фэдэрэ лъэпкъыми щыщэу, ежь ищынагъо зыгу илъэу шъыпкъагъэр зыгъэцакІэрэр Тхьэм ештэ. 36КъэбарышІоу Тхьэм Израил цІыфхэм анигъэсыгъэр шъо шъошІэ. Мырэущтэу зыІорэ къэбарышІур ары: Хьисэ Мэссихьэу цІыф пстэуми я Зиусхьан ары цІыфхэр Тхьэм езыгъэ­шІужьырэр. 37Иуан ежьым зырагъэумэхъынэу цІыфхэм заригъэІум ыуж, Галилей хэкум къыщегъэжьагъэу зэкІэ Иудей хэкум къыщыхъугъэхэр шъо шъошІэх. 38Назарет щыщ Хьисэ икъэбар шъошІэ. Тхьэм ежь ы Псэ ЛъапІэрэ лъэкІыныгъэшхомрэ ащ къыфыригъэхыгъэх. Тхьэр ащ зэригъусагъэм пае, шІугъэ ышІэу, шэйтаным илъэкІы­ныгъэкІэ ригъэзыгъэ цІыф пстэури ыгъэхъужьхэу къы­кІухьащтыгъ. 39–А Хьисэ джуртхэм яхэгъэгуи Ерусалими Іофхэу щишІагъэхэм зэкІэ тэ тыряшыхьат. Ар

 

10:30 сыхьатыр щым – еплъ 10:3.

 

пкъэум тыраІулІи агъэлІагъ. 40Ау ящэнэрэ мафэм Тхьэм ар лІагъэхэм къахигъэтэджыкІыжьи, цІыфхэм ар аригъэлъэгъугъ. 41Ау Тхьэм ар зэригъэлъэгъугъэхэр цІыф пстэури арэп, Тхьэм ыпэкІэ къыгъэнэфэгъэгъэ шыхьатхэр ары нахь. Хьисэ лІагъэхэм къызахэтэджыкІыжьым ыуж, тэ ежь игъусэу дашхэхэу ыкІи дешъохэу щытыгъэхэр ары Тхьэм ар зэри­гъэлъэгъугъэхэр. 42Тхьэм игущыІэхэр цІыфмэ ядгъэІун­хэуи, псаухэми, лІагъэхэми хьыкум атезышІыхьанэу Тхьэм къыгъэнэфагъэр зэрэ Хьисэ къэтыушыхьаты­нэуи, Тхьэм унашъо къытфишІыгъ. 43Хэтми ХьисэкІэ шІошъхъуныгъэ зиІэм ипсэкІодхэр Хьисэ ыцІэкІэ зэрэ­фэгъущтхэмкІэ пегъымбар пстэури Хьисэ шыхьат фэхъух.

 

Тхьэм ы Псэ ЛъапІэ хымэ лъэпкъхэм ащыщхэм

къызэрафехыгъэр

 

44Петрэ а гущыІэхэр къыІохэзэ, ахэр зэхэзыхыгъэ пстэу­ми Тхьэм ы Псэ ЛъапІэ къафехыгъ. 45Петрэ игъусэхэу къэкІогъэгъэ шІошъхъуныгъэ зиІэ лІыхэу сунэт ашІыгъэ­хэу щытыгъэхэм Тхьэм итынэу ежь ы Псэ ЛъапІэ хымэ лъэпкъхэм ащыщхэми къызэрафыригъэхыгъэр агъэшІэ­гъуагъ; 46сыда пІомэ а хымэхэм амышІэрэ бзэхэмкІэ къэгущыІэхэу, Тхьэм щытхъу фашІэу зэхахыгъ.

Джащыгъум Петрэ къыІуагъ:

47–Мы цІыфхэу тэщ фэдэу Тхьэм ы Псэ ЛъапІэ зыгу илъ хъугъэхэр псыкІэ тэ тыумэхъыхэмэ, зыгорэм ымыдэн ылъэкІына?

48ЕтІанэ Хьисэ Мэссихь ыцІэкІэ ахэр аумэхъынхэу уна­шъо ышІыгъ. ЕтІанэ мэфэ заулэрэ ахэмэ адэжь къэтынэу Петрэ елъэІугъэх.

 

 

11

ЯПШІЫКІУЗЭНЭРЭШЪХЬ

 

Петрэ Ерусалим ичылыс зэІукІэм щыщхэм хъугъэ-шІагъэр

къызэрариІотэжьыгъэр

 

Хымэ лъэпкъхэм щыщхэми Тхьэм игущыІэхэр зэрашта­гъэхэр апостолхэмрэ Иудей хэкум ис ышыхэмрэ зэхахыгъ. 2Арэущтэу Петрэ Ерусалим зыдэкІуаем, сунэт ашІы­гъэхэм Петрэ ышІагъэр амыдэу Защ къыраІуагъ:

–О сунэт амышІыгъэхэм яунэ уихьи уадэшхагъ.

4Джащыгъум Петрэ хъугъэ-шІагъэхэр зырызэу къагу­ригъэІонэу ыублагъ:

5–Иоппие къалэм сэ Тхьэм сыщелъэІущтыгъ. Джащы­гъум Тхьэм сэ сызэшъхьэщифи, шэкІ фыжь иным фэдэу зыгорэ уашъом къехэу къысфэлъэгъуагъ. Ар къопи­плІымкІэ кІэшІагъэу, уашъом къехэу, къырагъэлэлэхы­гъэм фэдэу сапашъхьэ къэсыгъ. 6ШэкІ фыжьым сызе­плъым, лъэкъуиплІкІэ кІорэ былымхэри, хьакІэ-къуакІэ­хэри, ныбэкІэ цуахъорэ псэушъхьэхэри, ошъогу бзыухэри слъэгъугъэх. 7«Петрэ, къэтэдж. ПІІобзи, шхэ», макъэ горэм къысиІоу зэхэсхыгъ.

8–«Хьау, Зиусхьан, ар хъухэщтэп, мышхыпхъи, хьэрами егъашІэми зыІуслъхьагъэп», сІуи, пэгъокІ естыжьыгъ.

9–А макъэм ятІонэрэу уашъом къиІукІэу къыІожьыгъ: «Тхьэм къабзэу ыкІи шхыпхъэу зыфиІуагъэхэр, о хьэра­мэу умыІо». 10Арэущтэу гъогогъуищэ хъугъэ. ЕтІанэ зэкІэ уашъом дэкІоежьыгъ.

11–Ардэдэм Кесарие къалэм къикІыхэу садэжь къагъэ­кІогъэ нэбгырищ сэ сызэрыс унэм икъэлапчъэ къакІохи къыІууцуагъэх. 12Семынэгуеу ахэмэ садэкІонэу Тхьэм ы Псэ ЛъапІэ къысиІуагъ. Мы зэшы нэбгырихыри си­гъусэхэу тэ тыкІохи, а лІым иунэ тихьагъ. 13А лІым къытиІотагъ мэлэІич горэ иунэ итэу мырэущтэу ыІозэ, зэрэщилъэгъугъэр: «ПетрэкІэ заджэхэрэ Симон къызда­щэнэу лІыкІохэр гъакІох. 14Оррэ уиунагъорэ зэкІэ шъу­мыкІодэу, шъукъэзыгъэнэжьыщт гущыІэхэр ащ къыуи­Іощтых».

15–Сэ сыкъэгущыІэу зысэублэм, Тхьэм ы Псэ ЛъапІэ ахэмэ къафехыгъ, апэу тэри къызэрэтфехыгъагъэм фэ­дэу. 16«Иуан псыкІэ цІыфхэр ыумэхъыщтыгъэх, ау Тхьэм ежь ы Псэ ЛъапІэкІэ шъо шъуиумэхъыщт», ыІуи Зиусхьа­ным къыІогъэгъэ гущыІэхэр* джащыгъум сыгу къэкІы­жьыгъэх. 173иусхьанэу Хьисэ МэссихькІэ шІошъхъуныгъэ тэ тиІэ зэхъум, Тхьэм ы Псэ ЛъапІэ тэ къызэрэтфыригъэ­хыгъэм фэдэу, ахэми къафыригъэхыгъэу, сэ сыхэта, Тхьэм сыпэуцужьынэу?

 

11:16 Зиусхьаным къыІогъэгъэ гущыІэхэр – еплъ 1:5.

 

18Ахэмэ мы Іофхэр зызэхаххэм, заушъэфыгъ. Тхьэм ищытхъу ашІэу къаІуагъ:

–Ащыгъум хымэ лъэпкъхэри япсэкІодхэм афыкІэгъо­жьынхэшъ, мыкІодыжьын щыІэныгъэ яІэ хъунэу Тхьэм игъо ылъытагъ.

 

Антиохие къалэм чылыс зэІукІэ щыІэу зэрэхъугъэр

 

19Стефан мыжъокІэ еохэзэ, заукІым ыуж, ХьисэкІэ шІо­шъхъуныгъэ зиІэхэм къиныбэ зэрагъэщэчыщтыгъэхэм пае, ахэр зэбгырыкІыжьыгъэх. Хьисэ ехьылІэгъэ къэ­барышІур джуртхэм анэмыкІэу зыми рамыІуатэу, ахэр Финикие хэкум, Кипр зыцІэ хыгъэхъунэм*, Антиохие къалэм анэсы кІуагъэх. 20Ау ахэмэ ащыщхэу зы купэу Кипр хыгъэхъунэм щыщ лІыхэри, Кириние къалэм щыщ лІыхэри Антиохие къалэм* зэкІохэм, Зиусхьанэу Хьисэ ехьылІэгъэ къэбарышІур алыджхэми араІуатэщтыгъ. 21Зи­усхьаныр ягъусагъ, цІыфыбэми шІошъхъуныгъэ яІэ хъоу, Зиусхьаным игъогу техьагъэх.

22Мы Іофхэм якъэбар Ерусалим щыІэ чылыс зэІукІэм щыщхэм анэсыгъ. Занэсым, Варнавэ Антиохием агъэ­кІуагъ. 23Варнавэ Антиохием кІуи, Тхьэм ынэшІу ахэмэ къызэращифагъэр зелъэгъум гушІуагъэ, агу етыгъэу, емызэщхэу Зиусхьаным фэшъыпкъэнхэуи афигъэпытагъ. 24Варнавэ цІыф дэгъоу щытыгъ. Тхьэм ы Псэ ЛъапІи шІошъхъуныгъэри инэу ыгу илъыгъэх. Арэущтэу Зиус­хьанымкІэ шІошъхъуныгъэ зиІэ цІыфхэм япчъагъэ инэу хэхъуагъ.

25ЕтІанэ Шаул лъыхъунэу Варнавэ Тарс къалэм кІуагъэ. Ащ дэжьым Шаул къызегъотым, Антиохием зыдищагъ. 26Зы илъэсым икІыхьагъэкІэ чылыс зэІукІэм щыщхэм ягъу­сэу зэрэугъоихэзэ, цІыф купышхом Тхьэм игущыІэхэр арагъашІэщтыгъэх. ХьисэкІэ шІошъхъуныгъэ зиІэхэм «ЧыристанхэкІэ» апэ дэдэу зыщяджагъэхэр Антиохие ары.

27А мафэхэм пегъымбар куп Ерусалим къикІыхи, Антиохие къэкІуагъэх. 28Ахэмэ

 

11:19 хыгъэхъунэ – еплъ 4:36.

11:20 Антиохие къалэр – Рим (Рум) къэралыгъошхом щыщэу, Сирие хэкум икъэлэшхоу щытыгъ.

 

 

ащыщэу Агав зыцІэр къэтэджи, зэкІэ дунаим гъэблэшхо къызэрэщыхъущтыр Тхьэм ы Псэ ЛъапІэ ащ ыгу къырилъхьи къыригъэІуагъ. Кайсар Клаудый* итетыгъоми арэущтэу хъугъэ. 29Джащы­гъум ХьисэкІэ шІошъхъуныгъэ зиІэхэм, хэти зэрилъэ­кІырэм фэшъуашэу, Иудей хэкум ис ашыхэм ІэпыІэгъу афэхъунхэу тыраубытагъ. 30Іошъхъуныгъэ зиІэхэм арэущтэу ашІызэ, аугъоигъэ ахъщэр Варнавэрэ Шаулрэ аІэкІалъхьи, ахэми чылыс зэІукІэм инахьыжъхэм* афа­рагъэхьыгъ.

 

 

12

ЯПШІЫКІУТIOНЭРЭШЪХЬ

 

Тетыгъо зиІэхэм Якъубэ зэраукІыгъэр ыкІи Петрэ хьапсым зэрэчІадзагъэр

 

А мафэхэм пачъыхьэ Ирод* идзэлІхэм чылыс зэІукІэм щыщхэу цІыф заулэ аригъэубытхи, лые араригъэхэу ыублагъ. 2Иуан ышэу Якъубэ* сэшхокІэ аригъэукІыгъ. 3Ар джуртхэм агу зэрэрихьырэр Ирод зелъэгъум, ащ ыужкІэ идзэлІхэм Петри аригъэубытыгъ. Ар зыхъугъэр Хьалыгъу Мыгъэтэдж зыщашхырэ мэфэкІ мэфэшхохэр* ары. 4Ирод Петрэ зарегъэубытым, хьапсым чІаригъадзи, дзэм

 

11:28 КлаудыйХьисэ къызэхъу нэужым я 41-54 илъэсхэм къакІоцІ Рим (Рум) къэралыгъошхом и Кайсарэу щытыгъ. Гъэблэшхоу Агав зигугъу ышІыгъэр Хьисэ къызэхъу нэужым я 46-рэ илъэсым къэхъугъ.

11:30 нахьыжъхэр – чылыс зэІукІэм Іофэу ышІэрэр зыпшъэ илъ тхьаматэхэр ары.

12:1 пачъыхьэ Ирод – Ирод Агриппэ Апэрэр ары. Хьисэ къызэхъу нэужым я 41-44 илъэсхэм къакІоцІ Израил хэгъэгум ипачъыхьэу щытыгъ. Ирод Агриппэ Апэрэр Ирод Иным ыкъо ыкъоу щытыгъ.

12:2 Якъубэ – Зеведей ыкъоу щытыгъ, Хьисэ игъогу рыкІорэ нэбгырэ пшІыкІутІуми ащыщыгъ.

12:3-4 Хьалыгъу Мыгъэтэдж зыщашхырэ мэфэкІ мэфэшхохэр – Пасхъэ зыцІэ мэфэкІ мэфэшхомрэ Хьалыгъу Мыгъэтэдж зыщашхырэ мэфэкІ мэфэшхохэмрэ зэдагъэлъапІэхэзэ, Тхьэм Мысырым (Еги­пет) къызэрэригъэкІыжьыгъагъэхэр джуртхэм агъэлъапІэ. Пасхъэ мэ­фэкІ мэфэшхор Нисан зыцІэ мазэм и 14-м тефэ (яплІэнэрэ мазэм иапэрэ мафэ пэгъунэгъу). Хьалыгъу Мыгъэтэдж зыщашхырэ мэфэкІ мэфэ­шхохэр Нисан и 15-22 мафэхэм къакІоцІ агъэлъапІэх. А мафэхэм тэджэпс тхьацум халъхьэрэп.

 

 

щыщхэу нэбгырэ плІырыплІэу купиплІ ар аухъумэнэу аІэкІилъхьагъ. ЕтІанэ Пасхъэ зыцІэ мэфэкІ мэфэшхор зыблэкІыкІэ, хьыкумышІэм* ыпашъхьэ рищэ­нэу Ирод ыгу хэлъыгъ.

5Арэущтэу Петрэ хьапсым чІадзагъэу щытыгъ, ау чы­лыс зэІукІэм щыщхэм яшъыпкъэу Тхьэм ащ фелъэІу­щтыгъэх.

 

МэлэІич горэм Петрэ хьапсым къызэрэчІищыжьыгъэр

 

6Пачъыхьэ Ирод Петрэ хьыкумышІэм ыпашъхьэ зы­щырищэщт мафэм ыпэрэ чэщым Петрэ ІэхъуитІу телъэу, дзэлІитІум азыфагу дэлъэу щычъыещтыгъ. УхъумакІо­хэри пчъэм Іутхэу хьапсыр къаухъумэщтыгъ. 7ОшІэ-дэ­мышІэу Зиусхьаным имэлэІич а унэм къыщылъагъуи, нэфынэшхо унэм къыщынэфыгъ. МэлэІичыр Петрэ ыбгъукІэ етІыргуи къыгъэущыгъ.

–ПсынкІэу тэдж!– ыІуагъ. Петрэ ІэхъуитІоу телъхэр тезыгъэх.

8–Зыфап, уицуакъэхэри зыщылъэх,– риІуагъ мэлэІичым Петрэ. Петрэ арэущтэу ышІыгъ. ЕтІанэ мэлэІичым ри­Іуагъ:

–Уищыгъын кІыІутелъ зыщылъэжьи, сауж уитэу къа­кІо.

9Арэущтэу Петрэ мэлэІичым ыуж итэу хьапсым къы­чІэкІыжьыгъ. Ау мэлэІичым ышІагъэхэр шъыпкъэмэ, мышъыпкъэмэ Петрэ ышІэщтыгъэп, зыгорэ къыфэлъа­гъоу къышІошІыгъ. 10Апэрэ ухъумэкІо купми, ятІонэрэ ухъумэкІо купми къаблэкІхи, къэлэ дэхьапІэм Іут гъучІ къэлапчъэм дэжь нэсыгъэх. Къэлапчъэр ежь-ежьырэу ахэмэ къафызэІукІыгъ. Къэлапчъэм дэкІхи, зы урамым икІыхьагъэкІэ зырэкІохэ ужым, ошІэ-дэмышІэу мэлэ­Іичым Петрэ къыгъани ІукІыжьыгъ.

11 Петрэ зыкъызешІэжьым, къыІуагъ:

–Зиусхьаным имэлэІич къыгъакІуи, Ирод ыІэ сыкъы­ІэкІихэу, джурт цІыфхэми къысэхъулІэнэу зыфаІорэ Іэягъэ пстэури симыгъэлъэгъузэ, сымыкІодэу сыкъызэригъэнэжьыгъэр джы шъыпкъэу къэсшІагъ.

 

 

12:4 хьыкумышІэр –зы цІыф горэ хыеу е мысэу щытмэ, хабзэм иунашъо тетэу зэхэзыфырэр ары.

 

12Петрэ къехъулІагъэр къызешІэжьым, Иуанэу Марк­кІэ заджэхэрэм янэу Мерэм иунэ кІуагъэ. ЦІыфыбэхэр ащ дэжьым къыщызэрэугъоигъэхэу, Тхьэм елъэІущтыгъэх. 13Петрэ къэлапчъэм зытеом, ар къызэІуихынэу Родэ зыцІэу унэІут пшъашъэ горэ къэкІуагъ. 14Петрэ ымакъэ къызешІэжьым, гушІуагъом хэтэу къэлапчъэр Іуи­мыхэу унэм илъэдэжьи, Петрэ къэлапчъэм зэрэІутыр ад­рэмэ ариІуагъ.

15–КъапІорэр пшІэрэп,– къыраІожьыгъ ахэмэ. Ау ыІуагъэм пшъашъэр текІыгъэп. Джащыгъум къаІуагъ:

–Ар Петрэ имэлэІичын фае.*

16Ау Петрэ къэлапчъэм зэпымыоу теощтыгъэ. Къэла­пчъэр Іуахи, Петрэ залъэгъум, лъэшэу агъэшІэгъуагъ. 17Заушъэфынэу Петрэ Іэ афишІи, Зиусхьаным хьапсым къызэрэчІищыжьыгъэр ахэмэ ариІотэжьыгъ. ЕтІанэ къы­Іуагъ:

–Якъуби* адрэ тшыхэми хъугъэ-шІагъэр яжъугъашІ.

Ар къызеІом, а унэм икІи, нэмыкІ чІыпІэ горэм кІуагъэ.

18Нэф къызэшъым, дзэлІхэр гузэжъогъушхо хэфагъэ­хэу зэупчІыжьыгъэх:

–Петрэ сыда къехъулІагъэр?

19Пачъыхьэ Ирод дзэлІхэр Петрэ лъигъэхъухи къыза­мыгъотым, ухъумакІохэм тэрэзэу зяупчІым ыуж, дзэлІхэм а ухъумакІохэр аригъэукІыгъэх. Пачъыхьэ Ирод етІанэ Иудей хэкум икІи, Кесарие къалэм ехи, ащ дэжьым къыдэнагъ.

 

Пачъыхьэ Ирод зэрэлІагъэр

 

20Пачъыхьэ Ирод Тир къалэм дэсхэмрэ Сидон къалэм* дэсхэмрэ инэу афэгубжыгъэу щытыгъ. А къалэхэм адэс­хэр зэгурыІохи, пачъыхьэм ыдэжь къэкІуагъэх. Пачъыхьэм фэлажьэрэ Іэшъхьэтетэу Власт гурыІохи, пачъыхьэр

 

12:15 Ар Петрэ имэлэІичын фае – джуртхэм яшІошъхъуныгъэ тетэу, хэтрэ цІыфым мэлэІич горэ ухъумакІоу иІ.

12:17 Якъубэ – Зиусхьанэу Хьисэ ышхэм ащыщэу, Ерусалим щыІэ чы­лыс зэІукІэм итхьаматэхэм ащыщыгъ. Еплъ Гал. 1:19.

12:20 Тир къалэм . . . Сидон къалэм ... – ахэр хымэ къалэхэу Галилей хэкум итемыр лъэныкъомкІэ хыІушъом Іутыгъэхэр ары.

 

къаригъэшІужьынэу елъэІугъэх. Сыда пІомэ пачъыхьэм ихэгъэгу гъомлапхъэхэу къикІыхэрэр ары ахэр зэрыпсэу­щтыгъэхэр.

21Ирод ыгъэнэфэгъэ мафэм ипачъыхьэ щыгъынхэр щыгъхэу, пачъыхьэ тІысыпІэм тетІысхьи, ахэмэ апашъ­хьэ къыщыгущыІагъ.

22–Мыр цІыф макъэп, Тхьэм ымакъэ нахь,– цІыфхэм аІоти джэщтыгъэх. 23Пачъыхьэ Ирод Тхьэм щытхъушхор зэрэфимышІыгъэм пае, Тхьэм имэлэІич горэ ардэдэм ащ къыригъаозэ, хьамылыухэм ар ашхызэ, ыпсэ хэкІыгъ.

24Ау Тхьэм игущыІэхэр нахь цІыфыбэмэ анэсхэзэ, зы­щау бгъущтыгъ.

25Варнавэрэ Шаулрэ яІоф заухым, Ерусалим къыдэкІы­жьхи, МарккІэ заджэхэрэ Иуан ягъусэу зыдащи, Антио­хие къалэм агъэзэжьыгъ.

 

 

13

ЯПШІЫКІУЩЭНЭРЭШЪХЬ

 

Антиохием щыІэ чылыс зэІукІэм щыщхэм Варнавэрэ Шаулрэ

Тхьэм фэлэжьэнхэу зэрагъэнэфагъэхэр

 

Пегъымбархэри, дин гъэсакІохэри Антиохием щыІэ чы­лыс зэІукІэм щыщхэм ахэтыгъэх: Варнавэ, «ШІуцІэкІэ» заджэхэрэ Симон, Кириние къалэм щыщ Луцый, Ма­наил (ар пщы Ирод* игъусэу апІугъагъ) ыкІи Шаул. 2Ахэр Тхьэм елъэІухэзэ, чэщи мафи анэкІы зэхъум, Тхьэм ы Псэ ЛъапІэ ахэмэ къариІуагъ:

–Варнавэрэ Шаулрэ сэ сыкъызфяджэгъэ Іофым пае къысфыхэшъухых.

3ЕтІанэ ахэмэ чэщи мафи занэкІы ужым, Тхьэм елъэ­Іугъэх, аІэхэри ахэмэ ашъхьэхэр атралъхьэхи*, яІоф ашІэ­нэу агъэкІуагъэх.

 

13:1 пщы Ирод – Ирод Антипэу Галилей хэкум ипщэу щытыгъэр ары. Еплъ Лука 3:1.

13:3 аІэхэр ахэмэ ашъхьэхэм атралъхьэхи – арэущтэу зыфашІагъэр а Іофыр а лІитІум апшъэ ралъхьанри, ахэмэ а Іофыр агъэцэкІэным пае, Тхьэм ынэшІу къащифэнри ары.

 

Апостолхэм Кипр хыгъэхъунэм Тхьэм игущыІэхэр

зэрэщагъэІущтыгъэхэр

 

4Варнавэрэ Шаулрэ Тхьэм ы Псэ ЛъапІэ ыгъэкІуагъэхэу, Селевкие къалэм* нэсыгъэх. Ащ дэжьым къухьэкІэ ще­жьэхи, Кипр хыгъэхъунэм кІуагъэх. 5Саламин къа­лэм дэжь зынэсхэм, джуртхэм ясинэгогухэм Тхьэм игущы­Іэхэр щагъэІущтыгъэх. Иуан ахэмэ ІэпыІэгъу афэхъунэу ягъусагъ.

6Хыгъэхъунэм икІыхьагъэкІэ Паф къалэм* нэс къызэ­кІохэм, ушхъухьаныгъэ Іофым пылъ джурт пегъымбар нэпцІ горэм ІукІагъэх. А лІым Вар хьисэ ыцІагъ. 7Ар хыгъэхъунэм иІэшъхьэтетэу* Сергый Паул игъусагъ. Сергый Паул цІыф губзыгъэу щытыгъ. Ар Тхьэм игущы­Іэхэм ядэІунэу фэягъэти, Варнавэрэ Шаулрэ къаригъэ­щагъэх. 8Ау ушхъухьаныгъэ Іофым пылъэу Елимэ (Елимэ къикІырэр «Ушхъухьаныгъэ Іофым Пылъыр» ары) Іэшъ­хьэтетыр шІошъхъуныгъэм игъогу тыримыгъэхьаным ыуж­итыгъэти, Варнавэрэ Шаулрэ апэуцужьыщтыгъ. 9Ау Шаулэу ПаулкІи заджэхэрэм* ыгу Тхьэм ы Псэ ЛъапІэ инэу илъ хъуи, ынэхэр Елымэ тыригъэдыкъэхи къыІуагъ:

10–О шэйтаным урикъу, о зэкІэ шъыпкъагъэм урипый. ТхьагъэпцІыгъэ пстэури бзэджэгъэ пстэури угу инэу илъых. Тхьэм игъогу занкІэхэр къуанчэ пшІынхэу упы­лъыным ыуж уикІыжьыщтба? 11Джы Зиусхьаным ыІэ къыптелъ. Заулэрэ тыгъэм инэфынэ умылъэгъоу, нэ­шъоу ухъущт.

Ардэдэм пщагъори шІункІыри Елымэ къыфехыгъэх. ЕтІанэ къыкІухьэзэ, къезыщэкІын цІыф горэм лъыхъущтыгъ. 12 Іэшъхьэтетым хъугъэ-шІагъэр

 

13:4 Селевкие къалэр – Антиохием километрэ 20-кІэ пэчыжьэу щытыгъ. А къалэм къухьэуцупІэ иІэу, хыІушъом Іутыгъ.

13:5 синэгогу – еплъ 6:9.

13:6 Паф къалэр – Кипр хыгъэхъунэм итыгъэ къохьэпІэ хыІушъо Іутэу, икъэлэшхоу щытыгъ. Хыгъэхъунэ – чІыгу гъушъэу псы гузэгум итыр ары.

13:7 Іэшъхьэтет – Кипр хыгъэхъунэр зыІэ илъэу, Рим (Рум) къэра­лыгъошхом фэлажьэрэ тхьаматэр ары.

13:9 Шаулэу ПаулкІи заджэхэрэр – апостол Паулым ыцІэ джуртыбзэкІэ Шаул мэхъу, римыбзэкІи Паул мэхъу.

 

зелъэгъум, шІошъхъуныгъэ иІэ хъугъэ. Варнавэрэ Паулрэ Іофхэу Зиусхьаным ехьылІагъэу къырагъашІэхэрэр ыгъэшІагъо­щтыгъэх.

 

Паулрэ Варнавэрэ Писидие хэкум щыщ Антиохие къалэм зэрэкІуагъэхэр

 

13ЕтІанэ Паулрэ игъусэхэмрэ Паф къалэм къухьэкІэ щежьэхи, Памфилие хэкум щыщ Пергие къалэм кІуагъэх. Ащ дэжьым Иуан ахэр къыгъанэхи, Ерусалим ыгъэзэжьыгъ. 14Адрэ нэбгыритІур Пергие къалэм блэкІхи, Писи­дие хэкум щыщ Антиохие къалэм нэсыгъэх. Шэмбэт ма­фэм* синэгогум чІахьэхи тІысыгъэх. 15Тэурат хабзэм* итхэмрэ пегъымбархэм атхыгъэ тхылъхэм* арытхэмрэ ащыщхэу зыгорэхэм зяджэхэ ужым, синэгогу пащэхэм зыгорэ агъакІуи арырагъэІуагъ:

–Тэ тшыхэр, мы цІыфхэр зэрыжъугъэгушхон гущыІэ­хэр шъуиІэхэмэ, къашъуІох.

16Паул къэтэджи, Іэ афишІи къыІуагъ:

–Шъо Израил цІыфхэри, Тхьэм ищынагъо зыгу илъхэ­ри, шъукъэдаІу. 17Израил лъэпкъым и Тхьэ тэ тятэжъхэр къыхихыгъэх. Тэ тлъэпкъ Мысыр хэгъэгум зесым, лъэ­пкъышхоу ышІи, лъэкІыныгъэшхокІэ ащ дэжьым къы­рищыжьыгъэх. 18ЕтІанэ илъэс тІокІитІо шъоф нэкІым щигъашхэщтыгъэх. 19Ханаан хэгъэгум щыпсэурэ лъэпкъиблир ыгъэкІодхи, ахэмэ яхэгъэгу Израил лъэпкъым иІахьэ хъунэу къыфигъэнэжьыгъ. 20Ар зэкІэ илъэс шъи­плІырэ шъэныкъорэм ыкІоцІым фэдиз хъугъэ.

–Ащ ыужым, хьыкумышІэхэр* Тхьэм ахэмэ аритыгъэх, пегъымбар Самуел имафэхэм нэсыфэ. 21ЕтІанэ пачъыхьэ афигъэнэфэнэу Израил цІыфхэр Самуел

 

13:14 шэмбэт мафэр – джуртхэм ямэфэ лъапІэ ары. А мафэм хэти Іоф ышІэн фитэп.

13:15 Тэурат хабзэр – пегъымбар Мусэ тхылъитфэу ытхыгъэхэр ары. Тэурат хабзэр джуртхэм ятхылъ лъапІэхэм ащыщэу апэрэ Іахьэу мэхъу.

13:15 пегъымбархэм атхыгъэ тхылъхэр – джуртхэм ятхылъ лъапІэхэм ащыщхэу ятІонэрэ Іахьэу мэхъу.

13:20 хьыкумышІэхэр – еплъ 12:4.

 

елъэІугъэх. Вениамин иунэгъо лъэпкъ щыщэу, Кис ыкъо Шаул па­чъыхьэ афэхъунэу Тхьэм аритыгъ. ЕтІанэ илъэс тІокІи­тІурэ ар пачъыхьэу щытыгъ. 22Тхьэм ар тыригъэкІыжьи, Даутэ пачъыхьэу тыригъэхьагъ. Тхьэм Даутэ мырэущтэу шыхьат фэхъугъ:* «Иессе ыкъоу Даутэ сыгу зэІурэ цІыфэу къэзгъотыгъ. Сэ сызыфаехэр зэкІэ ащ ыгъэцэкІэщтых». 23Мы лІым къытехъукІыгъэ цІыфхэм ащыщэу, Израил цІыфхэр мыкІодхэу къэзыгъэнэжьырэр Хьисэ ары, Тхьэм къафигъэкІуагъ, ятэжъхэр къызэригъэгугъэгъагъэхэм фэ­дэу. 24Хьисэ къэкІоным ыпэкІэ Иуан, «ШъуипсэдкІодхэм шъуафыкІэгъожьи, зысэжъугъэумэхъ», ыІоу, Израил цІыфхэм зэкІэ аригъэІугъ. 25Иуан иІоф ыухызэ къы­Іуагъ:* «Сэ хэтэу сышъушІошІыра? Шъо шъузпаплъэрэр сэрэп. Шъо шъузпаплъэрэр саужкІэ къэкІощт, ащ ицокъэ­лъэпсхэр фэстІэтэныхэуи сифэшъуашэп».

26(Паул джыри ипсалъэ къыпидзэжьыгъ:) –Сэ сшыхэу Ибрахьим къытехъукІыгъэ цІыфхэри, шъо къышъухэт­хэу нэмыкІ цІыфхэу Тхьэм ищынагъо зыгу илъхэри, Тхьэм цІыфхэр мыкІодхэу къызэригъэнэжьхэрэм икъэ­бар къызнэсыгъэхэр тэры. 27Ерусалим дэсхэмрэ ахэмэ ятхьаматэхэмрэ цІыфхэр мыкІодхэу къэзыгъэнэжьырэр зэрэ Хьисэр къашІэжьыгъэп. УкІ ежьым къытралъхьагъ, ау арэущтэу пегъымбархэм ягущыІэхэу шэмбэт мафэ къэсми синэгогухэм щызаджэхэрэр къагъэшъыпкъэжьы­гъэх. 28УкІ Хьисэ зыкІытралъхьащт Іоф амыгъотыгъэ пэтми, Іэшъхьэтетэу Пилат* ар ыукІынэу елъэІущтыгъэх. 29Хьисэ ехьылІагъэу Тхьэм игущыІэ тхыгъэхэм арытхэр зэкІэ ахэмэ загъэцакІэ ужым, Хьисэ игъусэхэм ежь ихьа­дэ къащым къыпахыжьи, къэунэм чІалъхьажьыгъ. 30Ау Тхьэм ар лІагъэхэм къахигъэтэджыкІыжьыгъ. 31ЕтІанэ Хьисэ ежь игъусэхэу Галилей хэкум къикІыгъэхэу, Еру­салим къэкІогъагъэхэм мафэ пчъагъэхэм акІоцІ заригъэлъэгъущтыгъ. Джы ахэр ары тэ тлъэпкъ ыпашъхьэ Хьисэ шыхьат щыфэхъухэрэр.

 

13:22 Тхьэм Даутэ . . . шыхьат фэхъугъ – еплъ Сэбур (Псалтыр) 89:20 (урыс библиемкІэ 88:21); Пегъымбар Самуел икъэбар зэрыт апэрэ тхылъым (1-я Царств) 13:14.

13:25 Иуан . . . къыІуагъ – еплъ Лука 3:16.

13:28 Пилат – еплъ 3:13.

 

32–Джы мы къэбарышІур тэ къышъотэІо: Тхьэм Хьисэ лІагъэхэм къызэрахигъэтэджыкІыжьыгъэмкІэ тэ тя­тэжъхэр къызэригъэгугъэгъэ Іофхэр къыгъэхъухэзэ, тэ ахэмэ атехъукІыгъэ цІыфхэм къытфигъэшъыпкъэ­жьыгъ. 33Сэбурым итэу ятІонэрэ орэдым* Тхьэм Хьисэ къызэрэщыриІорэм фэдэу:

«Оры Скъор, непэ ты сыпфэхъугъ».

34 Тхьэм Хьисэ лІагъэхэм къызэрахигъэтэджыкІыжьы­гъэр егъашІэми мылІэжьыным пае, мы гущыІэхэмкІэ Тхьэм къыІуагъ:*

«СынэшІу щыфэныгъэ лъапІэр шъыпкъэмкІэ шъо къышъулъызгъэсыщт, Даутэ зэрэзгъэгугъэгъа­гъэм фэдэу».

35Тхьэм игущыІэ тхыгъэхэм ащыщэу нэмыкІ чІыпІэм ыдэжь зэритым фэдэу,*

«О уиІорышІэ ихьадэ бгъэшъущтэп».

З6–Сыда пІомэ Тхьэм игухэлъ тетэу Даутэ имафэхэм Тхьэм фэлажьэщтыгъ, етІанэ дунаим ехыжьыгъ. Ятэжъ­хэм адэжь къэунэм чІалъхьажьи, ихьади шъугъэ. 37Ау Тхьэм лІагъэхэм къахигъэтэджыкІыжьыгъэр джыри зэ лІэжьыгъэп, ихьади шъужьыгъэп. 38Арышъ, сэ сшыхэр, мыр зэжъугъашІэ, шъо шъуипсэкІодхэр Хьисэ къызэрэ­шъуфигъэгъухэрэм икъэбар къышъотэгъэІу. 39Хьисэ ежьымкІэ хэти шІошъхъуныгъэ зиІэм ипсэкІод пстэури тырехых, ау пегъымбар Мусэ и Тэурат хабзэ псэкІод­хэр къышъутырихын ылъэкІырэп. 40Шъузфэсакъыжь, пегъымбархэм мы гущыІэхэу къаІуагъэхэр* къышъорэ­мыхъулІэх:

41«ШъукъэдаІу, шъо Тхьэм къыІуагъэхэм нэмыплъ языххэрэр,

жъугъэшІагъуи шъукІод;

сыда пІомэ шъо шъуимафэхэм Іофышхо горэ згъэцэкІэщт.

 

13:33 Сэбурым итэу ятІонэрэ орэдыр – еплъ Сэбур (Псалтыр) 2:7.

13:34 Тхьэм къыІуагъ – еплъ Пегъымбар Ешай тхылъэу ытхыгъэм 55:3.

13:35 нэмыкІ чІыпІэм ыдэжь зэритым фэдэу – еплъ Сэбур (Псалтыр) 16:10 (урыс библиемкІэ 15:10).

13:40-41 пегъымбархэм мы гущыІэхэу къаГуагъэхэр – еплъ Пегъымбар Аввакум тхылъэу ытхыгъэм 1:5.

 

А Іофышхом икъэбар зыгорэм къышъуиІуагъэми, шъо шъушІошъ хъущтгъэп».

42Паулрэ Варнавэрэ синэгогум къычІэкІыжьхэзэ, къы­кІэлъыкІорэ шэмбэт мафэм а Іофхэм атегущыІэжьын­хэу цІыфхэр къялъэІугъэх. 43ЗэІукІэр зызэбгырэкІы­жьым, джуртхэм ащыщхэу бэхэри, хымэхэу джурт хъугъэ­хэм ащыщхэу бэхэри Паулрэ Варнавэрэ ягъусэхэу кІощты­гъэх. ИтІур ахэмэ адэгущыІэхи, Тхьэм ынэшІу къызэращифэщтым ыуж ит зэпытынхэу афагъэпытагъ.

44КъыкІэлъыкІорэ шэмбэт мафэм Тхьэм игущыІэхэм ядэІунхэм пае, къалэм дэс цІыф пстэури къэнэгъэ шІагъо щымыІэу зэрэугъоигъэх. 45Ау джуртхэм цІыф купышхо­хэр залъэгъухэм, шъугъоныр агу къихьи, ехъонхэзэ, Паул къыІуагъэхэм апэуцужьыщтыгъэх.

46Джащыгъум Паулрэ Варнавэрэ гушхоныгъэкІэ къа­Іуагъ:

–Тхьэм игущыІэхэр ыпэ рапшІэу шъо къышъотІонхэ фэягъ. Ау шъо Тхьэм игущыІэхэр щыжъугъэзыехэу, арэущтэу мыкІодыжьын щыІэныгъэ шъуиІэ хъунэу зыфэжъугъэшъуашэрэп. Арышъ, хымэ лъэпкъхэм ащыщ­хэм тэ зафэтэгъазэ; 47сыда пІомэ Тхьэм мырэу­щтэу унашъо къытфишІыгъ:*

«Хымэ лъэпкъхэм нэфынэ уафэхъунэу узгъэуцугъ, дунаим ыкъуапэхэм анэсыфэ, цІыфхэр мыкІодхэу Тхьэм къыуигъэгъэнэжьынхэм пае».

48Хымэ лъэпкъхэм ащыщхэм ар зызэхахым, гушІохи, Зиусхьаным игущыІэхэм щытхъу афашІыгъ. МыкІоды­жьын щыІэныгъэ яІэ хъунэу Тхьэм ыгъэнэфэгъэ цІыф пстэуми шІошъхъуныгъэ яІэ хъугъэ.

493иусхьаным игущыІэхэр а хэкум тыдэкІи цІыфхэм анэсхэу хъугъэ. 50Ау джуртхэм лъытэныгъэ зиІэ бзы­лъфыгъэхэу Тхьэр зыгъэлъапІэхэрэмрэ къалэм итхьа­матэхэмрэ къызэкІагъэплъыхьагъэх. ЕтІанэ цІыфхэр Паулрэ Варнавэрэ атебэнэнхэу зэкІагъэблагъэх, яхэкуми къарафыгъэх. 51Паулрэ Варнавэрэ алъакъохэм акІэ­рылъ сапэр цІыфхэм апашъхьэ щыкІэрагъэтэкъужьи, Иконие къалэм кІуагъэх. 52Ау ХьисэкІэ шІошъхъуныгъэ зиІэхэм агухэм гушІуагъорэ Тхьэм ы Псэ ЛъапІэрэ инэу арылъ хъугъэх.

 

13:47 Тхьэм унашъо къытфишІыгъ – еплъ Пегъымбар Ешай тхылъэу ытхыгъэм 49:6.

 

 

14

ЯПШІЫКІУПЛІЭНЭРЭШЪХЬ

 

Паулрэ Варнавэрэ Иконие къалэм Тхьэм игущыІэхэр зэрэщагъэІущтыгъэхэр

 

Иконие къалэм Паулрэ Варнавэрэ зынэсхэм, яхабзэ тетэу, джуртхэм ясинэгогу чІэхьагъэх. Джуртхэмрэ алыджхэмрэ* ащыщхэу бэмэ шІошъхъуныгъэ яІэ агъэ­хъузэ, адэгущыІагъэх. 2Ау шІошъхъуныгъэ зиІэ хъунхэу зымыдэрэ джуртхэм хымэ лъэпкъхэм ащыщхэр зэкІа­гъэплъыхьахи, шыхэмэ къафагъэгубжыгъэх. 3Паулрэ Варнавэрэ Зиусхьаным икъэбар гушхоныгъэкІэ цІыфхэм араІозэ, а къалэм бэрэ щыІагъэх. Зиусхьаными ынэшІу щыфэныгъэм ехьылІэгъэ къэбарышІур* ыгъэшъыпкъэ­жьызэ, нэшэнэ гъэшІэгъонышхохэр къагъэлъэгъонхэуи Іофышхо гъэшІэгъонхэр ашІэнхэуи Паулрэ Варнавэрэ лъэкІыныгъэ аритыгъ. 4Ау къалэм ицІыфхэр лІэныкъуи­тІоу зэрэгъэхъугъэх. Зы купыр джуртхэм агохьагъэх, адрэ купри апостолхэм агохьагъэх. 5ЕтІанэ хымэ лъэпкъ­хэм ащыщхэри, джуртхэри, ахэмэ ятхьаматэхэри ягъу­сэхэу зэгурыІохи, Паулрэ Варнавэрэ лые къарахынэуи мыжъохэмкІэ къяохэзэ, къаукІынхэуи гухэлъ ашІыгъ. 6Паулрэ Варнавэрэ ахэмэ ягухэлъ къызашІэм, Ликаоние хэкум щыщ къалэхэу Листрэрэ Дервиерэ ахэмэ яІэгъо-благъо хэкумрэ кІатхъужьыгъ. 7А чІыпІэхэми къэбары­шІур щагъэІугъ.

 

Паулрэ Варнавэрэ Листрэ къалэм Тхьэм игущыІэхэр

зэрэщагъэІущтыгъэхэр

 

8Листрэ къалэм лІы сэкъат горэ дэсыгъ. Къызыхъу­гъэм щегъэжьагъэу ылъакъохэм атеуцон ымылъэкІэу, егъашІэми земыкІошъоу ащ дэжьым щысыгъ. 9Паул къэгущыІэ зэхъум, а лІыр едэІущтыгъ. Паул а лІым зеплъым, хъужьынэу ащ шІошъхъуныгъэ иІэу зелъэгъум, 10мэкъэшхокІэ къыІуагъ:

 

14:1 алыджхэр – грекхэр ары.

14:3 къэбарышІур – еплъ 8:4.

 

–Зиусхьанэу Хьисэ Мэссихь ыцІэкІэ къыосэІо: Къэтэджи, плъакъохэм къатеуцу.

А лІыр къызщылъэти, къыкІухьэу ыублагъ.

11Паул ышІагъэр цІыф купышхохэм залъэгъум, мэкъэ­шхокІэ Ликаоние хэкум ыбзэкІэ* къаІуагъ:

–Тхьэхэр цІыф плъышъоу къытфехыгъэх.

12Варнавэ ЗевскІэ* еджагъэх, къэгущыІэрэр Паул арыти, ащ ЕрмыйкІэ* еджагъэх. 133евс иунэшхоу къалэм тІэкІу дэдзыгъэу щытым идин пащэм цІыфхэм цухэр къэлапчъэм къаригъащэхи, танджэхэри къаригъэхьыхи, ежьыми цІыф купышхоми Варнавэрэ Паулрэ къурмэн афашІынэу фэягъэх.

14Ау апостолхэу Варнавэрэ Паулрэ ар зызэхахым, афа­мыдэу ящыгъынхэр зэІатхъыжьхи, цІыф купышхом ахэ­лъадэхи, куохэу къаІуагъ:

15–Шъо лІы купыр, сыда мы шъушІэхэрэр? Шъо ты­шъуфэдэу тэри тыцІыф. Мы тхьэ нэпцІхэу зишІуагъэ къэмыкІощтхэм шъуакІыб афэжъугъэзэжьэу Тхьэ шъыпкъэу псаоу щытым зыфэжъугъэзэжьыным пае, къэба­рышІур къышъуфэтэгъэІу. Тхьэр ары уашъори, чІыри, хыри, ахэмэ ащыпсэурэ пстэури къэзыгъэхъугъэр. 16Блэ­кІыгъэ лъэхъанэхэм лъэпкъ пстэури зэрэфаехэу ежь ягъогу рыкІонхэу фит ышІыгъагъэх. 17Ау щытми, Тхьэм шыхьат имыІэу зыкъигъэнагъэп: Уашъом къикІэу ощх къышъуфыригъэщхызэ, игъом гъажъор къышъуфигъэ­кІызэ, шхын шъуфимыгъэныкъозэ, шъуигъэгушІозэ шІу­гъэ къышъуфишІагъ.

18Паулрэ Варнавэрэ арэущтэу аІозэ, къурмэн зыфара­мыгъэшІэу, цІыф купышхор ерагъэу зэтыраІэжьагъэх.

19Ащ нэужым Антиохие къалэмрэ, Иконие къалэмрэ къарыкІхэу джурт куп къэкІуагъ. Апостолхэм гушхо­ныгъэкІэ Тхьэм игущыІэхэр агъэІухэзэ, а джуртхэм цІыфхэр апостолхэм агуагъэкІыгъэх, мырэущтэу аІозэ: «Мы лІыхэм шъыпкъэр къаІорэп, пцІы къаусы нахь».

 

14:11 Ликаоние хэкум ыбзэкІэ – Паулрэ Варнавэрэ Ликаоние хэкум ыбзэ къагурыІон алъэкІыгъэп. Рим (Рум) къэралыгъошхом тыдэкІэ зэрыщыгущыІэрэ бзэр алыджэбзэр (грекыбзэр) арыгъэ.

14:12 Зевс – алыджхэм ятхьэу зыфаІохэрэм ащыщэу анахь иныр арыгъэ.

14:12 Ермый – алыджхэм ятхьэу зыфаІохэрэм ащыщэу адрэ тхьэу зыфаІохэрэм яІофтабгэ арыгъэ.

 

    ЕтІанэ а джуртхэм цІыф купышхор зэкІагъэплъы­хьэхи, Паул мыжъокІэ къеохэзэ, къаукІынэу пылъы­гъэх, лІагъэуи аІозэ, къалэм далъэшъугъ. 20Ау етІанэ Паул игъусэхэм къауцухьи, Паул къэтэджи, къалэм дэ­хьажьыгъ. ЯтІонэрэ мафэм Варнавэ игъусэу Паул Дервие къалэм кІуагъэ.

 

Паулрэ Варнавэрэ Сирие хэкум щыщ Антиохие къалэм

зэрагъэзэжьыгъэр

 

21Паулрэ Варнавэрэ Дервие къалэми къэбарышІур ща­гъэІузэ, цІыфыбэхэр Хьисэ игъогу зытырагъахьэхэ ужым, къалэхэу Листрэ, Иконие, Антиохие агъэзэжьыгъ. 22А къалэхэм ХьисэкІэ шІошъхъунгъэ зиІэ хъугъэхэр щагъэ­гушхохи, шІошъхъуныгъэм игъогу темыкІынхэу афагъэ­пытэзэ араІуагъ:

    –Тхьэм и Тетыгъошхо* ыІэчІэгъ къин тщэчызэ ты­чІэхьан фае.

23Паулрэ Варнавэрэ тэдрэ чылыс зэІукІэм нахьыжъ­хэр* фагъэнафэхи, Тхьэм елъэІухэзэ, чэщи мафи анэ­кІэу, ахэмэ Зиусхьанэу шІошъхъуныгъэ зыфыряІэ хъугъэм ынаІэ къатыригъэтынэу фагъэзагъэх. 24Ащ нэужым Писидие хэкум кІоцІырыкІыхи, Памфилие хэкум нэсы­гъэх. 25Пергие къалэм Зиусхьаным игущыІэхэр къызы­щагъэІухэ ужым, Атталие къалэм ехыгъэх.

    26А къалэм къыдэкІыхи, къухьэкІэ Антиохие къалэм кІуагъэх. Антиохиер ары чылыс зэІукІэм щыщхэм Паул­рэ Варнавэрэ джы агъэцэкІэгъэ Іофым пае, Тхьэм ынэ­шІу къащифэнэу зыщыфагъэзагъэр. 27Паулрэ Варнавэрэ Антиохием зынэсхэм, чылыс зэІукІэм щыщхэр аугъоихи, Тхьэм ахэмэ аригъэгъэцэкІэгъэ Іоф пстэури къаІотэ­жьыгъэх, хымэ лъэпкъхэм ащыщхэми шІошъхъуныгъэ яІэ хъунэу Тхьэм пчъэр зэрафыІуихыгъэри къаІотэ­жьыгъ. 28ЕтІанэ ХьисэкІэ шІошъхъуныгъэ зиІэхэм адэжь бэрэ щыІэнхэу къэнагъэх.

 

14:22 Тхьэм и Тетыгъошхо – еплъ 1:3. 14:23 нахьыжъхэр – еплъ 11:30.

 

 

15

ЯПШІЫКІУТФЭНЭРЭШЪХЬ

 

Апостолхэмрэ* нахьыжъхэмрэ* Ерусалим зэІукІэ зэрэщашІыгъэр

 

Зы лІы горэхэр Иудей хэкум къикІыхи, Антиохием къакІохи, ашыхэмэ арагъашІэу аублагъ, мырэущтэу аІозэ:

–Пегъымбар Мусэ и Тэурат хабзэ сунэт шъуашІын фаеу зэритым пае, сунэт шъуамышІымэ, шъумыкІодэу Тхьэм шъукъигъэнэжьыщтэп.

2Паулрэ Варнавэрэ ахэмэ агурымыІохэу, лъэшэу янэ­къокъугъэх. Арыти, Паулрэ Варнавэрэ цІыф заулэ ягъу­сэхэу, мы Іофым ехьылІагъэу Ерусалим дэс апостол­хэмрэ нахьыжъхэмрэ адэжь агъэкІонхэу ашыхэм тыра­убытагъ. 3Арэущтэу чылыс зэІукІэм щыщхэр Паулрэ Варнавэрэ адэкІуатэхэзэ, гъогум тырагъэхьагъэх. Паулрэ Варнавэрэ хэкухэу Финикиерэ Самариерэ кІоцІырыкІы­гъэх. КІоцІырыкІыхэ зэхъум, хымэ лъэпкъхэм ащыщхэр Тхьэм игъогу зэрэтехьагъэхэм икъэбар афаІотэжьызэ, ашы пстэури инэу агъэгушІуагъэх. 4Ерусалим зынэсхэм, чылыс зэІукІэм щыщхэми, апостолхэми, нахьыжъхэми ахэр рагъэблэгъагъэх. Тхьэм ахэмэ ашІэнхэу аригъэлъэ­кІыгъэ Іоф пстэури араІотэжьыгъэх.

5Ау шІошъхъуныгъэ зиІэ лІы горэхэу диным рыкІорэ цІыф купэу фарисей* купкІэ заджэхэрэм ащыщхэр къэ­тэджхи къаІуагъ:

–Хымэ лъэпкъхэм ащыщхэри сунэт шъушІынхэ фае, пегъымбар Мусэ и Тэурат хабзэ итхэри яжъугъэгъэцэ­кІэнхэ фае.

6А Іофым тегущыІэнхэу апостолхэри нахьыжъхэри зэрэугъоигъэх. 7Бэрэ зызэнэкъокъухэ ужым, Петрэ къэтэджи, адрэхэм ариІуагъ:

–Сшыхэр, шъори шъошІэба, хымэ лъэпкъхэм ащыщ­хэм ЗиусхьанымкІэ шІошъхъуныгъэ яІэ хъуным пае, къэбарышІур язгъэІунэу блэкІыгъэ мафэхэм Тхьэм шъо сэ сыкъызэрэшъухихыгъэр? 8Тхьэу цІыфхэм агухэм ары­лъыр зышІэрэм ежь ы

15:1 апостол – еплъ 1:2.

15:1 нахьыжъхэр – еплъ 11:30.

15:5 фарисейхэр – еплъ 5:34.

 

Псэ ЛъапІэ тэ къызэрэтфыригъэгъэхыгъэм фэдэу, хымэ лъэпкъхэм ащыщхэми къафы­ригъэхызэ, ахэр зэридэхэрэр къыгъэлъэгъуагъ. 9Тэррэ ахэмрэ тазыфагу Тхьэм зэхэдз зи ышІыгъэп, сыда пІомэ ахэми агухэр шІошъхъуныгъэмкІэ ыгъэкъэбзэжьыгъэх. 10Тэри тятэжъхэми тфэмыхьыгъэ къиныр ХьисэкІэ шІошъхъуныгъэ зиІэхэм атешъулъхьэзэ, сыда Тхьэр жъугъэунэ­фынэу ыуж шъузыкІитыр? 11Ау ти Зиусхьанэу Хьисэ Мэссихь ынэшІу щыфэныгъэм игъогукІэ тэ тымыкІодэу, Тхьэм тыкъызэригъэнэжьырэр тшІошъ мэхъу, ынэшІу щыфэныгъэ игъогукІэ хымэ лъэпкъхэм ащыщхэри мыкІодхэу, Тхьэм къызэригъэнэжьыхэрэм фэдэу.

12ЗэІукІэгъэ цІыф пстэуми заушъэфи, хымэ лъэпкъхэм адэжь Тхьэм Варнавэрэ Паулрэ нэшэнэ гъэшІэгъонышхо­хэу къыщаригъэгъэлъэгъуагъэхэри, Іофышхо гъэшІэгъон­хэу щаригъэшІагъэхэри къызаІотэжьхэм, ядэІугъэх. 13ЕтІанэ гущыІэныр заухым, Якъубэ* къэгущыІэу ыублагъ:

–Сшыхэр, къасІорэм шъукъедэІу. 14Тхьэр лъэпкъэу ежь ыцІэкІэ зэреджэщтыр къыхихыным пае, хымэ лъэ­пкъхэм ащыщхэм яплъынэу апэу зэрэхъугъэр Симон зэ­хэтигъэшІыкІыгъ. 15Пегъымбархэм ягущыІэхэр Петрэ къыІуагъэхэм атефэх. Тхьэм игущыІэ тхыгъэхэм зэра­рытым фэдэу,*

16«ЕтІанэ къэзгъэзэжьынышъ,

пачъыхьэ Даутэ иунэу зэхэфагъэр

зэтезгъэуцожьыщт», Зиусхьаным еІо.

«Зэхэкъутагъэхэри сшІыжьынхэшъ,

а унэр зэтезгъэуцожьыщт,

17дунаим ицІыфхэу къэнагъэхэмрэ

сэ сицІыфхэу хъунхэу сызэджэгъэ хымэ лъэпкъ

пстэумрэ Зиусхьаным лъыхъунхэм пае.

18 Мырэущтэу зыІуагъэр Зиусхьанэу мы Іофхэр бэшІагъэу цІыфмэ языгъэшІагъэр ары».

19Якъубэ етІанэ къыпигъэхъожьыгъ:

 

15:13 Якъубэ – еплъ 12:17.

15:15-18 Тхьэм игущыІэ тхыгъэхэм зэрарытым фэдэу – еплъ Пегъымбар Амос тхылъэу ытхыгъэм 9:11-12; Пегъымбар Ешай тхылъэу ытхыгъэм 45:21.

 

–Арышъ, сэ сызэрэгугъэрэмкІэ, хымэ лъэпкъхэм ащыщхэу, Тхьэм игъогу техьэхэрэм къин атетлъхьэ хъущтэп. 20Ау цІыфхэм тхьэ нэпцІхэм афашІыгъэ къур­мэныпхъэм ыл, зинэ шІэным, атхьалэгъэ псэушъхьэхэм* ал, лъым* зыщадзыенэуи, ежьхэм къарамышІэнэу зыфэмыер нэмыкІ цІыфхэм арамышІэнэуи тэ афэттхын фае; 21сыда пІомэ пэсэрэ зэманхэм къащегъэжьагъэу пегъымбар Мусэ и Тэурат хабзэ итхэр къэлэ пстэуми щызы­гъэІухэрэри шэмбэт мафэ къэси ащ итхэм зыщяджэхэрэ синэгогухэри щыІэх.

 

Апостолхэмрэ нахьыжъхэмрэ хымэ лъэпкъхэм

ащыщхэу шІошъхъуныгъэ зиІэ хъугъэхэм

тхылъэу афатхыгъэр

 

22Арэущтэу чылыс зэІукІэр зэрэщытэу ягъусэу апо­столхэмрэ нахьыжъхэмрэ тыраубытагъ ежьхэм яцІыфхэм ащыщхэу лІы заулэ хахынхэу, Паулрэ Варнавэрэ Антио­хие адагъэкІонхэм пае. Ашыхэм ятхьаматэхэм ащыщхэу Иудэу ВарсавэкІэ заджэхэрэмрэ Силэрэ хахыгъэх. 23Мы­рэущтэу тхылъ атхи аратыгъ:

«Тэ тышъушыхэу апостолхэри, нахьыжъхэри, шъо хымэ лъэпкъхэм ащыщ шыхэу Антиохие къалэм дэсхэми, Сирие хэкуми Киликие хэкуми арысхэми, шІуфэс къышъотэхыжьы.

24ЦІыф заулэ тэ къытхэкІыхи, «Сунэт шъуашІын фае, Мусэ и Тэурат хабзэ итхэми шъуядэІун фае», аІозэ, ягущыІэхэмкІэ шъузэІагъэхьагъэуи шъуагъэгумэкІыгъэуи тэ зэхэтхыгъ, ау тэ ахэр къэдгъэкІуагъэхэп. 25Арышъ, тэ тызэІукІагъ. ЛІы заулэ тэ къыхэтхынышъ, тэ шІу тлъэгъурэ Варнавэрэ Паулрэ ягъусэхэу къышъуфэдгъэкІонхэу тызэгурыІуагъ. 26ИтІур Зиусхьанэу Хьисэ Мэссихь ыцІэ фэлажьэхэзэ, апсэ еблэжьыгъэхэп. 27Арэущтэу Иудэрэ Силэрэ къышъуфэтэгъакІох. Ахэми тэ ттхыгъэр ажэкІэ къыжъугурагъэІощт. 28Мы унашъохэу шъузэдэІун фаехэм анэмыкІэу, зи

 

15:20 атхьалэгъэ псэушъхьэхэр – джурт хабзэм иунашъо тетэу, псэу­шъхьэхэр шІуабзы зыхъукІэ, лъыр зэкІэ кІагъэчъын фае.

15:20 лъы – джурт хабзэм иунашъо тетэу, лъы зыхэлъ шхын пшхы мыхъунэу щыт.

 

къышъутетымылъхьанэу Тхьэм ы Псэ ЛъапІи тэри игъоу тлъытагъэ: 29ЦІыфхэм тхьэ нэпцІхэм афашІыгъэ къурмэныпхъэм ыл, лъым, атхьалэгъэ псэушъхьэхэм ал, зинэ шІэным защыжъудзый. Шъо къышъуашІэнэу шъузыфэмыери нэмыкІ цІыфхэм яшъумышІ. А Іофхэм защыжъудзыемэ, дэгъур шъошІэ. Шъотхъэжь».

30Арэущтэу а лІыхэр гъогум тырагъэхьагъэх. Ахэр Антиохие зынэсхэм, чылыс зэІукІэм щыщхэр аугъоихи, тхылъыр аратыгъ. 31 Ахэр тхылъым зеджэхэм, къэбарэу ащ итым ыгъэгушхохэзэ ыгъэгушІуагъэх. 32Иудэрэ Си­лэрэ, ежьхэр пегъымбархэу щытхэу, гущыІабэкІэ ашыхэм агухэр агъэпытэхэзэ, агъэгушхуагъэх. 33Ахэр зы тІэкІурэ ащ дэжьым зыдэсхэ ужым, къэзыгъэкІуагъэхэм адэжь агъэзэжьынэу ашыхэм гъогу мафэкІэ гъогум къытыра­гъэхьажьыгъэх. 34Ау Силэ Антиохие къыдэнэнэу тыри­убытагъ, Иудэми Ерусалим ыгъэзэжьыгъ. 35Паулрэ Вар­навэрэ Антиохие къыдэнагъэх. НэмыкІыбэхэм ягъусэ­хэу, цІыфхэм Зиусхьаным игущыІэхэр арагъашІэхэзэ, къэбарышІури арагъэІузэ, Антиохие дэсыгъэх.

 

Паулрэ Варнавэрэ зэрэзэгокІыгъэхэр

 

36Зы тІэкІу тешІагъэу Паул Варнавэ риІуагъ:

–Тхьэм игущыІэхэр зыщыдгъэІугъэ къэлэ пстэуми адэс тшыхэм адэжь дгъэзэжьынышъ, зыфэдэхэр зэрэщытхэр зэдгъэлъэгъунхэу тыгъэкІожь.

37Варнавэ Иуан МарккІи заджэхэрэр ягъусэу зыди­щэнэу фэягъ. 38Ау Паул ар ягъусэу зыдищэнэу игъоу ылъытагъэп; сыда пІомэ Иуан МарккІэ заджэхэрэр Памфилие хэкум ахэмэ щагокІи, Іоф адишІэнэу адэкІо­гъагъэп. 39Паулрэ Варнавэрэ ащ фэдизэу зэрэзэнэкъо­къугъэхэм пае, зэгокІыгъэх. Варнавэ Марк зыдищи, Кипр хыгъэхъунэм* къухьэкІэ кІуагъэ. 40Ау Паул гъусэ фэхъу­нэу Силэ къыхихыгъ. Ашыхэм Тхьэм ынэшІу ахэмэ къащи­фэнэу зыфагъазэ ужым, ахэр гъогум техьагъэх. 41Чы­лыс зэІукІэхэм ащыщхэр агъэгушхохэзэ, Сирие хэкумрэ Киликие хэкумрэ къакІухьэщтыгъэх.

 

15:39 хыгъэхъунэ – еплъ 4:36.

 

 

16

ЯПШІЫКІУХЭНЭРЭШЪХЬ

 

Тимофей Паулрэ Силэрэ гъусэ зэрафэхъугъэр

 

Ащ нэужым Паул Дервие къалэм, етІанэ Листрэ къалэм нэсыгъ. Тимофей зыцІэу ХьисэкІэ шІошъхъуныгъэ зиІэ лІы горэ а къалэм дэсыгъ. Ащ янэ шІошъхъуныгъэ зиІэ джуртэу щытыгъ, яти алыджэу щытыгъ. 2Къалэхэу Листрэрэ Икониерэ адэс ашыхэм а лІым лъытэныгъэ фыряІэу щытыгъ. 3Паул Тимофей зыдищэнэу фэягъ. Джуртхэу а лъэныкъом исхэм апае Паул зыгорэм Ти­мофей сунэт ригъэшІыгъ*; сыда пІомэ Тимофей ятэ алыджэу зэрэщытыр зэкІэми ашІэщтыгъэти ары. 4Къа­лэхэр къакІухьэхэу, Ерусалим дэс апостолхэмрэ нахьы­жъхэмрэ ашІыгъэ унашъохэм ядэІунхэм пае, шІошъхъу­ныгъэ зиІэхэм а унашъохэр араІуагъэх. 5Арэущтэу чы­лыс зэІукІэхэм ащыщхэм нахь шІошъхъуныгъэшхо яІэ хъузэ, мафэ къэси шІошъхъуныгъэ зиІэхэм япчъагъэ хахъощтыгъ.

 

Троадэ къалэм Тхьэм Паул зыгорэ

къызэрэщыфигъэлъэгъуагъэр

 

6Паулрэ игъусэхэмрэ Асие хэкум Тхьэм игущыІэхэр ща­гъэІунхэу Тхьэм ы Псэ ЛъапІэ фит ымышІыхэзэ, ахэр Фригиерэ Галатиерэ яхэку зэпырыкІыжьыгъэх. 7Мисие хэкум зынэсхэм, Вифиние хэкум ихьанхэу пы­лъыгъэх, ау Хьисэ ы Псэ ЛъапІэ ихьанхэу фит ышІы­гъэхэп. 8Арэущтэу Мисие хэкум кІоцІырыкІыхи, Троадэ къалэм* ехыгъэх. 9Чэщым Тхьэм Паул зыгорэ къыфи­гъэлъэгъуагъ. Македоние хэкум* щыщэу зы лІы горэ ащ дэжьым щытэу къелъэІугъ:

–Македонием къакІуи, ІэпыІэгъу къытфэхъу.

10Паул ар къызэрэфэлъагъоу, къэбарышІур а цІыф­хэми ядгъэІунэу Тхьэр къызэрэтэджагъэм тыщыгугъэу, Македоние хэкум тыкІонэу зыдгъэхьазырыгъ*.

 

16:3 сунэт ригъэшІыгъ – Тимофей янэ джуртэу зэрэщытым пае, Тимофей джуртэу алъытэн фаеу щытыгъ. Ау ар сунэт амышІымэ, Паул синэгогухэм Тхьэм игущыІэхэр зыщигъэІухэрэм, щыдэлэжьэн ылъэкІыщтгъэп.

16:8 Троадэ къалэр – къухьэуцупІэ иІэу, Эгейскэ хым Іутэу (джырэ Тыркуим итыгъэ къохьэпІэ хыІушъор ары), Мисие хэкум щыщыгъ.

 

Лидие зыцІэ бзылъфыгъэр Хьисэ игъогу зэрэтехьагъэр

 

11Арэущтэу Троадэ къалэм къухьэкІэ тыщежьи, занкІэу Самофракие хыгъэхъунэм тыкІуи, ятІонэрэ мафэми Неа­пол къалэм тынэсыгъ.12ЕтІанэ ащ дэжьыми тыдэкІи, Филиппи къалэм тыкІуагъ. Ар Македоние хэкум щыщэу а лъэныкъом икъэлэшхоу щытыгъ. А къалэр зыгъэуцу­гъагъэр Рим къэралыгъошхом ицІыфхэр ары. А къалэм мафэ заулэрэ тыдэсыгъ.

13Шэмбэт мафэм* къалэм тыдэкІи, псыхъом тыкІуагъ. Ащ дэжьым цІыфхэр Тхьэм зыщелъэІурэ чІыпІэ щыдгъо­тыщт тІуи, тытІыси, зэрэугъоигъэхэ бзылъфыгъэмэ та­дэгущыІагъ. 143ы бзылъфыгъэ горэ, Лидие ыцІэу, къэ­даІощтыгъ. Ар Фиатирэ къалэм щыщэу, шэкІ плъыжь чІапцІэ лъапІэр зыщэхэрэм ащыщыгъ. Ар Тхьэр зыгъэ­лъэпІэрэ бзылъфыгъэу щытыгъ. Паул къыІохэрэм ыгу етыгъэу ядэІунэу Зиусхьаным ащ ыгу зэІуихыгъ. 15Ари ащ иунэ исхэри тыумэхъыгъэх. Зытэумэхъхэм, бзылъ­фыгъэр къытэлъэІуи къыІуагъ:

–ЗиусхьанымкІэ шІошъхъуныгъэ зиІэхэм сащыщэу шъолъытэмэ, сиунэ шъуисынэу шъукъеблагъ.

Арэущтэу ыІозэ, тыкъигъэнагъ.

 

Тетыгъо зиІэхэм Паулрэ Силэрэ Филиппи къалэм хьапсым зэрэщычІадзагъэхэр

 

16ы мафэ горэм цІыфхэр Тхьэм зыщелъэІурэ чІыпІэм тыкІозэ, джынапцІэ зыхэсэу, къэхъущт-къэшІэщт Іоф­хэр къэзыІон зылъэкІырэ унэІут пшъашъэ горэ къытІу­кІагъ. Къэхъущт-къэшІэщтхэр къыІохэзэ, итхьаматэхэмэ ахъщабэ къафигъахъэщтыгъ. 17А пшъашъэр Паулрэ тэррэ тауж имыкІэу, кууозэ мырэущтэу къыІощтыгъ:

–Мы лІыхэр Тхьэу анахь Иным илІыкІох. ШъумыкІо­дэу, Тхьэм шъукъызэригъэнэжьырэ гъогур ахэмэ къы­шъуагъэІу.

 

16:9 Македоние хэкур – Рим къэралыгъошхом щыщ хэкоу щытыгъ. А хэкур джырэ Грецием итемыр Іахьэу щытыгъ. Македонием икъэлэшхоу щытыгъэр Фессалоникэ ары.

16:10 зыдгъэхьазырыгъ – Троадэ къалэм щегъэжьагъэу Филиппи къа­лэм нэсы мы тхылъыр зытхыгъэр Паул игъусагъ.

16:13 шэмбэт мафэр – еплъ 13:14.

 

18Джарэущтэу мэфэ заулэрэ ышІагъ. ЕтІанэ Паул губжи, зыкъызэригъэзэкІи, джынапцІэм риІуагъ:

–Хьисэ Мэссихь ыцІэкІэ мы пшъашъэм ухэкІынэу уна­шъо къыпфэсэшІы.

Ардэдэм джынапцІэр пшъашъэм хэкІыжьыгъ.

19Ахъщэ къэкІуапІэу зыщыгугъыхэрэр зэрэщымыІэ­жьыр пшъашъэм итхьаматэхэм залъэгъум, Паулрэ Силэрэ аубытхи, къалэм изэхэхьапІэм тетыгъо зиІэхэм апашъхьэ кІуачІэкІэ ралъэшъуагъэх. 20Іэшъхьэтетхэм апашъхьэ зыращэхэм, мырэущтэу къаІуагъ:

–Мы лІыхэр джуртых. Тикъалэ инэу зэІагъахьэ. 21Тэ Рим къэралыгъошхом ицІыфхэм хабзэхэу зетымыхьэ­пхъэнхэри тымышІапхъэхэри мы лІыхэм агъэІух.

22ЦІыф купышхор ахэмэ ягъусэхэу Паулрэ Силэрэ атебэнагъэх. Іэшъхьэтетхэм Паулрэ Силэрэ ящыгъын­хэр зэІатхъыжьхи, къамыщкІэ яонхэу дзэлІхэм унашъо афашІыгъ. 23Утыныбэ зарахы ужым, хьапсым чІадзагъэх. Хьапс ухъумакІоми афэсакъыпэу ыухъумэнхэу унашъо фашІыгъ. 24Арэущтэу унашъо зыфашІым, ухъумакІом ахэр хьапсым иунэ кІоцІ дэдэм чІидзэхи, алъакъохэри пкъэум рипхыгъэх.

25Чэщныкъом ыдэжь Паулрэ Силэрэ Тхьэм елъэІущты­гъэх, тхьэщытхъу орэдхэри къаІощтыгъэх. Адрэ хьапс­чІэсхэри ахэмэ ядэІущтыгъэх. 26ОшІэ-дэмышІэу хьапсым ылъапсэхэр хъыехэзэ, чІыгур инэу къэсысыгъ. Ардэдэм хьапсым ипчъэхэр зэкІэ къызэІукІыгъэх. ГъучІ лъэхъу­хэу хьапсчІэсхэм ателъыгъэхэри зэкІэ атезыгъэх. 27Хьапс ухъумакІор къэущи, хьапсым ипчъэхэр зэІухы­гъэхэу зелъэгъум, хьапсчІэсхэр хэхьажьыгъэхэу ыІуи, исэшхо къырихи, зиукІыжьэу ыублагъ. 28Ау Паул мэ­къэшхокІэ къэкууи къыІуагъ:

–Лые зэмыхыжь! Тэ зэкІэри мыщ тыщыІ!

29ЕтІанэ хьапс ухъумакІом зыгорэм остыгъэ нэфынэ къыригъэхьи, хьапсым чІэлъади, Паулрэ Силэрэ апашъ­хьэ кІэзэзэу чІыгум зыщыридзыхыгъ. 30ЕтІанэ хьапсым ахэр къычІищыхи, мырэущтэу къыІуагъ:

–Шъо тхьаматэхэр, сымыкІодэу, Тхьэм сыкъигъэнэ­жьыным пае, сыда сшІэн фаер?

31–Зиусхьан ХьисэкІэ шІошъхъуныгъэ зигъаІи, ори уи­унагъуи шъумыкІодэу Тхьэм шъукъигъэнэжьыщт,– къа­Іожьыгъ ахэмэ.

32ЕтІанэ Паулрэ Силэрэ хьапс ухъумакІоми, ащ иунэ ис пстэуми Зиусхьаным игущыІэхэр араІотагъэх. 33Чэщым а сыхьат дэдэм хьапс ухъумакІом Паулрэ Силэрэ унэ горэм рищэхи, яуІагъэхэр афитхьакІыгъэх. Ащ лъы­пытэу ежьми иунагъо пстэуми зырагъэумэхъыгъ. 34Ащ нэужым хьапс ухъумакІом ахэр ежь иунэ рищэхи, ыгъэ­шхэнхэу Іанэ къафиштагъ. ТхьэмкІэ шІошъхъуныгъэ яІэ зэрэхъугъэм пае, ежьыри иунагъуи гушІуагъэх.

35Нэф къызэшъым, Іэшъхьэтетхэм яІофтабгэхэм «Мы лІыхэр тІупщыжьых», раІонэу хьапс ухъумакІом ыдэжь агъэкІуагъэх. 36Хьапс ухъумакІом а къэбарыр Паул къыриІуагъ:

–Іэшъхьэтетхэм шъуатІупщыжьынэу яІофтабгэхэр къагъэкІуагъэх. Арышъ, джы шъучІэкІыжь. Гъогу ма­фэх.

37–Тэ Рим цІыфхэм* тащыщ пэтми, хьыкумышІэм ыпашъхьэ тырамыщэу, цІыфмэ алъэгъоу къамыщкІэ къытаохи, хьапсым тычІадзагъ,– ариІожьыгъ Паул. –Джы шъэфэу татІупщыжьына? Хьау, ар хъущтэп! Ежь­хэр къэрэкІохи, тыкъычІарэщыжь!

38Іофтабгэхэм а гущыІэхэр Іэшъхьэтетмэ араІотэжьы­гъэх. Паулрэ Силэрэ Рим къэралыгъошхом ицІыфхэм зэращыщхэр Іэшъхьэтетмэ зызэхахым, щынагъэх. 39Ахэр къакІохи, «Губгъэн къытфэшъумылъэгъу», аІуи къя­лъэІугъэх. Хьапсым къычІащыжьхи, къалэм дэкІыжьын­хэу къялъэІугъэх. 40Паулрэ Силэрэ хьапсым къызычІэ­кІыжьхэм, Лидие иунэ кІуагъэх. Ащ дэжьым ашыхэр щалъэгъухи, агъэгушхуагъэх. ЕтІанэ къалэм дэкІыжьы­гъэх.

 

 

17

ЯПШІЫКІУБЛЭНЭРЭШЪХЬ

 

Фессалоникэ къалэм ицІыфхэм Паулрэ игъусэхэмрэ

къин зэрарагъэщэчыгъэр

 

Паулрэ игъусэхэмрэ Амфипол къалэмрэ Аполлоние къалэмрэ къаблэкІхи, Фессалоникэ къалэм къэкІуагъэх.

 

16:37 Рим цІыфхэр – Рим (Рум) хабзэм тетэу Рим цІыфхэу тетыгъо зиІэхэм якъэралыгъошхо ицІыфхэр агъэпщынэнхэм пае, къамыщкІэ яохэ хъущтыгъэп.

 

Джуртхэм а къалэм синэгогу щыряІагъ. 2Паул ихабзэ тетэу ахэмэ адэжь синэгогум чІахьи, шэмбэт мэфищэу Тхьэм игущыІэ тхыгъэмэ ащыщ къафеджэзэ янэкъо­къугъ. 3Мэссихь* къин ыщэчынышъ, лІагъэхэм къахэтэ­джыкІыжьын фаеу зэрэщытыгъэр зэхаригъэшІыкІызэ, къафигъэшъыпкъэжьыгъ.

–Хьисэу зикъэбар сэ къышъозгъэІурэр Мэссихьэу щыт,– къыІуагъ. 4Джуртхэм ащыщхэу заулэмэ шІошъ­хъуныгъэ яІэ хъуи, Паулрэ Силэрэ гъусэ афэхъугъэх. Ащ нэмыкІэу Тхьэр зыгъэлъапІэрэ алыджхэм ащыщхэу бэхэми, бзылъфыгъэ цІэрыІохэм ащыщхэу бэхэми шІошъ­хъуныгъэ яІэ хъугъэ.

5Ау шІошъхъуныгъэ зиІэ мыхъугъэ джуртхэр мэшъугъо­хэти, цІыф зэхэхьапІэм хъулъфыгъэ дэихэр къыщагъот­хи, цІыф купышхо аугъоий, къалэр къагъэбырсырыгъ. ЕтІанэ Иасон иунэ Іулъадэхи, Паулрэ Силэрэ къыра­щынхэшъ, цІыфхэм апашъхьэ къыращэнхэу ауж иты­гъэх. 6Ахэр замыгъотхэм, Иасонрэ къош заулэрэ къалэм итхьаматэхэм апашъхьэ ралъашъохи, куохэзэ, мырэу­щтэу къаІуагъ:

–Дунаир зэкІэ зэІэзыгъахьэрэ цІыфхэр мыщ дэжьыми къэкІуагъэх. 7Иасон ахэр иунэ ригъэблэгъагъэх. «НэмыкІ пачъыхьэу Хьисэ зыцІэр щыІ», аІозэ, Кайсарым иунашъо­хэм апэуцожьых.

8Ахэмэ арэущтэу аІозэ, а гущыІэхэр зэхэзыхыгъэ цІыф купышхомрэ къалэм итхьаматэхэмрэ къагъэбырсы­рыгъэх. 9Ащ нэужым къалэм итхьаматэхэм Иасонрэ игъусэхэмрэ шэсы ахъщэр арагъэгъэтІылъи атІупщы­жьыгъэх.

 

Верие къалэм ицІыфхэм ащыщхэу бэхэр Хьисэ игъогу

зэрэтехьагъэхэр

 

10Чэщ зэрэхъоу, ашыхэм Паулрэ Силэрэ Верие къалэм агъэкІуагъэх. Ахэр зынэсхэм, джуртхэм ясинэгогу чІэхьа­гъэх. 11Фессалоникэ къалэм дэсхэм анахьи Верие къалэм дэсхэм нахь шъыпкъагъэ яІагъ. Тхьэм игущыІэхэр ягуапэу аштагъэх. Паул къыІуагъэхэр Тхьэм игущыІэ тхыгъэхэм арытхэм атефэхэмэ алъэгъуным пае, мафэ къэси Тхьэм игущыІэ тхыгъэхэм ахэплъыхьэщтыгъэх. 12Джуртхэм

 

17:3 Мэссихь – еплъ 2:30.

 

ащыщхэу бэхэми, лъытэныгъэ зиІэ алыдж бзылъфыгъэхэм­рэ хъулъфыгъэхэмрэ ащыщхэу купхэми, шІошъхъуныгъэ яІэ хъугъэ.

13Паул Верие къалэми Тхьэм игущыІэхэр щигъэІухэу зэрэщытыр Фессалоникэ щыщ джуртхэм къызашІэ­жьым, Верие къакІохи, цІыф купышхор зэкІагъэплъыхьагъэх ыкІи къагъэбырсырыгъэх. 14Ардэдэм ышыхэм Паул хыІушъом агъэкІуагъ, ау Силэрэ Тимофейрэ Верие къалэм къыдэнагъэх. 15Паул зыщэхэрэм Афинэ къалэм нэсы ащагъ. Силэрэ Тимофейрэ ыдэжь шІэхэу къэкІонхэу Паул зыщагъэхэм унашъо зафешІым ыуж, ахэмэ агъэзэ­жьыгъ.

 

Паул Афинэ къалэм дэс цІыфхэм апашъхьэ

къызэрэщыгущыІагъэр

 

16Паул Афинэ къалэм Силэрэ Тимофейрэ щапаплъэзэ, тхьэ нэпцІ сурэтхэр къалэм дизэу зелъэгъум, ыгу къеуагъ. 17Арэущтэу Паул джуртхэмрэ Тхьэр зыгъэлъа­пІэхэрэмрэ синэгогум щянэкъокъущтыгъ, мафэ къэси зэхэхьапІэм цІыфхэу щызэІукІэхэрэм щянэкъокъу­щтыгъ. 18Философхэу эпикурейхэмрэ* стоикхэмрэ* зыцІэхэм ащыщхэу зы куп Паул къенэкъокъухэу аублагъ.

–Мы шъхьаубатэм сыда къыІонэу зыфаер?– аІуагъ зызаулэмэ.

–Мы лІым хыматхьэхэм якъэбар зэрехьэ,– аІуагъ адрэ­хэмэ. Арэущтэу зыкІауагъэр Паул Хьисэ ехьылІэгъэ къэбарышІумрэ лІагъэхэр къызэрэтэджыжьыщтхэм* ехьылІэгъэ къэбарышІумрэ зэраригъэІущтыгъэхэр ары.

 

17:18 эпикурей философхэр – алыдж философэу Эпикурей зыцІэр Хьисэ къэхъуным ыпэкІэ, я 270-рэ илъэсым дунаим ехыжьыгъ. Ащ зэриІуагъэмкІэ, щыІэныгъэмкІэ анахьышІоу щыІэр утхъэжьэу упсэуныр ары.

17:18 стоик философхэр – ахэмэ алыдж философэу Сено зыцІэм ыІо­гъагъэхэр цІыфхэм зэхаригъэшІыкІыщтыгъэх. (Сено зылІагъэр Хьисэ къэхъуным ыпэкІэ я 265-рэ илъэсыр ары) Стоик философхэм зэра ІуагъэмкІэ утхъэжьыныр зыфаІорэр къин плъэгъуми, шІу плъэгъуми, узыфаер къыбдэхъуми, къыбдэмыхъуми рэхьатэу гупсэфыныгъэкІэ ущыІэныр ары.

17:18 лІагъэхэр къызэрэтэджыжьыщтхэр – «Къэтэджыжьыныгъэ» зыфа­Іорэ гущыІэр алыджыбзэкІэ къаІомэ, ар бзылъфыгъэ тхьэ горэм ыцІэу пхэнджэу къагурыІонкІи мэхъу.

 

19ЕтІанэ а философхэм Ареопаг* Іуашъхьэм щызэІукІэрэ хасэм ыдэжь Паул зыдащи къыраІуагъ:

–ІофыкІэхэу о цІыфхэм ябгъашІэхэрэр зэхэтэбгъэ­шІыкІынха? 20Сыда пІомэ гущыІэ гъэшІэгъонхэр тэ ттхьакІумэхэм о къареогъадзэх. Ахэмэ къарыкІырэр тшІэмэ тшІоигъу.

21Афинэ къалэм щыщ пстэуми, хымэхэу ащ дэсхэми къэбарыкІэхэр къаІонхэмрэ ядэІунхэмрэ нэмыкІкІэ мафэ­хэр агъакІощтыгъэхэп.

22ЕтІанэ Паул Ареопаг Іуашъхьэм щызэІукІэрэ хасэм ыпашъхьэ къиуцуи, мырэущтэу къыІуагъ:

–Шъо Афинэ лІыхэр! Лъэныкъо пстэумкІэ шъо тхьэ Іаджыхэр инэу жъугъэлъапІэхэу сэлъэгъу; 23сыда пІомэ сэ къэскІухьэзэ, шъуитхьэлъэІупІэхэм сызяплъым, мырэущтэу зытетхэгъэ къурмэншІыпІэ* горэ къэзгъо­тыгъ: «ТымышІэрэ Тхьэм пае». Арышъ, шъо шъумы­шІэрэ Тхьэу жъугъэлъапІэрэм икъэбар ары сэ шъо шъозгъэІурэр.

24–Тхьэу дунаири дунаим тетхэри къэзыгъэхъугъэр уашъоми чІылъэми я Зиусхьанэу щыт. Ар цІыфхэм аІэкІэ ашІыгъэ тхьэлъэІупІэ унэшхохэм арысэу щытэп. 25Ащ зыгорэ зэрищыкІагъэм фэдэу, цІыфмэ аІэкІэ ІэпыІэгъу фэхъунхэу ищыкІагъэп. Ежьыр ары псэ зыхэт пстэури щызыгъаІэхэрэри, жьы къязыгъащэрэри, ящыкІагъэ пстэури язытрэри. 26Тхьэм зы цІыф закъом цІыф лъэпкъ пстэури къыхигъэхъукІыгъэх, дунаим ты­дэкІи щыпсэунхэм пае. Ятетыгъохэмрэ япсэупІэхэмрэ гъунэу афэхъущтхэр къыгъэнэфагъэх. 27Тхьэм цІыфхэр къызфигъэхъугъэр ахэр ежьым лъыхъоу ыкІи Іэбэ-лъа­бэхэзэ, зыгорэущтэу къагъотыныр ары. Ау щытми, Тхьэр тэ тщыщэу хэти пэчыжьэп, 28«Ежьыр ары тызыгъэпсэу­рэри, къэтэзыгъэкІухьэрэри, тыщызыгъаІэрэри», зыго­рэм зэриІуагъэм

 

 

17:19 Ареопаг – «Ареопаг» зыфаІорэ гущыІэм къикІырэр «Арес иІуа­шъхьэ» ары. Алыджхэм ятхьэу зыфаІохэрэм ащыщхэу заом итхьэу Арес арыгъэ. Афинэ къалэм дэсхэм яхасэ а Іуашъхьэм щызэІукІэщтыгъ.

17:23 къурмэншІыпІэ – алыджхэм тхьабэ агъэлъапІэщтыгъэ. Ау амышІэрэ тхьэ щыІэмэ, ари агъэлъэпІэным пае, амышІэрэ тхьэхэм апае къурмэншІыпІэхэр агъэуцугъэх.

 

фэдэу*. «Тэ тырибын», шъо шъуитхакІохэм* ащыщэу зы куп къызэриІуагъэм фэдэу. 29–Арышъ, Тхьэм тызэрибыным пае, цІыфхэм яІэпэІэ­сагъэрэ яакъылыгъэрэкІэ ашІыгъэхэу дышъэм, тыжьы­ным, мыжъом ахашІыкІыгъэ шъо теплъэхэм Тхьэ афэд­гъадэ хъущтэп. 30БлэкІыгъэ лъэхъаныхэм цІыфмэ шІэны­гъэ ямыІэу зыщэтым, Тхьэр наекІэ ахэмэ къяплъыгъа­гъэп, ау джы цІыф пстэури, тыдэ щыІэхэми, япсэкІод­хэм афыкІэгъожьынхэу унашъо къафешІы; 31сыда пІомэ Тхьэм зы мафэ къыгъэнэфагъ. А мафэм Тхьэм ежьым къыгъэнэфэгъэ лІым дунаим ицІыф пстэуми шъыпкъа­гъэкІэ хьыкум атыригъэшІыхьащт. Ащ фэдэу зэрэхъу­щтыр Тхьэм цІыф пстэуми къафигъэшъыпкъэжьыгъ а лІыр лІагъэхэм къызэрахигъэтэджыкІыжьыгъэмкІэ.

32ЛІагъэхэр къызэрэтэджыжьыщтхэм икъэбар Паул къы­Іоу зызэхахым, зы куп Паул дэхьащхыгъ, ау адрэ купым ыІуагъ:

–О зикъэбар къэпІуагъэм джыри тедэІунэу тыфай.

33Арэущтэу Паул ахэмэ ахэкІыжьыгъ. 34Ау цІыф заули Паул гъусэ фэхъухи, шІошъхъуныгъэ яІэ хъугъэ. Ареопаг Іуашъхьэм щызэІукІэрэ хасэм щыщ Дионисый, етІанэ Дамар зыцІэу зы бзылъфыгъэ горэмрэ нэмыкІ купымрэ а шІошъхъуныгъэ зиІэ хъугъэхэм ащыщыгъэх.

 

 

18

ЯПШІЫКІОЕНЭРЭШЪХЬ

 

Паул Коринф къалэм Тхьэм игущыІэхэр зэрэщигъэІущтыгъэхэр

 

Ащ нэужым Паул Афинэ къалэм дэкІыжьи, Коринф къалэм кІуагъэ. 2Паул а къалэм зы джурт горэ, Акилэ ыцІэу, Понт хэкум къыщыхъугъэр къыщигъоти ІукІагъ. Ежьымрэ ишъхьэгъусэ Прискиллэмрэ Италие хэгъэгум къикІыгъакІэхэу щытыгъэх; сыда пІомэ Кайсар Клаудый* джуртхэр зэкІэ Рим къэлэшхом

 

17:28 зыгорэм зэриІуагъэм фэдэу – Крит хыгъэхъунэм щыщ тхакІо Епименид арыгъэнкІэ мэхъу.

17:28 шъуитхакІохэр – е Арат зыцІэр е Клеант зыцІэр ары.

18:2 Клаудый – еплъ 11:28. Хьисэ къызэхъу нэужым я 49-рэ илъэсым ыдэжь Клаудый джуртхэр Рим къэлэшхом къыдифыгъэх.

 

 

къыдэкІыжьынхэу унашъо афишІыгъагъ. Паул Акилэрэ Прискиллэрэ адэжь кІуагъэ. 3Ясэнэхьэтхэр зэфэдэу зэрэщытым пае, Паул ахэмэ адэжь щыІэу адэлажьэщтыгъ. Ахэмэ ясэнэхьэт чэтэгъэІэгъэшІыныр арыгъэ. 4Шэмбэт мафэ къэсми Паул къыІохэрэр джуртхэмрэ алыджхэмрэ ашІошъ ыгъэхъуным ыуж итэу, синэгогум щянэкъокъущтыгъ.

5Силэрэ Тимофейрэ Македоние хэкум къызекІыхэм, Паул ыгу етыгъэу Тхьэм игущыІэхэр цІыфмэ ариІотэнхэм пылъзэ, Хьисэ зэрэ Мэссихьыр* джуртмэ апашъхьэ къыщи­ушыхьатэу щытыгъ. 6Ау джуртхэр Паул пэуцужьхи зехъонхэм, ищыгъынхэр ахэмэ апашъхьэ щиутхыпкІыхи, мырэущтэу ариІуагъ:

–Шъо шъулъы шъо шъушъхьэ къытерэфэжь! Сэ лажьэ зи сиІэп. Джы щегъэжьагъэу хымэ лъэпкъхэм зафэзгъэзэшт.

7Арэущтэу Паул синэгогум къычІэкІыжьи, Тхьэр зы­гъэлъапІэрэ лІы горэу Иуст иунэ кІуагъэ. Ащ иунэ синэ­гогум бгъодэтыгъ. 8Синэгогум ипащэу Крисп, иунагъо зэкІэ игъусэу, ЗиусхьанымкІэ шІошъхъуныгъэ иІэ хъугъэ. Коринф къалэм дэсхэу Паул едэІухэрэм ащыщхэу цІыфы­бэми шІошъхъуныгъэ яІэ хъуи зыра­гъэумэхъыгъ.

93ы чэщ горэм Зиусхьаныр Паул къыфэлъагъуи къыриІуагъ:

–Умыщын, зымыушъэфэу, къэгущыІэ зэпыт, 10сыда пІомэ сэ сыуигъусэщт. О лые къыуихынэу зыми ыІэ къыбнэсыщтэп. Сэ сицІыфхэм ащыщхэу бэ мы къалэм дэсых.

11Арэущтэу Паул цІыфхэм Тхьэм игущыІэхэр аригъа­шІэхэзэ, зы илъэсырэ ныкъорэ а къалэм дэсыгъ.

12Галлион* Ахаие хэкум иІэшъхьэтетэу хъу зэхъум, джуртхэр зэгъусэ хъухи, Паул тебанэхи, хьыкумышІэм ыпашъхьэ ращагъ.

13–Хабзэм иунашъо темытэу Тхьэр агъэлъэпІэнэу мы лІым цІыфхэм арегъашІэ,– къаІуагъ ахэмэ.

 

18:5 Мэссихь – еплъ 2:30.

18:12 Галлион – Хьисэ къызэхъу нэужым я 51-рэ илъэсым Галлион Рим (Рум) къэралыгъошхом щыщ Ахаие хэкум иІэшъхьэтетэу хъунэу агъэнэфагъ. Ахаие хэкур джырэ Грецием икъыблэ Іахьэу щытыгъ. Коринф а хэкум икъэлэшхоу щытыгъ.

 

14Паул къэгущыІэнэу къызщыригъэжьэщтым, Гал­лион джуртхэм ариІуагъ:

–Шъо джуртхэр, мы лІым мыхъун горэ е бзэджагъэ горэ ышІагъэмэ, сэ сигуапэу сышъодэІущтыгъ. 15Ау джы гущыІэхэмкІи, цІэхэмкІи, шъо шъуи Тэурат хабзэкІи шъузэрэзэнэкъокъурэм пае, шъор-шъорэу мы Іофым шъухаплъ. Сэ мы Іофым хьыкум тесшІыхьанэу сыфаеп.

16Ащ нэужым Галлион ахэр хьыкумышІ унэм къычІи­гъэкІыжьыгъэх. 17ЕтІанэ ахэмэ зэкІэ синэгогум ипащэу Сосфен аубыти, хьыкумышІы унэм ипчъэІупэ щеуагъэх. Ау Галлион ащ ыгъэгумэкІыгъэп.

 

Паул Сирие хэкум щыщ Антиохие къалэм зэригъэзэжьыгъэр

 

18Паул Коринф къалэм мэфэ пчъагъэр зыдэсым ыуж, ышыхэм аІапэ ыубытыжьи, Прискиллэрэ Акилэрэ игъу­сэхэу, Сирие хэкум кІонэу къухьэ горэм итІысхьагъ. Кенхрей къалэм* Паул ышъхьэ джашъоу щаригъэупсыгъ; сыда пІомэ тхьэрыІуагъэ ышІыгъагъэти ары*. 19Ефес къалэм къызынэсхэм, Паул Прискиллэрэ Акилэрэ къы­гъанэхи, синэгогум чІахьи, джуртхэм щянэкъокъугъ. 20Паул ахэмэ адэжь нахь баІорэ щыІэнэу къызелъэІухэм, ыдагъэп. 21Ау ежьэжьынэу аІапэ зеубытыжьым, ыІуагъ:

–КъэкІощт мэфэкІ мэфэшхом Ерусалим сыщыІэн фае, ау Тхьэм ыІомэ, шъуадэжь къэзгъэзэжьыщт.

ЕтІанэ Ефес къалэм къухьэкІэ щежьэжьыгъ.

22Кесарие къалэм зынэсым, Ерусалим дэкІоягъ. Чылыс зэІукІэм щыщхэм шІуфэс арихи, етІанэ Антиохие къалэм ехыгъ. 233ы тІэкІурэ Антиохием зыдэс нэужым, Паул гъогум техьажьи, ХьисэкІэ шІошъхъуныгъэ зиІэ пстэуми агухэр ыгъэпытэхэзэ, зэкІэлъыкІоу Галатиерэ Фригиерэ яхэку къыкІухьагъ.

 

18:18 Кенхрей къалэр – Коринф къалэм епхыгъэу, къухьэуцупІэ иІэу, хыІушъом Іутыгъ.

18:18 тхьэІуагъэ ышІыгъагъэти ары – тхьэІуагъэ горэ зэрагъэцэкІагъэм инэшанэ фэдэу джуртхэм ашъхьэ джашъоу аупсы хабзэу яІагъ.

 

Аполлос Тхьэм игущыІэхэр Ефес къалэм

зэрэщигъэІущтыгъэхэр

 

24А мафэхэм Александрие къалэм щыщэу, Аполлос зыцІэу джурт горэ Ефес къэкІуагъ. Ар жашІоу щытыгъ, Тхьэм игущыІэ тхыгъэхэмкІи шІэныгъэшхо

иІагъ. 25Зиусхьаным игъогу икъэбар ежьыр рагъэшІагъэу щытыгъ. Ыгу етыгъэу къэгущыІэзэ, шъыпкъагъэм тетэу Хьисэ икъэбар цІыфхэм аригъашІэщтыгъ. Ау щытми, умэхъыныгъэу Иуан зытегущыІэщтыгъэм нэ­мыкІ* умэхъыныгъэр зэрэщыІэр ышІэщтыгъэп. 26Ар гушхоныгъэкІэ синэгогум къыщыгущыІэу ригъэжьагъ. Прискиллэрэ Акилэрэ Аполлос къэгущыІэу зызэхахым, ар яунэ къащи, Зиусхьаным игъогу икъэбар нахь дэ­гъоу къыгурагъэІуагъ.

27Аполлос Ахаие хэкум кІонэу гухэлъ зешІым, ышыхэм а къалэм дэс шІошъхъуныгъэ зиІэхэм тхылъ афатхыгъ, «Аполлос къызыкІокІэ ежъугъэблагъ», аІозэ. Аполлос ащ дэжьым зынэсым, Тхьэм ынэшІу къызэращи­фагъэм пае, шІошъхъуныгъэ зиІэ хъугъэхэм инэу адэІэ­пыІэщтыгъ. 28Сыда пІомэ Тхьэм игущыІэ тхыгъэхэм арыт­хэмкІэ Хьисэ зэрэ Мэссихьыр къафигъэшъыпкъэжьызэ, гу­щыІэ лъэшхэмкІэ цІыфхэм апашъхьэ джуртхэм щатекІуагъ.

 

 

19

ЯПШІЫКІУБГЪОНЭРЭШЪХЬ

 

Паул Тхьэм игущыІэхэр Ефес къалэм

зэрэщигъэІущтыгъэхэр

 

Аполлос Коринф къалэм щыІэ зэхъум, Паул ыпшъэрэ хэкухэм акІоцІырыкІи, Ефес къалэм* нэсыгъ. Ащ дэ­жьым ХьисэкІэ шІошъхъуныгъэ зиІэ нэбгырэ куп къыщигъотхи, мырэущтэу яупчІыгъ:

2–ШІошъхъуныгъэ шъуиІэ зэхъум, Тхьэм ы Псэ Лъа­пІэ шъугухэм арылъ хъугъа?

 

18:25 умэхъыныгъэу Иуан зытегущыІэщтыгъэм нэмыкІ – Аполлос чыристанхэм цІыфхэр зыкІаумэхъыхэрэр ышІэщтыгъэп. Еплъ 19:2-5.

19:1 Ефес къалэр – Асие хэкоу Рим (Рум) къэралыгъошхом щыщым икъэлэшхоу щытыгъ.

 

–Тхьэм ы Псэ ЛъапІэ щыІэуи тэ зэхэтхыгъэп,– къыра­Іожьыгъ ахэмэ.

3–Умэхъыныгъэу* шъузэраумэхъыгъэм къикІырэр сы­да?– яупчІыгъ Паул.

–Умэхъыныгъэу Иуан зытегущыІэщтыгъэр ары,– къа­Іожьыгъ ахэмэ.

4–Иуан зипсэкІодхэм афыкІэгъожьыгъэхэр ыумэхъы­щтыгъэх,– къыІуагъ Паул. –Иуан ежь ыужкІэ къэ­кІощтымкІэ, Мэссихь Хьисэ ары, цІыфхэм шІошъхъу­ныгъэ яІэн фаеу ариІуагъ.

5Ар зызэхахым, Зиусхьанэу Хьисэ ыцІэкІэ зарагъэ­умэхъыгъ. 6Паул ыІэхэр затрелъхьэм, Тхьэм ы Псэ Лъа­пІэ къафехи, амышІэрэ бзэхэмкІэ къэгущыІагъэх. Тхьэм ежь игущыІэхэри ахэмэ агухэм къарилъхьэхэу ахэр къари­гъэІуагъэх. 7Ахэр нэбгырэ пшІыкІутІум фэдиз хъущты­гъэх.

8ЕтІанэ Паул синэгогум чІахьэти, цІыфхэм гушхо­ныгъэкІэ янэкъокъузэ, ашІошъ ыгъэхъухэзэ, Тхьэм и Тетыгъошхо* икъэбар мэзищэ ариІуатэщтыгъ. 9Ау зы куп къаигъагъэкІэ зекІуагъэ, цІыфхэм апашъхьэ Зиус­хьаным игъогу ІэягъэкІэ щытегущыІэу, шІошъхъуныгъэ иІэ хъунэу ыдагъэп. Джащыгъум Паул ахэмэ къахэкІы­жьи, ХьисэкІэ шІошъхъуныгъэ зиІэхэр къахищыжьыгъэх, мафэ къэси Тиранн иеджапІэ Тхьэм игущыІэхэр щи­гъэІущтыгъэх. 10Асие хэкум ис алыджхэри джуртхэри зэкІэ Зиусхьанэу Хьисэ ехьылІэгъэ къэбарышІум ригъэ­дэІухэзэ, Паул илъэситІо ыукъудыигъ.

 

Скевэ ыкъохэм джынапцІэхэр цІыфхэм ахафышъухэмэ

еплъыхэу зэрэщытыгъэхэр

 

11Тхьэм Паул Іофышхо гъэшІэгъон дэдэхэр ышІэнхэу ригъэлъэкІыщтыгъ. 12Паул ыкІышъо нэсыгъэ Іэплъэ­кІхэри кІыІутелъхэри сымаджэхэм атралъхьащтыгъэх. ЗатралъхьахэкІэ, ахэр хъужьыщтыгъэх, ахэми ахэс джы­напцІэхэри ахэкІыжьыщтыгъэх.

13 Ау джурт купэу цІыфхэм джынапцІэхэр ахэзыфыхэу къэзыкIухьэщтыгъэхэм

 

19:3 умэхъыныр - еплъ 1:5.

19:8 Тхьэм и Тетыгъошхо – еплъ 1:3.

 

Хьисэ ыцІэ къаІозэ, джынапцІэхэр цІыфхэм ахафышъухэмэ еплъыщтыгъэх.

–Хьисээу зикъэбар Паул къыгъэІурэм ыцІэкІэ мы цІыфым шъухэкІынэу унашъо къышъуфэсэшІы,– аІощтыгъ ахэмэ.

14Джурт дин пэщэшхоу Скевэ ыкъуибли арэущтэу ашІы­щтыгъ.

15–Хьисэ сэшІэ, Паул икъэбари зэхэсхыгъ, ау шъо хэт шъущыщ? – пэгъокІ аритыжьыгъ джынэпцІэ Іаем. 16ЕтІанэ джынапцІэр зыхэс цІыфыр атебани, зэкІэми атекІуагъ. Ахэмэ лыешхо зэрарихыгъэм пае, пцІанэхэу, уІагъэхэу унэм ичъыжьыгъэх.

17Мы къэбарыр Ефес дэс алыджхэми джуртхэми зызэ­хахым, зэкІэри щынэгъошхом хэфагъэх. Арэущтэу Зиус­хьанэу Хьисэ ыцІэ щытхъу фашІыщтыгъ. 18ШІошъхъу­ныгъэ зиІэ хъугъэхэм ащыщхэу бэ къакІохи, бзэджа­гъэхэу ашІагъэхэр цІыфмэ зэхахызэ Тхьэм ыпашъхьэ ралъхьагъэх. 19Ушхъухьаныгъэм пылъ цІыф Іаджыми ятхылъхэр къаугъоихи, цІыф пстэуми апашъхьэ щагъэ­стыгъэх. А тхылъхэм ауасэхэр залъытэхэм, ты­жьын ахъщэ* мин шъэныкъо хъугъэ. 20Арэущтэу Зиу­схьаным игущыІэхэр цІыф нахьыбэхэм анэсхэу, инэу зыщаубгъущтыгъ.

 

Ефес къалэм дэсхэм бырсырышхо зэрашІыгъэр

 

21Мы Іофхэр зэкІэ къызэхъухэ ужым, Паул хэкухэу Македониерэ* Ахаиерэ* акІоцІырыкІынышъ, Ерусалим кІонэу ыгу риубытагъ.

–Ерусалим сызыкІорэ ужым, Рим къэлэшхоми сыкІон фае,– ыІуагъ. 22Паул иІэпыІэгъухэм ащыщхэу нэбгы­ритІоу Тимофейрэ Ерастрэ Македоние хэкум кІонхэу ыпэ ыгъэкІуагъэх. Ежьыр Асие хэкум зы тІэкІукІэ къэ­нагъ.

23А мафэхэм Зиусхьаным игъогу пае бырсырышхо къэхъугъ; 24сыда пІомэ

 

 

19:19 тыжьын ахъщэ – зы тыжьын ахъщэр а уахътэм лэжьакІом имэфапкІэщтыгъ.

19:21 Македоние хэкур – еплъ 16:9.

19:21 Ахаие хэкур – еплъ 18:12.

 

Димитрый ыцІэу, зы тыжьынашІэ горэ а къалэм дэсыгъ. Артемидэ* зыфаІорэ тхьэ нэпцІ бзылъфыгъэ горэм итхьэлъэІупІэ унэ цІыкІужьыехэу тыжьыным къыхэшІыкІыгъэхэр ышІыхэзэ, тыжьынашІэмэ федабэ а Димитрый къафихьыщтыгъэ. 25Димитрый а тыжьынашІэхэри ащ фэдэ ІэшІагъэ Іоф зиІэхэри ыугъои­хи мырэущтэу къыІуагъ:

–ЛІы куп, мы Іофым тибаиныгъэ къызэрэхэкІырэр шъошІэ. 26Мы Паул Ефес къалэм имызакъоу, Асие нахьы­бэми, «ЦІыфхэм ашІыгъэ тхьэ шъо теплъэхэр тхьэ шъы­пкъэхэу щытхэп», ыІозэ, цІыф купышхом ашІошъ ыгъэ­хъузэ зэригъэгъощагъэхэр шъо шъолъэгъу ыкІи зэхэшъохы. 27Тэ тиІэшІэгъэ Іофыр цІыфхэм зэрэ­зэрамыпэсыщтым изакъоу арэп щынагъор, ау Артемидэ бзылъфыгъэ тхьэшхом итхьэлъэІупІэ унэшхоми пхъатэ зэрэпамыхьыжьыщтри, Асие хэкуми зэкІэ дунаими зэкІэ щыдгъэлъапІэрэ Артемидэ ищытхъушхо зэрэкІодыжьы­щтри ары щынагъор.

28Ар зызэхахым, лІы купышхор лъэшэу губжыхи къэкуощтыгъэх:

–Ефес къалэм и Артемидэ лъэпІэ дэд.

29Бырсырышхо къалэм къыщыхъугъ. Македонием щыщхэу Паул игъогу гъусэхэу Гайрэ Аристархрэ аубытхи, зыдащэхэзэ, зэкІэ зэхэтхэу зэІукІапІэм илъэ­дагъэх. 30Паул цІыфмэ ахэхьанэу фэягъ, ау ХьисэкІэ шІошъхъуныгъэ зиІэхэм фадагъэп. 31Асие хэкум итхьама­тэхэм ащыщхэу, Паул иблагъэу щытхэм макъэ рагъэІуи, «ЗэІукІапІэм умыкІу», аІозэ елъэІугъэх.

32Джащыгъум зым зы ыІозэ, адрэми нэмыкІ ыІозэ, цІыфхэр зэрэгъэкуощтыгъэх; сыда пІомэ зэІукІэгъэ цІыф­хэм бырсырышхо къахэхъухьагъэти ары. Нахьыбэми зыкІы­зэІукІагъэхэр ашІэщтыгъэп. 33Джуртмэ Александрэ цІыф купышхом къыхырагъэщыжьи, цІыфхэм апашъхьэ къыра­гъэуцуагъ. Александрэ ыІэ къыІэти, цІыфхэм апашъхьэ къыщыгущыІэнэу фэягъ. 34Ау Александрэ джуртэу зэрэ­щытыр зашІэм, зы макъэкІэ сыхьэтитІукІэ зэкІэри куощты­гъэх:

–Ефес къалэм и Артемидэ лъэпІэ дэд.

35Аужыпкъэм къалэм итхакІо цІыф купышхор ыгъэ­самбыри къыІуагъ:

 

19:24 Артемидэ – алыджыбзэкІэ Ефес къалэм итхьэ нэпцІым ыцІэ Артемидэ, римыбзэкІи ыцІэр Дианэ арыгъэ.

 

–Ефес лІыхэр! Бзылъфыгъэ тхьэшхоу Артемидэрэ ащ ышъо теплъэу уашъом къефэхыгъэмрэ яухъумакІоу Ефес къалэр зэрэщытыр зымышІэрэ цІыф щыІа? 36Ефес къалэр ахэмэ яухъумакІоу зэрэщытым щэч хэлъэпти, шъо зыжъугъэсамбырынышъ, шъхьэпсынкІэу шъумызе­кІу. 37Мы лІыхэр тхьэлъэІупІэ унэшхохэм ямытыгъуагъэхэу, титхьэу бзылъфыгъэм къемыхъоныгъэхэу, шъо мыщ дэжьым къэшъущагъэх. 38Димитрыйрэ ежь игъусэу ІэшІэгъэ Іоф зиІэхэмрэ цІыф горэм дэон Іоф фыряІэмэ, Іэшъхьэтетхэр цІыфхэм ядэон Іофхэм зыщахаплъэрэ мафэхэр щыІэх. Дэон Іоф азыфагу дэлъмэ, зэрэдаох. 39Ащ нэмыкІэу зыгорэм шъуфаемэ, къалэм дэсхэм яхасэу хабзэм тетым а Іофыр зэшІуихын фае. 40Іофхэу непэ хъугъэхэм апае, «ЗыкъэшъоІэты», аІоу, Рим тетыгъо зиІэхэм тагъэмысэнэу щынагъо щыІ. Сыда пІомэ мы бырсырышхор зэрэтшІыгъэм пае, къытфагъэгъунэу ушъхьагъу тшІынэу зи тиІэп.

А гущыІэхэр къызеІохэ ужым, цІыфхэр зэбгыригъэ­кІыжьыгъэх.

 

 

20

ЯТІОКІЭНЭРЭШЪХЬ

 

Паул Македоние хэкумрэ Грецие хэгъэгумрэ зэрэкІуагъэр

 

   Бырсырышхор зэуцужьым, Паул ХьисэкІэ шІошъхъу­ныгъэ зиІэхэр къаригъащэхи ыгъэгушхуагъэх. ЕтІанэ аІапэхэр ыубытыжьхи, Македоние хэкум кІонэу гъогум техьагъ. 2А лъэныкъохэр къыкІухьэхэзэ, шІошъхъу­ныгъэ зиІэхэр гущыІабэкІэ ыгъэгушхохэзэ, Грецие нэсыгъ. 3Ащ дэжьым мэзищэ щыІагъ. Сирием къухьэкІэ кІонэу фае зэхъум, джуртхэм гъэбылъыгъэкІэ аукІынэу агу зэрэхэлъым пае, Македонием игъогукІэ ыгъэзэжьы­нэу тыриубытагъ. 4Мы лІыхэр Паул игъусагъэх: Верие къалэм щыщэу Пирр ыкъо Сосипатер; Фессалоникэ къа­лэм щыщхэу Аристархрэ Секундрэ; Дервие къалэм щыщэу Гай; етІанэ Тимофей; етІанэ Асие хэкум щыщхэу Тихик­рэ Трофимрэ. 5Ахэр тэ* тапэ итхэу кІохи, Троадэ

 

 

20:5 тэ – мыщ дэжьым (еплъ 16:10) мы тхылъыр зытхыгъэр Паул игъусэу щыт, Рим (Рум) къэлэшхоми дэкІо. Еплъ 28:16.

 

къалэм къыщытпэплъагъэх. 6Ау Хьалыгъу Мыгъэтэдж зыщашхырэ мэфэкІ мэфэшхохэр зыблэкІыхэ* нэужым, Филиппи къалэм къухьэкІэ тыщежьагъ. Троадэ къалэм адрэмэ адэжь мэфитфыкІэ тынэсыгъ. Ащ дэжьыми мэфиблэ тыщыІагъ.

 

Троадэ къалэм Паул лІагъэхэм Евтих

къызэрахигъэтэджыкІыжьыгъэр

 

7Тхьамафэм иапэрэ мафэм хьалыгъу зэготчынэу* тызэ­рэугъоигъ. Паул ятІонэрэ мафэм гъогум техьанэу ыгукІэ риубытагъэу, шІошъхъуныгъэ зиІэхэм Тхьэм игущыІэхэр ариІохэзэ, чэщныкъом нэсыфэ гущыІэныр ыукъудыигъ. 8Тэ тызыщызэрэугъоирэ унэ Іэтыгъэм остыгъэ бэу къы­щыблэщтыгъэх. 9Евтих зыцІэу зы кІалэ горэ шъхьангъу­пчъэм Іусэу, Паул гущыІэныр ымыухы зэхъум, куоу хэ­чъыягъ. Хэчъыягъэти, щэу зэтет унэм къефэхи, укІыгъэу къаштэжьыгъ. 10Паул ехи, кІалэм зытыридзи, ІаплІ ри­щэкІи къыІуагъ:

–ШъумыгумэкІ. Ы псэ хэт!

11Паул етІанэ къыдэкІоежьи, хьалыгъур зэгуичи, адрэ­хэм ягъусэу ышхыгъ. Нэф ошъыфэ, ахэмэ бэрэ адэгу­щыІи, гъогум техьагъ. 12Агухэр инэу къаІэтыгъэу, кІалэр ядэжь псаоу къащэжьыгъ.

 

Паул Троадэ къалэм дэкІи, Милит къалэм зэрэкІуагъэр

 

13Тэ ыпэкІэ къухьэм текІуалІи, титІысхьи, Асс къалэу Паул зыщидгъэтІысхьащтым тежьагъ. Паул а къалэм нэсы лъэсэу кІонэу ыгу хэлъти, Іофыр арэущтэу ыгъэ­псыгъагъ. 14ЕтІанэ Асс къалэм къызыщытІокІэжьым, Паул къухьэм къидгъэтІысхьи, Митилинэ къалэм ты­кІуагъ. 15А къалэм тыщежьи, ятІонэрэ мафэм Хиос хыгъэхъунэм фэзанкІэу тыуцугъ. Ыужырэ мафэм Самос хыгъэхъунэм

 

20:6 Хьалыгъу Мыгъэтэдж зыщашхырэ мэфэкІ мэфэшхо мафэхэр – еплъ 12:3.

20:7 хьалыгъу зэготчынэу – еплъ 2:42.

 

 

тыкІуагъ. Трогиллие къалэм тыщыуцуи, ыужырэ мафэм Милит къалэм тынэсыгъ.16Асие хэкум уахътэр щимыгъэкІодыным пае, Паул Ефес къалэм къыщымыуцоу, блэкІынэу тыриубытэгъагъ. Сыда пІомэ амал иІэмэ, Пэнтэкост зыцІэ мэфэкІ мэфэшхор* къэсы­ным ыпэкІэ, Ерусалим нэсынэу гузажъощтыгъ.

 

Ефес къалэм щыІэ чылыс зэІукІэм инахьыжъхэм

аужырэ къэбарэу Паул ариІуагъэр

 

17Милит къалэм тызыщэІэм, Паул Ефес щыІэ чылыс зэІукІэм инахьыжъхэр* къаригъэщагъэх. 18Ахэр къызэ­кІохэм, Паул ариІуагъ:

–Апэрэ мафэм щегъэжьагъэу Асие хэкум сыкъызехьэм, шъуадэжь щызгъэкІогъэ уахътэр зэкІэ сищыІакІэ зыфэ­дагъэр шъо шъошІэ. 19Пэгагъэ зи сыгу имылъэу, бэрэ сыгъызэ, джуртхэм шъэфэу бзэджагъэхэу къысашІэнхэу агу хэлъыгъэхэмкІэ къиныбэ сагъэщэчызэ, Зиусхьаным сыфэлажьэщтыгъ. 20ЗишІуагъэ къышъокІыщт къэбархэр къышъосІонхэу зыкІи зыщысымыдзыеу, цІыфхэм апашъхьи шъуиунэхэми къащышьозгъэІугъэх ыкІи къащышъозгъэ­шІагъэх. 21Джуртхэри алыджхэри япсэкІодхэм афыкІэгъо­жьынхэшъ, Тхьэм ыдэжь агъэзэжьынэуи, Зиусхьанэу Хьисэ­кІэ шІошъхъуныгъэ зырягъэІэнэуи афэзгъэпытэзэ язгъэ­Іущтыгъ.

22–Джы къысэхъулІэщтыр сымышІэу, Тхьэм ы Псэ Лъа­пІэ седэІузэ, Ерусалим сэкІо. 23Ау Іэхъу-лъэхъу­хэри гузэжъогъухэри къызэрэспэІутхэр Тхьэм ы Псэ Лъа­пІэ сигъашІэзэ, къэлэ пстэуми къащеушыхьаты. 24Спсэ сэркІэ лъапІэу ыкІи уасэ иІэу слъытэрэп, ау Зиус­хьан Хьисэ Іофэу спшъэ къырилъхьагъэр згъэцэкІэн фаеу щыт: Тхьэм ынэшІу щыфэныгъэм ехьылІэгъэ къэбары­шІур цІыфхэм язгъэІуныр ары.

25–Тхьэм и Тетыгъошхо* ехьылІэгъэ къэбарыр шъо­згъэІузэ, шъо зэкІэми шъуадэжь къыщыскІухьэщтыгъ. Шъуащыщэу зыми сынапэ зэримылъэгъужьыщтыр сэшІэ. 26Арышъ, зы цІыф ылъ спшъэ къызэрэдэмыфэщтыр непэ шъыпкъэу

 

20:16 Пэнтэкост зыцІэ мэфэкІ мэфэшхор – еплъ 2:1.

20:17 нахьыжъхэр – еплъ 11:30.

20:25 Тхьэм и Тетыгъошхо – еплъ 1:3.

 

къышъосэІо; 27сыда пІомэ Тхьэр зыфэе пстэури шъозгъэІуным зыщыздзыягъэп. 28Шъо шъузфэ­сакъыжьи, Тхьэм ы Псэ ЛъапІэ шъо ухъумакІоу шъузы­фигъэуцугъэ цІыф купым шъуфэсакъ. Мэлахъом мэлхэм ынаІэ зэратригъэтырэм фэдэу, Зиусхьанми Тхьэми ячы­лыс зэІукІэм щыщхэу, Хьисэ илъыуасэкІэ къыщэфы­гъэхэм шъунаІэ атежъугъэт. 29Сыда пІомэ сэ дунаим сызехыжьым ыуж, Іэхъогъум шъхьамысыщт тыгъужъ мэхъаджэхэр къызэрэшъухэхьащтхэр сэ сэшІэ. 30Шъо ХьисэкІэ шІошъхъуныгъэ зиІэхэми цІыфхэр къышъухэ­кІыщтых, зигъогу пхэнджы шъутезыгъэхьаным пае, шъыпкъагъэр зэзыхъокІыным пылъхэр. 31Арышъ, шъумычъыеу шъусакъ! Сынэпс къехызэ, илъэсищым чэщи мафи зэпымыоу шъуащыщэу хэти зэрэгурызгъэІуагъэр зыщышъумыгъэгъупш.

32–Джы Тхьэми ынэшІу щыфэныгъэм ехьылІэгъэ гу­щыІэхэми шъуафэсэгъазэ. А гущыІэхэм гурэ псэрэкІэ кІуачІэ шъуагъэгъотын алъэкІы, Тхьэм ицІыфхэу ежьым зыкъезытыгъэ пстэуми шъурягъусэу ІэхьышІу къышъу­лъагъэІэсыни алъэкІы. 333ы цІыфым итыжьыни, идышъи, ищыгъыни сянэцІыгъэп. 34 Сигъусэхэмрэ сэррэ тищыкІагъэ­хэр сэ сІэхэмкІэ къызэрэзгъэхъагъэр шъо шъошІэ. 35Мы­рэущтэу тыулэузэ, лъэкІыныгъэ зимыІэхэм тадэІэпыІэн зэрэфаер лъэныкъо пстэумкІи шъозгъэлъэгъугъэ. Ежь Зиусхьан Хьисэ гущыІэхэу къыІуагъэхэр зыщыдгъэгъупшэжьынхэ фаеп: «Къыуатыным нахьи яптыныр нахь сы­хьатмаф».

36А гущыІэхэр къызеІохэ ужым, Паул лъэгонджэ­мышъхьэкІэ тІыси, ахэмэ зэкІэм ягъусэу Тхьэм елъэІугъ. 37ЗэкІэри инэу гъыгъэх, Паул ІаплІи ращэкІи ебэугъэх. 38Анахьыбэу агу къеуагъэр Паул ынапэ егъашІэми зэра­мылъэгъужьыщтыр къызэриІуагъэр ары. ЕтІанэ къухьэм нэс Паул дэкІотагъэх.

 

 

21

ЯТІОКІЫРЭ ЗЫНЭРЭШЪХЬ

 

Паул Ерусалим зэрэкІуагъэр

 

Ахэмэ тыкъызахэкІыжьым, къухьэмкІэ тежьи, занкІэу Кос къалэм тыкІуагъ. ЯтІонэрэ мафэм Родос къалэм тыкІуи, ащ тыщежьи, Патарэ къалэм тынэсыгъ. 2Финикие хэкум кІорэ къухьэ горэ къэдгъоти, титІысхьи, тежьагъ. 3Кипр хыгъэхъунэр къызэлъагъом, къухьэм исэмэгубгъукІэ ар къэдгъанэзэ, Сирие хэкум тыкІуи, Тир къалэм къухьэр щеуцолІагъ, сыда пІомэ а къалэм къухьэр щаунэкІын фэягъ. 4ХьисэкІэ шІошъхъуныгъэ зиІэхэр а къалэм къыщыдгъотхи, мэфиблэ ахэмэ адэжь тыкъэнагъ. Тхьэм ы Псэ ЛъапІэ ахэмэ зэхаригъэшІы­кІыгъэу, Ерусалим мыкІонэу Паул къыраГуагъ. 5Ау а къалэм тызэрэщыІэн фэе уахътэр зытешІэм, ащ тыдэ­кІи, тигъогу тытехьажьыгъ. ШІошъхъуныгъэ зиІэхэр зэкІэ, бзылъфыгъэхэри сабыйхэри ягъусэхэу, къалэм къыддыдэкІыгъэх. ЕтІанэ хыІушъом лъэгонджэмышъхьэкІэ тыщытІыси, Тхьэм телъэІугъ. 63ым адрэм ыІапэ ыубытыжьи, къухьэм титІысхьажьыгъ, ахэми ядэжь агъэ­зэжьыгъ.

7ЕтІанэ Тир къалэм тыщежьи, къухьэкІэ кІоныр тыухызэ, Птолемаидэ къалэм тынэсыгъ. Ащ дэжьым тшыхэм шІуфэс щятхи, зы мафэ ахэмэ адэжь тыщы­Іагъ. 8ЯтІонэрэ мафэм ащ тыдэкІыжьи, Кесарие къалэм тыкІуагъ. А къалэм Филипп зыцІэу, Тхьэм игущыІэхэр зыгъэІурэм иунэ тихьи, ащ ыдэжь тыкъэ­нагъ. Ар нэбгыриблым* ащыщыгъ. 9А Филипп дэмы­кІуагъэхэу пхъуиплІ иІагъ. Тхьэм ежь игущыІэхэр ахэмэ агухэм къарилъхьахэу къаригъаІощтыгъэх.

10Мэфэ заулэрэ ащ дэжь тызыщэІэм, Агав* зыцІэу зы пегъымбар горэ Иудей хэкум къикІи къэкІуагъ. 11Тадэжь къакІуи, Паул ибгырыпх къышти, ежь ыІэ­хэри ылъакъохэри зэтырипхэхи къыІуагъ:

–Тхьэм ы Псэ ЛъапІэ мырэущтэу къеІо: «Джурт­хэм мы бгырыпхыр зиер Ерусалим щызэтырапхэнышъ, хымэ лъэпкъхэм* аІэкІалъхьащт».

12А гущыІэхэр зызэхэтэххэм, тэри а чІыпІэм щыпсэ­урэ тшыхэри Ерусалим мыкІонэу Паул телъэІугъ. 13Джащыгъум Паул пэгъокІ къытыжьыгъ:

–Сыда шъушІэрэр? Шъугъызэ, сыда сыгу къызкІежъу­гъаорэр? Си Зиусхьан Хьисэ ыцІэ пае Ерусалим сыщы­рапхыщтми, сыщылІэщтми сыфэхьазыр.

 

21:8 нэбгыриблыр – еплъ 6:1-6.

21:10 Агав – еплъ 11:28.

21:11 хымэ лъэпкъхэр – мыщ дэжьым ащ къикІырэр Рим (Рум) цІыфхэу тетыгъо зиІэхэр ары.

 

14Паул къэдгъэнэнэу зытэмылъэкІым, «Тхьэм ыІуагъэр орэхъу», тІуи зытыушъэфыгъ.

15А мафэхэм ауж зыдгъэхьазыри, Ерусалим тыкІуагъ. 16Кесарием щыщхэу, ХьисэкІэ шІошъхъуныгъэ зиІэ цІыф заулэ тигъусагъэх. Ахэмэ Мнасон зыцІэм иунэу тызыщы­псэущтым тащагъ, Мнасон Кипр хыгъэхъунэм щыщыгъ, ежьыри апэ дэдэу ХьисэкІэ шІошъхъуныгъэ зиІэ хъугъэ­хэм ащыщыгъ.

 

Паул Якъубэ ыдэжь зэрэкІуагъэр

 

17Ерусалим тызынэсым, тшыхэм ягуапэу тырагъэблэ­гъагъ. 18ЯтІонэрэ мафэм Паул тигъусэу Якъубэ* ыдэжь тыкІуагъ. Нахьыжъхэр зэкІэ ащ дэжьым щы­Іагъэх. 19Паул ахэмэ шІуфэс арихи, иІофкІэ Тхьэм хымэ лъэпкъхэм адэжь Іофхэу щишІагъэхэр зырызхэу афиІотэжьыгъэх.

20Паул ахэр къыІуатэхэу зызэхахым, ахэмэ Тхьэм щытхъу фашІыгъ. ЕтІанэ Паул къыраІуагъ:

–О тшы, джуртхэм ащыщхэу мин пчъагъэхэм шІошъ­хъуныгъэ яІэ зэрэхъугъэри, Мусэ и Тэурат хабзэ яшъы­пкъэу зэрэпылъхэри олъэгъу. 21Ясабыйхэр сунэт амышІынхэуи яхабзэхэм атемытынхэуи пІоу, джуртхэу хымэ лъэпкъхэм ахэсхэри зэкІэ пегъымбар Мусэ игъогу те­кІынхэу о ябгъашІэу аІозэ цІыфхэм зэрахьэрэ къэбар пхэнджыр а шІошъхъуныгъэ зиІэхэм зэхахыгъ. 22Сыда тшІэщтыр? ЦІыфхэр къэзэрэугъоищтых; сыда пІомэ о укъызэрэкІуагъэр зэхахыщт. 23Арышъ, тэ къызэрэуатІорэм фэдэу зекІо. ТхьарыІо зышІыгъэ нэбгыриплІ тиІ. 24Ахэр зыдащэхи, ягъусэу Тэурат хабзэм иуна­шъо тетэу зыгъэкъэбзэжьи, ашъхьэхэр ябгъэупсынхэм пае* ахъщэ ят. Ар залъэгъукІэ, о къыохьылІагъэу зэхахыгъэ къэбархэр шъыпкъэхэу зэрэщымытхэри, ор­орэу Тэурат хабзэм утетэу, Тэурат хабзэм итхэр зэрэбгъэцакІэхэрэри цІыф пстэуми ашІэщт. 25Ау хымэ лъэпкъхэм ащыщхэу ХьисэкІэ шІошъхъуныгъэ зиІэ хъу­гъэхэм тэ зэдэтштэгъэ Іофыр тхылъкІэ*

 

21:18 Якъубэ – еплъ 12:17.

21:24 ашъхьэхэр ябгъэупсынхэм пае – еплъ 18:18.

21:25 тхылъкІэ – еплъ 15:23-29.

 

зэрядгъэшІагъэм фэдэу, цІыфхэм тхьэ нэпцІхэм афашІыгъэ къур­мэныпхъэм ыл, лъым, атхьалэгъэ псэушъхьэхэм ал, зинэ шІэным защадзыен фае.

       26ЯтІонэрэ мафэм Паул а лІыхэр зыдищэхи, ягъусэу зигъэкъэбзэжьыгъ. ЕтІанэ Тхьэм иунэшхо чІахьи, ежьым­рэ а лІыхэмрэ зызыщагъэкъэбзэжьырэ мафэхэр заухы­щтри, якъурмэн зырыз дин пащэм зырагъэшІыщт мафэри дин пащэхэм ариІуагъ.

 

Джуртхэр Тхьэм иунэшхо Паул зэрэщытебэнагъэхэр

 

27А мэфиблыр зыщыблэкІыным, Асие хэкум щыщэу джурт заулэмэ Тхьэм иунэшхо Паул щалъэгъугъ. ЦІыф купышхор зэкІэ зэкІагъэплъыхьи, Паул аубыти, 28мы­рэущтэу кууагъэ:

    –Шъо Израил лІыхэр шъукъыддэІэпыІ! Тэ тлъэпкъми, ти Тэурат хабзэми, мы чІыпІэ лъапІэми къапэуцун­хэу тыдэкІи цІыфхэм зэкІэ щязыгъашІэрэ лІыр мыр ары. Ащ нэмыкІэу алыджхэри Тхьэм иунэшхо чІигъахьэхэзэ*, мы чІыпІэ лъапІэр ыуцІэпІыгъ.

     29Арэущтэу зыкІаІуагъэр ыпэкІэ Ефес къалэм щыщ Трофим Паул игъусэу къалэм щалъэгъугъагъэти ары. Паул ар чІэмыхьапхъэу Тхьэм иунэшхо чІигъэхьагъэу ашІошІыгъ.

    30Къалэм дэс цІыф пстэури къэтэджхи, зэхэлъэдагъэх. Паул аубыти, Тхьэм иунэшхо къычІащыжьыгъ. Ардэдэми пчъэхэр агъэпытагъэх. 31Паул аукІынэу зыпэхьэхэм, Ерусалим зэкІэ зэрэзэІыхьагъэм икъэбар Рим дзэ пэ­щэшхом ыдэжь нэсыгъ. 32Дзэ пэщэшхом ардэдэм дзэ­лІхэри, дзэ пащэхэри зыдищэхи, цІыфхэм ахэлъэдагъ. ЦІыфхэм дзэ пэщэшхори дзэлІхэри залъэгъухэм, Паул еонхэм ыуж икІыжьыгъэх.

    33Джащыгъум дзэ пэщэшхор къыІухьи, Паул дзэлІхэм аригъэубыти, гъучІ ІэхъуитІу тыралъхьанэу унашъо афишІыгъ. ЕтІанэ яупчІыгъ:

    –Мыр хэта? Сыда ышІагъэр?

    34ЦІыф купышхом хэтхэм ащыщэу зым зыр ыІозэ, адрэм нэмыкІ ыІозэ зэрэгъэкуощтыгъэх. Бырсырышхом къыхэкІыкІэ дзэ пэщэшхом шъыпкъэр

 

21:28 Алыджхэр Тхьэм иунэшхо чІигъахьэхэзэ – хымэ горэ Тхьэм иунэшхо чІэт хымэхэм ящагу блэзыщэу, Тхьэм иунэшхо ыкІоцІ изыщагъэр аукІын фаеу щытыгъ.

 

зэригъэшІэн ылъэкІыгъэпти, Паул пытапІэм* дзэлІхэм аригъэщагъ. 35ДэкІояпІэм Паул зынэсым, цІыф купышхор къызэрэте­бэнагъэхэм пае, дзэлІхэм ар ІэкІэ ахьын фае хъугъэ. 36ЦІыф купышхом хэтхэу Паул къыкІэлъыкІощтыгъэхэр куощтыгъэх:

–УкІы ар.

 

 

Паул цІыф купышхом хэтхэм апашъхьэ

къызэрэщыгущыІагъэр

 

37ДзэлІхэм Паул пытапІэм ащэн фаеу зэхъум, Паул дзэ пэщэшхом риІуагъ:

–Зыгорэ къыосІонэу фит сыкъэпшІына?

–Алыджыбзэ ошІа?– къыІожьыгъ ащ. 38–Мысырым щыщэу, бэмышІэу цІыфхэм зыкъязыгъэІэтыгъэу, укІэ­кІо миниплІ* шъоф нэкІым изыщагъэр орыба?

39–Сэ сыджурт,– къыІожьыгъ Паул, –Киликие хэкум щыщэу, лъытэныгъэ зиІэ Тарс къалэм ицІыфхэм сащыщ. ЦІыфмэ апашъхьэ сыкъыщыгущыІэнэу фит сыкъэшІ.

40Дзэ пэщэшхом фит къызешІым, Паул дэкІояпІэм теуцуи, ыІэ цІыфхэм афиІэтыгъ. ЗэкІэми зызаушъэфым, Паул джуртыбзэкІэ мырэущтэу къыІуагъ:

 

 

22

ЯТІОКІЫРЭ ТІУНЭРЭШЪХЬ

 

–Тэ тшыхэри тятэхэри, зызгъэхыижьынэу къышъо­сІощтым шъукъедэІу.

2Ахэмэ Паул джуртыбзэкІэ адэгущыІэу зызэхахым, нахь заушъэфыгъ. ЕтІанэ Паул къыІуагъ:

3–Сэ сыджурт, Киликие хэкум щыщэу Тарс къалэм сыкъыщыхъугъ. Мы къалэу Ерусалим сыщапІугъ. Гама­лиил зыцІэм* ылъакъохэм адэжь сыщысэу, тятэжъхэм

 

21:34 пытапІэр – Антоние зыцІэ пытапІэр ары. Рим (Рум) дзэр ащ чІэсыгъ.

21:38 хъункІэкІо миниплІ – апсэ емыблэжьхэу яхэгъэгу фэлажьэхэу, а хъункІэкІо миниплІым Рим (Рум) къэралыгъошхом щыщхэу а хэгъэгур ашІозыубытыгъэхэм ар къызэратрахыжьыным ыуж итыгъэх. Джурт тхакІо Юсеф зыцІэм зэритхыгъэм фэдэу, Хьисэ къызэхъу нэуж я 54-рэ илъэсым а цІыфхэу яхэгъэгу фэлажьэхэрэм адрэ джуртхэм зыкъарагъэІэтыгъ.

22:3 Гамалиил – еплъ 5:34.

 

я Тэурат хабзэ фэсакъыпэу сигъэшІагъэ. Непэ шъо пстэу­ри Тхьэм шъузэрэфэлажьэрэм фэдэ къабзэу, сыгуи сыпси етыгъэу Тхьэм сыфэлажьэ. 43иусхьаным игъогу рыкІо­хэрэм олІэхэфэкІэ, къин язгъэщэчыщтыгъ. СицІыфхэм ахэмэ яхъулъфыгъэхэми ябзылъфыгъэхэми Іэхъу атыряз­гъалъхьэти, хьапсым чІязгъадзэщтыгъэх. 5Ар зэрэшъы­пкъэр дин пэщэшхоми Тхьэмэтэ Хэсэшхом* щыщ пстэуми къысфаушыхьатын алъэкІы. Ахэмэ Дамаск дэс джурт тшы­хэм тхылъхэр афатхыххи къысатыгъэх. ЕтІанэ Дамаск сы­кІонэу щытыгъ, а гъогум рыкІохэрэм Іэхъухэр ателъхэу сицІыфхэм Ерусалим къязгъэщэнхэшъ, титхьаматэхэм ахэ­мэ къин атырязгъэлъхьаным пае.

 

Паул Зиусхьанэу Хьисэ игъогу зэрэтехьагъэм икъэбар

къызэриІотэжьыгъэр

(Апостол. 9:1-19; 26:12-18)

 

6–Дамаск сыкІозэ, къалэм игъунэгъоу сызынэсым, щэджагъом дэжь ошІэ-дэмышІэу зы нэфынэ уашъом къехи, сыкъиуцухьагъ. 7ЧІыгум сытефагъэу, зы макъэ го­рэм къысиІоу зэхэсхыгъ:

–«Шаул, Шаул, сыд пае къин сэ сэбгъэщэчырэ?»

8–« О ухэта, Зиусхьан?» сІуагъэ.

–«Назарет щыщ Хьисэу къин зэбгъэщэчырэр сэры», къысиІожьыгъ ащ. 9Сигъусэхэм нэфынэр алъэгъугъ, ау сэ къыздэгущыІагъэм ымакъэ зэхахыгъэп.

10–«Сыда сшІэщтыр, Зиусхьан?» сІуагъэ.

–«Къэтэджи, Дамаск кІо», къысиІожьыгъ Зиусхьаным. «О пшІэнхэу Тхьэм къыпфигъэнэфагъэхэр зэкІэ ащ дэжьым зыгорэм къыщыуиІощтых». 11А нэфынэшхом къыхэкІыкІэ сынэхэм зи амылъэгъужь зэрэхъугъэм пае, сигъусэхэм сІэ аІыгъэу Дамаск сащагъ.

12–Ананый зыцІэу, Тэурат хабзэм итхэм арыкІоу, Тхьэм ищынагъо зыгу илъ лІы горэ Дамаск дэсыгъ. Джурт пстэуми ащ лъытэныгъэ фыряІэу щытыгъ. 13Ар садэжь къакІуи, къызбгъодахьи къысиІуагъ:

–«Сшы Шаул, о унэхэр къэплъэжьыщтых», къысиІуагъ. Ардэдэм сынэхэр къэплъэжьхи, а лІыр сэ слъэгъугъэ.

 

22:5 Тхьэмэтэ Хэсэшхом – еплъ 4:15.

 

14–«Тхьэр зыфаер зэбгъэшІэнэу, Шъыпкъагъэр Зиер плъэгъунэуи ащ ымакъэ зэхэпхынэуи тятэжъхэм я Тхьэ укъигъэнэфагъ», къыІуагъ Ананый. 15«Арышъ, о Іофхэу плъэгъугъэхэмрэ зэхэпхыгъэхэмрэ цІыфхэм зэкІэ апа­шъхьэ къыщыпІохэзэ, Шъыпкъагъэр Зием уришыхьа­тыщт. 16Джы сыда зызкІэбгъэгужъорэр? Къэтэджи, зысэ­гъэумэхъи, Зиусхьаным елъэІуи, ащ уипсэкІодхэр угу рырегъэукъэбзыкІыжьых».

 

Зиусхьаным игущыІэхэр хымэ лъэпкъхэм аригъэІунхэу

Паул зэригъэкІуагъэр

 

17–ЕтІанэ Ерусалим къэзгъэзэжьи, Тхьэм иунэшхо сычІахьи, ащ сычІэтэу сызыщелъэІум, зыгорэ къысфэ­лъэгъуагъ. 18Хьисэ сэ слъэгъуи, ащ къысиІуагъ:

–«ЗыгъэпсынкІи, шІэхэу Ерусалим дэкІ, сыда пІомэ шыхьатныгъэу къысфэпшІырэр адэщтэп».

19–«Зиусхьан», къэсІожьыгъ сэ, «оркІэ шІошъхъуны­гъэ зиІэхэр сэ сицІыфхэм хьапсым чІязгъадзэхэу зэрэщы­тыгъэри, синэгогухэм щязгъаохэу зэрэщытыгъэри мы цІыфхэм ашІэ. 20О уишыхьатэу Стефан* ылъ къызы­кІагъэкІым, сэ ащ дэжьым сыщытыгъ. ЗэраукІыгъэри афэздагъ, зыукІыгъэхэми ящыгъынхэр афэсыухъумагъэх».

21–«КІожь», къысиІуагъ Зиусхьаным. «Хымэ лъэпкъ­хэм адэжь чыжьэу узгъэкІощт».

 

Паулрэ Римыдзэ пэщэшхомрэ

 

22Паул мы гущыІэхэр къеІохэфэ нэс, цІыфхэр едэІу­щтыгъэх. Джащыгъум мэкъэшхокІэ къэзэрэгъэкууагъэх:

–А лІыр дунаим техыжь. Псэунэу фэшъуашэп!

23Ахэр къэзэрэгъэкуохэзэ, ящыгъынхэр дадзыехэзэ, сапэр датэкъуаещтыгъ. 24Джащыгъум дзэ пэщэшхом дзэлІхэм Паул пытапІэм аригъэщагъ. ЦІыфхэр Паул пэуцухэзэ, арэущтэу зыкІэкуохэрэр зэригъэшІэным пае, къамыщкІэ еохэзэ еупчІынхэу дзэ пэщэшхом дзэлІхэм унашъо афишІыгъ. 25КъамыщкІэ Паул еонхэм пае, шъо кІапсэхэмкІэ зырапхым, Паул ащ дэжьым щыт дзэ пащэм риІуагъ:

 

22:20 Стефан – еплъ 7:57-60.

 

–ХьыкумышІэм ыпашъхьэ ишъумыщэу, рим цІыфхэм* ащыщэу зыгорэм къамыщкІэ шъуеонэу шъуихабзэкІэ хъущта?

26Дзэ пащэм ар зызэхехым, дзэ пэщэшхом ыдэжь кІуи, ар ригъэшІагъ.

–Сыда пшІэщтыр? Мы лІыр рим цІыфхэм ащыщ,– ри­Іуагъ ащ.

27Дзэ пэщэшхор Паул къыбгъодахьи къыриІуагъ:

–КъысаІу! О рим цІыфхэм уащыща?

–Сащыщ,– къыІуагъ Паул.

28–Рим цІыфхэм сащыщ хъуным пае, ахъщабэ тез­гъэкІодагъ,– къыІуагъ дзэ пэщэшхом.

–Сэ рим цІыфэу сыкъэхъугъ,– къыІуагъ Паул.

29Паул еупчІынхэу щытыгъэхэр занкІэу зэкІэкІожьы­гъэх. Дзэ пэщэшхом Паул рим цІыфхэм зэращыщыр къызешІэм, дзэлІхэм Паул Іэхъу зэрэтыраригъэлъхьагъэм пае, щынагъэ.

 

Тхьэмэтэ Хэсэшхом ыпашъхьэ Паул зэрэращагъэр

 

     30ЯтІонэрэ мафэм джуртхэм Паул зэрагъэмысагъэр дзэ пэщэшхом зэригъэшІэпэнэу фэягъэти, дзэлІхэм Паул къаригъэтІэтэжьи, дин пэщэшхохэри Тхьэмэтэ Хэсэшхом щыщ пстэури зэрэугъоинхэу унашъо ышІыгъ. ЕтІанэ Паул къыщи, апашъхьэ къыригъэуцуагъ.

 

 

23

ЯТЮКІЫРЭ ЩЫНЭРЭШЪХЬ

 

    Паул Тхьэмэтэ Хэсэшхом щыщхэм ахаплъи ариІуагъ:

     –Сшыхэр, сэ непэ нэсы Тхьэм ыпашъхьэ гукъэбза­гъэкІэ мыхъун зи зыдэсымышІэжьэу сыщыпсэугъ.

     2Дин пэщэшхоу Ананый* Паул ыдэжь щытхэм ыжэ еонхэу ариІуагъ. 3Джащыгъум Паул ащ риІуагъ:

    –Тхьэр къыоожьыщт. Дэпкъэу фыжьэу къэлъэгъоным пае, агъэлагъэм уфэд. Хабзэм тетэу хьыкум къысте­пшІыхьанэу ущыс, ау щытми ор-орэу хабзэм утекІэу къысэогъаоха?

 

22:25 Рим цІыфхэр –еплъ 16:37.

23:2 Ананый – Хьисэ къызэхъу нэужым я 47-59 илъэсхэм къакІоцІ дин пэщэшхоу щытыгъ.

 

4Ащ дэжьым щытхэм Паул къыраІуагъ:

–Тхьэм идин пэщэшхом уехъона?

5–Сшыхэр, ар зэрэ дин пэщэшхор сшІэщтыгъэп,– къы­Іуагъ Паул. –Сыда пІомэ Тхьэм игущыІэ тхыгъэхэм арыт:* «О плъэпкъ итхьаматэ ІэягъэкІэ утегущыІэ хъу­щтэп».

6Тхьэмэтэ Хэсэшхом щыщхэм ащыщэу зы куп садду­кейхэу*, адрэ купыри фарисейхэу* Паул ышІэщтыгъэти, Тхьэмэтэ Хэсэшхом хэтэу къыІуагъ:

–Сшыхэр, сэ сыфарисей, сяти фарисеу щытыгъ. ЛIа­гъэхэр къызэрэтэджыжьыщтхэм сызэрэщыгугъырэм пае, хьыкумышІэм ыпашъхьэ сыращагъ.

7Арэущтэу къызеІом, фарисейхэмрэ саддукейхэмрэ зэ­щыхьанхэу аублагъ, лъэныкъуитІоуи зэрэгъэхъугъэх; 8сыда пІомэ саддукейхэм «ЛІагъэхэр къэтэджыжьхэрэп, мэлэІич щыІэп, псэ щыІэп», аІо, ау саддукейхэм афэ­мыдэхэу фарисейхэм ахэмкІэ зэкІэ шІошъхъуныгъэ яІ.

9Джащыгъум Тхьэмэтэ Хэсэшхом щыщхэр мэкъэшхо­кІэ къэзэрэгъэкуохи, фарисейхэм ащыщхэу Тэурат егъэ­джэкІо пэщэ заулэ къэтэджыхи, адрэхэм янэкъокъухэу къаІуагъ:

–Мы лІым мыхъун горэ етлъэгъулІэрэп. Псэ горэ е мэлэІич горэ къыдэгущыІэгъэнкІи мэхъу. Тхьэм тыпэ­рэмыуцу.

10Лъэшэу зэрэзэщыхьагъэхэм пае, ахэмэ Паул зэпкъы­ратхъынкІэ дзэ пэщэшхор щыни, Паул ахэмэ къахащы­нышъ, пытапІэм* ащэнэу дзэлІхэм унашъо афишІыгъ.

11ЯтІонэрэ чэщым Зиусхьаныр Паул къыфэлъагъуи къыриІуагъ:

–Угу умыгъэкІоды! Ерусалим шыхьат укъыщызэрэсфэ­хъугъэм фэдэу, Рим къэлэшхоми шыхьат укъыщысфэ­хъун фае.

 

23:5 Тхьэм игущыІэ тхыгъэхэм арыт – еплъ Пегъымбар Мусэ ятІонэрэ тхылъэу ытхыгъэм 22:28.

23:6 саддукейхэр – еплъ 4:1.

23:6 фарисейхэр – еплъ 5:34.

23:10 пытапІэр – еплъ 21:34.

 

 

Паул шъэфэу аукІынэу джуртхэм гухэлъ зэрашІыгъэр

 

12ЯтІонэрэ мафэм ипчэдыжь джурт заулэ зэгурыІуи, тхьэ аІуагъ:

–Паул тэукІыфэ, тышхэщтэп ыкІи тешъощтэп.

13Тхьэ зыІуагъэхэр нэбгырэ тІокІитІум нахьыбэ хъущты­гъэх. Ахэр дин пэщэшхохэмрэ нахьыжъхэмрэ адэжь кІо­хи араIуагъ:

14–Паул тэукІыфэ, тымышхэнэу тхьэ тІуагъэ. 15Арышъ, «Паул иІоф нахь тэрэзэу тыхэплъэным пае, тадэжь къащэ», шъуелъэІузэ шъоррэ Тхьэмэтэ Хэсэшхом щыщхэмрэ дзэ пэщэшхом макъэ ежъугъэІу. Паул мыщ дэжьым къэмысызэ, тыукІынэу тыхьазыр.

16Ау Паул ышыпхъу ыкъо ахэмэ ягухэлъ къышІи, пытапІэм кІуи, Паул а къэбарыр ригъэшІагъ.

17Паул дзэ пащэхэм ащыщэу зыгорэм къеджи риІуагъ:

–Дзэ пэщэшхом ыдэжь мы кІалэр щэ. Зыгорэ риІонэу фай.

18Дзэ пащэм кІалэр зыдищи, дзэ пэщэшхом ыдэжь кІуи риІуагъ:

–ТихьапсчІэсэу Паул зыцІэр къысаджи, мы кІалэм зыгорэ къыуиІонэу фаешъ, уадэжь къэсщэнэу къысэ­лъэІугъ.

19Дзэ пэщэшхом кІалэм ыІэ ыубыти, зы лъэныкъокІэ Іуищи еупчІыгъ:

–КъысэпІонэу сыда узыфаер?

20–«Паул иІоф нахь тэрэзэу тыхэплъэным пае, неущ Тхьэмэтэ Хэсэшхом ыпашъхьэ къащэ», аІоу, джуртхэр къыолъэІунхэу зэгурыІуагъэх,– къыІожьыгъ кІалэм. 21–Ау ахэмэ уямыдэІу; сыда пІомэ ахэмэ ащыщхэу нэ­бгырэ тІокІитІум нахьыбэ хъухэу, Паул аукІыным пае, шъэфэу пэсых. Ахэмэ ар аукІыфэ, мышхэнхэуи емышъон­хэуи тхьэ аІуагъ. Загъэхьазырыгъэу уиунашъо паплъэх ныІэп.

22Дзэ пэщэшхом кІалэр ыгъэкІотэжьызэ къыриІуагъ:

–Мыр къызэрэсэпІуагъэр зыми емыІу!

 

Паул Іэшъхьэтет Феликс ыдэжь зэращагъэр

 

23ЕтІанэ дзэ пэщэшхор дзэ пащэхэм ащыщхэу нэбгыритІу ыдэжь къяджи ариІуагъ:

–ДзэлІ нэбгырэ шъитІу, шыухэу нэбгырэ тІокІищырэ пшІырэ, пчыхэр зыІыгъ дзэлІхэу нэбгырэ шъитІу нычэпэ сыхьатыр бгъум Кесарие къалэм* кІонхэу жъугъэхьазырых. 24Шыхэри Паул фэжъугъэхьазырхи, шы горэм тежъугъэтІысхьи, Іэшъхьэтет Феликс* ыдэжь шъущэ.

25Дзэ пэщэшхом мыщ фэдэ гущыІэхэр зэрыт тхылъыри ытхыгъ:

26 «Сэ Клаудый Лисый, о лъытэныгъэшхо зиІэ Іэшъхьэтет Феликс, шІуфэс осэхыжьы.

27 Мы лІыр джуртхэм аубыти, аукІынэу фежьэгъагъэх, ау сидзэлІхэр сигъусэхэу сыкъакІуи, къаІэпысхыжьыгъ, сыда пІомэ рим цІыфхэм зэращыщыр къэсшІагъэти ары. 28 Зэрагъэмысэрэр зэзгъэшІэнэу сыфаеу, я Тхьэмэтэ Хэсэшхо ыпашъхьэ дзэлІхэм къырязгъэщагъ. 29Ахэмэ зэрагъэмысэхэрэр яхабзэ епхыгъэхэ нахь, е укІ е хьапс зифэшъошэ Іоф а лІым зи ымышІагъэу къызэзгъэшІагъ. 30 Ау джуртхэм мы лІыр шъэфэу аукІынэу агу зэрэхэлъыр зыгорэм сигъэшІагъэти, дзэлІхэм уадэжь занкІэу къязгъэщагъ. Къедаохэрэми зэрагъэмысэрэ Іофхэр уапашъхьэ къыщаІонхэу макъэ язгъэІугъ. Отхъэжь!»

31Арэущтэу яунашъо тетэу дзэлІхэм Паул зыдащи, чэщым Антипатридэ къалэм* нагъэсыгъ. 32ДзэлІхэм ятІонэрэ мафэм шыухэм Паул Кесарием ащэнэу къагъанэхи, ежьхэм пытапІэм агъэзэжьыгъ. 33Шыухэр Кесарие къалэм зынэсхэм, Іэшъхьэтетым тхылъыр ратыгъ, Паули ащ фагъэзагъ. 34Іэшъхьэтетыр тхылъым еджи, Паул зыщыщ хэкумкІэ къеучІыгъ. Киликие хэкум щыщэу зызэхехым, къыІуагъ:

 

23:23 Кесарие къалэр – еплъ 8:40.

23:24 Феликс – Хьисэ къызэхъу нэужым я 52-60 илъэсхэм къакІоцІ Иудей хэкум и Рим (Рум) Іэшъхьэтетэу щытыгъ.

23:31 Антипатридэ къалэр – Ерусалим километрэ 60-кІэ пэчыжьэу, итемыр тыгъэ къохьапІэ лъэныкъомкІэ итыгъ.

 

35–Къыодаохэрэр къызысхэкІэ, тэрэзэу сыоупчІыщт.

