05 Acts / Апостoлхэм

01

 

 

АПОСТОЛХЭМ

ІОФХЭУ АШІАГЪЭХЭР

 

АПЭРЭШЪХЬ

 

Тхьэм ежь ы Псэ ЛъапІэ апостолхэм къафыригъэхынэу

къызэригъэгугъагъэхэр

 

1, 2Феофил* лъапІ, апэм къыщегъэжьагъэу Тхьэм Хьисэ уашъом зыдищэежьыгъэ мафэм нэсыфэ, Хьисэ ышІэгъэ Іоф пстэури, цІыфхэм аригъэшІэгъэ Іоф пстэури апэрэ тхылъэу* сэ стхыгъэм ит. Хьисэ, Тхьэм ежьыр уашъом дищэежьыным ыпэкІэ, къыхихыгъэ апостолхэм* Тхьэм ы Псэ ЛъапІэ ыкІуачІэкІэ унашъохэр афишІыгъэх. 3 Хьисэ къин зещэчым ыуж, щэч хэмылъэу лІагъэхэм къы­зэрахэтэджыкІыжьыгъэр бэрэ афигъэшъыпкъэжьэу ахэмэ ­

 

1:1,2 Феофил – еплъ Лука 1:1.

1:1,2 апэрэ тхылъыр – «Лука КъэбарышІур КъызэриІотагъэр» зыфа­Іорэ тхылъыр ары. Еплъ Лука 1:1-4.

1:1,2 апостол – нэмыкІ цІыф горэм ыцІэкІэ гущыІэнэуи Іоф ышІэнэуи фитыныгъэ зиІэр ары. Хьисэ игъогу рыкІорэ нэбгырэ пшІыкІутІум «апо­столхэкІэ» яджэх. Ахэр Хьисэ илІыкІохэу тетыгъо зэритыгъэхэр ары.

 

 заригъэлъэгъущтыгъ. Мэфэ тІокІитІум къыкІоцІ апо­столхэм бэрэ заригъэлъэгъущтыгъ, Тхьэм и Тетыгъошхо* иІофхэм яхьылІагъэуи къадэгущыІэщтыгъ. 4 Хьисэ ахэмэ ягъусэ зэхъум, унашъо афишІыгъ:

Епусалим къалэм шъудэмыкІ, ау сэ зигугъу къышъу­фэсшІыгъэу, Ты лъапІэм шъукъызэригъэгугъагъэм* шъу­паплъ; 5сыда пІомэ Иуан псыкІэ цІыфхэр ыумэхъы­щтыгъэх*, ау мэфэ заулэ зытешІэкІэ, Тхьэм ежь ы Псэ ЛъапІэкІэ шъуиумэхъыщт.

 

Хьисэ уашъом зэрэдэкІоежьыгъэр

 

6Зызэрэугъоихэм, апостолхэр Хьисэ къеупчІыгъэх:

–Зиусхьан, Израил ипачъыхьагъу мы мафэхэм зэтебгъэ­уцожьыщта?

7–Ты лъапІэм итетыгъошхокІэ уахътэхэуи лъэхъанэ­хэуи ыгъэнэфагъэхэр шъушІэнхэ шъуфитэп,– ариІо­жьыгъ Хьисэ. 8–Ау Тхьэм ы Псэ ЛъапІэ къызышъуфе­хыкІэ, лъэкІыныгъэ шъуиІэ хъунышъ, Ерусалими, Иудей хэкуми зэкІэ, Самарие хэкуми зэкІэ, дунаим ыкъуапэ нэс шыхьат шъукъыщысфэхъущт.

9Хьисэ а гущыІэхэр къызеІохэм ыуж, ахэмэ алъэгъоу Тхьэм ар уашъом дищэежьыгъ. Зы ошъуапщэ горэ Хьисэ къышъхьэщырыхьи, ежьыр амылъэгъужьы хъугъэ.

 

1:3 Тхьэм и Тетыгъошхо – Тхьэм мы дунаими, мы дунаим ицІыфхэми те­тыгъошхоуи лъэкІыныгъэшхоуи афыриІэр ары. Инджылыр Тхьэм и Тетыгъошхо зытегущыІэкІэ, зыфиІорэр загъорэ мы уахътэм Тхьэм те­тыгъошхоу иІэр ары, загъори къэкІощт уахътэм Тхьэм тетыгъошхоу иІэщтыр ары, загъори Тхьэм ыдэжь мыкІодыжьын щыІэныгъэ щыуиІэ­ныр ары.

1:4 Ты лъапІэм шъукъызэригъэгугъагъэр – Тхьэм ы Псэ ЛъапІэ ары. Еплъ Лука 24:49; Иуан 15:26.

1:5 умэхъыныр – «ШъуипсэкІодхэм шъуафыкІэгъожьи, зысэжъугъэу­мэхъ, Тхьэм ахэр къышъуфигъэгъунхэм пае», ыІоти, умэхъэкІо Иуан (Яхья) цІыфхэр псым чІигъаощтыгъэх (ыумэхъыщтыгъэх). Еплъ Марк 1:4. Хьисэ уашъом зыдэкІоежьыгъэм щегъэжьагъэу, цІыфхэм диным ехьылІагъэу тетыгъо зиІэ цІыф горэм зырагъэумэхъы – а цІыфым ахэр псым чІегъаох, е псы тІэкІу ашъхьэхэм атыреутхэ. Арэущтэу ХьисэкІэ шІошъхъуныгъэ яІэ зэрэхъугъэр къагъэлъагъо. Ащ нэмыкІэуи Хьисэ лІи, лІагъэхэм къызэрахэтэджыкІыжьыгъэм пае япсэкІодхэр къафэ­гъугъэхэу, мыкІодыжьын щыІэныгъэ яІэ зэрэхъугъэми шыхьат фэхъух.

 

10Хьисэ уашъом зыдэкІоежьым, апостолхэм анэхэр уа­шъом тырагъэдыкъагъэхэу, ошІэ-дэмышІэу лІитІу шъошэ фыжькІэ фэпагъэхэу* ахэмэ адэжь къэуцугъэх.

11Шъо Галилей цІыфхэр,– къаIуагъ а лІитІумэ, –сыд пае мыщ дэжьым шъущытэу уашъом шъудэплъыера? Мы Хьисэу Тхьэм уашъом дищэежьыгъэр уашъом дэкІоежьы­гъэу зэрэшъулъэгъугъэм фэдэ къабзэу къехыжьыщт.

 

Апостолхэм ежьхэм ащыщ хъунэу Иудэ ычІыпІэкІэ

Матфый зэрэхахыгъэр

 

12 Ащ нэужым апостолхэр Елеон Іуашъхьэм* ехыжьхи, Ерусалим агъэзэжьыгъ. Елеон Іуашъхьэр Ерусалим игъу­нэгъоу щыт, шэмбэт гъогум* икІыхьагъэ фэдизэу. 13 Къа­лэм дэхьажьхи, ахэр зэрыс унэ лъагэм дэкІоежьыгъэх; мыхэр арыгъэх: Петрэ, Иуан, Якъубэ, Индрыс; етІанэ Филипп, Фомэ, Варфоломей, Маттэ; Алфей ыкъо Якъуб, Симонэу зихэгъэгу ыгу етыгъэу фэлажьэщтыгъэр, Якъубэ ыкъо Иудэ. 14Бзылъфыгъэ заулэ, Хьисэ янэу Мерэм, Хьисэ ышхэр ягъусэхэу, ахэмэ зэкІэ зэдаштэу Тхьэм елъэІу зэпытыщтыгъэх.

15 А мафэхэм ХьисэкІэ шІошъхъуныгъэ зиІэ купэу нэбгы­ришъэрэ тІокІырэ фэдиз хъущтыгъэм Петрэ къыхэуцуи къыІуагъ:

16–Сшыхэр*, Тхьэм игущыІэ тхыгъэхэм арыт гущыІэ­хэу Тхьэм ы Псэ ЛъапІэ пачъыхьэ Даутэ ыгу къырилъхьэ­хи, Иудэ зыцІэм ехьылІагъэу къыригъэІуагъэхэр къэ­къыпкъэжьынхэ фэягъэх. А Иудэ ары* Хьисэ къэзыубыты­гъэхэм гъогур языгъэлъэгъугъэр. 17Ари тэ тщыщыгъ, мы Іофыми тигъусэу рылажьэщтыгъ.

18Бзэджагъэу ышІагъэм пае пкІэу ратыгъэмкІэ* Иудэ хьасэ къыщэфыгъ. А хьасэм

 

1:10 лІитІу шъошэ фыжькІэ фэпагъэхэу – мэлэІичхэр ары.

1:12 Елеон Іуашъхьэр – Зейтун Іуашъхьэр ары. Ерусалим игъунэ­гъубзэу, итыгъэ къыкъокІыпІэ лъэныкъокІэ Кедрон къуладжэм иадрабгъу ит.

1:12 шэмбэт гъогу – зы километрэ фэдиз мэхъу. Джурт хабзэм иунашъо тетэу, шэмбэт мафэм зы километрэ нахьыбэ укІо хъущтэп.

1:16 сшыхэр – зы диным рыкІохэрэр ары.

1:16 А Иудэ ары . . . гъогур языгъэлъэгъугъэр – еплъ Лука 22:47.

 

бгъэгукІэ тефи, ыныбэ зэгоути, икІэтІыйхэр зэкІэ къикІыгъэх. 19Ерусалим дэс цІыф пстэуми Иудэ къехъулІагъэм икъэбар зэхахыгъ, абзэкІи а хьасэм АкелдамэкІэ еджэщтыгъэх. Ащ къикІы­рэр «Лъыосэ Хьасэ».

20ЕтІанэ Петрэ къыпигъэхъожьыгъ:

–Сэбурым мыщ фэдэу ит:*

«Иунэ нэкІ орэхъу. Зи ерэмыс».

Мыщ фэдэуи ит:

«Ащ ипшъэрылъ нэмыкІ горэм ерэштэжьи, ычІыпІэ ерэуцожь».

21, 22–Арыти, Хьисэ лІагъэхэм къызэрахэтэджыкІыжьы­гъэр Иудэ ычІыпІэкІэ нэмыкІ горэм къыддиушыхьатын фае. А шыхьатыр Хьисэ къытхахьэу, къытхэкІэу зыщы­тыгъэ лъэхъаным зэкІэ, Иуан Хьисэ зиумэхъыгъэ мафэм щегъэжьагъэу Тхьэм Хьисэ уашъом дищэежьыфэ, тигъу­сагъэхэм ащыщын фае.

23Арэущтэу нэбгыритІу агъэуцугъ: Юсыфэу ВарсавэкІэ заджэхэрэмрэ (ащ Иусти раІуагъ) Матфыйрэ.

24, 25ЕтІанэ Тхьэм елъэІухэзэ аІуагъ:

–Зиусхьан, о цІыф пстэуми агухэм арылъыр ошІэ. Мы нэбгыритІумэ ащыщэу, апостолым иІоф ышІэнэу хэпхы­гъэр къытэгъэлъэгъу; сыда пІомэ Иудэ а Іофыр къы­гъани, ежь фэшъошэ чІыпІэ кІуагъэ.

26ЕтІанэ пхъэдз ашІи, пхъэдзыр Матфый тефагъ. Арэу­щтэу апостол пшІыкІузымэ ягъусэу Матфыий апостолэу хъугъэ.

 

 

 

02

 

ЯТIOНЭРЭШЪХЬ

 

Тхьэм ы Псэ ЛъапІэ ХьисэкІэ шІошъхъуныгъэ зиІэхэм

къызэрафехыгъэр

 

      Пэнтэкост зыцІэ мэфэкІ мэфэшхор* къызэсым, шІошъ­хъуныгъэ зиІэхэр зэкІэ зы чІыпІэм

1:18 пкІэу ратыгъэр – еплъ Лука 22:3-6.

1:20 Сэбурым ит – еплъ Сэбур (Псалтыр) 69:25; 109:8 (урыс библиемкІэ 68:26; 108:8).

2:1 Пэнтэкост зыцІэ мэфэкІ мэфэшхор – коцхэр къызахыжьырэм ыуж, джуртхэм илъэс къэс ятфэнэрэ мазэм щагъэмэфэкІырэ мэфэкІ мэфэшхор ары. Пасхъэ мэфэкІ мэфэшхом ыуж, мэфэ шъэныкъозыблэкІыхэкІэ, Пэнтэкост мэфэкІ мэфэшхор къэсы. «Пэнтэ­костым» къикІырэр «яшъэныкъорэр» ары.

 

 

щытыгъэх. 2ОшІэ-дэмышІэу жьыбгъэшхоу къепщэрэм ибырсыр мэкъэшхо фэдэ макъэ уашъом къехи, унэу зэрысхэм зэкІэ мэкъэ­шхор из хъугъэ. 3МашІом фэдэу бзэгухэр къафэлъэгъуа­гъэх. А бзэгухэм загощи, ахэмэ ащыщэу хэтрэ зы цІыфым зы бзэгу къытенагъэу хъугъэ. 4Тхьэм ы Псэ ЛъапІэ зэкІэми агухэм инэу арылъ хъуи, хымабзэхэмкІэ къэгу­щыІэхэу аублагъ, Тхьэм ы Псэ ЛъапІэ къызэригъэгу­щыІагъэхэм фэдэу.

5Дунаим сыдрэ лъэпкъи щыщхэу Тхьэм ищынагъо зыгу илъ джуртхэр Ерусалим дэсыгъэх. 6А бырсыр мэ­къэшхор къызэхъум, зыфахьын амышІэу, цІыфыбэхэр зэхэлъэдагъэх; сыда пІомэ хэти ежь ыбзэкІэ ахэр къэ­гущыІэхэу зэхахыгъэти ары. 7Лъэшэу агъэшІагъоу зэра­Іожьыщтыгъ:

–Мы къэгущыІэрэ лІыхэр зэкІэ Галилей хэкум щыщ­хэба? 8Ащыгъум тэ тщыщэу, хэти ежь ыбзэкІэ ахэр къэгущыІэхэу зэхихын ылъэкІэу сыдэущтэу хъура? 9 Пар­фие хэгъэгум щыщхэми, Мидие хэгъэгум щыщхэми, Елам хэгъэгум щыщхэми, Месопотамие хэгъэгум исхэми, хэку­хэу Иудейрэ Каппадокиерэ арысхэми, хэкухэу Понтрэ Асиерэ арысхэми, 10хэкухэу Фригиерэ Памфилиерэ арыс­хэми, Мысырымрэ Ливие хэгъэгум щыщ Кириние къалэм пэгъунэгъу лъэныкъомрэ арысхэми, Рим къэлэшхом къи­кІыгъэхэми, 11джуртхэми, прозелитхэми*, Крит хы­гъэхъунэм* щыщхэми, арабхэми, тэ зэкІэ тыбзэхэмкІэ Тхьэм Іофышхохэу ышІагъэхэм якъэбар ахэмэ къаIуатэу зэхэтэхы.

12ЦІыф пстэуми агъэшІагъоу, зыфахьын амышІэу зэра­Іожьыщтыгъ:

–Сыда щыщ мы къэхъугъэр?

13Зыгорэхэри акІэнакІэхэу къаIуагъ:

–Сэнэпс ІэшІум ыгъэутэшъуагъэх.

 

2:11 прозелитыр – зидин зэблэзыхъугъэр ары.

2:11 хыгъэхъунэ – чІыгу гъушъэу псы гузэгум итыр ары.

 

Пэнтэкост мэфэкІ мэфэшхом Петрэ цІыф купышхом хэтхэм

апашъхьэ къызэрэщыгущыІагъэр

 

14Джащыгъум Петрэ апостол пшІыкІузымэ ягъусэу къэ­тэджи, ымакъэ къыІэти, гущыІэу къыублагъ.

–Сшы джуртхэмрэ, Ерусалим дэсхэмрэ, мыр зэжъугъа­шІэ, къасІохэрэми шъукъядэІу. 15Шъо шъузэрэгугъэрэм фэдэу мы лІыхэр утэшъуагъэхэп, сыда пІомэ пчэдыжьым сыхьатыр бгъу* хъугъэ ныІэп. 16Ау мыщ дэжьым къыщыхъугъэр пегъымбар Иоил* Іофэу мырэущтэу зыте­гущыІагъэр ары:

17«Тхьэм мырэущтэу еІо: дунаим иаужырэ мафэхэм

сэ с Псэ ЛъапІэ цІыф пстэуми къафезгъэхыщт.

СигущыІэхэр шъо шъукъохэмрэ шъупхъухэмрэ

агухэм къарыслъхьанхэшъ, къязгъэІощтых.

ШъуикІалэхэми Іофхэр къафэзгъэлъэгъощтых,

шъуинахьыжъхэми пкІыхьапІэхэр язгъэлъэгъущтых.

18 А мафэхэм къысфэлажьэрэ цІыфхэм,

хъулъфыгъэми бзылъфыгъэми, сэ с Псэ ЛъапІэ къафезгъэхыщт,

сигущыІэхэри ахэм агухэм къарыслъхьанхэшъ, къязгъэІощтых.

19Уашъом Іофышхо гъэшІэгъонхэр къыщызгъэлъэгъощтых,

чІылъэми нэшэнэ гъэшІэгъонышхохэр

къыщызгъэлъэгъощтых, лъы, машІо, Іугъошхо къэхъущтых.

20 Зиусхьаным имэфэшхоу щытхъушхо зиІэр къэкІоным

ыпэкІэ, тыгъэри шІункІ къэхъущт, мазэри лъым фэдэу хъущт.

21 Хэт щыщми Зиусхьаныр къыдэІэпыІэнэу елъэІурэри мыкІодэу къэнэжьыщт».

22 Ащ нэужым Петрэ джыри ипсалъэ къыпидзэжьыгъ:

–Шъо, Израил лІыхэр, мы гущыІэхэм шъукъядэІу: Тхьэм Назарет щыщ Хьисэ ежьым зэрэщыщыр шъор­кІэ къыгъэшъыпкъэжьыгъ. Тхьэм ар къызэригъэшъыпкъэжьыгъэр

 

2:15 пчэдыжьым сыхьатыр бгъу – гущыІэ-гущыІэу зэбдзэкІымэ, «ящэ­нэрэ сыхьатыр» мэхъу. Ащ къикІырэр пчэдыжьым сыхьатыр бгъур ары.

2:16-20 пегъымбар Иоил . . . зытегущыІагъэр – еплъ Пегъымбар Иоил тхылъэу ытхыгъэм 2:28-32.

 

Хьисэ лъэкІыныгъэ зыхэлъ Іофышхохэмрэ Іофышхо гъэшІэгъонхэмрэ шъуадэжь зэрэщыригъэшІа­гъэхэри, нэшэнэ гъэшІэгъонышхохэр зэрэщыригъэгъэ­лъэгъуагъэхэри ары. 23Тхьэм гухэлъэу ыухыгъэм тетэуи, Тхьэм ар къэхъуным ыпэ къэхъунэу зэришІэщтыгъэм фэдэуи, Хьисэ къышъуІэкІэхьагъ. ЦІыф бзаджэхэм шъо къащым ряжъугъэІулІи яжъугъэукІыгъ. 24Ау Тхьэм ар лІэныгъэм икъин щэчыныгъэм хищыжьыгъэу, лІагъэхэм къахигъэтэджыкІыжьыгъ; сыда пІомэ лІэныгъэм ар ыІы­гъынэу хъущтыгъэп. 25Пегъымбар Даутэ Хьисэ ехьылІагъэу мырэущтэу къыІуагъ:*

«Зиусхьаныр сапашъхьэ итэу слъэгъу зэпытыгъ.

ЗыкІи симыгъэгумэкІыным пае, ар сиджабгъукІэ къызгот.

26Арышъ, сыгу мэгушІо, сыжэ-бзэгуи мэгушІо.

Спкъи гугъэпІэшІу иІэу псэфыжьыщт,

27сыда пІомэ лІагъэхэм ядунаи сэ спсэ къыщыбгъэнэжьыщтэп.

УиIорышIэ лъапІэм ихьадэ бгъэшъущтэп.

28 ЩыІэныгъэм ыдэжь кІорэ гъогухэр сэбгъэшІагъэх.

Уадэжь сэ сыщыбгъэгушІожьыщт».

29–Сшыхэр, тятэжъышхо Даутэ ехьылІагъэу гушхоны­гъэкІэ сыкъэгущыІэн сыфит. Ар дунаим ехыжьыгъагъ ыкІи чІалъхьажьыгъагъ, непэ къэсыфэ икъэунэ тадэжь щыІ. 30Даутэ пегъымбарэу щытыгъ, ащи ышІэщтыгъ, Мэссихьэу* ежь Даутэ къытехъукІынэу щытыгъэ цІыфхэм ащыщыр ежь Даутэ ипачъыхьэ тІысыпІэ тыригъэтІыс­хьанэу Тхьэм гущыІэ пытэкІэ къызэригъэгугъагъэр*. 31Арышъ, Даутэ къэхъущтыр ешІэти, Мэссихь къыте­гущыІэу* «Тхьэм ар лІагъэхэмэ ядунай къыщигъэнэжьы­щтэп», ыкІи «ащ ихьадэ ыгъэшъущтэп» ыІуи

 

 

2:25-28 пегъымбар Даутэ . . . къыІуагъ – еплъ Сэбур (Псалтыр) 16:8-11 (урыс библиемкІэ 15:8-11).

2:30 Мэссихь – Мессихьыр ары. Пачъыхьэ Даутэ ылъэпкъ къытехъу­кІыгъэу, пегъымбархэм къызэраІуагъэм тетэу, Израил шъхьафитны­гъэрэ мамыр тетыгъорэ аригъэгъотынхэу Тхьэм Израил къызэри­гъэгугъэгъэ пщы лъапІэр ары.

2:30 Тхьэм гущыІэ пытэкІэ къызэригъэгугъагъэр – еплъ Сэбур (Псал­тыр) 132:11 (урыс библиемкІэ 131:11).

2:31 Даутэ . . . Мэссихьым къытегущыІэу – еплъ Сэбур (Псалтыр) 16:10 (урыс библиемкІэ 15:10).

 

къызеІом, зыфиІуагъэр Мэссихь лІагъэхэм къахэтэджыкІыжьынэу зэрэщытыгъэр ары. 32А Хьисэ ары Тхьэм лІагъэхэм къахигъэтэджыкІыжьыгъэр, а Іофыми тэ зэкІэри тыри­шыхьат. 33Тхьэм Хьисэ уашъом дищэежьи, иджабгъукІэ зыгуегъэтІысхьэм ыуж, Ты лъапІэм ежь ы Псэ ЛъапІэу къызэригъэгугъагъэр къыритыгъ, зэрэшъулъэгъурэм ыкІи зэрэзэхэшъухырэм фэдэуи Хьисэ Тхьэм ы Псэ ЛъапІэ къытфыригъэхыгъ. 34Сыда пІомэ Даутэ уашъом дэкІое­жьыгъэп, ау мырэущтэу къыІуагъ:*

«Тхьэу Зиусхьаным сэ си Зиусхьан къыриІуагъ:

35О уипыихэр лъэгукІэтын пфэсшІыхэфэ,

сэ сиджабгъукІэ къызготІысхь».

36–Арышъ, Израил цІыф пстэуми мыр яшъыпкъэу арэшІ: Мы Хьисэу шъо къащым ешъуІулІыгъэр, Тхьэм ыкІи Зиусхьанэу ыкІи Мэссихьэу къыгъэхъугъ.

37ЦІыфхэм ар зызэхахым, агу хэуІагъ. Ахэмэ Петрэрэ адрэ апостолхэмрэ къараІуагъ:

–Тшыхэр, сыда тэ тшІэн фаер?

38–ШъуипсэкІодхэм шъуафыкІэгъожьи, Хьисэ Мэссихь ыцІэкІэ шъо пстэуми зытэжъугъэумэхъ*, Тхьэм шъуи­псэкІодхэр къышъуфигъэгъунхэм пае,– ариІожьыгъ Петрэ. –Ащыгъум Тхьэм итынэу ежь ы Псэ ЛъапІэ шъу­гухэм къарилъхьащт. 39Тхьэм ежь ы Псэ ЛъапІэ зыфы­ригъэхынэу къыгъэгугъагъэхэр шъори, шъуибынхэри, чыжьэу щыІэ цІыфхэри зэкІэ – цІыфхэу ежь ибын хъун­хэу Зиусхьанэу ти Тхьэ зэкІэ заджэхэрэр ары.

40НэмыкІ гущыІабэкІэ Петрэ ахэмэ афигъэпытэу ялъэ­Іугъ:

–Мы лъэпкъ къуанчэм Тхьэм зыхежъугъэщыжьи, шъу­мыкІодэу зыкъежъугъэгъэнэжь.

41Арэущтэу Петрэ игущыІэхэр зыштагъэхэм зарагъэумэ­хъыгъ. А мафэм шІошъхъуныгъэ зиІэхэм япчъагъэ минищ фэдиз хэхъуагъ. 42Емызэщхэу шІошъхъуныгъэ зиІэ хъугъэ цІыфхэм апостолхэм Тхьэм игущыІэхэр зара­гъэгъашІэхэу зэпытыщтыгъэх, зэкъошхэм фэдэуи зэхэ­тыгъэх, хьалыгъу зэгуачы зэпытыщтыгъ, Тхьэми елъэІу зэпытыщтыгъэх.

 

2:34-35 Даутэ . . . къыІуагъ – еплъ Сэбур (Псалтыр) 110:1 (урыс библиемкІэ 109:1).

2:38 умэхъыныр – еплъ 1:5.

2:42 хьалыгъу зэгуачы зэпытыщтыгъ – Хьисэ лІи, лІагъэхэм къызэрахэтэджыкІыжьыгъэр агу къагъэкІыжьызэ, ХьисэкІэ шІошъхъуныгъэ зиІэхэр зэдашхэх.

 

 

ШІошъхъуныгъэ зиІэхэм язэкъошныгъ

 

43Апостолхэм Іофышхо гъэшІэгъон Іаджыхэр ашІагъэ­хэти, нэшэнэ гъэшІэгъонышхо Іаджыхэри къагъэлъэ­гъуагъэхэти, цІыфхэм зэкІэ агухэм щынагъо арылъ хъу­гъэ. 44ШІошъхъуныгъэ зиІэхэр зэкІэ зэгъусагъэх, яІэри зэкІэ язэфэдагъ. 45Ямылъкухэмрэ яхьапщыпхэмрэ ащэхи, къыкІэкІыгъэм щыщ хэти ищыкІагъэм фэдиз ратыгъ. 46Зыгу-зыпсэу мафэ къаси Тхьэм иунэшхо щызэІукІэ зэпытыщтыгъэх. Яунэхэми хьалыгъур щызэгуачыщтыгъ, гушІохэу агу шъыпкъэхэкІэ зэдашхэщтыгъэх. 47Тхьэм ищытхъу ашІыщтыгъ, цІыф пстэуми агуи яІущтыгъ. Зиусхьаным цІыфхэу мыкІодхэу къыгъэнэжьхэрэмкІэ шІошъхъуныгъэ зиІэхэм япчъагъэ мафэ къэси хигъа­хъощтыгъ.

 

 

 

 

 

 

03

ЯЩЭНЭРЭШЪХЬ

 

Петрэрэ Иуанрэ Тхьэм иунэшхо икъэлапчъэ дэжь

зылъакъохэм атеуцон зымылъэкІырэ лІы горэ

зэрэщагъэхъужьыгъэр

 

Зы мафэ горэм щэджэгъоужым цІыфхэр Тхьэм зыще­лъэІурэ сыхьат щым дэжь* Петрэрэ Иуанрэ Тхьэм иунэ­шхо кІощтыгъэх. 23ы лІы горэ, къызыхъугъэм щегъэ­жьагъэу ылъакъохэм атеуцон ымылъэкІэу, Тхьэм иунэ­шхо икъэлапчъэхэм ащыщхэу «Къэлапчъэ дах» зыфаІо­рэм къахьыщтыгъ. Ар мафэ къэси къахьыти, Тхьэм иунэ­шхо чІахьэхэрэм сэдакъэкІэ ялъэІунэу а къэлапчъэм дэжь агъэтІысыщтыгъ. 3А лІым Петрэрэ Иуанрэ Тхьэм иунэ­шхо чІахьэхэзэ зелъэгъухэм, ялъэІугъ:

–Сэдакъэ къысэшъут!

 

3:1 сыхьатыр щым дэжь – гущыІэ-гущыІэу зэбдзэкІымэ, «ябгъо­нэрэ сыхьатыр» мэхъу. Ащ къикІырэр щэджэгъоужым сыхьатыр щыр ары.

 

4Петрэрэ Иуанрэ анэхэр а лІым тырагъэдыкъагъэхэу, еплъыхэзэ, Петрэ къыІуагъ:

–Мо зэ къытэплъ!

5Зыгорэ къыратынкІэ ащыгугъэу а лІыр афыдэплъыягъ.

6–Дышъи тыжьыни сэ зи сиІэп,– къыІуагъ Петрэ, –ау сиІэр осэты: Назарет къалэм щыщ Хьисэ Мэссихь ыцІэкІэ унашъо пфэсэшІы, къэтэджи, къэкІухь!

7ЕтІанэ Петрэ а лІым ыІэ джабгъу къыубыти къы­гъэтэджыгъ. Ардэдэм а лІым ылъакъохэмрэ ылъэ­гуанджэхэмрэ кІуачІэ къахэхьажьыгъ. 8Ар къызщылъэ­ти, ылъакъохэм атеуцожьи, къыкІухьэу ыублагъ. ЕтІанэ Петрэрэ Иуанрэ ягъусэу Тхьэм иунэшхо чІахьи, къыкІу­хьэу, дэпкІаезэ Тхьэм щытхъу фишІыгъ. 9ЦІыф пстэуми ар къыкІухьэу, Тхьэм щытхъу фишІэу алъэгъугъ. 103а­лъэгъум, Тхьэм иунэшхо «и Къэлапчъэ дах» зыфаІорэм ыдэжь лъэІуакІоу щысыщтыгъэр арэу цІыфхэм къашІэ­жьыгъ, агучІи изыгъэу а лІым къехъулІагъэр лъэшэу агъэшІэгъуагъ.

 

Петрэ цІыф купышхом ыпашъхьэ къызэрэщыгущыІагъэр

 

11ЛІэу агъэхъужьыгъэр Петрэрэ Иуанрэ ауж имыкІэу, цІыфхэм зэкІэ лъэшэу агъэшІагъоу пачъыхьэ Сэлмэн ыцІэкІэ заджэхэрэ щагоу шъхьэ зытелъ пкъэу къэлапчъэ­хэр зиІэм ыдэжь чъэхи, а нэбгырищым адэжь къыщы­зэрэугъоигъэх. 12Петрэ ар зелъэгъум, цІыфмэ ариІуагъ:

–Израил лІыхэр, сыд пае ар жъугъэшІагъора? Сыд пае ащ фэдизэу тэ шъукъытэплъыра? Тэр-тэрэу лъэкІыны­гъэшхо тиІэу, е Тхьэр инэу тэ тэгъэлъапІэшъ, мы лІым зекІон едгъэлъэкІыгъэу шъогугъа? 13Мы лІым къехъу­лІагъэмкІэ Ибрахьимэ, Исхьакъ, Якъубэ я Тхьэу тятэ­жъышхохэм я Тхьэ цІыфхэм апашъхьэ ы Къо Хьисэ ищы­тхъушхо къыщигъэлъэгъуагъ. Ар тетыгъо зиІэхэм шъо аІэкІэжъугъэхьагъ. Іэшъхьэтет Пилат* ар шъхьафитэу къытІупщыжьынэу тыриубытагъэ пэтми, ащ ыпашъхьэ Хьисэ

 

3:13 Пилат – Рим (Рум) цІыфхэм ащыщэу, Понтый Пилат, Хьисэ къызэхъу нэужым я 26-36 илъэсхэм къакІоцІ хэкухэу Иудей, Са­марие, Идумей яІэшъхьэтетэу щытыгъ.

 

 

щызэшъупэсыгъэп. 14ЦІыф ЛъапІэу ыкІи Зафэр зэшъупэсыгъэп, зы укІакІо горэ шъхьафитэу къышъуфи­тІупщыжьынэуи Іэшъхьэтет Пилат шъуелъэІугъ. 15 Щы­Іэныгъэ шъыпкъэр цІыфмэ язытырэр арэущтэу шъу­укІыгъэ, ау Тхьэм ар лІагъэхэм къахигъэтэджыкІы­жьыгъ. Тэри а Іофым тыришыхьат. 16Мы лІэу шъу­лъэгъурэм ыкІи шъушІэрэм Хьисэ ыцІэ зэрэщыгугъы­гъэм пае, кІуачІэ иІэ хъугъэ. Хьисэ ыцІэрэ Хьисэ ыдэжь къикІырэ шІошъхъуныгъэмрэ ары шъо пстэуми шъуапашъхьэ мы лІыр щызыгъэхъужьыпагъэр.