Іэшъхьэтетым етІанэ Ирод пачъыхьэ унэшхоу пре­торие зыцІэр ыгъэуцугъагъэм дзэлІхэм Паул щаухъумэ­нэу унашъо ышІыгъ.

 

 

24

ЯТЮКІЫРЭ ПЛІЫНЭРЭШЪХЬ

 

Іэшъхьэтет Феликс ыпашъхьэ джуртхэр Паул зэрэщедэуагъэхэр

 

Мэфитф нэужым дин пэщэшхо Ананый, нахьыжъхэм ащыщэу купрэ очыл Тертуллрэ игъусэхэу, Кесарие къа­лэм къехыгъ. Паул зэрагъэмысэхэрэр Іэшъхьэтетым ыпашъ­хьэ къыщаІотагъэх. 2Паул къызыращэм, Тертулл ар къы­гъэмысэу мырэущтэу къыІоу ыублагъ:

–Лъытэныгъэшхо зиІэ Феликс, о уитетыгъокІэ мамыр­ныгъэшхо тиІэу тэпсэу; унаІи тебгъэтэзэ, мы хэгъэгур нахь зэтегъэпсыхьагъэу хъугъэ. 3Арышъ, сыдигъуи, тыдэ тыщыІэми, щытхъу къыпфэтэшІы. 4Бащэрэ усымыгъэ­улэоу, уигуапэу укъытэдэІунэу сыкъыолъэІу.

5–Сыда пІомэ къызэрэтшІагъэмкІэ мы лІыр емынэ гор, дунаим тет джурт пстэуми зыкъарегъэІэты, диным рыкІорэ цІыф купэу Назарет купкІэ заджэхэрэми* ятхьаматэу щыт. 6Тхьэм иунэшхуи мыкъабзэу ышІыным пылъыгъ. Ар къэтыубыти, тэ тихабзэ тетэу хьыкум тетшІыхьанэу тыфэягъ, 7ау дзэ пэщэшхо Лисый къакІуи, лІыгъэкІэ къыттырихыжьи, уадэжь дзэлІхэм къаригъэщагъ. 8ЕтІанэ Лисый тэ а лІым тыридэогъоу уадэжь тыкъэкІонэу унашъо ышІыгъ. Ор-орэу ащ уеупчІымэ, зэрыдгъэмысэхэрэм яшъыпкъагъэ зэбгъэ­шІэн плъэкІыщт.

9Очыл Тертулл а гущыІэхэу къыІуагъэхэр джуртхэм шъыпкъэхэу аІозэ, ащ ІэпыІэгъу фэхъугъэх.

 

Іэшъхьэтет Феликс ыпашъхьэ Паул зызэрэщиухыижьыгъэр

 

10Іэшъхьэтетым Паул Іэ зыфешІым, Паул къыІуагъ:

–Илъэсыбэ хъугъэу мы лъэпкъым ихьыкум Іоф о ппшъэ зэрилъыр сшІэзэ,

 

24:5 диным рыкІорэ цІыф купэу Назарет купкІэ заджэхэрэр – зымы­шІэхэрэм чыристан диныр джурт диным щыщэу ашІошІыщтыгъ.

 

зызгъэхыезэ, сиІоф сигуапэу уапашъхьэ къисэлъхьэ. 11Мэфэ пшІыкІутІум нахьыбэ темышІагъэу Ерусалим Тхьэм сыщелъэІунэу сыкъызэрэ­кІуагъэм ишъыпкъагъэ зэбгъэшІэн плъэкІыщт. 12Тхьэм иунэшхуи зы цІыф горэм сыщенэкъокъоу, синэгогуми, къалэми цІыф купышхо щызгъэбырсырыхэуи щытыгъэп. 13Сидэогъухэм сызэрагъэмысэрэ Іоф пстэуми ащыщэу зи къагъэшъыпкъэжьын алъэкІыщтэп. 14Ау тятэжъхэм я Тхьэ сыфэлажьэзэ, мы цІыфхэм пхэнджэу зыфаІорэ гъогум сызэрэрыкІорэм сеуцуалІэ. Тэурат хабзэм ит пстэумкІи пегъымбархэм атхыгъэ тхылъхэм арыт пстэум­кІи* шІошъхъуныгъэ сиІ. 15Шъыпкъагъэ зиІэхэмрэ зи­мыІэхэмрэ Тхьэм къызэригъэтэджыжьынхэу мо щыт лІыхэр Тхьэм зэрэщыгугъыхэрэм фэдэу, сэри Тхьэм сыщэгугъы. 16Арышъ, Тхьэми цІыфхэми апашъхьэ гу­къэбзагъэкІэ мыхъун зи зыдэсымышІэжьэу сызэрэпсэуным сыдигъуи ыуж сит.

17–Илъэсыбэ Ерусалим сыщымыІагъэу, сэдакъэхэр сэ слъэпкъ фэсхьынхэуи къурмэн сшІынэуи джыри зэ сы­къэкІуагъ. 18Арэущтэу сшІэ пэтызэ, Тэурат хабзэм иуна­шъо тетэу зызгъэкъэбзэжьыгъэу, Тхьэм иунэшхо сычІэ­тэу сыкъыщагъотыгъ. ЦІыф купышхоми сахэтыгъэп, бырсыри щыІагъэп. 19Ау Асие хэкум щыщ джурт куп ащ дэжьым щыІагъэх. Ахэмэ сызэрагъэмысэн щыІэмэ, джы уапашъхьэ къыщылъагъохэу ар къаІон фэягъ. 20Е мо щытхэм, сэ Тхьэмэтэ Хэсэшхом ыпашъхьэ сызы­ращэм, бзэджагъэу сшІагъэу къагъотыгъэр къарэІу. 21«ЛІагъэхэр къызэрэтэджыжьыщтхэмкІэ шІошъхъуны­гъэ зэрэсиІэм пае, непэ хьыкумышІэм ыпашъхьэ сишъу­щагъ», сІуи, мы цІыфхэм сахэтэу мэкъэшхокІэ къызэ­рэсІогъагъэр арыщтын сызэрагъэмысэрэр.

22Джащыгъум Феликсэу Зиусхьаным игъогу икъэбар тэрэзэу зышІэщтыгъэм яІоф зыхэплъэн пІалъэр лъигъэ­кІуатэзэ къыІуагъ:

–Дзэ пэщэшхо Лисый къызэрэкІоу, шъуиІоф хьыкум тесшІыхьан.

23ЕтІанэ Феликс дзэ пащэм унашъо фишІыгъ Паул къин рамыгъэлъэгъузэ аухъумэнэу, игъусэхэри лъыплъэн­хэу фит ышІынхэу.

 

24:14 Тэурат хабзэм ит пстэумкІи пегъымбархэм атхыгъэ тхылъхэм арыт пстэумкІи – еплъ 13:15.

 

Паул Феликсрэ Друзиллэрэ зэрадэгущыІагъэр

 

       24Мэфэ заулэ тешІагъэу, Феликс ишъхьэгъусэ Друзил­лэ* игъусэу къэкІуагъ. Друзиллэ джуртэу щытыгъ. Фе­ликс ицІыфхэм Паул къаригъащи, Паул Мэссихь Хьисэ­кІэ шІошъхъуныгъэм къызэрэтегущыІэрэм едэІущтыгъ. 25Ау шъыпкъагъэм, зыщыІэныгъэм, къэкІощт ахърэт ма­фэм Паул къызатегущыІэм, Феликс къащти къыІуагъ:

     –ДжырэкІэ кІожь, игъо сыфифэмэ, етІанэ укъязгъэ­щэжьын.

26Паул ахъщэ къыритынкІэ гугъэщтыгъ. Арыти, бэрэ къаригъащэзэ дэгущыІэщтыгъ.

27ИлъэситІу зытешІэ ужым, Феликс ычІыпІэ Порцый Фест* зыцІэр къихьагъ. Ау Феликс джуртхэм шІугъэ горэ афишІэнэу фэягъэти, Паул хьапсым къычІигъэнагъ.

 

 

25

ЯТЮКІЫРЭ ТФЫНЭРЭШЪХЬ

 

«Кайсарым сиІоф хьыкум тырерэшІыхь», ыІуи, Паул

Іэшъхьэтет Фест зэрелъэІугъэр

 

Іэшъхьэтетэу Фест зыцІэр хэкум* къызэкІом, мэфищ тешІагъэу Кесарие къалэм* дэкІи, Ерусалим кІуагъэ. 2Джащыгъум дин пэщэшхохэмрэ джуртхэм ятхьаматэхэмрэ Паул едэонхэм пае, Фест ыдэжь къэкІуагъэх. 3Ахэмэ яхьатыркІэ Фест дзэлІхэм Паул Ерусалим къа­ригъэщэнэу ыуж имыкІхэу елъэІугъэх, сыда пІомэ Паул гъогум рыкІозэ, шъэфэу ар аукІынэу агу хэлъыгъ. 4Ау Фест ариІуагъ:

    –Паул Кесарие хьапсым чІэс. Сэри бэ темышІэу ащ дэжь сыкІощт. 5А лІым бзэджагъэ горэ ышІагъэмэ, шъуитхьаматэхэм ащыщэу зы куп сигъусэу къэрэкІуи къерэдау.

 

24:24 Друзиллэ – Ирод Агриппэ ЯтІонэрэмрэ Вереникэрэ ащыпхъоу щытыгъ. Еплъ 25:13.

24:27 Порцый Фест – Хьисэ къызэхъу нэужым я 60-62 илъэсхэм къакІоцІ Иудей хэкум и Рим (Рум) Іэшъхьэтетэу щытыгъ.

25:1 хэку – Иудей хэкур ары.

25:1 Кесарие къалэр – еплъ 8:40.

 

6Фест е мэфий е мэфипшІ нахьыбэ ахэмэ адэжь щы­мыІагъэу, Кесарием ехыгъ. ЯтІонэрэ мафэм хьыкум ышІы­нэу итІысыпІэ тетІысхьи, дзэлІхэм Паул къаригъэщагъ. 7Паул къызэлъагъом, Ерусалим къикІыгъэ джуртхэм къа­уцухьи, бзэджэгъэшхо пчъагъэкІэ агъэмысэу аублагъ, ау къаІуагъэхэр къагъэшъыпкъэжьынхэ алъэкІыгъэп.

8–Джуртхэм я Тэурат хабзэкІи, Тхьэм иунэшхокІи, КайсарымкІи мыхъомышІагъэ зи сшІагъэп,– къыІуагъ Паул зигъэхыижьэу.

9Фест джуртхэм шІугъэ горэ афишІэнэу фэягъэти, Паул къыриІуагъ:

–Мы Іофым хьыкум тесшІыхьаным пае, Ерусалим укІо­нэу уфая?

10–ХьыкумышІэу Кайсарым ихьыкум сиІоф тезышІы­хьан фаем ыпашъхьэ сит,– къыІожьыгъ Паул. –О дэгъоу зэрэпшІэрэм фэдэу сэ джуртхэм зи мыхъун ясшІагъэп. 11Ау укІ зифэшъошэ мыхъун горэ сшІагъэу силажьэмэ, укІым зыщыздзыенэу сыфаеп. Ау къызэрысэдаохэрэм шъыпкъагъэ зи ахэмылъмэ, зыми ахэмэ саІэкІигъэхьан ылъэкІыщтэп. Кайсарым сиІоф хьыкум тырерэшІыхь!*

12 Фест иІэпыІэгъухэм задэгущыІэ ужым, къыІуагъ:

–Кайсарым сиІоф хьыкум тырерэшІыхь, пІуи къызэ­рэпІуагъэм пае, Кайсарым ыдэжь укІощт!

 

Фест Паул икъэбар пачъыхьэ Агриппэ зэрэриІуагъэр

 

13Мэфэ заулэ зытешІэ ужым, пачъыхьэ Агриппэрэ* ышыпхъу Вереникэрэ Фест шІуфэс къырахынэу Кеса­рием къэкІуагъэх. 14Ахэр мэфэ заулэрэ щыІагъэхэу, Фест Паул иІоф пачъыхьэм ыпашъхьэ рилъхьи риІуагъ:

–Зы лІы горэ хьапсым чІэсэу Феликс къысфигъэнагъ. 15Сэ Ерусалим сызыщэІэм, дин пэщэшхохэмрэ Джуртхэм

 

25:11 Кайсарым сиІоф хьыкум тырерэшІыхь – Кайсарым Рим (Рум) цІыфхэм яІоф хьыкум тыришІыхьаным пае, зыфагъэзэжьынэу фи­тыныгъэ яІагъ. А лъэхъанэм Неро Кайсарэу щытыгъ. Ар Хьисэ къы­зэхъу нэужым я 54-58 илъэсхэм къакІоцІ Кайсарэу щытыгъ.

25:13 пачъыхьэ Агриппэ – Ирод Агриппэ ЯтІонэрэр Халхис хэгъэгоу Палестинэ хэгъэгум итемыр лъэныкъо итым ипачъыхьэу щытыгъ. Ежьырэ Вереникэрэ Ирод Агриппэ Апэрэм илъфыгъэхэу щытыгъэх. Еплъ 12:1.

 

дин пэщэшхохэмрэ Джуртхэм янахьыжъхэмрэ садэжь къакІохи, а лІым едаохэу, мыса­гъэ теслъхьанэу къысэлъэІугъэх.

16–Ау сэ ахэмэ ясІожьыгъ: «Зы лІы горэ къедаохэрэм апашъхьэ къихьэу, зэрагъэмысэрэм ипэгъокІ аритэу, зиухыижьынэу фитыныгъэ къырамытмэ, укІ тыралъхьа­нэу Рим хабзэмкІэ хъущтэп». 17Ахэр садэжь къызэкІохэм, Іофыр сымыгъэгужъоу ятІонэрэ мафэм хьыкум тесшІы­хьанэу ситІысыпІэ сытетІысхьи, а лІыр дзэлІхэм къя­згъэщагъ. 18Къедаохэрэр къэтэджыгъэх. Іоф мыхъомы­шІагъэкІэ агъэмысэщт, сІуи, ау зэрагъэмысэн бзэджэ­шІагъэхэу сызэрэгугъагъэхэм ащыщкІэ агъэмысагъэп. 19Ау ежьхэм ядин ехьылІагъэу Іоф заулэхэмкІэ зэгуры­Іощтыгъэхэп. Хьисэ зыцІэ лІы лІагъэу, Паул псаоу зы­фиІуагъэмкІи зэгурыІощтыгъэхэп. 20Мыщ фэдэ Іофхэм хьыкум зэратесшІыхьащт шІыкІэр сшІагъэпти, а лІым сеупчІыгъ: «Ерусалим укІоу, ащ дэжьым хьыкум къы­щыптесшІыхьанэу уфая?» 21Паул иІоф Кайсарым хьыкум тырешІыхьэфэ, хьапсым чІагъэсынэу къызэлъаІом, ар Кайсарым ыдэжь сэгъэкІофэ, хьапсым чІагъэсынэу уна­шъо сшІыгъэ.

22–Сэ сшъхьэкІэ а лІым къыІохэрэм сядэІунэу сыфай,– ыІуи, Агриппэ Фест къыриІуагъ.

–Неущ уезгъэдэІун,– къыІожьыгъ Фест.

23ЯтІонэрэ мафэм цІыфхэм лъытэныгъэшхо къафа­шІызэ, Агриппэрэ Вереникэрэ цІыфхэм хьыкум зыща­тырашІыхьэрэ унэшхом къихьагъэх. Ахэмэ ягъусэхэу дзэ пэщэшхохэри къалэм итхьаматэхэри къихьагъэх. ЕтІанэ Фест унашъо ышІи, Паул къащагъ.

24–Ори пачъыхьэ Агриппэ, шъори мыщ дэжьым тигъу­сэхэу щыІэ цІыф пстэури, мы лІым шъуеплъ!– къыІуагъ Фест. –Джурт пстэури Ерусалими мыщ дэжьыми садэжь къакІохи, агъэмысэзэ, «А лІыр нахьыбэрэ псэу хъущтэп», аІозэ зыфэкуощтыгъэхэр мы лІыр ары. 25УкІ зифэшъошэ бзэджагъэ зи ымышІагъэу къэзгъотыгъ, ау ежьым «Кай­сарым сиІоф хьыкум тырерэшІыхь», ыІуи лъэІуагъэти, Кайсарым ыдэжь згъэкІонэу тесыубытагъ. 26Ау гъэнэфэ­гъэ къэбар зи ежьым ехьылІагъэу Кайсарым фэстхы­нэу сиІэп. Арыти, шъо пстэуми шъуапашъхьэ къыряз­гъэщагъ, зэкІэми анахьэу оры, пачъыхьэ Агриппэ, тызеупчІы ужым, стхыщтыр сшІэным пае; 27сыда пІомэ зэрыдгъэмысэрэр ятымыгъашІэу, хьапсчІэс горэ афядгъэ­щэныр емыкІоу сэлъытэ.

 

 

26

ЯТЮКІЫРЭ ХЫНЭРЭШЪХЬ

 

Пачъыхьэ Агриппэ ыпашъхьэ Паул зызэрэщиухыижьыгъэр

 

Ащ нэужым Агриппэ Паул риІуагъ:

–Зыуухыижьэу укъэгущыІэнэу уфит.

Паул ыІэ къыІэти, зиухыижьэу къыІуагъ:

2–Пачъыхьэ Агриппэ, джуртхэм сызэрагъэмысэрэ Іоф пстэумкІи о уапашъхьэ зызэрэщысыухыижьырэр сэ насыпышІуагъэу зыфэсэлъытэжьы. 3Анахьэу, джуртхэм яхабзэхэри зэрызэнэкъокъурэ Іоф пстэури дэгъоу зэрэ­пшІэхэрэм паешъ ары. Арышъ, сэ къасІохэрэм уигуапэу укъядэІункІэ сыолъэІу.

4–СикІэлэгъу къыщегъэжьагъэу, сэ слъэпкъ сыхэтэу Ерусалим сызэрэщыпсэурэр джурт пстэуми дэгъоу ашІэ. 5Ахэмэ сызашІэрэр бэшІагъэ. Диным рылажьэрэ цІыф купхэм ащыщэу анахь пытэу Фарисей* купкІэ заджэ­хэрэм игъогу сырыкІоу зэрэщытыгъэр ахэр фаехэмэ, къаушыхьатын алъэкІыщт. 6Тхьэм тятэжъхэр къызэригъэгугъэгъэхэ Іофым* сызэрэщыгугъырэм пае, джы хьы­кумышІэм ыпашъхьэ сыкъыращагъ. 7Тхьэм тятэжъхэр къызэригъэгугъэгъэ дэдэр ары тэ тлъэпкъ иунэгъо лъэпкъ пшІыкІутІур чэщи мафи агу етыгъэу, Тхьэм фэлажьэхэзэ, къагъотынэу зыщыгугъыхэу зыпаплъэхэ­рэр. О пачъыхь, сэри ащ сызэрэщыгугъырэр ары джурт­хэр къызкІысэдаохэрэр. 8Тхьэм лІагъэхэр къызэригъэтэ­джыжьыщтхэр къэмыхъун Іофэу сыд пае шъулъытэрэ?

9–ЗэрэслъэкІэу Назарет щыщ Хьисэ ыцІэ сыпэуцу­жьын фаеу сэри сшІошъ хъущтыгъэ. 10Ерусалим арэу­щтэу щысшІыщтыгъ. Дин пэщэшхохэм фитыныгъэ къаІысхи, сицІыфхэм Тхьэм ицІыф лъапІэхэм ащыщхэу бэхэр хьапсым чІязгъадзэщтыгъэх. Тетыгъо зиІэхэм ахэмэ укІ хьыкум затыралъхьэм, сэри ар игъоу слъыта­гъэ. 11Синэгогу пстэуми ахэмэ бэрэ къин щязгъэщэчы­щтыгъ, Хьисэ езгъэхъонынхэуи сыпылъыщтыгъ. Лъэшэу сафэгубжэу, къин язгъэщэчынэу хымэ къалэхэми анэсы­фэ сакІэлъыкІощтыгъ.

 

26:5 Фарисей – еплъ 5:34.

26:6 Тхьэм тятэжъхэр къызэригъэгугъэгъэхэ Іофыр – лІагъэхэр къы­зэрэтэджыжьыщтхэр ары (еплъ 23:6; 24:15).

 

Паул Зиусхьан Хьисэ игъогу зэрэтехьагъэм икъэбар

къызэриІотэжьыгъэр

(Апостол. 9:1-19; 22:6-16)

 

12–Арэущтэу дин пэщэшхохэм фитыныгъэ къаІысхы­гъэу, пшъэрылъи къысатыгъэу, Дамаск сыкІонэу щы­тыгъ. 13Шэджагъом дэжь гъогум сырыкІозэ, тыгъэм нахьи нахь лыдырэ нэфынэ горэ уашъом къехэу, си­гъусэхэмрэ сэррэ тыкъиуцухьэу слъэгъугъэ, типачъыхь. 14Тэ зэкІэ чІыгум тытефи, джуртыбзэкІэ зы макъэ горэм мырэущтэу къыІоу зэхэсхыгъ:

–«Шаул, Шаул, сыд пае къин сэ сэбгъэщэчыра? Цур зием ибэщ кІыхьэ папцІэм цур ылъакъокІэ къызэре­шъутырырэм фэдэу ошІымэ, уиягъэ зэогъэкІыжьы».

15–«О ухэта, Зиусхьан?» сІуагъэ.

–«Хьисээу къин зэбгъэщэчырэр сэры», къыІожьыгъ Зиусхьаным. 16«Ау джы къэтэджи, о плъакъомэ къатеу­цожь. Сэ къысфэлажьэрэ лІы ухъунэу, Іофхэу плъэгъугъэхэмрэ озгъэлъэгъущтхэмрэ къэуушыхьатынхэуи узгъэнэфагъ ыкІи зыозгъэлъэгъугъ. 17О плъэпкърэ, хымэхэу узфэзгъэкІощтхэмрэ укъаІэпысхыжьыщт. 18Ахэр шІункІыгъэм къыхэкІынхэшъ, нэфынэм зыкъыфагъэзэ­ным паий, шэйтаным итетыгъо ыІэчІэгъ къычІэкІын­хэшъ, Тхьэм зыкъыфагъэзэным паий, ахэмэ анэхэр къэ­бгъэплъэжьынхэу адэжь усэгъакІо. Арэущтэу сэркІэ шІошъхъуныгъэ зэряІэм пае, япсэкІодхэр афэгъущтых, Тхьэм ицІыфхэу ежьым зыкъезытыгъэхэм ІэхьышІоу къалъысыщтри ахэми къалъысыщт».

 

Паул джуртхэмрэ хымэ лъэпкъхэмрэ апашъхьэ Хьисэ шыхьат зэрэщыфэхъугъэр

 

19–Арышъ, пачъыхьэ Агриппэ, уашъом щыщэу зыкъы­сэзыгъэлъэгъугъэм сыпэуцужьыгъэп. 20Апэу Дамаск къа­лэм дэсхэм, етІанэ Ерусалим дэсхэми, Иудей хэкум зэкІэ исхэми, хымэ лъэпкъхэм ащыщхэми язгъэІущтыгъ, япсэ­кІодхэм афыкІэгъожьынхэшъ, Тхьэм игъогу техьанхэу зэрэфаери, япсэкІодхэм зэрафыкІэгъожьыгъэм фэшъо­шэ ІофышІухэр агъэцэкІэнхэ зэрэфаери. 21 Джары джурт­хэм Тхьэм иунэшхо сыщаубыти, саукІынэу зыкІыпылъы­гъэхэр. 22Ау непэ нэсыфэкІэ Тхьэр ІэпыІэгъу къысфэ­хъузэ, цІыкІуми инми апашъхьэ мыщ дэжьым сыщытэу шъыпкъагъэм шыхьат сыфэхъу. Пегъымбархэмрэ пегъым­бар Мусэрэ къэхъун фэе Іофхэу зыфаІуагъэхэм анэмы­кІхэр къасІохэрэп; 23Мэссихь* къин ыщэчын фаеу зэрэщытыгъэри, апэрэу лІагъэхэм къахэтэджыкІыжьы­гъэу, ежь ылъэпкърэ хымэ лъэпкъхэмрэ нэфынэм икъэ­бар къаригъэІунэу зэрэщытыгъэри ары зыфасІохэрэр.

 

Паул Агриппэ шІошъхъуныгъэ зыригъэІэнэу зэрелъэІугъэр

 

24Паул арэущтэу зиухыижьы зэхъум, Фест мэкъэшхокІэ къыІуагъ:

–Паул, удел о. УишІэныгъэшхо пшъхьэ зэригъэкІо­кІыгъ.

25–Сэ сшъхьэ зэкІокІыгъэп, лъытэныгъэ зиІэ Фест,–къыІожьыгъ Паул, –сэ къасІохэрэр гущыІэ шъыпкъэх ыкІи гущыІэ губзыгъэх. 26Пачъыхьэм мы Іофхэр ешІэх, ащ ыпашъхьи гушхоныгъэкІэ сыкъыщэгущыІэ. Ащ гу­зылъимытэгъэ Іоф а Іофхэм зэрахэмытым сицыхьэ телъ, сыда пІомэ мы Іофхэр зэкІэ зы къогъу горэм къы щыхъугъэхэп. 27Пачъыхьэ Агриппэ, пегъымбархэм атхы­гъэхэмкІэ шІошъхъуныгъэ уиІа? ШІошъхъуныгъэ зэ­рэуиІэр сэшІэ.

28–Арэущтэу псынкІэу Мэссихь игъогу сытебгъэхьанэу огугъа?– ыІуи, Агриппэ Паул къыриІуагъ.

29–ПсынкІэми мыпсынкІэми о уимызакъоу, ау непэ сэ къасІохэрэр зэхэзыхырэ пстэури сэ сфэдэ хъунхэу Тхьэм селъэІу, ау Іэхъу-лъэхъу атерэмылъ,– къыІожьыгъ Паул.

30Ащ нэужым пачъыхьэр, Іэшъхьэтетыр, Вереникэ, ахэ­мэ ягъусэхэу щысхэр къэтэджыжьхи, унэм икІыжьыгъэх. 31Унэм зекІыжьхэм, зэраІожьыгъ:

–УкІ е хьапс зифэшъошэ Іоф мы лІым зи ышІагъэп.

32ЕтІанэ Агриппэ Фест риІуагъ:

–Мы лІым иІоф Кайсарым хьыкум тыришІыхьанэу мы­лъэІуагъэмэ, шъхьафитэу ттІупщыжьын тлъэкІыщтыгъэ.

 

26:23 Мэссихь – еплъ 2:30.

 

 

27

ЯТІОКІЫРЭ БЛЫНЭРЭШЪХЬ

 

Рим къэлэшхом кІонэу Паул къухьэ горэм зэритІысхьагъэр

 

Италием къухьэкІэ тэ* тызэрэкІощтыр Іэшъхьэтет Фест зытыреубытэм, Паули нэмыкІрэ хьапсчІэс купи Кайсарым идзэ ыцІэкІэ заджэхэу, нэбгырэ шъих хъурэ дзэлІ купым ипащэхэм ащыщэу, Иулый зыцІэм ыІэ рилъхьагъэх. 2Адрамит къалэм щыщ къухьэу Асие хэ­кум ихыІушъо Іут къалэхэм кІонэу щытыгъэм титІысхьи, ащ тыщежьагъ. Аристарх зыцІэу Македоние хэкум ит Фессалоникэ къалэм щыщыр тигъусагъ.

3ЯтІонэрэ мафэм Сидон къалэм тыІухьагъ. Иулый Паул нэшІукІэ къеплъи, Паул игъусэхэу ащ дэжьым дэсхэм Паул ищыкІагъэхэр ратынхэм пае, ахэмэ адэжь кІонэу фит ышІыгъ. 4Ащ дэжьым тэ тыкъыщежьи, жьыбгъэр къызэрэтпеорэм пае, Кипр хыгъэхъунэм ылъэ­ныкъоу жьыбгъэ къызыщемыпщэрэм тыготэу тыкІуагъ. 5Киликие хэкумрэ Памфилие хэкумрэ афэзанкІэу щыт хым тызэпырыкІи, Ликие хэкум щыщэу Мирэ къалэм тынэсыгъ. 6Ащ дэжьым Александрие къалэм щыщэу, Италием кІонэу къухьэ горэ дзэ пащэм къыщигъоти тыригъэтІысхьагъ. 7Мэфэ заулэрэ макІэ-макІэу тыкІозэ, къинкІэ Книд къалэм фэзанкІэу тынэсыгъ. Жьыбгъэм занкІэу тигъэкІуагъэпти, хым къыхэщэекІыгъэ чІыгу къуапэу Салмонэ зыцІэм тыблэкІызэ, Крит хыгъэхъунэм ылъэныкъоу жьыбгъэр къызыщемыпщэрэм тыготэу ты­кІуагъ. 8Хыгъунэм тыготэу къинкІэ тыкІозэ, Ласей къа­лэм пэгъунэгъоу «КъухьэуцупІэшІухэр» зыфаІорэ чІы­пІэм тынэсыгъ.

9Охътабэ блэкІыгъагъ, къухьэкІи узекІоныр щынагъоу хъугъагъэ, сыда пІомэ нэкІ мафэри* блэкІыгъах. Ары­ти, Паул лІыхэм агуригъаІозэ, 10мырэущтэу ариІуагъ:

–Шъо, лІы купыр, сэ зэрэслъэгъурэмкІэ, тигъогу щы­нагъо хэлъ, хьылъэхэмрэ къухьэмрэ ямызакъоу, тпсэ­хэри тшІокІодынхэу щынагъо щыІ.

 

27:1 тэ – еплъ 20:5.

27:9 нэкІ мафэр – джуртхэм ямэфэкТ мэфэшхоу «Иом Киппур» зыцІэр ары. Ар зытефэрэр ябгъонэрэ е япшІэнэрэ мазэр арыти, къухьэкІэ кІоныр щынагъоу хъугъэ. А мэфэкІ мэфэшхом джуртхэм анэкІы.

 

11Ау дзэ пащэр Паул къыІуагъэхэм анахьи, къухьэм итхьаматэми къухьэр зиеми къаІуагъэхэм нахь ядэІу­щтыгъ. 12 КІымафэр ащ дэжьым щыдгъэкІонэу къухьэуцупІэшІоу зэрэщымытыгъэм пае, а чІыпІэм тыкъыщежьэ­жьынышъ, амал иІэмэ, Финик зыцІэ къухьэуцупІэм ты­нэсынышъ, кІымафэр ащ щыдгъэкІонэу нахьыбэр зэгу­рыІуагъэ. Финик зыцІэ къухьэуцупІэр Крит хыгъэхъунэм икъухьэуцупІэхэм ащыщыгъ, къыблэ тыгъэ къохьэпІэ лъэныкъокІи, темыр* тыгъэ къохьэпІэ лъэныкъокІи фэ­гъэзагъэу щытыгъ.

 

Хым жьыбгъэшхо зэрэщыхъугъэр

 

13КъыблэмкІэ къикІэу жьыбгъэ тІэкІу къепщэ зэхъум, агу хэлъыр къадэхъугъэу ашІошІи, ежьэхи, Крит хы­гъунэм готхэу кІощтыгъэх. 14Ау бэ темышІэу, «Темыр тыгъэ къыкъокІыпІэмкІэ къикІырэ жьыбгъэшхор» хы­гъэхъунэм къикІи къапеуагъ. 15Жьыбгъэшхом къухьэр ыубытыгъ, къухьэри жьыбгъэшхом пэдгъэуцужьын ты­мылъэкІызэ, ыуж тикІыжьи, жьыбгъэшхом къухьэр ри­фыжьагъ. 16Клаудэ зыцІэ хыгъэхъунэ цІыкІу горэм ылъэныкъоу жьыбгъэ къызыщемыпщэрэм тыготэу ты­кІуи, къинкІэ къухьэм икъуашъо мыкІодэу къэдгъэнэ­жьыгъ. 17Къуашъор къаІэти, къухьэм ыкІоцІ къызыра­гъэхы ужым, кІэпсэшхохэр къухьэм ычІэгъыкІэ чІащыхи, жьыбгъэшхом зэпкъыримыутыным пае, къухьэм къы­ращэкІыгъ. Къухьэр Сыртис зыцІэ чэнджыпІэм къы­тенэнкІэ щынагъэхэти, чэтэнхэр къырагъэхыгъэх, арэу­щтэу жьыбгъэшхом зырагъэфыщтыгъ. 18ЯтІонэрэ мафэ­ми жьыбгъэр щынэгъошхуагъэти, хьылъэхэр хым хадзэу аублагъ. 19Ящэнэрэ мафэм къухьэм иІэмэ-псымэхэм ащыщхэр тэ тІэхэмкІэ хым хэтыдзэхэу тыублагъэ. 20Мэфэ заулэрэ тыгъи жъуагъуи къэмылъагъохэу, жьыбгъэшхор зэпыугъэпти, тымыкІодэу тыкъэнэжьынэу гугъапІэ ти­Іэжьыгъэп.

21ЛІыхэр мышхэхэу бэ зытешІэм, Паул ахэмэ апашъхьэ къиуцуи къыІуагъ:

–Шъо, лІы купыр, сэ шъукъысэдэІоу Крит шъукъы­щемыжьэгъагъэмэ, зэрар зи

 

27:12 темыр – арапыбзэкІэ «шэмал», тыркубзэкІи «кузей» ары.

 

шъуиІэщтгъэп, зи жъугъэкІодыщтгъэп. 22Ау джы шъугу шъумыгъэкІоды, къы­шъосэІо, сыда пІомэ шъуащыщэу зи кІодыщтэп. Къу­хьэр ары ныІэп кІодыщтыр. 23Тхьэу зибынхэм сащыщэу, сызфэлажьэрэм имэлэІич нычэпэ къысфэлъагъуи, 24къы­Іуагъ: «Умыщын, Паул! Кайсарым ыпашъхьэ уиуцон фае. Къухьэм исхэу къыбдакІохэрэ пстэури о уихьатыркІэ Тхьэм ынэшІу щыфэныгъэкІэ мыкІодхэу къыгъэнэжьы­щтых». 25Арышъ, шъо, лІы купыр, шъугу шъумыгъэ­кІоды. Тхьэм сэ къызэрэсиІуагъэм фэдэу зэрэхъущтымкІэ ежьым сыщэгугъы. 26Ау жьыбгъэшхом зы хыгъэхъунэ горэм тырифылІэн фае.

27ЯпшІыкІуплІэнэрэ чэщым Адриэхым тыхэтэу жьы­бгъэшхом къухьэр ыфызэ, чэщныкъом дэжь лІыхэм чІыгу горэ гъунэгъу къызэрэхъугъэм гу лъатагъ. 28Хым икуугъэ зашым, ІэплІэкІу тІокІ хъугъэ. ТІэкІу джыри тыкІохи, етІани куугъэр зашым, ІэплІэкІу пшІыкІутф хъугъэ. 29Жьыбгъэшхом къухьэр мыжъошхохэм ашІуигъэнэнкІэ щынагъэхэти, къухьэм ыкІэкІэ гъурзиплІ ра­дзыхыгъэу, нэф къэшъыным гузажъохэу паплъэщтыгъэх. 30Шъэфэу хэхьажьынхэм пае къухьэр зыфыхэрэм ащ ыпэ­кІэ гъурз заулэ радзыхырэм фэдэу зашІи, къуашъор хым ратІупщэхыгъ. 31Джащыгъум Паул дзэ пащэмрэ дзэ­лІхэмрэ ариІуагъ:

–А лІыхэр къухьэм къимынэхэмэ, шъупсэхэр мыкІод­хэу къэжъугъэнэжьынхэ шъулъэкІыщтэп.

32Паул арэущтэу зареІом, дзэлІмэ къуашъом икІэпсэ­шхохэр зэпаупкІыхи, къуашъор рагъэфэхыгъ.

33Нэф зэшъым ыуж, Паул зэкІэри шхэнхэу ялъэІоу, мырэущтэу къыІуагъ:

–Непэ мэфэ пшІыкІуплІ мэхъу, шъо гузэжъогъум шъу­хэтэу зи зышъумышхыгъэр. 34Арышъ, шъушхэнэу лъэ­шэу сышъолъэІу, шъумыкІодэу шъукъэнэжьыным пае, ар шъуищыкІагъ. Шъуащыщэу зыми ышъхьац налъэ кІо­дыщтэп.

35Паул арэущтэу къызеІо ужым, хьалыгъу къышти, зэкІэмэ апашъхьэ Тхьэм щытхъу щыфишІи, хьалыгъур зэгуичи, ышхэу ыублагъ. 36ЗэкІэми гу къызыІэпашІыхьа­жьи, ахэри шхагъэх. 37Тэ къухьэм ис пстэури нэбгырэ шъитІурэ тІокІищырэ пшІыкІухырэ тыхъущтыгъ.

38Ахэмэ зызагъэшхэкІыжьым, коц хьылъэхэр хым хадзэхэзэ, къухьэр нахь псынкІэ ашІыгъ.

 

Къухьэр зэрэзэхэкъутагъэр

 

39Нэф къызэшъым, хыІушъор ашІэжьыгъэп, ау пша­хъо Іулъэу зы хытІуалэ* горэ алъэгъугъ. Амал иIэмэ, ащ къухьэр рафылІэнэу тыраубытагъ. 40Гъурзэхэм якІэпсэшхохэр зэпаупкІыхи, хым къыхагъэнагъэх. Ардэ­дэм къухьэр зыгъэІорышІэрэ хьанцэхэм якІэпсэшхохэри атІэтагъэх. ЕтІанэ чэтэн цІыкІур жьыбгъэм щагъаІи, хыІушъом фаузэнкІыгъ. 41Ау къухьэр пшэхъолъэ чІыпІэ горэм хахьи, пшахъом къытенагъ. Къухьэм ыпэкІэ мы­хъыешъоу чэнджыпІэм тенагъ, хыор лъэшхэми къу­хьэм ыкІэ зэпкъыраутэу аублагъ.

42ХьапсчІэсхэм ащыщэу зыгорэ есызэ хэмыхьажьыным пае, дзэлІхэм ахэр аукІынхэ агу хэлъыгъ. 43Дзэ пащэм Паул мыкІодэу къыгъэнэжьынэу фэягъэти, дзэлІхэм ягу­хэлъ аримыгъашІэу, есыкІэ зышІэхэрэм апэ псым зы­хадзэнышъ, хыІушъом Іусыхьанхэу унашъо афишІыгъ. 44Къэнагъэхэри пхъэмбгъухэмрэ къухьэм щыщ къутафэ­хэмрэ ателъхэу хыІушъом зынагъэсынэу ариІуагъ. Арэу­щтэу зэкІэри хыІушъом нэсхи, псаухэу къэнэжьыгъэх.

 

 

28

ЯТЮКІЫРЭ ИНЭРЭШЪХЬ

 

Мелит хыгъэхъунэм Паул къыщехъулІагъэхэр

 

Тыпсаоу тыкъызэнэжьым, а хыгъэхъунэм МелиткІэ* зэреджэхэрэр зэдгъэшІагъ. 2Хыгъэхъунэм исхэр шІугъэ­шхокІэ къытпэгъокІыгъэх. Ощхышхоу ыкІи чъыІэшхоу зэрэщытым пае, машІо ашІи, тэ зэкІэ тырагъэблэгъагъ. 3Паул чы бэу ыугъои, машІом зытырелъхьэм, фэбагъэм блэ горэ чыхэм къахигъэкІи, ыІэ къеуи, къыкІэрылэлэу къыкІэрынагъ. 4Хыгъэхъунэм исхэмэ блэр Паул ыІэ къыпылэлэу залъэгъум, зэраІожьыгъ:

–Мы лІыр укІакІо горэу щытын фае; сыда пІомэ хым псаоу къыхэкІыжьыгъэми, Тхьэм ишъыпкъагъэ ар псэунэу фит ышІыгъэп.

5Ау Паул ыІэ ыгъэсыси, блэр машІом хидзи, блэм иягъэ Паул къекІынэу хъугъэп.

 

27:39 хытІуалэ – псэу чІыгум къыхахьэрэр ары. 28:1 Мелит – Малтэ ары.

 

6«А лІыр бэгыщт е ошІэ-дэмышІэу зэхэфэнышъ, лІэщт», аІуагъ ахэмэ, ау бэрэ пэплъагъэхэу, Паул зи къыщымышІыгъэу залъэгъум, ягупшысакІэ зэблахъуи, «Мыр тхьэ гор», аІуагъ.

7А чІыпІэм игъунэгъоу хыгъэхъунэм итхьаматэу Пу­блый зыцІэм чІыгушхохэр щыриІагъэх. Ащ тыригъэ­благъи, мэфищэ игуапэу тихьакІагъ. 8Публый ятэ плъы­рыстырымрэ ныбэузымрэ зыкІаубытагъэу пІэм сымаджэу хэлъыгъ. Паул сымаджэм ыдэжь ихьи, Тхьэм фелъэІуи, ыІэхэр тырилъхьэхи, ыгъэхъужьыгъ. 9Арэущтэу зэхъум, хыгъэхъунэм щыІэ нэмыкІ сымаджэхэри Паул ыдэжь къакІохи, Паул ахэри ыгъэхъужьыгъэх. 10Гъогогъу пчъа­гъэкІэ лъытэныгъэ къытфашІыгъ, тыкъызежьэжьыми, тищыкІагъэхэр къытфахьыгъ.

 

Паул Рим къэлэшхом зэрэнэсыгъэр

 

11Мэзищ зытешІэм, Александрие къалэм щыщэу, «Тхьэ ТIуазэхэр»* зыфаІорэ къухьэу, а хыгъэхъунэм кІымафэм щыІагъэм титІысхьи, ащ тыкъыщежьагъ. 12Сиракуз къа­лэм тыІухьи, мэфищэ ащ тыщыІагъ. 13Ащ тыкъыщежьи, Ригие къалэм тынэсыгъ. Зы мафэм ыуж къыблэм къи­кІырэ жьыбгъэр къепщэу ыубли, ятІонэрэ мафэм Пу­теол къалэм тынэсыгъ. 14Ащ тшы заулэ къыщыдгъотхи, ахэмэ адэжь мэфиблэ тыщыІэнэу къытэлъэІухи тырагъэ­блэгъагъ. Ащ нэужым Рим къэлэшхом тыкІонэу гъогум тытехьажьыгъ. 15Рим дэс тшыхэм тыкъызэрэкІощтыр зэхахыгъагъэти, «Аппый ЗэхэхьапІэ»* зыцІэ къалэмрэ «Хьэ­кІэщыпІищ»* зыцІэ къалэмрэ анэсы къытпэгъокІынхэу къэкІуагъэх. Паул ахэр зелъэгъухэм, Тхьэм щытхъу фи­шІи, гу къызыІэпишІыхьажьыгъ. 16Рим тыкъызынэсым, Рим тетыгъо зиІэхэм Паулрэ ежьым иухъумакІо дзэлІым­рэ язакъоу дэсынхэу фит ашІыгъэх.

 

28:11 Тхьэ ТІуазэхэр – Зевс зыфаІорэ тхьэ нэпцІым ыкъоу тІуазэхэу, Касторрэ Поллуксрэ ары. Къухьэ зыфыхэрэм а тхьэ нэпцІитІур агъэ­лъапІэщтыгъэх.

28:15 «Аппый ЗэхэхьапІэ» зыцІэ къалэр – Рим къэлэшхом киломстрэ 70-кІэ пэчыжьэу, икъыблэ лъэныкъокІэ итыгъ.

28:15 «ХьэкІэщыпІищ» зыцІэ къалэр – Рим къэлэшхом километрэ 55–кІэ пэчыжьэу. икъыблэ льэныкъомкІэ итыгъ.

 

Паул Рим къэлэшхом къэбарышІур зэрэщигъэІущтыгъэр

 

17Мэфищ нэужым Паул джуртхэм ятхьаматэхэр къа­ригъэщагъэх. Ахэр къызызэрэугъоихэм, ариІуагъ:

–Сшыхэр, тэ тлъэпкъ мыхъун зи есымышІагъэу, тя­тэжъхэм яхабзэхэми сатемыкІыгъэ пэтми, Ерусалим сыщаубыти, Рим цІыфхэм саІэкІалъхьагъ. 18Ахэр сэ сиІоф зыхэплъэхэм ыуж, укІ зифэшъошэ мыхъун зи къы­сагъотылІагъэпти, сыкъатІупщыжьынэу фэягъэх. 19Ау джуртхэр Рим цІыфхэм сызэратІупщыжьыщтым зыпэуцу­жьхэм, Кайсарым сиІоф хьыкум тыришІыхьанэу сылъэІон фаеу хъугъэ. Ау сэ слъэпкъ седэоныр арэп арэущтэу зыфэсшІагъэр. 20Іофхэр арэущтэу зэрэщытхэр ары шъус­лъэгъунэу ыкІи сыкъыжъудэгущыІэнэу шъукъызкІязгъэ­щагъэр. Шъыпкъэ, Израил цІыфхэр зыщыгугъыхэу, зы­паплъэхэрэм* пае Іэхъухэр стелъых.

21–О уикъэбар зэрыт тхылъ горэ Иудей хэкум къикІэу къытфэкІуагъэп,– къыраІожыгъ ахэмэ. –Ащ дэжьым къикІыхэу, мыщ дэжьым къэкІогъэ тшыхэми ощ пае къэбар Іае горэ ыкІи къытфахьыгъэп ыкІи къытаІуагъэп. 22О уигупшысэхэр къапІохэзэ, тябгъэдэІумэ тшІоигъу; сыда пІомэ цІыфхэр тыдэкІи а цІыф купэу диным ры­кІорэм* зэрэщыпэуцухэрэр тэ тэшІэ.

23Зы мафэ горэ агъэнафи, Паул зэрыс унэм цІыф купышхо къэкІуагъ. Пчэдыжьым щегъэжьагъэу пчы­хьашъхьэм нэсы Тхьэм и Тетыгъошхо* икъэбар Паул агуригъаІозэ, а тетыгъошхом шыхьат фэхъугъ. Пегъым­бар Мусэ и Тэурат хабзэ итхэмрэ пегъымбархэм атхыгъэ тхылъхэм арытхэмрэ* ащыщхэм къяджэзэ, Паул Хьисэ ехьылІагъэу къыІохэрэр ашІошъ ыгъэхъуным пылъыгъ. 24Паул къыІуагъэхэр зы куп ышІошъ хъугъэ, нэмыкІхэми ашІошъ хъугъэп.

25А джуртхэр зэгурымыІохэу зэбгырыкІыжьынхэм ыпэ­кІэ, Паул мы гущыІэхэр къыІуагъэх:

–Тхьэм ы Псэ ЛъапІэ пегъымбар Ешай шъуятэжъхэм яхьылІагъэу шъыпкъагъэр къыригъэІуагъ:*

 

28:20 Израил цІыфхэр зыщыгугъыхэу, зыпаплъэхэрэр – Мессихь ары.

28:22 цІыф купэу диным рыкІорэр – еплъ 24:5.

28:23 Тхьэм и Тетыгъошхо – еплъ 1:3.

28:23 пегъымбар Мусэ и Тэурат хабзэ итхэмрэ пегъымбархэм атхыгъэ тхылъхэм арытхэмрэ – еплъ 13:15.

 

26«Мы лъэпкъым ыдэжь кІуи, мырэущтэу еІу:

Шъо егъашІэм зэхэшъухы зэпытыщт, ау къыжъугурыІощтэп;

шъо егъашІэм шъулъэгъу зэпытыщт, ау гу лъышъутэщтэп.

27Сыда пІомэ мы цІыф лъэпкъым щыщхэм агухэм гулъытэ ямыІэ хъугъэ.

Ахэмэ атхьакІумэхэмкІэ жъажъэу зэхахы, анэхэри аупІыцІагъэх.

Арэущтэу щымытыгъэмэ, анэхэмкІэ алъэгъущтыгъ,

атхьакІумэхэмкІи зэхахыщтыгъ, агухэмкІи къагурыІощтыгъ,

садэжьи къагъэзэжьыгъэмэ, сэ ахэр згъэхъужьыщтыгъэх».

28–Арышъ, цІыфхэр мыкІодхэу, Тхьэм къызэригъэнэ­жьхэрэм икъэбар хымэ лъэпкъхэм Тхьэм къызэранигъэ­сыгъэр шъо зэжъугъашІэ. Ахэри а къэбарым едэІущтых!

29Паул а гущыІэхэр къызеІохэм, джуртхэр лъэшэу зэ­цІацІэхэзэ, унэм икІыжьыгъэх.

30Паул чырэкІэ ыубытыгъэ унэм илъэситІум щыпсаоу, ыдэжь къакІорэ цІыф пстэури ригъэблагъэщтыгъэх. 31 Зы цІыфи зыкІи къыпэмыуцоу, Тхьэм и Тетыгъошхо икъэбар ыгъэІущтыгъ, Зиусхьанэу Хьисэ Мэссихь ехьылІагъэу гушхоныгъэкІи цІыфхэм аригъашІэщтыгъ.

 

28:25-27 къыригъэІуагъ – еплъ Пегъымбар Ешай тхылъэу ытхыгъэм 6:9-10.

 

06 James / Якъуб

01

АПОСТОЛ ЯКЪУБЭ ТХЫЛЪЭУ ЫТХЫГЪЭР

АПЭРЭШЪХЬ

ШІуфэс ехыныр

Сэ сы Якъубэ, Тхьэмрэ Зиусхьанэу Исус Христосрэ сафэлажьэ. Шъо дунаем итэкъухьагъэхэу щыпсэурэ унэ­гъо лъэпкъ пшІыкІутІум шІуфэс шъосэхыжьы.

ШІошъхъуныгъэмрэ зэхэшІыкІыныгъэмрэ

2Сшыхэр, шъуишІошъхъуныгъэ ишъыпкъагъэ зыгъэ­унэфырэ къин зэфэшъхьафхэм шъуахафэмэ, шъугушІу, 3сыда пІомэ мы къинхэм шъуишІошъхъуныгъэ ишъы­пкъагъэ загъэунэфы ужым, а къинхэм теубытэныгъэ къа­рыкІэу зэрэщытыр шъошІэ. 4Теубытэныгъэми иІоф рерэ­гъэкъу, лъэныкъо пстэумкІи зишъыпкъагъэ щыкІагъэ зимыІэ цІыф икъугъэхэу шъухъуным пае. 5Ау шъуащыщэу зыгорэм изэхэшІыкІыныгъэ щыкІагъэ иІэмэ, Тхьэм ерэ­лъэІу, ащи зэхэшІыкІыныгъэ къыритыщт. Сыда пІомэ зыми емыгыеу, игуапэу Тхьэм зэкІэми аретышъ ары. 6Ау

емыхъырэхъышэу, шІошъхъуныгъэкІэ ерэлъэІу, сыда пІомэ Тхьэм ехъырэхъышэрэр хыорэу жьыбгъэм адыкІи мыдыкІи ыфызэ, зэридзэрэм фэд. 7Тхьэм зыгорэ къы­ритынкІэ ащ фэдэ цІыфыр орэмыгугъэ. 8Ар темыубыта­гъэу, акъыл тІуанэ зиІэ цІыф, ышІэрэ пстэумкІи теубы­тэныгъэ иІэп.

ТхьамыкІагъомрэ баиныгъэмрэ

9Къош тхьамыкІэр Тхьэм ар зэриІэтыгъэмкІэ орэгушІо. 10Ау баир Тхьэм ар зэригъэцІыкІугъэмкІи орэгушІо, сыда пІомэ уцым икъэгъагъэ фэдэу кІодыжьыщт. 11Тыгъэр къыкъокІы, къыдэкІуае, фэбэ дэдэ мэхъу. Фэбагъэми уцыр егъэгъу. Уцым икъэгъагъэ къыпэтэкъушъ, идэ­хагъэ мэкІодыжьы. Джащ фэдэу лІы баир иІофхэм апы­лъызэ кІодыжьыщт.

Къинхэу цІыфхэм яшъыпкъагъэ зыгъэунэфыхэрэмрэ Іофхэу цІыфхэм псэкІод ашІэнэу дэзыхьыххэрэмрэ

12ЦІыфэу зишъыпкъагъэ гъэунэфыгъэу хъу зыхъукІэ, теубытэныгъэ зиІэр сыхьатмафэ ежьагъ, сыда пІомэ ишъыпкъагъэ гъэунэфыгъэу зыхъурэ ужым, мыкІодыжьын щыІэныгъэ танджэу ежьыр шІу зылъэгъухэрэр къызэри­гъэгугъагъэхэр Тхьэм а цІыфым къыритыщт.

13ЦІыф горэ ишъыпкъагъэ зыгъэунэфырэ къиным ха­фэмэ, «Тхьэр ары сызыгъэунэфэу сыдэзыхьыхрэр», ерэ­мыІу. Бзэджагъэм Тхьэр зыІэпищэшъущтэп. Тхьэми зыми бзэджагъэ ышІэнэу дихьыхыщтэп. 14Хэти ежь ихъопсэ­ныгъэ Іаехэр ары зыІэпызыщэхэу ыкІи зыдэзыІыгъхэу дэзыхьыххэрэр. 15Хъопсэныгъэ Іаер лъэрмыхьэ хъумэ, псэкІодшІэныр къелъфы; псэкІодшІэнри икъугъэу хъу зыхъукІэ, лІэныгъэр къелъфы.

16Сшы лъапІэхэр, зыми зешъумыгъэгъапцІ. 17Сыдрэ тын дэгъури тын шъыпкъэри уашъом ыдэжь къекІы, уашъом щыІэ нэфынэхэм Ятэ лъапІэ ыдэжь къекІы. ЗызэзыхъокІырэ жьаухэм афэдэу ащ зызэблихъужьырэп. 18Ежь фэягъэти шъыпкъагъэм игущыІэхэмкІэ ибынэу тигъэхъугъ, ежьым къыгъэхъугъэ пстэуми ащыщхэу апэ­рэу тыхъуным пае.

Тхьэм игущыІэхэм уядэІунымрэ бгъэцэкІэнхэмрэ

19Сшы лъапІэхэр, мыр зэжъугъашІэ. Хэти дэІонымкІэ псынкІэу орэхьазыр, ау шІэхэу орэмыгущыІэ, псынкІэуи орэмыгубж. 20Сыда пІомэ цІыфым игубжыныгъэ Тхьэм ыдэжькІэ шъыпкъагъэр ыгъэцакІэрэп. 21Арышъ, къы­шъуханэрэ гу шІоигъэ пстэури бзэджагъэ пстэури хэшъу­нэжьых. Тхьэм шъугухэм къарилъхьэгъэ гущыІэхэу шъу­псэхэр мыкІодхэу къэзыгъэнэжьын зылъэкІыщтхэр гу­шъэбагъэкІэ шъуубытых.

22Тхьэм игущыІэхэм шъуядэІу къодыекІэ хъущтэп, жъу­гъэцэкІэнхэ фае. Армырмэ зышъогъэпцІэжьы. 23Сыда пІомэ а гущыІэхэм ядэІоу зымыгъэцакІэрэр зынапэу гъунджэм къищырэм еплъырэ цІыфым фэд. 24Ар зэплъы­жьышъ, ІокІыжьы, итеплъи зыфэдагъэр щэгъупшэжьы. 25Ау цІыфэу ышІэрэ пстэумкІэ сыхьатмафэ ежьагъэр мыры: Тхьэм иунашъохэу щыкІагъэ зимыІэхэу ыкІи икъу­гъэхэу, цІыфхэм шъхьафитныгъэ яІэ зыгъэхъухэрэм дэгъоу ахэплъэрэ зэпытэу, Іофхэу зэдэІугъэхэри щымыгъу­пшэжьэу зыгъэцакІэрэр ары.

26Тхьэм ищынагъо ыгу зэрилъыр зыгорэ шІошІэу, ау ыбзэгу ымыубытмэ ащ зыкъегъэпцІэжьы, идини пкІэ иІэп. 27Ау Тхьэу Ты лъапІэм ыдэжькІэ Тхьэм ищынагъо къабзэу, щыкІагъэ зимыІэр мыр ары: гузэжъогъум хэт­хэу ибэхэмрэ шъузабэхэмрэ уакІэлъыплъэнри, лажьэ уи­мыІэу мы дунаем ибзэджагъэ зыщыбдзыенри ары.

 

02

ЯТЮНЭРЭШЪХЬ

ЦІыфхэм ятеплъэ шъуемыплъэу, цІыф пстэури шъуизэфэдэн фаех

Сшыхэр, ти Зиусхьанэу Исус Христосэу щытхъушхо зи­ІэмкІэ шІошъхъуныгъэ шъуиІэзэ, цІыфхэм ятеплъэ шъуе­мыплъэу, цІыф пстэури шъуизэфэдэн фаех. 2Дышъэ Іэ­лъын ыІэхъуамбэ пылъэу, щыгъын лъапІэхэр щыгъхэу зы лІы бай гори, щыгъыныжъхэр щыгъхэу зы лІы тхьа­мыкІэ гори шъуизэІукІэ къыхэхьагъэу тІон. 3Щыгъын лъапІэхэр зыщыгъырэ лІым шъуеплъэу, «Мо, къебла-

гъи тІыс», ешъуІомэ, ау тхьамыкІэм, «Модэ щыт», шъу­Іоу, е «Мо слъакъохэм адэжь къэтІыс», ешъуІомэ, 4ащыгъум цІыф зэхэдзыныгъэ шъошІыба? ХьыкумышІэ­хэу гупшысэ Іаехэр зиІэхэм афэдэу шъухъугъэба?

5Сшы лъапІэхэр, шъукъэдаІу. Мы дунаем ицІыф тхьа­мыкІэхэр арыба Тхьэм къыхихыгъэхэр, шІошъхъуны­гъэмкІэ баиныгъэ шъыпкъэр агъотыжьыным паий, Тхьэм ежьыр шІу зылъэгъухэрэр къызэригъэгугъэгъэ тетыгъо­шхомкІэ ІэхьышІу къалъысыным паий? 6Ау шъо тхьамы­кІэр зэшъупэсыгъэп. Байхэр арыба шъуезыгъэзыхэрэри, хьыкумышІэхэм апашъхьэ шъуизыщэхэрэри? 7Ахэр ары­ба шъо къызэрышъуаджэхэрэ цІэу Исус Христос ыцІэ лъапІэм ІэягъэкІэ тегущыІэхэрэр?

8Тхьэм игущыІэ тхыгъэхэм арытэу,* типачъыхьэ иуна­шъоу, «О пшъхьэ шІу зэрэплъэгъурэм фэдэу, уигъунэ­гъуи шІу лъэгъу», ыІоу зыфиІорэр шъыпкъагъэкІэ шъогъэцакІэмэ, дэгъоу шъошІэ. 9Ау цІыфхэм ятеплъэ шъуеплъэу, цІыф пстэури шъуизэфэдэхэу щымытхэмэ, псэкІод шъошІэ, Тхьэм иунашъохэми шъуатекІыгъэу мы­сэ шъохъу. 103ыгорэ Тхьэм иунашъохэм зэкІэм ядэІоу, ау зы унэшъо закъом текІымэ, унашъо пстэуми атекІыгъэу мысэ мэхъу. 11Сыда пІомэ «Зинэ умышІэ», зыІуагъэм* ыкІи «ЦІыф умыукІы» ыІуагъ. Арышъ, зинэ умышІэу цІыф горэ уукІымэ, Тхьэм иунашъо утекІыгъэу мэхъу.

12Арышъ, Тхьэм иунашъохэу цІыфхэм шъхьафитныгъэ яІэ зыгъэхъушъухэрэм атетэу Тхьэм хьыкум зытыришІы­хьащт цІыфхэм зэрафэшъуашэм фэдэу, шъугущыІ ыкІи шъузекІу. 13Сыда пІомэ гукІэгъуныгъэ зыгу имылъым Тхьэм гукІэгъуныгъэ фимышІэу хьыкум тыришІыхьащт. Ау гукІэгъуныгъэр гъэмысэныгъэм текІощт.

ШІошъхъуныгъэмрэ шІушІэнымрэ

14Сшыхэр, зыгорэм шІугъэ ымышІэу, «ШІошъхъуны­гъэ сиІ», ыІомэ, сыда ащ ишІуагъэу къэкІощтыр? Ащ фэдэ шІошъхъуныгъэм а цІыфыр мыкІодэу къыгъэнэ-

2:8 Тхьэм игущыІэ тхыгъэхэм арытэу – еплъ Пегъымбар Мусэ ящэнэрэ тхылъэу ытхыгъэм 19:18.

2:11 зыІуагъэм – еплъ Пегъымбар Мусэ ятІонэрэ тхылъэу ытхыгъэм 20:13,14.

жьын ылъэкІына? 15Шъу зы шы горэм е шъу зы шып­хъу горэм щыгъыни, мафэм ышхыщт шхыни имыІэу тІон. 16«Гъогу мафэх, гупсэфыныгъэ шъуиІэу шъопсэу. Зыжъугъэфаб ыкІи зыжъугъэшхэкІ», ыІоу шъуащыщэу зыгорэм ахэмэ ариІоу, ау ящыкІагъэр аримытымэ, сыда ащ ишІуагъэу къэкІощтыр? 17ШІошъхъуныгъэм иІоф ащ фэдэу щыт. ШІу зымышІэрэм ишІошъхъуныгъэ лІагъэм фэд.

18Ау зыгорэм къыІонкІи мэхъу:

-Зы цІыфым шІошъхъуныгъэ иІ, адрэм шІушІагъэхэр иІэх.

Ащ фэдэ цІыфым сэ есІон:

-ШІушІагъэхэр зимыгъусэ шІошъхъуныгъэу зыфапІорэр сэгъэлъэгъу, шІоу сшІэхэрэмкІэ сишІошьхъуныгъэ озгъэ­лъэгъущт.

19Зы Тхьэ нахь зэрэщымыІэмкІэ шІошъхъуныгъэ уиІ. Ар дэгъу. ДжынапцІэхэми ар ашІошъ мэхъу ыкІи мэкІэ­зэзых. 20О зэхэшІыкІыныгъэ зимыІэ цІыф, шІушІагъэхэр зимыгъусэ шІошъхъуныгъэм ишІуагъэ къызэрэмыкІощтыр къыбгурызгъэІонэу уфая? 21Тятэжъышхо Ибрахьимэ* ыкъо Исхьакъ къурмэншІыпІэм зытырелъхьэм, ышІагъэм пае Тхьэм ежьым ыдэжькІэ ащ шъыпкъагъэ иІэу ылъыта­гъэба! 22Арэущтэу Ибрахьимэ ишІошъхъуныгъэрэ ишІу­шІагъэхэмрэ зэрэзэгъусагъэхэр олъэгъу. Ибрахьимэ ишІу­шІагъэхэр ары ишІошъхъуныгъэ изыгъэкъугъэхэр. 23Мы гущыІэхэу Тхьэм игущыІэ тхыгъэхэм арытхэри* къэшъы­пкъэжьыгъэх: «Ибрахьимэ ТхьэмкІэ шІошъхъуныгъэ иІэ хъугъэ. Арыти, Тхьэм ежьым ыдэжькІэ ащ шъыпкъа­гъэ иІэу ылъытагъ». Тхьэм иныбджэгъукІи Ибрахьимэ еджэщтыгъэх. 24Арэущтэу шъолъэгъуба, цІыфым шІошъ­хъуныгъэ зэриІэм имызакъоу шІу зэришІэрэри ары Тхьэм ежьым ыдэжькІэ ащ шъыпкъагъэ иІэу зыкІилъытэрэр?

25Ащ фэдэу бзылъфыгъэ хэтакІоу Раав* зыцІэм джурт лІыкІохэр ригъэблагъэхи, нэпэмыкІ гъогукІэ зыкІарегъэ­тхъужьым, ышІагъэм пае Тхьэм ежьым ыдэжькІэ ащ

2:21 Ибрахьимэ – еплъ Пегъымбар Мусэ апэрэ тхылъэу ытхыгъэм 22:1-14.

2:23 Тхьэм игущыІэ тхыгъэхэм арытхэр – еплъ Пегъымбар Мусэ апэрэ тхылъэу ытхыгъэм 15:6.

2:25 Раав – еплъ Исус Навин икъэбар зэрыт тхылъым 2:1-21.

шъыпкъагъэ иІэу ылъытагъэба? 26Арэущтэу псэ зимыІэ пкъыр зэрэлІагъэм фэдэу, шІушІагъэхэр зимыгъусэ шІошъхъуныгъэри лІагъэм фэд.

 

03

ЯЩЭНЭРЭШЪХЬ

Бзэгур уубытыныр

Сшыхэр, шъуащыщэу бэ гъэсакІоу орэмыхъу, сыда пІо­мэ Тхьэм тэ гъэсакІохэм хьыкумэу къыттришІыхьащтыр нахь хьыкумышхоу зэрэхъущтыр шъошІэ. 2Тэ зэкІэми Іаджыри псэкІод тэшІэ. ЦІыф горэм игущыІэхэмкІэ псэкІод ымышІэмэ, зишъыпкъагъэ щыкІагъэ зимыІэ цІыф икъугъэу щыт, ыпкъ зэкІэ ыгъэІорышІэн елъэкІы.

3Шыхэм шхоІур ажэмэ адэтэлъхьэ, дгъэІорышІэнхэм пае. АщкІэ зэкІэ апкъ зетэщэ. 4Къухьэхэми шъуяплъ. Ахэр иных, жьыбгъэшхохэми афых. Ау щытми, къухьэр зезыфэрэм къухьэм ыкІэ пыт хьанцэ цІыкІумкІэ зыды­фаем егъазэ. 5Ащ фэдэу бзэгури пкъым щыщэу зы пкъы­гъо цІыкІу, ау бэ егъахъэ. Шъуеплъ, мэшІо цІыкІум мэзышхор зэрэзэкІигъанэрэм. 6Бзэгури зыгъэкІодырэ ма­шІом фэд. Мы дунаем ибзэджагъэ ащ тиз. Тэ тпкъы щыщхэм ащыщэу бзэгур ары пкъыр зэкІэ мыкъабзэу зышІырэр, щыІэныгъэм ищэрэхъи* машІо хэзыгъанэ­рэр. Джэхьнэмым имашІу ары ежь бзэгум машІо къы­кІэзыдзагъэр.

7Сыдрэ хьакІэ-къуакІи, бзыуи, ныбэкІэ цуахъорэ псэу­шъхьи, псым хэс псэушъхьи цІыфхэмэ агъэІасэх ыкІи агъэІэсагъэх, 8ау бзэгур зыми ыгъэІэсэн ылъэкІы­рэп. Ар къэбгъэуцун умылъэкІэу бзаджэ гор, лІэныгъэ къызхэкІырэ щынаутри хиз.

9БзэгумкІэ Тхьэу Ты лъапІэм щытхъу фэтэшІы, бзэгум­кІи ежь фэдэнхэу Тхьэм къыгъэхъугъэ цІыфхэм тяхъоны. 10А жэ дэдэм щытхъури хъонэныри къыдэкІых. Арэущтэу щытмэ хъущтэп, сшыхэр. 11А зы псынэ дэдэм псы ІэшІури псы дыджыри къикІын ылъэкІына? 12Сшыхэр, ынджыр

3:6 щыІэныгъэм ищэрэхъ – зы цІыф горэм ищыІэныгъэ зэкІэ ары.

чъыгым* зейтун* къыпыкІэн ылъэкІына? Е сэнэшъхьэ къулэм ынджыр къыпыкІэн ылъэкІына? Джащ фэдэу псынэ щыугъэм псы ІэшІу къикІын ылъэкІыщтэп.

ЗэхэшІыкІыныгъэу уашъом къикІырэр

13Шъо шъуащыщэу хэта зэхэшІыкІыныгъи гулъытэны­гъи зиІэр? Ащ изекІокІэ дэгъукІэ гушъэбагъэу зэхэшІы­кІыныгъэм къикІырэр иІэу, ишІушІагъэхэр къерэгъэлъа­гъох. 14Ау шъугъоныгъэ дыджымрэ зэщыхьаныгъэмрэ шъугухэм арылъхэмэ, шъузыщымытхъужь, шъыпкъа­гъэри шъумыгъэпцІы. 15Ащ фэдэ зэхэшІыкІыныгъэр уа­шъом къикІырэп, ар мы дунаем щыщ нахь. Тхьэм Ыпсэ ЛъапІи хэлъэп, джынапцІэхэр хэлъхэ нахь. 16Сыда пІо­мэ шъугъоныгъэрэ зэщыхьаныгъэрэ зыдэщыІэм, Іофхэр зэІыхьагъэхэу щэхъух, сыдрэ дэигъэри щыІэ мэхъу.

17Ау уашъом къикІырэ зэхэшІыкІыныгъэр ыпэ рапшІэу къабзэ, етІанэ зэшІужьыныгъэ хэлъ, гушъабэ, ІорышІэ, гукІэгъу хэлъ зэпыт, шІу ешІэ зэпыт, зафэ, тхьагъэпцІы­гъэри хэлъэп. 18ЗэшІужьыныгъэ зышІэхэрэр ары шъып­къагъэр къызхэкІырэ чылапхъэр гупсэфыныгъэкІэ цІыф­хэм агухэм арызылъхьэхэрэр.

 

04

ЯПЛІЭНЭРЭШЪХЬ

Мы дунаем ныбджэгъу уфэхъуныр

Зэпыиныгъэрэ зэщыхьаныгъэрэ тыдэ къикІыхэу къы­шъухахьэхэра? Хъопсэныгъэ Іаехэу шъугухэм ащызаохэ­рэр арыба къызхэкІыхэрэр? 2Зыгорэм шъуфай, ау къы­жъудэхъурэп. ШъоукІы ыкІи шъохъуапсэ, ау шъузыфаер шъуІэкІахьэрэп. Шъузэщэхьэх ыкІи шъузэпый. Тхьэм къы­шъуитынэу шъуелъэІурэпышъ, зи шъуиІэп. 3Тхьэм шъу­елъэІуми, зи къышъуитырэп, сыда пІомэ Іэягъэ шъугу-

3:12 ыджыр чъыгыр – «смоковницэ» ары. 3:12 зейтун – «маслинэ» ары.

хэм арылъэу, шъугухэр зыкІэхъопсырэ Іофхэм атежъу­гъэкІодыныр ары Тхьэм шъузфелъэІурэр.

4Шъо зинэ зышІэхэрэм шъуафэд. Мы дунаем ныбджэ­гъу шъуфэхъуным Тхьэм пый шъуфэхъуныр ары къи­кІырэр, шъошІэба ар? Арэущтэу хэти дунаем ныбджэ­гъу фэхъунэу фаер Тхьэм пый фэхъу. 5Хьауми Тхьэм игущыІэ тхыгъэхэм мырэущтэу зэрарытыр хьаулыеу шъогугъа: «Тыгухэм арылъ псэр лъэшэу мэшъугъо?» 6Ау тыгухэм арылъым нахьи, Тхьэм ынэшІу щыфэныгъэ нахь ин. Арышъ, Тхьэм игущыІэ тхыгъэхэм мырэущтэу арыт:*

«Тхьэр пэгагъэ зыгу илъ цІыфым пэуцужьы, ау пэгагъэ зыгу имылъым ынэшІу къыщефэ».

7Арышъ, Тхьэм шъуфэІорышІ. Шэйтаным шъупэуцуи, шъуапашъхьэ икІынышъ, кІитхъужьыщт. 8Тхьэм пэ­гъунэгъу шъухъуи, ежьыри къышъупэгъунэгъу хъущт. ШъуІэхэр жъугъэкъабзэх, шъо псэкІод зышІэхэрэм, шъу­гухэр жъугъэкъабзэх, шъо теубытэныгъэ зимыІэхэу, акъыл тІуанэхэр зиІэхэм. 9Шъунэшхъэй, шъугъ, ыкІи шъупыхь. Шъуидэхьашхын гъынкІэ, шъуигушІуагъуи нэ­шхъэигъэкІэ зэблэхъугъэу орэхъу. 10Тхьэм ыпашъхьэ зы­щыжъугъэцІыкІуи, ежьыми шъукъиІэтыщт.

Тшы горэм хьыкум тепшІыхьаныр

11Сшыхэр, ІэягъэкІэ шъузэтемыгущыІэжь. ЦІыфэу зыш ІэягъэкІэ тегущыІэу зыгъэмысэрэр Тхьэм иунашъо­хэм ІэягъэкІэ атегущыІэ, ахэри егъэмысэх. Ау Тхьэм иунашъохэр бгъэмысэхэмэ, ахэр умыгъэцэкІагъэхэу мэхъу, хьыкум атепшІыхьагъэуи мэхъу. 12ЦІыфхэм уна­шъохэр афэзышІэу, хьыкум атезышІыхьэрэр зы закъоу мэхъу, цІыфхэр мыкІодхэу къэзыгъэнэжьынэу ыкІи зыгъэ­кІодынэу лъэкІыныгъэ ЗиІэр ары. Ау о хэт ущыщ, уи­гъунэгъу бгъэмысэжьынэу?

4:6 Тхьэм игущыІэ тхыгъэхэм арыт – еплъ ГущыІэжъхэу пачъыхьэ Сэлмэн ытхыгъэхэм (Притчи) 3:34.

Узщымытхъужь

13Джы шъукъэдаІу, шъо, мырэущтэу зыІохэрэр: «Непэ е неущ мо къалэм е адрэ къалэм тыкІонышъ, зы илъэс тыкъэтыщт, щэф-щэжьынымкІэ ахъщэ къэдгъэхъэщт». 14Ау неущ хъущтыр шъушІэрэп. ШъуищыІэныгъэ сыд фэда? Зы тІэкІурэ къэлъагъоу, етІанэ кІодыжьырэ па­хъэм шъуфэд. 15Ау арэущтэу шъумыІоу мырэущтэу шъуІон фае: «Зиусхьаныр фаемэ, тыпсэущт, мыхэр е мохэр тшІэщтых». 16Ау джы зышъошІошІыжьы ыкІи шъузыщэтхъужьы. Ащ фэдэ зыщытхъужьыныр зэкІэ дэи. 17Арышъ, шІугъэу ыгъэцэкІэн фаер гурыІо пэтми, зымыгъэцакІэрэм псэкІод ешІэ.

 

05

ЯТФЭНЭРЭШЪХЬ

Шъо, байхэр, шъузфэсакъыжь

Шъо, цІыф байхэр, шъукъэдаІу. Насыпынчъагъэу къы­шъулъыІэсыщтым пае шъугъ ыкІи шъупыхь. 2Шъуимылъку шъугъэ, хъунэхэми шъуищыгъынхэр ашхыгъэх. 3Шъуи­дышъи шъуитыжьыни улъыигъэх. Ахэмэ яулъыигъэ шы­хьатэу къышъупэуцущт, шъупкъыри ыгъэкІодыщт, ма­шІом зэригъэкІодырэм фэдэу. Мы дунаем иаужырэ мафэхэм мылъку шъуугъоигъэ. 4ІофшІакІохэу шъуихьасэхэр зыхы­жьыгъэхэу, лэжьапкІэ зэшъумытхэу къэжъугъэнагъэхэр шъуагъэмысэзэ къэкуох. ХынакІохэм якуо макъэ Зиус­хьан Сэваоф* ытхьакІумэхэм анэсыгъ. 5Мы дунаем ахъща­бэ зытежъугъэкІуадэу, зыжъугъэтхъэжьэу шъущыпсэугъ. ШІуабзынэу агъэшхэгъэ былымым фэдэу,* шъузышІуа­бзыщт мафэм пае псэкІодшІэнымкІэ зыжъугъэшхэкІыгъ. 6Шъыпкъагъэ зиІэ цІыфыр жъугъэмыси, шъуукІыгъэ. Ар шъо къышъупэуцужьыгъэп.

5:4 Сэваоф – лъэкІыныгъэшхор зэкІэ ЗиІэр ары.

5:5 шІуабзынэу агъэшхэгъэ былымым фэдэу – ащ фэдэу шъори псэ­кІодшІэнымкІэ зызэрэжъугъэшхэкІыгъэм пае, Тхьэм шъуигъэпщыны­жьыщт.

ЩыІагъэ зибгъэІэнымрэ тхьэлъэІунымрэ

7Арышъ, сшыхэр, Зиусхьаныр къэкІожьыфэ, щыІагъэ зижъугъаІ. МэкъумэщышІэм чІыгум хипхъэгъэ чылэп­хъэ лъапІэр къэкІэу лэжьыгъэ охъуфэ, зэрэпаплъэрэм шъуеплъ. Ыпэрэ ощхыри ыужырэ ощхыри къещхыфэ, щыІагъэ иІэу пэплъэ. 8Джащ фэдэу шъори щыІагъэри гупытэныгъэри зижъугъаІ, сыда пІомэ Зиусхьаныр ду­наем къызыкІожьыщт мафэр къэблэгъагъ. 9Сшыхэр, шъузэфэмытхьаусых, Тхьэм шъуимыгъэмысэным пае. ЦІыфхэм хьыкум АтезышІыхьэрэр пчъэІупэм Іут.

10Сшыхэр, Зиусхьаным ыцІэкІэ къэгущыІэгъэ пегъым­бархэм щысэ атешъух. Къин ащэчы зэхъум, щыІагъэ зырагъэІагъ. 11Теубытэныгъэ зиІэхэр сыхьатмафэ ежьа­гъэхэу тэІо. Пегъымбар Аюбэ* итеубытэныгъэ икъэбар зэхэшъухыгъэ. Аужьыпкъэм Зиусхьаным ащ шІу къы­зэрэригъэгъотыжьыгъэри шъошІэ, сыда пІомэ Зиусхьа­ным гукІэгъуныгъэшхо иІ ыкІи ыгу къытэгъу.

12Сшыхэр, зэкІэмэ апэу, тхьарыІо шъумышІы. Уашъом­кІи, чІылъэмкІи, сыд щыщкІи тхьарыІо шъумышІы. «Ары», шъуІоу щытмэ, жъугъэшъыпкъэжь, «Хьау, арэп», шъуІоу щытмэ, ари жъугъэшъыпкъэжь, Тхьэм шъуимы­гъэмысэным пае.

13Шъуащыщэу зыгорэм къин ыщэчымэ, Тхьэм ерэ­лъэІу. Зыгорэ гушІомэ, тхьэщытхъу орэдхэр къерэІох. 14Шъуащыщэу зыгорэ сымаджэмэ, чылыс зэІукІэм ина­хьыжъхэм* къярэдж. Ахэмэ Зиусхьаным ыцІэкІэ дагъэ щыфарэшІи ферэлъэІух, 15шІошъхъуныгъи яІэу Тхьэм елъэІухэмэ, сымаджэр хъужьыщт. Зиусхьаным ар къыгъэ­тэджыжьыщт. ПсэкІод ышІагъэми, фэгъущт. 16Арышъ, Тхьэм шъуигъэхъужьыным пае, шъуипсэкІодхэр зым адрэм ыпашъхьэ рерэлъхьэхи, Тхьэм шъузэфелъэІужь. Шъып­къагъэ зиІэ цІыфым итхьэлъэІу лъэкІыныгъэ иІ ыкІи бэ егъахъэ.

17 Пегъымбар Иляс* тэщ фэдэу цІыфэу щытыгъ. Ощх

5:11 Аюб – еплъ Аюбэ икъэбар зэрыт тхылъым (Иов) 2:10; 42:10.

5:14 чылыс зэІукІэм инахьыжъхэр – чылыс зэІукІэм фэлажьэрэ тхьама­тэ горэхэр ары.

5:17-18 пегъымбар Иляс – еплъ Пачъыхьэхэм якъэбархэр зэрыт апэрэ тхылъым (3-я Царств) 17:1; 18:42-45.

къемыщхыным пае, Тхьэм ишъыпкъэу елъэІуи, илъэси­щырэ мэзихырэ чІыгум ощх къытещхагъэп. 18ЕтІани Тхьэм елъэІужьи, Тхьэм ощх къыригъэщхи, чІыгум хэлъ­хэр къэкІыжьынхэу ежьагъэх.

19Сшыхэр, шъуащыщэу зыгорэ шъыпкъагъэм игъогу текІы хъумэ, ар гъогу занкІэм тезыгъэхьажьырэм мыр ерэшІ: 20ПсэкІодышІэ цІыфэу игъогу пхэнджым тетыр хэтми гъогу занкІэм тезыгъэхьажьырэм адрэр лІэныгъэм къыхищыжьынышъ, псэкІодыбэхэри къыфэгъущтых.

07 1.Peter / 1 Петр

01

АПОСТОЛ ПЕТРЭ

АПЭРЭ ТХЫЛЪЭУ ЫТХЫГЪЭР

АПЭРЭШЪХЬ

ШІуфэс ехыныр

Сэ сы Петрэ, Исус Христос иапостолэу сыщыт. Шъо Тхьэм ицІыф лъапІэхэу зэбгырыкІыгъэхэу хэкухэу Понт, Галатие, Каппадокие, Асие, Вифиние ащыпсэухэрэм мы тхылъыр къышъуфэсэтхы. 2Тхьэу Ты лъапІэм ыпэкІэ зэриухыгъэм тетэу, ибынхэм ащыщ шъухъунэу шъукъыхихыгъ, ежь Ыпсэ ЛъапІи шъугухэр егъэкъэбзэ зэпытых, Исус Христос нахьыбэрэ шъуедэІуным паий, ащ ылъэу къащым щыкІэкІыгъэмкІэ къабзэ шъухъуным паий. Тхьэм ынэшІу инэу къышъущерэфэ зэпыт, гупсэфыныгъэшхуи къышъуерэт зэпыт.

МыкІодыжьын гугъапІэ

3Тхьэу ти Зиусхьанэу Исус Христос Ятэ щытхъушхор ий!  Исус  лІагъэхэм  къызэрахигъэтэджыкІыжьыгъэмкІэ

 

Тхьэм игукІэгъуныгъэшхокІэ икІэрыкІэу тыкъалъфыжьыгъэу тигъэхъугъ. Арэущтэу мыкІодыжьын гугъапІэ тиІэ хъугъэ, 4ІэхьышІоу Тхьэм ицІыфхэм афигъэхьазырыгъэри къытлъысыщт. А мыкІодыжьын ІэхьышІоу щыкІагъэ зимыІэу, зэрэщытэу къанэрэр Тхьэм уашъом къыщышъу феухъумэ. 5ШІошъхъуныгъэ зэрэшъуиІэм пае, Тхьэм илъэкІыныгъэкІэ шъукъеухъумэ, шъумыкІодэу шъукъызэригъэнэжьыгъэр дунаем иаужырэ мафэхэм нафэу къэхъуным пае. 6Арышъ, зы тІэкІурэ къин зэфэшъхьаф зэрэшъущэчрэм пае, джы шъугу къеон фаеми шъугушІу. 7А къинхэр зыфэшъущэчхэрэр шъуишІошъхъуныгъэ загъэунэфы ужым, ишъыпкъагъэ нафэу хъуныр ары. Дышъэм ишъыпкъагъэ машІомкІэ агъэунэфы пэтми, а дышъэр кІодыжьыщт. ШъуишІошъхъуныгъэ а дышъэм нахьи нахь лъапІ. Арэущтэу Исус Христос къызыкІожьыщт мафэм дэжь шъуишІошъхъуныгъэ ишъыпкъагъэ пае, Тхьэм шъхьэкІэфыныгъи, щытхъуи, лъытэныгъи къышъуфишІыщт. 8Исус Христос шъумылъэгъугъэ пэтми, шІу шъолъэгъу. Джы шъумылъэгъуми, ежьымкІэ шІошъхъуныгъэ шъуиІ, къэпІон умылъэкІынэу, щытхъушхо зыхэлъ гушІогъошхуи шъугухэм арылъ. 9Сыда пІомэ аужыпкъэм шъуишІошъхъуныгъэкІэ шъумыкІодэу Тхьэм шъукъызэригъэнэжьыщтым шъунэсы.

10Тхьэм ынэшІу къызэрэшъущифэщтым икъэбар зыгъэІугъэ пегъымбархэм цІыфхэр мыкІодхэу Тхьэм къызэригъэнэжьыщтхэм ехьылІэгъэ къэбар пстэуми ахаплъэщтыгъэх, ахэри агъэунэфыщтыгъэх. 11Христос къинхэр ыщэчынхэшъ, ащ нэужым щытхъушхо иІэ зэрэхъущтыр пегъымбархэм агухэм арылъ Христос Ыпсэ ЛъапІэ къызеІом, уахътэу зытегущыІэрэри, Христос къызэрэкІожьыщт шІыкІэри пегъымбархэм зэрагъэшІэнэу ыуж итыгъэх. 12Пегъымбархэр Іофхэу къызтегущыІэхэу щытыгъэхэр ежьхэм яуахътэ къэмыхъухэзэ, шъо шъуиуахътэ къызэрэхъущтхэр Тхьэм къагуригъэІогъагъ. Тхьэм ежь Ыпсэ ЛъапІэу уашъом къафыригъэхыгъэм илъэкІыныгъэкІэ къэбарышІур* шъозыгъэІугъэхэм мы Іофхэм якъэбар джы къышъуаІотагъ. МэлэІичхэри мы Іофхэм ахэплъыхьанхэу фаех.

1:12  къэбарышІур  –  Исус  Христос  ехьылІэгъэ  къэбарышІур  ары.

 

ГукъэбзагъэкІэ шъузекІу

13Арышъ, шъуицыякІэхэр дэупкІагъэхэу, шъугухэмкІэ хьазырэу шъущыт. ЗыщыІэныгъэ зижъугъаІ. Исус Христос къызыкІожьыщт мафэм дэжь Тхьэм ынэшІу къызэрэшъущифэщтым шъуишъыпкъэу шъущыгугъэу шъупаплъ. 14Шъыпкъагъэр зыфэдэр шъумышГэу, шъуихъопсэныгъэ Іаехэм шъукъыращэкІэу зэрэщытыгъэм фэдэу, джы сабый ІорышІэхэм афэдэу зыкъыряшъумыгъэщэкІ. 15Ау Тхьэу зибынхэм ащыщ шъухъунэу къышъоджагъэр лъапІэу зэрэщытым фэдэу, шъори шъугу лъапІэу ыкІи шъугу къабзэу шъушІэрэ пстэури шъушІэ. 16Сыда пІомэ Тхьэм къызэриІорэр игущыІэ тхыгъэхэм арыт:* «Сэ лъапІэу сызэрэщытым пае, шъори лъапІэу шъущытын фае».

17Тхьэу цІыфхэм ятеплъэ емыплъэу, цІыф пстэури зизэфэдэхэу щытэу, хэти ышІагъэм тетэу шъыпкъагъэкІэ хьыкум тезышІыхьэрэм шъузелъэІукІэ, «О, Ты лъапІ», ешъоІо. Арышъ, шъухымэу мы дунаем щыжъугъакІорэ уахътэр Тхьэм ищынагъо шъугухэм арылъэу щыжъугъакІу. 18Сыда пІомэ зэрэшъушІэрэм фэдэу, шъуятэжъхэм къакІэныжьыгъэ псэукІэу пкІэ зимыІэм шъухищыжьынэу Христос шъушъхьэ ыщэфыжьыгъ. Шъушъхьэ зэрищэфыжьыгъэр кІодыжьын тыжьыныр е дышъэр арэп, 19ежьым ылъэу уасэ зыфэпшІынэу щымытыр ары нахь. Ежьыр щыкІагъэ зимыІэу, бжьыгъэ зытемылъ шъынэм фэд. 20Дунаер къыгъэхъуным ыпэкІэ, Тхьэм Христос къыхихыгъ, ау джы дунаем икІэух дэжь шІугъэ къыжъудигъэхъунэу Христос къэлъэгъуагъ. 21Христос ТхьэмкІэ шІошъхъуныгъэ шъуиІэ ыгъэхъугъ. Тхьэр ары Христос лІагъэхэм къахэзыгъэтэджыкІыжьыгъэр, щытхъушхори къезытыгъэр. Ащ пае ТхьэмкІэ шІошъхъуныгъэ шъуиІэ хъугъэ, Тхьэми шъущэгугъы.

22Шъыпкъагъэм шъузэредэІугъэм пае, шъугухэр къабзэу хъугъэх. Арэущтэу шъушыхэр пцІы хэмылъэу шІу шъолъэгъух. Арышъ, гукъэбзагъэкІэ шІу шъузэрэлъэгъу зэпыт, 23сыда пІомэ икІэрыкІэу шъукъалъфыжьыгъэу  шъущыт.  ИкІэрыкІэу  шъукъызэралъфыжьыгъэр

1:16 Тхьэм игущыІэ тхыгъэхэм арыт – еплъ Пегъымбар Мусэ ящэнэрэ тхылъэу ытхыгъэм 19:2.

 

кІодыжьын чылапхъэп, мыкІодыжьын чылапхъэ нахь. А чылапхъэу щыІэныгъэ къызхэкІэу, Тхьэм игущыІэу егъашІэм зэрэщытэу къэнэжьыщтыр ары. 24Сыда пІомэ Тхьэм игущыІэ тхыгъэхэм зэрарытым фэдэу,*

«ЦІыф пстэури уцым фэдэх, зэкІэ ящытхъуи

уцым икъэгъагъэ фэд. Уцыр мэгъужьы, къэгъагъэри мэкІодыжьы. 25Ау Тхьэм игущыІэхэр мыкІодыжьхэу егъашІэм къэнэх». А гущыІэхэр ары Тхьэм фэлажьэрэ цІыфхэм къышъуагъэІугъэхэр.

02

ЯТЮНЭРЭШЪХЬ

Лъэпкъ лъапІэр

Арышъ, бзэджэгъэ пстэури, тхьагъэпцІыгъэ пстэури, нэпитІугъэри, шъугъоныгъэри, цІыфхэм ІэягъэкІэ шъуатегущыІэнри хэшъунэжьых. 2Сабыеу къалъфыгъакІэхэр янэ ибыдзыщэ зэрэкІэхъопсыхэрэм фэдэу, шъори Тхьэм игущыІэхэу щэ къабзэм фэдэхэм шъуакІэхъопс ахэмкІэ ины шъухъоу, шъумыкІодэу Тхьэм шъукъигъэнэжьыным пае. 3Сыда пІомэ Зиусхьаныр зэрэшІур зэжъугъэшІагъэ.

43иусхьаным пэгъунэгъу шъухъу. Ары щыІэныгъэ зиІэ мыжъоу цІыфхэм зэрамыпэсэу чІадзыжьыгъэр, ау Тхьэм ар къыхихыгъ, ежьымкІэ ащ осэшхо иІ.* 5Шъори щыІэныгъэ зиІэ мыжъохэм шъуафэдэу, Тхьэм Ыпсэ ЛъапІэ зыдэщыІэ унэшхом щыщ шъухъу. Джарэущтэу дин пэщэ лъапІэхэу шъухъущт, къурмэныпхъэхэу Исус Христос Іофэу ышІагъэм пае, Тхьэм ыгу зэІухэрэри гурэ псэрэкІэ Тхьэм ешъухьылІэшъущтых. 6Сыда пІомэ Тхьэм къызэриІуагъэр игущыІэ тхыгъэхэм арыт:*

1:24 Тхьэм игущыІэ тхыгъэхэм зэрарытым фэдэу – еплъ Пегъымбар Исайас тхылъэу ытхыгъэм 40:6-8.

2:4 Е Зиусхьан Исус пэгъунэгъу шъухъу. Ар унэ зышІыхэрэм зэрамыпэсыгъэ мыжъом фэд. Ау Тхьэу щыІэныгъэ зиІэ унэшхо зышІырэм осэшхо иІэу елъытэшъ, ар къыхихыгъ.

2:6 Тхьэм игущыІэ тхыгъэхэм арыт – еплъ Пегъымбар Исайас тхылъэу ытхыгъэм 28:16.

 

«ШъукъэдаІу, сэ къыхэсхыгъэу,

мыжъо лъапсэу осэшхо зиІэр Сион къалэм

щысэгъэтІылъы. А мыжъомкІэ шІошъхъуныгъэ зиІэр кІэгъожьыщтэп». 7Шъо  шІошъхъуныгъэ  зиІэхэмкІэ  а  мыжъом*  осэшхо иІ. Ау шІошъхъуныгъэ зимыІэхэмкІэ

«Унэ зышІыхэрэм зэрамыпэсэу чІадзыжьыгъэ

мыжъор унэм мыжъо лъэпсэ дэдэу фэхъугъ», 8ащ нэмыкІэуи,

«ЦІыфхэр зыгъэлъэпаорэ мыжъоуи, цІыфхэр чІыгум тезыгъафэрэ мыжъошхоуи*» хъугъэ.   Тхьэм   игущыІэхэм   зэрямыдэІухэрэм   пае, мэлъэпаох, Тхьэм ахэмэ зэрафигъэнэфагъэм фэдэу.

9Ау шъо Тхьэм къыхихыгъэ унэгъо лъэпкъэу, Тхьэу пачъыхьэм фэлажьэрэ дин пащэхэу, лъэпкъ лъапІэу, Тхьэм ицІыфхэу шъущыт. Арэущтэу зыфэхъугъэр шІункІыгъэм шъукъыхэкІыжьынышъ, нэфынэ гъэшІэгъонышхом шъухэхьанэу къышъоджэгъэ Тхьэм иІоф гъэшІэгъонхэр жъугъэІунхэр ары. 10Пасэм Тхьэм ылъэпкъэу шъущытыгъэп, джы Тхьэм шъурилъэпкъ. Пасэм Тхьэм гукІэгъу къышъуфимышІэу щытыгъ, джы гукІэгъу къышъуфешІы.

Тхьэм фэлажьэрэ цІыфхэм яфэшъуашэу шъузекІу

11СилъапІэхэр, шъо хымэхэу ыкІи мы дунаем хымэхэсхэу щыпсэухэрэм, хъопсэныгъэ Іаехэу шъупсэ къыпэуцухэрэм защышъудзыенэу сышъолъэІу. 12Тхьэр зымышІэхэрэм апашъхьэ дахэу шъущызекІу. Сыда пІомэ «Мы цІыфхэр бзэджашІэх», аІозэ, ІэягъэкІэ къышъутегущыІэхэми, шъуишІушІагъэхэр алъэгъунхэшъ, Тхьэр ахэмэ зяплъыщт мафэм дэжь ахэми Тхьэм щытхъу фашІыщт.

133иусхьаным игъогу шъузэрэрыкІорэм пае, тетыгъо зиІэ  цІыф  пстэуми  шъуафэІорышІ:  зэкІэмкІи  тетыгъо

2:7  мыжъор  –  Христосыр  ары.  Еплъ  Сэбур  (Псалтыр)  118:22  (урыс библиемкІэ 117:22).

2:8 Еплъ Пегъымбар Исайас тхылъэу ытхыгъэм 8:14.

 

зиІэ пачъыхьэр арыми, ащ шъуфэІорышІ, 14бзэджашІэхэмэ къин атезылъхьанэуи, шІу зышІэхэрэм ащытхъунхэуи пачъыхьэм къыгъэкІогъэ Іэшъхьэтетхэр арыми, ахэмэ шъуафэІорышІ. 15Сыда пІомэ шІу зэрэтшІэрэмкІэ гулъытэ зимыІэ цІыфхэу зи зымышІэхэрэм ажэ ядгъэубытыныр ары Тхьэр зыфаер. 16ШъхьафитныгъэкІэ шъузекІу, ау бзэджэшІэнымкІэ шъхьафитныгъэр ушъхьагъу шъумышІы, ау Тхьэм фэлажьэрэ цІыфхэм яфэшъуашэу шъузекІу. 17ЦІыф пстэуми лъытэныгъэ афэшъушІ, шъушыхэри шІу шъулъэгъух, Тхьэми шъущыщын, пачъыхьэми лъытэныгъэ фэшъушІ.

Христос къин зэрищэчыгъэм фэдэу, шъори къин шъущэчызэ, илъэужхэм шъуарыкІу

18Шъо, унэІутхэр, лъытэныгъэ пстэумкІи шъуитхьаматэхэм шъуафэІорышІ, тхьэмэтэ шъабэу ыкІи шэнышІом изакъоп, тхьэмэтэ пхъашэри ары. 19Сыда пІомэ лажьэ имыІэми, къин зырагъэщэчкІэ, Тхьэм егупшысэу ыгукІэ щыІагъэ зиІэр ары Тхьэм ыгу зэІурэр. 20Ау мыхъун шъушІагъэу къызышъуаохэкІэ, шъугухэмкІэ щыІагъэ зижъугъаІэмэ, шъоркІэ сыд фэдэ щытхъуа ащ хэлъыр? Ау шІу шъушІэ пэтми, къин зышъуагъэщэчкІэ шъугухэмкІэ щыІагъэ зижъугъэІэныр ары Тхьэм ыгу зэІурэр. 21Арэущтэу шъузекІонэу Тхьэр къышъоджагъ, сыда пІомэ Христоси шъощ пае къин ыщэчыгъ, илъэужхэм шъуарыкІонэу шъушІапхъэхэри шъуигъэлъэгъугъэх. 22«Ежьым псэкІод зи ышІагъэп, узыгъэпцІэн гущыІи ыжэ зи къыдэкІыгъэп».*

23Къехъоныщтыгъэхэми, яхъоныжьыщтыгъэп. Къин езыгъэщэчыщтыгъэ цІыфхэми, «Сэ къин шъозгъэщэчыжьыщт», ариІуагъэп, ау а Іофыр Тхьэу цІыфхэм хьыкум зэфагъэкІэ атезышІыхьэрэм фигъэзагъ. 24Къащым зыраІулІым, типсэкІодхэр къыттырихызэ, ахэмэ яфэшъошэ къиныр ежь ыпкъ тырилъхьагъ, псэкІодым илъэкІыныгъэ тэ тыкъыІэкІищыжьыгъэу, шъыпкъагъэм тыфэпсэуным пае. Ежь иуІагъэхэмкІэ шъуигъэхъужьыгъ. 25Сыда пІомэ шъо гъощэгъэ мэлхэм шъуафэдэу шъущытыгъ, ау шъупсэхэм яухъумакІоу ыкІи шъуимэлахъо ыдэжь джы шъукъэкІожьыгъ.

2:22 Еплъ Пегъымбар Исайас тхылъэу ытхыгъэм 53:9.

03

ЯЩЭНЭРЭШЪХЬ

ЛІыхэмрэ шъузхэмрэ зэрэзэфыщытынхэ фаер

Шъо, шъузхэм, шъосэІо, шъуилІыхэм шъуафэІорышІ. Ар шъушІэмэ, ахэмэ ащыщхэр Тхьэм игущыІэхэм ямыдэІухэми, шъо, шъузхэм, зи шъумыІоу, шъуизекІуакІэкІэ шІошъхъуныгъэ яІэ хъущт, 2гукъэбзагъэрэ Тхьэм ищынагъорэкІэ шъузэрэзекІорэр залъэгъукІэ. 3Дахэ шъузышІырэр шъуитеплъэ арэу щэрэмыт, шъхьац блэнри, дышъэкІэ зыжъугъэдэхэнри, щыгъын дахэхэри арэу орэмыхъу, 4ау цІыфхэм амылъэгъоу шъугухэм арылъэу, гушъэбагъэмрэ гупсэфыныгъэмрэ къарыкІырэ дэхагъэу мыкІодыжьыщтыр дахэ шъузышІырэр арэу орэхъу. ТхьэмкІэ ащ осэшхо иІ. 5Сыда пІомэ джары пасэм бзылъфыгъэ лъапІэхэу Тхьэм щыгугъыхэу щытыгъэхэм зызэрагъэдахэщтыгъэ шІыкІэр, ялІыхэми афэІорышІэщтыгъэх. 6Арэущтэу Сарэ* тхьаматэкІэ еджэу, Ибрахьимэ едэІущтыгъ. ШІу шъушІэу зыми шъущымыщынэмэ, шъори Сарэ шъурибын.

7Шъо, лІыхэм, шъосэІо, гурыІоныгъэкІэ шъуишъузхэм шъуадэзекІу. Сыда пІомэ ахэмэ акІуачІэ шъо шъукІуачІэ нахьи нахь макІэшъ ары. Лъытэныгъи афэшъушІ, сыда пІомэ шъо шъуигъусэу Тхьэм ынэшІу щыфэныгъэкІэ ахэми ІэхьэшІоу щыІэныгъэ къаретышъ ары. Арэущтэу шъушІэмэ, шъуитхьэлъэІухэм зи къапэуцужьыщтэп.

ШІу зэрашІэрэм пае, ХристоскІэ шІошъхъуныгъэ зиІэхэм

къин ащэчы

8Аужыпкъэм шъо пстэури зыгу зыпсэу шъущыт. Зыр зым фэгумэкІэу, шъузэкъошэу шъузэрэхъугъэм пае, шІу шъузэрэлъэгъоу, гукІэгъу шъуиІэу, пэгагъэ шъугухэм арымылъэу шъузекІу. 9Бзэджагъэм бзэджагъэкІэ шъупэмыгъокІыжь, хъуанэрэми хъонкІэ шъупэмыгъокІыжь. Ащ ычІыпІэкІэ, «Тхьэм ынэшІу къышъущерэф», яшъуІу; сыда пІомэ  ибынхэм  ащыщ  шъухъунэу  Тхьэр  къызфышъо-

3:6 Сарэ – еплъ Пегъымбар Мусэ апэрэ тхылъэу ытхыгъэм 18:12.

 

джагъэр ынэшІу къызэрэшъущифэрэр ІэхьышІоу къышъулъысыныр ары. 10Сыда пІомэ

«ЩыІэныгъэр шІу зылъэгъоу,

мэфэшІухэр зылъэгъун фэе цІыфым,

бзаджэ Іоным ыбзэгу щерэухъум,

ыІупэхэри тхьагъэпцІыгъэм щерэухъумэх. 11 Бзэджагъэм зыщерэдзыий, шІу ерэшІ.

Зэзэгъыныгъэм игъогу лъыхъоу ыуж ерэт. 12Сыда пІомэ Зиусхьаным ынаІэ

шъыпкъагъэ зиІэ цІыфхэм атырегъэты.

ЫтхьакІумэхэри ахэмэ ятхьэлъэІухэм ядэІух.

Ау бзэджашІэхэм Зиусхьаным ыкІыб афегъазэ,

(дунаем тыригъэкІодыкІынхэм пае)».* 13Шъуишъыпкъэу шІушІэным ыуж шъуитмэ, хэт зиягъэ къышъозыгъэкІын зылъэкІыщтыр? 14Ау шъыпкъагъэм пае къин шъущэчми, сыхьатмафэ шъуежьагъ. Арышъ, цІыфхэм зяшъумыгъэгъащт ыкІи зыми зешъумыгъэгъэгумэкІ. 153иусхьанэу Тхьэр шъугухэмкІэ жъугъэлъапІэ. ГугъапІэу шъуиІэмкІэ хэт къышъоупчІыми, гушъэбагъэкІи Тхьэм ищынагъокІи пэгъокІ ешъутыжьынэу сыдигъуи хьазырэу шъущыт. 16Мыхъун зи зыдэшъумышІэжьэу шъугухэр къабзэу щыжъугъэтых, Христос зыгу илъхэм яфэшъуашэу шъуизекІокІэ дэгъу ехъоныхэрэр аІуагъэхэмкІэ укІытэжьынхэм пае. 17Тхьэр арэущтэу фаемэ, шІу зэрэшъушІэрэм пае, къин шъущэчыныр нахьышІу, бзэджэшІэным пае къин шъущэчыным нахьи. 18Сыда пІомэ Христос Тхьэм пэгъунэгъу тигъэхъуным пае, типсэкІодхэм апае зэ къин ыщэчыгъ, джыри зэ ахэмэ къин афимыщэчыжьынэу. Ежьым шъыпкъагъэ иІэу, шъыпкъагъэ зимыІэхэмэ апае къин ыщэчыгъ. ЦІыфхэм загъалІэм, лІэн фаеу щыт цІыфэу щытыгъ. Тхьэм ар лІагъэхэм къызахегъэтэджыкІыжьым, мылІэны псэу щытыгъ. 19Ыпсэ илъэкІыныгъэкІэ чІыпІэ шІункІым* хэс псэхэм адэжь кІуи, Тхьэм икъэбар* аригъэІугъ.  20Ахэр  арыгъэх  Нухьэ*  къухьэр  ышІынэу

3:10-12 Еплъ Сэбур (Псалтыр) 34:12-16 (урыс библиемкІэ 33:13-17).

3:19 чІыпІэ шІункІыр – лІагъэхэм ядунай ары.

3:19 Тхьэм икъэбар – е къэбарэу ТхьэмкІэ шІошъхъуныгъэ зиІэхэр мыкІодхэу къызэрэнэжьыщтхэр ары, е къэбарэу Тхьэм цІыфхэм ябзэджагъэ зэраригъэпщыныжьыщтыр ары.

3:20 Нухьэ – еплъ Пегъымбар Мусэ апэрэ тхылъэу ытхыгъэм 6:1-7:24.

 

зыпылъыгъэ мафэхэм Тхьэр щыІэгъэшхокІэ къапаплъэщтыгъэми, ежьым емыдэІугъэхэр*. Къухьэм исхэу, нэбгырий* хъухэу, цІыф заулэ псым щымыкІодхэу къэнэжьыгъэх. 21Ащ фэдэу, диным ехьылІагъэу тетыгъо зиІэ цІыф горэм зызэрежъугъэумэхъырэмкІэ Исус Христос лІагъэхэм къызэрахэтэджыкІыжьыгъэм пае, шъумыкІодэу Тхьэм джы шъукъегъэнэжьы. Зяжъугъэумэхъыныр зыфасІорэр шъупкъыхэм шІоигъэр атешъуукъэбзыкІыныр арэп, шъугухэмкІэ мыхъун зи зыдэшъумышІэжьэу, Тхьэм шъуфэшъыпкъэнэу гущыІэ ешъутыныр ары нахь. 22Исус Христос уашъом дэкІоягъэу джы мэлэІичхэри, тетыгъорэ лъэкІыныгъэрэ зиІэхэри ежьым фэІорышІэхэу Тхьэм иджабгъукІэ гос.

04

ЯПЛІЭНЭРЭШЪХЬ

ШІошъхъуныгъэ зимыІэхэм афэдэу шъумызекІу

Арышъ, Христос ыпкъыкІэ къин зэрищэчыгъэм пае, шъори ежь игупшысакІэкІэ лъэкІыныгъэ зижъугъэІэн фае, сыда пІомэ хэтми ыпкъыкІэ къин зыщэчыгъэм псэкІодым иІоф хэлъыжьэп. 2Арэущтэу мы дунаем тыщыпсэунэу къытфэнэжьырэ мафэхэм цІыфхэр зыкІэхъопсырэ Іофхэм атетэу тымызекІожьэу, Тхьэр зэрэфаем тетэу тэзекІо. 3Тхьэр зымышІэрэ цІыфхэр зекІонхэу зэрякІасэм фэдэу, шъори пасэм шъузэрэзекІощтыгъэр икъугъэба? МыхъомышІэ псэукІэм зешъутызэ шъупсэущтыгъ, хъопсэныгъэ шІойхэми шъукъыращэкІыщтыгъ, утэшъоныгъэми, ешхэ-ешъоныгъэми шъушъхьарытІупщэу шъуапылъыщтыгъ. Тхьэ нэпцІ гъэлъэпІэныгъэ емыкІуми шъухэтыщтыгъ. 4Ахэмэ ямыхъомышІэ псэукІэу гъунэ зимыІэм джы гъусэ шъузэрэфэмыхъурэм пае, агъэшІагъо ыкІи къышъохъоных. 5Ау бэ темышІэу псаухэми лІагъэхэми хьыкум атезышІыхьащтым  пэгъокІ  ратын  фае.  6Сыда  пІомэ  Христос

3:20 ежьым емыдэІугъэхэр – пегъымбар Нухь изэман щыпсэурэ цІыфхэу Тхьэм емыдэІухэу, Нухьэ къухьэр зешІым, ар зэришІырэр зымыдагъэхэр ары.

3:20 нэбгырий – пегъымбар Нухьэрэ, ащ ишъхьэгъусэрэ, Нухьэ ыкъохэмрэ, ахэмэ яшъхьэгъусэхэмрэ ары.

 

лІагъэхэми* къэбарышГур* зыфаригъэІугъэр Тхьэм цІыф пстэуми лІэныгъэм ихьыкум зэратыришІыхьэрэм фэдэу, ахэр мы дунаем зытетхэм, лІэныгъэм ихьыкум атришІыхьагъэ пэтми, Тхьэр зэрэпсэурэм фэдэу, ахэри псэунхэр ары.

7Ау Іоф пстэуми якІэух къэблэгъагъ. Арышъ, Тхьэм шъуелъэІушъуным пае, гурыІоныгъэри зыщыІэныгъэри зижъугъаІ. 8ЗэкІэмэ апэу шъугу етыгъэу шІу шъузэрэлъэгъу, сыда пІомэ шІулъэгъуныгъэм псэкІодыбэ егъэгъу. 9Шъумытхьаусыхэу шъузэрэгъэхьакІ. 10Тхьэм ынэшІу щыфэныгъэкІэ лъэкІыныгъэ зэфэшъхьафхэу шъуІэ къырилъхьагъэхэм шІоу шъуарылажьэу, лъэкІыныгъэу Тхьэм хэти ыІэ къырилъхьагъэмкІэ ишІуагъэ адрэхэм арерэгъэкІыжь. 11КъэгущыІэрэм Тхьэм ыдэжь къикІырэ гущыІэхэр къерэІожьых. ЦІыфхэм зишІуагъэ языгъэкІырэм Тхьэм лъэкІыныгъэу къыритырэмкІэ ишІуагъэ арерэгъэкІ. Ар шъушІэмэ, Исус Христос шъугухэм зэрарылъым пае, шъушІэрэ пстэумкІи цІыфхэм Тхьэм щытхъу фяжъугъэшІыщт. МыкІодыжьын щытхъушхори лъэкІыныгъэшхори Тхьэм ий. Амин.

Христос игъогу шъузэрэрыкІорэм пае, къин шъущэчыщт

12СилъапІэхэр, шъуишъыпкъагъэ зыгъэунэфырэ къинышхоу шъущэчрэр* шъумыгъэшІагъо, къышъохъулІэрэри гъэшІэгъонэу къышъущэрэмыхъу. 13Ау Христос къинхэу ыщэчыгъэхэмкІэ Іахьэ зэрэшъуиІэм пае шъугушІу, сыда пІомэ Христос щытхъушхо иІэу къызылъэгъощт мафэм ыдэжь гушІогъошхо шъуиІэщт. 14Христос ыцІэ зэрэжъугъэлъапІэрэм пае, цІыфхэр къышъохъонхэмэ, сыхьатмафэ шъуежьагъ, сыда пІомэ Тхьэм Ыпсэ ЛъапІэу щытхъушхо зиІэр шъуигъусэ. 15Шъуащыщэу зыгорэм къин ыщэчы хъумэ, цІыф укІакІоу, е тыгъуакІоу, е бзэджашІэу, е иІоф зыхэмылъым пылъэу щытзэ, зыкІищэчрэр арэу орэмыхъу. 16Ау Христос игъогу зэрэрыкІорэм пае, зыгорэм къин ыщэчмэ орэмыукІытэ,  ау  Христос  игъогу  рыкІохэрэм  зэращы-

4:6 лІагъэхэми – еплъ 1 Петрэ 3:19.

4:6 къэбарышІур – еплъ 1 Петрэ 1:12.

4:12   шъуишъыпкъагъэ   зыгъэунэфырэ   къинышхоу   шъущэчрэр Христос игъогу шъузэрэрыкІорэм пае къинэу шъущэчрэр ары.

 

щым пае, Тхьэм щытхъу ферэшІ. 17Сыда пІомэ Тхьэм ежь иунагъо хьыкум тыришІыхьанэу зиублэщт уахътэр къэсыгъ. ХьыкумшІыныр тэркІэ къеублэмэ, Тхьэм икъэбарышІу емыдэІухэрэм сыда къяхъулІэщтыр?»

18 «Шъыпкъагъэ зиІэ цІыфхэри ерагъэу мыкІодхэу къэнэжьхэмэ, Тхьэм ищынагъо зыгу имылъхэми псэкІод зышІэ-

хэрэми сыда къяхъулІэщтыр?»* 19Арышъ, Тхьэр зыфаем тетэу къин зыщэчхэрэм Тхьэу ахэр  къэзыгъэхъугъэу  узщыгугъышъущтым  ыІэ  зырарэлъхьи, шІу арэшІэ зэпыт.

05

ЯТФЭНЭРЭШЪХЬ

Мэлахъом мэлхэм ынаІэ зэратригъэтырэм фэдэу, Тхьэм ицІыфхэм шъунаІэ атежъугъэт

Чылыс зэІукІэм инахьыжъхэу къышъухэтхэм сышъолъэІу. Сэри чылыс зэІукІэ горэм инахьыжъхэм сащыщ. Христос къинхэу ыщэчыгъэхэм сыряшыхьат, Христос ищытхъушхоу къэлъэгъонэу щытымкІи Іахьэ сиІэщт. СызэрэшъолъэІурэр мыры:

2Мэлахъом мэлхэм ынаІэ зэратригъэтырэм фэдэу, шъори Тхьэм ицІыфхэу шъуадэжь щыІэхэм мэлахъо шъуафэхъуи, шъунаІэ атежъугъэт, егъэзыгъэ хэмылъэу, ау шъуигуапэу, Тхьэм ыгу зэреІурэм фэдэу. Мылъкум шъукІэмыхъопсэу, шъугу етыгъэу ахэмэ шъуафэлажь. 3Ау шъуІэ илъ цІыфхэм лІыгъэкІэ тетыгъо афышъуиІэу шъуадемызекІу, ау шапхъэ шъуафэхъуным пае, шІу шъушІэ. 4ЕтІанэ Христосэу апэрэ мэлахъор къызылъэгъожькІэ, текІоныгъэм итанджэу щытхъушхо зиІэу мыкІодыжьыщтыр къышъуитыщт.

5Шъо, ныбжьыкІэхэри, нахьыжъхэм шъуафэІорышІ. Пэгагъэ шъугухэм арымылъэу шъузэфыщыт, сыда пІомэ

«Тхьэр пэгагъэ зыгу илъ цІыфым пэуцу,

ау пэгагъэ зыгу имылъым ынэшІу къыщефэ».*

4:18 Еплъ ГущыІэжъхэу пачъыхьэ Сэлмэн ытхыгъэхэм (Притчи) 11:31. 5:5 Еплъ ГущыІэжъхэу пачъыхьэ Сэлмэн ытхыгъэхэм (Притчи) 3:34.

 

6Арышъ, лъэкІыныгъэ зиІэ Тхьэм ыпашъхьэ зыщыжъугъэцІыкІу, ежьым ыгъэнэфэгъэ уахътэр къызыскІэ, шъукъиІэтыжьыным пае. 7ШъуигумэкІыгъо пстэури Тхьэм фэжъугъаз, сыда пІомэ ащ ынаІэ къышъутырегъэтышъ ары.

8ЗыщыІэныгъэ зижъугъаІ, шъумычъыеуи шъусакъ. Гъуахъорэ аслъаным фэдэу, шъуипыеу шэйтаным зыгорэ зэхицунтхъэным лъыхъузэ къекІухьэ. 9ШІошъхъуныгъэм игъогу шъукъызэкІэмыкІожьэу шъутетэу, шэйтаным шъупэуцужь, сыда пІомэ шъушыхэм, дунаем тыдэ щыІэхэми, ащ фэдэ къинхэр зэращэчхэрэр шъошІэ.

10НэшІу щыфэныгъэ пстэури зиІэ Тхьэм ищытхъушхоу мыкІодыжьыщтымкІэ Іахьэ шъуиІэнэу къышъоджагъ, Христос Исус шъугухэм зэрарылъым пае. Зы тІэкІурэ къин зышъущэчырэ ужым, ежь Тхьэм шъукъызэтыригъэуцожьынышъ, шъугухэр ыгъэпытэнхэшъ, шІошъхъуныгъэм игъогу шъукъызэкІэмыкІожьэу, пытэу шъутыригъэтыщт. 11МыкІодыжьын лъэкІыныгъэшхор Тхьэм ий. Амин.

Аужырэ шІуфэс гущыІэхэр

12Сшы шъыпкъэу слъытэрэ Силуан* иІэпыІэгъукІэ тІэкІу къышъуфэсэтхы. Зыфэстхырэр шъушІошъ згъэхъунэуи, къыжъугурызгъэІонэуи, Тхьэм ынэшІу щыфэныгъэм ехьылІагъэу стхыгъэр зэрэшъыпкъэм шыхьат сыфэхъунэуи ары. Гъогу шъыпкъэм шъутемыкІэу, Тхьэм ынэшІу щыфэныгъэм зыхэшъумыгъэн.

13Тхьэм шъукъызэрэхихыгъэм фэдэу, Вавилон* щыІэ чылыс зэІукІэу Тхьэм къыхихыгъэм шІуфэс къышъуехыжьы. Скъо Марки* шІуфэс къышъуехыжьы. 14ШІулъэгъуныгъэкІэ ІаплІ зэшъущэкІызэ, шІуфэс зэшъухыжь.

Шъо зэкІэ Христос зыгу илъхэм гупсэфыныгъэ Тхьэм къышъуерэт. Амин.

5:12 Силуан – Паул дэлажьэу игъогогъухэм ащыщыгъэр арын фае. Еплъ Апостол. 15:22-18:5.

5:13 Вавилон – ащ къикІын фаер Рим (Рум) къэлэшхор ары. Еплъ Исус Христос апостол Иуан Іофхэу къыфигъэнэфагъэхэм 18.

5:13 Марк – Иуан МарккІи заджэхэрэр арын фае. Еплъ Кол. 4:10. Ащыгъум «скъоу» къызэриІуагъэмкІэ Петрэ къыригъэкІыгъэр «сиІэпыІэгъу» ары.

08 2.Peter / 2 Петр

01

АПОСТОЛ ПЕТРЭ ЯТІОНЭРЭ ТХЫЛЪЭУ ЫТХЫГЪЭР

АПЭРЭШЪХЬ

ШІуфэс ехыныр

Сэ, Симон Петр, мы тхылъыр сэтхы. Исус Христос сыфэлажьэ, иапостолэуи сыщыт.

Ти Тхьэу тымыкІодэу тыкъэзыгъэнэжьырэ Исус Христос изэфагъэкІэ осэшхо зиІэ шІошъхъуныгъэу тиІэм фэдэ шІошъхъуныгъэ зиІэ хъугъэ цІыфхэр ары мы тхылъыр зыфэстхыхэрэр.

2Ти Тхьэмрэ ти Зиусхьанэу Исус Христосрэ нахьышІоу зэрэшъушІэхэрэмкІэ Тхьэм ынэшІу инэу къышъущерэфэ зэпыт, гупсэфыныгъэшхуи къышъуерэт зэпыт.

Тхьэм ибынхэм ащыщ шъухъунэу къызэрэшъоджагъэри шъукъызэрэхихыгъэри къэжъугъэшъыпкъэжьых

3Тхьэм ищынагъо тыгухэм арылъэу тыпсэуным пае, тищыкІагъэ пстэури Христос Тхьэм илъэкІыныгъэшхокІэ къытитыгъ. Арэущтэу зыкІишІагъэр Тхьэу зищытхъу-

 

шхокІи зишІугъэшхокІи зибынхэм ащыщ тыхъунэу къытэджагъэр зэрэтшІэрэр ары. 4Арэущтэу Тхьэм тыкъызэригъэгугъэгъэ Іэхьышхохэу осэшхо зиІэхэр къытитыгъэх, ахэмкІи дунаем тет хъопсэныгъэ Іаехэу цІыфхэр зыгъэкІодхэрэм защышъудзыенышъ, Тхьэм ищытыкІэкІэ Іахьэ шъуиІэным пае.

5Арышъ, шъуишІошъхъуныгъэ шІугъэри зэрэхэжъугъэхъоным ыуж шъуит; шІугъэми шІэныгъэр хэжъугъахъу; 6шІэныгъэми зыщыІэныгъэ хэжъугъахъу; зыщыІэныгъэми теубытэныгъэ хэжъугъахъу; теубытэныгъэми Тхьэм ищынагъо хэжъугъахъу; 7Тхьэм ищынагъоми зэкъошныгъэ хэжъугъахъу; зэкъошныгъэми шІулъэгъуныгъэ хэжъугъахъу. 8Мыхэр зэкІэ къышъухэлъхэу ыкІи къышъухахъохэмэ, зи къэшъумыгъахъэу, шІугъи къышъухэмыкІэу шъукъэнэщтэп, ти Зиусхьанэу Исус Христоси нахьышІоу шъушІэщт. 9Ау мы Іофхэр зыхэмылъ цІыфыр нэшъу, ынэхэри зэтепІуагъэх. А цІыфым ыгу ипсэкІодхэр Тхьэм зэрэригъэкъэбзыкІыжьыгъэхэр щыгъупшэжьыгъ.

10Арэущтэу зэрэщытым пае, сшыхэр, Тхьэм ибынхэм ащыщ шъухъунэу къызэрэшъоджагъэри шъукъызэрэхихыгъэри къэзэрэжъугъэшъыпкъэжьыным нахьыбэу ыуж шъуит зэпыт. Арэущтэу шъушІымэ, Тхьэм игъогу егъашІэми шъутекІыщтэп, 11сыда пІомэ арэущтэу ти Зиусхьанэу тымыкІодэу тыкъэзыгъэнэжьырэ Исус Христос и Тетыгъошхоу мыкІодыжьыщтым ыІэчІэгъ шъучІэхьанэу фит шъухъущт.

12Арышъ, мы Іофхэр шъушІэ пэтми, шъыпкъагъэу шъуиІэми пытэу шъутет пэтми, мыхэр зэкІэ шъугу къэзгъэкІыжь зэпытыщтых. 1ЗСпкъы ичэтэнгъэІагъэ сычІэтэу сэпсэуфэ, мы Іофхэр шъугу къызэрэзгъэкІыжьырэмкІэ шъукъэзгъэущыныр тэрэзэу сэлъытэ. 14Бэ темышІэу спсэ спкъы зэрэхэкІыжьыщтыр сэшІэ, ти Зиусхьанэу Исус Христос къызэрэзгуригъэІуагъэм фэдэу. 15Мы дунаем сызехыжьырэ ужми, мы Іофхэр сыдигъуи шъугу къызэрэжъугъэкІыжьышъущтхэм джы сыпылъыщт.

Апостолхэм къэбарэу къаІуагъэр шъыпкъэ

16Исус Христос лъэкІыныгъэшхоу иІэмрэ дунаем къызэригъэзэжьыщтымрэ якъэбар къызышъотэгъэІум, тэ

 

Іушэу къэтыугупшысыгъэ тхыдэжъхэр къышъуфэтІотагъэхэп, тынэхэмкІэ ежь ищытхъушхо тлъэгъугъэ нахь. 17Сыда пІомэ «Мары сэ шІу слъэгъурэ Скъо кІасэу сыгу зэГурэр»,* ыІоу, щытхъушхо зиІэ анахь Иным ымакъэ къызынэсым, Тхьэу Ты лъапІэм лъытэныгъэшхорэ щытхъушхорэ ащ фигъэшъошагъ. 18А макъэу уашъом къиІукІыгъэр тэ ттхьакІумэхэмкІэ зэхэтхыгъ, сыда пІомэ тыригъусэу Іошъхьэ лъапІэм тытетыгъ.

19Ащ нэмыкІэуи нахь цыхьэшІэгъухэуи пегъымбархэм къаІуагъэхэр щыІэх. Нэф къэшъынышъ,* нэфылъ жъуагъор* шъугу къыщыкъокІыфэ, ахэмэ къаІуагъэхэу, чІыпІэ мэзахэ горэм къыщынэфырэ остыгъэм фэдэхэм шъуафэсакъызэ шъуядэІумэ, шІу шъошІэ. 20ЗэкІэмэ апэу мыр шъушІэн фае: Тхьэм игущыІэ тхыгъэхэм арытхэу пегъымбархэм къаІуагъэхэр зыми ежь-ежьырэу зэхифынхэ ылъэкІыщтэп. 21Пегъымбархэм ягущыІэхэр ежьежьырэу къаІуагъэхэп, ау Тхьэм Ыпсэ ЛъапІэ а гущыІэхэр пегъымбархэм агухэм къарилъхьэхи, къаригъэІуагъэх.

02

ЯТЮНЭРЭШЪХЬ

Пегъымбар нэпцІхэмрэ дин гъэсэкІо нэпцІхэмрэ

(Иудэ 4-13)

Ау Тхьэм ылъэпкъ пегъымбар нэпцІхэри хэтыгъэх. Ащ фэдэу дин гъэсэкІо нэпцІхэр шъори къышъухэтыщтых. ЦІыфхэм гу лъамытэу ахэр зыгъэунэхъун Іофхэр арагъашІэщтых. Зиусхьанэу ашъхьэ къэзыщэфыжьыгъэри адэщтэп. Арэущтэу псынкІэу ежьхэм загъэунэхъужьы. 2Ахэмэ ямыхъомышІэ псэукІэ игъогу цІыфыбэ техьащт, арэущтэуи шъыпкъагъэм игъогу цІыфыбэ къырагъэхъоныщт. 3ЯнэйпсыягъэкІэ гущыІэ нэпцІхэр къаІохэзэ, шъуишІуагъэ зэрагъэкІыщт. Тхьэм ахэр зигъэмысэхэрэр бэшІагъэ, Тхьэу ахэр зыгъэкІодыщтри чъыерэп.

1:17 Мары сэ шІу слъэгъурэ Скъо кІасэу сыгу зэІурэр - еплъ Маттэ 17:1-8; Марк 9:2-8; Лука 9:28-36.

1:19 нэф къэшъыныр - Христос дунаем къызыкІожьыщт мафэр ары.

1:19 нэфылъ жъуагъор - Христос инэфынэ ары.

 

4Сыда пІомэ Тхьэр мэлэІичхэу псэкІод зышІагъэхэми ашъхьасыгъэп, ау Іэхъу-лъэхъухэр атрилъхьэхи, цІыфхэм хьыкум зыщатыришІыхьащт ахърэт мафэм нэсы, джэхьнэмым ишІункІыгъэ хэтынхэу фигъэзагъэх. 5Тхьэр пасэми дунаем къышъхьасыгъэп, псы къиушхор* Тхьэм ищынагъо зыгу имылъ цІыфхэм ядунай къызытырегъаом. Ау пегъымбар Нухьэ шъыпкъагъэм игъогу икъэбар зэригъэІущтыгъэм пае, нэбгырибл игъусэхэу Тхьэм ар мыкІодэу къыгъэнэжьыгъ. 6Къалэхэу Содомрэ Гоморрэрэ* кІодынхэу ыгъэмысэхи, машІокІэ ыгъэстыхи, яжьэу ыгъэхъугъэх. Арэущтэу ахэмэ къяхъулІагъэмкІэ ежь ищынагъо зыгу имылъ цІыфхэм къяхъулІэщтыр Тхьэм къыгъэлъэгъуагъ. 7Шъыпкъагъэ зиІэ Лутэу* а цІыфхэу Тхьэм иунашъохэм атекІыгъэхэм ямыхъомышІэ псэукІэ къыхэкІыкІэ улэугъэр ахэмэ адэмыкІодэу Тхьэм къыгъэнэжьыгъ, 8сыда пІомэ мы лІэу шъыпкъагъэ зиІэр адэпсэоу, хабзэ зыхэмылъ Іофхэу ашІэщтыгъэхэр зелъэгъухэм ыкІи зызэхеххэм, ыгоу шъыпкъагъэ зиІэм мафэ къэси къеощтыгъ. 9Ащ фэдэу Тхьэм ищынагъо зыгу илъхэм яшІошъхъуныгъэ гъэунэфыгъэу хъу зыхъукІэ, зэрэхищыжьыщт шІыкІэр ешІэ. Шъыпкъагъэ зимыІэхэми ябзэджагъэ аригъэпщыныжьызэ, ахърэт мафэм нэсы къызэригъэнэщт шІыкІэри ешІэ ащ, 10зэкІэми апэу цІыфхэу зипсэкІодышІэ шэныжъым ихъопсэныгъэ мыкъабзэхэм къыращэкІхэу, тетыгъо зиІэхэр зэзымыпэсхэрэр ары.

Дысыхэу, къаигъэхэу, уашъом щытхъушхо щызиІэхэми яхъоныным щымыщынэхэу щытых. 11МэлэІичхэм а цІыфхэм анахьи нахь лъэкІыныгъи, нахь тетыгъуи яІэ пэтми, Тхьэм ыпашъхьэ ахэмэ щяхъонхэрэп ыкІи щагъэмысэхэрэп. 12Ау мы цІыфхэр зыфэдэхэр акъыл зимыІэ хьакІэ-къуакІэхэу зищытыкІэ къырищэкІхэу зэрэщытым фэдэу, зекІохэрэр ары. А цІыфхэр аубытынхэм ыкІи агъэкІодынхэм пае, къэхъугъэх. Зи зыхамышІыкІрэ Іофхэм яхъоных. НэмыкІрэ цІыфхэр зэрагъэунэхъухэрэмкІэ ежьхэм загъэунэхъужьы.

2:5 псы къиушхор - еплъ Пегъымбар Мусэ апэрэ тхылъэу ытхыгъэм

6:1-7:24.

2:6 къалэхэу Содомрэ Гоморрэрэ - еплъ Пегъымбар Мусэ апэрэ

тхылъэу ытхыгъэм 19:24-25.

2:7 Лут - еплъ Пегъымбар Мусэ апэрэ тхылъэу ытхыгъэм

19:1-16,29.

 

13Бзэджагъэу ашІагъэм ифэшъуашэ агъотыжьыщт. Мэфэ реным ахъщабэ зытырагъэкІодэжьэу загъэтхъэжьынэу ягуап. КъызыжъудашхэкІэ, укІытагъохэу ыкІи нэпэтеххэу щытхэзэ, шъукъызэрагъапцІэрэмкІэ загъэтхъэжьы. 143инэ шІэным анэхэр фалІэхэу, псэкІодшІэнымкІэ загъэшхэкІын алъэкІырэп. Тхьэм игъогу шъыпкъэу темытхэр зыІэпащэх. Агухэр нэйпсыягъэм есагъэх - ахэмэ Тхьэм ынае къащифагъ. 15Гъогу занкІэм текІыхи, гъощагъэх. Восор ыкъоу Валаам* игъогу техьагъэх. Ахъщэ къыгъэхъэным пае, бзэджагъэ зышІэн зигуапэу щытыгъэр ары. 16Ау бзэджагъэу ышІагъэм пае, щыд горэ егыигъ. Щыдэу бзэ зимыІэр цІыф макъэкІэ къэгущыІи, пегъэмбарым иделагъэ пэуцугъ.

17А цІыфхэр псынэ гъужьыгъэхэми жьыбгъэшхом зэрифэрэ ошъуапщэхэми афэдэх. МыкІодыжьын шІункІыгъэм икуупІэ Тхьэм ахэмэ къафигъэнэфагъ. 18Ахэмэ пэгагъэ зыхэлъ гущыІэхэмрэ пкІэ зимыІэ гущыІэхэмрэ къаІохэзэ, гъогу пхэнджым гъощагъэхэу тетхэм къаІэпыкІыжьхэу зыублагъэ цІыфхэр зыІэпащэх. Ахэр зэрызыІэпащэхэрэ шІыкІэр мары: Іофхэу цІыфым ипсэкІодышІэ шэныжъыр зыкІэхъопсыхэрэр агъэцэкІэнхэуи, мыхъомышІэ псэукІэм зыратынэуи агъэгушхох. 19Шъхьафитныгъэу зыфаІорэмкІи агъэгугъэх, ау ежьхэр кІодыныгъэм ипщылІых, сыда пІомэ сыд щыщми тетыгъо къыпфызиІэм ипщылІ ухъугъ. 20А цІыфхэм ти Зиусхьанэу ыкІи тымыкІодэу тыкъэзыгъэнэжьырэ Исус Христос зэрашІагъэмкІэ дунаем ибзэджэгъэ шІоим зыщадзыягъэу, ау етІанэ бзэджагъэм зырагъэубытыжьэу тетыгъо афыриІэу хъужьмэ, кІэухым дэжь ахэмэ яІоф ыпэм нахьи нахь Іае мэхъу. 21Шъыпкъагъэм игъогу ашІагъэу, етІанэ текІыжьхэу унэшъо лъапІэу апостолхэм къафагъэнагъэм акІыб фагъэзэным нахьи, Христос икъэбарышІу игъогу амышІагъэмэ, ежьхэмкІэ нахьышІущтыгъ. 22ГущыІэжъ шъыпкъэм тетэу ахэмэ къяхъулІагъ: «Хьэм* къыжыгъэм фегъэзэжьы», ыкІи «Къоу агъэкъэбзэжьыгъэм шІоим зыхигъэукІорэинэу фегъэзэжьы».

2:15 Валаам - еплъ Пегъымбар Мусэ яплІэнэрэ тхылъэу ытхыгъэм

22:4-35.

2:22 хьэ - еплъ ГущыІэжъхэу пачъыхьэ Сэлмэн ытхыгъэхэм (Притчи) 26:11.

03

ЯЩЭНЭРЭШЪХЬ

Зиусхьаным дунаем къыгъэзэжьынэу тыкъигъэгугъагъ

Мыры ятІонэрэ тхылъэу къышъуфэстхырэр, силъапІэхэр. А тхылъитІумкІи мы Іофхэр шъугу къызэрэзгъэкІыжьырэмкІэ шъыпкъэу къыжъугурызгъэІонэу сыпылъ. 2Пегъымбар лъапІэхэм къаІогъэ гущыІэхэри, ти Зиусхьанэу тымыкІодэу Тыкъэзыгъэнэжьырэм шъуиапостолхэм къаригъэІогъэ унашъори шъугу къэжъугъэкІыжьынэу сыфай.

3ЗэкІэмэ апэу мыр шъушІэн фае: Мы дунаем иаужыпкъэрэ мафэхэм мыукІытэрэ кІэнэкІакІохэр къэтэджыщтых. Яхъопсэныгъэ Іаехэм къыращэкІыхэзэ, 4мырэущтэу аІощт: «Исус къыгъэзэжьынэу тыкъигъэгугъагъ. Адэ, тыдэ щыІа? Сыда пІомэ тятэжъхэр дунаем ехыжьыгъэх, ау Тхьэм дунаер къызигъэхъугъэм щегъэжьагъэу зэкІэ зэрэщытыгъэм фэдэу щыт». 5Арэущтэу егупшысэхэу, бэшІагъэу Тхьэм игущыІэкІэ уашъохэмрэ чІылъэмрэ псым къыхигьэшІыкІыхэу, псымкІэ къызэригъэхъугъэхэр ашІэрэп. 6Псыри Тхьэм пэсэрэ дунаем къытыригъауи, ыгъэкІодыгъагъ. 7Ащ фэдэу джырэ уашъохэмрэ джырэ чІылъэмрэ а гущыІэ дэдэмкІэ Тхьэм машІом къыфигъэнэжьыгъэх. Тхьэм цІыфхэм хьыкум атришІыхьанышъ, ежь ищынагъо зыгу имылъхэр зыкІодыжьыщт ахърэт мафэм нэсы ахэр къыгъэнэщтых.

8Мы шъыпкъэр шъоркІэ мынафэу щэрэмыт, силъапІэхэр: Зиусхьаным ыдэжькІэ зы мафэр илъэс миным фэд, илъэс минри зы мафэм фэд. 9ЦІыф куп зэрэгугъэрэм фэдэу, Зиусхьаным Іофхэу цІыфхэр къызэригъэгугъагъэхэр ыгъэцэкІэнхэу ыгъэгужъощтэп. Ау Тхьэм щыІагъэ къышъуфыриІ, сыда пІомэ цІыф зи кІодынэу фэмыеу, цІыф пстэуми япсэкІодхэм афыкІэгъожьынхэу фаешъ ары.

10Ау Зиусхьаныр къызыкІожьыщт мафэр тыгъуакІом фэдэу амышІахэу къэсыщт. А мафэм мэкъэшхо пыІукІызэ, уашъохэр кІодыжьыщтых, мы дунаер къызхэшІыкІыгъэ пстэури машІокІэ стынхэшъ, кІодыжьыщтых. ЧІылъэри ащ тет пстэури машІокІэ стыжьыщтых.

11,12ЗэкІэри арэущтэу зэрэкІодыжьыщтым пае, Тхьэм имафэ шъупаплъэу, а мафэр нахь псынкІэу къызэрэсы-

 

щтым ыуж шъуитэу, гукъэбзагъэкІи Тхьэм ищынагъокІи шъупсэун фае. А мафэр къызыскІэ, уашъохэр машІокІэ кІодыжьыщтых. Дунаер къызхэшІыкІыгъэхэри фэбэгъэшхом ыгъэткІущтых. 13Ау Тхьэм тыкъызэригъэгугъагъэм тетэу, шъыпкъагъэ зыдэщыІэ ошъуакІэри чІылъакІэри щыІэ зэрэхъущтым тыщыгугъэу тыпэплъэ.

14Арышъ, силъапІэхэр, ахэмэ шъузэрапаплъэрэм пае, лажьэ зи шъуимыІэу, зыми шъузэригъэмысэн зи щымыІэу, гупсэфыныгъи шъуиІэу, Тхьэм ыпашъхьэ шъузэрихьащтым ыуж шъуит. 15ШъумыкІодэу шъукъигъэнэжьынэу игъо къышъуфыригъэфэныр ары Зиусхьаным щыІагъэ зыфиІэр, ар зыгурыжъугъаІу, тэ тшы Паулэу шІу тлъэгъурэм Тхьэм къыритыгъэ зэхэшІыкІыныгъэмкІэ къызэрэшъуфитхыгъэм фэдэу. 16Мы Іофхэм къатегущыІэзэ, итхылъ пстэуми арэущтэу арытэу ытхыгъ. Итхылъхэм гурыІогъуаехэри арытых. ЗэхэшІыкІыныгъэ зимыІэхэу, агухэмкІэ теубытэныгъэ зимыІэ цІыфхэм Паул итхылъхэр зэІагъахьэ, адрэ тхылъ лъапІэхэр зэрэзэІагъахьэхэрэм фэдэу. Арэущтэу зэрашІэрэмкІэ загъэкІодыжьы.

17Арышъ, силъапІэхэр, мыр шъушІэгъахэшъ, Тхьэм иунашъохэм атекІырэ цІыфхэм ягъогу пхэнджхэм шъузэрэдамыхьыхыными, шъыпкъагъэу шъузытетым шъузэрэтемыкІыжьыными шъуфэсакъ. 18Ти Зиусхьанэу тымыкІодэу Тыкъэзыгъэнэжьырэ Исус Христос ынэшІу къызэрэшъущифэ зэпытыными, ежьыр нахьышІоу зэрэшъушІэными ыуж шъуит. Джыри мыухыжьын мафэми нэсыфэ щытхъушхор ий. Амин.

09 1. John / 1 Иуан

01

АПОСТОЛ ИУАН АПЭРЭ ТХЫЛЪЭУ ЫТХЫГЪЭР

АПЭРЭШЪХЬ

ГущыІэу щыІэныгъэ шъыпкъэ къытэзытырэр

УблапІэм къыщегъэжьагъэу щыІагъэу, тэ зэхэтхыгъэу, тынэхэмкІи тлъэгъугъэу, тызэплъыгъэу, тІэхэмкІи тызтеІэбагъэр – цІыфхэм щыІэныгъэ язытырэ ГущыІэр ары, ежьыри ары зикъэбар къэтІуатэрэр. 2А щыІэныгъэр къэлъэгъуагъ. Ар тлъэгъугъэ, шыхьати тыфэхъугъ. А мыкІодыжьын щыІэныгъэу Ты лъапІэм ыдэжь щыІагъэу, тэ къытфэлъэгъуагъэм икъэбар къышъуфэтэІуатэ. 3Гъусэ шъукъытфэхъуным пае, тэ тлъэгъугъэу ыкІи зэхэтхыгъэм икъэбар къышъуфэтэІуатэ. Гъусэныгъэ зыфытиІэхэр Ты лъапІэмрэ ежь Ыкъоу Исус Христосрэ ары. 4Мыр зыфэттхырэр шъуигушІуагъо щыкІагъэ зи имыІэу, икъугъэу хъуныр ары.

Тхьэр нэфынэу щыт

5Къэбарэу Тхьэм Ыкъо къытиІуагъэу тэ къышъодгъэІурэр мары: Тхьэр нэфынэу щыт, шІункІыгъи зи ежьым

 

хэлъэп. 6Тхьэм тэ тыригъусэу тІо пэтми, етІани шІункІыгъэм тыхэтэу тызекІомэ, пцІы тэусы, шъыпкъагъэри дгъэцакІэрэп. 7Тхьэр нэфынэм зэрэхэтым фэдэу, нэфынэм тыхэтэу тызекІомэ, гъусэныгъэ зэфытиІ, Ыкъоу Исус ылъэу къащым щыкІэкІыгъэми псэкІод пстэури тыгухэм арегъэкъэбзыкІыжьых.

8ПсэкІод зи тимыІэу тІомэ, зытэгъэпцІэжьы, шъыпкъагъи тыгухэм арылъэп. 9Ау типсэкІодхэр Тхьэм ыпашъхьэ итлъхьэхэмэ, ар шъыпкъэу ыкІи зафэу зэрэщытым пае, типсэкІодхэр къытфигъэгъущтых, зэкІэ къончагъэхэри тыгухэм аригъэкъэбзыкІыжьыщтых. 10Тэ псэкІод тымышІагъэу тІомэ, Тхьэр пцІыусэу тІуагъэу мэхъу, игущыІэхэри тыгухэм арылъхэп.

ЯТЮНЭРЭШЪХЬ

Христос Ты лъапІэм тэ къытфелъэІу

Шъо, сибынхэм афэдэхэр, псэкІод шъумышІэным пае, мыр къышъуфэсэтхы. Ау зыгорэм псэкІод ышІэмэ, Ты лъапІэм тэ къытфелъэІунэу зыгорэ тиІ – ар шъыпкъагъэ зиІэ Исус Христос ары. 2Къурмэныпхъэу тэ типсэкІодхэр тфэзыпщыныжьырэр ежьыр ары, ау тэ типсэкІодхэм язакъоп, дунаем ицІыф пстэуми япсэкІодхэри ары.

3Тхьэр шъыпкъэу зэрэтшІэрэр тэзыгъашІэрэр иунашъохэр зэрэдгъэцакІэхэрэр ары. 4ЦІыф горэм, «Тхьэр сэшІэ», еІо пэтми, Тхьэм иунашъохэр ымыгъэцакІэхэмэ, ар пцІыус, шъыпкъагъи ащ хэлъэп. 5Ау зыгорэм Тхьэм игущыІэхэр ыгъэцакІэхэмэ, шъыпкъэу Тхьэм ишІулъэгъуныгъэ щыкІагъэ зи имыІэу, икъугъэу а цІыфым ыгу илъ. Тхьэр тыгухэм зэрарылъыр тэзыгъашІэрэр мары: 6«Тхьэр сыгу илъ» зыІорэр Исус зэрэзекІощтыгъэм фэдэу зекІон фае.

УнэшъуакІэр

7СилъапІэхэр, унэшъуакІэ горэп сэ къышъуфэстхырэр, апэм къыщегъэжьагъэу шъуиІэгъэ унэшъожъыр ары нахь. А унэшъожъыр къэбарэу зэхэшъухыгъэр ары.

 

8Ау щытми, унашъоу къышъуфэстхырэр унэшъуакІ; а унашъом ишъыпкъагъэ Христос шъо къышъуфигъэлъэгъуагъ, сыда пІомэ шІункІыгъэр мэкІодыжьы, нэфынэ шъыпкъэр къэлъэгъогъах.

9ЦІыф горэм «Сэ нэфынэм сыхэт», еІо пэтми, ышы* ыуджэгъумэ, ар шІункІыгъэм джыри хэт. 103ыш шІу зылъэгъурэр нэфынэм хэт, ащи псэкІод ышІэнэу зыгъэлъэпэон зи щыІэп. 11Ау зыш зыуджэгъурэр шІункІыгъэм хэт, шІункІыгъэми хэтэу мэзекІо, зыдакІорэри ышІэрэп, сыда пІомэ шІункІыгъэм ынэхэр нэшъоу ыгъэхъугъэхэшъ ары.

12Шъо, сибынхэм афэдэхэр, шъуипсэкІодхэр Христос ыцІэкІэ къызэрэшъуфэгъугъэхэм пае, къышъуфэсэтхы. 13Шъо, тыхэр, ублапІэм къыщегъэжьагъэу ЩыІэр* зэрэшъушІэрэм пае, къышъуфэсэтхы. Шъо, кІалэхэр, шэйтаным шъузэрэтекІуагъэм пае, къышъуфэсэтхы. Шъо, сабыйхэр, Ты лъапІэр зэрэшъушІэрэм пае, къышъуфэсэтхы. 14Шъо, тыхэр, ублапІэм къыщегъэжьагъэу ЩыІэр* зэрэшъушІэрэм пае, къышъуфэсэтхы. Шъо, кІалэхэр, лъэкІыныгъэ зэрэшъуиІэм пае, къышъуфэсэтхы. Тхьэм игущыІэхэр шъугухэм арылъых, шэйтаными шъутекІуагъ.

15Мы дунаери мы дунаем иІофхэри шІу шъумылъэгъух. Мы дунаер шІу зылъэгъурэ цІыфым ыгу Ты лъапІэм ишІулъэгъуныгъэ илъэп. 16Сыда пІомэ мы дунаем иІофхэу – цІыфхэм япсэкІодышІэ шэныжъ зыкІэхъопсырэ Іофхэри, цІыфхэм анэхэр зыкІэхъопсырэ Іофхэри, цІыфхэр зэрыпэгэрэ Іофхэри – Ты лъапІэм ыдэжь къикІыхэрэп, мы дунаер ары нахь къыздикІыхэрэр. 17Мы дунаери, мы дунаем иІофхэу цІыфхэр зыкІэхъопсыхэрэри мэкІодыжьых, ау Тхьэр зыфаер зыгъэцакІэрэ цІыфыр егъашІэми щыІэщт.

Антихристос

18Шъо, сибынхэм афэдэхэр, мыр аужырэ сыхьат дэдэр ары. Антихристосыр* къызэрэкІощтыр зэрэзэхэшъухы-

2:9 ышы – зы диным рыкІохэрэр зэкъошхэу мэхъух.

2:13 ублапІэм къыщегъэжьагъэу ЩыІэр – Исус Христос ары.

2:18 Антихристос – Христос ипый ары.

 

гъэм фэдэу, джы Антихристос Іаджи къэкІуагъэ. Арэущтэу аужырэ сыхьат дэдэр къызэрэсыгъэр тэшІэ. 19А цІыфхэр тэ тхэкІыгъэх, ау ахэр тэ тщыщыгъэхэп. Сыда пІомэ ахэр тэ тщыщыгъэхэмэ, тадэжь къанэщтыгъэх. Ау тэ тхэкІыгъэх, арэущтэуи ахэмэ ащыщэу зи тэ зэрэтщымыщыр нафэ хъугъэ.

20Ау Христос Ыпсэ ЛъапІэ къышъуфыригъэхыгъ, шъо зэкІэми шъыпкъагъэри шъошІэ. 21Шъыпкъагъэр шъумышІэу сІозэ арэп тхылъ къызкІышъуфэстхырэр, ау шъошІэшъ ары. Шъыпкъагъэм зы пцІы къызэрэхэмыкІыщтри шъошІэ. 22Хэта адэ пцІы зыусырэр? Исус зэрэ-Христосыр зымыдэрэр ары. Ащ фэдэ цІыфыр ары Антихристосыр. Ты лъапІэри Къо лъапІэри ащ ыдэхэрэп. 23Хэти Къо лъапІэр зымыдэрэм ыгу Ты лъапІэри илъэп. Къо лъапІэр зыдэрэм ыгу Ты лъапІэри илъ.

24Арышъ, апэм къыщегъэжьагъэу зэхэшъухыгъэр шъугухэм арыжъугъэлъ зэпыт. Апэм къыщегъэжьагъэу зэхэшъухыгъэр шъугухэм арылъ зэпытмэ, Къо лъапІэри Ты лъапІэри шъугухэм арылъ зэпытыщтых. 25Христос тыкъызэригъэгугъагъэр мыкІодыжьын щыІэныгъэр ары.

26Тхьэм игъогу шъо шъутезыгъэкІынэу ыуж итхэм яхьылІагъэу мы Іофхэр къышъуфэсэтхых. 27Ау шъо Христос ежь Ыпсэ ЛъапІэ къышъуфыригъэхыгъ, Ыпси шъугухэм арылъ зэпыт, зыгорэми зыгорэ шъуигъэшІэнэу шъуищыкІагъэп, сыда пІомэ Христос Ыпсэ ЛъапІэ Іоф пстэуми яхьылІагъэу шъуегъашІэ. Ащ шъыпкъагъэ иІ, пцІы ащ зи хэлъэп. Ащ зэрэшъуигъэшІагъэм фэдэу, Христос шъугухэм арыжъугъэлъ зэпыт.

Тхьэм ибынхэр

28Арэущтэу, шъо, сибынхэм афэдэхэр, Христос дунаем къызыкІожьыщт мафэр къэсыгъэу ежьыр къызылъагъокІэ, ежь ыпашъхьэ гушхоныгъэ щытиІэу, тымыукІытэжьыным пае, ежьыр шъугухэм арыжъугъэлъ зэпыт.

29Христос шъыпкъагъэр зэриІэр шъошІэшъ, хэти шъыпкъагъэр зыгъэцакІэрэри Тхьэм зэрибыныр шъошІэ.

02

ЯЩЭНЭРЭШЪХЬ

Ты лъапІэм шІулъэгъуныгъэшхоу къытфыриІэм шъуегупшыс, «Шъо шъусибын», еІо. Ежь ибынхэуи тыщыт. Мы дунаем ицІыфхэм тызкІамышІэрэр Ты лъапІэр зэрамышІагъэр ары. 2СилъапІэхэр, джы Тхьэм тырибын, тэ тызфэдэ хъущтыр джыри нафэу щытэп. Ау ар нафэ хъу зыхъукІэ, ежьым фэдэу тызэрэхъущтыр тэшІэ, сыда пІомэ ежьыр зэрэщытыр тлъэгъущт. 3Хэти Христос щыгугъэу, арэущтэу зэрэхъущтыми щыгугъэу паплъэрэ цІыфым ыгу егъэкъабзэ, Христос ыгу къабзэу зэрэщытым фэдэу.

4Хэти псэкІод зышІэрэр Тхьэм иунашъо текІы, сыда пІомэ псэкІодшІэныр унашъом текІыныр ары. 5Ау Христос типсэкІодхэр ттырихынхэу къызэрэкІуагъэр шъо шъошІэ. Ежьыми псэкІод зи хэлъэп. 6Хэти Христос зыгу илъ зэпытым псэкІод ышІэу щыт зэпытыщтэп. Ау хэти псэкІод зышІэрэм Тхьэр шІошъхъуныгъэкІэ ылъэгъугъэп ыкІи ышІагъэп.

7Шъо, сибынхэм афэдэхэр, зыми зыкъешъумыгъэгъапцІ. Шъыпкъагъэр зыгъэцакІэрэм шъыпкъагъэ иІ, Христос шъыпкъагъэр зэриІэм фэдэу. 8ПсэкІод зышІэрэр шэйтаным ибын, сыда пІомэ ублапІэм щегъэжьагъэу шэйтаным псэкІод ешІэшъ ары. Тхьэм Ыкъо мы дунаем къызфэкІуагъэр шэйтаным иІофхэр ыгъэкІодынхэу ары. 9Хэти Тхьэм ибын хъугъэм псэкІод ышІэу щыт зэпытыщтэп, сыда пІомэ Тхьэм ащ ыгу къырилъхьагъэр ежь Ыпсэ ЛъапІэ ары, ари Тхьэм ибын ыгу илъ зэпытыщт. Тхьэм Ыпсэ ЛъапІэ псэкІод ышІэн зэримылъэкІырэм пае, Тхьэм ибын псэкІод ышІэу щыт зэпытыщтэп. 10Тхьэм ибынхэри шэйтаным ибынхэри зэрэзэхэбдзыщтхэр мары: Хэти шъыпкъагъэр зымыгъэцакІэрэр Тхьэм ибынхэм ащыщэп, ащ фэдэуи хэти зыш шІу зымылъэгъурэр Тхьэм ибынхэм ащыщэп.

ШІу шъузэрэлъэгъу

11Апэм къыщегъэжьагъэу къэбарэу зэхэшъухыгъэр мыры: ШІу шъузэрэлъэгъу. 12Шэйтаным ибынхэм

3:12 Каин – еплъ Пегъымбар Мусэ апэрэ тхылъэу ытхыгъэм 4:3-8.

 

ащыщэу Каин* зыцІэу зыш зыукІыгъэм фэдэу шъумыхъу. Ышы сыда зыкІиукІыгъэр? Ежьым ышІагъэхэр бзаджэхэу, ыш ышІагъэхэр шъыпкъэхэу щытыгъэхэти ары. 13Сшыхэр, мы дунаем ицІыфхэм шъуауджэгъумэ шъумыгъэшІагъо. 14Тшыхэр шІу зэрэтлъэгъухэрэм пае, лІэныгъэм тыІэкІэкІи, щыІэныгъэм тызэрэІэкІэхьагъэр тэшІэ. Зыш шІу зымылъэгъурэр лІэныгъэм ыІэ илъ. 15Хэти зыш зыуджэгъурэр цІыф укІакІоу щыт. МыкІодыжьын щыІэныгъэ цІыф укІакІом ыгу зэримылъыр шъо шъошІэ.