17–Ащ нэмыкІэу, сшыхэр, шъори шъуитхьаматэхэми Хьисэ ешъушІагъэр зэхэшъумышІыкІэу зэрэшъушІагъэр сэшІэ. 18Тхьэм пегъымбар пстэуми агухэм къарилъхьи, къаригъэІуагъ, ежь и Мэссихь къиныбэ ыщэчын фаеу зэрэщытыщтыр, Тхьэм зэриухыгъэм тетэуи хъугъэ. 19Арыти, Тхьэм шъуипсэкІодхэр къышъуфигъэгъунхэм пае, ахэмэ шъуафыкІэгъожьи, Тхьэм игъогу шъутехь. 20Ащыгъум шъугухэм зызыщагъэпсэфыжьын лъэхъаныхэр Зиусхьаным ыдэжь къикІыщтых, Тхьэм Мэссихьэу къышъу­фигъэнэфэгъэ Хьисэи къыгъэкІожьыщт. 21Тхьэм зэпстэури тэрэзэу зэтригъэуцожьыфэ, Мэссихь уашъом щыІэн фае, Тхьэм ипегъымбар лъапІэхэм агухэм къарилъхьи, къызэра­ригъэІуагъэм тетэу. 22ГущыІэм пае, пегъымбар Мусэ къы­Іуагъ:* «Зиусхьанэу шъуи Тхьэм шъушыхэм ащыщэу, сэ сфэдэ пегъымбар горэ къыгъэкІощт. Ащ къышъуиІощт пстэуми шъуядэІун фае. 23А пегъымбарым къыІохэрэм хэт щыщми ямыдэІурэр лъэпкъым хэкІынышъ, кІоды­жьыщт».

24–Адрэ пегъымбар пстэуми, пегъымбар Самуел щегъэ­жьагъэу ащ къыкІэлъыкІуагъэхэми, пегъымбархэу Тхьэм игущыІэхэр зыгу къырилъхьэхи, къызэригъэІогъэ пстэу­ми мы мафэхэм ягугъу ашІыщтыгъ. 25Пегъымбархэм ажэ­кІэ Тхьэм цІыфхэр къызэригъэгугъэгъэ Іофхэр зыгъот­хэрэр шъоры, Тхьэм ежьыррэ шъуятэжъышхохэмрэ азы­фагу дилъхьэгъэ зэзэгъыныгъэм иІахьышІуи зыгъотхэ­рэр шъоры, Тхьэм пегъымбар Ибрахьимэ зэрэриІуагъэм тетэу, «О къыптехъукІыщт цІыфым дунаим ылъэпкъ пстэуми сынэшІу щыфэныгъэр анигъэсынэу сшІыщт». 26Тхьэм ежь ы Къуи къызегъэлъагъом, лъэпкъхэм апэу ежь ы Къо къызфигъэкІуагъэр шъоры, шъуащышу хэти

 

3:22 пегъымбар Мусэ къыІуагъ – еплъ Пегъэмбар Мусэ ятІонэрэ тхылъэу ытхыгъэм 18:15,18.

 

шъуащыщэу хэти игъогу бзаджэ тырыригъэгъэкІэу, ынэшІу къыщыригъэфэным пае.

 

 

04

ЯПЛІЭНЭРЭШЪХЬ

 

Джурт тхьаматэхэм Петрэрэ Иуанрэ Тхьэмэтэ Хэсэшхом

 ыпашъхьэ зэрэращагъэхэр

 

Петрэрэ Иуанрэ цІыфхэм адэгущыІэхэзэ, дин пащэхэр, Тхьэм иунэшхо иухъумакІохэм ятхьаматэ, саддукейхэр* лъэшэу губжыгъэхэу итІум къабгъодэхьагъэх; 2сыда пІомэ Петрэрэ Иуанрэ цІыфхэм Тхьэм игущыІэхэр арагъашІэхэу, Хьисэ лІагъэхэм къызэрахэтэджыкІыжьыгъэм пае, лІагъэ­хэр къызэрэтэджыжьыщтхэр агъэІущтыгъэти ары. 3Арэу­щтэу ахэмэ Петрэрэ Иуанрэ аубытхи, пчыхьашъхьэ хъу­гъэти, ятІонэрэ мафэм нэсы хьапсым чІагъэсыгъэх. 4Петрэ­рэ Иуанрэ къэбарэу агъэІурэр зэхэзыхыгъэхэм ащыщхэу бэмэ ХьисэкІэ шІошъхъуныгъэ яІэ хъугъэ. Ахэмэ япчъа­гъэ нэбгырэ минитф фэдиз хъугъэ.

5ЯтІонэрэ мафэм джурт тхьаматэхэр, нахьыжъхэр*, Тэу­рат егъэджэкІо пащэхэр* Ерусалим щызэІукІагъэх. 6Дин пэщэшхоу* Аннэ* зыцІэр ащ дэжьым щыІагъ, етІанэ Кайафэ*, Иуан, Александр, нэмыкІ лІыхэу дин пэщэшхом иунагъо щыщхэр ащ дэжьым

 

4:1 саддукейхэр – дин пащэхэм ащыщхэу, диным пылъхэу зы тхьамэтэ купэу щытыгъэх. Ахэмэ тхылъ лъапІэхэу алъытагъэхэр Тэурат хабзэм итхылъитф ары ныІэп.

4:5 нахьыжъхэр – лъытэныгъэ зиІэ джурт дин тхьаматэ купэу щытыгъэх. Ахэмэ ащыщхэу заулэ Тхьэмэтэ Хэсэшхом щыщыгъэх.

4:5 Тэурат егъэджэкІо пащэхэр – Тэурат хабзэм итхэмрэ джуртхэм адрэ тхылъ лъапІэхэу яІэхэм арытхэмрэ цІыфхэм агурызыгъаІоу щытыгъэ пащэхэр ары.

4:6 дин пэщэшхор – дин пащэхэм ятхьаматэуи Тхьэмэтэ Хэсэшхом итхьаматэуи щытыгъ.

4:6 Аннэ – Хьисэ къызэхъу нэужым я 6-15 илъэсхэм къакІоцІ дин пэщэшхоу щытыгъ.

4:6 Кайафэ – Аннэ ыпхъу илІэу щытыгъ, Хьисэ къызэхъу нэужым я 18-36 илъэсхэм къакІоцІ дин пэщэшхоу щытыгъ.

 

щыІагъэх. 7Ахэмэ Петрэрэ Иуанрэ утыгум къыращэхи яупчІыгъэх:

–Сыд фэдэ кІуачІэкІэ, е хэт ыцІэкІэ а лІыр хъужьыгъа?

8Ар зэІом, Тхьэм ы Псэ ЛъапІэ Петрэ ыгу инэу илъ хъуи ариІуагъ:

–Шъо тэ тлъэпкъ итхьаматэхэри, нахьыжъхэри! 9ЛІэу зылъакъохэм атеуцон зымылъэкІыгъэм тэ шІоу фэтшІагъэм иІоф шъухаплъэзэ, «Сыдэущтэу ар хъужьы­гъа?» шъуІозэ, непэ шъукъытэупчІы. 10Арышъ, шъо зэ­пстэуми, Израил лъэпкъым зэкІэ мыр зэжъугъашІэ: Наза­рет къалэм щыщ Хьисэ Мэссихь ыцІэ ыкІуачІэ ары мы лІыр зыгъэхъужьыпагъэр, ащ паий ар шъуапашъхьэ ит. Хьисэ ары къащым тешъуІулІагъэр, ау Тхьэм ар лІагъэхэм къахигъэтэджыкІыжьыгъ. 11Ежьыр ары

«Унэ зышІыхэрэм зэрамыпэсэу чІадзыжьыгъэ мыжъоу

мыжъо лъэпсэ дэдэу унэм фэхъугъэр».*

12–ЦІыфхэр мыкІодхэу къэзыгъэнэжьырэ закъор Хьисэ ары. Ащ ыцІэ нэмыкІэу, Тхьэм уашъом ычІэгъ чІэт цІыф­хэм аритыгъэу зи щыІэп тымыкІодэу тыкъэзыгъэнэжьын зылъэкІынэу.

13Джурт тхьаматэхэм Петрэрэ Иуанрэ ягушхоныгъэ за­лъэгъум, гъэсэныгъэ зимыІэ лІы къызэрыкІохэу зэрэ­щытхэми гу зылъатэм, агъэшІэгъуагъ, Хьисэ зэригъуса­гъэхэри къашІэжьыгъ. 14Ау а лІэу агъэхъужьыгъэр ахэмэ ягъусэу ащ дэжьым щытэу алъэгъугъэти, ащ нахьыбэ араІо­жьын алъэкІыгъэп. 15Арэущтэу зэхъум, Синедрион* хасэ унэм Петрэрэ Иуанрэ чІагъэкІыжьхи, ежьхэр зэупчІыжь­хэу аублагъ. 16ЗэупчІыжьхэзэ мырэущтэу зэраІожьыгъ:

–Мы лІитІум сыда ятшІэщтыр? Ерусалим дэс цІыф пстэуми ахэмэ Іофышхо гъэшІэгъон зэрашІагъэр ашІэ. «Іофышхо ашІагъэп», тэ тІо хъущтэп. 17Ау хъугъэм икъэбар ащ нахьи нахьыбэу цІыфмэ ахэмыхьаным пае, «Хьисэым ыцІэкІэ зы цІыф горэм шъудэгущыІэмэ,

4:11 Еплъ Сэбур (Псалтыр) 118:22 (урыс библиемкІэ 117:22).

4:15 Синедрион – Тхьэмэтэ Хэсэшхор ары. Дин Іофхэм яхьылІагьэу хьыкум зышІэу, анахь тетыгъошхо зиІэ хасэу джуртхэм яІагъэр ары. Тхьаматэ нэбгырэ 70-рэ Тхьэмэтэ Хэсэшхом щыщыгъэх. А хэсэшхом итхьаматэу дин пэщэшхор арыгъэ.

 

къиныбэ шъодгъэщэчыщт», тІонышъ, мы лІыхэм афэдгъэпытэн фае.

18ЕтІанэ Петрэрэ Иуанрэ хэсэ унэм къычІащэжьхи, Хьисэ ыцІэкІэ зи къамыІожьынэуи, цІыфхэм зи арамыгъэ­шІэжьынэуи афагъэпытагъ. 19Ау Петрэрэ Иуанрэ ахэмэ араІожьыгъ:

–Тхьэм тедэІуным нахьи, шъо тышъодэІуныр Тхьэм­кІэ тэрэза, мытэрэза, шъор-шъорэу хьыкум тешъу­шІыхьан фае. 20Ау тэ Іофхэу тлъэгъугъэхэмрэ зэхэ­тхыгъэхэмрэ къэтымыІо хъущтэп.

21ЕтІанэ джурт тхьаматэхэм, «ШъукъытэмыдэІумэ, къи­ныбэ шъодгъэщэчыщт», аІуи, джыри зэ афагъэпыти къа­тІупщыжьыгъэх. Ахэмэ къин арагъэщэчынэу ушъхьагъу агъотыгъэп, сыда пІомэ а хъугъэ-шІагъэм пае, цІыф пстэуми Тхьэм щытхъу фашІыщтыгъэти ары. 22Мы Іофы­шхо гъэшІэгъонымкІэ апостолхэм агъэхъужьыгъэ лІым ыныбжь илъэс тІокІитІум ехъущтыгъ.

 

ШІошъхъуныгъэ зиІэхэр Тхьэм зэрелъэІугъэхэр

 

23Петрэрэ Иуанрэ къызатІупщыжьхэм, ягъусэхэм адэжь агъэзэжьи, дин пэщэшхохэмрэ нахьыжъхэмрэ къа­раIуагъэр аІотэжьыгъ. 24Ахэмэ ар зызэхахым, зэдаштэу амакъэ инэу къаІэти, Тхьэм елъэІугъэх:

–Зиусхьан, уашъори, чІыри, хыри, ахэмэ ащыІэ пстэури къэзыгъэхъугъэр оры. 25Тятэжъышхо Даутэ ыжэкІэ о укъэгущыІагъ. Ар о къыпфэлажьэу щытыгъ, о п Псэ Лъа­пІэ илъэкІыныгъэкІи мы гущыІэхэр ащ ебгъэІуагъэх:*

«Хымэ лъэпкъхэр сыда зыкІэгубжыхэрэр?

ЦІыфхэм пкІэ зимыІэ гухэлъхэри сыда зыфыряІэр?

26Дунаим ипачъыхьэхэм зыкъаІэтыгъ, пащэхэри зэрэугъойхи,

Зиусхьанэу Тхьэмрэ ежь и Мэссихьэу дагъэ зыщи­фагъэмрэ

апэуцунхэу зэгурыІуагъэх».

27–А гущыІэхэр шъыпкъэх, сыда пІомэ пщы Иродрэ* Іэшъхьэтет Понтый Пилатрэ хымэ

 

4:25-26 мы гущыІэхэр ащ ебгъэІуагъэх – еплъ Сэбур (Псалтыр) 2:1-2.

4:27 пщы Ирод – Ирод Антипэ ары. Хьисэ къэхъуным ыпэкІэ я 4-рэ илъэсым щегъэжьагъэу Хьисэ къызэхъу нэужым я 39-рэ илъэсым нэсы, ар Галилей хэкумрэ, Перей хэкумрэ япщэу щытыгъ. Еплъ Лука 23:7-11.

 

 

лъэпкъхэмрэ Израил цІыфхэмрэ ягъусэхэу, о п Къо лъапІэ Хьисэу дагъэ зыщыпфагъэм пэуцунхэу мы къалэм щызэрэугъоигъэх. 28О пкІочІэшхокІи, уигухэлъ тетэуи хъун фэегъэ Іофхэу ыпэ­кІэ бгъэнэфагъэхэр ахэмэ агъэцэкІагъэх. 29Джы, Зиусхьан, «ШъукъытэмыдэІумэ, къиныбэ шъодгъэщэчыщт», аІозэ, ахэмэ къызэраІорэм еплъ, уигущыІэхэр гушхоныгъэ пстэумкІи дгъэІунхэу тэ, къыпфэлажьэхэрэм, кІуачІэ къы­тэт. 30Арышъ, п Къо лъапІэу Хьисэ ыцІэкІэ сымаджэхэр бгъэхъужьынхэуи, нэшэнэ гъэшІэгъонышхохэр къэбгъэ­лъэгъонхэуи, Іофышхо гъэшІэгъонхэр пшІэнхэуи о пІэ къэщэй.

31Тхьэм зелъэІухэ ужым, чІыпІэу зыщызэрэугъоигъэ­хэр къэсысыгъ. Тхьэм ы Псэ ЛъапІэ зэкІэмэ агухэм инэу арылъ хъуи, гушхоныгъэкІэ Тхьэм игущыІэхэр агъэІоу рагъэжьагъ.

 

ШІошъхъуныгъэ зиІэхэм мылъкоу яІэр язэрэзэфэдагъэр

 

32ХьисэкІэ шІошъхъуныгъэ зиІэхэр зэкІэ зыгу-зыпсэу щытыгъэх. Зыми имылъку ехьылІагъэу «Мыр сэсый» ыІуагъэп, ар зэкІэ язэфэдагъ. 33Апостолхэр Хьисэ лІа­гъэхэм къызэрахэтэджыкІыжьыгъэм лъэкІыныгъэшхо­кІэ шыхьат фэхъугъэх, Тхьэм ынэшІуи зэкІэми инэу къа­щифэу щытыгъ. 34ЩыкІагъэ зиІэ цІыф зи ахэтыгъэп; сыда пІомэ, е чІыгу, е унэ зиІэ пстэуми ахэр ащэжьхэти, ахъщэу къыкІэкІыгъэр къахьыти, 35апостолхэм апа­шъхьэ ралъхьэщтыгъ. А ахъщэм щыщэу апостолхэм хэти ищыкІагъэм фэдиз ратыщтыгъ.

36Кипр хыгъэхъунэм* щыщэу, Левый унэгъо лъэпкъым щыщэу лІы горэ щыІагъ. А лІым Юсыф ыцІагъ. Апостол­хэр ащ ВарнавэкІэ еджэщтыгъэх. (Варнавэ зыфаІорэ лІы­цІэм къикІырэр «ЦІыфхэр Зыгъэгушхорэр» ары.) 37 Ащ хьа­сэу иІагъэр ыщи, ахъщэр къыхьи, апостолхэм апашъхьэ къырилъхьагъ.

 

4:36 хыгъэхъунэ – чІыгу гъушъэу псы гузэгум итыр ары.

 

 

05

ЯТФЭНЭРЭШЪХЬ

 

Ананыйрэ Сапфирэрэ якъэбар

 

Ананый ыцІэу, лІы горэ щыІагъ. Ежьымрэ ишъхьэ­гъусэу Сапфирэрэ мылъку горэ ащагъ. 2Шъузым ышІэзэ, Ананый мылъкум ыуасэ щыщ ежьым пае зы тІэкІу хихи, къэнагъэр ыхьи, апостолхэм апашъхьэ рилъхьагъ.

3–Ананый, – къыІуагъ Петрэ, –Тхьэм ы Псэ ЛъапІэ пцІы фэуусынэуи, чІыгум ыуасэ щыщ ощ пае хэпхынэуи шэйтаным угу къырилъхьанэу сыдэущтэу хъугъа? 4ЧІы­гур пщэным ыпэкІэ, оуиеу щытыгъэба? Зыощэм ыуж, ахъщэм узыфаер епшІэн плъэкІыщтыгъэба? Мыщ фэдэу пшІэнэу сыд пае угу иплъхьагъ? ПцІы зыфэуусыгъэр цІыфхэр арэп, Тхьэр ары нахь.

5Ананый а гущыІэхэр зызэхеххэм, зэхафи, ыпсэ хэ­кІыгъ. Хъугъэ-шІагъэр зэхэзыхыгъэхэр зэкІэ щынэгъо­шхом хэфагъэх. 6КІэлэ ныбжьыкІэ куп къакІохи, ихьадэ чэфын ращэкІи, унэм рахыжьи, къэм чІалъхьажьыгъ.

7Сыхьэтищ фэдиз тешІагъэу, къэхъугъэр ымышІэу Ана­ный ишъхьэгъусэ унэм къихьагъ.

8–КъысаІу,– риІуагъ Петрэ, – чІыгур мыщ фэдиз ахъщэкІэ шъущагъа?

–Ары, ащ фэдиз ахъщэр ары зэрытщагъэр,– къыІуагъ бзылъфыгъэм.

9–Сыд пае Зиусхьаным ы Псэ ЛъапІэ жъугъэунэфынэу шъузэрэгъэгугъэжьыгъа?– риІуагъ Петрэ. –Еплъ, уилІ ихьадэ къэм чІэзылъхьажьыгъэхэр пчъэІупэм Іутых, о уихьади рахыжьыщт.

10Ардэдэм бзылъфыгъэр Петрэ ылъакъохэм адэжь щызэхафи, ыпсэ хэкІыгъ. КІэлэ ныбжьыкІэхэр къызе­хьэхэм, ари лІагъэу къагъотыгъ. Ихьадэ унэм рахыжьи, дахи, ишъхьэгъусэ бгъодэлъэу чІалъхьажьыгъ.

11Чылыс зэІукІэм щыщ пстэури хъугъэ-шІагъэхэр зэ­хэзыхыгъэ пстэури щынэгъошхом хэфагъэх.

 

Апостолхэм нэшэнэ гъэшІэгъонышхо Іаджи

зэрагъэлъэгъуагъэмрэ Іофышхо гъэшІэгъон Іаджи

зэрашІагъэмрэ

12Апостолхэм цІыфхэм апашъхьэ нэшэнэ гъэшІэгъо­нышхо Іаджи къыщагъэлъагъощтыгъ, Іофышхо гъэшІэ­гъон Іаджи щашІэщтыгъ. ШІошъхъуныгъэ зиІэ пстэуми зэдаштэу, пачъыхьэ Сэлмэн ыцІэкІэ заджэхэрэ щагоу шъхьэ зытелъ пкъэу къэлапчъэхэр зиІэм щызэІукІэщты­гъэх. 13ЦІыфхэр шІошъхъуныгъэ зиІэхэм ахэхьанхэу за­гъэгушхощтыгъэп, ау лъытэныгъэ афыряІэу щытыгъ. 14 Ащ имызакъоу, цІыф нахьыбэ, хъулъфыгъэхэми, бзылъ­фыгъэхэми, ЗиусхьанымкІэ шІошъхъуныгъэ яІэ хъоу, аго­хьэ зэпытыщтыгъэх. 15Арышъ, Петрэ зыблэкІыкІэ, зи мы­хъуми, иныбжьыкъу сымаджэхэм ащыщхэм къатыридзэ­ным пае, цІыфхэм ясымаджэхэр пІэхэми пІуаблэхэми ате­лъхэу къахьыхэти, урамхэм къатыралъхьащтыгъэх. 16Еру­салим игъунэгъу къалэхэми цІыфыбэхэр къарыкІыхэти, ясымаджэхэмрэ джынэпцІэ Іаехэм рагъэзыгъэхэмрэ къа­хьыщтыгъэх. Апостолхэм ахэр зэкІэ агъэхъужьыщтыгъэх.

 

Джурт тхьаматэхэм апостолхэр къин зэрарагъэщэчыгъэр

 

17ЕтІанэ дин пэщэшхомрэ дин пэщэшхом игъусэ пстэу­хэмрэ шъугъоныр агу къихьагъ. Дин пэщэшхом игъусэхэр диным рыкІорэ цІыф купэу саддукей* купкІэ заджэхэрэм щыщыгъэх. 18Апостолхэр аубытхи, къалэм ихьапс чІа­дзагъэх. 19Ау чэщым Зиусхьаным имэлэІич хьапсым ипчъэхэр Іуихыхи, ахэр къычІищыжьхи къыІуагъ:

20–ШъукІожьи, Тхьэм иунэшхо шъучІахьи, мы щыІэ­ныгъэ лъапІэм икъэбар зэкІэ цІыфмэ яшъуІуат.

21Апостолхэр едэІухи, нэф къызэшъым, Тхьэм иунэшхо чІахьэхи, а къэбарыр цІыфхэм арагъашІэу аублагъ.

Дин пэщэшхомрэ ащ игъусэхэмрэ къызэкІохэм, Тхьэмэтэ Хэсэшхом* щыщхэм (Израил цІыфмэ янахьыжъхэр* ары)

 

5:17 саддукейхэр – еплъ 4:1.

5:21 Тхьэмэтэ Хэсэшхор – еплъ 4:15.

5:21 нахьыжъхэр – еплъ 4:5.

 

къяджэхи, апостолхэр къащэнхэм пае ухъумакІохэр хьа­псым агъэкІуагъэх. 22Ау ухъумакІохэр хьапсым зэкІохэм, апостолхэр ащ чІэсхэу агъотыгъэхэп. Арыти, къагъэзэжьи къаІуагъ:

23–Хьапсыр пытэу гъэпытагъэу, ухъумакІохэри пчъэ­хэм аІутхэу къэдгъотыгъ, ау пчъэхэр Іутхи, тызычІа­хьэм, зи чІэдгъотагъэп.

24Тхьэм иунэшхо иухъумакІохэм ятхьаматэмрэ дин пэ­щэшхохэмрэ ар зызэхахым, зыфахьын ашІагъэп.

25Джащыгъум зыгорэ къакІуи, къэбар ахэмэ къафи­хьызэ ариІуагъ:

–Шъо хьапсым чІэжъудзэгъэгъэ цІыфхэр Тхьэм иунэ­шхо чІэтхэу, цІыфхэм Іофхэр арагъашІэх.

26Ар зареІом, илІыхэр игъусэхэу ухъумакІохэм ятхьа­матэр кІуи, апостолхэр къащагъэх, ау лІыгъэкІэ къаща­гъэхэп, сыда пІомэ цІыфхэр мыжъохэмкІэ яонхэшъ, зэраукІынхэм щыщынэщтыгъэхэти ары.

27Апостолхэр къащэхи, Тхьэмэтэ Хэсэшхом ыпашъхьэ ращагъэх. Дин пэщэшхор яупчІэу ыубли, мырэущтэу ыІуагъ:

28–«Мы лІым ыцІэкІэ цІыфхэм зи яшъумыгъашІ!» тІуи, унэшъо пытэ къышъуфэтшІыгъэба? Ау шъо Іофхэу цІыфхэм яжъугъэшІагъэхэр Ерусалим диз хъугъэ. Джы мы лІым ылъ къыттежъугъэфэнэу шъугу хэлъ.

29–ЦІыфхэм анахьи Тхьэм нахь тедэІун фае,– пэ­гъокІ къатыжьыгъ Петрэрэ адрэ апостолхэмрэ. 30–Тя­тэжъхэм я Тхьэ Хьисэ лІагъэхэм къахигъэтэджыкІы­жьыгъ. Ар шъо пкъэум ешъуІулІи, жъугъэлІагъэ. 31Хьисэ Израил цІыфхэр япсэкІодхэм афыкІыригъэгъожьын­хэшъ, къафэгъунхэм пае, Тхьэм Хьисэ тхьаматэу ыкІи цІыфхэр мыкІодхэу къэзыгъэнэжьынэу уашъом дищэе­жьи, ежьым иджабгъукІэ зыгуигъэтІысхьагъ. 32Тэри Тхьэм ы Псэ ЛъапІи мы Іоф пстэуми тыряшыхьат. Тхьэм ежь ы Псэ ЛъапІэ ежьым едэІурэ цІыфхэм агухэм къа­релъхьэ.

33Тхьэмэтэ Хэсэшхом щыщхэм ар зызэхахым, къызэкІэ­плъыхьэхи, апостолхэр аукІынхэу фэягъэх. 34Ау фарисей* горэ, Гамалил ыцІэу, цІыф пстэуми лъытэныгъэ зыфы­ряІэ Тэурат

 

5:34 фарисейхэр – джуртхэм ащыщхэу, диным рыкІорэ цІыф купэу щытыгъэх. Ахэр Тэурат хабзэмрэ ятэжъхэм къакІэныжьыгъэ хабзэ­хэмрэ агу етыгъэу апылъыщтыгъэх.

 

егъэджэкІо пащэу щытыр Тхьэмэтэ Хэсэ­шхом хэсэу къэтэджи, апостолхэр унэм тІэкІукІэ чІащын­хэу унашъо ышІыгъ. 35ЕтІанэ Тхьэмэтэ Хэсэшхом щыщхэм ариІуагъ:

–Израил лІыхэр, мы лІыхэм яшъушІэщтымкІэ шъузфэ­сакъыжь, 36сыда пІомэ бэмышІэу Февдэ ыцІэу, зы лІы горэ щыІагъ. Ежьыр лІы инэу цІыфхэм ашІуигъэшІэу, нэбгырэ шъиплІ фэдиз гъусэ къыфэхъугъэх, ау цІыфхэм ар аукІыгъ, игъусэхэри зэбгырыкІыжьхи, кІодыжьыгъэх. 37Ащ къынэуж цІыфхэм япчъагъэ залъытэм, Иудэ зыцІэ лІэу Галилей хэкум щыщыр къэтэджи, цІыф Іэджи гъусэ къыфэхъугъ. ЦІыфхэм ари аукІыгъ, игъусэ пстэури зэбгы­рыкІыжьыгъэх. 38Джы мыр шъосэІо: Мы лІыхэм ауж шъуикІыжьи, шъутІупщыжьых. Ахэмэ ягухэлри яІофи къызхэкІырэр цІыфыр арымэ, кІодыжьыщт. 39Ау яІоф къызхэкІырэр Тхьэр арымэ, ахэр жъугъэуцунхэ шъулъэ­кІыщтэп. Шъузфэсакъыжь, Тхьэм шъупэуцоу къычІэкІын­кІи мэхъу.

40Арэущтэу Гамалил къыІуагъэхэм ядэІугъэх. ЕтІанэ апостолхэм къяджэжьхи, къамыщкІэ яуагъэх. Ащ нэ­ужым Хьисэ ыцІэкІэ цІыфмэ зи арамыІонэу унашъо афашІи атІупщыжьыгъэх.

41Арэущтэу Хьисэ ыцІэкІэ лые къарахынэу Тхьэм къызэрафигъэшъошагъэмкІэ щыгушІукІхэу, апостолхэр Тхьэмэтэ Хэсэшхо унэм къычІэкІыжьыгъэх. 42Мафэ къэси Тхьэм иунэшхуи унэхэми цІыфхэм Тхьэм игу­щыІэхэр щарагъашІэ зэпытыщтыгъэх, къэбарышІоу Хьисэыр Мэссихьэу зэрэщытри цІыфхэм арагъэІу зэпыты­щтыгъэх.

06

ЯХЭНЭРЭШЪХЬ

 

Апостолхэм ежьхэм адэІэпыІэнхэу нэбгырибл зэрагъэнэфагъэхэр

 

А мафэхэм ХьисэкІэ шІошъхъуныгъэ зиІэхэр нахьыбэ хъухэ зэхъум, алыджэбзэкІэ гущыІэрэ джуртхэм* джуртыбзэкІэ гущыІэрэ джуртхэм* афэтхьаусыхэхэу аІуагъ:

 

 

6:1 алыджэбзэкІэ гущыІэрэ джуртхэр – Палестинэ хэгъэгум нэмыкІ хэгъэгу горэм щыщхэу грекыбзэкIэ гущыIэщтыгъэх..

6:1 джуртыбзэкІэ гущыІэрэ джуртхэр – ахэр Палестинэ щыщыгъэх.

 

–Мафэ къэси шхын зыжъугощыкІэ, тэ тишъузабэхэр пхъэтэпэмыхь шъошІы.

2Арэущтэу зэхъум, апостол пшІыкІутІур ХьисэкІэ шІошъхъуныгъэ зиІэ цІыфхэм зэкІэ къяджэхи къаІуагъ:

–Шхын дгощыным пае, Тхьэм игущыІэхэм цІыфхэр яты­мыгъэдэІунхэр тэрэзэп. 3Арэущтэу зэрэщытым пае, тшы­хэр, цІыф пстэуми лъытэныгъэ зыфыряІэу, Тхьэм ы Псэ ЛъапІэ инэу зыгу илъхэу, акъылышIуагъэ зиІэ нэбгы­рибл шъуащыщэу къыхэшъух. Мы Іофыр ахэмэ апшъэ итлъхьан. 4Тэри Тхьэм телъэІунми, Тхьэм игущыІэхэр цІыфмэ ядгъэІунхэми тыпылъ зэпытыщт.

5Мы гущыІэхэр цІыфхэу зэІукІагъэхэм зэкІэ агу еIугъэх. Арэущтэу Стефанэу шІошъхъуныгъэмрэ Тхьэм ы Псэ Лъа­пІэрэ инэу зыгу илъ лІы къыхахыгъ. Ащ нэмыкІэу Фи­липп, Прохор, Никан, Тимон, Пармен, Николаеу Антио­хие къалэм щыщэу, джуртэу хъугъэр къыхахыгъэх. 6Ахэр апостолхэм апашъхьэ щагъэуцугъэх. Апостолхэр Тхьэм елъэІугъэх, аІэхэри ахэмэ ашъхьэхэм атралъхьагъэх*.

7Арэущтэу Тхьэм игущыІэхэм а лъэныкъом инэу зыща­убгъущтыгъ. ХьисэкІэ шІошъхъуныгъэ зиІэхэм япчъагъэ Ерусалим бэу щыхэхъуагъ. Дин пащэхэм ащыщ купы­шхоми шІошъхъуныгъэ яІэ хъугъэ.

 

Стефан зэраубытыгъэр

 

8Стефан Тхьэм ынэшІу инэу къызщифагъэу, лъэкІы­ныгъэшхо зиІэ лІэу щытыгъ. Ащ Іофышхо гъэшІэгъонхэр ышІэщтыгъэх, нэшэнэ гъэшІэгъонышхохэри цІыфмэ апашъхьэ къыщигъэлъагъощтыгъэх. 9Шъхьафитныгъэ зиІэ хъугъэхэу* зыфаІорэ лІыхэм ясинэгогу*

 

6:6 аІэхэр ахэмэ ашъхьэхэм атралъхьагъэх – арэущтэу зыфашІагъэр а Іофыр а лІыхэм апшъэ ралъхьанри, ахэмэ а Іофыр агъэцэкІэным пае, Тхьэм ынэшІу къащифэнри ары,

6:9 шъхьафитныгъэ зиІэ хъугъэхэр – джуртхэу пщылІхэу щыты­гъэхэу, шъхьафитныгъэ зыгъотыжьыгъэхэр ары.

6:9 синэгогу – джуртхэм ятхьэлъэІупІэ ары.

 

 

щыщхэр (ахэр Кириние къалэм, Александрие къалэм, Киликие хэ­кум, Асие хэкум щыщыгъэх) Стефан енэкъокъухэу ау­благъ. 10Ау Стефан иакъылышIуагъэ паий, игущыІэ­хэр Тхьэм ы Псэ ЛъапІэ къызэрэригъэІуагъэхэм паий ежьым пэуцужьынхэ алъэкІыщтыгъэп.

11Джащыгъум ахэмэ цІыф заулэмэ мырэущтэу арагъэ­Іуагъ:

–Мы лІыр пегъымбар Мусэмрэ Тхьэмрэ яхъонэу зэхэ­тхыгъ.

12 Арэущтэу заІом, цІыфхэри, нахьыжъхэри, Тэурат егъэджэкІо пащэхэри зэкІагъэплъыхьагъэх. Ахэми Сте­фан аубыти, Тхьэмэтэ Хэсэшхом ыпашъхьэ ращагъ. 13Шыхьат нэпцІхэри къащагъэх. А шыхьатхэм' мырэу­щтэу аГуагъ:

–Мы лІыр мы чІыпІэ лъапІэмрэ Тэурат хабзэмрэ яхъоны зэпыт. 14Сыда пІомэ Назарет къалэм щыщ Хьисэ мы чІыпІэр зэхикъутэщт, пегъымбар Мусэ къытфи­гъэнэгъэ хабзэхэри зэблихъущтых, мы лІым къыІоу тэ зэхэтхыгъ.

15Тхьэмэтэ Хэсэшхом щыщ пстэури Стефан езэрэгъэ­плъыгъэх. Ащ ынапэ мэлэІич напэм фэдэу къащыхъугъ.

 

 

07

ЯБЛЭНЭРЭШЪХЬ

 

Стефан Тхьэмэтэ Хэсэшхом ыпашъхьэ къызэрэщыгущыІагъэр

 

ЕтІанэ дин пэщэшхор Стефан еупчІыгъ:

–Мы лІыхэм къаІохэрэр шъыпкъэха?

2–Тшыхэри, тятэхэри, шъукъэдаIу!– къыІожьыгъ Сте­фан. –Тятэжъышхо Ибрахьимэ Харан къалэм дэмытІыс­хьэ рапшІэу, щытхъушхо зиІэ Тхьэр Месопотамие хэгъэ­гум ащ къыщыфэлъэгъуагъ. 3Тхьэм мырэущтэу къыри­Іуагъ:*

 

7:3 Тхьэм . . . къыриІуагъ – еплъ Пегъымбар Мусэ апэрэ тхылъэу ытхыгъэм 12:1.

 

«О уихэгъэгуи, уиблагъэхэми ахэкІи, сэ озгъэлъэ­гъущт хэгъэгум кІо!»

4–Арэущтэу Ибрахьимэ Халдей хэгъэгум икІи, Харан къалэм кІуи, дэтІысхьагъ. Ятэ зэлІэ ужым, мы хэгъэгоу шъо шъузэрысым Тхьэм къыгъэкощи къэкІуагъ. 5Мыщ дэжьми Тхьэм Ибрахьимэ мылъку зи къыщыритыгъэп, лъэкъо тегъэуцуапІэ фэдиз чІыгум щыщи къыритыгъэп. Ау Ибрахьимэ а мафэхэм зи сабый имыІагъэ пэтми, мы хэгъэгур ежьымрэ ежьым къытехъукІыщтхэмрэ хэгъэгу афэхъунэу Тхьэм къыгъэгугъагъ. 6Тхьэм мырэущтэу къыІуагъ:* «О къыптехъукІыщтхэр илъэс шъиплІкІэ хы­мэ хэгъэгум щыпсэущтых, цІыфхэм ахэр агъэпщылІхэзэ, лыехэри къарахыщтых. 7Ау ахэр зыгъэпщылІырэ лъэ­пкъым сэ езгъэпщыныжьыщт. Ащ ыужым о къыптехъу­кІыщтхэр а хэгъэгум икІынхэшъ, кІонхэшъ, мы чІыпІэм сыщагъэлъэпІэщт». 8ЕтІанэ Тхьэм ежьымрэ Ибрахьимэрэ азыфагу зэзэгъыныгъэ зэрэдилъхьагъэм итамыгъэу, Ибра­хьимэ сунэтшІыныр* къыфигъэнагъ. ЕтІанэ Ибрахьимэ Исхьакъ къыфэхъуи, яенэрэ мафэм сунэт ышІыгъ. Ащ нэужым Исхьакъи къыщи, Якъубэ къыфэхъугъ. Якъуби тэ тятэжъышхоу пшІыкІутІумэ ятэу афэхъугъ.

9–Ау тятэжъышхохэр ежьхэм аш Юсыф ешъугъухэти, пщылІ фэдэу Мысырым ащэнэу лІы куп горэм ращагъ. Ау Тхьэр Юсыф игъусагъ, 10икъин пстэуми къахи­щыжьыгъ. Тхьэм Юсыф акъылышIуагъэ къырити, Мысырым ипачъыхьэ Фыраун ынэшІу къыщыригъэфагъ. Фыраун Мысырыми ежь иунэшхоми Юсыф пащэу афишІыгъ.

11–Ащ нэужым гъэблэшхорэ тхамыкІэгъэшхорэ Мысыр хэгъэгуми зэкІэ Ханаан хэгъэгуми къащыхъугъ. Тятэжъы­шхохэми шхын агъотыщтыгъэп. 12Якъубэ Мысырым гъомлапхъэ щыІэу зызэхехым, апэу тятэжъхэр ащ дэжьым ыгъэкІуагъэх. 13Ышхэр Мысырым ятІонэрэу къызэкІохэм, Юсыф зыкъаригъэшІэжьыгъ. Фырауни Юсыф иунагъо ышІэу хъугъэ. 14ЕтІанэ Юсыф ышхэр ыгъакІохи, ятэу Якъубэ къэбар фаригъэхьыгъ, зэкІэ иунэкъощхэр, нэбгырэ тІокІищырэ пшІыкІутфырэ Мысырым къэкІон хэу. 15Арэущтэу

 

7:6-7 Тхьэм . . . къыІуагъ – еплъ Пегъымбар Мусэ апэрэ тхылъэу ытхыгъэм 15:13-14.

7:8 сунэт – обрезание ары.

 

Якъубэ Мысырым кІуагъэ. Ащ ежьыри тятэжъхэри щылІагъэх. 16Ахэмэ яхьадэхэр Сихэм къалэм ахьыжьхи, Ибрахьимэ тыжьын ахъщэкІэ Емор ыкъохэм къащищэфыгъэ къэунэм чІалъхьажьыгъэх.

17–Тхьэм Ибрахьимэ къызэригъэгугъагъэм игъэшъы­пкъэжьыгъо къэсы зэхъум, тэ тлъэпкъ Мысырым нахьы­бэ щыхъу зэпытыщтыгъ, 18нэмыкІ лІэу Юсыф зымышІэ­щтыгъэр пэчъыхьэу хъуным нэсыфэ. 19А пачъыхьэр ти­цІыфхэм тхьагъэпцІыгъэкІэ адэзекІощтыгъ, тицІыфхэм ясабыйхэри ымыгъэпсэунхэм пае, чІаригъэдзыжьхэу тятэжъхэм лые арихыщтыгъ.

20–А мафэхэм пегъымбар Мусэ къэхъугъ, Тхьэм ыдэжь­кІи сабый дахэу щытыгъ. МэзищкІэ ятэ иунэ щаІыгъыгъ, етІанэ губгъом къыщагъэнагъ. 21Губгъом къызыщагъа­нэм, Фыраун ыпхъу къыхьи, ыкъо фэдэ ыпІугъ. 22Арэу­щтэу Мысыр цІыфхэм акъылышIуагъэу  яІэгъэ пстэури Мусэ рагъэшІагъ, Муси игущыІэхэмкІи ышІэгъэ Іофхэм­кІи лъэкІыныгъэ зиІэ лІэу щытыгъ.

23–Мусэ ыныбжь илъэс тІокІитІум зынэсым, ышхэу Из­раил цІыфхэр зэригъэлъэгъунхэу рихъухьагъ. 24Мысыр лІы горэм Израил лІыхэм ащыщэу зыгорэм лые рихэу зе­лъэгъум, ІэпыІэгъу фэхъуи, лые къезыхырэм ышІэгъэ Іофым ипэгъокІ ригъэгъотызэ, еуи ыукІыгъ. 25Мусэ ышхэм зэхашІыкІынэу шІошІыгъ Тхьэм ежьым ахэр къиным къызэрэхыригъэщыжьыщтхэр, ау ахэмэ зэхашІы­кІыгъэп. 26ЯтІонэрэ мафэм ышхэм ащыщхэу нэбгыритІу зэзаохэу Мусэ зелъэгъум, зэригъэшІужьынхэм пае ари­Іуагъ: «Шъо лІитІур, шъо шъузэкъош, сыд пае лые зэ­шъухыра?»

27–Ау ышы лые езыхырэр Мусэ еІункІи риІуагъ: «Хэта о тхьаматэу укъытфэхъунэуи хьыкум къыттепшІыхьанэуи укъэзыгъэлъэгъуагъэр? 28Тыгъуасэ Мысыр лІыр зэрэу­укІыгъэм фэдэу сыуукІынэу уфая?» 29А гущыІэхэр Мусэ зызэхеххэм, хэхьажьи, Мадиам хэгъэгум кІуи, итІысхьагъ. Ащ къуитІу къыщыфэхъугъэх.

30–Илъэс тІокІитІу зытешІэм, Синай къушъхьэм дэжь шъоф нэкІым пэнэ куандэу машІо зыхэнагъэм* хэтэу,мэлэІич горэ Мусэ къыщыфэлъэгъуагъ. 31Мусэ ар зелъэгъум,

 

7:30-34 пэнэ куандэу машІо зыхэнагъэр – еплъ Пегъымбар Мусэ ятІонэрэ тхылъэу ытхыгъэм 3:1-10.

 

ыгъэшІэгъуагъ. Нахь тэрэзэу еплъынэу зекІуалІэм, Зиусхьаным ымакъэ къэІугъ: 32«Уятэжъы­шхохэм я Тхьэу Ибрахьимэ, Исхьакъ, Якъубэ я Тхьэр сэры». Мусэ къэкІэзэзи, еплъынэу тегушхуагъэп.

33–ЕтІанэ Зиусхьаным къыриІуагъ: «О уицуакъэхэр зыщыхых, сыда пІомэ узытет чІыпІэр чІыпІэ лъапІэшъ ары. 34Сэ слъэпкъ гузэжъогъу Мысырым зэрэщыхэтыр слъэгъугъэ, ящэІу макъэхэри зэхэсхыгъэх. Ахэр къиным къыхэсщыжьынхэу сыкъехыгъ. КІо, о Мысырым узгъэ­кІожьыщт».

35(ЕтІанэ Стефан ипсалъэ джыри къыпидзэжьыгъ:) –Ахэмэ, «Хэта о тхьаматэу укъытфэхъунэуи хьыкум къыт­тепшІыхьанэуи укъэзыгъэлъэгъуагъэр?» аІоу, амыдэу зыфаІогъэгъэ Мусэ ары. А Мусэ дэдэр ары ахэмэ тхьаматэ афэхъунэуи шъхьафит ышІынхэуи Тхьэм къыгъэкІуа­гъэр, мэлэІичэу пэнэ куандэм хэтэу къыфэлъэгъуагъэм иІэпыІэгъукІэ. 36Муси ары Израил цІыфхэр Мысырым къизыщыжьыгъэр, Мысырыми, Хы Плъыжьми, илъэс тІокІитІо шъоф нэкІыми Іофышхо гъэшІэгъонхэр къащы­зышІагъэр, нэшэнэ гъэшІэгъонышхохэри къащызыгъэлъэ­гъуагъэр. 37А Мусэ ары Израил цІыфхэм языІуагъэри: «Шъушыхэм ащыщэу сэ сфэдэу пегъымбар горэ Зиусхьа­нэу Тхьэм къышъуфигъэкІощт». 38Мусэ ары тятэжъхэу шъоф нэкІым щызэІукІэщтыгъэхэм ахэтыгъэр. Мусэ мэлэ­Іичэу Синай къушъхьэм къыщыдэгущыІагъэм игъусагъ, мыкІодыжьын гущыІэхэри тэ къытфигъэнэжьынхэу къы­ІэкІэхьагъэх.

39–Ау тятэжъхэр Мусэ едэІунхэу фаещтыгъэхэп. Мусэ зэрамыпэсэу агухэмкІэ Мысырым зыфагъэзагъэ. 40Ахэмэ Хьарун раІуагъ:* «Тапэ итхэу ахьынхэу тхьэ сурэтхэр тфэшІых! Мысырым тыкъизыщыжьыгъэ Мусэ къехъулІа­гъэр тшІэрэп». 41А мафэхэм шкІэ теплъэ иІэу тхьэ нэпцІ ашІи, къурмэн ащ фашІыгъ. Ахэмэ ежьхэм аІэкІэ ашІы­гъэ тхьэ нэпцІым щыгушІукІхэу, ешхэ-ешъошхо ашІыгъ. 42Ау Тхьэм ыкІыб ахэмэ къафигъази, ахэмэ уашъом ипкъыгъохэм тхьэпІалъэу ялъэІунхэу къыгъэнагъэх, пе­гъымбархэм ятхылъ зэритым фэдэу:*

 

7:40 ахэмэ . . . раІуагъ – еплъ Пегъымбар Мусэ ятІонэрэ тхылъэу ытхыгъэм 32:1,23.

7:42-43 пегъымбархэм ятхылъ зэритым фэдэу – еплъ Пегъымбар Амос тхылъэу ытхыгъэм 5:25-27.

 

«Шъо Израил цІыфхэр, илъэс тІокІитІо шъоф нэкІым шъузетым,

     къурмэныпхъэу шІошъубзы­щтыгъэр сэра къызфэшъушІыщтыгъэр?

43Хьау, къурмэн къызфэшъушІыщтыгъэр сэрэп,

ау къэшъухьыщтыгъэр шъуитхьэ нэпцІэу Молох* зыцІэм итхьэлъэІупІэ щэтыри, шъуитхьэ нэ­пцІэу Ремфан* ижъуагъо исурэти ары.

Мыхэр ары шъуялъэІунхэу тхьэ нэпцІхэу шъушІы­гъэхэр.

Арэущтэу зыхъукІэ, Бабилэн зыцІэ къэлэшхом нахьи нахь чыжьэу

шъуипыйхэм шъуязгъэщэщт».

44 –Тятэжъхэм шыхьатныгъэм итхьэлъэІупІэ чэтэнгъэ­Іагъэр* шъоф нэкІым щыряІагъ. А чэтэнгъэІагъэр Тхьэм Мусэ унашъо къызэрэфишІыгъагъэм фэдэу ашІыгъагъ, чэтэнгъэІагъэм ышъо теплъэу Мусэ ылъэгъугъагъэм те­тэу. 45Ащ ыужым тэ тятэжъхэм а чэтэнгъэІагъэр къакІэ­ныгъэу, къыздахьыгъ. Тхьэм ахэмэ апашъхьэ хымэ лъэ­пкъхэр къырифыхэзэ, Хьисэ Нун ыкъо тятэжъхэм япащэу а лъэпкъхэм яхэгъэгу къызатырахым, а чэтэнгъэІагъэр къыздахьыгъ. ЕтІанэ пачъыхьэ Даутэ имафэхэм анэсы­фэ, чэтэнгъэІагъэр а хэгъэгум къинагъ. 46Тхьэм ынэшІу Даутэ щифагъ. Даутэ Тхьэм елъэІугъ: «О Якъубэ ури Тхь, унэшхо къыпфэсшІынэу фит сыкъэшІ». 47Ау пачъыхьэ Сэлмэн ары Тхьэм унэшхор фэзышІыгъэр.

48–Ау анахь Иныр цІыфхэм аІэкІэ ашІыгъэ унэхэмэ арысэп. Зиусхьаным къызэриІорэр пегъымбарым итхылъ зэритым фэдэу:*

49«Уашъор ары сипачъыхьэ тІысыпІэ, чІылъэри ары силъэгукІэтыныр.

 

7:43 Молох – Аммон лъэпкъым итхьэ нэпцІ арыгъэ. Аммон лъэпкъыр Иордан псыхъом итыгъэ къыкъокІыпІэ лъэныкъокІэ щыпсэущтыгъ. гъэх.

7:43 Ремфан – пэсэрэ тхьэ нэпцІхэм ащыщэу, ошъопкъыгъоу Сатурн зыцІэм итхьэу алъытэщтыгъэр ары.

7:44 шыхьатныгъэм итхьэлъэІупІэ чэтэнгъэІагъэр – Израил цІыфхэм шъоф нэкІым къыщакІухьэ зэхъум, Тхьэм иунэ фэдэу зы чэтэнгъэІагъэ зыдахьыщтыгъ. А чэтэнгъэІагъэр Тхьэр зэрягъусэр шыхьат афэхъущтыгъ. Еплъ Пегъымбар Мусэ ятІонэрэ тхылъэу ытхыгъэм 36:8-38.

7:48-50 пегъымбарым итхылъ зэритым фэдэу – еплъ Пегъымбар Ешай тхылъэу ытхыгъэм 66:1-2.

 

Сыд фэдэ уна къысфэшъушІыщтыр? Тыдэ щыІа зызщызгъэпсэфыщт чІыпІэр?

50Мыхэр зэкІэ къэзыгъэшІыгъэр сэрыба?»

51 –Шъо цІыф къаигъэхэр! ШъугухэмкІи шъутхьакІу­мэхэмкІи Тхьэр зымышІэрэ цІыфхэм шъуафэд. Шъо шъуятэжъхэм шъуафэдэу, Тхьэм ы Псэ ЛъапІэ шъу­пэуцу зэпыты. 52Шъуятэжъхэм къин зэрамыгъэщэчыгъэ пегъымбар горэ щыІагъа? Хьау, щыІагъэп. Шъыпкъа­гъэр ЗиІэр дунаим къызэрэтехьащтыр къэзыгъэІухэрэри аукІыгъэх. Шъори тетыгъо зиІэхэм ар аІэкІэшъугъахьи, яжъугъэукІыгъ. 53 МэлэІичхэм Тэурат хабзэр къызыІэкІалъхьагъэр шъоры, ау щытми Тэурат хабзэм итхэр жъугъэцакІэрэп.

 

Стефан мыжъокІэ еохэзэ зэраукІыгъэр

 

54Тхьэмэтэ Хэсэшхом щыщхэм Стефан къыІорэр зы­зэхахым, къызэкІэплъыхьагъэхэу, ацэхэр зэрагъэшхы­щтыгъэх. 55Ау Тхьэм ы Псэ ЛъапІэ Стефан ыгу инэу илъ хъуи, уашъом дэплъыий, Тхьэм ищытхъушхуи Хьисэ Тхьэм иджабгъукІэ готэуи ылъэгъугъ.

56–Шъуеплъ,– къыІуагъ Стефан, –уашъохэр зэІухы­гъэхэу, ЦІыф Лъэпкъым ы Къо* Тхьэм иджабгъукІэ готэу сэлъэгъу.

57Джащыгъум ахэмэ атхьакІумэхэр ІуапІохи, мэкъэ­шхокІэ куохэу тезэрэгъэбэнагъэх. 58ЕтІанэ Стефан къа­лэм далъэшъуи, мыжъокІэ еохэзэ, аукІэу аублагъ. Шы­хьатхэм ящыгъынхэр Шаул* зыцІэу зы кІалэ горэм ылъа­къохэм адэжь щагъэтІылъыгъэх.

 

7:56 ЦІыф Лъэпкъым ы Къо – «ЦІыф Лъэпкъым ы Къо фэдэу уашъом иошъуапщэхэм ахэтэу, зыгорэ къехыгъ» пегъымбар Даниил къыІогъэгъэ гущыІэхэр Хьисэ ежь ышъхьэ пае ыІожьыгъэх. ЦІыф Лъэпкъым ы Къоу зиунэ уашъом щыІэу, уашъом къехыгъэр Хьисэ ары (Иуан 3:13). Гъощагъэхэм алъыхъузэ, мыкІодхэу къыгъэнэжьынхэм пае, ЦІыф Лъэпкъым ы Къо къэкІуагъ (Лука 19:10). ЦІыфыбэмэ апае шъхьэщэфыжьэу ыпсэ ытыным пае, ЦІыф Лъэпкъым ы Къо къэкІуагъ (Марк 10:45). ЦІыф Лъэпкъым ы Къо лІагъэхэм къахэтэджыкІыжьын фэягъ (Маттэ 17:9). Ежь Ятэ ищытхъушхо иІэу, дунаим ицІыфхэм хьыкум атыришІыхьаным пае, ЦІыф Лъэпкъым ы Къо дунаим къэкІожьыщт (Маттэ 25:31).

7:58 Шаул – апостол Паул ыцІэ джуртыбзэкІэ Шаул аІо.

 

59 АукІынэу мыжъомкІэ еохэ зэхъум, Стефан елъэІугъ:

–Зиусхьан Хьисэ, спсэ хэх!

60ЕтІанэ лъэгонджэмышъхьэкІэ тІыси, мэкъэшхокІэ къэкууи къыІуагъ:

–Зиусхьан, мы псэкІодыр мы цІыфхэм апшъэ имылъхь! Ар къыІуи, ыпсэ хэкІыгъ.

 

 

08

ЯЕНЭРЭШЪХЬ

 

Шаул Стефан зэраукІыгъэр игъоу ылъэгъугъ.

 

Шаул чылыс зэІукІэм щыщхэм къин зэраригъэщэчыщтыгъэр

 

А мэфэ дэдэм цІыфхэм чылыс зэІукІэм щыщхэу Ерусалим дэсхэм лъэшэу къин арагъэщэчэу аублагъ. Апостолхэм анэмыкІэу, шІошъхъуныгъэ зиІэ пстэури Иудей хэкумрэ Самарие хэкумрэ ащызэбгырыкІыжьыгъэх. 2Тхьэм ищынагъо зыгу илъ лІыхэм Стефан чІалъхьажьи, хьэдэгъэшхо фашІыгъ. 3Ау Шаул чылыс зэІукІэм щыщхэр ыгъэкІодынхэу ыуж итыгъ. Зы унэм икІымэ, адрэ унэм ихьэзэ, илІыхэм хъулъфыгъэхэри бзылъфыгъэхэри лІыгъэкІэ раригъэщыхэти, хьапсым чІаригъадзэщтыгъэх.

 

Филипп къэбарышІур Самарие хэкум зэрэщигъэІущтыгъэр

 

4ЦІыфхэу зэбгырыкІыжьыгъагъэхэм къакІухьэзэ, къэбарышIур* цІыфхэм арагъэІущтыгъ. 5Филипп* Самарие хэкум* щыщ къалэ горэм къакІуи, ащ дэс цІыф­мэ

 

8:4 къэбарышІур – Хьисэ Мэссихь ехьылІэгъэ къэбарышІур ары. Тхьэм пегъымбархэм ажэкІэ цІыфхэр къызэригъэгугъэгъэ Іофхэр Хьисэ Мэссихь Іофэу ышІагъэмкІэ къыгъэшъыпкъэжьыгъэх, арэущтэуи цІыфхэр къызэригъэнэжьынхэ гъогу афишІыгъ.

8:5 Филипп – апостолхэм ежьхэм адэІэпыІэнхэу агъэнэфэгъэ лІиблым ащыщыгъ. Еплъ 6:5.

8:5 Самарие хэкур – Иудей хэкумрэ Галилей хэкумрэ азыфагу дэлъ хэкур арыгъэ. Джуртхэмрэ Самарие цІыфхэмрэ яхабзэхэри ядинхэри зэфэшъхьафхэу зэрэщытыгъэхэм пае, зэпыищтыгъэх.

 

Мэссихь ехьылІэгъэ къэбарыр аригъэІугъ. 6ЦІыф купышхохэм Филипп къэгущыІэу зэхахэу, Іофышхо гъэ­шІэгъонхэу ышІэщтыгъэхэри залъэгъухэм, къыІохэрэм яшъыпкъэу ядэІущтыгъэх; 7сыда пІомэ цІыфыбэхэм ахэс джынэпцІэ Іаехэр кІыихэу ахэкІыщтыгъэх, зыІэпкъ-лъэпкъ узым зэкІиубытэгъэ цІыфыбэхэри, цІыф лъащэ­хэри Филипп ыгъэхъужьыщтыгъэх. 8Арэущтэу а къалэм ицІыфхэм гушІогъошхо яІэ хъугъэ.

9Ау а къалэм Симон ыцІэу зы лІы горэ дэсыгъ. Зы заулэрэ ушхъухьаныгъэм пылъыгъэу, ежьыр лІы инэу ашІуигъэшІэу Самарие хэкум ис цІыфмэ ашІогъэ­шІэгъоныщтыгъ.

10–Мы лІыр Тхьэм илъэкІыныгъэшхоу «ЛъэкІыныгъэ Инэу» зыфаІорэр ары,– аІозэ, цІыф пстэури, ини цІыкІуи, Симон къыІохэрэм агу етыгъэу ядэІущтыгъэх. 11Бэ­шІагъэу иушхъухьаныгъэ ахэмэ инэу агъэшІагъоти, яшъыпкъэу едэІущтыгъэх. 12Ау Тхьэм и Тетыгъошхо* ехьылІэгъэ къэбарышІумрэ Хьисэ Мэссихь ыцІэ ехьы­лІэгъэ къэбарышІумрэ Филипп аригъэІухэу, цІыфхэм шІошъхъуныгъэ яІэ хъу зэхъум, хъулъфыгъэхэми бзылъфыгъэхэми Филипп зырагъэумэхъыгъ. 13Ежь Симони ХьисэкІэ шІошъхъуныгъэ иІэ хъуи, Филипп зыригъэу­мэхъыгъэу, ыуж итэу кІощтыгъ. Филипп нэшэнэ гъэшІэгъонышхохэу къыгъэлъагъощтыгъэхэри Іофышхо гъэ­шІэгъонхэу ышІэщтыгъэхэри Симон зилъэгъухэкІэ, ыгъэшІагъощтыгъэх.

14Ерусалим дэс апостолхэм Самарие цІыфхэм Тхьэм игущыІэхэр зэрадагъэхэр зызэхахым, Петрэрэ Иуанрэ ахэмэ адэжь агъэкІуагъэх. 15Петрэрэ Иуанрэ зынэсхэм, Тхьэм ы Псэ ЛъапІэ шІошъхъуныгъэ зиІэхэм агухэм арылъ хъунэу Тхьэм афелъэІугъэх; 16сыда пІомэ Тхьэм ы Псэ ЛъапІэ ахэмэ ащыщэу зыми къыфехыгъагъэгоп, Зиусхьанэу Хьисэ ыцІэкІэ Филипп ахэр ыумэхъыгъагъэхэ ныІэп. 17Джащыгъум Петрэрэ Иуанрэ аІэхэр ахэмэ атралъхьахи, Тхьэм ы Псэ ЛъапІэ а шІошъхъуныгъэ зиІэхэм агухэм арылъ хъугъэ.

 

8:12 Тхьэм и Тетыгъошхо – еплъ 1:3.

 

18Апостолхэм аІэхэр затыралъхьэм, а цІыфхэм Тхъэм ы Псэ ЛъапІэ агухэм арылъ зэрэхъугъэр Симон зелъэ­гъум, апостолхэм ахъщэ къафихьи, мырэущтэу къыІуагъ:

19–Сэ сІэхэр цІыф горэм теслъхьэхэмэ, Тхьэм ы Псэ ЛъапІэ ыгу илъ хъуным пае, сэри мы лъэкІыныгъэр къысэшъут.

20–Тхьэм итын ахъщэкІэ къэпщэфышъунэу пшІошІы­гъэшъ, уиахъщи ори шъузэдэрэкІод,– риІуагъ Петрэ. 21 –Тхьэм ыдэжькІэ угу шъыпкъагъэ илъэпти, мы Іофым ущыщэп ыкІи уиІахьи хэлъэп ыкІи. 22Арышъ, мы бзэджагъэу уиІэм фыкІэгъожьи, Тхьэм елъэІу. Мыхъун гухэлъэу уиІэр Тхьэм къыпфигъэгъункІи мэхъу; 23сыда пІомэ шъугъоныр о угу инэу илъэу, бзэджагъэми узэ­кІиубытагъэу сэлъэгъу.

24 –КъэшъуІуагъэхэм ащыщэу зи къысэмыхъулІэнэу Тхьэм шъукъысфелъэІу,– къыІожьыгъ Симон.

25 Апостолхэр Зиусхьаным шыхьат фэхъухи, игущыІэхэр къызагъэІухэ ужым, Самарие хэкум щыщ къоджабэмэ къэбарышІур ащагъэІузэ, Ерусалим агъэзэжьыгъ.

 

Филиппрэ Ефиопие хэгъэгум щыщ Іэшъхьэтетымрэ

 

26–Тэджи, Ерусалим дэкІи, Газэ къалэм* кІорэ гъогум щэджагъом дэжь техь!– ыІуи, Зиусхьаным имэлэІич Филипп къыриІуагъ. Ар шъоф нэкІым кІорэ гъогоу щыт. 27Арэущтэу Филипп тэджи, гъогум техьагъ. КІозэ, Ефио­пие хэгъэгум щыщ лІы горэм ІукІагъ. А лІыр Ефиопием ибзылъфыгъэ пачъыхьэу Кандакие фэлажьэрэ Іэшъхьэтет­хэм ащыщыгъ. Бзылъфыгъэ пачъыхьэм имылъку зэкІэ ащ ыІэ илъыгъ. Ар Ерусалим Тхьэм щелъэІунэу къэ­кІогъагъ. 28Ихэгъэгу ыгъэзэжьынэу кум итІысхьагъэу, пегъымбар Ешай ытхыгъэ тхылъым еджэщтыгъ.

29–А кум екІуалІи, ащ готэу кІо!– ыІуи, Тхьэм ы Псэ ЛъапІэ Филипп къыриІуагъ.

 

8:26 Газэ къалэр – Ерусалим километрэ 85-кІэ пэчыжьэу, икъыблэ тыгъэ къохьапІэ лъэныкъомкІэ хы Іушъом Іут.

 

30Филипп кум екІуалІи, а лІыр пегъымбар Ешай ытхыгъэ тхылъым еджэу зызэхехым, къыІуагъ:

–Узаджэрэм къикІырэр къыбгурэІуа?

31–Зыгорэм зэхэсимыгъэшІыкІмэ, сыдэущтэу къызгу­рыІон слъэкІына?– къыІожьыгъ Іэшъхьэтетым. ЕтІанэ ар Филипп елъэІугъ:

–КъитІысхьи, къызготІысхь.

32Іэшъхьэтетыр Тхьэм игущыІэ тхыгъэхэм арытхэу зэ­джагъэхэр мы гущыІэхэр ары:*

«Мэлым фэдэу шІуабзынэу ащагъ.

Зыупхъорэм ыпашъхьэ шъынэр зи ымыІоу

зэрэщытым фэдэу,

ежьым ыжэ зэтырихыгъэп.

33Ежьыр агъэпыутыгъ,

зэфагъи хэмылъэу хьыкум тырашІыхьагъ.

А лъэхъаным ицІыфхэм ябзэджагъэ зынэсыгъэр

хэт къэзыІон зылъэкІырэр?

Сыда пІомэ ыпсэ мы дунаим щыхахыгъ».

34–Мыр къысэпІонкІэ сыолъэІу,– ыІуи, Іэшъхьэтетым Филипп къыриІуагъ. –Пегъымбарым зигугъу ышІырэр хэта? Ежьыр ара, нэмыкІ цІыф гора?

35Джащыгъум Филипп а гущыІэ дэдэхэу Тхьэм игущыІэ тхыгъэхэм арытхэмкІэ къыубли, Хьисэ ехьылІэгъэ къэбарышІур Іэшъхьэтетым риІуагъ.

36Гъогум рыкІохэзэ, псы горэм ыдэжь нэсыгъэх. Іэшъхьэтетым къыІуагъ:

–Мыщ псы щыІ. Сэ сыуумэхъымэ*, хъунба?

37–ЗэкІэ о угукІэ шІошъхъуныгъэ уиІэмэ, усыумэ­хъымэ хъущт,– риІуагъ Филипп.

   –Хьисэ Мэссихь Тхьэм зэри КъомкІэ шІошъхъуныгъэ сиІ,– къыІожьыгъ Іэшъхьэтетым.