16ШІулъэгъуныгъэр зыфэдэр тэзыгъашІэрэр мыры: Исус Христос ыпсэ тфитыгъ. Тэри тыпсэ тшыхэм афэттын фае. 17Зыгорэм дунаем имылъку иІэу, ау щытми ыш щыкІагъэ иІэу зилъэгъукІэ, ыгу фигъэпытэмэ, Тхьэм ишІулъэгъуныгъэ сыдэущтэу ыгу илъын? 18Шъо, сибынхэм афэдэхэр, бзэмрэ гущыІэмрэ язакъокІэ шІу тызэрэлъэгъумэ икъущтэп. ШІушІагъэхэмрэ шъыпкъагъэмрэкІэ шІу тызэрэлъэгъун фае.

Тхьэм ыпашъхьэ гушхоныгъэ щытиІэныр

19ШІу тызэрэлъэгъуныр ары шъыпкъагъэм тызэрэтетыр тэзыгъашІэрэри, 20тыгухэм тагъэмысэ къэсми, Тхьэм ыпашъхьэ тыгухэр щызыгъэпсэфырэри. Сыда пІомэ Тхьэр тыгухэм анахьи нахь ин ыкІи зэкІэри ешІэшъ ары.

21Арэущтэу силъапІэхэр, тыгухэм тамыгъэмысэмэ, гушхоныгъэкІэ Тхьэм пэгъунэгъу тэхъу. 22Тхьэм иунашъохэри, ежьым Іофхэу игъоу ылъытэхэрэри зэрэдгъэцакІэхэрэм пае, тызкІэлъэІурэр къытеты. 23Мары иунашъо: Ыкъо Исус Христос ыцІэкІэ шІошъхъуныгъэ зэрэтиІэнри, Христос унашъо къызэрэтфишІыгъэм фэдэу,* шІу тызэрэзэрэлъэгъунри ары. 24Тхьэм иунашъохэр зыгъэцакІэрэ цІыфым ыгу Тхьэр илъ зэпыт, а цІыфри Тхьэм ыгу илъ зэпыт. Тхьэр тыгу зэрилъ зэпытыр тэзыгъашІэрэр, ежь Ыпсэ ЛъапІэу тыгухэм къарилъхьагъэр ары.

3:23 Христос унашъо къызэрэтфишІыгъэм фэдэу – еплъ Иуан 13:34; 15:12,17.

03

ЯПЛІЭНЭРЭШЪХЬ

Тхьэм Ыпсэ ЛъапІэрэ Антихристос ыпсэрэ

СилъапІэхэр, «Тхьэм Ыпсэ ЛъапІэ сыгу илъ», ыІоу, хэти зыІорэр шъушІошъ шъумыгъэхъу, ау агухэм арылъыр Тхьэм Ыпсэ ЛъапІэ арымэ жъугъэунэфы, сыда пІомэ пегъымбар нэпцІ Іаджи дунаем къыщылъэгъуагъэх. 23ы цІыф горэм Тхьэм Ыпсэ ЛъапІэ ыгу илъмэ, къэшъозыгъэшІэщтыр мары: Исус Христос дунаем цІыфэу къызэрэкІуагъэр хэтми зыдэрэм ыгу Тхьэм Ыпсэ ЛъапІэ илъ. 3Хэтми Исус Христос дунаем цІыфэу къызэрэкІуагъэр зымыдэрэми ыгу Тхьэм Ыпсэ ЛъапІэ илъэп. А цІыфым ыгу илъыр Антихристос ыпсэ ары. Ар къызэрэкІощтыр зэхэшъухыгъ. Джы ар дунаем къэкІогъах.

4Шъо, сибынхэм афэдэхэр, Тхьэм шъурибын, пегъымбар нэпцІхэми шъуатекІуагъ, сыда пІомэ псэу шъугухэм арылъыр псэу мы дунаем ицІыфхэм агухэм арылъым нахьи нахь ин. 5А пегъымбар нэпцІхэр мы дунаем ибыных. Арышъ, мы дунаем иІофхэм атегущыІэх, мы дунаем ицІыфхэри ахэмэ ядэІух. 6Ау тэ Тхьэм тырибын. ЦІыфэу Тхьэр зышІэрэр тэ къытэдэІу, ау Тхьэм ибынэу щымытыр тэ къытэдэІурэп. Джары шъыпкъагъэм Ыпсэ зыгу илъыри, гъэпцІэныгъэм ыпсэ зыгу илъыри тэзыгъашІэрэр.

Тхьэр шІулъэгъуныгъэу щыт

7СилъапІэхэр, шІу тызэрэжъугъэлъэгъу, сыда пІомэ шІулъэгъуныгъэр Тхьэм ыдэжь къекІышъ ары. Хэти шІулъэгъуныгъэ зыгу илъыр Тхьэм ибын ыкІи Тхьэр ешІэ. 8ШІулъэгъуныгъэ зыгу имылъым Тхьэр ышІэрэп, сыда пІомэ Тхьэр шІулъэгъуныгъэу щыт. 9Тхьэм шІу тызэрилъэгъурэр мырэущтэу къыгъэнэфагъ: Ежь Ыкъо закъо щыІэныгъэ къытитыным пае, Тхьэм дунаем къыгъэкІуагъ. 10ШІулъэгъуныгъэу зыфасІорэр мыры: ШІулъэгъуныгъэу Тхьэм фытиІэр арэп, ау тэ Тхьэм шІу тилъэгъуи, типсэкІодхэр тфэзыпщыныжьырэ къурмэныпхъэ хъунэу ежь Ыкъо къызэригъэкІуагъэр ары. 11СилъапІэхэр, Тхьэм ащ фэдизэу шІу тызэрилъэгъугъэм пае, тэри

 

шІу тызэрэлъэгъун фае. 123ыми Тхьэр егъашІэми нэкІэ ылъэгъугъэп, ау шІу тызэрэлъэгъумэ, Тхьэр тыгухэм арылъ зэпыт, ишІулъэгъуныгъи икъугъэу тыгухэм арылъ.

13Тхьэм ыгу тызэрилъ зэпытри, ежьыр тыгухэм зэрарылъ зэпытри тэзыгъашІэрэр Тхьэм ежь Ыпсэ ЛъапІэу тыгухэм къарилъхьагъэр ары. 14Ты лъапІэм дунаем ицІыфхэр мыкІодхэу къыгъэнэжьынхэм пае, ежь Ыкъо къызэригъэкІуагъэр тлъэгъугъэ ыкІи шыхьат тыфэхъу.

15Исус Тхьэм Ыкъоу зэрэщытыр зыдэрэ цІыфым ыгу Тхьэр илъ зэпытыщт, а цІыфри Тхьэм ыгу илъ зэпытыщт.

16Арэущтэу Тхьэм шІулъэгъуныгъэу къытфыриІэр тшІагъэ, а шІулъэгъуныгъэми тыщэгугъы.

Тхьэр шІулъэгъуныгъэу щыт. ШІулъэгъуныгъэр зыгу илъ зэпыт цІыфыр Тхьэм ыгу илъ зэпытыщт, Тхьэри а цІыфым ыгу илъ зэпытыщт. 17Ахърэт мафэм гушхоныгъэ тиІэнэу Тхьэм ишІулъэгъуныгъэ икъугъэу тыгухэм арылъ, сыда пІомэ Христос зэрэщытым фэдэу, тэри мы дунаем тыщыщыт. 18Тхьэм ишІулъэгъуныгъэ зыгу илъыр щынэрэп, шІулъэгъуныгъэу икъугъэми щынагъор хефыжьы. Щынагъор ахърэт мафэм икъин щэчыныгъэм епхыгъ. ШІулъэгъуныгъэ икъугъэр щынэрэ цІыфым ыгу илъэп.

19Тхьэм ыпэ рапшІэу тэ шІу тызэрилъэгъугъэм пае, тэ тыгухэми шІулъэгъуныгъэ арылъ. 203ыгорэм, «Тхьэр шІу сэлъэгъу», еІо пэтми, ыш ыуджэгъумэ, ар пцІыус. Сыда пІомэ ышэу нэкІэ ылъэгъугъэр шІу зымылъэгъурэм нэкІэ ымылъэгъугъэ Тхьэр шІу ылъэгъун ылъэкІыщтэп. 21Тхьэм мы унашъор къытфишІыгъ: Тхьэр шІу зылъэгъурэм ыши шІу ылъэгъун фае.

04

ЯТФЭНЭРЭШЪХЬ

Дунаем текІорэр шІошъхъуныгъэр ары

Хэтми Исус зэрэ-ХристосымкІэ шІошъхъуныгъэ зиІэр Тхьэм ибын. Хэтми тыр шІу зылъэгъурэм ыкъуи шІу елъэгъу. 2Тхьэм ибынхэр шІу зэрэтлъэгъухэрэр тэзыгъашІэрэр Тхьэр шІу зэрэтлъэгъурэмрэ иунашъохэр зэрэдгъэцакІэхэрэмрэ ары. 3Тхьэр шІу тлъэгъоу щытмэ, иунашъохэр дгъэцэкІэщтых. Иунашъохэри къинхэп. 4Сыда пІомэ хэтми Тхьэм ибынэу щытыр дунаем ипсэкІодшІэн

 

Іофхэм атекІо. Дунаем ипсэкІодшІэн Іофхэм тызэратекІуагъэр тишІошъхъуныгъэ ары. 5Хэта дунаем текІорэр? Исус Тхьэм Ыкъоу зэрэщытыр зышІошъ хъурэр ары ныІэп.

Къо лъапІэм ехьылІэгъэ шыхьатныгъэр

6Исус Христос ары псырэ лъырэкІэ къэкІуагъэр. Псым* изакъокІэ къэкІуагъэп, псырэ лъырэкІэ* нахь. Тхьэм Ыпсэ ЛъапІэ ары ар къэзыушыхьатырэр, сыда пІомэ Тхьэм Ыпсэ ЛъапІэ ары шъыпкъагъэр. 7Уашъом шыхьа тэу щыхъухэрэр щы мэхъу: Ты лъапІэр, Тхьэм игущыІэхэр, Тхьэм Ыпсэ ЛъапІэ. Ищыри зы мэхъух. 8ЧІылъэм шыхьатэу щыхъухэрэр щы мэхъу: Тхьэм Ыпсэ ЛъапІэ, псыр, лъыр; ищыми къаІорэр зэтефэ.9ЦІыфхэм яшыхьатныгъэ тэдэ, ау Тхьэм ишыхьатныгъэ нахь ин, сыда пІомэ ар Тхьэм шыхьатныгъэу ежь Ыкъо фишІагъэр ары. 10Тхьэм ЫкъокІэ шІошъхъуныгъэ зиІэ цІыфым ыгу шыхьатныгъэр илъ. ТхьэмкІэ шІошъхъуныгъэ зимыІэ цІыфым Тхьэр пцІыусэу ыІуагъэу мэхъу, сыда пІомэ Тхьэм ежь Ыкъо шыхьатныгъэу фишІагъэр ышІошъ хъугъэпышъ ары. 11Шыхьатныгъэр мары: Тхьэм мыкІодыжьын щыІэныгъэ къытитыгъ, а мыкІодыжьын щыІэныгъэри Тхьэм ежь Ыкъо тэ къытыригъэтыгъ. 12Къо лъапІэр зыгу илъ цІыфым а щыІэныгъэр иІ. Къо лъапІэр зыгу имылъым а щыІэныгъэр иІэп.

МыкІодыжьын щыІэныгъэр

13Шъо, Тхьэм Ыкъо ыцІэкІэ шІошъхъуныгъэ зиІэхэм, мыкІодыжьын щыІэныгъэ шъуиІэ зэрэхъугъэр шъушІэным пае, мы Іофхэр къышъуфэсэтхых. 14Тхьэр зэрэфаем тетэу зыгорэкІэ телъэІумэ, къызэрэтэдэІущтыр тэшІэшъ, гушхоныгъэкІэ ежьым пэблагъэ тэхъу. 15Сыд щыщкІи телъэІумэ, къызэрэтэдэІущтыр тэшІэшъ, тызэрелъэІугъэр тиІэ зэрэхъугъэр тэшІэ.

16Ыш лІэныгъэ къызхэмыкІырэ псэкІод ышІэу зылъэгъурэр Тхьэм ерэлъэІу, Тхьэми а тшы щыІэныгъэ къы-

5:6 псы – Исус псыкІэ къызыкІуагъэр умэхъэкІо Иуан ежьыр зиумэхъыгъэр ары.

5:6 лъы – Исус лъыкІэ къызыкІуагъэр къащым зытелІыхьагъэр ары.

 

ритыщт – лІэныгъэ къызхэмыкІырэ псэкІод зышІагъэр ары зыфасІорэр. ЛІэныгъэ къызхэкІырэ псэкІодри щыІ. Ащ фэдэ псэкІодым пае Тхьэм ерэлъэІу сІорэп. 17Къончагъэ пстэури псэкІод мэхъу, ау лІэныгъэ къызхэмыкІырэ псэкІоди щыІ.

18Хэтми Тхьэм ибынэу щытым псэкІод ышІэ зэпытэу зэрэщымытыр тэшІэ; ау Тхьэм ибын зыфэсакъыжьы,* шэйтанри ащ къынэсыщтэп. 19Тэ Тхьэм тызэрибыныр тэшІэ, дунаер зэкІэ шэйтаным ыІэ зэрилъыри тэшІэ. 20Тхьэм Ыкъо къакІуи, Тхьэ шъыпкъэр тшІэнэу зэхэшІыкІыныгъэ къызэрэтитыгъэр тэшІэ. Шъыпкъагъэ ЗиІэр тыгухэм арылъ – Тхьэм Ыкъоу Исус Христос ары. Ар Тхьэ шъыпкъэу щыт, цІыфхэм мыкІодыжьын щыІэныгъэ язытырэр ежьыри ары.

21Шъо, сибынхэм афэдэхэр, тхьэ нэпцІхэм защышъуухъум. Амин.

 

5:18 Тхьэм ибын зыфэсакъыжьы – е Тхьэм Ыкъо ар къеухъумэ.

10 2. John / 2 Иуан

01

АПОСТОЛ ИУАН

ЯТЮНЭРЭ ТХЫЛЪЭУ ЫТХЫГЪЭР

ШІуфэс ехыныр

Сэ чылыс зэІукІэм инахьыжъхэм сащыщэу,* Тхьэм о къыхихыгъэ гощэ лъапІэу ыкІи уибынхэу* шъыпкъагъэкІэ шІу слъэгъухэрэм мы тхылъыр къышъуфэсэтхы. Шъо шІу шъузылъэгъурэр сэ сизакъоп, шъыпкъагъэр зэзыгъэшІэгьэ пстэуми шІу шъуалъэгъу. 2Шъыпкъагъэу тыгухэм арылъэу, егъашІэми илъыщтым къыхэкІыкІэ шъо шІу шъутэлъэгъу.

3Тхьэу Ты лъапІэмрэ Ты лъапІэм Ыкъоу Зиусхьанэу Исус Христосрэ тэ шъыпкъагъэр зышІэхэрэми шІу зэрэлъэгъухэрэми анэшІу къытщафэщт, гукІэгъуныгъэшхуи къытфашІыщт, гупсэфыныгъи къытатыщт.

Шъыпкъагъэмрэ шІулъэгъуныгъэмрэ

4Ты лъапІэм къытфишІыгъэ унашъом фэдэу, уибынхэм ащыщэу куп шъыпкъагъэм тетэу зекІохэу зысэлъэгъум, лъэшэу сыгушІуагъ. 5Джы гощэ лъапІ, сыо-

1 Сэ чылыс зэІукІэм инахьыжъхэм сащыщэу – еплъ Якъубэ 5:14.

1 о гощэ лъапІэмрэ уибынхэмрэ – чылыс зэІукІэмрэ чылыс зэІукІэм щыщхэмрэ арын фае.

 

лъэІу: ПІІу тызэрэжъугъэлъэгъу. Ар унэшъуакІэм фэдэу къыпфэстхырэп, ар апэм къыщегъэжьагъэу тиІэгъэ унашъоу щыт. 6ШІулъэгъуныгъэу зыфасІорэр Тхьэм иунашъохэм татетэу тызекІоныр ары. Апэм къыщегъэжьагъэу зэхэшъухыгъэ унашъор шІулъэгъуныгъэм шъутетэу шъузэрэзекІорэр ары.

7Исус Христос дунаем цІыфэу къызэрэкІуагъэр зымыдэрэ цІыфыбэу нэмыкІ цІыфхэр зыгъапцІэхэрэр дунаем къыщылъэгъуагъэх. Ащ фэдэ цІыфхэр гъэпцІакІохэу ыкІи Антихристосхэу щытых. 8Іофэу къэжъугъэхъагъэр шъумыгъэкІодэу, шъуиІэхьышІу икъугъэу жъугъотыжьыным пае, шъузфэсакъыжь. 9Хэти Христос тигъэшІэгъэ Іофхэм атемыт зэпытэу, атекІырэ цІыфым ыгу Тхьэр илъэп, ау Христос тигъэшІэгъэ Іофхэм атет зэпытым ыгу Ты лъапІэри Къо лъапІэри илъых. 10Шъуадэжь зыгорэ къакІоу, Исус тигъэшІэгъэ Іофхэм атемытэу шъуигъашІэмэ, ар шъуиунэ къишъумыгъахь, шІуфэси ешъумых. 11Сыда пІомэ ащ шІуфэс езыхырэр ащ ибзэджэшІагъэхэмкІи игъусэу щыт.

Аужырэ шІуфэс гущыІэхэр

12Джыри къышъуфэстхынэу сиІэр бэ, ау тхылъыпІэрэ мэрчэп къамзийрэкІэ стхынэу сыфаеп. Ау тигушІуагъо икъугъэу хъуным пае, шъуадэжь сыкъэкІонышъ, тызэдэтІысэу тызэдэгущыІэным сыщэгугъы.

13Пшыпхъоу Тхьэм къыхихыгъэм ибынхэм* шІуфэс къыуахыжьы. Амин.

 

13 Пшыпхъоу Тхьэм къыхихыгъэм ибынхэр – мы тхылъыр зытхыгъэр чылыс зэІукІэу зыщыщым ицІыфхэр арын фае.

11 3. John / 3 Иуан

01

АПОСТОЛ ИУАН

ЯЩЭНЭРЭ ТХЫЛЪЭУ ЫТХЫГЪЭР

ШІуфэс ехыныр

Сэ чылыс зэІукІэм инахьыжъхэм сащыщэу,* о Гай лъапІэу шъыпкъагъэкІэ шІу слъэгъурэм мы тхылъыр къыпфэсэтхы.

2СилъапІ, упсаоу, пстэумкІи утхъэжьэу ущыІэнэу Тхьэм селъэІу, угурэ упсэрэ зэрэпсэфырэм фэдэу. 3Сыда пІомэ тшы куп заулэ къакІуи, о уишъыпкъагъэ тегущыІэхэзэ, шъыпкъагъэм тетэу узэрэзекІорэр къызаушыхьатым, лъэшэу сыгушІуагъ. 4Сибынхэр шъыпкъагъэм тетхэу зэрэзекІохэрэр зызэхэсхыкІэ, ащ нахьи нахь гушІогъошхо зи сиІэп.

5СилъапІ, тшыхэр хымэхэу щытхэ пэтми, шІоу афапшІэрэмкІэ шъыпкъагъэ уиІэу озекІо. 6Ахэмэ чылыс зэІукІэм ыпашъхьэ уишІулъэгъуныгъэ къыщыфаушыхьатыгъ. Тхьэм ыгу зэреІурэм тетэу, ягъогукІэ ахэмэ ІэпыІэгъу уафэхъумэ, шІу пшІагъэу мэхъу. 7Сыда пІомэ а тшыхэм шІошъхъуныгъэ зимыІэхэм ІэпыІэгъу зи къаІамыхэу, Христос ыцІэ пае гъогум техьагъэх. 8Арышъ, ащ фэдэ цІыфхэм ІэпыІэгъу тафэхъун фае, Іофэу шъыпкъагъэм фашІэрэмкІэ гъусэ тафэхъуным пае.

1 Сэ чылыс зэІукІэм инахьыжъхэм сащыщэу – еплъ Якъубэ 5:14.

 

Диотрефрэ Димитрыйрэ

9Чылыс зэІукІэм тхылъ фэстхыгъ, ау Диотрефэу ахэмэ пащэу афэхъунэу фаем тидэрэп. 10Арышъ, сыкъызыкІокІэ, Іофхэу ащ ышІэхэрэр къэзгъэнэфэщтых, гущыІэ ІаехэмкІэ къызэрэттегущыІэрэр ары. Ащи къыщымыуцоу тшыхэр ригъэблагъэхэрэп, езыгъэблэгъэнхэу фаехэми афимыдэу апэуцу, чылыс зэІукІэми чІефыжьых.

11СилъапІ, ер зышІэрэм илъэужхэм шъуарымыкІоу, шІугъэ зышІэрэм илъэужхэм шъуарыкІо. ШІугъэ зышІэрэр Тхьэм ибын. Ер зышІэрэм шІошъхъуныгъэкІэ Тхьэр ылъэгъугъэп. 12ЦІыф пстэури Димитрый шІукІэ шыхьат къыфэхъух, ежь шъыпкъагъэри шІукІэ ащ шыхьат фэхъу. Тэри шІукІэ шыхьат тыфэхъу, тишыхьатныгъи зэрэшъыпкъэр ошІэ.

Аужырэ шІуфэс гущыІэхэр

13Къыпфэстхынэу сиІэр бэ, ау джы къэлэмрэ мэрчэп къамзыйрэкІэ къыпфэстхынэу сыфаеп. 14ШІэхэу услъэгъунышъ, тызэдэтІысэу тызэдэгущыІэным сыщэгугъы.

15Гупсэфыныгъэ уиІэу опсэу. МыщкІэ щыІэ ныбджэгъухэми шІуфэс къыуахыжьы. МодэкІэ щыІэ ныбджэгъухэм ацІэкІи шІуфэс сфяхыжьи, аІапэ сфэубытыжь. Амин.

12 Jude / Иудэ

01

АПОСТОЛ ИУДЭ

ТХЫЛЪЭУ ЫТХЫГЪЭР

ШІуфэс ехыныр

Сэ сы Иудэ, Исус Христос сыфэлажьэ, Якъуби* сыриш.

Шъо, Тхьэу Ты лъапІэм ибынхэм ащыщ хъунхэу къызэджагъэхэу, зыгу ыгъэкъабзэхэу, Исус Христос къыухъумэхэрэм, мы тхылъыр къышъуфэсэтхы.

2Тхьэм гукІэгъуныгъэшхо къышъуферэшІ зэпыт, гупсэфыныгъэшхуи шІулъэгъуныгъэшхуи къышъуерэт зэпыт.

Дин гъэсэкІо нэпцІхэр

(2. Пет. 2:1-17)

3СилъапІэхэр, шъори тэри тымыкІодэу Тхьэм тыкъызэригъэнэжьыгъэм ехьылІагъэу къышъуфэстхынэу лъэшэу сыфэягъ. Ау етІанэ шІошъхъуныгъэу Тхьэм ицІыф лъапІэхэм аІэ зэ къырилъхьагъэм пытэу шъутетынэу сышъолъэІуным пае, къышъуфэстхын фаеу слъытагъэ. 4Сыда пІомэ цІыф заулэм шъумышІахэу зыкъышъуха-

1 Якъубэ – Ерусалим щыІэ чылыс зэІукІэм итхьаматэхэм ащыщыгъэр арыщтын. Еплъ Апостол. 15:13; Гал. 1:19.

 

гъэкІокІагъ. Тхьэм ахэр зэригъэмысэщтхэр игущыІэ тхыгъэхэм бэшІагъэу арыт. Тхьэм ищынагъо ахэмэ агухэм арылъэп. Ти Тхьэ ынэшІу цІыфхэм къызэращифэрэм икъэбар мыхъомышІэ псэукІэм зыратынэу ушъхьагъу ашІы. Типащэу ыкІи ти Зиусхьан закъоу Исус Христосыр адэрэп.

5Мыр шъушІэ пэтми, шъугу къэзгъэкІыжьынэу сыфай: Зиусхьаным ежь ылъэпкъ Мысыр хэгъэгум къырищыжьи, мыкІодэу къыгъэнэжьыгъэ пэтми, шІошъхъуныгъэ зимыІэхэр ащ нэужым ыгъэкІодыгъэх*. 6МэлэІичхэу зитетыгъо зыщыряІэ чІыпІэр къэзыгъэнагъэхэу, Тхьэм къафигъэнэфэгъэ чІыпІэм икІыгъэхэр Тхьэм цІыфхэм хьыкум зыщатришІыхьащт мэфэшхом нэсыфэ, егъашІэм мыкІодыжьын Іэхъу-лъэхъухэр ателъхэу шІункІыгъэм хегъэтых. 7Ащ фэдэу къалэхэу Содомрэ Гоморрэрэ* яцІыфхэмрэ а къалэхэм яІэгъо-благъохэм арыт къалэхэм яцІыфхэмрэ зинэри, цІыфмэ амышІэпхъэ емыкІу Іофхэри ашІэщтыгъэх. Ныбжьи мыухыжьын машІом икъинышхо Тхьэм ахэмэ аригъэщэчэу, ахэмэ ягъогу тырымыкІоным пае, ахэр шапхъэ къытфишІыгъ.

8Ащ фэдэу мы цІыфхэм пкІыхьапІэхэу алъэгъухэрэм апае, апкъыхэр аушІоих; тетыгъо зиІэхэр адэхэрэп, уашъом щытхъушхо щызиІэхэми яхъоных. 9Апэрэ мэлэІичэу Михаилымрэ шэйтанымрэ пегъымбар Мусэ ихьадэ зэтырахы зэхъум, Михаил шэйтаным хъонэн гущыІэкІэ ыгъэмысэнэу тегушхуагъэп, «Зиусхьаным къыпферэмыд!» ыІуи, риІуагъэ ныІэп. 10А цІыфхэм зи зэхамышІыкІырэ Іофхэми яхъоных; ау акъыл зимыІэ хьакІэ-къуакІэхэм ящытыкІэ игъогукІэ Іофхэр зэрэзэхашІыкІхэрэм фэдэу, а цІыфхэм Іофхэу зэхашІыкІхэрэр ары ахэр зыгъэунэхъухэрэр.

 

11Ахэр сыхьатмыгъо ежьагъэх, сыда пІомэ ахэр Каин* игъогу техьагъэх, Валаами* зэрэзекІуагъэм фэдэу, ахэми ахъщэм пае бзэджагъэ ашІэ, Корей* фэдэу якъаигъагъэкІэ мэунэхъух.

5 Мысыр хэгъэгум къырищыжьи, мыкІодэу къыгъэнэжьыгъэ пэтми, ыгъэкІодыгъэх – еплъ Пегъымбар Мусэ ятІонэрэ тхылъэу ытхыгъэм 12:51; яплІэнэрэ тхылъэу ытхыгъэм 14:26-38.

7 къалэхэу Содомрэ Гоморрэрэ – еплъ Пегъымбар Мусэ апэрэ тхылъэу ытхыгъэм 19:1-24.

11 Каин – еплъ Пегъымбар Мусэ апэрэ тхылъэу ытхыгъэм 4:3-8.

11 Валаам – еплъ Пегъымбар Мусэ яплІэнэрэ тхылъэу ытхыгъэм 22:1-35.

11 Корей – еплъ Пегъымбар Мусэ яплІэнэрэ тхылъэу ытхыгъэм 16:1-35.

 

12ШъузызэдашхэкІэ, ащ фэдэ цІыфхэр шъоркІэ укІытагъо мэхъух: къыжъудашхэзэ, мыукІытэхэу загъэшхэкІын алъэкІырэп. Ахэр жьыбгъэм зэрифэхэу, псы къызхэмыкІырэ пщэхэм афэдэх. Бжыхьэм зи къызпымыкІэхэу, зылъапсэ ратхъыжьыгъэхэу, тІо лІэгъэ чъыгхэр ары зыфэдэхэр. 13Хыорышхохэу зишІой дэзыдзыехэрэм афэдэх, жъогъо гъощагъэхэу, шІункІыгъэм икуупІэ егъашІэм Тхьэм зыфигъэнэфагъэхэм афэдэхэу щытых.

14Енохоу Адэм зыцІэм къытехъукІыгъэ цІыфхэм ащыщэу яхэнэрэм ыгу Тхьэм ежь игущыІэхэу къырилъхьагъэхэр къыІохэзэ, а цІыфхэм яхьылІагъэу мыщ фэдэу къыІуагъ: «ШъукъэдаГу, пчъагъэ зимыІэ мэлэІич лъапІэхэр игъусэхэу Зиусхьаныр къэкІощт. 15КъызфэкІощтыр цІыф пстэуми хьыкум атришІыхьанэуи ары, ахэмэ ащыщхэу Тхьэм ищынагъо зыгу имылъ пстэуми ямысэгъэ пстэури аригъэлъэгъунэуи ары. Тхьэм ищынагъо агухэм арымылъэу, бзэджагъэ Іофхэу ашІэгъэ пстэумэ апаий, гущыІэ пхъашэхэу Зиусхьаным ехьылІагъэу аІогъэ пстэуми апаий мысэ зэрэхъугъэхэр а псэкІодышІэ цІыфхэу Тхьэм ищынагъо зыгу имылъхэм аригъэлъэгъущт. 16Ахэр зыкІи мыразэхэу мэтхьаусыхэ зэпытых. Яхъопсэныгъэ Іаехэм къыращэкІхэу мэзекІох. Ажэхэм гущыІэ пэгагъэхэм анэмыкІ къадэкІырэп. ЦІыфхэм яшІуагъэ ежьхэм зэрагъэкІыжьыным пае, ащэтхъужьых.

Теубытэныгъэ зижъугъаІ

17Ау шъо, силъапІэхэр, ти Зиусхьанэу Исус Христос иапостолхэм* Іофхэу къэхъунхэу къаІощтыгъэхэр шъугу къэжъугъэкІыжьых. 18КъышъуаІощтыгъэр мыры: «Мы дунаем иаужьыпкъэрэ уахътэ кІэнэкІакІохэу зихъопсэныгъэ Іае мыкъабзэхэм къыращэкІхэу зекІохэрэр къэлъэгъощтых». 19Ащ фэдэ цІыфхэр ары шъузэгурызымыгъаІохэрэр. Ахэмэ ящытыкІэ къырищэкІхэу зэрэщытым фэдэу мэзекІох, Тхьэм Ыпсэ ЛъапІи агухэм арылъэп.

20Ау шъо, силъапІэхэр, гурэ псэрэкІэ нахь лъэкІыныгъэ зыфэжъугъотыжьэу, шъуишІошъхъуныгъэ лъэпІэ

17 апостолхэр – ыпэ рапшІэу апостолхэкІэ зэджагъэхэр апэрэ нэбгырэ пшІыкІутІоу Исус игъогу рыкІохэрэр ары. ЕтІанэ нэмыкІрэ цІыфхэу Паул фэдэу, Исус мы дунаем зытетым, игъогу рыкІохэрэм ащыщхэу щымыІагъэхэу, етІанэ игъогу техьагъэхэми апостолхэкІэ яджэхэу хъугъэ.

 

дэдэм ишъыпкъагъэ шъузэрэтетыщтым ыуж шъуит. Тхьэм Ыпсэ ЛъапІэ илъэкІыныгъэкІи Тхьэм шъуелъэІу.

21        Ти Зиусхьанэу Исус Христос гукІэгъу къышъуфишІынышъ, мыкІодыжьын щыІэныгъэ къызэрэшъуитыщтым шъупаплъэзэ, Тхьэм ишІулъэгъуныгъэ зыхэшъумыгъэн.

22ЗэхэшІыкІыныгъэ зижъугъаІэзэ, цІыфхэу тишІошъхъуныгъэ ехъырэхъышэхэрэм гукІэгъу афэшъушІ. 23НэмыкІхэри машІом къыхэшъущыжьхи,* мыкІодхэу къэжъугъэнэжьых. ЕтІанэ нэмыкІ цІыфхэми щынэкІэ гукІэгъу афэшъушІ.* Апкъымэ агъэушІоигъэ щыгъынхэми защыжъудзый.

Тхьэм щытхъу фэтэжъугъэшІ

24Игъогу шъутекІыным Тхьэм шъущиухъумэн ылъэкІыщт, лажьи зи шъуимыІэу, гушІогъошхуи шъухэлъэу, щытхъушхо ЗиІэм ыпашъхьэ шъуригъэуцон ылъэкІыщт. 25Тхьэ закъоу тымыкІодэу, Исус Христос тыкъезыгъэгъэнэжьыгъэм щытхъушхори, иныгъэри, лъэкІыныгъэшхори, тетыгъошхори иех, лъэхъан пстэумэ апэуи, джыри, егъашІэми. Амин.

 

23 НэмыкІхэри машІом къыхэшъущыжьхи – шъуащыщхэу нэмыкІхэри джэхьнэм машІом хэфэнхэу щытхэр мыкІодхэу къэжъугъэнэжьых.

23 нэмыкІ цІыфхэми щынэкІэ гукІэгъу афэшъушІ – ахэмэ яшІоигъэ шъухамыгъэфэным пае, шъузфэсакъыжь.

13 Romans / Рим

01

АПОСТОЛ ПАУЛ ШЮШЪХЪУНЫГЪЭ

ЗИІЭХЭУ РИМ КЪЭЛЭШХОМ ДЭСХЭМ

ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул, Исус Христос сыфэлажьэ. Христос иапостол* сыхъунэу Тхьэр къысаджи, ежьым ыдэжь къикІырэ къэбарышІур* згъэІунэу сигъэнэфагъ. 2А къэбарышІур ипегъымбархэм ажэкІэ Тхьэм цІыфхэр ыгъэгугъагъэх, игущыІэ тхыгъэ лъапІэхэм* зэрарытым фэдэу. 3А къэбарышІур Ыкъо ехьылІагъ. Ар цІыфэу къэхъугъэу, пачъыхьэ Даутэ къытехъукІыгъэ цІыфхэм ащыщыгъ. 4Исус

1:1 апостол – нэмыкІ цІыф горэм ыцІэкІэ гущыІэнэуи Іоф ышІэнэуи фитыныгъэ зиІэр ары.

1:1 къэбарышІур – Исус Христос ехьылІэгъэ къэбарышІур ары. Тхьэм пегъымбархэм ажэкІэ цІыфхэр къызэригъэгугъэгъэ Іофхэр къыгъэшъыпкъэжьхэзэ ыгъэхъугъэх, арэущтэуи цІыфхэр мыкІодхэу къызэригъэнэжьынхэ гъогу афишІыгъ.

1:2 Тхьэм игущыІэ тхыгъэ лъапІэхэр – мыщ дэжьым ащ къикІырэр джуртхэм ятхылъ лъапІэхэр ары.

 

лІагъэхэм къызэрахэтэджыкІыжьыгъэмкІэ Тхьэм Ыпсэ ЛъапІэ ар Тхьэм зэри-Къор лъэкІыныгъэкІэ къыгъэнэфагъ. Ежьыр ары Исус Христосэу ти Зиусхьаныр. 5Тхьэм Христос ынэшІу сэ къысщыригъафи, Христос ыцІэкІэ лъэпкъ пстэуми шІошъхъуныгъэ яІэ згъэхъоу, ежьым езгъэдэІунхэм пае, апостолэу сигъэнэфагъ. 6Шъори ахэмэ шъуащыщ, Исус Христос шъори ибынхэм ащыщ шъухъунэу къышъоджагъ.

7Шъо, Рим* къэлэшхом дэсхэу, Тхьэм шІу ылъэгъухэу, ицІыф лъапІэхэм ащыщ хъунхэу къызэджагъэхэм, мы тхылъыр къышъуфэсэтхы.

Тхьэу Тятэ лъапІэмрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

Паул Рим къэлэшхом кІонэу зэрэфэягъэр

8Ыпэ рапшІэу шъуишІошъхъуныгъэ икъэбар дунаем тыдэкІи цІыфхэм зэрэщагъэІурэм пае, Исус Христос ыцІэкІэ шъо пстэуми пае Тхьэм щытхъу фэсэшІы, 9сыда пІомэ Тхьэу Зыкъо ехьылІэгъэ къэбарышІур згъэІузэ, сыгу етыгъэу сызфэлажьэрэ Тхьэр сишыхьат. Ащ селъэІу зыхъукІэ, сыдигъуи зэпымыоу шъуигугъу зэрэсшІырэмкІэ ар сишыхьат. 10Тхьэм ыІомэ шъуадэжь аужыпкъэм сыкъэкІонэу къыздэхъункІэ селъэІу.

11Сыда пІомэ Тхьэм Ыпсэ ЛъапІэ ыдэжь къикІэу, шъугухэр зыгъэпытэн шІугъэ горэ шъозгъэгъотыным пае, шъуслъэгъунэу инэу сшІоигъу. 12А зы шІошъхъуныгъэу тиІэмкІэ тызэрэгъэгушхоныр ары зыфасІорэр. 13Шъуадэжь сыкъэкІонэу бэрэ сыгу зэрэхэлъыгъэр шъушІэн фае, сшыхэр, ау джы нэсыфэ пэрыохъу горэ къысфэхъущтыгъ. НэмыкІ лъэпкъхэм адэжь шІугъэ къызхэкІырэ Іоф зэрэщысшІагъэм фэдэу, шъуадэжьи Іоф щысшІэнэу сыфай.

14Урымхэми, нэмыкІ лъэпкъхэми, зэхэшІыкІыныгъэ зиІэхэми, зимыІэхэми пшъэрылъ афысиІ. 15Джары шъо Рим къэлэшхом дэсхэм къэбарышІур шъозгъэІунэу инэу зыкІысшІоигъор.

1:7 Рим – Рум ары.

 

КъэбарышІум лъэкІыныгъэу хэлъыр

16Христос ехьылІэгъэ къэбарышІум сытеукІытыхьэрэп, сыда пІомэ къэбарышІур ары Тхьэм илъэкІыныгъэу хэти шІошъхъуныгъэ зиІэр мыкІодэу къэзыгъэнэжьырэр, апэу джуртыр етІанэ мыджуртыр. 17Сыда пІомэ Тхьэм ежьым ыдэжькІэ цІыфым шъыпкъагъэ иІэу зэрилъытэрэ гъогур къэбарышІум къегъэнафэ. Ыпэ къыщегъэжьагъэу ыкІэ нэс а Іофыр зэрэхъурэр шІошъхъуныгъэм игъогукІэ ары, Тхьэм игущыІэ тхыгъэхэм зэрарытым фэдэу,* «ШІошъхъуныгъэ зэриІэм пае, Тхьэм ыдэжькІэ шъыпкъагъэ зиІэр псэущт».

ЦІыф пстэуми Тхьэм ыдэжькІэ лажьэу яІэр

18Тхьэм ищынагъо цІыфхэм агухэм зэрарымылъым паий, ябзэджагъэ пстэуми апаий игубжэу уашъом къехырэр Тхьэм къегъэнафэ, сыда пІомэ ябзэджагъэкІэ шъыпкъагъэр агъэбылъынэу ыуж итых. 19Тхьэм ехьылІагъэу цІыфмэ ашІэшъущтыр ахэмкІэ нафэ, Тхьэм ар къафигъэнэфагъ. 20Сыда пІомэ Тхьэм дунаер къызигъэхъугъэм щегъэжьагъэу, ежь ищытыкІэу амылъэгъушъурэм Тхьэм къыгъэхъугъэхэмкІэ цІыфхэм нафэу гу лъатэн алъэкІы. ИщытыкІэ амылъэгъушъоу зыфасІорэр илъэкІыныгъэшхоу мыкІодыжьыщтри ары, ежьыр Тхьэу зэрэщытри ары. Арышъ, цІыфхэм зызэрагъэхыен зи щыІэп.

21Тхьэр ашІагъэ пэтми, Тхьэм фэшъуашэу лъытэныгъи щытхъушхуи фашІыгъэп. Ау ягупшысэхэр хьаулыеу хъугъэх, агухэу зэхэшІыкІыныгъэ зимыІэхэри шІункІы хъугъэх. 22ЗэхэшІыкІыныгъэ яІэу зашІошІыжьэу, зэхэшІыкІыныгъэ ямыІэу хъугъэх. 23ЦІыфхэм щытхъушхо зиІэ Тхьэу мыкІодыжьыщтыр амыгъэлъапІэу щытыгъэх. Тхьэм фагъадэхэу, ежьхэм аІэкІэ ашІыгъэ шъо теплъэхэу кІодыжьыщт цІыфхэм, бзыухэм, лъэкъуиплІкІэ зекІохэрэм, ныбэкІэ цуахъохэрэм афэдэхэр тхьэпІалъэу агъэлъэпІагъэх.

24Арышъ, ахэмэ агухэр Іоф мыхъунхэм акІэхъопсхэу, апкъыхэмкІэ мыхъун зэрашІэжьынэу, шІоигъэм хэтхэу Тхьэм къыгъэнагъэх. 25Тхьэм ишъыпкъагъэ ычІыпІэ

1:17 Тхьэм игущыІэ тхыгъэхэм зэрарытым фэдэу – еплъ Пегъымбар Аввакум тхылъэу ытхыгъэм 2:4.

 

пцІыр рагъэуцуагъ. Тхьэу зэкІэ къэзыгъэхъугъэр амыгъэлъапІэу ыкІи фэмылажьэхэу, Тхьэм къыгъэхъугъэхэр агъэлъэпІагъэх, ахэми афэлэжьагъэх. Ежь Тхьэм мыкІодыжьын щытхъушхор ий. Амин.

26Арышъ, агу зыкІэхъопсырэ Іоф мыхъунхэм апылъынхэу Тхьэм ахэр къыгъэнагъэх. Ябзылъфыгъэхэри зэрэщытын фаем текІыхи, зым адрэм мыхъун ришІэжьыгъ. 27Ащ фэдэу хъулъфыгъэхэри зэрэщытын фаем текІыхи, яшъузхэм якІолІэжьыныр ханэжьи, зы лІыр адрэ лІым кІэхъопс хъугъэ. Арэущтэу хъулъфыгъэхэми мыхъун зэрашІэжьи, апкъыхэмкІэ язекІокІэ емыкІу ифэшъуашэ агъотыжьыгъ.

28Ащ нэмыкІэу Тхьэр ашІэнэу зэрамыдагъэм пае, емыкІу Іофхэр ашІэнхэу акъыл къуанчэр яІэу Тхьэм къыгъэнагъэх. 29Мышъыпкъэгъэ пстэури, зинэ пстэури, тхьагъэпцІыгъэ пстэури, нэйпсыягъэ пстэури, бзэджагъэ пстэури агухэм арызы хъугъэ. Шъугъонри, цІыф укІынри, зэщыхьанри, пцІы усынри, уджэгъунри агухэм арылъ зэпытых. 30Ахэр бзэгухьэх, цІыфхэм ІэягъэкІэ атегущыІэх, Тхьэр ауджэгъу, цІыфхэм агу хагъэкІы, зыщэтхъужьых, загъэпагэ, бзэджагъэхэр къаугупшысых, ятэ-янэхэми афэІорышІэхэрэп. 31ЗэхэшІыкІыныгъэ яІэп, ягущыІэхэр агъэцакІэхэрэп, гуфэбагъи яІэп, зэшІужьыныгъэри гукІэгъуныгъэри зыфэдэхэр ашІэрэп. 32А цІыфхэм Тхьэм иунэшъо зафэр ашІэ, ащ фэдэ Іофхэр зышІэхэрэм укІ зэрафэшъуашэр. Ау щытми, ежьхэм ащ фэдэхэр зэрашІэхэрэм имызакъоу, а Іофхэр зышІэхэрэри адэх.

02

ЯТЮНЭРЭШЪХЬ

Тхьэм цІыфхэм хьыкум зэратришІыхьэрэр зафэ

О хэт ущыщми, нэмыкІ зыгорэ бгъэмысэмэ, зызэрыбгъэхыижьын зи щыІэп. Ар зэрэбгъэмысэрэмкІэ о зыогъэмысэжьы, сыда пІомэ адрэр зэрыбгъэмысэрэ Іофхэр ори ошІэх. 2Ащ фэдэ Іофхэр зышІэхэрэм Тхьэм шъыпкъагъэм тетэу хьыкум зэратришІыхьащтыр тэшІэ. 3Ау а Іофхэр зышІэхэрэр о бгъэмысэхэу щыт пэтми, ори ахэмэ ашІагъэм фэдэу пшІэу, Тхьэм ихьыкум къыптримышІыхьанэу огугъа? 4Хьауми Тхьэм ишІугъэшхо, игу-

 

шъэбэгъэшхо, ищыІэгъэшхо зэмыпэсхэу ара? Тхьэм ишІугъэшхокІэ уипсэкІодхэм уафыкІэгъожьынэу игъо къызэрэпфигъафэрэр къыбгурыІорэба?

5Ау уигуркъагъэкІи, угукІэ уипсэкІодхэм узэрафыкІэмыгъожьырэмкІи мафэу Тхьэм игубжырэ ихьыкум зафэрэ къызылъэгъощтым дэжь Тхьэм губжэу къыптырилъхьащтым хэогъахъо. 6Тхьэм хэти Іофхэу ышІагъэхэмяфэшъуашэ ригъэгъотыжьыщт. 7ШІушІэным ыуж имыкІхэу, щытхъушхом, лъытэныгъэшхом, мылІэныгъэм ауж итхэм мыкІодыжьын щыІэныгъэ аритыщт. 8Ау цІыфхэу зызыгъэкъаигъэхэу, шъыпкъагъэм фэмыІорышІэхэу, бзэджагъэм зезытхэрэм Тхьэм игубжышхо къалъигъэсыщт. 9Тхьэм хэти бзэджагъэ зышІэрэм гузэжъогъурэ гухэкІыгъорэ къылъигъэсыщт, апэу джуртым етІанэ мыджуртым. 10Ау Тхьэм хэтэуи шІу зышІэрэм щытхъу, лъытэныгъэ, гупсэфыныгъэ къылъигъэсыщт, апэу джуртым етІанэ мыджуртым. 11Сыда пІомэ Тхьэр цІыфхэм ятеплъэ емыплъэу, цІыф пстэури изэфэдэхэу щытых.

12Пегъымбар Мусэ и Тэурат хабзэ зимыІэхэу, псэкІод зышІэгъэ цІыф пстэуми Тэурат хабзэр ямыІагъэ пэтми, кІодыжьыщтых. Тэурат хабзэм ыІэчІэгъ чІэтхэу, псэкІод зышІэгъэ цІыф пстэури Тэурат хабзэм тетэу Тхьэм ыгъэмысэщтых. 13Сыда пІомэ Тэурат хабзэм итхэр зэхэзыххэрэр арэп Тхьэм ыдэжькІэ шъыпкъагъэ зиІэхэр, Тэурат хабзэм итхэр зыгъэцакІэхэрэр ары нахь. 14Хымэ лъэпкъхэм* ащыщхэу Тэурат хабзэр зимыІэхэм гурыІоныгъэу ахэлъымкІэ Тэурат хабзэм итхэр загъэцакІэхэкІэ, Тэурат хабзэр ямыІэ пэтми, хабзэр зыфэдэр зэрашІэрэр къагъэлъагъо, 15сыда пІомэ Тэурат хабзэм иунашъохэр агухэм арытхагъэхэу зэрарылъхэр а цІыфхэм къагъэлъагъо. Арэущтэу зэрэщытыр агухэми къаушыхьаты, а цІыфхэм ягупшысэхэмкІи зэ загъэмысэ, зэ загъэхые. 16А Іофыр арэущтэу зэрэщытыр нафэ хъущт, къэбарышІоу згъэІурэм тетэу, цІыфхэм агухэм арылъ шъэфхэм Тхьэм Исус Христос хьыкум зыщатрыригъэшІыхьащт мафэм дэжь.

Джуртхэмрэ Тэурат хабзэмрэ

17 «Сэ сыджурт», оІо. Тэурат хабзэм ущэгугъы ыкІи «Тхьэр сэшІэ», пІозэ узщэтхъужьы. 18Тэурат хабзэм итхэр

2:14 хымэ лъэпкъхэр – мыджуртхэр ары.

 

зэрэуагъэшІагъэм пае, Тхьэр зыфаер ошІэ, дэгъур зыфэдэри зэхэпшІыкІын плъэкІыщт. 19ШІэныгъэ пстэури шъыпкъагъэ пстэури зэрыт Тэурат хабзэр о пІэ илъэу, нэщъухэм уряпэрытэу, шІункІыгъэм хэтхэми урянэфынэу узщэгугъыжьы. 20ІПІэныгъэ зимыІэхэм агурызыгъэІощтыр орэу, ныбжьыкІэхэми Іофхэр языгъэшІэщтыр орэу узщэгугъыжьы. 21НэмыкІрэ цІыфым Іофхэр еогъашІэх, о пшъхьэ еогъашІа? 22ЦІыфхэр мытыгъонхэу яоІо, о пшъхьэкІэ отыгъуа? «Зинэ умышІэ», цІыфхэм яоІо, о пшъхьэкІэ зинэ ошІа? Тхьэ нэпцІхэм ашъо теплъэхэр зэппэсхэрэп, тхьэ нэпцІхэм ашъо теплъэхэр зэрыт унэхэр о пшъхьэкІэ охъункІэха? 23Тэурат хабзэр зэрэуиІэм пае узщэтхъужьы, ау Тэурат хабзэм итхэм узэратекІырэмкІэ Тхьэр огъэпыута? 24Тхьэм игущыІэ тхыгъэхэм зэрарытым фэдэу,* «Шъощ пае хымэ лъэпкъхэм щыщхэр Тхьэм ыцІэ ехъоных».

25Сунэт* уашІыгъэу щытыным пкІэ иІ, Тэурат хабзэм итхэр зыбгъэцакІэхэкІэ. Ау Тэурат хабзэм итхэм уатекІымэ, сунэт уашІыгъэу ущыт пэтми, сунэт уамышІыгъэм уфэд. 26Сунэт амышІыгъэ цІыфым Тэурат хабзэм иунашъохэр ыгъэцакІэхэмэ, сунэт амышІыгъэу щыт пэтми, Тхьэм ар сунэт ашІыгъэ цІыфым фэдэу ылъытэнба? 27Ащыгъум зыпкъымкІэ сунэт амышІыгъэ цІыфэу Тэурат хабзэм итхэр зыгъэцакІэрэм о сунэт уашІыгъэр уигъэмысэщт. Сыда пІомэ Тэурат хабзэу тхыгъэр о пІэ илъэу ыкІи сунэт уашІыгъэу ущыт пэтми, Тэурат хабзэм итхэм уатекІы. 28Сыда пІомэ итеплъэкІэ джуртым фэдэу къэлъагъорэр арэп джурт шъыпкъэу щытыр, сунэтэу пкъым къыхэщэу ашІырэри арэп сунэт шъыпкъэу щытыр. 29Ау джурт шъыпкъэу щытыр ыгукІэ джуртэу щытыр ары. Сунэт шъыпкъэу щытыр сунэтэу гум илъыр ары. Ар зыпкъы къикІырэр тхыгъэ горэу арэп, Тхьэм Ыпсэ ЛъапІэ ары нахь. Ащ фэдэ цІыфым ищытхъу цІыфым ыдэжь къикІырэп, Тхьэм ыдэжь къекІы нахь.

2:24 Тхьэм игущыІэ тхыгъэхэм зэрарытым фэдэу – еплъ Пегъымбар Исайас тхылъэу ытхыгъэм 52:5.

2:25 сунэт – «обрезание» ары. Еплъ Пегъымбар Мусэ апэрэ тхылъэу ытхыгъэм 17:9-14.

03

ЯЩЭНЭРЭШЪХЬ

Ащыгъум джуртэу ущытыныр сыд фэда зэрэнахьышІур? Е сунэт уашІыгъэу ущытыным сыд ишІуагъэу къакІорэр? 2Лъэныкъо пстэумкІи ишІуагъэу къакІорэр бэу ины. Ыпэ рапшІэу, Тхьэм ежь игущыІэхэр къызыІэкІилъхьагъэхэр джуртхэр ары.

3Ахэмэ ащыщхэу куп мышъыпкъэхэу къычІэкІыгъэхэмэ, ахэмэ ямышъыпкъагъэ Тхьэм ишъыпкъагъэ ыгъэкІодыжьышъущта? 4Хьау, ыгъэкІодыжьышъущтэп. Тхьэр сыдигъуи шъыпкъэ, ау хэтрэ цІыфи пцІыус, Тхьэм игущыІэ тхыгъэхэм зэрарытым фэдэу,*

«О Тхьэ, гущыІэхэу къапІохэрэмкІэ узаф, уагъэмысэми уишъыпкъагъэ нафэ хъущт».

5Тэ тибзэджагъэ Тхьэр зэрэшъыпкъэр нахь къегъэнафэмэ, сыд тІона? Игубж къызыттрилъхьэкІэ, Тхьэр мызафэу тІона? ЦІыфхэр къызэрэгущыІэхэрэм фэдэу, ахэр къэсэІох. 6Хьау, ар хъухэщтэп. Тхьэр зафэ. Тхьэр мызафэмэ, дунаем ицІыфхэм сыдэущтэу хьыкум атыришІыхьэшъущта? 7Зыгорэм мырэущтэу къыІонкІи мэхъу: «Сэ симышъыпкъагъэ Тхьэр зэрэшъыпкъэр нахь къыгъэнафэу, Тхьэм ищытхъушхо цІыфхэм нахьышІоу къаригъэлъэгъумэ, псэкІод зышІэрэм фэдэу Тхьэм сыда сызкІигъэмысэщтыр?» 8ШІугъи къыхэкІыным пае, бзэджагъэ тшІэна? А гущыІэ дэдэхэр тыжэ къыдэкІыгъэхэу аІозэ, цІыф заулэхэр ІэягъэкІэ къыттегущыІэх. Тхьэм ащ фэдэ цІыфхэм яфэшъуашэ аригъэпщыныжьыщт.

Шъыпкъагъэ зиІэ цІыф зи щыІэп

9Сыд етІанэ, тэ джуртхэр нэмыкІ цІыфхэм анахьи тынахьышІуа? Хьау, тэ зыкІи танахьышІоп. Джурт пстэури, нэмыкІ лъэпкъхэм ащыщ пстэури псэкІодым ыІэ зэрилъхэр къэдгъэнэфагъ, 10Тхьэм игущыІэ тхыгъэхэм зэрарытым фэдэу,*

3:4 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 51:4 (урыс библиемкІэ 50:6).

3:10-18 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 14:1-3; 5:9; 140:3; 10:7; (урыс библиемкІэ 13:1-3; 5:10; 139:4; 9:28) Пегъымбар Исайас тхылъэу ытхыгъэм 59:7-8; Сэбур (Псалтыр) 36:1 (урыс библиемкІэ 35:2).

 

«Шъыпкъагъэ зиІэ цІыф зи щыІэп. 11 ЗэхэшІыкІыныгъэ зиІэ цІыфи зи щыІэп, Тхьэм игъогу лъыхъурэ цІыфи зи щыІэп. 12ЗэкІэри Тхьэм игъогу текІыгъэх; зэкІэми пкІэ ямыІэжь хъугъэ. ШІу зышІэрэри зи щыІэп. 13Ачыйхэр шъхьэ зытемылъ къэ шІоихэм афэдэх. АбзэгукІэ цІыфхэр агъапцІэх. Блэм ищэнаут аГупэхэм ателъ. 14Ажэхэми хъонэным идыдж адиз. 15Ахэмэ цІыфым ылъ агъэчъэным пае лъэчъэх. 16Тыдэ зыдакІохэрэми цІыфхэр щагъэкІодых ыкІи

къин щарагъэщэчы. 17Зэзэгъыныгъэм игъогу ашІэрэп. 18Тхьэм ищынагъуи агухэм арылъэп». 19Тэурат хабзэм къыІохэрэр Тэурат хабзэм ыІэчІэгъ чІэт цІыфхэм зэрариІохэрэр тэшІэ. Арэущтэу цІыф пстэуми ажэ аригъэубытыгъэу хъугъэ, дунаем тет цІыф пстэури Тхьэм ыдэжькІэ мысэхэу хъугъэ, 20сыда пІомэ цІыф горэм Тэурат хабзэм итхэр зэригъэцакІэхэрэмкІэ Тхьэм ыдэжькІэ шъыпкъагъэ иІэ хъущтэп. Ау Тэурат хабзэм итхэр ары псэкІод зэрэтшІагъэр тэзыгъашІэхэрэр.

ЦІыфхэм шІошъхъуныгъэмкІэ Тхьэм ыдэжькІэ шъыпкъагъэ яІэ зэрэхъурэр

21Ау джы Тэурат хабзэм иІоф хэмылъэу, Тхьэм ежьым ыдэжькІэ цІыфхэм шъыпкъагъэ яІэу зэрилъытэрэ гъогур къыгъэнэфагъ. Тэурат хабзэм итхэмрэ пегъымбархэм къаІуагъэхэмрэ* а гъогум шыхьат фэхъух. 22Исус ХристоскІэ шІошъхъуныгъэу яІэм игъогу ары Тхьэм ежьым ыдэжькІэ цІыфхэм шъыпкъагъэ яІэу зэрилъытэрэ гъогур. ХристоскІэ шІошъхъуныгъэ зиІэ пстэуми шъыпкъагъэ яІэу елъытэ. ЦІыф зэхэдзыныгъэ зи щыІэп, 23сыда пІомэ цІыф пстэуми псэкІод ашІагъ, Тхьэм ыдэжь къикІырэ щытхъушхомкІи Іахьэ яІэп. 24Христос Исус ашъхьэ зэрищэфыжьыгъэм пае, Тхьэм ынэшІу щыфэныгъэкІэ

3:21 Тэурат хабзэм итхэмрэ пегъымбархэм къаІуагъэхэмрэ – мыщ дэжьым ащ къикІырэр джуртхэм ятхылъ лъэпІэ пстэури ары.

 

уасэ амытэу ежьым ыдэжькІэ шъыпкъагъэ яІэу елъытэх. 25ИсускІэ шІошъхъуныгъэ зиІэхэр ащ ылъэу къащым щыкІэкІыщтымкІэ Тхьэм ежь ешІужьыгъэхэу ыгъэхъуным пае, Исус къурмэныпхъэу ыгъэнэфагъ. Тхьэм ишъыпкъагъэ къыгъэшъыпкъэжьынэу ары Исус къурмэныпхъэу зыфигъэнэфагъэр. Сыда пІомэ Тхьэм игушъэбагъэкІэ пасэм цІыфхэм япсэкІодшІагъэхэр аригъэпщыныжьыгъагъэхэп. 26Ащ нэмыкІэу Тхьэм Исус къурмэныпхъэу зыфигъэнэфагъэр джырэ лъэхъанэми ежь ишъыпкъагъэ къыгъэшъыпкъэжьынэу ары: Ежь шъыпкъагъэ зэриІэри, ИсускІэ шІошъхъуныгъэ зиІэхэми ежьым ыдэжькІэ шъыпкъагъэ яІэу зэрилъытэхэрэри ары Тхьэм ащ фэдэу къыгъэлъагъорэр.

27Ащыгъум тызэрызыщытхъужьрэр щыІэжьа? Хьау, щыІэжьэп. Тара хабзэу ар зыІорэр? Іофхэу тшІэн фаехэр зыІорэ хабзэр ара? Хьау, шІошъхъуныгъэм ихабзэ ары. 28Сыда пІомэ цІыфым шІошъхъуныгъэ зэриІэм пае, Тхьэм ежьым ыдэжькІэ ащ шъыпкъагъэ иІэу зэрилъытэрэр тшІошъ мэхъу. Тэурат хабзэм иІоф ащ хэлъэп. 29Тхьэр джурт закъохэм я Тхьэу щыта, хьауми нэмыкІ лъэпкъхэми я Тхьэу щыта? Адэ, нэмыкІ лъэпкъхэми я Тхьэу щыт. 30Сыда пІомэ зы Тхьэ закъо нахь щыІэп. Сунэт ашІыгъэхэу щытхэм шІошъхъуныгъэ зэряІэм пае, Тхьэм ежьым ыдэжькІэ ахэмэ шъыпкъагъэ яІэу ылъытэщтых, сунэт амышІыгъэхэу щытхэми яшІошъхъуныгъэкІэ Тхьэм ыдэжькІэ шъыпкъагъэ яІэщт. 31Арэущтэу тІомэ, шІошъхъуныгъэмкІэ Тэурат хабзэр тэгъэкІода? Хьау, дгъэкІодырэп, Тэурат хабзэр тэгъэшъыпкъэжьы нахь.

04

ЯПЛІЭНЭРЭШЪХЬ

Ибрахьимэ икъэбар шІошъхъуныгъэм къикІырэр къызэригъэнафэрэр

Тятэжъышхо Ибрахьимэ ехьылІагъэу сыда тІощтыр? Ежь-ежьырэу сыд ыгъэхъагъэр? 2Ибрахьимэ Іофхэу ышІагъэхэм апае, Тхьэм ежьым ыдэжькІэ шъыпкъагъэ иІэу ылъытагъэмэ, Ибрахьимэ зэрызыщытхъужьынэу зыгорэ иІэщтыгъ – ау Тхьэм ыдэжькІэп. 3Сыда пІомэ Тхьэм

 

игущыІэ тхыгъэхэм сыда арытыр?* «Ибрахьимэ ТхьэмкІэ шІошъхъуныгъэ иІэ хъугъэти, Тхьэм ежьым ыдэжькІэ ащ шъыпкъагъэ иІэу ылъытагъ».

4Зыгорэм Іоф зишІэкІэ, лэжьапкІэр тынэу къыратырэп, ифэшъуашэшъ къыраты нахь. 5Ау шІушІагъэхэм ащымыгугъырэ цІыфэу ТхьэмкІэ шІошъхъуныгъэ зиІэм иІоф зытетыр мары. А цІыфым ТхьэмкІэ шІошъхъуныгъэ зэриІэм пае, ащ къикІырэр Тхьэу псэкІод зышІэгъэ цІыфхэм ежьым ыдэжькІэ шъыпкъагъэ яІэу зылъытэн зылъэкІырэмкІэ шІошъхъуныгъэ зэриІэм пае, Тхьэм ежьым ыдэжькІэ а цІыфым шъыпкъагъэ иІэу ылъытэщт. 6Джары пачъыхьэ Даути зытегущыІагъэр, шІушІагъэхэм яІоф хэмылъэу, Тхьэм ежьым ыдэжькІэ шъыпкъагъэ иІэу ылъытэрэ цІыфыр сыхьатмафэ зэрежьагъэр къызеІом:*

7«ЗибзэджэшІагъэхэр Тхьэм зыфигъэгъугъэхэу, зипсэкІодхэр зыфигъэкІодыгъэ цІыфхэр сыхьатмафэ ежьагъэх. 83иусхьаным зипсэкІодхэр зыфимылъытэрэ цІыфыр сыхьатмафэ ежьагъ».

9А сыхьэтмэфагъэр зыгъотхэрэр сунэт ашІыгъэхэу щытхэм язакъоу ара, хьауми сунэт амышІыгъэхэу щытхэри ара? Сунэт амышІыгъэхэу щытхэри ары, сыда пІомэ Ибрахьимэ шІошъхъуныгъэ иІэ зэрэхъугъэм пае, Тхьэм ежьым ыдэжькІэ ащ шъыпкъагъэ иІэу зэрилъытагъэр къэтІуагъ. 10Тхьэм ежьым ыдэжькІэ Ибрахьимэ шъыпкъагъэ иІэу зилъытагъэр Ибрахьимэ сунэт ашІыным ыпа, хьаури ыужа? Ыуж арэп, ыпагъ. 11Ибрахьимэ сунэт ашІыным ыпэкІэ, шІошъхъуныгъэ зэриІагъэм пае, Тхьэм ежьым ыдэжькІэ ащ шъыпкъагъэ иІэу зэрилъытагъэр къэзыгъэлъагъорэ мыхъурэу* ыкІи тамыгъэу сунэт шІыныр ащ къыфигъэнагъ. А Іофыр ащ фэдэу зыщыткІэ, Ибрахьимэ сунэт амышІыгъэ цІыфхэу шІошъхъуныгъэ зиІэхэм ятэ фэдэу афэхъу, Тхьэм ежьым ыдэжькІэ ахэми шъыпкъагъэ яІэу ылъытэным пае. 12Ибрахьимэ сунэт ашІыгъэ цІыфхэми ятэ фэдэу афэхъу. Ахэми ятэ фэдэу

4:3 Тхьэм игущыІэ тхыгъэхэм арытыр – еплъ Пегъымбар Мусэ апэрэ тхылъэу ытхыгъэм 15:6.

4:6-8 Даути . . . къызеІом, – еплъ Сэбур (Псалтыр) 32:1-2 (урыс библиемкІэ 31:1-2).

4:11 мыхъур – арапыбзэкІэ «хъытым», тыркубзэкІи «мыхьыр» ары.

 

зыкІафэхъугъэр сунэт зэрашІыгъэхэм изакъоп, ахэр Ибрахьимэ илъэужхэм атехьагъэхэу, ар сунэт ашІыным ыпэ, шІошъхъуныгъэм игъогоу зэрыкІуагъэм ахэри зэрэрыкІохэрэри ары.

Ибрахьимэ Тхьэм зэрэщыгугъыгъэм пае, Тхьэм къызэригъэгугъагъэр иІэ хъугъэ

13Тхьэм Ибрахьимэрэ ащ къытехъукІыщт цІыфхэмрэ къыгъэгугъагъэх чІылъэр яІэхьышІоу къызэралъысыщтымкІэ. Ибрахьимэ Тэурат хабзэм итхэр ыгъэцэкІагъэхэу арэп Тхьэм а ІэхьышІумкІэ зыкІигъэгугъагъэр, ау Ибрахьимэ шІошъхъуныгъэ зэриІагъэм пае, Тхьэм ежьым ыдэжькІэ ащ шъыпкъагъэ иІэу зэрилъытагъэр ары нахь. 14Тэурат хабзэм итхэр зыгъэцакІэхэрэр арыгъэмэ, Тхьэм цІыфхэр къызэригъэгугъэгъэ ІэхьышІур къызылъысыщтхэр, ащыгъум шІошъхъуныгъэр хьаулыеу хъущтыгъ, Тхьэм къызэригъэгугъагъэми пкІэ иІэщтыгъэп. 15Сыда пІомэ Тэурат хабзэм Тхьэм игубж къехьы, ау хэбзэ унашъо зыдэщымыІэм хабзэм текІыни щыІэп.

16Арышъ, Тхьэм къыгъэгугъагъэхэр шІошъхъуныгъэ зиІэхэр ары. Арэущтэу зыфэхъугъэр Тхьэм тыкъызэригъэгугъэгъэ Іофхэр ынэшІу щыфэныгъэкІэ къызэрэтитырэр нафэ хъунри ары, шІошъхъуныгъэ зиІэхэу, Ибрахьимэ къытехъукІыгъэ цІыф пстэуми Тхьэм къызэригъэгугъэгъэ Іофхэр агъотышъунри ары – Ибрахьимэ къытехъукІыгъэ цІыфхэу зыфасІохэрэр Тэурат хабзэм тетхэу рыкІохэрэм ямызакъоу, Тэурат хабзэм темытхэу Ибрахьимэ шІошъхъуныгъэу иІагъэм фэдэ шІошъхъуныгъэ зиІэхэри ары. Шъыпкъэ, Ибрахьимэ тэ пстэуми тятэ фэдэу къытфэхъу, 17Тхьэм Ибрахьимэ риІуагъэу, Тхьэм игущыІэ тхыгъэхэм зэрарытым фэдэу,* «Лъэпкъ Іаджыми ты уафэхъунэу узгъэнэфагъ». Тхьэм ыдэжькІэ Ибрахьимэ тэ пстэуми тят. Тхьэр ары Ибрахьимэ шІошъхъуныгъэ зыфыриІагъэр – Тхьэу лІагъэхэр къэзыгъэхъужьрэр, илъэкІыныгъэкІи щымыІэ Іофхэр къэзыгъэхъурэр.

18ГугъапІэ зыщэмыІэжьым, Ибрахьимэ Тхьэм щыгугъэу, шІошъхъуныгъэ иІагъ. Арэущтэу, «О къыптехъукІыщт цІыфхэр уашъом ижъуагъохэм фэдизэу бэ хъущтых»,

4:17 Тхьэм игущыІэ тхыгъэхэм зэрарытым фэдэу – еплъ Пегъымбар Мусэ апэрэ тхылъэу ытхыгъэм 17:5.

 

ыІуи, Тхьэм ащ къызэрэриІогъагъэм фэдэ къабзэу* Ибрахьимэ лъэпкъ Іаджыми ты афэхъугъ. 19ИшІошъхъуныгъэ зи къыщымыкІэу, ыпкъ лІэныгъэм пэблагъэ зэрэхъугъэм еплъыгъэп, сыда пІомэ илъэсишъэм пэгъунэгъугъэти ары – Сарэ сабый къызэрэхэмыкІыщтми еплъыгъэп. 20ШІошъхъуныгъэ иІэу Тхьэм къызэригъэгугъагъэмкІэ гуцафэ ышІыгъэп. ИшІошъхъуныгъэ нахь пытэу хъуи, Тхьэм щытхъу фишІыгъ. 21Тхьэм къызэригъэгугъагъэр ыгъэцэкІэн зэрилъэкІыщтым щыгугъыныгъэшхо иІагъ. 22ТхьэмкІэ ащ фэдизэу шІошъхъуныгъэ зэриІагъэм пае, Тхьэм ежьым ыдэжькІэ ащ шъыпкъагъэ иІэу ылъытагъ. 23«Тхьэм ежьым ыдэжькІэ ащ шъыпкъагъэ иІэу ылъытагъ» зыфаІорэ гущыІэхэр зэхьылІагъэхэр Ибрахьимэ изакъоу арэп, 24тэри ары. Тхьэм ежьым ыдэжькІэ тэри шъыпкъагъэ тиІэу тилъытэщт тэ, Исус Христосэу ти Зиусхьан лІагъэхэм къахэзыгъэтэджыкІыжьыгъэ ТхьэмкІэ шІошъхъуныгъэ зиІэхэм, тэри ежьым ыдэжькІэ шъыпкъагъэ тиІэу тилъытэщт. 25Тэ псэкІод зэрэтшІагъэм пае, Тхьэм Исус лІэныгъэм ІэкІигъэфагъ, ежьым ыдэжькІэ тэ шъыпкъагъэ тиІэу тилъытэным паий, Тхьэм ар лІагъэхэм къахигъэтэджыкІыжьыгъ.

05

ЯТФЭНЭРЭШЪХЬ

Тхьэм ежьым ыдэжькІэ шъыпкъагъэ тиІэу тызэрилъытэрэм шІугъэу къыхэкІырэр

Арышъ, шІошъхъуныгъэ зэрэтиІэм пае, Тхьэм ежьым ыдэжькІэ шъыпкъагъэ тиІэу телъытэ. Арэущтэу зэрэщытым пае, ти Зиусхьанэу Исус Христос Тхьэм ыдэжькІэ гупсэфыныгъэ къытитыгъэу щыт. 2Христос ары шІошъхъуныгъэ зэрэтиІэм пае, Тхьэм ынэшІу къытщифэнэу гъогу къытфыІузыхыгъэр. Тхьэм ынэшІу щыфэныгъэр къыднегъэс зэпыт, ежь ищытхъушхомкІи Іахьэ къытлъысыщтым тыщыгугъэу, тызэрэпаплъэрэм пае, тэгушІо. 3Ащ нахьи, гузэжъогъухэу тщэчыхэрэми тащэгушІукІы, сыда пІомэ гузэжъогъу щэчыныгъэм теубытэныгъэр къызэрэхэкІырэр тэшІэ. 4Теубытэныгъэми

4:18 Тхьэм ащ къызэрэриІогъагъэм фэдэ къабзэу – еплъ Пегъымбар Мусэ апэрэ тхылъэу ытхыгъэм 15:5.

 

Тхьэм ыгу зэІурэ шэнышІур къыхэкІы. ШэнышІуми Тхьэм ІэхьышІур къызэрэтитыщтым тызэрэщыгугъырэр къыхэкІы. 5А щыгугъыныгъэми тыкІигъэгъожьырэп, сыда пІомэ Тхьэм ежь Ыпсэ ЛъапІэу къытитыгъэмкІэ ишІулъэгъуныгъэ инэу тыгухэм къарилъхьагъ.

6Тхьэм ыгъэнэфэгъэ уахътэм ыдэжь тэ тшъхьэкІэ ІэпыІэгъу тызфэмыхъужьышъоу, тэ цІыфхэу Тхьэм ищынагъо зыгу имылъхэм апае Христос лІагъэ. 7Шъыпкъагъэ зиІэ цІыфым ычІыпІэкІэ зыгорэ лІэми, ар бэу хъугъуае. ЦІыфышІум ычІыпІэкІэ зыгорэ лІэнкІи мэхъу. 8Ау шІулъэгъуныгъэу къытфыриІэр Тхьэм мырэущтэу къыгъэлъэгъуагъ: Тэ тыпсэкІодышІэ пэтызэ, Христос тэщ пае лІагъэ.

9Христос къащым лъэу щыкІэкІыгъэм пае, Тхьэм ежьым ыдэжькІэ шъыпкъагъэ тиІэу телъытэ. Арэущтэу зэрэхъугъэм пае, ащ нахьи бэкІэ нахьыбэу Христос Тхьэм игубж тыкъыІэкІихыжьыщт. 10Сыда пІомэ тэ Тхьэм тырипыеу тызыщэтым, ежь Ыкъо илІэныгъэкІэ Тхьэм ежьым тешІужьыгъэу тигъэхъугъ. Джы Тхьэм ежьым тешІужьыгъэу тигъэхъугъэу, Ыкъо ищыІэныгъэмкІэ ащ нахьи нахьыбэу тымыкІодэу тыкъигъэнэжьыщт. 11ТымыкІодэу Тхьэм тыкъызэригъэнэжьыщтым имызакъоу, ти Зиусхьанэу Исус Христос Тхьэм тыщегъэгушІукІы. Христос ары Тхьэм тешІужьыгъэу тызыгъэхъугъэр.

Христосрэ Адэмрэ зэрэзэфэмыдэхэр

12ПсэкІодыр дунаем къытехьанэу зыпкъ къикІыгъэр зы цІыф.* ПсэкІодым игъусэу лІэныгъэри дунаем къытехьагъ. Арэущтэу цІыф пстэуми псэкІод зэрашІагъэм пае, лІэныгъэр зэралъысырэр яІахьэу хъугъэ. 13Сыда пІомэ Тэурат хабзэр къэкІоным ыпэкІэ, псэкІодыр дунаем тетыгъ. Ау хэбзэ унашъохэр щымыІэхэу, Тхьэм цІыфхэм япсэкІодхэр афилъытэхэрэп. 14АрышъхьакІэ Адэм зыцІэм имафэхэм къащегъэжьагъэу пегъымбар Мусэ имафэхэм анэсы, лІэныгъэм цІыфхэм тетыгъо афыриІэу щытыгъ. Ахэмэ псэкІодхэу ашІагъэхэр, Адэм Тхьэм иунашъо зытекІым, псэкІодэу ышІагъэм фэмыдэ-

5:12 зы цІыф – Адэм зыцІэр ары.

 

щтыгъэхэ пэтми, лІэныгъэм тетыгъо афыриІэу щытыгъ. Ыджы Адэмрэ Христосэу дунаем къэкІонэу щытыгъэмрэ зэфэтэжъугъэгъад.

15Адэм ипсэкІодшІагъэ тынышхоу Тхьэм ынэшІу щыфэныгъэкІэ къытитырэм фэдэп. Сыда пІомэ зы нэбгырэ закъом ипсэкІодшІагъэм къыхэкІыкІэ цІыфыбэ лІагъэ. Ау а псэкІодшІагъэм нахьи, Тхьэм ынэшІу щыфэныгъэ бэкІэ нахь ин, итынышхоу зы нэбгырэу Исус Христос ынэшІу щыфэныгъэкІэ цІыфыбэмэ аритырэри бэкІэ нахь ин. 16Ащ фэдэуи Тхьэм итынышхо къыхэкІырэр а нэбгырэ закъом ипсэкІодшІагъэ къыхэкІыгъэм фэдэп. Сыда пІомэ а нэбгырэ закъом псэкІодэу ышІагъэм къыхэкІыгъэр Тхьэм мысэу зэрилъытагъэр ары. Ау цІыфхэм псэкІодыбэ ашІагъэ пэтми, Тхьэм ежьым ыдэжькІэ ахэмэ шъыпкъагъэ яІэу зэрилъытэхэрэр ары Тхьэм ынэшІу щыфэныгъэкІэ тынышхоу аритырэр. 17Сыда пІомэ зы нэбгырэ закъом ипсэкІодшІагъэ къыхэкІыкІэ лІэныгъэм дунаем ицІыфхэм тетыгъо афыриІэ хъугъэ. Ау ащ нахьи бэкІэ нахьыбэу, нэбгырэ закъоу Исус Христос ышІагъэм пае цІыфхэу Тхьэм ынэшІу инэу зыщифэхэу, уасэ амытэу ежьым ыдэжькІэ шъыпкъагъэ яІэу ылъытэхэрэм щыІэныгъэ агъотынышъ, тетыгъо яІэ хъущт.

18Арышъ, зы псэкІодшІэгъэ закъом къыхэкІыгъэр Тхьэм цІыф пстэури мысэхэу зэрилъытагъэхэр ары. Ащ фэдэу зы нэбгырэ закъом шъыпкъэгъэ Іофэу ышІагъэм къыхэкІырэр Тхьэм цІыф пстэуми щыІэныгъэ аритзэ, ежьым ыдэжькІэ шъыпкъагъэ яІэу зэрилъытэхэрэр ары. 19Сыда пІомэ зы нэбгырэ закъо Тхьэм зэремыдэІугъэм пае, цІыфыбэ псэкІодышІэхэу хъугъэх. Ащ фэдэу зы нэбгырэ закъо Тхьэм зэредэІугъэм паий, Тхьэм ежьым ыдэжькІэ цІыфыбэми шъыпкъагъэ яІэу ылъытэщтых.

20ЕтІанэ Тэурат хабзэр къызэкІом, псэкІодшІагъэхэр нахьыбэ хъугъэх. Ау псэкІодшІагъэхэр нахьыбэ хъу зэхъум, Тхьэм ынэшІу щыфэныгъэри нахь ин хъугъэ. 21Арышъ, псэкІодым цІыфхэм тетыгъо афыриІэу, лІэныгъэр яІахьэу къызэралъигъэсыгъэм фэдэу, Тхьэм ынэшІу щыфэныгъэм цІыфхэм тетыгъо афыриІэу, Исус Христосэу ти Зиусхьан Іофэу ышІагъэм пае, Тхьэм ежьым ыдэжькІэ цІыфхэм шъыпкъагъэ яІэу ылъытэщтых, мыкІодыжьын щыІэныгъи аритыщт.

06

ЯХЭНЭРЭШЪХЬ

ПсэкІодым иІоф къытхэмылъыжьэу, Христос тыгухэм зэрарылъым пае, тэпсэу

Сыд тІона етІанэ? Тхьэм ынэшІу щыфэныгъэ нахь къыднигъэсыным пае, псэкІод тшІэ зэпытына? 2Хьау, ар хъухэщтэп. ПсэкІодым иІоф къытхэмылъыжьэу, псэкІодым ыдэжькІэ цІыф лІагъэхэм тафэд. Ащыгъум псэкІод тшІэ зэпытэу тыпсэушъуна? 3Христос Исус тыгухэм арылъынэу тэ зэкІэ тызаумэхъым, Христос илІэныгъэ тиІахьэ хэлъынэу тызэраумэхъыгъэр шъошІэба? 4Тызаумэхъым, Христос тыригъусэу тылІи, ежь тыригъусэу тычІалъхьажьыгъэм фэд, Ты лъапІэм илъэкІыныгъэу щытхъушхо зиІэмкІэ Христос лІагъэхэм къызэрахэтэджыкІыжьыгъэм фэдэу, тэри щыІэныгъакІэ тиІэу тыпсэуным пае.

5Христос гъусэ тыфэхъуи, ар зэрэлІагъэм фэдэу тэри тызэрэлІагъэм пае, ар лІагъэхэм къызэрахэтэджыкІыжьыгъэм фэдэу, тэри тыригъусэу лІагъэхэм тыкъахэтэджыкІыжьыщт. 6Сыда пІомэ тишэныжъ бзаджэ Христос игъусэу къащым зэрэтыраІулІагъэр тэшІэ, тыгухэм арылъ псэкІодым илъэкІыныгъэ кІодыным пае. Ащ пае тэ псэкІодым тырипщылІыжьыщтэп. 7Сыда пІомэ цІыфэу лІагъэр псэкІодым ыІэмычІэ чІэкІыжьыгъ.

8Христос тыригъусэу тызэрэлІагъэм пае, ежьым тыригъусэу тызэрэщыІэщтри тшІошъ мэхъу. 9Тхьэм лІагъэхэм къахигъэтэджыкІыжьыгъэу, Христос зэрэмылІэжьыщтыр тэшІэ. ЛІэныгъэм тетыгъо къыфыриІэжьэп. 10Христос зэлІэм, джыри зэ мылІэжьынэу, псэкІодым ыдэжькІэ лІагъэ. Джы щыІэныгъэ иІэу Тхьэм фэпсэу.

11Арэущтэу Христос Исусэу ти Зиусхьан шъугухэм зэрарылъым пае, шъори псэкІодым иІоф къышъухэмылъыжьэу, псэкІодым ыдэжькІэ цІыф лІагъэхэм шъуафэдэу, Тхьэм шъуфэпсэоу зышъулъытэжь. 12Арышъ, псэкІодым шъупкъыхэу лІэщтхэми тетыгъо афыриІэу орэмыхъу, шъуихъопсэныгъэ мыхъунхэм шъуафэмыІорышІэнэу. 13Шъупкъы щыщхэм псэкІод ашІэнэу бзэджагъэм иІашэхэм афэдэхэу шъумыгъэхъух, лІагъэхэм къахэтэджыкІыжьыгъэ цІыфхэми шъуафэдэу Тхьэм зешъут. Шъу-

 

пкъы щыщхэри шъыпкъагъэм иІашэхэм афэдэхэу Тхьэм фэжъугъазэх. 14ПсэкІодым тетыгъо къышъуфыриІэщтэп, сыда пІомэ хэбзэ унашъохэм аІэчІэгъ шъучІэтэп, Тхьэм ынэшІу щыфэныгъэм ыІэчІэгъ шъучІэт нахь.

Шъыпкъагъэр дгъэцэкІэнэу типшъэрылъ

15Сыд етІанэ? Хабзэм иунашъохэм аІэчІэгъ тычІэмытэу, Тхьэм ынэшІу щыфэныгъэм ыІэчІэгъ тызэрэчІэтырэм пае, псэкІод тшІэнэу тыфита? Хьау, ар хъухэщтэп. 16Шъо шъошІэба, зыгорэм ипщылІхэм афэдэу шъуедэІунэу зешъутымэ, шъузэдэІурэ цІыфым шъыпкъэу шъурипщылІэу зэрэхъурэр? ПсэкІодым шъурипщылІмэ, лІэныгъэм игъогу шъутет, ау Тхьэм шъуедэІумэ, ежьым ыдэжькІэ шъыпкъагъэ шъуиІэу шъуилъытэщт. 17Ау Тхьэм щытхъу фэтэшІы, сыда пІомэ псэкІодым шъурипщылІыщтыгъ, ау тишІошъхъуныгъэ тигъашІэрэ Іофхэу зызэшъутыгъэхэм джы шъугу етыгъэу шъуядэІу. 18Тхьэм псэкІодым илъэкІыныгъэ шъукъыІэкІихыжьи, шъхьафит шъуишІыжьыгъ, шъыпкъагъэми пщылІ шъуфэхъужьыгъ.

19ШъуигурыІоныгъэ зэримыкъугъэм пае, цІыфхэр къызэрэгущыІэхэрэм фэдэу, къыжъугурызгъэІонэу мыр къэсэІо. Шъупкъы щыщхэм бзэджагъэ яжъугъэшІэнэу шІоигъэмрэ бзэджагъэмрэ пщылІхэу зяшъутэу зэрэщытыгъэм фэдэу, джы гукъэбзагъэм игъогу шъурыкІонэу шъупкъы щыщхэр шъыпкъагъэм фэпщылІынхэу фэжъугъазэх. 20Сыда пІомэ псэкІодым шъурипщылІэу шъузыщэтым, шъыпкъагъэр шъозыгъэгъэцэкІэн зи щыІагъэп. 21Ащ дэжьым сыда шъуишІуагъэу къэкІуагъэр? ШъуишІуагъэ зи къэкІуагъэп. Ащ фэдэ Іофхэу джы шъузтеукІытыхьажьхэрэм къахэкІырэр лІэныгъэр ары. 22Ау джы Тхьэм псэкІодым илъэкІыныгъэ шъукъыІэкІихыжьи, шъхьафит шъуишІыжьыгъ, Тхьэми пщылІ шъуфэхъугъ. Ащ шІугъэу къыхэкІырэр гукъэбзагъэм игъогу шъузэрэрыкІорэр ары, ІэхьышІоу къышъулъысыщтри мыкІодыжьын щыІэныгъэ ары. 23Сыда пІомэ псэкІодым къыхэкІырэр лІэныгъэр ары. Ау Исус Христосэу ти Зиусхьан тыгухэм зэрарылъым пае, Тхьэм тынышхоу къытитырэр мыкІодыжьын щыІэныгъэр ары.

07

ЯБЛЭНЭРЭШЪХЬ

ЗэлІ-зэшъузыным ехьылІэгъэ хабзэмрэ Христос тызэрэфыщытынымрэ

Сшыхэр, хабзэм итхэу тхыгъэхэр зышІэрэ цІыфхэу шъущытышъ, цІыфыр опсэуфэ хабзэм тетыгъо зэрэ­фыриІэр шъошІэба? 2ГущыІэм пае, шъузым илІ опсэуфэ, хабзэмкІэ а шъузыр а лІым епхыгъэу щыт. Ау илІ зы­лІэкІэ, хабзэм шъузыр шъхьафит ешІы. 3Арышъ, илІ псаоу пэтызэ, шъузыр нэмыкІрэ лІы горэм дэпсэумэ, зинэ ышІагъэу аІощт. Ау илІ зылІэкІэ, а унашъом шъузым тетыгъо фыриІэжьэп. НэмыкІрэ лІы горэм дэкІожьмэ, зинэ ышІагъэу хъурэп.

4Ащ фэдэу, сшыхэр, Христос ыпкъ зэрэлІагъэм пае, Тэурат хабзэм иІоф къышъухэмылъыжьэу, а хабзэм ыдэ­жькІэ шъо цІыф лІагъэхэм шъуафэд. Джы Христосэу Тхьэм лІагъэхэм къахигъэтэджыкІыжьыгъэм ие шъу­хъугъ, Тхьэм ищытхъукІэ шІугъэ дгъэцэкІэным пае. 5Сыда пІомэ типсэкІодышІэ шэныжъ игъогу тыры­кІо зэхъум, Тэурат хабзэм зэкІигъэплъыхьэгъэ псэкІо­дышІэ хъопсэныгъэхэр тпкъы щыщхэм ахэлъыгъэх, лІэныгъэр а хъопсэныгъэхэм къахэкІэу. 6Ау джы Тэу­рат хабзэу тызыпхэу щытыгъэм иІоф къытхэмылъыжьэу, а хабзэм ыдэжькІэ цІыф лІагъэхэм тафэдэу тыхъуи, Тхьэм Тэурат хабзэм ыІэчІэгъ тыкъычІихыжьи, шъхьа­фит тишІыжьыгъ. Арышъ, Тхьэм тызэрэфэлажьэрэ шІы­кІэр ыпэрэм фэдэу тхыгъэ хабзэм тетэу арэп, Тхьэм Ыпсэ ЛъапІэ ихэбзакІэ тетэу ары нахь.

Тэурат хабзэмрэ псэкІодымрэ

7Джы сыд тІона? Тэурат хабзэм псэкІод хэлъа? Хьау, ар хъухэщтэп! Ау Тэурат хабзэм иунашъохэр щымыІагъэ­хэмэ, псэкІодыр зыфэдэр сшІэщтгъэп, сыда пІомэ Тэу­рат унашъом «Хъопсэныгъэ мыхъун угу имыгъэлъ»*, къымыІуагъэмэ, хъопсэныгъэ мыхъуныр зыфэдэр сшІэ­щтыгъэп. 8Ау псэкІодым игъо фифи, а унашъомкІэ сыд щыщырэ хъопсэныгъэ мыхъуныр сыгу къырилъхьагъ;

7:7 Хъопсэныгъэ мыхъун угу имыгъэлъ – а унашъор Тхьэм пегъымбар Мусэм къыфигъэнэгъэ унэшъуипшІым щыщэу япшІэнэрэ унашъор ары. Еплъ Пегъымбар Мусэ ятІонэрэ тхылъэу ытхыгъэм 20:17.

сыда пІомэ Тэурат хабзэр щымыІэмэ, псэкІодри лІа­гъэм фэд. 9Зэгорэм Тэурат хабзэр сымышІэу сыпсэу­щтыгъ. Ау Тхьэм иунашъо къызэкІом, псэкІодым кІуа­чІэ иІэ хъуи, 10сэри лІагъэм фэдэу сыхъугъ. Арэущтэу цІыфхэм щыІэныгъэ агъотыным пае, унашъоу Тхьэм къытфишІыгъэм сигъэлІагъ. 11Тхьэм иунашъокІэ псэ­кІодым игъо къыфифи, сигъэпцІагъ, а унашъомкІи си­гъэлІагъ. 12Арэущтэу Тэурат хабзэр лъапІэ, унашъори лъапІэ, зафэ ыкІи дэгъу ыкІи.

13Ащыгъум зы Іоф дэгъу горэм сигъэлІагъэу ара? Хьау, ар хъухэщтэп. Ау псэкІодыр зыфэдэр нафэ хъуным пае, Тэуратым ихэбзэшІукІэ псэкІодым сигъэлІагъ. Арэу­щтэу унашъомкІэ псэкІодым идэигъэшхо нафэ мэхъу.

14Тэурат хабзэр Тхьэм ыдэжь къызэрикІыгъэр тэшІэ. Ау сэ сыцІыф тхьамыкІ, псэкІодыми сырипщылІ. 15Іофэу сэ сшІэрэр къызгурыІорэп; сыда пІомэ Іофэу сшІэнэу сызыфаер згъэцакІэрэп, ау сыуджэгъурэ Іофыр сэгъэца­кІэ. 16Ау Іофэу сшІэнэу сызыфэмыер згъэцакІэмэ, Тэурат хабзэр дэгъоу зэрэщытыр зэрэздэрэр ары ащ къикІырэр. І7Арышъ, псэкІод зышІэрэр сэрэп, сыгу илъ псэкІодыр ары нахь. 18СипсэкІодышІэ шэныжъ сеплъымэ, шІугъэ сыгу зэримылъыр сэшІэ; сыда пІомэ шІугъэ сшІэнэу сы­фаеми, згъэцэкІэнэу скІуачІэ къыхьырэп. 19ШІугъэу сшІэ­нэусызыфаер згъэцакІэрэп, ау бзэджагъэу сшІэнэу сызы­фэмыер сэгъэцакІэ. 20Ащыгъум Іофэу сшІэнэу сызыфэ­мыер згъэцакІэмэ, ар зыгъэцакІэрэр сэрэп, сыгу илъ псэкІодыр ары нахь.

21Арэущтэу мыщ фэдэ хабзэ мы Іофым хэлъэу сэлъэ­гъу: ПІІугъэ згъэцэкІэнэу сыфаеми, бзэджагъэр сапэ къысшІуфефэ. 22Сыда пІомэ сыгукІэ Тхьэм ихабзэ сыщэгу­шІукІы, 23ау спкъы щыщхэм нэмыкІ хэбзэжъ ахэлъэу сэлъэгъу. А хэбзэжъыр сиакъыл ыдэрэ хэбзэшІум пэуцу. А хэбзэжъым спкъы щыщхэм ахэлъ псэкІод хэбзэжъым сыфегъэпщылІы. 24Сыдэу сыцІыф тхьамыкІа! Спкъэу сызыгъэкІодырэм сыкъыхищыжьэу, сымыкІодэу хэт сы­къэзыгъэнэжьыщтыр? 25Тхьэм щытхъушхор ий. Ежьыр ары Исус Христосэу ти Зиусхьан спкъэу сызыгъэкІо­дырэм сыкъыхыригъэщыжьэу, сымыкІодэу сыкъэзыгъэ­нэжьыщтыр.

Арэущтэу сиакъылкІэ Тхьэм ихабзэ сырипщылІ, ау сипсэкІодышІэ шэныжъкІэ псэкІодым ихабзэ сыри­пщылІ.

 

08

ЯЕНЭРЭШЪХЬ Тхьэм Ыпсэ ЛъапІэ илъэкІыныгъэкІэ тыпсэуныр

Арышъ, зипсэкІодышІэ шэныжъ игъогу рымы­кІохэу, Тхьэм Ыпсэ ЛъапІэ игъогу нахь рыкІорэ цІыф­хэу, Христос Исус зыгу илъхэр Тхьэм зыкІи ыгъэмы­сэщтхэп. 2Сыда пІомэ Исус Христос тыгухэм арылъэу, Тхьэм Ыпсэ ЛъапІэу щыІэныгъэ шъыпкъэр къытэзы­тырэм ихабзэ псэкІодымрэ лІэныгъэмрэ яхабзэ ыІэчІэгъ сыкъычІихыжьи, шъхьафит сишІыжьыгъ. 3ТипсэкІоды­шІэ шэныжъ ибзэджагъэ пае, Тэурат хабзэм лъэкІы­ныгъэ имыІэу ымышІэшъугъэр Тхьэм ышІагъ. Ежь Ыкъо псэкІодышІэ цІыфхэм апкъ фэдэу пкъы иІэу, псэкІодхэм апае къурмэныпхъэ хъунэу Тхьэм къыгъэ­кІуагъ, арэущтэуи а пкъымкІэ псэкІодыр ыгъэмысагъ. 4Тхьэм арэущтэу зыфишІагъэр тэ, типсэкІодышІэ шэныжъ игъогу тырымыкІоу. Тхьэм Ыпсэ ЛъапІэ игъогу нахь рыкІохэрэм, шъыпкъагъэр дгъэцэкІэныр ары, шъы­пкъагъэр дгъэцэкІэн фаеу, Тэурат хабзэм ыІоу зэритым фэдэу.

5Сыда пІомэ цІыфхэу зипсэкІодышІэ шэныжъ игъогу рыкІохэрэм яшэныжъ зыкІэхъопсырэ Іофхэм ягупшысэ зэпытых, ау Тхьэм Ыпсэ ЛъапІэ игъогу рыкІохэрэр Тхьэм Ыпсэ ЛъапІэ иІофхэм ягупшысэх. 6ШъуипсэкІоды­шІэ шэныжъ зыкІэхъопсырэ Іофхэм шъуягупшысэным Іэягъэу къыхэкІырэр лІэныгъэр ары, ау Тхьэм Ыпсэ ЛъапІэ иІофхэм шъуягупшысэным шІугъэу къыхэкІырэр щыІэныгъэрэ гупсэфыныгъэрэ ары, 7сыда пІомэ цІыфэу зипсэкІодышІэ шэныжъ зыкІэхъопсырэ Іофхэм ягупшысэ­рэр Тхьэм ипый мэхъу. А цІыфыр Тхьэм ихабзэ иунашъо едэІурэп, едэІуни ылъэкІырэп. 8Шъыпкъэ, цІыфхэу зи­псэкІодышІэ шэныжъым игъогу рыкІохэрэм Тхьэм ыгу яІурэп.

9АрышъхьакІэ шъо шъуипсэкІодышІэ шэныжъ игъогу шъурыкІоу щытэп, Тхьэм Ыпсэ ЛъапІэ шъыпкъэу шъу­гухэм арылъмэ, Тхьэм Ыпсэ ЛъапІэ игъогу шъурэкІо нахь. Христос Ыпсэ ЛъапІэ зыгу имылъыр Христос ицІыф­хэм ащыщэп. 10Ау Христос шъугухэм арылъмэ, шъуи­псэкІодхэм къахэкІыкІэ шъупкъыхэр лІэщтхэми, Тхьэм ежьым ыдэжькІэ шъыпкъагъэ шъуиІэу шъузэрилъытэрэм пае, шъугурэ шъупсэрэкІэ шъупсаоу шъущыт.

11Тхьэу Исус лІагъэхэмэ къахэзыгъэтэджыкІыжьыгъэм Ыпсэ ЛъапІэ шъугухэм арылъмэ, ащыгъум Тхьэу Хри­стос лІагъэхэм къахэзыгъэтэджыкІыжьыгъэм Ыпсэ Лъа­пІэу шъугухэм арылъым илъэкІыныгъэкІэ шъупкъыхэу лІэщтхэми щыІэныгъэ къаритыщт.

12Арышъ, тшыхэр, типсэкІодышІэ шэныжъ игъогу ты­рыкІонэу тпшъэ илъэп. 13Сыда пІомэ шъуипсэкІоды­шІэ шэныжъ игъогу шъурыкІомэ, шъукІодыщт, ау Тхьэм Ыпсэ ЛъапІэ илъэкІыныгъэкІэ бзэджагъэу шъушІэхэрэр жъугъэкІодхэмэ, щыІэныгъэ шъыпкъэр жъугъотыщт.

14Тхьэм Ыпсэ ЛъапІэ едэІурэ цІыф пстэури Тхьэм ибыных. 15Тхьэм ежь Ыпсэ ЛъапІэу шъугухэм къа­рилъхьагъэм шъуигъэпщылІэу ыкІи шъуигъэщынэу щытэп. Ау Тхьэм ежь Ыпсэ ЛъапІэу шъугухэм къарилъ­хьагъэм Тхьэм ибын фэдэу шъуедэ. А Псэ ЛъапІэм, «Аввэу* Ты лъапІэ!» тІоу, Тхьэм тырегъаджэ. 16Тхьэм Ыпсэ ЛъапІэ Тхьэм тызэрибынхэр къыІозэ, тыгухэм ягъу­сэу къеушыхьаты. 17Тхьэм тызэрибыным пае, Тхьэм ибынхэм ІэхьышІоу къалъысырэр тэри къытлъигъэсыщт. А ІэхьышІоу Тхьэм Христос къылъигъэсырэри Христос тыригъусэу тэри къытлъигъэсыщт, сыда пІомэ Христос тыригъусэу къин тщэчмэ, Христос тыригъусэуи Тхьэм щытхъушхо тиІэ ыгъэхъущт.

Щытхъушхоу къэлъэгъощтыр

18Мы лъэхъанэм къинхэу тщэчхэрэр щытхъушхоу* Тхьэм джы нэсыфэ цІыфхэм аримыгъэшІагъэу, тиІэ ыгъэ­хъущтым фэбгъэдэн зэрэфэмышъуашэм сыщэгугъы. 19Тхьэм къыгъэхъугъэ пстэури гузажъохэзэ пэплъэх. Зыпаплъэхэрэр Тхьэм ежь ибынхэм а щытхъушхор яІэ къызэригъэхъурэр ежь къыгъэхъугъэ пстэуми къызы­щаригъэлъэгъущт мафэр ары. 20Сыда пІомэ Тхьэм ежь къыгъэхъугъэ пстэуми ягухэлъ амыгъотынэу ыухыгъ. Арэущтэу зыкІэхъугъэр ежьхэр арэущтэу фэягъэхэкІэ арэп, ау ягухэлъ амыгъотынэу зыухэсыгъэ Тхьэр фэя-

8:15 аввэ – «ты» ары.

8:18 щытхъушхор – Тхьэм цІыфхэр мыкІодхэу къыгъэнэжьынхэу лъэ­кІыныгъэшхо зэриІэр аужыпкъэм къызэригъэлъагъорэр ары.

гъэти ары. 21Ау Тхьэм къыгъэхъугъэ пстэури Іофэу зыщыгугъыхэу зыпалъэхэрэр мыхэр ары: Тхьэм ахэр кІодыныгъэм ипщылІыныгъэ къыхихыжьхэу, шхьафит ышІыжьынхэри, Тхьэм ибынхэм яшъхьафитныгъэрэ ящы­тхъушхорэ ахэми яІэ хъунри ары.

22Сыда пІомэ Тхьэм къыгъэхъугъэ пстэури джы нэ­сыфэ щэІухэзэ, сабыйн къызфэхъущт бзылъфыгъэм къин зэрищэчрэм фэдэу, къин зэращэчрэр тэшІэ. 23Ау къин зыщэчхэрэр Тхьэм къыгъэхъугъэхэм язакъоп. Тхьэм итын хэм ащыщэу апэрэу ежь Ыпсэ ЛъапІэ тэ, зыгу къырилъ­хьагъэхэри, тыгукІэ тэщэІу, Тхьэм ибын фэдэу тидэ­нышъ, тпкъыхэр шъхьафит зыщишІыжьыщт мафэм ти­шъыпкъэу тыпаплъэу. 24Сыда пІомэ мы Іофхэм тащы­гугъэу тызэрапаплъэрэм пае, тымыкІодэу Тхьэм тыкъи­гъэнэжьыгъ. Ау Іофхэу тызщыгугъыхэу тызпаплъэхэ­рэр къэлъагъохэмэ, ащыгъум ахэмэ тапэплъэу тыщытэп. Сыда пІомэ ынэкІэ ылъэгъурэм хэта щыгугъэу паплъэ­рэр? 25Ау тэ тынэкІэ тымылъэгъурэм тыщыгугъэу тыпэплъэшъ, теубытэныгъэ тиІэу тыпэплъэ.

26Ащ фэдэу тэ, лъэкІыныгъэ зимыІэхэм, Тхьэм Ыпсэ ЛъапІэ къыддэІэпыІэ; сыда пІомэ Тхьэм тызэрелъэІун фэе шІыкІэр тшІэрэп. Ау гущыІэхэм къамыІошъурэ щэ­ІуныгъэхэмкІэ Тхьэм Ыпсэ ЛъапІэ Тхьэм къытфелъэІу. 27Тхьэу цІыфхэм агухэм арылъыр зыгъэунэфырэм ежьым Ыпсэ ЛъапІэ ыгу илъыри ешІэ, сыда пІомэ Тхьэр зэ­рэфаем тетэу Ыпсэ ЛъапІэ Тхьэм ицІыф лъапІэхэм афелъэІу.

28Тхьэр шІу зылъэгъурэ цІыфхэу, игухэлъ тетэу ибын­хэм ащыщ хъунхэу зэджагъэхэм Іоф пстэуми яшІуагъэ Тхьэм зэраригъэкІырэр тэшІэ. 29Тхьэм цІыфхэу къы­хихыгъэхэр ежь Ыкъо фэдэнхэу ыгъэнэфагъэх, Ыкъо къошыбэ апэ итыным пае. 30Тхьэм цІыфхэу ыгъэнэфа­гъэхэр ибынхэм ащыщ хъунхэуи яджагъ. Зэджагъэхэри ежьым ыдэжькІэ шъыпкъагъэ яІэу ылъытагъэх. Ежьым ыдэжькІэ шъыпкъагъэ зиІэхэу ылъытагъэхэми щытхъу­шхо яІэ ыгъэхъугъ.

Тхьэм шІулъэгъуныгъэу къытфыриІэр

31Ахэр зытІорэ ужым, джыри сыд тІона? Тхьэр тигъу­сэмэ, хэта къытпэуцужьын зылъэкІыщтыр? 32Тхьэу Зыкъо шъхьамысыжьэу тэ зэпстэуми пае къурмэныпхъэу зы-

шІыгъэм Ыкъо тыригъусэуи шІугъэ пстэури къытитын­ба? 33Тхьэм къыхихыгъэ цІыфхэр хэт зыгъэмысэн зы­лъэкІыщтыр? Тхьэр ары ежьым ыдэжькІэ ахэмэ шъы­пкъагъэ яІэу зылъытэрэр. 34Хэта тызыгъэмысэн зылъэ­кІыщтыр? Сыда пІомэ Христос Исус лІи, лІагъэхэм къахэтэджыкІыжьыгъ. Джы Тхьэм иджабгъукІэ гос, Тхьэми къытфелъэІу. 35Тхьэм шІулъэгъуныгъэу къы­тфыриІэм хэт тыпызыгъэкІын зылъэкІыщтыр? Гузэжъо­гъу тыхэтми, гухэкІыгъо тиІэми, къин тагъэщэчми, мэ­лакІэ тылІэми, зыщытлъэн тимыІэми, щынагъо тыхэтми, сэшхокІэ тагъэщынэми – мы къэтІуагъэ пстэуми Тхьэм ишІулъэгъуныгъэ тыпагъэкІын алъэкІырэп. 36Тхьэм игу­щыІэ тхыгъэхэм зэрарытым фэдэу,*

«(О Тхьэ), ощ пае тызэраукІыщтымкІэ мафэ къэс

щынагъо щыІ. ШІуабзыщт мэлхэм афэдэу талъытэ». 37Ау мы Іоф пстэумкІи шІу тызылъэгъугъэм илъэ­кІыныгъэкІэ текІоныгъэшхор тэтый. 38Сыда пІомэ хэти Тхьэм шІулъэгъуныгъэу къытфыриІэм тыпигъэкІын зэри­мылъэкІыщтым сыщэгугъы; лІэныгъэми, псэуныгъэми, мэлэІичхэми, джынэ пащэхэми, лъэкІыныгъэ зиІэ джы­нэхэми, джы Іофхэу щыІэхэми, къэкІощт уахътэм Іоф­хэу щыІэщтхэми, 39уашъом сыд щыщ щыІэми, чІылъэ чІэгъми, сыд щыщ щыІэми* а шІулъэгъуныгъэм тыпызы­гъэкІын зи щыІэп. Тхьэм къыгъэхъугъэ пстэуми ащыщэу зи Тхьэм шІулъэгъуныгъэу Исус Христосэу ти Зиусхьан къытыригъэгъэлъэгъугъэм тыпигъэкІын ылъэкІыщтэп.

 

09

ЯБГЪОНЭРЭШЪХЬ

Израил лъэпкъыр

Христос сыгу зэрилъым пае, къэсІощтыр шъыпкъэ, пцІы сыусырэп. Тхьэм Ыпсэ ЛъапІэ игъусэу сыгуи ар зэрэшъыпкъэр къысфеушыхьаты. 2Сэ зыфасІорэр

8:36 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 44:22 (урыс библиемкІэ 43:23).

8:39 уашъом сыд щыщ щыІэми, чІылъэ чІэгъым сыд щыщ щыІэми ­ошъо лъэныкъоми чІылъэ чІэгъыми кІочІэ бзаджэхэу щыІэхэр арын фаех. Еплъ Ефес. 2:2.

мыры: ГухэкІышхорэ зэпымыужъырэ гукъаорэ сиІ. 3Сшыхэу слъэпкъ щыщхэм сишІуагъэ якІыщтыгъэмэ, Тхьэм ынае къысщифэзэ, Христос сызыпигъэкІынэу сэ сшІоигъощтгъэ. 4А сшыхэр Израил лъэпкъыр ары. Ахэр ары ибынхэм афэдэу Тхьэм ыдагъэхэр. Ахэр ары ищы­тхъушхо зэригъэлъэгъугъэхэр. Тхьэм ежьымрэ ахэмрэ азыфагу зэзэгъыныгъэхэр* дилъхьагъэх. Ахэр ары Тэу­рат хабзэр зэритыгъэхэр. Ахэри ары ежьыр зэрагъэ­лъэпІэн фэе шІыкІэр зэригъэлъэгъугъэхэр. Ахэри ары ІэхьышІукІэ къыгъэгугъагъэхэр. 5Ахэр ары тятэжъы­шхохэм къатехъукІыгъэ цІыфхэр. ЦІыфым фэдэу ежь Христоси ахэмэ алъэпкъ щыщ. Ежьыр ары зэкІэмэ анахь инэу, мыкІодыжьын щытхъушхор зиІэ Тхьэр. Амин.

6Ау Тхьэм игущыІэхэр ымыгъэшъыпкъагъэхэу арэп сІорэр. Сыда пІомэ Израил лъэпкъым щыщ цІыф пстэу­ри арэп Израил цІыф шъыпкъэхэу щытхэр. 7Ибрахьимэ къытехъукІыгъэ цІыф пстэури арэп Ибрахьимэ ибын шъы­пкъэхэу щытхэр. (Ау Тхьэм Ибрахьимэ къыриІуагъ:)* «Исхьакъ къытехъукІыщт цІыфхэр ары о уибын шъып­къэхэкІэ зэджэщтхэр». 8Ащ къикІырэр, Ибрахьимэ къы­техъукІыгъэ бын пстэури арэп Тхьэм ибынхэу щытхэр. Ау бынхэу Тхьэм Ибрахьимэ къызэригъэгугъагъэм тетэу, ащ къытехъукІыгъэхэр* ары Тхьэм Ибрахьимэ къытехъу­кІыгъэ цІыф шъыпкъэхэу ылъытэхэрэр. 9Сыда пІомэ Тхьэм Ибрахьимэ къызэригъэгугъагъэр* мыры: «Згъэнэ­фэгъэ лъэхъанэм сыкъызыкІожьыкІэ, Сарэ къо къыфэ­хъущт».

9:4 зэзэгъыныгъэхэр – Тхьэм ежьымрэ пегъэмбар Нухьэрэ (еплъ Пегъымбар Мусэ апэрэ тхылъэу ытхыгъэм 6:18; 9:9), ежьымрэ пегъым­бар Ибрахьимэрэ (еплъ Пегъымбар Мусэ апэрэ тхылъэу ытхыгъэм 15:18; 17:2, 7-9), ежьымрэ Израил лъэпкъымрэ (еплъ Пегъымбар Мусэ ятІонэрэ тхылъэу ытхыгъэм 19:1-8) азыфагу дилъхьэгъэ зэзэгъыныгъэ­хэр ары.

9:7 Тхьэм къыриІуагъ – еплъ Пегъымбар Мусэ апэрэ тхылъэу ытхы­гъэм 21:12.

9:8 бынхэу Тхьэм Ибрахьимэ къызэригъэгугъагъэм тетэу, ащ къыте­хъукІыгъэхэр – Ибрахьимэ къытехъукІыгъэ бынхэу ыкъо Исхьакъ къыфэхъугъэхэр ары. Еплъ Пегъымбар Мусэ апэрэ тхылъэу ытхыгъэм 17:19-21.

9:9 Тхьэм къызэригъэгугъагъэр – еплъ Пегъымбар Мусэ апэрэ тхы­лъэу ытхыгъэм 18:10.

10Ащ нэмыкІэу, Ревеккэ Исхьакъ иехэу къуитІу къыфэ­хъунэу лъэрмыхьэ зэхъум, Іофыр зытетыгъэр ащ фэ­дагъ. 11,12 КІалэхэр къэмыхъугъэхэу, шІуи бзаджи амышІагъэу, Тхьэм Ревеккэ къыриІуагъ:* «Нахьыжъыр нахьыкІэм фэІофтэбгэщт». Тхьэм арэущтэу зыфиІуагъэр цІыф горэ къызэрэхихырэмкІэ ежь игухэлъ ыгъэцэ­кІэныр ары. Арэущтэу цІыфым Іофхэу ышІагъэхэм ямы­лъытыгъэу, цІыфэу зыфаер Тхьэм къыхехы, 13игущыІэ тхыгъэхэм арытэу Тхьэм зэриІуагъэм фэдэу,* «Якъубэ шІу слъэгъугъэ, ау Исав сыуджэгъугъэ».

14Джы сыд тІона? Тхьэр мызафа? Хьау, ар хъухэщтэп. 15Сыда пІомэ Тхьэм пегъымбар Мусэ къыриІуагъ:* «ЦІыф горэм сыгу езгъэгъунэу сыфаемэ, сыгу

егъущт. Зыгорэм гукІэгъу фэсшІэнэу сыфаеми, гукІэгъу фэсшІыщт».

16Арэущтэу Тхьэм цІыф горэ къызэрэхихырэр зэпхы­гъэр цІыфыр зыфаер, е цІыфым Іофхэу ышІэхэрэр арэп, Тхьэм игукІэгъуныгъэшху ары нахь а Іофыр зэпхыгъэр. 17Сыда пІомэ Тхьэм игущыІэ тхыгъэхэм арыт, Тхьэм Мысырым ипачъыхьэ Фыраун къызэрэриІуагъэр:* «Мыр ары пачъыхьэу узфэзгъэуцугъэр цІыфмэ дунэе пстэуми сцІэ щагъэІунэу силъэкІыныгъэ къэозгъэгъэнэфэныр ары». 18Арэущтэу Тхьэм цІыф горэм гукІэгъу къы­фишІынэу фаемэ, гукІэгъу къыфешІы, цІыф горэ гур­къэ* ыгъэхъунэу фаеми, гуркъэ егъэхъу.

Тхьэм игубжрэ игукІэгъуныгъэрэ

19Ащыгъум о къысэпІонкІи мэхъу: «Арэущтэу щытмэ, Тхьэм цІыфхэр сыда зыкІигъэмысэхэрэр? Сыда пІомэ Тхьэм ыІуагъэм пэуцун хэта зылъэкІыщтыр?» 20Ау, о

9:11-12 Тхьэм .. . къыриІуагъ – еплъ Пегъымбар Мусэ апэрэ тхылъэу ытхыгъэм 25:23.

9:13 Тхьэм зэриІуагъэм фэдэу – еплъ Пегъымбад Малахие тхылъэу ытхыгъэм 1:2-3.

9:15 Тхьэм ... къыриІуагъ – еплъ Пегъымбар Мусэ ятІонэрэ тхы­лъэу ытхыгъэм 33:19.

9:17 Тхьэм ... Фыраун къызэрэриІуагъэр – еплъ Пегъымбар Мусэ ятІонэрэ тхылъэу ытхыгъэм 9:16.

9:18 гуркъагъэ – къаигъагъэкІэ къыбгурыІонэу умыдэныр ары.

цІыф, о хэта ущыщ, Тхьэм уенэкъокъунэу? Хьакъушы­къум цІыфэу ар зышІыгъэм, «Сыд мыщ фэдэу сызкІэп­шІыгъэр?» риІона? 21АнахьышІу хьакъушыкъури къы­зэрыкІо хьакъушыкъури къошынышІэм а зы ятІэм хи­шІыкІынэу фитба?

22Ау Тхьэм игубж къыгъэнэфэнэуи илъэкІыныгъэшхо цІыфмэ аригъэшІэнэуи фэягъэти, зыфэгубжырэ цІыфхэу ыгъэкІодынхэу щытыгъэхэм щыІэгъэшхокІэ ашъхьа­сыгъ. 23Тхьэр ахэмэ зыфашъхьасыгъэр гукІэгъу зы­фишІырэ цІыфхэу щытхъушхо зиІэ хъунхэу ыгъэпсы­гъэхэм ежьым ищытхъушхо иинагъэ аригъэшІэныр ары. 24Ибынхэм ащыщ хъунхэу Тхьэр къызэджагъэхэр тэры – тэ, джуртхэм, тимызакъоу нэмыкІрэ лъэпкъхэми ащыщхэр. 25Пегъымбар Осие итхылъ итэу, Тхьэм къы­зэриІорэм фэдэу,*

«Слъэпкъ щымыщыгъэ цІыфхэм 'сэ слъэпкъкІэ'

сяджэщт; шІу сымылъэгъугъэ лъэпкъыми 'шІу слъэгъурэ лъэпкъкІэ' седжэщт. 26ыкІи «'Шъо слъэпкъэу шъущытэп', ыІуи, Тхьэм зыщиІогъэ чІыпІэм 'ЩыІэныгъэ къэзытырэ Тхьэм ибынхэкІэ' щяджэ­щтых». 27Пегъымбар Исайас Израил лъэпкъым ехьылІагъэу къыІуагъ:* «Израил лъэпкъым ипчъагъэ хым ипшахъо фэдизми, ахэмэ ащыщхэу мыкІодхэу Тхьэм къыгъэнэ­жьыщтхэр макІэ ныІэп. 28Сыда пІомэ псынкІэу, зи къэмынэу Тхьэм мы дунаем ицІыфхэм хьыкум атришІы­хьащт». 29Пегъымбар Исайас ыпэкІэ къызэриІуагъэм фэдэу,*

«Зиусхьанэу Сэваоф* бынхэр къытфимыгъэнагъэ-

хэмэ, къалэхэу Содомрэ Гоморрэрэ* тафэдэщтыгъ».

9:25-26 Тхьэм къызэриІорэм фэдэу -еплъ Пегъымбар Осие тхылъэу

ытхыгъэм 2:23; 1:10.

9:27-28 пегъымбар Исайас .. . къыІуагъ – еплъ Пегъымбар Исайас

тхылъэу ытхыгъэм 10:22-23.

9:29 пегъымбар Исайас . . . къызэриІуагъэм фэдэу – еплъ Пегъымбар

Исайас тхылъэу ытхыгъэм 1:9.

9:29 Сэваоф – зэкІэ лъэкІыныгъэшхор ЗиІэр ары.

9:29 къалэхэу Содомрэ Гоморрэрэ – еплъ Пегъымбар Мусэ апэрэ

тхылъэу ытхыгъэм 19:24-25.

Израилрэ Христос ехьылІэгъэ къэбарышІумрэ

30Джы сыд тІона? Хымэ лъэпкъхэм шъыпкъагъэ зэ­ряІэщтым ыуж итхэу щымытыгъэхэ пэтми, шІошъхъуны­гъэ яІэу зэрэщытыгъэхэм пае, Тхьэм ежьым ыдэжькІэ ахэмэ шъыпкъагъэ яІэу ылъытагъэх. 31Ау Израил цІыф­хэу Тхьэм ыдэжькІэ шъыпкъагъэ яІэ зыгъэхъун хабзэм ыуж итыгъэхэм а хабзэр агъотыгъэп. 32Сыд зыкІамы­гъотыгъэр? ШІошъхъуныгъэм игъогу амыдэу, Іофэу ашІагъэхэм ягъогукІэ Тхьэм ыдэжькІэ шъыпкъагъэ зэ­ряІэщтым ыуж итхэу щытыгъэхэти ары. ЦІыфхэр зыгъэ­лъэпаорэ мыжъом елъэпэуагъэх. 33ИгущыІэ тхыгъэхэм арытэу Тхьэм къызэриІорэм фэдэу,*

«ЦІыфхэр зыгъэлъэпаорэ мыжъоу,

мыжъошхоу* цІыфхэр чІыгум тезыгъафэхэрэр,

Сион зыцІэ къалэм щэсэгъэтІылъы.

А мыжъошхомкІэ шІошъхъуныгъэ зиІэр кІэгъо­жьыщтэп».

 

10

ЯПШІЭНЭРЭШЪХЬ

Сшыхэр, сыгу зыкІэхъопсырэри Тхьэм сызэрелъэІу зэ­пытырэри сэ слъэпкъ Израил мыкІодэу къыгъэнэжьыныр ары. 2Агу етыгъэу Тхьэм зэрэфэлажьэхэрэмкІэ сыряшы­хьат, ау зэхэшІыкІыныгъэм тетхэу лажьэхэрэп. 3Тхьэм ежьым ыдэжькІэ цІыфхэм шъыпкъагъэ яІэу зэрилъы­тэрэ гъогур къагурымыІоу, ежьхэм ягъогукІэ Тхьэм ыдэ­жькІэ шъыпкъагъэ зэряІэщтым ыуж зэритыгъэхэм пае, Тхьэм ежьым ыдэжькІэ шъыпкъагъэ яІэу зэрилъытэрэ гъогур адагъэп. 4Сыда пІомэ Тэурат хабзэм игугъапІэ Христос ары, Тхьэми хэти ХристоскІэ шІошъхъуныгъэ зиІэм ежьым ыдэжькІэ шъыпкъагъэ иІэу елъытэ.

Тхьэм хэти мыкІодэу къыгъэнэжьын ылъэкІыщт

5ЦІыфым Тэурат хабзэм итхэр зэригъэцакІэхэрэм пае, Тхьэм ежьым ыдэжькІэ ащ шъыпкъагъэ иІэу зэрилъы-

9:33 Тхьэм къызэриІорэм фэдэу – еплъ Пегъымбар Исайас тхылъэу ытхыгъэм 28:16; 8:14.

9:33 мыжъошхор – Христос ары.

тэрэм ехьылІагъэу пегъымбар Мусэ мырэущтэу ытхыгъ:* «Тэурат хабзэм итхэр зыгъэцакІэрэм Тэурат хабзэмкІэ щыІэныгъэ иІэщт». 6Ау цІыфым шІошъхъуныгъэ зэри­Іэм пае, Тхьэм ежьым ыдэжькІэ ащ шъыпкъагъэ иІэу зэ­рилъытэрэм ехьылІагъэу Тхьэм игущыІэ тхыгъэхэм мы­рэущтэу арыт:* «Хэта уашъом дэкІоещтыр, угукІэ умыІо», (а гущыІэхэм къарыкІырэр уашъом дэкІоеныр ары, Хри­стосэу цІыфхэр мыкІодхэу къэзыгъэнэжьырэр къырищэ­хыным пае). 7Е «Хэта чІылъэм икуупІэ* ехыщтыр?» умыІо, (Христос лІагъэхэм къахищэным пае, къыдищэ­ежьыныр ары а гущыІэхэм къарыкІырэр). 8Ау Тхьэм игущыІэ тхыгъэхэм сыда арытыр?

«Тхьэм игущыІэхэр къыппэгъунэгъух, ужи дэлъых, угуи илъых».

А гущыІэхэу шІошъхъуныгъэм ехьылІагъэхэр ары шъузэдгъэІухэрэр. 9УжэкІэ цІыфхэм апашъхьэ Исус Зиус­хьанэу зэрэщытыр къыщыпІомэ, Тхьэм ар лІагъэхэм къы­зэрахигъэтэджыкІыжьыгъэмкІи угукІэ шІошъхъуныгъэ уиІэмэ, умыкІодэу Тхьэм укъигъэнэжьыщт. 10Сыда пІомэ цІыфэу зыгукІэ шІошъхъуныгъэ зиІэм Тхьэм ежьым ыдэжькІэ шъыпкъагъэ иІэу ылъытэщт, цІыфмэ апашъхьэ Исус Зиусхьанэу зэрэщытыр къыщызыІорэри мыкІодэу Тхьэм къыгъэнэжьыщт. 11Тхьэм игущыІэ тхыгъэхэм Хри­стос ехьылІагъэу зэрарытым фэдэу,* «Хэти ежьымкІэ шІошъхъуныгъэ зиІэр кІэгъожьыщтэп». І2Джуртми урым­ми азыфагу зэхэдзыныгъэ зи дэлъэп. А зы Зиусхьаныр зэкІэми я Зиусхьан, ежьым елъэІурэ пстэуми шІу къа­фешІэ. 13Сыда пІомэ «Хэти къыдэІэпыІэнэу ежььым елъэ­Іурэр мыкІодэу Зиусхьаным къыгъэнэжьыщт».*

14Ау ЗиусхьанымкІэ шІошъхъуныгъэ ямыІэмэ, сыдэу­щтэу елъэІунха? Ащ икъэбари зэхамыхыгъэмэ, сыдэу­щтэу шІошъхъуныгъэ яІэ хъущта? Икъэбари зыми ари­мыгъэІумэ, сыдэущтэу зэхахына? 15Тхьэми цІыфхэр къы-

10:5 пегъымбар Мусэ . . . ытхыгъ – еплъ Пегъымбар Мусэ ящэнэрэ тхылъэу ытхыгъэм 18:5.

10:6-8 Тхьэм игущыІэ тхыгъэхэм ... арыт – еплъ Пегъымбар Мусэ ятфэнэрэ тхылъэу ытхыгъэм 30:12-14.

10:7 чІылъэм икуупІэ – лІагъэхэм ядунае ары.

10:11 Тхьэм игущыІэ тхыгъэхэм ... зэрарытым фэдэу – еплъ Пегъымбар Исайас тхылъэу ытхыгъэм 28:16.

10:13 Еплъ Пегъымбар Иоил тхылъэу ытхыгъэм 2:32.

мыгъакІохэмэ, сыдэущтэу ахэмэ Христос ехьылІэгъэ къэ­барышІур агъэІуна? Тхьэм игущыІэ тхыгъэхэм зэрары­тым фэдэу,* «КъэбарышІур зыгъэІурэ цІыфхэм алъа­къохэр сыдэу дахэха!»

16Ау щытми, къэбарышІум едэІунхэу цІыф пстэуми адагъэп. Сыда пІомэ пегъымбар Исайас мырэущтэу къы­Іуагъ:* «Зиусхьан, къэбарышІоу дгъэІугъэр хэта зышІошъ хъугъэр?» 17Арэущтэу къэбарышІур зэрэзэхахырэмкІэ цІыфхэм шІошъхъуныгъэ яІэ мэхъу, зыгорэм Тхьэм игущыІэхэр зэригъэІухэрэмкІи а къэбарышІур зэхахы. 18Ау сэ сэупчІэ: КъэбарышІур зэхамыхыгъэу ара? Хьау, бэу зэхахыгъ, сыда пІомэ Тхьэм игущыІэ тхыгъэхэм зэрарытым фэдэу,*

«КъэбарышІур зыгъэІугъэмэ амакъэ чІылъэм ты-

дэкІи цІыфхэм щызэхахыгъ,

ягущыІэхэри чІылъэм ыкъуапэхэм анэсыгъэх».

19Джыри зэ сэ сэупчІэ: Израил цІыфхэм къэбарышІур

къагурымыІуагъэу ара? Хьау, бэу къагурыІуагъ, сыда

пІомэ Тхьэм ыцІэкІэ пегъымбар Мусэ апэрэу къыІуагъ:*

«Зы лъэпкъ горэм щымыщхэм шъуязгъэшъу-

гъощт, зэхэшІыкІыныгъэ зимыІэ лъэпкъыми шъуфэзгъэ­губжыщт». 20ЕтІанэ Тхьэм ыцІэкІэ пегъымбар Исайас гушхоны­гъэкІэ къыІуагъ:*

«Къыслъымыхъугъэ цІыфхэм сыкъагъотыгъ, къыскІэмыупчІагъэхэми зязгъэлъэгъугъ». 21Ау Израил лъэпкъым ехьылІагъэу мырэущтэу къеІо:* «КъысэмыдэІурэ лъэпкъ къаигъэр къысэшІужьыным пае, мэфэ реным сІэхэр фэсщэигъэх».

10:15 Тхьэм игущыІэ тхыгъэхэм зэрарытым фэдэу – еплъ Пегъымбар Исайас тхылъэу ытхыгъэм 52:7.

10:16 пегъымбар Исайас .. . къыІуагъ – еплъ Пегъымбар Исайас тхылъэу ытхыгъэм 53:1.

10:18 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 19:4 (урыс библиемкІэ 18:5).

10:19 пегъымбар Мусэ ... къыІуагъ – еплъ Пегъымбар Мусэ ятфэнэрэ тхылъэу ытхыгъэм 32:21.

10:20 пегъымбар Исайас . . . къыІуагъ – еплъ Пегъымбар Исайас тхылъэу ытхыгъэм 65:1.

10:21 къеІо – еплъ Пегъымбар Исайас тхылъэу ытхыгъэм 65:2.

 

11

ЯПШІЫКІУЗЭНЭРЭШЪХЬ

Тхьэм Израил лъэпкъым гукІэгъу къызэрыфишІырэр

ЕтІанэ сэупчІэ: Тхьэр ежь ылъэпкъ фэмыежьэу хъу­гъа? Хьау, ар хъухэщтэп. Сыда пІомэ сэри Израил лъэпкъым сыщыщ, Ибрахьимэ къытехъукІыгъэ цІыфхэм сащыщ, Вениамин иунэгъо лъэпкъ сыщыщ. 2Шъы­пкъэ, Тхьэм лъэпкъэу къыхихыгъэм фэмыежьэу хъугъэу щытэп. Тхьэм игущыІэ тхыгъэхэм арытэу,* пегъымбар Иляс икъэбар зэрыт чІыпІэм ыдэжь итыр шъошІэба? Иляс Израил цІыфхэм яхьылІагъэу Тхьэм ыпашъхьэ мы­рэущтэу ыІуи щытхьаусхагъ: 3«3иусхьан, уипегъэмбархэр аукІыгъэх, уикъурмэншІыпІэхэри зэхакъутагъэх. Сэ сиза­къоу сыкъэнагъ, спси ыуж итых». 4Ау Тхьэм Иляс сыда къыриІожьыгъэр?* «Тхьэ нэпцІэу Ваал ыпашъхьэ лъэгон­джэмышъхьэкІэ мытІысыгъэхэу цІыф минибл къызфэзгъэ­нагъ». 5Джыри арэущтэу щыт. Тхьэм ынэшІу щыфэныгъэ­кІэ ежьым къыхихыгъэхэу, цІыф куп къэнагъэхэу щыІэх. 6Тхьэм ахэр къызкІыхихыгъэхэр ынэшІу къызэращифэрэр ары. Ахэмэ ІофышІухэу ашІагъэхэм яІоф ащ хэлъэп. Армырмэ Тхьэм ынэшІу щыфэныгъэ нэшІу щыфэныгъэ хъужьрэп.

7Сыд етІанэ? Израил лъэпкъыр зылъыхъугъэр агъоты­гъэп, ау Тхьэм къыхихыгъэ цІыф купым агъотыгъ. Къэ­нагъэхэр гуркъэхэу* хъугъэх. 8Тхьэм игущыІэ тхыгъэ­хэм зэрарытым фэдэу,*

«Тхьэм ахэмэ агухэм гулъытэ ямыІэу ыгъэхъугъэх.

Анэхэми амылъэгъоу, атхьакІумэхэми зэхамыхэу ыгъэхъугъэх,

непэрэ мафэм нэсыфэ». 9Пачъыхьэ Даути къыІуагъ:*

11:2-3 Тхьэм игущыІэ тхыгъэхэм арытэу – еплъ Пачъыхьэхэм якъэ­бархэр зэрыт апэрэ тхылъым (3-я Царств) 19:10.

11:4 Тхьэм . . . къыриІожьыгъэр – еплъ Пачъыхьэхэм якъэбархэр зэрыт апэрэ тхылъым (3-я Царств) 19:18.

11:7 гуркъагъэ – къаигъагъэкІэ къыбгурыІонэу умыдэныр ары.

11:8 Тхьэм игущыІэ тхыгъэхэм зэрарытым фэдэу – еплъ Пегъымбар Мусэ ятфэнэрэ тхылъэу ытхыгъэм 29:4; Пегъымбар Исайас тхылъэу ытхыгъэм 29:10.

11:9-10 пачъыхьэ Даути къыІуагъ – еплъ Сэбур (Псалтыр) 69:22-23 (урыс библиемкІэ 68:23-24).

«Ахэмэ яешхэ-ешъошхо лъахъи, хъытыуи, ахэр зыгъэлъэпаорэ мыжъуи афэрэхъу. Тхьэм яфэшъуашэ арерэгъэпщыныжь. 10Ахэмэ амылъэгъушъунэу Тхьэм анэхэр ерэгъэ-

ушІункІых, егъашІэми атхыцІэхэр ерэуфэх».

Хымэ лъэпкъхэр мыкІодхэу, Тхьэм къызэригъэнэжьхэрэр

11Арышъ сэупчІэ: джуртхэр зэлъэпаохэм, тефэпа­гъэха? Хьау, ар хъухэщтэп. Ау джуртхэр гъогу занкІэм зэрэтекІыгъэхэм пае, нэмыкІрэ лъэпкъхэр мыкІодхэу къэнэжьынхэу Тхьэм гъогу афишІыгъ, джуртхэр ахэмэ аригъэшъугъунхэм пае. 12Джуртхэр гъогу занкІэм зэрэ­текІыгъэхэм пае, дунаем тет нэмыкІрэ цІыфхэм шІубэ агъотыгъ, джуртхэми яІоф къызэрадэмыхъугъэм пае, нэмыкІрэ лъэпкъхэм шІубэ агъотыгъ. Арышъ, джуртхэу мыкІодхэу Тхьэм къыгъэнэжьыщтхэм япчъагъэ зикъукІэ, сыдэу шІуба ащ къыхэкІыщтыр!

13Джы шъо, хымэ лъэпкъхэм, сыкъыжъудэгущыІэ: Шъо хымэ лъэпкъхэм шъуиапостолэу сызэрэхъугъэм пае, си­Іоф сэгъэлъапІэ. 14СиІоф зыфэзгъэлъапІэрэр сэ слъэпкъ щыщхэр шъо хымэ лъэпкъхэм шъуязгъэшъугъунышъ, ахэмэ ащыщхэу зы куп мыкІодхэу Тхьэм къыгъэнэжьын­хэу ары. 15Сыда пІомэ Тхьэм джуртхэр ымыдэхэ зэхъум, дунаем тет нэмыкІ цІыфхэр ежьым ешІужьы­гъэхэу ыгъэхъугъэх. Ащыгъум Тхьэм джуртхэр джыри зэ зидэжьхэкІэ, сыд фэдэщт? Ар лІагъэхэм ахэр къызэ­рахэтэджыкІыжьхэрэм фэдэщт. 16Тхьацум иапэрэ Іахьэ Тхьэм ратымэ, тхьацур зэкІэри Тхьэм ий. Чъыгым ылъапсэ Тхьэм иемэ, чъыг къутамэхэри Тхьэм иех.

17Хатэм дэт зейтун чъыгым* икъутамэхэм ащыщхэу заулэ Тхьэм гуикІыкІи, о, шъофым ит зейтун чъыг къутамэм фэдэр адрэ къутамэхэм ачІыпІэ угуигъэ­уцуагъ. Хатэм дэт зейтун чъыгым икъутамэхэу къэнагъэ­хэм урягъусэу а чъыгым ылъапсэми ипсыми яшІуагъэ къыуагъэкІы. 18Арышъ, Тхьэм а чъыгым гуикІыкІыгъэ къутамэхэм апашъхьэ узщыщымытхъужь. Узщытхъужьмэ, мыр зыщымыгъэгъупш: О уишІуагъэ лъапсэм ебгъэкІы-

11:17 зейтун чъыгыр – «маслинэ» ары.

рэп, лъапсэм ишІуагъэ о къыуегъэкІы нахь. 19Ащыгъум о къысэпІонкІи мэхъу: «Чъыгым сэ сыгуигъэуцонэу а къутамэхэр Тхьэм чъыгым гуикІыкІыгъэх». 20Шъыпкъэ, ахэмэ шІошъхъуныгъэ зэрямыІэм пае, Тхьэм чъыгым гуи­кІыкІыгъэх, ау о шІошъхъуныгъэ зэрэуиІэм пае, пчІы­пІэ укъенэ. Арышъ, зымыгъэпаг, щынагъуи зигъаІ. 21Сыда пІомэ хатэм дэт чъыгым икъутамэхэм Тхьэр ашъхьамысыгъэмэ, о къыпшъхьасыщта?

22Мары Тхьэм ишІугъэрэ ипхъэшагъэрэ: игъогу текІы­гъэхэм афэпхъашэу щыт, ау о Тхьэм ишІугъэ зыхэмы­гъэнмэ, ишІугъэ къыплъигъэсыщт. Армырмэ, ори а чъыгым угуикІыкІыщт. 23Джуртхэми яшІошъмыхъуны­гъэ ханэжьмэ, Тхьэм ахэри чъыгым гуигъэуцожьыщтых, сыда пІомэ, Тхьэм ахэр гуигъэуцожьынхэ ылъэкІыщт. 24Шъо, (хымэ лъэпкъхэр), шъофым ит зейтун чъыгым Тхьэм шъугуикІыкІи, хатэм дэт зейтун чъыгым шъу­гуигъэуцожьыгъ. Ащыгъум хатэм дэт зейтун чъыгым щыщ къутамэхэр, (джуртхэр ары), ежьхэм ячъыг гуи­гъэуцожьынхэу ТхьэмкІэ нахь къинына?

Тхьэм Израил лъэпкъым ежь ыдэжь къызэригъэгъэзэжьырэр

25Сшыхэр, Іушыщэу шъузышІомышІыжьыным пае, мы шъэфыр шъумышІэу шъущытынэу сыфаеп. Хымэ лъэпкъхэм ащыщхэу Тхьэм игъогу техьащтхэм япчъа­гъэ екъуфэ, Израил лъэпкъым щыщ купым гуркъагъэ яІэу Тхьэм ыгъэхъугъэх. 26Арэущтэу Израил лъэпкъыр зэкІэ мыкІодэу Тхьэм къыгъэнэжьыщт, игущыІэ тхыгъэ­хэм зэрарытым фэдэу,*

«ЦІыфхэр мыкІодхэу къэзыгъэнэжьыщтыр Сион

къалэм* къыдэкІыщт. Ар къызыкІокІэ, бзэджагъэр Якъубэ ылъэпкъ хи­гъэкІодыкІыжьыщт». 27(ЕтІанэ Тхьэм ыІуагъ:)

«Мы зэзэгъыныгъэр ары сэррэ ахэмрэ тазыфагу

дэслъхьащтыр, япсэкІодхэр затесхыжьхэкІи».

11:26-27 Тхьэм игущыІэ тхыгъэхэм зэрарытым фэдэу – еплъ Пегъым­бар Исайас тхылъэу ытхыгъэм 59:20-21; 27:9.

11:26 Сион къалэр – Ерусалим къалэр ары.

28Джуртхэм къэбарышІур зэрамыдагъэм пае, шъо шъуишІуагъэ а Іофым къыхэкІэу Тхьэм ипый хъугъэх. Ау Тхьэм джуртхэр къызэрэхихыгъэхэм пае, ахэр шІу елъэгъух, ятэжъышхохэм яхьатыркІэ. 29Сыда пІомэ Тхьэм цІыфхэм тынхэр заритхэкІэ, ибынхэм ащыщ хъунхэуи зяджэкІэ, арэущтэу зэришІагъэм фыкІэгъо­жьырэп. 30Шъо (хымэ лъэпкъхэр), Тхьэм шъуедэІущты­гъэп, ау Израил лъэпкъыр Тхьэм зэремыдэІугъэм пае, джы Тхьэм шъо гукІэгъу къышъуфишІыгъ. 31Ащ фэдэу джы джуртхэр Тхьэм едэІухэрэп, шъо гукІэгъоу къы­шъуфишІыгъэмкІэ Тхьэм ахэми гукІэгъу къафишІыным пае. 32Сыда пІомэ Тхьэм цІыф пстэури мыдэІоны­гъэм хэтхэу къыгъэнагъэх, ахэмэ зэкІэмэ гукІэгъу къа­фишІыным пае.

33Тхьэм ишІугъэшхо, изэхэшІыкІыныгъэшхо, ишІэныгъэшхо сыдэу инха!

Игухэлъышхохэр зыми зэхифын ылъэкІыщтэп. ИІофхэм аужы зи ихьан ылъэкІыщтэп. 34 «Хэта Зиусхьаным ыгу илъыр зышІэрэр?

Хэта ащ упчІэгъу фэхъугъэр? 35Хэта Тхьэм зыгорэ езытыгъэр

Тхьэм ащ тын къыритыжьынэу?»* 36Іоф пстэури Тхьэм ыІэ къикІыгъ. ИлъэкІыныгъэкІи ищытхъушхо паий Іоф пстэури

щыІ. МыкІодыжьын щытхъушхор Тхьэм ий. Амин.

 

12

ЯПШІЫКІУТЮНЭРЭШЪХЬ

Христос тыгухэм арылъэу тызэрэзекІон фаер

Арышъ, Тхьэм гукІэгъу къызэрэтфишІыгъэм пае, инэу сышъолъэІу: Тхьэм ыгу зэІурэ къурмэныпхъэ псаоу, къурмэныпхъэ лъапІэм фэдэу зешъут. Ары гурэ псэрэкІэ Тхьэр зэрэжъугъэлъэпІэн фаер. 2Мы лъэхъанэм ихабзэ­хэмэ шъукъыращэкІэу шъущымыт. Ау Тхьэм шъугухэм арылъхэр зэрерэхъокІых, шэнышІу шъуиІэным пае. Арэущтэу шъушІымэ, Тхьэр зыфаер къыжъугурыІощт,

11:34-35 Еплъ Пегъымбар Исайас тхылъэу ытхыгъэм 40:13; Аюбэ икъэ­бар зэрыт тхылъым (Иов) 41:11.

дэгъур зыфэдэри, Тхьэм ыгу зэІурэри, щыкІагъэ зимыІэ икъугъэр зыфэдэри къыжъугурыІощт.

3Тхьэм ынэшІу сэ къызэрэсщифагъэм пае, шъуащыщэу хэти есэІо: узышІомышІыжь ыкІи зымыгъэин, шІошъ­хъуныгъэу Тхьэм о къыпфигъэшъошагъэм ишапхъэ тетэуи гурыІоныгъэкІэ зэплъыжь. 4Сыда пІомэ тпкъы щыщхэр бэ, ау ахэмэ зэкІэмэ Іофхэу ашІэхэрэр зэп. 5Джащ фэдэу тэри бэ тэхъу пэтми, Христос тыгухэм зэрарылъым пае, зы зыпкъы закъо тэхъу, хэт пэпчъи адрэхэм ащыщ. 6Тхьэм ынэшІу хэти къызэрэщифагъэм елъытыгъэу лъэкІыныгъэ зэфэшъхьафхэр тиІэх. Тхьэм игущыІэхэр зыгорэм ыгу къырилъхьэхэу, ахэр къыІонхэу лъэкІыныгъэ къыритыгъэмэ, а цІыфым шІошъхъуны­гъэу иІэм тетэу Тхьэм игущыІэхэр къерэІох. 7ЦІыф­хэм ишІуагъэ аригъэкІынэу Тхьэм зыгорэм лъэкІыныгъэ къыритыгъэмэ, а цІыфым ахэмэ ишІуагъэ арерэгъэкІ. ЦІыфхэм Іофхэр аригъэшІэнхэу Тхьэм зыгорэм лъэкІы­ныгъэ къыритыгъэмэ, а цІыфым Іофхэр арерэгъашІэх. 8ЦІыфхэр ыгъэгушхонхэу Тхьэм зыгорэм лъэкІыныгъэ къыритыгъэмэ, ерэгъэгушхох. ИІэр цІыфхэм адигощы­нэу Тхьэм зыгорэм лъэкІыныгъэ къыритыгъэмэ, игуапэу адерэгощ. Тхьэмэтэнэу Тхьэм зыгорэм лъэкІыныгъэ къы­ритыгъэмэ, егугъоу орэтхьамат. ЦІыфхэм гукІэгъу афи­шІынэу Тхьэм зыгорэм лъэкІыныгъэ къыритыгъэмэ, гу­шІуагъокІэ гукІэгъу аферэшІ.

ШІулъэгъуныгъэр

9ШъуишІулъэгъуныгъэ шъыпкъэу орэхъу. Бзэджагъэм зыщышъудзый, дэгъугъэм ыуж шъуит. 103экъошхэм фэ­дэу шІу шъузэрэлъэгъу; шъушъхьэ зэрэшъулъытэрэм нахьи, адрэхэр нахь шъулъытэх. 11Гуетыныгъэшхо зижъу­гъэІэ зэпыт, Зиусхьаным шъуфэлэжьэным гурэ псэрэкІэ зешъут. 12Іофхэу шъузщыгугъыхэу, шъузпаплъэхэрэм шъуакІэгушІу. Гузэжъогъу шъухафэмэ, теубытэныгъэ зижъугъаІ. Тхьэм шъуелъэІу зэпыт. 13Тхьэм ицІыф лъа­пІэхэм щыкІагъэ яІэмэ, шъуадэІэпыІ. ХьакІэр жъугъэ­лъэпІэными шъупылъ.

14Къин шъозыгъэщэчхэрэм Тхьэм ынэшІу къащифэнэу шъуелъэІу. Ары, сэІо, ахэмэ шъуямыбгэу, Тхьэм ынэшІу къащифэнэу шъуелъэІу. 15ГушІохэрэм шъуа­дэгушІу, гъыхэрэми шъуадэгъ. 16ШъуигупшысакІэ зы орэ-

хъу. Зышъумыгъэпаг, цІыф цІыкІухэми ныбджэгъуныгъэ адэшъушІ. ШъузышІомышІыжь.

17Зыгорэм ибзэджагъэ бзэджагъэкІэ шъупэмыгъо­кІыжь. ЦІыф пстэуми шІоу алъытэрэр зэрэшъушІэным ыуж шъуит. 18Амал иІэмэ, шъулъэкІыщтым фэдизкІэ цІыф пстэуми шъузэрагурыІоным ыуж шъуит. 19Си­лъапІэхэр, зыгорэм бзэджагъэ къышъуихмэ, бзэджагъэ ешъумыхыжь, ау Тхьэм цІыфым ибзэджагъэ рерэгъэ­пщыныжь, сыда пІомэ Зиусхьаным къызэриІорэр игу­щыІэ тхыгъэхэм арыт:* «ЦІыфхэм ябзэджагъэ язы­гъэпщыныжьыщтыр сэры, яфэшъуашэ язгъэгъоты­жьыщт». 20Арэущтэу «Уипый мэлакІэ лІэмэ, гъашхэ, псыфалІэ лІэмэ, егъашъу; сыда пІомэ арэущтэу зы­пшІырэм, шІомыкІ плъыгъэхэр ышъхьэ теплъхьащтых».* 21Бзэджагъэр зыптемыгъакІоу, шІушІэнымкІэ бзэджагъэм текІу.

 

13

ЯПШІЫКІУЩЭНЭРЭШЪХЬ

Тетыгъо зиІэхэм шъуафэІорышІ

Хэти тетыгъо зиІэхэм афэрэІорышІ. Сыда пІомэ Тхьэм ымыдэмэ, зыми тетыгъо иІэ хъущтэп. Тетыгъо зиІэ­хэу щыІэхэр зыгъэнэфагъэр Тхьэр ары. 2Арышъ, те­тыгъо зиІэхэм апэуцурэ цІыфыр Тхьэм ыгъэнэфэгъэ цІыфхэр ары зыпэуцухэрэр. Арэущтэу зышІэхэрэм мы­сагъэ зылъагъэсыжьы. 3Сыда пІомэ шІугъэ зышІэхэрэр тетыгъо зиІэхэм ащыщынэнхэу ящыкІагъэп, бзэджагъэ зышІэхэрэр ары ахэмэ ащыщынэн фаехэр. Тетыгъо зиІэм ущымыщынэнэу уфая? ПІІугъэ шІи, ар къыпщытхъу­жьыщт. 4Сыда пІомэ тетыгъо зиІэм ишІуагъэ къыуи­гъэкІынэу Тхьэм фэлажьэ. Ау бзэджагъэ пшІэмэ, ущы­щынэн фае, сыда пІомэ тетыгъо зиІэм сэшхор хьау­лыеу ыІыгъырэп. БзэджашІэхэм яфэшъошэ къин атыри­лъхьанэу Тхьэм фэлажьэ. 5Арышъ, тетыгъо зиІэхэм уафэІорышІэн зыкІыфаер уифэшъошэ къиныр Тхьэм къы­птырилъхьанымкІэ узэрэщыщынэрэ закъор арэп, ахэмэ

12:19 Зиусхьаным къызэриІорэр игущыІэ тхыгъэхэм арыт – еплъ Пегъымбар Мусэ ятфэнэрэ тхылъэу ытхыгъэм 32:35.

12:20 Еплъ ГущыІэжъхэу пачъыхьэ Сэлмэн ытхыгъэхэм (Притчи)

25:21-22.

уафэІорышІэныр зэрэтэрэзыр угукІэ зэрэпшІэрэри ары.

6Ары хьакъулахь ахъщэр* ахэмэ зыкІяшъутырэр; сыда пІомэ тетыгъо зиІэхэр а Іофым пылъхэ зыхъукІэ, Тхьэм фэлажьэх. 7Арышъ, цІыф пстэуми яфэшъуашэ яшъу­тыжь. Хьакъулахьэу цІыфхэм атыралъхьэрэр арыми, ар яшъутыжь; хьакъулахьэу хьапщыпхэм атыралъхьэрэр ары­ми, ари яшъутыжь; гъэлъэпІэныр арыми, гъэлъэпІэн яшъухыжь, лъытэныгъэр арыми, лъытэныгъэ афэшъу­шІыжь.

Зэкъошхэм фэдэу шІу шъузэрэлъэгъу

8ШІу шъузэрэлъэгъуным ичІыфэ нэмыкІэу, зыми ичІы­фэ зытешъумыгъэлъ; сыда пІомэ зигъунэгъу шІу зы­лъэгъурэм Тэурат хабзэм итхэр ыгъэцэкІагъэх. 9Мы унашъохэу* «Зинэ умышІэ», «ЦІыф умыукІы», «Умыты­гъу», «НэмыкІ цІыфхэм пцІы атемылъхь», «Хъопсэны­гъэ мыхъун угу имыгъэлъ» зыфаІохэрэмрэ адрэ унэшъо пстэумрэ зэкІэзыубытэрэр мы унашъор ары:* «О пшъхьэ шІу зэрэплъэгъурэм фэдэу, уигъунэгъуи шІу лъэгъу». 10Зигъунэгъу шІу зылъэгъурэм иягъэ ригъэкІырэп. Арышъ, шІулъэгъуныгъэ уиІэмэ, хабзэм итхэр бгъэцэ­кІагъэхэу мэхъу.

Христос дунаем къызыкІожьыщт мафэр къэблэгъагъ

11Арышъ, арэущтэу шъузекІу. Уахътэр къызнэсыгъэр шъошІэ, шъукъызыущын фае сыхьатыр къэсыгъ. Сыда пІомэ апэу шІошъхъуныгъэ тиІэ зыхъугъэ мафэм нахьи, тымыкІодэу Тхьэм тыкъызигъэнэжьыщт мафэр джы нахь къытпэблагъэ хъугъэ. 12Чэщыр хэкІотагъ, мафэри къэ­блэгъагъ. Арышъ, шІункІыгъэм иІоф бзаджэхэр хэтэ-

13:6 хьакъулахь ахъщэр – цІыфхэр къалэ горэм зыдахьэхэкІэ е зыдэ­кІхэкІэ, псэуалъэхэу, хьапщыпхэу, лэжьыгъэхэу яІэхэм Рим (Рум) къэралыгъошхом (хьыкумэтым) ахъщэу атралъхьащтыгъэхэр ары.

13:9 Мы унашъохэу – еплъ Пегъымбар Мусэ ятІонэрэ тхылъэу ытхы­гъэм 20:13-15,17.

13:9 мы унашъор ары – еплъ Пегъымбар Мусэ ящэнэрэ тхылъэу ытхыгъэм 19:18.

жъугъэнэжьых, нэфынэм иІашэхэри къэтэжъугъаштэх. 13Мафэм инэфынэ щыпсэурэ цІыфхэм афэдэу хабзэм тетэу тыжъугъэзекІу; шъхьарытІупщэу ешхэ-ешъошхом­рэ ешъонымрэ орэмыхъу, зинэ шІэныр, мыхъомышІэ псэу­кІэр, зэщыхьаныр, шъугъоныр къэрэмыхъух. 14Ау Зиус­хьанэу Исус Христос шъуишъуашэ фэдэу орэхъу, шъуи­псэкІодышІэ шэныжъ ихъопсэныгъэ мыхъунхэми шъуафэ­мыІорышІ.

 

14

ЯПШІЫКІУПЛІЭНЭРЭШЪХЬ

Шъушы шъумыгъэмысэ

ШІошъхъуныгъэ макІэ зиІэр пыдзы шъумышІы, ишІо­шІхэмкІэ шъуемынэкъокъоу. 2Зы нэбгырэм сыд щыщи ышхынэу зэрэфитымкІэ шІошъхъуныгъэ иІ, ау шІошъхъу­ныгъэ макІэ зиІэм хатэм къыдакІэхэрэм анэмыкІ ышхы­хэрэп. 3Шхэрэм мышхэрэр зэримыпэсы хъущтэп. Мы­шхэрэми шхэрэр ыгъэмысэ хъущтэп, сыда пІомэ Тхьэм а цІыфыри ыдагъ. 4О хэта ущыщ, нэмыкІ зыгорэм фэлажьэрэр бгъэмысэнэу? Ар гъогу тэрэзым тетми, темытми, ежь и Зиусхьан иІофба? Ари тетыщт, сыда пІомэ Тхьэм тыригъэтын ылъэкІыщт.

5Зы цІыфым мафэ горэ нахь егъэлъапІэ, адрэ цІыфми мафэхэр зэфэдэхэу елъытэх. Хэти ежь ыгукІэ зэрэтеубы­тагъэм тетэу зекІон фае. 6Мафэ горэ зыгъэлъапІэрэм Зиусхьаным лъытэныгъэ фишІынэу а мафэр егъэлъапІэ. ЗымыгъэлъапІэрэми Зиусхьаным лъытэныгъэ фишІынэу арэущтэу ешІы. Сыд щыщи зышхырэми Зиусхьаным лъы­тэныгъэ фишІынэу ешхы, сыда пІомэ ышхырэм пае Тхьэм щытхъу фешІы. Мышхэрэми Зиусхьаным лъытэны­гъэ фишІынэу арэущтэу ешІы, ащи Тхьэм щытхъу фешІы. 7ЦІыф зи ежь ышъхьэ закъо пае псэурэп. Джащ фэдэу, цІыф зи ежь ышъхьэ закъо пае лІэрэп. 8Тыпсэуми, Зиусхьаным тыфэпсэу, тылІэми Зиусхьаным тыфэлІэ. Арышъ, тыпсэуми, тылІэми, Зиусхьаным тырий.