   38ЕтІанэ Іэшъхьэтетым кур зыфырэм ар къыригъэ­гъэуцуи, Іэшъхьэтетымрэ Филиппрэ псым хахьэхи, Филипп адрэр ыумэхъыгъ. 39Псым къызыхэкІыжьхэм, Зиусхьаным ы ЛъапІэ Филипп нэмыкІ чІыпІэ горэм ошІэ-дэмышІэу ыхьыгъ, Іэшъхьэтетми Филипп ылъэгъу

 

8:32-33 мы гущыІэхэр ары – еплъ Пегъымбар Ешай тхылъэу ытхы­гъэм 53:7-8.

8:36 умэхъыныр – еплъ 1:5.

 

жьыгъэп. ГушІуагъом хэтэу игъогу техьажьыгъ. ^Ау Филипп Азот къалэм* къыщылъэгъуагъ. Кесарие къа­лэм* нэсы къыкІухьэзэ, къэбарышІур къэлэ пстэуми ащигъэІущтыгъ.

 

 

09

ЯБГЪОНЭРЭШЪХЬ

 

Шаул Хьисэ игъогу зэрэтехьагъэр

(Апостол. 22:6-16; 26:12-18)

 

Шаул ХьисэкІэ шІошъхъуныгъэ зиІэхэм инэу афэгубжэу, «Хьисэ игъогу шъутемыкІымэ, шъутыукІыщт», ыІозэ ари­Іо зэпытыщтыгъ. Дин пэщэшхом ыдэжь кІуи елъэІугъ:

2–Дамаск къалэм щыІэ синэгогухэм тхылъхэр афэт­хыхи, къысэтых.

Шаул ар зыфишІагъэр Хьисэ игъогу тетхэм ащыщхэр Дамаск къыщигъотхэмэ, хъулъфыгъэхэми бзылъфыгъэ­хэми, илІыхэм ахэмэ Іэхъухэр атыраригъалъхьахэу Еру­салим къыщэнхэр ары. 3Шаул гъогум рыкІозэ, Дамаск игъунэгъу зэхъум, ошІэ-дэмышІэу нэфынэ уашъом къехи къыуцухьагъ. 4Шаул чІыгум тефагъэу, макъэ горэм къы­риІоу зэхихыгъ:

–Шаул, Шаул, сыд пае къин сэ сэбгъэщэчырэ?

5– О ухэта, Зиусхьан?– ыІуи, Шаул къыІуагъ.

–Хьисээу къин зэбгъэщэчырэр сэры,– къыІожьыгъ адрэ макъэм. –Цур зием ибэщ кІыхьэ папцІэ цур ылъакъокІэ къызэрешъутырырэм фэдэу ошІымэ, уиягъэ зэогъэкІыжьы. 6Ау къэтэджи, къалэм дахь. О пшІэн фаер ащ дэжьым зыгорэм къыщыуиІощт.

7Шаул игъусэхэм зы гущыІэ горэ къамыІоу, ащ дэжьым щытхэу къэнагъэх. Макъэр зэхахыгъ, ау цІыф зи алъэ­гъугъэп. 8Шаул чІыгум къытетэджыкІыджьыгъ, ау ынэхэр

 

8:40 Азот къалэр – Газэ къалэмрэ Иоппие къалэмрэ языфагу дэтэу, хыІушъом Іут.

8:40 Кесарие къалэр – Ерусалим километрэ 90-кІэ пэчыжьэу, итемыр тыгъэ къохьапІэ лъэныкъомкІэ хыІушъом Іутэу, Палестинэ хэгъэгум икъэлэшхоу щытыгъ. Рим (Рум) Іэшъхьэтетыр а къалэм дэсыгъ. Темыр зыфаІорэр арапыбзэкІэ «шэмал», тыркубзэкІи «кузей» зыфаІорэр ары.

 

къызызэтырехыжьхэм, ахэмэ зи амылъэгъужьэу къэ­нагъ. Арыти, Шаул ыІэ аІыгъэу Дамаск дащагъ. 9Шаул мэфищым зи ымылъэгъоу щытыгъ, шхагъэп ыкІи ешъуа­гъэп ыкІи.

10ХьисэкІэ шІошъхъуныгъэ зиІэхэм ащыщэу Ананый Да­маск дэсыгъ. Зиусхьаныр ащ къыфэлъагъуи къеджагъ:

–Ананый!

–Сэры, Зиусхьан,– ыІуи, Ананый къыІожьыгъ.

11–Тэджи, «Урам ЗэнкІ» зыфаІорэ урамым тет Иудэ иунэ кІо,– ыІуи, Зиусхьаным Ананый къыриІуагъ. –Ащ дэжьым Шаул ыцІэу Тарс къалэм щыщым кІэупчІ, сыда пІомэ ар Тхьэм елъэІу. 12Ынэхэри къыгъэплъэжьынхэм пае, Ананый зы лІы горэ ыдэжь къакІоу, ыІэхэр къыты­рилъхьахэу къыфэлъэгъуагъ.

13–Зиусхьан,– къыІожьыгъ Ананый, –мы лІым уицІыф лъапІэхэу Ерусалим дэсхэм къинэу аригъэщэчыгъэхэр зыфэдизхэр цІыфыбэмэ къысаІуагъ. 14Джы дин пэщэ­шхохэм фитыныгъэ къаІихыгъэу, илІыхэм о къыолъэ­Іурэ цІыф пстэуми Іэхъухэр атыраригъэлъхьанхэм пае, мыщ дэжьым къэкІуагъ.

15 Ау Зиусхьаным Ананый къыриІуагъ:

–КІо! Хымэ лъэпкъхэми, пачъыхьэхэми, Израил цІыф­хэми сэ сцІэ икъэбар анигъэсынэу мы лІыр сэ къы­хэсхыгъ. 16Сэ сцІэ пае къинэу ыщэчын фаер зыфэдизыр сэ сшъхьэкІэ езгъэлъэгъущт.

17Арэущтэу Ананый а унэм кІуи ихьагъ. ЫІэхэр Шаул ышъхьэ тырилъхьэхи къыІуагъ:

–Шаул, сэ сшы, мыщ дэжьым укъакІо зэхъум, Зиусхьан Хьисэу гъогум къыщыпфэлъэгъуагъэм сыкъигъэкІуагъ, о унэхэр къэплъэжьынхэм паий, Тхьэм ы Псэ ЛъапІэ инэу угу илъ хъуным паий.

18 Ар къызеІом, пцэжъые шъомпІэ цІыкІухэм афэдэхэу Шаул ынэхэм зыгорэхэр къакІэтэкъухи, ынэхэри къэ­плъэжьыгъэх. ЕтІанэ Шаул къэтэджи, Ананый ар ыумэ­хъыгъ. 19Ащ нэужым Шаул шхагъэ, ыкІуачІи къыгъо­тыжьыгъ.

 

Шаул къэбарышІур Дамаск къалэм зэрэщигъэІущтыгъэр

 

ЕтІанэ ХьисэкІэ шІошъхъуныгъэ зиІэхэу Дамаск къалэм дэсхэм адэжь Шаул мафэ заулэрэ щыІагъ. 20Хьисэ Тхьэм зэры Къор синэгогухэм ардэдэм ащигъэІоу ыублагъ. 21Ар зэхэзыхыгъэ цІыфхэм зэкІэм агъэшІагъоу къаІощтыгъ:

–Мы лІыр арыба Хьисэ елъэІурэ цІыфхэм Ерусалим къин щязыгъэщэчыщтыгъэр? ИлІыхэм Хьисэ елъэІухэрэм Іэхъухэр атыраригъэлъхьанхэшъ, дин пэщэшхохэм адэжь ыщэнхэу мыщ къэкІуагъэу щытба?

22Ау Шаул нахь лъэкІыныгъэ иІэ хъугъэ. Хьисэ зэрэ Мэссихьыр* къыгъэшъыпкъэжьызэ, Дамаск дэс джуртхэмэ ежьым къыраІожьыщтыр амышІэу къыгъэнагъэх.

 

Шаул джуртхэм зэраІэпыкІыгъэр

 

23Мафэ пчъагъэ зытешІэ ужым, Шаул аукІынэу джурт­хэм гухэлъ ашІыгъ. 24Ау ахэмэ ягухэлъ Шаул къышІагъ. Ар аукІынэу чэщи мафи къэлапчъэмэ аІутхэу паплъэ­щтыгъэх. 25Ау шІошъхъуныгъэ зиІэхэм чэщым Шаул зы­дащи, къэлэ дэпкъым хэт гъуанэ горэмкІэ мэтэшхом исэу дэпкъым ратІупщэхыгъ.

 

Шаул ХьисэкІэ шІошъхъуныгъэ зиІэхэу Ерусалим дэсхэм

адэжь зэрэкІуагъэр

 

26Шаул Ерусалим зынэсым, ХьисэкІэ шІошъхъуныгъэ зиІэхэм ахэхьанэу пылъыгъ, ау ащ ХьисэкІэ шІошъхъу­ныгъэ иІэ зэрэхъугъэр ахэмэ ашІошъ мыхъоу щыщы­нэщтыгъэх. 27Ау Варнавэ* Шаул зыдищи, апостолхэм адэжь кІуагъэ. Шаул гъогум Зиусхьаныр зэрэщилъэгъу­гъэри, Зиусхьаныр Шаул къызэрэдэгущыІагъэри, Шаул етІанэ Хьисэ ыцІэкІэ къэбарышІур гушхоныгъэкІэ Дамаск зэрэщигъэІущтыгъэри Варнавэ ахэмэ ариІотэжьыгъ. 28Арэущтэу зэхъум, Шаул ХьисэкІэ шІошъхъуныгъэ зиІэ­хэм ахахьэмэ, ахэкІыжьызэ, ахэмэ адэжь Ерусалим щы­Іагъ, Зиусхьаным ыцІэкІи цІыфмэ къэбарышІур гушхоныгъэкІэ

 

9:22 Мэссихь – еплъ 2:30.

9:27 Варнавэ – еплъ 4:36-37.

 

аригъэІущтыгъ. 29АлыджэбзэкІэ гущыІэрэ джурт­хэм* адэгущыІэщтыгъ ыкІи янэкъокъущтыгъ, ау ахэмэ ар къаукІынэу пылъыгъэх. 303эшыхэм* ар къызашІэм, Шаул Кесарие къалэм ращэхи, Тарс къалэм агъэкІуагъ.

31Арэущтэу зэкІэ Иудей хэкум, зэкІэ Галилей хэкум, зэкІэ Самарие хэкум арыс чылыс зэІукІэхэм мамыр­ныгъэ яІэ хъугъэ. ШІошъхъуныгъэ зиІэхэм гурэ псэ­рэкІэ нахь лъэкІыныгъэ агъотызэ, Зиусхьаным ищына­гъо агухэм арылъэу, Тхьэм ы Псэ ЛъапІэ ыгъэгушхохэу, нахьыбэ хъугъэх.

 

Петрэ Еней зэригъэхъужьыгъэр

 

32Петрэ хэкур къыкІухьэ зэхъум, Тхьэм ицІыф лъапІэ­хэу Лиддэ къалэм* дэсхэм адэжь кІуагъэ. 33Ащ дэжьым Еней ыцІэу лІы горэм щыІукІагъ. Илъэсий хъугъэу, ыІэ­пкъ-лъэпкъ узым зэкІиубытагъэу ар пІэм хэлъыгъ.

34–Еней, –риІуагъ Петрэ, –Хьисэ Мэссихь уегъэхъужьы. Къэтэджи, уипІэ Іухыжь!

Ардэдэм Еней къэтэджыжьыгъ. 35Лиддэ къалэм зэкІэ дэс­хэми Сарон зыцІэ шъоф зэшъхьэ-зашъом* зэкІэ тесхэми зэкІэ Еней залъэгъум, Зиусхьаным игъогу техьагъэх.

 

Петрэ Тавифэ бзылъфыгъэр лІагъэхэм

къызэрахигъэтэджыкІыжьыгъэр

 

36Иоппие къалэм* ХьисэкІэ шІошъхъуныгъэ зиІэ бзылъ­фыгъэ горэ, Тавифэ ыцІэу, дэсыгъ. (Тавифэм къикІырэр

 

9:29 АлыджэбзэкІэ гущыІэрэ джуртхэр – еплъ 6:1.

9:30 зэшыхэр – зы диным рыкІохэрэр ары.

9:30 Тарс къалэр – Паул а къалэм щыщыгъ. А къалэр Рим (Рум) къэралыгъошхом щыщэу, Киликие хэкум икъэлэшхоу щытыгъ.

9:32 Лиддэ къалэр – Ерусалим километрэ 32-кІэ пэчыжьэу, итемыр тыгъэ къохьэпІэ лъэныкъокІэ ит. Иоппие къалэми километрэ 15-кІэ пэчыжьэу щыт. Непэ а къалэм ыцІэ Лод.

9:35 Сарон зыцІэ шъоф зэшъхьэ­зашъор – Кесарие къалэм щегъэжьа­гъэу Иоппие къалэм нэс хыІушъом Іутэу зыщеушъобгъу. ИкІыхьагъэ километрэ 48-рэ мэхъу.

9:36 Иоппие къалэр – Лиддэ къалэм километрэ 15-кІэ пэчыжьэу, хыІушъом Іут. Непэ «Яфэ» раІо. Яфэ къалэр Тел Авив щыщ.

 

«Мэз Пчэныр» ары.) ШІубэ ышІэу, сэдакъэхэр ыты зэпытыщтыгъ. 37А мафэхэм ар сымаджэ хъуи лІагъэ. Ар агъэпскІыжьи, унэ лъагэм ыкІоцІ ралъхьагъ. 38Лиддэ къалэр Иоппие къалэм игъунэгъути, Петрэ ащ дэжьым зэрэщыІэр ХьисэкІэ шІошъхъуныгъэ зиІэхэм зызэхахым, «Зымыгъэгужъоу, тадэжь къакІо!» Петрэ раІонэу лІы­кІуитІу лъагъэкІуагъ.

39Петрэ къэтэджи, къадэкІуагъ. Иоппие къалэм зынэ­сым, унэ лъагэм ращагъ. Шъузабэхэм зэкІэ Петрэ къауцухьи, Тавифэ ягъусэу зыщэтым, джанэхэуи щы­гъынхэуи ышІыгъагъэхэр, гъыхэзэ къырагъэлъэгъу­гъэх.

40Петрэ цІыфхэр зэкІэ унэм ригъэкІыхи, лъэгонджэмы­шъхьэкІэ тІыси, Тхьэм елъэІугъ. ЕтІанэ хьадэм зыфигъази къыІуагъ:

–Тавифэ, къэтэдж!

Тавифэ ынэхэр къызэтрихыхи, Петрэ зелъэгъум, къэ­тэджи къэтІысыгъ. 41Петрэ ащ ыІэ ыубыти къыгъэтэ­джыгъ. ЕтІанэ Тхьэм ицІыф лъапІэхэмрэ шъузабэхэмрэ къяджи, Тавифэ псаоу аритыжьыгъ. 42А къэбарыр Иоп­пие къалэм дэсхэм зэкІэ зэлъашІэ хъугъэ, цІыфыбэхэми ЗиусхьанымкІэ шІошъхъуныгъэ яІэ хъугъэ. 43ЕтІанэ Си­мон ыцІэу, шъуашІэ горэм ихьакІэу Петрэ мэфэ пчъа­гъэкІэ Иоппие къалэм къыдэнагъ.

 

 

10

ЯПШІЭНЭРЭШЪХЬ

 

Корнелый илІыкІохэм Петрэ къызэраригъэщагъэр

 

Корнелый зыцІэу зы лІы горэ Кесарие къалэм дэсыгъ. Италие хэгъэгум щыщ дзэм хэтхэу, нэбгыришъэ хъурэ купхэм япащэхэм ар ащыщыгъ. 2Ежьми иунагъом зэ­кІэми Тхьэр агъэлъапІэу щытыгъ*, Тхьэм ищынагъуи агухэм арылъыгъ. Джуртхэм ахэт тхьамыкІэхэм

 

10:2 Тхьэр агъэлъапІэу щытыгъ – джурт лъэпкъым щымыщхэу ыкІи сунэт амышІыгъэхэу щытыгъэ пэтми, а хымэхэр синэгогум кІохэзэ, Тхьэр агъэлъапІэщтыгъ.

 

сэдакъэ бэу аритыщтыгъ, Тхьэм елъэІу зэпытыщтыгъ. 3Щэ­джэгъоужым сыхьатыр щым* пэгъунэгъу хъугъэу, Тхьэм имэлэІич ащ къекІуалІи, «Корнелый!» ыІоу къеджэзэ нафэу къыфэлъэгъуагъ.

4Корнелый къэщыни, ынэхэр тыригъэкъагъэхэу ри­Іуагъ:

–Зиусхьан, сыда узыфаер?

–УитхьэлъэІухэри уисэдакъэхэри Тхьэм ыпашъхьэ ихьагъэх, Тхьэми ахэр щымыгъупшэжьыгъэхэу ыгу илъых,– къыриІожьыгъ мэлэІичым. 5–ПетрэкІэ заджэ­хэрэ Симон къыздащэнэу Иоппие къалэм лІыкІохэр гъакІох. 6Ар шъуашІэ Симонэу зиунэ хы Іушъом Іутым ихьакІэу щыт.

7Ар къезыІогъэ мэлэІичыр зыІокІыжьым, Корнелый иунэІутхэм ащыщхэу нэбгыритІурэ иІофтабгэ дзэлІхэм ащыщэу Тхьэр зыгъэлъапІэрэмрэ къяджи, 8хъугъэ-шІа­гъэхэр зэкІэ афиІотэжьхи, Иоппие къалэм ыгъэкІуагъэх.

9ЯтІонэрэ мафэм ахэр гъогум рыкІохэзэ къалэм игъу­нэгъу зэхъухэм, сыхьатыр пшІыкІутІум* пэгъунэгъу хъу­гъэу, Петрэ Тхьэм елъэІунэу унашъхьэм дэкІоягъ. 10Джащыгъум мэлакІэ къэлІагъэти, зыгорэ ышхынэу фэягъ. Шхыныр агъэхьазыры зэхъум, Тхьэм Петрэ зыгорэ къы­фигъэлъэгъуагъ. 11 Уашъор зэІухыгъэу, шэкІ фыжь иным фэдэу зыгорэ къехэу ылъэгъугъ. Ар къопиплІымкІэ кІэ­шІагъэу, чІыгум къырагъэлэлэхыгъэм фэдэу щытыгъ. 12Сыд фэдэрэ лъэпкъыгъуи щыщхэу лъэкъуиплІкІэ кІорэ псэушъхьэхэр, ныбэкІэ цуахъорэ псэушъхьэхэр, ошъогу бзыухэр а шэкІ фыжьым кІоцІылъыгъэх. 13ЕтІанэ зы макъэ горэм Петрэ къыриІуагъ:

–Петрэ, къэтэдж. ШІобзи, шхэ.

14–Хьау, Зиусхьан,– къыІожьыгъ Петрэ, –ар хъухэщтэп. Мышхыпхъи, хьэрами сэ егъашІэми сшхыгъэп.

15ЯтІонэрэу а макъэм Петрэ къыриІуагъ:

 

10:3 сыхьатыр щым – гущыІэ-гущыІэу зэбдзэкІымэ, «ябгъонэрэ сыхьа­тыр» мэхъу. Ащ къикІырэр щэджэгъоужым сыхьатыр щыр ары. Джуртхэр а сыхьатым Тхьэм елъэІух.

10:9 сыхьатыр пшІыкІутІум – гущыІэ-гущыІэу зэбдзэкІымэ, «яхэнэрэ сыхьатыр» мэхъу. Ащ къикІырэр щэджагъор ары.

 

–Тхьэм къабзэу ыкІи шхыпхъэу зыфиІуагъэр о хьэра­мэу умыІо.

16Арэущтэу гъогогъуищэ хъугъэ. ЕтІанэ шэкІ фыжьыр уашъом дэкІоежьыгъ.

17Къыфэлъэгъуагъэм къикІырэм Петрэ ыгукІэ егупшы­сэзэ, Корнелый къыгъэкІогъэ лІыхэр Симон иунэ кІэ­упчІэхэзэ, ар къагъотыгъэу къэлапчъэм Іутыгъэх.

18–ПетрэкІэ заджэхэрэ Симон мы унэм иса?– аІоу, къэупчІэхэзэ джагъэх.

19Петрэ къыфэлъэгъуагъэм егупшысэзэ, Тхьэм ы Псэ ЛъапІэ къыриІуагъ:

–Мары нэбгырищ къыплъэхъух. 20Къэтэджи, унэм ех, уемынэгуеу ахэмэ адакІу; сыда пІомэ ахэр къэзыгъэ­кІуагъэр сэры.

21 Петрэ ехи, лІыхэм ариІуагъ:

–Шъо шъузлъыхъурэр сэры. Іоф горэ шъуиІэу шъу­къэкІуагъа?

22 –Тэ тыкъэзыгъэкІуагъэр дзэ пащэу Корнелый ары,–къаІуагъ а лІыхэм. –Ар шъыпкъагъэ зиІэу, Тхьэм ищы­нагъо зыгу илъэу, джурт лъэпкъым зэкІэ лъытэныгъэ зыфыряІэ лІэу щыт. Ащ иунэ лІыкІохэм укъыраригъэ­щэнышъ, къапІохэрэм ядэІунэу мэлэІич лъапІэ горэм унашъо къыфишІыгъ.

23Джащыгъум Петрэ ахэр къыригъэблагъэхи, ыхьэкІа­гъэх.

ЯтІонэрэ мафэм Петрэ ахэмэ ягъусэу гъогум техьагъ. Иоппие къалэм щыщ ышы* заули игъусагъэх.

24Ащ къыкІэлъыкІорэ мафэм Кесарие къалэм нэсы­гъэх. Корнелый иунэкъощхэри иблагъэхэри къыугъои­гъэхэу, Петрэрэ игъусэхэмрэ апаплъэщтыгъэх. 25Петрэ унэм зехьэм, Корнелый ащ пэгъокІи, ылъакъохэм адэжь зыщыридзыхи, лъэгонджэмышъхьэкІэ тІысыгъэ. 26Ау Петрэ Корнелый къыгъэтэджыжьи ыІуагъ:

–Къэтэдж, сэри сыцІыф ныІэп.

27ЕтІанэ Петрэ Корнелый дэгущыІэзэ унэм зехьэм, цІыфыбэхэр щызэрэугъоигъэхэу ылъэгъугъ.

28–Джурт горэ хымэ лъэпкъым щыщхэм е ахэхьанэу е яунэ ихьанэу тихабзэкІэ зэрэмыхъущтыр шъори шъошІэ,– ариІуагъ Петрэ ахэмэ. –Ау зы цІыф горэ е мыкъа­бзэу

 

10:23 ышыхэр – еплъ 9:30.

 е шІоеу сымылъытэн фаеу Тхьэм зэхысигъэшІы­кІыгъ. 29Арыти, мы лІыкІохэм сыкъызяшъогъащэм, зыми семынэгуеу сыкъэкІуагъ. Джы сышъоупчІы, Іоф горэ шъуиІэу сыкъяжъугъэщагъа?

30–МэфиплІкІэ узэкІэІэбэжьмэ мы сыхьатым, щэджэ­гъоужым сыхьатыр щым*, сиунэ Тхьэм сыщелъэІущтыгъ,–къыІожьыгъ Корнелый. –ОшІэ-дэмышІэу щыгъын фыжь лыдхэр щыгъхэу, зы лІы горэ сапашъхьэ къиуцуи, 31къыІуагъ: «Корнелый, Тхьэм уитхьэлъэІу зэхихыгъ, уисэдакъэхэри щымыгъупшэжьыгъэхэу ыгу илъых. 32Пе­трэкІэ заджэхэрэ Симон къыздащэнэу Иоппие къалэм лІы­кІохэр гъакІох. Ар шъошІэ Симонэу зиунэ хыІушъом Іутым ихьакІэу щыт. Ар къэкІонышъ, къыбдэгущыІэщт». 33Арыти, занкІэу къыплъызгъэкІуагъэх. УкъызэрэкІуа­гъэр дэгъоу пшІагъэ. Джы тэ зэпстэури о къэпІонхэу, Зи­усхьаным унашъо къыпфишІыгъэхэм тядэІунэу мыщ дэ­жьым Тхьэм ыпашъхьэ тит.

 

Петрэ Корнелый иунэ къэбарышІур къызэрэщиІотагъэр

 

34ЕтІанэ Петрэ мырэущтэу къыІуатэ ыублагъ:

–Тхьэр цІыфхэм ятеплъэ емыплъэу, цІыф пстэури изэфэдэхэу зэрэщытыр шъыпкъэу зэзгъэшІагъ. 35Сыд фэдэрэ лъэпкъыми щыщэу, ежь ищынагъо зыгу илъэу шъыпкъагъэр зыгъэцакІэрэр Тхьэм ештэ. 36КъэбарышІоу Тхьэм Израил цІыфхэм анигъэсыгъэр шъо шъошІэ. Мырэущтэу зыІорэ къэбарышІур ары: Хьисэ Мэссихьэу цІыф пстэуми я Зиусхьан ары цІыфхэр Тхьэм езыгъэ­шІужьырэр. 37Иуан ежьым зырагъэумэхъынэу цІыфхэм заригъэІум ыуж, Галилей хэкум къыщегъэжьагъэу зэкІэ Иудей хэкум къыщыхъугъэхэр шъо шъошІэх. 38Назарет щыщ Хьисэ икъэбар шъошІэ. Тхьэм ежь ы Псэ ЛъапІэрэ лъэкІыныгъэшхомрэ ащ къыфыригъэхыгъэх. Тхьэр ащ зэригъусагъэм пае, шІугъэ ышІэу, шэйтаным илъэкІы­ныгъэкІэ ригъэзыгъэ цІыф пстэури ыгъэхъужьхэу къы­кІухьащтыгъ. 39–А Хьисэ джуртхэм яхэгъэгуи Ерусалими Іофхэу щишІагъэхэм зэкІэ тэ тыряшыхьат. Ар

 

10:30 сыхьатыр щым – еплъ 10:3.

 

пкъэум тыраІулІи агъэлІагъ. 40Ау ящэнэрэ мафэм Тхьэм ар лІагъэхэм къахигъэтэджыкІыжьи, цІыфхэм ар аригъэлъэгъугъ. 41Ау Тхьэм ар зэригъэлъэгъугъэхэр цІыф пстэури арэп, Тхьэм ыпэкІэ къыгъэнэфэгъэгъэ шыхьатхэр ары нахь. Хьисэ лІагъэхэм къызахэтэджыкІыжьым ыуж, тэ ежь игъусэу дашхэхэу ыкІи дешъохэу щытыгъэхэр ары Тхьэм ар зэри­гъэлъэгъугъэхэр. 42Тхьэм игущыІэхэр цІыфмэ ядгъэІун­хэуи, псаухэми, лІагъэхэми хьыкум атезышІыхьанэу Тхьэм къыгъэнэфагъэр зэрэ Хьисэ къэтыушыхьаты­нэуи, Тхьэм унашъо къытфишІыгъ. 43Хэтми ХьисэкІэ шІошъхъуныгъэ зиІэм ипсэкІодхэр Хьисэ ыцІэкІэ зэрэ­фэгъущтхэмкІэ пегъымбар пстэури Хьисэ шыхьат фэхъух.

 

Тхьэм ы Псэ ЛъапІэ хымэ лъэпкъхэм ащыщхэм

къызэрафехыгъэр

 

44Петрэ а гущыІэхэр къыІохэзэ, ахэр зэхэзыхыгъэ пстэу­ми Тхьэм ы Псэ ЛъапІэ къафехыгъ. 45Петрэ игъусэхэу къэкІогъэгъэ шІошъхъуныгъэ зиІэ лІыхэу сунэт ашІыгъэ­хэу щытыгъэхэм Тхьэм итынэу ежь ы Псэ ЛъапІэ хымэ лъэпкъхэм ащыщхэми къызэрафыригъэхыгъэр агъэшІэ­гъуагъ; 46сыда пІомэ а хымэхэм амышІэрэ бзэхэмкІэ къэгущыІэхэу, Тхьэм щытхъу фашІэу зэхахыгъ.

Джащыгъум Петрэ къыІуагъ:

47–Мы цІыфхэу тэщ фэдэу Тхьэм ы Псэ ЛъапІэ зыгу илъ хъугъэхэр псыкІэ тэ тыумэхъыхэмэ, зыгорэм ымыдэн ылъэкІына?

48ЕтІанэ Хьисэ Мэссихь ыцІэкІэ ахэр аумэхъынхэу уна­шъо ышІыгъ. ЕтІанэ мэфэ заулэрэ ахэмэ адэжь къэтынэу Петрэ елъэІугъэх.

 

 

11

ЯПШІЫКІУЗЭНЭРЭШЪХЬ

 

Петрэ Ерусалим ичылыс зэІукІэм щыщхэм хъугъэ-шІагъэр

къызэрариІотэжьыгъэр

 

Хымэ лъэпкъхэм щыщхэми Тхьэм игущыІэхэр зэрашта­гъэхэр апостолхэмрэ Иудей хэкум ис ышыхэмрэ зэхахыгъ. 2Арэущтэу Петрэ Ерусалим зыдэкІуаем, сунэт ашІы­гъэхэм Петрэ ышІагъэр амыдэу Защ къыраІуагъ:

–О сунэт амышІыгъэхэм яунэ уихьи уадэшхагъ.

4Джащыгъум Петрэ хъугъэ-шІагъэхэр зырызэу къагу­ригъэІонэу ыублагъ:

5–Иоппие къалэм сэ Тхьэм сыщелъэІущтыгъ. Джащы­гъум Тхьэм сэ сызэшъхьэщифи, шэкІ фыжь иным фэдэу зыгорэ уашъом къехэу къысфэлъэгъуагъ. Ар къопи­плІымкІэ кІэшІагъэу, уашъом къехэу, къырагъэлэлэхы­гъэм фэдэу сапашъхьэ къэсыгъ. 6ШэкІ фыжьым сызе­плъым, лъэкъуиплІкІэ кІорэ былымхэри, хьакІэ-къуакІэ­хэри, ныбэкІэ цуахъорэ псэушъхьэхэри, ошъогу бзыухэри слъэгъугъэх. 7«Петрэ, къэтэдж. ПІІобзи, шхэ», макъэ горэм къысиІоу зэхэсхыгъ.

8–«Хьау, Зиусхьан, ар хъухэщтэп, мышхыпхъи, хьэрами егъашІэми зыІуслъхьагъэп», сІуи, пэгъокІ естыжьыгъ.

9–А макъэм ятІонэрэу уашъом къиІукІэу къыІожьыгъ: «Тхьэм къабзэу ыкІи шхыпхъэу зыфиІуагъэхэр, о хьэра­мэу умыІо». 10Арэущтэу гъогогъуищэ хъугъэ. ЕтІанэ зэкІэ уашъом дэкІоежьыгъ.

11–Ардэдэм Кесарие къалэм къикІыхэу садэжь къагъэ­кІогъэ нэбгырищ сэ сызэрыс унэм икъэлапчъэ къакІохи къыІууцуагъэх. 12Семынэгуеу ахэмэ садэкІонэу Тхьэм ы Псэ ЛъапІэ къысиІуагъ. Мы зэшы нэбгырихыри си­гъусэхэу тэ тыкІохи, а лІым иунэ тихьагъ. 13А лІым къытиІотагъ мэлэІич горэ иунэ итэу мырэущтэу ыІозэ, зэрэщилъэгъугъэр: «ПетрэкІэ заджэхэрэ Симон къызда­щэнэу лІыкІохэр гъакІох. 14Оррэ уиунагъорэ зэкІэ шъу­мыкІодэу, шъукъэзыгъэнэжьыщт гущыІэхэр ащ къыуи­Іощтых».

15–Сэ сыкъэгущыІэу зысэублэм, Тхьэм ы Псэ ЛъапІэ ахэмэ къафехыгъ, апэу тэри къызэрэтфехыгъагъэм фэ­дэу. 16«Иуан псыкІэ цІыфхэр ыумэхъыщтыгъэх, ау Тхьэм ежь ы Псэ ЛъапІэкІэ шъо шъуиумэхъыщт», ыІуи Зиусхьа­ным къыІогъэгъэ гущыІэхэр* джащыгъум сыгу къэкІы­жьыгъэх. 173иусхьанэу Хьисэ МэссихькІэ шІошъхъуныгъэ тэ тиІэ зэхъум, Тхьэм ы Псэ ЛъапІэ тэ къызэрэтфыригъэ­хыгъэм фэдэу, ахэми къафыригъэхыгъэу, сэ сыхэта, Тхьэм сыпэуцужьынэу?