9Христоси лІи, лІагъэхэм къахэтэджыкІыжьи, псэу­жьыгъ. Зыфэпсэужьыгъэр псэухэмрэ лІагъэхэмрэ я Зиус­хьанэу хъуныр ары. 10О пшы сыда зыкІэбгъэмысэрэр? Е о пшы сыд пае зэмыпэсыра? Тэ пстэури Тхьэм ихьыкум

тІысыпІэ лъапІэ ыпашъхьэ тиуцон фае. 11Сыда пІомэ Тхьэм игущыІэ тхыгъэхэм арыт:*

«Сэ сыпсау, къеІо Зиусхьаным,

сапашъхьи цІыф пстэуми алъэгуанджэхэр щауфэ-

щтых. Сыдрэ бзэгуми сызэрэ-Тхьэр къыІощт». 12Арэущтэу тэ пстэури Тхьэм ыпашъхьэ тихьанышъ, ащ пэгъокІ гущыІэ еттын фае.

Шъо шъуилажьэкІэ шъушы псэкІод ерэмышІ

13Арышъ, тэ тызэрэгъэмысэн фаеп. Ау зыгъэлъэпаорэ мыжъо, е псэкІодшІэным фыдэзыхьыхырэ Іоф горэ шъушы игъогу тешъумылъхьанэу тешъуубытэн фае. 143иусхьанэу Исус сыгу зэрилъым пае, зы шхын горэ зэрэмыхьэрамыр сэшІэ, сицыхьи телъ. Ау зыгорэм хьэ­рамэу елъытэмэ, ежьымкІэ хьэрамэу мэхъу. 15О шхынэу пшхырэм пае пшы ыгу къебгъаомэ, шІулъэгъуныгъэм тетэу узекІожьрэп. О шхынэу пшхырэмкІэ пшэу Христос зыфэлІагъэр умыгъэкІоды. 16Шъо дэгъоу шъулъытэрэр цІыфхэм дэеу алъытэнэу орэмыхъу. 17Сыда пІомэ Тхьэм и Тетыгъошхо иІофхэр зэхьылІагъэхэр шхынымрэ ешъо­нымрэ арэп, шъыпкъагъэр, гупсэфыныгъэр, Тхьэм Ыпсэ ЛъапІэ ыдэжь къикІырэ гушІуагъор ары нахь. 18ЦІыфэу Христос арэущтэу фэлажьэрэм Тхьэм ыгу еГу, цІыфхэми ар ягуапэ.

19Арышъ, зэзэгъыныгъэ къэзыхьырэ Іофхэми, гурэ псэрэкІэ нахь лъэкІыныгъэ зэрыдгъотырэ Іофхэми ауж тижъугъэт. 20Шхыным пае Тхьэм иІоф умыгъэкІоды. Шхын пстэури хьалэл, ау шхынэу о пшхырэмкІэ зыгорэм игъогу зыгъэлъэпаорэ мыжъо теплъхьамэ, псэкІод мэхъу. 21Лы умышхынри, сэнэпс уемышъонри, о пшы игъогу зыгъэ­лъэпаорэ мыжъо тезылъхьэрэ Іоф упымылъынри, е псэкІодшІэным фыдэзыхьыхырэ Іофым упымылъынри шІу. Ащ фэдэу о пшы ымылъэкІыжьэу зышІырэ Іофым упымылъынри шІу.

22Мы Іофхэм яхьылІагъэу шІошъхъуныгъэу уиІэр Тхьэмрэ оррэ шъуазыфагу дэлъэу орэхъу. Шхынэу ышхы­рэм пае зызымыгъэмысэжьрэр сыхьатмафэ ежьагъ. 23Ау

14:11 Тхьэм игущыІэ тхыгъэхэм арыт – еплъ Пегъымбар Исайас тхы лъэу ытхыгъэм 49:18; 45:23.

шхынэу ышхырэр зэрэхьалэлымкІэ гуцафэ ышІэу шхэрэм шІошъхъуныгъэ имыІэу зэрэшхэрэм пае, Тхьэм егъэ­мысэ, сыда пІомэ шІошъхъуныгъэ тимыІэу сыд щыщэу тшІэрэр псэкІод мэхъу.

Паул Тхьэм щытхъушхо зэрэфишІырэр

24Сэ сикъэбарышІоу, Исус Христос ехьылІэгъэ къэ­барышІоу згъэІурэм тетэу, къэбарэу мыухыжьын лъэ­хъанэхэм къащегъэжьагъэу Тхьэм шъэфэу къыгъэна­гъэу, ау джы къыгъэнэфагъэм тетэу Тхьэм шъугухэр ыгъэпытэнхэ ылъэкІыщт. 25Джы Тхьэу мыкІодыжьы­щтым иунашъокІэ пегъымбархэм атхыгъэхэм а къэбарыр къагъэнэфагъ, Тхьэм фэлажьэхэрэм лъэпкъ пстэуми ТхьэмкІэ шІошъхъуныгъэ яІэ хъунышъ, ежьым едэІун­хэм пае, а къэбарыр арагъэІугъ. 26ЗэхэшІыкІыныгъэ­шхо зиІэ Тхьэ закъом Исус Христос ышІэгъэ Іофхэм пае щытхъушхор ий. Амин.

 

15

ЯПШІЫКІУТФЭНЭРЭШЪХЬ

Тэ тшъхьэ изакъо арэп, тигъунэгъуи ары тишІуагъэ зэдгъэкІын фаер

Тэ шІошъхъуныгъэшхо зиІэхэр тишІуагъэ ыуж ти­мытэу, шІошъхъуныгъэ макІэ зиІэхэм яхьылъэхэмкІэ ІэпыІэгъу тафэхъун фае. 2Тэ тщыщэу хэти игъунэгъу шІу ригъэгъотызэ ыгъэрэзэн фае, гурэ псэрэкІи нахь лъэкІыныгъэ ригъэгъотын фае. 3Сыда пІомэ ежь Христоси ежь ишІуагъэ зэригъэкІыжьыгъэп, ау Тхьэм игущыІэ тхыгъэхэм зэрарытым фэдэу,* «О си Тхьэ, къы­охъоныгъэх, ау къаГуагъэхэр сэ къыстефагъэх». 4Сыда пІомэ Тхьэм игущыІэ тхыгъэхэм арыт пстэури зыфатхы­гъэр шъыпкъагъэр тагъэшІэныр ары. Арэущтэу Тхьэм игущыІэ тхыгъэхэм теубытэныгъэрэ гушхоныгъэрэ тиІэ агъэхъузэ, Тхьэм ІэхьышІур къызэрэтлъигъэсыщтым ты­щагъэгугъы.

15:3 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 69:9 (урыс библиемкІэ 68:10).

5Теубытэныгъэрэ гушхоныгъэрэ къытэзытырэ Тхьэм зы гупшысакІэ шъуиІэу, Христос Исус игъогу шъуры­кІоу шъуерэгъэпсэу. 6Арэущтэу Тхьэу ти Зиусхьанэу Исус Христос Ятэ зыгу-зыпсэу шъужэ къыдэкІызэ щытхъу фэшъушІыщт.

7Арэущтэу шъо Христос шъузэридагъэм фэдэу, шъори зым зыр ыдэн фае, цІыфхэм Тхьэм ищытхъу ашІыным пае. 8Сыда пІомэ сэ сэІо, джуртхэм ишІуагъэ аригъэ­кІынэу Исус Христос къэкІуагъ. Ахэмэ ишІуагъэ ари­гъэкІынэу къызфэкІуагъэр тятэжъышхохэр Тхьэм къы­зэригъэгугъэгъэ Іофхэр Исус къызэригъэшъыпкъэжьхэ­рэмкІэ Тхьэм ишъыпкъагъэ аригъэлъэгъунэу ары. 9Ащ нэмыкІэуи Исус ишІуагъэ ахэмэ аригъэкІынэу къызфэ­кІуагъэр хымэ лъэпкъхэм* Тхьэм игукІэгъуныгъэ пае щытхъу фаригъэшІыныр ары, Тхьэм игущыІэ тхыгъэхэм зэрарытым фэдэу,*

«Ащ пае, о си Зиусхьан, хымэ лъэпкъхэм сахэтэу

уищытхъу сшІыщт, щытхъу орэдхэри о пцІэкІэ къэсІощтых». 10Тхьэм игущыІэ тхыгъэхэм мырэущтэуи арыт:*

«Шъо, хымэ лъэпкъхэр, Тхьэм ылъэпкъ шъуригъу­сэу шъугушІу». 11Мырэущтэуи арыт:*

«Шъо, хымэ лъэпкъ пстэуми, Зиусхьан ищытхъу

ШъушІы, шъо, лъэпкъ пстэуми, ищытхъу шъушІы». 12Пегъьшбар Исайаси мырэущтэу къыІуагъ:* «Иессе* къытехъукІыщт бын лъапІэр къэ­кІонышъ,

15:9 хымэ лъэпкъхэр – мыджуртхэр ары.

15:9 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 18:49 (урыс библиемкІэ 17:50).

15:10 Тхьэм игущыІэ тхыгъэхэм . . . арыт – еплъ Пегъымбар Мусэ ятфэнэрэ тхылъэу ытхыгъэм 32:43.

15:11 мырэущтэуи арыт – еплъ Сэбур (Псалтыр) 117:1 (урыс библием­кІэ 116:1).

15:12 пегъымбар Исайаси . . . къыІуагъ – еплъ Пегъымбар Исайас тхылъэу ытхыгъэм 11:10.

15:12 Иессе – пачъыхьэ Даутэ ятэ ары. Исус пачъыхьэ Даутэ иунэгъо лъэпкъ щыщыгъ.

хымэ лъэпкъхэмэ тхьаматэ афэхъущт. Хымэ лъэпкъхэр ащ щыгугъыхэу, пэплъэщтых». 13ЕжьымкІэ шІошъхъуныгъэ зэрэшъуиІэм пае, Тхьэу ІэхьышІур ежьым къызэрэтлъигъэсыщтым тыщызыгъэ­гугъырэм гушІогъошхорэ гупсэфыныгъэшхорэ шъугухэм къарерэлъхьах, ежьым Ыпсэ ЛъапІэ илъэкІыныгъэкІэ шъугухэм щыгугъыныгъэшхо арыз хъуным пае.

Паул гушхоныгъэ хэлъэу тхэнэу зыкІэхъурэр

14Сшыхэр, шъугухэм шІугъэшхо зэрарылъымкІи, шІэ­ныгъэшхо зэрэшъуиІэмкІи, зым зым Іофхэр ригъэшІэнхэ зэрилъэкІырэмкІи цыхьэ къышъуфэсэшІы. 15Ау щытми, мы Іофхэр шъугу къэзгъэкІыжьынхэу чІыпІэ-чІыпІэу гушхоныгъэ хэлъэу къышъуфэсэтхы. Гушхоныгъэ хэлъэу зыкІэстхырэр хымэ лъэпкъхэм адэжь Исус Христос сыфэлэжьэнэу Тхьэм ынэшІу щыфэныгъэкІэ сызэригъэ­нэфагъэр ары. 16Тхьэм ыдэжь къикІыгъэ къэбарышІур згъэІузэ, дин пэщэ Іоф сэшІэ. Тхьэм ыдэжь къикІыгъэ къэбарышІур зыфэзгъэІурэр Тхьэм Ыпсэ ЛъапІэ хымэ лъэпкъхэм агухэр зэригъэкъэбзэжьыгъэхэм пае, ахэр Тхьэм ыгу зэІурэ къурмэныпхъэм фэдэу хъунхэр ары.

17Исус Христос сыгу илъэу Іофэу Тхьэм фэсшІагъэм сыщэгушІукІы. 18,19Сэ сигущыІэхэмкІи, Іофхэу сшІагъэ­хэмкІи, нэшэнэ гъэшІэгъонышхохэмрэ Іофышхо гъэшІэ­гъонхэмрэ ялъэкІыныгъэкІи, Тхьэм Ыпсэ ЛъапІэ илъэ­кІыныгъэкІи, хымэ лъэпкъхэр Тхьэм езгъэдэІунхэу Христос Іофхэу сигъэгъэхъагъэхэм анэмыкІ сытегущыІэ­нэу сытегушхурэп. Арэущтэу Ерусалим щегъэжьагъэу Иллирик хэкум* нэсыфэ, Христос ехьылІэгъэ къэбары­шІур тыдэкІи цІыфхэм икъугъэу щязгъэІугъ. 20НэмыкІ цІыф горэм ыгъэуцугъэ лъапсэм сиІоф тесымыгъэуцоу, Христос ыцІэ зыщамышІэгъэ чІыпІэмэ къэбарышІур зэ­ращызгъэІуным ренэу ыуж ситыгъ. 21Тхьэм игущыІэ тхы­гъэхэм зэрарытым фэдэу,*

«Ежьым икъэбар зынэмысыгъэхэм ежьыр алъэ-

гъущт, икъэбар зэхэзымыхыгъэхэми зэхашІыкІыщт».

15:19 Иллирик хэкур – Адриэхым Іутэу, Рим (Рум) къэралыгъошхом щыщ хэкоу щытыгъ. А хэкур джырэ Югославиер зыдэщыІэм итыгъ.

15:21 Тхьэм игущыІэ тхыгъэхэм зэрарытым фэдэу – еплъ Пегъымбар Исайас тхылъэу ытхыгъэм 52:15.

Рим къэлэшхом кІонэу Паул ыгу зэрэхэлъыгъэр

22Джары шъуадэжь сыкъэкІонэу бэрэ ыуж ситыгъэ пэтми, къызкІыздэмыхъугъэр. 23Ау джы мы лъэныкъом сэркІэ Іоф щымыІэжьэу,* илъэсыбэ хъугъэу шъуадэжь сыкъэкІонэу сызэрэфэягъэм паий, 24Испание хэгъэгум сыкІо зыхъукІэ, шъуадэжь сыкъэкІощт. Сыда пІомэ сигъогукІэ сыкъышъухэхьанышъ, шъуслъэгъунэуи, шъуи­ныбджэгъугъэ сыгу ыгъэпсэфынышъ, сигъогукІэ Іэпы­Іэгъу шъукъысфэхъунэуи сыщэгугъы. 25Джы Тхьэм ицІыф лъапІэхэм ІэпыІэгъу зэрафэхъущт ахъщэр афэ­схьызэ, Ерусалим сыкІонэу сыгу хэлъ. 26Сыда пІомэ хэкухэу Македониерэ Ахаиерэ* ащыпсэурэ шІошъхъуны­гъэ зиІэхэм Тхьэм ицІыф лъапІэхэу Ерусалим дэсхэм ахэт тхьамыкІэхэм ІэпыІэгъу афэхъухэзэ, ахъщэ зэ­хадзэнэу ягуапэу аухэсыгъ. 27ІэпыІэгъу афэхъунхэу ягуа­пэу аухэсыгъ, адэІэпыІэнхэуи япшъэрылъ. Сыда пІомэ Тхьэм джуртхэр зэригъэгугъэгъэ ІэхьышІум щыщ хымэ лъэпкъхэми яІэ хъугъэ. Арышъ, хымэ лъэпкъхэми мы дунаем иІэхьышІоу яІэмкІэ яшІуагъэ джуртхэм арагъэ­кІын фае. 28А пшъэрылъыр згъэцакІэзэ, ахъщэу зэхадза­гъэр Ерусалим дэсхэм заІэкІэслъхьэ ужым, шъуадэжькІэ сикІынышъ, етІанэ Испанием сыкІощт. 29Шъуадэжь сы­къызыкІокІэ, Христос ынэшІу щыфэныгъэшхом сыригъу­сэу сыкъызэрэкІощтыр сэшІэ.

30Сшыхэр, мыщкІэ сышъолъэІу: Ти Зиусхьанэу Исус Христос ыцІэкІи, Тхьэм Ыпсэ ЛъапІэ ыдэжь къикІы­рэ шІулъэгъуныгъэм паий, гъусэ шъукъысфэхъуи, шъугу етыгъэу Тхьэм шъукъысфелъэІу. 31Иудей хэкум ис шІошъхъуныгъэ зимыІэхэм Тхьэм сащиухъумэнэуи, Тхьэм ицІыф лъапІэхэу Ерусалим дэсхэм ІэпыІэгъу зэрафэ­хъун ахъщэу афэсхьыщтым агу еІунэуи шъуелъэІу. 32Джа­щыгъум, Тхьэм ыІомэ, гушІуагъокІэ шъуадэжь сыкъэ­кІонышъ, сышъуигъусэу зызгъэпсэфыжьыщт. 33Гупсэфы­ныгъэ къытэзытырэ Тхьэр шъуерэгъус. Амин.

15:23 мы лъэныкъом сэркІэ Іоф щымыІэжьэу – нэмыкІрэ цІыфхэм Исус ехьылІэгъэ къэбарышІур зыщамыгъэІугъэм къэбарышІур щигъэ­Іуныр ары Паул ишъэрылъэу щытыгъэр.

15:26 хэкухэу Македониерэ Ахаиерэ – Рим (Рум) къэралыгъошхом щыщ хэкухэу щытыгъэх. А хэкухэр джырэ Грецием (Иунанистаным) итемыр лъэныкъоми икъыблэ лъэныкъоми итыгъэх.

 

16

ЯПШІЫКІУХЭНЭРЭШЪХЬ

ШІуфэс ехыныр

Тшыпхъоу Фивэ зыцІэу, Кенкрей къалэм* щыІэ чы­лыс зэІукІэм ІэпыІэгъу фэхъурэм шъуапашъхьэ сыкъы­щыщытхъунэу сыфай. 2Зиусхьаныр ащ ыгу зэрилъым пае, Тхьэм ицІыф лъапІэхэм зэрэрагъэблэгъэн фаем фэдэу ежъугъэблагъи, ищыкІагъэмкІи ІэпыІэгъу шъуфэ­хъу, сыда пІомэ цІыфыбэмэ сэри сахэтэу, ар ІэпыІэ­гъу къытфэхъугъ.

3Прискиллэрэ Акилэрэ сигъусэхэу Исус Христос фэ­лажьэхэрэм аІапэхэр сфэшъуубытыжьых. 4Ахэмэ сэ спсэ мыкІодэу къагъэнэжьыным пае, ежьхэм апсэ шъхьасы­жьыгъэхэп. Ахэмэ щытхъу афэзышІырэр сэ сизакъоп, хымэ лъэпкъхэм ячылыс зэІукІэ пстэури ары. ШІошъ­хъуныгъэ зиІэхэу яунэ щызэрэугъоихэрэм аІапэ сфэ­шъуубытыжь. 5ШІу слъэгъурэ Епенет ыІапэ сфэшъу­убытыжь. Ахаие хэкум апэрэу ХристоскІэ шІошъхъуны­гъэ зиІэ хъугъэр ары.

6Мерэмэу бэрэ къытфэлэжьагъэм ыІапэ сфэшъуубы­тыжь. 7Сиунэкъощхэу хьапсым къыздычІэсыгъэхэ Андро­никрэ Юныйрэ аІапэ сфэшъуубытыжь. Ахэр апостол* цІэрыІохэм ащыщых. Сэ сапэкІэ ахэмэ ХристоскІэ шІошъхъуныгъэ яІэ хъугъэ. 8Христос зыгу илъэу, шІу слъэгъурэ Амплый ыІапэ сфэшъуубытыжь. 9Урбанэу ти­гъусэу Христос фэлэжьагъэмрэ шІу слъэгъурэ Стахый­рэ аІапэ сфэшъуубытыжь. 10Христос зыгу илъэу, Тхьэм зишъыпкъагъэ ыгъэунэфыгъэ Апеллес ыІапэ сфэшъу­убытыжь. Аристовул иунагъо щыщхэм аІапэ сфэшъу­убытыжь. 11Сиунэкъощ Иродион ыІапэ сфэшъуубытыжь. Зиусхьаныр зыгу илъхэу, Наркисс иунагъо щыщхэм аІапэ сфэшъуубытыжь. 12Зиусхьаным бэу фэлажьэрэ бзылъ­фыгъэхэу Трифенэрэ Трифосэрэ аІапэ сфэшъуубытыжь. ЕтІани Зиусхьаным бэу фэлэжьэгъэ бзылъфыгъэу Пер­сидэу шІу тлъэгъурэм ыІапэ сфэшъуубытыжь. 13Руфэу

16:1 Кенкрей къалэр – Коринт къалэм епхыгъэу, къухьэуцупІэ иІэу хыІушъом Іутыгъ.

16:7 апостолхэр – еплъ 1:1. Е нэбгырэ пшІыкІутІоу Исус игъогу рыкІонхэу къыхихыгъэхэр, е нэмыкІрэ тхьаматэхэу чылыс зэІукІэхэм агъэнафэхи, къэбарышІур агъэІунэу къагъэкІуагъэхэр.

Зиусхьаным къыхихыгъэмрэ ащ янэу сянэ фэдэу щы­тымрэ аІапэ сфэшъуубытыжь. 14Асинкрит, Флегон, Ерм, Патров, Ермый, ахэмэ ягъусэхэу адрэ шыхэм аІапэ сфэ­шъуубытыжь. 15Филолог, бзылъфыгъэ Юлие, Нирей, ащ ышыпхъу, Олимпан ахэмэ ягъусэхэу Тхьэм ицІыф лъэпІэ пстэум аІапэ сфэшъуубытыжь. 16ГукъэбзагъэкІэ ІаплІ зэшъущэкІэу, шІуфэс зэшъухыжь. Христос ичылыс зэІу­кІэ пстэуми шІуфэс къышъуахыжьы.

17Сшыхэр, тишІошъхъуныгъэ тигъашІэрэ Іофхэм къа­пэуцухэзэ, шъузэгурызымыгъаІохэу, цІыфхэу адрэ цІыф­хэр гъогу занкІэм тезыгъэкІхэрэм защышъуухъумэнэу сышъолъэІу. Ахэмэ защышъудзый. 18Сыда пІомэ ащ фэдэ цІыфхэр ти Зиусхьанэу Исус Христос фэлажьэхэу щытхэп, ахэр зыфэлажьэхэрэр аныбэхэр ары. ГъэшІуа­бзэмкІи гущыІэ дахэхэмкІи цІыф къызэрыкІохэр дахьы­хых. 19КъэбарышІум шъузэредэІурэм икъэбар цІыф пстэ­уми зэхахыгъ. Сэ сыкъышъущэгушІукІы, ау шІугъэр зыфэдэр зэхэшъушІыкІынэуи, бзэджагъэ зи шъушъхьэ къимыхьанэуи сыфай. 20Гупсэфыныгъэр къытэзытырэ Тхьэм бэмышІэу шэйтаныр шъулъэкъо чІэгъ чІышъуи­гъэщытІыхьащт. Ти Зиусхьанэу Исус ынэшІу къышъу­щерэф. Амин.

21Къыздэлажьэрэ Тимофей, сиунэкъощхэу Луцый, Иасон, Сосипатрэ шІуфэс къышъуахыжьы. 22Тертиеу Паул мы тхылъыр зэригъэтхырэр сэры. Зиусхьаныр сыгу илъэу шІуфэс къышъосэхыжьы. 23Гаеу, сэ Паул сибысымыми, чылыс зэІукІэм зэкІэми ибысымыми, шІуфэс къышъуе­хыжьы. Къалэм иахъщэ зыІэ илъ Ерастрэ тшы Квартрэ шІуфэс къышъуахыжьы. 24Ти Зиусхьанэу Исус Христос ынэшІу шъо пстэуми къышъущерэф. Амин.

14 1. Corinthians / 1 Коринф

01

АПОСТОЛ ПАУЛ ШЮШЪХЪУНЫГЪЭ

ЗИІЭХЭУ КОРИНФ КЪАЛЭМ ДЭСХЭМ

АПЭРЭ ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехынымрэ Тхьэм ищытхъу шІыгъэнымрэ

Сэ сы Паул. Тхьэр фэягъэти, Исус Христос иапостол* сыхъунэу къысэджагъ. Тэ тшы Сосфен* сигъусэу мы тхы­лъыр сэтхы.

2Зыфэстхыхэрэр шъо цІыфхэу Коринф къалэм ичылыс зэІукІэ щыщхэр ары. Тхьэм Христос Исус шъугухэм арылъынэу шъуигъэнэфагъ, тыдэкІи ти Зиусхьанэу Исус Христос елъэІурэ цІыф пстэуми шъурягъусэу, ежьым ицІыф лъапІэхэм ащыщ шъухъунэу къышъоджагъ. Христос ахэми тэри ти Зиусхьан.

3Тхьэу Тятэ лъапІэрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

4Христос шъугухэм зэрарылъымкІэ Тхьэм ынэшІу къызэрэшъущифагъэм пае, Тхьэм ищытхъу сэшІы зэпыт. 5Сыда пІомэ Христос шъугухэм зэрарылъымкІэ лъэны-

1:1 апостол – нэмыкІ цІыф горэм ыцІэкІэ гущыІэнэуи Іоф ышІэнэуи фитыныгъэ зиІэр ары.

1:1 Сосфен – Лука итхылъэу Апостол. 18:17 зигугъу ышІыгъэ лІыр арыщтын.

къо пстэумкІи Тхьэм ынэшІу къышъущифагъ. Лъэны­къо пстэумкІи зэхэшъушІыкІынэуи, шъукъэгущыІэнэуи лъэкІыныгъэ къышъуитыгъ, 6сыда пІомэ тэ шыхьатны­гъэу Христос фэтшІыгъэм шъугухэм лъапсэ афишІыгъ. 7Арэущтэу зэрэщытым пае, ти Зиусхьанэу Исус Хри­стос къызылъэгъожьыщт мафэм шъупаплъэзэ, тынхэу Тхьэм ибынхэм аритхэрэм ащыщэу шъуимыІэу зи щыІэп. 8Ти Зиусхьанэу Исус Христос къызылъэгъожьыщт мафэм ыдэжь зыми шъузэригъэмысэн зи щымыІэу, кІэухым нэсы гъогу занкІэм пытэу шъутыригъэтыщт. 9Тхьэр шъыпкъэ. Ежьыр ары Ыкъоу Исус Христосэу ти Зиусхьан гъусэу шъуфыщытынэу къышъоджагъэр.

Чылыс зэІукІэм щыщхэр зэрэзэгурымыІуагъэхэр

10Сшыхэр, шъо пстэури шъузэгурыІонэуи, куп-купэу шъузэрэмыгъэхъоу зыгу зыпсэу шъущытынэуи ти Зиус­хьанэу Исус Христос ыцІэкІэ сышъолъэІу. 11Сшыхэр, шъузэрэзэгурымыІорэр бзылъфыгъэу Хлой иунагъо щыщ­хэм сагъэшІагъэ. 12Сэ зыфасІорэр мыры: Шъуащыщэу зыгорэм еІо: «Сэ Паул икуп сыщыщ», нэмыкІ горэми еІо: «Сэ Аполлос* икуп сыщыщ», етІанэ нэмыкІ горэми еІо: «Сэ Кифэ* икуп сыщыщ», етІанэ нэмыкІ горэми еІо: «Сэ Христос икуп сыщыщ».

13Христос гощыгъэу хъугъа? Паул ара шъощ пае къа­щым тыраГулІагъэр? Хьаури, сэ, Паул, сцІэкІэ шъуаумэ­хъыгъа? 14Криспрэ* Гайрэ* анэмыкІэу шъуащыщэу зи зэрэсымыумэхъыгъэмкІэ Тхьэм щытхъу фэсэшІы. І5Арэу­щтэу сэ сцІэкІэ шъуаумэхъыгъэу зыми къыІон ылъэ­кІыщтэп. 16Шъыпкъэ, Стефан* иунагъо щыщхэри сыумэ­хъыгъэх. Ащ нэмыкІэу, зыгорэ сыумэхъыгъэмэ сшІэрэп.

1:12 Аполлос – христиан тхьаматэу къэбарышІур Коринф къалэм щызыгъэІугъэр ары. Еплъ Апостол. 18:24-19:1.

1:12 Кифэ- КифэкІэ заджэхэрэ Петрэу Исус игъогу рыкІорэ нэбгырэ пшІыкІутІум ащыщыгъэр ары.

1:14 Крисп – христиан хъугъэ джуртэу Коринф къалэм дэсыгъэр ары. Еплъ Апостол. 18:8.

1:14 Гай – Паул Коринф къалэм зыщэІэм, ибысымэу щытыгъэр арын фае. Еплъ Рим. 16:23.

1:16 Стефан – еплъ 1 Кор. 16:15-16.

17Сыда пІомэ Христос сыкъызфигъэкГуагъэр цІыфхэр сы­умэхъынхэу арэп, къэбарышІур язгъэІунэу ары нахь – ау цІыфхэм зэхэшІыкІыныгъэу зыфаІорэр зыхэлъ гущыІэхэм­кІэ арэп. Арэущтэу щымытмэ, Христос къащым зэрэ­кІэрылІыхьагъэм икъэбар лъэкІыныгъэу хэлъыр кІоды­жьыщтыгъ.

Христос ары Тхьэм изэхэшІыкІыныгъэшхори илъэкІыныгъэшхори

18Сыда пІомэ кІодыпІэм игъогу тетхэмкІэ къащым икъэбар делагъэу щыт, ау тэ мыкІодхэу Тхьэм къыгъэ­нэжьхэрэмкІэ Тхьэм илъэкІыныгъэшхо къащым хэлъ. 19Сыда пІомэ Тхьэм къызэриІорэр игущыІэ тхыгъэхэм арыт:*

«ЗэхэшІыкІыныгъэ зиІэхэм язэхэшІыкІыныгъэу

зыфаІорэр згъэкІодыщт, Іушыныгъэ зиІэхэми яІушыныгъэу зыфаІорэр сымыдэу, лъэныкъокІэ езгъэзыщт».

20Арэущтэу зэрэщытым пае, цІыфэу зэхэшІыкІыныгъэ зиІэр тыдэ къэнагъа? Тэурат егъэджэкІо пащэр тыдэ къэ­нагъа? Мы лъэхъанэм щыщ цІыфэу гущыІэхэмкІэ нэкъо­къоным фэІазэр тыдэ къэнагъа? Тхьэм мы дунаем изэ­хэшІыкІыныгъэ делагъэу къыгъэлъэгъуагъэба? 21Сыда пІомэ Тхьэм изэхэшІыкІыныгъэшхокІэ зэриухыгъэм те­тэу, мы дунаем ицІыфхэм язэхэшІыкІыныгъэу зыфаІорэм­кІэ Тхьэр зыфэдэр ашІагъэп, ау тэ дгъэІурэ къэбары­шІоу ахэмэ делагъэу къашІошІырэмкІэ ХристоскІэ шІошъ­хъуныгъэ зиІэхэр мыкІодхэу къыгъэнэжьынхэу Тхьэм игъоу ылъытагъ. 22Джуртхэр нэшэнэ гъэшІэгъонышхохэм афаех, урымхэри зэхэшІыкІыныгъэм лъэхъух. 23Ау тэ Христо­сэу къащым тыраІулІагъэм икъэбар тэгъэІу: джуртхэм­кІэ ар агу зэмыІун Іоф мэхъу, нэмыкІрэ лъэпкъхэмкІи делагъэу мэхъу. 24Ау тэ, Тхьэм ибынхэм ащыщ хъун­хэу къызэджагъэхэмкІэ, джуртми урымми, Христос ары Тхьэм илъэкІыныгъэшхори изэхэшІыкІыныгъэшхори. 25Сыда пІомэ Тхьэм иделагъэу зыфаІорэм цІыфхэм язэхэшІыкІыныгъэу зыфаІорэм нахьи нахь зэхэшІыкІы­ныгъэшхо иІ, Тхьэм икІочІэнчъагъэу зыфаІорэри цІыф­хэм ялъэкІыныгъэ нахьи нахь лъэш.

1:19 Тхьэм игущыІэ тхыгъэхэм арыт – еплъ Пегъымбар Исайас тхы­лъэу ытхыгъэм 29:14.

26Сшыхэу Тхьэм ибынхэм ащыщ хъунхэу къы­зэджагъэхэр шъузэплъыжь. Мы дунаем ицІыфхэм зэхэ­шІыкІыныгъэ зиІэхэу алъытэхэрэри, тетыгъо зиІэхэри, унэгъо байхэм ащыщхэри бэу хъухэу къышъухэтхэп. 27Ау зэхэшІыкІыныгъэ зиІэ цІыфхэр ыгъэукІытэжьынхэм пае, мы дунаем ицІыфхэм делэхэу зыфаІорэ цІыфхэр Тхьэм къыхихыгъэх. ЛъэкІыныгъэ зиІэхэри ыгъэукІытэжьынхэм пае, мы дунаем лъэкІыныгъэ щызимыІэхэри Тхьэм къы­хихыгъэх. 28Мы дунаем ицІыфхэм тхьамыкІэхэу зыфа­Іорэ цІыфхэри, зэрамыпэсырэ цІыфхэри Тхьэм къыхи­хыгъэх. Арэущтэу пкІэ зимыІэхэу зыфаІорэ цІыфхэр ары Тхьэм къыхихыгъэхэр, пкІэ зиІэхэу зыфаІорэ цІыф­хэр ыгъэцІыкІунхэм пае. 29Тхьэм арэущтэу зыфишІагъэр ежьым ыпашъхьэ цІыф зи зыщыщымытхъужьыныр ары. 30Христос Исус шъугухэм арылъэу зыгъэхъугъэр Тхьэр ары. Христос Исус тэркІэ Тхьэм ыдэжь къикІыгъэ зэхэ­шІыкІыныгъэшхоу хъугъэ. Ежьыри ары Тхьэм ежьым ыдэжькІэ шъыпкъагъэ тиІэу тэзыгъэлъытэрэр, тыгу­хэр зыгъэкъэбзэжьырэри, тшъхьэхэр зыщэфыжьыгъэри. 31Арышъ, Тхьэм игущыІэ тхыгъэхэм зэрарытым фэдэу,* «Зыгорэ зыгорэм щытхъумэ, Зиусхьаным щэрэтхъу».

 

02

ЯТЮНЭРЭШЪХЬ

Христос къащым зэрэкІэрылІыхьагъэм икъэбар

Тхьэм ехьылІэгъэ шыхьатныгъэр шъозгъэІунэу шъуа­дэжь сыкъызэкІом, сшыхэр, гущыІэ дахэхэр къасІохэу, зэхэшІыкІыныгъэшхокІи сыжъудэгущыІэу арэп а къэба­рыр зэрэшъозгъэІугъэр. 2Шъуадэжь сызыщэІэм, Исус Христос икъэбар нэмыкІэу зи сымышІэнэу тесыубытагъ, зэкІэмэ апэу ежьыр къащым зэрэтыраІулІагъэр. 3КІуачІэ симыІэу, сыщынэу, сыгуи лъэшэу кІэзэзэу шъуадэжь сыщыІагъ. 4КъэсІуагъэхэмрэ къэбарэу згъэІугъэмрэ цІы­фым изэхэшІыкІыныгъэ зыхэлъхэу, пшІошъ зыгъэхъун гущыІэхэр ахэлъыгъэхэп, ау сигущыІэхэр къыгъэшъып-

1:31 Тхьэм игущыІэ тхыгъэхэм зэрарытым фэдэу – еплъ Пегъымбар Иеремие тхылъэу ытхыгъэм 9:24.

къэжьхэзэ, Тхьэм Ыпсэ ЛъапІэ илъэкІыныгъэ ахэмэ ягъусагъ. 5Арэущтэу зыфэхъугъэр шъуишІошъхъуныгъэ цІыфым изэхэшІыкІыныгъэ темытэу, Тхьэм илъэкІыны­гъэ тетыныр ары.

Тхьэм изэхэшІыкІыныгъэшху

6Ау щытми, цІыфхэу Тхьэм иІофхэмкІэ зизэхэшІыкІ икъугъэхэм зэхэшІыкІыныгъэ зыхэлъ къэбар ятэгъэІу, ау мы лъэхъанэми, мы лъэхъанэм тетыгъо зиІэхэу* кІодыжьыщтхэми язэхэшІыкІыныгъэ арэп. 7Ау зэхэ­шІыкІыныгъэу зикъэбар дгъэІурэр Тхьэм изэхэшІыкІы­ныгъэшхоу шъэфэу щытыр ары. Тхьэм а зэхэшІыкІыны­гъэшхор цІыфхэм аримыгъэшІагъэу щытыгъ, ау лъэхъа­нэхэм апэ Тхьэм зэригъэнэфагъэм тетэу, а зэхэшІыкІы­ныгъэшхом игъогукІэ тэ щытхъушхо тиІэ хъущт. 8Мы лъэхъанэм тетыгъо зиІэхэм ащыщэу зыми а зэхэшІы­кІыныгъэшхор къышІагъэп. Ахэмэ ашІагъэмэ, щытхъу­шхо зиІэ Зиусхьаныр* къащым тыраІулІэщтыгъэп. 9Ау Тхьэм игущыІэ тхыгъэхэм зэрарытым фэдэу,*

«Іофхэу нэм ымылъэгъугъэхэри,

зы тхьакІумэм зэхимыхыгъэхэри,

цІыфым ыгу къэмыкІыгъэхэри,

а Іофхэр ары Тхьэм цІыфхэу ежьыр шІу зылъэгъухэрэм афигъэхьазырыгъэхэр». 10А Іофхэр Тхьэм ежьым Ыпсэ ЛъапІэкІэ тэ къытфи­гъэнэфагъэх; сыда пІомэ Тхьэм Ыпсэ ЛъапІэ Іоф пстэу­ри егъэунэфы, Тхьэм иІофхэм якуупІэхэми анэсы. 11Сыда пІомэ цІыфым ыгу илъыр ежь ышъхьэ нэмыкІэу цІыф­хэм ащыщэу хэт ышІэна? Ащ фэдэ къабзэу Тхьэм ыгу илъыр Тхьэм Ыпсэ ЛъапІэ нэмыкІэу зыми ышІэрэп. 12Ау Тхьэм тэ тыгухэм къарилъхьэгъэ псэр мы дунаем ыпсэ арэп, ежь Ыпсэ ЛъапІ ары, Тхьэм тынхэу къытитыгъэ­хэр къэтшІэнхэм пае. 13Арэущтэу цІыфхэу Тхьэм Ыпсэ

2:6 мы лъэхъанэм тетыгъо зиІэхэр – джынэ кІочІэ бзаджэхэу ежьхэм ядэІурэ цІыфхэмкІэ дунаем тетыгъо фызиІэхэр ары. Еплъ Ефес. 6:12; Кол. 1:16.

2:8 щытхъушхо зиІэ Зиусхьаныр – Христосэу Тхьэм ишэни илъэ­кІыныгъэшхуи къэзыгъэлъагъорэр ары.

2:9 Тхьэм игущыІэ тхыгъэхэм зэрарытым фэдэу – еплъ Пегъымбар Исайас тхылъэу ытхыгъэм 64:4.

ЛъапІэ зыгу илъхэм Тхьэм Ыпсэ ЛъапІэ иІофхэр зэхя­дгъэшІыкІхэу, Тхьэм тынхэу къытитыгъэхэм татегущыІэ, ау тызэрыгущыІэхэрэр цІыфым изэхэшІыкІыныгъэ тигъэ­шІэгъэ гущыІэхэр арэп, Тхьэм Ыпсэ ЛъапІэ тигъэшІэгъэ гущыІэхэр ары нахь. 14Тхьэм Ыпсэ ЛъапІэ зыгу имылъ цІыфым Іофхэу Тхьэм Ыпсэ ЛъапІэ ыдэжь къикІыхэрэр ыдэхэрэп. Ахэр ежьымкІэ делагъэу щытых, ахэр зэхишІы­кІынхэуи ылъэкІыщтэп, сыда пІомэ Тхьэм Ыпсэ ЛъапІэ закъу ары цІыфхэм ахэр зэхязыгъэшІыкІышъущтыр. 15Ау цІыфэу Тхьэм Ыпсэ ЛъапІэ зыгу илъым Іоф пстэури зэ­хешІыкІы, ау зыми а цІыфыр зэхишІыкІын ылъэкІыщтэп.

16«Зиусхьаным ыгу илъыр хэта зышІагъэр зыгорэ ащ ригъэшІэнэу?»*

Ау Христос ыгу илъыр тэ тыгухэми арылъ.

 

03

ЯЩЭНЭРЭШЪХЬ

Тызэгъусэу Тхьэм тыфэлажьэ

Сшыхэр, Тхьэм Ыпсэ ЛъапІэ зыгу илъ цІыфхэм сызэра­дэгущыІэрэм фэдэу, сыкъыжъудэгущыІэн слъэкІыщты­гъэп, ау мы дунаем ицІыфхэм сызэрадэгущыІэрэм фэ­дэу сыкъыжъудэгущыІэщтыгъ. Сыда пІомэ Христос иІоф­хэмкІэ сабый цІыкІухэм шъуафэдэу шъущытыгъ. 2Сэ шхын шъозгъэшхыщтыгъэп, щэ шъуезгъашъощтыгъэ нахь. Шхын шъушхын шъулъэкІыщтыгъэп, джыри шъу­лъэкІырэп. 3Сыда пІомэ джыри мы дунаем ицІыфхэм шъуафэд. Шъугъонымрэ зэщыхьанымрэ шъуазыфагу илъ­хэшъ, мы дунаем ицІыфхэм шъуафэдэба? Адрэ цІыфхэр зэрэзекІорэ хабзэм фэдэу, шъори шъузекІорэба? 4Сыда пІомэ шъуащыщэу горэм «Сэ Паул икуп сыщыщ», нэмыкІ горэми «Сэ Аполлос икуп сыщыщ», зиІокІэ, мы дунаем ицІыфхэм шъуафэдэба?

5Паул хэт щыща? Аполлос хэт щыща? ШІошъхъуныгъэ шъуиІэ зыгъэхъугъэхэу, Тхьэм фэлажьэрэ цІыфхэу ты­щытыгъ ныІэп, Зиусхьаным тэ тщыщэу хэти Іофэу

2:16 Еплъ Пегъымбар Исайас тхылъэу ытхыгъэм 40:13.

ыпшъэ къызэрэрилъхьагъэм фэдэу. 6Сэ кІэхэр хэслъ­хьагъэх, Аполлос псыр кІигъэхъуагъ, ау Тхьэр ары къэ­зыгъэкІыгъэр. 7Арэущтэу кІэхэр хэзылъхьэрэми, псыр кІэзыгъахъорэми пкІэ яІэп, къэзыгъэкІырэ Тхьэ закъор ары нахь. 8КІэхэр хэзылъхьэрэри псыр кІэзыгъахъорэ­ри зэфэдэх. Хэти иІоф фэшъуашэу иІэхьышІу ыгъоты­жьыщт. 9Сыда пІомэ тызэгъусэу Тхьэм тыфэлажьэ. Шъо Тхьэм ихьасэ шъуфэд, Тхьэм ышІырэ унэм шъуфэд.

10Тхьэм ынэшІу къызэрэсщифагъэм тетэу, зэхэшІыкІы­ныгъэ зиІэу унэ зышІырэм фэдэу а унэм лъапсэ фэзгъэу­цугъ. НэмыкІ зыгорэми а лъапсэм тырешІыхьэ. Ау хэтми а лъапсэм зэрэтыришІыхьэрэ шІыкІэм дэгъоу ерэплъ. 11Сыда пІомэ Тхьэм ыгъэуцугъэ лъапсэр Исус Христос ары. Ащ нэмыкІ лъапсэ зыми ыгъэуцун ылъэкІыщтэп. 12Зыгорэм дышъэр, тыжьыныр, мыжъо лъапІэхэр, пхъэр, уцыр, е уарзэр а лъапсэм тыришІыхьэмэ, 13хэти иІоф зыфэдэр нафэ хъущт, сыда пІомэ Зиусхьаныр къэзылъэ­гъожьыщт мафэм ар къыгъэнэфэщт. А мафэр машІо игъусэу къэкІощт, машІоми хэти иІоф зыфэдэр къыгъэу­нэфыщт. 14Зыгорэм а лъапсэм тыришІыхьагъэр къанэмэ, ащ ифэшъошэ ІэхьышІу ыгъотыжьыщт. 15Ау зыгорэм лъа­псэм тыришІыхьагъэр машІокІэ стымэ, ащ иІэхьышІу шІо­кІодыщт. Ежьыр мыкІодэу къэнэжьыщт, ау машІом къы­хэкІыжьырэ цІыфыр къызэрэнэжьырэм фэдэу, ерагъэу къэнэжьыщт.

16Тхьэм иунэшхо шъузэрэфэдэри, Тхьэм Ыпсэ ЛъапІэ шъугухэм зэрарылъыри шъошІэба? 17Зыгорэм Тхьэм иунэшхо зэхикъутэмэ, Тхьэм а цІыфыр ыгъэкІоды­жьыщт, сыда пІомэ Тхьэм иунэшхо лъапІэ. А унэшхоми шъуфэд.

183ыми зерэмыгъэпцІэжь. Шъуащыщэу зыгорэм мы лъэхъанэм зэхэшІыкІыныгъэ иІэу зелъытэмэ, зэхэшІы­кІыныгъэ имыІэу орэхъу, шъыпкъэмкІэ зэхэшІыкІыны­гъэ иІэным пае. 19Сыда пІомэ мы дунаем ицІыфхэм зэхэшІыкІыныгъэ зыфаІорэр Тхьэм ыдэжькІэ делагъэ, Тхьэм игущыІэ тхыгъэхэм зэрарытым фэдэу,* «Зэхэ­шІыкІыныгъэ зиІэхэм зэхэшІыкІыныгъэу зыфаІорэмкІэ Тхьэм ыубытыщтых». 20Мырэущтэуи Тхьэм игущыІэ тхы-

3:19 Тхьэм игущыІэ тхыгъэхэм зэрарытым фэдэу – еплъ Аюбэ икъэбар зэрыт тхылъым (Иов) 5:13.

гъэхэм арыт:* «ЗэхэшІыкІыныгъэ зиІэхэм ягухэлъхэм пкІэ зэрямыІэр Зиусхьаным ешІэ». 21Арышъ, хэт щыщ цІыфи зы цІыф горэм щэрэмытхъу, сыда пІомэ зэкІэ шъошъуий, 22Паул, Аполлос, Кифэ*, дунаер, щыІэныгъэр, лІэныгъэр, джы щыІэри щыІэщтри шъошъуиех. 23Ау шъо Христос шъурий, Христоси Тхьэм ий.

 

04

ЯПЛІЭНЭРЭШЪХЬ

Христос иапостолхэр

Арэущтэу Христос фэлажьэрэ цІыфхэуи, Тхьэм ишъэф­хэр зыІэ къырилъхьэгъэ цІыфхэуи талъытэн фае. 2ЦІыфэу Іоф горэ зыІэ иплъхьэрэр узщыгугъышъун цІыфэу щытын фае. 3Шъори, нэмыкІ цІыфхэри шъукъы­зэрэсэплъырэм сэркІэ зи хэлъэп. Сэри хьыкум зытес­шІыхьэжьрэп. 4Сэ сыгукІэ мыхъун горэ зыдэсшІэжьрэп, ау ащкІэ зи симылажьэу сыхъугъэп. СиІоф хьыкум тезы­шІыхьэрэр Зиусхьаныр ары. 5Арышъ, игъо къэмысы рапшІэу, Зиусхьаныри къэмыкІоу, Іоф горэм хьыкум тешъумышІыхь. Зиусхьаным Іофхэу шІункІыгъэм хэгъэ­былъхьагъэхэр къыгъэнэфэщтых, цІыфхэм агухэм ары­лъхэри нафэ къышІыщтых. Ащыгъум Тхьэм хэти щы­тхъоу фэшъуашэр къыритыжьыщт.

6Сшыхэр, шъуишІуагъэ къэкІоным пае, сІуагъэхэр сэ сшъхьэрэ Аполлосрэ* сакъыттегущыІэу сІуагъэх, Тхьэм игущыІэ тхыгъэхэм шъуатемыкІынэу шъодгъэшІэным пае. Ащыгъум зы цІыфым нэмыплъ рихэу, нэмыкІ цІы­фым рыпагэу шъуащыщэу зи къэнэжьыщтэп. 7Адрэ цІыф­хэм анахьи унахь инэу хэт узылъытэрэр? Тхьэм къыуи­мытыгъэу сыда уиІэр? УиІэр къыозытыгъэр Тхьэр арышъ, сыд пае узщытхъужьра, Тхьэм ар къыуимыты­гъэм фэдэу?

8ЗыжъугъэшхэкІыгъаха? Бай шъухъугъаха? Тэ ты­шъуимыгъусэу пачъыхьэ шъухъугъа? ШъыпкъэмкІэ па-

3:20 Тхьэм игущыІэ тхыгъэхэм арыт – еплъ Сэбур (Псалтыр) 94:11 (урыс библиемкІэ 93:11).

3:22 Кифэ – еплъ 1:12.

4:6 Аполлос – еплъ 1:12.

чъыхьэ шъухъугъагъоит, ащыгъум тэри тышъуигъусэу пачъыхьэ тыхъущтыгъ. 9Тэ апостолхэм* тиІоф сызэре­плъырэр мыры: укІ зытыралъхьэгъэ цІыфхэм тафэдэу аужьырэ дэдэ чІыпІэм тэ, апостолхэр, Тхьэм тыщигъэуцу­гъэм фэд. Дунае пстэури, мэлэІичхэри, цІыфхэри, Іэягъэ­кІэ къытэплъынхэу зэкІэмэ апашъхьэ тырагъэуцуагъэм фэд. 10Христос игъогу тызэрэрыкІорэм пае, зэхэшІыкІы­ныгъэ зимыІэ цІыфхэм тафэдэу тыщыт, ау шъо Христос зыгу илъ цІыф Іушхэу зышъолъытэжьы. Тэ лъэкІыны­гъэ тимыІэу тыщыт, ау шъо лъэкІыныгъэ шъуиІ. ЦІыф­хэм лъытэныгъи къышъуфашІы, ау тэ нэмыплъ къы­тахы. 11Мы сыхьат дэдэм нэсыфэ, мэлакІи псыфалІи тэлІэ. Зыщытлъэн тиІэп, цІыфхэми лые къытахы, уни тиІэп. 12Тэ тІэхэмкІэ тылажьэзэ, тэулэу. ЦІыфхэр къы­зытэхъонхэкІэ, «Тхьэм ынэшІу къышъущерэф», ятэІожьы. ЦІыфхэм къин зытагъэщэчкІэ, тэщыІэ. 13ЦІыфхэр Іэя­гъэкІэ къызыттегущыІэхэкІэ, дахэкІэ ахэмэ тапэгъокІы­жьы. Дунаем ихэкІэу, чІыгум ишІоим фэдэу тыкъэнэжьыгъ.

14ШъузгъэукІытэжьынэу арэп мыр зыфэстхырэр, ау шъо сибын лъапІэхэм шъуафэдэу къыжъугурызгъэІонэу ары. 15Христос игъогу ехьылІагъэу шъуагъэшІэнэу цІыф мин шъуиІэми, ты бэу шъуиІэп. Сыда пІомэ къэба­рышІур къызышъосэгъэІум, ты фэдэу сыкъышъу­фэхъугъ, Христос Исус шъугухэм арылъ зэрэхъугъэм пае. 16Арышъ, сышъолъэІу, сэ силъэужхэм шъуарыкІу. 17Ащ пае Зиусхьаныр зыгу илъэу, узщыгугъышъунэу щыт Тимофееу* сикІэлэ лъапІэм фэдэу щытыр къышъу­фэсэгъакІо. Чылыс зэІукІэ пстэуми зэрязгъашІэрэм тетэу, Христос игъогу сытетэу сызэрэзекІорэ шІыкІэр Тимофей шъугу къыгъэкІыжьыщт.

18Шъуадэжь сыкъэмыкІонэу гугъэхэу, шъуащыщэу зау­лэмэ зашІошІыжьы. 19Ау Зиусхьаным ыІомэ, бэ темышІэу шъуадэжь сыкъэкІощт. Ащыгъум а зызышІошІыжьхэрэм ягущыІэхэм ямызакъоу ялъэкІыныгъи згъэунэфыщт, 20сыда пІомэ Тхьэм и Тетыгъошхо иІоф зыдэщыІэр гу­щыІэныр арэп, Тхьэм илъэкІыныгъэ ары нахь. 21Сыда шъузыфаер? Бэщ сІыгъэу шъуадэжь сыкъэкІонэу ара, хьауми шІулъэгъуныгъэрэ гушъэбагъэрэкІэ сыкъэкІонэу ара?

4:9 апостолхэр – еплъ 1:1.

4:17 Тимофей – Паул дэлажьэу, игъогогъухэм ащыщыгъ. Еплъ Апостол. 19:22; Фил. 2:19-22.

 

05

ЯТФЭНЭРЭШЪХЬ

Паул зинэ зышІэгъэ лІыр зэригъэмысагъэр

Зинэ шІэн зэрэшъухэлъыр цІыфхэм къаІотэжьы: Зы­горэм ятэ ишъуз егъэшъузыжьы. Ащ фэдэ зинэ шІэн ха­бзэ хымэ лъэпкъхэми ахэлъэп. 2Ау щытми, шъузышІо­шІыжьы! Арэущтэу шъузышІошІыжьыным ычІыпІэкІэ шъугу къеоу, ар зышІэгъэ лІыр зыхэжъугъэкІын фэягъ. 3Сэ сшъхьэрэ спкъырэкІэ шъуадэжь сыщымыІэ пэтми, сыгурэ спсэрэкІэ шъуадэжь сыщыІ, шъуадэжьи шъы­пкъэу сыщыІэм фэдэу, ар зышІагъэр згъэмысэгъахэ. 4Ти Зиусхьанэу Исус ыцІэкІэ шъузэІукІэу, сэри сыгурэ спсэрэкІэ шъуадэжь сыщыІэ зыхъукІэ, ти Зиусхьанэу Исус Христос илъэкІыныгъэкІэ 5а лІыр шэйтаным фэ­жъугъаз, ыпкъ кІодэу, Зиусхьаныр къызыкІожьыщт ма­фэм ыдэжь ыпсэ мыкІодэу къэнэжьыным пае.

6Шъузэрэзыщытхъужьырэр дэгъоп. Тэджэпс тІэкІум тхьацур зэкІэ зэригъэшІоІурэр шъошІэба? 7Арышъ, псэ­кІодым итэджэпсыжъ* зыхэшъух, тхьацукІэ къабзэм фэ­дэу шъухъуным пае – джыри тхьацу мышІоІу къабзэу шъузэрэщытым фэдэу. Сыда пІомэ Христос къурмэны­пхъэ къытфэхъугъ. Ар шъынэу Пасхъэ мэфэкІ мэфэ­шхохэм* адэжь Тхьэм къурмэныпхъэу фашІыщтыгъэм фэд. 8Арышъ, мэфэкІ мэфэшхор тэжъугъэгъэлъапІэ, ау бзэджагъэмрэ дэигъэмрэ ятэджэпсыжъэу орэмыхъу, ау гукъэбзагъэмрэ шъыпкъагъэмрэ яхьалыгъу мышІоІу къа­бзэкІэ мэфэкІ мэфэшхор тэжъугъэгъэлъапІэ.

9Зинэ зышІэхэрэм гъусэ шъуафэмыхъунэу къышъу­фэстхыгъ. 10Сэ къезгъэубытыгъэр мы дунаем ицІыфхэм ащыщхэу зинэ зышІэхэрэри, нэйпсыехэри, хъункІакІо­хэри, тхьэ нэпцІхэр зыгъэлъапІэхэрэри арэп. Арэущтэу

5:7 тэджэпсыжъыр – Паул тэджэпсыжъым фигъадэрэр псэкІодэу зез­ыгъэубгъоу, адрэ цІыфхэм узым фэдэу зэпахырэр ары.

5:7 Пасхъэ зыцІэ мэфэкІ мэфэшхохэр – а мэфэкІ мэфэшхохэр джуртхэм зыкІагъэмэфэкІырэр пщылІыныгъэм къыхищыжьхэзэ, Тхьэм ахэр Мысырым (Египет) къызэрэригъэкІыжьыгъагъэхэр ары. А мэфэкІ мэфэшхохэм апэ тэджэпс зыхэлъ хьалыгъур чІадзыжьы, мэфэшхохэм адэжьи тэджэпс тхьацум халъхьэрэп.

щытыгъэмэ, дунаем шъутекІыжьын фаеу хъущтыгъ. 11Ау къышъуфэстхыгъэр мыры: Зыгорэ шъушыкІэ зэджэ­жьэу щытми, зинэ ышІэмэ, е нэйпсыеу щытмэ, е тхьэ нэпцІхэр егъэлъапІэхэмэ, е нэмыкІ цІыфхэм ІэягъэкІэ атегущыІэмэ, е ешъуакІоу щытмэ, е хъункІакІоу щытмэ, ащ фэдэ цІыфым гъусэ шъуфэмыхъу. Ащ фэдэ цІыфым ыкІи шъудэмышх.

12Чылыс зэІукІэм щымыщхэм сэ хьыкум атесшІыхьа­нэу сиІоф хэлъа? Чылыс зэІукІэм щыщхэр арыба, хьы­кум зытешъушІыхьан фаер? 13Чылыс зэІукІэм щымы­щхэм Тхьэм хьыкум атришІыхьащт. «Арышъ, цІыф бза­джэр зыхэжъугъэкІ».*

 

06

ЯХЭНЭРЭШЪХЬ

Христианхэр зэдао хъущтэп

Шъуащыщ горэм нэмыкІ горэм дэон Іоф фыриІэмэ, Тхьэм ицІыф лъапІэхэм апашъхьэ римыщэу, хьыкумы­шІэхэу* ТхьэмкІэ шІошъхъуныгъэ зимыІэхэм апашъхьэ рищэнэу сыдэущтэу гушхора? 2Тхьэм ицІыф лъапІэхэм дунаем ицІыфхэм хьыкум зэратырашІыхьащтыр шъошІэ­ба? Дунаем ицІыфхэм хьыкум атешъушІыхьащтмэ, дэон Іоф цІыкІухэмкІи хьыкум шъушІынэу шъуифэшъуашэба? 3МэлэІичхэмэ хьыкум тэ зэратетшІыхьащтыр шъошІэба? Ащ нахьи нахьыбэу мы дунаем иІофхэмкІэ хьыкум тшІы­шъунба? 4Ащ фэдэ дэон Іоф шъуиІэ зыхъукІэ, чылыс зэІукІэм щыщхэм зэрамыпэсэрэ цІыфхэм а Іофым хьы­кум тыряшъумыгъэшІыхь. 5ШъузгъэукІытэжьынэу ар сэ­Іо. Зэшыхэм язэдэон ІофыкІэ хьыкум зышІын зылъэ­кІынэу, зэхэшІыкІыныгъэ зиІэ зыгорэ къышъухэтба? 6Ау джы зэрэхъурэмкІэ, зы къошым адрэ къошыр хьыку­мышІэм ыпашъхьэ рещэ – шІошъхъуныгъэ зимыІэхэм апашъхьэ ащ фэдэу ешІэ.

5:13 цІыф бзаджэр зыхэжъугъэкІ – еплъ Пегъымбар Мусэ ятфэнэрэ тхылъэу ытхыгъэм 17:7.

6:1 хьыкумышІэр – зы цІыф горэ хыеу е мысэу щытмэ, хабзэм иунашъо тетэу зэхэзыфырэр ары.

7Шъыпкъэм шъуфаемэ, шъуащыщэу зыгорэм адрэ къошыр хьыкумышІэм ыпашъхьэ зэрэрищэрэр шъоркІэ емыкІу. Арэущтэу шъушІыным нахьи, адрэхэм яягъэ къызяжъу­гъэгъэкІымэ нахьышІу, зяжъугъэгъапцІэми нахьышІу. 8Ау шъо шъушъхьэкІэ шъушы дэдэхэми шъуиягъэ яшъо­гъэкІы ыкІи къэшъогъапцІэх.

9Шъыпкъагъэ зимыІэ цІыфхэм Тхьэм и Тетыгъошхо­кІэ* Іахьэ къызэралъымысыщтыр шъошІэба? Шъушъхьэ шъумыгъэпцІэжь: Зинэ зышІэхэрэми, тхьэ нэпцІхэр зыгъэлъапІэхэрэми, хъулъфыгъэхэм шъузпІалъэу якІуа­лІэхэрэми, 10тыгъуакІохэми, нэйпсыехэми, ешъуакІохэ­ми, нэмыкІ цІыфхэм ІэягъэкІэ атегущыІэхэрэми, хъун­кІакІохэми Тхьэм и ТетыгъошхокІэ Іахьэ къалъысы­щтэп. 11Шъуащыщ зыгорхэри ахэмэ афэдэ цІыфхэу щыты­гъэх Ау ти Зиусхьанэу Исус Христос ыцІэкІи, ежь Ыпсэ ЛъапІэ илъэкІыныгъэкІи Тхьэм шъуипсэкІодхэр шъугу­хэм ариукъэбзыкІыжьыгъэх, ежь ибынхэуи шъуигъэнэ­фагъ, ежьым ыдэжькІи шъыпкъагъэ шъуиІэу шъуилъы­тагъ.

ШъупкъыхэмкІэ Тхьэр жъугъэлъапІэ

12«Сыд щыщи сшІэн сыфит», цІыфхэм аІо. Ар шъы­пкъэ, ау Іоф пстэуми яшІуагъэ къытэкІыщтэп. Сыд щыщи сшІэн сыфит, ау зы Іоф горэм тетыгъо къы­сфыриІэ хъущтэп. 13«Шхыныр ныбэм пае щыІ, ныбэри шхыным пае», цІыфхэм аІо. Ари шъыпкъэ, ау Тхьэм тІури ыгъэкІодыщт. Ау пкъыр зинэ шІэным пае щы­Іэп, Зиусхьаным пае нахь. Зиусхьанри пкъым пае щыІ. 14Тхьэм Зиусхьаныр лІагъэхэм къахигъэтэджыкІыжьыгъ. ИлъэкІыныгъэкІэ тэри лІагъэхэм тыкъахигъэтэджы­кІыжьыщт. 15Шъупкъыхэр Христос ыпкъ щыщхэм зэра­фэдэхэр шъошІэба? Ащыгъум Христос ыпкъ щыщхэр бзылъфыгъэ хэтакІом ыпкъ щыщхэу згъэхъуна? Хьау, ар хъухэщтэп. 16Зыгорэ бзылъфыгъэ хэтакІо горэм гъусэ фэхъумэ, а тІур зыпкъ зэрэхъурэр шъушІэрэба? Сыда пІомэ Тхьэм игущыІэ тхыгъэхэм арыт:* «ИтІур зыпкъ

6:9 Тхьэм и Тетыгъошхо – къэкІорэ дунаем ыдэжь Тхьэм ежь ицІыфхэу иТетыгъошхо ыІэчІэгъ чІэтхэм ынэшІу къащифэзэ, ІофышІухэу къа­лъигъэсыщтхэр ары.

6:16 Тхьэм игущыІэ тхыгъэхэм арыт – еплъ Пегъымбар Мусэ апэрэ тхылъэу ытхыгъэм 2:24.

хъущтых». 17Ау зыгорэ Зиусхьаным гъусэ фэхъумэ, зыгу-зыпсэу дэхъущт.

183инэ шІэным зыщышъудзый! Сыд фэдэрэ нэмыкІ псэ­кІодэу цІыфым ышІэрэр ыпкъы епхыгъэп, ау зинэ зы­шІэрэм ежь ыпкъы псэкІод решІэжьы. 19Шъупкъыхэр Тхьэм Ыпсэ ЛъапІэу шъугухэм арылъым зэриунэ лъапІэр, шъупкъыхэри шъошъуиехэу зэрэщымытхэр шъошІэба? 20Тхьэм пкІэ лъапІэкІэ шъуищэфыгъ. Арышъ, шъупкъы­хэмкІи шъуипсэхэмкІи Тхьэр жъугъэлъапІэ.

 

07

ЯБЛЭНЭРЭШЪХЬ

ЗэлІ-зэшъузыныр

Къысфэшъутхыгъэ Іофхэм яхьылІагъэу мыр къэсэІо: ЛІым шъуз къымыщэныр шІу.* 2Ау зинэ шІэным зыщи­ухъумэным пае, хэти шъуз ерэІ, хэтрэ шъузми ежьым илІ ерэІ. 3ЛІым шъузым фишІэн фаер ферэшІ, шъузыми лІым фишІэн фаер ферэшІ. 4Шъузым ежьым ыпкъ теты­гъо фыриІэп, тетыгъо фызиІэр илІ ары нахь. Ащ фэдэуи, лІым ыпкъ тетыгъо фыриІэп, тетыгъо фызиІэр ишъуз ары нахь. 5ТІури шъузэгурыІоу ыкІи уахътэу жъугъэнэ­фагъэмкІэ нэкІынымрэ тхьэлъэІунымрэ шъуапылъынэу мыхъумэ, зыщышъумыдзый. ЕтІанэ зышъумыщыІэшъумэ, шъузэкІолІэжь, шэйтаным шъудимыхьыхыным пае. 6Мыр унашъоу къышъуфэсшІырэп, арэущтэу шъушІэнэу фит шъусэшІы нахь. 7Сэщ фэдэу цІыфхэр зэкІэ щытынхэу сыфаещтыгъ. Ау Тхьэм хэти ежь илъэкІыныгъэ къыри­тыгъ, зым зы лъэкІыныгъэ, адрэми нэмыкІ лъэкІыныгъэ къыритыгъ.

8Къэзымыщагъэхэм, дэмыкІуагъэхэм, шъузабэхэм мыр ясэІо: Сэщ фэдэу къамыщэу къанэхэмэ шІу. 9Ау за­щыІэн амылъэкІымэ, къарэщ. ХъопсэныгъэмкІэ машІом фэдэу гур стыным нахьи, къащэныр нахьышІу.

10Къэзыщагъэхэмрэ дэкІуагъэхэмрэ мырэущтэу уна­шъо афэсэшІы. Унашъо афэзышІырэр сэрэп, Зиусхьаныр ары* нахь: Шъузыр илІ гокІыжьы хъущтэп. 11Ау шъузыр

7:1 лІым шъуз къымыщэныр шІу – гущыІэ-гущыІэу зэдзэкІыгъэу мы­рэущтэу мэхъу: лІыр бзылъфыгъэм бгъодэмыхьаныр шІу.

7:10 унашъо афэзышІырэр Зиусхьаныр ары – еплъ Марк 10:2—12.

илІ гокІыжьмэ, дэмыкІожьэу къэнэн фае, е илІ ешІужьын фае. Ащ фэдэу лІыми ишъуз ытІупщыжьы хъущтэп.

12Адрэ къанэрэ цІыфхэм сэ ясэІо, Зиусхьаныр арэп языІорэр: шъу шы горэм шІошъхъуныгъэ зимыІэ шъуз иІэмэ, шъузми ащ дэпсэунэу ыдэмэ, ар ытІупщыжьы хъущтэп. 13Ащ фэдэу шъуз горэм шІошъхъуныгъэ зимыІэ лІы иІэмэ, лІыми ащ дэпсэунэу ыдэмэ, шъузыр лІым гокІыжьы хъущтэп. 14Сыда пІомэ шІошъхъуныгъэ зи­мыІэ лІыр, ишъуз ихьатыркІэ, Тхьэм ий. Ащ фэдэуи, шІошъхъуныгъэ зимыІэ шъузыри, илІ ихьатыркІэ, Тхьэм ий. Армырмэ шъуибынхэр мыкъабзэхэу щытыщтгъэх, ау джы ахэри Тхьэм иех.

15Ау шІошъхъуныгъэ зимыІэр ишъхьэгъусэ гокІыжьы­нэу фаемэ, горэкІыжь. Арэущтэу зыхъукІэ, шІошъхъуны­гъэ зиІэ шыр е шыпхъур ишъхьэгъусэ епхыгъэу щытэп. Сыда пІомэ гупсэфыныгъэкІэ тыпсэунэу Тхьэр къытэ­джагъ. 160 шъуз, сыдым уигъашІэра – уилІ мыкІодэу къэбгъэнэжьынкІи мэхъу. О лІы, сыдым уигъашІэра – уи­шъуз мыкІодэу къэбгъэнэжьынкІи мэхъу.

Хэти Тхьэм щыІакІэу къыфигъэнэфагъэм тетэу зекІон фае

17Хэти Тхьэм щыІакІэ ащ къызэрэфигъэнэфагъэм фэ­дэу, Зиусхьаныр ибынхэм ащыщ хъунэу къызеджэм зэ­рэщытыгъэм фэдэу, зекІон фае. Чылыс зэІукІэ пстэумкІи ары сиунашъор. 18Тхьэр цІыф горэм къызеджэм, сунэт ашІыгъэу* щытыгъэмэ, зэрэщытэу щэрэт. Тхьэр цІыф горэм къызеджэм, сунэт амышІыгъэу* щытыгъэмэ, ари зэрэщытэу щэрэт. 19Сунэт ташІыгъэу тыщытми, тыщы­мытми, арэп Іофыр зыдэщыІэр. Іофыр зыдэщыІэр Тхьэм иунашъохэр дгъэцэкІэнхэр ары. 20Тхьэр хэти къызеджэм зэрэщытыгъэм фэдэу щэрэт. 21Тхьэр о къызыоджэм, пщылІэу ущытыгъэмэ, ащ земыгъэгъэгумэкІ. Ау шъхьа­фит ухъун плъэкІымэ, игъор блэмыгъэкІ. 22Сыда пІомэ Зиусхьаныр къызеджэм, пщылІэу щытыгъэр шъхьафитэу хъугъэ, Зиусхьаныр ащ ыгу илъ зэрэхъугъэм пае. Ащ фэдэуи Зиусхьаныр къызеджэм, шъхьафитэу щыты­гъэр Христос фэлажьэхэрэм ащыщ хъугъэ. 23Тхьэм пкІэ

7:18 сунэт ашІыгъэр – джуртыр ары.

7:18 сунэт амышІыгъэр – мыджуртыр ары.

лъапІэкІэ шъуищэфыгъ. Арышъ, нэмыкІырэ цІыфхэм пщылІ шъуафэмыхъу. 24Арэущтэу, сшыхэр, хэти Тхьэр къызеджэм зэрэщытыгъэм фэдэу, арэущтэу Тхьэм ыпа­шъхьэ щэрэт.

Къэзымыщагъэ-дэмыкІуагъэхэмрэ шъузабэхэмрэ

25Пшъашъэхэм яхьылІагъэу Зиусхьаным ышІыгъэ уна­шъо сиІэп. Ау Зиусхьаным ынэшІу щыфэныгъэкІэ узщы­гугъышъун цІыфэу сызэрэщытым пае, мы Іофым сызэрэ­хаплъэрэр шъосэІо. 26Джырэ гузэжъогъоу тызхэтым пае, шъузэрэщытым фэдэу шъущытыныр нахьышІоу сэлъытэ. 27Зы шъуз горэм уепхыгъэмэ, утІупщыжьыным ыуж уимыт. Шъуз уимыІэмэ, шъуз улъымыхъу. 28Ау къапщэмэ, ащкІэ псэкІод пшІагъэ хъурэп; пшъашъэ гори дакІомэ, ащкІэ псэкІод ышІагъэ хъурэп. Ау къэзыщэхэ­рэри-дакІохэрэри мы дунаем игузэжъогъу хэфэщтых, ар къышъомыхъулІэнэуи сыфай.

29Сшыхэр, зыфасІорэр мыры: уахътэу къэнэжьырэр макІэ. Уахътэр макІэу зэрэщытым пае, джы щегъэжьа­гъэу шъуз зиІэхэр шъуз зимыІэхэм афэдэхэу орэхъух; 30гъыхэрэри мыгъыхэрэм афэдэхэу орэхъух; гушІохэрэри мыгушІохэрэм афэдэхэу орэхъух; зыгорэ къэзыщэфхэрэр зи зыІэкІэмыхьэхэрэм афэдэхэу орэхъух; 31мы дунаем иІофхэм апылъхэрэри а Іофхэм апымылъыщэхэрэм афэ­дэхэу орэхъух; сыда пІомэ мы дунаем ищытыкІэ мэкІоды пэтышъ ары.

32ГумэкІ шъуимыІэнэу сыфай. Къэзымыщагъэм Зиус­хьаным иІофхэм ынаІэ атырегъэты – Зиусхьаным ыгу къызэреІуным ыуж ит. 33Къэзыщагъэми дунаем иІофхэм ынаІэ атырегъэты – шъузым ыгу къызэреІуным ыуж ит. Шъузымрэ пшъашъэмрэ яІоф зытетыр зэфэшъхьафы. 34ДэмыкІогъэ пшъашъэм Зиусхьаным иІофхэм ынаІэ атырегъэты, ыпкъырэ ыгурэкІэ зэрэкъэбзэщтым ыуж ит. ДэкІуагъэм дунэе Іофхэм ынаІэ атырегъэты – илІ ыгу къызэреГуным ыуж ит. 35Мы Іофхэр къызыфасІорэр Іэхъу-лъэхъу къышъутеслъхьанэу арэп, ау сишІуагъэ шъозгъэкІэу, хабзэм тетэу зэпымыоу, зыми шъуимыгъэ­уцоу Зиусхьаным шъуфэзгъэлэжьэнэу ары.

36ЛІы горэм къыщэнэу ыгъэнэфэгъэ пшъашъэу зы­ныбжь икъугъэр къымыщэу къыгъэнэныр емыкІоу ылъы­тэмэ, къерэщ, псэкІод ышІагъэ хъурэп. Ахэмэ къа-

рэщ. 37Ау лІы горэм къымыщэнэу ыгукІэ пытэу тыри­убытагъэу, зымкІи емыгъэзыгъэу щытынкІи мэхъу. ИшІоигъоныгъэ ыІэ илъ, ыгъэнэфэгъэ пшъашъэри къы­мыщэнэу тыриубытэгъах. А лІым пшъашъэр къымыщэ­мэ, тэрэзэу мэзекІо. 38Арэущтэу ыгъэнэфэгъэ пшъашъэр къэзыщэрэр тэрэзэу мэзекІо, ау къэзымыщэрэр нахь тэ­рэзэу мэзекІо.

39ИлІ псэуфэ шъузыр ащ епхыгъэу щыт. Ау лІыр лІэмэ, шъузыр хэтми зыфаеми дэкІожьынэу фит, ау зыдакІорэ лІым ыгу Зиусхьаныр илъын фае. 40Ау сы­зэрэхаплъэрэмкІэ, зэрэщытэу къанэмэ, нахь сыхьатмафэ ежьагъэу щыт – сэ сыгуи Тхьэм Ыпсэ ЛъапІэ илъэу сэгугъэ.

 

08

ЯЕНЭРЭШЪХЬ

Къурмэныпхъэу тхьэ нэпцІхэм афашІыгъэм ыл ехьылІагъ

Къурмэныпхъэу тхьэ нэпцІхэм афашІыгъэм ыл* ехьы­лІагъэу мыр къэсэІо: Тэ зэкІэми шІэныгъэ зэрэтиІэр тэшІэ. ШІэныгъэм цІыфхэм зашІуегъэшІошІыжьы, ау шІу­лъэгъуныгъэм цІыфхэм гурэ псэрэкІэ лъэкІыныгъэ аре­гъэгъоты. 23ы цІыф горэм шІэныгъэ иІэу шІошІмэ, зэ­ришІэн фаем фэдэу джыри ышІэрэп. 3Ау цІыфэу Тхьэр шІу зылъэгъурэр Тхьэм къешІэ.

4Арэущтэу къурмэныпхъэу тхьэ нэпцІхэм афашІы­гъэм ыл ехьылІагъэу мыр сэІо: А тхьэ нэпцІхэр дунаем зыкІи зэрэщымыІэхэри, зы Тхьэ закъом нэмыкІ Тхьэ зэ­рэщымыІэри тэшІэ. 5Уашъоми чІылъэми цІыфхэм тхьэу алъытэхэрэр щыІэхэми, (цІыфхэм тхьэу алъытэхэрэмрэ зиусхьанхэу алъытэхэрэмрэ бэу зэрэщыІэхэм фэдэу) 6тэ зы Тхьэ закъоу тиІэр Ты лъапІэр ары. ЗэкІэри къэзыгъэ­хъугъэр ежьыр ары, ежьым паий тыщыІ. Зы Зиусхьан закъоу тиІэр Исус Христос ары. Тхьэм ащ зэкІэри къыригъэгъэхъугъ, ащи щыІэныгъэ къытеты.

8:1 Къурмэныпхъэу тхьэ нэпцІхэм афашІыгъэм ыл – бэдзэрхэм щащэ­гъэ лым щыщыбэ тхьэ нэпцІхэм къурмэныпхъэу афашІыгъэгъэ лэу щытыгъ. Ащ фэдэ лы ашхымэ, тхьэ нэпцІ фэлэжьэнымкІэ мысэ хъун­хэу христиан горэхэр щыщынэщтыгъэх.

7Ау зэкІэми а шІэныгъэр яІэп. ЦІыф заули тхьэ нэпцІ­хэм ясагъэхэшъ, ащ фэдэ лы зашхыкІэ, тхьэ нэпцІ горэм къурмэныпхъэу фэхъугъэ шъыпкъэм фэдэу, а лыр ашхы. Арышъ, а лыр хьалэл е мыхьалэл амышІэу, агухэм­кІэ еджэнджэшхэу, а лыр зашхыкІэ, агухэр аушІоих. 8Гъомылапхъэм Тхьэм нахь пэгъунэгъэу тигъэхъурэп. Тышхэмэ тишІуагъэ къакІорэп, тымышхэми тиягъэ къа­кІорэп.

9Ау шІошьхъуныгъэ макІэ зиІэхэм ягъогу шъуифиты­ныгъэ зыгъэлъэпаорэ мыжъоу щафэмыхъунэу шъуфэсакъ. 10Сыда пІомэ а лыр хьалэл е мыхьалэл ымышІэу, ыгу­кІэ еджэнджэшрэм о шІэныгъэ зиІэм тхьэ нэпцІым иунэ­шхо ащ фэдэ лыр щыпшхэу ылъэгъумэ, а лыр ащи ебгъэ­шхынба? 11Арэущтэу уишІэныгъэкІэ шІошъхъуныгъэ ма­кІэ зиІэ пшэу Христос ыпсэ зыфитыгъэр огъэкІоды. 12Шъушыхэу а лыр хьалэл е мыхьалэл амышІэу агухэм­кІэ еджэнджэшхэрэм псэкІод яшъушІэу, агухэмкІэ зяжъу­гъэгъэмысэмэ, Христос ары псэкІод зашъушІэрэр. 13Арышъ, шхынэу сшхырэмкІэ сшы псэкІод езгъашІэмэ, лы сшхыжьыщтэп, сшы псэкІод есымыгъэшІэным пае.

ЯБГЪОНЭРЭШЪХЬ

Апостолым фитыныгъэу иІэхэр

Сэ сыапостолба? Сэ сышъхьафитба? Исус Христосэу ти Зиусхьан слъэгъугъэба? Зиусхьаным Іофэу фэсшІа­гъэм шІугъэу къыхэкІыгъэр шъорыба? 2НэмыкІ цІыф­хэмкІэ апостолэу сыщымытми, шъоркІэ сыапостол. Зиус­хьаныр шъугухэм арылъ зэрэхъугъэм пае, сызэрэ апо­столыр къэзыгъэшъыпкъэжьырэ мыхъурыр* шъоры.

3Хьыкум сэ къыстезышІыхьанэу фаехэмэ мыры ясІо­рэр: 4Тэри тышхэнэу ыкІи тешъонэу тыфитба? 5Кифэ*, адрэ апостолхэм, Зиусхьаным ышхэм* тафэдэу, тэри шІошъхъуныгъэ зиІэ шъуз гъусэ зыфэтшІынэу тыфитба?

9:2 мыхъур – арапыбзэкІэ «хъытым», тыркубзэкІи «мыхьыр» зыфаІорэр ары.

9:5 Кифэ – еплъ 1:12.

9:5 Зиусхьаным ышхэр – еплъ Марк 6:3.

6ЗызыІыгъыжьынэу ежь зыІэхэмкІэ лэжьэн фэе закъо­хэр сэррэ Варнавэрэ* ара?

7ДзэлІыр ежь иахъщэкІэ мэзауа? Хэта сэнэшъхьэ хатэ зышІэу сэнашъхьэ зымышхырэр? Ащ фэдэу, щэ емы­шъоу Іэхъогъур хэта зыгъэхъурэр? 8ЦІыфхэр зэрэгущы­Іэхэрэм фэдэу, мы Іофхэр сэІоха? Хьау, Тэурат хабзэм ащ фэдэ къабзэу итба? 9Сыда пІомэ пегъымбар Мусэ и Тэурат хабзэ мырэущтэу ит:* «Цум лэжьыгъэр зиІо­кІэ, ыжэ зэтемыпх». Арэущтэу зиІокІэ, цухэр ара Тхьэр зыфэгумэкІырэр? 10Щэч хэмылъэу Тхьэм зыфи­Іорэр тэрыба? Ары, тэщ пае ар тхыгъэ; сыда пІомэ лІэу жъорэми лэжьыгъэр зыІорэми лэжьыгъэм щыщ яІахьэ къалъысынэу гугъэ ямыІэу лажьэхэ хъущтэп. 11Ащ фэ­дэу, Тхьэм Ыпсэ ЛъапІэ ичылэпхъэшІу шъугухэм ары­тлъхьагъэшъ, шъо тэ тиІоф шІугъэу къыхэкІырэр зы­гъотхэрэм мы дунаем тищыкІагъэр къытэшъутымэ, ба­ща? 12НэмыкІ цІыфхэм ящыкІагъэр зэряшъутыщтым щыгугъынхэу фитыныгъэ яІэмэ, ахэмэ анахьыбэу тэ бэ­кІэ нахь фитыныгъэ тиІэба?

Ау а фитыныгъэм ишІуагъэ къызэдгъэкІыгъэп. Ар мыхъоу, Христос ехьылІэгъэ къэбарышІум пэрыохъу ты­фэмыхъуным пае, Іоф пстэури тэщыІэ. 13ЦІыфхэм Тхьэм иунэшхо пае псапэу атырэм щыщ ащ щылажьэхэрэм яшхын Іахьэ зэрагъотырэр шъошІэба? Къурмэн шІы­пІэм щылажьэхэрэми къурмэныпхъэу ащ телъым щыщ яІахьэ зэрагъотырэр шъошІэба? 14Ащ фэдэу, къэбары­шІур* зыгъэІухэрэм зэрыпсэун Іахьэр къэбарышІумкІэ зэрагъотын фаемкІэ Зиусхьаным унашъо ышІыгъ*.

15Ащ фэдэ фитыныгъэм ишІуагъэ къызэзгъэкІыгъэп, а фитыныгъэри къэзгъотынэу арэп мыр зыфэстхырэр. Сызэрыпагэрэ Іофыр зыгорэм ыгъэкІодыным нахьи, лІэ-

9:6 Варнавэ – чылыс зэІукІэм итхьаматэ инхэм ащыщыгъ. Паул иІоф зыщишІэгъэ апэрэ илъэсхэм Варнавэ ащ игъогогъоу щытыгъ. Еплъ Апостол. 4:36; 13:1-15:39; Гал. 2:1.

9:9 пегъымбар Мусэ и Тэурат хабзэ ит – еплъ Пегъымбар Мусэ ятфэ­нэрэ тхылъэу ытхыгъэм 25:4.

9:14 къэбарышІур – Исус Христос ехьылІэгъэ къэбарышІур ары. Тхьэм пегъымбархэм ажэкІэ къызэригъэгугъэгъэ Іофхэр Исус Христос Іофэу ышІагъэмкІэ ыгъэшъыпкъэжьхэзэ ыгъэхъугъэх, арэущтэуи цІыфхэр мыкІодхэу къызэригъэнэжьынхэ гъогу афишІыгъ.

9:14 Зиусхьаным унашъо ышІыгъ – еплъ Маттэ 10:10; Лука 10:7.

ныгъэр нахь къэсэштэ. 16Ау къэбарышІур зэрэзгъэІурэм сырыпэгэн слъэкІыщтэп, сыда пІомэ къэбарышІур сы­мыгъэІу хъущтэп. КъэбарышІур сымыгъэІумэ, сыхьат­мыгъо сежьагъ. 17Ар сыфаеу сшІэмэ, ІэхьышІу згъотыщт. Ау сыфэмыеу сшІэмэ, Іофэу Тхьэм спшъэ къырилъхьа­гъэр сэгъэцакІэ ныІэп. 18Сыда ащыгъум сиІэхьышІу? Си­ІэхьышІу мыры: къэбарышІум сыфэлажьэу, сифитыны­гъэ ишІуагъэ зэсымыгъэкІэу, уасэ хэмылъэу ар зэрэз­гъэІурэр ары.

19Сыда пІомэ зыми тетыгъо къысфыримыІэу, сышъ­хьафит пэтми, цІыфыбэ Христос игъогу тезгъэхьан­хэм пае, цІыф пстэуми Іофтабгэ сафэхъугъ. 20Джуртхэр Христос игъогу тезгъэхьанхэм пае, джуртхэм сафэдэу зысшІыгъ. Тэурат хабзэм ыІэчІэгъ сычІэмыт пэтми, Тэурат хабзэм ыІэчІэгъ чІэт цІыфхэр Христос игъогу тезгъэхьанхэм пае, Тэурат хабзэм ыІэчІэгъ чІэт цІыф­хэм афэдэу зысшІыгъ. 21Ащ фэдэу, Тэурат хабзэм ыІэ­чІэгъ чІэмыт цІыфхэри Христос игъогу тезгъэхьэнхэм пае, Тэурат хабзэм ыІэчІэгъ чІэмыт цІыфхэм афэдэу зысшІыгъ. Тхьэм ихабзэ ыІэчІэгъ сычІэмытэу арэп ащ къикІырэр, Христос ихабзэ ыІэчІэгъ сычІэт. 22ПІІошъ­хъуныгъэ макІэ зиІэхэм сишІуагъэ язгъэкІыным пае, шІошъхъуныгъэ макІэ зиІэхэм афэдэу зысшІыгъ. Лъэ­ныкъо пстэумкІи цІыф пстэуми афэдэу зысшІыгъ, зи мыхъуми цІыф заулэ мыкІодхэу къэнэжьынхэм пае. 23КъэбарышІум сишІуагъэ езгъэкІыным пае, мы Іоф пстэури сэшІэ, къэбарышІум шІугъэу къыхэкІырэм щыщ сиІахьэ згъотыным пае.

24Зэпачъэхэрэр зэкІэри мачъэх, арышъхьакІэ ахэмэ ащыщэу зыр ары ныІэп текІоныгъэм итандж къэзы­хьырэр, ари шъошІэба? Ар къэшъухьыным пае, шъучъ. 25Хэт чъэми, зэкІэмкІи зещыІэ. Ахэмэ кІодыжьын тандж къахьыным пае, мачъэх, ау тэ мыкІодыжьын тандж къы­зэрэтхьыным ыуж тит. 26Арышъ, сызэрэчъэрэр сыздачъэ­рэ чІыпІэр сымышІэу арэп. Жьыбгъэм бжымкІэ хаорэм сыфэдэп. 27Ау спкъы къин есэгъэщэчы ыкІи сэгъэдаІо, адрэ цІыфхэм къэбарышІур зязгъэІу ужым, Тхьэм симыдэу сыкъэмынэным пае.

 

09

ЯПШІЭНЭРЭШЪХЬ

Тхьэ нэпцІхэм шъуафэсакъ

Сшыхэр, тятэжъхэр пегъымбар Мусэ игъусэхэу пстэури ошъуапщэ горэ* пащэ афэхъоу, а ошъуапщэм ычІэгъ зэ­рэщызекІощтыгъэхэри, ахэр зэкІэ хым* зэпырыкІыжьхи, къызэрэхэкІыжьыгъэхэри шъумышІэу шъущытынэу сы­фаеп. 2Ошъуапщэр пащэ афэхъоу, хым зэпырыкІыжьы­гъэ цІыф пстэури пегъымбар Мусэ игъогу рыкІонхэу зэ­рагъэумэхъыгъэм фэдэу щытыгъ. 3Ахэмэ зэкІэми Тхьэм ыдэжь къикІыгъэ шхыныр* ашхыщтыгъ. 4Ахэр зэкІэ Тхьэм зэригъашъощтыгъэ псыми* ешъощтыгъэх, сыда пІомэ псэу зэшъоштыгъэр къадэкІощтыгъэ мыжъошхом къыхэкІыщтыгъ. А мыжъошхор Христос арыгъэ. 5Ау ахэмэ анахьыбэхэм Тхьэм ыгу яІугъэп. Арэущтэу шъоф нэкІым щыкІодыгъэх.

6Ахэр Іоф бзаджэхэм зэракІэхъопсыщтыгъэхэм фэдэу, такІэмыхъопсынэу ахэмэ къяхъулІагъэр тэркІэ нэшан. 7Ахэмэ ащыщэу купым фэдэу тхьэ нэпцІхэр шъумыгъэ­лъапІэх, Тхьэм игущыІэ тхыгъэхэм зэрарытым фэдэу,* «ЦІыфхэр шхэнхэу ыкІи ешъонхэу тІысыгъэх. ЕтІанэ джэгунхэу тэджыжьыгъэх». 8Ахэмэ ащыщэу купым зэра­шІэщтыгъэм фэдэу, зинэ* тэшъумыгъашІ. Арэущтэу нэбгырэ мин тІокІырэ щырэ зы мэфэ закъокІэ кІоды­гъэх. 93иусхьанри тэшъумыгъэгъэунэфы, ахэмэ ащыщэу купым зэрагъэунэфыщтыгъэм фэдэу. Ахэр блэхэм ау­кІыгъэх.* 10Шъумытхьаусых, ахэмэ ащыщэу купым зэра-

10:1 ошъуапщэ горэ – еплъ Пегъымбар Мусэ ятІонэрэ тхылъэу ытхы­гъэм 13:21,22.

10:1 хым – еплъ Пегъымбар Мусэ ятІонэрэ тхылъэу ытхыгъэм 14:19-29.

10:3 Тхьэм ыдэжь къикІыгъэ шхыныр – еплъ Пегъымбар Мусэ ятІо­нэрэ тхылъэу ытхыгъэм 16:31-35.

10:4 Тхьэм зэригъашъощтыгъэ псым – еплъ Пегъымбар Мусэ ятІонэрэ тхылъэу ытхыгъэм 17:3-6 ыкІи яплІэнэрэ тхылъэу ытхыгъэм 20:7-11.

10:7 Тхьэм игущыІэ тхыгъэхэм зэрарытым фэдэу – еплъ Пегъымбар Мусэ ятІонэрэ тхылъэу ытхыгъэм 32:6.

10:8 зинэ – еплъ Пегъымбар Мусэ яплІэнэрэ тхылъэу ытхыгъэм 25:1-9,

10:9 блэхэм аукІыгъэх – еплъ Пегъымбар Мусэ яплІэнэрэ тхылъэу ытхыгъэм 21:5-6.

шІэщтыгъэм фэдэу. Ахэр лІэныгъэ къэзыхьырэ мэлэІи­чым ыгъэкІодыгъэх*.

11Мы Іофхэр ахэмэ къяхъулІагъэх, цІыфхэм нэшанэу къафэхъуным пае. Тэ цІыфхэу лъэхъанэхэм якІэух къы­знэсыгъэхэм къыдгурагъэІоным пае, мы Іофхэр атхыгъэх. 12Ау цІыфэу пытэу щытэу гугъэрэр темыфэным фэрэ­сакъ. ЦІыфхэм псэкІод ашІэнэу дэзыхьыхын Іофхэу адрэ цІыфхэм апэ къифэхэрэм анэмыкІ шъуапэ къифагъэхэп. Тхьэр шъыпкъэ, зэрэшъулъэкІыщтым блэкІэу, псэкІод шъушІэнэу дэзыхьыхын Іоф горэ шъуапэ къифэнэу фит ышІыщтэп. Ау псэкІод шъушІэнэу дэзыхьыхын Іоф горэ шъуапэ къызифэкІэ, ащ шъупэуцужьышъунэу Тхьэм гъогу къышъуфишІыщт.

14Арышъ, силъапІэхэр, тхьэ нэпцІ гъэлъэпІэным зы­щышъудзый. 15Шъо, зэхэшІыкІыныгъэ зиІэхэм, ахэр шъосэІох. Сэ къасІорэм шъо шъушъхьэкІэ хьыкум тешъушІыхьажь. 16Ти Зиусхьан Исус илІэныгъэ тыгу къэ­дгъэкІыжьэу, тызэгъусэу тызышхэкІэ, сэнэпс шъуалъэм пае Тхьэм щытхъу фэтэшІы. Сэнэпсым тызешъокІэ, Христос ылъэу къащым щыкІэкІыгъэмкІэ ежьым гъусэ тыфэхъуба? Хьалыгъур зызэготчыкІэ, Христос ыпкъ гъусэ тыфэхъуба? 17Хьалыгъур зызакъоу зэрэщытым пае, тэ бэу тыхъуми, зы тэхъу; сыда пІомэ а зы хьа­лыгъу закъом тиІахьэ хэлъ.

18Израил лъэпкъым шъуеплъ. Къурмэныпхъэм ыл зы­шхыхэрэм Тхьэу къурмэн зыфашІырэм гъусэ фэхъу­хэба? 19Сэ зыфасІорэр сыда? Къурмэныпхъэм ыл зыгорэ щытэу, е тхьэ нэпцІыр зыгорэ щытэу сэІуа? 20Хьау, ар сІуахэрэп. Ау хымэ лъэпкъхэм къурмэн зашІыкІэ, джы­напцІэхэм шъыпкъэкІэ къурмэн афашІы нахь, Тхьэм фа­шІырэп. Ау шъо джынапцІэхэм гъусэ шъуафэхъунэу сы­фаеп. 21Зиусхьаным ишъуалъэми джынапцІэхэмэ яшъуа­лъэми шъурешъо хъущтэп. Зиусхьаным иІанэми джынап­цІэхэмэ яІанэми шъупэсы хъущтэп. 22Хьауми Зиусхьаныр дгъэгубжынэу тыпылъа? Ежьым нахьи тынахь лъэша?

10:10 мэлэІичым ыгъэкІодыгъэх – еплъ Пегъымбар Мусэ яплІэнэрэ тхылъэу ытхыгъэм 16:41-49.

Сыд шъушІэми, цІыфхэм Тхьэм щытхъу фяжъугъэшІыным пае, ар шъушІэ

23«Сыд щыщи тшІэн тыфит», цІыфхэм аІо. Ар шъы­пкъэ, ау Іоф пстэури ІэпыІэгъу къытфэхъухэрэп. Сыд щыщи тшІэн тыфит, ау Іоф пстэуми яшІуагъэк къытэ­кІырэп. 24Хэти ежь ишІуагъэ ыуж ерэмыт, нэмыкІ цІыфхэм яшІуагъэ ыуж ерэт нахь.

25Бэдзэрым щащэрэр зэкІэ шъушхы, щэч зи шъугу къишъумыгъахьэу. 26Сыда пІомэ «ЧІылъэри чІылъэм тет пстэури Зиусхьаным ий»*.

27ШІошъхъуныгъэ зимыІэ горэм шъуигъэшхэнэу шъу­ригъэблэгъагъэу щытмэ, шъукІонэуи шъуфаемэ, щэч шъугу къишъумыгъахьэу, Іанэм къытралъхьэрэри шъу­шхы. 28Ау зы цІыф горэм, «Мыр тхьэ нэпцІхэм афашІы­гъэ къурмэныпхъэм ыл», къышъуиІомэ, къышъозыІуа­гъэм паерэ гу илъым паерэ ар шъумышхы; сыда пІо­мэ «ЧІылъэри чІылъэм тет пстэури Зиусхьаным ий». 29Гум илъэу зыфасІорэр шъо шъугухэм арылъыр арэп, къышъозыІуагъэм ыгу илъыр ары нахь; сыда пІомэ нэ­мыкІ цІыф горэм щэчэу ыгу къыригъахьэрэм сифитыны­гъэ сыд пае ыгъэмысэна? 30Тхьэм щытхъу сэ фэсшІэу зыгорэ сшхымэ, зэрэсшхырэмкІэ сыд пае цІыфхэм сагъэ­мысэщта?

31Арышъ, шъушхэми, шъуешъоми е нэмыкІ горэ шъу­шІэми, цІыфмэ Тхьэм щытхъушхо фяжъугъэшІыным те­тэу ар шъушІэ. 32Джуртхэми, урымхэми, Тхьэм ичылыс зэІукІэм щыщхэми ягъогукІэ зыгъэлъэпаорэ мыжъо шъуа­фэмыхъу. 33Сэри Іофэу сшІэрэ пстэумкІэ цІыф пстэуми агу къызэрэсэІуным сыпылъ, сыда пІомэ сэ сишІуагъэ ыуж ситэп, цІыфыбэмэ яшІуагъэ ыуж сит нахь, ахэр мы­кІодхэу Тхьэм къыгъэнэжьынхэм пае.

 

10

ЯПІЩЫКІУЗЭНЭРЭШЪХЬ

Христос илъэужхэм сызэрарыкІорэм фэдэу, шъори силъэужхэм шъуарыкІу.

10:26 Еплъ Сэбур (Псалтыр) 24:1 (урыс библиемкІэ 23:1).

Бзылъфыгъэхэр Тхьэм елъэІухэ зыхъукІэ, шъхьэтехъо зытырахъон фае

2КъэсІуагъэ пстэури шъугу къызэрэжъугъэкІыжьырэм паий, Іофхэу шъозгъэшІагъэхэм шъузэратетым паий сышъущэтхъужьы.

3Мыр шъушІэнэу сыфай: Хэтрэ лІи ышъхьэ Христо­сыр ары, хэтрэ шъузи ышъхьэ илІ ары, Христос ышъ­хьэри Тхьэр ары. 4Хэтрэ хъулъфыгъэу шъхьэтехъо зы­тезыхъуагъэу Тхьэм елъэІурэм е Тхьэм ежь игущыІэ­хэр зыгу къырилъхьэхэу, ахэр къэзыІорэм ышъхьэ егъэ­пыутыжьы*. 5Ащ фэдэу хэтрэ бзылъфыгъэу шъхьэтехъо зытезымыхъуагъэу Тхьэм елъэІурэм е Тхьэм ежь игущы­Іэхэр зыгу къырилъхьэхэу, ахэр къэзыІорэм ышъхьэ егъэ­пыутыжьы, сыда пІомэ а бзылъфыгъэм ышъхьэ упсы­гъэм фэд*. 63ы бзылъфыгъэ горэм шъхьэтехъо зыты­рихъонэу фэмыемэ, ышъхьац перэупкІ. Ау бзылъфыгъэм­кІэ ышъхьац пиупкІыныр, е ышъхьэ ыупсыныр емыкІоу зэрэщытым пае, шъхьэтехъо зытырерэхъу. 7Хъулъфыгъэм ышъхьэ техъон фишІын фаеп, сыда пІомэ хъулъфыгъэр Тхьэм итеплъэ фэдэшъ ары, Тхьэм ищытхъуи къегъэлъа­гъошъ ары. Ау шъузым илІ ищытхъушхо къегъэлъагъо. 8Сыда пІомэ хъулъфыгъэр бзылъфыгъэм къыхэкІыгъэп, бзылъфыгъэр хъулъфыгъэм къыхэкІыгъэ нахь. 9Тхьэм хъулъфыгъэри бзылъфыгъэм къыфигъэхъугъэп, бзылъ­фыгъэр хъулъфыгъэм къыфигъэхъугъ нахь. 10Ащ пае, лІым итетыгъо ыІэчІэгъ шъузыр зэрэчІэтым инэшанэу ыкІи мэлэІичхэм апае*, ышъхьэ шъхьэтехъо тырерэхъу.

11Ау щытми, тэ, Зиусхьаныр зыгу илъ цІыфхэмкІэ бзылъфыгъэри хъулъфыгъэм епхыгъэу щыт, хъулъфы­гъэри бзылъфыгъэм епхыгъэу щыт. 12Сыда пІомэ бзылъ­фыгъэр хъулъфыгъэм къызэрэхэкІыгъэм фэдэу, хъу­лъфыгъэри бзылъфыгъэм къыхэкІы, ау Іоф пстэури къы-

11:4 ышъхьэ егъэпыутыжьы – Христосрэ ежь ышъхьэрэ егъэпыутыжьы.

11:5 ышъхьэ упсыгъэм фэд – бзылъфыгъэ хэтакІохэм ашъхьац па­упкІынэу хабзэу яІагъ.

11:10 мэлэІичхэм апае – е мэлэІичышІухэу чылыс зэІукІэм щыщхэр екІоу ыкІи зэгъэзэфагъэу Тхьэм зэрелъэІунхэм анаІэ тырагъэтын­хэу зипшъэрылъэу щытхэр ары, е мэлэІич бзаджэхэу бзылъфыгъэхэм акІэхъопсхэрэр ары.

зхэкІырэр Тхьэр ары. 13Шъори хьыкум тешъушІыхь: Ышъхьэ зи тыримыхъуагъэу бзылъфыгъэр Тхьэм елъэ­Іумэ, емыкІоу щытба? 14ЦІыфым ыгукІэ ешІэба, хъулъ­фыгъэм ышъхьац кІыхьэмэ, къызэремыкІурэр, 15ау бзы­лъфыгъэм ышъхьац кІыхьэмэ къызэрекІурэр? Сыда пІомэ Тхьэм бзылъфыгъэм шъхьац кІыхьэ ритыгъ, ышъхьэ тырихъоным пае. 16Ау зыгорэ мы ІофымкІэ къытэ­нэкъокъунэу фаемэ, тэри Тхьэм ичылыс зэІукІэхэми нэмыкІ хабзэ зэрэтимыІэр ерэшІ.

Зиусхьаным ипчыхьэшъхьашх

(Маттэ 26:26-29; Марк 14:22-25; Лука 22:14-20)

17Ау мы унашъохэр сэ къышъуфэсшІыхэу сышъущы­тхъужьын слъэкІыщтэп. Сыда пІомэ шъузэрэзэІукІэрэм шІу къыхэкІырэп, Іае къыхэкІы нахь. 18АпэрэмкІэ, чылы­сым шъущызэІукІэмэ, куп-купэу шъузэрэзэхэкІырэр зэ­хэсэхы. Зы лъэныкъокІэ, ар сэ сшІошъ мэхъу. 19Куп­купэу шъузэхэкІын фае, шъуащыщхэу шъыпкъагъэ зиІэ­хэр нафэу хъуным пае. 20Ащ нэмыкІэу шъушхэнэу шъу­зызэІукІэкІэ, Зиусхьаным ипчыхьэшъхьашхэ арэп шъу­шхырэр. 21Сыда пІомэ шъушхэ зыхъукІэ, шъуащыщэу хэти адрэм емыжэу, ежьым ишхын ышхэу еублэ. Арэу­щтэу зыр мэлакІэ лІэу къэнэ, адрэр мэуташъо. 22Шъу­щышхэнэу ыкІи шъущешъонэу унэхэр шъуиІэба? Хьауми Тхьэм ичылыс зэІукІэ зэшъумыпэса, зи зимыІэхэри шъо­гъэукІытэжьха? Сыда шъосІощтыр? Сэ сышъущытхъу­жьына? Хьау, сышъущытхъужьынэп.

23Сыда пІомэ мы Іофхэу къышъуфэзгъэнагъэхэр ежь Зиусхьаным къысфигъэнэфагъэх: Зиусхьаныр тетыгъо зиІэхэм заІэкІэхьэгъэ чэщым хьалыгъур къышти, 24Тхьэм щытхъу фишІи, зэгуичи къыІуагъ: «Мы хьалыгъур сэ спкъэу шъо шъуишІуагъэ къэкІонэу зэгочыщтыр ары. Шъугу сыкъэжъугъэкІыжьыным пае, мы хьалыгъур шъу­шхы». 25Ащ фэдэу, пчыхьэшъхьашхэм ыуж Зиусхьа­ным шъуалъэр къышти къыІуагъ: «Мы шъуалъэм сэнэ­псэу итым къикІырэр зэзэгъыныгъакІэу Тхьэм ежьымрэ шъоррэ шъуазыфагу дилъхьэрэр ары. А зэзэгъыныгъа­кІэр къэзыгъэшъыпкъэжьырэр лъэу сэ къыскІэкІыщтыр ары. Мы сэнэпсым шъуешъо къэсми, шъугу сыкъэжъу­гъэкІыжьыным пае, шъуешъу». 26Сыда пІомэ Зиусхьа­ныр къэкІожьыфэ, мы хьалыгъур шъушхы къэсми, мы

шъуалъэм итыми шъуешъо къэсми, Зиусхьаныр зэрэлІа­гъэм икъэбар шъогъэІу.

27Арышъ, хэтми фэмышъуашэу Зиусхьаным ихьалыгъу зышхырэм, е ащ ишъуалъэ итым ешъорэм Зиусхьаным ыпкъырэ ылъырэ яхьылІагъэу псэкІод ышІагъэу мысэ мэхъу. 28Хэтми ежь ыгу илъыр ерэгъэунэфы, етІанэ хьа­лыгъур ерэшх, шъуалъэм итыми ерэшъу. 29Хьалыгъур Зиусхьаным зэрипкъыр зэхимышІыкІэу, фэмышъуашэу ар зышхэу, сэнэпсыми ешъорэм, зэрэшхэрэмкІи зэрешъорэм­кІи мысагъэ зылъегъэсыжьы. 30Ащ пае лъэкІыныгъэ зи­мыІэу ыкІи сымаджэу цІыфыбэ къышъухэт, лІагъэхэри макІэхэп. 31Тэ зыдгъэунэфыжьыгъэмэ, Тхьэм арэущтэу тигъэпщынэщтыгъэп. 32Ау мы уахътэм Зиусхьаным хьыкум къызыттришІыхьэкІэ, тегъэдаІо, дунаем ицІыф­хэм тырягъусэу мысэ тымыхъуным пае.

33Арышъ, сшыхэр, шъушхэным пае шъузэІукІэмэ, зыр зым ерэж. 34Зыгорэ мэлакІэ лІэмэ, иунэ щэрэшх, шъу­зызэІукІэкІэ мысэ шъумыхъуным пае.

Адрэ Іофхэу къанэхэрэм яхьылІагъэу сыкъызыкІокІэ, яунашъо сшІыщт.

 

11

ЯПШІЫКІУТЮНЭРЭШЪХЬ

ЛъэкІыныгъэхэу Тхьэм Ыпсэ ЛъапІэ цІыфхэм къаритхэрэр

Сшыхэр, Тхьэм Ыпсэ ЛъапІэ цІыфхэм лъэкІыныгъэ­хэу къаритхэрэр зыфэдэхэр шъумышІэу шъукъэзгъэнэнэу сыфаеп. 2Христос шъумышІэу шъузыщэтым, тхьэ нэпцІ бзакохэм шъукъыращэкІэу зэрэщытыгъэм фэдэу, ахэмэ адэжь шъузэрэкІощтыгъэр шъошІэ. 3Арышъ, мыр къы­жъугурызгъэІонэу сыфай: Тхьэм Ыпсэ ЛъапІэ илъэ­кІыныгъэкІэ къэгущыІэу, хэти Исус ебгын ылъэкІыщтэп, Тхьэм Ыпсэ ЛъапІэ илъэкІыныгъэкІи мыхъоу, «Исусыр ары Зиусхьаныр», ыІошъущтэп.

4Тхьэм Ыпсэ ЛъапІэ цІыфхэм лъэкІыныгъэхэу къа­ритхэрэр зэфэшъхьафых, ау Тхьэм Ыпсэ ЛъапІэ зы. 5Іофхэу цІыфхэм Зиусхьаным фашІэхэрэр зэфэшъхьа­фых, ау а цІыф пстэури зы Зиусхьан дэдэм фэлажьэх. 6Тхьэм цІыфхэм Іоф ашІэнэу лъэкІыныгъэ зэраритырэр

зэфэмыдэу щыт, ау а Іофхэр зэкІэ цІыф пстэуми ашІэнхэу лъэкІыныгъэ язытырэ Тхьэр зы.

7Тхьэм Ыпсэ ЛъапІэ хэти зэфэмыдэу зыкъырегъэ­лъагъу, шІошъхъуныгъэ зиІэ пстэуми ишІуагъэ аригъэ­кІыным пае. 8Тхьэм ежь Ыпсэ ЛъапІэ къыбгъодэкІэу, зэхэшІыкІыныгъэ зиІэ гущыІэхэр къыІонхэу зы цІыф горэм лъэкІыныгъэ къыреты, нэмыкІ цІыфми Тхьэм ежь Ыпсэ ЛъапІэ тетэу, шІэныгъэ зиІэ гущыІэхэр къыІон­хэу лъэкІыныгъэ къыреты. 9НэмыкІ цІыфми а Псэ ЛъэпІэ дэдэм къыбгъодэкІэу, шІошъхъуныгъэ иІэнэу лъэкІыныгъэ къыреты; нэмыкІ цІыфми а Псэ ЛъэпІэ дэдэм къыбгъодэкІэу, сымаджэхэр ыгъэхъужьынхэу лъэ­кІыныгъэхэр къыретых. 10НэмыкІ цІыфми Іофышхо гъэ­шІэгъонхэр ышІэнхэу лъэкІыныгъэ къыреты; нэмыкІ цІыфым ыгу Тхьэм ежь игущыІэхэр къырилъхьэхэу, ахэр къыІонхэу лъэкІыныгъэ къыреты; нэмыкІ цІыфми Іоф горэ Тхьэм Ыпсэ ЛъапІэ ыдэжь къикІымэ, къи­мыкІымэ, зэхишІыкІынэу лъэкІыныгъэ къыреты; етІанэ нэмыкІ цІыфми ымышІэрэ бзэхэмкІэ къэгущыІэнэу лъэкІыныгъэ къыреты; нэмыкІ цІыфми а бзэхэр зэридз­экІынхэу лъэкІыныгъэ къыреты. 11А Псэ ЛъэпІэ дэдэр ары цІыфхэм ахэр ашІэнхэу лъэкІыныгъэхэр къязыты­рэр. Хэти шъхьафэу, Тхьэм Ыпсэ ЛъапІэ зэрэфаем тетэу реты.

Пкъыр зы, пкъым щыщхэр бэ

12Пкъым щыщхэр бэ хъухэми, пкъыр зы. Пкъым щыщ пстэури бэ хъухэми, а зы пкъым щыщых. Христос иІоф арэущтэу щыт. 13Сыда пІомэ тэ тыджуртми, тыурымми, тыпщылІми, тышъхьафитми, тэ зэкІэ а зы Псэ ЛъапІэр тыгухэм арылъынэу тызаумэхъым, Христос ыпкъ щыщ тыхъугъ, Христосми а зы Псэ ЛъапІэм тэ пстэуми тиІахьэ хэлъэу ыгъэхъугъ.

14Сыда пІомэ пкъым щыщхэр зэп, бэ мэхъух нахь, 15Лъакъом «Іэу сызэрэщымытым пае, пкъым сыщыщэп», ыІомэ, ащ пае пкъым щымыщэу мэхъуа? 16ТхьакІумэми «Нэу сызэрэщымытым пае, пкъым сыщыщэп», ыІомэ, ащ пае пкъым щымыщэу мэхъуа? 17Пкъыр зэкІэ нэу щытыгъэмэ, зэхэхыныгъэм иІоф сыдэущтэу хъущтыгъ? Ащ фэдэуи пкъыр зэкІэ тхьакІумэу щытыгъэмэ, пэмэ­ныгъэм иІоф сыдэущтэу хъущтыгъ?

18Ау Тхьэм пкъым щыщ пстэури зэхилъхьагъ, сыд фэди ежьыр зэрэфаем тетэу. 19Пкъым щыщхэр зэкІэ зы закъоу щытыгъэмэ, пкъыр тыдэ къэнэщтыгъа? 20Ау джы зэрэщытымкІэ пкъым щыщхэр бэ мэхъух, ау пкъыр зызакъо.

21Нэм «Сэ усищыкІагъэп», ыІоу, Іэм риІошъущтэп. Шъхьэми «Сэ шъусищыкІагъэп», ыІоу, лъакъохэм ари­Іошъущтэп. 22Ау пкъым щыщхэу адрэмэ анахьи нахь кІуачІэ зимыІэхэу къэлъагъохэрэр нахь тищыкІагъэх. 23Пкъым щыщхэу лъытэныгъэ зифэмышъуашэу тлъы­тэхэрэми нахь тафысакъы. 24Пкъым щыщхэу тызтеукІы­тэхьэхэрэри нахь екІоу тэгъэбылъых. Пкъым щыщхэу тызтемыукІытыхьэхэрэм ар ящыкІагъэп. Ау пкъым щыщхэу лъытэныгъэ зимыІэхэм адрэ щыщхэм анахьи нахь лъытэныгъэ аритэу, Тхьэм пкъыр зэхилъхьагъ. 25Тхьэм арэущтэу зыфишІагъэр тэ ежь ыпкъ щыщхэр тызэпэмыуцоу, тызэфэдэу тызэфэсакъыжьыныр ары. 26Арышъ, пкъым щыщэу зыгорэм къин ыщэчмэ, а пкъым щыщ пстэуми дащэчы. Ащ фэдэу, пкъым щыщэу зыгорэм лъытэныгъэ ыгъотымэ, а пкъым щыщ пстэури дэгушІох.

27Шъо Христос шъурипкъ, шъуащыщэу хэти а пкъым шъущыщ. 28Чылыс зэІукІэм фэлэжьэнхэу Тхьэм апэ­рэмкІэ цІыф заулэ апостолхэу къыгъэнэфагъэх. ЯтІо­нэрэмкІи, цІыф заулэ пегъымбархэу къыгъэнэфагъэх. ЯщэнэрэмкІи, цІыф заулэмэ адрэ цІыфхэм Іофхэр ара­гъэшІэнхэу къыгъэнэфагъэх. ЕтІанэ Іофышхо гъэшІэ­гъонхэр ашІэнхэу цІыф заули къыгъэнэфагъэх. ЕтІанэ сымаджэхэр агъэхъужьынхэм пае, лъэкІыныгъэхэр яІэн­хэу цІыф заули къыгъэнэфагъэх. НэмыкІхэри адрэ цІыф­хэм ІэпыІэгъу афэхъунхэу, нэмыкІхэри пэрытынхэу, етІа­нэ нэмыкІхэми ежьхэм амышІэрэ бзэхэмкІэ къэгущыІэн­хэу къыгъэнэфагъэх. 29ЦІыф пстэури апостолхэу щытхэп, арыба? ЦІыф пстэури пегъымбархэу щытхэп, арыба? ЦІыф пстэуми адрэ цІыфхэм Іофхэр арагъашІэхэрэп, арыба? ЦІыф пстэуми Іофышхо гъэшІэгъонхэр ашІэ­хэрэп, арыба? 30ЦІыф пстэуми сымаджэхэр агъэхъужьын­хэу лъэкІыныгъэхэр яІэхэп, арыба? АмышІэрэ бзэхэмкІи цІыф пстэури къэгущыІэхэрэп, арыба? ЦІыф пстэуми ащ фэдэ бзэхэр зэрадзэкІыхэрэп, арыба?

31Ау лъэкІыныгъэхэу анахь инхэм ауж шъуит. Джы гъогоу анахьышІур шъозгъэлъэгъущт.

 

12

ЯПШІЫКІУЩЭНЭРЭШЪХЬ

ШІулъэгъуныгъэр

ЦІыфхэмрэ мэлэІичхэмрэ абзэхэмкІэ сыгущыІэу, ау шІу­лъэгъуныгъэ сыгу имылъмэ, жъгъырэу макъэ зыпыІу­кІырэ гъуаплъэмрэ мэкъае зыпыІукІырэ одджынымрэ са­фэд. 2Тхьэм ежь игущыІэхэр сыгу къырилъхьэхэу, ахэр къэсІонхэу лъэкІыныгъэ къыситыгъэу сиІэми, шъэф пстэури сэшІэми, шІэныгъэ пстэури сиІэми, къушъхьэхэр нэмыкІ чІыпІэм згъэкощынхэу шІошъхъуныгъэ сиІэми, ау шІулъэгъуныгъэ сыгу имылъмэ, зэуи сыщытэп. 3СиІэр зэкІэ щыкІагъэ зиІэхэм ястыми, цІыфхэм спкъы машІо­кІэ агъэстынэу ястыми, ау шІулъэгъуныгъэ сыгу имылъ­мэ, ишІуагъэ къысэкІыщтэп.

4ШІулъэгъуныгъэм щыІагъэ иІ, гукІэгъуныгъэри иІ. ШІулъэгъуныгъэр шъугъорэп, зыщытхъужьрэп ыкІи зы­шІошІыжьрэп. 5ШІулъэгъуныгъэр емыкІоу зекІорэп, ежь ышъхьэ ишІуагъэ ыуж итэп, зигъэгусэрэп, бзэджагъэм егупшысэрэп. 6ШІулъэгъуныгъэр бзэджагъэм фэгушІо­рэп, шъыпкъагъэм фэгушІо нахь. 7ШІулъэгъуныгъэм мыхъун пстэури егъэгъу, ТхьэмкІэ шІошъхъуныгъэ иІэ зэпыт, Тхьэм щегугъы зэпыт, теубытэныгъэ иІэ зэпыт.

8ШІулъэгъуныгъэр ныбжьи кІодыжьыщтэп. Тхьэм ежь игущыІэхэр цІыфхэм агухэм къарилъхьахэу, цІыфхэм къызэраІохэрэм илъэкІыныгъэ уцужьыщт. ЦІыфхэм амышІэрэ бзэхэмкІи къызэрэгущыІэхэрэм илъэкІыны­гъэри зэпыужьыщт. ШІэныгъэри кІодыжьыщт. 9Арэу­щтэу зыкІэхъущтыр тишІэныгъэ щыкІэгъэнчъэу, икъу­гъэу зэрэщымытыр ары, Тхьэм ежь игущыІэхэр цІыф­хэм агухэм къарилъхьэхэу, цІыфхэм ахэр къызэраІохэ­рэм илъэкІыныгъи щыкІэгъэнчъэу, икъугъэу зэрэщымы­тыр ары, 10Ау щыкІагъэ зимыІэу, икъугъэ Іофыр къы­зыкІокІэ, щыкІагъэ зиІэу, имыкъугъэ Іофыр кІоды­жьыщт. 11Сабыеу сызыщэтым, сабыим фэдэу сыгущыІэ­щтыгъ, сабыим фэдэу сыгупшысэщтыгъ ыкІи къызгу­рыІощтыгъ. Ау лІы сызэхъум, а сабыиныгъэр хэсынэ­жьыгъ. 12Джы Іоф пстэури мынафэу гъунджэм* тызэри-

13:12 гъунджэ – пасэм гъунджэхэр агъэлыдыгъэ къэлаим хэшІы­кІыгъэхэу зэрэщытыгъэхэм пае, ахэмэ къапэІут пкъыгъохэр мынафэу къагъэлъагъощтыгъ.

плъэрэм фэдэу тэлъэгъу, ау а мафэм зэкІэ нафэу тлъэ­гъущт, зы цІыф горэм тызэрэпэІууцорэм фэдэу. Джы сишІэныгъэ щыкІагъэ иІэу, имыкъугъэу щыт, ау а мафэм зэкІэ сшІэщт, Тхьэм шъыпкъэу сызэришІэрэм фэдэу.

13Арэущтэу мы Іофищыр мыкІодыжьынхэу щытых: шІошъхъуныгъэр, Тхьэм ІэхьышІур къызэрэтитыщтым щыгугъыгъэныр, шІулъэгъуныгъэр. Ау ахэмэ ащыщэу анахь иныр шІулъэгъуныгъэр ары.

 

13

ЯПШІЫКІУПЛІЭНЭРЭШЪХЬ

НэмыкІ лъэкІыныгъэхэу Тхьэм Ыпсэ ЛъапІэ цІыфхэм къаритхэрэр

ШІулъэгъуныгъэр шъугухэм зэрарылъыщтым шъуи­шъыпкъэу ыуж шъуит. Тхьэм лъэкІыныгъэхэр къызэрэ­шъуитыщтхэм ыуж шъуит, анахьэу Тхьэм ежь игущыІэ­хэр шъугухэм къарилъхьанхэшъ, ахэр къэшъуІонхэу лъэкІыныгъэ къызэрэшъуитыщтым ыуж шъуит. 2Сыда пІомэ Тхьэм Ыпсэ ЛъапІэ илъэкІыныгъэкІэ ымышІэ­рэ бзэкІэ къэгущыІэрэр цІыфмэ адэгущыІэрэп, Тхьэм дэгущыІэ нахь, сыда пІомэ къыІохэрэр зыми къы­гурыІохэрэп. Тхьэм Ыпсэ ЛъапІэ илъэкІыныгъэкІэ шъэфхэр къеІох. 3Ау Тхьэм ежь игущыІэхэр цІыфэу зыгу къырилъхьэу, ахэр къэзыІорэр цІыфмэ адэгущы­Іэ, гурэ псэрэкІэ нахь лъэкІыныгъэ арегъэгъоты, агуре­гъаІо ыкІи егъэгушхох. 4ЦІыфэу ымышІэрэ бзэкІэ къэ­гущыІэрэм гурэ псэрэкІэ нахь лъэкІыныгъэ зыфегъо­тыжьы, ау Тхьэм ежь игущыІэхэр зыгу къырилъхьэу, ахэр къэзыІорэм чылыс зэІукІэм щыщхэм гурэ псэрэкІэ нахь лъэкІыныгъэ арегъэгъоты. 5Шъо зэкІэми шъумы­шІэрэ бзэхэмкІэ шъукъэгущыІэнэу сыфай, ау ащ нахьи Тхьэм ежь игущыІэхэр шъугухэм къарилъхьанхэшъ, ахэр къызэрэшъуІонхэм илъэкІыныгъэ шъуиІэнэу сы­фай. Тхьэм ежь игущыІэхэр зыгу къырилъхьэу, ахэр къэзыІорэр цІыфэу ымышІэрэ бзэкІэ къэгущыІэрэм нахьи нахь ин, а бзэр зыгорэм зэримыдзэкІымэ, чылыс зэІукІэм щыщхэм гурэ псэрэкІэ нахь лъэкІыныгъэ ари­гъэгъотыным пае.

6Джы, сшыхэр, шъуадэжь сыкъакІоу сымышІэрэ бзэкІэ сыкъэгущыІэмэ, сыда сишІуагъэу шъозгъэкІыщтыр?

Тхьэм къысфигъэнэфэгъэ Іофхэр шъосымыІохэу, е шІэ­ныгъэ къышъосымытэу, е Тхьэм ежь игущыІэхэу сыгу къырилъхьэхэрэр, къэсымыІохэмэ, е Іоф горэхэр шъо­сымыгъашІэхэмэ, сишІуагъэ зи шъозгъэкІырэп, арыба? 7Ащ фэдэу, шыкІэпщынэрэ, къамылрэ, е адрэ псэ зы­хэмылъэу макъэ къызпыІукІырэмэ мэкъэ зэфэшъхьаф­хэр ямыІэмэ, орэдэу къарагъаІорэр сыдэущтэу зэхэпшІы­кІыщта? 8Бжъэмыешхом ымакъэ мынафэмэ, хэта заом зы­фэзыгъэхьазырыщтыр? 9Шъо шъуиІоф зытетыр ащ фэд. Шъо шъубзэгукІэ цІыфхэм зэхамышІыкІырэ гущыІэхэр къашъуІохэмэ, сыдэущтэу къашъуІорэр зэхашІыкІыщта? Жьыбгъэм шъудэгущыІэщт ныІэп. 10Дунаем бзэ зэфэшъ­хьафыбэхэр тетых, зэкІэ ахэми зыгорэ къарэкІы. 11Ау бзэм къикІырэр зэхэсымышІыкІымэ, къэгущыІэрэм хы­мэ сыфэхъущт, ежьыри хымэ къысфэхъущт. 12Арэущтэу шъори Тхьэм ежь Ыпсэ ЛъапІэ къыбгъодэкІэу, лъэ­кІыныгъэхэр къызэрэшъуитыщтхэм ыуж шъуитышъ, чы­лыс зэІукІэм щыщхэм гурэ псэрэкІэ нахь лъэкІыныгъэ яжъугъэгъотыным пае, ащ фэдэ лъэкІыныгъэхэр щыкІэ­гъэнчъэу икъугъэу шъуиІэ зэрэхъущтым ыуж шъуит.

13Арышъ, цІыфэу ымышІэрэ бзэкІэ къэгущыІэрэм а бзэр зэридзэкІынэуи лъэкІыныгъэ къыритынкІэ Тхьэм ерэлъэІу. 14Сыда пІомэ сымышІэрэ бзэкІэ Тхьэм селъэ­Іумэ, спсэкІэ селъэІу, ау сиакъыл лажьэрэп. 15Сыда ащы­гъум сшІэщтыр? СпсэкІи сиакъылкІи Тхьэм селъэІущт. СпсэкІи сиакъылкІи тхьэщытхъу орэдхэр къэсІощтых. 16Сыда пІомэ умышІэрэ бзэкІэ Тхьэм Ыпсэ ЛъапІэ илъэкІыныгъэкІэ Тхьэм ищытхъу пшІымэ, мы Іофхэр зэхэзымышІыкІырэ цІыфхэм ащыщэу зыгорэм уитхьэ­щытхъу сыдэущтэу «Амин»* фиІон ылъэкІына? КъапІо­рэр гурыІорэп, арыба? 17O дэгъоу Тхьэм ищытхъу ошІы, ау адрэм ишІуагъэ къакІорэп.

18Тхьэм ЬІпсэ ЛъапІэ илъэкІыныгъэкІэ сымышІэрэ бзэкІэ шъо пстэуми анахьи нахьыбэу сызэрэгущыІэрэм­кІэ Тхьэм щытхъу фэсэшІы. 19Ау чылыс зэІукІэм сыщы­Іэу, сымышІэрэ бзэкІэ гущыІэ мин къэсІоным нахьи, цІыфхэм Іоф горэхэр язгъэшІэнхэм пае, сиакъылкІэ гу­щыІитф къэсІоныр нахь къэсэштэ.

14:16 Амин – джуртыбзэм щыщ гущыІэу «Арэущтэу орэхъу» къы­зэрыкІырэр ары.

20Сшыхэр, шъуигупшысакІэкІэ сабыйхэм шъуафэдэу шъумыхъу. Ау бзэджагъэмкІэ сабыйхэм лажьэ зэрямы­Іэм фэдэу, шъори шъухъу, шъуигупшысакІэкІи зыныбжь икъугъэ цІыфхэм афэдэу шъухъу. 21Зиусхьаным мырэу­щтэу къызэриІорэр Тэурат хабзэм ит:*

«ХымабзэхэмкІи хымэхэм абзэгухэмкІи

мы лъэпкъым сыдэгущыІэщт,

ау щытми къысэдэІущтхэп». 22Арышъ, Тхьэм Ыпсэ ЛъапІэ илъэкІыныгъэкІэ цІыф горэм ымышІэрэ бзэхэмкІэ гущыІэмэ, ар нэшанэ зыфэ­хъухэрэр шІошъхъуныгъэ зиІэхэр арэп, шІошъхъуныгъэ зимыІэхэр ары нахь. Ау Тхьэм ежь игущыІэхэр зыгу къырилъхьэрэ цІыфым ахэр къызиІохэкІэ, ар нэшанэ зыфэхъухэрэр шІошъхъуныгъэ зимыІэхэр арэп, шІошъ­хъуныгъэ зиІэхэр ары нахь. 23Чылыс зэІукІэм щыщ пстэури зэрэугъоигъэхэу, шъумышІэрэ бзэхэмкІи шъо зэкІэ шъугущыІэу, ащ фэдэ Іофхэр зымышІэрэ цІыф заулэ, е шІошъхъуныгъэ зимыІэ цІыф заулэ а зэІукІэм къыхахьэмэ, «Шъо шъудел», аІонба? 24Ау шъо пстэу­ми Тхьэм ежь игущыІэхэу шъугухэм къарилъхьэхэрэр къашъуІохэ зыхъукІэ, шІошъхъуныгъэ зимыІэ цІыф горэ, е ащ фэдэ Іофхэр зымышІэрэ цІыф горэ шъуи­зэІукІэ къыхахьэмэ, шъо зэкІэми къашъуІорэ гущы­Іэхэм зэхырагъэшІыкІыщт псэкІодышІэ цІыфэу зэрэщы­тыр, ыгу илъыри агъэунэфыщт. 25Арэущтэу а цІыфым ыгу илъ шъэфхэр нафэ къэхъух. ЫбгъэгукІэ чІыгум зытыридзэнышъ, Тхьэр ыгъэлъэпІэщт, «ШъыпкъэмкІэ Тхьэр шъуигъусэ», къыІозэ.

Чылыс зэІукІэм екІоу ыкІи зэгъэзэфагъэу Тхьэр ыгъэлъэпІэн фае

26Сыд етІанэ, сшыхэр? ШъузызэІукІэкІэ, зым тхьэщы­тхъу орэд къерэІу, адрэм Іоф горэ шъуерэгъашІэ, нэ­мыкІми Тхьэм къыфигъэнэфэгъэ Іоф горэ къерэІуат, нэмыкІри ымышІэрэ бзэкІэ орэгущыІэ, нэмыкІми ар зэ­рерэдзэкІ. Мы Іоф пстэуми гурэ псэрэкІэ нахь лъэкІы­ныгъэ шъуагъэгъотынэу орэхъу. 27Ежьхэм амышІэрэ бзэ­кІэ цІыф горэхэр къэгущыІэхэ хъумэ, нэбгыритІу е нэ-

14:21 Тэурат хабзэм ит – еплъ Пегъымбар Исайас тхылъэу ытхыгъэм 28:11-12.

бгырищ, нахьыбэ орэмыхъу, зыр зым ыуж итэу орэгу­щыІэ. НэмыкІми ахэмэ къаІорэр зэрерэдзэкІ. 28Ау зэзы­дзэкІышъун цІыф горэ щымыІэмэ, ымышІэрэ бзэкІэ къэ­гущыІэрэм чылыс зэІукІэм зыщерэушъэф. ЫгукІэ орэ­гущыІ, Тхьэми дэрэгущыІ.

29ЦІыфхэу Тхьэм ежь игущыІэхэр зыгу къырилъхьэхэу, ахэр къэзыІонхэу лъэкІыныгъэ зэритхэрэм ащыщхэу нэ­бгыритІу е нэбгырищ шъуизэІукІэ къыщэрэгущыІэх, къа­Іохэрэри адрэхэм арэгъэунэфых. 30Тхьэм зэІукІэм хэсхэм ащыщэу зыгорэм Іоф горэ къыфигъэнафэмэ, апэу къэ­гущыІэрэм зерэушъэф. 31Сыда пІомэ шъо зэкІэмэ Тхьэм ежь игущыІэхэу шъугухэм къарилъхьэхэрэр зыр зым ыуж итэу къэшъуІонхэ шъулъэкІыщт, адрэ цІыфхэм зэкІэми зыгорэ зэрагъэшІэным паий, зэкІэри гушхонхэм паий. 32ЦІыфхэу Тхьэм ежь игущыІэхэр зыгу къырилъхьэхэу, ахэр къэзыІонхэу лъэкІыныгъэ зэритыхэрэм аІэ а лъэ­кІыныгъэр илъ, 33сыда пІомэ Тхьэр гупсэфыныгъэм и Тхьэу щыт нахь, зэхэтхъогъэ Іофым и Тхьэу щытэп. Тхьэм ицІыф лъапІэхэм ячылыс зэІукІэ пстэуми яІоф зы­тетыр ащ фэд.

34Бзылъфыгъэхэм чылыс зэІукІэм зыщарэушъэф. Ахэр гущыІэнхэу фитхэп, ау Тэурат хабзэм зэритым фэ­дэу, ялІыхэм афэІорышІэнхэ фае. 353ы Іоф горэ зэрагъэ­шІэнэу фаехэмэ, яшъхьэгъусэмэ унэм щярэупчІых; сыда пІомэ чылыс зэІукІэм хэсэу бзылъфыгъэр къэгущыІэныр екІурэп. 36Тхьэм игущыІэхэр шъуадэжь къикІыгъэха, сэІо? Хьауми а гущыІэхэр цІыфхэу зынэсыгъэхэр шъо шъуизакъуа?

37ЦІыф горэм ыгу Тхьэм ежь игущыІэхэр къырилъ­хьэхэу, ахэр къыІонхэу лъэкІыныгъэ иІэу мэгугъэмэ, е Тхьэм Ыпсэ ЛъапІэ ыгу илъэу мэгугъэмэ, мы къышъу­фэстхырэр Зиусхьаным зэриунашъор къыгурэрэІу. 38Ар къызыгурымыІорэ цІыфым къыгурэрэмыІу.

39Арышъ, сшыхэр, Тхьэм ежь игущыІэхэр шъугухэм къарилъхьанхэшъ, ахэр къэшъуІонхэу лъэкІыныгъэ къызэрэшъуитыщтым ыуж шъуит, амышІэрэ бзэхэмкІи цІыфхэр къэшъумыгъэгущыІэнхэу шъупымылъ. 40Ау Іофхэр зэкІэ екІухэу ыкІи зэгъэзэфагъэхэу орэхъу.

 

14

ЯПШІЫКІУТФЭНЭРЭШЪХЬ

Христос лІагъэхэм къызэрахэтэджыкІыжьыгъэм ехьылІагъ

КъэбарышІоу* къышъозгъэІугъэр шъугу къэзгъэкІы­жьынэу сыфай. А къэбарышІур шъудагъэу шъуишъы­пкъэу шъутет. 2А къэбарышІумкІи шъумыкІодэу Тхьэм шъукъегъэнэжьы, шъозгъэшІэгъэ Іофхэм пытэу шъуатетмэ. Армырмэ, хьаулыеу шІошъхъуныгъэ шъуиІэ хъугъэ.

3Сыда пІомэ Іоф пстэуми апэу къэбарышІоу Христос къысІэкІилъхьагъэр къышъуфэзгъэнагъ: Тхьэм игущыІэ тхыгъэхэм атетэу, Христос типсэкІодхэр ыпщыныжьын­хэм пае, лІагъэ. 4Къэунэм чІалъхьажьыгъ, ау ящэнэрэ мафэм Тхьэм лІагъэхэм ар къахигъэтэджыкІыжьыгъ, Тхьэм игущыІэ тхыгъэхэм атетэу. 5ЕтІанэ Христос Кифэ* зыкъыригъэлъэгъугъ. Ащ ыуж игъогу рыкІорэ нэбгырэ пшІыкІутІумэ зыкъаригъэлъэгъугъ. 6ЕтІанэ зэ къош шъитфым къехъумэ зыкъаригъэлъэгъугъ. Ахэмэ ащыщэу анахьыбэр джыри псэух, заули дунаем ехыжьыгъ. 7Ащ ыуж Якъуби* зыкъыригъэлъэгъугъ, етІани апостол пстэуми зыкъаригъэлъэгъугъ. 8ЗэкІэми аужкІэ сэ сабый­хэр къызэралъфырэ хабзэм фэмыдэу къалъфыгъэ са­быим фэдэм* зыкъысигъэлъэгъугъ.

9Сыда пІомэ апостолхэм ащыщэу анахь цІыкІур сэры, апостол къысаІонэуи сифэшъуашэп, сыда пІомэ Тхьэм ичылыс зэІукІэ щыщхэм къин язгъэщэчыщтыгъэти ары. 10Ау Тхьэм ынэшІу къызэрэсщифагъэм пае, джы сызэ­рэщытым фэдэу сыхъугъ. ЫнэшІу къызэрэсщифагъэр хьаулыеу хъугъэп. Адрэхэм зэкІэми анахьи нахьыбэу сы­лэжьагъ, ау сэр-сэрэу сылэжьагъэп, Тхьэм ынэшІу къыс­щифи, сигъэлэжьагъэ нахь. 11КъэбарышІур цІыфхэм язы­гъэІурэр сэрэу щытми, адрэ апостолхэр арэу щытми, а къэбарышІур ары дгъэІурэр. А къэбарышІумкІэ шъори шІошъхъуныгъэ шъуиІэ хъугъэ.

15:1 къэбарышІу – еплъ 9:14.

15:5 Кифэ – еплъ 1:12.

15:7 Якъубэ – Зиусхьанэу Исус ышэу Ерусалим щыІэ чылыс зэІу­кІэм итхьаматэхэм ащыщыгъэр ары. Еплъ Апостол. 12:17; Гал. 1:19.

15:8 къалъфыгъэ сабыим фэдэм – Паул Исус игъогу техьаныр сабый къалъфыным фегъадэ.

ЛІагъэхэм якъэтэджыжьыныгъэ

12Тхьэм Христос лІагъэхэм къызэрахигъэтэджыкІыжьы­гъэм икъэбар тэгъэІу пэтми, шъуащыщэу заулэм, «ЛІа­гъэхэр къэтэджыжьыщтхэп», аІоу, сыдэущтэу аІон алъэ­кІыра? 13ЛІагъэхэр къэмытэджыжьыщтхэмэ, ащыгъум Тхьэм Христоси лІагъэхэм къахимыгъэтэджыкІыжьыгъэу хъущтыгъэ. 14Ау Тхьэм Христос лІагъэхэм къахимыгъэ­тэджыкІыжьыгъэмэ, къэбарышІоу шъодгъэІурэм пкІэ иІэ­щтыгъэп, тишІошъхъуныгъи пкІэ иІэщтыгэп. 15Ащ нэмы­кІэуи, Тхьэм шыхьат нэпцІ тыфэхъугъэу къычІэкІы­щтыгъ, сыда пІомэ Тхьэм Христос лІагъэхэм къызэрахи­гъэтэджыкІыжьыгьэм шыхьат тыфэхъугъ, ау «Тхьэм лІа­гъэхэр къыгъэтэджыжьыщтхэп», аІо а цІыфхэм зэраІорэм тетэу шъыпкъэмэ, Тхьэм Христоси къымыгъэтэджыжьы­гъэу хъущтыгъэ. 16Сыда пІомэ Тхьэм лІагъэхэр къымы­гъэтэджыжьыщтхэмэ, Христоси къымыгъэтэджыжьыгъэу хъущтыгъэ. 17Ау Тхьэм Христос лІагъэхэм къахимыгъэ­тэджыкІыжьыгъэмэ, шъуишІошъхъуныгъэ хьаулыеу хъу­щтыгъ, шъуипсэкІодхэри джыри къышъутелъыщтыгъэх. 18Ащыгъум цІыфхэу ХристоскІэ шІошъхъуныгъэ зиІэхэу лІагъэхэр кІодыгъэхэу щытыщтыгъэх. 19Мы дунаем ищыІэ­ныгъэ закъо пае Христос тыщыгугъымэ, цІыф пстэуми анахьи нахь сыхьатмыгъо ежьагъэхэр тэры.

20Ау зэрэщытымкІэ, Тхьэм Христос лІагъэхэм къахи­гъэтэджыкІыжьыгъ, Тхьэм адрэ лІагъэхэр къызэригъэ­тэджыжьыщтхэмкІэ Христос шэсы* къытфэхъуным пае. 21Сыда пІомэ лІэныгъэр къызпкъырыкІыгъэр зы цІыф, ащ фэдэуи лІагъэхэм якъэтэджыжьыныгъэ къызпкъыры­кІырэри зы цІыф. 22ЦІыф пстэури Адэм зыцІэм къызэ­рэтехъукІыгъэхэм пае, мылІэнхэ мыхъунэу зэрэщытым фэдэу, Христос зыгу илъ цІыф пстэури Тхьэм къыгъэ­псаужьыщтых. 23Ау а Іофыр зэрэхъущтыр хэти ичэзыу тетэу ары: апэу лІагъэхэм къахэтэджыкІыжьыгъэр Христос ары. ЕтІанэ ащ дунаем къызигъэзэжькІэ, ицІыф­хэр къэтэджыжьыщтых. 24Ащ ыуж дунаем икІэух къэ-

15:20 шэсы – зыгорэм ыуасэ щыщ ыпэкІэ бгъэтІылъырэр ары. Гущы­Іэм пае, унэ горэ къэпщэфынэу уфаемэ, ыуасэ щыщэу ыпэкІэ бгъэ­тІылъырэ ахъщэр ары. А бгъэтІылъырэм къегъэшъыпкъэ къанэрэ уасэр зэряптыщтыр.

сыщт. Ар къызыскІэ, Христос Іэшъхьэтет пстэури, теты­гъо зиІэ пстэури, лъэкІыныгъэ зиІэ пстэури зегъэкІоды ужым, ащ Тхьэу Ты лъапІэм тетыгъошхор ритыщт. 25Сы­да пІомэ Христос тетыгъор иІэн фае, Тхьэм Христос ипыйхэр зэкІэ Христос ылъэгу чІэгъ чІигъэуцофэ нэс. 26Ыужырэ пыеу Тхьэм ыгъэкІодыжьыщтыр лІэныгъэр ары; 27сыда пІомэ Тхьэм игущыІэ тхыгъэхэм зэрарытым фэдэу,* «Тхьэм зэкІэри Христос ылъэгу чІэгъ чІигъэ­уцуагъ». Тхьэм зэкІэри Христос итетыгъо ыІэчІэгъ чІи­гъэуцуагъэу ыІозэ, Тхьэм игущыІэ тхыгъэхэм арытышъ, зэкІэри Христос итетыгъо ыІэчІэгъ чІэзыгъэуцогъэ Тхьэр зэрямыгъусэр нафэ. 28Тхьэм зэкІэри Ыкъоу Христос итетыгъо ыІэчІэгъ зычІегъэуцо ужым, ыКъуи Тхьэу ыІэ­чІэгъ зэкІэри чІэзыгъэуцуагъэм ыІэчІэгъ чІэуцожьыщт. Арэущтэу Тхьэр зэкІэ цІыфхэм адэжькІэ зэкІэ мэхъу.

29Тхьэм лІагъэхэр къымыгъэтэджыжьыщтхэмэ, лІагъэ­хэм ачІыпІэкІэ цІыфхэу диным ехьылІагъэу тетыгъо зиІэ цІыф горэм зезыгъэумэхъыхэрэм* сыда агу хэлъыр? Тхьэм лІагъэхэр къымыгъэтэджыжьыщтхэмэ, лІагъэхэм ачІыпІэкІэ сыд пае зырагъэумэхъыра? 30Тэри, сыхьат къэс щынагъом сыд пае зыхэдгъафэра? 31Сшыхэр, Христос Исусэу ти Зиусхьан шъугухэм зэрарылъымкІэ сызэрэ­пагэрэр зэрэшъыпкъэм фэдэу, мафэ къэси лІэныгъэм сызэрэпэІутри шъыпкъэ. 32ЦІыфхэм ягупшысакІэ тетэу сегупшысэщтыгъэмэ, Ефес къалэм сыщыІэу, цІыфхэу хьа­кІэ-къуакІэхэм афэдэхэм сызябэным, сыда ишІуагъэу къэ­кІуагъэр? Тхьэм лІагъэхэр къымыгъэтэджыжьыщтхэмэ, «Тыжъугъашх, ыкІи тешъугъашъу, сыда пІомэ неущ тылІэщт».*

33Арышъ, цІыфхэм зяшъумыгъэгъапцІ: Ныбджэгъу дэихэм шэнышІу зиІэр агъэкІоды. 34ЕкІоу зэрэщытым тетэу зышъушІэжь. ПсэкІодшІэным ыуж шъуикІ; сыда пІомэ Тхьэр зымышІэрэ заулэ къышъухэт. Шъузгъэ­укІытэжьынэу ар сэІо.

15:27 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 8:6 (урыс библиемкІэ 8:7).

15:29 лІагъэхэм ачІыпІэкІэ цІыфхэу диным ехьылІагъэу тетыгъо зиІэ цІыф горэм зезыгъэумэхъыхэрэр – яунагъо щыщхэу лІагъэхэр е яны­бджэгъухэу лІагъэхэр къагъэтэджыжьхэу ашІошІэу, зы цІыф горэхэм а лІагъэхэм ачІыпІэкІэ диным ехьылІагъэу тетыгъо зиІэ цІыф горэм зырагъэумэхъыгъ.

15:32 . . . неущ тылІэщт – еплъ Пегъымбар Исайас тхылъэу ытхы­гъэм 22:13.

ЛІагъэхэм къахэтэджыкІыжьыгъэ цІыфхэм апкъ

35Ау зыгорэм къыІонкІи мэхъу: «ЛІагъэхэр сыдэущтэу къэтэджыжьыщтха? Апкъ сыд фэдэщта?» 36О гурыІо­ныгъэ зимыІэ цІыф! ЧІым хаплъхьэрэр мылІэмэ, къэ­псэужьышъущтэп. 37Зыгорэ чІым зыхаплъхьэкІэ, къыхэ­кІыщтым ыпкъ арэп хаплъхьэрэр, чылапхъэ къодые нахь, коцым ичылапхъи е нэмыкІым ичылапхъи. 38Тхьэр зэ­рэфаем тетэу пкъы къыреты, сыдрэ зы чылэпхъэ лъэ­пкъми ежьым иунаеу пкъы къыреты. 39Пкъыхэр зэкІэ зэфэмыдэхэу щытых. ЦІыфым ыпкъ зы, хьакІэ-къуа­кІэхэм апкъи шъхьафы, бзыухэми апкъ нэмыкІ, пцэ­жъыехэри ары. 40Уашъом щыІэ пкъыхэр щыІэх. ЧІы­лъэм щыІэ пкъыхэри щыІэх. Уашъом щыІэ пкъыхэми ящытхъу шъхьафы, чІылъэм щыІэ пкъыхэми ящытхъу шъхьафы. 41Тыгъэм ежь ищытхъу иІ, мазэми нэмыкІ щытхъу иІ, жъуагъохэри ары. ЯщытхъукІэ жъуагъохэри зэтекІых.

42ЛІагъэхэм якъэтэджыжьыныгъэ иІоф арэущтэу щы­тыщт. Чылапхъэу чІым халъхьэрэм фэдэу, пкъэу чІа лъхьэрэр кІодыщт, ау пкъэу къэтэджыжьыщтыр мы­кІодэу къэнэжьыщт. 43Зэрамыпэсэу чІым чІалъхьэ, ау щытхъушхо иІэу къэтэджыжьыщт. ЛъэкІыныгъэ имыІэу чІалъхьэ, ау лъэкІыныгъэ иІэу къэтэджыжьыщт. 44ЧІа­лъхьэрэр лымрэ къупшъхьэмрэ къахэхъукІыгъэ пкъыр ары, ау къэтэджыжьыщтыр пкъэу Тхьэм Ыпсэ ЛъапІэ цІыфым къыритыщтыр ары.

Лымрэ къупшъхьэмрэ къахэхъукІыгъэ пкъы щыІэмэ, пкъэу Тхьэм Ыпсэ ЛъапІэ цІыфым къыритырэри щыІ. 45Мырэущтэу Тхьэм игущыІэ тхыгъэхэм арыт:* «Апэрэ цІыфэу Адам зыцІэр псэ зыхэлъ цІыфэу хъугъэ»* Ау ыужыпкъэрэ Адэмыр* мыкІодыжьын щыІэныгъэ къытэ­зытырэ псэр ары. 46Апэу къакІорэр пкъэу Тхьэм Ыпсэ ЛъапІэ цІыфым къыритырэр арэп, лымрэ къупшъхьэм­рэ къахэхъукІыгъэ пкъыр ары нахь. ЫужкІэ пкъэу Тхьэм Ыпсэ ЛъапІэ цІыфым къыритырэр къэкІощт. 47Апэрэ цІыфыр мы дунаем щыщыгъ, Тхьэм ар ятІэм къыхи­гъэхъукІыгъ. ЯтІонэрэ цІыфыр уашъом щыщ, Зиусхьа-

15:45 Тхьэм игущыІэ тхыгъэхэм арыт – еплъ Пегъымбар Мусэ апэрэ тхылъэу ытхыгъэм 2:7.

15:45 ыужыпкъэрэ Адэмыр – Исус Христос ары.

ныр ары. 48Мы дунаем тет цІыфхэр Тхьэм ятІэм къыхи­гъэхъукІыгъэ цІыфым фэдэх. Ащ фэдэу, уашъом щы­псэурэ цІыфхэри уашъом щыщым фэдэщтых. 49Тхьэм ятІэм къыхигъэхъукІыгъэ цІыфым тызэрэфэдэм фэдэу, уашъом щыщми тыфэдэщт.

50Ау, сшыхэр, мыр шъосэІо: лымрэ лъымрэ къахэхъу­кІыгъэ цІыфым Тхьэм и ТетыгъошхокІэ* Іахьэ къылъы­сышъущтэп. Ащ фэдэу кІодын фаем мыкІодыжьын щы­Іэныгъэ ІэхьышІоу къылъысыщтэп. 51ШъукъэдаІу, зы шъэф горэ шъосэІо: Тэ зэкІэ тылІэщтэп,* ау 52ошІэ-дэ­мышІэу, нэгъэупІэпІэгъум дунаем икІэух дэжь бжъэмые­шхом ымакъэ къызыІукІэ, Тхьэм тэ зэкІэ тызэблихъущт. Сыда пІомэ бжъэмыешхом ымакъэ къэІущт, лІагъэхэ­ри мыкІодыжьынэу къэтэджыжьыщтых, Тхьэми тызэбли­хъущт. 53Сыда пІомэ кІодыжьынэу щыт пкъым мыкІо­дыныгъэм ишъуашэ зыщилъэн фае, лІэжьынэу щыт пкъыми мыкІодыжьын щыІэныгъэм ишъуашэ зыщилъэн фае. 54ЕтІанэ кІодыжьынэу щыт пкъым мыкІодыныгъэм ишъуашэ зыщелъэ ужым, лІэжьынэу щыт пкъыми мы­кІодыжьын щыІэныгъэм ишъуашэ зыщелъэ ужым, ащы­гъум мы гущыІэхэу Тхьэм игущыІэ тхыгъэхэм арытхэр* къэшъыпкъэжьыщтых: «Тхьэм текІоныгъэр къыхьи, лІэ­ныгъэр ыгъэкІодыгъ».

55«О лІэныгъ, уищэ ыкІуачІэ тыдэ щыІа? О джэхьнэмы, уитекІоныгъэ тыдэ щыІа?»*

56Шэныгъэм ищэ псэкІодыр ары, унашъохэмкІи псэ­кІодым тетыгъо къытфыриІ*. 57Ау Тхьэм щытхъушхор ий. Ащ ти Зиусхьанэу Исус Христос текІоныгъэр къы­тыригъэтыгъ.

58Арышъ, сшы лъапІэхэр, зыми Тхьэм игъогу зытыре­шъумыгъэгъэкІэу, шъузытет шъыпкъагъэм шъутет. Шъу-

15:50 Тхьэм и Тетыгъошхо – еплъ 6:9.

15:51 Тэ зэкІэ тылІэщтэп – тэ шІошъхъуныгъэ зиІэхэр Исус дунаем къэкІожьыным ыпэкІэ зэкІэри тылІэщтэп.

15:54 Тхьэм игущыІэ тхыгъэхэм арытхэр – еплъ Пегъымбар Исайас тхылъэу ытхыгъэм 25:8.

15:55 . . . уитекІоныгъэ тыдэ щыІа – еплъ Пегъымбар Осие тхылъэу ытхыгъэм 13:14.

15:56 псэкІодым тетыгъо къытфыриІ – унашъохэм тызэрямыдэІугъэм пае, псэкІодым тетыгъо къытфыриІэ хъугъэ.

зышъхьамысыжьэу Зиусхьаным иІоф ыуж шъуит зэпыт, сыда пІомэ Зиусхьаным Іофэу фашъушІэрэр хьаулыеу зэрэмыхъущтыр шъошІэшъ ары.

 

15

ЯПШІЫКІУХЭНЭРЭШЪХЬ

Ахъщэу Тхьэм ицІыф лъапІэхэм апае Коринф цІыфхэм аугъоирэр

Ахъщэу Тхьэм ицІыф лъапІэхэм апае къэшъуугъои­рэм ехьылІагъэу мыр шъосэІо. Галатие хэкум* щыІэ чылыс зэІукІэхэм ашІэнэу зэрясІуагъэм фэдэу, шъори шъушІэ: 2Хэти къыгъэхъагъэм фэшъуашэу Іахьэ горэ тхьамафэм иапэрэ мафэ къэс зэІуерэгъакІи, ерэгъэтІылъ. Сэ сыкъызыкІокІэ, шъумыугъоижьыным пае, арэущтэу шъушІэ. 3СыкъызыкІок1э, къошхэу хэшъухыгъэхэм тхылъ ястынышъ, шъуитын зыдязгъахьынышъ, Ерусалим згъэ­кІощтых. 4Сэри сыкІонэу хъунэу тыхаплъэмэ, ахэр къыз­дэкІощтых.

Паул игухэлъхэр

5Македоние хэкум* сызыкІоцІырэкІы ужым, шъуадэжь сыкъэкІощт; сыда пІомэ Македоние хэкум сыкІоцІыры­кІынэу сыгу хэлъ. 6Шъуадэжь тІэкІурэ сыкъэнэнкІи е кІымафэр щызгъэкІонкІи мэхъу. Арэущтэу тыдэ сыкІо­щтми, сигъогухэмкІэ ІэпыІэгъу шъукъысфэхъун. 7Мы зэгъогум гузэжъогъукІэ шъуслъэгъоу шъуикъалэ сыблэ­кІынэу сыфаеп, ау Зиусхьаным ыІомэ, шъуадэжь тІэкІурэ сыкъэнэн сыгу хэлъ. 8Пэнтэкост* зыцІэ мэфэкІ мэфэ­шхом нэсы Ефес къалэм сыкъыдэнэщт, 9сыда пІомэ къэ­лэпчъэшхоу ыкІи къэлэпчъэ шъуамбгъоу Тхьэм къысфы­зэІуихыгъ, къыспэуцухэрэри бэ.

10Тимофей* къызыкІокІэ, щынагъо имыІэу шъуадэжь зэрэщыІэным шъупылъ. Сэщ фэдэу ащи Зиусхьаным

16:1 Галатие хэкур – Рим (Рум) къэралыгъошхом щыщ хэкоу щытыгъ. А хэкур джырэ Тыркуем итыгъэ къыкъокІыпІэ лъэныкъом итыгъ.