 

11:16 Зиусхьаным къыІогъэгъэ гущыІэхэр – еплъ 1:5.

 

18Ахэмэ мы Іофхэр зызэхаххэм, заушъэфыгъ. Тхьэм ищытхъу ашІэу къаІуагъ:

–Ащыгъум хымэ лъэпкъхэри япсэкІодхэм афыкІэгъо­жьынхэшъ, мыкІодыжьын щыІэныгъэ яІэ хъунэу Тхьэм игъо ылъытагъ.

 

Антиохие къалэм чылыс зэІукІэ щыІэу зэрэхъугъэр

 

19Стефан мыжъокІэ еохэзэ, заукІым ыуж, ХьисэкІэ шІо­шъхъуныгъэ зиІэхэм къиныбэ зэрагъэщэчыщтыгъэхэм пае, ахэр зэбгырыкІыжьыгъэх. Хьисэ ехьылІэгъэ къэ­барышІур джуртхэм анэмыкІэу зыми рамыІуатэу, ахэр Финикие хэкум, Кипр зыцІэ хыгъэхъунэм*, Антиохие къалэм анэсы кІуагъэх. 20Ау ахэмэ ащыщхэу зы купэу Кипр хыгъэхъунэм щыщ лІыхэри, Кириние къалэм щыщ лІыхэри Антиохие къалэм* зэкІохэм, Зиусхьанэу Хьисэ ехьылІэгъэ къэбарышІур алыджхэми араІуатэщтыгъ. 21Зи­усхьаныр ягъусагъ, цІыфыбэми шІошъхъуныгъэ яІэ хъоу, Зиусхьаным игъогу техьагъэх.

22Мы Іофхэм якъэбар Ерусалим щыІэ чылыс зэІукІэм щыщхэм анэсыгъ. Занэсым, Варнавэ Антиохием агъэ­кІуагъ. 23Варнавэ Антиохием кІуи, Тхьэм ынэшІу ахэмэ къызэращифагъэр зелъэгъум гушІуагъэ, агу етыгъэу, емызэщхэу Зиусхьаным фэшъыпкъэнхэуи афигъэпытагъ. 24Варнавэ цІыф дэгъоу щытыгъ. Тхьэм ы Псэ ЛъапІи шІошъхъуныгъэри инэу ыгу илъыгъэх. Арэущтэу Зиус­хьанымкІэ шІошъхъуныгъэ зиІэ цІыфхэм япчъагъэ инэу хэхъуагъ.

25ЕтІанэ Шаул лъыхъунэу Варнавэ Тарс къалэм кІуагъэ. Ащ дэжьым Шаул къызегъотым, Антиохием зыдищагъ. 26Зы илъэсым икІыхьагъэкІэ чылыс зэІукІэм щыщхэм ягъу­сэу зэрэугъоихэзэ, цІыф купышхом Тхьэм игущыІэхэр арагъашІэщтыгъэх. ХьисэкІэ шІошъхъуныгъэ зиІэхэм «ЧыристанхэкІэ» апэ дэдэу зыщяджагъэхэр Антиохие ары.

27А мафэхэм пегъымбар куп Ерусалим къикІыхи, Антиохие къэкІуагъэх. 28Ахэмэ

 

11:19 хыгъэхъунэ – еплъ 4:36.

11:20 Антиохие къалэр – Рим (Рум) къэралыгъошхом щыщэу, Сирие хэкум икъэлэшхоу щытыгъ.

 

 

ащыщэу Агав зыцІэр къэтэджи, зэкІэ дунаим гъэблэшхо къызэрэщыхъущтыр Тхьэм ы Псэ ЛъапІэ ащ ыгу къырилъхьи къыригъэІуагъ. Кайсар Клаудый* итетыгъоми арэущтэу хъугъэ. 29Джащы­гъум ХьисэкІэ шІошъхъуныгъэ зиІэхэм, хэти зэрилъэ­кІырэм фэшъуашэу, Иудей хэкум ис ашыхэм ІэпыІэгъу афэхъунхэу тыраубытагъ. 30Іошъхъуныгъэ зиІэхэм арэущтэу ашІызэ, аугъоигъэ ахъщэр Варнавэрэ Шаулрэ аІэкІалъхьи, ахэми чылыс зэІукІэм инахьыжъхэм* афа­рагъэхьыгъ.

 

 

12

ЯПШІЫКІУТIOНЭРЭШЪХЬ

 

Тетыгъо зиІэхэм Якъубэ зэраукІыгъэр ыкІи Петрэ хьапсым зэрэчІадзагъэр

 

А мафэхэм пачъыхьэ Ирод* идзэлІхэм чылыс зэІукІэм щыщхэу цІыф заулэ аригъэубытхи, лые араригъэхэу ыублагъ. 2Иуан ышэу Якъубэ* сэшхокІэ аригъэукІыгъ. 3Ар джуртхэм агу зэрэрихьырэр Ирод зелъэгъум, ащ ыужкІэ идзэлІхэм Петри аригъэубытыгъ. Ар зыхъугъэр Хьалыгъу Мыгъэтэдж зыщашхырэ мэфэкІ мэфэшхохэр* ары. 4Ирод Петрэ зарегъэубытым, хьапсым чІаригъадзи, дзэм

 

11:28 КлаудыйХьисэ къызэхъу нэужым я 41-54 илъэсхэм къакІоцІ Рим (Рум) къэралыгъошхом и Кайсарэу щытыгъ. Гъэблэшхоу Агав зигугъу ышІыгъэр Хьисэ къызэхъу нэужым я 46-рэ илъэсым къэхъугъ.

11:30 нахьыжъхэр – чылыс зэІукІэм Іофэу ышІэрэр зыпшъэ илъ тхьаматэхэр ары.

12:1 пачъыхьэ Ирод – Ирод Агриппэ Апэрэр ары. Хьисэ къызэхъу нэужым я 41-44 илъэсхэм къакІоцІ Израил хэгъэгум ипачъыхьэу щытыгъ. Ирод Агриппэ Апэрэр Ирод Иным ыкъо ыкъоу щытыгъ.

12:2 Якъубэ – Зеведей ыкъоу щытыгъ, Хьисэ игъогу рыкІорэ нэбгырэ пшІыкІутІуми ащыщыгъ.

12:3-4 Хьалыгъу Мыгъэтэдж зыщашхырэ мэфэкІ мэфэшхохэр – Пасхъэ зыцІэ мэфэкІ мэфэшхомрэ Хьалыгъу Мыгъэтэдж зыщашхырэ мэфэкІ мэфэшхохэмрэ зэдагъэлъапІэхэзэ, Тхьэм Мысырым (Еги­пет) къызэрэригъэкІыжьыгъагъэхэр джуртхэм агъэлъапІэ. Пасхъэ мэ­фэкІ мэфэшхор Нисан зыцІэ мазэм и 14-м тефэ (яплІэнэрэ мазэм иапэрэ мафэ пэгъунэгъу). Хьалыгъу Мыгъэтэдж зыщашхырэ мэфэкІ мэфэ­шхохэр Нисан и 15-22 мафэхэм къакІоцІ агъэлъапІэх. А мафэхэм тэджэпс тхьацум халъхьэрэп.

 

 

щыщхэу нэбгырэ плІырыплІэу купиплІ ар аухъумэнэу аІэкІилъхьагъ. ЕтІанэ Пасхъэ зыцІэ мэфэкІ мэфэшхор зыблэкІыкІэ, хьыкумышІэм* ыпашъхьэ рищэ­нэу Ирод ыгу хэлъыгъ.

5Арэущтэу Петрэ хьапсым чІадзагъэу щытыгъ, ау чы­лыс зэІукІэм щыщхэм яшъыпкъэу Тхьэм ащ фелъэІу­щтыгъэх.

 

МэлэІич горэм Петрэ хьапсым къызэрэчІищыжьыгъэр

 

6Пачъыхьэ Ирод Петрэ хьыкумышІэм ыпашъхьэ зы­щырищэщт мафэм ыпэрэ чэщым Петрэ ІэхъуитІу телъэу, дзэлІитІум азыфагу дэлъэу щычъыещтыгъ. УхъумакІо­хэри пчъэм Іутхэу хьапсыр къаухъумэщтыгъ. 7ОшІэ-дэ­мышІэу Зиусхьаным имэлэІич а унэм къыщылъагъуи, нэфынэшхо унэм къыщынэфыгъ. МэлэІичыр Петрэ ыбгъукІэ етІыргуи къыгъэущыгъ.

–ПсынкІэу тэдж!– ыІуагъ. Петрэ ІэхъуитІоу телъхэр тезыгъэх.

8–Зыфап, уицуакъэхэри зыщылъэх,– риІуагъ мэлэІичым Петрэ. Петрэ арэущтэу ышІыгъ. ЕтІанэ мэлэІичым ри­Іуагъ:

–Уищыгъын кІыІутелъ зыщылъэжьи, сауж уитэу къа­кІо.

9Арэущтэу Петрэ мэлэІичым ыуж итэу хьапсым къы­чІэкІыжьыгъ. Ау мэлэІичым ышІагъэхэр шъыпкъэмэ, мышъыпкъэмэ Петрэ ышІэщтыгъэп, зыгорэ къыфэлъа­гъоу къышІошІыгъ. 10Апэрэ ухъумэкІо купми, ятІонэрэ ухъумэкІо купми къаблэкІхи, къэлэ дэхьапІэм Іут гъучІ къэлапчъэм дэжь нэсыгъэх. Къэлапчъэр ежь-ежьырэу ахэмэ къафызэІукІыгъ. Къэлапчъэм дэкІхи, зы урамым икІыхьагъэкІэ зырэкІохэ ужым, ошІэ-дэмышІэу мэлэ­Іичым Петрэ къыгъани ІукІыжьыгъ.

11 Петрэ зыкъызешІэжьым, къыІуагъ:

–Зиусхьаным имэлэІич къыгъакІуи, Ирод ыІэ сыкъы­ІэкІихэу, джурт цІыфхэми къысэхъулІэнэу зыфаІорэ Іэягъэ пстэури симыгъэлъэгъузэ, сымыкІодэу сыкъызэригъэнэжьыгъэр джы шъыпкъэу къэсшІагъ.

 

 

12:4 хьыкумышІэр –зы цІыф горэ хыеу е мысэу щытмэ, хабзэм иунашъо тетэу зэхэзыфырэр ары.

 

12Петрэ къехъулІагъэр къызешІэжьым, Иуанэу Марк­кІэ заджэхэрэм янэу Мерэм иунэ кІуагъэ. ЦІыфыбэхэр ащ дэжьым къыщызэрэугъоигъэхэу, Тхьэм елъэІущтыгъэх. 13Петрэ къэлапчъэм зытеом, ар къызэІуихынэу Родэ зыцІэу унэІут пшъашъэ горэ къэкІуагъ. 14Петрэ ымакъэ къызешІэжьым, гушІуагъом хэтэу къэлапчъэр Іуи­мыхэу унэм илъэдэжьи, Петрэ къэлапчъэм зэрэІутыр ад­рэмэ ариІуагъ.

15–КъапІорэр пшІэрэп,– къыраІожьыгъ ахэмэ. Ау ыІуагъэм пшъашъэр текІыгъэп. Джащыгъум къаІуагъ:

–Ар Петрэ имэлэІичын фае.*

16Ау Петрэ къэлапчъэм зэпымыоу теощтыгъэ. Къэла­пчъэр Іуахи, Петрэ залъэгъум, лъэшэу агъэшІэгъуагъ. 17Заушъэфынэу Петрэ Іэ афишІи, Зиусхьаным хьапсым къызэрэчІищыжьыгъэр ахэмэ ариІотэжьыгъ. ЕтІанэ къы­Іуагъ:

–Якъуби* адрэ тшыхэми хъугъэ-шІагъэр яжъугъашІ.

Ар къызеІом, а унэм икІи, нэмыкІ чІыпІэ горэм кІуагъэ.

18Нэф къызэшъым, дзэлІхэр гузэжъогъушхо хэфагъэ­хэу зэупчІыжьыгъэх:

–Петрэ сыда къехъулІагъэр?

19Пачъыхьэ Ирод дзэлІхэр Петрэ лъигъэхъухи къыза­мыгъотым, ухъумакІохэм тэрэзэу зяупчІым ыуж, дзэлІхэм а ухъумакІохэр аригъэукІыгъэх. Пачъыхьэ Ирод етІанэ Иудей хэкум икІи, Кесарие къалэм ехи, ащ дэжьым къыдэнагъ.

 

Пачъыхьэ Ирод зэрэлІагъэр

 

20Пачъыхьэ Ирод Тир къалэм дэсхэмрэ Сидон къалэм* дэсхэмрэ инэу афэгубжыгъэу щытыгъ. А къалэхэм адэс­хэр зэгурыІохи, пачъыхьэм ыдэжь къэкІуагъэх. Пачъыхьэм фэлажьэрэ Іэшъхьэтетэу Власт гурыІохи, пачъыхьэр

 

12:15 Ар Петрэ имэлэІичын фае – джуртхэм яшІошъхъуныгъэ тетэу, хэтрэ цІыфым мэлэІич горэ ухъумакІоу иІ.

12:17 Якъубэ – Зиусхьанэу Хьисэ ышхэм ащыщэу, Ерусалим щыІэ чы­лыс зэІукІэм итхьаматэхэм ащыщыгъ. Еплъ Гал. 1:19.

12:20 Тир къалэм . . . Сидон къалэм ... – ахэр хымэ къалэхэу Галилей хэкум итемыр лъэныкъомкІэ хыІушъом Іутыгъэхэр ары.

 

къаригъэшІужьынэу елъэІугъэх. Сыда пІомэ пачъыхьэм ихэгъэгу гъомлапхъэхэу къикІыхэрэр ары ахэр зэрыпсэу­щтыгъэхэр.

21Ирод ыгъэнэфэгъэ мафэм ипачъыхьэ щыгъынхэр щыгъхэу, пачъыхьэ тІысыпІэм тетІысхьи, ахэмэ апашъ­хьэ къыщыгущыІагъ.

22–Мыр цІыф макъэп, Тхьэм ымакъэ нахь,– цІыфхэм аІоти джэщтыгъэх. 23Пачъыхьэ Ирод Тхьэм щытхъушхор зэрэфимышІыгъэм пае, Тхьэм имэлэІич горэ ардэдэм ащ къыригъаозэ, хьамылыухэм ар ашхызэ, ыпсэ хэкІыгъ.

24Ау Тхьэм игущыІэхэр нахь цІыфыбэмэ анэсхэзэ, зы­щау бгъущтыгъ.

25Варнавэрэ Шаулрэ яІоф заухым, Ерусалим къыдэкІы­жьхи, МарккІэ заджэхэрэ Иуан ягъусэу зыдащи, Антио­хие къалэм агъэзэжьыгъ.

 

 

13

ЯПШІЫКІУЩЭНЭРЭШЪХЬ

 

Антиохием щыІэ чылыс зэІукІэм щыщхэм Варнавэрэ Шаулрэ

Тхьэм фэлэжьэнхэу зэрагъэнэфагъэхэр

 

Пегъымбархэри, дин гъэсакІохэри Антиохием щыІэ чы­лыс зэІукІэм щыщхэм ахэтыгъэх: Варнавэ, «ШІуцІэкІэ» заджэхэрэ Симон, Кириние къалэм щыщ Луцый, Ма­наил (ар пщы Ирод* игъусэу апІугъагъ) ыкІи Шаул. 2Ахэр Тхьэм елъэІухэзэ, чэщи мафи анэкІы зэхъум, Тхьэм ы Псэ ЛъапІэ ахэмэ къариІуагъ:

–Варнавэрэ Шаулрэ сэ сыкъызфяджэгъэ Іофым пае къысфыхэшъухых.

3ЕтІанэ ахэмэ чэщи мафи занэкІы ужым, Тхьэм елъэ­Іугъэх, аІэхэри ахэмэ ашъхьэхэр атралъхьэхи*, яІоф ашІэ­нэу агъэкІуагъэх.

 

13:1 пщы Ирод – Ирод Антипэу Галилей хэкум ипщэу щытыгъэр ары. Еплъ Лука 3:1.

13:3 аІэхэр ахэмэ ашъхьэхэм атралъхьэхи – арэущтэу зыфашІагъэр а Іофыр а лІитІум апшъэ ралъхьанри, ахэмэ а Іофыр агъэцэкІэным пае, Тхьэм ынэшІу къащифэнри ары.

 

Апостолхэм Кипр хыгъэхъунэм Тхьэм игущыІэхэр

зэрэщагъэІущтыгъэхэр

 

4Варнавэрэ Шаулрэ Тхьэм ы Псэ ЛъапІэ ыгъэкІуагъэхэу, Селевкие къалэм* нэсыгъэх. Ащ дэжьым къухьэкІэ ще­жьэхи, Кипр хыгъэхъунэм кІуагъэх. 5Саламин къа­лэм дэжь зынэсхэм, джуртхэм ясинэгогухэм Тхьэм игущы­Іэхэр щагъэІущтыгъэх. Иуан ахэмэ ІэпыІэгъу афэхъунэу ягъусагъ.

6Хыгъэхъунэм икІыхьагъэкІэ Паф къалэм* нэс къызэ­кІохэм, ушхъухьаныгъэ Іофым пылъ джурт пегъымбар нэпцІ горэм ІукІагъэх. А лІым Вар хьисэ ыцІагъ. 7Ар хыгъэхъунэм иІэшъхьэтетэу* Сергый Паул игъусагъ. Сергый Паул цІыф губзыгъэу щытыгъ. Ар Тхьэм игущы­Іэхэм ядэІунэу фэягъэти, Варнавэрэ Шаулрэ къаригъэ­щагъэх. 8Ау ушхъухьаныгъэ Іофым пылъэу Елимэ (Елимэ къикІырэр «Ушхъухьаныгъэ Іофым Пылъыр» ары) Іэшъ­хьэтетыр шІошъхъуныгъэм игъогу тыримыгъэхьаным ыуж­итыгъэти, Варнавэрэ Шаулрэ апэуцужьыщтыгъ. 9Ау Шаулэу ПаулкІи заджэхэрэм* ыгу Тхьэм ы Псэ ЛъапІэ инэу илъ хъуи, ынэхэр Елымэ тыригъэдыкъэхи къыІуагъ:

10–О шэйтаным урикъу, о зэкІэ шъыпкъагъэм урипый. ТхьагъэпцІыгъэ пстэури бзэджэгъэ пстэури угу инэу илъых. Тхьэм игъогу занкІэхэр къуанчэ пшІынхэу упы­лъыным ыуж уикІыжьыщтба? 11Джы Зиусхьаным ыІэ къыптелъ. Заулэрэ тыгъэм инэфынэ умылъэгъоу, нэ­шъоу ухъущт.

Ардэдэм пщагъори шІункІыри Елымэ къыфехыгъэх. ЕтІанэ къыкІухьэзэ, къезыщэкІын цІыф горэм лъыхъущтыгъ. 12 Іэшъхьэтетым хъугъэ-шІагъэр

 

13:4 Селевкие къалэр – Антиохием километрэ 20-кІэ пэчыжьэу щытыгъ. А къалэм къухьэуцупІэ иІэу, хыІушъом Іутыгъ.

13:5 синэгогу – еплъ 6:9.

13:6 Паф къалэр – Кипр хыгъэхъунэм итыгъэ къохьэпІэ хыІушъо Іутэу, икъэлэшхоу щытыгъ. Хыгъэхъунэ – чІыгу гъушъэу псы гузэгум итыр ары.

13:7 Іэшъхьэтет – Кипр хыгъэхъунэр зыІэ илъэу, Рим (Рум) къэра­лыгъошхом фэлажьэрэ тхьаматэр ары.

13:9 Шаулэу ПаулкІи заджэхэрэр – апостол Паулым ыцІэ джуртыбзэкІэ Шаул мэхъу, римыбзэкІи Паул мэхъу.

 

зелъэгъум, шІошъхъуныгъэ иІэ хъугъэ. Варнавэрэ Паулрэ Іофхэу Зиусхьаным ехьылІагъэу къырагъашІэхэрэр ыгъэшІагъо­щтыгъэх.

 

Паулрэ Варнавэрэ Писидие хэкум щыщ Антиохие къалэм зэрэкІуагъэхэр

 

13ЕтІанэ Паулрэ игъусэхэмрэ Паф къалэм къухьэкІэ щежьэхи, Памфилие хэкум щыщ Пергие къалэм кІуагъэх. Ащ дэжьым Иуан ахэр къыгъанэхи, Ерусалим ыгъэзэжьыгъ. 14Адрэ нэбгыритІур Пергие къалэм блэкІхи, Писи­дие хэкум щыщ Антиохие къалэм нэсыгъэх. Шэмбэт ма­фэм* синэгогум чІахьэхи тІысыгъэх. 15Тэурат хабзэм* итхэмрэ пегъымбархэм атхыгъэ тхылъхэм* арытхэмрэ ащыщхэу зыгорэхэм зяджэхэ ужым, синэгогу пащэхэм зыгорэ агъакІуи арырагъэІуагъ:

–Тэ тшыхэр, мы цІыфхэр зэрыжъугъэгушхон гущыІэ­хэр шъуиІэхэмэ, къашъуІох.

16Паул къэтэджи, Іэ афишІи къыІуагъ:

–Шъо Израил цІыфхэри, Тхьэм ищынагъо зыгу илъхэ­ри, шъукъэдаІу. 17Израил лъэпкъым и Тхьэ тэ тятэжъхэр къыхихыгъэх. Тэ тлъэпкъ Мысыр хэгъэгум зесым, лъэ­пкъышхоу ышІи, лъэкІыныгъэшхокІэ ащ дэжьым къы­рищыжьыгъэх. 18ЕтІанэ илъэс тІокІитІо шъоф нэкІым щигъашхэщтыгъэх. 19Ханаан хэгъэгум щыпсэурэ лъэпкъиблир ыгъэкІодхи, ахэмэ яхэгъэгу Израил лъэпкъым иІахьэ хъунэу къыфигъэнэжьыгъ. 20Ар зэкІэ илъэс шъи­плІырэ шъэныкъорэм ыкІоцІым фэдиз хъугъэ.

–Ащ ыужым, хьыкумышІэхэр* Тхьэм ахэмэ аритыгъэх, пегъымбар Самуел имафэхэм нэсыфэ. 21ЕтІанэ пачъыхьэ афигъэнэфэнэу Израил цІыфхэр Самуел

 

13:14 шэмбэт мафэр – джуртхэм ямэфэ лъапІэ ары. А мафэм хэти Іоф ышІэн фитэп.

13:15 Тэурат хабзэр – пегъымбар Мусэ тхылъитфэу ытхыгъэхэр ары. Тэурат хабзэр джуртхэм ятхылъ лъапІэхэм ащыщэу апэрэ Іахьэу мэхъу.

13:15 пегъымбархэм атхыгъэ тхылъхэр – джуртхэм ятхылъ лъапІэхэм ащыщхэу ятІонэрэ Іахьэу мэхъу.

13:20 хьыкумышІэхэр – еплъ 12:4.

 

елъэІугъэх. Вениамин иунэгъо лъэпкъ щыщэу, Кис ыкъо Шаул па­чъыхьэ афэхъунэу Тхьэм аритыгъ. ЕтІанэ илъэс тІокІи­тІурэ ар пачъыхьэу щытыгъ. 22Тхьэм ар тыригъэкІыжьи, Даутэ пачъыхьэу тыригъэхьагъ. Тхьэм Даутэ мырэущтэу шыхьат фэхъугъ:* «Иессе ыкъоу Даутэ сыгу зэІурэ цІыфэу къэзгъотыгъ. Сэ сызыфаехэр зэкІэ ащ ыгъэцэкІэщтых». 23Мы лІым къытехъукІыгъэ цІыфхэм ащыщэу, Израил цІыфхэр мыкІодхэу къэзыгъэнэжьырэр Хьисэ ары, Тхьэм къафигъэкІуагъ, ятэжъхэр къызэригъэгугъэгъагъэхэм фэ­дэу. 24Хьисэ къэкІоным ыпэкІэ Иуан, «ШъуипсэдкІодхэм шъуафыкІэгъожьи, зысэжъугъэумэхъ», ыІоу, Израил цІыфхэм зэкІэ аригъэІугъ. 25Иуан иІоф ыухызэ къы­Іуагъ:* «Сэ хэтэу сышъушІошІыра? Шъо шъузпаплъэрэр сэрэп. Шъо шъузпаплъэрэр саужкІэ къэкІощт, ащ ицокъэ­лъэпсхэр фэстІэтэныхэуи сифэшъуашэп».

26(Паул джыри ипсалъэ къыпидзэжьыгъ:) –Сэ сшыхэу Ибрахьим къытехъукІыгъэ цІыфхэри, шъо къышъухэт­хэу нэмыкІ цІыфхэу Тхьэм ищынагъо зыгу илъхэри, Тхьэм цІыфхэр мыкІодхэу къызэригъэнэжьхэрэм икъэ­бар къызнэсыгъэхэр тэры. 27Ерусалим дэсхэмрэ ахэмэ ятхьаматэхэмрэ цІыфхэр мыкІодхэу къэзыгъэнэжьырэр зэрэ Хьисэр къашІэжьыгъэп. УкІ ежьым къытралъхьагъ, ау арэущтэу пегъымбархэм ягущыІэхэу шэмбэт мафэ къэсми синэгогухэм щызаджэхэрэр къагъэшъыпкъэжьы­гъэх. 28УкІ Хьисэ зыкІытралъхьащт Іоф амыгъотыгъэ пэтми, Іэшъхьэтетэу Пилат* ар ыукІынэу елъэІущтыгъэх. 29Хьисэ ехьылІагъэу Тхьэм игущыІэ тхыгъэхэм арытхэр зэкІэ ахэмэ загъэцакІэ ужым, Хьисэ игъусэхэм ежь ихьа­дэ къащым къыпахыжьи, къэунэм чІалъхьажьыгъ. 30Ау Тхьэм ар лІагъэхэм къахигъэтэджыкІыжьыгъ. 31ЕтІанэ Хьисэ ежь игъусэхэу Галилей хэкум къикІыгъэхэу, Еру­салим къэкІогъагъэхэм мафэ пчъагъэхэм акІоцІ заригъэлъэгъущтыгъ. Джы ахэр ары тэ тлъэпкъ ыпашъхьэ Хьисэ шыхьат щыфэхъухэрэр.

 

13:22 Тхьэм Даутэ . . . шыхьат фэхъугъ – еплъ Сэбур (Псалтыр) 89:20 (урыс библиемкІэ 88:21); Пегъымбар Самуел икъэбар зэрыт апэрэ тхылъым (1-я Царств) 13:14.

13:25 Иуан . . . къыІуагъ – еплъ Лука 3:16.

13:28 Пилат – еплъ 3:13.

 

32–Джы мы къэбарышІур тэ къышъотэІо: Тхьэм Хьисэ лІагъэхэм къызэрахигъэтэджыкІыжьыгъэмкІэ тэ тя­тэжъхэр къызэригъэгугъэгъэ Іофхэр къыгъэхъухэзэ, тэ ахэмэ атехъукІыгъэ цІыфхэм къытфигъэшъыпкъэ­жьыгъ. 33Сэбурым итэу ятІонэрэ орэдым* Тхьэм Хьисэ къызэрэщыриІорэм фэдэу:

«Оры Скъор, непэ ты сыпфэхъугъ».

34 Тхьэм Хьисэ лІагъэхэм къызэрахигъэтэджыкІыжьы­гъэр егъашІэми мылІэжьыным пае, мы гущыІэхэмкІэ Тхьэм къыІуагъ:*

«СынэшІу щыфэныгъэ лъапІэр шъыпкъэмкІэ шъо къышъулъызгъэсыщт, Даутэ зэрэзгъэгугъэгъа­гъэм фэдэу».

35Тхьэм игущыІэ тхыгъэхэм ащыщэу нэмыкІ чІыпІэм ыдэжь зэритым фэдэу,*

«О уиІорышІэ ихьадэ бгъэшъущтэп».

З6–Сыда пІомэ Тхьэм игухэлъ тетэу Даутэ имафэхэм Тхьэм фэлажьэщтыгъ, етІанэ дунаим ехыжьыгъ. Ятэжъ­хэм адэжь къэунэм чІалъхьажьи, ихьади шъугъэ. 37Ау Тхьэм лІагъэхэм къахигъэтэджыкІыжьыгъэр джыри зэ лІэжьыгъэп, ихьади шъужьыгъэп. 38Арышъ, сэ сшыхэр, мыр зэжъугъашІэ, шъо шъуипсэкІодхэр Хьисэ къызэрэ­шъуфигъэгъухэрэм икъэбар къышъотэгъэІу. 39Хьисэ ежьымкІэ хэти шІошъхъуныгъэ зиІэм ипсэкІод пстэури тырехых, ау пегъымбар Мусэ и Тэурат хабзэ псэкІод­хэр къышъутырихын ылъэкІырэп. 40Шъузфэсакъыжь, пегъымбархэм мы гущыІэхэу къаІуагъэхэр* къышъорэ­мыхъулІэх:

41«ШъукъэдаІу, шъо Тхьэм къыІуагъэхэм нэмыплъ языххэрэр,

жъугъэшІагъуи шъукІод;

сыда пІомэ шъо шъуимафэхэм Іофышхо горэ згъэцэкІэщт.

 

13:33 Сэбурым итэу ятІонэрэ орэдыр – еплъ Сэбур (Псалтыр) 2:7.

13:34 Тхьэм къыІуагъ – еплъ Пегъымбар Ешай тхылъэу ытхыгъэм 55:3.

13:35 нэмыкІ чІыпІэм ыдэжь зэритым фэдэу – еплъ Сэбур (Псалтыр) 16:10 (урыс библиемкІэ 15:10).

13:40-41 пегъымбархэм мы гущыІэхэу къаГуагъэхэр – еплъ Пегъымбар Аввакум тхылъэу ытхыгъэм 1:5.

 

А Іофышхом икъэбар зыгорэм къышъуиІуагъэми, шъо шъушІошъ хъущтгъэп».

42Паулрэ Варнавэрэ синэгогум къычІэкІыжьхэзэ, къы­кІэлъыкІорэ шэмбэт мафэм а Іофхэм атегущыІэжьын­хэу цІыфхэр къялъэІугъэх. 43ЗэІукІэр зызэбгырэкІы­жьым, джуртхэм ащыщхэу бэхэри, хымэхэу джурт хъугъэ­хэм ащыщхэу бэхэри Паулрэ Варнавэрэ ягъусэхэу кІощты­гъэх. ИтІур ахэмэ адэгущыІэхи, Тхьэм ынэшІу къызэращифэщтым ыуж ит зэпытынхэу афагъэпытагъ.

44КъыкІэлъыкІорэ шэмбэт мафэм Тхьэм игущыІэхэм ядэІунхэм пае, къалэм дэс цІыф пстэури къэнэгъэ шІагъо щымыІэу зэрэугъоигъэх. 45Ау джуртхэм цІыф купышхо­хэр залъэгъухэм, шъугъоныр агу къихьи, ехъонхэзэ, Паул къыІуагъэхэм апэуцужьыщтыгъэх.

46Джащыгъум Паулрэ Варнавэрэ гушхоныгъэкІэ къа­Іуагъ:

–Тхьэм игущыІэхэр ыпэ рапшІэу шъо къышъотІонхэ фэягъ. Ау шъо Тхьэм игущыІэхэр щыжъугъэзыехэу, арэущтэу мыкІодыжьын щыІэныгъэ шъуиІэ хъунэу зыфэжъугъэшъуашэрэп. Арышъ, хымэ лъэпкъхэм ащыщ­хэм тэ зафэтэгъазэ; 47сыда пІомэ Тхьэм мырэу­щтэу унашъо къытфишІыгъ:*

«Хымэ лъэпкъхэм нэфынэ уафэхъунэу узгъэуцугъ, дунаим ыкъуапэхэм анэсыфэ, цІыфхэр мыкІодхэу Тхьэм къыуигъэгъэнэжьынхэм пае».

48Хымэ лъэпкъхэм ащыщхэм ар зызэхахым, гушІохи, Зиусхьаным игущыІэхэм щытхъу афашІыгъ. МыкІоды­жьын щыІэныгъэ яІэ хъунэу Тхьэм ыгъэнэфэгъэ цІыф пстэуми шІошъхъуныгъэ яІэ хъугъэ.

493иусхьаным игущыІэхэр а хэкум тыдэкІи цІыфхэм анэсхэу хъугъэ. 50Ау джуртхэм лъытэныгъэ зиІэ бзы­лъфыгъэхэу Тхьэр зыгъэлъапІэхэрэмрэ къалэм итхьа­матэхэмрэ къызэкІагъэплъыхьагъэх. ЕтІанэ цІыфхэр Паулрэ Варнавэрэ атебэнэнхэу зэкІагъэблагъэх, яхэкуми къарафыгъэх. 51Паулрэ Варнавэрэ алъакъохэм акІэ­рылъ сапэр цІыфхэм апашъхьэ щыкІэрагъэтэкъужьи, Иконие къалэм кІуагъэх. 52Ау ХьисэкІэ шІошъхъуныгъэ зиІэхэм агухэм гушІуагъорэ Тхьэм ы Псэ ЛъапІэрэ инэу арылъ хъугъэх.

 

13:47 Тхьэм унашъо къытфишІыгъ – еплъ Пегъымбар Ешай тхылъэу ытхыгъэм 49:6.

 

 

14

ЯПШІЫКІУПЛІЭНЭРЭШЪХЬ

 

Паулрэ Варнавэрэ Иконие къалэм Тхьэм игущыІэхэр зэрэщагъэІущтыгъэхэр

 

Иконие къалэм Паулрэ Варнавэрэ зынэсхэм, яхабзэ тетэу, джуртхэм ясинэгогу чІэхьагъэх. Джуртхэмрэ алыджхэмрэ* ащыщхэу бэмэ шІошъхъуныгъэ яІэ агъэ­хъузэ, адэгущыІагъэх. 2Ау шІошъхъуныгъэ зиІэ хъунхэу зымыдэрэ джуртхэм хымэ лъэпкъхэм ащыщхэр зэкІа­гъэплъыхьахи, шыхэмэ къафагъэгубжыгъэх. 3Паулрэ Варнавэрэ Зиусхьаным икъэбар гушхоныгъэкІэ цІыфхэм араІозэ, а къалэм бэрэ щыІагъэх. Зиусхьаными ынэшІу щыфэныгъэм ехьылІэгъэ къэбарышІур* ыгъэшъыпкъэ­жьызэ, нэшэнэ гъэшІэгъонышхохэр къагъэлъэгъонхэуи Іофышхо гъэшІэгъонхэр ашІэнхэуи Паулрэ Варнавэрэ лъэкІыныгъэ аритыгъ. 4Ау къалэм ицІыфхэр лІэныкъуи­тІоу зэрэгъэхъугъэх. Зы купыр джуртхэм агохьагъэх, адрэ купри апостолхэм агохьагъэх. 5ЕтІанэ хымэ лъэпкъ­хэм ащыщхэри, джуртхэри, ахэмэ ятхьаматэхэри ягъу­сэхэу зэгурыІохи, Паулрэ Варнавэрэ лые къарахынэуи мыжъохэмкІэ къяохэзэ, къаукІынхэуи гухэлъ ашІыгъ. 6Паулрэ Варнавэрэ ахэмэ ягухэлъ къызашІэм, Ликаоние хэкум щыщ къалэхэу Листрэрэ Дервиерэ ахэмэ яІэгъо-благъо хэкумрэ кІатхъужьыгъ. 7А чІыпІэхэми къэбары­шІур щагъэІугъ.

 

Паулрэ Варнавэрэ Листрэ къалэм Тхьэм игущыІэхэр

зэрэщагъэІущтыгъэхэр

 

8Листрэ къалэм лІы сэкъат горэ дэсыгъ. Къызыхъу­гъэм щегъэжьагъэу ылъакъохэм атеуцон ымылъэкІэу, егъашІэми земыкІошъоу ащ дэжьым щысыгъ. 9Паул къэгущыІэ зэхъум, а лІыр едэІущтыгъ. Паул а лІым зеплъым, хъужьынэу ащ шІошъхъуныгъэ иІэу зелъэгъум, 10мэкъэшхокІэ къыІуагъ:

 

14:1 алыджхэр – грекхэр ары.

14:3 къэбарышІур – еплъ 8:4.

 

–Зиусхьанэу Хьисэ Мэссихь ыцІэкІэ къыосэІо: Къэтэджи, плъакъохэм къатеуцу.

А лІыр къызщылъэти, къыкІухьэу ыублагъ.

11Паул ышІагъэр цІыф купышхохэм залъэгъум, мэкъэ­шхокІэ Ликаоние хэкум ыбзэкІэ* къаІуагъ:

–Тхьэхэр цІыф плъышъоу къытфехыгъэх.

12Варнавэ ЗевскІэ* еджагъэх, къэгущыІэрэр Паул арыти, ащ ЕрмыйкІэ* еджагъэх. 133евс иунэшхоу къалэм тІэкІу дэдзыгъэу щытым идин пащэм цІыфхэм цухэр къэлапчъэм къаригъащэхи, танджэхэри къаригъэхьыхи, ежьыми цІыф купышхоми Варнавэрэ Паулрэ къурмэн афашІынэу фэягъэх.

14Ау апостолхэу Варнавэрэ Паулрэ ар зызэхахым, афа­мыдэу ящыгъынхэр зэІатхъыжьхи, цІыф купышхом ахэ­лъадэхи, куохэу къаІуагъ:

15–Шъо лІы купыр, сыда мы шъушІэхэрэр? Шъо ты­шъуфэдэу тэри тыцІыф. Мы тхьэ нэпцІхэу зишІуагъэ къэмыкІощтхэм шъуакІыб афэжъугъэзэжьэу Тхьэ шъыпкъэу псаоу щытым зыфэжъугъэзэжьыным пае, къэба­рышІур къышъуфэтэгъэІу. Тхьэр ары уашъори, чІыри, хыри, ахэмэ ащыпсэурэ пстэури къэзыгъэхъугъэр. 16Блэ­кІыгъэ лъэхъанэхэм лъэпкъ пстэури зэрэфаехэу ежь ягъогу рыкІонхэу фит ышІыгъагъэх. 17Ау щытми, Тхьэм шыхьат имыІэу зыкъигъэнагъэп: Уашъом къикІэу ощх къышъуфыригъэщхызэ, игъом гъажъор къышъуфигъэ­кІызэ, шхын шъуфимыгъэныкъозэ, шъуигъэгушІозэ шІу­гъэ къышъуфишІагъ.

18Паулрэ Варнавэрэ арэущтэу аІозэ, къурмэн зыфара­мыгъэшІэу, цІыф купышхор ерагъэу зэтыраІэжьагъэх.

19Ащ нэужым Антиохие къалэмрэ, Иконие къалэмрэ къарыкІхэу джурт куп къэкІуагъ. Апостолхэм гушхо­ныгъэкІэ Тхьэм игущыІэхэр агъэІухэзэ, а джуртхэм цІыфхэр апостолхэм агуагъэкІыгъэх, мырэущтэу аІозэ: «Мы лІыхэм шъыпкъэр къаІорэп, пцІы къаусы нахь».

 

14:11 Ликаоние хэкум ыбзэкІэ – Паулрэ Варнавэрэ Ликаоние хэкум ыбзэ къагурыІон алъэкІыгъэп. Рим (Рум) къэралыгъошхом тыдэкІэ зэрыщыгущыІэрэ бзэр алыджэбзэр (грекыбзэр) арыгъэ.

14:12 Зевс – алыджхэм ятхьэу зыфаІохэрэм ащыщэу анахь иныр арыгъэ.

14:12 Ермый – алыджхэм ятхьэу зыфаІохэрэм ащыщэу адрэ тхьэу зыфаІохэрэм яІофтабгэ арыгъэ.

 

    ЕтІанэ а джуртхэм цІыф купышхор зэкІагъэплъы­хьэхи, Паул мыжъокІэ къеохэзэ, къаукІынэу пылъы­гъэх, лІагъэуи аІозэ, къалэм далъэшъугъ. 20Ау етІанэ Паул игъусэхэм къауцухьи, Паул къэтэджи, къалэм дэ­хьажьыгъ. ЯтІонэрэ мафэм Варнавэ игъусэу Паул Дервие къалэм кІуагъэ.

 

Паулрэ Варнавэрэ Сирие хэкум щыщ Антиохие къалэм

зэрагъэзэжьыгъэр

 

21Паулрэ Варнавэрэ Дервие къалэми къэбарышІур ща­гъэІузэ, цІыфыбэхэр Хьисэ игъогу зытырагъахьэхэ ужым, къалэхэу Листрэ, Иконие, Антиохие агъэзэжьыгъ. 22А къалэхэм ХьисэкІэ шІошъхъунгъэ зиІэ хъугъэхэр щагъэ­гушхохи, шІошъхъуныгъэм игъогу темыкІынхэу афагъэ­пытэзэ араІуагъ:

    –Тхьэм и Тетыгъошхо* ыІэчІэгъ къин тщэчызэ ты­чІэхьан фае.

23Паулрэ Варнавэрэ тэдрэ чылыс зэІукІэм нахьыжъ­хэр* фагъэнафэхи, Тхьэм елъэІухэзэ, чэщи мафи анэ­кІэу, ахэмэ Зиусхьанэу шІошъхъуныгъэ зыфыряІэ хъугъэм ынаІэ къатыригъэтынэу фагъэзагъэх. 24Ащ нэужым Писидие хэкум кІоцІырыкІыхи, Памфилие хэкум нэсы­гъэх. 25Пергие къалэм Зиусхьаным игущыІэхэр къызы­щагъэІухэ ужым, Атталие къалэм ехыгъэх.

    26А къалэм къыдэкІыхи, къухьэкІэ Антиохие къалэм кІуагъэх. Антиохиер ары чылыс зэІукІэм щыщхэм Паул­рэ Варнавэрэ джы агъэцэкІэгъэ Іофым пае, Тхьэм ынэ­шІу къащифэнэу зыщыфагъэзагъэр. 27Паулрэ Варнавэрэ Антиохием зынэсхэм, чылыс зэІукІэм щыщхэр аугъоихи, Тхьэм ахэмэ аригъэгъэцэкІэгъэ Іоф пстэури къаІотэ­жьыгъэх, хымэ лъэпкъхэм ащыщхэми шІошъхъуныгъэ яІэ хъунэу Тхьэм пчъэр зэрафыІуихыгъэри къаІотэ­жьыгъ. 28ЕтІанэ ХьисэкІэ шІошъхъуныгъэ зиІэхэм адэжь бэрэ щыІэнхэу къэнагъэх.

 

14:22 Тхьэм и Тетыгъошхо – еплъ 1:3. 14:23 нахьыжъхэр – еплъ 11:30.

 

 

15

ЯПШІЫКІУТФЭНЭРЭШЪХЬ

 

Апостолхэмрэ* нахьыжъхэмрэ* Ерусалим зэІукІэ зэрэщашІыгъэр

 

Зы лІы горэхэр Иудей хэкум къикІыхи, Антиохием къакІохи, ашыхэмэ арагъашІэу аублагъ, мырэущтэу аІозэ:

–Пегъымбар Мусэ и Тэурат хабзэ сунэт шъуашІын фаеу зэритым пае, сунэт шъуамышІымэ, шъумыкІодэу Тхьэм шъукъигъэнэжьыщтэп.

2Паулрэ Варнавэрэ ахэмэ агурымыІохэу, лъэшэу янэ­къокъугъэх. Арыти, Паулрэ Варнавэрэ цІыф заулэ ягъу­сэхэу, мы Іофым ехьылІагъэу Ерусалим дэс апостол­хэмрэ нахьыжъхэмрэ адэжь агъэкІонхэу ашыхэм тыра­убытагъ. 3Арэущтэу чылыс зэІукІэм щыщхэр Паулрэ Варнавэрэ адэкІуатэхэзэ, гъогум тырагъэхьагъэх. Паулрэ Варнавэрэ хэкухэу Финикиерэ Самариерэ кІоцІырыкІы­гъэх. КІоцІырыкІыхэ зэхъум, хымэ лъэпкъхэм ащыщхэр Тхьэм игъогу зэрэтехьагъэхэм икъэбар афаІотэжьызэ, ашы пстэури инэу агъэгушІуагъэх. 4Ерусалим зынэсхэм, чылыс зэІукІэм щыщхэми, апостолхэми, нахьыжъхэми ахэр рагъэблэгъагъэх. Тхьэм ахэмэ ашІэнхэу аригъэлъэ­кІыгъэ Іоф пстэури араІотэжьыгъэх.

5Ау шІошъхъуныгъэ зиІэ лІы горэхэу диным рыкІорэ цІыф купэу фарисей* купкІэ заджэхэрэм ащыщхэр къэ­тэджхи къаІуагъ:

–Хымэ лъэпкъхэм ащыщхэри сунэт шъушІынхэ фае, пегъымбар Мусэ и Тэурат хабзэ итхэри яжъугъэгъэцэ­кІэнхэ фае.

6А Іофым тегущыІэнхэу апостолхэри нахьыжъхэри зэрэугъоигъэх. 7Бэрэ зызэнэкъокъухэ ужым, Петрэ къэтэджи, адрэхэм ариІуагъ:

–Сшыхэр, шъори шъошІэба, хымэ лъэпкъхэм ащыщ­хэм ЗиусхьанымкІэ шІошъхъуныгъэ яІэ хъуным пае, къэбарышІур язгъэІунэу блэкІыгъэ мафэхэм Тхьэм шъо сэ сыкъызэрэшъухихыгъэр? 8Тхьэу цІыфхэм агухэм ары­лъыр зышІэрэм ежь ы

15:1 апостол – еплъ 1:2.

15:1 нахьыжъхэр – еплъ 11:30.

15:5 фарисейхэр – еплъ 5:34.

 

Псэ ЛъапІэ тэ къызэрэтфыригъэгъэхыгъэм фэдэу, хымэ лъэпкъхэм ащыщхэми къафы­ригъэхызэ, ахэр зэридэхэрэр къыгъэлъэгъуагъ. 9Тэррэ ахэмрэ тазыфагу Тхьэм зэхэдз зи ышІыгъэп, сыда пІомэ ахэми агухэр шІошъхъуныгъэмкІэ ыгъэкъэбзэжьыгъэх. 10Тэри тятэжъхэми тфэмыхьыгъэ къиныр ХьисэкІэ шІошъхъуныгъэ зиІэхэм атешъулъхьэзэ, сыда Тхьэр жъугъэунэ­фынэу ыуж шъузыкІитыр? 11Ау ти Зиусхьанэу Хьисэ Мэссихь ынэшІу щыфэныгъэм игъогукІэ тэ тымыкІодэу, Тхьэм тыкъызэригъэнэжьырэр тшІошъ мэхъу, ынэшІу щыфэныгъэ игъогукІэ хымэ лъэпкъхэм ащыщхэри мыкІодхэу, Тхьэм къызэригъэнэжьыхэрэм фэдэу.

12ЗэІукІэгъэ цІыф пстэуми заушъэфи, хымэ лъэпкъхэм адэжь Тхьэм Варнавэрэ Паулрэ нэшэнэ гъэшІэгъонышхо­хэу къыщаригъэгъэлъэгъуагъэхэри, Іофышхо гъэшІэгъон­хэу щаригъэшІагъэхэри къызаІотэжьхэм, ядэІугъэх. 13ЕтІанэ гущыІэныр заухым, Якъубэ* къэгущыІэу ыублагъ:

–Сшыхэр, къасІорэм шъукъедэІу. 14Тхьэр лъэпкъэу ежь ыцІэкІэ зэреджэщтыр къыхихыным пае, хымэ лъэ­пкъхэм ащыщхэм яплъынэу апэу зэрэхъугъэр Симон зэ­хэтигъэшІыкІыгъ. 15Пегъымбархэм ягущыІэхэр Петрэ къыІуагъэхэм атефэх. Тхьэм игущыІэ тхыгъэхэм зэра­рытым фэдэу,*

16«ЕтІанэ къэзгъэзэжьынышъ,

пачъыхьэ Даутэ иунэу зэхэфагъэр

зэтезгъэуцожьыщт», Зиусхьаным еІо.

«Зэхэкъутагъэхэри сшІыжьынхэшъ,

а унэр зэтезгъэуцожьыщт,

17дунаим ицІыфхэу къэнагъэхэмрэ

сэ сицІыфхэу хъунхэу сызэджэгъэ хымэ лъэпкъ

пстэумрэ Зиусхьаным лъыхъунхэм пае.

18 Мырэущтэу зыІуагъэр Зиусхьанэу мы Іофхэр бэшІагъэу цІыфмэ языгъэшІагъэр ары».

19Якъубэ етІанэ къыпигъэхъожьыгъ:

 

15:13 Якъубэ – еплъ 12:17.

15:15-18 Тхьэм игущыІэ тхыгъэхэм зэрарытым фэдэу – еплъ Пегъымбар Амос тхылъэу ытхыгъэм 9:11-12; Пегъымбар Ешай тхылъэу ытхыгъэм 45:21.

 

–Арышъ, сэ сызэрэгугъэрэмкІэ, хымэ лъэпкъхэм ащыщхэу, Тхьэм игъогу техьэхэрэм къин атетлъхьэ хъущтэп. 20Ау цІыфхэм тхьэ нэпцІхэм афашІыгъэ къур­мэныпхъэм ыл, зинэ шІэным, атхьалэгъэ псэушъхьэхэм* ал, лъым* зыщадзыенэуи, ежьхэм къарамышІэнэу зыфэмыер нэмыкІ цІыфхэм арамышІэнэуи тэ афэттхын фае; 21сыда пІомэ пэсэрэ зэманхэм къащегъэжьагъэу пегъымбар Мусэ и Тэурат хабзэ итхэр къэлэ пстэуми щызы­гъэІухэрэри шэмбэт мафэ къэси ащ итхэм зыщяджэхэрэ синэгогухэри щыІэх.

 

Апостолхэмрэ нахьыжъхэмрэ хымэ лъэпкъхэм

ащыщхэу шІошъхъуныгъэ зиІэ хъугъэхэм

тхылъэу афатхыгъэр

 

22Арэущтэу чылыс зэІукІэр зэрэщытэу ягъусэу апо­столхэмрэ нахьыжъхэмрэ тыраубытагъ ежьхэм яцІыфхэм ащыщхэу лІы заулэ хахынхэу, Паулрэ Варнавэрэ Антио­хие адагъэкІонхэм пае. Ашыхэм ятхьаматэхэм ащыщхэу Иудэу ВарсавэкІэ заджэхэрэмрэ Силэрэ хахыгъэх. 23Мы­рэущтэу тхылъ атхи аратыгъ:

«Тэ тышъушыхэу апостолхэри, нахьыжъхэри, шъо хымэ лъэпкъхэм ащыщ шыхэу Антиохие къалэм дэсхэми, Сирие хэкуми Киликие хэкуми арысхэми, шІуфэс къышъотэхыжьы.

24ЦІыф заулэ тэ къытхэкІыхи, «Сунэт шъуашІын фае, Мусэ и Тэурат хабзэ итхэми шъуядэІун фае», аІозэ, ягущыІэхэмкІэ шъузэІагъэхьагъэуи шъуагъэгумэкІыгъэуи тэ зэхэтхыгъ, ау тэ ахэр къэдгъэкІуагъэхэп. 25Арышъ, тэ тызэІукІагъ. ЛІы заулэ тэ къыхэтхынышъ, тэ шІу тлъэгъурэ Варнавэрэ Паулрэ ягъусэхэу къышъуфэдгъэкІонхэу тызэгурыІуагъ. 26ИтІур Зиусхьанэу Хьисэ Мэссихь ыцІэ фэлажьэхэзэ, апсэ еблэжьыгъэхэп. 27Арэущтэу Иудэрэ Силэрэ къышъуфэтэгъакІох. Ахэми тэ ттхыгъэр ажэкІэ къыжъугурагъэІощт. 28Мы унашъохэу шъузэдэІун фаехэм анэмыкІэу, зи

 

15:20 атхьалэгъэ псэушъхьэхэр – джурт хабзэм иунашъо тетэу, псэу­шъхьэхэр шІуабзы зыхъукІэ, лъыр зэкІэ кІагъэчъын фае.

15:20 лъы – джурт хабзэм иунашъо тетэу, лъы зыхэлъ шхын пшхы мыхъунэу щыт.

 

къышъутетымылъхьанэу Тхьэм ы Псэ ЛъапІи тэри игъоу тлъытагъэ: 29ЦІыфхэм тхьэ нэпцІхэм афашІыгъэ къурмэныпхъэм ыл, лъым, атхьалэгъэ псэушъхьэхэм ал, зинэ шІэным защыжъудзый. Шъо къышъуашІэнэу шъузыфэмыери нэмыкІ цІыфхэм яшъумышІ. А Іофхэм защыжъудзыемэ, дэгъур шъошІэ. Шъотхъэжь».

30Арэущтэу а лІыхэр гъогум тырагъэхьагъэх. Ахэр Антиохие зынэсхэм, чылыс зэІукІэм щыщхэр аугъоихи, тхылъыр аратыгъ. 31 Ахэр тхылъым зеджэхэм, къэбарэу ащ итым ыгъэгушхохэзэ ыгъэгушІуагъэх. 32Иудэрэ Си­лэрэ, ежьхэр пегъымбархэу щытхэу, гущыІабэкІэ ашыхэм агухэр агъэпытэхэзэ, агъэгушхуагъэх. 33Ахэр зы тІэкІурэ ащ дэжьым зыдэсхэ ужым, къэзыгъэкІуагъэхэм адэжь агъэзэжьынэу ашыхэм гъогу мафэкІэ гъогум къытыра­гъэхьажьыгъэх. 34Ау Силэ Антиохие къыдэнэнэу тыри­убытагъ, Иудэми Ерусалим ыгъэзэжьыгъ. 35Паулрэ Вар­навэрэ Антиохие къыдэнагъэх. НэмыкІыбэхэм ягъусэ­хэу, цІыфхэм Зиусхьаным игущыІэхэр арагъашІэхэзэ, къэбарышІури арагъэІузэ, Антиохие дэсыгъэх.

 

Паулрэ Варнавэрэ зэрэзэгокІыгъэхэр

 

36Зы тІэкІу тешІагъэу Паул Варнавэ риІуагъ:

–Тхьэм игущыІэхэр зыщыдгъэІугъэ къэлэ пстэуми адэс тшыхэм адэжь дгъэзэжьынышъ, зыфэдэхэр зэрэщытхэр зэдгъэлъэгъунхэу тыгъэкІожь.

37Варнавэ Иуан МарккІи заджэхэрэр ягъусэу зыди­щэнэу фэягъ. 38Ау Паул ар ягъусэу зыдищэнэу игъоу ылъытагъэп; сыда пІомэ Иуан МарккІэ заджэхэрэр Памфилие хэкум ахэмэ щагокІи, Іоф адишІэнэу адэкІо­гъагъэп. 39Паулрэ Варнавэрэ ащ фэдизэу зэрэзэнэкъо­къугъэхэм пае, зэгокІыгъэх. Варнавэ Марк зыдищи, Кипр хыгъэхъунэм* къухьэкІэ кІуагъэ. 40Ау Паул гъусэ фэхъу­нэу Силэ къыхихыгъ. Ашыхэм Тхьэм ынэшІу ахэмэ къащи­фэнэу зыфагъазэ ужым, ахэр гъогум техьагъэх. 41Чы­лыс зэІукІэхэм ащыщхэр агъэгушхохэзэ, Сирие хэкумрэ Киликие хэкумрэ къакІухьэщтыгъэх.

 

15:39 хыгъэхъунэ – еплъ 4:36.

 

 

16

ЯПШІЫКІУХЭНЭРЭШЪХЬ

 

Тимофей Паулрэ Силэрэ гъусэ зэрафэхъугъэр

 

Ащ нэужым Паул Дервие къалэм, етІанэ Листрэ къалэм нэсыгъ. Тимофей зыцІэу ХьисэкІэ шІошъхъуныгъэ зиІэ лІы горэ а къалэм дэсыгъ. Ащ янэ шІошъхъуныгъэ зиІэ джуртэу щытыгъ, яти алыджэу щытыгъ. 2Къалэхэу Листрэрэ Икониерэ адэс ашыхэм а лІым лъытэныгъэ фыряІэу щытыгъ. 3Паул Тимофей зыдищэнэу фэягъ. Джуртхэу а лъэныкъом исхэм апае Паул зыгорэм Ти­мофей сунэт ригъэшІыгъ*; сыда пІомэ Тимофей ятэ алыджэу зэрэщытыр зэкІэми ашІэщтыгъэти ары. 4Къа­лэхэр къакІухьэхэу, Ерусалим дэс апостолхэмрэ нахьы­жъхэмрэ ашІыгъэ унашъохэм ядэІунхэм пае, шІошъхъу­ныгъэ зиІэхэм а унашъохэр араІуагъэх. 5Арэущтэу чы­лыс зэІукІэхэм ащыщхэм нахь шІошъхъуныгъэшхо яІэ хъузэ, мафэ къэси шІошъхъуныгъэ зиІэхэм япчъагъэ хахъощтыгъ.

 

Троадэ къалэм Тхьэм Паул зыгорэ

къызэрэщыфигъэлъэгъуагъэр

 

6Паулрэ игъусэхэмрэ Асие хэкум Тхьэм игущыІэхэр ща­гъэІунхэу Тхьэм ы Псэ ЛъапІэ фит ымышІыхэзэ, ахэр Фригиерэ Галатиерэ яхэку зэпырыкІыжьыгъэх. 7Мисие хэкум зынэсхэм, Вифиние хэкум ихьанхэу пы­лъыгъэх, ау Хьисэ ы Псэ ЛъапІэ ихьанхэу фит ышІы­гъэхэп. 8Арэущтэу Мисие хэкум кІоцІырыкІыхи, Троадэ къалэм* ехыгъэх. 9Чэщым Тхьэм Паул зыгорэ къыфи­гъэлъэгъуагъ. Македоние хэкум* щыщэу зы лІы горэ ащ дэжьым щытэу къелъэІугъ:

–Македонием къакІуи, ІэпыІэгъу къытфэхъу.

10Паул ар къызэрэфэлъагъоу, къэбарышІур а цІыф­хэми ядгъэІунэу Тхьэр къызэрэтэджагъэм тыщыгугъэу, Македоние хэкум тыкІонэу зыдгъэхьазырыгъ*.

 

16:3 сунэт ригъэшІыгъ – Тимофей янэ джуртэу зэрэщытым пае, Тимофей джуртэу алъытэн фаеу щытыгъ. Ау ар сунэт амышІымэ, Паул синэгогухэм Тхьэм игущыІэхэр зыщигъэІухэрэм, щыдэлэжьэн ылъэкІыщтгъэп.

16:8 Троадэ къалэр – къухьэуцупІэ иІэу, Эгейскэ хым Іутэу (джырэ Тыркуим итыгъэ къохьэпІэ хыІушъор ары), Мисие хэкум щыщыгъ.

 

Лидие зыцІэ бзылъфыгъэр Хьисэ игъогу зэрэтехьагъэр

 

11Арэущтэу Троадэ къалэм къухьэкІэ тыщежьи, занкІэу Самофракие хыгъэхъунэм тыкІуи, ятІонэрэ мафэми Неа­пол къалэм тынэсыгъ.12ЕтІанэ ащ дэжьыми тыдэкІи, Филиппи къалэм тыкІуагъ. Ар Македоние хэкум щыщэу а лъэныкъом икъэлэшхоу щытыгъ. А къалэр зыгъэуцу­гъагъэр Рим къэралыгъошхом ицІыфхэр ары. А къалэм мафэ заулэрэ тыдэсыгъ.

13Шэмбэт мафэм* къалэм тыдэкІи, псыхъом тыкІуагъ. Ащ дэжьым цІыфхэр Тхьэм зыщелъэІурэ чІыпІэ щыдгъо­тыщт тІуи, тытІыси, зэрэугъоигъэхэ бзылъфыгъэмэ та­дэгущыІагъ. 143ы бзылъфыгъэ горэ, Лидие ыцІэу, къэ­даІощтыгъ. Ар Фиатирэ къалэм щыщэу, шэкІ плъыжь чІапцІэ лъапІэр зыщэхэрэм ащыщыгъ. Ар Тхьэр зыгъэ­лъэпІэрэ бзылъфыгъэу щытыгъ. Паул къыІохэрэм ыгу етыгъэу ядэІунэу Зиусхьаным ащ ыгу зэІуихыгъ. 15Ари ащ иунэ исхэри тыумэхъыгъэх. Зытэумэхъхэм, бзылъ­фыгъэр къытэлъэІуи къыІуагъ:

–ЗиусхьанымкІэ шІошъхъуныгъэ зиІэхэм сащыщэу шъолъытэмэ, сиунэ шъуисынэу шъукъеблагъ.

Арэущтэу ыІозэ, тыкъигъэнагъ.

 

Тетыгъо зиІэхэм Паулрэ Силэрэ Филиппи къалэм хьапсым зэрэщычІадзагъэхэр

 

16ы мафэ горэм цІыфхэр Тхьэм зыщелъэІурэ чІыпІэм тыкІозэ, джынапцІэ зыхэсэу, къэхъущт-къэшІэщт Іоф­хэр къэзыІон зылъэкІырэ унэІут пшъашъэ горэ къытІу­кІагъ. Къэхъущт-къэшІэщтхэр къыІохэзэ, итхьаматэхэмэ ахъщабэ къафигъахъэщтыгъ. 17А пшъашъэр Паулрэ тэррэ тауж имыкІэу, кууозэ мырэущтэу къыІощтыгъ:

–Мы лІыхэр Тхьэу анахь Иным илІыкІох. ШъумыкІо­дэу, Тхьэм шъукъызэригъэнэжьырэ гъогур ахэмэ къы­шъуагъэІу.

 

16:9 Македоние хэкур – Рим къэралыгъошхом щыщ хэкоу щытыгъ. А хэкур джырэ Грецием итемыр Іахьэу щытыгъ. Македонием икъэлэшхоу щытыгъэр Фессалоникэ ары.

16:10 зыдгъэхьазырыгъ – Троадэ къалэм щегъэжьагъэу Филиппи къа­лэм нэсы мы тхылъыр зытхыгъэр Паул игъусагъ.

16:13 шэмбэт мафэр – еплъ 13:14.

 

18Джарэущтэу мэфэ заулэрэ ышІагъ. ЕтІанэ Паул губжи, зыкъызэригъэзэкІи, джынапцІэм риІуагъ:

–Хьисэ Мэссихь ыцІэкІэ мы пшъашъэм ухэкІынэу уна­шъо къыпфэсэшІы.

Ардэдэм джынапцІэр пшъашъэм хэкІыжьыгъ.

19Ахъщэ къэкІуапІэу зыщыгугъыхэрэр зэрэщымыІэ­жьыр пшъашъэм итхьаматэхэм залъэгъум, Паулрэ Силэрэ аубытхи, къалэм изэхэхьапІэм тетыгъо зиІэхэм апашъхьэ кІуачІэкІэ ралъэшъуагъэх. 20Іэшъхьэтетхэм апашъхьэ зыращэхэм, мырэущтэу къаІуагъ:

–Мы лІыхэр джуртых. Тикъалэ инэу зэІагъахьэ. 21Тэ Рим къэралыгъошхом ицІыфхэм хабзэхэу зетымыхьэ­пхъэнхэри тымышІапхъэхэри мы лІыхэм агъэІух.

22ЦІыф купышхор ахэмэ ягъусэхэу Паулрэ Силэрэ атебэнагъэх. Іэшъхьэтетхэм Паулрэ Силэрэ ящыгъын­хэр зэІатхъыжьхи, къамыщкІэ яонхэу дзэлІхэм унашъо афашІыгъ. 23Утыныбэ зарахы ужым, хьапсым чІадзагъэх. Хьапс ухъумакІоми афэсакъыпэу ыухъумэнхэу унашъо фашІыгъ. 24Арэущтэу унашъо зыфашІым, ухъумакІом ахэр хьапсым иунэ кІоцІ дэдэм чІидзэхи, алъакъохэри пкъэум рипхыгъэх.

25Чэщныкъом ыдэжь Паулрэ Силэрэ Тхьэм елъэІущты­гъэх, тхьэщытхъу орэдхэри къаІощтыгъэх. Адрэ хьапс­чІэсхэри ахэмэ ядэІущтыгъэх. 26ОшІэ-дэмышІэу хьапсым ылъапсэхэр хъыехэзэ, чІыгур инэу къэсысыгъ. Ардэдэм хьапсым ипчъэхэр зэкІэ къызэІукІыгъэх. ГъучІ лъэхъу­хэу хьапсчІэсхэм ателъыгъэхэри зэкІэ атезыгъэх. 27Хьапс ухъумакІор къэущи, хьапсым ипчъэхэр зэІухы­гъэхэу зелъэгъум, хьапсчІэсхэр хэхьажьыгъэхэу ыІуи, исэшхо къырихи, зиукІыжьэу ыублагъ. 28Ау Паул мэ­къэшхокІэ къэкууи къыІуагъ:

–Лые зэмыхыжь! Тэ зэкІэри мыщ тыщыІ!