16:5 Македоние хэкур – Рим къэралыгъошхом щыщ хэкоу щытыгъ. А хэкур джырэ Грецием (Иунанистаным) итемыр Іахьэу щытыгъ. Темыр зыфаІорэр арапыбзэкІэ «шэмал», тыркубзэкІи «кузей» ары.

16:8 Пэнтэкост – еплъ Апостол. 2:1.

16:10 Тимофей – еплъ 4:17.

иІоф ешІэ. 11Зыми пхъэтэпымыхьэу ерэмышІ. Разэу са­дэжь къэкІонэу игъогукІэ ІэпыІэгъу шъуфэхъу. Сшыхэр сигъусэхэу ащ сыпэплъэ.

12Тшы Аполлос* ехьылІагъэу мыр шъосэІо. Тшыхэм ягъусэу шъуадэжь кІонэу инэу селъэІугъ. Ау джы кІонэу фэягъахэп. Игъо фифэмэ, кІощт.

Аужырэ шІуфэс гущыІэхэр

13Шъумычъыеу шъусакъ, шІошъхъуныгъэм игъогу шъутемыкІ, лІыгъи пытагъи зыхэжъугъэлъ. 14ШъушІэ­рэр зэкІэ шІулъэгъуныгъэкІэ шъушІэ.

15Сшыхэр, зы Іоф горэмкІэ сышъолъэІу. ЗэрэшъушІэ­рэм фэдэу, Ахаие хэкум* ис цІыфхэм ащыщхэу Стефан иунагъу ары апэу шІошъхъуныгъэ зиІэ хъугъэр. Тхьэм ицІыф лъапІэхэм адэІэпыІэнхэм иІоф зыратыгъ. 16Сы­шъолъэІу, ащ фэдэ цІыфхэм, хэт ахэмэ адэлажьэми, адэ­улэуми, шъуафэІорышІ. 17Стефан, Фортунат, Ахаик са­дэжь къызэкІохэм, сыгушІуагъ. Шъо мо шъузэрэщымы­Іэм пае, шъучІыпІэ аубытыгъ. 18Ахэмэ сэ сыгуи шъо шъугухэри агъэпсэфыжьыгъэх. Ащ фэдэ цІыфмэ лъытэ­ныгъэ афэшъушІ.

19Асие хэкум* щыІэ чылыс зэІукІэхэм шІуфэс къы­шъуахыжьы. Зиусхьаныр шъо шъугухэми ахэмэ агухэми зэрарылъым пае, Акилэрэ Прискиллэрэ* гуфэба­гъэкІэ шІуфэс къышъуахыжьы. Ахэмэ яунэ щызэІукІэ­рэ чылыс зэІукІэм щыщхэми шІуфэс къышъуахыжьы. 20Тшы пстэуми шІуфэс къышъуахыжьы. ГукъэбзагъэкІэ ІаплІ зэшъущэкІэу, шІуфэс зэшъухыжь.

21Сэ Паул сІэкІэ сишІуфэс мыщ дэжьым щэсэтхы.

22Зыгорэм Зиусхьаныр шІу ымылъэгъумэ, Тхьэм ынае ащ къыщерэф. Маранафэ!*

16:12 Аполлос – еплъ 1:12.

16:15 Ахаие хэкур – Рим къэралыгъошхом щыщ хэкоу щытыгъ. Ар джырэ Грецием (Иунанистаным) икъыблэ Іахьэу щытыгъ.

16:19 Асие хэкур – Рим къэралыгъошхом щыщ хэкоу щытыгъ. Ар джырэ Тыркуем итыгъэ къохьапІэ лъэныкъом итыгъ. Икъэлэшхоу щытыгъэр Ефес ары.

16:19 Акилэрэ, Прискиллэрэ – христиан зэлІ-зэшъузэу, Паул иныбджэ­гъошхохэу ыкІи зэгъогогъухэу щытыгъэх. Еплъ Апостол. 18:1-19.

16:22 Маранафэ – ащ къикІырэр «Зиусхьаныр шІэхэу къэрэкІожь».

23Ти Зиусхьан Исус ынэшІу къышъущерэф. 24Христос Исус шъугухэм зэрарылъым пае, шъо зэ­кІэри шІу шъусэлъэгъу. Амин.

15 2. Corinthians / 2 Коринф

01

АПОСТОЛ ПАУЛ ШЮШЪХЪУНЫГЪЭ

ЗИІЭХЭУ КОРИНФ КЪАЛЭМ ДЭСХЭМ

ЯТЮНЭРЭ ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул. Тхьэр фэягъэти, Исус Христос иапостолэу* сыхъугъ. Тшы Тимофей* сигъусэу шъо, Тхьэм ичылыс зэІукІэу Коринф къалэм щыІэм щыщхэмрэ Тхьэм ицІыф лъапІэхэу Ахаие хэкум* зэкІэ щыпсэухэрэмрэ мы тхылъыр къышъуфэсэтхы.

2Тхьэу Тятэ лъапІэрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

Паул Тхьэм щытхъу зэрэфишІырэр

3Тхьэу ти Зиусхьанэу Исус Христос Ятэ щытхъушхор ий. ГукІэгъуныгъэшхо зиІэ Ты лъапІэу, гъэгушхоны-

1:1 апостол – еплъ 1 Кор. 1:1.

1:1 Тимофей – еплъ 1 Кор. 4:17.

1:1 Ахаие хэкур – еплъ 1 Кор. 16:15.

 

гъэри зэкІэ зыдэжь къикІырэ Тхьэр ары. 4Сыд фэдэ гузэжъогъу тыхэтми ащ тегъэгушхо. Арэущтэу Тхьэм тызэригъэгушхуагъэм фэдэ къабзэу, тэри сыд фэдэ гузэжъогъу хэтхэри дгъэгушхонхэ тлъэкІыщт. 5Сыда пІомэ Христос къинхэу ыщэчыгъэхэм тиІэхьышхо зэрахэлъым фэдэу, Христос тыгухэм арылъэу Тхьэм инэу тегъэгушхо. 6Тэ гузэжъогъу тызыхэткІэ, ащ тызыфыхэтыр шъо Тхьэм шъуигъэгушхонэу ыкІи шъумыкІодэу шъукъигъэнэжьынэу ары. Тхьэм тызигъэгушхокІэ, тызыфигъэгушхорэр тэ къинхэу тщэчхэрэм фэдэ къинхэр теубытэныгъэкІэ шъущэчынэу шъуигъэлъэкІызэ, шъуигъэгушхонэу ары. 7Инэу тыкъышъущэгугъы, сыда пІомэ къинхэу тщэчхэрэм шъуиІахьэ зэрахэлъым фэдэу, Тхьэм тызэригъэгушхорэм фэдэу, шъори шъузэригъэгушхощтыр тэшІэшъ ары.

8Асие хэкум* гузэжъогъоу тызщыхэтыгъэм икъэбар шъумышІэу щытынэу тыфаеп. Псаоу тыкъэнэжьынэу гугъапІэ тимыІэжьэу, тфэщэчыщтым нахьи нахьыбэ гузэжъогъушхо дэдэм тыхэтыгъ. 9Шъыпкъэу, хьыкумышІэм укІ хьыкум къыттыралъхьанэу къыІуагъэм фэдэу къытщыхъугъ. Ар зыфэхъугъэр тэ тшъхьэ тыщымыгугъэу, лІагъэхэр къэзыгъэтэджыжьырэ Тхьэм тыщыгугъыныр ары. 10Ащ фэдэ лІэныгъэу къытпыщытым Тхьэм тыкъыІэкІихыжьыгъ, ыкІи тыкъыІэкІихыжьыщт. ШъуитхьэлъэІухэмкІи шъукъыддэІэпыІэзэ, Тхьэм аргорэу тыкъыІэкІихищыжьынэу ежьым тыщэгугъы. 11Арэущтэу цІыфыбэ къытфелъэІунышъ, Тхьэм ынэшІу къытщифэщт, ынэшІу къызэрэтщифагъэм паий, цІыфыбэмэ тэ тцІэкІэ Тхьэм ищытхъу ашІыщт.

Паул игухэлъ зыкІызэблихъугъэр

12Мыры тызэрызыщытхъужьырэр: гъэпцІэныгъэ зи къытхэмылъэу, Тхьэм ыгу зэІурэ гухэлъ къэбзагъэ тиІэу мы дунаем, пстэуми апэу шъуадэжь, тызэрэщызекІуагъэмкІэ тыгухэр шыхьат къытфэхъух. Тхьэм ынэшІу къызэрэтщифагъэм тетэу, арэущтэу тызекІуагъ, мы дунаем ицІыфхэм язэхэшІыкІыныгъэу зыфаІорэм тетэу арэп. 13,14Сыда пІомэ шъузэджэшъуным ыкІи къыжъугурыІошъуным нэмыкІ къышъуфэттхырэп. Икъугъэу къы-

1:8 Асие хэкур – еплъ 1 Кор. 16:19.

 

жъугурымыІуагъэри икъугъэу къызэрэжъугурыІощтым сыщэгугъы. Ащыгъум ти Зиусхьан Исус къызыкІожьыщт мафэм дэжь тэ шъоркІэ тызэрэзыщытхъужьыщтым фэдэу, шъори тэркІэ шъузщытхъужьыщт.

15Ащ сыщэгугъыти, апэу шъуадэжь сыкъэкІонэу сыфэягъ, тІо ишІуагъэ къышъокІыным пае. 16Македоние хэкум* сызыкІокІэ, шъуадэжь дырескІозэ ащ сыкІонэу сыгу хэлъыгъ; Македонием сыкъызикІыжькІи, шъуадэжь къыдырескІозэ Иудей хэкум сыкІоным пае, сигъогукІэ ІэпыІэгъу шъукъысфэхъунэу сыфэягъ. 17Арэущтэу гухэлъ сиІэ зэхъум, сыгу илъыр сымышІэу сызекІуагъэу ара? Е мы дунаем ицІыфхэм ягухэлъхэр зэрашІыхэрэм фэдэу, сигухэлъхэр сэшІыха? Зэ, «Ары», зэ, «Хьау, арэп», сІонэу сихабза?

18ГущыІэу къышъотІуагъэр зэ арэу, зэ армырэу зэрэщымытыр, Тхьэм ишъыпкъагъэмкІэ сэІо. 19Сыда пІомэ Силуан*, Тимофей, сэры, Тхьэм ыКъоу Исус Христосэу зикъэбар шъуадэжь щыдгъэІугъэр зэ арэу зэ армырэу щытэп, ау Исус Христосыр ары Тхьэм тыкъызэригъэгугъэгъэ Іофхэр къэзыгъэхъурэр ыкІи шъыпкъэу зышІырэр. 20Сыда пІомэ Тхьэм тыкъызэригъэгугъэгъэ Іоф пстэуми «Ары» ыкІи «Амин»* афэхъоу, ахэр къэзыгъэхъурэр ыкІи шъыпкъэу зышІырэр Христос ары, тэ Тхьэм щытхъушхо фэтшІыным пае. 21Тхьэр ары шъори тэри Христос игъогу пытэу тытезыгъэтырэри, тиІоф тшІэнэу тызыгъэнэфагъэри*. 22Ежьыр ары ибынхэм тызэращыщыр тэзыгъашІэрэ мыхъурэу* ыкІи шІугъэ къызэрэтигъэгъотыщтым ищэсэу* ежьым Ыпсэ ЛъапІэ тыгухэм къарызылъхьагъэр.

23Шъыпкъагъэр сымыІомэ, сэрэкІод. Сыкъышъушъхьасынэу ары Коринф къалэм джырэ нэсы сыкъызкІэмыкІуагъэр, Тхьэр ащкІэ шыхьат къысфэхъунэу зыфэсэгъазэ. 24Шъо шъуишІошъхъуныгъэ тетыгъо фытиІэнэу тыфаеп, шъудгъэгушІонэу тыкъыжъудэлажьэ нахь, сыда пІомэ шІошъхъуныгъэм игъогу пытэу шъутет.

1:16 Македоние хэкур – еплъ 1 Кор. 16:5.

1:19 Силуан – Паул дэлажьэу игъогогъухэм ащыщыгъ. Еплъ Апостол. 15:22-18:5.

1:20 Амин – еплъ 1 Кор. 14:16.

1:21 тиІоф тшІэнэу тызыгъэнэфагъэр – гущыІэ-гущыІэу зэдзэкІыгъэу мырэущтэу мэхъу: тиІоф тшІэнэу дагъэ къытщызыгъэфагъэр.

1:22 мыхъур – еплъ 1 Кор. 9:22.

1:22 шэсы – еплъ 1 Кор. 15:20.

02

ЯТЮНЭРЭШЪХЬ

Арышъ, шъугу хэзгъэкІынэу шъуадэжь джыри зэ сыкъэмыкІожьынэу тесыубытагъ. 2Сыда пІомэ сэ шъугу хэзгъэкІымэ, шъо зыгу хэзгъэкІыхэрэм нэмыкІэу сызыгъэгушІонэу хэта къэнэжьырэр? 3Шъо сызыгъэгушІон фаехэм сыкъызыкІокІэ сыгу хэшъумыгъэкІынэу ары зэрэстхыгъэм фэдэу къызфышъуфэстхыгъэр. Іофэу сэ сызыгъэгушІорэм шъо зэкІэ шъузэригъэгушІорэм сицыхьэ телъ. 4Сыда пІомэ гузэжъогъушхорэ гумэкІыгъошхорэ сиІэу, сыгъэуи къышъуфэстхыгъ. Шъугу хэзгъэкІынэу арэп къызфэстхыгъэр шІулъэгъуныгъэшхоу къышъуфысиІэр шъозгъэшІэнэу ары нахь.

Паул ыгу хэзыгъэкІыгъэм зэрэфигъэгъугъэр

5Зыгорэм нэмыкІ горэм ыгу хигъэкІыгъэмэ, зыгу хигъэкІыгъэр сэрэп, есымыгъэлыенэу шъо зэкІэми гухэкІыныгъэ Іахьэ къышъуфэхъугъ. 6Шъуащыщэу нахьыбэмэ ащ фэдэ цІыфым а къинэу тешъулъхьагъэр икъущт. 7Арышъ, гухэкІыныгъэшхом а цІыфыр ымыгъэкІодыным пае, ащ фэжъугъэгъун ыкІи жъугъэгушхон фае. 8Арэущтэу зэрэщытым пае, шъуишІулъэгъуныгъэ шъыпкъэу ежъугъэлъэгъунэу сышъолъэІу. 9Сыкъызфэтхагъэр шъуишъыпкъагъэ зынэсырэр згъэунэфынэуи, сыд щыщымкІэ шъукъысфэІорышІэу шъущытмэ зэзгъэшІэнэуи ары. 10Шъо зыфэжъугъэгъурэ цІыфым сэри фэсэгъэгъу. Іофэу згъэгъугъэр, згъэгъун Іоф щыІагъэмэ, сишІуагъэ шъозгъэкІыным пае, Христос ыпашъхьэ щызгъэгъугъ, 11шэйтаным тыкъимыгъэпцІэным пае. Сыда пІомэ ащ игухэлъхэр тэ тымышІэу щытэп.

Троадэ къалэм Паул гумэкІыныгъэу зыщыІукІагъэр

12Христос ехьылІэгъэ къэбарышІур згъэІунэу Троадэ къалэм* сызэкІом, Зиусхьаным зы пчъэ къысфызэІуихыгъэ пэтми, 13гупсэфыгъо сиІагъэп, сыда пІомэ сшы Тит* ащ щызгъотыгъэп. Арэущтэу, сшыхэм аІапэ сы-

2:12 Троадэ къалэр – къухьэуцупІэ иІэу, Эгейскэхым Іутэу, Мисие хэкум щыщыгъ.

2:13 Тит – Паул дэлажьэу игъогогъухэм ащыщыгъ. Еплъ Гал. 2:1-3.

 

убытыжьи, Македоние хэкум* сыкІонэу гъогум сытехьажьыгъ.

Христос текІоныгъэр къызэрэтигъэхьырэр

14Тхьэм щытхъушхор ий. Христос тыгухэм арылъэу Тхьэм текІоныгъэр къытегъэхьы зэпыт, тэ Іофэу тшІэрэмкІи Христос ехьылІэгъэ къэбарэу мэ ІэшІум фэдэр тыдэкІи цІыфхэм ахегъахьэ. 15Сыда пІомэ цІыфхэу мыкІодхэу Тхьэм къыгъэнэжьхэрэми, цІыфхэу кІодыпІэм игъогу тетхэми тахэтэу, тэ тызфэдэр Христос уцэу мэ ІэшІу къызпихэу, Тхьэм ыпашъхьэ рихьылІэрэр ары. 163ы цІыф горэхэм алъэныкъокІи лІэныгъэ къызхэкІырэ мэ Іаем тыфэд, адрэ цІыфхэм алъэныкъокІи щыІэныгъэ къызхэкІырэ мэ ІэшІум тыфэд. Ащ фэдэу Іоф ыгъэцэкІэнэу хэта зылъэкІыщтыр? 17Сыда пІомэ цІыфыбэу Тхьэм игущыІэхэр зэІызыгъахьэхэрэм тафэдэп. Арэущтэу мыхъоу, Христос тыгухэм арылъэу, шъыпкъагъэ тиІэу Тхьэм тырилІыкІошъ, ежьым ыпашъхьэ игущыІэхэр тэгъэІух.

03

ЯЩЭНЭРЭШЪХЬ

ЗэзэгъыныгъакІэм икъэбар цІыфхэм ятэгъашІэ

Тызщытхъужьынэу джыри зэ къэтыубла? Хьауми зыгорэм къышъуфитхыгъэу е шъо шъутхыгъэу къытщытхъурэ тхылъ горэ тищыкІагъа, цІыф заулэмэ зэрящыкІагъэм фэдэу? 2Шъо къытщытхъурэ тхылъым шъуфэд. Ар тыгухэм арытхагъэу щыт. Щыф пстэуми а тхылъыр ашІэн ыкІи еджэнхэ алъэкІыщт. 3ТиІоф шІугъэу къыхэкІыгъэу, Христос ытхыгъэ тхылъым фэдэу шъузэрэщытыр къэшъогъэлъагъо. А тхылъыр къамзый мэрчэпкІэ тхыгъэп, щыІэныгъэ къытэзытырэ Тхьэм Ыпсэ ЛъапІэкІэ тхыгъэ нахь. Мыжъобгъухэми атетхагъэу щытэп, цІыфхэм агухэм арытхагъэу щыт нахь.

4Христос Тхьэм тызэрэщигъэгугъырэм пае, арэущтэу тэІо. 5Тэр-тэрэу тилъэкІыныгъэкІэ зыгорэ къэтыгупшы-

2:13 Македоние хэкур – еплъ 1 Кор. 16:5.

 

сын тлъэкІэу тІорэп, ау лъэкІыныгъэ къытэзытырэр Тхьэр ары. 6Ащ зэзэгъыныгъакІэм* тыфэлэжьэнэу лъэкІыныгъэ къытитыгъ. А зэзэгъыныгъэр гущыІэ тхыгъэхэм атет зэзэгъыныгъэу щытэп, Тхьэм Ыпсэ ЛъапІэ ыдэжь къикІырэ зэзэгъыныгъэу щыт нахь; сыда пІомэ гущыІэ тхыгъэм егъалІэ, ау Тхьэм Ыпсэ ЛъапІэ къегъэпсэужьы.

7ХьарыфхэмкІэ мыжъобгъухэм атетхэгъэ Тэурат хабзэм Іофэу ышІагъэм лІэныгъэ цІыфхэм къафигъэкІонэу арыгъэ пэтми, щытхъушхо иІэу къэкІуагъ. Арэущтэу пегъымбар Мусэ ынэгу нэфынэшхоу кІэтыр* текІыжьэу щытыгъэ пэтми, Израил цІыфхэр ынэгу еплъынхэ алъэкІыщтыгъэп. 8Арэущтэу зэрэщытым пае, Тхьэм Ыпсэ ЛъапІэ Іофэу ышІэрэм ащ нахьи нахь щытхъушхо иІэн фаеба? 9Тэурат хабзэу цІыфхэр зыгъэмысэрэм Іофэу ышІагъэм щытхъушхо иІагъэмэ, Тхьэм Ыпсэ ЛъапІэу цІыфхэм Тхьэм ыдэжькІэ шъыпкъагъэ яІэу зыгъэхъурэм Іофэу ышІэрэм ащ нахьи бэкІэ нахь щытхъушхо иІэн фае. 10Сыда пІомэ Тэурат хабзэу щытхъушхо иІэу щытыгъэм щытхъу зи имыІэжьэу къэнэ, ыужкІэ къэкІогъэ къэбарышІоу нахь щытхъушхо зиІэм фэбгъадэмэ. 11Тэурат хабзэу кІодыжьыщтыгъэм щытхъушхо иІагъэмэ, къэбарышІоу мыкІодэу къэнэжьырэм ащ нахьи бэкІэ нахь щытхъушхо иІэн фае.

12Арышъ, ащ фэдэ щыгугъыгъэныр зэрэтиІэм пае, тыгушхоу тыкъэгущыІэ. 13Пегъымбар Мусэ зэрэзекІуагъэм фэдэу тызекІорэп. Израил цІыфхэм ащ ынэгу кІэт нэфынэшхор зэрэкІодырэр амылъэгъуным пае, ынэгу рихъуагъ*. 14Яакъылхэр гуркъэхэу хъугъэх. Непэрэ мафэм нэсы пэсэрэ зэзэгъыныгъэм итхылъхэм* зяджэхэкІэ, яакъылхэр ихъуагъэхэу къэнэх, сыда пІомэ Христос закъор а нэ-

3:6 зэзэгъыныгъакІэр – Тхьэм ежьымрэ ицІыфхэрэ азыфагу дилъхьэгъэ зэзэгъыныгъэр ары. Мыщ дэжьым Паул зэзэгъыныгъакІэу Исус Христос ыгъэхъугъэр пэсэрэ зэзэгъыныгъэу пегъымбар Мусэ иТэурат хабзэм зигугъу ышІэу итым фегъадэ.

3:7 пегъымбар Мусэ ынэгу нэфынэшхоу чІэтыр – еплъ Пегъымбар Мусэ ятІонэрэ тхылъэу ытхыгъэм 34:29.

3:13 ынэгу рихъуагъ – еплъ Пегъымбар Мусэ ятІонэрэ тхылъэу ытхыгъэм 34:33.

3:14 пэсэрэ зэзэгъыныгъэм итхылъхэр – джуртхэм ятхылъ лъапІэхэр ары: Тэурат, Сэбур, пегъымбархэм атхыгъэ тхылъхэри, нэмыкІхэри.

 

кІурыхъор Іузыхыжьын зылъэкІырэр. 15Израил цІыфхэр непи пегъымбар Мусэ и Тэурат хабзэ зеджэхэкІэ, агу техъон иІ. 16Ау зыгорэм Зиусхьаным зызэрэфигъазэу, а техъуагъэр техыгъэ мэхъу. 17Зиусхьаныр Тхьэм Ыпсэ ЛъапІэ ары, ар зыдэщыІэми шъхьафитныгъэри щыІ. 18Тэ зэкІэ, зынэгу имыхъуагъэу Зиусхьаным ищытхъушхо гъунджэм къызэрищырэм фэдэу еплъыхэрэм, нахь щытхъушхо тиІэ хъу зэпытэу, ежьым фэдэ тыхъоу, зэблэхъугъэу тэхъу зэпыт. Ар зэкІэри къызхэкІырэр Зиусхьаным Ыпсэ ЛъапІэ ары.

04

ЯПЛІЭНЭРЭШЪХЬ

Мылъкушхоу ятІэм хэшІыкІыгъэ хьакъушыкухэм арылъыр

Арышъ, Тхьэм ынэшІу щыфэныгъэкІэ мы Іофыр тэ тпшъэ къырилъхьагъэшъ, тыгу дгъэкІодырэп. 2Гъэбылъыгъэ емыкІу Іофхэми зафэдгъазэрэп. ТхьагъэпцІыгъэкІэ тызекІорэп, Тхьэм игущыІэхэри зэІыдгъахьэхэрэп. Ау шъыпкъагъэр зэрафэдгъэнафэрэмкІэ цІыф пстэуми агухэмкІэ тызэрадэным Тхьэм ыпашъхьэ тыщыпылъ. 3Ау къэбарышІоу дгъэІурэр мынафэмэ, кІодыпІэм игъогу тетхэр ары зыфэмынафэр. 4Шэйтанэу мы дунаем итхьэм шІошъхъуныгъэ зимыІэхэм агухэр нэшъу ышІыгъэх. Арэущтэу зыфишІагъэр Христосэу Тхьэм фэдэ къабзэу щытым ищытхъушхо ехьылІэгъэ къэбарышІум инэфынэу ахэмэ къатепсырэр амылъэгъуныр ары. 5Къэбарэу цІыфхэм ядгъэІурэр зэхьылІагъэр тэрэп, Исус Христос Зиусхьанэу зэрэщытыр ары нахь. Тэри Исус игъогу тызэрэрыкІорэм пае тыкъышъуфэлажьэ. 6Сыда пІомэ «ШІункІыгъэм нэфынэ къыхэрэкІ»,* ыІоу зыІуагъэ Тхьэм инэфынэ тыгухэм къаридзагъ. А нэфынэм Тхьэм ищытхъушхоу Христос ынэгу къыхэщырэр зыфэдэр тегъашІэ.

7Ау мы мылъкушхор тэ, ятІэм хэшІыкІыгъэ хьакъушыкъухэм фэдэхэм, тыгухэм арылъэу тиІ. Арэущтэу зыфэхъугъэр лъэкІыныгъэшхо зиІэр Тхьэр арэу, тэрмырэу нафэу хъуныр ары. 8Лъэныкъо пстэумкІи чІыпІэ зэжъу тыраубытагъэм фэд, ау тыдэкъузагъэу щытэп. ТшІэщтыр

4:6 ШІункІыгъэм нэфынэ къыхэрэкІ – еплъ Пегъымбар Мусэ апэрэ тхылъэу ытхыгъэм 1:3.

 

тшІахэрэп, ау тыгу дгъэкІодырэп. 9ЦІыфхэм къин тагъэщэчы, ау Тхьэм тизакъоу тыкъигъанэрэп. ЧІыгуми тытырадзэ, ау тыкІодырэп. 10Тэ тпкъыхэм ахэлъэу Зиусхьан Исус илІэныгъэ къетэхьэкІы зэпыт, Исус ищыІэныгъэ тпкъыхэмкІэ нафэу къэлъэгъоным пае*. 11Сыда пІомэ тыщыІэ пэтэу Исус тызэрэфэлажьэрэм пае, лІэныгъэр къытшъхьащыт зэпыт, Исус ищыІэныгъэ тпкъыхэу лІэщтхэм зэрахэлъыр нафэу къэлъэгъоным пае. 12Арэущтэу лІэныгъэр тэ къытхэлъэу Іоф ешІэ, ау щыІэныгъэр шъо къышъухэлъэу Іоф ешГэ.*

13«ШІошъхъуныгъэ сиІэти, сыкъэгущыІагъ», Тхьэм игущыІэ тхыгъэхэм арыт.* Ащ фэдэ шІошъхъуныгъэ тэри тиІэу, тыкъэгущыІэ, 14сыда пІомэ Тхьэу Зиусхьанэу Исус лІагъэхэм къахэзыгъэтэджыкІыжьыгъэм Исус тыгухэм арылъэу тэри тыкъигъэтэджыжьынышъ, шъо тышъуигъусэу ежьым ыпашъхьэ тызэрэригъэуцощтыр тэшІэ. 15Мыр зэкІэ зыфэхъурэр ишІуагъэ шъо къышъокІыныр ары. Арэущтэу Тхьэм ынэшІу щыфэныгъэ цІыф нахьыбэмэ анэс къэс, цІыф нахьыбэми ищытхъушхо ашІыщт, илъытэныгъэшхо къагъэлъагъозэ.

Тыгу дгъэкІодырэп

16Арышъ, тыгу дгъэкІодырэп. Тпкъыхэр кІодыхэ зэпытми, Тхьэм мафэ къэс тыгухэм арылъыр егъэкІэжьы зэпыт. 17Сыда пІомэ джы гузэжъогъу макІэу ыкІи кІакоу тызхэтым шІугъэу къыхэкІырэр гузэжъогъоу тызхэтым фэмыгъэдэшъун щытхъушхоу мыкІодыжьыщтыр ары. 18Арэущтэу цІыфхэм Іофэу алъэгъушъухэрэм тяплъырэп, Іофэу амылъэгъушъухэрэм тяплъы нахь. Сыда пІомэ Іофэу алъэгъушъухэрэр кІодыжьыщтых, ау Іофэу амылъэгъушъухэрэр мыкІодыжьхэу къэнэжьыщтых.

4:10 Исус ищыІэныгъэ тэ тпкъыхэмкІэ нафэу къэлъэгъоным пае – тэ тыпсаоу зэрэщытым Исус псаоу зэрэщытыр къегъэлъагъо.

4:12 лІэныгъэр тэ къытхэлъэу Іоф ешІэ, ау щыІэныгъэр шъо къышъухэлъэу Іоф ешІэ – ащ къикІырэр: тэ апостолхэм Христос ехьылІэгъэ къэбарышІур зэрэдгъэІурэм пае, таукІынкІи мэхъу, ау шъо а къэбарышІур зэрэшъодгъэІурэм пае, мыкІодыжьын щыІэныгъэ шъогъоты.

4:13 Тхьэм игущыІэ тхыгъэхэм арыт- еплъ Сэбур (Псалтыр) 116:10 (урыс библиемкІэ 115:1).

05

ЯТФЭНЭРЭШЪХЬ

Мы дунаем тызэрыщыпсэурэ чэтэнгъэІагъэу тпкъы кІодмэ, Тхьэм къытфишІыгъэ псэупІэу, ІэкІэ мышІыгъэу, мыкІодыжьын унэ* уашъом зэрэщытиІэщтыр тэшІэ. 2Ащ нэсыфэ уашъом щыщ унэм тыщыпсэунэу тыкІэхъопсэу тыхэщэтыкІы. 3Арэущтэу тыфэпагъэу пцІанэу тыкъэнэщтэп. 4Мы тпкъэу чэтэнгъэІагъэм фэдэм тыщэпсэуфэ, тыхэщэтыкІы, гузэжъогъуи тыхэт, сыда пІомэ лІэн фэе пкъыр дгъэтІылъынэу тыфэмыеу, уашъом щыщ пкъыр къытхалъхьаным тыфай. Арэущтэу лІэн фаем ычІыпІэ щыІэныгъэм ыубытыщт. 5Тхьэр ары мы Іофым пае тыкъэзыгъэхъугъэр, шэсым* фэдэу Ыпсэ ЛъапІи тыгухэм къарызылъхьагъэр.

6Арышъ, сыдигъуи тэгушхо, пкъи тыщэпсэуфэ, Зиусхьаным тызэрэпэчыжьэр тэшІэ. 7Сыда пІомэ шІошъхъуныгъэм тетэу тэзекІо нахь, тлъэгъурэм тетэу тызекІорэп. 8Тэгушхо ыкІи тпкъыхэм тахэкІынышъ, Зиусхьаным тыригъусэу тыщыІэныр нахь къатштэщтыгъ. 9Арышъ, пкъым тыхэлъми, тыхэмылъми, Зиусхьаным ыгу къызэдгъэІуным лъэшэу ыуж тит. 10Сыда пІомэ тэ зэкІэми Христос хьыкум къыттришІыхьанэу итІысыпІэ лъапІэ ыпашъхьэ тиуцон фае, мы дунаем хэти щишІагъэм ифэшъуашэ, шІугъэми бзэджагъэми ыгъотыжьыным пае.

Тхьэм Христос Іофэу ышІагъэмкІэ ежьым тешІужьыгъэу тызэригъэхъугъэр

113иусхьаным ищынагъо тыгухэм арылъыныр зыфэдэр зэрэтшІэрэм пае, цІыфхэр ащ игъогу тедгъэхьанхэм тыпылъ. Тыгухэм арылъыр ТхьэмкІэ нафэ, шъори шъугухэмкІэ тыгухэм арылъыр зэрэшъушІэрэм сыщэгугъы. 12Шъуапашъхьэ джыри зэ тызщытхъужьрэп, ау цІыфхэу зыгухэм арылъым емыплъыхэу, зитеплъэкІэ зыщытхъужьхэрэм зыгорэ яшъодгъэІоным пае, шъутщытхъужьынэу игъо шъуитэгъафэ. 13Сыда пІомэ тэ тшъхьэ

5:1 мыкІодыжьын унэ – адрэ дунаем пкъэу щытиІэщтыр ары. 5:5 шэсы – еплъ 1 Кор. 15:20.

 

зэкІокІыгъэмэ, ар Тхьэм ищытхъу къэкІоным пае. Тшъхьэ зэмыкІокІыгъэмэ, шъо шъуишІуагъэ ащ къекІы. 14Сыда пІомэ Христос шІулъэгъуныгъэу къытфыриІэм тызІэкІиубытагъ. Зы нэбгырэ закъо* цІыф пстэуми зэрафэлІагъэм пае, зэкІэри лІагъэхэм афэдэхэу зэрэщытхэм тыщэгугъы. 15Псэухэр ежьхэм ашъхьэкІэ зыфэмыпсэухэу, ау ахэмэ апае лІагъэу, лІагъэхэми къахэтэджыкІыжьыгъэм фэпсэунхэм фэшІ, цІыф пстэуми апае Христос лІагъэ.

16Арышъ, джы щегъэжьагъэу мы дунаем ицІыфхэр цІыфхэм зэряплъыхэрэм фэдэу, тэ зыми теплъыжьрэп. Арэущтэу зэгорэм Христос теплъыщтыгъэми, джы теплъыжьрэп. 17Арышъ, Христос зы цІыф горэм ыгу илъ хъумэ, а цІыфыр Тхьэм икІэрыкІэу къыгъэхъужьыгъ. А цІыфым ищыІэкІэжъ блэкІыгъ, щыІэкІакІэр ыублагъ. 18Ар зэкІэри Тхьэм ыдэжь къекІы. Ащ Христос Іофэу ригъэшІагъэмкІэ тешІужьыгъэу тигъэхъугъ, цІыфхэр ежьым едгъэшІужьынхэм иІофи тэ тпшъэ къырилъхьагъ. 19Сэ зыфасІорэр мыры: ЦІыфхэм псэкІод ашІагъэу щыт пэтми, Тхьэм ежьым ыдэжькІэ ахэр мысэхэу ымылъытэхэзэ, Іофэу Христос ригъэшІагъэмкІэ дунаем ицІыфхэр ежьым ешІужьыгъэхэу ыгъэхъугъэх, цІыфхэр ежьым ешІужьыгъэхэу зэригъэхъухэрэм икъэбарэри ядгъэІунэу тэ тпшъэ къырилъхьагъ. 20Арышъ, тэ Христос тырилІыкІох. ТыжэкІэ Тхьэр къышъолъэІу. Христос ыцІэкІэ тышъолъэІу: Тхьэм шъуешІужь. 21Сыда пІомэ Христосэу псэкІод зи зымышІагъэр Тхьэм псэкІодым икъурмэныпхъэу ышІыгъ, Христос тыгухэм арылъэу Тхьэм ежьым ыдэжькІэ шъыпкъагъэ тиІэу тилъытэным пае.

06

ЯХЭНЭРЭШЪХЬ

Тхьэм тыдэлажьэу, Тхьэм ынэшІу хьаулыеу къышъущифагъэу къычІэмыкІыным шъуфэсакъынэу тышъолъэІу. 2Сыда пІомэ Тхьэм къызэриІорэр игущыІэ тхыгъэхэм арыт:*

5:14 зы нэбгырэ закъо – Христосыр ары.

6:2 Тхьэм игущыІэ тхыгъэхэм арыт – еплъ Пегъымбар Йсайас тхылъэу ытхыгъэм 49:8.

 

«Игъоу зыслъытэгъэ мафэм сыкъыодэІугъ, цІыфхэр мыкІодхэу, къызызгъэнэжьырэ мафэми ІэпыІэгъу сыкъыпфэхъугъ». ШъукъэдаІу, Тхьэм игъоу ылъытэрэ уахътэр джы дэдэр

ары, цІыфхэр мыкІодхэу Тхьэм къызигъэнэжьырэ ма-

фэри джы дэдэр ары.

3ЦІыфхэм Іофэу тшІэрэр ашІомытэрэзыным пае, зыкІи цІыф горэм игъогу зыгъэлъэпаорэ мыжъо тетлъхьанэу тыфаеп. 4Арэущтэу зэрэщытым пае, Тхьэм тызэрэфэлажьэрэр лъэныкъо пстэумкІи тэгъэлъагъо: теубытэныгъэшхо зэрэтиІэмкІи, гузэжъогъу тыхэтми, къин тлъэгъуми, гухэкІ тиІэми, 5къытаохэми, хьапсым тычІадзагъэу тычІэсми, бырсырышхо тыхафэми, тыулэуми, тичъые щыкІагъэ фэхъуми, мэлакІэ тылІэми; 6гукъэбзагъэкІи, шІэныгъэкІи, щыІагъэкІи, шІугъэкІи; Тхьэм Ыпсэ ЛъапІэ тыгухэм зэрарылъымкІи, пцІы зыхэмылъ шІулъэгъуныгъэмкІи, Тхьэм тызэрэфэлажьэрэр тэгъэлъагъо; 7шъыпкъагъэр зэрэтІорэмкІи, Тхьэм илъэкІыныгъэшхокІи, Іэ джабгъуми Іэ сэмэгуми арылъэу шъыпкъагъэм иІашэхэмкІи; 8цІыфхэм лъытэныгъэ къытфашІыми, къытфамышІыми, ІэягъэкІэ къыттегущыІэхэми, къытщытхъужьхэми Тхьэм тызэрэфэлажьэрэр тэгъэлъагъо; цІыфхэр тэгъэгъуащэхэу талъытэ, ау шъыпкъагъэ зиІэ цІыфхэу тыщыт; 9цІыфхэм тамышІапхъэ фэдэу къытэплъых, ау цІыф пстэуми ташІэ; тылІагъэ фэдэу къытэплъых, ау мары тыщыІ; къин къыттралъхьэ, ау таукІырэп; 10тыгу хагъэкІы, ау тэгушІо зэпыт; тэ тытхьамыкІ, ау цІыфыбэхэр бай тэшІых; зи тимыІэу къэлъагъо, ау зэкІэри тиІ.

11Шъо, Коринф цІыфхэр, нафэу тыкъыжъудэгущыІагъ, тыгухэри къышъуфызэІутхыгъ. 12Тыгухэр къышъуфэдгъэпытагъэп, ау шъо шъугухэр къытфэжъугъэпытагъ. 13Ащ ипэгъокІ фэдэу, шъори шъугухэр къытфызэІушъухых. Сабыйхэм сызэрадэгущыІэрэм фэдэу сыкъыжъудэгущыІэ.

ЩыІэныгъэ зиІэ Тхьэм иунэр тэры

14ШІошъхъуныгъэ зимыІэхэм гъусэ шъуафэхъунэу зыбжь шъуадыкІэмыуцу. Шъыпкъагъэмрэ бзэджагъэмрэ сыдэущтэу гъусэ зэфэхъущтха? Нэфынэмрэ шІункІыгъэмрэ

 

сыд фэдэ гъусагъа зыфыряІэр? 15Христосрэ Велиаррэ* сыд фэдэ зэзэгъыныгъэ азыфагу дэлъына? ШІошъхъуныгъэ зиІэмрэ зимыІэмрэ сыдэущтэу яІахьэ зэхэлъына? 16Тхьэм иунэшхорэ тхьэ нэпцІхэмрэ сыд фэдэ зэзэгъыныгъэ азыфагу дэлъына? Сыда пІомэ щыІэныгъэ зиІэ Тхьэм иунэшхор тэры, Тхьэм къызэриІуагъэм фэдэу:*

«Сэ ахэмэ сахэсыщт ыкІи сахэтыщт.

Сэ ахэмэ я Тхьэу сыщытыщт,

ахэри сэ слъэпкъэу щытыщтых. 17'Арышъ', къеІо Зиусхьаным,*

'ахэмэ шъуакъыхэкІи, зы лъэныкъоу шъухъу.

Мыкъабзэм шъунэмыси,

ащыгъум сэ шъо шъусштэщт. 18 Сэ Ты сыкъышъуфэхъущт,

шъори къорэ пхъурэ шъукъысфэхъущт',

лъэкІыныгъэшхо пстэури зиІэ Зиусхьаным къеІо».

07

ЯБЛЭНЭРЭШЪХЬ

ТилъапІэхэр, а ІофхэмкІэ Тхьэм тыкъызэригъэгугъагъэм пае, тпкъыхэмрэ тыгухэмрэ зыгъэушІоирэ пстэури зыхэтэжъугъэгъэкъэбзыкІыжьи, Тхьэм ищынагъо тыгухэм арылъэу, тыгухэм якъэбзагъэ зэридгъэкъуным ыуж тижъугъэт.

Паул зэрэгушІорэр

2 Шъугухэр къытфызэІушъухых: Зыми тиягъэ едгъэкІыгъэп, хэти дгъэунэхъугъэп, зыми ишІуагъэ зэдгъэкІыгъэп. 3 Шъо шъузгъэмысэнэу арэп ар зыфасІорэр; сыда пІомэ ыпэкІэ къызэрэсІогъагъэм фэдэу, тызэгъусэу тыпсэунэу, тызэгъусэуи тылІэнэу тыгухэм шъуарылъ. 4Инэу сыкъышъущэгугъы. Бэу сызэрыпагэрэр шъоры.

6:15 Велиар – шэйтаныр ары.

6:16 Тхьэм къызэриІуагъэм фэдэу – еплъ Пегъымбар Мусэ ящэнэрэ тхылъэу ытхыгъэм 26:12; Пегъымбар Иезекиил тхылъэу ытхыгъэм 37:27.

6:17-18 къеІо Зиусхьаным – еплъ Пегъымбар Исайас тхылъэу ытхыгъэм 52:11; Пегъымбар Самуел икъэбар ээрыт ятІонэрэ тхылъым (2-я Царств) 7:14.

 

Гузэжъогъу пстэуми тахэтми, гушхоныгъэшхорэ гушІогъошхорэ тиІэх.

5Сыда пІомэ Македоние тыкъызэкІом, тэ тпкъыхэмкІэ гупсэфыгъо дгъотыгъэп, лъэныкъо пстэумкІи гузэжъогъу тыхэтыгъ, зэнэкъокъуныгъэхэми тахэтыгъ, щынагъуи тыгухэм арылъыгъ. 6Ау Тхьэу зыгу кІодыгъэхэр зыгъэгушхорэм Тит къызэрэкІуагъэмкІэ тигъэгушхуагъ. 7Ау ар къызэрэкІуагъэм изакъоу арэп тызыгъэгушхуагъэр, шъо Тит зэрэжъугъэгушхуагъэм икъэбари ары. Сышъулъэгъунэу инэу зэрэшъушІоигъорэри, шъузэрэгъырэри, шъукъызэрэсфэгумэкІырэри къытиІотэжьыгъ. Арэущтэу ыпэрэм нахьи нахь сыгушІуагъ.

8Тхылъэу къышъуфэстхыгъэмкІэ шъугухэр хэзгъэкІыгъэми, ащ сыфыкІэгъожьырэп. СыкІэгъожьын слъэкІыщтыгъ; сыда пІомэ а тхылъым шъугухэр зэрэхигъэкІыгъэхэр сэлъэгъу, ау шъугухэр хигъэкІыгъэхэу зэрэщытыгъэр зы зэман макІэ ныІэп. 9Ау джы сэ сэгушІо. СызыгъэгушІорэр шъугухэр зэрэхэкІыгъэр арэп, шъуигухэкІымкІэ шъуипсэкІодхэм шъузэрафыкІэгъожьыгъэр ары нахь; сыда пІомэ Тхьэр зыфаем тетэу шъугу хэдгъэкІыгъ. Арэущтэу тиягъэ зи шъодгъэкІыгъэп. 10ГухэкІэу Тхьэр зыфаем тетым шІугъэу къыхэкІырэр типсэкІодхэм тафыкІэгъожьыныр ары. ТипсэкІодхэм тафыкІэгъожьыным шІугъэу къыхэкІырэри тымыкІодэу Тхьэм тыкъызэригъэнэжьырэр ары. Ащ фэдэ гухэкІым уфыкІэгъожьыщтэп, ау мы дунаем игухэкІ Іэягъэу къыхэкІырэр лІэныгъэр ары. 11Сыда пІомэ мы гухэкІэу Тхьэр зыфаем тетым шъоркІэ шІугъэу къыхэкІыгъэм шъуеплъ: Мы ІофымкІэ сыд гузэжъогъушхо шъуиІэ хъугъа, зыжъугъэхыенэу сыд фэдизэ шъупылъыгъа, мысэми сыд фэдизэ шъуфэгубжыгъа, сыд щынэгъэшхо шъугухэм арылъ хъугъа, сыд фэдизэ шъукъысфэягъа, сыд гуетыныгъэшхо шъуиІэ хъугъа, мыхъун зышІагъэм ифэшъуашэр ежъугъэпщыныжьыным сыд фэдизэ шъупылъыгъа. Лъэныкъо пстэумкІи мы ІофымкІэ шъузэрэхыер къэжъугъэнэфагъ. 12Арышъ, сыкъышъуфэтхагъэми, мыхъун зышІагъэр*, е мыхъун зэришІагъэр* арэп анахьэу сызэгупшысагъэр, ау

7:12 мыхъун зышІагъэр – Коринф къалэм щыІэ чылыс зэІукІэм щыщхэм ащыщхэу Паул пэуцухэрэм ятхьаматэр ары. Еплъ 2:5-8.

7:12 мыхъун зэришІагъэр – е Паул, е ащ дэлажьэхэрэм ащыщэу зыгорэ ары.

 

тыкъызэрэшъуфэгумэкІырэр Тхьэм ыпашъхьэ къышъуфэзгъэнэфэнэу сыфэягъ. 13А Іоф пстэуми тагъэгушхуагъ. Тыгушхоным къыхахъоу шъо Тит ыгу зэрэжъугъэпсэфыжьыгъэм пае, ар зэрэгушІуагъэр зытэлъэгъум, тэри гушІогъошхо тиІэ хъугъэ. 14Тит ыпашъхьэ сыкъыщышъущытхъугъ, шъори сыжъугъэукІытэжьыгъэп. Ау шъыпкъагъэр зэкІэ къызэрэшъотІуагъэм фэдэу, Тит ыпашъхьэ Іофхэу тыкъызэрэщышъущытхъугъэхэри шъыпкъэу къычІэкІыжьыгъэх. 15Шъо зэкІэ ежьым шъузэредэІугъэу ыкІи шъущынэу, шъугухэр кІэзэзхэу шъузэрэпэгъокІыгъэр Тит ыгу къызыкІыжькІэ, ыгукІэ лъэшэу къышъуфэраз. 16Сыд щыщымкІи сышъущыгугъынэу зэрэслъэкІырэр сигуапэ.

08

ЯЕНЭРЭШЪХЬ

ЩыкІагъэ зиІэ къошхэм ахъщэ афаугъоиныр

Джы, сшыхэр, Македоние хэкум щыІэ чылыс зэІукІэхэм Тхьэм ынэшІу къызэращифагъэр шъодгъэшІэнэу тыфай. 2Гузэжъогъу хэтхэу, яшъыпкъагъэ инэу гъэунэфыгъэ зэхъум, тхьамыкІэ дэдэу щытыгъэхэми, ягушІогъошхокІэ ямылъку шъхьамысыжьхэу тшыхэм адэІэпыІагъэх. 3АлъэкІыщтыгъэм фэдиз ыкІи нахьыби ежьхэр фаехэу зэратыгъэмкІэ сыряшыхьат. 4Тигъусэхэу Тхьэм ицІыф лъапІэхэм адэІэпыІэнкІэ фит тшІынхэу яшъыпкъэу къытэлъэІугъэх. 5Тызыщыгугъыгъэм изакъоп къатыгъэр, ау ыпэрапшІэу Зиусхьаным ежьхэм зырати, етІанэ Тхьэр зэрэфаем тетэу тэ зыкъытатыжьыгъ. 6Арэущтэу Тит ахъщэр шъуугъоин Іофыр ыублагъэти, мы ІофышІур шъуигъэухыжьынэу телъэІугъ. 7ШІошъхъуныгъэмкІи, гущыІэнымкІи, шІэныгъэмкІи, гуетыныгъэшхо пстэумкІи, шІулъэгъуныгъэу къытфышъуиІэмкІи, а Іоф пстэумкІэ шъузэрэбаим фэдэу, мы ІофымкІи шъуимылъку шъушъхьамысыжьэу шъупылъ.

8Мыр унашъоу сэ къышъуфэсшІырэп, ау нэмыкІхэм гуетыныгъэшхоу яІэм фэзгъадэзэ, шІулъэгъуныгъэу шъуиІэм ишъыпкъагъэ згъэунэфынэу сыфай. 9Сыда пІомэ ти Зиусхьанэу Исус Христос ынэшІу къызэрэтщи-

 

фагъэр шъошІэ. Ар баеу щытыгъэми,* тэщ пае тхьамыкІэ хъугъэ*, итхьэмыкІагъэкІэ бай шъухъуным пае.

10Ахъщэ шъуугъоин Іофым сызэрэхаплъэрэр шъосэІо; сыда пІомэ ащ ишІуагъэ къышъокІыщт. БлэкІыгъэ илъэсым къыщыублагъэу мы Іофыр зэрежъугъэжьагъэм имызакъоу, цІыфхэу мы Іофыр апэ дэдэу зышІэнхэу зыгу хэлъ хъугъэхэр шъоры. 11Джы а Іофыр шъуухы, шъушІэнэу шъуишъыпкъэу шъузкІэхъопсыгъэр мылъкоу шъуиІэм ифэшъуашэу жъугъэцэкІагъэ хъуным пае. 12Сыда пІомэ цІыфыр тэным фэхьазырмэ, иІэм елъытыгъэу ары нахь, имыІэм елъытыгъэу арэп, Тхьэм а тыныр зэридэрэр.

13НэмыкІ цІыфхэм псынкІагъо афэхъоу, шъо гузэжъогъу шъухэфэн фаеу арэп зыфасІорэр, ау шъо шъуитІум шъузэфэдэу шъузэдэІэпыІэн фае. 14Джырэ уахътэм шъо къышъолыжьыгъэ мылъкумкІэ ахэмэ ящыкІагъэр яшъутын фае. ЕтІанэ шъо щыкІагъэ шъуиІэ хъумэ, ахэмэ къялыжьыгъэ мылъкумкІэ шъо шъуищыкІагъэр къышъуатыщт. Арэущтэу шъо шъуитІум шъузэфэдэщт. 15Тхьэм игущыІэ тхыгъэхэм зэрарытым фэдэу,*

«Бэ зыугъоигъэм къелыжьыгъэ щыІагъэп, мэкІэ зыугъоигъэми зыфэныкъо иІагъэп».

Титрэ ащ игъогогъухэмрэ

16Сэ шъощ пае гумэкІыныгъэу сиІэм фэдэ гумэкІыныгъэ Тхьэм Тит ыгу къызэрэрилъхьагъэм пае, щытхъу фэсэшІы. 17Тит тызэрелъэІугъэр ыдагъэ къодыеп, ау ыгу лъэшэу етыгъэу ежьыр фаеу шъуадэжь къэкІо. 18Ащ игъусэу къэбарышІур зэригъэІурэмкІэ чылыс зэІукІэ пстэури зыщытхъурэ тшы къэтэгъакІо. 19Ащ нэмыкІэу Зиусхьаным щытхъу фэтшІыным паий, гумэкІыныгъэшхоу къышъуфытиІэр шъодгъэлъэгъуным паий мы Іофэу зишІуагъэ къакІорэр тшІэ зыхъукІэ, къыддэкІонэу чылыс зэІукІэхэм а тшы къыхахыгъ. 20Арэущтэу

8:9 баеу щытыгъэми – ежь Ятэ ыдэжь щыІэу, мы дунаем къызщытехьащтым ыпэкІэ ары.

8:9 тхьамыкІэ хъугъэ – цІыфэу зэрэхъугъэр ары. Еплъ Фил. 2:6-8.

8:15 Тхьэм игущыІэ тхыгъэхэм зэрарытым фэдэу – еплъ Пегъымбар Мусэ ятІонэрэ тхылъэу ытхыгъэм 16:18.

 

мы тынышхомкІэ тызэрызекІорэ шІыкІэм пае, цІыфхэм тызэрагъэмысэщтым зыщытыдзыенэу тыфай. 21Сыда пІомэ Зиусхьаным ыдэжькІи цІыфмэ адэжькІи шІугъэ зэрэтшІэным тыпылъ.

22Ащ нэмыкІэу тшэу зигуетыныгъэшхо бэрэ ыкІи лъэныкъо ІаджыкІэ къытфэзыгъэшъыпкъэжьыгъэр адрэхэм ягъусэу къышъуфэтэгъакІо. Джы инэу къызэрэшъущыгугъырэм пае, ыпэрэм нахьи нахь гуетыныгъэшхо иІэ хъугъэ. 23ТиткІэ шъукъысэупчІымэ, ар сигъусэу къышъуфэлажьэ. Мы тшыхэмкІэ шъукъысэупчІымэ, ахэр чылыс зэІукІэхэм ялІыкІохэу Христос щытхъу фэзышІыхэрэр ары. 24Арышъ, чылыс зэІукІэхэм апашъхьэ шъуишІулъэгъуныгъи шъыпкъагъэм тетэу тыкъызэрэшъущытхъугъэри мы тшыхэм къафэжъугъэшъыпкъэжь.

09

ЯБГЪОНЭРЭШЪХЬ

Игуапэу зытырэр ары Тхьэм шІу ылъэгъурэр

Мы ІэпыІэгъоу Тхьэм ицІыф лъапІэхэм афядгъэхьырэм ехьылІагъэу къышъуфэстхынэу сищыкІагъэп, 2сыда пІомэ шъуигуетыныгъэшхо сэшІэ. Шъо Ахаие хэкум исхэм блэкІыгъэ илъэсым щегъэжьагъэу Тхьэм ицІыф лъапІэхэм ІэпыІэгъу шъуафэхъунэу хьазырэу шъущытэу сГуи, Македоние хэкум щыщхэм апашъхьэ сыщышъущытхъугъ. Шъуигуетыныгъэшхо ахэмэ анахьыбэри ІэпыІэгъу хъунхэу ыгъэгушхуагъ. 3Ау мы ІофымкІэ шъуищытхъоу сшІыгъэр пкІэ имыІэу къычІэмыкІыным ыкІи зэрэсІуагъэм фэдэу шъухьазырыным пае, тшыхэр* шъуадэжь къэсэгъакІох. 4Сыда пІомэ Македоние хэкум щыщхэр къызыздакІохэкІэ, шъумыхьазырэу къычІыкІымэ, тыкъызэрэшъущыгугъыгъэм пае тыукІытэжьыщт – шъо шъузэрэукІытэжьыщтыр къэсІонэу ищыкІагъэп. 5Арыти, тшыхэр шъуадэжь сапэ итхэу кІонхэшъ, тыкъызэрыжъугъэгугъэгъэ тыныр ыпэкІэ къызэрэжъугъэхьазырыным лъыплъэнхэу сялъэІун фаеу сэлъытэ. Арэущтэу шъуимыгуапэ хъурэ тынэу мыхъоу, шъуигуапэ хъурэ тынэу ар хьазырыщт.

9:3 тшыхэр – Титрэ (8:16-17) нэмыкІхэмрэ (8:18,22) ары.

 

6Сэ зыфасІорэр мары: МакІэ зыпхъырэм макІэ къыхыжьыщт. Бэ зыпхъырэми бэ къыхыжьыщт. 7Хэти ыгукІэ зэрэтыриубытагъэм фэдэу ерэт, гухэкІ хэмылъэу, емыгъэзыгъэу ерэт; сыда пІомэ игуапэу зытырэр ары Тхьэм шІу ылъэгъурэр. 8Тхьэм гъунэ имыІэу ынэшІу инэу къышъущифэн ылъэкІыщт. Арэущтэу лъэныкъо пстэумкІи шъуищыкІагъэр зэкІэ шъуиІэ зэпытыщт, сыд щыщырэ Іоф дэгъум паий къэшъутынэу икъуным нахьи нахьыбэ шъуиІэщт. 9Тхьэм игущыІэ тхыгъэхэм зэрарытым фэДэу,*

«Бэу тхьамыкІэхэм афигощыгъ. Ишъыпкъагъэ егъашІэми щыІэщт».

103ыпхъырэм чылапхъэ езытырэ Тхьэу, хьалыгъуи ышхынэу езытырэм чылапхъэ къышъуитынышъ, ыгъэбэгъощт. Шъуишъыпкъагъэ шІугъэу къыхэкІырэри ыгъэбэгъощт. 11Сыдигъуи тынкІэ шъуимылъку шъушъхьамысыжьынэу сыдрэмкІи Тхьэм бай шъуишІыщт. Арэущтэу тынкІэ шъуимылъку шъузэрэшъхьамысыжьырэм пае, а тыныр тшыхэм заІэкІэдгъахьэкІэ, цІыфыбэмэ Тхьэм ищытхъушхо яжъугъэшІыщт.

12ІэпыІэгъу шъузэрэхъурэмкІэ Тхьэм ицІыф лъапІэхэм ящыкІагъэмкІэ ІэпыІэгъу шъузэрафэхъурэм имызакъоу, цІыфыбэми Тхьэм ищытхъушхо инэу яшъогъэшІы. 13Арэущтэу тшыхэм ІэпыІэгъу шъузэрафэхъурэмкІэ шъуишъыпкъагъэ къызыжъугъэшъыпкъэжькІэ, Христос ехьылІэгъэ къэбарышІум шыхьат шъузэрэфэхъурэм ыкІи шъузэредэІурэм пае, тшыхэм Тхьэм ищытхъу ашІыщт. Ащ нэмыкІэуи шъушъхьамысыжьэу шъуимылъку щыщ ахэми нэмыкІ цІыфхэми зэряшъутырэм пае, тшыхэм Тхьэм ищытхъу ашІыщт. 14Арэущтэу Тхьэм ынэшІу инэу къызэрэшъущифагъэм пае, гуфэбэныгъэ къышъуфыряІэу Тхьэм къышъуфелъэІущтых. 15Тхьэм итынышхоу къэмыІошъущт иным* пае, Тхьэм щытхъу фэтэжъугъэшІ.

9:9 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 112:9 (урыс библиемкІэ 111:9).

9:15 Тхьэм итынышхоу къэмыІошъущт иныр – Тхьэм Ыкъо тымыкІодэу тыкъызэрэригъэгъэнэжьырэр ары.

10

ЯПШІЭНЭРЭШЪХЬ

Паул апостол тетыгъоу иІэр

Сэ, Паул, зэрэшъуІорэмкІэ шъуапашъхьэ сит зыхъукІэ, сыщынэу сыщыт, ау сыкъышъупэчыжьэ зыхъукІэ, сэгушхо – сэ Христос игушъэбагъэрэ иІэсагъэрэкІэ сышъолъэІу. 2Мы дунаем ицІыфхэм афэдэу шъозекІо, аІоу тызыгъэмысэрэ цІыфхэм шъуадэжь сыкъызыкІокІэ, гушхоныгъэ хэлъэу сапэгъокІынэу сыгу зэрэхэлъым фэдэу, гушхоныгъэ хэлъэу сыкъышъупэгъокІынэу щыкІагъэ щымыІэнэу сышъолъэІу. 3Сыда пІомэ мы дунаем тытет пэтми, мы дунаем ицІыфхэм ягухэлъ тыгу хэлъэу тызаорэп. 4Іашэхэу тызэрызаохэрэр мы дунаем иІашэхэп, ау бзэджагъэм ипытапІэхэр зэхакъутэнхэу Тхьэм ыдэжь къикІырэ кІуачІэ ахэлъ. Гупшысэ пхэнджхэри, 5цІыфхэм Тхьэр зэрашІэным пэуцунэу зыкъэзыІэтырэ пэгэныгъэри зэкІэ тэгъэкІодых, сыд щыщырэ гухэлъи Христос едэІунэу тэубыты. 6Шъо шъуидэІоныгъэ щыкІагъэ зи имыІэу, икъугъэу зэрэхъоу, хэтми мыдаІорэми ифэшъуашэ едгъэпщыныжьынэу тыхьазыр.

7Шъунэ къыпэкІафэрэр шъолъэгъу ныІэп. Шъуащыщэу зыгорэм ыгу Христос илъэу ышІошъ хъумэ, ащ фэдэ къабзэу Христос тэри тыгухэм зэрарылъым ерэгупшыс. 8ШъусымыгъэкІодынэу, ау гурэ псэрэкІэ нахь лъэкІыныгъэ шъозгъэгъотынэу Зиусхьаным тетыгъоу къыситыгъэм ехьылІагъэу бащэу сызщытхъужьэу сыублэмэ, сыукІытэрэп. 9СитхылъхэмкІэ шъузгъэщыным сыпылъ фэдэу къэлъэгъонэу сыфаеп. 10Сыда пІомэ зыгорэм мырэущтэу къеІо: «ИтхылъхэмкІэ пхъашэ ыкІи лъэш, ау ежьыр лъэкІыныгъэ зимыІэ гор, ыІорэри пхъатэ пахьырэп». 11Арэущтэу зыІорэм мыр ерэшІ: шъуадэжь тыщымыІэу титхылъхэмкІэ къатІорэр, шъуадэжь тыкъызыкІокІи дгъэцэкІэщт.

12Зышъхьэ щытхъужьхэрэм запэтшІыжьынэу е зафэдгъэдэнэу тытегушхорэп. Зым адрэм зызыригъэпшэжькІи, зызыфигъэдэжькІи, зэхэшІыкІыныгъэ яІэп. 13Гъунэ имыІэу тызщытхъужьынэу тыфаеп, Тхьэм Іофэу къытфигъэнэфагъэм игъунапкъэхэми таблэкІыщтэп. А Іофым игъунапкъэхэм акІоцІ шъо шъуит. 14Гъунапкъэхэу тиІэхэм таблэкІырэп, шъуадэжь тыкъэмыкІогъагъэм фэдэу.

 

Сыда пІомэ Христос ехьылІэгъэ къэбарышІур зыгъэІунхэу апэрэхэу шъуадэжь къэкІуагъэхэр тэры. 15Тхьэм Іофэу къытфигъэнэфагъэм игъунапкъэхэм акІыбкІэ адрэ цІыфхэм Іофэу ашІагъэмкІэ тызщытхъужьрэп, ау шъуишІошъхъуныгъэ нахь пытэ хъоу, Іофэу шъуадэжь щытшІагъэм зызэриушъобгъущтым тыщэгугъы, Тхьэм гъунапкъэу къытфигъэнэфагъэхэм атетэу. 16Арэущтэу нэмыкІ цІыфым гъунапкъэу иІэхэм ягъунапІэ Іофэу щишІагъэмкІэ тызщымытхъужьэу, шъуакІыбкІэ щыІэ хэкухэми къэбарышІур ащыдгъэІущт. 17Ау зыгорэ зыгорэм щытхъужьмэ, Зиусхьанымрэ Зиусхьаным ышІагъэмрэ щэрэтхъу. 18Сыда пІомэ ышъхьэ щытхъужьрэр арэп Зиусхьаным ыдэрэр, ежь Зиусхьаныр зыщытхъурэр ары нахь.

11

ЯПШІЫКІУЗЭНЭРЭШЪХЬ

Паул апостол нэпцІхэм зэратегущыІэрэр

Сэ сиделагъэ тІэкІу къысфэшъущыІэгъагъот. Шъо ар къысфэшъущыІэщт. 2Тхьэм ыдэжь къикІырэ шъугъоныгъэмкІэ шъо сышъуфэшъугъо, сыда пІомэ шъо пшъэшъэ къабзэм фэдэу, лІы закъоу Христос ыпашъхьэ шъуизгъэхьанышъ, ащ шъудэкІонэу шъузгъэнэфагъ. 3Ау блэжъым итхьагъэпцІыгъэкІэ бзылъфыгъэу Евэ* зыцІэр зэригъэпцІэгъагъэм фэдэу, шъори шъушъхьэ зэІигъахьэзэ, шъыпкъагъэу Христос фышъуиІэм шъуакІыб фэжъугъэзэнкІэ сэщынэ. 4Сыда пІомэ зыгорэ шъуадэжь къакІоу, Исус ехьылІэгъэ къэбарэу тэ шъодгъэІугъэм нэмыкІ къэбар ыгъэІумэ, шъуигуапэу ар фэшъощыІэ. Е Тхьэм Ыпсэ ЛъапІэу шъугухэм арылъ дгъэхъугъэм нэмыкІ псэ горэ шъугухэм арылъ ыгъэхъумэ, ари шъуигуапэу фэшъощыІэ. Е шъушІошъ хъугъэ къэбарышІум нэмыкІ къэбарышІоу зыфиІорэр зыгорэм ыгъэІумэ, ари шъуигуапэу фэшъощыІэ. 5Ау а апостол джадэхэу зыфашъуІохэрэм анахьи зыкІи сынахь цІыкІоу зыслъытэжьрэп. 6ГущыІэнкІэ сымыІазэми, шІэныгъэм сырыІаз. ШІэныгъэмкІэ сызэрэІазэр сыдигъуи лъэныкъо пстэумкІи къышъуфэзгъэнэфагъ.

11:3 Евэ – Хьауэ ары. Еплъ Пегъымбар Мусэ апэрэ тхылъэу ытхыгъэм 3:1-5,13.

 

7Уасэ хэмылъэу Тхьэм ыдэжь къикІыгъэ къэбарышІур къышъозгъэІузэ, шъузгъэиныным пае, зызэрэзгъэцІыкІугъэмкІэ емыкІу сшІагъэу хъугъа? 8НэмыкІ чылыс зэІукІэхэм уасэ къаІысхызэ, сышъуфэлэжьэным пае, ахэмэ ахъщэ тырязгъэгъэкІодагъ. Шъуадэжь сызыщэІэм, щыкІагъэ сиІагъэми, зыми хьылъэ сыфэхъугъэп. 9Сыда пІомэ сшыхэу Македонием къикІыгъэхэу къэкІуагъэхэм сищыкІагъэр рагъэкъугъ. ЗыкІи хьылъэ сызэрэшъуфэмыхъуным сыпылъыгъ ыкІи сыпылъыщт. 10Христос ишъыпкъагъэу сыгу илъымкІэ сэІо, Ахаие хэкум зэкІэ исхэм ащыщэу зыми а щытхъоу сиІэр сІихын ылъэкІыщтэп. 11Сыд пае арэущтэу сызекІора? ІЫІу шъусымылъэгъоу ара? Хьау, шІу шъузэрэслъэгъурэр Тхьэм ешІэ. 12Ау сызэрэзекІощтыгъэм фэдэу, сызекІо зэпытыщт. «Паул зэрэлажьэрэм фэдэ къабзэу тэри тэлажьэ», зыІоу зыщытхъужьхэрэр зыщытхъужьынхэу игъо афизгъэфэнэу сыфаеп.

13Ащ фэдэ цІыфхэр апостол нэпцІых, лэжьэкІо гъэпцІакІох. Христос иапостолхэм афэдэу загъэлъагъо ныІэп. 14Ар гъэшІэгъонэп. Ежь шэйтанми нэфынэм имэлэІич фэдэу нэпцІкІэ зегъэлъагъо. 15Арышъ, шэйтаным фэлажьэхэрэр шъыпкъагъэм фэлажьэхэрэм афэдэу нэпцІкІэ загъэлъагъомэ, ар Іофышхоп. Ау кІэухэу афэхъущтыр Іофэу ашІэхэрэм яхьылІагъэу хъущт.

Паул апостолэу зэрэщытыгъэм пае къинэу ыщэчыщтыгъэхэр

16Джыри сэІо, зыми зэхэшІыкІ зимыІэм фэдэу серэмылъыт. Ау арэущтэу сышъолъытэмэ, зэхэшІыкІ зимыІэм шъузэрэпэгъокІырэм фэдэу шъукъыспэгъокІ, тІэкІу сызщытхъужьын слъэкІыным пае. 17Джы сІорэр Зиусхьаныр арэп къэсэзыгъаІорэр. Арэущтэу сыгушхоу сызщытхъужьмэ, зэхэшІыкІ зимыІэм фэдэу сэгущыІэ. 18Мы дунаем ицІыфхэм яхабзэ фэдэу, цІыфыбэхэр зэрэзщытхъужьхэрэм пае, сэри сызщытхъужьыщт. 19Шъо шъузэрэІушым пае, зэхэшІыкІ зимыІэхэр шъуигуапэу шъощыІэх. 203ыгорэм шъуигъэпщылІми, е шъуишхын шъушІуешхыжьми, е шъуихъункІэми, е шъуапашъхьэ зыщигъэпагэми, е шъунэпашъо къеоми, ар шъощыІэ. 21СыукІытэзэ сэІо, ащ фэдэ Іофхэр тшІэнхэу лъэкІ тиІагъэп.

 

ЦІыф горэ Іоф горэмкІэ зыщытхъужьыным тегушхомэ, сэри а ІофымкІэ сызщытхъужьынэу сытегушхо – зэхэшІыкІ зимыІэм фэдэу сэгущыІэ. 22Ахэр джуртха? Сэри сыджурт. Ахэр Израил цІыфха? Сэри сы Израил цІыф. Ахэр Ибрахьимэ къытехъукІыгъэ цІыфхэм ащыщха? Сэри сащыщ. 23Ахэр Христос фэлажьэха? Ахэмэ анахьи нахьыбэу сыфэлажьэ. Акъыл зимыІэм фэдэу сэгущыІэ. Ахэмэ анахьи нахьыбэу сылэжьагъ, нахьыбэуи хьапсым сычІэсыгъ, цІыфхэр нахьыбэуи къамыщкІэ къысэуагъэх, нахьыбэуи лІэныгъэм игъунэгъоу сыхъугъ. 24Къамыщ огъу тІокІитІум зы щыкІэу джуртхэр гъогогъуитфэ къысэуагъэх. 25Гъогогъуищэ Рим тетыгъо зиІэхэр бэщкІэ къысэуагъэх. Зэ цІыфхэм саукІыным пае, мыжъокІэ къысэуагъэх, сызэрытІысхьэгъэ къухьэхэм ащыщэу щыр чІихьагъ, зы чэщрэ зы мафэрэ хыорхэм сахэлъыгъ. 26Гъогуми бэрэ сатетыгъ. Псыхъохэм сызазэпырэкІым, щынагъо сыхэфагъ, хъункІакІохэми сахафэу, слъэпкъ щыщхэми сахэтэу, хымэ лъэпкъхэм ащыщхэми сахэтэу щынагъо сыхэфагъ; къалэхэми сащыІэу, шъоф нэкІхэми сарытэу, хыми сытетэу щынагъо сыхэфагъ; сшы нэпцІхэми сахэтэу щынагъо сыхэфагъ. 27Бэрэ сылажьэзэ зызгъэулэугъ, сымычъыеу чэщыби исхыгъ; мэлакІи псыфалІи сылІагъ, бэри шхын сымыгъотэу сыкъэнагъ; чъыІэми щыгъын икъунэу сщымыгъэу къысэкІугъ. 28Іоф пстэуми анэмыкІэу чылыс зэІукІэ пстэуми сафэгумэкІызэ мафэ къэси сэгузажъо. 29Хэти гурэ псэрэкІэ лъэкІыныгъэ зимыІэми, сэ сыригъус. ПсэкІодым хэт зыІэпищэми сыгу машІом ыстырэм фэдэу мэхъу.

30Сызщытхъужьын фаемэ, лъэкІыныгъэ зэрэсимыІэм пае сызщытхъужьыщт. 31Тхьэу ти Зиусхьанэу Исус Христос Ятэу мыкІодыжьын щытхъушхор зием пцІы зэрэсымыусырэр ешІэ. 32Пачъыхьэ Аретэ фэлажьэрэ Іэшъхьэтетым саригъэубытыным пае, ицІыфхэм Дамаск къалэм икъэлапчъэхэр аригъэухъумагъэх. 33Ау къалэ дэпкъым хэт шъхьангъупчъэ горэмкІэ матэм сисэу синыбжэгъухэм сыкъыратІупщэхи, Іэшъхьэтетым сыкъыІэпыкІыжьыгъ*.

11:33 сыкъыІэпыкІыжьыгъ – еплъ Апостол. 9:23-25.

12

ЯПШІЫКІУТЮНЭРЭШЪХЬ

Зиусхьаным Паул Іофхэу къыригъэлъэгъугъэхэри къыфигъэнэфагъэхэри

ИшІуагъэ къэмыкІощтми, сызщытхъужьын фае. Зиусхьаным сигъэлъэгъугъэ Іоф гъэшІэгъонхэми, къысфигъэнэфэгъэ Іоф гъэшІэгъонхэми сакъытегущыІэщт. 2Христос зыгу илъ лІы горэ* сэшІэ. Илъэс пшІыкІуплІкІэ узэкІэІэбэжьмэ, Тхьэм ар ящэнэрэ уашъом дихьыягъ. Пкъы хэлъыгъа, хэмылъыгъа, сэ сшІэрэп, Тхьэм ар ешІэ. 3,4Тхьэм а лІыр дихьыий, джэнэтым зэрэригъэхьагъэр сэшІэ. Пкъы хэлъыгъа, хэмылъыгъа сэ сшІэрэп, Тхьэм ар ешІэ. КъэпІон умылъэкІын гущыІэхэу, цІыфым къыІотэжьынхэу зыфимытхэр а лІым зэхихыгъэх. 5А лІым сыщытхъужьынэу сыфай; сэ сшъхьэкІэ лъэкІыныгъэ зэрэсимыІэм нэмыкІкІэ сызщытхъужьынэу сыфаеп. 6Сызщытхъужьынэу сыфэягъэми, зэхэшІыкІ зимыІэм сыфэдэщтыгъэп, сыда пІомэ шъыпкъагъэр къасІощтыгъ. Ау зысэщыІэ, зыгорэм Іофхэу сшІэхэрэр зилъэгъухэкІэ, е гущыІэхэу сэ къасІохэрэр зызэхихыхэкІэ, сызэрилъытэрэм нахьи нахьыбэу симылъытэным пае.

7Тхьэм къысфигъэнэфэгъэ Іофышхохэм апае зысымыгъэиныщэным пае, уз горэу къысхэорэ панэм фэдэр спкъы хэлъ хъугъэ. Ар шэйтаным иІофтабгэ фэд. Зысымыгъэиныщэным пае, лые къысехы. 8А панэр хихыжьынэу Зиусхьаным гъогогъуищэ селъэІугъ. 9Ау Зиусхьаным къысиІуагъ: «Сэ сынэшІу къызэрэпщысфэрэр оркІэ икъун, сыда пІомэ о лъэкІыныгъэ уимыІэ зыхъукІэ, силъэкІыныгъэшхо нахь къэлъагъо». Арэущтэу Христос илъэкІыныгъэ къысхэлъыным пае, лъэкІыныгъэ зэрэсимыІэмкІэ нахь сигуапэу сызщытхъужьыщт. 10Арышъ, Христос сызэрэфэлажьэрэм пае, лъэкІыныгъэ симыІэми, къысэхъонхэми, къин слъэгъуми, къин сагъэщэчми, гухэкІ сиІэми сэгушІо; сыда пІомэ лъэкІыныгъэ симыІэ зыхъукІэ, нахь лъэш сэхъу.

12:2 Христос зыгу илъ лІы горэ – Паул зытегущыІэрэр ежь ышъхь ары.

 

Паул шІошъхъуныгъэ зиІэ цІыфхэу Коринф дэсхэм зэрафэгумэкІырэр

11ЗэхэшІыкІ зимыІэм фэдэу сыкъэгущыІагъ, ау арэущтэу сыкъэгущыІэнэу шъо сежъугъэзыгъ. Шъо шъукъысщытхъужьын фэягъ, сыда пІомэ сэ пкІэ симыІэми, а апостол джадэхэу зыфашъуІохэрэм анахьи сэ зыкІи санахь цІыкІоп. 12Апостолэу сызэрэщытыр къэзыгъэшъыпкъэжьырэ Іофхэу нэшэнэ гъэшІэгъонышхохэри, Іофышхо гъэшІэгъонхэри, лъэкІыныгъэ зыхэлъ Іофышхохэри шъуадэжь теубытэныгъэшхокІэ сэ щысшІагъэх. 13Сэ хьылъэ сызэрэшъуфэмыхъугъэм нэмыкІэу, адрэ чылыс зэІукІэхэм сызэрадэзекІуагъэм нахьи нахь дэеу сыкъыжъудэзекІуагъа? Хьылъэ сызэрэшъуфэмыхъугъэмкІэ губгъэн къысфэшъумылъэгъу.

14Джы ящэнэрэу шъуадэжь сыкъэкІонэу сыхьазыр, ау хьылъэ сышъуфэхъущтэп, сыда пІомэ сызыфаер шъуимылъкоп, шъоры нахь. Бынхэм ятэ-янэхэмэ мылъку афаугъоинэу апшъэ илъэп, ау ятэ-янэхэр ары зибынхэм афэзыугъоин фаехэр. 15Сэ инэу шъо шІу шъуслъэгъоу, шъо нахь макІэу шІу сышъулъэгъужьыми, шъо шъупсэхэмэ апае зэкІэ сиІэр згъэкІодынэу, сэ сшъхьэкІи зызгъэкІодыжьынэу сигопэщт. 16Арэущтэуи орэхъу, хьылъэ сышъуфэхъугъэп. Ау тхьагъэпцІыгъэкІэ сыжъудэзекІуи, шъусыубытыгъэу шъоІо. 17Шъуадэжь сэ къэзгъэкІогъэ лІыхэм ащыщэу зыгорэмкІэ шъуишІуагъэ къызэзгъэкІыгъа? 18Тит шъуадэжь кІонэу селъэІугъ, сшыхэм ащыщэуи зы гъусэ фэсшІыгъ. Тит шъуишІуагъэ къызэригъэкІыгъэп, арыба? Зыгу зыпсэкІэ тызекІоу, а зы гъогум тытетыгъэба?

19Мыщ фэдизэу тызпылъыгъэр шъуапашъхьэ зыщыдгъэхыеныр арэу шъогугъа? Ау Христос тыгухэм арылъэу Тхэм ыпашъхьэ тыщыгущыІагъ ыкІи, силъапІэхэр, мы Іоф пстэури зыфатшІэрэр гурэ псэрэкІэ нахь лъэкІыныгъэ шъодгъэгъотыныр ары. 20Сыда пІомэ шъуадэжь сыкъызыкІокІэ, сызэрэфаеу шъо шъущымытэу шъузгъотэу, шъори шъузэрэфаеу сэ сыщымытэу сыжъугъотынкІэ сэщынэ. Зэщыхьаныр, шъугъоныр, губжыныр, зэмызэгъыныр, нэмыкІ цІыфхэм ІэягъэкІэ атегущыІэныр, бзэгухьаныр, зышІошІыжьыныр, зэхэтхъогъэ Іофхэр къэхъунхэкІэ сэщынэ. 21Шъуадэжь къызыкІожькІэ, шъуапашъхьэ Тхьэм аргорэу сыщигъэцІыкІунэу сэщынэ, псэкІод зы-

 

шІэгъэ цІыфыбэу зигумыкъэбзэным, зизинэ шІэным, зимыхъомышІэ псэукІэу зыхэтхэм афыкІэмыгъожьыгъэхэм сыгу къырагъэонэуи сэщынэ.

13

ЯПШІЫКІУЩЭНЭРЭШЪХЬ

Паул шІошъхъуныгъэ зиІэ цІыфхэу Коринф дэсхэм аужырэ Іофхэу агуригъэІуагъэхэр

Шъуадэжь сыкъызэрэкІорэр мыр ящэнэрэу мэхъу. Ащыгъум сыдрэ Іофэу шъуащыщэу зыгорэ зэрыжъугъэмысэрэр анахь макІэми шыхьатитІум е шыхьатищым къаІорэмкІэ гъэшъыпкъагъэу хъун фае. 2ЯтІонэрэу шъуадэжь сызыщэІэм, мыр къышъуфэзгъэпытэгъагъ. Джы шъуадэжь сыщымыІэу джыри зэ къышъуфэсэгъэпытэ: ЫпэкІэ псэкІод зышІагъэхэмрэ, адрэ къэнэгъэ цІыф пстэумрэ сыкъызыкІожькІэ сашъхьасыщтэп, Зсыда пІомэ къасІохэрэр къэсэзыгъаІорэр зэрэ-Христосыр къэзгъэшъыпкъэжьынэу шъуфай. Христос къызыжъудэзекІокІэ, лъэкІыныгъэ имыІэу щытэп. ИлъэкІыныгъэшхо шъуадэжь къыщегъэлъагъо. 4ЛъэкІыныгъэ имыІэу къащым тыраІулІагъэ пэтми, Тхьэм илъэкІыныгъэкІэ джыри псау. Ащ фэдэу Христос тыгухэм арылъэу тэри лъэкІыныгъэ тимыІэ пэтми, Тхьэм илъэкІыныгъэкІэ тэри Христос тигъусэу тыпсэущт, тышъуфэлэжьэным пае.

5ШъуишІошъхъуныгъэ шъыпкъэмэ зэжъугъэшІэным пае зыжъугъэунэфыжь. Шъо шъушъхьэкІэ Исус Христос шъугухэм зэрарылъыр шъошІэба! Армырмэ шъузэрэщытын фэем фэдэу шъущымытэу къычІэкІыгъ. 6Тэ тызэрэщытын фаем фэдэу тыщытэу къызэрэчІэкІыгъэр зэрэшъушІэрэм сицыхьэ телъ. 7МыхъомышІагъэ горэ шъумыгъэцэкІэнэу Тхьэм телъэІу. Арэущтэу тызфелъэІурэр тызэрэщытын фаем фэдэу тыщытэу къычІэкІыныр арэп, тэ тызэрэщытын фаем фэдэу тыщымытэу къычІэкІыми, шъо шІугъэр жъугъэцэкІэныр ары нахь. 8Сыда пІомэ шъыпкъагъэм тыпэуцоу зи тшІэн тлъэкІыщтэп, ау шъыпкъагъэм пае зыгорэ тшІэн тлъэкІыщт. 9ЛъэкІыныгъэ тэ тимыІэми, шъо лъэкІыныгъэ шъуиІэ зыхъукІэ

 

тэгушІо. Зишъыпкъагъэ щыкІагъэ зи зимыІэ цІыф икъугъэхэу шъуигъэхъунэу Тхьэм телъэІу. 10Шъуадэжь сыщымыІэу мы Іофхэр зыфышъуфэстхырэр шъуадэжь сыкъызыкІокІэ, Зиусхьаным къыситыгъэ тетыгъомкІэ пхъашэу сыкъыжъудэзекІон фаеу мыхъунэу ары. Шъузгъэунэхъунэу арэп, гурэ псэрэкІэ нахь лъэкІыныгъэ шъозгъэгъотынэу ары нахь, Зиусхьаным а тетыгъор къызфыситыгъэр.

Аужырэ шІуфэс гущыІэхэр

11Аужыпкъэм, сшыхэр, шъотхъэжь, зишъыпкъагъэ щыкІагъэ зи зимыІэ цІыф икъугъэхэу шъухъуным ыуж шъуит, зысэжъугъэгъэгушху, шъуигупшысакІэ зы орэхъу, гупсэфыныгъэ шъуиІэу шъопсэу. ЕтІанэ Тхьэу шІулъэгъуныгъэмрэ гупсэфыныгъэмрэ зыдэжь къикІырэр шъуигъусэщт.

12        ГукъэбзагъэкІэ ІаплІ зэшъущэкІэу шІуфэс зэшъухыжь. Тхьэм ицІыф лъэпІэ пстэуми шІуфэс къышъуахыжьы.

13Ти Зиусхьанэу Исус Христос ынэшІу щыфэныгъэ, Тхьэм ишІулъэгъуныгъэ, Тхьэм Ыпсэ ЛъапІэ шъо пстэуми шъуерэгъусэх. Амин.

16 Galatians / Галатхэм

01

АПОСТОЛ ПАУЛ ШІОШЪХЪУНЫГЪЭ

ЗИІЭХЭУ ГАЛАТИЕ ХЭКУМ ИСХЭМ

ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехыныр

Сэ сыапостол* Паул. Апостол сыхъунэу сыкъыхэзыхыгъэхэр цІыфхэр арэп, цІыф горэми сыкъигъэкІуагъэп, сыкъыхэзыхыгъэхэр Исус Христосрэ ар лІагъэхэм къахэзыгъэтэджыкІыжьыгъэ Тхьэу Ты лъапІэмрэ ары. 2Сэррэ сигъусэ сшы пстэумрэ Галатие хэкум* щыІэ чылыс зэІукІэхэм шІуфэс шъотэхыжьы.

3Тхьэу Тятэ лъапІэрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт. 4Исус Христос ары джырэ дунаем ибзэджагъэ илъэкІыныгъэ тыІэкІихыжьыным пае, ти Тхьэу ыкІи Тятэ лъапІэ зэрэфэягъэм тетэу, типсэкІодхэр ыпщыныжьынхэм пае, зыпсэ зытыгъэр. 5МыкІодыжьын щытхъушхор ий. Амин.

1:1 апостол – нэмыкІ цІыф горэм ыцІэкІэ гущыІэнэуи Іоф ышІэнэуи фитыныгъэ зиІэр ары.

1:2 Галатие хэкур – Рим (Рум) къэралыгъошхом щыщ хэкоу щытыгъ. А хэкур джырэ Тыркуем итыгъэ къыкъокІыпІэ лъэныкъо итыгъ.

 

 

 

НэмыкІ къэбарышІу зи щыІэп

6Христос ынэшІу щыфэныгъэкІэ Тхьэу зибынхэм ащыщ шъухъунхэу къышъоджагъэм игъогу шъутекІэу, ащ фэдэу псынкІэу нэмыкІ къэбарышІоу зыфаІорэм игъогу шъузэрэтехьагъэр лъэшэу сэгъэшІагъо. 7НэмыкІ къэбарышГу* зи щыІэп. Ау цІыф заулэмэ шъушъхьэхэр зэІагъэхьэ, Христос ехьылІэгъэ къэбарышІури зэблахъунэу фаех. 8КъэбарышІоу тэ шъодгъэІугъэм нэмыкІ къэбарышІоу зыфиІорэр къышъозыгъэІурэм, тэрми уашъом щыщ мэлэІичми, Тхьэм ынае къыщерэф. 9ЫпэкІэ къэтІогъагъэр джыри къэсэІожьы: КъэбарышІоу шъудагъэм нэмыкІ къэбарышІоу зыфиІорэр къышъозыгъэІурэм Тхьэм ынае къыщерэф.

10Джы цІыфхэм сызэрадэным сыпылъа, хьауми Тхьэм сызэридэныр ара сызыпылъыр? Хьауми цІыфхэм агу къызэрэсэІуныр ара сызыпылъыр? Джырэ нэсы цІыфхэм агу къызэрэсэІуным сыпылъыгъэмэ, Христос сыфэлажьэу сыщытыщтыгъэп.

Паул апостолэу зэрэхъугъэр

11Сшыхэр, сэ шъозгъэІугъэ къэбарышІур цІыфым ыдэжь къызэримыкІыгъэр шъушІэнэу сыфай. 12Зы цІыф горэм а къэбарышІур къыІысхыгъэп, зыми ар сигъэшІагъэп, ау ежь Исус Христос а къэбарышІур къысфигъэнэфагъ.

13Джурт диным сыпылъэу сищыІакІэу щытыгъэм икъэбар зэхэшъухыгъэ. Тхьэм ичылыс зэІукІэ къин дэдэ езгъэщэчэу, згъэкІодыным ыуж ситыгъ. 14Слъэпкъ щыщхэу силэгъубэхэм анахьи, джурт диным сызэрэпылъыгъэмкІэ апэ ситыгъ. Тятэжъхэм къытфагъэнэгъэ хабзэхэм сыгу етыгъэу сапылъыгъ. 15,16Ау сянэ ышъо сыхэлъэу Тхьэм сыкъыхихыгъ. ЫнэшІу щыфэныгъэкІи ибынхэм ащыщ сыхъунэу къысэджагъ. ЕтІанэ Ыкъо ехьылІэгъэ къэбарышІур хымэ лъэпкъхэм* язгъэІуным пае, Ыкъо сигъэлъэгъунэу Тхьэм игъоу зелъытэм, зы цІыфи упчІэгъу сшІыгъэп. 17 Сэ сапэ апостол хъугъэ цІыфхэу

1:7 къэбарышІур – еплъ 1 Кор. 9:14. 1:15-16 хымэ лъэпкъхэр – мыджуртхэр ары.

 

Ерусалим дэсыгъэхэм адэжь сыкІуагъэп, ау Аравие хэгъэгум* сыкІуи, етІанэ Дамаск къалэм згъэзэжьыгъэ.

18Илъэсищ зытешІэм ыуж, тызэрэшІэнэу Кифэ* ыдэжь Ерусалим сыкІуагъ, ащ дэжьи мэфэ пшІыкІутфэ сыщыІагъ. 193иусхьаным ышы Якъубэ* нэмыкІэу, адрэ апостолхэм ащыщэу зи слъэгъугъэп. 20Тхьэ сэІо, къышъуфэстхырэмкІэ пцІы сыусырэп. 21Ащ ыужым Сириерэ Киликиерэ* зыцІэ хэкухэм сащыІагъ. 22Христос ичылыс зэІукІэхэу Иудей хэкум щыІэхэм сынапэ алъэгъугъэу сашІэщтыгъэп. 23Ахэмэ цІыфхэм мырэущтэу зэраІорэр зэхахыщтыгъ ныІэп: «ЛІэу ыпэкІэ къин тэзыгъэщэчыгъэу, тишІошъхъуныгъэ зыгъэкІодынэу тауж итыгъэм а шІошъхъуныгъэм икъэбарышІу джы цІыфхэм арегъэІу». 24Арэущтэу сэщ пае Тхьэм щытхъу фашІыщтыгъ.

02

ЯТЮНЭРЭШЪХЬ

Адрэ апостолхэм Паул зэрадагъэр

ЕтІанэ илъэс пшІыкІуплІ тешІагъэу,* Варнавэ* сигъусэу Ерусалим сыкІуагъ. Тити* гъусэу зыдэсщагъ. 2Ерусалим сыкІон фаеу Тхьэм къызгуригъэІуагъэти, сыкІуагъ. КъэбарышІоу хымэ лъэпкъхэм язгъэІурэр тхьаматэхэм язакъоу апашъхьэ ислъхьагъ, Іофэу сшІэрэр ыкІи сшІагъэр

1:17 Аравие хэгъэгур – ар наватейхэм япачъыхьагъу арын фае. А пачъыхьагъур Палестинэ хэгъэгум икъыблэ тыгъэ къыкъокІыпІэ лъэныкъокІэ итыгъ. А пачъыхьагъум икъэлэшхоу щытыгъэр Петрэ ары.

1:18 Кифэ – КифэкІэ заджэхэрэ Петрэу Исус игъогу рыкІорэ нэбгырэ пшІыкІутІум ащыщыгъэр ары.

1:19 Зиусхьаным ышы Якъубэ – Ерусалим щыІэ чылыс зэІукІэм итхьаматэхэм ащыщыгъ. Еплъ Апостол. 15:13.

1:21 Киликие зыцІэ хэкур – Рим къэралыгъошхом щыщ хэкоу щытыгъ. А хэкур джырэ Тыркуем икъыблэ тыгъэ къыкъокІыпІэ лъэныкъо итыгъ. А хэкум икъэлэшхоу щытыгъэр Тарс ары. Апостол Паул а къэлэшхом къыщыхъугъ.

2:1 илъэс пшІыкІуплІ тешІагъэу – Паул Исус игъогу зытехьагъэм къыщегъэжьагъэу арыщтын.

2:1 Варнавэ – еплъ 1 Кор. 9:6.

2:1 Тит – еплъ 2 Кор. 2:13.

 

хьаулыеу мыхъуным пае. 3Титэу сигъусагъэр Урым лъэпкъым щыщ пэтми, сунэт заригъэшІынэу рагъэзыгъэп. 4Сыда пІомэ къош нэпцІ заулэхэу тшыхэм захэзыгъэкІокІагъэхэр арэущтэу фэягъэх. Христос Исус тыгухэм зэрарылъым пае, шъхьафитныгъэу тиІэм еплъакІохэу, ахэмэ Тэурат хабзэм ыІэчІэгъ тычІагъэуцожьыным ыуж итыгъэх. 5Ау къэбарышІум ишъыпкъагъэ мыкІодэу къышъуфэдгъэнэным пае, а цІыфхэм зыкІи тафызэкІэкІуагъэп ыкІи тафэІорышІагъэп.

6Тшыхэм тхьаматэхэу алъытэхэрэм – ахэр тхьаматэхэу щытхэми щымытхэми сизэфэдэ; Тхьэр цІыфхэм ятеплъэ емыплъэу, цІыф пстэури изэфэдэхэу щытых – ахэмэ къэбарышІоу сэ згъэІурэм зи хагъэхъуагъэп. 7Ау сунэт ашІыгъэхэу щытхэм* къэбарышІур аригъэІунэу Тхьэм Петрэ ыпшъэ къызэрэрилъхьагъэм фэдэу, сунэт амышІыгъэхэу щытхэм* къэбарышІур язгъэІунэу Тхьэм спшъэ къызэрэрилъхьагъэр агурыІуагъ. 8Сыда пІомэ Петрэ сунэт ашІыгъэхэу щытхэм апостол Іофэу афишІэрэмкІэ къыдэлажьэу щытыгъэ Тхьэр сэри сунэт амышІыгъэхэу щытхэм апостол Іофэу афасшІэрэмкІэ къыздэлажьэу щытыгъ. 9Тшыхэм тхьаматэ пкъэухэу алъытэхэрэ Якъубэ*, Кифэ, Иуан* Тхьэм ынэшІу къызэрэсщифагъэр ашІагъэти, ахэр, сэры, Варнавэ тызэрэзэдэлажьэрэм инэшанэ фэдэу тІэхэр аубытыгъэх: Тэ хымэ лъэпкъхэм адэжь тыкІон фэягъ, ахэри сунэт ашІыгъэхэу щытхэм адэжь кІонхэ фэягъ. 10«ТитхьамыкІэхэм шъуадэІэпыІэнэу зыщышъумыгъэгъупш», аІозэ, а зы Іоф закъор ары къызэрытэлъэІугъэхэр. А Іоф дэдэми сишъыпкъэу сыпылъыгъ.

Паул Петрэу КифэкІэ заджэхэрэм зэрэпэуцугъэр

11Кифэ Антиохие къалэм* къызэкІом, Іоф горэмкІэ мысэ хъугъэти, ыпашъхьэ сихьи сыпэуцугъ. 12Сыда

2:7 сунэт ашІыгъэхэу щытхэр – джуртхэр ары.

2:7 сунэт амышІыгъэхэу щытхэр – мыджуртхэр ары.

2:9 Якъубэ – еплъ 1:19.

2:9 Кифэ Иуан – КифэкІэ заджэхэрэр Петрэ ары. ИтІур Исус игъогу рыкІорэ нэбгырэ пшІыкІутІум ащыщыгъэх.

2:11 Антиохие къалэр – Сирие хэкум итыгъэ Антиохие къалэр ары. Еплъ Апостол. 11:19-26.

 

пІомэ Якъубэ ыдэжь лІы заулэ къимыкІыхэ рапшІэу, Петрэ мыджуртхэм адашхэщтыгъ. Ау а лІыхэр къызэкІохэм, сунэт ашІыгъэхэу щытхэм ащыщынагъэти, Петрэ зэкІэкІожьи, мыджуртхэм ыкІыб афигъэзагъ. 13Адрэ джуртхэри Петрэ инэпитІугъэкІэ гъусэ фэхъугъэх. Варнави ахэмэ янэпитІугъэкІэ зыІэпаригъэщагъ.

14        КъэбарышІум ишъыпкъагъэ темытхэу зэрэзекІуагъэхэр зысэлъэгъум, зэкІэмэ апашъхьэ Петрэ щесІуагъ: «О уджурт пэтми, джурт хабзэхэм уатемытэу, хымэ лъэпкъхэм яхабзэхэм уатетэу опсэу. Арышъ, сыд паекІэ джурт хабзэкІэ мыджуртхэр бгъэпсэунхэм упылъа?»

Адрэ лъэпкъхэм афэдэхэу, джуртхэми Исус ХристоскІэ шІошъхъуныгъэ яІэмэ, мыкІодхэу къэнэжьыщтых

15Тэ джуртэу тыкъэхъугъ. Хымэхэу псэкІод зышІэхэрэм тащыщэп. 16Ау тэ тыджуртми мыр тэшІэ: зы цІыф горэм Тэурат хабзэм итхэр зэригъэцакІэхэрэм пае, Тхьэм ежьым ыдэжькІэ шъыпкъагъэ иІэу ылъытэщтэп, Исус ХристоскІэ шІошъхъуныгъэ зэриІэм пае ары нахь. Арэущтэу тэри Христос ИсускІэ шІошъхъуныгъэ тиІэ хъугъэ, ХристоскІэ шІошъхъуныгъэ тиІэ зэрэхъугъэм фэшІкІэ, Тхьэм ежьым ыдэжькІэ шъыпкъагъэ тиІэу тилъытэным пае. Тэурат хабзэм итхэр дгъэцэкІэным иІоф ащ хэлъэп, сыда пІомэ цІыф горэм Тэурат хабзэм итхэр зэригъэцакІэхэрэм пае, Тхьэм ежьым ыдэжькІэ ащ шъыпкъагъэ иІэу ылъытэщтэп.

17Ау Христос тыгухэм зэрарылъым пае, Тхьэм ежьым ыдэжькІэ шъыпкъагъэ тиІэу тызэрилъытэщтым тыщыгугъэу, псэкІод зытелъ цІыфхэу тыщытыгъэмэ, Христос псэкІод тигъэшІагъэу хъущтыгъа? Хьау, ар хъухэщтэп. 18Сыда пІомэ, зэхэскъутагъэр зэхэзгъэуцожьмэ,* Тхьэм иунашъохэм сызэратекІыгъэр ащыгъум къэсэгъэшъыпкъэжьы. 19Тэурат хабзэм иІоф къысхэмылъыжьэу, Тэурат хабзэм ыдэжькІэ цІыф лІагъэм сыфэд – ар къызпкъырыкІыгъэр Тэурат хабзэр ары – Тхьэм сыфэпсэуным пае. Христос сыригъусэу къащым сытыраІулІагъэм фэд.

2:18 зэхэскъутагъэр зэхэзгъэуцожьмэ – ащ къикІырэр: «Тэурат хабзэм итхэр бгъэцэкІэнхэмкІэ Тхьэм ыдэжькІэ шъыпкъагъэ уиІэ хъущтэп», сІуи сІогъагъэ гущыІэхэр зэсхъокІыхэзэ, джы «Тэурат хабзэм итхэр бгъэцэкІэнхэмкІэ Тхьэм ыдэжькІэ шъыпкъагъэ уиІэ хъущт», сІомэ, Тхьэм иунашъохэм сатекІыгъэу мэхъу.

 

20Арышъ, джы псэурэр сэрэп, сыгу илъ Христос ары нахь. Мы дунаем щыІэныгъэу щысиІэр, Тхьэм ЫкъокІэ шІошъхъуныгъэ сыгу илъэу сиІ. Ащ шІу силъэгъуи, ыпсэ сэщ пае ытыгъ. 21Тхьэм ынэшІу щыфэныгъэ сыфэмыеу щытэп, сыда пІомэ Тхьэм ежьым ыдэжькІэ Тэурат хабзэм итхэр зыгъэцакІэрэ цІыфым шъыпкъагъэ иІэу ылъытагъэмэ, ащыгъум Христос хьаулыеу лІагъэу хъущтыгъ.

03

ЯЩЭНЭРЭШЪХЬ

Тэурат хабзэм игъогу тырыкІона, хьауми шІошъхъуныгъэм игъогу тырыкІона?

Шъо зэхэшІыкІ зимыІэ Галатие цІыфхэр! Хэт шъо шъудэзыхьыхыгъэр? ЗэхэугуфыкІ къышъуфэтІотэжьыгъэба Исус Христос къащым зэрэтыраІулІагъэр? 2Мы зы закъор сэжъугъэшІэнэу сыфай. Тхьэм Ыпсэ ЛъапІэ шъугухэм арылъ зэрэхъугъэр Тэурат хабзэм итхэр жъугъэцэкІэнхэм игъогукІэ арыгъа, хьауми къэбарышІоу зэхэшъухыгъэмкІэ шІошъхъуныгъэ шъуиІэ хъуным игъогукІэ арыгъа? 3Ащ фэдизэу зэхэшІыкІыныгъэ шъуимыІэу шъущыта? Къызышъуублагъэм дэжь Тхьэм Ыпсэ ЛъапІэ шъущыгугъыщтыгъ, джы зишъыпкъагъэ щыкІагъэ зимыІэ цІыф икъугъэхэу шъузэрэхъуным шъо шъукІуачІэкІэ шъунэсынэу шъуфая? 4Хьаулыеу ащ фэдиз къиныбэ шъущэчыгъа? Хьау, хьаулыеу щытыгъэп, арыба? 5Тхьэм ежьым Ыпсэ ЛъапІэ шъугухэм къарелъхьэ, Іофышхо гъэшІэгъонхэри шъуадэжь щешІэх. Арэущтэу зыкІишІырэр Тэурат хабзэм итхэр жъугъэцакІэхэу ара, е къэбарышІоу зэхэшъухыгъэмкІэ шІошъхъуныгъэ шъуиІэ зэрэхъугъэр ара?

6Джащ фэд Тхьэм игущыІэ тхыгъэхэм зэрарытым фэдэу,* «Ибрахьимэ ТхьэмкІэ шІошъхъуныгъэ иІэ хъугъэти, Тхьэм ежьым ыдэжькІэ ащ шъыпкъагъэ иІэу ылъытагъ». 7Арэущтэу шІошъхъуныгъэ зиІэхэр Ибрахьимэ ибын шъыпкъэхэу зэрэщытхэр зэжъугъашІэ. 8Тхьэм

3:6 Тхьэм игущыІэ тхыгъэхэм зэрарытым фэдэу – еплъ Пегъымбар Мусэ апэрэ тхылъэу ытхыгъэм 15:6.

 

игущыІэ тхыгъэхэм арыт,* хымэ лъэпкъхэм ащыщхэми ежьымкІэ шІошъхъуныгъэ зэряІэм пае, ежьым ыдэжькІэ шъыпкъагъэ яІэу Тхьэм зэрилъытэщтхэр. Арэу зыхъукІэ, Тхьэм игущыІэ тхыгъэхэм арыт,* Тхьэм мырэущтэу ыІозэ, Ибрахьимэ къэбарышІур къызэрэриІуагъэр: «Лъэпкъ пстэуми сынэшІу щыфэныгъэ анэбгъэсынэу сшІыщт». 9Арэущтэу Ибрахьимэу ТхьэмкІэ шІошъхъуныгъэ зиІэм Тхьэм ынэшІу къызэрэщифагъэм фэдэу, ежьымкІэ шІошъхъуныгъэ зиІэ пстэуми ынэшІу къащифэщт.

10Тэурат хабзэм итхэр агъэцакІэхэмэ, Тхьэм ежьым ыдэжькІэ шъыпкъагъэ яІэу зэрилъытэщтхэм щыгугъырэ пстэуми Тхьэм ынае къащифагъ, сыда пІомэ Тхьэм игущыІэ тхыгъэхэм арыт:* «Тэурат хабзэм итхылъ ит пстэури сыдигъуи зымыгъэцакІэрэм Тхьэм ынае къыщефэ». 11Тэурат хабзэм итхэм ягъэцэкІэн игъогукІэ Тхьэм ыдэжькІэ зыми шъыпкъагъэ зэримыІэр нафэ, сыда пІомэ Тхьэм игущыІэ тхыгъэхэм зэрарытым фэдэу,* «ШІошъхъуныгъэ зэриІэм пае, Тхьэм ыдэжькІэ шъыпкъагъэ зиІэр псэущт». 12Тэурат хабзэм итхэр бгъэцэкІэнхэм иІоф шІошъхъуныгъэ уиІэным иІоф епхыгъэу щытэп, ау Тхьэм игущыІэ тхыгъэхэм зэрарытым фэдэу,* «Тэурат хабзэм итхэр зыгъэцакІэрэр ащкІэ псэущт». 13Ау тимысагъэ фэшъошэ къиныр Христос зэрэзытырилъхьагъэмкІэ Тэурат хабзэм тызэригъэмысэгъэ Іофыр ттырихыжьи, тшъхьэхэр къыщэфыжьыгъэх, сыда пІомэ Тхьэм игущыІэ тхыгъэхэм зэрарытым фэдэу,* «Хэтми пкъэум кІэрагъэлІыхьарэм Тхьэм ынае къыщефэ». 14Христос тшъхьэхэр къызфищэфыжьыгъэхэр Тхьэм Ибрахьимэ къызэригъэгугъэгъэ нэшІу щыфэныгъэр ежь Христос Исус хымэ лъэпкъхэми анигъэ-

3:8 Тхьэм игущыІэ тхыгъэхэм арыт – еплъ Пегъымбар Мусэ апэрэ тхылъэу ытхыгъэм 12:3.

3:10 Тхьэм игущыІэ тхыгъэхэм арыт – еплъ Пегъэмбар Мусэ ятфэнэрэ тхылъэу ытхыгъэм 27:26.

3:11 Тхьэм игущыІэ тхыгъэхэм зэрарытым фэдэу – еплъ Пегъымбар Аввакум тхылъэу ытхыгъэм 2:4.

3:12 Тхьэм игущыІэ тхыгъэхэм зэрарытым фэдэу – еплъ Пегъымбар Мусэ ящэнэрэ тхылъэу ытхыгъэм 18:5.

3:13 Тхьэм игущыІэ тхыгъэхэм зэрарытым фэдэу – еплъ Пегъымбар Мусэ ятфэнэрэ тхылъэу ытхыгъэм 21:23.

 

сынри, шІошъхъуныгъэ зэрэтиІэм пае Тхьэм тызэригъэгугъэгъэ Ыпсэ ЛъапІи тыгумэ къарилъхьанри ары.

Тэурат хабзэмрэ Тхьэм игъэгугъэныгъэрэ зэфэмыдэхэу зэрэщытхэр

15Сшыхэр, мы дунаем иІофхэм шапхъэ атесэхы: ЦІыфмэ зэдаштэгъэ зэзэгъыныгъэр къызагъэшъыпкъэжьы ужым, зыми ар ыгъэкІодын ылъэкІыщтэп, зыми ащ хигъэхъони ылъэкІыщтэп. 16Ащ фэдэу Тхьэм Ибрахьимэрэ ащ къытехъукІыщт бынымрэ ІэхьышІухэмкІэ къыгъэгугъагъэх. «О къыптехъукІыщт быныр», зы нэбгырэ закъо къырагъэкІэу Тхьэм игущыІэ тхыгъэхэм арыт.* Ащ къикІырэр Христос ары. «О къыптехъукІыщт цІыфхэр», ыІоу бэ къырагъэкІэу арытэп. 17Сэ зыфасІорэр мары: Илъэс шъиплІырэ щэкІырэ Тхьэм ежьыррэ Ибрахьимэрэ азыфагу зэзэгъыныгъэ зыделъхьэ ужым къэлъэгъогъэ Тэурат хабзэм а зэзэгъыныгъэр ыгъэкІодын ылъэкІыщтэп, Тхьэм ІэхьышІоу Ибрахьимэрэ ащ къытехъукІыщт бынымрэ къызэригъэгугъагъэри ымыгъэхъун ылъэкІыщтэп. 18Ау Тхьэм цІыфхэм ІэхьышІур къалъигъэсыныр Тэурат хабзэм итхэм ягъэцэкІэн епхыгъэу щытмэ, ащыгъум Тхьэм ІэхьышІур къызэригъэгугъагъэхэм епхыгъэу щытыжьэп. Ау шъыпкъэу зэрэщытымкІэ, Тхьэм Ибрахьимэ къызэригъэгугъагъэр ары ынэшІу шыфэныгъэкІэ а ІэхьышІур зыкІылъигъэсыгъэр.

19Ащыгъум Тэурат хабзэр зыкІыщыІэр сыда? Хабзэм текІыныр зыфэдэр цІыфмэ агуригъэІоным пае, Тхьэм Тэурат хабзэр къафыригъэхыгъ. Ибрахьимэ къытехъукІыщт бынэу* Тхьэм къызэригъэгугъагъэр къэкІофэ, Тэурат хабзэм тетыгъо иІэн фэягъ. Тхьэм Тэурат хабзэр мэлэІичхэм аІэкІилъхьи, ахэми лІыкІо горэм* ІэкІалъхьажьыгъ. 203ы нэбгырэ нахь щымыІэмэ, лІыкІо ищыкІагъэп, ау Тхьэр зы закъу.

3:16 Тхьэм игущыІэ тхыгъэхэм арыт – еплъ Пегъымбар Мусэ апэрэ тхылъэу ытхыгъэм 12:7.

3:19 Ибрахьимэ къытехъукІыщт быныр – Христос ары.

3:19 лІыкІо горэ – пегъымбар Мусэ ары.

 

ПщылІхэмрэ къохэмрэ

21Тэурат хабзэр Тхьэм Ибрахьимэ ІэхьышІухэу къызэригъэгугъагъэхэм апэуцуа? Хьау, ар хъухэщтэп. Ау цІыфхэм щыІэныгъэ яІэ зыгъэхъун зылъэкІырэ хабзэ щыІагъэмэ, а хабзэмкІэ Тхьэм ыдэжькІэ цІыфхэм шъыпкъагъэ яІэ хъущтыгъ. 22Ау дунаем ицІыф пстэури псэкІодым ыІэ зэрилъхэр Тхьэм игущыІэ тхыгъэхэм арыт.* Арэущтэу зыфэхъугъэр Исус ХристоскІэ шІошъхъуныгъэ зиІэхэр Тхьэм ІэхьышІоу къызэригъэгугъагъэр а цІыфхэу шІошъхъуныгъэ зиІэхэм агъотыжьыныр ары.

23ШІошъхъуныгъэм игъогу щымыІэу, Тэурат хабзэм тызэкІоцІипхагъэу тиухъумэу тиІыгъыгъ, шІошъхъуныгъэм игъогу къэлъэгъофэ. 24Арэущтэу шІошъхъуныгъэ зэрэтиІэм фэшІ, Тхьэм ежьым ыдэжькІэ шъыпкъагъэ тиІэу тилъытэным пае, Тэурат хабзэм Исус Христос дэжь тищэнэу пащэ къытфэхъугъ. 25Ау джы шІошъхъуныгъэм игъогу къызылъагъо ужым, Тэурат хабзэм тетыгъо къытфыриІэжьэп.

26Сыда пІомэ Христос ИсускІэ шІошъхъуныгъэ зэрэшъуиІэм пае, шъо пстэури Тхьэм шъурибын. 27Шъо пстэури Христос зыгу илъынэу аумэхъыгъэхэу щытхэм Христос ишэн шъуашэу зэшъущэкІыгъ. 28Джуртрэ урымрэ, пщылІрэ шъхьафитрэ, хъулъфыгъэрэ бзылъфыгъэрэ пІозэ зэхэбдзынхэу щытыжьэп, сыда пІомэ Христос Исус шъугухэм зэрарылъым пае, шъо зэкІэ зы шъухъугъ. 29Христос шъузэрием пае, Ибрахьимэ къытехъукІыгъэ цІыфхэм шъуащыщ. Ащыгъум Тхьэм Ибрахьимэрэ ащ къытехъукІыгъэ цІыфхэмрэ ІэхьышІоу къызэригъэгугъагъэхэр шъори къышъулъысыщт.

04

ЯПЛІЭНЭРЭШЪХЬ

Сэ зыфасІорэр мары: къоу ятэ имылъку къызІэкІэхьащтыр оцІыкІуфэ, мылъкур зэкІэ къыІэкІэхьащтми, унэІутым фэдэ къабзэу щыт. 2ЦІыфхэу зынаІэ ащ къытет-

3:22 Тхьэм игущыІэ тхыгъэхэм арыт – еплъ Сэбур (Псалтыр) 14:3 (урыс библиемкІэ 13:3); Рим 3:9-18.

 

хэмрэ имылъку зезыхьахэрэмрэ афэІорышІэн фае, ятэ ыгъэнэфэгъэ мафэр къэсыфэ. 3Джащ фэдэу, тэри Тхьэм иІофхэмкІэ джыри цІыкІоу тызыщэтым, цІыфхэм мы дунаем ехьылІагъэу къызэрыкІо гурыІоныгъэу яІэхэм тыряпщылІыщтыгъ. 4Ау уахътэр икъугъэ зэхъум, Тхьэм Ыкъо къыгъэкІуагъ. Ар бзылъфыгъэм къыхэкІыгъ, Тэуратым ихабзэ ыІэчІэгъ чІэтыгъ. 5Тхьэм ар къызфигъэкІуагъэр ащ Тэурат хабзэм ыІэчІэгъ чІэтыгъэхэр къычІихыжьынхэшъ, ашъхьэ ыщэфыжьынэу арыгъэ, Тхьэм тэ зэкІэри ибын фэдэу тидэным пае. 6Тхьэм шъузэрибынхэм пае, Ыкъо Ыпсэ ЛъапІэу «Аввэу* Тят!» зыІоу къаджэрэр Тхьэм шъугумэ къарилъхьагъ. 7Арышъ, о уунэІутыжьэп, къоу ухъугъ нахь. Къоу узэрэхъугъэм пае, Тхьэм ибынхэм ІэхьышІоу къалъигъэсырэр ори къыплъигъэсыщт.

Паул Галатие цІыфхэм зэрафэгумэкІырэр

8Пасэм Тхьэр шъумышІэу зыщэтым, тхьэ зыфаІохэу, ау шъыпкъэмкІэ тхьэхэу щымытхэм шъуафэлажьэщтыгъ. 9Ау джы Тхьэр шъушІэу хъугъэу, хьауми Тхьэм шъукъишІагъэу сІомэ нахьышІуба, а къызэрыкІо гурыІоныгъэхэу лъэкІыныгъэ зимыІэхэу ыкІи тхьамыкІэхэмэ зафэжъугъэзэжьынэу шъузкІыфаер сыда? Джыри зэ ахэмэ пщылІ шъуафэхъужьынэу ара? 10Гъэнэфэгъэ мафэр, мазэр, уахътэр, илъэсыр шъогъэлъапІэх. 11Сэ сышъуфэгумэкІы, хьаулыеу шъощ пае сыулэугъэкІэ сэщынэ.

12СышъолъэІу, сшыхэр, сэщ фэдэу шъухъу, сыда пІомэ сэри шъощ фэдэу сыхъугъ. Мыхъун зи къысэшъушІагъэп. 13Апэ дэдэу къэбарышІур зышъосэгъэІум, сызэрэсымэджагъэр шъошІэ. 14Сэ сисымэджэныгъэ къин шъуигъэлъэгъугъэ пэтми, нэмыплъ къысэшъухыгъэп, шъукъысфэмыеуи хъугъэп. Тхьэм имэлэІичэу сыщытыгъэм фэдэу, Христос Исусэу сыщытыгъэм фэдэу, шъукъыспэгъокІыгъ. 15Бэу шъутхъэжьыщтыгъ. ШъулъэкІынэу щытыгъэмэ, шъунэхэри къысэшъутынхэу къызэришъутхъыщтыгъэмкІэ шъуишыхьат сэхъу. 16Шъыпкъэр къызэрэшъосІуагъэм пае, пыеу сыкъышъуфэхъугъа?

4:6 аввэ – «ты» ары.

 

17А цІыфхэр* шъо къышъогугъух, ау ахэмэ ягухэлъ шІоп. Тэ шъудбгъодащыным пылъых, шъо ахэмэ шъуягугъужьыным пае. 18Гухэлъыр дэгъумэ, зыр зым егугъуныр сыдигъуи дэгъу, сэ шъуадэжь сыщымыІэми джары зытетыр. 19Сибынхэр, шъощ пае сабый къызфэхъущт бзылъфыгъэу гугъум хэтым сыфэд, Христос шъугухэм арылъ охъуфэ. 20Джы шъуадэжь сыщыІагъэмэ, сымакъэ мэкъэ шъабэкІэ зэблэсхъумэ сшІоигъуагъ, сыда пІомэ шъосІон сшІэрэп.

Хьэджэррэ Сарэрэ

21КъысашъуІу, шъо, цІыфхэу Тэурат хабзэм ыІэчІэгъ чІэтынхэу фаехэм, Тэурат хабзэм итхэр зэхэшъушІыкІхэрэба? 22Тхьэм игущыІэ тхыгъэхэм арыт Ибрахьимэ къуитІу зэриІагъэр, зыр иунэІут бзылъфыгъэмкІэ*, адрэри унэ шъхьэгъусэмкІэ*. 23УнэІут бзылъфыгъэм ыкъо сабый къызэрэхъурэ шІыкІэм фэдэу къэхъугъ, ау ишъхьэгъусэ ыкъо Тхьэм Ибрахьимэ къызэригъэгугъагъэм тетэу къэхъугъ.

24А Іофым зы гъэбылъыгъэ Іоф горэ къикІэу хэлъ, сыда пІомэ а бзылъфыгъитІур зэзэгъыныгъитІум фэбгъэдэн плъэкІыщт. УнэІут бзылъфыгъэу Хьэджэр Синай къушъхьэм Тхьэм ежьыррэ пегъымбар Мусэрэ азыфагу щыдилъхьэгъэ зэзэгъыныгъэм фэд. А бзылъфыгъэм къыфэхъугъэхэр пщылІхэу щытыгъэх. 25Хьэджэр Аравие хэкум щыІэ Синай къушъхьэм фэбгъэдэн плъэкІыщт. А бзылъфыгъэр джырэ Ерусалими фэд. Сыда пІомэ Ерусалимрэ ащ дэс цІыфхэмрэ пщылІыныгъэм хэтых. 26Ау уашъом щыІэ Ерусалим шъхьафит. Ар тэ зэкІэми ны фэдэу къытфэхъу. 27Сыда пІомэ Тхьэм игущыІэ тхыгъэхэм мырэущтэу арыт:*

«ГушІо, о сабый къызхэмыкІэу, сабый къызфэмыхъугъэ бзылъфыгъ.

4:17 а цІыфхэр – Паул пэуцухэрэр ары. Ахэмэ зэраІуагъэм фэдэу, Исус игъогу утехьаным ыпэкІэ, сунэт уашІын фаеу щытыгъ.

4:22 унэІут бзылъфыгъэр – Хьэджэр ары. Хьэджэр Агар ары. Еплъ Пегъымбар Мусэ апэрэ тхылъэу ытхыгъэм 16:15.

4:22 унэ шъхьэгъусэр – Сарэ ары. Еплъ Пегъымбар Мусэ апэрэ тхылъэу ытхыгъэм 21:2.

4:27 Тхьэм игущыІэ тхыгъэхэм арыт – еплъ Пегъымбар Исайас тхылъэу ытхыгъэм 54:1.

 

О, сабый гугъуехьыныр зымышІэрэр, мэкъэшхокІэ гушІо!

Сыда пІомэ лІы зиІэм нахьи лІым ытІупщыжьыгъэ бзылъфыгъэм сабиеу иІэхэр нахьыб». 28Сшыхэр, Тхьэм Ибрахьимэ къызэригъэгугъагъэм пае, Исхьакъ Ибрахьимэ ибын зэрэхъугъэм фэдэкъабзэу, тэри Тхьэм ибын тыхъугъ. 29Хьэджэр зыцІэ бзылъфыгъэ унэІутымкІэ Ибрахьимэ къыфэхъугъэ ыкъо, ыкъоу Тхьэм Ыпсэ ЛъапІэ Ибрахьимэ къызэригъэгугъагъэм тетэу къэхъугъэм* а уахътэм къин ригъэщэчыгъ. Джыри ащ фэд. 30Ау Тхьэм игущыІэ тхыгъэхэм арытыр* сыда? Мырэущтэу арыт: «Мы унэІут бзылъфыгъэмрэ ащ ыкъорэ ІугъэкІыжьых, сыда пІомэ шъхьэгъусэу шъхьафитэу щытым ыкъо мылъкоу къыфынэжьырэмкІэ унэІут бзылъфыгъэм ыкъо Іахьэ къылъысыщтэп». 31Арышъ, сшыхэр, бзылъфыгъэ унэІутым тырибынэп, шъхьэгъусэу шъхьафитэу щытым тырибын нахь.

05

ЯТФЭНЭРЭШЪХЬ

Христос шъхьафитныгъэ къызэрэтитыгъэр

Арышъ, шъхьафитныгъэу Христос къышъуитыгъэм пытэу шъутетэу, джыри зэ пщылІыныгъэм ибжь цІыфхэм зытряшъумыгъэлъхьажь.

2Сэ, Паул, шъуасІорэм шъуедэІу, цІыфхэм сунэт зяжъугъэшІымэ,* Христос ишІуагъэ къышъокІыщтэп. 3Джыри сэ къэсэушыхьаты, хэтми сунэт зязыгъэшІырэм Тэурат хабзэм ит пстэури ыгъэцэкІэн фае. 4Шъо Тэурат хабзэм итхэр жъугъэцэкІэнхэм игъогукІэ Тхьэм ежьым ыдэжькІэ шъыпкъагъэ шъуиІэу шъузэрилъытэщтым ыуж шъуитэу

4:29 къоу Тхьэм Ыпсэ ЛъапІэ Ибрахьимэ къызэригъэгугъагъэм тетэу къэхъугъэр – Исхьакъ ары.

4:30 Тхьэм игущыІэ тхыгъэхэм арытыр – еплъ Пегъымбар Мусэ апэрэ тхылъэу ытхыгъэм 21:10.

5:2 цІыфхэм сунэт зяжъугъэшІымэ – ащ къикІырэр: цІыфхэм сунэт зядгъэшІыным игъогу ары Христос ицІыфхэм тащыщэу тызэрэхъущтыр шъуІозэ, цІыфхэм сунэт зяжъугъэшІымэ, Христос ишІуагъэ къышъокІыщтэп.

 

шъущытмэ, Христос шъубгъодэкІыгъ. Тхьэм ынэшІуи къышъущимыфэжьэуи хъугъэ. 5Ау тэ шІошъхъуныгъэ зэрэтиІэм пае, Тхьэм ежьым ыдэжькІэ шъыпкъагъэ тиІэу тызэрилъытэщтым тыпэплъэ. Тхьэм Ыпсэ ЛъапІи арэущтэу зэрэхъущтым тыщегъэгугъы. 6Сыда пІомэ Христос Исус тыгухэм арылъмэ, сунэт ташІыгъэу тыщытми, тыщымытми, арэп Іофыр зыдэщыІэр. Іофыр зыдэщыІэр тишІошъхъуныгъэ шІулъэгъуныгъэ къызэрэхэкІырэр ары.

7Гъогу занкІэм шъутетэу шІоу шъурыкІощтыгъ. Шъыпкъагъэм шъуримыгъэдэІоу, хэта пэрыохъу къышъуфэхъугъэр? 8Арэущтэу шъозыгъэшІагъэр Тхьэу зибынхэм ащыщ шъухъунэу къышъуаджэрэр арэп. 9«Тэджэпсыр макІэми, тхьацур зэкІэ егъэшІоІу». 103иусхьаныр тыгухэм зэрарылъым пае, Іофхэр сэ къызэрэзгурыІохэрэм фэдэу, шъори къыжъугурыІонхэм сыщэгугъы. Хэт щыщми шъузыгъэгумэкІырэм имысагъэ фэшъуашэр ыгъотыжьыщт. 11Сшыхэр, цІыфхэр сунэт ашІыгъэхэу щытын фаеу джыри ясэгъэІу зэпытмэ, (сэ язгъэІугъэу аІозэ, цІыфхэм пцІыкІэ зэраІорэм фэдэу), сыд пае цІыфхэм джыри къин сагъэщэчыра? ЦІыфхэр сунэт ашІыгъэхэу щытын фаеу джыри язгъэІу зэпытыгъэмэ, ащыгъум Христос къащым зэрэкІэрылІыхьагъэм икъэбар цІыфхэм агу зэмыІун зи къыхэнэжьыщтгъэп. 12ШъузыгъэгумэкІыхэрэр ІуагъэкІыгъагъэхэмэ!

13Сшыхэр, шъхьафитныгъэ шъуиІэнэу Тхьэр къышъоджагъ. Ау шъуишъхьафитныгъэ шъуипсэкІодышІэ шэныжъ зыкІэхъопсырэр шъушІэнэу ушъхьагъоу орэмыхъу. Ау шІулъэгъуныгъэкІэ зыр зым Іофтабгэ фэрэхъу. 14Сыда пІомэ Тэурат хабзэм ит пстэури мы унэшъо закъом* къеубыты: «О пшъхьэ шІу зэрэплъэгъурэм фэдэу, уигъунэгъуи шІу лъэгъу». 15Ау шъузэцакъэу ыкІи шъузэрэшх зэпытмэ, шъузэрэмыгъэкІодыжьыным шъуфэсакъ.

ШІугъэу Тхьэм Ыпсэ ЛъапІэ ыдэжь къикІыхэрэмрэ Іэягъэу цІыфым ипсэкІодышІэ шэныжъ къыхэкІыхэрэмрэ

16Арышъ, къышъосэІо: Тхьэм Ыпсэ ЛъапІэ къызэрэжъугуригъаІорэм тетэу шъузекІу. Ащыгъум шъуипсэ-

5:14 мы унэшъо закъор – еплъ Пегъымбар Мусэ ящэнэрэ тхылъэу ытхыгъэм 19:18.

 

кІодышІэ шэныжъ зыкІэхъопсырэр жъугъэцэкІэщтэп. 17ЦІыфым ипсэкІодышІэ шэныжъ зыфаер Тхьэм Ыпсэ ЛъапІэ зыфаем пэуцу. Тхьэм Ыпсэ ЛъапІэ зыфаери цІыфым ипсэкІодышІэ шэныжъ зыфаем пэуцужьы. Шъузыфаер шъумыгъэцэкІэшъунэу ахэр зэпэуцужьых. 18Ау Тхьэм Ыпсэ ЛъапІэ къызэрэжъугуригъаІорэм тетэу шъузекІомэ, Тэурат хабзэм ыІэчІэгъ шъучІэтыжьыщтэп.

19ЦІыфым ипсэкІодышІэ шэныжъ Іэягъэу къыхэкІыхэрэр нафэх. Мыхэр арых: Зинэ шІэныр, гумыкъэбзагъэр, мыхъомышІэ псэукІэр, 20тхьэ нэпцІхэр гъэлъэпІэгъэныр, ушхъухьаныр, зэпыиныр ыкІи зэщыхьаныр, шъугъоныр, губжыныр, цІыфым ежьым ышъхьэ нэмыкІ шІу ымылъэгъуныр, зэмызэгъыныр, куп-купэу зэхэкІыныр, 21зэрэуджэгъуныр, цІыф укІыныр, утэшъоныр, шъхьарытІупщэу ешхэ-ешъошхо шІыныр, ащ фэдэ нэмыкІ Іофхэри. Ыпэм къызэрэшъосІуагъэм фэдэу джыри шъосэІожьы, ащ фэдэхэр зышІэхэрэм Тхьэм и ТетыгъошхокІэ* Іахьэ къалъысыщтэп.

22Ау шІугъэу Тхьэм Ыпсэ ЛъапІэ ыдэжь къикІыхэрэр мыхэр арых: шІулъэгъуныгъэр, гушІуагъор, гупсэфыныгъэр, щыІагъэр, шІугъэр, гукІэгъуныгъэр, шІошъхъуныгъэр, 23гушъэбагъэр, зыщыІэныгъэр. Мы Іофхэм къапэуцужьырэ хабзэ зи щыІэп. 24Христос зыгу илъ цІыфхэм япсэкІодышІэ шэныжъи, шІу алъэгъугъэ бзэджагъэхэри, яхъопсэныгъэ мыхъунхэри къащым тыраІулІагъэхэм фэд. 25Тхьэм Ыпсэ ЛъапІэ арышъ щыІэныгъэ къытэзытырэр, ащ къызэрэдгуригъаІорэм тетэу тызекІон фае. 26ТызышІошІыжьэу, тызэрэгъэгубжэу ыкІи тызэшъугъоу тыщэрэмыт.

06

ЯХЭНЭРЭШЪХЬ

Зым ихьылъэ адрэм ерэІэт

Сшыхэр, зы цІыф горэм псэкІод ышІэмэ, шъо Тхьэм

Ыпсэ ЛъапІэ зыгу илъхэм, гушъэбагъэкІэ ар гъогу

тэрэзым къытежъугъэхьажь. Ау псэкІодшІэным зыде-

шъумыгъэхьыхыным шъуфэсакъ. 23ым ихьылъэ адрэм

5:21 Тхьэм и Тетыгъошхо – еплъ 1 Кор. 6:9.

 

ерэІэт. Арэущтэу шъушІымэ, Христос иунашъо жъугъэцэкІагъэу мэхъу. 3Зыгорэ цІыкІоу щыт пэтми, инэу зелъытэжьмэ, ышъхьэ егъэпцІэжьы. 4Хэти ежь иІоф зытетыр ерэгъэунэфы. А Іофыр дэгъумэ, нэмыкІ цІыфым иІоф емыплъэу ежь иІоф зытетым рыпэгэн ылъэкІыщт, 5сыда пІомэ хэти ихьылъэ ежь ыпшъэ илъ.

6Тхьэм игущыІэхэр зэзыгъашІэрэм шІоу иІэ пстэуми щыщ езыгъашІэрэм иІахьэу рерэт.

7ЗышъумыгъэпцІэжь. Тхьэм зышъуигъэгъэпцІэщтэп. ЦІыфым хьасэм зэрэхилъхьэрэм фэдэу къыгъотыжьыщт. 8ЦІыфэу зипсэкІодышІэ шэныжъ ихьасэ хэзылъхьэрэм кІодыныгъэр къыгъотыжьыщт. Ау Тхьэм Ыпсэ ЛъапІэ ихьасэ хэзылъхьэрэм мыкІодыжьын щыІэныгъэ къыгъотыжьыщт. 9Темызэщэу шІу тшІэным тыпыжъугъэлъ зэпыт. Темызэщэу тыпылъмэ, игъо къызыскІэ, шІугъэ къэдгъотыжьыщт. 10Арышъ, игъо тыфифэ къэс, цІыф пстэуми шІу афэтэжъугъашІ, зэкІэмэ апэу шІошъхъуныгъэ зиІэхэм яунагъо щыщхэр ары шІу зыфэтшІэн фаехэр.

Аужырэ Іофхэу Паул Галатие цІыфхэм агуригъаІохэрэмрэ Тхьэм щытхъу зэрэфишІырэмрэ

11Сэ хьарыфышхохэу сІэкІэ къызэрышъуфэстхыгъэхэм шъуяплъ.

12Дунаем ицІыфмэ ящытхъу фэе цІыфхэр ары сунэт зяжъугъэшІынэу шъуезыгъэзынхэу пылъхэр. Арэущтэу зыфашІэрэ закъор Христос икъащ пае ежьхэм къин зэрамыгъэщэчыныр ары. 13ЦІыфхэу сунэт ашІыгъэ дэдэхэми Тэурат хабзэм итхэр агъэцакІэхэрэп, ау сунэт шъуашІынхэу ыуж итых, сунэт шъузэрашІыгъэмкІэ зыщытхъужьынхэм пае. 14Ау сэ ти Зиусхьанэу Исус Христос икъащ нэмыкІ сыщытхъужьынэу сыфаеп. Исус къащым зэрэкІэрылІыхьагъэм пае, мы дунаем иІофхэм пкІэ зи ямыІэжьэу, садэжькІэ ахэр къащым тыраІулІагъэхэм фэд, сэри мы дунаем иІофхэм адэжькІэ цІыфхэм къащым сытыраІулІагъэм фэд. 15Сунэт ташІыгъэу тыщытми, тыщымытми, арэп Іофыр зыдэщыІэр. Іофыр зыдэщыІэр икІэрыкІэу тыкъалъфыжьыгъэу тыхъуныр ары. 16Мы унашъом тет цІыф пстэумрэ Тхьэм и Израил цІыфхэмрэ Тхьэм гупсэфыныгъэ къарерэт, гукІэгъуныгъэри къаферэшІ.

 

 

 

17Аужыпкъэм зыми серэмыгъэгумэкІ, сыда пІомэ уІэгъэ тыркъохэр сэ спкъы зыкІэтелъхэр Исус сызэрэфэлажьэрэр ары.

18Сшыхэр, ти Зиусхьанэу Исус Христос ынэшІу шъугухэм къащерэф. Амин.

17 Ephesians / Ефес

01

АПОСТОЛ ПАУЛ ШЮШЪХЪУНЫГЪЭ

ЗИІЭХЭУ ЕФЕС КЪАЛЭМ ДЭСХЭМ

ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул. Тхьэр фэягъэти, Исус Христос иапостолэу* сыхъугъ. Шъо, Тхьэм ицІыф лъапІэхэу, Ефес къалэм* дэсхэу, Исус Христос зыгу илъхэу, ежьым фэшъыпкъэ­хэм, мы тхылъыр къышъуфэсэтхы.

2Тхьэу Тятэ лъапІэрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

Христос тыгухэм зэрарылъым пае, гурэ псэрэкІэ Тхьэм ынэшІу къызэрэтщифэрэр

3Тхьэу ти Зиусхьанэу Исус Христос Ятэ щытхъушхор ий. Христос тыгухэм зэрарылъым пае, уашъом епхыгъэу, лъэныкъо пстэумкІи гурэ псэрэкІэ Тхьэм ынэшІу къыт-

1:1 апостол – еплъ Гал. 1:1.

1:1 Ефес къалэр – Асие хэкоу Рим къэралыгъошхом щыщым икъэ­лэшхоу щытыгъ. А хэкур джырэ Тыркуем итыгъэ къохьапІэ лъэныкъом итыгъ.

щифагъ. 4Сыда пІомэ Тхьэм дунаер къыгъэхъуным ыпэкІэ, Христос тыгухэм зэрарылъымкІэ ежь ибынхэм ащыщ тыхъунэу тыкъыхихыгъ, тыгухэр къабзэхэу, лажьэ зи тимыІэу, шІулъэгъуныгъэ тыгухэм арылъэу ежь ыпа­шъхьэ тыщыпсэуным пае. 5Исус Христос Іофэу ышІэ­щтым пае, Тхьэм ежь ибынхэм афэдэу тидэнэу бэшІагъэу тигъэнэфагъ, игъоу зэрилъытагъэм ыкІи ыгу хэлъыгъэм тетэу. 6Арэущтэу зыфишІагъэр ищытхъушхо тетэу ынэшІу къызэрэтщифагъэм пае, тэ щытхъу фэтшІынэу ары. Сыда пІомэ Тхьэм ежь Ыкъоу шІу ылъэгъурэм инэу ынэшІу къытщыригъэфагъ. 7Христос ылъэу къа­щым щыкІэкІыгъэмкІэ тэ тшъхьэ ыщэфыжьыгъ, типсэ­кІодхэри къытфигъэгъугъэх Тхьэм ынэшІу щыфэны­гъэшхом тетэу. 8ЗэхэшІыкІыныгъэ пстэумрэ гурыІоны­гъэ пстэумрэ ягъусэу Тхьэм ынэшІу щыфэныгъэшхор къытэнигъэсыгъ. 9Тхьэм игухэлъ шъэфэу Христос ригъэ­гъэцэкІэнэу ыухыгъэр игъоу зэрилъытагъэм тетэу къы­дгуригъэІуагъ. 10Тхьэм игухэлъэу игъо къызыскІэ ыгъэ­цэкІэщтыр, уашъохэми чІылъэми щыІэр зэкІэ зы ышІы­хэзэ, Христос итетыгъо ыІэчІэгъ чІигъэуцоныр ары.

11Христос тыгухэм зэрарылъым пае, Тхьэм тэри Іэ­хьышІур къытлъигъэсыгъ. Тхьэм гухэлъэу ыухыгъэм тетэу, а ІэхьышІур къытлъысынэу бэшІагъэу тигъэнэфагъ. Ежьыр ары игухэлърэ зыфаемрэ атетэу Іоф пстэури зыгъэ­цакІэрэр. 12Тхьэм арэущтэу зыфишІагъэр тэ апэрэхэу Христос щыгугъыхэу, пэплъагъэхэм Тхьэм илъытэны­гъэшхо щытхъу фэтшІынэу ары. 13Шъо шъугухэми Христос арылъ хъугъэ. Христос шъугухэм арылъ зыхъугъэр шъы­пкъагъэм ехьылІэгъэ къэбарэу, шъумыкІодэу шъукъэ­зыгъэнэжьырэ къэбарышІур зызэхэшъухыгъэр ары. Хри­стоскІэ шІошъхъуныгъэ шъуиІэ зэхъум, Тхьэм ежь Ыпсэ ЛъапІэу тыкъызэригъэгугъагъэр мыхъурым* фэдэу шъугухэм къарилъхьагъ. 14Тэ, Тхьэм ицІыфхэу щытхэм, тшъхьэхэр ыщэфыжьхэфэ, ІэхьышІур тэ къызэрэтлъи­гъэсыщтымкІэ Тхьэм Ыпсэ ЛъапІэ тишэсы*, Тхьэм илъытэныгъэшхо щытхъу фэтшІыным пае.

1:13 мыхъур – арапыбзэкІэ «хъытым», тыркубзэкІи «мыхьыр» зыфаІорэр ары.

1:14 шэсы – зыгорэм ыуасэ щыщэу ыпэкІэ бгъэтІылъырэр ары. ГущыІэм пае, унэ горэ къэпщэфынэу уфаемэ, ыуасэ щыщэу ыпэкІэ бгъэтІылъырэ ахъщэр ары. А бгъэтІылъырэм къегъэшъыпкъэ къанэрэ уасэр зэряп­тыщтыр.

Паул Тхьэм зэрелъэІурэр

15Арышъ, Зиусхьанэу ИсускІэ шІошъхъуныгъэу шъуи­Іэмрэ шІулъэгъуныгъэу Тхьэм ицІыф лъапІэхэм афышъуи­Іэмрэ якъэбар зызэхэсхыгъэм щегъэжьагъэу, 16Тхьэм селъэІу зыхъукІэ, шъуигугъу сэшІы ыкІи шъощ пае Тхьэм щытхъу фэсэшІы зэпыт. 17Ти Зиусхьанэу Исус Хри­стос и Тхьэу, щытхъушхо зиІэ Ты лъапІэм сызэрелъэ­Іурэр, шъо ежьыр нахьышІоу шъушІэным пае, ежь Ыпсэ ЛъапІэу зэхэшІыкІыныгъэ тиІэу зыгъэхъурэри, Тхьэр зыфэдэр къытфэзыгъэнафэрэри шъугухэм къарилъхьа­нэу ары. 18Шъугухэр къыгъэплъэжьынхэуи Тхьэм селъэІу. Ащ фэдэу сызфелъэІурэр гугъапІэу Тхьэр къызфышъо­джагъэр шъушІэнэу ары, ицІыф лъапІэхэм тырягъусэу щытхъушхо зиІэ Іэхьышхоу къытлъигъэсырэри 19шъушІэ­нэу ары, тэ, шІошъхъуныгъэ зиІэхэм, тыгухэм арылъэу, Тхьэм илъэкІыныгъэшхоу гъунэ зимыІэри шъушІэнэу ары. 20А лъэкІыныгъэшхор зыфэдэр лъэкІыныгъэшхоу Тхьэм Христос лІагъэхэм къызэрахигъэтэджыкІыжьэу, иджабгъукІэ уашъом зэрыщызыгуигъэтІысхьагъэр ары. 21Іэшъхьэтетхэми, тетыгъо зиІэ пстэуми, кІочІэшхо пстэу­ми, пэщэ пстэуми, мы дунаем имызакъоу къэкІощт ду­наеми зигугъу щашІырэ цІэ пстэуми Тхьэм Христос апшъэ ышІыгъ. 22Тхьэм щыІэ пстэури Христос ылъэгу чІэгъ чІигъэуцуи, зэкІэми апшъэ щыІэнэуи, чылыс зэІукІэм ышъхьэу щытынэуи ыгъэнэфагъ. 23Чылыс зэІукІэр Христос ыпкъ фэд. Христосэу тыдэкІи щыІэ пстэуми щыкІагъэ зи ямыІэу, икъугъэу зыгъэхъурэр икъугъэу чылыс зэ­ІукІэм хэлъ.

 

02

ЯТЮНЭРЭШЪХЬ

Христос тыгухэм арылъ зэрэхъугъэм пае, икІэрыкІэу тыкъалъфыжьыгъэу тыхъугъ

Шъуибзэджагъэрэ шъуипсэкІодхэмрэ къахэкІыкІэ, лІа­гъэхэм шъуафэдэу шъущытыгъ. 2А Іофхэм ягъогу шъу­рыкІощтыгъ. Мы дунаем ихэбзэжъ Іае шъутетэу, жьы­бгъэм тетыгъо щызиІэ Іэшъхьэтетэу, джынапцІэу* Тхьэм

2:2 жьыбгъэм тетыгъо щызиІэ Іэшъхьэтетэу, джынапцІэу – шэйтаныр ары.

емыдэІухэрэм агухэм арылъыр зэрэфаем тетэу шъузе­кІощтыгъ. 3Тэ пстэури а цІыфхэм тахэтэу, типсэкІодышІэ шэныжъ зыкІэхъопсыщтыгъэ Іоф мыхъунхэм атетэу тыпсэущтыгъ. ТипсэкІодышІэ шэныжърэ тигупшысэ­хэмрэ зыкІэхъопсыщтыгъэ Іофхэр дгъэцакІэщтыгъэх. Тишэныжъ уеплъымэ, нэмыкІ цІыфхэм тафэдэу, тэри Тхьэм игубж ыІэчІэгъ тычІэтыгъ. 4,5ТипсэкІодхэм къа­хэкІыкІэ лІагъэхэм тафэдэу тыщытыгъэ пэтми, Тхьэу гукІэгъуныгъэшхо зиІэм шІулъэгъуныгъэшхоу къытфы­риІэм пае, Христос тыригъусэу тыкъигъэпсэужьыгъ. Тхьэм ынэшІу щыфэныгъэкІэ тымыкІодэу тыкъигъэнэжьыгъ. 6Христос тыгухэм зэрарылъым пае, ащ тыригъусэу Тхьэм тыкъигъэтэджыжьыгъ, ащ тыригъусэуи уашъом тІысы­пІэ къыщытитыгъ. 7Тхьэм арэущтэу зыфишІагъэр Хри­стос Исус шІугъэу къытфыригъэшІагъэмкІэ ежь ынэшІу щыфэныгъэшхоу гъунэ зимыІэр къэкІощт лъэхъанэхэм яцІыфхэми аригъэлъэгъуныр ары. 8Тхьэм ынэшІу щыфэ­ныгъэкІэ шъумыкІодэу шъукъигъэнэжьыгъ, шІошъхъуны­гъэ шъуиІэ зэрэхъугъэм пае. Ар къызпкъырыкІыгъэр шъорэп, ар Тхьэм итын нахь. 9ПІІу зэрэтшІагъэр арэп тымыкІодэу Тхьэм тыкъызкІигъэнэжьырэр. ЦІыфыр зы­щымытхъужьыным пае, Тхьэм а Іофыр арэущтэу ыгъэ­псыгъ. 10Сыда пІомэ джы тызэрэщытым фэдэу тызыгъэ­хъурэр Тхьэр ары. Христос тыгухэм зэрарылъымкІэ Тхьэм тигъэхъугъ, ІофышІухэу Тхьэм къытфигъэпсыгъа­гъэхэр дгъэцэкІэнхэм пае.

ХристоскІэ шІошъхъуныгъэ зиІэхэр зы лъэпкъ зэрэхъухэрэр

11Арышъ, шъо, хымэ лъэпкъэу къалъфыгъэхэр, шъу­къэдаІу. Сунэт ашІыгъэхэр (ІэкІэ сунэт ашІыгъэхэр ары зыфасІохэрэр) шъо, «сунэт амышІыгъэхэкІэ» заджэхэ­рэм, мыр шъугу къэжъугъэкІыжьын фае: 12пасэм Христос шъугухэм арымылъэу шъупсэущтыгъ. Израил лъэпкъым шъущымыщэу, Тхьэм а лъэпкъыр къызэригъэгугъэгъэ Іофхэм атет зэзэгъыныгъэхэмкІэ* Іахьэ шъуимыІэу, хы­мэхэу шъущытыгъ. ГугъапІэ шъуимыІэу, Тхьэр шъумы­шІэу мы дунаем шъутетыгъ. 13Ау джы, Христос шъугухэм арылъ зэрэхъугъэм пае, шъо, зэгорэм Тхьэм пэчыжьэу щытыгъэхэр, Христос ылъэу къащым щыкІэкІыгъэмкІэ джы Тхьэм пэгъунэгъу шъухъугъ.

2:12 зэзэгъыныгъэхэр – еплъ Рим. 9:4.

14Сыда пІомэ ежь Христос ары тызэзыгъэшІужьыгъэр. Ежьыр ары итІур* зы зышІыгъэри, ыпкъыкІэ ахэмэ азыфагу дэлъыгъэ пыиныгъэм идэпкъ зэхэзыгъэуагъэри. 15Унашъохэмрэ хабзэхэмрэ зэрыт Тэурат хабзэр лъэны­къокІэ ригъэзыгъ. Христос арэущтэу зыфишІыгъэр цІыф­хэр ежьым ешІужьынхэу ыгъэхъузэ, а лъэпкъитІур зы лъэпкъыкІэу ыгъэхъунэу ары, 16зэпыиныгъэри къа­щым щигъэкІодэу, итІур зыпкъы хъугъэу, Христос къащым зэрэкІэрылІыхьагъэмкІэ ахэр Тхьэм ешІужьы­гъэхэу ыгъэхъунхэу ары. 17Христос къакІуи, шъо, Тхьэм пэчыжьэу щытыгъэ цІыфхэми, пэгъунэгъу щытыгъэ цІыф­хэми, зэшІужьыныгъэм икъэбар къышъуигъэІугъ. 18Сыда пІомэ Христос Іофэу ышІагъэм пае, а зы Псэ ЛъапІэр тыгухэм арылъэу, тэ титІуи Ты лъапІэм пэгъунэгъу тыхъун тэлъэкІы.

19Арышъ, хымэхэу ыкІи хэхэсхэу шъущытыжьэп, ау Тхьэм ицІыф лъапІэхэм яхэгърыехэу шъухъугъ, Тхьэм иунагъо шъущыщэуи шъухъугъ. 20Апостолхэмрэ пегъым­бархэмрэ* лъапсэу агъэуцугъэм шъутет. Ежь Христос Исус ары лъэпсэ мыжъошхор. 21Зиусхьанэу Исус ары унэр зэкІэри зэхэзыгъэуцорэр, ежьыри а унэм зэрэщыІэм пае, Тхьэм иунэшхо лъапІэ хъунэу хэхъо. 22Шъо Христос шъугухэм арылъэу мыжъохэм шъуафэдэу, Тхьэм Ыпсэ ЛъапІэ зэрыс унэм Христос шъори шъухегъэуцо.

 

03

ЯЩЭНЭРЭШЪХЬ

Паул хымэ лъэпкъхэм Іофэу афишІагъэм къызэрэтегущыІэрэр

Ащ пае, сэ, Паул, Христос Исус сыфэлажьэу, шъо хымэ лъэпкъхэм* къэбарышІур къызэрэшъозгъэІурэм пае, хьапсым сычІадзагъэу сычІэс.

2Тхьэм ынэшІу щыфэныгъэкІэ Іоф къышъуфэсшІэнэу спшъэ къызэрэрилъхьагъэм икъэбар зэхэшъухыгъэн фае.

2:14 итІур – джуртхэмрэ мыджуртхэмрэ ары.

2:20 пегъымбархэр – христиан пегъымбар купэу Исус ыцІэкІэ къэгу­щыІагъэхэр ары. Еплъ Апостол. 13:1; 1 Кор. 12:28-29.

3:1 хымэ лъэпкъхэр – мыджуртхэр ары.

3Тхьэм игухэлъ шъэф къысфигъэнафи, сигъэшІагъэ, кІэ­кІэу къызэрэшъуфэстхыгъэм фэдэу. 4Мы тхылъым шъу­зеджэкІэ, Христос ехьылІэгъэ шъэфым зэхэшІыкІыныгъэу фысиІэм гу лъышъутэн шъулъэкІыщт. 5А шъэфыр Тхьэм Ыпсэ ЛъапІэ мы уахътэм апостол лъапІэхэмрэ пегъым­бар* лъапІэхэмрэ зэрафигъэнэфагъэм фэдэу, ыпэрэ лІэ­шІэгъухэм* ащыпсэущтыгъэ цІыфхэм Тхьэм аригъэшІэ­гъагъэп. 6А шъэфыр мыры: Христос Исус хымэ лъэпкъхэм агухэм арылъ хъоу, къэбарышІур зэрадэрэмкІэ Тхьэм Израил лъэпкъым ІэхьышІоу къылъигъэсырэр ахэми къа­лъегъэсы; а лъэпкъхэри Израил игъусэхэу зы пкъым щыщых, Тхьэм Израил лъэпкъыр ІофышІухэу къызэри­гъэгугъагъэхэм ахэми яІахьэ ахэлъ.

7Тхьэм лъэкІыныгъэу къысхилъхьагъэм тетэу, мы Іофыр згъэцэкІэнэу ынэшІу щыфэныгъэкІэ тынэу къызэрэси­тыгъэмкІэ мы къэбарышІум сыфэлэжьэнэу сигъэнэфагъ. 8Тхьэм ицІыф лъапІэхэм анахьи нахь цІыкІоу сыщытми, Тхьэм ынэшІу щыфэныгъэкІэ мы Іофыр спшъэ къырилъ­хьагъ: Христос хэлъ баиныгъэшхоу зыми ымыгъэунэфы­шъущтым икъэбар хымэ лъэпкъхэм язгъэІунри, 9Тхьэм игухэлъ шъэф цІыф пстэуми нафэ афэсшІынри ары. БлэкІыгъэ лъэхъанэхэм ащегъэжьагъэу а гухэлъ шъэ­фыр Тхьэу зэкІэ къэзыгъэхъугъэм аригъэшІагъэу щыты­гъэп. 10Тхьэм арэущтэу зыфишІагъэр чылыс зэІукІэмкІэ изэхэшІыкІыныгъэ зэмылІэужыгъом икъэбар ошъо лъэ­ныкъом щыІэ Іэшъхьэтетхэми, тетыгъо зиІэхэми джырэ уахътэм щаригъэшІэнэу ары. 11Тхьэм а Іофыр ыгъэцэ­кІагъ мыкІодыжьын гухэлъэу Тхьэм Христос Исусэу ти Зиусхьан ригъэгъэцэкІагъэм тетэу. 12Христос ты­гухэм арылъэу, ежьымкІэ шІошъхъуныгъэ зэрэтиІэм пае, тыгушхоу ыкІи ежьым тыщыгугъэу Тхьэм пэблагъэ тыхъун тэлъэкІы. 13Арышъ, шъо сишІуагъэ шъозгъэкІы­нэу къин зэрэсщэчырэм пае, шъугу шъумыгъэкІодынэу сышъолъэІу. А къинэу сэ сщэчырэм шъоркІэ щытхъу хэлъ.

3:5 пегъымбархэр – еплъ 2:20. 3:5 лІэшІэгъу – илъэсишъэ мэхъу.

Паул шІошъхъуныгъэ зиІэхэу Ефес дэсхэм Тхьэм зэрафелъэІурэр

14Арышъ, ти Зиусхьанэу Исус Христос Ятэ ыпашъхьэ лъэгонджэмышъхьэкІэ сетІысхьэ. 15Ежьыр ары Ты лъапІэу уашъоми чІылъэми ащыІэу, сыдрэ унагъоу зыфаІорэми ыцІэ къызхэкІырэр. 16Тхьэм ищытхъушхо тетэу, ежь Ыпсэ ЛъапІэкІэ шъугухэр лъэкІыныгъэкІэ ыгъэпытэн­хэу селъэІу, 17шъушІошъ зэрэхъугъэмкІэ Христос шъу­гухэм арылъыным пае. 18Шъулъапсэхэр шІулъэгъуныгъэм хэлъхэу ыкІи ащ шъутетэу, Тхьэм ицІыф лъэпІэ пстэуми шъурягъусэу, Христос ишІулъэгъуныгъэ ишъомбгъуагъи, икІыхьагъи, икууагъи, илъэгагъи къыжъугурыІонхэм пае, лъэкІыныгъэ шъуиІэнэу Тхьэм селъэІу. 19А шІулъэ­гъуныгъэу шІэныгъэ пстэури зынэмысырэр шъушІэнэу орэхъу, Тхьэм ишэн зэкІэ къышъухэлъыным пае.

20Тхьэм щытхъушхор ий. Ежь илъэкІыныгъэу къыт-

хэлъымкІэ Іофэу тызэрелъэІушъущтхэмрэ тызэгупшысэ-

шъущтхэмрэ анахьи, егъэлыягъэу нахьыбэ ышІэн елъэкІы.

21Тэ Христос Исус зыгухэм арылъэу, чылыс зэІукІэм

щыщхэм мыкІодыжьын лъэхъанэу къэкІощтхэмкІи лІэ-

шІэгъоу къэкІощтхэмкІи щытхъушхор Тхьэм фэтэжъу­гъэшІ. Амин.

 

04

ЯПЛІЭНЭРЭШЪХЬ

Зыпкъ закъом фэдэу тызэрэхъурэр

Сэ Зиусхьаным сызэрэфэлажьэрэм пае, хьапсым сычІа­дзагъэу сычІэсэу сышъолъэІу: псэукІэу шъуиІэнэу Тхьэр къызфышъоджагъэм тетэу шъузекІу. 2Мыпэгэныгъэри, гушъэбагъэри, щыІагъэри шъугухэм арыжъугъэлъхэу, шІулъэгъуныгъэкІэ зым зыр ерэщыІ. 3Зэзэгъыныгъэу шъузэзыпхырэмкІэ Тхьэм Ыпсэ ЛъапІэ зы шъуищыты­ныгъэу шъуигъэгъотырэр зэрэшъуухъумэным ыуж шъуит. 4Пкъэу тызщыщыр зы, Тхьэм Ыпсэ ЛъапІи зы, Іофэу тызщыгугъэу тызпаплъэу, Тхьэр къызфышъоджагъэри зы. 53иусхьаныри зы, шІошъхъуныгъэри зы, тызкІаумэ­хъырэри зы. 6Тхьэу цІыф пстэуми Ятэ лъапІи зы. Ащ цІыф пстэуми тетыгъо афыриІ, зэкІэмкІи Іоф ешІэ, тэ зэкІэми ар тыгухэм арылъ.

7Тэ тщыщэу хэти Христос ынэшІу къыщифагъ, хэти тынэу къыритынэу зэрэфигъэшъошагъэм тетэу. 8Джары Тхьэм игущыІэ тхыгъэхэм зыкІарытыр:

«ЫпшъэкІэ зыдэкІоежьым, гъэрхэри игъусэхэу

зыдыдищэягъэх, цІыфхэми тынхэр аритыгъэх».

9(ЫпшъэкІэ дэкІоежьыгъ зыфиІорэ гущыІэхэм къары­кІырэр ыпэкІэ чІылъэм ыхэ дэдэм нэс къызэрехыгъэр ары. 10Ыхэ дэдэм нэс къехыгъэр ежь дэдэр ары ошъо пстэуми анахьи нахь лъагэу дэкІоежьыгъэр, щыІэ пстэуми щыкІагъэ зи ямыІэу, икъугъэу ыгъэхъуным пае.) 11Хри­стос цІыфхэм тынхэр зэраритыгъэхэр мары: ежьым цІыф заулэ апостолхэу* ыгъэнэфагъэх, нэмыкІхэри пегъым­бархэу* ыгъэнэфагъэх, адрэхэри ежьым икъэбарышІу агъэІунэу ыгъэнэфагъэх, етІани нэмыкІхэри дин пащэхэу ыкІи дин гъэсакІохэу ыгъэнэфагъэх. 12Тхьэм ахэр зы­фигъэнэфагъэхэр ицІыф лъапІэхэр ежьым фэлэжьэнхэу аригъэлъэкІынри, Христос ыпкъ щыщхэм гурэ псэрэкІэ нахь лъэкІыныгъэ аригъэгъотынри ары. 13Арэущтэу тэ зэкІэ Тхьэм ЫкъокІэ шІошъхъуныгъэ тиІэу, ари тшІэу, зы тыхъущт, Христос зишъыпкъагъэ щыкІагъэ зи зимыІэ цІыф икъугъэу зэрэщытым фэдэу, тэри зишъыпкъагъэ щыкІагъэ зи зимыІэ цІыф икъугъэхэу тыхъущт.

14ЕтІанэ тысабыижьыщтэп, хыорхэм адыкІэ мыдыкІэ тызэрамыдзэжьэу, цІыф заулэм адрэ цІыфхэм Іофхэу ара­гъашІэхэрэм яжьыбгъэ пстэуми тызэрафыжьыщтэп. ЦІыф­хэу адрэ цІыфхэр дахьыхынхэмкІэ фэІазэхэм ятхьагъэ­пцІыгъэ тыкъыфэнэжьыщтэп. 15Арэущтэу мыхъоу, шІу­лъэгъуныгъэр тыгухэм арылъэу, шъыпкъагъэр къатІозэ, сыд фэдэ лъэныкъокІи Христос тыфэдэнэу къытхэхъощт. Ежьыр ары шъхьэр. 16Ежь Христос ары пкъым кІуа­чІэ езыгъэгъотырэри, пкъыр зэзыпхырэ щыІэ пстэумкІэ пкъыр зэкІэ зэхэзыгъэуцорэри, зэкІэзыубытэрэри. Арэу­щтэу пкъым щыщэу тэдрэ Іахьэр зэрэлэжьэн фаем фэдэу зылажьэкІэ, пкъым хэхъо, шІулъэгъуныгъэкІи нахь кІуа­чІэ егъоты.

4:11 апостолхэр – ыпэ рапшІэу нэбгырэ пшІыкІутІоу Исус игъогу ры­кІонхэу къыхихыгъэхэр ары, етІанэ Паул фэдэхэу, нэмыкІ цІыфхэу Христос ыгъэнэфагъэхэр ары.

4:11 пегъымбархэр – еплъ 2:20.

Христос зыгу илъхэм щыІэкІакІэу яІэр

173иусхьаным ыцІэкІэ лъэшэу къышъуфэсэгъэпытэ: Хымэ лъэпкъхэм яшъхьэнэкІыгъэкІэ зэрэзекІохэрэм фэ­дэу шъумызекІу. 18ЯзэхэшІыкІыныгъэ шІункІы, ягуркъа­гъэ* къыхэкІыкІи зи амышІэу, Тхьэм цІыфхэм къаритырэ щыІэныгъэм пэчыжьэх. 19Агухэм гулъытэ зи ямыІэу, мыхъомышІэ псэукІэм зыратыгъ, загъэшхэкІыни амы­лъэкІэу, сыд щыщырэ гумыкъэбзагъэм пылъых.

20Ау Христос икъэбар шъозыгъэшІэгъэ цІыфхэм арэу­щтэу шъузекІонэу шъуагъэшІагъэп. 21Сыда пІомэ Христос икъэбар шъо зэхэшъухыгъ, ежьыри шъугухэм арылъэу, ежьым хэлъ шъыпкъагъэр зэжъугъэшІагъ. 22Шъуипсэу­кІэжъ щыщ шъуишэныжъ бзаджэр хэшъунэжьын зэрэфаер зэжъугъэшІагъ. Сыда пІомэ шъуишэныжъ бзаджэ ихъо­псэныгъэ мыхъунхэу шъукъэзыгъапцІэхэрэмкІэ шъуигъэ­кІоды пэтыгъ. 23Шъугухэм арылъи шъуигупшысакІи Тхьэм зэрежъугъэхъокІын зэрэфаери зэжъугъэшІагъэ. 24Шъыпкъагъэрэ гукъэбзагъэрэ шъыпкъэу шъуиІэнэуи, ежьым шъуфэдэнэуи, Тхьэм шъукъигъэхъужьыгъэу, шэ­ныкІэшІур шъуашэу зэшъущэкІын зэрэфаери зэжъугъэ­шІагъэ.

25Арышъ, пцІыусыныр хэшъунэжьи, хэти игъунэгъу шъыпкъагъэр рерэІу, сыда пІомэ тэ зэкІэри зы пкъы за­къом тыщыщ. 26Шъугубжыми, псэкІод шъумышІэ. Шъугу­бжыгъэу, тыгъэр къошъумыгъэхьажь. 27Шэйтаным гъогу ешъумыт. 28ТыгъуакІор орэмытыгъожь, ау орэлажьи, ыІэхэмкІэ шІу ерэшІ, щыкІагъэ зиІэхэм афигощынэу иІэным пае.

29ГущыІэ емыкІухэр шъужэхэм къадэшъумыгъэкІых, ау адрэ цІыфхэм зэрящыкІагъэм фэшъуашэу, гурэ псэрэкІэ нахь лъэкІыныгъэ яжъугъэгъотызэ, гущыІэ­шІухэр шъужэхэм къадэжъугъэкІыхэ нахь, цІыфхэу зэхэ­зыххэрэм шъуишІуагъэ яжъугъэкІыным пае. 30Тхьэм Ыпсэ ЛъапІэ ыгу хэшъумыгъэкІ. Тхьэм шъушъхьэхэр зищэ­фыжьыщт мафэм* нэсыфэ, ежь Ыпсэ ЛъапІэ мыхъурым фэдэу, Тхьэм шъугухэм къарилъхьагъ. 31Сыд фэдэ гу-

4:18 гуркъагъэ – къаигъагъэкІэ къыбгурыІонэу умыдэныр, пІуагъэми утемыкІыныр ары.

4:30 Тхьэм шъо шъушъхьэхэр зищэфыжьыщт мафэр – ахърэт мафэр ары.

жъри, къызэкІэплъыхьанри, губжыни, куохьауни, цІыфхэм ІэягъэкІэ атегущыІэни, сыд щыщырэ бзэджагъи хэшъунэ­жьых. 323ыр зым шІу фэрэхъу, гукІэгъу зэфэшъушІ ыкІи зэфэжъугъэгъу, Тхьэм Христос шъок къызэрэшъуфы­ригъэгъэгъугъэм фэдэу.

 

05

ЯТФЭНЭРЭШЪХЬ

Тхьэм шІу ылъэгъурэ бынхэу шъузэрэщытым пае, ежьым илъэужхэм шъуарыкІу. 2Христос шІу тилъэгъуи, мэ ІэшІу зыпихырэ тынэуи Тхьэм ыгу зэІурэ къурмэны­пхъэуи тэщ пае ыпсэ зэритыгъэм фэдэу, шІулъэгъуныгъэ шъугухэм арылъэу шъузекІу.

3Ау Тхьэм ицІыф лъапІэхэм зэряфэшъуашэм фэдэу, зинэ шІэным, е сыд щыщырэ гумыкъэбзагъэм, е нэй­псыягъэм ягугъу шъуадэжь щышъушІы хъущтэп. 4Емы­кІу гущыІэныр, делагъэ гущыІэныр, мыхъун сэмэр­къэуныр шъо къышъуфэшъуашэп, Тхьэм ищытхъу шъу­шІын фае нахь. 5Сыда пІомэ мы Іофыр зэжъугъашІэ: Зинэ зышІэрэ цІыфым, е зыгу мыкъабзэ цІыфым, е нэйпсые цІыфым – ащ фэдэ цІыфым тхьэ нэпцІыр ыгъэ­лъапІэу мэхъу- Христосрэ Тхьэрэ я ТетыгъошхокІэ Іахьэ къылъысыщтэп. 6ГущыІэ мыщыухэкІэ зыми зы­къешъумыгъэгъапцІ, сыда пІомэ ащ фэдэ Іофхэм апае Тхьэм емыдэІухэрэм игубж къалъигъэсыщт. 7Арышъ, ащ фэдэ цІыфхэм гъусэ шъуафэмыхъу.

8Сыда пІомэ зэгорэм шІункІыгъэм шъуфэдэу шъущы­тыгъагъ, ау джы Зиусхьаныр шъугухэм зэрарылъым пае, нэфынэу шъухъугъ. Нэфынэм ибынхэр зекІонхэ зэрэ­фаем фэдэу шъузекІу, 9сыда пІомэ нэфынэм шІугъэу къыхэкІырэр шІугъэ пстэури, зэфэныгъэ пстэури, шъы­пкъэгъэ пстэури ары. 10Зиусхьаным Іофхэу игъоу ылъы­тэхэрэр жъугъэунэфых ыкІи зэжъугъашІэх. 11ПкІэ зи­мыІэ шІункІыгъэ Іофхэм шъуиІоф ахэшъумылъхь, ау а Іофхэр зыфэдэхэр жъугъэнафэх. 12Сыда пІомэ ащ фэдэ цІыфхэм Іофхэу шъэфэу ашІэхэрэм ягугъу пшІынри емыкІу. 13Ау нэфынэм Іофхэр зэкІэ къызигъэнафэхэкІэ, ахэр къэлъагъох, сыда пІомэ къэлъагъорэ пстэури нэ­фынэу мэхъу. 14Джары мырэущтэу зыкІаІорэр:

«О, чъыерэр, къэущыжь, лІагъэхэм къахэтэджыкІыжьи, Христос нэфынэр къыптригъэпсэщт».

15Арышъ, шъузэрэзекІорэм инэу шъуфэсакъ, зэхэшІы­кІыныгъэ зимыІэхэм шъуафэмыдэу, зэхэшІыкІыныгъэ зиІэхэм шъуафэдэу шъузекІу. 16Игъор блэшъумыгъэкІ, сыда пІомэ мы мафэхэр бзаджэхэшъ ары. 17Арышъ, шъу­мыгупшысэу шъумызекІу, Зиусхьаныр зыфаери зыгуры­жъугъаІу. 18СэнэпсымкІэ зышъумыгъэуташъу. Ащ къы­хэкІырэр мыхъомышІэ псэукІэр ары. Тхьэм Ыпсэ ЛъапІи икъугъэу шъугухэм арыжъугъэлъ. 19ОрэдхэмкІи, тхьэ­щытху орэдхэмкІи, Тхьэм Ыпсэ ЛъапІэ шъугухэм къа­рилъхьэрэ орэдхэмкІи шъузэдэгущыІ. Шъугу етыгъэу Зиусхьаным щытхъу фэшъушІэу, ежьым пае орэд къа­шъуІо. 20Ти Зиусхьанэу Исус Христос ыцІэкІэ Іоф пстэуми апае Тхьэу Ты лъапІэм щытхъу фэшъушІ зэпыт.

21Христос ищынагъо шъугухэм арылъэу, шъузэфэІо­рышІ.

Шъузымрэ лІымрэ зэрэзэфыщытынхэ фаер

22Шъо, шъузхэр, Зиусхьаным шъузэрэфэІорышІэрэм фэдэу, шъуилІыхэми шъуафэІорышІ. 23Сыда пІомэ Христос чылыс зэІукІэм ышъхьэу зэрэщытым фэдэу, лІыри ишъуз ышъхьэу щыт. Чылыс зэІукІэр Христос ыпкъэу щыт, ежьыри ары а пкъыр мыкІодэу къэзыгъэнэжьырэр. 24Чы­лыс зэІукІэр Христос зэрэфэІорышІэрэм фэдэу, шъузыри сыд щыщымкІи илІ фэІорышІэн фае.

25Христос чылыс зэІукІэр шІу ылъэгъоу, ыпсэ ащ зэрэфитыгъэм фэдэу, хэтрэ лІи ишъуз шІу ерэлъэгъу. 26Христос ыпсэ зыфитыгъэр псыкІи* игущыІэхэмкІи чылыс зэІукІэм щыщхэр ыгъэкъабзэхэу, ахэмэ гукъэ­бзагъэ яІэ хъунэу ары. 27Ащ нэмыкІэу, Христос ыпсэ зыфитыгъэр чылыс зэІукІэм идэхагъэкІэ, бжьыгъэ, е зэлъагъэ, е ащ фэдэ щыкІагъэ зи имыІэу, гукъэбзагъэ иІэу, лажьэ зи имыІэу, ежь ыпашъхьэ ригъэуцонэу ары.

28Ащ фэдэу лІым ыпкъы унае фэдэу ишъуз шІу ылъэгъун фае. Зишъуз шІу зылъэгъурэм ышъхьэ шІу елъэгъужьы.

29Зыми ежьым ыпкъ зыкІи ыуджэгъужьыгъэп, ау пкъым ищыкІагъэр регъэгъоты ыкІи егугъу, Зиусхьаныр чылыс

5:26 псыкІэ – умэхъыныр (еплъ Маттэ 3:1) ары зыфиІорэр.

зэІукІэм зэрегугъурэм фэдэу; 30сыда пІомэ Христос ыпкъ тыщыщ, ыл тыщыщ, икъупшъхьэхэми тащыщ. 31Тхьэм игущыІэ тхыгъэхэм зэрарытым фэдэу,* «Ащ къыхэкІыкІэ лІыр ятэ-янэхэм ахэкІынышъ, ишъуз гъусэ фэхъунышъ, а тІури зыпкъ хъущтых». 32А гущыІэхэм шъэфэу ахэлъыр шъэфышху: Сэ къызэрэзгурыІорэмкІэ, а гущы­Іэхэр зэхьылІагъэхэр Христосрэ чылыс зэІукІэмрэ ары. 33Арэущтэу шъуащыщ пэпчъ ежь ышъхьэ шІу зэрилъэгъурэм фэдэу, ишъузи шІу ерэлъэгъу. Шъузыми илІ лъытэныгъэ ферэшІ.

 

06

ЯХЭНЭРЭШЪХЬ

Ятэ-янэхэмрэ ялъфыгъэхэмрэ зэрэзэфыщытынхэ фаер

Шъо, бынхэр, Зиусхьаныр шъугухэм зэрарылъым пае, шъуятэ-шъуянэхэм шъуядэІу. Арэущтэу зышъушІыкІэ, тэрэзэу шъозекІо. 2«Уятэрэ уянэрэ лъытэныгъэ афэшІ», ыІуи, джары апэрэ унашъоу* Тхьэм мы гъэгугъэныгъэр зэрипхыгъэр, мырэущтэу ыІозэ, 3«шІугъэ къыохъулІэным ыкІи бэрэ мы дунаем ущыпсэуным пае».

4Шъо, тыхэри, шъуибынхэр шъумыгъэгубжых, ау Зиус­хьаныр зэрэфаем тетэу, шъупІух ыкІи агурыжъугъаІу.

УнэІутхэмрэ тхьаматэхэмрэ зэрэзэфыщытынхэ фаер

5Шъо, унэІутхэр, мы дунаем шъутетыфэ, шъуитхьама­тэхэм шъуащыщынэу, шъугухэри кІэзэзхэу шъуядэІу, гу шъыпкъэкІи Христос шъузэредэІурэм фэдэу, ахэми шъуя­дэІу. 6ШъуядэІу сэІо, ау агу къызэдгъэІун шъуІоу, анэхэмкІэ гъунэ къызэрэшъулъафырэм ыдэжь изакъоп, ау Христос шъузэрэфэлажьэрэм пае, сыдигъуи шъугу еты­гъэу шъуядэІузэ, Тхьэр зыфаер жъугъэцакІэ. 7ЦІыфхэм шъузэрафэлажьэрэм фэдэу орэмыхъу, Зиусхьаным шъу­зэрэфэлажьэрэм фэдэу, шъуигуапэу шъуитхьаматэхэм

5:31 Тхьэм игущыІэ тхыгъэхэм зэрарытым фэдэу – еплъ Пегъымбар Мусэ апэрэ тхылъэу ытхыгъэм 2:24.

6:2-3 унашъор – еплъ Пегъымбар Мусэ ятфэнэрэ тхылъэу ытхыгъэм 5:16.

шъуафэлажь, 8сыда пІомэ хэт щыщ цІыфми, унэІутми шъхьафитми, сыд фэдэ шІугъэ ышІэми, иІэхьышІу Зиус­хьаным ащ къызэрэлъигъэсыщтыр шъо шъошІэ.

9Шъо, тхьаматэхэр, шъори шъуиунэІутхэм джащ фэ­дэу шъуадэзекІоу, пхъэшагъэкІэ шъуапэмыгъокІ, сыда пІомэ шъо бгъуитІуми а зы Зиусхьаныр уашъом зэрэщы­шъуиІэр шъошІэшъ ары. Ар цІыфхэм ятеплъэ емыплъэу, цІыф пстэури изэфэдэхэу щытых.

Тхьэм иІэшэ-шъуашэхэр

10Аужыпкъэм Зиусхьаным илъэкІыныгъэшхокІэ кІуа­чІэ зижъугъаІ. 11Тхьэм иІэшэ-шъуашэхэмкІэ зэкІэ зы­шъуфап, шэйтаным итхьагъэпцІыгъэ гухэлъхэм шъуа­пэуцужьыным пае. 12Сыда пІомэ тызэзаохэрэр лымрэ лъымрэ къахэхъукІыгъэ цІыфхэр арэп, ау джынэпцІэ Іэшъхьэтетхэри, тетыгъо зиІэхэри, мы дунэе шІункІым ипэщэшхоу джынапцІэхэри, бзэджагъэм иджынапцІэу ошъо лъэныкъомкІэ щыІэхэри ары. 13Арышъ, Тхьэм иІэшэ­шъуашэхэр къэшъуІэтых, мэфаер къызыскІэ, шъузэ­кІэмыкІожьыным ыкІи зэкІэми шъузатекІо ужым шъу­лъакъохэм шъуатетыным пае. 14Джащ фэдэу пытэу шъущыт; шъыпкъагъэр шъуибгырыпхым фэдэу зижъу­гъаІ; шъыпкъагъэу Тхьэм ыдэжькІэ тиІэри ашъоджанэм фэдэу зыщышъулъ. 15Тхьэм ежьым тешІужьыгъэу тызэ­ригъэхъурэм икъэбарышІу жъугъэІуным ихьазырыни цуакъэхэм афэдэу зыщышъулъ. 16Ахэмэ анэмыкІэу, шІошъ­хъуныгъэр мэІум* фэдэу къэшъуІэт. АщкІэ шэйтаным ищэу плъыгъэхэр жъугъэкІосэнхэ шъулъэкІыщт. 17Шъу­мыкІодэу Тхьэм шъукъызэригъэнэжьырэр танджэм фэдэу къэшъуІэт. Сэшхоу Тхьэм Ыпсэ ЛъапІэ къышъуитырэр къэшъуІэт. А сэшхор Тхьэм игущыІэхэр ары. 18Сыдигъуи Тхьэм Ыпсэ ЛъапІэ илъэкІыныгъэкІэ тхьэлъэІу пстэум­кІи шъуелъэІу, шъуищыкІагъэмкІи Тхьэм шъуелъэІу. Шъусакъэу ыкІи шъуемызэщэу Тхьэм ицІыф лъапІэхэм зэкІэмэ шъуафелъэІу зэпыт.

19Сэщ паий, сыжэ зызэтесхыкІэ, къэбарышІум ишъэф гушхоныгъэкІэ къэсІонхэу гущыІэхэр Тхьэм сыгу къы-

6:16 мэІу – пасэм дзэлІхэм гъучІ хъурэешхоу чатэм пэІуадзэу аІыгъы­щтыгъэр ары.

рилъхьанхэу шъуелъэІу. 20Іэхъу-лъэхъу къыстыралъхьа­гъэу, мы къэбарышІум сырилІыкІу. КъэбарышІур гу­шхоныгъэкІэ къызэрэсІон фаем фэдэу къэсІонэу Тхьэм шъукъысфелъэІу.

Аужырэ шІуфэс гущыІэхэр

21Шъори сикъэбархэмрэ Іофхэу сшІэхэрэмрэ шъушІэн­хэм пае, шІу тлъэгъурэ тшы Тихик* зэкІэ шъуигъэшІэщт. Ар Зиусхьаным иІофкІэ шъыпкъагъэкІэ ІэпыІэгъоу щыт. 22Мы Іоф дэдэу тиІофхэр зытетхэр шъуигъэшІэнри шъуи­гъэгушхонри ары Тихик шъуадэжь къызфэзгъакІорэр.

23Тхьэу Ты лъапІэмрэ Зиусхьанэу Исус Христосрэ тшыхэм гупсэфыныгъэрэ шІулъэгъуныгъэу шІошъхъу­ныгъэ зигъусэмрэ къарарэт. 24МыкІодыжьын шІулъэгъу­ныгъэ зиІэхэу, ти Зиусхьанэу Исус шІу зылъэгъухэрэм Тхьэм ынэшІу къащерэф. Амин.

6:21 Тихик – еплъ Кол. 4:7.

18 Philippians / Филиппи

01

АПОСТОЛ ПАУЛ ШЮШЪХЪУНЫГЪЭ

ЗИІЭХЭУ ФИЛИППИ КЪАЛЭМ ДЭСХЭМ

ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул. Сэррэ Тимофейрэ* Христос Исус тыфэлажьэ. Тимофей сигъусэу шъо, Тхьэм ицІыф лъапІэхэу, Филиппи къалэм* дэсхэу, Исус Христос зыгу илъхэм, шъуичылыс иІэшъхьэтетхэмрэ* иІэпыІэгъухэмрэ* шъуигъусэхэу, мы тхылъыр къышъуфэсэтхы.

2Тхьэу Тятэ лъапІэрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

1:1 Тимофей – Паул дэлажьэу, игъогогъухэм ащыщыгъ. Еплъ Апостол. 16:1-3.

1:1 Филиппи къалэр – Рим къэралыгъошхом щыщэу Македоние хэкум итыгъ. А хэкур джырэ Грецием (Иунанистаным) итемыр Іахьэу щытыгъ. Еплъ Апостол. 16:9-40.

1:1 Іэшъхьэтетыр – урымыбзэм щыщ гущыІэу «Іэшъхьэтетэу» ыкІи «зынаІэ Іофхэм атезыгъэтэу» зыфаІорэм етІанэ мэхьанэу «епископыр» иІэ хъугъэ.

1:1 ІэпыІэгъур – етІанэ мы гущыІэм мэхьанэу «диаконыр» иІэ хъугъэ. Еплъ Рим. 16:1; 1 Тим. 3:8,12.

 

Паул шІошъхъуныгъэ зиІэхэу Филиппи дэсхэм Тхьэм зэрафелъэІурэр

3Сыгу шъукъэкІ къэси, си Тхьэ щытхъу фэсэшІы. 4Сыдигъуи шъо пстэуми пае Тхьэм сызелъэІукІэ, гушІуагъокІэ селъэІу, 5сыда пІомэ апэрэ мафэм къыщегъэжьагъэу джырэ нэсыфэ, Іофэу къэбарышІум сэ фэсшІагъэмкІэ шъуиІахьэ хэлъыгъэшъ ары. 6Тхьэм Іофэу шъугухэм ащиублагъэр Исус Христос дунаем къызыкІожьыщт мафэм нэсы зэрэригъэкъущтым сыщэгугъы.

7Арэущтэу шъо пстэуми пае сызэрэгупшысэрэр тэрэз, сыда пІомэ Іэхъу-лъэхъу къыстыралъхьагъэу щытми, къэбарышІум пэуцухэрэм пэгъокІ ястыми, къэбарышІум ишъыпкъагъэ къэзгъэлъагъоми, сыгу шъуилъ зэпыт, шъо пстэури, сигъусэхэу Тхьэм ынэшІу къызщифэхэрэр. 8Исус Христос ишІулъэгъуныгъэ сыгу илъэу шІу шъузэрэслъэгъурэмкІэ Тхьэр сишыхьат.

9Тхьэм сызэрелъэІурэр шІэныгъэмрэ зэхэшІыкІыныгъэ пстэумрэ ягъусэу, шІулъэгъуныгъэ нахьыбэ шъуиІэ зэпытыныр ары. 10ЕтІанэ нахьышІур зыфэдэр зэхэшъушІыкІын шъулъэкІыщт, шъугухэри къабзэхэу, зыми шъузэригъэмысэн зи щымыІэу, Христос дунаем къызыкІожьыщт мафэм дэжь шъущытыщт. 11Арэущтэу шІугъэу шъыпкъагъэм къыхэкІырэр Исус Христос шъугухэм инэу къарилъхьащт, цІыфмэ Тхьэм щытхъушхо фашІыным ыкІи ежьыр агъэлъэпІэным пае.

Христос уфэлэжьэныр ары щыІэныгъэ шъыпкъэр

12ШъушІэнэу сыфай, сшыхэр, сэ къысэхъулІэгъэ Іофхэм яшІуагъэ къэбарышІу гъэІуным иІоф къызэрэрагъэкІыгъэр. 13Арэущтэу Кайсарым иунэшхоу преторие иухъумакІохэмрэ адрэ цІыф пстэумрэ нафэ афэхъугъ, Христос сызэрэфэлажьэрэр ары Іэхъу-лъэхъур къызкІыстыралъхьагъэр. 14Ащ нэмыкІэу, цІыфхэм Іэхъу-лъэхъу къызэрэстыралъхьагъэм пае, сшыхэу Зиусхьаныр зыгу илъхэм янахьыбэхэм агухэм зыкъаІэтызэ, мыщынэхэу Тхьэм игущыІэхэр нахь гушхоныгъэкІэ агъэІухэу аублагъ.

15Шъыпкъэ, шъугъонымрэ зэщыхьанымрэ агухэм арылъхэу, Христос икъэбар зыгъэІухэрэри щыІэх, ау нэмыкІ цІыфхэм агухэм шІугъэ зэрарылъым пае, Христос икъэ-

 

бар агъэІу. 16Апэрэхэм агухэм зэщыхьаныгъэ арылъэу, гумыкъэбзагъэкІэ Христос икъэбар агъэІу. СиІэхъу-лъэхъу джыри нахь щэчыгъуаеу ашІынэу агу хэлъ. 17Адрэхэм шІулъэгъуныгъэ агухэм зэрарылъым пае, Христос икъэбар агъэІу. Христос икъэбарышІу пэуцухэрэм пэгъокІ ястыжьынэу Тхьэм сызэригъэнэфагъэр ашІэ. 18Ар Іофэп. Арэущтэуми мырэущтэуми, гухэлъ бзаджэкІи гухэлъышІукІи, Христос икъэбар агъэІу хъумэ, сэгушІо.

ЫкІи сыгушІо зэпытыщт, 19сыда пІомэ Тхьэм шъузэрелъэІурэм паий, Исус Христос Ыпсэ ЛъапІэ ІэпыІэгъу къызэрэсфэхъурэм паий, мы къиным сыкъызэрэхэкІыжьыщтыр сэшІэшъ ары. 20ЗыкІи сызтеукІытыхьан Іоф горэ щымыІэу, джыри сыдигъуи, сыпсауми, сылІэми, спкъыкІэ Христос гушхоныгъэкІэ зэрэзгъэлъэпІэн зэпытыщтым сыкІэхъопсы ыкІи сыщэгугъы. 21Сыда пІомэ сэ щыІэныгъэ шъыпкъэу зыфасІорэр Христос сыфэлэжьэныр ары, сылІэми ишІуагъэ къысэкІыщт. 22Ау мы пкъым сыщыпсэунэу щытмэ, шІугъэ къызхэкІырэ Іоф сшІэн слъэкІыщт. Ау а ІофитІум язэу къыхэсхыщтыр сшІэрэп. 23А ІофитІумэ сырагъэзы. Мы дунаем сехыжьынышъ, Христос сыригъусэнэу сшІоигъу. Ар бэкІэ нахьышІу. 24Ау мы пкъым сыкъыхэнэныр шъоркІэ нахь щыкІэгъэшхоу щыт. 25Ащ сыщыгугъэу, мыщ дэжьым сыкъызэрэнэжьыщтри, гушІуагъо игъусэу шъуишІошъхъуныгъэ нахь пытэ хъу зэпытыным пае, шъуадэжь сызэрэщыІэщтри сэшІэ. 26Ащыгъум шъуадэжь сыкъызыкІожькІэ, Христос Исус къысфишІэгъэ Іофым лъэшэу шъущыгушІукІын шъулъэкІыщт.

27ЗэкІэми апэу Христос ехьылІэгъэ къэбарышІум фэшъуашэу шъузекІу. Ащыгъум сыкъакІоу шъуслъэгъумэ, е сыщымыІэу шъуикъэбар зэхэсхымэ, зыгу-зыпсэу гъогу занкІэм шъыпкъэу шъурыкІоу, шъузэгурыІоу, къэбарышІоу шъушІошъ хъурэм пае инэу шъузэдэлажьэу, 28къышъупэуцухэрэм зыкІи шъузэращымыщынэрэри сшІэщт. Ахэр зэрэкІодыжьыщтхэри, шъо шъумыкІодэу шъукъызэрэнэжьыщтри шъуизекІуакІэ нафэу аригъэлъэгъущт. ШъумыкІодэу шъукъэзыгъэнэжьыщтыр Тхьэр ары. 29Сыда пІомэ ХристоскІэ шІошъхъуныгъэ шъуиІэным имызакъоу, Христос паий къин шъущэчынэу Тхьэм ынэшІу щыфэныгъэкІэ фит шъуишІыгъ. 30Сэ бэнэным сыхэтэу зэрэшъулъэгъугъэм фэдэу, шъори джы шъухэт, джыри а бэнэным сызэрэхэтыр зэхэшъухыгъ.

02

ЯТЮНЭРЭШЪХЬ

Христосыр ары Зиусхьаныр

Христосэу шъугухэм арылъым шъуегъэгушхоба? ИшІулъэгъуныгъэ шъуигукъао къышъушъхьэщихырэба? Тхьэм Ыпсэ ЛъапІэ шъугухэм арылъба? Гуфэбэныгъэри гукІэгъуныгъэри зэфышъуиІэба? 2Ащыгъум сигушІуагъо ижъугъэкъу: шъуигупшысакІэ зы орэхъу, а зы шІулъэгъуныгъэр шъуерэІ, зыгу-зыпсэу шъущыт. 33эщыхьанри зышІошІыжьынри шъугухэм арылъхэу зи шъумышІэ, шъумыпагэуи нэмыкІ цІыфхэр шъушъхьэ зэрэшъулъытэжьырэм нахьи нахь инхэу шъулъытэх. 4Хэти ежь ышъхьэ иІоф закъо ерэмыплъ, нэмыкІ цІыфхэм яІофми ерэплъ.

5ШъуигупшысакІэ Христос Исус игупшысакІэ фэдэу орэхъу:

6Христос Исус Тхьэм ищытыкІэ хэлъыгъэ пэтми, Тхьэм фэдэу зэрэщытым ежь ышъхьэ ишІуагъэ къыригъэкІыжьынэу ыуж итыгъэп. 7Ау ежьым зигъэцІыкІуи, Іофтабгэм ищытыкІэ иІэ хъугъэ. ЦІыфым фэдэу хъугъэ, итеплъи цІыфхэм ятеплъэ фэдэу щытыгъ. 8Ежьым зигъэцІыкІуи, лІэныгъэм нэсыфэ Тхьэм фэІорышІагъ, къащым зыщыкІэрылІыхьагъэм нэс. 9Арышъ, Тхьэм ар ыгъэини, цІэ пстэуми анахь

цІэшхор* къыритыгъ. 10Арэущтэу зыфэхъугъэр Исус ыцІэ щытхъу фашІэу, щыІэ пстэури лъэгонджэмышъхьэкІэ тІысынхэр ары, уашъоми, чІылъэми, чІылъэ чІэгъыми* щыІэхэр ары, 11 бзэгу пстэуми Исус Христос зэрэ-Зиусхьаныр зэкІэмэ апашъхьэ къыщаІонри ары. Арэущтэуи Тхьэу Ты лъапІэм щытхъушхо фашІыщт.

2:9 цІэшхор – Зиусхьанэу зыфаІорэ цІэшхор ары. 2:10 чІылъэ чІэгъым – лІагъэхэм ядунае ары.

 

Жъуагъохэм шъуафэдэу цІыфхэм шъукъызэрахэлыдыкІыщтыр

12Арышъ, силъапІэхэр, шъуадэжь сызыщэІэм, шъукъысфэІорышІэу шъузэрэщытыгъэм фэдэу, джы шъуадэжь сызыщымыІэми, ащ нахьи бэкІэ нахь шъукъысфэІорышІэн фае: Тхьэм ищынагъо шъугухэм арылъэу, шъугухэр кІэзэзхэу, шъумыкІодэу шъукъызэрэнэжьыщтым лъэшэу ыуж шъуит, 13сыда пІомэ ежьым игъоу ылъытэрэ Іофхэм шъуафэенэуи жъугъэцэкІэнхэуи шъозыгъэлъэкІырэр Тхьэр ары.

14Сыд шъушІэми, шъумытхьаусыхэу ыкІи шъуемыхъырэхъышэу шъушІэ, 15лажьэ зи шъуимыІэным ыкІи гукъэбзагъэ шъуиІэным пае. Ащ фэдэу зыхъукІэ, зыми шъузэригъэмысэн зи щымыІэу, цІыф къаигъэхэм ыкІи къуанчэхэм шъуахэтэу, Тхьэм шъурибыныщт. 16ЩыІэныгъэр тиІэ зыгъэхъурэ гущыІэхэр шъуІэ илъхэу, дунэе шІункІым жъуагъохэм шъуафэдэу а цІыфхэм шъукъахэлыдыкІыщт. Арэущтэу зыхъукІэ, хьаулыеу сызэрэмылэжьагъэм ыкІи сызэрэмыулэугъэм Христос дунаем къызыкІожьыщт мафэм дэжь сырыгушІощт. 17Шъо Тхьэм къурмэныпхъэу фэшъушІырэр шъуишІошъхъуныгъ ары. А къурмэныпхъэм сищыІэныгъэ ылъ текІагъэ хъуми, сыгушІощт, шъори зэкІэ сышъуигъусэу сыгушІощт. 18Арышъ, шъори шъуигопэн фае, шъусигъусэуи шъугушІон фае.

Тимофейрэ Епафродитрэ

19Тимофей* бэ темышІэу къышъуфэзгъэкІонэу Зиусхьанэу Исус сыщэгугъы, шъуикъэбархэр зэхэсхыхэмэ сыгу псэфыжьыным пае. 20Ишъыпкъэу къышъуфэгумэкІырэр Тимофей нэмыкІ зи сиІэп. 21ЦІыф пстэури ежь яІофхэм ауж итых нахь, Исус Христос игъоу ылъытэрэ Іофхэм ауж итхэп. 22Тимофей ишъыпкъагъэ шъо шъошІэ. Ыкъо ятэ зэрэдэлажьэрэм фэдэу, къэбарышІу гъэІуным иІофкІэ къыздэІэпыІагъ. 23СиІофхэр зэрэхъущтхэр зэрэсшІэу, къышъуфэзгъэкІонкІэ сэгугъэ. 24Сэри бэ темышІэу шъуадэжь сыкъэкІожьынэу Зиусхьаным сыщэгугъы.

2:19 Тимофей – еплъ 1:1.

 

25Ащ нэмыкІэу, Епафродит* къышъуфэзгъэкІожьын фаеу сэлъытэ. Ар тэ тшы, ежьыррэ сэррэ тызэдэлэ жьагъ ыкІи тызэдэулэугъ. Джары шъо шъуилІыкІоу, ІэпыІэгъу сищыкІагъэ зэхъум, къыслъыплъэнэу къысфэжъугъэкІогъагъэр. 26Шъо зэкІэ шъуилъэгъужьынэу ар лъэшэу къышъуфэлІэ, зэрэсымэджагъэр зэрэзэхэшъухыгъэм паий мэгумэкІы. 27Шъыпкъэ, лІэныгъэм нэсыгъэу сымаджэу щытыгъ. Ау Тхьэм гукІэгъу къыфишІыгъ, ежьым изакъоп, сэри гукІэгъу къысфишІыгъ, сыгу къемыо зэпытыным пае. 28КъышъуфэзгъэкІожьынэу сызфэгузажъорэр ар шъулъэгъужьмэ, шъо гушІуагъо шъуиІэнэуи, сэ сигумэкІыныгъэ нахь макІэ хъунэуи ары. 293иусхьаныр шъо шъугухэм зэрарылъым фэдэу, ащ ыгуи зэрилъым пае, гушІогъо пстэумкІэ шъупэгъокІ. Ежьым фэдэ цІыфхэм лъытэныгъэ афэшъушІ, 30сыда пІомэ Христос иІоф пае лІэныгъэм пэблагъэ хъугъэ. Шъо сэ къысфэшъушІэн шъумылъэкІыгъэ ІэпыІэгъур къысфишІэным пае, ыпсэ шъхьамысыжьэу лІэныгъэм пэблагъэ хъугъэ.

03

ЯЩЭНЭРЭШЪХЬ

Тхьэм ыдэжь къикІырэ шъыпкъагъэр

Аужыпкъэм, сшыхэр, Зиусхьаныр шъугухэм зэрарылъым пае шъугушІу. А Іоф дэдэхэр джыри зэ къышъуфэстхыжьынхэу сэркІэ къинэп, ахэр зэрэстхыжьхэрэми ишІуагъэ къышъокІыщт.

2Хьэхэм афэдэ цІыфхэу,* бзэджагъэ зышІэхэу, адрэ цІыфхэр сунэт зышІыхэрэм защышъудзый. 3Шъыпкъэу сунэт ашІыгъэу щытхэр тэры, тэ, Тхьэм Ыпсэ ЛъапІэ илъэкІыныгъэкІэ Тхьэм фэлажьэхэу, Христос Исус рыпагэхэу, пкъым епхыгъэ Іофхэм ащымыгугъыхэрэр. 4Арэущтэу щыт пэтми, сэри ащ фэдэ Іофхэм сащыгугъын слъэкІыщтыгъ.

2:25 Епафродит – Филиппи къалэм щыІэ чылыс зэІукІэм щыщхэм ятын Паул фэзыхьыгъэр ары. Джы Епафродит мы тхылъыр зыдиІыгъэу Филиппи къалэм ыгъэзэжьыщт.

3:2 хьэхэм афэдэхэ цІыфхэр – а гущыІэхэмкІэ Паул зыфиІорэр хымэ лъэпкъхэм ащыщхэр христиан хъунхэм пае, ыпэ рапшІэу сунэт ашІынхэ фаеу аІозэ, христиан хъугъэ джуртхэу зыІохэрэр ары.

 

ЦІыф горэ пкъым епхыгъэ Іофхэм ащыгугъын ылъэкІынэу къышІошІымэ, сэ а цІыфым нахьи а Іофхэм нахь сащыгугъын слъэкІыщт. 5Сэ мэфий сыныбжьэу сунэт сашІыгъ, Израил лъэпкъым сыщыщ, Вениамин иунэгъо лъэпкъ сыщыщ, джуртмэ сыкъахэкІыгъ, Тэурат хабзэм тетэу сырыкІоу фарисей купым* сыщыщыгъ. 6Тхьэ гъэлъэпІэным сыгу етыгъэу сыпылъэу, чылыс зэІукІэм щыщхэм къин язгъэщэчыщтыгъ. Тэурат хабзэм итхэр бгъэцэкІэнхэм ягъогукІэ шъыпкъагъэ бгъотыщтыгъэмэ, зыми сызэригъэмысэн зи щыІэщтыгъэп.

7Ау джы Христос зыфэдэр зэзгъэшІэным пае, Іофхэу сишІуагъэ къэкІощтыгъэхэм пкІэ ямыІэжьэу сэлъытэ. 8Шъыпкъэ, Іоф пстэуми пкІэ ямыІэжьэу сэлъытэ. Сыда пІомэ си Зиусхьанэу Христос Исус зыфэдэр зэзгъэшІэныр Іофхэу щыІэ пстэуми анахьи нахьышІу. Ежьым сыфэлэжьэным пае, зэкІэри хэсынагъ, Іоф пстэуми пкІэ ямыІэжьэу сэлъытэ, Христос сиІэхьышІоу хъуным ыкІи 9ежьыр сыгу илъыным пае. Тхьэм ежьым ыдэжькІэ шъыпкъагъэ сиІэу сызкІилъытэрэм сэ ІофышІухэу сшІагъэхэм яІоф хэлъэп. Сэ зыфасІорэр Тхьэм ежьым ыдэжькІэ шъыпкъагъэ сиІэу сызкІилъытэрэр ХристоскІэ шІошъхъуныгъэ зэрэсиІэр ары. Тэурат хабзэм итхэр згъэцэкІэнхэм иІоф ащ хэлъэп. А шъыпкъагъэу сиІэр Тхьэм ыдэжь къекІы, шІошъхъуныгъэми тет. 10Христос зыфэдэр зэзгъэшІэнэу сыфай, ар лІагъэхэм къызэрахэтэджыкІыжьыгъэм ыдэжь къикІырэ лъэкІыныгъэр зыфэдэри зэзгъэшІэнэу сыфай. Христос къинхэу ыщэчыгъэхэм сиІахьэ ахэлъынэу сыфай, ежьыр зэлІэм, зэрэщытыгъэм фэдэуи сыхъунэу сыфай. 11Арэущтэу Тхьэм лІагъэхэм сыкъахигъэтэджыкІыжьыным сыщэгугъы.

Іофхэу сызщыгугъыхэрэм сызэралъыІэсыным ыуж сит

12А Іофхэу сызщыгугъыхэрэм салъыІэсыгъэу, е зишъыпкъагъэ щыкІагъэ зи зимыІэ цІыф икъугъэу сыхъугъэу сІорэп. Ау а Іофхэм сызэралъыІэсыным ыуж сит, Христос

3:5 Фарисей купыр – джуртхэм ащыщхэу диным рыкІорэ цІыф купэу щытыгъэх. Ахэр Тэурат хабзэм итхэмрэ ятэжъхэм къакІэныжьыгъэ хабзэхэмрэ агу етыгъэу апылъыщтыгъэх.

 

Исус ицІыфхэм ащыщ сыхъунэу къызэрэслъыІэсыгъэм фэдэу. 13Сшыхэр, Іофхэу сызщыгугъыхэрэм салъыІэсыгъэу зыслъытэжьрэп, ау зы Іоф закъо сэшІэ: БлэкІыгъэ Іофхэр сэ сщыгъупшэжьхэу, сапэкІэ ит Іофхэм сызэралъыІэсыным ыуж сит. 143эпэчъэным хахьэрэм фэдэу тыныр къэсхьыным пае, кІэухым сызэрэнэсыным ыуж сит. А тынэу зыфасІорэр уашъом сыщыпсэуныр ары, ар къэсхьынри ары, ибынхэм ащыщ сыхъунэу Тхьэм Исус Христос сызфыригъэджагъэр.

15Тэ тщыщэу хэтрэ цІыфэу Христос иІофхэм яхьылІагъэу щыкІагъэ зи зимыІэ цІыф икъугъэу хъугъэр арэущтэу гупшысэн фае. Іоф горэм ехьылІагъэу нэмыкІ гупшысакІэ шъуиІэмэ, Тхьэм ари нафэ къышъуфишІыщт. 16Ау тызнэсыгъэм фэшъуашэу тыгупшысэн фае, ащ тетэуи тызекІон фае.

17Сшыхэр, силъэужхэм шъуакъырыкІу. ШъузэрэзекІон фаем ишапхъэу шъодгъэлъэгъугъэм тетэу зекІохэрэм шъуакІырыплъ. 18Сыда пІомэ бэрэ къызэрэшъосІуагъэм фэдэу, джыри сынэпсхэр къехыхэзэ шъосэІо: ЦІыфыбэ Христос икъащ пыеу фэхъугъэх. 19А цІыфхэм кІэухэу къалъысыщтыр кІодыныгъэр ары, ятхьэри ныбэр ары, зэрыпэгэрэ Іофхэри укІытэжьыпхъэх. Мы дунаем иІофхэм анэмыкІкІэ ягупшысэхэрэп. 20Ау тэ тихэку уашъор ары. Зиусхьанэу Исус Христосэу уашъом къехынышъ, тымыкІодэу тыкъэзыгъэнэжьыщтым тежэ. 21Ежь илъэкІыныгъэшхоу зэрылажьэу, Іоф пстэури итетыгъо ыІэчІэгъ зэрычІигъэуцорэмкІи тпкъы тхьамыкІэхэр зэблихъунхэшъ, ежь ыпкъэу щытхъушхо зиІэм фэдэхэу ыгъэхъущтых.

04

ЯПЛІЭНЭРЭШЪХЬ

Арышъ, шъо, сшыхэу шІу слъэгъухэу, нэкІэ слъэгъунхэу сызфалІэхэрэм, сигушІуагъори ситанджыри* шъоры. ПІІу слъэгъухэрэр, Зиусхьаныр шъугухэм зэрарылъым пае, гъогу занкІэм пытэу шъутетын фае.

4:1 тандж – зэпэчъэнымкІэ е бэнэнымкІэ текІоныгъэр къэзыхьырэм фагъэшъуашэщтыгъэр ары.

 

Аужырэ Іофхэу Паул шІошъхъуныгъэ зиІэхэу Филиппи дэсхэм агуригъаІохэрэр

23иусхьаныр агухэм зэрарылъым пае, бзылъфыгъэхэу Еводиерэ Синтихиерэ зы гупшысакІэ хъунхэу сялъэІу. 3O, къыздэлажьэрэ ныбджэгъу шъыпкъ, ахэмэ уадэІэпыІэнэу сыолъэІу. Ахэри къэбарышІур цІыфхэм язгъэІунымкІэ къыздэлэжьагъэх, Климентрэ адрэ къыздэлажьэхэрэмрэ ягъусэхэу. Ахэмэ ацІэхэр мыкІодыжьын щыІэныгъэ зыгъотыщт цІыфхэм ацІэхэр зэрыт тхылъым итых.

4Шъо, Зиусхьаныр зыгу илъхэр, шъугушІо зэпыт. Джыри зэ шъосэІожьы: шъугушІу. 5Шъуигушъэбагъэ цІыф пстэуми нафэ афэрэхъу. Зиусхьаныр дунаем къызыкІожьыщт мафэр къэблэгъагъ. 6Сыд щыщми зешъумыгъэгъап, ау сыд щыщырэ ІофкІи Тхьэм шъуелъэІузэ, щытхъу фэшъушІызэ, шъуиІэпыІэгъу хъунэуи шъуелъэІузэ, шъуищыкІагъэхэр ежъугъашІэх. 7ЕтІанэ Тхьэм ыдэжь къикІырэ гупсэфыныгъэу цІыфхэм къагурыІошъущтым нахьи, бэкІэ нахь иным шъугухэри шъуигупшысэхэри Христос Исус шъугухэм зэрарылъым пае къыухъумэщтых.

8Аужыпкъэм, сшыхэр, сыд Іофи шъыпкъэу щытми, сыд Іофи лъытэныгъэ ифэшъуашэми, сыд Іофи зафэу щытми, сыд Іофи къабзэу щытми, сыд Іофи шъугу зэІурэми, сыд Іофи гуапэу щытми, сыд Іофи хэбзэшІу хэлъми, сыд Іофи щытхъу ифэшъуашэми, ащ фэдэ Іофхэм шъуягупшыс. 9Іофхэу сэ шъозгъэшІагъэхэри, къышъуфэзгъэнагъэхэри, сэ къасІохэу зэхэшъухыгъэхэри, сэ сшІэхэу шъулъэгъугъэхэри жъугъэцакІэх. Ащыгъум гупсэфыныгъэ къытэзытырэ Тхьэр шъуигъусэ зэпытыщт.

ШІошъхъуныгъэ зиІэхэу Филиппи дэсхэм тынэу къыратыгъэм пае, Паул щытхъу зэрафишІырэр

10Джыри зэ сэ шъукъызэрэсэгугъужьыгъэм пае, Зиусхьаныр сыгу илъэу, лъэшэу гопэшхо сиІэ хъугъэ. ЫпэкІи шъукъысфэгумэкІыщтыгъ, ау шъукъыздэІэпыІэнэу игъо шъуфифагъэп. 11ЩыкІагъэ горэ зэрэсиІэр арэп арэущтэу зыкІасІорэр, сыда пІомэ сэ сыд къысэхъулІэми

 

сырырэзэнэу зызгъэсагъ. 12ТхьамыкІагъом сыхэтынри, баиныгъэм сыхэтынри зыфэдэр сэшІэ. СышхэкІыгъэми, мэлакІэ сэлІэми, сыбаими, сытхьамыкІэми, сыдигъуи, сыд къысэхъулІэми, сырырэзэнэу зызгъэсагъ. 13Исус Христосэу сэзыгъэлъэкІырэм ыкІуачІэкІэ зэкІэ сшІэн слъэкІыщт.

14Ау щытми, гузэжъогъоу сызхэтымкІэ гъусэ шъукъызэрэсфэхъугъэр дэгъоу шъушІагъэ. 15Шъо, Филипп къалэм дэсхэм, зэрэшъушІэрэмкІэ, къэбарышІур згъэІунэу сыублагъэу Македоние хэкум* сыкъызекІым, ІэпыІэгъу хъунымрэ ІэпыІэгъум ипэгъокІ гъотыжьынымрэ яІофкІэ шъощ нэмыкІэу чылыс зэІукІэмэ ащыщэу зи гъусэ къысфэхъугъэп. 16Фессалоникэ къалэм* сызыщэІэм, сищыкІагъэхэр заулэрэ шъуилІыкІохэм къысфяжъугъэхьыгъэх. 17Ар зыкІасІорэр шъуитын сехъуапсэу арэп, ау шъуитын ипэгъокІ фэдэу шІу зэрэжъугъотыныр ары. 18Шъуитын пстэури къысІэкІэхьагъ, сфырикъуным нахьыби сиІэ хъугъэ. Епафродит* къысфежъугъэхьыгъэ тынхэр къысІэкІэхьагъэхэшъ, щыкІагъэ зи сиІэп. Ахэр Тхьэм ыдэрэ къурмэныпхъэу, ыгу зэІоу, мэІэшІу къызпихырэм фэдэх. 19Си Тхьэ ибаиныгъэшхоу щытхъушхо зиІэм фэшъуашэу шъуищыкІагъэхэр зэкІэ Христос къышъуригъэтыщт.

20Тхьэу Тятэ лъапІэ мыкІодыжьын щытхъушхор ий. Амин.

Аужырэ шІуфэс гущыІэхэр

21Тхьэм ицІыф лъапІэхэу, Христос Исус зыгу илъхэм аІапІэ сфэшъуубытыжь. Сигъусэ сшыхэм шІуфэс къышъуахыжьы. 22Тхьэм ицІыф лъапІэхэм зэкІэмэ шІуфэс къышъуахыжьы, анахьэу Кайсарым иунэшхо щыщхэр ары.

233иусхьанэу Исус Христос ынэшІу шъо шъугухэм къащерэф. Амин.

4:15 Македоние хэкур – еплъ 1:1.

4:16 Фессалоникэ къалэр – Македоние хэкоу Рим къэралыгъошхом щыщым икъэлэшхоу щытыгъ.

4:18 Епафродит – еплъ 2:25.

19 Colossians / Колоссэ

01

АПОСТОЛ ПАУЛ ШЮШЪХЪУНЫГЪЭ

ЗИІЭХЭУ КОЛОССЭ КЪАЛЭМ ДЭСХЭМ

ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул. Тхьэр фэягъэти, Исус Христос иапостолэу сыхъугъ. Тшы Тимофей* сигъусэу, 2шъо, Тхьэм ицІыф лъапІэхэу, Колоссэ къалэм* дэсхэу, Христос зыгу илъхэу, ежьым фэшъыпкъэу щыт тшыхэм, мы тхылъыр къышъуфэсэтхы.

3Тхьэу Тятэ лъапІэрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

ШІошъхъуныгъэ зиІэхэу Колоссэ дэсхэм апае Паул Тхьэм щытхъу зэрэфишІырэр

Тхьэм тышъуфелъэІу къэси, Тхьэу ти Зиусхьанэу Исус Христос Ятэ щытхъу фэтэшІы, 4сыда пІомэ, Христос ИсускІэ шІошъхъуныгъэу шъуиІэмрэ, шІулъэгъуныгъэу

1:1 Тимофей – Паул дэлажьэу, игъогогъухэм ащыщыгъ. Еплъ Апостол. 16:1-3.

1:2 Колоссэ къалэр – Асие хэкоу Рим къэралыгъошхом щыщым итыгъ. А хэкур джырэ Тыркуем итыгъэ къохьэпІэ лъэныкъо итыгъ. Колоссэ къалэр а хэкум икъэлэшхоу Ефес зыцІэм километр 175-кІэ пэчыжьэу, итемыр тыгъэ къыкъокІыпІэ лъэныкъокІэ итыгъ.

 

Тхьэм ицІыф лъэпІэ пстэуми афышъуиІэмрэ якъэбар зэхэтхыгъэ. 5Ащ фэдэ шІошъхъуныгъэмрэ шІулъэгъуныгъэмрэ зыкІышъуиІэр ІэхьышІоу Тхьэм уашъом къыщышъуфигъэхьазырыгъэр къызэрэшъуитыщтым шъущыгугъэу, шъузэрэпаплъэрэр ары. КъэбарышІоу къышъонэсыгъэм игущыІэ шъыпкъэхэмкІэ Тхьэм шІугъэу къышъуфигъэхьазырыгъэм икъэбар зэхэшъухыгъэ. 6Дунэе пстэумкІи къэбарышІум шІугъэ къыхэкІы, цІыф нахьыбэми анэсы зэпыт. Арэущтэу шъуадэжьи щыхъугъ, къэбарышІур зэхэшъухи, Тхьэм ынэшІу щыфэныгъэр шъыпкъэу къызыжъугурыІогъэ мафэм щегъэжьагъэу. 7ШІу тлъэгъурэ Епафрасэу* къыддэлажьэрэм къэбарышІур шъуигъэшІагъ. Ащ ишІуагъэ къышъуигъэкІэу шъыпкъагъэкІэ Христос фэлажьэ. 8Ащ шъуишІулъэгъуныгъэу Тхьэм Ыпсэ ЛъапІэ ыдэжь къикІырэм икъэбари къытиІотагъ.

9Арышъ, шъо шъуикъэбар зызэхэтхыгъэ мафэм щегъэжьагъэу, Тхьэм тышъуфелъэІунэу хэтынэжьыгъэп. Тхьэр зыфаер икъугъэу къыжъугуригъэІонэуи, Ыпсэ ЛъапІэ ыдэжь къикІырэ зэхэшІыкІыныгъэрэ гулъытэныгъэрэ зэкІэ шъуиІэнэу телъэІу. 10Ащыгъум лъэныкъо пстэумкІи Зиусхьаным ыгу къызэжъугъэІоу, ежьым шъуфэшъуашэу шъузекІощт. ШъушІэрэ Іоф дэгъу пстэуми шІугъэ къахэкІыщт, Тхьэри нахьышІоу шъушІэ зэпытыщт. 11Сыд щыщымкІи теубытэныгъэрэ щыІагъэрэ шъуиІэнэу Тхьэм щытхъушхо зиІэ лъэкІыныгъэу иІэмкІэ зэкІэ шъугухэр ыгъэпытэнхэу орэхъу. 12ГушІуагъокІи Тхьэу Ты лъапІэм щытхъу фэшъушІ. Нэфынэр зыдэщыІэ чІыпІэм* Тхьэм ежь ицІыф лъапІэхэм ІэхьышІоу афигъэхьазырыгъэмкІэ шъори Іахьэ къышъулъысынэу къышъуфигъэшъошагъ. 13ШІункІыгъэм итетыгъо ыІэчІэгъ тыкъычІихыжьи, Ыкъоу шІу ылъэгъурэм итетыгъо ыІэчІэгъ тычІигъэуцуагъ. 14Ыкъу ары лъэу къащым щыкІэкІыгъэмкІэ тэ тшъхьэхэр зыщэфыжьыгъэр, типсэкІодхэри къытфэзыгъэгъугъэр.

Христос Тхьэм къыгъэхъугъэ пстэуми апшъэ щыІ

15Христос Тхьэу цІыфхэм амылъэгъурэм ишъо теплъэ иІ. Джары Тхьэм къыгъэхъугъэ пстэуми апшъэ щыІэу

1:7 Епафрас – Колоссэ къалэм щыІэ чылыс зэІукІэр зэхэзыщагъэр ары. 1:12 нэфынэр зыдэщыІэ чІыпІэр – Тхьэм и Тетыгъошхо ары.

 

ЫкъокІэ заджэрэр. 16Тхьэм Христос зэкІэри къыригъэгъэхъугъ, уашъоми чІылъэми щыІэ пстэури, цІыфхэм алъэгъурэ Іофхэри, амылъэгъурэ Іофхэри, пачъыхьэ тІысыпІэхэм тетІысхьэхэрэри, пащэхэри, Іэшъхьэтетхэри, тетыгъо зиІэхэри Тхьэм ежь Ыкъо зэкІэри къыригъэгъэхъугъ, Ыкъо ищытхъушхо паий щыІэх. 17Ахэр зэкІэ зыщэмыІэхэм, Къо лъапІэр щыІагъ. Ежьыми зэкІэ зэкІеубытэ. 18Пкъэу чылыс зэІукІэм ышъхьэр ежьыр ары. Ежьыр ары чылыс зэІукІэр зэтезыгъэуцуагъэр, апэрэу лІагъэхэм къахэтэджыкІыжьыгъэри ежьыр ары. Арэущтэу зэкІэмкІи апэрэр ежьыр ары. 19Сыда пІомэ Тхьэм игъоу ылъытагъэти, ищытыкІэ зэкІэ Ыкъо хэлъ хъугъэ. 20Лъэу Ыкъо къащым щыкІэкІыгъэмкІэ Тхьэм зэшІужьыныгъэ ыгъэхъузэ, Іофэу Ыкъо ышІагъэмкІэ чІылъэми уашъоми щыІэр зэкІэ ежьым ешІужьыгъэу ыгъэхъунэу игъоу ылъытагъ.

21Пасэм Тхьэм бэу шъупэчыжьэу шъущытыгъагъ. ШъугухэмкІэ шъурипыеу бзэджагъэхэр шъушІэщтыгъэх. 22Ау шъугухэр къабзэхэу, лажьэ зи шъуимыІэу, зыми шъузэригъэмысэн зи щымыІэу, Тхьэм ежь ыпашъхьэ шъуригъэуцоным пае, Христос лымрэ лъымрэ къахэхъукІыгъэ пкъы иІэу зэрэлІагъэмкІэ джы ежь ышъхьэкІэ шъуешІужьыгъэу шъуигъэхъугъ. 23Ау шъуиІэхьышІу хъун Іофхэу къэбарышІоу зэхэшъухыгъэм шъузщигъэгугъыгъэхэм зыми зыхешъумыгъэгъэнэу, шІошъхъуныгъэм игъогу шъутемыкІэу шъыпкъагъэкІэ шъурыкІон фае. Тхьэм фэлажьэхэрэм а къэбарышІур ошъо чІэгъым щыпсэурэ цІыф пстэуми арагъэІугъ. Сэ, Паул, а къэбарышІум сыфэлажьэ.

Паул чылыс зэІукІэм зэрэфэлажьэрэр

24Джы сэ сишІуагъэ шъозгъэкІызэ, къин сщэчми, сэгушІо, сыда пІомэ гузэжъогъухэу Христос ыпкъэу чылыс зэІукІэм сишІуагъэ езгъэкІыным пае, сшэчынхэу къысфигъэнэфагъэхэр джы сэ спкъыкІэ исэгъэкъух. 25Тхьэм Іофэу спшъэ къырилъхьагъэм тетэу, Тхьэм икъэбарышІу икъугъэу шъозгъэІуным пае, чылыс зэІукІэхэм сафэлажьэ. 26А къэбарышІур блэкІыгъэ лъэхъанэхэмрэ лІэшІэгъухэмрэ* ащегъэжьагъэу шъэфым фэдэу Тхьэм цІыф-

1:26 лІэшІэгьу – илъэсишъэ мэхъу.

 

хэм аримыгъэшІагъэу щытыгъ. Мы уахътэм Тхьэм а шъэфыр ицІыф лъапІэхэм афигъэнэфагъ. 27Хымэ лъэпкъхэм щытхъушхо гъэшІэгъонэу а шъэфым афыхэлъыр Тхьэм ицІыф лъапІэхэм аригъэшІэнэу игъоу ылъытагъ. А шъэфыр мары: Христос шъугухэм арылъ, ар шъугухэм зэрарылъым паий, щытхъушхо шъуиІэ зэрэхъущтым шъущыгугъэу, шъупэплъэ.

28Арэущтэу Христос ехьылІэгъэ къэбарыр тэгъэІу. Хэтрэ цІыфи ыгу Христос илъэу, зишъыпкъагъэ щыкІагъэ зи зимыІэ цІыф икъугъэу Тхьэм ыпашъхьэ идгъэуцоным пае, зэкІэ зэхэшІыкІыныгъэмкІэ гурытэгъаІо ыкІи етэгъашІэ. 29Ар згъэцэкІэным пае, Христос зэкІэ лъэкІыныгъэу лъэшэу къысхилъхьагъэмкІэ сишъыпкъэу сэлажьэ ыкІи сэулэу.

02

ЯТЮНЭРЭШЪХЬ

Шъощ паий, Лаодикие къалэм* дэсхэу шІошъхъуныгъэ зиІэхэм апаий, сэ сынапэ зымылъэгъугъэ пстэуми апаий лъэшэу сызэрэлажьэрэр шъозгъэшІэнэу сыфай. 2Лъэшэу сызфэлажьэрэр а цІыфхэр згъэгушхонхэуи, шІулъэгъуныгъэкІэ зыгу-зыпсэу хъунхэуи ары. Арэущтэу Тхьэм ишъэфэу Христос къашІэным пае, осэшхо зиІэ зэхэшІыкІыныгъэу икъугъэр яІэ хъущт. 3Осэшхо зиІэ зэхэшІыкІыныгъэшхо пстэумрэ шІэныгъэшхо пстэумрэ Христос хэлъых. 4Ар къызфышъуасІорэр тхьагъэпцІыгъэ гущыІэхэмкІэ зыми шъудимыхьыхынэу ары. 5Сэ спкъыкІэ шъуадэжь сыщымыІэми, сыгурэ спсэрэкІэ шъуадэжь сыщыІ. ГъэпсыкІэшІоу шъуиІэри ХристоскІэ шІошъхъуныгъэу шъуиІэм ипытагъи зыслъэгъукІэ, сэгушІо.

Христос щыІэныгъэ икъугъэр къызэрэтитырэр

6Христос Исус Зиусхьанэу зэрэшъудагъэм пае, ар шъугухэм арылъэу шъузекІу. 7Шъулъапсэхэр Христос хэжъугъэлъых, шъуищыІэныгъи ащ тежъугъэт. Зэрэшъодгъэ-

2:1 Лаодикие къалэр – Колоссэ къалэм километрэ 17-кІэ пэчыжьэу итыгъэ къохьапІэ лъэныкъомкІэ итыгъ.

 

шІагъэм фэдэу, ежьымкІэ шІошъхъуныгъэ пытэ шъуиІэу, щытхъу фэшъушІ зэпыт.

8Шъуфэсакъ, мы дунаем изэхэшІыкІыныгъэ нэкІэу, цІыфхэр зыгъапцІэрэмкІэ зыми зыдешъумыгъэхьых. Ащ фэдэ зэхэшІыкІыныгъэр къызхэкІырэр Христос арэп, тятэжъхэм къакІэныжьыгъэ хабзэхэмрэ мы дунаем ехьылІагъэу цІыфхэм къызэрыкІо гурыІоныгъэхэу яІэхэмрэ ары нахь.

9Сыда пІомэ Тхьэм ищытыкІэ зэкІэ Христос ыпкъ хэлъ. 10Христос шъугухэм зэрарылъымкІэ ежьым ищыІэныгъэ икъугъэу къышъухэлъ. Ежьыр зэкІэ Іэшъхьэтетхэмрэ тетыгъо зиІэхэмрэ апшъэ щыІ. 11Ежьыр шъугухэм зэрарылъым пае, сунэт шъуашІыгъэм фэд. Ар цІыфхэм ІэкІэ ашІыгъэ сунэтэу щытэп. Ар къызпкъырыкІыгъэр Христос ары. Ар зыхъугъэр Христос шъуипсэкІодышІэ шэныжъ зыхышъуигъэнэжьыгъэ мафэр ары. 12Шъузаумэхъым, Христос шъуригъусэу шъучІалъхьажьыгъэм фэд. Шъузаумэхъым дэжь, Тхьэу Исус лІагъэхэм къахэзыгъэтэджыкІыжьыгъэм илъэкІыныгъэкІэ шІошъхъуныгъэ шъуиІэ зэрэхъугъэм пае, Тхьэм Христос шъуригъусэу лІагъэхэм шъукъахигъэтэджыкІыжьыгъэм фэд.

13ПсэкІодхэр зэрэшъушІагъэхэм ыкІи шъугухэмкІэ сунэт шъузэрамышІыгъэм пае, лІагъэхэм шъуафэдэу шъущытыгъагъ, ау Тхьэм Христос шъуригъусэу шъуигъэпсэужьыгъ. Тхьэм типсэкІодхэр зэкІэ къытфигъэгъугъэх. 14ТичІыфэхэу унашъохэр зигъусэхэр зэрыт тхылъым илъэкІыныгъэ Тхьэм ыгъэкІодыгъ. А тхылъыр къытпэуцугъ, ау Тхьэм ар Христос икъащ тыриІулІэу, лъэныкъокІэ ригъэзыгъ. 15Христос къащым зыкІэрылІыхьэм, джынэпцІэ Іэшъхьэтетхэмрэ джынэпцІэ тетыгъо зиІэхэмрэ ялъэкІыныгъэ аІихыжьи, ахэмэ зэратекІуагъэр шъхьэихыгъэу къыщигъэлъагъоу, анапэ тырихыгъ.

16Арышъ, шъушхырэмрэ шъузашъорэмрэ яхьылІагъэуи, мэфэкІ мэфэшхом, мэзакІэ мэфэшхом, зыгъэпсэфыгъо мафэм ягъэлъэпІэным ехьылІагъэуи зыгорэм хьыкум къышъутыришІыхьанэу фит шъумышІы. 17А Іоф пстэури къэкІонэу щытыгъэ Іофхэм яжьау ныІэп, ау жьаур зиер Христос ары. 18Шъо шъушъхьэ егъэлыягъэу жъугъэцІыкІун фаеуи, мэлэІичхэр жъугъэлъэпІэнхэ фаеуи зыІорэм

 

зыдешъумыгъэхьых. Ащ фэдэ цІыфым Тхьэм Іофхэу къыригъэлъэгъугъэу зыфиІохэрэм атегущыІэ зэпытэу, мы дунаем ицІыфхэм ягупшысакІэ зэриІэм пае, хьаулыеу зышІошІыжьы. 19Ащ фэдэ цІыфыр Христосэу шъхьэу щытым гъусэ фэхъурэп. Шъхьэр ары пкъыр зэзыпхэу, щыІэхэмкІи фэхыгъэхэмкІи пкъым зэкІэм кІуачІэ езыгъэгъотэу, ар зэкІэзыубытэрэр. Арэущтэу Тхьэр зэрэфаем фэдэу пкъым хэхъо.

20Христос шъуригъусэу шъулІагъэм фэд, цІыфхэм къызэрыкІо гурыІоныгъэхэу мы дунаем ехьылІагъэу яІэхэми тетыгъо къышъуфыряІэжьэп. Адэ, Іофыр арэущтэу щытышъ, мы дунаем ицІыфхэм шъуащыщэу шъущытыгъэм фэдэу шъузекІоу, мыщ фэдэ унашъохэм сыд пае шъуядэІура: 21«Мы шхыным уемыІ!» «Мыр умышхы!» «Мыщ унэмыс!»? 22Ащ фэдэ унашъохэр зэхьылІагъэхэр шхынхэу цІыфхэм къызэраІэкІахьэу, кІодыжьхэрэр ары. А унашъохэр цІыфмэ ашІыгъэ унашъохэу, нэмыкІ цІыфхэм арагъашІэхэрэр ары. 23ЦІыфхэм къин ащэчызэ, Тхьэр агъэлъэпІэнэуи, ашъхьэ егъэлыягъэу агъэцІыкІунэуи, апкъыхэм къин арагъэщэчынэуи а унашъохэм зэрэрагъэзхэрэм пае, зэхэшІыкІыныгъэ ахэлъэу теплъэ яІ, ау пкІэ яІэп. Сыда пІомэ Іоф мыхъомышІэхэу цІыфхэм агу зыкІэхъопсыхэрэм апэуцунхэу ІэпыІэгъу афэхъунхэ алъэкІырэпышъ ары.

03

ЯЩЭНЭРЭШЪХЬ

Тхьэм шъо Христос шъуригъусэу лІагъэхэм шъукъахигъэтэджыкІыжьыгъэм фэд. Арышъ, уашъоу Тхьэм иджабгъукІэ госэу Христос зыдэщыІэм иІофхэм ауж шъуит. 2Мы дунаем иІофхэм шъуямыгупшысэу, уашъом иІофхэм шъуягупшыс. 3Сыда пІомэ шъо шъулІагъэм фэд, шъуищыІэныгъэ шъыпкъи мыкІодэу, Тхьэр зыдэщыІэм дэжь Христос къышъуфегъэнэжьы. 4Христосэу тищыІэныгъэшІу шъыпкъэу щытыр къызылъагъокІэ, шъори ащ шъуригъусэу щытхъушхо шъуиІэу шъукъэлъэгъощт.

5Арышъ, шъуишэныжъ бзаджэ иІофхэр жъугъэкІодых: Зинэ шІэнри, гумыкъэбзагъэри, хъопсэныгъэ мыхъомышІэхэри, хъопсэныгъэ Іаехэри, нэйпсыягъэри -

 

нэйпсыягъэр тхьэ нэпцІ гъэлъэпІэным фэдэу мэхъу. 6Ащ фэдэ Іофхэм апае Тхьэм емыдэІухэрэм игубж къалъигъэсыщт. 7А цІыфхэм шъузягъусэм, шъори ащ фэдэ Іофхэм шъуапылъыщтыгъ. 8Ау джы мыщ фэдэ Іофхэр зэкІэ хэжъунэжьынхэ фае: губжынри, къызэкІэплъыхьанри, бзэджагъэри, нэмыкІ цІыфхэм ІэягъэкІэ атегущыІэнри, емыкІу гущыІэнри. 9ШъузэрэмыгъэпцІэжь, сыда пІомэ шъуишэныжъ бзаджэ иІофхэр игъусэхэу хэшъунэжьи, 10шэнышІукІэр шъуашэм фэдэу зэшъущэкІыгъ. Тхьэу а шэнышІур къэзыгъэхъугъэм ежьым ишэн фэдэу хъоу, ар егъэкІэжьы зэпыт, ежьыр зыфэдэр шъыпкъэу зэжъугъэшІэным пае. 11Арышъ, цІыф зэхэдзыныгъэ азыфагу зи дэмылъэу, урымри, джуртри, сунэт ашІыгъэу щытри щымытри, хымэри, Скиф* хэкум щыщри, пщылІри, шъхьафитри зэфэдэх. Христос зэкІэмэ апшъэ щыІ, ежьыри шъо зэкІэми шъугухэм арылъ.

12Шъо, гукъэбзагъэ зиІэхэу, Тхьэм къыхихыгъэ цІыфхэу, ежьым шІу ылъэгъухэрэм, гукІэгъуныгъэри, шІугъэри, мыпэгэныгъэри, гушъэбагъэри, щыІагъэри шъугухэм арыжъугъэлъых. 133ым зыр ерэщыІ, зым зым гукъанэ горэ фыриІэмэ, зэфэжъугъэгъу. Христос къызэрэшъуфигъэгъугъэм фэдэу, шъори зэфэжъугъэгъу. 14ЗэкІэмэ апэу шІулъэгъуныгъэр шъугухэм арыжъугъэлъ. ШІулъэгъуныгъэр ары зы шъущытынэуи, зишъыпкъагъэ щыкІагъэ зи зимыІэ цІыф икъугъэхэу шъухъунэуи шъо зэкІэ шъузэзыпхырэр.

15Христос къышъуитырэ гупсэфыныгъэр шъугухэм тетыгъор ащыриІэнэу орэхъу. Зы пкъым шъуфэдэу а гупсэфыныгъэр шъуиІэнэу Тхьэр къышъоджагъ. Ежьыми щытхъу фэшъушІ. 16Христос игущыІэхэр шъугухэм куоу арыжъугъэлъ зэпыт. ЗэхэшІыкІыныгъэмкІэ зэкІэ зым зым рерэгъашІ ыкІи гурерэгъаІу. ШъугухэмкІи Зиусхьаным щытхъу фэшъушІэу, орэдхэри, тхьэщытхъу орэдхэри, Тхьэм Ыпсэ ЛъапІэ шъугухэм къарилъхьэрэ орэдхэри Тхьэм пае къашъуІох. 173иусхьанэу Исус ыцІэкІэ Тхьэу Ты лъапІэм щытхъу фэшъушІызэ, сыд шъушІэми, сыд къашъуІоми, Исус ыцІэкІэ ар шъушІэ.

3:11 Скиф цІыфхэр – лъэпкъ Іэл гор.

 

ШІошъхъуныгъэ зиІэ унагъохэм язекІуакІ

18Шъо, шъузхэр, шъуилІыхэм шъуафэІорышІ, Зиусхьаныр зыгу илъ цІыфхэм зэряфэшъуашэм фэдэу.

19Шъо, лІыхэр, шъуащыщэу хэти ишъуз шІу ылъэгъун фае, фэмыпхъашэуи щытын фае.

20Шъо, бынхэр, шъуятэ шъуянэхэм зэкІэмкІи шъуядэІу, сыда пІомэ ар Зиусхьаным игъоу елъытэ.

21Шъо, тыхэри, шъуибынхэр шъумыгъэгубжых, агу мыкІодыным пае.

22Шъо, унэІутхэр, мы дунаемкІэ шъуитхьаматэхэм зэкІэмкІи шъуядэІу. ШъуядэІу сэІо, ау агу къызэдгъэІун шъуІоу, анэхэмкІэ гъунэ къызэрэшъулъафырэм ыдэжь изакъоп, ау Тхьэм ищынагъо шъугухэм зэрарылъым пае, сыдигъуи шъугу етыгъэу шъуафэлажь. 23Сыд шъушІэми, цІыфхэм зэрафашъушІэрэм фэдэу орэмыхъу, ау Зиусхьаным зэрэфашъушІэрэм фэдэу, шъугу етыгъэу шъушІэ, 24сыда пІомэ Зиусхьаным ицІыфхэм афигъэхьазырыгъэ ІэхьышІур шъо Іофэу шъушІагъэм пае, къызэрэшъулъысыщтыр шъошІэшъ ары. Зиусхьанэу Христос ары шъузфэлажьэрэр. 25Тхьэм бзэджагъэ зышІэрэм ибзэджагъэ ригъэпщыныжьыщт; сыда пІомэ Зиусхьаныр цІыфхэм ятеплъэ емыплъэу, цІыф пстэури изэфэдэхэу щытых.

04

ЯПЛІЭНЭРЭШЪХЬ

Шъо, тхьаматэхэр, уашъомкІэ шъори Зиусхьан зэрэшъуиІэр шъошІэшъ, шъуиунэІутхэм шъузэрадэзекІон фаем тетэуи зафэуи шъуадэзекІу.

Аужырэ Іофхэу Паул шІошъхъуныгъэ зиІэхэу Колоссэ дэсхэм агуригъаІохэрэр

2Тхьэм шъуелъэІу зэпыт. Тхьэм шъуелъэІу зыхъукІэ, шъумычъыеу шъусакъ, Тхьэм ищытхъуи шъушІы. 3Тхьэм тэри шъукъытфелъэІу. Христос ехьылІэгъэ Іоф шъэф-

 

хэр* цІыфмэ ядгъэІушъуным фэшІ, къэбарышІум пае пчъэр тфыІуихынэу Тхьэм шъуелъэІу. А къэбарышІур цІыфхэм зэрязгъэІугъэр ары хьапсым сычІадзагъэу сызкІычІэсыр. 4ЗэрэзгъэІун фаем фэдэу, а къэбарышІур цІыфхэм нафэу язгъэІушъунэу Тхьэм шъукъысфелъэІу. 5Игъор блъэшъумыгъэкІэу, зэхэшІыкІыныгъэкІэ шъущымыщ цІыфхэм шъуадэзекІу. 6ГущыІэ мыщыухэр ахэмылъхэу, шъуигущыІэхэр орэгуапэх. Хэти пэгъокІ зэрешъутын фаер зэжъугъашІэ.

Аужырэ шІуфэс гущыІэхэр

7ШІу тлъэгъурэ тшы Тихик* сикъэбархэр зэкІэ шъуигъэшІэщтых. Ар Зиусхьаным иІофкІэ шъыпкъагъэкІэ ІэпыІэгъоу щыт ыкІи къыддэлажьэ. 8Мы Іоф дэдэу тиІофхэр зытетхэр шъуигъэшІэнри шъуигъэгушхонри ары Тихик шъуадэжь къызфэзгъакІорэр*. 9Ащ игъусэу Онесимэу* тызщыгугъышъунэу ыкІи шІу тлъэгъурэ тшыр къэсэгъакІо. Ар шъуицІыфхэм ащыщ. ИтІум мыщ дэжьым къыщыхъугъэ Іоф пстэури шъуагъэшІэщт.

10Аристархэу* хьапсым къыздычІэсым шІуфэс къышъуехыжьы. Варнавэ* иунэкъощ Марк* шІуфэс къышъуехыжь. Марк ехьылІагъэу унашъо сэ къышъуфэсшІыгъ: Шъуадэжь къакІомэ, дахэу ежъугъэблагъ. 11Исусэу ИусткІэ заджэхэрэми шІуфэс къышъуехыжьы. Тхьэм и Тетыгъошхо пае къыздэлажьэрэ цІыфхэм джуртхэу ахэтхэр ахэр ары ныІэп. Ахэмэ инэу сагъэгушхуагъ. 12Епафрасэу*

4:3 Христос ехьылІэгъэ Іоф шъэфхэр – еплъ 1:26,27; 2:2.

4:7 Тихик – Паул дэлажьэу, игъогогъухэм ащыщыгъ. Апостол. 20:4 зэритым фэдэу, ар Асие хэкум щыщыгъ. Еплъ Ефес. 6:21; 2 Тим. 4:12; Тит 3:12;

4:8 Тихик шъуадэжь къызфэзгъакІорэр – Тихик мы тхылъэу Паул ытхыгъэр Колоссэ дэсхэу шІошъхъуныгъэ зиІэхэм афихьын фэягъ.

4:9 Онесим – еплъ Филемон.

4:10 Аристарх – Паул дэлажьэу, игъогогъухэм ащыщыгъ. Аристарх Фессалоникэ къалэм щыщыгъ.

4:10 Варнавэ – Христиан тхьаматэ инхэм ащыщыгъ. Паул иІоф зыщишІэгъэ апэрэ илъэсхэм Варнавэ ащ игъогогъоу щытыгъ. Еплъ Апостол. 4:36; 13:1-15:39.

4:10 Марк – Иуанэу МарккІэ заджэхэу Ерусалим щыщыгъэр ары. Еплъ Апостол. 12:12,25; 13:5,13.

 

шъуицІыфхэм ащыщэу, Христос Исус фэлажьэрэм шІуфэс къышъуехыжьы. Тхьэм игъогу пытэу шъутыригъэтынэуи, сыд фэдэ лъэныкъокІи ежь зыфэе Іоф пстэури зыфэдэхэр икъугъэу шъуигъэшІэнхэуи Епафрас ишъыпкъэу къышъуфелъэІу зэпыт. 13Епафрас инэу шъо къызэрэшъуфэлажьэрэмкІи, тшыхэу Лаодикиерэ* Иераполрэ* къалэхэм адэсхэм инэу зэрафэлажьэрэмкІи сыришыхьат. 14ТиІазэ Лукэу* шІу тлъэгъурэмрэ Димасрэ шІуфэс къышъуахыжьы. 15Лаодикие дэс тшыхэми, Нимфани, ащ иунэ щызэрэІугъоирэ чылыс зэІукІэм щыщхэми аІапІэ сфэшъуубытыжь.

16Мы тхылъым шъузеджэрэ ужым, Лаодикие щыІэ чылыс зэІукІэм щыщхэри мы тхылъым ерэджэх. Шъори Лаодикие щыІэ чылыс зэІукІэм щыщхэм ситхылъэу къышъуфарагъэхьыщтым шъуедж.

17«Зиусхьаным о ппшъэ къырилъхьэгъэ Іофыр гъэцакІэ», шъуІуи, Архипп* сфешъуІожь.

18Сэ, Паул, мы шІуфэс гущыІэхэр сІэкІэ сэтхых. Мы Іэхъу-лъэхъоу къыстыралъхьагъэр зыщышъумыгъэгъупшэжь. Христос ынэшІу шъо пстэуми къышъущерэф. Амин.

4:12 Епафрас – еплъ 1:7.

4:13 Лаодикие къалэр – еплъ 2:1.

4:13 Иерапол къалэр – Колоссэ къалэм километрэ 20-кІэ пэчыжьэу, итемыр тыгъэ къохьэпІэ лъэныкъокІэ итыгъ.

4:14 Лукъэ – Паул игъогогъоу бэрэ щытыгъ.

4:17 Архипп – еплъ Филемон 2.

20 1.Thessalonians / 1 Фессалоникэ

01

АПОСТОЛ ПАУЛ ШЮШЪХЪУНЫГЪЭ

ЗИІЭХЭУФЕССАЛОНИКЭКЪАЛЭМ ДЭСХЭМ

АПЭРЭ ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул. Силуанрэ* Тимофейрэ* сигъусэхэу, шъо, Тхьэу Ты лъапІэмрэ Зиусхьанэу Исус Христосрэ зиехэу, Фессалоникэ къалэм* щыІэ чылыс зэІукІэм щыщхэм, мы тхылъыр къышъуфэсэтхы.

Тхьэу Ты лъапІэмрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

1:1 Силуан – Паул дэлажьэу, игъогогъухэм ащыщыгъ. Еплъ Апостол. 15:22-18:5.

1:1 Тимофей – еплъ Кол. 1:1.

1:1 Фессалоникэ къалэр – Македоние хэкоу Рим къэралыгъошхом щыщым икъэлэшхоу щытыгъ. Апэрэу Паул а къалэм зэрэкІуагъэм икъэбар Апостол. 17:1-9 ит.

 

Паул шІошъхъуныгъэ зиІэхэу Фессалоникэ дэсхэм апае Тхьэм щытхъу зэрэфишІырэр

2Шъо пстэуми апае Тхьэм щытхъу фэтэшІы зэпыт, Тхьэм тызелъэІукІи, шъуигугъу тэшІы. 3Ти Тхьэу Ты лъапІэм ыпашъхьэ шъуишІошъхъуныгъэ шІушІагъэхэр шъуигъэшІагъэхэу зэрэщытым игугъу щэтэшІы зэпыт. ШъуишІулъэгъуныгъэ инэу шъуигъэлэжьагъэу зэрэщытми, ти Зиусхьанэу Исус Христос шъущыгугъэу шъузэрэпаплъэрэм пае, теубытэныгъэ шъуиІэ зэрэхъугъэми ягугъу Тхьэм ыпашъхьэ щэтэшІы зэпыт.

4Шъо, тшыхэу Тхьэм шІу ылъэгъухэрэр, Тхьэм ибын шъухъунэу шъукъызэрэхихыгъэр тэшІэ, 5сыда пІомэ къэбарышІур* къызэрышъодгъэІугъэр гущыІэхэм язакъоу арэп, кІуачІэкІи Тхьэм Ыпсэ ЛъапІэ илъэкІыныгъэкІи къэбарышІур къышъодгъэІугъэ нахь. Икъугъэуи къэбарышІур шъушІошъ дгъэхъугъэ. Тызышъухэтым, тишІуагъэ шъодгъэкІэу тызэрэзекІощтыгъэр шъошІэ. 6Тэ тилъэужхэми Зиусхьаным илъэужхэми шъо шъуарыкІощтыгъ. Сыда пІомэ гузэжъогъушхо шъухэтыгъэ пэтми, Тхьэм Ыпсэ ЛъапІэ гушІуагъоу шъугухэм къарилъхьагъэмкІэ Тхьэм игущыІэхэр шъудагъэх. 7Арэущтэу Македоние хэкумрэ* Ахаие хэкумрэ* арысхэу шІошъхъуныгъэ зиІэ цІыф пстэуми шапхъэ шъуафэхъугъ. 8Сыда пІомэ Зиусхьаным ехьылІэгъэ къэбарышІур шъуадэжь къикІэу зынэсыгъэхэр Македоние хэкумрэ Ахаие хэкумрэ язакъоп, ау ТхьэмкІэ шІошъхъуныгъэ шъуиІэ зэрэхъугъэм икъэбар тыдэкІи цІыфхэм щашІэ хъугъэ. Арышъ, а Іофым ехьылІагъэу цІыфхэм ащ нахьи нахьыбэ ятІон ищыкІагъэп, 9сыда пІомэ дахэу тызэрежъугъэблэгъагъэри, щыІэныгъэ зиІэ Тхьэ шъыпкъэм шъуфэлэжьэным пае, тхьэ нэпцІхэм шъуакІыб зэрафэжъугъэзагъэри ахэмэ къаІотэжьы. 10Тхьэм Ыкъоу лІагъэхэм къахигъэтэджыкІыжьыгъэр уашъом къызэрехыжьыщтым шъупэплъэ – Исусэу Тхьэм игубжэу къэкІощтым тыкъыІэкІэзыхыжьыщтыр ары.

1:5 къэбарышІур – еплъ 1 Кор. 9:14.

1:7 Македоние хэкур – Рим къэралыгъошхом щыщ хэкоу щытыгъ. А хэкур джырэ Грецием (Иунанистаным) итемыр Іахьэу щытыгъ.

1:7 Ахаие хэкур – Рим къэралыгъошхом щыщ хэкоу щытыгъ. Ар джырэ Грецием икъыблэ Іахьэу щытыгъ.

02

ЯТЮНЭРЭШЪХЬ

Паул Фессалоникэ Іофэу щишІагъэр

Шъуадэжь тыкъызэрэкІуагъэм пкІэ имыІэу зэрэмыхъугъэр шъошІэ. 2ЗэрэшъушІэрэм фэдэу, Филиппи къалэм* тызыщэІэм, цІыфхэм къиныбэ щытагъэщэчыщтыгъэми, къыщытэхъоныщтыгъэхэми, шъуадэжь цІыфыби къыщытпэуцущтыгъэхэми, Тхьэм тигъэгушхуи, ежь ыдэжь къикІырэ къэбарышІур шъодгъэІугъ. 3Сыда пІомэ къэбарышІур шъо шъушІошъ хъунэу тыкъызкІышъолъэІурэр Тхьэм ар дгъэІунэу тэ тпшъэ къызэрэрилъхьагъэр ары. Тыгъощагъэу щытэп, тыгухэри мыкъабзэу щытхэп, шъудгъэпцІэнэуи тыпылъэп. 4Ау Тхьэм а Іофыр дгъэцэкІэнэу къытфигъэшъуаши, къэбарышІур цІыфмэ ядгъэІунэу тэ тпшъэ къызэрэрилъхьагъэм пае, къэбарышІур къэтэІотэжьы. ЦІыфмэ агу къызэдгъэІунэу тыпылъэп, ау Тхьэу тыгухэм яшъыпкъагъэ зыгъэунэфырэм ыгу къызэдгъэІуныр ары тызпылъыр. 5ГъэшІобзэ нэпцІкІэ шъо тыкъышъупэгъокІэу зэрэщымытыгъэр шъошІэ, шъуишІуагъэ тэ къызэдгъэкІынэу гъэбылъыгъэ гухэлъи тиІагъэп. АщкІэ Тхьэр тишыхьат. 6Шъорми, нэмыкІ цІыфхэми щытхъу къызфядгъэшІынэу тыпылъыгъэп.

7Христос тыриапостолэу, тетыгъоу тиІэмкІи тыкъышъупэгъокІын тлъэкІыщтыгъэми, ныр исабыйхэм шІукІэ зэрадэзекІорэм фэдэу, тэри шІукІэ тыкъыжъудэзекІощтыгъ. 8Ащ фэдизэу шІу шъутлъэгъугъэти, Тхьэм ыдэжь къикІырэ къэбарышІур шъодгъэІун закъор арэп тызфэягъэр, тпсэ къышъуфэттынэуи тыфэягъ. Ащ фэдизэу шІу шъутлъэгъугъ. 9Тшыхэр, зыдгъэулэу зэрэщытыгъэри, къин тлъэгъоу тылажьэу зэрэщытыгъэри шъугу къэжъугъэкІыжь. Шъуащыщэу зыми хьылъэ тыфэмыхъуным пае, Тхьэм ыдэжь къикІырэ къэбарышІур къызышъотэгъэІум, чэщи мафи тылажьэщтыгъ.

103ыми тызэригъэмысэн зи щымыІэу, гукъэбзагъэкІи, шъыпкъагъэкІи, шъо, шІошъхъуныгъэ зиІэхэм, тышъухэтэу зэрэщытыгъэмкІэ шъутишыхьат, Тхьэри тишыхьат. 11Тыр ибын зэрэдэзекІорэм фэдэу, шъо шъуащыщэу хэти тыдэзекІоу зэрэщытыгъэр шъошІэ. 12Тхьэу зитеты-

2:2 Филиппи къалэр – еплъ Фил. 1:1.

 

гъошхо ыІэчІэгъ шъучІэхьанэуи, зищытхъушхокІэ Іахьэ шъуиІэнэуи къышъоджагъэм шъуфэшъуашэу шъузекІонэу къыжъугурыдгъэІуагъ, шъудгъэгушхуагъ ыкІи тышъолъэІугъ.

13Тхьэм щытхъу фэтэшІы зэпыт. Сыда пІомэ Тхьэм игущыІэхэр зышъотэгъэІухэм, цІыфхэм ягущыІэхэм афэмыдэхэу, ау Тхьэм игущыІэхэм афэдэхэу шъудагъэх, Тхьэм игущыІэхэуи шъыпкъэмкІэ щытых ахэр. А гущыІэхэр шъо шІошъхъуныгъэ зиІэхэм шъугухэм арылъхэу, Іоф щашІэ. 14Христос Исус зыгу илъэу, Иудей хэкум щыІэ чылыс зэІукІэхэм ащыщ цІыфхэм ялъэужхэм шъуатехьагъ. Сыда пІомэ джуртхэм ахэмэ къин зэрарагъэщэчыщтыгъэм фэдэу, шъулъэпкъ щыщхэм шъо къин шъуагъэщэчыщтыгъ. 15Джуртхэм Зиусхьанэу Исусрэ пегъымбархэмрэ аукІыгъэх, тэри къин тагъэщэчыгъ. Ахэр Тхьэм ыгу зэмыІурэ цІыфых, цІыф пстэуми япыих. 16Хымэ лъэпкъхэр мыкІодхэу, Тхьэм къыгъэнэжьынхэм пае, къэбарышІур зятэгъэІум, къытпэуцунхэу пылъыгъэх. Арэущтэу япсэкІодхэм япчъагъэ рагъэкъоу, зэтыралъхьахэ зэпыт. Ау Тхьэм игубж аужыпкъэм къатефагъ.

Паул шІошъхъуныгъэ зиІэхэу Фессалоникэ дэсхэр джыри зэ ылъэгъужьынхэу зэрэфэягъэр

17Тыгурэ тпсэрэкІэ шъуадэжь тыщыІэу, тпкъыкІэ зы заулэрэ тыкъызыжъубгъодэкІыжьым, тшыхэр, тыкъышъуфалІэу шъузэдгъэлъэгъуным инэу тыпылъыгъ. 18Шъуадэжь тыкъэкІонэу тыфэягъ. Сэ, Паул, мызэу мытІоу сыкъэкІонэу сыпылъыгъ, ау шэйтаным къыддигъэхъугъэп. 19ТызыгъэгушІорэри, тиІэхьышІу тыпаплъэзэ, тиІэ зэрэхъущтым тыщызыгъэгугъырэри шъорыба? ТекІоныгъэр къызэрэтхьыгъэр къэзыгъэлъагъорэ танджэу, Зиусхьанэу Исус къызыкІожьыщт мафэм дэжь ежьым ыпашъхьэ щытиІэу тызэрыпэгэщтыр шъорыба? 20Шъыпкъэ, тищытхъуи, тигушІуагъуи къызхэкІырэр шъоры.

03

 

ЯЩЭНЭРЭШЪХЬ

Ащ нахьыбэ тфэмыщэчыжьэу, тизакъоу Афинэ къалэм* тыкъыдэнэнэу тетыубытагъ. 2,3Тимофей* тэ тшэу щыт, Тхьэм фэлажьэу, Христос ехьылІэгъэ къэбарышІур цІыф­хэм ягъэІун ІофымкІи къыддэлажьэ, Ар шъуадэжь къэд­гъэкІуагъ. Ар къызфэзгъэкІуагъэр мы гузэжъогъухэм шъуащыщэу хэти гъогу занкІэм тырамыгъэкІыным пае, шъугухэр ыгъэпытэнхэуи, шъуишІошъхъуныгъэ шъутеты­нэу шъуигъэгушхонэуи ары. Ащ фэдэ гузэжъогъухэм та­хэфэн фаеу зэрэщытыр шъо шъошІэ. 4Шъуадэжь тызы­щэІэм, гузэжъогъу тызэрэхэфэщтыр шъотІогъагъэ. Шъо зэрэшъушІэрэм фэдэу, арэущтэуи хъугъэ. 5Арышъ, ащ нахьыбэ сфэмыщэчыжьэу, шъуишІошъхъуныгъэ зытетыр зэзгъэшІэнэу Тимофей шъуадэжь къэзгъэкІуагъ. Шэйта­нэу цІыфхэм псэкІод языгъэшІэнэу ыуж итым зыгорэ­кІэ шъудихьыхыгъэу, тиІоф хьаулыеу хъугъэкІэ сыщы­нэщтыгъ.

6Джы Тимофей шъуадэжь къикІыжьи, тадэжь къэкІо­жьи,* шъуишІошъхъуныгъэрэ шъуишІулъэгъуныгъэрэ якъэбар дахэхэр къытфихьыгъэх. ШІукІэ шъугу тэ тыкъызэрэкІыжь зэпытри, тэ шъо шъутлъэгъунэу тызэ­рэкІэхъопсырэм фэдэу, шъори тэ тышъулъэгъунэу шъу­зэрэкІэхъопсырэри ащ къытиІотэжьыгъ. 7Тшыхэр, къин пстэуми гузэжъогъу пстэуми тахэт пэтми, шъуишІошъ­хъуныгъэ икъэбаркІэ тыжъугъэгушхуагъ. 8Джы Зиусхьа­ным игъогу пытэу шъузэрэтетым пае, шъыпкъэу тэпсэу. 9Шъощ пае гушІуагъоу Тхьэм ыпашъхьэ щытиІэ пстэуми ипэгъокІ фэдэу, икъунэу шъощ пае сыдэущтэу Тхьэм щытхъу фэтшІына? 10Шъутлъэгъужьынэуи, шъуишІошъ­хъуныгъэ ищыкІагъэхэр идгъэкъужьынхэуи чэщи мафи тыгу етыгъэу Тхьэм телъэІу.

11Ежь ти Тхьэу Тятэ лъапІэрэ ти Зиусхьанэу Исус Христорэ шъуадэжь тыкъэкІожьынэу гъогу къытфызэІуа­рэх. 12Тэ шІу шъузэрэтлъэгъурэм фэдэу, Зиусхьаным на­хьышІужьэу шъузэригъэлъэгъужьы зэпытынэуи цІыф пстэу-

3:1 Афинэ къалэр – Ахаие хэкум икъэлэшхоу щытыгъ. Еплъ Апостол. 17:15-18:1.

3:2 Тимофей – еплъ 1:1.

3:6 Тимофей тадэжь къэкІожьи – еплъ Апостол, 18:5.

ри шІу шъуигъэлъэгъужь зэпытынхэуи орэхъу. 13Ти Зиусхьанэу Исус Христос ицІыф лъэпІэ пстэури игъусэхэу мы дунаем къызыкІожьыкІэ, зыми шъузэри­гъэмысэн зи щымыІэу, гукъэбзагъэкІэ Тхьэу Тятэ лъа­пІэ ыпашъхьэ шъуиуцоным пае, шъугухэр ерэгъэпытэх.

04

ЯЩЭНЭРЭШЪХЬ

Ащ нахьыбэ тфэмыщэчыжьэу, тизакъоу Афинэ къалэм* тыкъыдэнэнэу тетыубытагъ. 2,3Тимофей* тэ тшэу щыт, Тхьэм фэлажьэу, Христос ехьылІэгъэ къэбарышІур цІыфхэм ягъэІун ІофымкІи къыддэлажьэ, Ар шъуадэжь къэдгъэкІуагъ. Ар къызфэзгъэкІуагъэр мы гузэжъогъухэм шъуащыщэу хэти гъогу занкІэм тырамыгъэкІыным пае, шъугухэр ыгъэпытэнхэуи, шъуишІошъхъуныгъэ шъутетынэу шъуигъэгушхонэуи ары. Ащ фэдэ гузэжъогъухэм тахэфэн фаеу зэрэщытыр шъо шъошІэ. 4Шъуадэжь тызыщэІэм, гузэжъогъу тызэрэхэфэщтыр шъотІогъагъэ. Шъо зэрэшъушІэрэм фэдэу, арэущтэуи хъугъэ. 5Арышъ, ащ нахьыбэ сфэмыщэчыжьэу, шъуишІошъхъуныгъэ зытетыр зэзгъэшІэнэу Тимофей шъуадэжь къэзгъэкІуагъ. Шэйтанэу цІыфхэм псэкІод языгъэшІэнэу ыуж итым зыгорэкІэ шъудихьыхыгъэу, тиІоф хьаулыеу хъугъэкІэ сыщынэщтыгъ.

6Джы Тимофей шъуадэжь къикІыжьи, тадэжь къэкІожьи,* шъуишІошъхъуныгъэрэ шъуишІулъэгъуныгъэрэ якъэбар дахэхэр къытфихьыгъэх. ШІукІэ шъугу тэ тыкъызэрэкІыжь зэпытри, тэ шъо шъутлъэгъунэу тызэрэкІэхъопсырэм фэдэу, шъори тэ тышъулъэгъунэу шъузэрэкІэхъопсырэри ащ къытиІотэжьыгъ. 7Тшыхэр, къин пстэуми гузэжъогъу пстэуми тахэт пэтми, шъуишІошъхъуныгъэ икъэбаркІэ тыжъугъэгушхуагъ. 8Джы Зиусхьаным игъогу пытэу шъузэрэтетым пае, шъыпкъэу тэпсэу. 9Шъощ пае гушІуагъоу Тхьэм ыпашъхьэ щытиІэ пстэуми ипэгъокІ фэдэу, икъунэу шъощ пае сыдэущтэу Тхьэм щытхъу фэтшІына? 10Шъутлъэгъужьынэуи, шъуишІошъхъуныгъэ ищыкІагъэхэр идгъэкъужьынхэуи чэщи мафи тыгу етыгъэу Тхьэм телъэІу.

11Ежь ти Тхьэу Тятэ лъапІэрэ ти Зиусхьанэу Исус Христорэ шъуадэжь тыкъэкІожьынэу гъогу къытфызэІуарэх. 12Тэ шІу шъузэрэтлъэгъурэм фэдэу, Зиусхьаным нахьышІужьэу шъузэригъэлъэгъужьы зэпытынэуи цІыф пстэу-

3:1 Афинэ къалэр – Ахаие хэкум икъэлэшхоу щытыгъ. Еплъ Апостол. 17:15-18:1.

3:2 Тимофей – еплъ 1:1.

3:6 Тимофей тадэжь къэкІожьи – еплъ Апостол, 18:5.

 

ри шІу шъуигъэлъэгъужь зэпытынхэуи орэхъу. 13Ти Зиусхьанэу Исус Христос ицІыф лъэпІэ пстэури игъусэхэу мы дунаем къызыкІожьыкІэ, зыми шъузэригъэмысэн зи щымыІэу, гукъэбзагъэкІэ Тхьэу Тятэ лъапІэ ыпашъхьэ шъуиуцоным пае, шъугухэр ерэгъэпытэх.

ЯПЛІЭНЭРЭШЪХЬ

ЗекІуакІэу Тхьэм ыгу зэІурэр

Аужыпкъэм, тшыхэр, мыр шъосэІо. Тхьэм ыгу къышъоІуным пае, шъузэрэзекІон фаер шъодгъэшІагъ. Арэущтэуи шъозекІо. Арэущтэу шъузекІо зэпытынэу Исус ыцІэкІэ тышъолъэІу ыкІи къышъуфэтэгъэпытэ. 23иусхьанэу Исус ыцІэкІэ унашъохэу тэ къышъуфэтшІыгъэхэр шъошІэх.

3Тхьэр зыфаер гукъэбзагъэкІэ шъузэрэпсэунри, зинэ шІэным зызэрэщышъудзыенри ары. 4,5Ащ нэмыкІэуи Тхьэр зыфаер ежьыр зымышІэрэ хымэ лъэпкъхэм ащыщ цІыфхэу зыгукІэ зыкІэхъопсырэ зинэ мыхъун Іофхэм зязытхэрэм шъуафэмыдэу, гукъэбзагъэкІэ щытхъу хэлъэу, шъуащыщэу хэти ежь ыпкъ тетыгъо зэрэфыриІэщтыр ары. 6ЕтІанэ а ІофымкІэ зыми ыш мыхъун римышІэнэу е къымыгъэпцІэнэу Тхьэр фай. КъызэрэшъотІуагъэм ыкІи къызэрэжъугурыдгъэІуагъэм фэдэу, ащ фэдэ бзэджагъэ зышІэрэ цІыф пстэуми яфэшъуашэ Зиусхьаным аригъэпщыныжьыщт. 7Сыда пІомэ тыгухэр мыкъабзэу тыпсэунэу арэп Тхьэр къызфытэджагъэр, тыгухэр къабзэу тыпсэунэу ары нахь. 8Арышъ, мы унашъор зымыдэрэм, цІыфыр арэп ымыдэрэр, Тхьэу зы Псэ ЛъапІэ тыгухэм къарызылъхьэрэр ары нахь.

9Зэкъошхэм афэдэу, шІу шъузэрэлъэгъун зэрэфаер къышъуфэстхынэу ищыкІагъэп. ПІІу шъузэрэлъэгъунэу Тхьэм шъуигъэшІагъэ. 10Македоние хэкум* зэкІэ ис шы пстэури шІу шъолъэгъух. Ахэр нахьыбэжьэу шІу шъулъэгъу зэпытынхэу сышъолъэІу.

11Іасэу шъупсэоу, нэмыкІ цІыфхэм яІоф шъуиІоф хэшъумылъхьэу, шъуІэхэмкІэ шъулажьэу шъузэрэпсэущтым

4:10 Македоние хэкур – еплъ 1:7.

 

ыуж шъуит, унашъо къызэрэшъуфэтшІыгъэм фэдэу. 12Арэущтэу къышъущымыщ цІыфхэм апашъхьэ хабзэм тетэу шъупсэущт, щыкІагъи зи шъуиІэщтэп.

Зиусхьанэу Исус мы дунаем къызэрэкІожьыщтыр

13Тшыхэр, лІагъэхэм яІоф зытетыр шъумышІэу шъукъыдгъэнэнэу тыфаеп, нэмыкІ цІыфхэу гугъапІэ зимыІэхэм агу къызэреорэм фэдэу, шъугу къемыоным пае. 14Исус лІи, лІагъэхэм къызэрахэтэджыкІыжьыгъэмкІэ шІошъхъуныгъэ тиІ. Арышъ, ИсускІэ шІошъхъуныгъэ зиІэхэу лІагъэхэр Исус игъусэхэу Тхьэм ежьым ыдэжь къызэрищэщтхэр тшІошъ мэхъу. 153иусхьаным игущыІэхэм атетэу мыр къышъотэІо: Зиусхьаныр дунаем къызыкІожькІэ, тэ, псаоу къэнагъэхэр, лІагъэхэм апэ тишъыщтэп. 16Тхьэм иунашъо хъоу, апэрэ мэлэІичым ымакъэрэ Тхьэм ыбжъэмыешхо ымакъэрэ къызыІухэкІэ, ежь Зиусхьаныр уашъом къехыжьыщт. КъызехыжькІэ, ХристоскІэ шІошъхъуныгъэ зиІэхэу лІагъэхэр апэу къэтэджыжьыщтых. 17ЕтІанэ тэ, псаоу къэнагъэхэр, ахэмэ тырягъусэу Тхьэм тыдихьыещт, ошъуапщэхэм тахэтэу, жьыбгъэм хэтэу Зиусхьаным тыщыпэгъокІыным пае. ЕтІанэ Зиусхьаным тыригъусэ зэпытыщт. 18Мы гущыІэхэмкІэ шъузэрэгъэгушху.

05

ЯТФЭНЭРЭШЪХЬ

Тшыхэр, а Іофхэр къызыхъущт лъэхъанэхэми сыхьатхэми яхьылІагъэу къышъуфэттхынэу ищыкІагъэп. 2ТыгъуакІор чэщым цІыфхэм амышІахэу къызэрэкІорэм фэдэу, Зиусхьаныр дунаем къызыкІожьыщт мафэм дэжь къызэрэкІощтыр шъошІэ. 3«Джы гупсэфыгъо тиІ, щынагъо зи щыІэп», цІыфхэм заІокІэ, етІанэ амышІахэу къинышхо къафэкІощт, шъуз лъэрмыхьэм къинышхо къызэрэфакІорэм фэдэу. Ащ хэкІыжьыпІэ щыІэщтэп.

4Ау шъо, тшыхэр, шІункІыгъэм шъухэтэп. Арышъ, а мафэр тыгъуакІом фэдэу шъумышІахэу къышъуфэкІощтэп. 5Шъо зэкІэри нэфынэм шъурибын, мафэми шъу-

 

рибын. Тэ чэщыми шІункІыгъэми ябынхэм тащыщэп. 6Арышъ, адрэ цІыфхэр зэрэчъыехэрэм фэдэу, тычъые хъущтэп, ау тымычъыеу тысакъын фае, зыщыІэныгъи тиІэн фае. 7Сыда пІомэ чэщыр ары цІыфхэу чъыехэрэр зычъыехэрэр, чэщыри ары ешъохэрэр зешъохэрэр. 8Ау тэ мафэм ибынхэу тыщытышъ, зыщыІэныгъэ зитэжъугъэгъаІ. ШІошъхъуныгъэмрэ шІулъэгъуныгъэмрэ ашъоджанэм фэдэу зыщытэжъугъалъ, тымыкІодэу Тхьэм тыкъызэригъэнэжьыщтыми тыщыгугъэу, тызэрэпаплъэрэр танджэм фэдэу къэтэжъугъэІэт. 9Сыда пІомэ Тхьэм игубж къыттыригъэфэнэу арэп ибын тыхъунэу тызфигъэнэфагъэр, ти Зиусхьанэу Исус Христос тымыкІодэу тыкъыригъэгъэнэжьынэу ары нахь. 10Тэщ пае Исус лІагъэ, къызыкІожькІэ тыпсэуми, тылІагъэми ежьым тыригъусэу тыпсэуным пае. 11Арышъ, шъузэрэгъэгушху, зым адрэми нахь лъэкІыныгъэ гурэ псэрэкІэ рерэгъэгъот.

Аужырэ Іофхэу Паул шІошъхъуныгъэ зиІэхэу Фессалоникэ дэсхэм агуригъаІохэрэр

12Тшыхэр, къышъуфэлажьэхэу, Зиусхьаным иІофхэмкІэ тетыгъо къышъуфызиІэ цІыфхэу къыжъугурызыгъаІохэрэм лъытэныгъэ афэшъушІынэу тышъолъэІу. 13Ахэмэ Іофэу ашІэрэм пае лъытэныгъэшхо афэшъушІ ыкІи шІу шъулъэгъух. ШъузэгурыІу. 14Тшыхэр, тышъолъэІу, лэжьэнхэу зымыдэхэрэм агурыжъугъаГу, зыгу кІодыгъэхэр жъугъэгушхох, ІэпыІэгъу зищыкІагъэхэми шъуадэІэпыІ, щыІагъэкІэ цІыф пстэуми шъуапэгъокІ. 15Хэти зыгорэм ибзэджагъэ бзэджагъэкІэ пэрэмыгъокІыжь. Ау шъо шІу зэрэзэфэшъушІэщтым шъупылъ, цІыф пстэуми шІу зэрафэшъушІэщтыми ыуж шъуит зэпыт.

16Сыдигъуи шъугушІу. 17Зэпымыоу Тхьэм шъуелъэІу. 18Сыд къышъохъулІэми, Тхьэм щытхъу фэшъушІ, сыда пІомэ шъо Исус Христос зыгу илъхэм арэущтэу шъузэрэзекІорэр ары Тхьэр зыфаер. 19Тхьэм ыПсэ ЛъапІэ имашІо шъумыгъэкІуасэ. 20Тхьэм ежь игущыІэхэр цІыфхэм агухэм къарилъхьэхэу, къызэраригъаІохэрэр пхъэтэпэмыхь шъумышІых. 21Іоф пстэуми яшъыпкъагъэ жъугъэунэфы, дэгъуми шъутет. 22Сыд фэдэ бзэджагъэми зыщышъудзый!

 

23Гупсэфыныгъэ къытэзытырэ Тхьэм шъугухэр икъукІэ ерэгъэкъэбзэжь, иягъи къышъомыкІэу шъугуи, шъупси, шъупкъи къерэухъум, Зиусхьанэу Исус Христос дунаем къызыкІожьыкІэ, зыми шъузэригъэмысэн зи щымыІэным пае. 24Тхьэу къышъуаджэрэр шъыпкъэ, ащи а Іофыр ыгъэцэкІэщт.

25Тшыхэр, Тхьэм шъукъытфелъэІу. 26Тшы пстэуми гукъэбзагъэкІэ ІаплІ яшъущэкІэу шІуфэс сфяшъухыжь. 27Мы тхылъым шъушы пстэуми шъукъафеджэнэу Зиусхьаным ыцІэкІэ унашъо къышъуфэсэшІы.

28Ти Зиусхьанэу Исус Христос ынэшІу къышъущерэф. Амин.

21 2.Thessalonians / 2 Фессалоникэ

01

АПОСТОЛ ПАУЛ ШЮШЪХЪУНЫГЪЭ

ЗИІЭХЭУ ФЕССАЛОНИКЭ КЪАЛЭМ ДЭСХЭМ

ЯТЮНЭРЭ ТХЫЛЪЭУ АФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул. Шъо, Тхьэу Тятэ лъапІэрэ Зиусхьанэу Исус Христосрэ зиехэу, Фессалоникэ къалэм* щыІэ чылыс зэІукІэм щыщхэм, Силуанрэ Тимофейрэ* сигъу­сэхэу мы тхылъыр къышъуфэсэтхы.

2Тхьэу Тятэ лъапІэрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

Тхьэм зафэу цІыфхэм хьыкум къызэратришІыхьащтыр

3Тшыхэр, шъощ пае Тхьэм щытхъу фэтшІы зэпытын фае. Ари тэрэз, сыда пІомэ шъуишІошъхъуныгъэ хэхъо зэпыт, шъуащыщэу хэти адрэм шІулъэгъуныгъэу фыри­Іэми хэхъо зэпыт. 4Арышъ, цІыфхэм сыд фэдиз къин

1:1 Фессалоникэ къалэр – еплъ 1 Фесс. 1:1. 1:1 Силуанрэ Тимофейрэ – еплъ 1 Фесс. 1:1.

шъуагъэщэчми, сыд фэдиз гузэжъогъу шъухэтми, теубытэ­ныгъэрэ шІошъхъуныгъэрэ зэрэшъуиІэм пае, Тхьэм ичы­лыс зэІукІэхэм адэжь шъуищытхъу щэтэшІы.

5А Іоф пстэуми Тхьэм ихьыкум зафэу зэришІырэр къа­гъэшъыпкъэ, сыда пІомэ теубытэныгъэ шъуиІэу зэрэ­щытым пае, Тхьэм и Тетыгъошхоу къин зыфэшъушэчырэм ыІэчІэгъ шъучІэхьанэу къышъуфигъэшъошэщт. 6ЦІыф­хэу шъо гузэжъогъу шъухэзыдзэхэрэр гузэжъогъум хи­дзэжьынхэу Тхьэм зафэу елъытэ. 7Шъо, гузэжъогъум хэтхэр, шъутигъусэу гупсэфыныгъэ къышъуитыжьынри Тхьэм зафэу елъытэ. Ар зыхъущтыр Зиусхьанэу Исус уашъом къехэу имэлэІичхэу лъэкІыныгъэ зиІэхэр игъу­сэхэу къызылъэгъожьыщт мафэр ары. 8Тхьэр зымышІэрэ цІыфхэу, ти Зиусхьанэу Исус ехьылІэгъэ къэбарышІум емыдэІухэрэм ябзэджагъэ аригъэпщыныжьыным пае, мэ­шІошхоу плъыгъэр къыздихьызэ, Зиусхьанэу Исус дунаем къэкІожьыщт. 9А цІыфхэр Зиусхьаным ынапэрэ, ежь илъэкІыныгъэшхоу щытхъушхо зиІэмрэ апэчыжьэ­хэу, мыухыжьын кІодыныгъэр Іахьэу Тхьэм атырилъхьащт. 10Ар къызыхъущтыр Зиусхьаныр дунаем къызыкІожьыщт мафэр ары. А мафэм ицІыф лъапІэхэм ежьым щытхъу къыфашІыщт, ежьымкІэ шІошъхъуныгъэ зиІэ хъугъэ цІыфхэми зэкІэ ежьыр агъэшІэгъощт. Шъори а цІыфхэм шъуахэтыщт, сыда пІомэ тишыхьатныгъэ шъушІошъ хъугъэшъ ары.

11Джары шъощ пае зэпымыоу Тхьэм тызкІелъэІурэр. Тхьэр къызэрэшъоджагъэм тетэу, ибынхэу шъущытынэу къышъуфигъэшъошэнэу телъэІу. ИлъэкІыныгъэшхокІи шІугъэу шъугухэм арылъ пстэури шъуигъэгъэцэкІэнэуи, шъуишІошъхъуныгъэ къыхэкІырэ ІофышІу пстэури ры­шъуигъэгъэкъунэуи Тхьэм телъэІу. 12Арэущтэу ти Зиус­хьанэу Исус ыцІэ цІыфхэм щытхъу фяжъугъэшІыщт, Зиусхьаныр шъугухэм зэрарылъым паий, шъори щытхъу шъуиІэ хъущт. Ти Тхьэрэ ти Зиусхьанэу Исус Христос­рэ анэшІу къызэрэшъущафэрэм тетэу арэущтэу хъущт.

 

02

ЯТЮНЭРЭШЪХЬ

Бзэджэныгъэм ицІыф

Ти Зиусхьанэу Исус Христос дунаем къызэрэкІожьы­щтымрэ ежьым ыдэжь тызэрэщызэрэугъоижьыщтымрэ яхьылІагъэу, тшыхэр, мырэущтэу тышъолъэІу: 2Христос дунаем къызыкІожьыщт мафэр къэсыгъэу ыІозэ, цІыф горэм ежь ыгу Тхьэм Ыпсэ ЛъапІэ къырилъхьагъэу пцІыкІэ къыІоми, е цІыфхэм а мафэр къэсыгъэу аІоми, е тэ тхылъкІэ арэущтэу ттхыгъэу цІыфхэм пцІыкІэ аІо­ми, а Іофым псынкІэу зешъумыгъэгъэгумэкІ ыкІи зе­шъумыгъэгъэщын. 3Хэт щыщми зыкІи зыкъешъумыгъэ­гъапцІ. ЦІыфхэм акІыб Тхьэм фагъазэным ыпэкІэ, бзэджэ­ныгъэм ицІыфэу Тхьэм ыгъэкІодыжьыщтыр къэлъэгъо­ными ыпэкІэ, а мафэр къэсыщтэп. 4А цІыфыр тхьэхэу зы­фаІохэрэми, цІыфхэм агъэлъапІэрэ Іоф пстэуми апэуцу­жьыщт, ахэмэ пстэуми анахьи нахь инэу зилъытэжьыщт. Тхьэм иунэшхуи итІысхьанышъ, «Сэ сы Тхь», ыІощт.

5Шъуадэжь сызыщэІэм, мы Іофхэр къызэрэшъосІуа­гъэхэр шъугу къэкІыжьырэба? 6Бзэджэныгъэм ицІыф джы гъогу езымытырэри шъо шъошІэ. Ау игъор къы­зыскІэ, бзэджэныгъэм ицІыф къэлъэгъощт. 7Сыда пІомэ бзэджэныгъэм илъэкІыныгъэ шъэф джы Іоф ешІэ. Ау джы нэсы бзэджэныгъэм ицІыф гъогу езымытыгъэр ыпэ рапшІэу ІукІыжьын фае. 8ЕтІанэ бзэджэныгъэм ицІыф къэлъэгъощт. Ау Зиусхьанэу Исус шытхъушхо иІэу къызыкІожьыкІэ, ыжэкІэ къыщэрэ жьымкІэ ар ыукІыжьыщт ыкІи ыгъэкІодыжьыпэщт. 9Бзэджэныгъэм ицІыф къызыкІокІэ, шэйтаным илъэкІыныгъэ иІэу къэ­кІощт. ЛъэкІыныгъэ Іофышхо нэпцІхэри зэкІэ, нэшэнэ гъэшІэгъонышхо нэпцІхэри, Іофышхо гъэшІэгъон нэпцІ­хэри цІыфхэм аригъэлъэгъущтых. 10Сыд щыщырэ бзэ­джэныгъэкІи цІыфхэу кІодыпІэм игъогу тетхэр ыгъэпцІэ­щтых. Ахэр зыкІэкІодхэрэр мыкІодхэу зыкъагъэнэжьы­ным пае, шъыпкъагъэр шІу алъэгъунэу зэрамыдагъэр ары. 11Арышъ, пцІыр ашІошъ хъуным пае, Тхьэм ахэмэ ягупшысакІэ зэрегъэкІокІы. 12Арэущтэу шъыпкъагъэр зышІошъ мыхъугъэхэу бзэджагъэм зыгу еГурэ цІыф пстэури Тхьэм ыгъэмысэщтых.

ШъумыкІодэу шъукъигъэнэжьыным пае, Тхьэм шъукъыхихыгъ

13Ау шъо, тшыхэу Зиусхьаным шІу ылъэгъухэрэр, шъощ пае Тхьэм щытхъу фэтшІы зэпытын фае, сыда пІо­мэ ублапІэм щегъэжьагъэу шъумыкІодэу шъукъигъэнэ­жьыным пае, Тхьэм шъукъыхихыгъ. Тхьэм ежь Ыпсэ ЛъапІэу шъугухэр зыгъэкъэбзэжьырэм илъэкІыныгъэ­кІи, шъыпкъагъэр шъушІошъ зэрэхъугъэмкІи шъумы­кІодэу шъукъегъэнэжьы. 14Тхьэр ибынхэм ащыщ шъу­хъунэу къызэрэшъоджагъэр къэбарышІоу шъодгъэІу­гъэр ары. Арэущтэу ти Зиусхьанэу Исус Христос ищы­тхъушхокІэ Іахьэ къышъулъысыщт. 15Арышъ, тшы­хэр, шъукъызэкІэмыкІожьэу, жэкІи тхылъымкІи шъод­гъэшІэгъэ Іофхэм пытэу шъуатетэу гъогум шъурыкІон фае.

16,17Тхьэу Тятэ лъапІэу шІу тызылъэгъугъэу, зынэшІу щыфэныгъэмкІэ сыдигъуи тызыгъэгушхорэм шІум тыщегъэгугъы. Ежьымрэ ти Зиусхьанэу Исус Христосрэ сыд щыщырэ шІугъэ жъугъэцэкІэным ыкІи шъуІоным пае шъуарэгъэгушху, шъугухэри арэгъэпытэхэ.

 

03

ЯЩЭНЭРЭШЪХЬ

Тхьэм шъукъытфелъэІу

Аужыпкъэм, тшыхэр, шъуадэжь зэрэщыхъугъэм фэ­дэу, Зиусхьаным икъэбарышІу цІыфхэм тыдэкІи анэсы­нэуи, цІыфхэм а къэбарышІум щытхъу фашІынэуи Тхьэм шъуелъэІу. 2ЦІыф бзэджэ-наджэхэм тэ тащиухъумэнэу Тхьэм шъуелъэІу, сыда пІомэ зэкІэ цІыфхэм шІошъхъу­ныгъэ яІэу щытэп. 3Ау Зиусхьаныр шъыпкъэ. Ащ шъугу­хэр ыгъэпытэщтых, шэйтанми шъущиухъумэщт. 4Тиуна­шъохэр зэрэжъугъэцакІэхэрэмкІи зэрэжъугъэцэкІэщтхэм­кІи Зиусхьаным тыкъышъущегъэгугъы. 5Тхьэм ишІулъэ­гъуныгъэрэ Христос итеубытэныгъэрэ Зиусхьаным шъу­гухэр аферэгъазэх.

ШІошъхъуныгъэ зиІэхэр мылажьэхэ хъущтэп

6Тшыхэр, хэтрэ шэу лэжьэнэу зымыдэу, къышъуфэд­гъэнэгъэ унашъохэм атемытым зыщышъудзыенэу ти Зи­усхьанэу Исус Христос ыцІэкІэ унашъо къышъуфэтэшІы. 7Шъор-шъорэу шъошІэ тилъэужхэм шъузэрарыкІон фаер. Шъуадэжь тызыщэІэм, тымылажьэу тыщытыгъэп. 83ыд­гъэхьакІэу зыми ихьалыгъуи тшхыгъэп. Ау тыулэоу ыкІи лъэшэу тылажьэу, шъуащыщэу зыми хьылъэ тыфэмыхъу­ным пае, чэщи мафи Іоф тшІэщтыгъ. 9Зышъодгъэхьа­кІэнэу фитыныгъэ тимыІэу щытыгъэп, ау тилъэужхэм шъуарыкІоным пае, шапхъэу тышъуфэхъунэу тызэрэфэя­гъэр ары тызкІэлэжьагъэр. 10Шъуадэжь тызыщэІэм, мы унашъор къышъуфэтшІыгъ: лэжьэнэу зымыдэрэр орэмышхэ.

11Сыда пІомэ шъуащыщхэу заулэмэ лэжьэнхэкІэ амыдэу зэхэтхыгъэ. Ахэмэ Іоф зи ашІэрэп, ау яІоф зыхэмылъым пылъых. 12Ащ фэдэ цІыфхэр самбырэу лэжьэнхэу, ежь яхьалыгъуи ашхынэу ти Зиусхьанэу Исус Христос ыцІэ­кІэ унашъо афэтэшІы ыкІи тялъэІу. 13Шъо, тшыхэр, мыр шъотэІо, шъуемызэщэу шІушІэным шъупылъ.

14ЦІыф горэ мы тхылъым итхэу шъуатІохэрэм ямыдэ­Іумэ, а цІыфым гу лъышъут, жъугъэукІытэжьыным паий, ащ гъусэ шъуфэмыхъу. 15Ау шъуипыим фэдэу шъуемыплъ, шъушы фэдэу гурыжъугъаІо нахь.

Аужырэ шІуфэс гущыІэхэр

16ЗэкІэ гупсэфыныгъэ къытэзытырэ Зиусхьаным зэ­кІэмкІи сыдигъуи гупсэфыныгъэ къышъуерэт. Зиусхьа­ныр шъо пстэуми шъуерэгъусэ.

17Сэ, Паул, сэ сІэкІэ мы шІуфэс гущыІэхэр къышъу­фэсэтхых. Мары къышъуфэстхырэр:

18ТиЗиусхьанэу Исус Христос ынэшІу шъо пстэуми къышъущерэф. Амин.

22 1.Timothy / 1 Тимофей

01

АПОСТОЛ ПАУЛ АПЭРЭ ТХЫЛЪЭУ ТИМОФЕЙ ФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул. ТымыкІодэу тыкъэзыгъэнэжьырэ Тхьэмрэ Зиусхьанэу Исус Христосэу тызщыгугъырэмрэ яунашъокІэ Исус Христос иапостолэу* сыхъугъэ. 2O Тимофееу*, шІошъхъуныгъэ зэрэуиІэм пае, скъо шъыпкъэм фэдэу хъугъэм, мы тхылъыр къыпфэсэтхы.

Тхьэу Ты лъапІэмрэ Христос Исусэу ти Зиусхьанрэ анэшІу къыпщарэфи, гукІэгъуныгъэ къыпфарэшІи, гупсэфыныгъэ къыуарэт.

Дин гъэсэкІо нэпцІхэр

3,4Сэ Македоние хэкум* сыкІо зэхъум, сыкъызэрэолъэІугъэм фэдэу, цІыфхэм Іоф пхэнджхэр арамыгъэшІэн-

1:1 апостол – нэмыкІ цІыф горэм ыцІэкІэ гущыІэнэуи Іоф ышІэнэуи фитыныгъэ зиІэр ары.

1:2 Тимофей – еплъ Кол. 1:1.

1:3 Македоние хэкур – еплъ 1 Фесс. 1:7.

1:3 Ефес къалэр – еплъ Ефес. 1:1.

 

хэуи, тхыдэжъхэми, гъунэ зимыІэ унэгъо лъэпкъ зэтекІхэми апымылъынхэуи цІыф заулэмэ унашъо афэпшІыным пае, Ефес къалэм* къыдан. Ащ фэдэ Іофхэм къарыкІырэр зэнэкъокъуныгъэхэр ары. Тхьэм игухэлъэу шІошъхъуныгъэмкІэ зиІоф зыгъэцакІэрэм а Іофхэм яшІуагъэ рагъэкІырэп. 5Мы унашъор зыфэтшІырэр мары: Гу къабзэу мыхъун зи зыдэзымышІэжьырэмрэ шІошъхъуныгъэ шъыпкъэмрэ къарыкІырэ шІулъэгъуныгъэр тиІэ хъуныр ары. 6ЦІыф заулэхэр ахэмэ атекІыгъэхэу, пкІэ зимыІэ зэнэкъокъуныгъэхэм зафагъэзагъ. 7Тэурат егъэджэкІо пащэхэу залъытэ пэтми, къаІохэрэри гушхоныгъэкІэ зытегущыІэрэ Іофхэри ашІэхэрэп.

8Хабзэр* зэрэдэгъур тэшІэ, цІыфыр хабзэм зэрэфыщытын фаем тетэу фыщытмэ. 9Шъыпкъагъэ зиІэ цІыфхэм хабзэр зэрафамыгъэуцугъэр тэшІэ, ау хабзэр зыфагъэуцугъэхэр мыхэр арых: хабзэм текІыхэрэри, хабзэм пэуцухэрэри, Тхьэм ищынагъо зыгу имылъхэри, псэкІод зышІэхэрэри, зыгу мыкъабзэхэри, Тхьэр зымыгъэлъапІэхэрэри, яти-яни зыукІыхэрэри, цІыф укІакІохэри, 10,11зинэ зышІэхэрэри, хъулъфыгъэхэм шъузпІалъэу якІуалІэхэрэри, цІыфыр зыщэхэрэри, пцІы зыусхэрэри, шыхьат нэпцІ хъухэрэри, хэт щыщми къэбарышІум тигъашІэрэ Іофхэу тызщыгугъышъунэу щытхэм атемытхэрэри. А къэбарышІоу щытхъушхо зиІэр згъэІунэу Тхьэу щытхъушхо зиІэм спшъэ къырилъхьагъ.

Паул Тхьэм игукІэгъуныгъэ пае щытхъу зэрэфишІырэр

12Исус Христосэу Ти Зиусхьанэу сиІоф сшІэнэу сэзыгъэлъэкІыгъэм щытхъу фэсэшІы. Ащ цыхьэ къысфишІи, мы Іофыр спшъэ къызэрэрилъхьагъэм пае, щытхъу фэсэшІы. 13Сэ ежьыр згъапцІэщтыгъ, ицІыфхэми къин язгъэщэчыщтыгъ, ежьыми сехъоныщтыгъэ пэтми, гукІэгъу къысфишІыгъ, сыда пІомэ шІошъхъуныгъэ симыІэу Іофхэу сшІэщтыгъэхэр къызгурымыІохэу сызекІощтыгъэти ары. 14Ау ти Зиусхьанэу Исус Христос Исус ынэшІу инэу сэ къысщифагъ, Христос Исус сыгу илъ зэрэхъугъэм паий, шІошъхъуныгъэрэ шІулъэгъуныгъэрэ сыгу илъ хъугъэх.

1:8 хабзэр – Мусэ и Тэурат хабзэ ары.

 

15Мы гущыІэхэр шъыпкъэх, цІыф пстэуми ахэр адэнхэуи яфэшъуаш: ПсэкІод зышІэхэрэр мыкІодхэу къыгъэнэжьынхэм пае, Исус Христос мы дунаем къэкІуагъ. Ахэмэ ащыщэу апэ итыр сэры. 16Ау Исус Христос зэкІэмэ апэу сэ гукІэгъу къызфысфишІыгъэр сэ къызэрэздэзекІорэмкІэ ищыІэгъэшхо къыгъэлъэгъонэуи ары, ежьымкІэ шІошъхъуныгъэ зиІэ хъун цІыфхэу мыкІодыжьын щыІэныгъэ зыгъотыщтхэм шапхъэ сафэхъунэуи ары. 17ЕгъэшІэрэ пачъыхьэу, мылІэжьыщтэу, цІыфхэм амылъэгъоу, Тхьэ закъоу щытым мыкІодыжьын лъытэныгъэшхомрэ щытхъушхомрэ ий. Амин.

18Скъо Тимофей, Тхьэм ежь игущыІэхэу о къыохьылІагъэу цІыф заулэмэ агухэм къарилъхьэхи, къаригъэІуагъэхэм* атетэу мы унашъор о къыпфэсэшІы. А гущыІэхэм атетэу дзэлІ дэгъур шІоу зэрэзаорэм фэдэу, 19шІошъхъуныгъэ уиІэу, угукІэ мыхъун зи зыдэмышІэжьэу, угу етыгъэу уиІоф шІэ. ЦІыф заулэмэ агухэмкІэ мыхъун зи зыдамышІэжьыныр яІэнэу зэрамыдагъэм пае, шІошъхъуныгъэм игъогу текІыжьыгъэх. 20Именейрэ Александрэрэ ащ фэдэ цІыфхэм ащыщых. Ахэр шэйтаным сэ фэзгъэзагъэх*, Тхьэр амыгъэпцІэнэу зэрагъэшІэным пае.

02

ЯТЮНЭРЭШЪХЬ

Тхьэм уелъэІуныр

ЗэкІэмэ апэу сышъолъэІу, цІыф пстэуми апае Тхьэм шъуелъэІу, ІэпыІэгъу афэхъунэуи шъуелъэІу, шІугъэ аригъэгъотынэуи шъуелъэІу, Тхьэми щытхъу фэшъушІ. 2Тхьэм ищынагъо тыгухэм арылъэу, гукъэбзагъэкІи, самбырэу ыкІи гупсэфэу тыпсэушъуным пае, пачъыхьэхэмрэ тетыгъо зиІэхэмрэ Тхьэм шъуафелъэІу. 3Ар дэгъу, Тхьэу тымыкІодэу тыкъэзыгъэнэжьырэми ар игъоу елъытэ.

1:18 Тхьэм ежь игущыІэхэу о къыохьылІагъэу цІыф заулэмэ агухэм къарилъхьэхи, къаригъэІуагъэхэр – чылыс зэІукІэм ипегъымбархэм аІэхэр Тимофей ышъхьэ тыралъхьэхэзэ, Тхьэм фэлэжьэнэу загъэнафэм, Тхьэм ахэмэ агухэм а гущыІэхэр къарилъхьэхи, къаригъэІуагъэх.

1:20 Ахэр шэйтаным сэ фэзгъэзагъэх – а лІитІур христианхэм язэкъошныгъэ зэрэхагъэкІыжьыгъэхэм пае, Шэйтаным илъэкІыныгъэу цІыфхэр зыгъэкІодхэрэм ыІэчІэгъ чІэтхэу хъугъэх.

 

4Ежьым цІьтф пстэури мыкІодхэу къыгъэнэжьынхэуи, шъыпкъагъэр зэрашІэнэуи фай. 5Сыда пІомэ Тхьэр зы, цІыфхэр Тхьэм ыдэжь зыщэрэри зы, ар цІыфэу Христос Исус ары. 6Ащ ыпсэ шъхьэщэфыжьэу цІыф пстэуми апае ытыгъ. Исус арэущтэу игъо дэдэм тефэу, Тхьэм игухэлъ ыгъэшъыпкъэжьыгъ. 7Джы мары Христос ехьылІэгъэ къэбарышІур згъэІунэуи, апостол сыхъунэуи Тхьэм сызфигъэнэфагъэр: шІошъхъуныгъэмрэ шъыпкъагъэмрэ якъэбар хымэ лъэпкъхэм язгъэшІэнэу ары – сэ шъыпкъагъэр къэсэІо, пцІы сыусырэп.

8ЛІыхэр тыдэкІи Тхьэм елъэІунхэу сыфай, гукъэбзагъэкІи аІэхэр аІэтызэ, мыгубжыхэу, Тхьэми емыхъырэхъышэхэу.

9Ащ нэмыкІэу бзылъфыгъэхэри укІытагъо ахэлъэу, хэбзэшІум тетэу, екІоу зафэпэнэу сыфай. Шъхьац блэныгъэкІи, дышъэмкІи, налмэс-налкъутэхэмкІи, щыгъын лъапІэхэмкІи замыгъэкІэракІэу, 10шІушІагъэхэмкІэ зарэгъэкІэракІ, «Тхьэм ищынагъо тыгухэм арылъ», зыІорэ бзылъфыгъэхэм зэряфэшъуашэм фэдэу.

11Бзылъфыгъэм зи ымыІоу, бэу ІорышІэу, Тхьэм иІофхэр зэригъэшІэнхэ фае. 12Бзылъфыгъэм Тхьэм иІофхэр цІыфхэм аригъэшІэнхэуи, лІы горэм тетыгъо фыриІэнэуи сыдэрэп. Зи ымыІоу щытын фае. 13Сыда пІомэ Тхьэм апэу къыгъэхъугъэр Адэм ары, етІанэ Евэ*. 14Блэм зыкъезыгъэгъэпцІагъэри Адэм арэп, бзылъфыгъэр ары нахь. Арэущтэу бзылъфыгъэр Тхьэм игъогу текІыгъ. 15Ау шІошъхъуныгъэ, шІулъэгъуныгъэ, къэбзагъэ ыгу илъ зэпытхэу бзылъфыгъэр хэбзэшІум тетэу щыІэмэ, сабый къызэрэфэхъурэмкІэ мыкІодэу къэнэжьыщт.

03

ЯЩЭНЭРЭШЪХЬ

Чылыс зэІукІэм иІэшъхьэтет ишэн зэрэщытын фаер

Мы гущыІэхэр шъыпкъэх: чылыс зэІукІэм иІэшъхьэтет* хъунэу зыгорэм шІоигъомэ, Іофэу зыуж итыр Іоф

13 Евэ – Хьауэ ары.

3:1 Іэшъхьэтет – урымыбзэм щыщ гущыІэу «Іэшъхьэтетэу» ыкІи «зынаІэ Іофхэм атезыгъэтэу» зыфаІорэм етІанэ мэхьанэу «епископыр» иІэ хъугъэ.

 

дэгъу. 2Іэшъхьэтетыр зыми зэригъэмысэн зи зыбгъодэмылъэу, зы шъуз нахь зимыІэу,* зыщыІэныгъэри гулъытэри зиІэу, хэбзэшІум тетэу, хьакІэхэр зыгъэлъапІэу, цІыфхэм шъыпкъагъэр языгъэшІэн зылъэкІырэ лІэу щытын фае. 3Ащ нэмыкІэуи ешъуакІоу е лІы Іэлэу щыты хъущтэп, ау Іасэу, мыцІэцІалэу, мылъкум кІэмыхъопсэуи щытын фае. 4Иунагъо дэгъоу зэрихьэу, ибынхэм лъытэныгъэ къызфаригъэшІэу, ыгъэІорышІэнхэ фае. 5Сыда пІомэ ежьым иунагъо зезымыхьэшъурэр Тхьэм ичылыс зэІукІэ сыдэущтэу кІэлъыплъэшъуна? 6Іэшъхьэтетыр шІошъхъуныгъэ зиІэ хъугъакІэхэм ащыщэу щыты хъущтэп. Армырмэ зышІошІыжьынышъ, шэйтаныр мысэ зэрэхъугъэм фэдэу, ари мысэ хъущт. 7ЦІыфхэр ІэягъэкІэ къытемыгущыІэнхэм ыкІи шэйтаным ихъытыу имыфэным пае, чылыс зэІукІэм щымыщхэри шІоу шыхьат зыфэхъурэ цІыфэу щытын фае.

 

Чылыс зэІукІэм иІэпыІэгъухэм яшэн зэрэщытын фаер

8Ащ фэдэу чылыс зэІукІэм иІэпыІэгъухэри* лъытэныгъэ зифэшъуашэхэу, бзэгуитІу зыІумылъхэу, сэнэпсым емынэцІхэу, мылъкуми кІэмыхъопсырэ лІыхэу щытын фаех. 9АгухэмкІи мыхъун зи зыдамышІэжьэу, шІошъхъуныгъэм ишъэф аІыгъын фае. 10Ау ыпэ рапшІэу яшъыпкъагъэ жъугъэунэфын фае. Ахэр зыми зэригъэмысэнхэ зи щымыІэмэ, ІэпыІэгъухэм ащыщхэу орэхъух.

11Ащ фэдэу а ІэпыІэгъухэм яшъузхэри лъытэныгъэ зифэшъуашэхэу, нэмыкІ цІыфхэм ІэягъэкІэ атемыгущыІэхэу, зыщыІэныгъэ зиІэхэу, лъэныкъо пстэумкІи узщыгугъышъун цІыфхэу щытын фаех.

12ІэпыІэгъур зы шъуз нахь зимыІэу, ибынхэмрэ иунагъорэ дэгъоу зезыхьэрэ лІэу щытын фае. 13ІэпыІэгъухэу зиІоф дэгъоу зыгъэцэкІагъэхэм лъытэныгъэ агъоты, Христос ИсускІэ шІошъхъуныгъэу яІэм гушхоныгъэкІи тегущыІэнхэ алъэкІыщт.

3:2,12 зы шъуз нахь зимыІэу – е зэ нахь къэзымыщагъэу.

3:8 ІэпыІэгъухэр – етІанэ мы гущыІэм мэхьанэу «диаконыр» иІэ хъугъэ.

 

Шъэфэу тишІошъхъуныгъэ хэлъыр

14Бэ темышІэу уадэжь сыкъэкІонэу сыгугъэу, мы тхылъыр къыпфэсэтхы. 15Сыкъэгужъомэ, Тхьэм иунагъо щыщхэр зэрэзекІонхэ фаер мы тхылъым уигъэшІэщт. Тхьэм иунагъо щыщхэр щыІэныгъэ зиІэ Тхьэм ичылыс зэІукІ ары. А чылыс зэІукІэр шъыпкъагъэр зытет пкъэури лъапсэри ары. 16ШъыпкъэмкІэ шъэфэу тишІошъхъуныгъэ хэлъыр* ины:

Тхьэр цІыфэу къэлъэгъуагъ.

Тхьэм ыПсэ ЛъапІэ ащ ишъыпкъагъэ къыгъэ-

шъыпкъэжьыгъ. МэлэІичхэм заригъэлъэгъугъ. Ежьым фэлажьэхэрэм ежь икъэбар хымэ лъэпкъ-

хэм арагъэІугъ. Дунаем тет цІыфхэм ежьымкІэ шІошъхъуныгъэ

яІэ хъугъэ. Щытхъушхо иІэу Тхьэм ар уашъом дихьыежьыгъ.

04

ЯПЛІЭНЭРЭШЪХЬ

ЦІыфыбэ шІошъхъуныгъэм игъогу зэрэтекІыжьыпэщтхэр

Тхьэм Ыпсэ ЛъапІэ нафэу къеІо, дунаем иаужырэ лъэ­хъанэхэм цІыфыбэ шІошъхъуныгъэм игъогу зэрэтекІы­жьыпэщтхэр. ЦІыфхэр дэзыхьыхырэ джынэхэми, Іофхэу джынапцІэхэм цІыфмэ арагъашІэхэрэми ядэІущтых. 2ДжынапцІэхэм Іофхэу цІыфхэм арагъашІэхэрэр къыз­пкъырыкІхэрэр нэпитІу зиІэ пцІыусхэр ары. ПІІури ери зэхадзыжьын амылъэкІыжьынэу гъучІ тамыгъэ плъы­гъэмкІэ ахагъэстыкІыгъэм фэдэу, ащ фэдэ цІыфхэм агу­хэр щытыщтых. 3Къэщэныгъэ-дэкІоныгъэмрэ гъэнэфэгъэ гъомлапхъэхэм яшхыныгъэмрэ мыхъун Іофхэу щытхэу а пцІыусхэм цІыфхэм араІо. Ау Тхьэм а гъомлапхъэхэр къыгъэхъугъэх, шІошъхъуныгъэ зиІэхэу, шъыпкъагъэр зышІэхэрэм Тхьэм щытхъу фашІэу ахэр ашхынхэм пае

3:16 тишІошъхъуныгъэ шъэфэу хэлъыр – тишІошъхъуныгъэ икъэбар­хэу Тхьэм цІыфхэм пасэм аримыгъэшІагъэхэу, джы къафигъэнэфагъэ­хэр ары.

пае, 4сыда пІомэ Тхьэм къыгъэхъугъэ пстэури шІу. Тхьэм щытхъу фэпшІэу къапштэмэ, зи хэбдзыжьы хъу­щтэп, 5сыда пІомэ, Тхьэм игущыІэхэмрэ Тхьэм узэрелъэ­ІурэмрэкІэ ар къабзэ мэхъу.

Исус Христос шІоу узэрэфэлэжьэщтыр

6Мы Іофхэр тшыхэм агурыбгъаІохэмэ, ащыгъум шІошъхъуныгъэм игущыІэхэмкІи, тишІошъхъуныгъэ тигъашІэрэ ІофышІухэу узтетхэмкІи лъэкІыныгъэ зэб­гъэгъотэу, Исус Христос шІоу фэлажьэхэрэм уащыщ. 7Тхьэм ищынагъо зыхэмылъ ныожъ тхыдэжъхэм защы­дзый. Ау Тхьэм ищынагъо угу зэрилъыным ыуж ит. 8Пкъыр ебгъэсэным ишІуагъэу къакІорэр щыІ, ау Тхьэм ищынагъо угу зэрилъыным сыд фэдэ лъэныкъокІи ишІуа­гъэ къэкІо, сыда пІомэ Тхьэм ищынагъо угу илъыным джырэ щыІэныгъэмрэ къэкІощт щыІэныгъэмрэ апае шІум ущегъэгугъы.

9А гущыІэхэр шъыпкъэх, цІыф пстэуми ахэр адэнхэу яфэшъуаш. 10Тыулэузэ, тишъыпкъэу тызкІэлажьэрэр цІыф пстэури, зэкІэмэ апэу шІошъхъуныгъэ зиІэхэр, мыкІодхэу къэзыгъэнэжьырэ Тхьэу щыІэныгъэ зиІэм ты­зэрэщыгугъырэр ары.

11Мы ІофхэмкІэ цІыфхэм унашъо афэшІ, ахэри ягъа­шІэх. 12УиныбжьыкІагъэ пае зыми нэмыплъ къызэремы­гъэт, ау гущыІэхэмкІи, зекІуакІэмкІи, шІулъэгъуныгъэм­кІи, шІошъхъуныгъэмкІи, гукъэбзагъэмкІи шІошъхъу­ныгъэ зиІэхэм шапхъэ афэхъу. 13Сэ сыкъэкІожьыфэ, Тхьэм игущыІэ тхыгъэхэм* цІыфхэм апашъхьэ укъызэря­джэщтми, цІыфхэм зэрагурыбгъэІощтми, зэрябгъэшІэщт ми апылъ. 14Тхьэм ынэшІу къыпщифэнэу чылыс зэІукІэм инахьыжъхэм* аІэхэр о пшъхьэ къытыралъхьа­хэзэ, Тхьэм ежь игущыІэхэр о къыохьылІагъэу ахэмэ агухэм къарилъхьэхи, къызарегъаІохэ ужым, Тхьэм ыПсэ ЛъапІэм лъэкІыныгъэу къыуитыгъэм узэрэпылъыщтым ыуж ит.

4:13 Тхьэм игущыІэ тхыгъэхэр – джуртхэм ятхылъ лъапІэхэр ары зыфи­Іохэрэр: Тэурат, Сэбур, пегъымбархэм атхыгъэ тхылъхэри, нэмыкІхэри.

4:14 нахьыжъхэр – чылыс зэІукІэм фэлажьэрэ тхьаматэхэр ары. Еплъ Апостол. 11:30.

15Мы Іофхэм апылъ, уапэкІэ зэребгъэхъурэр зэкІэмэ нафэ афэхъуным пае, а Іофхэм ауж ит зэпыт. 163ыфэса­къыжь, Іофхэу цІыфхэм ябгъашІэхэрэми афэсакъ. А Іофхэмэ унаІэ атегъэт зэпыт. Арэущтэу пшІымэ, къыодэ­Іурэ цІыфхэр мыкІодхэу къэбгъэнэжьыщтых, о пшъхьи мыкІодэу къэбгъэнэжьыщт.

 

05

ЯТФЭНЭРЭШЪХЬ

Шъузабэхэр, нахьыжъхэр, унэІутхэр

Шыжъым уфэмыгубж, ау тым фэдэу гурыгъаІу; кІалэ­хэми пшыхэм узэрафыщытым фэдэу афыщыт; 2бзы­лъфыгъэ нахьыжъхэми ныхэм узэрафыщытым фэдэу афыщыт, бзылъфыгъэ ныбжьыкІэхэми шыпхъухэм узэ­рафыщытым фэдэу зэкІэ гукъэбзагъэкІэ афыщыт.

3Шъузабэу зизэкъо дэдэхэм лъытэныгъэ афэшІ. 4Зы шъузабэ горэм ибынхэмрэ ибынхэм къакІэхъуагъэхэмрэ иІэхэмэ, ежьхэм яунагъо лъытэныгъэ фашІынэу ыпэ ра­пшІэу зэрарэгъашІ, ятэ-янэхэмэ къафашІагъэри афарэ­шІэжь, сыда пІомэ ар Тхьэм игъоу елъытэ. 5Шъузабэу зизэкъо дэдэу къэнагъэр Тхьэм щэгугъы, чэщи мафи Тхьэр къыдэІэпыІэнэу елъэІу зэпыт. 6Ау шъузабэу зызэ­ригъэтхъэжьыным нэмыкІ емыгупшысэрэр, псаоу щыт пэтми, лІагъэм фэд. 7ШІошъхъуныгъэ зиІэхэр зыми зэри­гъэмысэнхэ зи щымыІэным пае, мы Іоф пстэумкІи уна­шъо афэшІ. 8Ау цІыфэу зиунэкъощхэм, зэкІэмэ анахьи иунэ исхэм, акІэлъымыплъэрэм ишІошъхъуныгъэ ыгъэ­пцІыгъ. Ар шІошъхъуныгъэ зимыІэм нахьи нахь дэижь.

9Шъузабэхэм ацІэхэр зэрыт тхылъым шъузабэу зыцІэ ратхэн фаер зыныбжь тІокІищым нэсыгъэу, зэ нахь дэмы­кІуагъэу, 10зишІушІагъэхэмкІэ цІыфхэр шыхьат зыфэ­хъурэр ары: гущыІэм пае, бын зыпІугъэу, хьакІэхэр зыгъэлъэпІагъэу, Тхьэм ицІыф лъапІэхэм* алъакъохэр афэзытхьакІыгъэу, гузэжъогъу хэтхэм адэІэпыІагъэу, шІу­шІэгъэ пстэуми апылъыгъэ шъузабэр ары.

5:10 Тхьэм ицІыф лъапІэхэр – ИсускІэ шІошъхъуныгъэ зиІэхэр ары.

5:10 алъакъохэр афэзытхьакІыгъэу – а лъэхъанэм хьакІэ горэ унэм къызихьэкІэ, уэІут горэм хьакІэм ылъакъохэр фитхьакІыхэу хабзэу яІагъ.

11Шъузэбэ ныбжьыкІэхэм ацІэхэр а тхылъым имытхэх. Сыда пІомэ хъопсэныгъэ агу къихьэмэ, Христос акІыб къыфагъазэзэ, дэкІожьынхэу фэещтых. 12Арэущтэу гу­щыІэ пытэу Христос ратыгъэр* зэрамыгъэцэкІагъэм пае, мысэхэу мэхъух. 13Ащ нэмыкІэуи, Іоф амышІэу унэ ихьэ икІэу къакІухьэу яхабз. Іоф зэрамышІэрэм изакъоп, Іор­жъорхэу, яІоф зыхэмылъым яІоф халъхьэу, амыІуапхъэ­хэри аІох. 14Арышъ, шъузэбэ ныбжьыкІэхэр дэкІожьын­хэу, быни къакІэхъонэу, яунагъуи зэрахьанэу, джэгъо­гъоу шэйтаныр ІэягъэкІэ атегущыІэнэу игъо рамыгъэ­фэнэу сыфай. 15Сыда пІомэ ахэмэ ащыщхэр гъогу зан­кІэм текІыхи, шэйтаным игъогу техьагъэх.

16ШІошъхъуныгъэ зиІэ бзылъфыгъэ горэм иунэ шъуза­бэхэр исхэмэ, ар ахэмэ алъыплъэн фае. Чылыс зэІу­кІэм ахэр хьылъэ фэрэмыхъух, шъузабэу зизэкъо дэдэхэм чылыс зэІукІэр алъыплъэшъуным пае.

17Нахьыжъхэу чылыс зэІукІэр дэгъоу зезыхьэхэрэм лъытэныгъэ нахьыбэ яфэшъуаш, зэкІэмэ апэу Тхьэм игу­щыІэхэр цІыфхэм языгъэІухэу, языгъашІэхэрэр ары. 18Сыда пІомэ Тхьэм игущыІэ тхыгъэхэм арыт: «Цум лэжьыгъэр ыІо зыхъукІэ, ыжэ зэтемыпх», ыкІи «Лэжьа­кІом илэжьапкІэ ыгъотынэу ифэшъуаш». 19Шыхьати­тІум, е шыхьатищым къаІорэмкІэ гъэшъыпкъагъэ мы­хъумэ, зыгорэм чылыс зэІукІэм инахьыжъхэм ащыщ горэ зэригъэмысэрэр умыдэ. 20ПсэкІод зышІэхэрэм зэ­кІэмэ апашъхьэ ащыгурыгъаГу, адрэхэр щынэнхэм пае.