29ЕтІанэ хьапс ухъумакІом зыгорэм остыгъэ нэфынэ къыригъэхьи, хьапсым чІэлъади, Паулрэ Силэрэ апашъ­хьэ кІэзэзэу чІыгум зыщыридзыхыгъ. 30ЕтІанэ хьапсым ахэр къычІищыхи, мырэущтэу къыІуагъ:

–Шъо тхьаматэхэр, сымыкІодэу, Тхьэм сыкъигъэнэ­жьыным пае, сыда сшІэн фаер?

31–Зиусхьан ХьисэкІэ шІошъхъуныгъэ зигъаІи, ори уи­унагъуи шъумыкІодэу Тхьэм шъукъигъэнэжьыщт,– къа­Іожьыгъ ахэмэ.

32ЕтІанэ Паулрэ Силэрэ хьапс ухъумакІоми, ащ иунэ ис пстэуми Зиусхьаным игущыІэхэр араІотагъэх. 33Чэщым а сыхьат дэдэм хьапс ухъумакІом Паулрэ Силэрэ унэ горэм рищэхи, яуІагъэхэр афитхьакІыгъэх. Ащ лъы­пытэу ежьми иунагъо пстэуми зырагъэумэхъыгъ. 34Ащ нэужым хьапс ухъумакІом ахэр ежь иунэ рищэхи, ыгъэ­шхэнхэу Іанэ къафиштагъ. ТхьэмкІэ шІошъхъуныгъэ яІэ зэрэхъугъэм пае, ежьыри иунагъуи гушІуагъэх.

35Нэф къызэшъым, Іэшъхьэтетхэм яІофтабгэхэм «Мы лІыхэр тІупщыжьых», раІонэу хьапс ухъумакІом ыдэжь агъэкІуагъэх. 36Хьапс ухъумакІом а къэбарыр Паул къыриІуагъ:

–Іэшъхьэтетхэм шъуатІупщыжьынэу яІофтабгэхэр къагъэкІуагъэх. Арышъ, джы шъучІэкІыжь. Гъогу ма­фэх.

37–Тэ Рим цІыфхэм* тащыщ пэтми, хьыкумышІэм ыпашъхьэ тырамыщэу, цІыфмэ алъэгъоу къамыщкІэ къытаохи, хьапсым тычІадзагъ,– ариІожьыгъ Паул. –Джы шъэфэу татІупщыжьына? Хьау, ар хъущтэп! Ежь­хэр къэрэкІохи, тыкъычІарэщыжь!

38Іофтабгэхэм а гущыІэхэр Іэшъхьэтетмэ араІотэжьы­гъэх. Паулрэ Силэрэ Рим къэралыгъошхом ицІыфхэм зэращыщхэр Іэшъхьэтетмэ зызэхахым, щынагъэх. 39Ахэр къакІохи, «Губгъэн къытфэшъумылъэгъу», аІуи къя­лъэІугъэх. Хьапсым къычІащыжьхи, къалэм дэкІыжьын­хэу къялъэІугъэх. 40Паулрэ Силэрэ хьапсым къызычІэ­кІыжьхэм, Лидие иунэ кІуагъэх. Ащ дэжьым ашыхэр щалъэгъухи, агъэгушхуагъэх. ЕтІанэ къалэм дэкІыжьы­гъэх.

 

 

17

ЯПШІЫКІУБЛЭНЭРЭШЪХЬ

 

Фессалоникэ къалэм ицІыфхэм Паулрэ игъусэхэмрэ

къин зэрарагъэщэчыгъэр

 

Паулрэ игъусэхэмрэ Амфипол къалэмрэ Аполлоние къалэмрэ къаблэкІхи, Фессалоникэ къалэм къэкІуагъэх.

 

16:37 Рим цІыфхэр – Рим (Рум) хабзэм тетэу Рим цІыфхэу тетыгъо зиІэхэм якъэралыгъошхо ицІыфхэр агъэпщынэнхэм пае, къамыщкІэ яохэ хъущтыгъэп.

 

Джуртхэм а къалэм синэгогу щыряІагъ. 2Паул ихабзэ тетэу ахэмэ адэжь синэгогум чІахьи, шэмбэт мэфищэу Тхьэм игущыІэ тхыгъэмэ ащыщ къафеджэзэ янэкъо­къугъ. 3Мэссихь* къин ыщэчынышъ, лІагъэхэм къахэтэ­джыкІыжьын фаеу зэрэщытыгъэр зэхаригъэшІыкІызэ, къафигъэшъыпкъэжьыгъ.

–Хьисэу зикъэбар сэ къышъозгъэІурэр Мэссихьэу щыт,– къыІуагъ. 4Джуртхэм ащыщхэу заулэмэ шІошъ­хъуныгъэ яІэ хъуи, Паулрэ Силэрэ гъусэ афэхъугъэх. Ащ нэмыкІэу Тхьэр зыгъэлъапІэрэ алыджхэм ащыщхэу бэхэми, бзылъфыгъэ цІэрыІохэм ащыщхэу бэхэми шІошъ­хъуныгъэ яІэ хъугъэ.

5Ау шІошъхъуныгъэ зиІэ мыхъугъэ джуртхэр мэшъугъо­хэти, цІыф зэхэхьапІэм хъулъфыгъэ дэихэр къыщагъот­хи, цІыф купышхо аугъоий, къалэр къагъэбырсырыгъ. ЕтІанэ Иасон иунэ Іулъадэхи, Паулрэ Силэрэ къыра­щынхэшъ, цІыфхэм апашъхьэ къыращэнхэу ауж иты­гъэх. 6Ахэр замыгъотхэм, Иасонрэ къош заулэрэ къалэм итхьаматэхэм апашъхьэ ралъашъохи, куохэзэ, мырэу­щтэу къаІуагъ:

–Дунаир зэкІэ зэІэзыгъахьэрэ цІыфхэр мыщ дэжьыми къэкІуагъэх. 7Иасон ахэр иунэ ригъэблэгъагъэх. «НэмыкІ пачъыхьэу Хьисэ зыцІэр щыІ», аІозэ, Кайсарым иунашъо­хэм апэуцожьых.

8Ахэмэ арэущтэу аІозэ, а гущыІэхэр зэхэзыхыгъэ цІыф купышхомрэ къалэм итхьаматэхэмрэ къагъэбырсы­рыгъэх. 9Ащ нэужым къалэм итхьаматэхэм Иасонрэ игъусэхэмрэ шэсы ахъщэр арагъэгъэтІылъи атІупщы­жьыгъэх.

 

Верие къалэм ицІыфхэм ащыщхэу бэхэр Хьисэ игъогу

зэрэтехьагъэхэр

 

10Чэщ зэрэхъоу, ашыхэм Паулрэ Силэрэ Верие къалэм агъэкІуагъэх. Ахэр зынэсхэм, джуртхэм ясинэгогу чІэхьа­гъэх. 11Фессалоникэ къалэм дэсхэм анахьи Верие къалэм дэсхэм нахь шъыпкъагъэ яІагъ. Тхьэм игущыІэхэр ягуапэу аштагъэх. Паул къыІуагъэхэр Тхьэм игущыІэ тхыгъэхэм арытхэм атефэхэмэ алъэгъуным пае, мафэ къэси Тхьэм игущыІэ тхыгъэхэм ахэплъыхьэщтыгъэх. 12Джуртхэм

 

17:3 Мэссихь – еплъ 2:30.

 

ащыщхэу бэхэми, лъытэныгъэ зиІэ алыдж бзылъфыгъэхэм­рэ хъулъфыгъэхэмрэ ащыщхэу купхэми, шІошъхъуныгъэ яІэ хъугъэ.

13Паул Верие къалэми Тхьэм игущыІэхэр щигъэІухэу зэрэщытыр Фессалоникэ щыщ джуртхэм къызашІэ­жьым, Верие къакІохи, цІыф купышхор зэкІагъэплъыхьагъэх ыкІи къагъэбырсырыгъэх. 14Ардэдэм ышыхэм Паул хыІушъом агъэкІуагъ, ау Силэрэ Тимофейрэ Верие къалэм къыдэнагъэх. 15Паул зыщэхэрэм Афинэ къалэм нэсы ащагъ. Силэрэ Тимофейрэ ыдэжь шІэхэу къэкІонхэу Паул зыщагъэхэм унашъо зафешІым ыуж, ахэмэ агъэзэ­жьыгъ.

 

Паул Афинэ къалэм дэс цІыфхэм апашъхьэ

къызэрэщыгущыІагъэр

 

16Паул Афинэ къалэм Силэрэ Тимофейрэ щапаплъэзэ, тхьэ нэпцІ сурэтхэр къалэм дизэу зелъэгъум, ыгу къеуагъ. 17Арэущтэу Паул джуртхэмрэ Тхьэр зыгъэлъа­пІэхэрэмрэ синэгогум щянэкъокъущтыгъ, мафэ къэси зэхэхьапІэм цІыфхэу щызэІукІэхэрэм щянэкъокъу­щтыгъ. 18Философхэу эпикурейхэмрэ* стоикхэмрэ* зыцІэхэм ащыщхэу зы куп Паул къенэкъокъухэу аублагъ.

–Мы шъхьаубатэм сыда къыІонэу зыфаер?– аІуагъ зызаулэмэ.

–Мы лІым хыматхьэхэм якъэбар зэрехьэ,– аІуагъ адрэ­хэмэ. Арэущтэу зыкІауагъэр Паул Хьисэ ехьылІэгъэ къэбарышІумрэ лІагъэхэр къызэрэтэджыжьыщтхэм* ехьылІэгъэ къэбарышІумрэ зэраригъэІущтыгъэхэр ары.

 

17:18 эпикурей философхэр – алыдж философэу Эпикурей зыцІэр Хьисэ къэхъуным ыпэкІэ, я 270-рэ илъэсым дунаим ехыжьыгъ. Ащ зэриІуагъэмкІэ, щыІэныгъэмкІэ анахьышІоу щыІэр утхъэжьэу упсэуныр ары.

17:18 стоик философхэр – ахэмэ алыдж философэу Сено зыцІэм ыІо­гъагъэхэр цІыфхэм зэхаригъэшІыкІыщтыгъэх. (Сено зылІагъэр Хьисэ къэхъуным ыпэкІэ я 265-рэ илъэсыр ары) Стоик философхэм зэра ІуагъэмкІэ утхъэжьыныр зыфаІорэр къин плъэгъуми, шІу плъэгъуми, узыфаер къыбдэхъуми, къыбдэмыхъуми рэхьатэу гупсэфыныгъэкІэ ущыІэныр ары.

17:18 лІагъэхэр къызэрэтэджыжьыщтхэр – «Къэтэджыжьыныгъэ» зыфа­Іорэ гущыІэр алыджыбзэкІэ къаІомэ, ар бзылъфыгъэ тхьэ горэм ыцІэу пхэнджэу къагурыІонкІи мэхъу.

 

19ЕтІанэ а философхэм Ареопаг* Іуашъхьэм щызэІукІэрэ хасэм ыдэжь Паул зыдащи къыраІуагъ:

–ІофыкІэхэу о цІыфхэм ябгъашІэхэрэр зэхэтэбгъэ­шІыкІынха? 20Сыда пІомэ гущыІэ гъэшІэгъонхэр тэ ттхьакІумэхэм о къареогъадзэх. Ахэмэ къарыкІырэр тшІэмэ тшІоигъу.

21Афинэ къалэм щыщ пстэуми, хымэхэу ащ дэсхэми къэбарыкІэхэр къаІонхэмрэ ядэІунхэмрэ нэмыкІкІэ мафэ­хэр агъакІощтыгъэхэп.

22ЕтІанэ Паул Ареопаг Іуашъхьэм щызэІукІэрэ хасэм ыпашъхьэ къиуцуи, мырэущтэу къыІуагъ:

–Шъо Афинэ лІыхэр! Лъэныкъо пстэумкІэ шъо тхьэ Іаджыхэр инэу жъугъэлъапІэхэу сэлъэгъу; 23сыда пІомэ сэ къэскІухьэзэ, шъуитхьэлъэІупІэхэм сызяплъым, мырэущтэу зытетхэгъэ къурмэншІыпІэ* горэ къэзгъо­тыгъ: «ТымышІэрэ Тхьэм пае». Арышъ, шъо шъумы­шІэрэ Тхьэу жъугъэлъапІэрэм икъэбар ары сэ шъо шъозгъэІурэр.

24–Тхьэу дунаири дунаим тетхэри къэзыгъэхъугъэр уашъоми чІылъэми я Зиусхьанэу щыт. Ар цІыфхэм аІэкІэ ашІыгъэ тхьэлъэІупІэ унэшхохэм арысэу щытэп. 25Ащ зыгорэ зэрищыкІагъэм фэдэу, цІыфмэ аІэкІэ ІэпыІэгъу фэхъунхэу ищыкІагъэп. Ежьыр ары псэ зыхэт пстэури щызыгъаІэхэрэри, жьы къязыгъащэрэри, ящыкІагъэ пстэури язытрэри. 26Тхьэм зы цІыф закъом цІыф лъэпкъ пстэури къыхигъэхъукІыгъэх, дунаим ты­дэкІи щыпсэунхэм пае. Ятетыгъохэмрэ япсэупІэхэмрэ гъунэу афэхъущтхэр къыгъэнэфагъэх. 27Тхьэм цІыфхэр къызфигъэхъугъэр ахэр ежьым лъыхъоу ыкІи Іэбэ-лъа­бэхэзэ, зыгорэущтэу къагъотыныр ары. Ау щытми, Тхьэр тэ тщыщэу хэти пэчыжьэп, 28«Ежьыр ары тызыгъэпсэу­рэри, къэтэзыгъэкІухьэрэри, тыщызыгъаІэрэри», зыго­рэм зэриІуагъэм

 

 

17:19 Ареопаг – «Ареопаг» зыфаІорэ гущыІэм къикІырэр «Арес иІуа­шъхьэ» ары. Алыджхэм ятхьэу зыфаІохэрэм ащыщхэу заом итхьэу Арес арыгъэ. Афинэ къалэм дэсхэм яхасэ а Іуашъхьэм щызэІукІэщтыгъ.

17:23 къурмэншІыпІэ – алыджхэм тхьабэ агъэлъапІэщтыгъэ. Ау амышІэрэ тхьэ щыІэмэ, ари агъэлъэпІэным пае, амышІэрэ тхьэхэм апае къурмэншІыпІэхэр агъэуцугъэх.

 

фэдэу*. «Тэ тырибын», шъо шъуитхакІохэм* ащыщэу зы куп къызэриІуагъэм фэдэу. 29–Арышъ, Тхьэм тызэрибыным пае, цІыфхэм яІэпэІэ­сагъэрэ яакъылыгъэрэкІэ ашІыгъэхэу дышъэм, тыжьы­ным, мыжъом ахашІыкІыгъэ шъо теплъэхэм Тхьэ афэд­гъадэ хъущтэп. 30БлэкІыгъэ лъэхъаныхэм цІыфмэ шІэны­гъэ ямыІэу зыщэтым, Тхьэр наекІэ ахэмэ къяплъыгъа­гъэп, ау джы цІыф пстэури, тыдэ щыІэхэми, япсэкІод­хэм афыкІэгъожьынхэу унашъо къафешІы; 31сыда пІомэ Тхьэм зы мафэ къыгъэнэфагъ. А мафэм Тхьэм ежьым къыгъэнэфэгъэ лІым дунаим ицІыф пстэуми шъыпкъа­гъэкІэ хьыкум атыригъэшІыхьащт. Ащ фэдэу зэрэхъу­щтыр Тхьэм цІыф пстэуми къафигъэшъыпкъэжьыгъ а лІыр лІагъэхэм къызэрахигъэтэджыкІыжьыгъэмкІэ.

32ЛІагъэхэр къызэрэтэджыжьыщтхэм икъэбар Паул къы­Іоу зызэхахым, зы куп Паул дэхьащхыгъ, ау адрэ купым ыІуагъ:

–О зикъэбар къэпІуагъэм джыри тедэІунэу тыфай.

33Арэущтэу Паул ахэмэ ахэкІыжьыгъ. 34Ау цІыф заули Паул гъусэ фэхъухи, шІошъхъуныгъэ яІэ хъугъэ. Ареопаг Іуашъхьэм щызэІукІэрэ хасэм щыщ Дионисый, етІанэ Дамар зыцІэу зы бзылъфыгъэ горэмрэ нэмыкІ купымрэ а шІошъхъуныгъэ зиІэ хъугъэхэм ащыщыгъэх.

 

 

18

ЯПШІЫКІОЕНЭРЭШЪХЬ

 

Паул Коринф къалэм Тхьэм игущыІэхэр зэрэщигъэІущтыгъэхэр

 

Ащ нэужым Паул Афинэ къалэм дэкІыжьи, Коринф къалэм кІуагъэ. 2Паул а къалэм зы джурт горэ, Акилэ ыцІэу, Понт хэкум къыщыхъугъэр къыщигъоти ІукІагъ. Ежьымрэ ишъхьэгъусэ Прискиллэмрэ Италие хэгъэгум къикІыгъакІэхэу щытыгъэх; сыда пІомэ Кайсар Клаудый* джуртхэр зэкІэ Рим къэлэшхом

 

17:28 зыгорэм зэриІуагъэм фэдэу – Крит хыгъэхъунэм щыщ тхакІо Епименид арыгъэнкІэ мэхъу.

17:28 шъуитхакІохэр – е Арат зыцІэр е Клеант зыцІэр ары.

18:2 Клаудый – еплъ 11:28. Хьисэ къызэхъу нэужым я 49-рэ илъэсым ыдэжь Клаудый джуртхэр Рим къэлэшхом къыдифыгъэх.

 

 

къыдэкІыжьынхэу унашъо афишІыгъагъ. Паул Акилэрэ Прискиллэрэ адэжь кІуагъэ. 3Ясэнэхьэтхэр зэфэдэу зэрэщытым пае, Паул ахэмэ адэжь щыІэу адэлажьэщтыгъ. Ахэмэ ясэнэхьэт чэтэгъэІэгъэшІыныр арыгъэ. 4Шэмбэт мафэ къэсми Паул къыІохэрэр джуртхэмрэ алыджхэмрэ ашІошъ ыгъэхъуным ыуж итэу, синэгогум щянэкъокъущтыгъ.

5Силэрэ Тимофейрэ Македоние хэкум къызекІыхэм, Паул ыгу етыгъэу Тхьэм игущыІэхэр цІыфмэ ариІотэнхэм пылъзэ, Хьисэ зэрэ Мэссихьыр* джуртмэ апашъхьэ къыщи­ушыхьатэу щытыгъ. 6Ау джуртхэр Паул пэуцужьхи зехъонхэм, ищыгъынхэр ахэмэ апашъхьэ щиутхыпкІыхи, мырэущтэу ариІуагъ:

–Шъо шъулъы шъо шъушъхьэ къытерэфэжь! Сэ лажьэ зи сиІэп. Джы щегъэжьагъэу хымэ лъэпкъхэм зафэзгъэзэшт.

7Арэущтэу Паул синэгогум къычІэкІыжьи, Тхьэр зы­гъэлъапІэрэ лІы горэу Иуст иунэ кІуагъэ. Ащ иунэ синэ­гогум бгъодэтыгъ. 8Синэгогум ипащэу Крисп, иунагъо зэкІэ игъусэу, ЗиусхьанымкІэ шІошъхъуныгъэ иІэ хъугъэ. Коринф къалэм дэсхэу Паул едэІухэрэм ащыщхэу цІыфы­бэми шІошъхъуныгъэ яІэ хъуи зыра­гъэумэхъыгъ.

93ы чэщ горэм Зиусхьаныр Паул къыфэлъагъуи къыриІуагъ:

–Умыщын, зымыушъэфэу, къэгущыІэ зэпыт, 10сыда пІомэ сэ сыуигъусэщт. О лые къыуихынэу зыми ыІэ къыбнэсыщтэп. Сэ сицІыфхэм ащыщхэу бэ мы къалэм дэсых.

11Арэущтэу Паул цІыфхэм Тхьэм игущыІэхэр аригъа­шІэхэзэ, зы илъэсырэ ныкъорэ а къалэм дэсыгъ.

12Галлион* Ахаие хэкум иІэшъхьэтетэу хъу зэхъум, джуртхэр зэгъусэ хъухи, Паул тебанэхи, хьыкумышІэм ыпашъхьэ ращагъ.

13–Хабзэм иунашъо темытэу Тхьэр агъэлъэпІэнэу мы лІым цІыфхэм арегъашІэ,– къаІуагъ ахэмэ.

 

18:5 Мэссихь – еплъ 2:30.

18:12 Галлион – Хьисэ къызэхъу нэужым я 51-рэ илъэсым Галлион Рим (Рум) къэралыгъошхом щыщ Ахаие хэкум иІэшъхьэтетэу хъунэу агъэнэфагъ. Ахаие хэкур джырэ Грецием икъыблэ Іахьэу щытыгъ. Коринф а хэкум икъэлэшхоу щытыгъ.

 

14Паул къэгущыІэнэу къызщыригъэжьэщтым, Гал­лион джуртхэм ариІуагъ:

–Шъо джуртхэр, мы лІым мыхъун горэ е бзэджагъэ горэ ышІагъэмэ, сэ сигуапэу сышъодэІущтыгъ. 15Ау джы гущыІэхэмкІи, цІэхэмкІи, шъо шъуи Тэурат хабзэкІи шъузэрэзэнэкъокъурэм пае, шъор-шъорэу мы Іофым шъухаплъ. Сэ мы Іофым хьыкум тесшІыхьанэу сыфаеп.

16Ащ нэужым Галлион ахэр хьыкумышІ унэм къычІи­гъэкІыжьыгъэх. 17ЕтІанэ ахэмэ зэкІэ синэгогум ипащэу Сосфен аубыти, хьыкумышІы унэм ипчъэІупэ щеуагъэх. Ау Галлион ащ ыгъэгумэкІыгъэп.

 

Паул Сирие хэкум щыщ Антиохие къалэм зэригъэзэжьыгъэр

 

18Паул Коринф къалэм мэфэ пчъагъэр зыдэсым ыуж, ышыхэм аІапэ ыубытыжьи, Прискиллэрэ Акилэрэ игъу­сэхэу, Сирие хэкум кІонэу къухьэ горэм итІысхьагъ. Кенхрей къалэм* Паул ышъхьэ джашъоу щаригъэупсыгъ; сыда пІомэ тхьэрыІуагъэ ышІыгъагъэти ары*. 19Ефес къалэм къызынэсхэм, Паул Прискиллэрэ Акилэрэ къы­гъанэхи, синэгогум чІахьи, джуртхэм щянэкъокъугъ. 20Паул ахэмэ адэжь нахь баІорэ щыІэнэу къызелъэІухэм, ыдагъэп. 21Ау ежьэжьынэу аІапэ зеубытыжьым, ыІуагъ:

–КъэкІощт мэфэкІ мэфэшхом Ерусалим сыщыІэн фае, ау Тхьэм ыІомэ, шъуадэжь къэзгъэзэжьыщт.

ЕтІанэ Ефес къалэм къухьэкІэ щежьэжьыгъ.

22Кесарие къалэм зынэсым, Ерусалим дэкІоягъ. Чылыс зэІукІэм щыщхэм шІуфэс арихи, етІанэ Антиохие къалэм ехыгъ. 233ы тІэкІурэ Антиохием зыдэс нэужым, Паул гъогум техьажьи, ХьисэкІэ шІошъхъуныгъэ зиІэ пстэуми агухэр ыгъэпытэхэзэ, зэкІэлъыкІоу Галатиерэ Фригиерэ яхэку къыкІухьагъ.

 

18:18 Кенхрей къалэр – Коринф къалэм епхыгъэу, къухьэуцупІэ иІэу, хыІушъом Іутыгъ.

18:18 тхьэІуагъэ ышІыгъагъэти ары – тхьэІуагъэ горэ зэрагъэцэкІагъэм инэшанэ фэдэу джуртхэм ашъхьэ джашъоу аупсы хабзэу яІагъ.

 

Аполлос Тхьэм игущыІэхэр Ефес къалэм

зэрэщигъэІущтыгъэхэр

 

24А мафэхэм Александрие къалэм щыщэу, Аполлос зыцІэу джурт горэ Ефес къэкІуагъ. Ар жашІоу щытыгъ, Тхьэм игущыІэ тхыгъэхэмкІи шІэныгъэшхо

иІагъ. 25Зиусхьаным игъогу икъэбар ежьыр рагъэшІагъэу щытыгъ. Ыгу етыгъэу къэгущыІэзэ, шъыпкъагъэм тетэу Хьисэ икъэбар цІыфхэм аригъашІэщтыгъ. Ау щытми, умэхъыныгъэу Иуан зытегущыІэщтыгъэм нэ­мыкІ* умэхъыныгъэр зэрэщыІэр ышІэщтыгъэп. 26Ар гушхоныгъэкІэ синэгогум къыщыгущыІэу ригъэжьагъ. Прискиллэрэ Акилэрэ Аполлос къэгущыІэу зызэхахым, ар яунэ къащи, Зиусхьаным игъогу икъэбар нахь дэ­гъоу къыгурагъэІуагъ.

27Аполлос Ахаие хэкум кІонэу гухэлъ зешІым, ышыхэм а къалэм дэс шІошъхъуныгъэ зиІэхэм тхылъ афатхыгъ, «Аполлос къызыкІокІэ ежъугъэблагъ», аІозэ. Аполлос ащ дэжьым зынэсым, Тхьэм ынэшІу къызэращи­фагъэм пае, шІошъхъуныгъэ зиІэ хъугъэхэм инэу адэІэ­пыІэщтыгъ. 28Сыда пІомэ Тхьэм игущыІэ тхыгъэхэм арыт­хэмкІэ Хьисэ зэрэ Мэссихьыр къафигъэшъыпкъэжьызэ, гу­щыІэ лъэшхэмкІэ цІыфхэм апашъхьэ джуртхэм щатекІуагъ.

 

 

19

ЯПШІЫКІУБГЪОНЭРЭШЪХЬ

 

Паул Тхьэм игущыІэхэр Ефес къалэм

зэрэщигъэІущтыгъэхэр

 

Аполлос Коринф къалэм щыІэ зэхъум, Паул ыпшъэрэ хэкухэм акІоцІырыкІи, Ефес къалэм* нэсыгъ. Ащ дэ­жьым ХьисэкІэ шІошъхъуныгъэ зиІэ нэбгырэ куп къыщигъотхи, мырэущтэу яупчІыгъ:

2–ШІошъхъуныгъэ шъуиІэ зэхъум, Тхьэм ы Псэ Лъа­пІэ шъугухэм арылъ хъугъа?

 

18:25 умэхъыныгъэу Иуан зытегущыІэщтыгъэм нэмыкІ – Аполлос чыристанхэм цІыфхэр зыкІаумэхъыхэрэр ышІэщтыгъэп. Еплъ 19:2-5.

19:1 Ефес къалэр – Асие хэкоу Рим (Рум) къэралыгъошхом щыщым икъэлэшхоу щытыгъ.

 

–Тхьэм ы Псэ ЛъапІэ щыІэуи тэ зэхэтхыгъэп,– къыра­Іожьыгъ ахэмэ.

3–Умэхъыныгъэу* шъузэраумэхъыгъэм къикІырэр сы­да?– яупчІыгъ Паул.

–Умэхъыныгъэу Иуан зытегущыІэщтыгъэр ары,– къа­Іожьыгъ ахэмэ.

4–Иуан зипсэкІодхэм афыкІэгъожьыгъэхэр ыумэхъы­щтыгъэх,– къыІуагъ Паул. –Иуан ежь ыужкІэ къэ­кІощтымкІэ, Мэссихь Хьисэ ары, цІыфхэм шІошъхъу­ныгъэ яІэн фаеу ариІуагъ.

5Ар зызэхахым, Зиусхьанэу Хьисэ ыцІэкІэ зарагъэ­умэхъыгъ. 6Паул ыІэхэр затрелъхьэм, Тхьэм ы Псэ Лъа­пІэ къафехи, амышІэрэ бзэхэмкІэ къэгущыІагъэх. Тхьэм ежь игущыІэхэри ахэмэ агухэм къарилъхьэхэу ахэр къари­гъэІуагъэх. 7Ахэр нэбгырэ пшІыкІутІум фэдиз хъущты­гъэх.

8ЕтІанэ Паул синэгогум чІахьэти, цІыфхэм гушхо­ныгъэкІэ янэкъокъузэ, ашІошъ ыгъэхъухэзэ, Тхьэм и Тетыгъошхо* икъэбар мэзищэ ариІуатэщтыгъ. 9Ау зы куп къаигъагъэкІэ зекІуагъэ, цІыфхэм апашъхьэ Зиус­хьаным игъогу ІэягъэкІэ щытегущыІэу, шІошъхъуныгъэ иІэ хъунэу ыдагъэп. Джащыгъум Паул ахэмэ къахэкІы­жьи, ХьисэкІэ шІошъхъуныгъэ зиІэхэр къахищыжьыгъэх, мафэ къэси Тиранн иеджапІэ Тхьэм игущыІэхэр щи­гъэІущтыгъэх. 10Асие хэкум ис алыджхэри джуртхэри зэкІэ Зиусхьанэу Хьисэ ехьылІэгъэ къэбарышІум ригъэ­дэІухэзэ, Паул илъэситІо ыукъудыигъ.

 

Скевэ ыкъохэм джынапцІэхэр цІыфхэм ахафышъухэмэ

еплъыхэу зэрэщытыгъэхэр

 

11Тхьэм Паул Іофышхо гъэшІэгъон дэдэхэр ышІэнхэу ригъэлъэкІыщтыгъ. 12Паул ыкІышъо нэсыгъэ Іэплъэ­кІхэри кІыІутелъхэри сымаджэхэм атралъхьащтыгъэх. ЗатралъхьахэкІэ, ахэр хъужьыщтыгъэх, ахэми ахэс джы­напцІэхэри ахэкІыжьыщтыгъэх.

13 Ау джурт купэу цІыфхэм джынапцІэхэр ахэзыфыхэу къэзыкIухьэщтыгъэхэм

 

19:3 умэхъыныр - еплъ 1:5.

19:8 Тхьэм и Тетыгъошхо – еплъ 1:3.

 

Хьисэ ыцІэ къаІозэ, джынапцІэхэр цІыфхэм ахафышъухэмэ еплъыщтыгъэх.

–Хьисээу зикъэбар Паул къыгъэІурэм ыцІэкІэ мы цІыфым шъухэкІынэу унашъо къышъуфэсэшІы,– аІощтыгъ ахэмэ.

14Джурт дин пэщэшхоу Скевэ ыкъуибли арэущтэу ашІы­щтыгъ.

15–Хьисэ сэшІэ, Паул икъэбари зэхэсхыгъ, ау шъо хэт шъущыщ? – пэгъокІ аритыжьыгъ джынэпцІэ Іаем. 16ЕтІанэ джынапцІэр зыхэс цІыфыр атебани, зэкІэми атекІуагъ. Ахэмэ лыешхо зэрарихыгъэм пае, пцІанэхэу, уІагъэхэу унэм ичъыжьыгъэх.

17Мы къэбарыр Ефес дэс алыджхэми джуртхэми зызэ­хахым, зэкІэри щынэгъошхом хэфагъэх. Арэущтэу Зиус­хьанэу Хьисэ ыцІэ щытхъу фашІыщтыгъ. 18ШІошъхъу­ныгъэ зиІэ хъугъэхэм ащыщхэу бэ къакІохи, бзэджа­гъэхэу ашІагъэхэр цІыфмэ зэхахызэ Тхьэм ыпашъхьэ ралъхьагъэх. 19Ушхъухьаныгъэм пылъ цІыф Іаджыми ятхылъхэр къаугъоихи, цІыф пстэуми апашъхьэ щагъэ­стыгъэх. А тхылъхэм ауасэхэр залъытэхэм, ты­жьын ахъщэ* мин шъэныкъо хъугъэ. 20Арэущтэу Зиу­схьаным игущыІэхэр цІыф нахьыбэхэм анэсхэу, инэу зыщаубгъущтыгъ.

 

Ефес къалэм дэсхэм бырсырышхо зэрашІыгъэр

 

21Мы Іофхэр зэкІэ къызэхъухэ ужым, Паул хэкухэу Македониерэ* Ахаиерэ* акІоцІырыкІынышъ, Ерусалим кІонэу ыгу риубытагъ.