21Тхьэм, Зиусхьанэу Исус Христос, Тхьэм къыхихыгъэ мэлэІичхэм апашъхьэ пытэу унашъо къыщыпфэсэшІы, къыпшІошІырэ пхэнджыгъэ Іоф хэмылъэу, зыгорэм ылъэ­ныкъокІи удемыІэу, мы Іоф пстэури гъэцакІэх.

22ЦІыф горэ Зиусхьаным фэлэжьэнэу бгъэнэфэным пае, о пІэхэр ышъхьэ теплъхьанхэу Іофым удэмыгузажъу. НэмыкІ цІыфхэм япсэкІодхэм уиІахьэ ахэлъэу умышІы. Гукъэбзагъэ зигъэІэ зэпыт.

23Псы къодые уемышъу, ау уныбэрэ бэрэ къыпфа­кІорэ узхэмрэ апае сэнэпс тІэкІу ешъу.

5:12 гущыІэ пытэу Христос ратыгъэр – Христос фэлэжьэнхэм нэмыкІ пымылъынхэу гущыІэ пытэу ратыгъэр ары.

24 ЦІыф заулэмэ япсэкІодшІагъэхэр нэрылъэгъух, а цІыф­хэри унэшъо шІыпІэм нэмысхэ рапшІэу мысэу мэхъух. НэмыкІ цІыфхэм япсэкІодшІагъэхэр ауж итхэу, ыужкІэ нэрылъэгъу мэхъух. 25Ащ фэдэу шІушІагъэхэри нафэх. ШІушІагъэхэу нэрылъэгъоу щымытхэри гъэбылъыгъэу къэнэжьышъущтхэп.

 

06

ЯХЭНЭРЭШЪХЬ

УнэІутыгъэм ибжь зытелъ пстэуми ятхьаматэхэм лъы­тэныгъэ зэкІэ яфэшъуашэу алъытэн фае, цІыфхэр Тхьэм ыцІэрэ тишІошъхъуныгъэ тигъэшІэрэ Іофхэмрэ ямы­хъонынхэм пае. 2УнэІутхэу шІошъхъуныгъэ зиІэ тхьама­тэхэр зиІэхэм зэкъошхэу зэрэщытым пае, ахэмэ нэмыплъ арарэмыт, ау джыри нахьышІужьэу афэлэжьэнхэ фае. Сыда пІомэ Іофэу ашІэрэм зишІуагъэ къекІырэр шІошъ­хъуныгъэ зиІэхэу шІу алъэгъухэрэр ары. Мы Іофхэр унэІутхэм ягъашІэх ыкІи афэгъэпытэх.

ЦІыф заулэм Іоф пхэнджхэу адрэ цІыфхэм арагъашІэхэрэмрэ мылъку кІэхъопсынымрэ яхьылІагъ

3Зыгорэм Іоф пхэнджхэр шъуигъашІэхэу, ти Зиусхьа­нэу Исус Христос игущыІэхэу тызщыгугъышъунэу щытхэм атемытмэ, Тхьэм ищынагъо тыгухэм арылъы­ным ехьылІагъэу тишІошъхъуныгъэ тигъэшІэрэ Іофхэми атемытмэ, 4а цІыфыр зышІошІыжьы ыкІи зи зэхишІы­кІырэп. Ар зэнэкъокъунымрэ гущыІэхэмкІэ зэщыхьаным­рэ акІэхъопсы. А Іофхэм къарыкІхэрэр шъугъоныр, зэмызэгъыныр, нэмыкІ цІыфхэм ІэягъэкІэ атегущы­Іэныр, зым зым гуцафэ фишІыныр, 5зиакъыл зэщы­къуагъэу, шъыпкъагъэм пэчыжьэ цІыфхэм язэщыхьаны­гъэу пкІэ зимыІэр ары. Тхьэ гъэлъэпІэныгъэр чар къэкІуапІэу ашІошІы. Ащ фэдэхэм защыдзый.

6Шъыпкъэ сэІо, цІыф горэм иІэм рыразэу щытмэ, Тхьэм ищынагъуи ыгу илъмэ, шІуагъэу ащ хэлъыр ины. 7Сыда пІомэ дунаем тыкъызытехьэм, зи къыздэттхьы­гъэп, дунаем тызытекІыкІи зи тетхынэуи тлъэкІыщтэп. 8Ау шхынэу тшхыщтымрэ щыгъынхэмрэ тиІэхэмэ, ахэмэ

тарырэзэщт. 9Ау баи хъунхэу фаехэр псэкІодшІэным фы­дэзыхьыхын Іофым хафэх, шэйтанми ІэкІэфэх. ПкІэ зи­мыІэ хъопсэныгъэхэу зиягъэ къакІохэу, цІыфхэри зы­гъэунэхъухэу, кІодыпІэм зыІэпызыщэхэрэм а цІыфхэр аубытых. 10Сыда пІомэ бзэджэныгъэ пстэури къызхэкІы­рэр ахъщэр шІулъэгъуныгъэр ары. ЦІыф заулэ ахъщэм кІэхъопсыхэу, шІошъхъуныгъэм игъогу текІыхи, гухэкІ Іаджи къызфахьыжьыгъ.

ШІошъхъуныгъэм шІоу фэлажьэ

11Ау о, Тхьэм ицІыф, а Іофхэм защыдзый. Шъыпкъа­гъэр, Тхьэм ищынагъор, шІошъхъуныгъэр, шІулъэгъу­ныгъэр, теубытэныгъэр, гушъэбэныгъэр угу зэрилъын­хэм ауж ит. 12ШІошъхъуныгъэм шІоу узэрэфэлэжьэным пылъ. МыкІодыжьын щыІэныгъэ зэгъэгъот; сыда пІомэ шыхьатыбэмэ апашъхьэ* шІошъхъуныгъэ зэрэуиІэм шІоу шыхьат укъызыфэхъум, ар бгъотынэу Тхьэр къыоджагъ. 13Тхьэу зэкІэми щыІэныгъэ къязытырэм ыпашъхьэрэ, Хри­стос Исусэу Понтый Пилат* зэхихэу шъыпкъагъэм шыхьат дэгъу фэхъугъэм ыпашъхьэрэ, пытэу унашъо къыпфэсэ­шІы: 14зи уимылажьэу, зыми узэригъэмысэни зи щымы­Іэу, тиунашъо гъэцакІэ, ти Зиусхьанэу Исус Христос ду­наем къызыкІожьыщт мафэм нэсыфэ. 15Игъо къызыскІэ, Тхьэм а мафэр къыгъэлъэгъощт – Тхьэу щытхъушхо зиІэу, лъэкІыныгъэшхо зиІэ закъор, пачъыхьэхэм я Пачъы­хьэжь, тхьаматэхэм я Тхьэмэтэжь. 16Ежь Тхьэ закъор ары мылІэжьыщтыр, узэмыкІолІэшъущт нэфынэми хэтыр. ЦІыфхэм ащыщэу зыми ар нэкІэ ылъэгъугъэп, ылъэ­гъуни ылъэкІыщтэп. Лъытэныгъэшхори мыкІодыжьын лъэкІыныгъэшхори ий. Амин.

17Мы дунаем баи щыхъугъэхэр зашІомышІыжьынэуи, мылъку нэпцІым щымыгугъыхэу, Тхьэм нахь щыгугъын­хэуи унашъо афэшІ. Сыда пІомэ тызыгъэтхъэжьынэу

6:12 шыхьатыбэмэ апашъхьэ – ар зыхъугъэр чылыс зэІукІэм итхьаматэ­хэм Тимофей Тхьэм фэлэжьэнэу загъэнэфагъэр ары.

6:13 Понтый Пилат – Рим цІыфхэм ащыщэу, Понтый Пилат, Исус къы­зэхъу нэужым я 26-36 илъэсхэм къакІоцІ, хэкухэу Иудей, Самарие, Идумей яІэшъхьэтетэу щытыгъ. Понтый Пилат ары Исус укІ тезылъхьагъэр.

зэкІэ икъоу къытэзытырэр Тхьэр ары. 18ШІушІэным пы­лъынхэуи, шІушІэнымкІэ баи хъунхэуи, ямылъку шъхьа­мысыжьхэу, яІэм щыщ ягуапэу нэмыкІ цІыфмэ аратынэуи унашъо афэшІ. 19Арэущтэу ашІымэ, мылъкушхо зыфау­гъоижьыгъэу мэхъу. МыкІодыжьын щыІэныгъэ зэра­гъэгъотыным пае, а мылъкушхор къэкІощт дунаем лъа­псэ щафэхъу.

20О Тимофей, Іофэу Тхьэм о ппшъэ къырилъхьагъэм фэсакъ. Тхьэм ищынагъо зыхэмылъ гущыІэ мыщыу­хэмрэ пэгущыІэныгъэу пцІыкІэ шІэныгъэкІэ заджэхэ­рэмрэ защыдзый. 21Сыда пІомэ «А шІэныгъэр тиІ», зыфаІожьэу, цІыф заулэ шІошъхъуныгъэм игъогу текІы­гъэх.

Тхьэм ынэшІу къыпщерэф. Амин.

23 2.Timothy / 2 Тимофей

01

АПОСТОЛ ПАУЛ ЯТЮНЭРЭ ТХЫЛЪЭУ ТИМОФЕЙ ФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул. Тхьэр фэягъэти, Исус Христос тыгухэм зэрарылъымкІэ мыкІодыжьын щыІэныгъэ къэдгъотынэу Тхьэм тыкъызэригъэгугъагъэм икъэбар цІыфхэм язгъэІунэу Исус Христос иапостолэу* сыхъугъ. 2ІПІу слъэгъурэ скъоу Тимофеим* мы тхылъыр фэсэтхы.

Тхьэу Ты лъапІэмрэ ти Зиусхьанэу Христос Исусрэ анэшІу къыпщарэфи, гукІэгъуныгъэ къыпфарэшІи, гупсэфыныгъэ къыуарэт.

Христос икъэбарышІу фэшъыпкъэнэу Паул Тимофей зэригъэгушхуагъэр

3Сятэжъхэм сафэдэу сыгукІэ мыхъун зи зыдэсымышІэжьэу, сызфэлажьэрэ Тхьэм щытхъу фэсэшІы. Тхьэм се-

1:1 апостол – еплъ 1 Тим. 1:1. 1:2 Тимофей – еплъ Кол. 1:1.

 

лъэІузэ, чэщи мафи уигугъу сшІы зэпытэу, Тхьэм щытхъу фэсэшІы. 4Унэпсхэр сыгу къэкІыжьхэу, гушІуагъо сыгу из хъуным пае, услъэгъужьынэу сшІоигъу. 5УишІошъхъуныгъэ шъыпкъэ сыгу къэкІыжьы. Ащ фэдэ шІошъхъуныгъэ уянэжъэу Лоидэрэ уянэу Евникэрэ агухэм арылъыгъ; джы ар о угуи зэрилъым сыщэгугъы. 6Арышъ, сэ сІэхэр о пшъхьэ къызэрэтеслъхьагъэхэмкІэ* Тхьэм лъэкІыныгъэу къыуитыгъэм имашІо къызэкІэбгъэнэнэу угу къэсэгъэкІыжьы. 7Сыда пІомэ Тхьэм ежь Ыпсэ ЛъапІэу тыгухэм къарилъхьагъэм щынагъо тыгухэм арылъэу ыгъэхъурэп, лъэкІыныгъэ, шІулъэгъуныгъэ, зыщыІэныгъэ тыгухэм арылъхэу егъэхъу нахь.

8УмыукІытэу ти Зиусхьан шыхьат фэхъу. Сэри ежьым сызэрэфэлажьэрэм пае, хьапсым сызэрэчІадзагъэм фэшІ, укъыстемыукІытыхьажь, Тхьэм илъэкІыныгъэкІи къэбарышІум пае къин къыздэщэч. 9Тхьэр ары тымыкІодэу тыкъэзыгъэнэжьыгъэри, гукъэбзагъэкІэ тыпсэунэу къытэджагъэри. Арэущтэу зыкІишІагъэр ежьым ащ фэдэ гухэлъ ышІыгъэу, ынэшІу къызэрэтщифагъэр ары. ТишІушІагъэхэм яІоф ащ хэлъэп. Тхьэм Христос Исус ынэшІу къызытщыригъэфагъэр лъэхъан пстэуми апэ ары, 10ау джы тымыкІодэу тыкъэзыгъэнэжьырэ Исус Христос къызэрэлъэгъуагъэмкІэ Тхьэм ынэшІу щыфэныгъэр нафэ къэхъугъ. Исус Христос лІэныгъэр ыгъэкІодыгъ, къэбарышІумкІи мыкІодыжьын щыІэныгъэ къытфигъэнэфагъ. 11А къэбарышІур цІыфхэм язгъэІунэуи, иапостол сыхъунэуи, а къэбарышІур цІыфхэм язгъэшІэнэуи Тхьэм сыкъигъэнафагъ. 12Джары мы къиныр зыкІэсщэчырэр; ау сэ сыукІытэрэп, сыда пІомэ Исус Христосэу шІошъхъуныгъэ зыфысиІэр сэшІэ, ежьыми Іофэу сэ спшъэ къырилъхьагъэм а мафэм* нэсыфэ къыфэсакъын зэрилъэкІыщтым сыщэгугъы.

13Христос Исус угу зэрилъым пае, шІошъхъуныгъэрэ шІулъэгъуныгъэрэ уиІэхэу, гущыІэхэу сэ къасІохэу зэхэпхыгъэхэу, узщыгугъышъунэу щытхэр шапхъэм фэдэу Іыгъхэу уатемыкІ. 14Тхьэм Іофэу о ппшъэ къыри-

1:6 Сэ сІэхэр о пшъхьэ къызэрэтеслъхьагъэхэмкІэ – Паул зыфиІорэр ежьыррэ адрэ христиан тхьаматэхэмрэ аІэхэр Тимофей ышъхьэ тыралъхьэхэзэ, Тимофей Тхьэм фэлэжьэнэу зэрагъэнэфагъэр ары. Еплъ 1 Тим. 1:18; 4:14;

1:12 а мафэм – ахърэт мафэр ары.

 

лъхьагъэр Тхьэм Ыпсэ ЛъапІэу тыгухэм арылъымкІэ къэухъум.

15Асие хэкум* ис пстэури, ахэмэ ащыщэу Фигеллрэ Ермогенрэ, сызэрэханэжьыгъэр о ошІэ.

163иусхьаным Онесифор иунагъо гукІэгъу къыферэшІ, сыда пІомэ бэрэ ащ сыгу ыгъэпсэфыжьыгъ, Іэхъу-лъэхъу стелъыгъэ пэтми, къыстеукІытыхьагъэп. 17Ар Рим къэлэшхом къызэкІом, сыкъегъотыфэ, емызэщэу къыслъыхъугъ. 18Ахърэт мафэм Зиусхьаным ащ гукІэгъуныгъэ ферэшІ. Ефес къалэм бэрэ къызэрэщыздэІэпыІагъэр о нахьышІоу ошІэ.

02

ЯТЮНЭРЭШЪХЬ

Исус Христос шІоу фэбанэрэ дзэлІышІу

Арышъ, о скъо, Христос Исусэу тыгухэм арылъым ынэшІу къызэрэпщифэрэмкІэ угу гъэпытэ. 2Іофхэу шыхьат Іаджыхэми апашъхьэ сэ къасІохэу зэхэпхыгъэхэр, узщыгугъышъун цІыфхэу нэмыкІхэм ахэр языгъэшІэн зылъэкІыщтхэм апшъэ илъхьэх. 3Исус Христос идзэлІ дэгъу фэдэу къин къыздэщэч. 4Дзэм емыпхыгъэ Іофхэм дзэлІым зыдаригъэхьыхрэп – дзэ пащэм ыгу къызэригъэІунэу шІоигъу. 5Ащ фэдэу, зэпэчъэныгъэм ихабзэ тетэу мычъэрэм текІоныгъэм итандж къыратырэп. 6МэкъумэщышІэу зиІоф къин зышІэрэм лэжьыгъэу къахыжьыгъэм щыщэу иІахьэ апэу къыратын фае. 7КъасІорэм егупшыс. Зиусхьаным Іоф пстэумкІи зэхэшІыкІыныгъэ къыуитыщт.

8Исус Христос угу къэгъэкІыжь; ар пачъыхьэ Даутэ къытехъукІыгъэ цІыфхэм ащыщыгъ, лІагъэхэми Тхьэм ар къахигъэтэджыкІыжьыгъ. Джары къэбарышІоу згъэІоу, 9къин зыфэсщэчэу, бзэджашІэм фэдэу Іэхъу-лъэхъу къызфыстыралъхьагъэр. Ау Тхьэм игущыІэхэм Іэхъу-лъэхъу атыралъхьан алъэкІыщтэп. 10Ащ пае, Тхьэм къыхи-

1:15 Асие хэкур – Рим къэралыгъошхом щыщ хэкоу щытыгъ. А хэкум икъэлэшхоу щытыгъэр Ефес ары. Асие хэкур джырэ Тыркуем итыгъэ къохьэпІэ лъэныкъо итыгъ.

 

хыгъэ цІыфмэ сишІуагъэ язгъэкІыным пае, теубытэныгъэкІэ къин пстэури сэщыІэ. Арэущтэу Христос Исус ахэмэ агухэм зэрарылъым пае, ахэри мыкІодхэу къэнэжьыщтых, мыкІодыжьын щытхъушхуи яІэ хъущт.

11Мы гущыІэхэр шъыпкъэх: Христос тыригъусэу тылІагъэмэ, тыригъусэуи тыщыІэщт.

12ТеубытэныгъэкІэ къин тщыІэмэ, ежьым тыригъусэу тетыгъо тиІэщт.

«Ежь игъогу рыкІохэрэм тащыщэп», тІомэ, ежьыми «Ахэр сигъогу рыкІохэрэм ащыщхэп», къытфиІожьыщт.

13Шъыпкъагъэ тимыІэми,

ежьым шъыпкъагъэ иІэ зэпытыщт,

сыда пІомэ ежьым зигъэпцІэжьын ылъэкІыщтэп.

Тхьэм фэлажьэрэ цІыфэу ыгу зэІурэр

14А Іофхэр агу къэгъэкІыжьых. ГущыІэхэм яхьылІагъэу зэмынэкъокъунхэу Зиусхьаным ыпашъхьэ лъэшэу щагурыгъаІу. Зэнэкъокъуныгъэм ишІуагъэ къакІорэп, ащ едэІухэрэми иягъэ арегъэкІы. 15Тхьэм зишъыпкъагъэ ыгъэунэфыгъэ цІыфэу, Іофэу ышІагъэм теукІытыхьажьынэу зимыщыкІагъэу, шъыпкъагъэм игущыІэхэр тэрэзэу цІыфмэ языгъашІэрэу Тхьэм ыдэжькІэ узэрэщытыным ыуж ит. 16Тхьэм ищынагъо зыхэмылъ гущыІэ мыщыухэм защыдзый; сыда пІомэ ащ фэдэхэм апылъхэм Тхьэм нахь пэчыжьэ зашІы зэпыт. 17Кансэр* зыцІэ узым фэдэу, Іофхэу ахэмэ цІыфхэм арагъашІэхэрэр анахьыбэмэ анэсыщтых. Именейрэ*Филитрэ а цІыфхэм ащыщых. 18ИтІур шъыпкъагъэм игъогу текІыхи, тэ, шІошъхъуныгъэ зиІэхэр, лІагъэхэм тыкъахэтэджыкІыжьыгъэу аІозэ, зэраІорэмкІэ цІыф заулэмэ яшІошъхъуныгъэ агъэкІоды. 19Ау Тхьэм ыгъэуцугъэ лъэпсэ пытэр щыІэ зэпытыщт. Мыхъурым* фэдэу мырэущтэу ащ тедзагъ: «Зиусхьаным ежь ицІыфхэр ешІэх», ыкІи «Хэти Зиусхьаным ыцІэ зыдэрэм ыкІыб бзэджэныгъэм игъогу ферэгъаз».

2:17 кансэр – урусыбзэкІэ «рак», арапыбзэкІэ «саратан» ары.

2:17 Именей – еплъ 1 Тим. 1:20.

2:19 мыхъур – арапыбзэкІэ «хъытымыр», тыркубзэкІи «мыхьыр» ары.

 

20Унэшхо горэм дышъэмрэ тыжьынымрэ ахэшІыкІыгъэ хьакъушыкъухэм ямызакъоу, пхъэмрэ ятІэмрэ ахэшІыкІыгъэ хьакъушыкъухэри илъых. Хьакъушыкъу шІу дэдэхэр ахэтых, къызэрыкІо хьакъушыкъухэри ары. 21Зыгорэм ыгу ыгъэкъэбзэжьэу, мы Іоф бзаджэхэм защидзыемэ, хьакъушыкъу шІу дэдэм фэдэу хъущт. А цІыфым Зиусхьаным зыритыгъэу, ишІуагъэ Зиусхьаными ригъэкІэу, шІушІэгъэ пстэуми афэхьазырэу хъущт.

22Ау ныбжьыкІагъэм ихъопсэныгъэ Іаехэм защыдзый. ГукъэбзагъэкІэ Зиусхьаным елъэІухэрэм урягъусэу шъыпкъагъэмрэ, шІошъхъуныгъэмрэ, шІулъэгъуныгъэмрэ, гупсэфыныгъэмрэ ауж ит. 23Ау пкІэ зимыІэхэу, шІэныгъэ зыхэмылъ зэнэкъокъуныгъэхэм защыдзый. Ахэмэ зэщыхьаныгъэ къызэрахэкІырэр ошІэшъ ары. 24Зиусхьаным фэлажьэрэ цІыфыр зэщыхьаныгъэм пылъ хъущтэп. Ау цІыф пстэуми афэшІоу, цІыфхэм шъыпкъагъэр языгъэшІэн зылъэкІэу, зызымыгъэгусэрэ цІыфэу щытын фае. 25Ежьым къыпэуцухэрэм гушъэбагъэкІэ агуригъэІон фае. Шъыпкъагъэр ашІэным пае, Тхьэм ахэри кІигъэгъожьынхэкІи мэхъу. 26Арэущтэу хъумэ, зыфаер шэйтаным аригъэшІэнэу зиубытыхэрэ ужым, ащ ихъытыу икІыжьыщтых.

03

ЯЩЭНЭРЭШЪХЬ

Дунаем иаужырэ мафэхэм псэущт цІыфхэм яшэн зыфэдэщтыр

Дунаем иаужырэ мафэхэм уахътэ къинхэр къызэрэкІощтхэр пшІэн фае. 2Сыда пІомэ цІыфхэм ежь ашъхьэкІэ шІу залъэгъужьыщт, ахъщэри шІу алъэгъущт, зыщытхъужьыщтых, пэгэщтых, хъонэщтых, ятэ-янэхэм ядэІужьыщтхэп, рэзэныгъэ ахэлъыщтэп, Тхьэр агъэлъэпІэщтэп, шІулъэгъуныгъи ахэлъыщтэп; 3зэшІужьыныгъэр зыфэдэр ашІэщтэп, нэмыкІ цІыфхэм ІэягъэкІэ атегущыІэщтых, зыщыІэныгъэ яІэщтэп, жъалымыщтых, шІугъэр шІу алъэгъущтэп; 4уащымыгугъышъунэу щытыщтых, шъхьэпсынкІэу щытыщтых, зашІошІыжьыщт; Тхьэр шІу алъэгъуным нахьи, загъэтхъэжьыныр нахьышІу алъэгъущт; 5Тхьэм ищынагъо агухэм арылъым фэдэу зыкъа-

 

гъэлъэгъощт, ау Тхьэм илъэкІыныгъэ адэщтэп. Ащ фэдэ цІыфхэм защыдзый.

6А цІыфхэм ащыщхэу зы заулэ унэмэ арыцІанлъэнхэзэ, бзылъфыгъэхэу зипсэкІодхэм ахэкІуадэхэу, зэмылІэужыгъо хъопсэныгъэ мыхъомышІэхэм зыкъырязыгъэщэкІыхэрэр дахьыхьых. 7А бзылъфыгъэхэм сыдигъуи Іофхэр зэрагъашІэхэми, шъыпкъагъэр къашІэн алъэкІырэп. 8Ианныйрэ Иамврыйрэ* пегъымбар Мусэ зэрэпэуцугъэхэм фэдэу, мы цІыфхэри шъыпкъагъэм пэуцужьых. Ахэр зиакъыл зэщыкъогъэ цІыфых, зишІуагъэ къэмыкІожьыщт шІошъхъуныгъэ яІ. 9Ау ахэмэ яІоф бэрэ къадэхъущтэп; сыда пІомэ Ианныйрэ Иамврыйрэ яделагъэ цІыф пстэумкІи нафэ зэрэхъугъэм фэдэу, мы цІыфхэм яделагъи цІыф пстэумкІи нафэ хъущт.

Аужырэ Іофхэу Паул Тимофей фигъэпытэхэрэр

10Іофхэу сэ цІыфхэм язгъэшІагъэхэри, сизекІуакІи, сигухэлъи, сишІошъхъуныгъи, сищыІагъи, сишІулъэгъуныгъи, ситеубытэныгъи ошІэх. 11Къалэхэу Антиохие, Иконие, Листрэ* цІыфхэм къинэу щысагъэщэчыгъэхэри, къиныбэу щысщэчыгъэхэри ошІэх. Къинышхохэр сагъэщэчыгъэх, ау Зиусхьаным зэкІэми сыкъахищыжьыгъ. 12Шъыпкъэ, Тхьэм ищынагъуи Христос Исусри хэти зыгу илъхэу псэунэу фаем цІыфхэм къин рагъэщэчыщт. 13Ау цІыф бзаджэхэми, гъэпцІакІохэми ябзэджэныгъэ рагъэхъущт; ахэмэ нэмыкІ цІыфхэр дахьыхых, ежь ашъхьэкІи зыдахьыхыжьы. 14Ау о Іофхэу зэбгъэшІагъэхэми, узщыгугъыхэрэми атет зэпыт, сыда пІомэ ахэр озыгъэшІэгъэ цІыфхэр ошІэх. 15Ащ нэмыкІэу, уисабыигъо щегъэжьагъэу Тхьэм игущыІэ тхыгъэ лъапІэхэм* арытхэр зэбгъэшІагъэх. Христос ИсускІэ шІошъхъуныгъэу уиІэмкІэ умыкІодэу, укъызэрэнэжьыщтыр а тхылъхэм арытхэм къыбгу-

3:8 Ианныйрэ Иамврыйрэ – Мысырым щыщхэу ушхъухьаныгъэм пылъ нэбгыритІоу пегъымбар Мусэ пэуцущтыгъэхэр ары. Еплъ пегъымбар Мусэ ятІонэрэ тхылъэу ытхыгъэм 7:22; 9:11.

3:11 къалэхэу Антиохие, Иконие, Листрэ – еплъ Апостол. 13:14-14:20; 16:1-5.

3:15 Тхьэм игущыІэ тхыгъэ лъапІэхэр – Джуртхэм ятхылъ лъапІэхэр ары зыфиІохэрэр: Тэурат, Сэбур, пегъымбархэм атхыгъэ тхылъхэри, нэмыкІхэри.

 

рагъэІон алъэкІы. 16Тхьэм игущыІэтхыгъэ лъэпІэ пстэуми арытхэр Тхьэм Ыпсэ ЛъапІэ ыдэжь къикІыгъэх. ЦІыфхэм шъыпкъагъэр ябгъэшІэным, уягыиным, бгъэдэІонхэм ыкІи шъыпкъагъэр зиІэ псэукІэр ябгъэшІэным пае яшІуагъэ къэкІо. 17Арэущтэу Тхьэм фэлажьэрэ цІыфыр тэдрэ ІофышІуи хьазырэу ыкІи фэгъэпсыгъэу щытыщт.

04

ЯПЛІЭНЭРЭШЪХЬ

Тхьэм ыпашъхьи, Исус Христосэу псаухэмрэ лІагъэхэмрэ хьыкум атезышІыхьащтым ыпашъхьи, Христос дунаем къызэрэкІожьыщтымкІи тетыгъоу иІэмкІи инэу унашъо къыщыпфэсэшІы: 2Тхьэм игущыІэхэр цІыфхэм ягъэІужьых, игъо щытми, щымытми, ахэр ябгъэшІэнхэм пылъ. АгурыгъаІу, ягыижь, гъэгушхох, зэкІэ щыІагъэмкІэ шъыпкъагъэр ягъашІ. 3Сыда пІомэ тишІошъхъуныгъэ тигъэшІэрэ Іофхэу тызщыгугъышъунэу щытхэр цІыфхэм замыдэщт уахътэр къэкІощт. ЦІыфхэм атхьакІумэхэу хъупцІхэрэм гущыІэ гохьыхэр рагъэІухэу, агухэр зыкІэхъопсырэ Іофхэр языгъэшІэщт цІыфхэр къызфагъотыжьыщтых. 4Ау шъыпкъагъэр зэхахынэу амыдэу, гъощагъэхэу, тхыдэжъ гъэшІэгъонхэм апылъыщтых. 5Ау сыд хъуми, о зыщыІэныгъэ зигъаІ. Къин щэчи, къэбарышІур зыгъэІурэ цІыфым иІоф шІи, уиІоф гъэцакІэ.

6Сыда пІомэ сэ къурмэныпхъэ сыхъоу, дунаем сехыжьынэу сиуахътэ къэсыгъ. 7КъэбарышІум пае дэгъоу сыбэнагъ, сызэрэчъэщтыгъэр сыухыгъэ, шІошъхъуныгъэр сыухъумагъэу сиІ. 8Джы Зиусхьаным шъыпкъагъэм итандж хьазырэу къысфигъэнагъ. А танджыр Зиусхьанэу шъыпкъагъэ зиІэ хьыкум зышІырэм ахърэт мафэм къысфигъэшъошэщт, ау сэ сизакъоу арэп, ежь дунаем къызэрэкІожьыщтым щыгушІукІыгъэ пстэури ары.

Паулрэ Тимофейрэ ашъхьэкІэ яІофхэм яхьылІагъ

9Садэжь шІэхэу укъызэрэкІоным пылъ. 10Сыда пІомэ Димас* мы дунаер шІу ылъэгъузэ, сэ сыкъигъани, Фесса-

4:10 Димас – еплъ Кол. 4:14.

 

лоникэ къалэм* кІуагъэ. Крискент Галатие хэкум кІуагъэ, Тити* Далматие хэкум* кІуагъэ. Садэжь къэнагъэр Лука* закъор ары. 11Марк* къыздащи къакІо, сыда пІомэ сиІофкІэ ащ иІэпыІэгъу сищыкІагъ. 12Тихик* Ефес къалэм згъэкІуагъэ. 13УкъызыкІокІэ, Троадэ къалэм* Карп ыдэжь къэзгъэнэгъэ кІакори, тхылъхэри, анахьэу шъом хэшІыкІыгъэ тхылъхэр, къыздахьыжьых.

14ГъоплъашІэ Александр лыешхо къысихыгъ. Зиусхьаным ащ иІофхэм яфэшъуашэ къыригъэпщыныжьыщт. 15Ори ащ уфэсакъын фае, сыда пІомэ тэ тигущыІэхэм ар лъэшэу апэуцужьыгъ.

16ХьыкумышІэм ыпашъхьэ зыщызгъэхыенэу апэ дэдэу сызыпэлъым,* зы нэбгыри ІэпыІэгъу къысфэхъугъэп, пстэуми гум сыранэжьыгъ. КъысашІагъэм пае Тхьэм арерэмыгъэпщыныжь. 17Хымэ пстэуми зэхахыным пае, ежь икъэбарышІу зэкІэ язгъэІунэу Зиусхьан къызбгъодахьи, кІуачІэ къыситыгъ. Аслъаным ыжэ сыкъыдихыжьыгъэм фэд. 183иусхьаным бзэджэгъэ пстэуми сахищыжьыщт ыкІи сиухъумэзэ, ежь и Тетыгъошхоу уашъом щыІэм ыІэчІэгъ сычІищэщт. МыкІодыжьын щытхъушхор Зиусхьаным ий. Амин.

Аужырэ шІуфэс гущыІэхэр

19Прискиллэ, Акилэ,* Онесифор иунагъо щыщхэм аІапэ сфэубытыжь. 20Ераст Коринф къалэм къддэнагъ Трофим

4:10 Фессалоникэ къалэр – Македоние хэкоу Рим къэралыгъошхом щыщым икъэлэшхоу щытыгъ.

4:10 Тит – Паул дэлажьэу игъогогъухэм ащыщыгъ. Еплъ Гал. 2:1.

4:10 Далматие хэкур – Иллирик хэкум щыщэу икъыблэ Іахьэу щытыгъ. Ар джырэ Кроатие ары.

4:10 Лука – еплъ Кол. 4:14.

4:11 Марк – еплъ Кол. 4:10.

4:12 Тихик – еплъ Кол. 4:7.

4:13 Троадэ къалэр – къухьэуцупІэ иІэу, Эгейскэхым Іутэу, (джырэ Тыркуем итыгъэ къохьэпІэ хыІушъор ары) Мисие хэкум щыщыгъ.

4:16 хьыкумышІэм ыпашъхьэ зыщызгъэхыенэу сызыпэлъым – Рим цІыфхэу тетыгъо зиІэхэм апашъхьэ ары.

4:19 Прискиллэрэ Акилэрэ – еплъ Апостол. 18:2-3, 18-19.

 

Милит къалэм* сымаджэу къыдэсынагъ. 21КІымафэр* къэмысызэ укъызэрэкІоным пылъ. Еввул, Пуд, Лин, бзылъфыгъэу Клавдие, зэкІэ тшыхэми шІуфэс къыуахыжьы.

223иусхьаныр ппсэ гъусэ фэрэхъу. Тхьэм ынэшІу къышъущерэф. Амин.

4:20 Милит къалэр – къухьэуцупІэ иІэу, Ефес къалэм икъыблэ лъэныкъокІэ, Эгейскэхым Іутыгъ.

4:21 кІымафэм – кІымафэм къухьэкІэ кІоныр щынагъоу щытыгъ.

24 Titus / Тит

01

АПОСТОЛ ПАУЛ ТХЫЛЪЭУ ТИТ ФИТХЫГЪЭР

АПЭРЭШЪХЬ

ШІуфэс ехыныр

Сэ сы Паул, Тхьэм сыфэлажьэ, Исус Христос иапостолэуи* сыщыт. Апостол сызфэхъугъэр Тхьэм къыхихыгъэ цІыфхэм шІошъхъуныгъэ яІэ згъэхъунэуи, Тхьэм игъогу ехьылІэгъэ шъыпкъагъэр язгъэшІэнэуи ары. 2Арэущтэу мыкІодыжьын щыІэныгъэ зэрагъотыщтым щыгугъыхэу, пэплъэщтых. А мыкІодыжьын щыІэныгъэр цІыфхэм аритынэу шъыпкъагъэ зиІэ Тхьэм лъэхъанэхэм апэ цІыфхэр къыгъэгугъагъэх. 3КъэбарышІоу згъэІурэмкІэ Тхьэм икъэбар игъо дэдэм нафэ ышІыгъ. ТымыкІодэу тыкъэзыгъэнэжьырэ Тхьэм а къэбарышІур сэ спшъэ къырилъхьи, згъэІунэу унашъо къысфишІыгъ.

4O, Тит*, мы тхылъыр къыпфэсэтхы. А зы шІошъхъуныгъэр зэрэтиІэм пае, сэ скъо шъыпкъэм фэдэу ухъугъ.

Тхьэу Ты лъапІэмрэ Зиусхьанэу Исус Христосэу тымыкІодэу тыкъэзыгъэнэжьырэмрэ анэшІу къыпщарэфи, гупсэфыныгъэ къыуарэт.

1:1 апостол – еплъ 1 Тим. 1:1. 1:4 Тит – еплъ Гал. 2:1.

 

Чылыс зэІукІэм фэлажьэрэ тхьаматэхэм яшэн зэрэщытын

фаер

5Крит* хыгъэхъунэм укъызфэзгъэнагъэр Іофхэу къэнагъэхэр уухынхэуи, сэ унашъо къызэрэпфэсшІыгъэм фэдэу, тэдрэ къали нэхьыжъхэр* чылыс зэІукІэхэм афэбгъэнэфэнхэуи ары. 6Нахьыжъыр зыми зэригъэмысэн зи зыбгъодэмылъэу, зы шъуз нахь зимыІэ лІэу* щытын фае. Ибынхэми шІошъхъуныгъэ яІэн фае. Ахэр мыхъомышІэ псэукІэмкІи мыдэІоныгъэмкІи мысэхэу хъухэ хъущтэп. 7Тхьэм иІоф чылыс зэІукІэм иІэшъхьэтет* ыпшъэ зэрилъым пае, зыми зэригъэмысэн зи зыбгъодэмылъ лІэу щытын фае: къаигъэу ыкІи псынкІэу губжэу щыты хъущтэп, ешъуакІоуи, лІы Іэлэуи, мылъкум кІэхъопсэуи щыты хъущтэп. 8Ау хьакІэхэр зыгъэлъапІэу, шІур шІу зылъэгъоу, гулъытэ зиІэу, зафэу, гукъэбзагъэ зиІэу, зыщыІэныгъэ зиІэ лІэу щытын фае. 9ЕтІанэ Іоф шъыпкъэхэу шъодгъэшІагъэхэм пытэу атетын фае. Арэущтэу тишІошъхъуныгъэ тигъашІэрэ Іофхэу тызщыгугъышъунэу щытхэмкІэ цІыфхэр ыгъэгушхонхэ ылъэкІыщт, а Іофхэм апэуцухэрэми агуригъэІон ылъэкІыщт.

10Сыда пІомэ цІыф мыдаІохэу бэ щыІэх, зэкІэми апэу сунэт ашІыгъэхэу щытхэм ащыщхэр ары. ПкІэ зимыІэ гущыІэхэр къаІо зэпытых, нэмыкІ цІыфхэри дахьыхых. 11Ахэмэ ажэ ябгъэубытын фае. ЦІыфхэм арамыгъэшІапхъэ Іофхэр арагъашІэхэзэ, емыкІу шІыкІэкІэ ахъщэ къагъэхъэным пае, унагъохэр зэрэунагъохэу агъэкІодых. 12Ахэмэ ащыщэу тхакІо горэм* къыІуагъ: «Крит цІыфхэм пцІы аусы зэпыт, хьакІэ-къуакІэ бзаджэхэм афэдэх, фэмыфых ыкІи бэшхых». 13А тхакІом ишыхьатныгъэ шъыпкъэ. Арышъ, пхъашэу агурыгъаІу, зишІуагъэ къакІорэ шІошъхъуныгъэ яІэ хъуным паий, 14джуртхэм ятхыдэжъхэми, шъыпкъагъэм зыкІыб фэзыгъэзагъэхэм яунашъохэми анаІэ тырамыдзэным паий. 153ыгу къабзэхэм адэжькІэ зэкІэ къабзэ мэхъу, ау зыгу мыкъабзэхэм

1:5 Крит – тыркубзэкІэ «Гирит» зыфаІорэр ары.

1:5 нахьыжъхэр – еплъ 1 Тим. 4:14.

1:6 зы шъуз нахь зимыІэ лІэу – е зэ нахь къэзымыщагъэу.

1:7 чылыс зэІукІэм иІэшъхьэтет – еплъ 1 Тим. 3:1.

1:12 тхакІо горэ – Епименид ары.

 

адэжькІи, ТхьэмкІэ шІошъхъуныгъэ зимыІэхэм адэжькІи къабзэ зи щыІэп. Яакъыли зэщыкъуагъэ. Агухэми шІури ери зэхадзыжьын алъэкІырэп. 16Тхьэр ашІэу аІо, арышъхьакІэ Іофхэу ашІэхэрэмкІэ Тхьэр зэрамышІэрэр нафэу къагъэлъагъо. Ахэр гущыкІыгъо цІыфых, мыдаІох, зыкІи яшІуагъэ къэмыкІоу щыт.

02

ЯТЮНЭРЭШЪХЬ

ТишІошъхъуныгъэ тигъэшІэрэ Іофхэу тызщыгугъышъунэу

щытхэр

ТишІошъхъуныгъэ тигъэшІэрэ Іофхэу тызщыгугъышъунэу щытхэм уатетэу цІыфхэм ябгъэшІэн фае. 2ЛІыжъхэм ягъашІ, зыщыІэныгъэ яІэнэуи, лъытэныгъэ ахэлъэу зекІонхэуи, гулъытэ яІэнэуи, зишІуагъэ къакІорэ шІошъхъуныгъэ, шІулъэгъуныгъэ, теубытэныгъэ къызахагъэфэнхэуи.

3Ащ фэдэу ныохэми ягъашІ, Тхьэм ибзылъфыгъэ лъапІэхэм яфэшъуашэу зекІонхэуи, нэмыкІ цІыфхэм ІэягъэкІэ атемыгущыІэнхэуи, сэнэпс ешъоным пщылІ фэмыхъунхэуи, цІыфхэм шІур арагъэшІэнэуи. 4,5ЕтІанэ Тхьэм игущыІэхэм хэти ямыхъоныным пае, а ныохэм бзылъфыгъэ ныбжьыкІэхэм агурагъэІон фае ялІыхэмрэ ябынхэмрэ шІу алъэгъунхэуи, гулъытэ яІэнэуи, гукъэбзагъэкІэ псэунхэуи, яунагъохэм дэгъоу алъыплъэнхэуи, шІоу щытынхэуи, ялІыхэм афэІорышІэнхэуи.

6КІалэхэми гулъытэ яІэнэу агурыгъаІу. 7ШІу зэрэпшІэрэмкІэ лъэныкъо пстэумкІи цІыфхэм шапхъэ афэхъу. Угу етыгъэу, лъытэныгъэ къыпфэшъуашэу Тхьэм игущыІэхэр ягъашІэх. 83ыми зэригъэмысэн зи зыбгъодэмылъэу, узыщыгугъышъунэу щыт къэбархэр ягъашІэх, къытфаІон Іае амыгъотэу, о къыппэуцурэ цІыфхэр укІытэжьынхэм пае.

9УнэІутхэри ятхьаматэхэм зэкІэмкІи афэІорышІэнхэуи, агу къызэрэзэрагъэІуным пылъынхэуи, апэмыгущыІэжьынхэуи ягъашІ. 10Ащ нэмыкІэу мытыгъонхэуи, сыдигъуи зэкІэмкІи яшъыпкъагъэ къагъэлъэгъонэуи ягъашІ. Арэущтэу ахэмэ ашІэрэ Іоф пстэумкІи адрэ цІыфхэм  Іофхэу  тишІошъхъуныгъэ  тигъашІэхэрэм  щытхъу

 

афарагъэшІыщт. А Іофхэр Тхьэу тымыкІодэу тыкъэзыгъэнэжьырэм ехьылІагъэу щытых.

11Сыда пІомэ цГыф пстэури мыкІодхэу къыгъэнэжьынхэм пае, Тхьэм ынэшІу щыфэныгъэ къыгъэлъэгъуагъ. 12Тхьэм ынэшІу щыфэныгъэ тигъэшІэрэ Іофхэр мыхэр ары: Тхьэм ищынагъо зыхэмылъ псэукІэми, мы дунаем ихъопсэныгъэ мыхъомышІэхэми такІыб афэдгъэзэнри, гулъытэрэ шъыпкъагъэрэ тиІэхэу, Тхьэм ищынагъуи тыгухэм арылъэу, мы лъэхъанэм тыпсэунри ары. 13Арэущтэу тыпсэун фае, ти Тхьэшхоу, тымыкІодэу тыкъэзыгъэнэжьырэ Исус Христос ищытхъушхо къэзылъэгъощт мафэм тыпэплъэфэ. А гушІогъо мафэр къызэрэкІощтым тыщыгугъэу тыпэплъэ. 14Христос тэщ пае ыпсэ ытыгъ. Ыпсэ зыфитыгъэр бзэджэныгъэ пстэуми тыкъаІэкІихыжьэу, тэ тшъхьэхэр ыщэфынхэуи, шІушІэным тыгу етыгъэу тыпылъэу, ежь ылъэпкъ тыхъуным пае, тыгухэр ыгъэкъэбзэжьынхэуи ары.

15А Іофхэр ары цІыфхэм ябгъэшІэн фаехэр. Тетыгъоу зэкІэ уиІэмкІэ цІыфхэр гъэгушхох ыкІи агурыгъаІу. Зыми нэмыплъ къызэремыгъэт.

03

ЯЩЭНЭРЭШЪХЬ

ШІу зэрэпшІэным пылъ

УицІыфхэм агу къэгъэкІыжь, Іэшъхьэтетхэмрэ тетыгъо зиІэхэмрэ афэІорышІэнхэуи, ядэІунхэуи, сыд фэдэ шІушІэным фэхьазырынхэуи. 2Ащ нэмыкІэу агу къэгъэкІыжь, зыми ІэягъэкІэ темыгущыІэнхэуи, цІэцІалэу щымытынхэуи, ІэсагъэкІи гушъэбагъэкІи зэкІэ цІыфхэм афыщытынхэуи.

3Сыда пІомэ тэри зэхэшІыкІыныгъэ тимыІэу, Тхьэм темыдэІоу тыпсэущтыгъ. Тыгъощагъэу тыщытыгъ, тыгухэр зыкІэхъопсыщтыгъэ Іоф мыхъомышІэ зэмылІэужыгъохэмрэ тызыгъатхъэщтыгъэ Іоф мыхъомышІэ зэмылІэужыгъохэмрэ тыряпщылІыщтыгъ. Бзэджэныгъэрэ шъугъоныгъэрэкІэ тыпсэущтыгъ, гущыкІыгъоу тыщытыгъ, тэзэрэуджэгъущтыгъ. 4Ау тымыкІодэу тыкъэзыгъэнэжьырэ Тхьэм ишІугъэрэ шІулъэгъуныгъэу цІыфхэм  афыриІэмрэ  къызытфегъэнафэм,  5тымыкІодэу

 

тыкъигъэнэжьыгъ. Шъыпкъагъэ зиІэ Іофхэу тэ тшІагъэхэм яІоф ащ хэлъыгъэп. Тхьэм гукІэгъуныгъэ зэриІэр ары тымыкІодэу тыкъызкІигъэнэжьыгъэр. Тхьэм Ыпсэ ЛъапІэ тыгухэр къызэригъэкъэбзэжьыгъэмкІэ икІэрыкІэу тыкъалъфыжьыгъэу тигъэхъугъ, тыгухэм арылъхэри зэрихъокІыгъэх. 6ТымыкІодэу тыкъэзыгъэнэжьырэ Исус Христос Тхьэм иунашъокІэ Тхьэм Ыпсэ ЛъапІэ инэу къытфыригъэхыгъ. 7ТымыкІодэу Тхьэм тыкъызфигъэнэжьыгъэр ынэшІу щыфэныгъэкІэ ежь ыдэжькІэ шъыпкъагъэ тиІэу тилъытагъэу, мыкІодыжьын щыІэныгъэу тызщыгугъэу, тызпаплъэрэр тиІэхьышІоу къытлъысыныр ары. 8А гущыІэхэр шъыпкъэх. ТхьэмкІэ шІошъхъуныгъэ зиІэхэр шІушІэным пылъынхэм пае, а Іофхэм унаІэ бэу атебгъэтынэу сыфай. А Іофхэр дэгъух, яшІуагъэ цІыфхэм якІы.

9ПкІэ зимыІэ зэнэкъокъуныгъэм, унэгъо лъэпкъзэтекІхэм, Тэурат хабзэм ехьылІэгъэ зэмызэгъыныгъэм, зэщыхьаныгъэм защыдзый, сыда пІомэ ащ фэдэ Іофхэм яшІуагъэ зи къакІорэп, пкІи яІэп. 10ШъузэгурызымыгъаІорэ цІыфым зэ, тІо еушъый, къыомыдэІумэ зыщыдзый. 11А цІыфыр зэщыкъуагъэу, зэрэпсэкІодышІэ цІыфыр ошІэ. Ежьым ышъхьэкІэ зигъэмысэжьыгъ.

Аужырэ гущыІэхэр

12Артемрэ Тихикрэ* уадэжь къызызгъакІохэкІэ, садэжь Никопол къалэм* псынкІэу укъызэрэкІоным пылъ. КІымафэр ащ щызгъэкІонэу сыгу хэлъ. 13Очыл Зинэрэ Аполлосрэ* ягъогу зытехьэхэкІэ, щыкІагъэ зи ямыІэу гъогумкІэ ІэпыІэгъу афэхъу. 14ТицІыфхэм шІу зэрашІэщтым пылъынхэу зэрарэгъашІ, щыкІэгъэшхо зиІэхэм ІэпыІэгъу афэхъунхэм пае. ЯшІуагъэ къэмыкІоу къэрэмынэх.

15Сигъусэ пстэуми шІуфэс къыуахыжьы. ШІошъхъуныгъэ зиІэхэу шІу тызылъэгъухэрэм аІапэхэр сфэубытыжьых.

Тхьэм ынэшІу шъо зэкІэми къышъущерэф. Амин.

3:12 Тихик – еплъ Кол. 4:7.

3:12 Никопол къалэр – Ахаие хэкум щыщэу, Адриэхым Іутыгъ.

3:13 Аполлос – Апостол. 18:24-19:1 ыкІи 1 Кор. 3:1-9 зигугъу ашІырэр арыщтын.

25 Philemon / Филимон Флм

01

АПОСТОЛ ПАУЛ ТХЫЛЪЭУ ФИЛИМОН ФИТХЫГЪЭР

ШІуфэс ехыныр

Сэ сы Паул. Исус Христос сызэрэфэлажьэрэм пае, хьапсым сычІадзагъэу сычІэс. ШІу тлъэгъоу къыддэлажьэрэ Филимон, чылыс зэІукІэм щыщхэу уиунэ щызэрэугъоихэрэм, 2тшыпхъоу Апфие, Христос пае тэ къыддэлажьэрэ Архипп, тшы Тимофей* сигъусэу мы тхылъыр къышъуфэсэтхы.

3Тхьэу Тятэ лъапІэрэ Зиусхьанэу Исус Христосрэ анэшІу къышъущарэфи, гупсэфыныгъэ къышъуарэт.

Паул Тхьэм щытхъу зэрэфишІырэмрэ зэрелъэІурэмрэ

4Тхьэм селъэІу зыхъукІэ, уигугъу сэшІы зэпыт, си Тхьи щытхъу фэсэшІы.

5Сыда пІомэ Зиусхьанэу ИсускІэ шІошъхъуныгъэу уиІэмрэ Тхьэм ицІыф лъэпІэ пстэуми шІулъэгъуныгъэу афыуиІэмрэ якъэбар зэхэсхыгъэшъ ары. 6ШІошъхъуныгъэу тиІэмкІэ гъусэ укъытфэхъугъ, Христос тыгухэм зэрарылъым

2 Тимофей – еплъ Кол. 1:1.

 

пае, Тхьэм шІоу къытфишІэрэ пстэури а гъусэныгъэу оррэ тэррэ зэфытиІэм нахьыбэ къыдгуригъэІонэу селъэІу. 7УишІулъэгъуныгъэмкІэ инэу сыбгъэгушІуагъ ыкІи сыбгъэгушхуагъ, сыда пІомэ о, сшы, Тхьэм ицІыф лъапІэхэм агу бгъэпсэфыжьыгъ.

Паул Онесим пае Филимон зэрелъэІурэр

8Арышъ, Христос тыгухэм зэрарылъым пае, пшІэн фаер унашъо пфэсшІынэу гушхоныгъэ сиІэ пэтми, 9шІулъэгъуныгъэкІэ сыкъыолъэІунэу нахь къэсэштэ. Сэ, Паул, сылІыжъэу ыкІи Исус Христос сызэрэфэлажьэрэм пае, хьапсым сычІадзагъэу сычІэсэу, 10скъо Онесим пае сыолъэІу, сыда пІомэ хьапсым сычІэсэу ар скъо фэдэу хъугъэ. 11ЫпэкІэ оркІэ Онесим ишІуагъэ къэкІощтыгъэп*, ау джы оркІи сэркІи ишІуагъэ къэкІо.

12Ар спсэ фэдэу шІу слъэгъурэр джы къыпфэсэгъэкІожьы. 13КъэбарышІур зэрэзгъэІурэм пае, хьапсым сычІэсфэ, о пчІыпІэкІэ ІэпыІэгъу къысфэхъунэу садэжь щызгъэІэнэу сыфаещтыгъ, 14ау о умыдэу ар сэ сшІэнэу сыфэягъэп, о уишІушІагъэ егъэзыгъэ хэмылъэу, о ар уигуапэу пшІэным пае. 153ы уахътэ горэкІэ Онесим къыбгъодэкІыгъэу зыкІэхъугъэр 16унэІутым фэдэу мыхъужьэу, ау унэІутым нахьи нахьышІужьэу, шІу плъэгъурэ тшы фэдэу егъашІэм бгъотыжьынэу къычІэкІынкІи мэхъу. СэркІэ ар бэу лъапІэу щыт, оркІи ащ нахьи нахь лъэпІэжь, цІыф фэдэу ыкІи Зиусхьаныр зыгу илъ пшы фэдэу.

17Сыкъыбдэлажьэу сыолъытэмэ, сэ сызэребгъэблагъэщтыгъэм фэдэу, ари егъэблагъ. 18ЗыгорэкІэ иягъэ къыокІыгъэмэ, е уичІыфэ телъмэ, сэ ар къысфэгъаз. 19Сэ, Паул, ар сэ остыжьыщт, сэ сІэкІэ сэтхы, ау Христос угу зэрилъым пае, сичІыфэ о зэрэптелъыр къыосІонэу ищыкІагъэп. 20Ары, сшы, Зиусхьаным пае уишІуагъэ къысэгъэкІ. Зиусхьаныр угу зэрилъым пае, сыгу гъэпсэфыжь. 21УкъызэрэсэдэІущтымкІэ сицыхьэ птелъэу къыпфэсэтхы. СыкъызэрэолъэІурэм нахьи нахьыбэ зэрэпшІэщтри сэшІэ.

22НэмыкІ горэмкІэ сыолъэІу: хьакІэщ горэ къысфэгъэхьазыр; сыда пІомэ Тхьэм шъукъызэрэсфелъэІугъэм ипэгъокІ фэдэу сыкъышъуитыжьынэу сыщэгугъы.

11 ишІуагъэ къэкІощтыгъэп – Онесим къикІырэр «зишІуагъэ къакІорэр» ары.

 

Аужырэ шІуфэс гущыІэхэр

23Епафрасэу* Христос Исус зэрэфэлажьэрэм пае, сигъусэу хьапсым чІадзагъэу чІэсым шІуфэс къыуехыжьы. 24Сэ къыздэлажьэрэ Марки*, Аристархи, Димаси, Лукъи* шІуфэс къыуахыжьы.

25Зиусхьанэу Исус Христос ынэшІу шъугумэ къащерэф. Амин.

23            Епафрас – еплъ Кол. 1:7.

Марк – еплъ Кол. 4:10. 24 Лука – еплъ Кол. 4:14.

26 Hebrews / Еврейхэм

01

АПОСТОЛ ПАУЛ ЕВРЕЙ ЩЫФХЭМ ТХЫЛЪЭУ АФИТХЫГЪЭР

АПЭРЭШЪХЬ

Ыкъо ыжэкІэ Тхьэр къызэрэгущыІагъэр

Пасэм Тхьэр пегъымбархэм ажэкІэ бэрэ ыкІи зэтефыгъэу тятэжъхэм къадэгущыІэщтыгъ. 2Ау мы уахътэм, мы дунаем иаужрэ дэдэ мафэхэм, Ыкъо ыжэкІэ тэ къыддэгущыІагъ. Тхьэм Іоф пстэури Ыкъо иІэхьышІоу хъунэу ыгъэнэфагъ, ащи дунаер къыригъэгъэхъугъ. 3Тхьэм ищытхъушхо инэфынэ Ыкъо ыдэжь къикІэу къепсы; Ыкъо ищытыкІэ Тхьэм ищытыкІэ фэдэкъабз, игущыІэу лъэкІыныгъэшхо зиІэмкІи щыІэ пстэури щегъаІэ. ЬІкъо цІыфмэ агухэм псэкІодхэр зэраригъэкъэбзыкІыжьыщт гъогу къафишІыгъ, уашъоми дэкІоежьи, тетыгъошхор зэкІэ зиІэ Тхьэм иджабгъукІэ готІысхьагъ. 4Тхьэм «Скъо» ыІозэ ащ къыриІоу, къызэреджэрэ цІэшхор мэлэІичхэм ацІэ зэрэнахь лъапІэм фэдэу, Тхьэм ежь Ыкъо мэлэІичхэм апшъэ ышІыгъ.

1:1 Еврей цІыфхэр – Ебрание цІыфхэр ары.

 

Къо лъапІэр мэлэІичхэм апшъэ щыІ

5Сыда пІомэ Тхьэм мэлэІичхэм ащыщэу зыгорэм,

«Оры сКъор, непэ Ты сыпфэхъугъ», ыІуи риІуагъа?* Тхьэм мэлэІич горэми ехьылІагъэу,

«Сэ Ты сыфэхъущт, ежьыри Скъо хъущт», ыІуи къыІуагъа?*

6ЕтІани Тхьэм ежь къыхихыгъэ Ыкъо кІасэ дунаем къызытырегъахьэм, къыІуагъ:

«Тхьэм имэлэІич пстэуми ар арэгъэлъапІ». 7МэлэІичхэм яхьылІагъэу Тхьэм мырэущтэу къыІуагъ:*

«Тхьэм имэлэІичхэр жьыбгъэм фэдэхэу егъэхъух, а Іофтабгэхэр мэшІотхъуабзэхэм афэдэхэу егъэхъух». 8Ау ыКъо ехьылІагъэу Тхьэм мырэущтэу къыІуагъ:* «О Тхьэ, уитетыгъошхо тІысыпІэ егъашІэм

утесыщт. Уитетыгъошхо ибэщ зэфагъэр ары. 9Шъыпкъагъэр шІу олъэгъу, бзэджагъэри оуджэгъу. Ащ пае Тхьэу уи Тхьэ уигъусэхэм анахьи гушІуагъом идагъэ* о нахь къыпщифагъ». 10Тхьэм мырэущтэуи къыІуагъ:* «О Зиусхьан, ублапІэм дэжь чІылъэм ылъапсэхэр хэбгъэуцуагъэх, уашъохэри уиІэшІагъэх. 11 Ахэр кІодыжьыщтых, ау о умыкІодэу укъэнэжьыщт.

1:5 Тхьэм риІуагъа – еплъ Сэбур (Псалтыр) 2:7;

1:5 къыІуагъа – еплъ Пегъымбар Самуел икъэбар зэрыт ятІонэрэ тхылъым (2-я Царств) 7:14.

1:6 Тхьэм къыІуагъ – еплъ Пегъымбар Мусэ ятфэнэрэ тхылъэу ытхыгъэм 32:43; Сэбур (Псалтыр) 97:7 (урыс библиемкІэ 96:7).

1:7 Тхьэм мырэущтэу къыІуагъ – еплъ Сэбур (Псалтыр) 104:4 (урыс библиемкІэ 103:4).

1:8-9 Тхьэм мырэущтэу къыІуагъ – еплъ Сэбур (Псалтыр) 45:6-7 (урыс библиемкІэ 44:7-8).

1:9 гушІуагъом идагъэ – а уахътэм пачъыхьэ хъущтым дэгъэ лъапІэ щафэщтыгъ.

1:10-12 Тхьэм мырэущтэуи къыІуагъ – еплъ Сэбур (Псалтыр) 102:25-27 (урыс библиемкІэ 101:26-27).

 

Щыгъыным фэдэу ахэр жъы хъущтых. 12Щыгъыным фэдэу зэкІоцІыпщыхьащтых, зэхъокІыгъэуи хъущтых; ау о узэрэщытым фэдэу утетэу укъэнэжьыщт, о уиилъэсхэми кІэух яІэщтэп». 13Тхьэм мэлэІичхэм ащыщэу зыгорэми,

«О уипыихэр лъэгукІэтын пфэсшІыхэфэ, сэ сиджабгъукІэ къызготІысхь», ыІуи риІуагъа?*

14Арэущтэу мэлэІичхэр Тхьэм фэлажьэрэ псэхэу щытых, цІыфхэу мыкІодхэу Тхьэм къызэригъэнэжьыщтхэр зиІэхьышІу къызлъысыщтхэм афэІофтэбгэнхэуи Тхьэм ахэр къегъакІох.

02

ЯТЮНЭРЭШЪХЬ

ТымыкІодэу Тхьэм тыкъызэригъэнэжьырэм икъэбарышІу

лъапІэ

Арэущтэу зэрэщытым фэшІ Тхьэм игъогу тытемыкІы­ным пае, гущыІэхэу зэхэтхыгъэхэм лъэшэу тынаІэ атед­гъэтын фае. 2Сыда пІомэ гущыІэхэу мэлэІичхэм къагъэ­Іугъэхэм* уащыгугъышъунхэу къычІэкІыгъэх, хэти а гущы­Іэхэм атекІыгъэми, е ямыдэІугъэми Тхьэм ифэшъуашэ къыригъэпщыныжьыгъ. 3Арышъ, тымыкІодэу Тхьэм ты­къызэригъэнэжьырэм икъэбарышІу лъапІэ тимыгъапэмэ, тэри тифэшъуашэ Тхьэм зэрэтигъэпщыныжьыщтым сыдэу­щтэу тыІэкІэкІыщта? Ежь Зиусхьаныр ары ыпэ рапшІэу а къэбарыр къытэзыгъэІугъэр, ащ къыІуагъэхэр зэхэзы­хыгъэхэми а къэбарыр къытфагъэшъыпкъэжьыгъ. 4Тхьэ­ри нэшэнэ гъэшІэгъонышхохэмкІи, Іофышхо гъэшІэгъон­хэмкІи, лъэкІыныгъэ зыхэлъ Іофышхо зэтефыгъэхэмкІи а къэбарышІум шыхьат фэхъугъ. Ащ нэмыкІэу Тхьэр зэ­рэфэягъэм тетэу, ежь Ыпсэ ЛъапІэкІэ Іоф зэфэшъхьаф­хэр ашІэнхэу цІыфхэм лъэкІыныгъэхэр афигощыгъэх.

1:13 Тхьэм . . . риІуагъа – еплъ Сэбур (Псалтыр) 110:1 (урыс библиемкІэ 109:1).

2:2 гущыІэхэу мэлэІичхэм къагъэІугъэхэр – Тэурат хабзэр ары.

Христос ары пащэ къытфэхъоу, тымыкІодэу тыкъэзыгъэнэжьырэр

5КъэкІощт дунаеу джы зигугъу тшІырэр Тхьэм зыІэ къырилъхьагъэхэр мэлэІичхэр арэп. 6Ау Тхьэм игущыІэ тхыгъэхэм арытэу, зы чІыпІэ горэм ыдэжь зыгорэм мырэущтэу къыщиушыхьатыгъ:*

«О Тхьэ, цІыфыр сыда, ащ уегупшысэнэу, цІыф лъэпкъым ыкъо сыда, о ащ укІэлъыплъэнэу? 7ТІэкІурэ* мэлэІичхэм анахьи нахь цІыкІоу бгъэ­хъугъ. ЕтІанэ щытхъушхорэ лъытэныгъэшхорэ фэб­гъэшъошагъэх. 8ЗэкІэри ежьым ылъэгу чІэгъ чІэбгъэуцуагъ». Тхьэм зэкІэри цІыфым ылъэгу чІэгъ зычІегъэуцом, ащ ылъэгу чІэгъ чІэмытэу зи къыгъэнагъэп. Ау джы пстэури цІыфым ылъэгу чІэгъ чІэтэу тлъэгъурэп. 9Ау Исус къин ыщэчэу зэрэлІагъэм пае, Тхьэм ащ щытхъушхорэ лъытэныгъэшхорэ зэрэфигъэшъошагъэ­хэр тэлъэгъу. Сыда пІомэ Тхьэм ынэшІу щыфэныгъэкІэ Исус цІыф пстэуми ачІыпІэкІэ лІэныгъэр ылъэгъуным пае, Тхьэм ар тІэкІурэ мэлэІичхэм анахьи нахь цІы­кІоу ыгъэхъугъ.

10ЦІыфыбэ ибынхэу хъунхэм ыкІи щытхъушхомкІэ Іахьэ къалъысыным пае, Тхьэу зэкІэри къэзыгъэхъугъэу, зэкІэри зыфыщыІэм Исус къинэу ыщэчыгъэмкІэ ифэ­шъошэ тетыгъор иІэу зэригъэхъугъэр къекІоу щытыгъ. Сыда пІомэ цІыфхэр мыкІодхэу къызэригъэнэжьырэ гъогум тезыгъахьэу, пащэ афэхъурэр Исус ары. 11 Сыда пІомэ Исусэу цІыфхэм агухэр зыгъэкъэбзэ­жьырэмрэ цІыфхэу зыгу къабзэ хъухэрэмрэ а зы Ты лъапІэм ибыных. Ащ пае, Исус темыукІытыхьэу ахэмэ ышыхэкІэ яджэ. 12Ащ Тхьэм мырэущтэу риІуагъ:* «Сэ сшыхэм уикъэбар язгъэшІэщт. УицІыфхэм язэІукІи сыхэтэу сэ щытхъушхо о къыпфэсшІыщт».

2:6 Тхьэм игущыІэ тхыгъэхэм арытэу, . . . зыгорэм къыщиушыхьатыгъ – еплъ Сэбур (Псалтыр) 8:4-6 (урыс библиемкІэ 8:5-7).

2:7 тІэкІурэ – Исус мы дунаем зыщыпсэугъэ уахътэр ары.

2:12 Тхьэм мырэущтэу риІуагъ – еплъ Сэбур (Псалтыр) 22:22 (урыс библиемкІэ 21:23).

13Мырэущтэуи къыІуагъ:* «Тхьэм сыщыгугъыщт».

ЕтІани къыІуагъ:

«Мары, сэррэ Тхьэм къыситыгъэ бынхэмрэ».

14А бынхэр лымрэ лъымрэ къахэхъукІыгъэ цІыфых. Арышъ, Исуси лымрэ лъымрэ къахэхъукІыгъэ цІыф хъугъэ, илІэныгъэкІэ шэйтанэу лІэныгъэм тетыгъо фызиІэр ыгъэкІодыным паий, 15лІэныгъэм зэрэщыщына­гъэхэм фэшІ, щыІэхэфэ шэйтаным ипщылІхэу щыІагъэ­хэр шъхьафит ышІынхэм паий. 16Сыда пІомэ Исус зыдэІэпыІэхэрэр мэлэІичхэр арэп, Ибрахьимэ къытехъу­кІыгъэ цІыфхэр* ары нахь. 17Арышъ, Тхьэм фэлажьэрэ дин пэщэшхоу гукІэгъу зиІэу, Тхьэм фэшъыпкъэу хъуным пае, ышхэм* сыд щыщымкІи афэдэу хъун фэягъ, цІыфмэ япсэкІодхэр атырихынхэм пае. І8Шэйтаным Исус псэкІод ригъэшІэнэу зыпэлъым, Исус къин зэрищэ­чыгъэм пае, цІыфхэу шэйтаным псэкІод зэригъэшІэнэу пылъхэм адэІэпыІэн ылъэкІыщт.

 

03

ЯЩЭНЭРЭШЪХЬ

Исус пегъымбар Мусэ нахьи нахь лъапІ

Сшы лъапІэхэр, Тхьэр шъори ежь ибынхэм ащыщ шъу­хъунэу къышъоджагъ. Арышъ, тишІошъхъуныгъэ идин эщэшхоу хъунэу Тхьэм къытфигъэкІогъэ Исус шъуегу­пшыс. 2Пегъымбар Мусэ Тхьэм иунагъо щыщ цІыф пстэу­ми шъыпкъагъэ афыриІэу зэрэщытыгъэм фэдэу, Исуси Тхьэу ежьыр зыгъэнэфагъэм шъыпкъагъэ фыриІэу щы­тыгъ. 3Унэм нахьи унэ зышІырэм нахь щытхъу зэриІэм фэдэу, Мусэ нахьи Исуси нахь щытхъу ифэшъуаш. 4Сыда пІомэ цІыф горэм ымышІыгъэ унэ щыІэп, ау пстэури зы­шІыгъэр Тхьэр ары. 5Мусэ Тхьэм фэлажьэу Тхьэм иунэ зэкІэ Іофхэу щишІэщтыгъэхэмкІэ шъыпкъагъэ иІэу

2:13 мырэущтэуи къыІуагъ – еплъ Пегъымбар Исайас тхылъэу ытхыгъэм

8:17,18.

2:16 Еплъ Пегъымбар Исайас тхылъэу ытхыгъэм 41:8-9. 2:17 ышхэр – Тхьэм ибын хъугъэхэр ары.

щытыгъ, Тхьэм къыІощтхэми шыхьат афэхъугъ. 6Ау Хри­стос Тхьэм иунагъо зыІэ илъ Къор ары. Тыгу тымы­гъэкІодэу Іофхэу тызэрыгушІохэу ыкІи тызщыгугъыхэу тызпаплъэхэрэм кІэухым нэсы шъыпкъэу татетэу тыры­кІомэ, тэри ащ иунагъо тыщыщ.

Тхьэм ицІыфхэм языгъэпсэфыпІ

7Арышъ, Тхьэм Ыпсэ ЛъапІэ зэриІорэм фэдэу,* «Непэ Тхьэм ымакъэ зэхэшъухымэ, 8шъугухэр гуркъэхэу* щышъумыгъэт, шъуятэжъхэм шъоф нэкІым зэрэщашІэщтыгъэм

фэдэу.* Ахэр Тхьэм едэІунхэу адэщтыгъэп, Тхьэм ищыІагъэ зынэсырэр агъэунэфынэуи пылъ­ыщтыгъэх». 9(Тхьэм мырэущтэу еІо:) «Шъоф нэкІым шъуятэжъхэм сищыІагъэ зынэ-

сырэри сиІофхэр зыфэдэхэри агъэунэфынхэу пылъыщты-

гъэх. Илъэс тІокІитІум сиІофхэр алъэгъущтыгъэх.

10 Ащ пае, а цІыфхэм сафэгубжи мырэущтэу

сІуагъэ: 'Ахэр агухэмкІэ мэгъощэ зэпытых, сигъогухэр зыфэдэхэри ашІэхэрэп'.

11  Арэущтэу сафэгубжэу, 'Сэ ахэр сизыгъэпсэфы-

пІэ къизгъэхьащтхэп'. сІуи, къэсІуагъэр згъэшъыпкъэжьызэ, гущыІэ пытэкІэ сІуагъэ». 12Сшыхэр, шъуащыщэу хэти щыІэныгъэ зиІэ Тхьэм игъо­гу ыкІыб фигъэзэжьэу, шІошъхъуныгъэ зимыІэ гу бзаджэ зэримыІэным шъуфэсакъ. 13Ау псэкІодшІэным итхьагъэ­пцІыгъэкІэ шъуащыщэу зыгорэм ыгу гуркъэу мыхъуным пае, мафэ къэси шъузэрэгъэгушху, «Непэ» зыфаІорэ

3:7-11 Тхьэм Ыпсэ ЛъапІэ зэриІорэм фэдэу – еплъ Сэбур (Псалтыр) 95:7-11 (урыс библиемкІэ 94:8-11).

3:8 гуркъагъэ – къайгъагъэкІэ къыбгурыІонэу умыдэныр ары.

3:8 Шъуятэжъхэм шъоф нэкІым зэрэщашІэщтыгъэм фэдэу – еплъ Пе­гъымбар Мусэ ятІонэрэ тхылъэу ытхыгъэм 17:1-7 ыкІи яплІэнэрэ тхылъэу ытхыгъэм 20:1-13.

лъэхъанэм тытетыфэ. 14Сыда пІомэ Іофхэу ыпэм тыз­щыгугъыгъэхэм кІэухым нэсы шъыпкъэу татетэу тыры­кІомэ, тэ пстэури Христос игъусэхэм тащыщэу тэхъу. 15Тхьэм игущыІэ тхыгъэхэм зэрарытым фэдэу,* «Непэ Тхьэм ымакъэ зэхэшъухымэ, шъугухэр гуркъэхэу щышъумыгъэт, шъуятэжъхэм шъоф нэкІым зэрэщашІэщтыгъэм фэдэу>. 16Тхьэм ымакъэ зэхэзыхыгъэхэу, едэІунхэу зымыдагъэ­хэр хэтха? Пегъымбар Мусэ Мысырым къырищыжьыгъэ­гъэхэ цІыф пстэури арыба? 17 Тхьэр илъэс тІокІитІум цІыф­хэу зыфэгубжыщтыгъэхэр хэтха? ПсэкІод зышІагъэхэу, зыпкъыхэр шъоф нэкІым къинэжьыгъэхэр арыба? 18 ЕтІа­ни «Сэ ахэр сизыгъэпсэфыпІэ къизгъэхьащтхэп», ыІуи, къыІуагъэр ыгъэшъыпкъэжьызэ, Тхьэм гущыІэ пытэкІэ зэриІуагъэхэр хэтха? ЕдэІунхэу зымыдагъэхэр арыба? 19Арэущтэу ахэмэ шІошъхъуныгъэ яІэу зэрэщымытыгъэм пае, Тхьэм изыгъэпсэфыпІэ ихьанхэу амылъэкІэу къызэрэ­нагъэхэр тэлъэгъу.

 

04

ЯПЛІЭНЭРЭШЪХЬ

Тхьэм изыгъэпсэфыпІэ тызэрихьанымкІэ тыкъызэри­гъэгугъэгъэ Іофыр джыри зэрэщытым тетышъ, шъуа­щыщэу зыгорэ ащ имыхьагъэу къычІэмыкІыным пае, шъузфэсакъыжь. 2А зыгъэпсэфыпІэм икъэбар ахэмэ зэранэсыгъэм фэдэу, тэри къытэнэсыгъ. Ау ахэмэ къэбарышІоу зэхахыгъэм ишІуагъэ къякІыгъэп, сыда пІомэ а къэбарышІур зызэхахым, ашІошъ хъугъэп. 3Ау тэ, шІошъхъуныгъэ зиІэ хъугъэхэр, ары Тхьэм изыгъэпсэфыпІэ ихьащтхэр, Тхьэм къызэриІуагъэм фэдэу,*

«Сафэгубжэу, 'Сэ ахэр сизыгъэпсэфыпІэ къиз­гъэхьащтхэп',

3:15 Тхьэм игущыІэ тхыгъэхэм зэрарытым фэдэу – еплъ Сэбур (Псалтыр) 95:7-8 (урыс библиемкІэ 94:8).

4:3 Тхьэм къызэриІуагъэм фэдэу – еплъ Сэбур (Псалтыр) 95:11 (урыс библиемкІэ 94:11).

сІуи, зыфэсІуагъэр згъэшъыпкъэжьызэ, гущыІэ пытэкІэ сІуагъэ».

Тхьэм дунаер къызигъэхъугъэм щегъэжьагъэу иІофхэр ыухыгъэхэу щытыгъэ пэтми, арэущтэу ыІуагъ. 4Сыда пІомэ яблэнэрэ мафэм ехьылІагъэу Тхьэм къызэриІорэр игущыІэ тхыгъэхэм арытэу чІыпІэ горэм ыдэжь ит:* «Тхьэм иІоф пстэури ыухыгъэхэу, яблэнэрэ мафэм зигъэпсэфыжьыгъ». 5А чІыпІэм дэжь Тхьэм къызэриІо­рэри ит:* «Сэ ахэр сизыгъэпсэфыпІэ къизгъэхьащтхэп».

6Арэущтэу Тхьэм изыгъэпсэфыпІэ ихьанхэу цІыф заулэ джыри щыІэх. Ау цІыфхэу пасэм а зыгъэпсэфыпІэм икъэбар зынэсыгъэхэр Тхьэм едэІунхэу зэрамыдагъэм пае, изыгъэпсэфыпІэ ихьагъэхэп. 7Арэущтэу зэрэщытым пае, ащ нэужым бэ тешІагъэу, Тхьэм мы гущыІэхэр пегъымбар Даутэ ыгу къырилъхьэхи, къызырегъаІохэм, нэмыкІ мафэу «Непэ» зыфиІуагъэр къыгъэнэфагъ, ыпэкІэ зэрэтІуагъэм фэдэу,*

«Непэ Тхьэм ымакъэ зэхэшъухымэ, шъугухэр гуркъэхэу щышъумыгъэт».

8Сыда пІомэ Исус Навин Тхьэм изыгъэпсэфыпІэ ахэр ригъэхьагъэхэмэ, Тхьэм нэмыкІ мафэу «Непэ» зыфиІуа­гъэм икъэбар къыІощтыгъэп. 9Арышъ, Тхьэм яблэнэрэ мафэм зызэригъэпсэфыжьыгъэм фэдэу, Тхьэм ицІыф­хэри ежь изыгъэпсэфыпІэ джыри ихьащтых; 10сыда пІомэ хэт щыщми Тхьэм изыгъэпсэфыпІэ ихьэрэм иІоф ыухыгъэу зегъэпсэфыжьы, Тхьэм иІофхэр ыухы­гъэхэу зызэригъэпсэфыжьыгъэм фэдэу. 11Арышъ, а зыгъэпсэфыпІэм тызэрихьащтым ыуж тижъугъэт. Тя­тэжъхэр Тхьэм едэІунхэу зэрамыдагъэм фэдэу, тэ тщы­щэу зыгорэ Тхьэм емыдэІоу орэмыхъу. Армырмэ, Тхьэм изыгъэпсэфыпІэ тихьащтэп.

12Тхьэм игущыІэхэм щыІэныгъэшхорэ лъэкІыныгъэ­шхомрэ ахэлъых. Ахэр бгъуитІуцэ сэшхо чаным нахьи нахь чаных. Псэри, гури, къупшъхьэри, куцІыри зэхадзы-

4:4 Тхьэм къызэриІорэр чІыпІэ горэм ыдэжь ит – еплъ Пегъымбар Мусэ апэрэ тхылъэу ытхыгъэм 2:2.

4:5 Тхьэм къызэриІорэри ит – еплъ Сэбур (Псалтыр) 95:11 (урыс библиемкІэ 94:11).

4:7 Тхьэм Даутэ мы гущыІэхэр къызырегъаІохэм, . . . ыпэкІэ зэрэтІуагъэм фэдэу – еплъ Сэбур (Псалтыр) 95:7-8 (урыс библиемкІэ 94:8).

жьынхэу цІыфым икуупІэ нэсы пхырэкІых. ЦІыфым игупшысэхэри игухэлъхэри зэхафых. 13Тхьэм къыгъэ­хъугъэ пстэуми ащыщэу зи ежьым ыпашъхьэ гъэбылъы­гъэу щыІэп. Тхьэм ынэхэм апашъхьэ Іоф пстэури шъхьэихыгъэу ыкІи нафэу щытых. Ежьыр ары пэгъокІыр зэттыщтыр.

Дин пэщэшхоу къытфэхъугъэр Исус ары

14Арышъ, уашъом дэкІоежьыгъэу, Исусэу Тхьэм Ыкъо дин пэщэшхоу тиІэшъ, шІошъхъуныгъэу тиІэм тытетэу шъыпкъагъэкІэ тырыжъугъакІу. 15Сыда пІомэ дин пэщэшхоу тиІэр лъэкІыныгъэ зэрэтимыІэр зыгу­рыІон зымылъэкІырэ дин пэщэшхоу арэп. Шэйтаным псэкІод тигъэшІэнэу зэрэпылъым фэдэу, лъэныкъо пстэумкІи тидин пэщэшхуи псэкІод ригъэшІэнэу пылъэу щытыгъ, ау псэкІод зи ригъэшІэшъугъэп. 16Арышъ, ІэпыІэгъу тищыкІагъэ зыхъукІэ, Тхьэм гукІэгъу къытфи­шІынэу ыкІи ынэшІу къытщифэнэу, гукІэгъуныгъэ зиІэ Тхьэм итІысыпІэ лъапІэ гушхоныгъэ тиІэу тыІужъу­гъахь.

 

05

ЯТФЭНЭРЭШЪХЬ

ЦІыфхэм ачІыпІэкІэ ежьым фэлэжьэнэуи, тынхэр ежьым фихьынхэуи, цІыфхэм япсэкІодхэр ыпщыныжьын­хэм пае, къурмэнхэр фишІынхэуи Тхьэм хэтрэ дин пэщэ­шхор цІыфхэм къахехы. 2Дин пэщэшхор ыгурэ ыпсэрэкІэ лъэкІыныгъэ зимыІэ цІыфэу зэрэщытым пае, зэхэшІыкІы­ныгъэ зимыІэхэу, гъощэгъэ цІыфхэм гушъэбэныгъэкІэ адэзекІон елъэкІы. 3Арэу зыхъукІэ, дин пэщэшхом ежьым ипсэкІодхэри цІыфхэм япсэкІодхэри ыпщыныжьынхэм пае, Тхьэм къурмэн фишІын фае.

4Лъытэныгъэу дин пэщэшхоу хъуныр зыми ежь-ежьы­рэу зыфигъэшъошэшъущтэп. Ау Тхьэр Хьарун* къызэре­джагъэм фэдэу, дин пэщэшхоми къеджэн фае.

5:4 Хьарун – пегъымбар Мусэ ышэу апэрэ дин пэщэшхоу хъугъэр ары. Еплъ Пегъымбар Мусэ ятІонэрэ тхылъэу ытхыгъэм 28:1-2.

5Арэущтэу Христоси лъытэныгъэу дин пэщэшхоу хъу­ныр зыфигъэшъошагъэп, ау Тхьэм ащ къыриІуагъ:* «Оры Скъор, непэ Ты сыпфэхъугъ».

6Тхьэм къызэриІуагъэри игущыІэ тхыгъэхэм арытэу, нэмыкІ чІыпІэм ыдэжь ит:*

«Мелхиседекъ* фэдэу ори егъашІэм дин пащэу ущытыщт».

7Исус дунаем зытетыгъэ мафэхэм мэкъэшхокІэ джэзэ, ынэпсхэри къеххэу,* Тхьэу лІэныгъэм къыІэкІэзыхы­шъущтым лъэшэу елъэІугъ. ИдэІоныгъэ пае ащ ымакъэ Тхьэм зэхихыгъ. 8Ежьыр Тхьэм Ыкъоу щытыгъэ пэтми, къинэу ыщэчыгъэхэмкІэ Тхьэр зэрэфаем тетэу, едэІоу щытыгъ. 9ИІоф зырегъэкъум, ежьым къедэІурэ цІыф пстэури сыдигъуи мыкІодхэу къэзыгъэнэжьырэр ежьыр арэу хъугъэ, 10Тхьэми ар дин пэщэшхоу, Мелхиседекъ фэдэу, ыгъэнэфагъ.

ШІошъхъуныгъэм игъогу шъутемыкІ

11Мы Іофым ехьылІагъэу къэтІон фэягъэр бэ. Ау шъутхьакІумэхэр жъажъэу хъугъэхэшъ, а Іофхэр зэхэ­шъозгъэшІыкІыныр къин. 12Уахътэу блэкІыгъэм шъузе­плъыкІэ, мы уахътэм шъощ нэмыкІ цІыфхэм Христос ехьылІэгъэ къэбарышІур яжъугъэшІэн фэягъэ, ау Тхьэм игущыІэхэм яхьылІэгъэ Іофхэу апэ дэдэу зэжъугъэ­шІагъэхэр зыгорэм шъуигъэшІэжьынхэу шъуищыкІагъ. ШъуищыкІагъэр шхыныр арэп, быдзыщэр ары нахь! 13Щэ нахь емышъорэр сабый ныІэп. Шъыпкъагъэм иІоф зэхишІыкІырэп. 14Шхыныр зыныбжь икъугъэхэм апае. Ахэмэ шІумрэ емрэ агухэмкІэ зэхадзыжьынхэу есэхи зэрагъэшІагъ.

5:5 Тхьэм ащ къыриІуагъ – еплъ Сэбур (Псалтыр) 2:7.

5:6 Тхьэм къызэриІуагъэри . . . нэмыкІ чІыпІэм ыдэжь ит – еплъ Сэбур (Псалтыр) 110:4 (урыс библиемкІэ 109:4).

5:6 Мелхиседекъ – еплъ 7:1-19.

5:7 мэкъэшхокІэ джэзэ, ынэпсхэри къеххэу – еплъ Маттэ 26:36-46; Марк14:32-42; Лука 22:41-43.

 

06

ЯХЭНЭРЭШЪХЬ

Христос ехьылІэгъэ Іофхэу апэ дэдэу шъуагъэ­шІагъэхэм таблэжъугъэкІи, цІыфхэу зыныбжь икъугъэ­хэмэ зэрагъэшІэн фэе Іофхэм зафэтэжъугъэгъаз. ТишІо­шъхъуныгъэ ылъапсэхэр джыри зэ зэхэтэшъумыгъэ­гъэуцожьых. А лъэпсэ Іофхэр мыхэр ары: лІэныгъэ къызхэкІырэ Іоф мыхъомышІэхэу шъушІагъэхэм шъуа­фыкІэгъожьынри, ТхьэмкІэ шІошъхъуныгъэ шъуиІэнри; 2 умэхъыныгъэм* ехьылІэгъэ Іофхэу зэжъугъэшІагъэ­хэри, цІыфхэм атеІэбэнри Тхьэм ынэшІу къащифэным пае; лІагъэхэм якъэтэджыжьынри, Тхьэм ихьыкумэу мыкІодыжьыщтыр цІыфхэм атришІыхьанри. 3Тхьэм ыІо­мэ, а Іофхэм таблэкІыщт.

4Сыда пІомэ цІыфхэу зэгорэм Тхьэм инэфынэ хэты­гъэхэу, етІани зыкІыб Тхьэм фэзыгъэзагъэхэм япсэ­кІодхэм афыкІэгъожьынхэу къябгъэгъэзэжьын плъэкІы­щтэп. Ахэмэ уашъом щыІэ Тхьэм итын зыфэдэр ашІэ­щтыгъ; Тхьэм Ыпсэ ЛъапІи агухэм арылъыгъ; 5Тхьэм игущыІэхэм яшІугъэри, къэкІощт дунаем илъэкІыны­гъэхэри ашІэщтыгъэх. 6Ау щытми, акІыб Тхьэм фагъэ­зэжьыгъ. ЯпсэкІодхэм афыкІэгъожьынхэу къябгъэгъэ­зэжьын плъэкІыщтэп, сыда пІомэ Тхьэм Ыкъо джыри зэ къащым тыраІулІэрэм фэд, цІыфмэ апашъхьэ ынапэ щытырахырэми фэд.

7ЧІыгоу бэрэ ощх къызтещхэу, цІыфхэу ар зылэжьхэ­рэмкІэ зишІуагъэ къакІорэ лэжьыгъэ къызщыкІырэм Тхьэм ынэшІу къыщефэ. 8Ау панэрэ пырэжъыерэ къыз­щыкІырэ чІыгум пкІэ иІэп. Бэ темышІэу Тхьэм ынае а чІыгум къыщифэщт. Ыужыпкъэми ар агъэстыжьыщт.

9СилъапІэхэр, арэущтэу тІо пэтми, шъуиІоф нахьышІоу зэрэщытми, шъумыкІодэу Тхьэм шъукъызэригъэнэ­жьыщт гъогум шъузэрэтетми тащэгугъы. 10Сыда пІомэ Тхьэр зафэ. Іофэу шъушІагъэр щыгъупшэщтэп. Тхьэм ицІыф лъапІэхэм ІэпыІэгъу шъузэрафэхъугъэмрэ джыри ІэпыІэгъу шъузэрафэхъурэмрэкІэ шІулъэгъуныгъэу Тхьэм фэжъугъэлъэгъуагъэри щыгъупшэщтэп. 11Іофхэу шъузщы­гугъыхэу, шъузпаплъэхэрэр жъугъотынхэм пае, шъуащы­щэу хэти ыгу етыгъэу кІэухым нэсы Тхьэм иІофхэм емы­зэщэу апылъымэ тшІоигъу. 12Фэмыфэу шъущымыт, ау

6:2 умэхъыныгъэр – еплъ Маттэ 3:1.

шІошъхъуныгъэмрэ щыІагъэмрэ зэряІэм пае, Тхьэм Іоф­хэу къызэригъэгугъагъэхэр цІыфхэу зиІэхьышІу къыз­лъысыщтхэм ялъэужхэм шъуарыкІу.

Тхьэм тыкъызэригъэгугъагъэр ыгъэцэкІэжьыщт

13Тхьэм игущыІэ Ибрахьимэ къызыретым, ежьым нахьи нахь ин зэрэщымыІэм пае, къыІуагъэр къыгъэшъыпкъэ­жьызэ, ежьым ыцІэкІэ гущыІэ пытэкІэ мырэущтэу къы­Іуапы* 14«ШъыпкъэмкІэ сынэшІу къыпщысфэщт, быныби къыптезгъэхъукІыщт». І5Арэущтэу Ибрахьимэ щыІагъэ зыригъаІи, Тхьэм къызэригъэгугъагъэр иІэ хъугъэ.

16ЦІыфмэ ежьхэм анахьи нахь инэу зыгорэмкІэ тхьа­рыІо ашІэу яхабз. ТхьарыІом къаІогъэ гущыІэхэр егъэшъыпкъэжьых, зэнэкъокъун Іофми кІэух фешІы. 17Арэущтэу Тхьэм Іофхэу къызэригъэгугъагъэхэр зиІэ­хьышІу къызлъысыщтхэм игухэлъ зэрэзэблимыхъущтыр аригъэлъэгъунэу фэягъэти, Іофхэу къызэригъэгугъа­гъэхэр зэригъэцэкІэщтхэр гущыІэ пытэкІэ къафигъэ­шъыпкъэжьыгъ. 18Арэущтэу зэблэмыхъушъун ІофитІу* щыІ. Ар Тхьэу зэрэщытым пае, а ІофитІур зэримыгъэ­цэкІэн гъогу щыІэп. Тэ Тхьэр ухъумакІоу къызфэхъунэу, ежьым пэгъунэгъу хъугъэ цІыфхэр Тхьэм тапэ къыри­лъхьэгъэ Іофхэу тызщыгугъыхэу, тызпаплъэхэрэр къыз­нэдгъэсынхэу мы ІофитІумэ тагъэгушхо. 19ГугъапІэу Христос фытиІэр пытэу ыкІи цыхьэшІэгъоу, гъурзым фэдэу тыгухэм арылъ. Ащ пае пэІухъоу Тхьэм иунэшхо ыкІоцІ щыІэм тыблэкІызэ, унэ кІоцІэу анахь лъапІэм* тихьан тлъэкІыщт. 20Тэщ пае Исус а унэ кІоцІэу анахь лъапІэм тапэу ихьагъ. Мелхиседекъ фэдэу егъэшІэрэ дин пэщэшхоу хъугъэ.

6:13-14 мырэущтэу къыІуагъ – еплъ Пегъымбар Мусэ апэрэ тхылъэу ытхыгъэм 22:16-17.

6:18 ІофитІу – мыхэр ары: Тхьэм цІыфхэр къызэригъэгугъэгъэ Іофхэмрэ ахэр зэригъэцэкІэщтхэр гущыІэ пытэкІэ къызэригъэшъыпкъэжьыгъэмрэ ары.

6:19 унэ кІоцІэу анахь лъапІэр – мы тхылъыр зытхыгъэм Тхьэм иунэшхо чІэтыгъэ унэ кІоцІэу Тхьэм ищытхъушхо зыдэщыІагъэр уашъом фегъадэ.

6:20 Исус а унэ кІоцІэу анахь лъапІэм ихьагъ – дин пэщэшхор Тхьэм иунэшхо чІэтыгъэ унэ кІоцІэу анахь лъапІэм илъэс къэс зэ чІахьэщтыгъ, къурмэн ышІынэу, цІыфхэм япсэкІодхэр ыпщыныжьынхэм пае. Исус дин пэщэшхоу уашъом Тхьэм ыпашъхьэ щихьагъ.

 

07

ЯБЛЭНЭРЭШЪХЬ

Дин пащэу Мелхиседекъ

Мелхиседекъ* Салэм къалэм* ипачъыхьэу ыкІи Тхьэу анахь Иным фэлажьэрэ дин пащэу щытыгъ. Ибрахьимэ пачъыхьабэмэ затекІо ужым къызегъэзэжьым, Мелхисе­декъ ащ пэгъокІи, Тхьэм ынэшІу къыщыригъэфагъ. 2Джа­щыгъум Ибрахьимэ мылъкоу заомкІэ къыхьыгъэм ызы­пшІанэ Мелхиседекъ ритыгъ. Мелхиседекъ ыцІэ къикІы­рэм тетэу, ыпэ рапшІэу «шъыпкъагъэ зиІэ пачъыхьэу» щыт, етІанэ Салэм ипачъыхьэу щыт, ащ къикІырэр «цІыф­хэр зэзыгъэшІурэ пачъыхьэр» ары. 3Яти яни имыІэу, унэгъо лъэпкъ зэтекІ имыІэу, имафэхэм ублапІэ ямыІэу, ищыІэныгъи ухыпІэ имыІэу, Тхьэм Ыкъо фэдэу Мелхи­седекъ егъэшІэрэ дин пащэу щыт.

4Мелхиседекъ иинагъэ шъуеплъ: Тятэжъышхоу Ибра­хьимэ мылъкоу заомкІэ къыхьыгъэм ызыпшІанэ ащ ритыгъ. 5Левый* къытехъукІыгъэ цІыфхэм ащыщхэу дин пащэ хъугъэхэм Израил цІыфхэм къагъахъэрэм ызыпшІанэ къа­Іахынэу Тэурат хабзэм иунашъо ит. Ащ къикІырэр, а пшІанэр къызыІаххэрэр ашыхэу Ибрахьимэ къытехъу­кІыгъэ цІыфхэр ары. 6Ау Мелхиседекъ, Левый къытехъу­кІыгъэ цІыфхэм ащыщэу щымытыгъэ пэтми, Ибрахьимэ мылъкоу заомкІэ къыхьыгъэм ызыпшІанэ къыІихыгъ. Ащ нэмыкІэуи Мелхиседекъ Ибрахьимэу Тхьэм ІэхьышІукІэ къыгъэгугъагъэм Тхьэм ынэшІу къыщыригъэфагъ. 7Щэч хэмылъэу, цІыфэу адрэ цІыфым Тхьэм ынэшІу къыщызы­гъафэрэр адрэм нахьи нахь ин. 8ЕтІанэ дин пащэхэу цІыфмэ пшІанэр къаІызыххэрэм яІоф ухаплъэмэ, ахэр лІэнхэ фэе цІыфхэу щытых. Ау Мелхиседекъэу Ибрахьи­мэ пшІанэр къыІызыхыгъэм иІоф ухаплъэмэ, ар зэрэ­псэурэмкІэ Тхьэм игущыІэ тхыгъэхэр шыхьат фэхъух. 9Левый къытехъукІыгъэ цІыфхэм мы лъэхъанэм пшІанэр

7:1 Мелхиседекъ – еплъ Пегъымбар Мусэ апэрэ тхылъэу ытхыгъэм 14:17-20.

7:1 Салэм къалэр – Ерусалим ары.

7:5 Левый – пегъымбар Якъубэ ыкъохэм ащыщыгъ. Дин пэщэ пстэури ащ иунэгъо лъэпкъым щыщыгъэх.

адрэ цІыфхэм къаІахы пэтми, Ибрахьимэ пшІанэр Мелхи­седекъ зыретым, Левый пшІанэр Мелхиседекъ ритыгъэу пІоми хъущт, 10сыда пІомэ Мелхиседекъ Ибрахьимэ зы­пэгъокІым, Левый къэмыхъугъэу щытыгъэ пэтми, ятэ­жъышхоу Ибрахьимэ ыпкъ зэрэхэлъыгъэр пІоми хъущт.

11Арэущтэу дин пащэхэу Левый иунэгъо лъэпкъ щыщ­хэм Іофэу ашІагъэмкІэ Тхьэм игухэлъ икъугъэу хъугъэ­мэ, (сыда пІомэ пегъымбар Мусэ и Тэурат хабзэ дин пащэхэу Левый иунэгъо лъэпкъ щыщхэм яІоф епхыгъэу щыт), ащыгъум Хьарун фэмыдэу Мелхиседекъ фэдэу, нэ­мыкІ дин пащэ къэкІон фаеу хъущтыгъэп. 12Сыда пІомэ Тхьэм дин пэщэ лъэпкъыр зызэблихъукІэ, хабзэри зэблэ­хъугъэу хъун фае. 13ЕтІанэ ти Зиусхьан Исусэу мы Іоф­хэр зэхьылІагъэхэр нэмыкІ унэгъо лъэпкъ щыщыгъ. Ежьым унэгъо лъэпкъ щыщэу зыми дин пащэу къурмэншІыпІэм Іоф щишІагъэп. 14Сыда пІомэ ти Зиусхьан Иудэ унэгъо лъэпкъым зэрэщыщыр нафэ. Пегъымбар Мусэ дин пащэ­хэм къызатегущыІэм, а унэгъо лъэпкъым игугъу ышІы­гъэп. 15Мелхиседекъ фэдэу нэмыкІ дин пащэ къызэрэ­лъэгъуагъэм Іофэу зыфэсІуагъэр нахь нафэу ешІы. 16Мел­хиседекъ иунэгъо лъэпкъ зэтекІ ехьылІэгъэ хабзэхэмрэ цІыф унашъохэмрэ арэп ар дин пащэу зыгъэхъугъэхэр, ау зыми ымыгъэкІодышъун щыІэныгъэм илъэкІыныгъэ ары дин пащэу зыгъэхъугъэр. 17Сыда пІомэ Тхьэм игу­щыІэ тхыгъэхэм мырэущтэу арыт:*

«Мелхиседекъ фэдэу ори егъашІэм дин пащэу ущытыщт».

18Ыпэрэ хабзэм лъэкІыныгъэ имыІэу зэрэщытыгъэм ыкІи ишІуагъэ цІыфхэм аримыгъэкІэу зэрэщытыгъэм пае, Тхьэм ар зы бгъукІэ ригъэзэкІыгъ. 19Сыда пІомэ Тэурат хабзэм Іоф ыкІагъэ зи имыІэу, икъугъэу ыгъэхъун ылъэкІыгъэп. Ау джы Тхьэм тызщигъэгугъырэ Іофыр нахьышІу, а Іофыми Тхьэм пэблагъэ тыхъунэу тегъэлъэкІы.

20Ащ нэмыкІэу Тхьэм гущыІэ пытэкІэ къыгъэшъы­пкъэжьыгъ Исус дин пащэу зэрэхъущтыр. 21НэмыкІ цІыфхэр Тхьэм игущыІэ пытэ хэмылъэу дин пащэхэу

7:17 Тхьэм игущыІэ тхыгъэхэм мырэущтэу арыт- еплъ Сэбур (Псалтыр) 110:4 (урыс библиемкІэ 109:4).

хъугъэх, ау Исус дин пащэ хъу зэхъум, Тхьэм къыІуагъэр гущыІэ пытэкІэ къыгъэшъыпкъэжьыгъ, сыда пІомэ Тхьэм мырэущтэу къыриІуагъ:*

«Сэ, Зиусхьаныр, къэсІуагъэр згъэшъыпкъэ-

жьызэ, гущыІэ пытэкІэ сІуагъэ ыкІи сыкІэгъожьыщтэп: О егъашІэм дин пащэу ущытыщт».

22Арэущтэу зэзэгъыныгъэу Тхьэм ежьыррэ тэррэ тазыфагу дилъхьагъэр зэрэнахьышІум тыщызыгъэгу­гъырэр Исус ары.

23Ащ нэмыкІэуи адрэ дин пащэхэр бэ хъугъэх, сыда пІомэ дин пащэхэу Тхьэм фэлэжьэн зэпытынхэу лІэны­гъэм фит ышІыгъэхэп. 24Ау Исус егъашІэм зэрэщы­Іэщтым пае, идин пэщэ Іоф нэмыкІ горэм къыфигъэ­нэжьыщтэп. 25Ащ паий Тхьэм пэблагъэ хъунхэу Исус зэригъэлъэкІырэ цІыфхэр мыкІодхэу къыгъэнэжьынхэ сыдигъуи елъэкІы, сыда пІомэ Исус а цІыфхэм Тхьэм афелъэІунэу егъашІэм щыІ.

26Ащ фэдэ дин пэщэшхор ары тищыкІагъэр: зыгу къабзэу, зыми зэригъэмысэн зи зыбгъодэмылъэу, лажьэ зи зимыІэу, псэкІод зышІэрэ цІыфхэм ахэкІыжьыгъэу, уашъохэм апшъэ дэкІоежьыгъэу щыІэ дин пэщэшхор ары. 27Адрэ дин пэщэшхохэм, ыпэ рапшІэу ежьхэм япсэ­кІодхэр апщыныжьынхэм пае, етІанэ адрэ цІыфхэм япсэ­кІодхэри апщыныжьынхэм пае, мафэ къэси къурмэн ашІынэу зэрящыкІагъэм фэдэу, Исус ищыкІагъэп; сыда пІомэ ежь къурмэныпхъэу зызешІым, цІыфхэм япсэ­кІодхэр ыпщыныжьынхэм пае, джыри зэ къурмэныпхъэу мыхъужьынэу, къурмэныпхъэу хъугъэ. 283ыгурэ зыпсэ­рэкІэ лъэкІыныгъэ зимыІэ цІыфхэр дин пэщэшхохэу хъунхэу Тэурат хабзэм иунашъо егъэнафэх; ау Тэурат хабзэр къызэкІо ужым, Тхьэм къыІуагъэр гущыІэ пытэкІэ къызегъэшъыпкъэжьым, Ыкъоу зишъыпкъагъэ егъашІэм щыкІагъэ зи зимыІэ цІыф икъугъэу щытыр дин пэщэшхоу хъунэу къыгъэнэфагъ.

7:21 Тхьэм мырэущтэу къыриІуагъ – еплъ Сэбур (Псалтыр) 110:4 (урыс библиемкІэ 109:4).

 

08

ЯЕНЭРЭШЪХЬ

Исусэу тидин пэщэшхор

Шъыпкъэу зыфатІорэр мары: Уашъохэм ащыІэу, теты­гъошхор зэкІэ зиІэ Тхьэм итІысыпІэ лъапІэ иджабгъу­кІэ госэу дин пэщэшхо тиІ. 2ЧэтэнгъэІэгъэ шъы­пкъэу Тхьэр зыдэщыІэм дин пэщэшхоу Іоф щешІэ. А­чэтэнгъэІагъэр зыгъэуцугъэр цІыфхэр арэп, Зиусхьаныр ары нахь.

3Тхьэм хэтрэ дин пэщэшхуи тынхэри ежьым фихьын­хэуи, къурмэнхэр фишІынхэуи къегъэнафэ. Ащ пае, ти­дин пэщэшхуи Тхьэм къурмэныпхъэ горэ фишІын фае. 4Исус дунаем тетыгъэмэ, дин пащэу щытыщтыгъэп, сы­да пІомэ Тэурат хабзэм ит унашъом тетэу, Тхьэм тын­хэр фэзыхьырэ дин пащэхэр щыІэх. 5Ахэр дин пащэ­хэу Іоф зыщашІэрэр Тхьэм иунэшхоу уашъо щыІэм ышъо теплъэ е ижьау ныІэп. Сыда пІомэ пегъымбар Мусэ чэ­тэнгъэІагъэр ыгъэуцоу зыфежьэм, Тхьэм ащ унашъо къы­фишІыгъ: «Къушъхьэм утетэу зэкІэ къызэрэозгъэлъэгъу­гъэм тетэу, зэрэпшІыщтым фэсакъ». 6Зэзэгъыныгъэу Исус Тхьэмрэ цІыфхэмрэ азыфагу дэлъэу ыгъэхъугъэр апэрэ зэзэгъыныгъэм нахьи зэрэнахь иным фэдэу, Исус дин пэщэшхо Іофэу ышІэрэр адрэ дин пэщэшхохэм яІоф нахьи нахь Іофышху, сыда пІомэ аужырэ зэзэгъыныгъэм­кІэ Іофхэу Тхьэм цІыфхэр къызэригъэгугъагъэхэр нахьы­шІоу щытых.

7Апэрэ зэзэгъыныгъэм* зи щыкІагъэ имыІагъэмэ, нэмыкІ зэзэгъыныгъэ ащ ычІыпІэ ихьанэу ищыкІэгъэщты­гъэп. 8Ау пегъымбарым цІыфхэр ыгъэмысэхэу къы­Іуагъ:*

«Зиусхьаным мырэущтэу къеІо:

Сэррэ Израил унэгъо лъэпкъымрэ Иудэ унэгъо

лъэпкъымрэ зэзэгъыныгъакІэ тазыфагу сэ зыдэслъхьащт мафэ­хэр къэсыщтых.

8:7 Апэрэ зэзэгъыныгъэр – апэрэ зэзэгъыныгъэр хъунэу зыгъэхъугъэр пегъымбар Мусэ ары.

8:8-12 пегъымбарым . . . къыІуагъ – еплъ Пегъымбар Иеремие тхылъэу ытхыгъэм 38:31-34.

9Ау мы зэзэгъыныгъэр зэрэщытыщтыр

ятэжъхэр Мысырым сэ къызесэщыжьхэм, зэзэгъыныгъэу сэрырэ ахэмрэ тазыфагу дэслъхьа-

гъэр зэрыщытыгъэм фэдэу арэп, сыда пІомэ зэзэгъыныгъэу тазыфагу дэслъхьа-

гъэм игъогу ахэр рыкІо зэпытыгъэхэп.

Арышъ, ахэмэ пхъэтэпэмыхьэу сяплъы хъугъэ, Зиусхьаным къеІо.

10А мафэхэм ауж зэзэгъыныгъэу сэрырэ Израил

лъэпкъымрэ тазыфагу дэслъхьащтыр мары: Сиунашъохэр ахэмэ ашъхьэхэм арыслъхьащтых, агухэми атестхэщтых. Сэ ахэмэ я Тхьэу сыщытыщт, ахэри сэ слъэпкъэу щытыщтых, Зиусхьаным къеІо.

11Арэущтэу зыхъукІэ, 'Зиусхьаныр зыфэдэр зэ-

гъашІэ', аІоу, зэгъунэгъухэми зэшыхэми зэраІожьыщтэп, сыда пІомэ цІыкІухэм къащегъэжьагъэу инхэр

къыхиубытхэу зэкІэми сашІэщт.

12БзэджашІэхэми сэ гукІэгъу афэсшІыщт. ЯпсэкІодхэри, бзэджагъэу ашІагъэхэри сыгу изгъэлъыжьыщтхэп».

13Тхьэм «зэзэгъыныгъакІэ» зэриІуагъэмкІэ апэрэ зэзэгъыныгъэр жъы зэрэхъугъэр къыгъэлъэгъуагъ. Сыд щыщи жъы хъугъэу, лъэкІыныгъэ зимыІэжьыр бэ темышІэу кІодыжьыщт.

 

09

ЯБГЪОНЭРЭШЪХЬ

ЦІыфхэм шъыпкъагъэкІэ Тхьэр зэрагъэлъэпІэн фэе

шІыкІэр

Апэрэ зэзэгъыныгъэм тетэу цІыфхэм Тхьэр зэрагъэ­лъэпІэн фэе шІыкІэм ехьылІэгъэ унашъохэр щыІагъэх. ЦІыфхэм аІэкІэ ашІыгъэу, Тхьэр зыщагъэлъэпІэн чІыпІи

щыІагъ. 2Сыда пІомэ унитІу зиІэ чэтэнгъэІагъэ горэ агъэуцугъ. Апэрэ унэу Унэ КІоцІ ЛъапІэу зыфаІорэм ыкІоцІы остыгъэ тетыпІэр, Іанэр, Тхьэм ыпашъхьэ агъэ­тІылъыгъэ хьалыгъур щыІагъэх. 3ПэІухъо горэм ыкІыб­кІэ Унэ КІоцІэу анахь ЛъапІэу зыфаІорэр щыІагъ. 4Мэ­ІэшІу зыпихырэ уцхэм ягъэстыпІэу дышъэм хэшІыкІы­гъэмрэ тыдэкІи дышъэ зытебзэгъэ пхъуантэу Тхьэм ежьыррэ цІыфхэмрэ азыфагу дилъхьэгъэ зэзэгъыныгъэм ипхъуантэу зыфаІорэмрэ а унэ кІоцІым итыгъэх. Ды­шъэм хэшІыкІыгъэ хьакъушыкъоу мэнн зыцІэ шхыныр* зэрылъыр, Хьарун ибэщэу тхьапэхэр къызпыкІагъэр, мы­жъобгъуитІоу Тхьэм иунашъохэр зэрытхэр а пхъуантэм дэлъыгъэх. 5А пхъуантэм ышъхьагъкІэ Тхьэм ищытхъу­шхо къэзыушыхьатырэ Херувим зыфаІорэ мэлэІичхэр щы­тыгъэх. Ахэмэ атамэхэмкІэ Тхьэм цІыфхэм япсэкІодхэр къызщафигъэгъурэ чІыпІэр къаухъумэщтыгъэх. Ау джы мы Іофхэм зырызэу татегущыІэн тлъэкІыщтэп.

6Мы Іофхэр мырэущтэу гъэпсыгъэхэу, яІоф ашІэнэу дин пащэхэр апэрэ унэ кІоцІым ихьэ зэпытыщтыгъэх. 7Ау ятІонэрэ унэ кІоцІым дин пэщэшхом нэмыкІ зи ихьагъэп, ари илъэсым зэ нахьыбэу ихьэщтыгъэп. Ащ дэжьым къурмэныпхъэм ыл зыдимыхьэу ихьэщтыгъэп. А къурмэныр ежьым ипсэкІодхэр ыпщыныжьынхэм паий, цІыфмэ амышІахэу ашІэгъэ псэкІодхэр ыпщыныжьынхэм паий ышІыгъ. 8Тхьэм Ыпсэ ЛъапІэ а гъэпсыкІэмкІэ къе­гъэнафэ, Унэу КІоцІэу анахь ЛъапІэу уашъом щыІэм ыдэжь кІорэ гъогур зэрэІумыхыгъэр, а чэтэнгъэІэгъэ­жъыр щэтыфэ. 9А Іоф пстэуми джырэ лъэхъанэм Іо­фыр зытетыр къагъэлъагъо: цІыфхэм тынхэу Тхьэм фа­хьыхэрэмрэ къурмэнхэу фашІыхэрэмрэ агухэм якъэбза­гъэ икъугъэу агъэхъун алъэкІырэп. 10А тынхэри а къур­мэнхэри зэпхыгъэ Іоф закъохэр шхэнми ешъонми яІофрэ, диным ехьылІагъэу зэфэмыдэ шІыкІэхэу цІыфхэм зызэ­рагъэкъэбзэжьынхэм яІофрэ ары. Ахэр цІыфхэм апкъ епхыгъэ унашъох; Тхьэм Іофхэр зэкІэ зэблехъужьыфэ, а унашъохэр щыІэнхэ фэягъэ ныІэп.

9:4 мэнн зыцІэ шхыныр – Израил цІыфхэр Мысырым (Египет) къикІыжьхи, шъоф нэкІым къыщакІухьэу зыщэтым, шхынэу Тхьэм аригъэшхыгъэр ары. Еплъ Пегъымбар Мусэ ятІонэрэ тхылъэу ытхыгъэм 16:4-5.

11Ау Христос джы щыІэ ІофышІухэр къыздихьыхэзэ, дин пэщэшхоу къэкІуагъ. Мы дунаем тет чэтэнгъэІагъэм нахьи нахь чэтэнгъэІэгъэшхоу ыкІи чэтэнгъэІагъэ нахь икъугъэу щытым ыкІоцІ дин пэщэшхоу Іоф щешІэ. А чэтэнгъэІагъэр цІыфхэм аІэкІэ ашІыгъэ чэтэнгъэагъэу щытэп, ащ къикІырэр а чэтэнгъэІагъэр мы дунаеу Тхьэм къыгъэхъугъэм щыщэп. 12Пчэнымрэ танэмрэ якъурмэны­пхъэ лъыр зыдимыхьэу, ежьым ылъэу къащым щыкІэкІы­гъэу, Унэу КІоцІэу анахь ЛъапІэу уашъом щыІэм Хри­стос, джыри зэ имыхьажьынэу, зэ закъоу ихьагъ. Арэу­щтэу ежьым ылъкІэ мыкІодыжьын шъхьафитныгъэ тигъэ­гъотызэ, тэ тшъхьэхэр ыщэфыжьыгъэх. 13Дин пащэхэм пчэнхэмрэ шкІэхэмрэ якъурмэныпхъэ лъырэ чэмым ияжьэ­рэ цІыфхэу Тхьэм ыдэжькІэ мыкъабзэхэу щытхэм атырау­тхэщтыгъэх, ахэр къабзэхэу хъужьынхэм пае. 14Ащ на­хьи нахьыбэу лІэныгъэр къызхэкІырэ Іофхэм тапыкІы­жьынэуи, щыІэныгъэрэ шъыпкъагъэрэ зиІэ Тхьэм тыфэ­лэжьэнэуи Христос ылъ тыгухэр егъэкъэбзэжьых. Хри­стос щыкІагъэ зи зимыІэ къурмэныпхъэ икъугъэу щы­тым фэдэу, Тхьэм Ыпсэ ЛъапІэу сыдигъуи щыІэм илъэ­кІыныгъэкІэ Тхьэм зыритыгъ.

15Джащ паий, Христосыр ары Тхьэмрэ цІыфхэмрэ азыфагу зэзэгъыныгъакІэр дэлъэу зыгъэхъурэр, Тхьэр зибынхэм ащыщ хъунхэу къызэджэгъэ цІыфхэм мыкІо­дыжьынэу щыт ІэхьышІоу къызэригъэгугъагъэхэр къа­лъысынхэм пае. Сыда пІомэ цІыфхэу апэрэ зэзэгъыны­гъэм ыІэчІэгъ чІэтхэу, псэкІод зышІагъэхэм ашъхьэхэр Христос илІэныгъэкІэ ыщэфыжьыгъэх.

16Осыет щыІэмэ, осыетыр къэзышІыгъэр зэрэлІагъэр къагъэшъыпкъэжьын фае, 17сыда пІомэ осыетыр зыб­гъэцакІэ хъущтыр, ар къэзышІыгъэр зылІэрэ ыужыр ары ныІэп. КъэзышІыгъэр псаумэ, осыетыр бгъэцакІэ хъущ­тэп. 18Ащ паий, апэрэ зэзэгъыныгъэри бгъэцакІэ хъун зэзэгъыныгъэу зыгъэхъугъэ закъор лъыр ары. 19Сыда пІомэ, пегъымбар Мусэ Тэурат хабзэм иунашъохэр зэ­кІэ цІыф пстэуми зарегъэІум ыуж, цы плъыжь чІапцІэр иссоп зыцІэ куандэм икъутамэхэм апишІи, танэхэмрэ пчэнхэмрэ алъ псы игъусэу ышти, а къутамэхэмкІэ тхылъымрэ цІыф пстэумрэ атриутхагъ. 20Мусэ етІанэ

къыІуагъ:* «Мы лъыр ары зэзэгъыныгъэу Тхьэм унашъо къызэрэшъуфишІыгъэм фэдэу шъузэредэІун фаер къэзы­гъэшъыпкъэжьырэр». 21Ащ фэдэуи чэтэнгъэІагъэмрэ Тхьэр зэрагъэлъапІэрэ псэуалъэ пстэумрэ лъы атриутхагъ. 22Шъыпкъэ, Тэурат хабзэм зэритым фэдэу, сыд щыщри къэнагъэ шІагъо щымыІэу, лъыкІэ агъэкъэбзэжьы, къур­мэнылъи хэмылъэу псэкІод гъэгъуныгъэ щыІэп.

Христос къурмэныпхъэу зишІызэ, цІыфхэм япсэкІодхэр зэратрихыжьрэр

23Арэущтэу а Іофхэу сызтегущыІагъэхэу, уашъом щыІэ Іоф шъыпкъэхэм ашъо теплъэхэу щытхэр мы къурмэн­хэмкІэ агъэкъэбзэжьын фэягъэ. Ау уашъом щыІэ Іоф­хэм а къурмэнхэм анахьи нахь къурмэнышІухэр яфэ­шъуашэх. 24Сыда пІомэ цІыфмэ ашІыгъэ чэтэнгъэІагъэу Тхьэр зыдэщыІэ чІыпІэ шъыпкъэм ышъо теплъэу щы­тыр арэп Христос зэрыхьагъэр, уашъоу Тхьэр зыдэщы­Іэ чІыпІэ дэдэр ары зэрыхьагъэр, джы тэщ пае Тхьэм ыпашъхьэ ихьанэу. 25Дин пэщэшхор Унэ КІоцІэу анахь ЛъапІэу зыфаІорэм илъэс къэс ежьым ылъ мыхъоу, къурмэныпхъэм ылъ зыдихьэу ихьащтыгъ. Ау Христос уашъоу Тхьэр зыдэщыІэ чІыпІэм зыфихьагъэр бэрэ къурмэныпхъэу зишІыныр арэп, джыри зэ къурмэныпхъэ зимышІыжьынэу, зэ закъо къурмэныпхъэу зишІыныр ары нахь. 26Арэущтэу щымытыгъэмэ, Тхьэм дунаер къызигъэхъугъэм щегъэжьагъэу Христос бэрэ ыщэчын фаеу хъущтыгъ. Ау ежьым къурмэныпхъэу зызэришІы­гъэмкІэ псэкІодыр ыгъэкІодынэу джы лъэхъанэхэм якІэух дэжь, джыри зэ къэмылъэгъожьынэу, зэ закъо къэлъэгъуагъ. 27ЦІыф пстэури зэ лІэжьын фаех, етІанэ Тхьэм хьыкум атришІыхьащт. 28Ащ фэдэуи цІыфыбэмэ япсэкІодхэр атрихыжьынхэу Христоси зэ закъо къур­мэныпхъэу зишІыгъ. ЕтІани зэ къэлъэгъожьыщт.* Къы­зылъэгъожькІэ, цІыфхэм япсэкІодхэр атрихыжьынхэу арэп къызфэкІощтыр, цІыфхэу ежьыр къызэрэкІожьы­щтым щыгугъыхэу, паплъэхэрэр мыкІодхэу къыгъэнэ­жьынхэу ары нахь.

9:20 Мусэ етІанэ къыІуагъ – еплъ Пегъымбар Мусэ ятІонэрэ тхылъэу ытхыгъэм 24:8.

9:28 ЕтІани зэ къэлъэгъожьыщт – дунаем икІэух ыдэжь ары къызылъэгъожьыщтыр.

 

10

ЯПШІЭНЭРЭШЪХЬ

Тэурат хабзэр ІофышІухэу къэкІощтхэм яжьаоу щыты­гъэ ныІэп, а ІофышІухэр зэрэщытыщтхэри шъыпкъа­гъэкІэ къыгъэлъэгъон ылъэкІыщтыгъэп. Арышъ, а къур­мэн дэдэхэу илъэс къэси ашІы зэпытыщтыгъэхэмкІэ цІыфхэу Тхьэм пэгъунэгъу хъунхэу фаехэр Тэурат хабзэм Тхьэм ыдэжькІэ зишъыпкъагъэ зи щыкІагъэ зимыІэ цІыф икъугъэхэу ыгъэхъунхэ ылъэкІыщтыгъэп. 2Ар ылъэкІыщтыгъэмэ, цІыфхэм къурмэншІыныр ханэ­жьыщтыгъ. Сыда пІомэ Тхьэм пэгъунэгъу хъунхэу фае­хэр а къурмэнхэмкІэ къабзэу хъущтгъэхэмэ, япсэкІод­хэр агухэмкІэ зыдашІэжьыщтыгъэхэп. 3Ау а къурмэн­хэм илъэс къэси япсэкІодхэр агу къагъэкІыжьыщтыгъэх, 4сыда пІомэ шкІэхэмрэ пчэнхэмрэ алъ цІыфхэм япсэ­кІодхэр атырихын ылъэкІыщтэп.

5Арышъ, Христос мы дунаем къытехьанэу зэхъум, ащ Тхьэм мырэущтэу риІуагъ:*

«Къурмэнхэми тынхэми уафэягъэп,

ау пкъы къысфэбгъэхьазырыгъ. 6ЦІыфхэм машІокІэ агъэстырэ къурмэнхэри,

япсэкІодхэр зытырахынхэм пае ашІырэ къурмэн­хэри

игъоу плъытагъэхэп. 7ЕтІанэ сэ сІуагъэ:

'О Тхьэ, мары, узыфаер згъэцэкІэнэу сыкъэ­кІуагъ,

уитхылъ сикъэбар зэритым фэдэу'». 8Христос арэущтэу къызеІом, ыпэ рапшІэу къыІуа­гъэхэр мыхэр ары: «Къурмэнхэми, тынхэми, цІыфхэм агъэстырэ къурмэнхэми, япсэкІодхэр зытрахынхэм пае, ашІырэ къурмэнхэми уафэягъэп ыкІи игъоу плъыта­гъэхэп». ЦІыфхэм а къурмэнхэр Тэурат хабзэм иунашъо тетэу ашІыщтыгъэ пэтми, Христос арэущтэу къыІуагъ. 9ЕтІанэ мырэущтэу къыІуагъ: «О Тхьэ, мары, узыфаер згъэцэкІэнэу сыкъэкІуагъ». Арэущтэу Христос апэрэ Іоф­хэр* зы бгъукІэ ригъэзэкІыгъэх, ахэмэ ачІыпІэ ятІонэрэ Іофыр* ригъэуцоным пае. 10Исус Христос Тхьэр зыфэя-

10:5-7 Тхьэм мырэущтэу риІуагъ – еплъ Сэбур (Псалтыр) 40:6-8 (урыс

библиемкІэ 39:7-9).

10:9 апэрэ Іофхэр – къурмэншІынхэр ары.

10:9 ятІонэрэ Іофыр – Христос къурмэныпхъэу зызэришІырэр ары.

гъэр зэригъэцэкІагъэм пае, ежьым ыпкъ зэзакъо къур­мэныпхъэу зэришІыгъэмкІэ, джыри зэ къурмэныпхъэу ымышІыжьынэу, тыгухэр ыгъэкъэбзэжьыгъэх.

11Хэтрэ дин пащи идин пэщэ Іоф мафэ къэс ешІэ. А къурмэн дэдэхэу цІыфмэ япсэкІодхэр атезыхын зы­мылъэкІхэрэр ешІы зэпытых. 12Ау Христос цІыфмэ япсэкІодхэр егъашІэм ыпщыныжьыпэнхэм пае, зы къур­мэныпхъэ закъоу зешІы ужым, Тхьэм иджабгъукІэ щы­сынэу готІысхьагъ. 13А уахътэм къыщегъэжьагъэу Христос пэплъэ, ипыйхэр Тхьэм ащ лъэгукІэтын* зы­фишІыщт мафэм. 14Арэущтэу зэзакъо къурмэныпхъэу зызэришІыгъэмкІэ зыгу къабзэ хъухэрэм егъашІэм Тхьэм ыдэжькІэ зишъыпкъагъэ зи щыкІагъэ зимыІэ цІыф икъугъэхэу ыгъэхъугъэх.

15Тхьэм Ыпсэ ЛъапІи мы ІофымкІэ къытфеушы­хьаты; сыда пІомэ ыпэ рапшІэу мырэущтэу къеІо:* 16 «Зиусхьаным къеІо:

А мафэхэм ауж зэзэгъыныгъэу сэррэ ахэмрэ

тазыфагу дэслъхьащтыр мыры:

Сиунашъохэр ахэмэ агухэм арыслъхьащтых,

ашъхьэхэми арыстхэщтых». 17ЕтІанэ къеІо:*

«ЯпсэкІодхэри бзэджагъэу ашІагъэхэри

сыгу изгъэлъыжьыщтхэп». 18Тхьэм цІыфмэ япсэкІодхэр зэрафигъэгъугъэхэм пае, ахэр апщыныжьынхэм фэшІ, къурмэн ашІынэу щыкІагъэ яІэжьэп.

Тхьэм пэблагъэ тыжъугъэхъу

19Арышъ, тшыхэр, Исус ылъэу къащым щыкІэкІыгъэм пае, чІыпІэ лъапІэу Тхьэр зыдэщыІэм гушхоныгъэкІэ тихьан тлъэкІыщт. 20Сыда пІомэ Исус ыпкъ къурмэ­ныпхъэу зэришІыгъэмкІэ щыІэныгъэ тиІэ зыгъэхъурэ гъогукІэу пэІухъом блэкІырэр къытфыІуихыгъ. 21Тхьэм

10:13 лъэгукІэтын – еплъ 1:13.

10:15-16 ыпэ рапшІэу мырэущтэу къеІо – еплъ Пегъымбар Иеремие тхылъэу ытхыгъэм 31:33.

10:17 етІанэ къеІо – еплъ Пегъымбар Иеремие тхылъэу ытхыгъэм 31:34.

иунагъо зыІэ илъ дин пэщэшхо тиІ. 22Арышъ, Исус ылъ тыгухэм атриутхэзэ, тыгухэмкІэ зи мыхъун зыдэтымы­шІэжьынэу зэригъэкъэбзэжьыгъэхэм паий, тпкъыхэр псы къабзэкІэ зэрэттхьакІыгъэхэм паий, тыгухэм шъып­къагъэрэ шІошъхъуныгъэшхорэ арылъхэу, Тхьэм пэгъу­нэгъу тыжъугъэхъу. 23Арышъ, тызщыгугъыхэу, тызпа­плъэрэ ІофышІухэу цІыфхэм зигугъу афэтшІыхэрэм ты­къызэкІэмыкІожьэу татетэу тарыжъугъакІу, сыда пІомэ а ІофышІухэмкІэ тыкъэзыгъэгугъэгъэ Тхьэм шъыпкъа­гъэ иІэшъ ары. 24ШІулъэгъуныгъэ тыгухэм арылъынэуи, шІушІэныгъэхэм тапылъынэуи тызэрэгъэгушхоу тызэ­кІэлъыжъугъэплъыжь. 25ЦІыф заулэмэ зэряхабзэ фэдэу тызэІукІэныр хэтэшъумыгъан, ау тызэрэжъугъэгушху. Зиусхьаным имафэ* нахь къэблэгъагъэу зэрэшъу­лъэгъурэм пае, нахьи нахьыбэу шъузэрэгъэгушхон фае.

26Шъыпкъагъэр зэдгъэшІагъэу, тыфаеу псэкІодшІэ­ным тыпылъмэ, типсэкІодхэр ттезыхын къурмэныпхъэ щыІэжьэп, 27ау щынэгъо унашъоу Тхьэм къыттыришІы­хьащтымрэ Тхьэм пэуцухэрэр зыгъэстыщт мэшІошхомрэ къытпэплъэх. 28Пегъымбар Мусэ и Тэурат хабзэ едэ­Іунэу зымыдэрэм шыхьатитІум е шыхьатищым къаІорэм­кІэ гукІэгъу фамышІэу укІ тыралъхьэщтыгъ. 29Ау цІы­фэу Тхьэм Ыкъо зыгъэпыутырэм Тхьэм ащ нахьи бэкІэ нахь къин ригъэпщыныжьыщт. Сыда пІомэ а цІыфым Христос ылъэу Тхьэм изэзэгъыныгъэ зыгъэшъыпкъэ­жьыгъэу, а цІыфым ыгу зыгъэкъэбзэжьыгъэм пкІэ имы­Іэу елъытэ, Тхьэм Ыпсэ ЛъапІэу зынэшІу тэ къытщы­зыфэрэми ыгу хегъэкІы. 30Сыда пІомэ Зиусхьанэу мы­рэущтэу зыІуагъэр* тэшІэ: «ЦІыфхэм ябзэджагъэ я­зыгъэпщыныжьыщтыр сэры, яфэшъуашэ язгъэгъоты­жьыщт». ЕтІани къыІуагъ:* «Зиусхьаным ежь ицІыфхэм хьыкум атыришІыхьащт». 31МыхъомышІагъэ зэрэпшІа­гъэм пае, щыІэныгъэ зиІэ Тхьэм ыІэмычІэ уифэныр сыдэу щынэгъошхуа!

32БлэкІыгъэ мафэхэу Тхьэм икъэбар къыжъугуры­Іонэу инэфынэ къызышъутепсагъэхэр шъугу къэжъугъэ-

10:25 Зиусхьаным имафэ – ахърэт мафэр ары.

10:30 мырэущтэу зыІуагъэр – еплъ Пегъымбар Мусэ ятфэнэрэ тхы­лъэу ытхыгъэм 32:35.

10:30 етІани къыІуагъ – еплъ Пегъымбар Мусэ ятфэнэрэ тхылъэу ытхыгъэм 32:36.

кІыжьых. Игъогу шъукъызэкІэмыкІожьэу шъурыкІоу, а мафэхэм къинышхуабэхэр шъущэчыщтыгъэх. 33Загъорэ цІыфмэ апашъхьэ къыщышъохъоныщтыгъэх, гузэжъо­гъуми шъухадзэщтыгъ, загъори арэущтэу зыдэзекІуагъэ­хэм гъусэ шъуафэхъущтыгъ. 34ХьапсчІэсхэми къин адэ­шъущэчыщтыгъ. ЦІыфмэ шъуимылъку зэрэшъутырахы­гъэр шъуигуапэу шъудэщтыгъ, сыда пІомэ ащ нахьи нахь мылъкушхоу мыкІодыжьыщтыр уашъом зэрэщышъуиІэр шъушІагъэшъ ары.

35Арышъ, гушхоныгъэу шъуиІэр хэшъумынэжь, сыда пІомэ гушхоныгъэ зиІэхэм яІэхьышІу иныщт. 36Тхьэр зыфаер зыжъугъэцакІэ ужым, шъукъызэригъэгугъэгъэ Іэ­хьышІур жъугъотыным пае, теубытэныгъэ шъуиІэн фае. 37Сыда пІомэ Тхьэм игущыІэ тхыгъэхэм зэрарытым фэ­Дэу,*

«Бэ дэдэ темышІэу, къэкІощтыр мыгужъоу къэ­сыщт. 38ШІошъхъуныгъэ зэриІэм пае, садэжькІэ шъы­пкъагъэ зиІэр псэущт. Ау а цІыфыр къызэкІэкІожьмэ, ащ сыгу еІущтэп». 39Ау зызыгъэкІодхэу къызэкІэкІожьхэрэм тащыщэп, шІошъхъуныгъэм игъогу тырэкІо, арэущтэуи зэрэщы­тым пае, тымыкІодэу Тхьэм тыкъегъэнэжьы.

 

11

ЯПШІЫКІУЗЭНЭРЭШЪХЬ

Пасэм цІыфхэр Тхьэм щыгугъыхэу зэрэщытыгъэхэр

ШІошъхъуныгъэр зыфэдэр Іофхэу тызщыгугъыхэу, тызпаплъэхэрэр зэрэдгъотыщтхэр тшІэныр ары, тымы­лъэгъурэ Іофхэм тицыхьэ ателъынри ары. 2Пасэм дунаем щыпсэущтыгъэ цІыфхэм шІошъхъуныгъэ яІэу зэрэщы­тыгъэм пае, Тхьэр шыхьатышІу афэхъугъ.

3ШІошъхъуныгъэ зэрэтиІэм пае, Тхьэм дунаер игущы­ІэкІэ къызэригъэхъугъэр зэхэтэшІыкІы. Арэущтэу цІы­фым ынэкІэ ылъэгъурэр ынэкІэ ымылъэгъурэм къыхэ­кІыгъ.

10:37-38 Тхьэм игущыІэ тхыгъэхэм зэрарытым фэдэу – еплъ Пегъым­бар Аввакум тхылъэу ытхыгъэм 2:3-4.

4Авел* шІошъхъуныгъэ иІэу зэрэщытыгъэм пае, Каин къурмэнэу ышІыгъэм нахьи нахь къурмэнышІу ышІыгъ. Тхьэм Авел итынхэр зедэхэм, Авел шІошъхъуныгъэ иІэу зэрэщытыгъэм пае, шъыпкъагъэ иІэу зэрэщытыгъэмкІэ Тхьэр ащ шыхьат фэхъугъ. Авел дунаем ехыжьыгъ, ау шІошъхъуныгъэ иІэу зэрэщытыгъэм пае, джыри къэбар къытфехьы.

5Енох* шІошъхъуныгъэ иІэу зэрэщытыгъэм пае, Тхьэм ащ лІэныгъэр римыгъэлъэгъоу уашъом дихьыежьыгъ. Тхьэм ар уашъом зэрэдихьыежьыгъэм пае, цІыфхэм ар агъотыжьын алъэкІыгъэп. Енох уашъом дихьыеным ыпэ­кІэ, Тхьэм ыгу ащ зэреІугъэмкІэ Тхьэм игущыІэ тхыгъэ­хэр шыхьат фэхъух. 6ЦІыфым шІошъхъуныгъэ имыІэмэ, Тхьэм ыгу ащ къеІущтэп; сыда пІомэ хэти Тхьэм пэ­благъэ хъунэу фаем Тхьэр зэрэщыІэмкІи, Тхьэм игъогу лъыхъухэрэм яІэхьышІу зэраритырэмкІи шІошъхъуныгъэ иІэн фае.

7КъэкІощт Іофхэу цІыфхэм амылъэгъугъэхэм яхьылІа­гъэу Тхьэм Нухьэ* зызэхырегъэшІыкІым, Нухьэ шІошъ­хъуныгъэ иІэу зэрэщытыгъэм пае, Тхьэм щыщыни, иуна­гъо мыкІодэу къыгъэнэжьыным пае, къухьэр ышІыгъ. Нухьэ шІошъхъуныгъэу иІэу щытыгъэмкІэ дунаем ицІыф­хэм ямысагъэ нафэу ышІыгъ. ШІошъхъуныгъэ иІэу зэ­рэщытыгъэм паий, Тхьэм ежьым ыдэжькІэ ащ шъыпкъа­гъэ иІэу зэрилъытагъэр иІэхьышІоу хъугъэ.

8Тхьэр Ибрахьимэ* иІэхьышІу къылъысыщт хэгъэгум кІо­нэу къызеджэм, Ибрахьимэ шІошъхъуныгъэ иІэу зэрэщы­тыгъэм пае, Тхьэм едэІуи, зыдэкІощтыр ымышІэу щы­тыгъэ пэтми, гъогум техьагъ. 9ШІошъхъуныгъэ иІэу зэрэщытыгъэм пае, Тхьэм къыритынэу къызэригъэгугъэ­гъэ хэгъэгум хымэм фэдэу щыпсэущтыгъ. А хэгъэгум хымэм фэдэу Ибрахьимэ чэтэнгъэІагъэхэм ачІэсэу щы­псэущтыгъ. Исхьакъи Якъуби чэтэнгъэІагъэхэм ачІэ­сыгъэх. Тхьэм Ибрахьимэ къызэригъэгугъэгъэ ІэхьышІур ащ игъусэхэу ахэми къалъысынэу щытыгъ. 10Арэущтэу Ибрахьимэ чэтэнгъэІагъэхэм ачІэсыгъ. Сыда пІомэ къэ-

11:4 Авел – еплъ Пегъымбар Мусэ апэрэ тхылъэу ытхыгъэм 4:3-10. 11:5 Енох – еплъ Пегъымбар Мусэ апэрэ тхылъэу ытхыгъэм 5:21-24. 11:7 Нухьэ – еплъ Пегъымбар Мусэ апэрэ тхылъэу ытхыгъэм 6:13-22. 11:8 Ибрахьим – еплъ Пегъымбар Мусэ апэрэ тхылъэу ытхыгъэм 12:1-5.

лэшхоу Тхьэм ыгъэпсыгъэу, ыгъэуцугъэу мыкІодыжьын лъапсэхэр зиІэм паплъэщтыгъ.

11Сарэ* сабый хэмыкІэу ыкІи ыныбжь блэкІыгъэу щы­тыгъэ пэтми, шІошъхъуныгъэ иІэу зэрэщытыгъэм пае, сабый къыхэкІынэу Тхьэм кІуачІэ къыритыгъ, сыда пІо­мэ Тхьэу зигущыІэ езытыгъэр зэрэшъыпкъэр Сарэ ышІэ­щтыгъ. 12Арэущтэу лІэныгъэм пэгъунэгъу хъугъэ пэтми, а лІы закъом бынхэу къытехъукІыгъэхэр уашъом ит жъуа­гъохэм япчъэгъабэ фэдизэу бэ хъущтыгъэх, хыІушъом Іулъэу, умылъытэшъунэу щыт пшахъоми фэдизэу бэ хъу­щтыгъэх.

13Мы цІыфхэр зэкІэ шІошъхъуныгъэ яІэу лІагъэх. Тхьэм Іофхэу къызэригъэгугъагъэхэр агъотыгъэхэп, ау чыжьэкІэ ахэр алъэгъухи, ащыгушІукІыгъэх. «Мы ду­наем тыхымэхэу ыкІи тыхымэхэсхэу тытет», къаІуагъ. 14Арэущтэу зыІохэрэм яхэгъэгу шъыпкъэ ыуж зэритхэ­рэр къагъэнафэ. 15Хэгъэгоу зэрыкІыжьыгъэхэр арыгъэмэ агу илъыгъэр агъэзэжьынэу игъо фифэщтыгъэх. 16Ау хэгъэгу нахьышІу горэм кІэхъопсыщтыгъэх – ар уашъом щыІэ хэгъэгур ары. Арышъ, ежьхэм я ТхьэкІэ зеджэхэ­кІэ, Тхьэр атеукІытыхьажьырэп, сыда пІомэ ахэмэ зы къалэ афигъэпсыгъ.

17Тхьэм Ибрахьимэ* ишъыпкъагъэ зегъэунэфым, Ибра­хьимэ шІошъхъуныгъэ иІэу зэрэщытыгъэм пае, Исхьакъ къурмэныпхъэу къыхьыгъ. 18«Исхьакъ къытехъукІынэу цІыфхэр ары о уибын шъыпкъэхэкІэ зэджэщтхэр», ыІо­зэ, Тхьэм Ибрахьимэ къыгъэгугъагъэ пэтми,* Ибрахьимэ ыкъо закъор къурмэн ышІынэу хьазырэу щытыгъ. 19Сыда пІомэ Тхьэм Исхьакъ лІагъэхэм къахигъэтэджыкІыжьын зэрилъэкІыщтым Ибрахьимэ щыгугъыщтыгъ, Исхьакъи лІагъэхэм къахэтэджыкІыжьыгъэу Ибрахьимэ зэригъоты­жьыгъэр пІоми хъун.

20Исхьакъ* шІошъхъуныгъэ иІэу зэрэщытыгъэм пае,

11:11 Сарэ – еплъ Пегъымбар Мусэ апэрэ тхылъэу ытхыгъэм 18:11-14; 21:2.

11:17 Ибрахьимэ – еплъ Пегъымбар Мусэ апэрэ тхылъэу ытхыгъэм 22:1-14.

11:18 Тхьэм Ибрахьимэ къыгъэгугъагъэ пэтми – еплъ Пегъымбар Мусэ апэрэ тхылъэу ытхыгъэм 21:12.

11:20 Исхьакъ – еплъ Пегъымбар Мусэ апэрэ тхылъэу ытхыгъэм 27:27-29, 39-40.

Тхьэм къэкІощт уахътэм Якъубэрэ Исаврэ ынэшІу къы­зэращифэщтыр ариІуагъ.

21Якъуби* шІошъхъуныгъэ иІэу зэрэщытыгъэм пае, лІэн зэхъум, Юсыф ыкъохэм ащыщэу хэти Тхьэм ынэшІу къы­зэрэщифэщтыр риІуагъ, ибэщи зытыригъакІэзэ,* Тхьэм щытхъу фишІыгъ.

22Юсыфи* шІошъхъуныгъэ иІэу зэрэщытыгъэм пае, илІэ­гъу къызэсым, Израил цІыфхэр Мысырым къызэрикІы­жьыщтхэм игугъу къышІыгъ, ихьэдэ-къупшъхьэхэри зы­чІалъхьажьын фаемкІэ унашъо къышІыгъ.

23Пегъымбар Мусэ ятэ-янэхэм* шІошъхъуныгъэ яІэу зэрэщытыгъэм пае, Мусэ къызэхъум, мэзищым агъэбы­лъыгъ, сыда пІомэ сабыир зэрэдахэр алъэгъугъ, пачъы­хьэ Фырауным иунашъуи щыщынэщтыгъэхэп.

24Муси* шІошъхъуныгъэ иІэу зэрэщытыгъэм пае, ины зэхъум, пачъыхьэ Фыраун ипхъурэлъфкІэ къеджэнхэу ыдэщтыгъэп. 25ПсэкІодшІэнымкІэ зы охътэ кІакокІэ зигъэтхъэжьыным нахьи, Тхьэм ицІыфхэм къин адищэ­чыныр нахь къыштагъ. 26Мысырым имылъку пстэуми анахьи Христос пае ежьыр агъэпыутыныр нахь баиныгъэу ылъытэщтыгъ, сыда пІомэ ІэхьышІоу къылъысыщтым еплъыщтыгъ. 27ШІошъхъуныгъэ иІэу зэрэщытыгъэм пае, пачъыхьэм игубжыныгъэ щымыщынэу Мысырым икІыжьыгъ. ЦІыфхэм амылъэгъурэ Тхьэр ылъэгъоу зэ­рэщытыгъэм фэдэу, теубытэныгъэ ыгу илъыгъ. 28Мусэ шІошъхъуныгъэ иІэу зэрэщытыгъэм пае, Израил цІыфмэ Пасхъэ мэфэкІ мэфэшхор* апэ дэдэу аригъэгъэлъэпІагъ, япчъэхэми лъы атыраутхэнэу унашъо афишІыгъ, зыгъэ­кІодырэ мэлэІичым ящыпэрылъфхэр ымыгъэкІодынхэм пае.

29Израил цІыфхэм* шІошъхъуныгъэ яІэу зэрэщыты-

11:21 Якъубэ – еплъ Пегъымбар Мусэ апэрэ тхылъэу ытхыгъэм 48:1-20.

11:21 ибэщи зытыригъакІэзэ – еплъ Пегъымбар Мусэ апэрэ тхылъэу

ытхыгъэм 47:31.

11:22 Юсыф – еплъ Пегъымбар Мусэ апэрэ тхылъэу ытхыгъэм 50:24-25.

11:23 Мусэ ятэ-янэхэр – еплъ Пегъымбар Мусэ ятІонэрэ тхылъэу ытхы-

гъэм 2:2.

11:24 Мусэ -еплъ Пегъымбар Мусэ ятІонэрэ тхылъэу ытхыгъэм 2:10-12.

11:28 Пасхъэ мэфэкІ мэфэшхор – еплъ Пегъымбар Мусэ ятІонэрэ

тхылъэу ытхыгъэм 12:21-28.

11:29 Израил цІыфхэр – еплъ Пегъэмбар Мусэ ятІонэрэ тхылъэу ытхы-

гъэм 14:21-31.

гъэм пае, чІыгу гъушъэм рыкІохэрэм фэдэу, Хы Плъы­жьым зэпырыкІыгъэх, ау Мысыр цІыфхэри зэпырыкІынхэу зыфежьэхэм, зэкІэри ытхьалагъэх.

30Израил цІыфхэм шІошъхъуныгъэ яІэу зэрэщыты­гъэм пае, Ерихон къалэр* мэфиблым къызакІухьэ ужым, къалэм идэпкъ къызэхэуагъ.

31Бзылъфыгъэ хэтакІоу Раав* шІошъхъуныгъэ иІэу зэ­рэщытыгъэм пае, шІошъхъуныгъэ зимыІэхэм адэкІоды­гъэп, сыда пІомэ пый плъакІохэр игуапэу ригъэблэгъа­гъэх (нэмыкІ гъогукІи къалэм дищыжьыгъэх).

32Джыри сыд сІона? Гедеон, Варак, Самсон, Иеффэ, Даутэ, Самуел, адрэ пегъымбархэм якъэбар къэсІонэу игъо сыфифэрэп. 33Ахэмэ шІошъхъуныгъэ яІэу зэрэщы­тыгъэм пае, нэмыкІ пачъыхьагъухэм атекІуагъэх, зэфа­гъэри агъэпсыгъ, Тхьэм къызэригъэгугъэгъэ Іофхэри яІэ хъугъэх. Аслъанхэм ажэхэр агъэпытагъэх, 34мэшІошхо­хэри агъэкІосагъэх, сэшхохэми къаІэпыкІыжьыгъэх. КІуа­чІэ ямыІэу щытыгъэ пэтми, кІуачІэ яІэ хъугъэ. ЗаомкІэ лъэкІыныгъэ яІэ хъугъэ, хымэхэм ядзэхэри рафыжьы­гъэх. 35Бзылъфыгъэхэм ялІагъэхэр къэхъужьыгъэхэу агъо­тыжьыгъэх. Тхьэм къызигъэтэджыжьхэкІэ, щыІэныгъэ нахьышІур агъотыным пае, нэмыкІхэм (Тхьэр агъэпцІы­нэу зэрамыдагъэм пае), япыихэм атІупщыжьыгъэхэп. Арэущтэу зэхъум, япыйхэм ахэмэ къин арагъэщэчызэ аукІыгъэх. 36ЦІыфхэр ахэмэ ащыщхэм яхъонхэзэ, къа­мыщкІи яохэзэ къин арагъэщэчыгъ, етІанэ Іэхъу-лъэхъу атыралъхьи, хьапсым чІадзагъэх. 37ЦІыф заулэхэми мыжъо­кІэ яохэзэ аукІыгъэх, заули пхъэм фэдэу зэпахыгъэх, заули сэшхокІэ аукІыгъэх. ШІошъхъуныгъэ зиІэ цІыфхэм мэлышъорэ пчэнышъорэ ащыгъхэу къакІухьащтыгъ, щы­кІагъэ яІэу щытыгъ, гузэжъогъум хэтыщтыгъэх, цІыф­хэм ахэмэ лые къарахыщтыгъ. 38Ахэмэ яшІугъэ мы дунаем ифэшъуашэу щытыгъэп. Шъоф нэкІхэмрэ Іошъ­хьэхэмрэ къакІухьащтыгъэх, гъочІэгъхэмрэ Іошъхьэ тІуакІэхэмрэ ащыпсэущтыгъэх.

11:30 Ерихон къалэр – еплъ Исус Навин икъэбар зэрыт тхылъым 6:12-21

11:31 Раав – еплъ Исус Навин икъэбар зэрыт тхылъым 2:1-21: 6:22-25.

39Ау шІошъхъуныгъэ яІэу зэрэщытыгъэм пае, Тхьэр шыхьатышІу ахэмэ зэкІэ афэхъугъэми, Тхьэм ежь ицІыф­хэр къызэригъэгугъэгъэ Іофхэр агъотыгъэхэп. 40Сыда пІомэ Тхьэм ыгу хэлъыгъэр тэркІэ нахьышІу – ахэр тимыгъусэхэмэ, ежьым ыдэжькІэ зишъыпкъагъэ зи щы­кІагъэ зимыІэ цІыф икъугъэхэу зэрэмыхъущтхэр ары.

 

12

ЯПШІЫКІУТЮНЭРЭШЪХЬ

Тхьэм ибынхэр зэригъэдаІохэрэр

Арышъ, ащ фэдэ шыхьат купышхо тапэ итэу зэрэтиІэм пае, сыд фэдэрэ хьылъэу ттелъымрэ псэкІодэу тызы­шІуанэрэмрэ зытетэжъугъэдзыхи, теубытэныгъэ тиІэу, зэпэчъэныгъэу тапэ илъым тырыжъугъачъ. 2Исус ты­нэхэр тетэжъугъэгъэтых. Ежьыр ары шІошъхъуныгъэм игъогу тытезыгъахьэу, пащэ къытфэхъоу, тишІошъхъу­ныгъэ зи щыкІагъэ имыІэу, икъугъэу зыгъэхъурэр. Гу­шІуагъоу ыпашъхьэ илъыгъэм пае, цІыфхэм къащым зэрэтыраІулІагъэм икъин ащ ыщэчыгъ, къащым иемы­кІуми еплъэу щытыгъэп, Тхьэм итІысыпІэ лъапІи иджа­бгъукІэ щыготІысхьагъ. 3Шъуемызэщыным ыкІи шъугу шъумыгъэкІодыным пае, Исус шъуегупшыс. ПсэкІодышІэ цІыфхэу ежьым ыуджэгъущтыгъэхэм сыдэу къинышхуа рагъэщэчыгъэр!

4ПсэкІодым шъуебэнызэ, лъы къышъукІэкІыфэ, шъу­пэуцужьыгъэгоп. 5Тхьэм ибынхэкІэ къышъуаджэу шъу­зэригъэгушхорэр* шъущыгъупшагъ:

«Сибын, Зиусхьаным узигъэдаІокІэ, пхъэтэпэмыхь

умышІы, ежьыр къызыогыекІи угу умыгъэкІоды, 6сыда пІомэ Зиусхьаным шІу ылъэгъурэр егъэдаІо, хэти ибын фэдэу ыдэрэми къин регъэщэчы». 7Арышъ, Тхьэм шъузигъэдаІокІэ, теубытэныгъэ зижъу­гъаІ. Ибынхэу шъузэрэщытым пае, Тхьэр арэущтэу къы­жъудэзекІо. Сыда пІомэ тым ымыгъэдаІорэ бын щыІа?

12:5-6 Тхьэм шъузэригъэгушхорэр – еплъ Гущыжъхэу пачъыхьэ Сэлмэн ытхыгъэхэм (Притчи) 3:11-12.

8Тхьэм ибын пстэури зэригъэдаІохэрэм фэдэу шъуимы­гъэдаІомэ, ибынхэм шъуащыщэп, бзэджэрылъфмэ шъуа­фэдэ нахь. 9Ащ нэмыкІэу, мы дунаемкІэ тятэхэм та­гъэдаІомэ, лъытэныгъэ афытиІ. ТыщыІэным пае, Тятэ лъапІэу уашъом щыІэм ащ нахьи нахьыбэу тыфэІорышІэн фае. 10Ахэмэ охътэ кІаком пае, игъоу зэралъытагъэм фэдэу, тагъэдаІощтыгъ. Ау Тхьэм, ежь илъэпІагъэкІэ Іахьэ тиІэным пае, ишІуагъэ къытигъэкІынэу тегъэдаІо. 11Зыгорэм тызигъэдаІокІэ, тигуапэ хъурэп, тигуаоу мэхъу нахь. Ау ыужкІэ Тхьэм зэригъэдаІохэрэмкІэ ыгъэсэгъэ цІыфхэм шІоу ащ къафыхэкІырэр шъыпкъагъэмрэ гупсэ­фыныгъэмрэ ары.

12Арышъ, шъо шъуІэхэу къелэлэхыхэрэмрэ лъэкІы­ныгъэ зыхэмылъыжь лъэгуанджэхэмрэ кІуачІэ ахэжъу­гъэлъ. 13ЦІыф лъащэр нахь Іае шъумыгъэхъоу, хъу­жьыным пае, гъогу занкІэм шъурыкІу.

Тхьэм ынэшІу щыфэныгъэр пхъэтэпэмыхь шъумышІы

14ЦІыф пстэуми шъузэрагурыІонми, гукъэбзагъэри зэ­рэшъуиІэными ыуж шъуит; сыда пІомэ гукъэбзагъэ имы­Іэу зыми Зиусхьаныр ылъэгъущтэп. 15Шъуащыщэу зыми Тхьэм ынэшІу щыфэныгъэ зэрэзыхимыгъэныным шъуфэ­сакъ. Зиягъэ къакІорэ лъэпсэ дыджэу цІыфыбэхэр зы­гъэушІоирэр къышъухэкІынэу орэмыхъу. 16Шъуащыщэу зи зинэ зышІэрэ цІыфхэм ащыщэу орэмыхъу, е Исав* фэдэу, Тхьэм ищынагъо зыгу имылъ цІыфхэм ащыщэу орэмыхъу. Исав къо нахьыжъым фитыныгъэу иІэу щы­тыгъэхэр шхын закъом пае ыщагъэх. 17ЕтІани зэрэ­шъушІэрэм фэдэу, Тхьэм ынэшІу къыщифэнэу Исав ятэ Тхьэм ригъэлъэІунэу фэягъ*, ау ятэ фидагъэп. Исав гъызэ ятэ елъэІугъэми, ащ ыІогъагъэм тыригъэкІышъу­гъэп.

18Шъузынэсын шъулъэкІынэу, машІом ыстырэ къушхьэм ыдэжь шъукъэкІуагъэп*. ШІункІым, мэзахэм, жьыбгъэ-

12:16 Исав – еплъ Пегъыбар Мусэ апэрэ тхылъэу ытхыгъэм 25:29-34; 27:30-40.

12:17 ятэ Тхьэм ригъэлъэІунэу фэягъ – еплъ Пегъымбар Мусэ апэрэ тхылъэу ытхыгъэм 27:30-40.

12:18 машІом ыстырэ къушъхьэм ыдэжь шъукъэкІуагъэп – е, Израил цІыфхэм афэдэу, машІом ыстырэ Синай къушъхьэм ыдэжь шъукъэкІуагъэп. Еплъ Пегъымбар Мусэ ятІонэрэ тхылъэу ытхыгъэм 19:16-22; 20:18-21.

шхом, 19бжъэмыешхом ымакъэ, гущыІэ макъэм адэжьи шъукъэкІуагъэп. Тхьэм ымакъэ зэхэзыхыгъэхэр джыри къадэмыгущыІэжьынэу елъэІугъэх, 20сыда пІомэ а макъэм къыІогъэ унашъор ащэчын алъэкІыгъэп: «ХьакІэ-къуакІэ­ри къушъхьэм нэсымэ, мыжъокІэ е щэбзащэкІэ шъуукІын фае». 21Къафэлъэгъуагъэр щынэгъошхуагъэти, пегъымбар Муси, «Сэщынэ ыкІи сэкІэзэзы», къыІуагъ*.

22Ау шъо шъукъыздэкІуагъэр Сион Іуашъхьэр* ары, щыІэныгъэ зиІэ Тхьэм икъэлэшхоу, уашъом щыІэ Еруса­лимэу, мин пчъагъэу мэлэІичхэр зыдэщыІэри ары. 23Тхьэм иапэрэ бынхэу уашъом щыІэ тхылъым зыцІэ итхэм ямэфэшхо зэІукІэ шъукъэкІуагъ. Тхьэу цІыф пстэуми хьыкум атезышІыхьэрэм шъукъэкІуагъ, Тхьэм ыдэжькІэ зишъыпкъагъэ зи щыкІагъэ зимыІэ цІыф икъу­гъэу хъугъэхэм апсэхэм адэжьи шъукъэкІуагъ. 24Исусэу зэзэгъыныгъакІэр Тхьэмрэ цІыфхэмрэ азыфагу дэлъэу зыгъэхъугъэмрэ ащ ылъэу къыкІэкІыгъэмрэ адэжь шъу­къэкІуагъ. Авел ылъ нахьи Исус ылъ Іоф нахьышІум тыщегъэгугъы.

25Шъусакъ, къэгущыІэрэм шъуакІыб фэшъумыгъаз. Тхьэм ыдэжь къикІыгъэ къэбарыр чІылъэм къыщызы­Іогъагъэм зыкІыб фэзыгъэзагъэхэм къинэу яфэшъуа­шэр амыгъотэу къэнэжьыгъэхэп. Арышъ, уашъом къи­кІэу къыддэгущыІэрэм тэри такІыб фэдгъазэмэ, ащ нахьи нахь къинэу тфэшъуашэр дгъотыщтба? 26Джащы­гъум Тхьэм ымакъэ чІылъэр ыгъэсысыгъ, ау джы Тхьэм гущыІэ пытэ ытыгъ:* «Джыри зэ чІылъэм имы­закъоу уашъори згъэсысыжьыщт», ыІоу. 27«Джыри зэ» зыфиІорэ гущыІэхэм къагъэнафэ Тхьэм ыгъэсысырэ пстэури – Тхьэм къыгъэхъугъэхэр ары – ячІыпІэ зэрэ­ригъэкІыжьыщтхэр. Арэущтэу зыхъукІэ, Тхьэм ымы­гъэсысырэ Іофхэр ары къэнэжьыщтхэр.

28Арэущтэу тетыгъоу зыми ымыгъэсысышъущтыр Тхьэм къызэрэтитырэм пае, щытхъу фэтэжъугъэшІ.

12:21 пегъымбар Муси къыІуагъ – еплъ Пегъымбар Мусэ ятфэнэрэ тхылъэу ытхыгъэм 9:19.

12:22 Сион зыцІэ Іуашъхьэр – ащ къикІырэр Тхьэм иунэшхоу уашъом щыІэр ары.

12:26 гущыІэ пытэ ытыгъ – еплъ Пегъымбар Аггей тхылъэу ытхыгъэм 2:6.

ДгъэлъапІэу, щынагъо фытиІэу ыгу къызэдгъэІоу, ежьым тыфэжъугъэлажь, 29сыда пІомэ ти Тхьэ зэкІэри зыгъэ­стырэ машІом фэд.

 

13

ЯПШІЫКІУЩЭНЭРЭШЪХЬ

Тхьэм ыгу къызэрэзэдгъэІун фаер

Зэкъошхэм афэдэу шІу шъузэрэлъэгъу зэпыт. 2Хьа­кІэр жъугъэлъэпІэныр зыщышъумыгъэгъупш; сыда пІо­мэ арэущтэу цІыф заулэмэ амышІахэу мэлэІичхэр агъэ­хьэкІагъэх*. 3ХьапсчІэсхэм хьапсым шъузэрадычІэсым фэ­дэу, къин зыщэчыхэрэми къин зэрадэшъущэчырэм фэ­дэу, зыщышъумыгъэгъупшэх. Шъори мы дунаем тет цІыфхэм шъуащыщ.

4ЗэлІ-зэшъузыныр зэкІэми арэгъэлъапІ, лІымрэ шъу­зымрэ япІэ къабзэу щэрэт. Тхьэм зинэ зышІэхэрэр ыгъэмысэщтых. 5Ахъщэм шъукІэмыхъопсэу шъущыт, шъуиІэми разэ шъурыхъу. Сыда пІомэ ежь Тхьэм къы­Іуагъ:*

«Ныбжьи ухэсынэжьыщтэп, уизакъоуи укъэзгъэ­нэжьыщтэп».

6Арышъ, гушхоныгъэкІэ тэІо:*

«Зиусхьаныр сиІэпыІэгъушъ, зыми сыщыщынэ-

щтэп. ЦІыфхэм сыда къысашІэшъущтыр?»

7Шъуитхьаматэхэу Тхьэм игущыІэхэр къышъозыІуа­гъэхэр зыщышъумыгъэгъупшэх. Дунаем зэрехыжьыгъэ­хэм шъуеплъызэ, яшІошъхъуныгъэ илъэужхэм шъуары­кІу. 8Исус Христос тыгъуасэ зэрэщытыгъэм фэдэу, зы­зэблимыхъоу непи щыт, егъашІэми щытыщт.

9Іоф гъэшІэгъон зэфэшъхьафхэу цІыфхэм адрэ цІыф­хэм арагъашІэхэрэм зыдяшъумыгъэхьых. Тхьэм ынэ­шІу щыфэныгъэкІэ шъугухэр жъугъэпытэхэмэ дэгъу, ау

13:2 мэлэІичхэр агъэхьэкІагъэх – еплъ Пегъымбар Мусэ апэрэ тхылъэу ытхыгъэм 18:1-8; 19:1-3.

13:5 Тхьэм къыІуагъ – еплъ Пегъымбар Мусэ ятфэнэрэ тхылъэу ытхы­гъэм 31:6.

13:6 тэІо – еплъ Сэбур (Псалтыр) 118:6 (урыс библиемкІэ 117:6).

шхынхэм яхьылІэгъэ унашъохэм пкІэ яІэп. А унашъохэм ахэмэ атетэу рыкІорэ цІыфхэм яшІуагъэ зи арагъэкІы­рэп. 10Тэ тикъурмэн шІыпІэ тиІ. ЧэтэнгъэІагъэм щы­лажьэщтыгъэхэм а шІыпІэм икъурмэныпхъэ* щыщ ашх­ынэу фитхэу щытыгъэхэп.

11Дин пэщэшхом цІыфхэм япсэкІодхэр ыпщыныжьын­хэм пае, былымхэм алъ зыдихьызэ, Унэу КІоцІэу анахь ЛъапІэу зыфаІорэм ихьэщтыгъ, ау былымхэм апкъыхэр къэлэ кІыбым* щагъэстыщтыгъэх. 12Ащ пае Исуси ылъыкІэ цІыфхэм агухэр ыгъэкъэбзэжьынхэм пае, къэлэпчъэ кІыбым* къин щищэчыгъ. 13Арэущтэу емыкІоу къырахыгъэм тиІахьэ хэлъыным пае, Исус ыдэжь къэлэ кІыбым тыжъугъакІу. 14Сыда пІомэ мыщ дэжьым мыкІодыжьын къалэ щытиІэу щытэп, къэкІощт къалэм тыпэплъэ нахь.

15Арышъ, Исус ыцІэкІэ Тхьэм щытхъу фэтэжъугъэшІ зэпыт – а щытхъур ары тэ тикъурмэныпхъэ – ыцІэ зы­гъэлъапІэрэ Іупэхэм къадэкІырэр ары тикъурмэны­пхъэр. 16ІПІу шъушІэнри зыщышъумыгъэгъупш, шъуиІэри нэмыкІ цІыфхэм адэжъугощынри зыщышъумыгъэ­гъупш, сыда пІомэ ащ фэдэ къурмэныпхъэхэр Тхьэм игуапэх.

17Шъуитхьаматэхэм аІохэрэм шъуядэІу ыкІи шъуафэІо­рышІ, сыда пІомэ Тхьэм пэгъокІ ратыжьын фаехэу, шъу­псэхэм афэсакъхэу алъэплъэх. ЯІоф хэщэтыкІыныгъэкІэ мыхъоу, гушІохэу ашІэным пае, шъуядэІу. ЯІоф хэщэ­тыкІыныгъэкІэ ашІэмэ, ащ ишІуагъэ къышъокІырэп.

18Тхьэм шъукъытфелъэІу. Мыхъун зи тыгухэм арылъэу зыдэтшІэжьырэп, сыда пІомэ Іоф пстэумкІи шъыпкъа­гъэ тиІэу, тызекІонэу тыфай. 19ЗэкІэмэ апэу сышъо­лъэІу, шІэхэу шъуадэжь Тхьэм къысигъэгъэзэжьынэу шъуелъэІу.

ТхьэлъэІу ыкІи аужырэ шІуфэс гущыІэхэр

20Гупсэфыныгъэ къытэзытырэ Тхьэм ти Зиусхьан Исус Христосэу мэлхэм ямэлэхъошхор лІагъэхэм къахигъэ-

13:10 къурмэныпхъэр – Тхьэм щытхъоу фэтшІырэр ары, еплъ 13:15. 13:12 къэлапчъэм ыкІыб – Ерусалим икъэлапчъэ ары.

тэджыкІыжьыгъ. Исус ылъ ары мыкІодыжьын зэзэгъы­ныгъэу Тхьэм ежьыррэ тэррэ тазыфагу къыдилъхьагъэр мыхъурым* фэдэу къэзыгъэшъыпкъэжьыгъэр. 21Тхьэр зы­фаер жъугъэцэкІэным пае, шІоу шъуищыкІагъэр зэкІэ шъугухэм къарерэлъхь. Исус Христос илъэкІыныгъэкІэ Тхьэм игъоу ылъытэрэ Іофхэр шъуерэгъэгъэцакІэх. Мы­кІодыжьын щытхъушхор ий. Амин.

22Сшыхэр, къызэрыжъугурызгъаІорэ гущыІэхэр шъу­дэнхэкІэ сышъолъэІу. Бэ къышъуфэстхыгъэп.

23Тшы Тимофей* шъхьафитэу къызэратІупщыжьыгъэр шъушІэнэу сыфай. Мыгужъоу къакІомэ, ащ сыригъу­сэу шъуслъэгъунэу сыкъэкІощт.

24Шъуитхьамэтэ пстэухэмрэ Тхьэм ицІыф лъэпІэ пстэу­хэмрэ аІапэ сфэшъуубытыжь. Италием щыщ тшыхэм шІуфэс къышъуахыжьы.

25ПІъо пстэуми Тхьэм ынэшІу къышъущерэф. Амин.

13:20 мыхъур – арапыбзэкІэ «хъытымыр» ары, тыркубзэкІи «мыхьыр» ары.

13:23 Тимофей – чылыс зэІукІэ тхьаматэу Паул дэлажьэу, игъогогъу­хэм ащыщыгъэр ары. Еплъ Апостол. 16:1-3.

27 Revelation / Апокалипс

01

ИСУС ХРИСТОС АПОСТОЛ ИУАН ІОФХЭУ КЪЫФИГЪЭНЭФАГЪЭХЭР

АПЭРЭШЪХЬ

ГущыІапэмрэ шІуфэс ехынымрэ

Мы тхылъым итхэр Тхьэм Исус Христос къыфигъэнэфэгъэ Іофхэр ары. Тхьэм ахэр къызфигъэнэфагъэр Исус Христос цІыфхэу Тхьэм фэлажьэхэрэм бэ темышІэу къэхъущт Іофхэр аригъэшІэнхэр ары. Арэущтэу Исус имэлэІич ежьым фэлажьэрэ Иуан ыдэжь ыгъакІуи, къэхъущт Іофхэр гуригъэІуагъэх. 2Арэущтэу Иуан ылъэгъугъэ пстэури ыІуатэзэ, Тхьэм игущыІэхэми Исус Христос ишыхьатныгъи шыхьат афэхъу. 3Мы гущыІэхэу Тхьэм ыдэжь къикІыгъэхэу къэхъущт Іофхэм яхьылІагъэхэм яджэрэр сыхьатмафэ ежьагъ. Мы гущыІэхэр зэхэзыххэу, зыгъэцакІэхэрэри сыхьатмафэ ежьагъэх, сыда пІомэ уахътэу мы Іофхэр къызщыхъущтыр къэблэгъагъ.

4Сэ, Иуан, шъо, Асие хэкум* щыІэ чылыс зэІукІиблым, шІуфэс шъосэхыжьы. Тхьэу щыІагъэу, щыІэу, къэ-

1:4 Асие хэкур – Рим къэралыгъошхом щыщ хэкоу щытыгъ. Ар джырэ Тыркуем итыгъэ къохьэпІэ лъэныкъо итыгъ. Икъэлэшхоу щытыгъэр Ефес ары.

 

кІощт мафэхэми щыІэщтым ынэшІу къышъущерэфи, гупсэфыныгъэ къышъуерэт. Тхьэм ипсиблэу итІысыпІэ лъапІэ ыпашъхьэ щытхэми Исус Христосми анэшІу къышъущарэфи, гупсэфыныгъэ къышъуарэт. 5Исус Христос ары шыхьат шъыпкъэр, апэу лІагъэхэм къахэтэджыкІыжьыгъэр ежьыр ары, чІылъэм тет пачъыхьэмэ япащэр ежьыри ары.

Ащ тэ шІу телъэгъу, лъэу къащым щыкІэкІыгъэмкІэ типсэкІодхэм ялъэкІыныгъэ тыкъыІэкІихыжьыгъ. 6Ежьым игъусэхэу тетыгъо зиІэхэу, Тхьэу ежь Ятэ фэлажьэрэ дин пащэхэу тыхъунэу тигъэнэфагъ. МыкІодыжьын щытхъушхомрэ лъэкІыныгъэшхомрэ иех! Амин. 7ШъукъэдаІу, ошъуапщэхэм ахэтэу ар къэкІожьыщт, нэ пстэуми ар алъэгъущт, пчыкІэ* зыугъоныгъэхэми ар алъэгъущт. Дунаем тет лъэпкъ пстэури ежьым пае гъыхэу

абгъэгу еожьыщтых. Джары зэрэхъущтыр. Амин. 8ЛъэкІыныгъэшхор зэкІэ зиІэ Зиусхьан Тхьэу щыІагъэу, щыІэу, къэкІощт мафэхэми щыІэщтым къеІо: «Алфэрэ Омегэрэ, апэрэри аужырэри сэры».

Исус Христос Иуан зыкъызэрэригъэлъэгъугъэр

9Сэ, Иуанэу шъушыр, Исус тыгухэм зэрарылъым пае, гузэжъогъоу шъузыхэтым сышъуигъус, сышъуигъусэуи Тхьэм и Тетыгъошхо ыІэчІэгъ сычІэт, сышъуигъусэуи теубытэныгъэ сиІэу сэзекІо. Тхьэм игущыІэхэмрэ Исус Христос ишыхьатныгъэрэ цІыфхэм зэрязгъэІугъэхэм пае, саубытыгъэу хыгъэхъунэу Патмос* сагъэкІуагъэу сыщыІагъ. 103иусхьаным имафэ* дэжь Тхьэм Ыпсэ ЛъапІэ къысфехыгъ. СаужкІэ бжъэмыешхом ымакъэ фэдэ мэкъэшхо горэм къыІоу зэхэсхыгъ: «Алфэрэ Омегэрэ, апэ-

1:7 пчы – шыудзэхэм пасэм аІыгъыщтыгъэ пхъэ кІыхьэу, гъучІ папцІэ зыпылъыщтыгъэр ары.

1:9 Патмос – Эгейскэхым ит хыгъэхъунэу Рим цІыфхэм бзэджашІэхэм пае щыгъэтІысыпІэу щашІыгъэр ары. Патмос хыгъэхъунэр Ефес къалэм километрэ 100-кІэ пэчыжьэу, икъыблэ тыгъэ къохьэпІэ лъэныкъокІэ ит.

1:10 Зиусхьаным имафэ – тхьаумафэ мафэр ары.

 

рэри аужырэри сэры. 11Плъэгъурэр тхылъ горэм итхи, чылыс зэІукІиблымэ афегъэхь: Къалэхэу Ефес, Смирнэ, Пергам, Фиатирэ, Сардис, Филаделфие, Лаодикие щыІэ чылыс зэІукІэхэр ары».

12КъыздэгущыІэрэ макъэр зымакъэр слъэгъунэу зыфэзгъэзагъ. Зызыфэсэгъазэм, дышъэм хэшІыкІыгъэхэу, остыгъэ тетыпІибл слъэгъугъэ, 13остыгъэ тетыпІиблыми ахэтэу, ЦІыф Лъэпкъым Ыкъо фэдэу* зыгорэ слъэгъугъэ. Ылъакъомэ анэсэу шъошэ кІыхьэ щыгъыгъ, дышъэм хэшІыкІыгъэ бгъэрылъи илъыгъ. 14Ышъхьэ шъхьацэу телъыгъэр цы фыжьым е осым фэдэу фыжьыбзагъ. Ынэхэри мэшІотхъуабзэм фэдагъэх. 15Ылъакъохэри хьакум щагъэплъыгъэ гъуаплъэм фэдэу, лыдхэу щытыгъэх, ымакъи псы къиугъабэмэ амэкъэшхо фэдагъ. 16ЫІэ джабгъукІэ жъогъуибл ыІыгъыгъ, бгъуитІуцэ зиІэ сэшхо чан горэ ыжэ къыдэкІыгъ. ЫнэкІуи лъэшэу къепсырэ тыгъэм фэдагъ.

17Ар зысэлъэгъум, ылъакъохэм адэжь лІагъэм фэдэу сыщытефагъ. Джащыгъум ыІэ джабгъу къыстрилъхьи къысиІуагъ: «Умыщын, апэрэри аужырэри сэры. 18ЩыІэныгъэ зиІэр сэры. СылІагъ, ау джы сыщыІ, егъашІэми сыщыІэщт. Амин. ЛІэныгъэми лІагъэхэм ядунаий яІункІыбзэхэр сІыгъых. 19Арышъ, Іофхэу плъэгъугъэхэри, Іофхэу джы щыІэхэри, къэхъущтхэри тхых. 20СІэ джабгъукІэ сІыгъыгъэ жъогъуиблымрэ дышъэм хэшІыкІыгъэ остыгъэ тетыпІиблымрэ къарыкІырэр мары: Жъогъуиблымэ къарыкІырэр чылыс зэІукІиблымэ ямэлэІичхэр* ары. Остыгъэ тетыпІиблымэ къарыкІырэр чылыс зэІукІиблыр ары».

02

ЯТЮНЭРЭШЪХЬ

Исус Христос Ефес къалэм щыІэ чылыс зэІукІэм къэбарэу фаригъэхьыгъэр

Ефес къалэм щыІэ чылыс зэІукІэм имэлэІич мы къэбарыр фэтх:

1:13 ЦІыф Лъэпкъым Ыкъо фэдэу – еплъ Пегъымбар Данил икъэбар зэрыт тхылъым 7:13.

1:20 мэлэІичхэр – е чылыс зэІукІэхэм яухъумакІохэр е ялІыкІохэр ары.

 

ЫІэ джабгъукІэ жъогъуибл зыІыгъэу, дышъэм хэшІыкІыгъэхэу остыгъэ тетыпІиблым ахэтэу къэзыкІухьэрэм мы гущыІэхэр къеІох: 2Іофхэу жъугъэцакІэхэрэр сэшІэх, лъэшэу шъузэрэлэжьагъэри, теубытэныгъэ шъуиІэу шъузэрэзекІуагъэри сэшІэ. ЦІыф бзаджэхэр зэрэшъуфэмыщэчхэрэри сэшІэ. АпостолхэкІэ зэджэжьхэрэ мыапостолхэр жъугъэунэфыгъэх, пцІы зэраусырэри шъулъэгъугъэ. 3Къиныбэ шъущэчыгъэ, теубытэныгъи шъуиІэу шъозекІо, сцІэ пае лъэшэу шъулэжьагъ ыкІи шъуезэщыгъэп.

4Ау шъо зы мыхъун горэ къыжъудэсэлъэгъу: ЫпэкІэ шІулъэгъуныгъэу къысфышъуиІагъэр зэрэхэшъунэжьыгъэр ары. 5Шъукъызэфэхыгъэр зыфэдизыр зыщышъумыгъэгъупш. ШъуипсэкІодхэм шъуафыкІэгъожьи, ыпэкІэ Іофхэр зэрэжъугъэцэкІагъэхэм фэдэу, жъугъэцакІэх. ШъуипсэкІодхэм шъуафыкІэмыгъожьмэ, сэ сыкъэкІонышъ, шъуиостыгъэ тетыпІэ ІузгъэкІотыщт. 6Ау ІофышІу горэ къыжъудэсэлъэгъу: Николай игъогу рыкІорэ цІыф купым* Іоф бзаджэхэу ашІэхэрэр шъо шъоуджэгъух, сэ ахэмэ яІофхэр зэрэсыуджэгъухэрэм фэдэу.

7ТхьакІумэ зиІэм Тхьэм Ыпсэ ЛъапІэ чылыс зэІукІэхэмэ къариІорэр зэхерэх. ТекІоныгъэр къэзыхьырэм Тхьэм иджэнэт ит чъыгэу щыІэныгъэ къэзытырэм* къыпыкІэрэм щыщ ышхынэу фит сшІыщт.

Исус Христос Смирнэ къалэм щыІэ чылыс зэІукІэм къэбарэу фаригъэхьыгъэр

8Смирнэ къалэм щыІэ чылыс зэІукІэм имэлэІич мы къэбарыр фэтх:

Апэрэу ыкІи Аужырэу, лІагъэу щытыгъэу къэхъужьыгъэм мы гущыІэхэр къеІох: 9Гузэжъогъоу шъузхэтымрэ шъуитхьамыкІагъорэ сэшІэх, ау щытми шъубай. ДжурткІэ зэджэжьхэрэ мыджуртхэр ІэягъэкІэ къызэрэшъутегущыІэхэрэр сэшІэ. Ахэр джуртхэп, ау шэйтаным изэІукІэ щыщых. 10Къинхэу шъущэчыщтхэм шъуа-

2:6 Николай игъогу рыкІорэ цІыф купыр – ахэмэ тхьэ нэпцІхэр агъэлъапІэщтыгъэх, зини ашІэщтыгъ.

2:7 чъыгэу щыІэныгъэ къэзытырэр – еплъ Пегъымбар Мусэ апэрэ тхылъэу ытхыгъэм 2:9.

 

щымыщын. Мыр шъосэІо, шъуигъэунэфыным пае, шэйтаным шъуащыщхэу заулэ хьапсым чІидзэщт, мэфипшІым гузэжъогъум шъухэтыщт. ЛІэныгъэм нэсы шъукъысфэшъыпкъ. Шъукъысфэшъыпкъэмэ, танджэу мыкІодыжьын щыІэныгъэр къышъостыщт.

11ТхьакІумэ зиІэм Тхьэм Ыпсэ ЛъапІэ чылыс зэІукІэхэм къариІорэр зэхерэх. ЯтІонэрэ лІэныгъэм* текІоныгъэ къэзыхьырэм иягъэ ригъэкІыщтэп.

Исус Христос Пергам къалэм щыІэ чылыс зэІукІэм къэбарэу фаригъэхьыгъэр

12Пергам къалэм щыІэ чылыс зэІукІэм имэлэІич мы къэбарыр фэтх:

БгъуитІуцэ зиІэ сэшхо чаныр зиІэм мы гущыІэхэр къеІох: 13Іофхэу жъугъэцакІэхэрэр сэшІэх, шэйтаным итІысыпІэ зыдэщыІэм шъузэрэщыпсэурэри сэшІэ. Сэ сцІэ шъукъыфэшъыпкъ. Шъо шъузыдэщыІэ чІыпІэу шэйтаныр зыдэщыІэм сишыхьат шъыпкъэу Антипэ зыцІэр цІыфхэм заукІыгъэ мафэхэми сэркІэ шІошъхъуныгъэу шъуиІэр хэшъунэжьынэу шъудагъэп.

14Ау мыхъун Іоф горэхэр къыжъудэсэлъэгъух: Валаам Іофхэу цІыфхэм аригъэшІагъэхэм атет цІыфхэр къышъухэтых. Валаам ары Валак* зыцІэм Израил цІыфхэм псэкІод аригъэшІэнэу езыгъэшІагъэр. Хымэ лъэпкъхэм ащыщхэм тхьэ нэпцІхэм афашІыгъэ къурмэныпхъэм ыл Валак Израил цІыфхэм аригъэшхыгъ, зини аригъэшІагъ. 15Джащ фэдэу Николай Іофхэу цІыфхэм аригъашІэхэрэм атет цІыфхэр къышъухэтых. 16Арышъ, шъуипсэкІодхэм шъуафыкІэгъожь. Армырмэ, шІэхэу шъуадэжь сыкъэкІонышъ, сыжэ къыдэкІырэ сэшхомкІэ сязэощт.

17ТхьакІумэ зиІэм Тхьэм Ыпсэ ЛъапІэ чылыс зэІукІэхэм къариІорэр зэхерэх. ТекІоныгъэр къэзыхьырэм гъэбылъыгъэ мэнн шхыным* щыщ естыщт. ЦІакІэ зы-

2:11 ятІонэрэ лІэныгъэр – мыкІодыжьын лІэныгъэу псэр зыгъэкІодрэр ары. Еплъ 20:14; 21:8;

2:14 Валаам . . . Валак – еплъ Пегъымбар Мусэ яплІэнэрэ тхылъэу ытхыгъэм 22:24, 31:16, ыкІи ятфэнэрэ тхылъэу ытхыгъэм 23:4.

2:17 мэнн шхыныр – Израил цІыфхэр Мысырым (Египет) къикІыжьхи, шъоф нэкІым къыщакІухьэу зыщэтым, шхынэу Тхьэм ари-

 

тетхэгъэ мыжъо фыжьри естыщт. А мыжъор зэстырэ цІыфым нэмыкІэу а цІэр зыми ышІэрэп.

Исус Христос Фиатирэ къалэм щыІэ чылыс зэІукІэм къэбарэу фаригъэхьыгъэр

18Фиатирэ къалэм щыІэ чылыс зэІукІэм имэлэІич мы къэбарыр фэтх:

Тхьэм Ыкъоу зынэхэр мэшІотхъуабзэм фэдэхэу, зылъакъохэри гъоплъэ плъыгъэм фэдэу лыдхэу щытхэм мы гущыІэхэр къеІох: 19Іофхэу жъугъэцакІэхэрэр сэшІэх, шъуишІулъэгъуныгъи, шъуишІошъхъуныгъи, ІэпыІэгъу шъузэрэзэфэхъурэри, теубытэныгъэ шъуиІэу шъузэрэзекІорэри сэшІэ. Ыпэм нахьи нахьыбэу шІу зэрэшъушІэрэри сэшІэ.

20Ау мыхъун горэ къыжъудэсэлъэгъу: ПегъымбаркІэ зэджэжьырэ бзылъфыгъэу Иезавел шъупэуцурэп. Зинэ ашІэнэуи, хымэ лъэпкъхэм ащыщхэм тхьэ нэпцІхэм афашІыгъэ къурмэныпхъэм ыл ашхынэуи къысфэлажьэрэ цІыфхэм арегъашІэх ыкІи дехьыхых. 21Зинэу ышІагъэм фыкІэгъожьынэу игъо физгъэфагъ, ау фыкІэгъожьыгъэп. 22Ащ пае, къин ыщэчынэу пІэм хэзгъэлъыщт. Зинэ дэзышІагъэхэри ашІагъэхэм афыкІэмыгъожьхэмэ, гузэжъогъушхо хэзгъэфэщтых. 23Ащ ибынхэри згъэлІэщтых. ЕтІанэ цІыфхэм агухэм арылъхэри ягупшысэхэри зыгъэунэфырэр сэрэу зэрэщытыр чылыс зэІукІэ пстэуми ашІэщт. Шъуащыщэу хэти Іофхэу ышІагъэхэм яфэшъуашэ езгъэгъотыжьыщт. 24Шъуащыщхэу къэнэгъэ цІыфхэу Фиатирэ къалэм дэсхэу, Иезавел Іофхэу цІыфхэм аригъашІэхэрэм атемытхэу, шэйтаным ишъэфышхохэр зэзымыгъэшІагъэхэм, нэмыкІ хьылъэ горэ къызэрэшъутесымылъхьащтыр шъосэІо. 25Сэ сыкъэкІофэ, шІошъхъуныгъэу шъуиІэм шъутемыкІ.

26ТекІоныгъэр къэзыхьэу, кІэухым нэсыфэ сиІофхэр зыгъэцакІэрэм лъэпкъхэм тетыгъо афыриІэнэу згъэхъущт, Сятэ тетыгъо сиІэ зэригъэхъугъэм фэдэу. 27«Ащ гъучІ бэщкІэ ыгъэІорышІэщтых, ятІэм хэшІыкІыгъэ хьакъушыкъухэми афэдэу зэхикъутэщтых».

гъэшхыгъэр ары. Еплъ Пегъымбар Мусэ ятІонэрэ тхылъэу ытхыгъэм 16:14-15, 31-35.

 

28ТекІоныгъэр къэзыхьырэм нэфшъэгъо жъуагъори* естыщт. 29ТхьакІумэ зиІэм Тхьэм Ыпсэ ЛъапІэ чылыс зэІукІэхэм къариІорэр зэхерэх.

03

ЯЩЭНЭРЭШЪХЬ

Исус Христос Сардис къалэм щыІэ чылыс зэІукІэм къэбарэу фаригъэхьыгъэр

Сардис къалэм щыІэ чылыс зэІукІэм имэлэІич мы къэбарыр фэтх:

Тхьэм ипсиблырэ жъогъуиблырэ зыІыгъырэм мы гущыІэхэр къеІох: Іофхэу жъугъэцакІэхэрэр сэшІэх. Шъупсау цІыфхэм аІо, ау шъулІагъ. 2Шъумычъыеу шъусакъ, къышъуфэнэжьыгъэ щыІэныгъэу лІэныгъэм нэсыгъэм кІуачІэ ежъугъэгъот; сыда пІомэ Іофхэу жъугъэцакІэхэрэр си Тхьэ ыдэжькІэ икъугъэхэу слъытэхэрэп. 3Арышъ, Іофхэу зэжъугъэшІагъэхэри зэхэшъухыгъэхэри шъугу къэжъугъэкІыжьых. Ахэр жъугъэцакІэх, шъуипсэкІодхэми шъуафыкІэгъожь. Шъучъыеу шъумысакъмэ, шъумышІахэу тыгъуакІом фэдэу сыкъэкІощт. Шъуадэжь сыкъызыкІощт сыхьатри шъушІэщтэп.

4Ау зищыгъынхэр зымыгъэушІоигъэхэу, цІыф заулэ Сардис къалэм къышъухэтых. Ахэр щыгъын фыжьхэр ащыгъхэу къыздэкІощтых, сыда пІомэ ахэмэ яфэшъуашэшъ ары. 5ТекІоныгъэр къэзыхьырэм ахэмэ афэдэу щыгъын фыжьхэр щыгъыщтых. МыкІодыжьын щыІэныгъэ зыгъотыщтхэм ацІэхэр зэрыт тхылъым ащ ыцІэ егъашІэм изгъэкІыщтэп. Ащ ыцІэ зэрэсшІэрэр Сятэрэ имэлэІичхэмрэ апашъхьэ къыщысІощт. 6ТхьакІумэ зиІэм Тхьэм Ыпсэ ЛъапІэ чылыс зэІукІэхэмэ къариІорэр зэхерэх.

Исус Христос Филаделфие къалэм щыІэ чылыс зэІукІэм къэбарэу фаригъэхьыгъэр

7Филаделфие къалэм щыІэ чылыс зэІукІэм имэлэІич мы къэбарыр фэтх:

2:28 нэфшъэгъо жъуагъор – Христос ары. Еплъ 22:16.

 

ЛъапІэу ыкІи шъыпкъэу щытэу, Даутэ иІункІыбзэ* зыІыгъырэм мы гущыІэхэр къеІох. Ащ зэІуихырэр зыми ыгъэпытэжьышъурэп, ыгъэпытэрэри зыми Іуихыжьышъурэп. 8Іофхэу жъугъэцакІэхэрэр сэшІэх. Мары, пчъэу зыми ымыгъэпытэжьышъурэр шъуапашъхьэ щызэІусхыгъ. ЛъэкІыныгъэшхо шъуиІэп, ау сигущыІэхэр жъугъэцэкІагъэх, сигъогу шъузэрэрыкІорэри цІыфмэ апашъхьэ щышъуушъэфыгъэп. 9ШъукъэдаІу, шэйтаным изэІукІэ щыщхэу, пцІы зыусхэу, джурткІэ зэджэжьхэрэ мыджуртхэр, ахэр сэ къэзгъэкІонхэшъ, шъулъакъохэм адэжь лъэгонджэмышъхьэкІэ щызгъэтІысыщтых, шІу шъузэрэслъэгъурэри ашІэщт. 10«Теубытэныгъэ зижъугъаІ», зыфэсІогъэ унашъор зэрэжъугъэцэкІагъэм пае, дунаем зэкІэ тетхэм алъэгъущт гузэжъогъу сыхьатым шъущысыухъумэщт. А гузэжъогъу сыхьатыр дунаем тет цІыфхэм яшъыпкъагъэ ыгъэунэфыным пае къэкІощт.

11ШІэхэу сыкъэкІощт. Зыми шъуитандж къышъуІимыхынэу шІошъхъуныгъэу шъуиІэм шъутемыкІ. 12ТекІоныгъэр къэзыхьырэр си Тхьэ иунэшхо пкъэу фэзгъэуцущт, а унэшхоми ныбжьи чІэкІыжьыщтэп. Си Тхьэ ыцІэрэ, сиТхьэ икъэлэшхоу ЕрусалимыкІэм ыцІэрэ а цІыфым ынатІэ тестхэщтых. А къалэр си Тхьэу уашъом щыІэм ыдэжь къикІэу къехыщт. Сэ цІакІэу сиІэри а цІыфым ынатІэ тестхэщт. 13ТхьакІумэ зиІэм Тхьэм Ыпсэ ЛъапІэ чылыс зэІукІэхэм къариІорэр зэхерэх.

Исус Христос Лаодикие къалэм щыІэ чылыс зэІукІэм къэбарэу фаригъэхьыгъэр

14Лаодикие къалэм щыІэ чылыс зэІукІэм имэлэІич мы къэбарыр фэтх:

АминкІэ* заджэхэрэ шыхьат шъыпкъэу ыкІи узщыгугъышъун шыхьатэу Тхьэм къыгъэхъугъэ пстэури зыІэ

3:7 Даутэ иІуцкІыбзэ – а ІункІыбзэм Мессихьым (Христосым) итетыгъошхо къегъэлъагъо. Мессихьыр пачъыхьэу Даутэ къытехъукІыгъэ цІыфхэм ащыщыгъ. Тхьэм пачъыхьэу Даутэ къыгъэгугъагъ бын лъапІэу Тхьэм ицІыфхэм тетыгъо афызиІэщтыр ащ къызэрэтехъукІыщтымкІэ. Еплъ Пегъымбар Исайас тхылъэу ытхыгъэм 22:22; Апостол. 2:20-31.

3:14 Амин – Тхьэм Іофхэу ицІыфхэр къызэригъэгугъагъэхэр зэригъэцэкІэщтхэр къэзыгъэшъыпкъэжьрэр Христосыр ары. Еплъ 2 Кор. 1:20. «Амин» къикІырэр «Арэущтэу орэхъу» ары.

 

къикІыгъэм мы гущыІэхэр къеІох: 15Іофхэу жъугъэцакІэхэрэр сэшІэх. Шъугухэр фабэхэп ыкІи чъыІэхэп ыкІи. Шъугухэр фэбэгъагъойт е чъыІэгъагъойт! 16Мыфабэу-мычъыІэу шъузэрэщытым пае, цІыфым ыжэ псыр къызэрэдиутхыкІырэм фэдэу, сыжэ шъукъыдэсыутхыкІыжьыщт. 17Шъо мырэущтэу шъоІо: «Тыбай, бэ тиІэ хъугъэ, зи тищыкІагъэп». Ау сыхьатмыгъо шъуежьагъэу, шъутхьамыкІэу, гукІэгъу шъуифэшъуашэу, шъунэшъоу ыкІи шъупцІанэу шъузэрэщытыр шъушІэрэп. 18Арышъ, баи шъухъуным пае, машІокІэ гъэкъэбзэжьыгъэ дышъэ сщышъущэфынэу игъоу къышъуфэсэлъытэ. ШъузэрэпцІанэм пае, шъумыукІытэнэу щыгъын фыжьхэри къэшъущэфых. Шъунэхэми алъэгъуным пае, ащышъуфэнэу дагъэри къэшъущэф.

19ШІу слъэгъухэрэм агурысэгъаІо ыкІи сэгъэдаІох. Арышъ, шъуипсэкІодхэм шъуафыкІэгъожьи, шъугу етыгъэу сигъогу шъурыкІу. 20Мары, пчъэм сыІутэу сыкъытео. Зыгорэм сымакъэ зэхихэу, пчъэр къыІуихымэ, сихьанышъ, сэ ащ сыдэшхэщт, ежьыри сэ къыздэшхэщт.

21ТекІоныгъэр къэзыхьырэр ситІысыпІэ лъапІэ щысынэу къызготІысхьанэу фит сшІыщт, сэри текІоныгъэр къэсхьи, Сяти итІысыпІэ лъапІэ щысынэу ежьым сызэрэготІысхьагъэм фэдэу.' 22ТхьакІумэ зиІэм Тхьэм Ыпсэ ЛъапІэ чылыс зэІукІэхэм къариІорэр зэхерэх.

04

ЯПЛІЭНЭРЭШЪХЬ

Уашъом щыІэ тІысыпІэ лъапІэр

Ащ нэужым сызэплъэм, уашъом щыІэ пчъэ горэ зэІухыгъэу слъэгъугъэ. Бжъэмыешхом ымакъэ фэдэу, къыздэгущыІэу зэхэсхыгъэгъэ макъэм къыІуагъ: «Мо къыдэкІуай, Іофхэу джырэ нэуж къэхъун фаехэр озгъэлъэгъущтых». 2Ардэдэм Тхьэм Ыпсэ ЛъапІэ къысфехыгъ ыкІи сызэплъэм, уашъом тІысыпІэ лъапІэ горэ щыслъэгъугъ, зыгори ащ тесыгъ. 3Ащ тесым итеплъэ мыжъо лъэпІэ фыжьэу яспис зыцІэмрэ мыжъо лъэпІэ плъыжьэу сардис зыцІэмрэ ятеплъэ фэдагъ. ТІысыпІэ лъапІэм ихъурэягъэкІэ лэгъупкъопсэу зитеплъэ мыжъо

 

лъэпІэ уцышъоу смарагд зыцІэм фэдэр щыІагъ. 4ТІысыпІэ лъапІэм ихъурэягъэкІэ къегъэуцокІыгъэхэу нэмыкІрэ тІысыпІэ лъэпІэ тІокІырэ плІырэ щыІагъ. А тІысыпІэ лъапІэхэм атесхэу тхьамэтэ нахьыжъхэу нэбгырэ тІокІырэ плІырэмэ щыгъын фыжьхэр ащыгъхэу, ашъхьэхэми дышъэм хэшІыкІыгъэ танджэхэр ателъхэу слъэгъугъэх. 5ТІысыпІэ лъапІэм пчыкІэхэр* къикІыгъэх, шыблэ гъогъо мэкъэшхохэри къыпыІукІыгъэх. ТІысыпІэ лъапІэм ыпашъхьэ остыгъибл щытыгъэх – ахэр Тхьэм ипсибл ары. 6А тІысыпІэ лъапІэм ыпашъхьэ апчым хэшІыкІыгъэу, кристаллым фэдэу нэфэу ыкІи къабзэу, хым итеплъэ иІэу зыгорэ слъэгъугъэ.

Гузэгум, тІысыпІэ лъапІэм ихъурэягъэкІэ къеуцокІыгъэхэу псэушъхьиплІ итыгъэх. АгупэкІи акІыбкІи нэхэр арызыбзагъэх. 7Апэрэ псэушъхьэр аслъаным фэдагъ, ятІонэрэр шкІэм фэдагъ, ящэнэрэм ынэгу цІыфым ынэгу фэдагъ, яплІэнэр быбырэ бгъэжъым фэдагъ. 8ПсэушъхьиплІ пэпчъ тэмих иІагъ, тыдэкІи нэхэр арызыбзагъэх. Чэщи мафи зэпымыоу мырэущтэу аІо:

«ЛъэкІыныгъэшхор зэкІэ зиІэ Зиусхьанэу Тхьэу,

щыІагъэу, щыІэу, къэкІощт мафэхэми щыІэщтыр

лъапІэу, лъапІэу, лъапІэу щыт». 9Псэушъхьэхэм щытхъушхуи, лъытэныгъэшхуи, шъхьэкІэфэныгъэшхуи тІысыпІэ лъапІэм тесэу, егъашІэм щыІэщтым 10фашІы къэс, тхьэмэтэ нахьыжъхэу нэбгырэ тІокІырэ плІырэми тІысыпІэ лъапІэм тесэу егъашІэм щыІэщтым ыпашъхьэ зыщырадзыхызэ агъэлъапІэ. ТІысыпІэ лъапІэм ыпашъхьэ ятанджэхэр агъэтІылъхэзэ, мырэущтэу аІо:

11 «О тиЗиусхьан,

щытхъушхори, лъытэныгъэшхори, лъэкІыныгъэшхори

зифэшъуашэр оры,

сыда пІомэ пстэури къэзыгъэхъугъэр оры,

о уфэягъэти, ахэри къэхъухи, щыІэныгъэ яІэ хъугъэ».

4:5 пчыкІэ – шыблэм инэфынэ ары.

05

ЯТФЭНЭРЭШЪХЬ

Тхылъымрэ Шъынэмрэ

ЕтІанэ тІысыпІэ лъапІэм тесым ыІэ джабгъукІэ тхылъ горэ ыІыгъэу слъэгъугъэ. Ар ыкІоцІкІи ыкІыбкІи тхыгъэу, зэкІоцІыщыхьагъэу, мыхъурибли тедзагъэу щытыгъ. 2ЛъэкІыныгъэ зиІэ мэлэІич гори слъэгъугъэ мэкъэшхокІэ къыІоу: «Мыхъурыр тезыхынэу, тхылъыр зэгозыхынэу хэта зифэшъуашэр?» 3Ау уашъоми, чІылъэми, чІылъэм ычІэгъыми а тхылъыр зэгозыхынэу, е ыкІоцІ еплъынэу зылъэкІырэ цІыф зи ащыІагъэп. 4Тхылъыр зэгозыхынэу е ыкІоцІ еплъынэу зифэшъошэ цІыф горэ къызэрамыгъотыгъэм пае, лъэшэу сыгъыгъ. 5Ау тхьамэтэ нахьыжъхэм ащыщ зыгорэм къысиІуагъ: «Умыгъ, мо къэдаІу! Иудэ унэгъо лъэпкъым щыщ аслъанкІэ заджэхэу, пачъыхьэ Даутэ къытехъукІыгъэ бын лъапІэм* текІоныгъэр къыхьыгъ. Мыхъуриблыр тырихынышъ, тхылъыри зэгуихын ащ ылъэкІыщт».

6ЕтІанэ Шъынэ горэ шІуабзыгъэм фэдэу тІысыпІэ лъапІэм ыгузэгу итэу, псэушъхьиплІымрэ тхьамэтэ нахьыжъхэмрэ ихъурэягъэкІэ къеуцокІыгъэхэу слъэгъугъэ. Бжъэкъуибл тетыгъ, нибли иІагъ. Ниблыр дунаем тыдэкІи Тхьэм ыгъэкІогъэ псиблыр ары. 7А,Шъынэр кІуи, тІысыпІэ лъапІэм тесым ыІэ джэбгъукІэ ыІыгъырэ тхылъыр къыІихыгъ. 8Ар къызыІехым, псэушъхьиплІымрэ тхьэмэтэ нахьыжъхэу нэбгырэ тІокІырэ плІырэмрэ Шъынэм ыпашъхьэ зыщырадзыхыгъ. Хэти шыкІэпщынэм фэдэу пщынэ лъэпкъ горэ ыІыгъыгъ, Іэгубжъхэу дышъэм хэшІыкІыгъэхэу, мэ ІэшІу зыпихырэ уцхэр зэрытхэри аІыгъыгъэх. А уцхэм апихырэ мэ ІэшІур Тхьэм ицІыф лъапІэхэм ялъэІухэр арыгъэ. 9ОрэдыкІэ къаІуагъ:

«Тхылъыр пштэнэу, имыхъурхэри тепхынхэу уифэшъуащ,

сыда пІомэ цІыфхэм ушІуабзыгъ,

о плъыкІи унэгъо лъэпкъ пстэуми, бзэ пстэуми,

хэгъэгу пстэуми, лъэпкъ пстэуми ащыщхэу

5:5 аслъанкІэ заджэхэу, пачъыхьэ Даутэ къытехъукІыгъэ бын лъапІэр – Исус Христос ары.

 

цІыфхэм ашъхьэхэр Тхьэм пае къэпщэфыжьыгъэх. 10О уигъусэхэу тетыгъо зиІэхэу, ти Тхьэ фэлажьэрэ дин пащэхэу тыхъунэу о ты-

бгъэнэфагъ; дунаеми тетыгъо щытиІэщт». 11 ЕтІанэ сызэплъэм, тІысыпІэ лъапІэм, псэушъхьиплІым, тхьамэтэ нахьыжъхэм яхъурэягъэкІэ къяуцокІыгъэхэу мэлэІич бэ дэдэхэм амакъэ зэхэсхыгъэ, япчъагъи мин бэ дэдэ хъущтыгъ. 12Ахэмэ мэкъэшхокІэ мырэущтэу аІуагъ: «ЛъэкІыныгъэшхор, баиныгъэшхор, зэхэшІыкІыныгъэшхор, кІочІэшхор, лъытэныгъэшхор, щытхъушхор, шъхьэкІэфэ-

ныгъэшхор Шъынэу цІыфхэм шІуабзыгъэм ифэшъуашэх». 13ЕтІанэ уашъом, чІым, чІы чІэгъым, хым ахэми ащыпсэухэу, Тхьэм къыгъэхъугъэ псэ зыхэлъ пстэуми къаІоу зэхэсхыгъ:

«ШъхьэкІэфыныгъэшхор, лъытэныгъэшхор, щытхъушхор, тетыгъошхор

егъашІэм тІысыпІэ лъапІэм тесымрэ, Шъынэмрэ яй!» 14ПсэушъхьиплІыми, «Амин» къаІуагъ. Тхьамэтэ нахьыыжъхэу нэбгырэ тІокІырэ плІырэмрэ чІыгум зырадзыхи, сыдигъуи ЩыІэщтыр агъэлъэпІагъ.

06

ЯХЭНЭРЭШЪХЬ

Мыхъурхэр

ЕтІанэ Шъынэм мыхъуриблымэ* ащыщэу апэрэр зэрэтырихырэр слъэгъугъэ. Джащыгъум псэушъхьиплІым щыщэу зым шыблэ гъуагъом ымакъэ фэдэ макъэкІэ, «КъакІо!» ыІоу зэхэсхыгъэ. 2ЕтІанэ сызэплъэм, шы фыжь слъэгъугъэ. Шым тесым щабзэ горэ ыІыгъыгъ, мэлэІич горэми тандж къыритыгъ. ТекІоныгъэр къэзыхьырэм фэдэу текІоныгъэр къыхьынэу ежьагъ.

6:1 мыхъур – арапыбзэкІэ «хъытым», тыркубзэкІи «мыхьыр» ары.

 

3ЕтІанэ Шъынэм ятІонэрэ мыхъурыр зытырехым, ятІонэрэ псэушъхьэм, «КъакІуи еплъ!» къыІоу зэхэсхыгъ. 4Джащыгъум нэмыкІ шы горэ, шы цІэгъоплъэу къыдэкІыгъ. Ащ тесым дунаем мамырныгъэр тырихынэуи, цІыфхэр зэригъэукІынхэуи Тхьэм фитыныгъэ къыритыгъ. МэлэІич горэм ащ сэшхо къыритыгъ.

5ЕтІанэ Шъынэм ящэнэрэ мыхъурыр зытырехым, ящэнэрэ псэушъхьэм, «КъакІуи еплъ!» къыІоу зэхэсхыгъ. Сызэплъэм, шы шІуцІэ слъэгъугъэ. Ащ тесым щэчалъэ горэ ыІыгъыгъ. 6ЕтІанэ псэушъхьиплІымэ ахэтэу зы макъэ горэ къыдэІукІэу, мырэущтэу къыІоу зэхэсхыгъ: «Коцэу лэгъищым арылъыр зы мэфапкІэ мэхъу, хьэу* лэгъибгъум арылъыри зы мэфапкІэ мэхъу. Дагъэми сэнэпсми уиягъэ ямыгъэкІ».

7ЕтІанэ Шъынэм яплІэнэрэ мыхъурыр зытырехым, яплІэнэрэ псэушъхьэм ымакъэ, «КъакІуи еплъ!» къыІоу зэхэсхыгъ. 8Сызэплъэм, шы джэф слъэгъугъэ. Ащ тесым ыцІагъэр ЛІэныгъэр ары. ЛІагъэхэм я Дунай зыцІэр ащ лъыкІоу щытыгъ. Ахэми сэшхокІи, гъаблэкІи, зэпахэрэ узхэмкІи, чІылъэм ихьакІэ-къуакІэхэм яІэпыІэгъукІи цІыфхэр агъэлІэнхэу чІылъэм ыплІанэ тетыгъо фыряІэ хъугъэ.

9ЕтІанэ Шъынэм ятфэнэрэ мыхъурыр зытырехым, цІыфхэу Тхьэм игущыІэхэр къызэрагъэІугъэхэм паий, а гущыІэхэм шыхьатныгъэ зэрафэхъугъэхэм паий аукІыгъэхэм апсэхэр къурмэншІыпІэм ычІэгъ щыІэхэу щыслъэгъугъэх. 10Ахэр мэкъэшхокІэ къэджагъэх: «О Зиусхьан лъапІэ ыкІи шъыпкъагъэр зиІэу Зиусхьан, дунаем тет цІыфхэу тэ тлъы зыгъэчъагъэхэм хьыкум атепшІыхьанэуи, яфэшъуашэ ябгъэпщыныжьынэуи сыдигъо нэсы тыпэбгъэплъэщт?» 11Арэущтэу мэлэІич горэм ахэмэ ащыщэу хэти шъошэ кІыхьэ къырити, тІэкІурэ загъэпсэфынэу ариІуагъ, дунаем ицІыфхэм ахэр зэраукІыгъэхэм фэдэу, ахэмэ ягъусэхэу аукІыщт цІыфхэу Тхьэм фэлажьэхэрэмрэ адрэ шыхэу аукІыщтхэмрэ япчъагъэ екъуфэ.

12ЕтІанэ Шъынэм яхэнэрэ мыхъурыр зэрэтырихырэр слъэгъугъэ. Джащыгъум чІылъэр лъэшэу къэсысыгъ, тыгъэри пчэныцым хэшІыкІыгъэ шэкІ шІуцІэм фэдэу ушІункІыгъэ, мазэри лъым фэдэу плъыжьы хъугъэ.

6:6 хьэ – арапыбзэкІи, тыркубзэкІи «арпэ» мэхъу.

 

13Уашъом ижъуагъохэри чІылъэм къефэхыгъэх, жьыбгъэшхо къызепщэкІэ, ынджыр чъыгым пытхэр къызэрэпытэкъухэрэм фэдэу. 14Тхъылъыр зэрэзэкІоцІащыхьэрэм фэдэу, уашъор кІодыгъэ; къушъхьэ пстэури хыгъэхъунэ* пстэури ячІыпІэхэм арыкІыгъэх.

15Дунаем ипачъыхьэхэми, тетыгъо зиІэхэми, дзэм ипэщэшхохэми, байхэми, лъэкІыныгъэшхо зиІэхэми, пщылІми, фитми, гъочІэгъхэмрэ къушъхьэ мыжъошхохэм ачІэгърэ защагъэбылъыжьыгъ. 16Ахэмэ къушъхьэхэмрэ къушъхьэ мыжъошхохэмрэ араІуагъ: «Шъукъыттефи, тІысыпІэ лъапІэм тесым тешъумыгъэлъэгъу, Шъынэм игубжи тыщышъуухъум. 17Сыда пІомэ ахэр зыгубжырэ мэфэшхор къэсыгъ, ахэми хэта апэуцужьын зылъэкІыщтыр?»

07

ЯБЛЭНЭРЭШЪХЬ

МэлэІичхэм Тхьэм имыхъур цІыф нэбгырэ минишъэрэ тІокІитІурэ плІырэм зэратырадзагъэхэр

Ащ нэужым чІылъэм икъопиплІмэ мэлэІичиплІ атетхэу слъэгъугъэ. Жьыбгъэр чІыми хыми къыщемыпщэнэу, чъыгми къемыонэу чІылъэм икъопиплІ къикІырэ жьыбгъэхэм апэуцужьыщтыгъэх. 2ЕтІанэ нэмыкІ мэлэІич горэм щыІэныгъэ къыздикІырэ Тхьэм имыхъур ыІыгъэу, тыгъэ къыкъокІыпІэмкІэ къикІэу слъэгъугъэ. ЧІымрэ хымрэ яягъэ арагъэкІынэу фитыныгъэ зиІэ мэлэІичиплІым мэкъэшхокІэ ариІуагъ: 3«Ти Тхьэ фэлажьэрэ цІыфхэм анатІэ мыхъур тетэдзэфэ, чІым, хым, чъыгхэм шъуиягъэ яжъугъэкІыкъон!» 4ЕтІанэ цІыфхэу мэлэІичхэм мыхъурыр зытырадзагъэхэм япчъагъэ зэхэсхыгъ: Израил иунэгъо лъэпкъ пстэуми ащыщхэу мэлэІичхэм мыхъурыр зытырадзагъэхэр нэбгырэ минишъэрэ тІокІитІурэ плІырэ хъущтыгъэх.

5Иудэ унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; Рувим унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; Гад унэгъо лъэпкъым щыщхэу нэбгырэ мин пшІыкІу-

6:14 хыгъэхъунэ – чІыгу гъушъэу псы гузэгум итыр ары.

 

тІум мыхъурыр атырадзагъ; 6Асир унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; Неффалим унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; Манассие унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; 7Симеон унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; Левый унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; Иссахар унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; 8Завулон унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; Юсыф унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ; Вениамин унэгъо лъэпкъым щыщхэу нэбгырэ мин пшІыкІутІум мыхъурыр атырадзагъ;

Пчъагъэ зимыІэ цІыф купышхом Тхьэр зэригъэлъапІэрэр

9Ащ нэужым сызэплъэм, лъэпкъ пстэуми, унэгъо лъэпкъ пстэуми, хэгъэгу пстэуми, бзэ пстэуми ащыщхэу умылъытэшъун цІыф купышхо слъэгъугъэ. Шъошэ фыжь кІыхьэхэр ащыгъхэу, палмэ зыцІэ чъыгым* икъутамэхэр аІыгъхэу, тІысыпІэ лъапІэмрэ Шъынэмрэ апашъхьэ щытыгъэх.

 

10Ахэр мэкъэшхокІэ къэджагъэх:

«Ти Тхьэу тІысыпІэ лъапІэм тесымрэ Шъынэмрэ ары тымыкІодэу тыкъэзыгъэнэжьыгъэхэр». 11ТІысыпІэ лъапІэм, тхьамэтэ нахьыжъхэм, псэушъхьиплІым къяуцокІыгъэхэу мэлэІич пстэури щытыгъэх. Ахэмэ тІысыпІэ лъапІэм ыпашъхьэ абгъэгукІэ зыщырадзыхи, Тхьэр агъэлъапІэзэ аІощтыгъ: 12«Амин! ШъхьэкІэфэныгъэшхор, щытхъушхор, зэхэ-

шІыкІыныгъэшхор, лъытэныгъэшхор, лъэкІыныгъэшхор, кІочІэ-

шхор егъашІэм тиТхьэ иех. Амин!»

7:9 палмэ зыцІэ чъыгыр – хъурмэ чъыгыр ары.

 

13 ЕтІанэ тхьамэтэ нахьыжъхэм ащыщэу зыгорэ къысэупчІыгъ:

–Мы шъошэ фыжь кІыхьэхэр зыщыгъхэр, хэт щыщха ыкІи тыда къыздикІыгъэхэр?

14–Тхьаматэ, ахэр о ошІэх,– сІуи есІожьыгъ. –Мыхэр ары гузэжъогъушхом къыхэкІыгъэхэр,– къысиІуагъ ащ. –Шъынэм ылъыкІэ яшъошэ кІыхьэхэр агъэкъэбзэжьхи, фыжьыбзэу ашІыжьыгъэх.

15Ащ пае ахэр Тхьэм итІысыпІэ лъапІэ ыпашъхьэ щытых, чэщи мафи Тхьэм иунэшхо чІэтхэу, Тхьэр агъэ-

лъапІэ. ТІысыпІэ лъапІэм тесыри адэпсэущт. 16ЕгъашІэм мэлакІэ лІэжьыщтхэп, псыфалІи лІэжьыщтхэп.

Тыгъэри фэбэгъэшхори ахэмэ къягоожьыщтхэп. 17Сыда пІомэ тІысыпІэ лъапІэм ыгузэгу тес Шъынэр ахэмэ мэлахъо афэхъущт, щыІэныгъэ къэзытырэ псынэхэм адэжьи ахэр

ыщэщтых. Тхьэм ахэмэ анэхэм нэпс пстэури акІилъэкІыкІыжьыщт.

08

ЯЕНЭРЭШЪХЬ

Яблэнэрэ мыхъурымрэ дышъэм хэшІыкІыгъэ уц гъэстылъэмрэ

Шъынэм яблэнэрэ мыхъурыр зытырехым, сыхьатныкъо фэдизкІэ уашъом кІым-сым щыхъугъ.

2ЕтІанэ Тхьэм ыпашъхьэ ит мэлэІичиблыр слъэгъугъэх. МэлэІич горэм бжъэмыешхуибл ахэмэ аритыгъэх.

3НэмыкІ мэлэІич горэм мэ ІэшІу зыпихырэ уцхэм апае дышъэм хэшІыкІыгъэ уц гъэстылъэ ыІыгъэу къакІуи, къурмэншІыпІэм ыпашъхьэ къиуцуагъ. НэмыкІ мэлэІич горэм мэ ІэшІу зыпихырэ уцыбэ а мэлэІичым къыритыгъ, Тхьэм ицІыф лъапІэхэм ятхьэлъэІухэу тІысыпІэ лъапІэм ыпашъхьэ щыт къурмэншІыпІэм телъхэм ахи-

 

гъэхъоным пае. 4Мэ ІэшІу зыпихырэ уцхэм яІугъо Тхьэм ицІыф лъапІэхэм ятхьэлъэІухэм ягъусэу мэлэІичым ыІэ къикГи, Тхьэм ыдэжь дэкІоягъ. 5Ащ нэужым мэлэІичым уц гъэстылъэр къышти, къурмэншІыпІэм имашІо щыщ из ышІи, чІылъэм къыридзыхыгъ. Джащыгъум шыблэ гъогъо мэкъэшхохэр къэІугъэх, пчыкІэхэри къэлъэгъуагъэх, чІылъэри къэсысыгъ.

Бжъэмыешхохэр

6ЕтІанэ бжъэмыиешхуибл зыІыгъырэ мэлэІичиблым ахэмэ къяпщэнхэу загъэхьазырыгъ.

7Апэрэ мэлэІичыр ибжъэмыешхо къепщагъ. Джащыгъум ошъу, машІо, лъы зэхэкІухьагъэхэу чІылъэм къехыгъэх. ЧІылъэм ызыщанэ хэстыкІыгъ, чъыгмэ азыщани хэстыкІыгъэх, уц шхъонтІэ пстэури стыгъэ.

8ЯтІонэрэ мэлэІичыри ибжъэмыешхо къепщагъ. Ащ дэжьым машІор зэкІэнэгъэ къушъхьэшхом фэдэу, зыгорэ хым хэфагъ. Хым ызыщани лъым фэдэу хъугъэ. 9Хым хэс псэушъхьэхэм азыщани лІагъэх, къухьэхэм азыщани кІодыгъэх.

10ЕтІанэ ящэнэрэ мэлэІичыри ибжъэмыешхо къепщагъ. Джащыгъум мэшІо пхъэцІакІэм* фэдэу жъогъошхо горэ стэу уашъом къехи, псыхъохэмрэ псынэхэмрэ ащанэ къыхэфагъ. 11Жъогъошхом ыцІэ Уц Дыдж. Псыхэм азыщанэ дыджэу хъугъэх, а псы дыджым ешъуагъэхэу цІыфыбэхэри лІагъэх.

12ЕтІанэ яплІэнэрэ мэлэІичыри ибжъэмыешхо къепщагъ. Джащыгъум тыгъэм ызыщани, мазэм ызыщани, жъуагъохэм азыщани кІосагъэ. Арэущтэу ахэмэ янэфынэ ызыщанэ шІункІы хъугъэ. Мафэм ызыщани, чэщым ызыщани нэфынагъэхэп.

13ЕтІанэ сызэплъэм, ошъогум щыбыбырэ мэлэІич мэкъэшхокІэ къаджэу зэхэсхыгъ: «Къэнагъэ мэлэІичищым ябжъэмыешхохэм къызяпщэхэкІэ, чІылъэм тетхэр сыхьатмыгъо ежьэщтых, сыхьатмыгъо ежьэщтых, сыхьатмыгъо ежьэщтых!»

8:10 пхъэцІакІэ – пхъэныкъостэу машІом пэлъыр ары.

09

ЯБГЪОНЭРЭШЪХЬ

ЕтІанэ ятфэнэрэ мэлэІичыр ибжъэмыешхо къепщагъ. Джащыгъум уашъом къикІэу, чІылъэм къехыгъэгъэ жъуагъор* слъэгъугъэ. ЕтІанэ чІылъэм икуупІэу чІэ зимыІэм* ичІэхьапІэ иІункІыбзэ мэлэІич горэм а жъуагъом ритыгъ. 2Жъуагъом чІылъэм икуупІэу чІэ зимыІэм ичІэхьапІэ Іуихыгъ. ЗыІуехым, хьакушхом иІугъо фэдэ Іугъо къычІэугъ. А чІэхьапІэм къычІэугъэ Іугъом тыгъэри уашъори ыгъэушІункІыгъэх. 3ЕтІанэ мацІэхэр Іугъом къыхэкІыхи, чІым къытехьагъэх. ЧІым искорпионхэм* акІуачІэ фэдэ кІуачІэ яІэнэу мэлэІич горэм а мацІэхэм аритыгъ. 4ЧІым иуцхэм, ичъыгхэм, чІым икъэкІыгъэхэм яягъэ арамыгъэкІынэу Тхьэм ариІуагъ. Тхьэм имыхъур зынатІэ темыдзэгъэ цІыф закъохэр ары яягъэ зэрагъэкІын фэягъэр. 5МацІэхэм а цІыфхэр агъэлІэнхэу фитхэу щытыгъэхэп, мэзитфыкІэ къин арагъэщэчынэу фитхэу щытыгъэ ныІэп. А къинэу арагъэщэчыгъэр скорпионыр цІыфым зеокІэ, къинэу ригъэщэчрэм фэд. 6А мафэхэм цІыфхэр лІэныгъэм лъыхъущтых, ау агъотыщтэп. ЛІэнхэуи фэещтых, ау лІэныгъэр аІэпыкІыщт.

7МацІэхэм ятеплъэ цІыфхэм заом фагъэхьазырыгъэ шыхэм ятеплъэ фэдагъ. Дышъэм хэшІыкІыгъэ танджхэм афэдэхэр ашъхьэхэм ателъыгъэх, анэгухэри цІыфхэм анэгухэм афэдагъэх. 8Ашъхьацхэр бзылъфыгъэ шъхьацхэм афэдагъэх, ацэхэри аслъаным ыцэхэм афэдагъэх. 9Яашъоджанэхэр гъучІым хэшІыкІыгъэ ашъоджанэхэм афэдагъэх. Атамэхэм макъэу апыІукІыщтыгъэр заом ежьэхэу шыкубэхэмрэ шыбэхэмрэ апыІукІырэ мэкъэшхом фэдагъ. 10Скорпионхэми кІэхэр зэряІэм фэдэу, кІэхэри яІагъэх. КІэхэми щэхэр апытыгъэх. А мацІэхэм лъэкІыныгъэ яІагъ мэзитфыкІэ цІыфмэ къин арагъэщэчынэу. 11Ахэмэ пачъыхьэу яІагъэр чІылъэм икуупІэу чІэ зимыІэм имэлэІич ары. Ащ ыцІэ джуртыбзэкІэ Аваддон, урымыбзэкІи Аполлион* ары.

9:1 жъуагъор – мэлэІич горэ ары.

9:1 чІылъэм икуупІэу чІэ зимыІэр – джынапцІэхэм яхьапс ары.

9:3 скорпион – акърэб ары.

9:11 Аполлион къикІырэр «ЗыгъэкІодрэр» ары.

 

12Арэущтэу апэрэ сыхьатмыгъор блэкІыгъ. Джыри сыхьэтмыгъуитІу къэкІощт.

13ЕтІанэ яхэнэрэ мэлэІичыр ибжъэмыешхо къепщагъ. Джащыгъум Тхьэм ыпашъхьэ щыт къурмэншІыпІэу дышъэм хэшІыкІыгъэм икъопІиплІымэ къарыкІэу макъэ горэ зэхэсхыгъэ. 14А макъэм бжъэмыешхор зыІыгъырэ яхэнэрэ мэлэІичым риІуагъ: «Евфрат псыхъошхом* дэжь щырапхыгъэ мэлэІичиплІыр шъхьафит шІыжьхи, тІупщыжьых». 15Мы сыхьат дэдэм, мы мафэ дэдэм, мы мазэ дэдэм, мы илъэс дэдэм цІыф пстэуми азыщанэ агъэлІэнэу Тхьэм афигъэхьазырыгъэгъэ мэлэІичиплІыр атІупщыжьыгъэх. 16А шыудзэм хэтыгъэхэм япчъагъэ миллион шъитІу хъущтыгъэх. Япчъагъэ зыфэдизыр зэхэсхыгъэ.

17Шыхэри шыухэри мырэущтэу къысфэлъэгъуагъэх: ашъоджанэхэр машІом фэдэу плъыжьхэу, шхъуантІэхэу ыкІи гъожьхэу ащыгъыгъэх. Яшыхэм ашъхьэхэр аслъанышъхьэхэм афэдагъэх. Шыхэм ажэхэми машІо, Іугъо, тхъомзашхъо къадэкІыгъэх. 18МашІоу, Іугъоу, тхъомзашхъоу, а къинышхуищэу а шыхэм ажэхэм къадэкІыгъэхэмкІэ цІыф пстэуми азыщанэ лІагъэ. 19Шыхэм акІуачІэ ажэхэм адэлъыгъ, акІэхэми ахэлъыгъ; сыда пІомэ акІэхэр блэхэм афэдагъэх; акІэхэм шъхьэхэр апытхэу, ахэмкІэ яягъэ цІыфхэм арагъэкІыгъ.

20Ау къэнэгъэ цІыфхэу а къинышхохэм ахэмылІыхьагъэхэм аІэкІэ ашІыгъэ тхьэ нэпцІ шъо теплъэхэм акІыб афагъэзэжьынэу адагъэп. ДжынапцІэхэр агъэлъэпІэнхэм ауж икІыжьыгъэхэп, дышъэм, тыжьыным, гъуаплъэм, мыжъом, пхъэм ахэшІыкІыгъэ тхьэ нэпцІхэу зылъэгъун, зэхэзыхын ыкІи къэзыкІухьан зымылъэкІхэрэр агъэлъэпІэнхэми ыуж икІыжьыгъэхэп. 21Джащ фэдэу, Іофхэу зыпылъхэу цІыф укІыным, ушхъухьаным, зинэ шІэным, тыгъоным афыкІэгъожьыгъэхэп.

9:14 Евфрат псыхъошхор – а уахътэм а псыхъор тыгъэ къыкъокІыпІэмкІэ Рим къэралыгъошхом игъунапкъэу щытыгъ.

10

ЯПШІЭНЭРЭШЪХЬ

МэлэІичымрэ зэгохыгъэ тхылъ цІыкІумрэ

ЕтІанэ лъэкІыныгъэ зиІэу, нэмыкІ мэлэІич горэ уашъом къехэу слъэгъугъэ; ошъуапщэ горэ шъуашэу щыгъыгъ; лэгъупкъопсыри шъхьэщытыгъ, ынэгуи тыгъэм фэдагъ, ылъакъохэри мэшІо пкъэухэм афэдагъэх. 2Тхылъ цІыкІу горэ зэгохыгъэу ыІэкІэ ыІыгъыгъ. Лъэкъо джабгъур хым хигъэуцуагъ, лъэкъо сэмэгури чІым тыригъэуцуагъ. 3Аслъанхэр зэрэгъогхэрэм фэдэу, мэкъэшхокІэ къэкууагъ. Ар къызэкуом, ошъо шыблэ гъогъуиблымэ амакъэхэр къэІугъэх. 4Ошъо шыблэ гъогъуиблымэ амакъэхэр къызэІухэ ужым, стхынэу сыублэ пэтыгъ, ау уашъом къикІэу макъэ горэм къыІоу зэхэсхыгъ:

–Шыблэ гъогъуиблымэ къаІуагъэхэр умытхыхэу ушъэфых.

5ЕтІанэ мэлэІичэу зылъэкъо лъэныкъор хым хэзыгъэуцуагъэу, адрэ лъэкъо лъэныкъори чІым тезыгъэуцуагъэу слъэгъугъагъэм ыІэ джабгъу уашъом къыдиІэтэягъ. 6Тхьэу егъашІэм щыІэу, уашъохэмрэ уашъохэм ащыІэ пстэумрэ, чІымрэ чІым тет пстэумрэ, хымрэ хым хэс пстэумрэ къэзыгъэхъугъэм ыцІэкІэ а мэлэІичым тхьарыІо ышІи, мырэущтэу ыІуагъ:

–Уахътэу бэп къэнэжьыгъэр. 7Ау яблэнэрэ мэлэІичыр ибжъэмыешхо къызепщэщт мафэхэм Тхьэм ежьым фэлажьэрэ пегъымбархэм къызэраригъэІугъэм фэдэу, игухэлъ шъэф ыгъэцэкІэщт.

8Уашъом къикІэу зэхэсхыгъэгъэ макъэр джыри зэ къэгущыІэу къысиІуагъ:

–КІуи, мэлэІичэу зылъэкъо лъэныкъо хым хэзыгъэуцуагъэу, адрэ лъэкъо лъэныкъори чІым тезыгъэуцуагъэм ыІыгъырэ тхылъ цІыкІоу зэгохыгъэр къыІых.

9Арэущтэу мэлэІичым ыдэжь сыкІуи есІуагъ:

–А тхылъ цІыкІур къысэт.

–Ма, къыосэты, шхы,– къысиІуагъ ащ. –УныбэкІэ дыджыщт, ау ужэкІэ шъоум фэдэу ІэшІоу хъущт.

10Тхылъ цІыкІур мэлэІичым къыІысхи, сшхыгъэ. СыжэкІэ шъоум фэдэу ІашІоу щытыгъ, ау зэсэшхым, сыныбэ дыджы щыхъугъ. 11ЕтІанэ мырэущтэу къысиІуагъ:

 

–Хэгъэгу Іаджыхэми, лъэпкъ Іаджыхэми, бзэ Іаджыхэми, пачъыхьэ Іаджыхэми яхьылІагъэу Тхьэм ежь игущыІэхэу угу къырилъхьагъэхэу, къэхъущт Іофхэм яхьылІагъэхэр цІыфхэм ябгъэІунхэ фае.

11

ЯПШІЫКІУЗЭНЭРЭШЪХЬ

ШыхьатитІур

ЕтІанэ мэлэІич горэм шапхъэм фэдэу къамыл бэщ къыситыгъ. «КІуи, Тхьэм иунэшхорэ къурмэншІыпІэмрэ къэши, ащ дэжьым Тхьэр щызыгъэлъапІэхэрэр зыфэдизыр къызэгъашІ», къысиІуагъ. 2«Ау Тхьэм иунэшхо ыкІыб щыт щагур къэпшынэу упымылъ, сыда пІомэ Тхьэм а щагур хымэ лъэпкъхэм къафигъэнагъ. Ахэмэ мэзэ тІокІитІурэ тІурэм* къэлэ лъапІэр* лъэгукІэ аутэщт. 3Сэ сишыхьатитІу лъэкІыныгъэ ястыщт, ахэми шъыгъо щыгъынхэр ащыгъхэу, мэфэ минрэ шъитІурэ тІокІищырэ Тхьэм ежь игущыІэхэу агухэм къарилъхьэхэу, къэхъущт Іофхэм яхьылІагъэхэр агъэІущтых».

4Мы шыхьатитІур чІылъэм и Зиусхьан ыпашъхьэ ит зейтун чъыгитІумрэ* остыгъэ тетыпІитІумрэ ары. 5Зыгорэм иягъэ а шыхьатитІум аригъэкІынэу фаемэ, ахэмэ ажэ машІо къыдэкІызэ, япыйхэр егъэкІодых. Ахэмэ зиягъэ языгъэкІынэу фаер джары зэрэлІэн фаер. 6А шыхьатитІум уашъор агъэпытэжьынэу тетыгъо яІ, Тхьэм ахэмэ агухэм къарилъхьэрэ гущыІэхэр къызыщагъэІурэ мафэхэм къыщемыщхынэу. Псыр лъы агъэхъунэу псыхэми тетыгъо афыряІ, чІылъэм сыд щыщырэ къиныр рагъэщэчынэуи сыдигъо фаехэми тетыгъо яІ.

7Ахэмэ яшыхьатныгъэ заухыкІэ, чІылъэм икуупІэу чІэ зимыІэм къычІэкІырэ хьакІэ-къокІэжъыр* ахэмэ къа-

11:2 мэзэ тІокІитІурэ тІурэ – ар мэфэ 1260-рэ е илъэсищрэ ныкъорэ мэхъу. А зэманым шІошъхъуныгъэ зиІэхэм гугъушхо ащэчызэ, Тхьэр зымышІэхэрэм ахэмэ къин арагъэщэчыщт.

11:2 къэлэ лъапІэр – Ерусалим ары.

11:4 зейтун чъыгыр – «маслинэ» ары.

11:7 чІылъэм икуупІэу чІэ зимыІэм къычІэкІырэ хьакІэ-къокІэжъыр – еплъ 13:1-7.

 

тебэнэнышъ, къатекІонышъ, къыукІыщтых. 8Ахэмэ яхьадэхэр къэлэшхоу цІыфхэм ти Зиусхьан къащым зыщытыраІулІагъэм иурам телъыщтых. А къэлэшхом* Содом* е Мысыр раІо, нэмыкІ мэхьанэ къырагъэкІызэ. 9Хэгъэгу пстэуми, унэгъо лъэпкъ пстэуми, бзэ пстэуми, лъэпкъ пстэуми ащыщхэу цІыфыбэ мэфищырэ ныкъорэм а хьадэхэм яплъыщтых, ау чІалъхьажьынхэу адэщтэп. 10Дунаем тетхэр итІур зэрэлІагъэхэм пае, гушІощтых ыкІи тхъэжьыщтых. Тынхэр зэфарагъэхьыщтых, сыда пІомэ а пегъымбэритІумэ дунаем тет цІыфхэм къин арагъэщэчыщтыгъэх.

11Ау мэфищырэ ныкъорэм ыужым Тхьэм ахэмэ щыІэныгъэм ыпсэ къахилъхьажьи, тІури алъакъохэм къатеуцожьыгъэх. Ахэр зылъэгъугъэ пстэури щынэгъошхом хэфагъэх. 12ЕтІанэ а пегъымбэритІум* уашъом къиІукІырэ макъэ горэм къариІоу зэхахыгъ: «Мо шъукъыдэкІуай», ыІоу. Япыйхэр яплъызэ, ошъуапщэм хэтхэу, ахэр уашъом дэкІоягъэх.

13А сыхьат дэдэм чІылъэр лъэшэу къэсысыгъ, къалэм ызыпшІани зэхэтэкъуагъ. Арэущтэу чІылъэр зэсысым, цІыф минибл лІагъэх. МыкІодхэу къэнэжьыгъэхэри щынэгъошхом хэфагъэх, уашъом щыІэ Тхьэм щытхъушхуи фашІыгъ.

14Арэущтэу ятІонэрэ сыхьатмыгъор блэкІыгъ. Ящэнэрэ сыхьатмыгъори къэкІонкІэ бэп иІэжьыр.

Яблэнэрэ бжъэмыешхор

15ЕтІанэ яблэнэрэ мэлэІичыр ибжъэмыешхо къепщагъ. Джащыгъум мэкъэшхохэр уашъом къиІукІыхэзэ къаІуагъ:

«Ти Зиусхьанрэ ежьым и Христосрэ мы дунаем тетыгъошхо фыряІэ хъугъэ. Тхьэр ары егъашІэм тетыгъошхор зиІэщтыр». 16Тхьэмэтэ нахьыжъхэу нэбгырэ тІокІырэ плІырэу Тхьэм ыпашъхьэ ятІысыпІэхэм атесхэм абгъэгукІэ зырадзыхи, Тхьэр агъэлъапІэзэ, мырэущтэу аІуагъ:

11:8 къэлэшхор – Ерусалим ары.

11:8 Содом – еплъ Пегъымбар Исайас тхылъэу ытхыгъэм 1:10.

11:12 а пегъымбэритІур – шыхьатитІур ары. Еплъ 11:3.

 

17«О лъэкІыныгъэшхо зэкІэ зиІэ Зиусхьан Тхьэу, щыІагъэу, джыри щыІэм щытхъущхо пфэтэшІы, сыда пІомэ уилъэкІыныгъэшхо къэпштагъэу, тетыгъошхо зэрэуиІэр къэбгъэнэфагъ. 18Хымэ лъэпкъхэр губжыгъэх; о уигубжи къэлъэгъуагъ. Джы лІагъэхэм хьыкум затепшІыхьащт уахътэр

къэсыгъ. О къыпфэлажьэрэ пегъымбархэми, уицІыф лъапІэ-

хэми, уищынагъо зыгу илъ цІыфхэм, цІыкІуми инми, яфэшъошэ ІэхьышІур зябгъэгъотыщт уахътэри

къэсыгъ. ЧІылъэр зыгъэкІодырэ цІыфхэр о зыбгъэкІодыщт уахътэри къэсыгъ». 19Ащ нэужым Тхьэм иунэшхоу уашъом щыІэр зэІухыгъэ хъугъэ, Тхьэм ежьыррэ цІыфхэмрэ азыфагу дилъхьэгъэ зэзэгъыныгъэр къэзыушыхьатырэ пхъуантэри* къэлъэгъуагъ. ЕтІанэ пчыкІэхэр* къэлъэгъуагъэх, мэкъэшхохэри, шыблэм игъогъо мэкъэшхохэри къэІугъэх, чІылъэри къэсысыгъ, ошъушхохэри къехыгъэх.

12

ЯПШІЫКІУТЮНЭРЭШЪХЬ

Бзылъфыгъэмрэ блэгъожъымрэ

ЕтІанэ уашъом нэшэнэ гъэшІэгъонышхо горэ къыщылъэгъуагъ: бзылъфыгъэ горэу тыгъэр шъуашэу зыщыгъэу, зылъакъохэр мазэм тетхэу, зышъхьэ телъ танджым жъогъо пшІыкІутІур тетэу къэлъэгъуагъ. 2Бзылъфыгъэр лъэрмыхьэу щытыгъ ыкІи сабый къыфэхъу зэхъум, къинышхо хэфагъэти, куощтыгъ. 3ЕтІанэ нэмыкІ нэшэнэ гъэшІэгъон горэ уашъом къыщылъэгъуагъ: блэгъожъ ин плъыжьэу, шъхьибл зыпытэу, бжъэкъуипшІыри зыте-

11:19 зэзэгъыныгъэр къэзыгъэлъагъорэ пхъуантэр – а пхъуантэр Тхьэм иунэшхо чІэт Унэ КІоцІэу анахь ЛъапІэм чІэтыгъ. Еплъ Пачъыхьэхэм якъэбархэр зэрыт апэрэ тхылъым (3-я Царств) 8:1-6.

11:19 пчыкІэ – шыблэм инэфынэ ары.

 

тыр къэлъэгъуагъ. Шъхьэ пэпчъ зы тандж телъыгъ. 4ЫкІэкІэ жъуагъохэм азыщанэ уашъом къыщырилъэшъуажьи, чІылъэм къыридзыхыгъэх. Блэгъожъыри бзылъфыгъэу сабый къызфэхъущтым ыпашъхьэ къиуцуагъ, сабыир къызэрэхъоу ыдырыным пае. 53ы кІэлэхъу къыфэхъугъ. Ащ дунаем тет лъэпкъ пстэури гъучІ бэщкІэ ыгъэІорышІэнэу щытыгъ. А сабыир Тхьэмрэ Тхьэм итІысыпІэ лъапІэрэ адэжь даІэтэягъ. 6Бзылъфыгъэм кІитхъужьи, шъоф нэкІым Тхьэм ащ щыфигъэхьазырыгъэ чІыпІэм кІуагъэ. Ащ мэфэ минрэ шъитІурэ тІокІищырэ щагъэшхэщт.

7Уашъом зао щыхъугъ. Михаилрэ* ащ имэлэІичхэмрэ блъэгъожъым езэуагъэх, блэгъожъыри ащ имэлэІичхэри ахэмэ къязэожьыгъэх. 8Блэгъожъыр Михаил пырикъугъэп, уашъомкІи блэгъожъымрэ имэлэІичхэмрэ чІыпІэ къафэнэжьыгъэп. 9Блэгъожъ иныр чІылъэм къырадзыхыгъ – иблысэу ыкІи шэйтанэу зыфаІорэ блэжъэу дунаем тет цІыф пстэури дэзыхьыхырэр ары. Ари ащ имэлэІичхэри чІылъэм къырадзыхыгъэх.

10ЕтІанэ уашъом мэкъэшхо горэ къиІукІи, мырэущтэу къыІоу зэхэсхыгъ:

«Джы тымыкІодэу ти Тхьэ тыкъигъэнэжьыгъ.

Джы ти Тхьэ илъэкІыныгъэшхорэ итетыгъошхорэ къэлъэгъуагъэх,

Тхьэм и Христос ыкІочІэшхуи къэлъэгъуагъ.

Сыда пІомэ тшыхэр зыгъэмысэу,

Тхьэм ыпашъхьэ чэщи мафи ахэр щызыгъэмысэрэр

чІылъэм къырадзыхыгъ. 11 Тшыхэр Шъынэм лъэу кІэкІыгъэмкІи,

Тхьэм игущыІэхэм шыхьат зэрафэхъугъэхэмкІи,

шэйтаным текІуагъэх.

Ахэр лІэныгъэм игъунэгъу хъугъэхэми,

ежьхэм апсэхэм ашъхьасыгъэхэп. 12Арышъ, шъо, уашъохэри,

шъо, уашъохэм ащыпсэухэрэри, шъугушІу!

Ау шъо, чІыри хыри, сыхьатмыгъо шъуежьагъэх,

сыда пІомэ иблысыр къышъуфехыгъ.

Губжыныгъэшхо ыгу илъ,

сыда пІомэ ежь къыфэнэжьырэ уахътэр

зэрэмакІэр ешІэшъ ары».

12:7 Михаил – апэрэ мэлэІичхэм ащыщ.

 

13Блэгъожъым ежь чІылъэм къызэрэрадзыхыгъэр зелъэгъум, кІэлэхъур къызфэхъугъэ бзылъфыгъэм ыуж ихьагъ. 14Бгъэшхом ытэмитІу бзылъфыгъэм къыратыгъэх, блэжъым ыпашъхьэ икІыжьынышъ, Тхьэм шъоф нэкІым щыфигъэхьазырыгъэ чІыпІэм быбыным пае. Ащ илъэсищырэ ныкъорэм* а бзылъфыгъэр щагъэшхэщт. 15Ащ дэжьым бзылъфыгъэр псым ригъэхьыным пае, псыхъом фэдэу блэжъым ыжэ псыр къыдиутхыгъ. 16Ау чІыр бзылъфыгъэм дэІэпыІи, ыжэ зэІуихи, блэгъожъым ыжэ къыдиутхыгъэ псыхъор ришъугъ. 17Джащыгъум блэгъожъыр бзылъфыгъэм лъэшэу фэгубжи, бзылъфыгъэм къытехъукІыгъэ нэмыкІ бынхэу иІэхэм язэонэу кІуагъэ, Тхьэм иунашъохэр зыгъэцакІэхэрэри Исус Христос шыхьат фэхъухэрэри ары.

13

ЯПШІЫКІУЩЭНЭРЭШЪХЬ

ХьакІэ-къокІэжъитІур

ХыІушъом сыІутэу, хьакІэ-къокІэжъ горэ хым къыхэкІэу слъэгъугъэ. Шъхьибл пытыгъ, бжъэкъуипшІи тетыгъ. Ыбжъакъохэми танджипшІ ателъыгъ. Ышъхьэхэми Тхьэм зэрехъонхэрэ цІэхэр ателъыгъэх. 2ХьакІэ-къокІэжъэу слъэгъугъэр хьашыумышэм* фэдагъ, ау ылъакъохэр мышъэ лъакъохэм афэдагъэх, ыжи аслъаным ыжэ фэдагъ. Блэгъожъым ежь илъэкІыныгъэ, итІысыпІэ, итетыгъошхо хьакІэ-къокІэжъым ритыгъэх. 3ХьакІэ-къокІэжъым ышъхьэхэм язым ежьыр зыгъэлІэн уІагъэм фэдэу иІагъ, ау а уІагъэр хъужьыгъагъэ. ЧІылъэм тет цІыф пстэуми а хьакІэ-къокІэжъыр агъэшІагъоу лъыкІощтыгъэх. ЦІыфхэм блэгъожъыр агъэлъэпІагъ, ащ хьакІэ-къокІэжъым тетыгъо зэрэритыгъэм пае. 4ХьакІэ-къокІэжъыри агъэлъапІэзэ аІуагъ: «ХьакІэ-къокІэжъым хэта фэдэр? Хэта езэон зылъэкІыщтыр?»

12:14 илъэсищырэ ныкъорэ – мэфэ 1260-рэ мэхъу. Еплъ 12:6.

13:2 хьашыумышэ – урысыбзэкІэ «барс», тыркубзэкІи «парс», арапыбзэкІи «фахьэд» ары.

 

5ХьакІэ-къокІэжъым гущыІэ пагэхэр къыІонхэуи, Тхьэм ехъонынэуи фит хъугъэ, мэзэ тІокІитІурэ тІурэ* тетыгъо иІэнэуи фит хъугъэ. 6Тхьэми, Тхьэм ыцІи, чІыпІэу Тхьэр зыдэщыІэми, уашъом щыІэ пстэуми яхъонынэу ыжэ зэІуихыгъ. 7Тхьэм ицІыф лъапІэхэми язэонэу ыкІи атекІонэу фит хъугъэ. Унэгъо лъэпкъ пстэуми, хэгъэгу пстэуми, бзэ пстэуми, лъэпкъ пстэуми тетыгъо афыриІэнэу фит хъугъэ. 8Тхьэм дунаер къызигъэхъугъэм щегъэжьагъэу цІыфхэу зыцІэхэр шІобзыгъэ Шъынэм итхылъ итхэу, мыкІодыжьын щыІэныгъэ зыгъотыщт пстэуми анэмыкІэу дунаем тет цІыф пстэуми хьакІэ-къокІэжъыр агъэлъэпІэщт.

9ТхьакІумэ зиІэм зэхерэх.

10ЦІыфхэр хьапсым чІэзыдзэрэр хьапсыми чІадзэщт. СэшхокІэ зыукІырэри сэшхокІэ аукІыжьыщт.

Арышъ, Тхьэм ицІыф лъапІэхэмэ теубытэныгъэрэ шъыпкъагъэрэ ярэІ.

11ЕтІанэ нэмыкІ хьакІэ-къокІэжъ горэ чІы чІэгъым къычІэкІэу слъэгъугъэ. Шъынэм ыбжъакъохэм афэдэу бжъэкъуитІу тетыгъ, ау блэгъожъым фэдэу къэгущыІагъ. 12Мы ятІонэрэ хьакІэ-къокІэжъым апэрэ хьакІэкъокІэжъым итетыгъо зэкІэ иІэу, ащ ыпашъхьэ Іоф щишІагъ, чІылъэми чІылъэм тет цІыфхэми зэкІэ апэрэ хьакІэ-къокІэжъэу зиуІагъэ хъужьыгъагъэр аригъэгъэлъэпІагъ. 13ЯтІонэрэ хьакІэ-къокІэжъым нэшэнэ гъэшІэгъонышхохэри къыгъэлъэгъуагъэх. ЦІыфмэ апашъхьэ уашъом къикІэу машІо чІылъэм къыщыригъэхыгъ. 14Апэрэ хьакІэ-къокІэжъым ыпашъхьэ нэшэнэ гъэшІэгъонышхохэр къыгъэлъэгъонхэу ятІонэрэ хьакІэ-къокІэжъыр фит зэрэхъугъэм пае, дунаем тет цІыфхэр дихьыхыгъэх. Апэрэ хьакІэ-къокІэжъэу сэшхо уІагъэ зытелъэу, ау щытми псэугъэр агъэлъэпІэным пае, ятІонэрэ хьакІэ-къокІэжъым дунаем тет цІыфхэм шъо теплъэ фаригъэшІыгъ. 15Апэрэ хьакІэ-къокІэжъым ышъо теплъэ псэ хилъхьанэу ятІонэрэ хьакІэ-къокІэжъыр фит хъугъэ. Арэущтэу а шъо теплъэр къэгущыІагъ, ежь зыгъэлъэпІэнэу зымыдэхэрэри аукІынхэу а шъо теплъэм унашъо ышІыгъ. 16ЯтІонэрэ хьакІэ-къокІэжъым цІыф пстэуми, цІыкІуми инми, байми тхьамы-

13:5 мэзэ тІокІитІурэ тІурэ – еплъ 11:2.

 

кІэми, шъхьафитми пщылІми аІэ джабгъухэм е анатІэхэм тамыгъэ атраригъэдзагъ. 17А тамыгъэр темыдзагъэмэ, зыми ыщэнэу ыкІи къыщэфынэу фитыгъэп. А тамыгъэм хьакІэ-къокІэжъым ыцІэ е ыцІэ ипчъагъэ итыгъ.

18ЦІыфмэ зэхэшІыкІыныгъэ ярэІ. Іушыныгъэ зиІэм хьакІэ-къокІэжъым ипчъагъэ ерэлъыт, сыда пІомэ зы цІыфым ипчъагъэ* джары. А пчъагъэр шъихырэ тІокІищырэ хырэ мэхъу.

14

ЯПШІЫКІУПЛІЭНЭРЭШЪХЬ

Нэбгырэ минишъэрэ тІокІитІурэ плІырэм орэдэу къаІорэр

ЕтІанэ сызэплъэм, Сион Іуашъхьэм* Шъынэр тетэу слъэгъугъэ. Шъынэм ыцІэрэ ащ Ятэ ыцІэрэ зынатІэ тетхагъэхэу нэбгырэ минишъэрэ тІокІитІурэ плІырэ игъусагъэх. 2ЕтІанэ псышхо къиугъабэмэ амэкъэшхорэ шыблэ гъогъошхом ымэкъэшхорэ афэдэу макъэ горэ уашъом къиІукІэу зэхэсхыгъэ. Мэкъэшхоу зэхэсхыгъэр шыкІэпщынэ еуакІохэм яорэдмакъэ фэдагъ. 3ТІысыпІэ лъапІэм, псэушъхьиплІым, тхьамэтэ нахьыжъхэм апашъхьэ орэдыкІэ къыщаГуагъ. Нэбгырэ минишъэрэ тІокІитІурэ плІырэм анэмыкІэу а орэдыр зыми зэригъэшІэн ылъэкІыгъэп. Мы дунаем ицІыфхэм ащыщхэу ахэр ары Шъынэм зышъхьэ къыщэфыжьыгъэхэр. 4Мыхэр ары бзылъфыгъэхэмкІэ зызымыгъэушІоигъэхэр, сыда пІомэ ахэр къэзымыщагъэ-дэмыкІуагъэхэм афэдэх. Шъынэр тыдэ кІоми, лъэкІох. Мыхэр ары апэрэхэу, Шъынэм цІыфхэм къахищыхи, зышъхьэхэр къыщэфыжьыгъэхэу, Тхьэмрэ ежьыррэ апае ыгъэнэфагъэхэр. 5Ахэмэ ажэ пцІы зыхэлъ гущыІэ зи къыдэкІыгъэп. Лажьэ зи яІэп.

13:18 цІыфым ипчъагъэ – урымыбзэмкІи (иунаныбзэмкІи) джуртыбзэмкІи пчъагъэхэр хьарыфхэмкІэ (буквэхэмкІэ) атхых. ДжуртыбзэкІи урымыбзэкІи цІэхэр щыІэх, яхьарыфхэм къарыкІырэ пчъагъэхэр зэхэбгъахъохэмэ, шъихырэ тІокІищырэ хырэ зэхъухэрэр.

14:1 Сион Іуашъхьэр – Ерусалим ары.

 

МэлэІичищым къэбархэу къаІохэрэр

6Ащ нэужым нэмыкІ мэлэІич горэ ошъогум щыбыбэу слъэгъугъэ. Дунаем тет цІыф пстэуми, лъэпкъ пстэуми, унэгъо лъэпкъ пстэуми, бзэ пстэуми, хэгъэгу пстэуми аригъэІунэу Тхьэм икъэбарышІоу мыкІодыжьыщтыр а мэлэІичым къыхьыгъ. 7МэкъэшхокІэ къыІуагъ:

–Тхьэм шъущыщын, щытхъушхуи фэшъушІ, сыда пІомэ Тхьэм цІыф пстэуми хьыкум затыришІыхьащт сыхьатыр къэсыгъ. Уашъори, чІыри, хыри, псыхэм япсынэхэри къэзыгъэхъугъэр жъугъэлъапІэ.

8А мэлэІичым нэмыкІ мэлэІич кІэлъыкІуи къыІуагъ:

–Къэлэшхор зэхакъутагъ. Къэлэшхоу Вавилон* зэхакъутагъ. А къэлэшхом ихъопсэныгъэ Іаехэмрэ изинэрэ ясэнэпскІэ лъэпкъ пстэури ыгъэутэшъуагъэх.

9Ящэнэрэ мэлэІич горэ а мэлэІичитІумэ акІэлъыкІуи, мэкъэшхокІэ мырэущтэу къыІуагъ:

–ЦІыф горэм хьакІэ-къокІэжъымрэ ащ ышъо теплъэмрэ ыгъэлъапІэхэу, хьакІэ-къокІэжъым итамыгъэ ынатІэ, е ыІэ тедзагъэу щытмэ, 10ари Тхьэм игубж исэнэпс дыджы ешъощт. А сэнэпсэу псы зыхэмытыр Тхьэм игубж ишъуалъэ хьазырэу ит. МэлэІич лъапІэхэмрэ Шъынэмрэ апашъхьэ машІомрэ тхъомзашхъомрэ ахэтэу а цІыфым къинышхо ыщэчыщт. 11Къинышхо языгъэщэчырэ машІом иІугъо егъашІэм къыпихэу, уашъом дэкІоещт. ЦІыфхэу хьакІэ-къокІэжъри ащ ышъо теплъи зыгъэлъапІэхэрэм чэщи мафи гъэпсэфыгъо агъотыщтэп. Ащ фэдэу, хэти хьакІэ-къокІэжъым ыцІэ зэрыт тамыгъэ зытедзагъэм чэщи мафи гъэпсэфыгъо ыгъотыщтэп.

12Арышъ, Тхьэм ицІыф лъапІэхэу ежьым иунашъохэр зыгъэцакІэхэу, Исуси шъыпкъагъэ фызиІэхэм теубытэныгъэ ярэІ.

13ЕтІанэ макъэ горэм мырэущтэу къыІоу уашъом къиІукІэу зэхэсхыгъ:

–Тхы: Джы щегъэжьагъэу Зиусхьаныр зыгу илъхэу лІэхэрэр сыхьатмафэ ежьагъэх.

–Ар шъыпкъэ,– еІо Тхьэм Ыпсэ ЛъапІэ. –ЯІоф аухыгъэу загъэпсэфыщт, сыда пІомэ яшІушІагъэхэр агъотыжьыщтых.

14:8 къэлэшхоу Вавилон – Рим къэлэшхор ары къыригъэкІырэр.

 

Хыныгъор къэсыгъэу, мэлэІичхэм лэжьыгъэр къызэрахырэр

14ЕтІанэ сызэплъэм, ошъопщэ фыжь слъэгъугъэ. Ошъуапщэм хэсэу «ЦІыф Лъэпкъым Ыкъо» фэдэу, зыгорэ слъэгъугъэ. Ышъхьэ дышъэм хэшІыкІыгъэ тандж телъыгъ, ыІэкІи гъупчъэ чан горэ ыІыгъыгъ. 15ЕтІанэ нэмыкІ мэлэІич горэ Тхьэм иунэшхо къычІэкІи, ошъуапщэм хэсым мэкъэшхокІэ риІуагъ: «Гъупчъэр штэри, хы, сыда пІомэ чІылъэм илэжьыгъэ къэхъугъ, хыныгъори къэсыгъ». 16ЕтІанэ ошъуапщэм хэсым игъупчъэкІэ чІылъэм щыхи, чІылъэм илэжьыгъэ ыугъоижьыгъ.

17НэмыкІ мэлэІич горэ Тхьэм иунэшхоу уашъом щыІэм къычІэкІыгъ. Ащи гъупчъэ чан горэ ыІэкІэ ыІыгъыгъ. 18ЕтІанэ нэмыкІ мэлэІичэу машІом тетыгъо фызиІагъэр къурмэншІыпІэм къыІукІи, гъупчъэ чанэр зыІыгъырэм мэкъэшхокІэ риІуагъ: «ЧІылъэм исэнэ къулэхэм апыт сэнашъхьэхэр къэхъугъэшъ, уигъупчъэ чан штэри, къыпыупкІых». 19ЕтІанэ мэлэІичым игъупчъэкІэ чІылъэм щыІэ сэнашъхьэхэр къыпиупкІыхи, Тхьэм игубж исэнэ фызэлъэшхо ритэкъуагъэх. 20Къэлэшхом ыкІыб щыІэ сэнэ фызалъэм сэнашъхэхэр щафызыгъэх. Шыхэм яшхоІумэ анэсэу, стадие* минрэ шъихырэ икІыхьагъэу сэнэ фызалъэм лъы къыдэкІыгъ.

15

ЯПШІЫКІУТФЭНЭРЭШЪХЬ

МэлэІичхэм аужырэ къинышхохэр къызэрахьыхэрэр

Ащ нэужым нэмыкІ нэшанэ ин ыкІи гъэшІэгъон уашъом щыслъэгъугъ: мэлэІичиблымэ аужырэ къинышхуиблыр къахьыхэу слъэгъугъэ. АхэмкІэ Тхьэм игубж ухыгъэ мэхъу. 2ЕтІанэ зэхэкІухьэгъэ машІомрэ апчымрэ ахэшІыкІыгъэу, хым итеплъэ иІэу зыгорэ слъэгъугъэ. ХьакІэ-къокІэжъым, ащ ышъо теплъэм, ащ ыцІэ ипчъагъэм* атекІогъэгъэ цІыфхэр апчым хэшІыкІыгъэ хым Іутыгъэх. Тхьэм аритыгъэ шыкІэпщынэхэр аІыгъхэу

14:20 стадие – метер 192-рэ мэхъу. 15:2 ыцІэ ипчъагъэ – еплъ 13:18.

 

ежъыухэзэ, Зпегъымбар Мусэу Тхьэм фэлажьэрэмрэ Шъынэмрэ яорэд* къаІощтыгъ.

«О лъэкІыныгъэшхор зэкІэ зиІэ Зиусхьанэу Тхьэр,

Іофхэу бгъэцакІэхэрэр Іофышхох ыкІи Іоф гъэшІэгъоных.

Уигъогухэри гъогу зафэх ыкІи гъогу шъыпкъэх,

о цІыф лъапІэхэм уряпачъыхь. 4О Зиусхьан, къыпщымыщынэрэ цІыфи,

щытхъушхо къыпфэзымышІырэ цІыфи зи щыІэп.

Сыда пІомэ лъэпІэ закъоу щыІэр оры.

ШъыпкъагъэкІэ хьыкум зэрэпшІырэр нафэ зэрэхъугъэм пае,

лъэпкъ пстэури уапашъхьэ ихьанхэшъ, уагъэлъэпІэщт». 5ЕтІанэ сызэплъэм, Тхьэм иунэшхоу шыхьатныгъэм ичэтэнгъэІагъэ Іухыгъэу уашъом щыслъэгъугъ. 6МэлэІичхэу къинышхуиблыр къэзыхьыхэрэр Тхьэм иунэшхо къычІэкІыгъэх. Щыгъын фыжьыбзэхэр лыдхэу ащыгъыгъэх, дышъэм хэшІыкІыгъэ бгъэрылъхэри абгъэхэм арылъыгъэх. 7ЕтІанэ Іэгубжъиблэу дышъэм хэшІыкІыгъэхэу, Тхьэу егъашІэм щыІэщтым игубж зэрытхэр псэушъхьиплІымэ язырэм мэлэІичиблымэ аритыгъэх. 8Тхьэм ищытхъушхорэ илъэкІыныгъэшхорэ яІугъо Тхьэм иунэшхо чІизы хъугъэ. МэлэІичиблымэ къахьырэ къинышхуиблыр еухыфэ, цІыф Тхьэм иунэшхо чІэхьан ылъэкІыгъэп.

16

ЯПШІЫКІУХЭНЭРЭШЪХЬ

Іэгубжъэхэу Тхьэм игубж зэрытхэр

ЕтІанэ мэкъэшхо горэ Тхьэм иунэшхо къычІэІукІэу мэлэІичиблым къариІоу зэхэсхыгъ: «ШъукІуи, Тхьэм игубжэу Іэгубжъиблым арытыр чІылъэм тешъукІ».

2Апэрэ мэлэІичыр кІуи, иІэгубжъэ итыр чІылъэм тырикІагъ. Джащыгъум хьакІэ-къокІэжъым итамыгъэ

15:3 пегъымбар Мусэу Тхьэм фэлажьэрэмрэ Шъынэмрэ яорэд – еплъ Пегъэмбар Мусэ ятІонэрэ тхылъэу ытхыгъэм 15:1-18.

 

зынатІэ тедзэгъэ цІыфхэу ащ ышъо теплъэ зыгъэлъапІэхэрэм гущыкІыгъохэу щын зыхэлъ уІагъэхэр ателъ хъугъэ.

3ЯтІонэрэ мэлэІичыми иІэгубжъэ итыр хым хикІагъ. Ащ дэжьым хыр цІыф лІагъэм ылъ фэдэу хъуи, хым хэсхэу, псэ пыт пстэури лІагъэ.

4Ящэнэрэ мэлэІичыми иІэгубжъэ итыр псыхъохэмрэ псынэхэмрэ ахикІагъ. Ахэри лъы хъугъэх. 5ЕтІанэ псыхэм тетыгъо афызиІэ мэлэІичым мырэущтэу къыІоу зэхэсхыгъ:

«О Зиусхьанэу щыІагъэу ыкІи щыІэр, о узаф ыкІи улъапІ

арэущтэу хьыкумхэр зэрэпшІыгъэхэм пае, 6сыда пІомэ цІыф бзаджэхэм уицІыф лъапІэхэмрэ уипегъымбархэмрэ алъ зэрагъэчъагъэм пае, лъы ебгъэшъуагъэх. Ар ахэмэ яфэшъуаш». 7ЕтІанэ къурмэншІыпІэм къиІукІэу макъэ горэм къыІоу зэхэсхыгъэ:

«Ары, о, лъэкыныгъэшхор зэкІэ зиІэ Зиусхьанэу

Тхьэр, цІыфхэм хьыкум зэратепшІыхьэрэр шъыпкъэ ыкІи зафэ». 8ЯплІэнэрэ мэлэІичыми иІэгубжъэ итыр тыгъэм тырикІагъ. Тыгъэми машІокІэ цІыфхэр ыгъэстынхэу фит хъугъэ. 9Арэущтэу зэхъум, тыгъэм цІыфхэр фэбэгъэшхокІэ ыгъэстыгъэх. Ахэр мы къинышхомэ тетыгъо афызиІэ Тхьэм ыцІэ ехъоныгъэх, япсэкІодшІагъэхэм афыкІэмыгъожьыгъэхэу, Тхьэм щытхъу фашІынэуи адагъэп.

10ЕтІанэ ятфэнэрэ мэлэІичым иІэгубжъэ итыр хьакІэ-къокІэжъым итІысыпІэ тырикІагъ. Джащыгъум хьакІэ-къокІэжъым итетыгъо ыІэчІэгъ чІэт цІыфхэм шІункІыгъэ къатехьагъ. Узышхо зэряІэм пае, цІыфхэр абзэгухэм яцэкъэжьыщтыгъэх. 11Къинэу ащэчыгъэхэмрэ уІагъэхэу ателъыгъэхэмрэ апае уашъом щыІэ Тхьэм ехъоныгъэх, яІофхэми афыкІэгъожьыгъэхэп.

12ЕтІанэ яхэнэрэ мэлэІичым иІэгубжъэ итыр Евфрат псыхъошхом* хикІагъ. Джащыгъум тыгъэ къыкъокІыпІэмкІэ къикІырэ пачъыхьэхэм гъогу аритынэу псыхъошхор

16:12 Евфрат псыхъошхор – еплъ 9:14.

 

гъугъэ. 13Ащ нэужым блэгъожъым ыжэ, хьакІэ-къокІэжъым ыжэ, пегъымбар нэпцІым ыжэ хьантІаркъохэм афэдэхэу джынэпцІищ Іае къажэдэкІэу слъэгъугъэ. 14Мыхэр нэшэнэ гъэшІэгъонышхохэр къэзыгъэлъагъорэ джынапцІэх. ЛъэкІыныгъэшхор зэкІэ зиІэ Тхьэм имэфэшхо зэонхэу, тыдэкІи дунаем ипачъыхьэхэм адэжь кІохэзэ, аугъоих.

15(Исус еІо:) «Мары, амышІахэу тыгъуакІом фэдэу сыкъэкІощт. ЦІыфхэм алъэгъоу, пцІанэу ыкІи укІытэжьэу къымыкІухьаным пае, мычъыеу ыкІи сакъэу зищыгъынхэр зыухъумэрэр сыхьатмафэ ежьагъ».

16ЕтІанэ джуртыбзэкІэ Армагеддон* зыцІэ чІыпІэм а джынапцІэхэм пачъыхьэхэр щаугъоигъэх.

17ЕтІанэ яблэнэрэ мэлэІичым иІэгубжъэ итыр жьыбгъэм хикІагъ. Джащыгъум Тхьэм иунэшхо чІэт тІысыпІэ лъапІэм мэкъэшхо горэ къиІукІи къыІуагъ: «Іофыр ухыгъэ». 18ЕтІанэ пчыкІэхэр къэлъэгъуагъэх, шыблэ гъогъо мэкъэшхохэри къэІугъэх, чІылъэри лъэшэу къэсысыгъ. ЦІыфхэр дунаем къызытехьагъэхэм щегъэжьагъэу чІылъэр ащ фэдэу егъашІэми сысыгъэп. 19Арэущтэу къэлэшхор щэу зэхэкІыгъ, хымэ лъэпкъхэм якъалэхэри зэхэкъутагъэх. Тхьэм къэлэшхоу Вавилон* ицІыфхэр ыгу римыгъэкІыжьхэу ежь ишъуалъэ ит сэнэпсым ригъэшъуагъэх, Тхьэм игубжышхо исэнэпс дыдж ары зэригъэшъуагъэхэр. 20Хыгъэхъунэ* пстэури кІодыгъэх, Іуашъхьэхэри агъотыжьыгъэхэп. 21Ошъу цэшхохэр уашъом къехыхи, цІыфмэ къатефагъэх. Зы ошъу цэр килэ шъэныкъо фэдиз ионтэгъугъэу щытыгъ. Ошъухэм цІыфмэ къин зэрарагъэщэчыгъэм пае, цІыфхэр Тхьэм ехъоныгъэх, сыда пІомэ а къиныр бэу къинышхуагъ.

16:16 Армагеддон – ащ къикІырэр «Мегиддо къалэм иІуашъхь» ыІоу ары. А Іуашъхьэр Израил хэгъэгум итемыр ит. А чІыпІэм Израил цІыфхэр пыйхэм бэрэ щязаощтыгъэх. Еплъ Пачъыхьэхэм якъэбархэр зэрыт ятІонэрэ тхылъым (4-я Царств) 23:29-30.

16:19 къэлэшхоу Вавилон – еплъ 14:8.

16:20 хыгъэхъунэ – чІыгу гъушъэу псы гузэгум итыр ары.

17

ЯПШІЫКІУБЛЭНЭРЭШЪХЬ

ХьакІэ-къокІэжъым тес бзылъфыгъэр

ЕтІанэ Іэгубжъиблыр зыІыгъырэ мэлэІичиблым язырэр къакІуи, мырэущтэу къысиІуагъ:

–Мо къакІо, Тхьэм бзылъфыгъэ хэтэкІошхоу* псыбэмэ аІутым къинэу тырилъхьащтыр озгъэлъэгъущт. 2Дунаем ипачъыхьэхэм а бзылъфыгъэм зинэ дашІагъ, ащ изинэ исэнэпсыкІэ чІылъэм тет цІыфхэри утэшъуагъэх.

3Ащ нэужым Тхьэм Ыпсэ ЛъапІэ къысфехи, мэлэІичым шъоф нэкІым сищагъ. Ащ дэжьым хьакІэ-къокІэжъ плъыжь чІапцІэм тесэу бзылъфыгъэ горэ щыслъэгъугъ. А хьакІэ-къокІэжъым Тхьэм зэрехъонырэ цІэхэр бэу темыфэжьхэу телъыгъэх, шъхьибли пытыгъ, бжъэкъуипшІи тетыгъ. 4Бзылъфыгъэм щыгъынхэу щыгъыгъэхэр плъыжьыбзэуи плъыжь чІапцІэуи щытыгъэх. ДышъэмкІи, мыжъо лъапІэхэмкІи, налмэс-налкъутэхэмкІи зигъэкІэрэкІагъэу щытыгъ. ГущыкІыгъохэмрэ изинэ шІоигъэрэ изхэу, дышъэм хэшІыкІыгъэу шъуалъэ горэ ыІыгъыгъ. 5ЫнатІи цІэ горэ тетхагъ: Мыр шъэфы.

Мыр Вавилонышхоу бзылъфыгъэ хэтэкІо пстэухэмрэ чІылъэм игущыкІыгъохэмрэ ян.

6А бзылъфыгъэр Тхьэм ицІыф лъапІэхэмрэ Исус шыхьат фэхъугъэхэмрэ алъыкІэ утэшъуагъэу слъэгъугъэ.

А бзылъфыгъэр зысэлъэгъум, лъэшэу згъэшІэгъуагъэ. 7Джащыгъум мэлэІичым мырэущтэу къысиІуагъ:

–Сыда зыкІэбгъэшІагъорэр? Бзылъфыгъэмрэ ар зытес хьакІэ-къокІэжъэу шъхьибл зыпытэу, бжъэкъуипшІи зытетымрэ къарыкІырэр къыосІон. 8ХьакІэ-къокІэжъэу плъэгъугъэр щыІагъ, ау джы щыІэжьэп. ЧІылъэм икуупІэу чІэ зимыІэм къычІэкІыщт* икІодыпІэ кІоным пае. Дунаем тет цІыфхэу Тхьэм дунаер къызигъэхъугъэм къыщегъэжьагъэу мыкІодыжьын щыІэныгъэ зыгъотыщтхэм ацІэхэр зэрыт тхылъым чІылъэм тет

17:1 бзылъфыгъэ хэтэкІошхор – Рим къэлэшхор ары къыригъэкІырэр.

17:8 хьакІэ-къокІэжъыр . . . чІылъэм икуупІэу чІэ зимыІэм къычІэкІыщт – еплъ 11:7.

 

цІыфхэу зыцІэхэр имытхэм а хьакІэ-къокІэжъыр залъэгъукІэ, агъэшІэгъощт, сыда пІомэ хьакІэ-къокІэжъыр щыІагъ, джы щыІэжьэп, ау къэлъэгъожьыщт.

9–ЗэхэшІыкІыныгъэ зиІэ акъыл цІыфмэ ярэІ. А шъхьиблымэ къарыкІырэр бзылъфыгъэр зытес Іошъхьиблыр ары. 10Ащ нэмыкІэу а шъхьиблымэ къарыкІырэр пачъыхьиблыр ары. А пачъыхьэхэм ащыщхэу тфыр къефэхыгъэх, зыр щыІ, зыри джыри къэкІуагъэгоп. Ари къызыкІокІэ, тІэкІурэ тетыгъо иІэщт. 11ХьакІэ-къокІэжъэу щыІагъэу, джы щымыІэжьым къикІырэр яенэрэ пачъыхьэр ары. Ар пачъыхьиблымэ ащыщ, икІодыпІй мэкІожьы.

12–БжъэкъуипшІэу плъэгъугъэхэм къарыкІырэр джыри тетыгъо зымыгъотыгъэ пачъыхьипшІыр ары. Ахэр хьакІэ-къокІэжъым игъусэхэу зы сыхьат закъокІэ пачъыхьэ тетыгъо агъотыщт. 13Ахэмэ ягухэлъ зы, ялъэкІыныгъи ятетыгъуи хьакІэ-къокІэжъым ратыщт. 14Ахэр Шъынэм къезэощтых, ау Шъынэр ахэмэ атекІощт, сыда пІомэ ар зиусхьанхэм я Зиусхьаныжь, пачъыхьэхэми я Пачъыхьэжь. Ежьыр къызэджагъэ цІыфхэу, къыхихыгъэхэу, ежьым фэшъыпкъэхэр игъусэщтых.

15ЕтІанэ мэлэІичым мырэущтэу къысиІуагъ:

–Бзылъфыгъэ хэтакІор зыдэщыІэрэ псыбэу плъэгъугъэхэм къарыкІырэр цІыф купышхохэри, хэгъэгухэри, лъэпкъхэри, бзэхэри ары. 16Плъэгъугъэ хьакІэ-къокІэжъымрэ бжъэкъуипшІымрэ бзылъфыгъэ хэтакІор ауджэгъущт. Ащ иІэ пстэури тырахынхэшъ, пцІанэу къагъэнэщт. Ыпкъи ашхыщт, къэнагъэри машІокІэ агъэстыщт. 17Сыда пІомэ Тхьэм игухэлъ агъэцэкІэнэу агухэм къарилъхьагъ. Арэущтэу Тхьэм игущыІэхэр къэшъыпкъэжьыфэ, ахэмэ ягухэлъ зы зэдашІэу ятетыгъо хьакІэ-къокІэжъым ратыщт. 18Бзылъфыгъэу плъэгъугъэм къикІырэр къэлэшхоу дунаем ипачъыхьэхэм тетыгъо афызиІэр ары.

18

ЯПШІЫКЮЕНЭРЭШЪХЬ

Тхьэм Вавилон къэлэшхор зэрэзэхикъутэрэр

Ащ нэужым нэмыкІ мэлэІич горэ уашъом къехэу слъэгъугъэ. Тетыгъошхо иІагъ, нэфынэшхоу къэзыуцухьагъэми дунаер къыгъэнэфыгъ. 2ЛъэкІыныгъэ зиІэ макъэкІэ мырэущтэу къыІуагъ:

«Къэлэшхор зэхакъутагъ.

Къэлэшхоу Вавилон зэхакъутагъ.

Джынэхэм яунэ хъугъэ,

сыд щыщырэ джынэпцІэ Іаехэми,

гущыкІыгъо бзыу шІойхэми япсэупІэу хъугъэ,

сыда пІомэ а къэлэшхом ихъопсэныгъэ Іаехэмрэ

изинэрэ ясэнэпскІэ лъэпкъ пстэури ыгъэутэшъуагъэх. 3Дунаем ипачъыхьэхэми а къэлэшхом зинэ дашІагъ. А къэлэшхор мы дунаем имылъкухэмкІэ нэйпсеу

зэрэщытыгъэм пае, дунаем ищэн-щэфакІохэр баи хъугъэх». 4ЕтІанэ уашъом къиІукІэу нэмыкІ макъэ горэм мырэущтэу къыІоу зэхэсхыгъэ:

«Шъо сицІыфхэр, а къэлэшхом ипсэкІодхэмкІэ Іахьэ шъуимыІэным паий,

къинышхоу ыщэчыщтхэр шъумыщэчынхэм паий, а къалэм шъукъыдэкІ, 5сыда пІомэ а къалэм ипсэкІодхэр зэтелъхьагъэхэу уашъом нэсыгъэх, бзэджагъэу ышІагъэхэри Тхьэм ыгу икІыжьыщтхэп. 6А къалэр шъо къызэрэжъудэзекІуагъэм фэдэу, шъори ащ шъудэзекІожь.

Ащ бзэджагъэу ышІагъэхэр фэдитІоу ешъушІэжь. Сэнэпсэу шъуишъуалъэ къышъуфыригъэхъуа-

гъэм идыджыгъэ фэдитІоу сэнэпс дыдж ишъуалъэ фижъугъэхъожь. 7Щытхъушхорэ баиныгъэшхорэ ежь зэрэзыфигъэшъошагъэм фэдэу, къин щэчыныгъэрэ гукъаорэ ежъугъэгъотыжь. Сыда пІомэ ыгукІэ мырэущтэу еІо:

 

'Сэ сыпачъыхьэ бзылъфыгъэу мыщ дэжьым сыщыс.

Сэ шъузабэу сыщытэп, шъыгъоныгъи ныбжьи слъэгъущтэп'. 8Ащ пае зы мафэкІэ къинышхохэм ахэфэщт:

лІэныгъи, шъыгъоныгъи, гъабли.

МашІомкІи стыжьыщт,

сыда пІомэ Зиусхьан Тхьэу

а къалэм хьыкум тезышІыхьэрэм лъэкІыныгъэшхо иІ». 9Дунаем ипачъыхьэхэу зинэ дэзышІагъэхэу, ибаиныгъэшхокІэ дэпсэухэрэм а къэлэшхор зыгъэстырэ машІом иІугъо залъэгъукІэ, гъыщтых ыкІи пыхьащтых. 10А къэлэшхом къинышхоу ыщэчырэм пае, а пачъыхьэхэр щынагъом хэфэщтых, чыжьэу щытхэу, мырэущтэу къаІощт:

«О Вавилон къэлэшхоу, лъэкІыныгъэ зиІэр,

сыхьатмыгъо уежьагъ, сыхьатмыгъо уежьагъ,

сыда пІомэ зы сыхьаткІэ уифэшъуашэ уагъэпщыныжьыгъ». 11А къэшхор Тхьэм зэрэзэхикъутагъэм пае, дунаем ищэн-щэфакІохэр гъыщтых ыкІи шъыгъощтых, сыда пІомэ ахэмэ ащэхэрэр зыми ыщэфыжьхэрэп. 12Ядышъи, ятыжьыни, ямыжъо лъапІэхэри, яналмэс-налкъутэхэри зыми ыщэфыжьхэрэп; чэтэнхэри, шэкІ плъыжьыбзэхэри, шэкІ плъыжь чІапцІэхэри, данэхэри зыми ыщэфыжьхэрэп; мэ ІэшІу зыпихырэ пхъэхэри, яІэшІагъэхэу пыл къупшъхьэм, пхъэ лъапІэм, гъуаплъэм гъучІым, мрамэрым ахашІыкІыгъэхэри зыми ыщэфыжьхэрэп; 13мэ ІэшІузыпихырэ уцхэу синамон, смирнэ, ладан зыцІэхэри, мэ ІэшІу зыпихырэ дагъэри, сэнэпсри, зейтун дагъэри,* хьаджьыгъэ дэгъури, коцыри зыми ыщэфыжьхэрэп; былымхэри, мэлхэри, шыхэри, кухэри зыми ыщэфыжьхэрэп; пщылІхэри зыми ыщэфыжьхэрэп.

14ЕтІанэ щэн-щэфакІохэм а къэлэшхом мырэущтэу раІощт: «Пхъэшъхьэ-мышъхьэхэу узыкІэхъопсыгъэхэр о пшІокІодыгъэх. Уимылъкушхорэ уищытхъушхорэ зэкІэ пшІокІодыгъэх, ныбжьи бгъотыжьыщтхэп». 15ЩэнщэфакІохэу ахэр къэлэшхом щащэхэзэ, баи хъугъэхэр, къэлэшхом икъинышхоу ыщэчырэм пае, щынагъом хэфагъэхэу, чыжьэу щытыщтых. Гъыхэзэ, шъыгъохэзэ, мырэущтэу аІощт:

18:13 зейтун дагъэр – оливэ дагъэр ары.

 

16«О къэлэшхор, бзылъфыгъэм уфэдэу, чэтэныр, шэкІ плъыжьыбзэр, шэкІ плъыжьэ чІапцІэр пщыгъыхэу, дышъэкІэ, мыжъо лъапІэхэкІэ, ыкІи налмас-налкъутэхэмкІэ зыбгъэкІэрэкІагъ, сыхьатмыгъо уежьагъ, сыхьатмыгъо уежьагъ. 17Сыда пІомэ а мылъкушхор зэкІэ зы сыхьаткІэ а къалэм шІокІодыгъ». Къухьэхэм ятхьамэтэ пстэухэри, къухьэмкІэ зекІорэ пстэухэри, къухьэмэ ащылажьэрэ пстэухэри чыжьэу щытыщтых. 18А къэлэшхор зыстырэ машІом иІугъо залъэгъукІэ аІощт: «А къэлэшхом фэдэ къэлэшхо зи щыІагъэп». 19Гъыхэзэ, шъыгъохэзэ ягукъао пае, ашъхьэхэм сапэ атыратэкъощт ыкІи куощтых:

«О къэлэшхор, сыхьатмыгъо уежьагъ, сыхьатмыгъо

уежьагъ. О уимылъкукІэ хым къухьэ щызиІэ пстэури баи

хъугъэх. Зы сыхьаткІэ зэкІэ пшІокІодыгъ. 20 А къэлэшхор Тхьэм зэрэзэхикъутагъэм пае, шъо уашъори, апостолхэри, пегъымбархэри, Тхьэм ицІыф лъапІэхэри шъугушІу, сыда пІомэ бзэджагъэу къышъуишІагъэр Тхьэм а къалэм ригъэпщыныжьыгъ». 21ЕтІанэ кІуачІэ зиІэ мэлэІич горэм шъхьал мыжъом фэдэу, мыжъошхо горэ къыІэти, хым хидзи, мырэущтэу ыІуагъ:

«Вавилон къэлэшхор ащ фэдэ кІочІэшхокІэ

къырадзыхыщт, ныбжьи агъотыжьыщтэп.

22ШыкІэпщынэм, къамылым, бжъэмыем

амакъэхэри, орэд макъэхэри а къэлэшхом щызэхахыжьыщтхэп. Сыд щыщырэ ІэшІагъэ зиІэри а къэлэшхом щы-

лэжьэжьыщтэп. Шъхьал мыжъо макъэри а къэлэшхом щызэхахы-

жьыщтэп.

23Остыгъэ нэфыни а къэлэшхом щыблэжьыщтэп. Шъаомрэ нысэмрэ амакъэхэри ащ щызэхахыжьы-

щтэп. А къэлэшхом ищэн-щэфакІохэр мы дунаем ицІыф инхэм ащыщыгъэх.

 

Иушхъухьаныгъэ лъэпкъ пстэури ыгъэгъуащэ-

щтыгъ. 24Пегъымбархэм алъ, Тхьэм ицІыф лъапІэхэм алъ, цІыфхэм чІылъэм щаукІыгъэ цІыф пстэуми

алъ а къэлэшхом щагъотыгъ».

19

ЯПШІЫКІУБГЪОНЭРЭШЪХЬ

Ащ нэужым уашъом щыІэ купышхо горэм ымэкъэшхо фэдэ мэкъэшхо горэм къыІоу зэхэсхыгъ:

«Аллилуя! Тхьэр ары тымыкІодэу тыкъэзыгъэнэ-

жьырэр. Щытхъушхори лъэкІыныгъэшхори ежьым ий. 2ЦІыфхэм хьыкум зэратришІыхьарэр шъыпкъэ ыкІи зафэ, сыда пІомэ бзылъфыгъэ хэтэкІошхоу зизинэ шІэ-

нымкІэ дунаер зыгъэкІодыщтыгъэр ащ ыгъэмысагъ. Тхьэм ежьым фэлажьэрэ цІыфхэм алъэу а бзылъфыгъэ хэтэкІошхом ыгъэчъагъэр ригъэпщыныжьыгъ». 3Джыри зэ а купышхор къэджагъ:

«Аллилуя! А къэлэшхор зыстырэ машІом иІу-

гъо егъашІэм къыпихэу уашъом дэкІоещт». 4ЕтІанэ тхьамэтэ нахьыжъхэу тІокІырэ плІырэмрэ псэушъхьиплІымрэ чІым зырадзыхи, тІысыпІэ лъапІэм тес Тхьэр агъэлъапІэзэ аІуагъ: «Амин,* Аллилуя!» 5Джащыгъум тІысыпІэ лъапІэм къиІукІэу макъэ горэм къыІуагъ:

«Шъо Тхьэм фэлэжьэрэ цІыф пстэуми, шъо Тхьэм ищынагъо зыгу илъхэм, цІыкІуми инми, ти Тхьэ щытхъушхо фэшъушІ!» 6ЕтІанэ цІыф купышхом ымэкъэшхо псышхо къиугъабэмэ амэкъэшхо, шыблэм игъогъэ мэкъэшхомэ афэдэ

19:4 Амин – джуртыбзэм щыщ гущыІэу «Арэущтэу орэхъу» къызэрыкІырэр ары.

 

мэкъэшхохэм мырэущтэу къаІоу зэхэсхыгъ:

«Аллиуя! ЛъэкІыныгъэшхор зэкІэ зиІэу, ти Зиусхьанэу Тхьэм тетыгъошхо зэриІэр къыгъэнэфагъ. 7ТыжъугъэгушІу ыкІи тыжъугъэтхъэжь, шытхъушхуи фэтэжъугъэшІ. Сыда пІомэ Шъынэм икъэщэгъу къэсыгъ, шъхьэгъусэу хъущт пшъашъэм зигъэхьазырыгъ. 8Чэтэн лыдэу ыкІи къабзэу зыщилъэнэу мэлэІич горэм Шъынэм шъхьэгъусэу хъущт пшъашъэм ритыгъ». (Чэтэным къикІырэр Тхьэм ицІыф лъапІэхэм яшъыпкъагъ ары). 9ЕтІанэ мэлэІичым къысиІуагъ:

–Мыхэр тхых: «Шъынэм инысащэ къыригъэблэгъагъэхэр сыхьатмафэ ежьагъэх». ЕтІани къысиІуагъ: –Мыхэр Тхьэм игущыІэ шъыпкъэх.

10Джащыгъум згъэлъэпІэнэу мэлэІичым ылъакъохэм адэжь зесыдзыхыгъ. Ау ащ къысиІуагъ:

–Арэущтэу умышІы. Оррэ пшыхэу Исус шыхьат фэхъухэрэмрэ сышъуигъусэу сэри Тхьэм сыфэлажьэ. Тхьэр ары бгъэлъэпІэн фаер. Сыда пІомэ Тхьэм игущыІэхэр пегъымбармэ агухэм къарилъхьэхи, къызфаригъэІуагъэхэр Исус ехьылІэгъэ къэбарышІур къаІотэныр ары.

Шы фыжьым тесыгъэр

11ЕтІанэ уашъор зэІухыгъэу слъэгъугъэ. Сызэплъэм, шы фыжь горэ къэлъэгъуагъ. Шым тесым «Шъыпкъагъэ зиІэ цІыфэу узщыгугъышъунэу щытымкІэ» еджэхэу раІо. ШъыпкъагъэкІэ хьыкум ешІы ыкІи мэзао. 12Ынэхэри мэшІотхъуабзэм фэдагъэх. Ышъхьи пачъыхьэ тандж Іаджи телъыгъэх. Ежь нэмыкІ зыми ымышІэу цІэ горэ ынатІэ тетхагъэу щытыгъ. 13Лъым хэгъэуагъэу джэнэ кІыхьэ щыгъыгъ. Ащ ыцІэр: Тхьэм и ГущыІ. 14Шы фыжьхэм атесхэу, чэтэн фыжь къабзэхэмкІэ фэпагъэхэу уашъом идзэхэр ащ лъыкІощтыгъэх. 15Лъэпкъхэм зэряощт сэшхо чан ыжэ къыдэкІэу щытыгъ. Лъэпкъхэр гъучІ бэщкІэ ыгъэІорышІэщтых. ЛъэкІыныгъэшхор зэкІэ зиІэ Тхьэм игубжышхо исэнэ фызалъэм сэнашъхьэхэр рифызэщтых. 16Пачъыхьэхэм я Пачъыхьэжь, зиус-

 

хьанхэми я Зиусхьаныжь зыфаІорэ цІэр ишъошэ кІыхьи ыкохэми атетхагъэу щытыгъ.

17ЕтІанэ тыгъэм хэтэу зы мэлэІич горэ слъэгъугъэ. Ошъогум щыбыбырэ бзыу пстэуми мэкъэшхокІэ мырэущтэу ариІуагъ: «Тхьэм иешхэ-ешъошхо пае шъузэрэугъоий, шъукъеблагъ, 18пачъыхьэхэм ал, дзэ пэщэшхохэм ал, лъэкІыныгъэ зиІэ цІыфхэм ал, шыхэм ал, шыухэм ал, шъхьафитми, пщылІми, цІыкІуми, инми, цІыф пстэуми ал шъушхыным пае».

19ЕтІанэ хьакІэ-къокІэжъыр,* дунаем ипачъыхьэхэр ядзэхэр слъэгъугъэх. Ахэр шым тесымрэ идзэмрэ язэон хэу зэрэугъоигъэх. 20Ау шым тесымрэ идзэрэ хьакІэкъокІэжъыри пегъымбар нэпцІэу* ащ ыпашъхьэ нэшэнэ гъэшІэгъонхэр щызыгъэлъэгъогъагъэри аубытыгъэх. А нэшанэхэмкІэ хьакІэ-къокІэжъым цІыфхэу ежь итамыгъэ зытедзагъэхэу, ышъо теплъи зыгъэлъапІэхэрэр дихьыхыгъагъэх. Шым тесымрэ идзэрэ хьакІэ-къокІэжъри пегъымбар нэпцІри заубытыхэ ужым, а тІури псаухэу тхъомзашхъом имашІокІэ стырэ хым* хадзагъэх. 21Къэнагъэхэри шым тесым ежьым ыжэ къыдэкІырэ сэшхомкІэ ыукІыгъэх, бзыухэми зэкІэ ахэмэ алкІэ загъэшхэкІыгъ.

20

ЯТЮКІЭНЭРЭШЪХЬ

Илъэс минхэр

ЕтІанэ уашъом къехэу мэлэІич горэ слъэгъугъэ. ЧІылъэм икуупІэу чІэ зимыІэм* иІункІыбзи блэрыпс ин гори ыІыгъыгъэх. 2Блэгъожъыр, а блэжъэу иблыскІэ е шэйтанкІэ заджэхэрэр ыубыти, илъэс минкІэ рипхыгъ. 3 ЧІылъэм икуупІэу чІэ зимыІэм чІидзи, ыгъэпытэжьи, мы-

 

19:19 хьакІэ-къокІэжъыр – апэрэ хьакІэ-къокІэжъэу хым къыхэкІыгъэр ары. Еплъ 13:1-10.

19:20 пегъымбар нэпцІыр – ятІонэрэ хьакІэ-къокІэжъэу чІы чІэгъым къычІэкІыгъэр ары. Еплъ 13:11-15.

19:20 машІокІэ стырэ хыр – джэхьнэмыр ары. Еплъ 14:10; 20:10.

20:1 чІылъэм икуупІэу чІэ зимыІэр – джынапцІэхэм яхьапс ары.

 

хъури тыридзагъ, илъэс миныр текІыфэ, лъэпкъхэр ымыгъэпцІэнхэм пае. А илъэс миным ыуж охътэ макІэкІэ шъхьафитныгъэ иІэнэу атІупщыжьын фае.

4ЕтІанэ тхьэмэтэ тІысыпІэхэри, а тІысыпІэхэм атес цІыфхэу адрей цІыфхэм хьыкум атезышІыхьанхэу Тхьэм тетыгъо зэритыгъэхэри слъэгъугъэх. Исус шыхьат зэрэфэхъугъэхэм ыкІи Тхьэм игущыІэхэр цІыфхэм зэрарагъэІугъэхэм пае, зышъхьэ паупкІыгъэхэм апсэхэри слъэгъугъэх. Ахэмэ хьакІэ-къокІэжъымрэ ышъо теплъэрэ агъэлъэпІэгъагъэхэп, анатІэхэми аІэхэми хьакІэкъокІэжъым итамыгъэ* атрадзэнэу адэгъагъэп. Ахэр къэпсэужьхи, Христос игъусэхэу илъэс миным къыкІоцІ тетыгъо яІэ хъугъэ. 5А илъэс миныр зэтекІыфэ, адрэ къэнэгъэ лІагъэхэр къэпсэужьыгъэхэп. Мыхэр ары апэрэхэу лІагъэхэм къахэтэджыкІыжьыгъэхэр. 6Апэрэхэу лІагъэхэм къахэтэджыкІыжьхэрэр лъапІэх ыкІи сыхьатмафэ ежьагъэх. ЯтІонэрэ лІэныгъэм* иягъэ ахэмэ аригъэкІынэу лъэкІыныгъэ иІэп. Ахэр Тхьэмрэ Христосрэ афэлажьэрэ дин пащэхэу щытыщтых, Христоси игъусэхэу илъэс миным къыкІоцІ тетыгъо яІэщт.

Шэйтаным зэрэтекІохэрэр

7А илъэс миныр зытешІэхэкІэ, шэйтаныр хьапсым къычІатІупщыкІыжьыщт. Ар кІонышъ, чІылъэм ылъэныкъуиплІ щыІэ лъэпкъхэу Гогрэ Магогрэ* зыфаІохэрэр ыгъэпцІэщтых. Ахэр зэонхэм пае ыугъоищтых. Ахэмэ япчъагъэ хым ипшахъо фэдизыщт. 8Арэущтэу чІылъэм ишъомбгъуагъэ зэлъаубытызэ кІохи, Тхьэм ицІыф лъапІэхэм яуцупІэу Тхьэм шІу ылъэгъурэ къэлэшхор* къауцухьагъ. 9Ау машІор уашъом къехи, ахэр ыгъэкІодыгъэх. 10Шэйтанэу ахэр зыгъэпцІагъэр машІорэ тхъомзашхъорэкІэ стырэ хым хадзагъ. А хым хьакІэ-къокІэжъри пегъымбар нэпцІри хадзэгъагъэх. А хым чэщи мафи егъашІэм къинышхор щащэчыщт.

20:4 хьакІэ-къокІэжъым итамыгъэ – еплъ 13:16; 14:9.

20:6 ятІонэрэ лІэныгъэр – еплъ 20:14; 21:8.

20:7 Гогрэ Магогрэ – лъэпкъхэу Тхьэм ицІыфхэм язэонхэу зэрэугъоигъэхэр ары. Еплъ Пегъымбар Иезекиил тхылъэу ытхыгъэм 38 ыкІи 39.

20:8 Тхьэм шІу ылъэгъурэ къэлэшхор – Ерусалим ары.

 

Тхьэм цІыфхэм хьыкум зэратришІыхьэрэр

11ЕтІанэ тІысыпІэ лъэпІэ фыжь инымрэ ащ тесымрэ слъэгъугъэх. ТІысыпІэ лъапІэм тесым ыпашъхьэ чІылъэри уашъори зэдэкІодыгъэх, чІыпІи къафэнэжьыгъэп. 12ЦІыф лІагъэхэр, цІыкІуи, ини, тІысыпІэ лъапІэм ыпашъхьэ щытхэу слъэгъугъэх. МэлэІичхэм тхылъ горэхэр зэгуахыгъэх. НэмыкІ тхылъэу мыкІодыжьын щыІэныгъэ зыгъотыщтхэм ацІэхэр зэрытыр зэгуахыгъ. ТІысыпІэ лъапІэм тесым лІагъэхэм Іофэу ашІагъэхэу а тхьылъхэм арытхэм атетэу хьыкум атыришІыхьагъ. 13Хым цІыф лІагъэхэу хэлъыгъэхэр къытыжьыгъэх. ЛІэныгъэми, лІагъэхэм ядунаий цІыф лІагъэхэу яІагъэхэр къатыжьыгъэх, тІысыпІэ лъапІэм тесым хэти ышІагъэхэм атетэу хьыкум тыришІыхьагъ. 14ЕтІанэ мэлэІичхэм лІэныгъэри, лІагъэхэм ядунаий машІокІэ стырэ хым хадзагъэх. А хэу машІокІэ стырэр ятІонэрэ лІэныгъэр ары. 15МыкІодыжьын щыІэныгъэ зыгъотыщтхэм ацІэхэр зэрыт тхылъым цІыфхэу зыцІэхэр рамыгъотагъэхэр машІокІэ стырэ хым хадзагъэх.

21

ЯТЮКІЫРЭ ЗЫНЭРЭШЪХЬ

ОшъуакІэмрэ чІылъакІэмрэ

ЕтІанэ ошъуакІэри чІылъакІэри слъэгъугъэх, сыда пІомэ, апэрэ уашъори апэрэ чІылъэри щыІэжьыгъэхэп, хыри щыІэжьыгъэп. 2Ащ нэужым къэлэшхо лъапІэу ЕрусалимыкІэр, Тхьэм ыдэжь къикІэу, уашъом къехэу слъэгъугъэ. Шъхьэгъусэу хъущт пшъашъэм кІалэм зызэрэфигъэкІэрэкІагъэм фэдэу, зигъэхьазырыгъэу щытыгъ. 3ТІысыпІэ лъапІэм къиІукІэу мэкъэшхо горэ мырэущтэу къыІоу зэхэсхыгъ:

–Мары Тхьэм ипсэупІэ цІыфмэ ахэт, ежьыри ахэсыщт. Ахэри ылъэпкъэу хъущтых. Ежь Тхьэри ахэмэ ягъусэщт, я Тхьэуи щытыщт. 4Ахэмэ анэхэм нэпс пстэури акІилъэкІыкІыжьыщт. ЛІэныгъэри щыІэжьыщтэп, шъыгъонри, гъынри, узри щыІэжьыщтхэп, сыда пІомэ ыпэрэ Іофхэр щыІэжьхэп.

5ЕтІанэ тІысыпІэ лъапІэм тесым къыІуагъ:

 

–Мары, Іоф пстэури кІэу сэшІыжьых.

–Мыхэр тхых,– къыпигъэхъожьыгъ етІанэ, –сыда пІомэ мыхэр узщыгугъышъун гущыІэ шъыпкъэх.

6–Іофыр ухыгъэ,– къысиІуагъ етІанэ. –Алфэрэ Омегэрэ, ублапІэри кІэухыри сэры. ПсыфалІэ лІэрэр щыІэныгъэ къэзытырэ псынэм ипс щыщ уасэ хэмылъэу езгъэшъощт. 7ТекІоныгъэр къэзыхьырэм мы пстэури ІэхьышІоу къылъысыщт. Сэ ежьым и Тхьэу сыщытыщт, ежьыри сэ скъоу щытыщт. 8Ау щынэ къэрабгъэхэм, шІошъхъуныгъэ зимыІэхэм, зызыгъэушІоигъэхэм, цІыф укІакІохэм, зинэ зышІэхэрэм, ушхъухьаныгъэм пылъхэм, тхьэ нэпцІ зыгъэлъапІэхэрэм, пцІыусхэм – ахэмэ яІахьэр машІорэ тхъомзашхъорэкІэ стырэ хыр ары. Ар ятІонэрэ лІэныгъэр ары.

 

ЕрусалимыкІэр

9Аужырэ къинышхуиблыр зэрыт Іэгубжъиблыр зыІыгъырэ мэлэІичиблымэ язырэр къакІуи къысиІуагъ:

–Мо къакІуи, Шъынэм ишъхьагъусэу хъущт пшъашъэр озгъэлъэгъущт.

10Тхьэм Ыпсэ ЛъапІэ къысфехыгъэу, мэлэІичым Іошъхьэ лъэгэшхо горэм сыдищэягъ. Тхьэм ыдэжь къикІэу, уашъом къехэу, къэлэшхо лъапІэу Ерусалим сигъэлъэгъугъэ. 11А къэлэшхом Тхьэм ищытхъушхо иІагъ. Кристаллым фэдэ къабзэу, яспис зыцІэ мыжъо лъапІэ фыжьым фэдэу лыдыщтыгъ. 12Къалэм дэпкъ лъэгэшхоу къэлэпчъэ пшІыкІутІу зыхэтыр иІагъ. Къэлапчъэхэм мэлэІич пшІыкІутІу аІутыгъэх. Къэлапчъэхэм Израил иунэгъо лъэпкъ пшІыкІутІумэ ацІэхэр атетхагъэхэу щытыгъэх. 13Тыгъэ къыкъокІыпІэмкІэ къэлэпчъищ, тыгъэ къохьапІэмкІи къэлэпчъищ, къыблэмкІи къэлэпчъищ, темырымкІи къэлэпчъищ хэтыгъэх. 14А къалэм идэпкъ лъэпсэ пшІыкІутІу иІагъ. А лъапсэхэм Шъынэм иапостол пшІыкІутІумэ ацІэхэр атетхагъэхэу щытыгъэх.

15МэлэІичэу къыздэгущыІагъэм къалэр, къалэм икъэлапчъэхэр, идэпкъ ышынхэм пае, дышъэм хэшІыкІыгъэ бэщ шапхъэ ыІыгъыгъ. 16Къалэм икІыхьагъи ишъомбгъуагъи зэфэдизэу щытыгъ. МэлэІичым ибэщкІэ къалэр ышыгъ. Къалэм икІыхьагъэ стадие* минпшІыкІутІум

21:16 стадие – метер 192-рэ мэхъу.

 

фэдизэу щытыгъ. Ишъомбгъуагъи илъэгагъи ащ фэдизэу щытыгъ. 17МэлэІичым дэпкъыри ышыгъ. ЦІыфмэ зэрашырэм фэдэу, мэлэІичым зешым, дэпкъым ишъомбгъуагъэ Іэнтэгъуишъэрэ тІокІитІурэ плІырэ хъугъэ. 18Дэпкъыри яспис мыжъо лъэпІэ фыжьым хэшІыкІыгъагъ. Къалэри апчым икъэбзагъэ фэдэ къэбзагъэ зиІэ дышъэм хэшІыкІыгъагъ. 19Къалэм идэпкъ лъапсэхэри зэфэшъхьаф мыжъо лъапІэхэмкІэ агъэкІэрэкІагъэхэу щытыгъэх. Апэрэ лъапсэр яспис зыцІэ мыжъо лъэпІэ фыжьым хэшІыкІыгъ; ятІонэрэри сапфир мыжъо шхъуантІэм хэшІыкІыгъ; ящэнэрэри халкидон мыжъо къолэным хэшІыкІыгъ; яплІэнэрэри смарагд мыжъо уцышъуабзэм хэшІыкІыгъ; 20ятфэнэрэри сардоникс мыжъо къолэн лыдым хэшІыкІыгъ; яхэнэрэри сердолик мыжъо плъыжь хьаплъым* хэшІыкІыгъ; яблэнэрэри хризолиф мыжъо гъожьым хэшІыкІыгъ; яенэрэри вирил мыжъо уцышъуабзэм хэшІыкІыгъ; ябгъонэрэри топаз мыжъо гъожьыбзэм хэшІыкІыгъ; япшІэнэрэри хрисопрас мыжъо уцышъом хэшІыкІыгъ; япшІыкІузэнэрэри гиацинт мыжъо шхъонтІашъом хэшІыкІыгъ; япшІыкІутІонэрэри аметист мыжъо плъыжь чІапцІэм хэшІыкІыгъ. 21Къэлэпчъэ пшІыкІутІур налмэс-налкъут пшІыкІутІоу щытыгъэх, къэлапчъэ пэпчъ зы налмэс-налкъутэм хэшІыкІыгъ. Къалэм иурам дышъэ къабзэм хэшІыкІыгъ, апч узыпхырыплъырэм фэдэу.

22А къэлэ лъапІэм Тхьэм зыщелъэІун унэшхо горэ щыслъэгъугъэп, сыда пІомэ лъэкІыныгъэшхор зэкІэ зиІэ Зиусхьанэу Тхьэмрэ Шъынэмрэ а къалэм зэрэщыІэхэм пае, а къалэм Тхьэм узыщелъэІун унэшхо горэ ищыкІагъэу щытыгъэп. 23А къалэр агъэнэфынэу тыгъэри мазэри ищыкІагъэхэп, сыда пІомэ Тхьэм ищытхъушхо а къалэр егъэнэфы, Шъынэри а къалэм нэфынэ фэхъу. 24Лъэпкъхэри ащ инэфынэ щызекІощтых. Дунаем ипачъыхьэхэми ящытхъушхо а къалэм къыдахьыщт. 25Мафэрэ ащ икъэлапчъэхэр агъэпытэщтхэп, сыда пІомэ ащ чэщ щыхъущтэп. 26Лъэпкъхэм ящытхъушхорэ ялъытэныгъэшхорэ а къалэм къыдахьыщт. 27Къэбзэныгъэ зимыІэр а къалэм дэхьащтэп. ЕмыкІу зышІэрэри пцІыусыри зи дэхьащтэп. ЗыцІэхэр Шъынэм итхылъ итхэу, мыкІодыжьын щыІэныгъэ зыгъотыщтхэм анэмыкІэу, цІыф зи а къалэм дэхьащтэп.

21:20 хьаплъы – къахьуашъор ары.

22

ЯТЮКІЫРЭ ТІУНЭРЭШЪХЬ

ЕтІанэ мэлэІичым щыІэныгъэ къэзытырэ псым ипсыхъоу кристаллым фэдэу къабзэр къысигъэлъэгъугъ. Тхьзмрэ Шъынэмрэ ятІысыпІэ лъапІэ къикІэу, 2а къалэм иурам гузэгу итэу ар блэкІы. А псыхъом ыбгъуитІукІэ щыІэныгъэ къэзытырэ чъыгхэри Іутых. Илъэсым пшІыкІутІо къыпыкІэу, мазэ къэси зэ къыпэкІэ. А чъыгым ытхьапэхэм лъэпкъхэм яузхэр агъэхъужьых. 3Тхьэм ынае зыщифэрэ гори а къалэм щыІэщтэп. Тхьэмрэ Шъынэмрэ ятІысыпІэ лъапІэ а къалэм щыІэщт, Тхьэм фэлажьэхэрэми ежьыр агъэлъэпІэщт. 4Ахэмэ Тхьэм ынапэ алъэгъущт, ыцІи анатІэ тетхагъэу щытыщт. 5Чэщ щыІэжьыщтэп. Остыгъэм инэфыни ящыкІэгъэжьыщтэп, тыгъэм инэфынэри ящыкІэгъэжьыщтэп, сыда пІомэ Зиусхьанэу Тхьэм нэфынэ аритыщт. ЕгъашІэми тетыгъо яІэщт.

Христос бэ темышІэу къэкІожьыщт

6ЕтІанэ мэлэІичым мырэущтэу къысиІуагъ:

–Мыхэр узщыгугъышъун гущыІэ шъыпкъэх. Пегъымбар лъапІэхэм я Зиусхьанэу Тхьэм бэ темышІэу къэхъун фэе Іофхэр ежьым фэлажьэхэрэм аригъэлъэгъунхэм пае, имэлэІич къыгъэкІуагъ.

7–КъэдаІу,– къеІо Исус, –бэ темышІэу сыкъэкІожьыщт. Тхьэм ыдэжь къикІыгъэхэу, мы тхылъым ит гущыІэхэу къэхъущт Іофхэм яхьылІагъэхэм ядэІурэр сыхьатмафэ ежьагъ.

8Сэ сы Иуан, мы Іофхэр зэхэзыхыгъэу ыкІи зылъэгъугъэр сэры. Мы Іофхэр зэхэсхыхэу, зысэлъэгъухэрэ ужым, ахэр сэзыгъэлъэгъугъэ мэлэІичыр згъэлъэпІэнэу ылъакъомэ адэжь зыщесыдзыхыгъ.

9–Арэущтэу умышІы,– къысиІуагъ ащ. –Оррэ пшыхэу пегъымбархэмрэ мы тхылъым итхэр зыгъэцакІэрэ цІыф пстэухэмрэ шъуигъусэу сэри Тхьэм сыфэлажьэ. Тхьэр ары бгъэлъэпІэн фаер.

10–Тхьэм ыдэжь къикІыгъэхэу, мы тхылъым ит гущыІэхэу къэхъущт Іофхэм яхьылІагъэхэм мыхъур атемыдз,къыпигъэхъожьыгъ етІанэ, –сыда пІомэ уахътэр къэблэгъагъ. 11Бзэджагъэ зышІэрэр бзэджэшІэным джыри

 

пэрэлъ. ШІоигъэм пылъыри джыри пэрэлъ. Шъыпкъагъэр зыгъэцакІэрэри шъыпкъагъэр ыгъэцэкІэным джыри пэрэлъ. Зыгу къэбзэ цІыфыми ыгу къэбзэ зэпытынэу орэхъу.

12–КъэдаІу,– къеІо Исус, –бэ темышІэу сыкъэкІожьыщт! Хэти ифэшъошэ Іахьэ къыздэсэхьы, хэти ышІагъэм фэшъуашэри естыжьыщт. 13Алфэрэ Омегэрэ, апэрэри аужырэри, ублапІэри кІэухыри сэры.

14–Чъыгэу щыІэныгъэ къэзытырэм* къыпыкІэрэм щыщ ашхынэуи, къэлапчъэхэмкІэ къалэм дэхьанхэуи фит хъунхэм пае, Тхьэм иунашъохэр зыгъэцакІэхэрэр сыхьатмафэ ежьагъэх. 15Ау хьэхэри, ушхъухьаныгъэм пылъхэри, зинэ зышІэхэрэри, цІыф укІакІохэри, тхьэ нэпцІхэр зыгъэлъапІэхэрэри, хэти мышъыпкъагъэр шІу зылъэгъоу ар зыгъэцакІэрэри а къалэм ыкІыб дэтых.

16–Сэ, Исус, шъуичылыс зэІукІэхэм апае мы Іофхэр къышъуфиушыхьатынхэу симэлэІич къэзгъэкІуагъ. Пачъыхьэ Даутэ иунэгъо лъэпкъ къытехъукІыгъэ бын лъапІэр сэры. Нэфшъэгъо жъогъо нэфыри сэры.

17Тхьэм Ыпсэ ЛъапІэрэ ишъхьэгъусэу хъугъэмрэ аІо: «КъакІо». Ар зэхэзыхырэми, «КъакІо» ерэІу. Хэтми псыфалІэ лІэрэр къэрэкІу. Хэт фаеми, щыІэныгъэ къэзытырэ псым щыщ уасэ хэмылъэу ерэшъу.

18Тхьэм ыдэжь къикІыгъэхэу, мы тхылъым ит гущыІэхэу къэхъущт Іофхэм яхьылІагъэхэр хэтми зэхэзыхырэр зыфэсакъыжьынэу есэІо. Зы цІыф горэм мы тхылъым ит гущыІэхэм зыгорэ ахилъхьэмэ, Тхьэм мы тхылъым зикъэбар ит къинышхохэр ащ тырилъхьащтых. 19Тхьэм ыдэжь къикІыгъэхэу, мы тхылъым ит гущыІэхэу къэхъущт Іофхэм яхьылІагъэхэм зы цІыф горэм зыгорэ ахихымэ, Тхьэм а цІыфым иІэхьышІу къыІихыщт. Сыда пІомэ мыкІодыжьын щыІэныгъэ зыгъотыщтхэм ацІэхэр зэрыт тхылъымкІи, къэлэ лъапІэмкІи, мы тхылъым зикъэбар ит ІофхэмкІи Тхьэм а цІыфым Іахьэу иІэр къыІихыщт.

20Мы Іофхэм шыхьатэу афэхъурэм еІо: «Шъыпкъэ, бэ темышІэу сыкъэкІожьыщт».

Амин. КъэкІожь, Зиусхьан Исус.

21Ти Зиусхьанэу Исус Христос ынэшІу шъо пстэуми къышъущерэф. Амин.

22:14 Чъыгэу щыІэныгъэ къэзытырэр – еплъ 2:7.