–Ерусалим сызыкІорэ ужым, Рим къэлэшхоми сыкІон фае,– ыІуагъ. 22Паул иІэпыІэгъухэм ащыщхэу нэбгы­ритІоу Тимофейрэ Ерастрэ Македоние хэкум кІонхэу ыпэ ыгъэкІуагъэх. Ежьыр Асие хэкум зы тІэкІукІэ къэ­нагъ.

23А мафэхэм Зиусхьаным игъогу пае бырсырышхо къэхъугъ; 24сыда пІомэ

 

 

19:19 тыжьын ахъщэ – зы тыжьын ахъщэр а уахътэм лэжьакІом имэфапкІэщтыгъ.

19:21 Македоние хэкур – еплъ 16:9.

19:21 Ахаие хэкур – еплъ 18:12.

 

Димитрый ыцІэу, зы тыжьынашІэ горэ а къалэм дэсыгъ. Артемидэ* зыфаІорэ тхьэ нэпцІ бзылъфыгъэ горэм итхьэлъэІупІэ унэ цІыкІужьыехэу тыжьыным къыхэшІыкІыгъэхэр ышІыхэзэ, тыжьынашІэмэ федабэ а Димитрый къафихьыщтыгъэ. 25Димитрый а тыжьынашІэхэри ащ фэдэ ІэшІагъэ Іоф зиІэхэри ыугъои­хи мырэущтэу къыІуагъ:

–ЛІы куп, мы Іофым тибаиныгъэ къызэрэхэкІырэр шъошІэ. 26Мы Паул Ефес къалэм имызакъоу, Асие нахьы­бэми, «ЦІыфхэм ашІыгъэ тхьэ шъо теплъэхэр тхьэ шъы­пкъэхэу щытхэп», ыІозэ, цІыф купышхом ашІошъ ыгъэ­хъузэ зэригъэгъощагъэхэр шъо шъолъэгъу ыкІи зэхэшъохы. 27Тэ тиІэшІэгъэ Іофыр цІыфхэм зэрэ­зэрамыпэсыщтым изакъоу арэп щынагъор, ау Артемидэ бзылъфыгъэ тхьэшхом итхьэлъэІупІэ унэшхоми пхъатэ зэрэпамыхьыжьыщтри, Асие хэкуми зэкІэ дунаими зэкІэ щыдгъэлъапІэрэ Артемидэ ищытхъушхо зэрэкІодыжьы­щтри ары щынагъор.

28Ар зызэхахым, лІы купышхор лъэшэу губжыхи къэкуощтыгъэх:

–Ефес къалэм и Артемидэ лъэпІэ дэд.

29Бырсырышхо къалэм къыщыхъугъ. Македонием щыщхэу Паул игъогу гъусэхэу Гайрэ Аристархрэ аубытхи, зыдащэхэзэ, зэкІэ зэхэтхэу зэІукІапІэм илъэ­дагъэх. 30Паул цІыфмэ ахэхьанэу фэягъ, ау ХьисэкІэ шІошъхъуныгъэ зиІэхэм фадагъэп. 31Асие хэкум итхьама­тэхэм ащыщхэу, Паул иблагъэу щытхэм макъэ рагъэІуи, «ЗэІукІапІэм умыкІу», аІозэ елъэІугъэх.

32Джащыгъум зым зы ыІозэ, адрэми нэмыкІ ыІозэ, цІыфхэр зэрэгъэкуощтыгъэх; сыда пІомэ зэІукІэгъэ цІыф­хэм бырсырышхо къахэхъухьагъэти ары. Нахьыбэми зыкІы­зэІукІагъэхэр ашІэщтыгъэп. 33Джуртмэ Александрэ цІыф купышхом къыхырагъэщыжьи, цІыфхэм апашъхьэ къыра­гъэуцуагъ. Александрэ ыІэ къыІэти, цІыфхэм апашъхьэ къыщыгущыІэнэу фэягъ. 34Ау Александрэ джуртэу зэрэ­щытыр зашІэм, зы макъэкІэ сыхьэтитІукІэ зэкІэри куощты­гъэх:

–Ефес къалэм и Артемидэ лъэпІэ дэд.

35Аужыпкъэм къалэм итхакІо цІыф купышхор ыгъэ­самбыри къыІуагъ:

 

19:24 Артемидэ – алыджыбзэкІэ Ефес къалэм итхьэ нэпцІым ыцІэ Артемидэ, римыбзэкІи ыцІэр Дианэ арыгъэ.

 

–Ефес лІыхэр! Бзылъфыгъэ тхьэшхоу Артемидэрэ ащ ышъо теплъэу уашъом къефэхыгъэмрэ яухъумакІоу Ефес къалэр зэрэщытыр зымышІэрэ цІыф щыІа? 36Ефес къалэр ахэмэ яухъумакІоу зэрэщытым щэч хэлъэпти, шъо зыжъугъэсамбырынышъ, шъхьэпсынкІэу шъумызе­кІу. 37Мы лІыхэр тхьэлъэІупІэ унэшхохэм ямытыгъуагъэхэу, титхьэу бзылъфыгъэм къемыхъоныгъэхэу, шъо мыщ дэжьым къэшъущагъэх. 38Димитрыйрэ ежь игъусэу ІэшІэгъэ Іоф зиІэхэмрэ цІыф горэм дэон Іоф фыряІэмэ, Іэшъхьэтетхэр цІыфхэм ядэон Іофхэм зыщахаплъэрэ мафэхэр щыІэх. Дэон Іоф азыфагу дэлъмэ, зэрэдаох. 39Ащ нэмыкІэу зыгорэм шъуфаемэ, къалэм дэсхэм яхасэу хабзэм тетым а Іофыр зэшІуихын фае. 40Іофхэу непэ хъугъэхэм апае, «ЗыкъэшъоІэты», аІоу, Рим тетыгъо зиІэхэм тагъэмысэнэу щынагъо щыІ. Сыда пІомэ мы бырсырышхор зэрэтшІыгъэм пае, къытфагъэгъунэу ушъхьагъу тшІынэу зи тиІэп.

А гущыІэхэр къызеІохэ ужым, цІыфхэр зэбгыригъэ­кІыжьыгъэх.

 

 

20

ЯТІОКІЭНЭРЭШЪХЬ

 

Паул Македоние хэкумрэ Грецие хэгъэгумрэ зэрэкІуагъэр

 

   Бырсырышхор зэуцужьым, Паул ХьисэкІэ шІошъхъу­ныгъэ зиІэхэр къаригъащэхи ыгъэгушхуагъэх. ЕтІанэ аІапэхэр ыубытыжьхи, Македоние хэкум кІонэу гъогум техьагъ. 2А лъэныкъохэр къыкІухьэхэзэ, шІошъхъу­ныгъэ зиІэхэр гущыІабэкІэ ыгъэгушхохэзэ, Грецие нэсыгъ. 3Ащ дэжьым мэзищэ щыІагъ. Сирием къухьэкІэ кІонэу фае зэхъум, джуртхэм гъэбылъыгъэкІэ аукІынэу агу зэрэхэлъым пае, Македонием игъогукІэ ыгъэзэжьы­нэу тыриубытагъ. 4Мы лІыхэр Паул игъусагъэх: Верие къалэм щыщэу Пирр ыкъо Сосипатер; Фессалоникэ къа­лэм щыщхэу Аристархрэ Секундрэ; Дервие къалэм щыщэу Гай; етІанэ Тимофей; етІанэ Асие хэкум щыщхэу Тихик­рэ Трофимрэ. 5Ахэр тэ* тапэ итхэу кІохи, Троадэ

 

 

20:5 тэ – мыщ дэжьым (еплъ 16:10) мы тхылъыр зытхыгъэр Паул игъусэу щыт, Рим (Рум) къэлэшхоми дэкІо. Еплъ 28:16.

 

къалэм къыщытпэплъагъэх. 6Ау Хьалыгъу Мыгъэтэдж зыщашхырэ мэфэкІ мэфэшхохэр зыблэкІыхэ* нэужым, Филиппи къалэм къухьэкІэ тыщежьагъ. Троадэ къалэм адрэмэ адэжь мэфитфыкІэ тынэсыгъ. Ащ дэжьыми мэфиблэ тыщыІагъ.

 

Троадэ къалэм Паул лІагъэхэм Евтих

къызэрахигъэтэджыкІыжьыгъэр

 

7Тхьамафэм иапэрэ мафэм хьалыгъу зэготчынэу* тызэ­рэугъоигъ. Паул ятІонэрэ мафэм гъогум техьанэу ыгукІэ риубытагъэу, шІошъхъуныгъэ зиІэхэм Тхьэм игущыІэхэр ариІохэзэ, чэщныкъом нэсыфэ гущыІэныр ыукъудыигъ. 8Тэ тызыщызэрэугъоирэ унэ Іэтыгъэм остыгъэ бэу къы­щыблэщтыгъэх. 9Евтих зыцІэу зы кІалэ горэ шъхьангъу­пчъэм Іусэу, Паул гущыІэныр ымыухы зэхъум, куоу хэ­чъыягъ. Хэчъыягъэти, щэу зэтет унэм къефэхи, укІыгъэу къаштэжьыгъ. 10Паул ехи, кІалэм зытыридзи, ІаплІ ри­щэкІи къыІуагъ:

–ШъумыгумэкІ. Ы псэ хэт!

11Паул етІанэ къыдэкІоежьи, хьалыгъур зэгуичи, адрэ­хэм ягъусэу ышхыгъ. Нэф ошъыфэ, ахэмэ бэрэ адэгу­щыІи, гъогум техьагъ. 12Агухэр инэу къаІэтыгъэу, кІалэр ядэжь псаоу къащэжьыгъ.

 

Паул Троадэ къалэм дэкІи, Милит къалэм зэрэкІуагъэр

 

13Тэ ыпэкІэ къухьэм текІуалІи, титІысхьи, Асс къалэу Паул зыщидгъэтІысхьащтым тежьагъ. Паул а къалэм нэсы лъэсэу кІонэу ыгу хэлъти, Іофыр арэущтэу ыгъэ­псыгъагъ. 14ЕтІанэ Асс къалэм къызыщытІокІэжьым, Паул къухьэм къидгъэтІысхьи, Митилинэ къалэм ты­кІуагъ. 15А къалэм тыщежьи, ятІонэрэ мафэм Хиос хыгъэхъунэм фэзанкІэу тыуцугъ. Ыужырэ мафэм Самос хыгъэхъунэм

 

20:6 Хьалыгъу Мыгъэтэдж зыщашхырэ мэфэкІ мэфэшхо мафэхэр – еплъ 12:3.

20:7 хьалыгъу зэготчынэу – еплъ 2:42.

 

 

тыкІуагъ. Трогиллие къалэм тыщыуцуи, ыужырэ мафэм Милит къалэм тынэсыгъ.16Асие хэкум уахътэр щимыгъэкІодыным пае, Паул Ефес къалэм къыщымыуцоу, блэкІынэу тыриубытэгъагъ. Сыда пІомэ амал иІэмэ, Пэнтэкост зыцІэ мэфэкІ мэфэшхор* къэсы­ным ыпэкІэ, Ерусалим нэсынэу гузажъощтыгъ.

 

Ефес къалэм щыІэ чылыс зэІукІэм инахьыжъхэм

аужырэ къэбарэу Паул ариІуагъэр

 

17Милит къалэм тызыщэІэм, Паул Ефес щыІэ чылыс зэІукІэм инахьыжъхэр* къаригъэщагъэх. 18Ахэр къызэ­кІохэм, Паул ариІуагъ:

–Апэрэ мафэм щегъэжьагъэу Асие хэкум сыкъызехьэм, шъуадэжь щызгъэкІогъэ уахътэр зэкІэ сищыІакІэ зыфэ­дагъэр шъо шъошІэ. 19Пэгагъэ зи сыгу имылъэу, бэрэ сыгъызэ, джуртхэм шъэфэу бзэджагъэхэу къысашІэнхэу агу хэлъыгъэхэмкІэ къиныбэ сагъэщэчызэ, Зиусхьаным сыфэлажьэщтыгъ. 20ЗишІуагъэ къышъокІыщт къэбархэр къышъосІонхэу зыкІи зыщысымыдзыеу, цІыфхэм апашъхьи шъуиунэхэми къащышьозгъэІугъэх ыкІи къащышъозгъэ­шІагъэх. 21Джуртхэри алыджхэри япсэкІодхэм афыкІэгъо­жьынхэшъ, Тхьэм ыдэжь агъэзэжьынэуи, Зиусхьанэу Хьисэ­кІэ шІошъхъуныгъэ зырягъэІэнэуи афэзгъэпытэзэ язгъэ­Іущтыгъ.

22–Джы къысэхъулІэщтыр сымышІэу, Тхьэм ы Псэ Лъа­пІэ седэІузэ, Ерусалим сэкІо. 23Ау Іэхъу-лъэхъу­хэри гузэжъогъухэри къызэрэспэІутхэр Тхьэм ы Псэ Лъа­пІэ сигъашІэзэ, къэлэ пстэуми къащеушыхьаты. 24Спсэ сэркІэ лъапІэу ыкІи уасэ иІэу слъытэрэп, ау Зиус­хьан Хьисэ Іофэу спшъэ къырилъхьагъэр згъэцэкІэн фаеу щыт: Тхьэм ынэшІу щыфэныгъэм ехьылІэгъэ къэбары­шІур цІыфхэм язгъэІуныр ары.

25–Тхьэм и Тетыгъошхо* ехьылІэгъэ къэбарыр шъо­згъэІузэ, шъо зэкІэми шъуадэжь къыщыскІухьэщтыгъ. Шъуащыщэу зыми сынапэ зэримылъэгъужьыщтыр сэшІэ. 26Арышъ, зы цІыф ылъ спшъэ къызэрэдэмыфэщтыр непэ шъыпкъэу

 

20:16 Пэнтэкост зыцІэ мэфэкІ мэфэшхор – еплъ 2:1.

20:17 нахьыжъхэр – еплъ 11:30.

20:25 Тхьэм и Тетыгъошхо – еплъ 1:3.

 

къышъосэІо; 27сыда пІомэ Тхьэр зыфэе пстэури шъозгъэІуным зыщыздзыягъэп. 28Шъо шъузфэ­сакъыжьи, Тхьэм ы Псэ ЛъапІэ шъо ухъумакІоу шъузы­фигъэуцугъэ цІыф купым шъуфэсакъ. Мэлахъом мэлхэм ынаІэ зэратригъэтырэм фэдэу, Зиусхьанми Тхьэми ячы­лыс зэІукІэм щыщхэу, Хьисэ илъыуасэкІэ къыщэфы­гъэхэм шъунаІэ атежъугъэт. 29Сыда пІомэ сэ дунаим сызехыжьым ыуж, Іэхъогъум шъхьамысыщт тыгъужъ мэхъаджэхэр къызэрэшъухэхьащтхэр сэ сэшІэ. 30Шъо ХьисэкІэ шІошъхъуныгъэ зиІэхэми цІыфхэр къышъухэ­кІыщтых, зигъогу пхэнджы шъутезыгъэхьаным пае, шъыпкъагъэр зэзыхъокІыным пылъхэр. 31Арышъ, шъумычъыеу шъусакъ! Сынэпс къехызэ, илъэсищым чэщи мафи зэпымыоу шъуащыщэу хэти зэрэгурызгъэІуагъэр зыщышъумыгъэгъупш.

32–Джы Тхьэми ынэшІу щыфэныгъэм ехьылІэгъэ гу­щыІэхэми шъуафэсэгъазэ. А гущыІэхэм гурэ псэрэкІэ кІуачІэ шъуагъэгъотын алъэкІы, Тхьэм ицІыфхэу ежьым зыкъезытыгъэ пстэуми шъурягъусэу ІэхьышІу къышъу­лъагъэІэсыни алъэкІы. 333ы цІыфым итыжьыни, идышъи, ищыгъыни сянэцІыгъэп. 34 Сигъусэхэмрэ сэррэ тищыкІагъэ­хэр сэ сІэхэмкІэ къызэрэзгъэхъагъэр шъо шъошІэ. 35Мы­рэущтэу тыулэузэ, лъэкІыныгъэ зимыІэхэм тадэІэпыІэн зэрэфаер лъэныкъо пстэумкІи шъозгъэлъэгъугъэ. Ежь Зиусхьан Хьисэ гущыІэхэу къыІуагъэхэр зыщыдгъэгъупшэжьынхэ фаеп: «Къыуатыным нахьи яптыныр нахь сы­хьатмаф».

36А гущыІэхэр къызеІохэ ужым, Паул лъэгонджэ­мышъхьэкІэ тІыси, ахэмэ зэкІэм ягъусэу Тхьэм елъэІугъ. 37ЗэкІэри инэу гъыгъэх, Паул ІаплІи ращэкІи ебэугъэх. 38Анахьыбэу агу къеуагъэр Паул ынапэ егъашІэми зэра­мылъэгъужьыщтыр къызэриІуагъэр ары. ЕтІанэ къухьэм нэс Паул дэкІотагъэх.

 

 

21

ЯТІОКІЫРЭ ЗЫНЭРЭШЪХЬ

 

Паул Ерусалим зэрэкІуагъэр

 

Ахэмэ тыкъызахэкІыжьым, къухьэмкІэ тежьи, занкІэу Кос къалэм тыкІуагъ. ЯтІонэрэ мафэм Родос къалэм тыкІуи, ащ тыщежьи, Патарэ къалэм тынэсыгъ. 2Финикие хэкум кІорэ къухьэ горэ къэдгъоти, титІысхьи, тежьагъ. 3Кипр хыгъэхъунэр къызэлъагъом, къухьэм исэмэгубгъукІэ ар къэдгъанэзэ, Сирие хэкум тыкІуи, Тир къалэм къухьэр щеуцолІагъ, сыда пІомэ а къалэм къухьэр щаунэкІын фэягъ. 4ХьисэкІэ шІошъхъуныгъэ зиІэхэр а къалэм къыщыдгъотхи, мэфиблэ ахэмэ адэжь тыкъэнагъ. Тхьэм ы Псэ ЛъапІэ ахэмэ зэхаригъэшІы­кІыгъэу, Ерусалим мыкІонэу Паул къыраГуагъ. 5Ау а къалэм тызэрэщыІэн фэе уахътэр зытешІэм, ащ тыдэ­кІи, тигъогу тытехьажьыгъ. ШІошъхъуныгъэ зиІэхэр зэкІэ, бзылъфыгъэхэри сабыйхэри ягъусэхэу, къалэм къыддыдэкІыгъэх. ЕтІанэ хыІушъом лъэгонджэмышъхьэкІэ тыщытІыси, Тхьэм телъэІугъ. 63ым адрэм ыІапэ ыубытыжьи, къухьэм титІысхьажьыгъ, ахэми ядэжь агъэ­зэжьыгъ.

7ЕтІанэ Тир къалэм тыщежьи, къухьэкІэ кІоныр тыухызэ, Птолемаидэ къалэм тынэсыгъ. Ащ дэжьым тшыхэм шІуфэс щятхи, зы мафэ ахэмэ адэжь тыщы­Іагъ. 8ЯтІонэрэ мафэм ащ тыдэкІыжьи, Кесарие къалэм тыкІуагъ. А къалэм Филипп зыцІэу, Тхьэм игущыІэхэр зыгъэІурэм иунэ тихьи, ащ ыдэжь тыкъэ­нагъ. Ар нэбгыриблым* ащыщыгъ. 9А Филипп дэмы­кІуагъэхэу пхъуиплІ иІагъ. Тхьэм ежь игущыІэхэр ахэмэ агухэм къарилъхьахэу къаригъаІощтыгъэх.

10Мэфэ заулэрэ ащ дэжь тызыщэІэм, Агав* зыцІэу зы пегъымбар горэ Иудей хэкум къикІи къэкІуагъ. 11Тадэжь къакІуи, Паул ибгырыпх къышти, ежь ыІэ­хэри ылъакъохэри зэтырипхэхи къыІуагъ:

–Тхьэм ы Псэ ЛъапІэ мырэущтэу къеІо: «Джурт­хэм мы бгырыпхыр зиер Ерусалим щызэтырапхэнышъ, хымэ лъэпкъхэм* аІэкІалъхьащт».

12А гущыІэхэр зызэхэтэххэм, тэри а чІыпІэм щыпсэ­урэ тшыхэри Ерусалим мыкІонэу Паул телъэІугъ. 13Джащыгъум Паул пэгъокІ къытыжьыгъ:

–Сыда шъушІэрэр? Шъугъызэ, сыда сыгу къызкІежъу­гъаорэр? Си Зиусхьан Хьисэ ыцІэ пае Ерусалим сыщы­рапхыщтми, сыщылІэщтми сыфэхьазыр.

 

21:8 нэбгыриблыр – еплъ 6:1-6.

21:10 Агав – еплъ 11:28.

21:11 хымэ лъэпкъхэр – мыщ дэжьым ащ къикІырэр Рим (Рум) цІыфхэу тетыгъо зиІэхэр ары.

 

14Паул къэдгъэнэнэу зытэмылъэкІым, «Тхьэм ыІуагъэр орэхъу», тІуи зытыушъэфыгъ.

15А мафэхэм ауж зыдгъэхьазыри, Ерусалим тыкІуагъ. 16Кесарием щыщхэу, ХьисэкІэ шІошъхъуныгъэ зиІэ цІыф заулэ тигъусагъэх. Ахэмэ Мнасон зыцІэм иунэу тызыщы­псэущтым тащагъ, Мнасон Кипр хыгъэхъунэм щыщыгъ, ежьыри апэ дэдэу ХьисэкІэ шІошъхъуныгъэ зиІэ хъугъэ­хэм ащыщыгъ.

 

Паул Якъубэ ыдэжь зэрэкІуагъэр

 

17Ерусалим тызынэсым, тшыхэм ягуапэу тырагъэблэ­гъагъ. 18ЯтІонэрэ мафэм Паул тигъусэу Якъубэ* ыдэжь тыкІуагъ. Нахьыжъхэр зэкІэ ащ дэжьым щы­Іагъэх. 19Паул ахэмэ шІуфэс арихи, иІофкІэ Тхьэм хымэ лъэпкъхэм адэжь Іофхэу щишІагъэхэр зырызхэу афиІотэжьыгъэх.

20Паул ахэр къыІуатэхэу зызэхахым, ахэмэ Тхьэм щытхъу фашІыгъ. ЕтІанэ Паул къыраІуагъ:

–О тшы, джуртхэм ащыщхэу мин пчъагъэхэм шІошъ­хъуныгъэ яІэ зэрэхъугъэри, Мусэ и Тэурат хабзэ яшъы­пкъэу зэрэпылъхэри олъэгъу. 21Ясабыйхэр сунэт амышІынхэуи яхабзэхэм атемытынхэуи пІоу, джуртхэу хымэ лъэпкъхэм ахэсхэри зэкІэ пегъымбар Мусэ игъогу те­кІынхэу о ябгъашІэу аІозэ цІыфхэм зэрахьэрэ къэбар пхэнджыр а шІошъхъуныгъэ зиІэхэм зэхахыгъ. 22Сыда тшІэщтыр? ЦІыфхэр къэзэрэугъоищтых; сыда пІомэ о укъызэрэкІуагъэр зэхахыщт. 23Арышъ, тэ къызэрэуатІорэм фэдэу зекІо. ТхьарыІо зышІыгъэ нэбгыриплІ тиІ. 24Ахэр зыдащэхи, ягъусэу Тэурат хабзэм иуна­шъо тетэу зыгъэкъэбзэжьи, ашъхьэхэр ябгъэупсынхэм пае* ахъщэ ят. Ар залъэгъукІэ, о къыохьылІагъэу зэхахыгъэ къэбархэр шъыпкъэхэу зэрэщымытхэри, ор­орэу Тэурат хабзэм утетэу, Тэурат хабзэм итхэр зэрэбгъэцакІэхэрэри цІыф пстэуми ашІэщт. 25Ау хымэ лъэпкъхэм ащыщхэу ХьисэкІэ шІошъхъуныгъэ зиІэ хъу­гъэхэм тэ зэдэтштэгъэ Іофыр тхылъкІэ*

 

21:18 Якъубэ – еплъ 12:17.

21:24 ашъхьэхэр ябгъэупсынхэм пае – еплъ 18:18.

21:25 тхылъкІэ – еплъ 15:23-29.

 

зэрядгъэшІагъэм фэдэу, цІыфхэм тхьэ нэпцІхэм афашІыгъэ къур­мэныпхъэм ыл, лъым, атхьалэгъэ псэушъхьэхэм ал, зинэ шІэным защадзыен фае.

       26ЯтІонэрэ мафэм Паул а лІыхэр зыдищэхи, ягъусэу зигъэкъэбзэжьыгъ. ЕтІанэ Тхьэм иунэшхо чІахьи, ежьым­рэ а лІыхэмрэ зызыщагъэкъэбзэжьырэ мафэхэр заухы­щтри, якъурмэн зырыз дин пащэм зырагъэшІыщт мафэри дин пащэхэм ариІуагъ.

 

Джуртхэр Тхьэм иунэшхо Паул зэрэщытебэнагъэхэр

 

27А мэфиблыр зыщыблэкІыным, Асие хэкум щыщэу джурт заулэмэ Тхьэм иунэшхо Паул щалъэгъугъ. ЦІыф купышхор зэкІэ зэкІагъэплъыхьи, Паул аубыти, 28мы­рэущтэу кууагъэ:

    –Шъо Израил лІыхэр шъукъыддэІэпыІ! Тэ тлъэпкъми, ти Тэурат хабзэми, мы чІыпІэ лъапІэми къапэуцун­хэу тыдэкІи цІыфхэм зэкІэ щязыгъашІэрэ лІыр мыр ары. Ащ нэмыкІэу алыджхэри Тхьэм иунэшхо чІигъахьэхэзэ*, мы чІыпІэ лъапІэр ыуцІэпІыгъ.

     29Арэущтэу зыкІаІуагъэр ыпэкІэ Ефес къалэм щыщ Трофим Паул игъусэу къалэм щалъэгъугъагъэти ары. Паул ар чІэмыхьапхъэу Тхьэм иунэшхо чІигъэхьагъэу ашІошІыгъ.

    30Къалэм дэс цІыф пстэури къэтэджхи, зэхэлъэдагъэх. Паул аубыти, Тхьэм иунэшхо къычІащыжьыгъ. Ардэдэми пчъэхэр агъэпытагъэх. 31Паул аукІынэу зыпэхьэхэм, Ерусалим зэкІэ зэрэзэІыхьагъэм икъэбар Рим дзэ пэ­щэшхом ыдэжь нэсыгъ. 32Дзэ пэщэшхом ардэдэм дзэ­лІхэри, дзэ пащэхэри зыдищэхи, цІыфхэм ахэлъэдагъ. ЦІыфхэм дзэ пэщэшхори дзэлІхэри залъэгъухэм, Паул еонхэм ыуж икІыжьыгъэх.

    33Джащыгъум дзэ пэщэшхор къыІухьи, Паул дзэлІхэм аригъэубыти, гъучІ ІэхъуитІу тыралъхьанэу унашъо афишІыгъ. ЕтІанэ яупчІыгъ:

    –Мыр хэта? Сыда ышІагъэр?

    34ЦІыф купышхом хэтхэм ащыщэу зым зыр ыІозэ, адрэм нэмыкІ ыІозэ зэрэгъэкуощтыгъэх. Бырсырышхом къыхэкІыкІэ дзэ пэщэшхом шъыпкъэр

 

21:28 Алыджхэр Тхьэм иунэшхо чІигъахьэхэзэ – хымэ горэ Тхьэм иунэшхо чІэт хымэхэм ящагу блэзыщэу, Тхьэм иунэшхо ыкІоцІ изыщагъэр аукІын фаеу щытыгъ.

 

зэригъэшІэн ылъэкІыгъэпти, Паул пытапІэм* дзэлІхэм аригъэщагъ. 35ДэкІояпІэм Паул зынэсым, цІыф купышхор къызэрэте­бэнагъэхэм пае, дзэлІхэм ар ІэкІэ ахьын фае хъугъэ. 36ЦІыф купышхом хэтхэу Паул къыкІэлъыкІощтыгъэхэр куощтыгъэх:

–УкІы ар.

 

 

Паул цІыф купышхом хэтхэм апашъхьэ

къызэрэщыгущыІагъэр

 

37ДзэлІхэм Паул пытапІэм ащэн фаеу зэхъум, Паул дзэ пэщэшхом риІуагъ:

–Зыгорэ къыосІонэу фит сыкъэпшІына?

–Алыджыбзэ ошІа?– къыІожьыгъ ащ. 38–Мысырым щыщэу, бэмышІэу цІыфхэм зыкъязыгъэІэтыгъэу, укІэ­кІо миниплІ* шъоф нэкІым изыщагъэр орыба?

39–Сэ сыджурт,– къыІожьыгъ Паул, –Киликие хэкум щыщэу, лъытэныгъэ зиІэ Тарс къалэм ицІыфхэм сащыщ. ЦІыфмэ апашъхьэ сыкъыщыгущыІэнэу фит сыкъэшІ.

40Дзэ пэщэшхом фит къызешІым, Паул дэкІояпІэм теуцуи, ыІэ цІыфхэм афиІэтыгъ. ЗэкІэми зызаушъэфым, Паул джуртыбзэкІэ мырэущтэу къыІуагъ:

 

 

22

ЯТІОКІЫРЭ ТІУНЭРЭШЪХЬ

 

–Тэ тшыхэри тятэхэри, зызгъэхыижьынэу къышъо­сІощтым шъукъедэІу.

2Ахэмэ Паул джуртыбзэкІэ адэгущыІэу зызэхахым, нахь заушъэфыгъ. ЕтІанэ Паул къыІуагъ:

3–Сэ сыджурт, Киликие хэкум щыщэу Тарс къалэм сыкъыщыхъугъ. Мы къалэу Ерусалим сыщапІугъ. Гама­лиил зыцІэм* ылъакъохэм адэжь сыщысэу, тятэжъхэм

 

21:34 пытапІэр – Антоние зыцІэ пытапІэр ары. Рим (Рум) дзэр ащ чІэсыгъ.

21:38 хъункІэкІо миниплІ – апсэ емыблэжьхэу яхэгъэгу фэлажьэхэу, а хъункІэкІо миниплІым Рим (Рум) къэралыгъошхом щыщхэу а хэгъэгур ашІозыубытыгъэхэм ар къызэратрахыжьыным ыуж итыгъэх. Джурт тхакІо Юсеф зыцІэм зэритхыгъэм фэдэу, Хьисэ къызэхъу нэуж я 54-рэ илъэсым а цІыфхэу яхэгъэгу фэлажьэхэрэм адрэ джуртхэм зыкъарагъэІэтыгъ.

22:3 Гамалиил – еплъ 5:34.

 

я Тэурат хабзэ фэсакъыпэу сигъэшІагъэ. Непэ шъо пстэу­ри Тхьэм шъузэрэфэлажьэрэм фэдэ къабзэу, сыгуи сыпси етыгъэу Тхьэм сыфэлажьэ. 43иусхьаным игъогу рыкІо­хэрэм олІэхэфэкІэ, къин язгъэщэчыщтыгъ. СицІыфхэм ахэмэ яхъулъфыгъэхэми ябзылъфыгъэхэми Іэхъу атыряз­гъалъхьэти, хьапсым чІязгъадзэщтыгъэх. 5Ар зэрэшъы­пкъэр дин пэщэшхоми Тхьэмэтэ Хэсэшхом* щыщ пстэуми къысфаушыхьатын алъэкІы. Ахэмэ Дамаск дэс джурт тшы­хэм тхылъхэр афатхыххи къысатыгъэх. ЕтІанэ Дамаск сы­кІонэу щытыгъ, а гъогум рыкІохэрэм Іэхъухэр ателъхэу сицІыфхэм Ерусалим къязгъэщэнхэшъ, титхьаматэхэм ахэ­мэ къин атырязгъэлъхьаным пае.

 

Паул Зиусхьанэу Хьисэ игъогу зэрэтехьагъэм икъэбар

къызэриІотэжьыгъэр

(Апостол. 9:1-19; 26:12-18)

 

6–Дамаск сыкІозэ, къалэм игъунэгъоу сызынэсым, щэджагъом дэжь ошІэ-дэмышІэу зы нэфынэ уашъом къехи, сыкъиуцухьагъ. 7ЧІыгум сытефагъэу, зы макъэ го­рэм къысиІоу зэхэсхыгъ:

–«Шаул, Шаул, сыд пае къин сэ сэбгъэщэчырэ?»

8–« О ухэта, Зиусхьан?» сІуагъэ.

–«Назарет щыщ Хьисэу къин зэбгъэщэчырэр сэры», къысиІожьыгъ ащ. 9Сигъусэхэм нэфынэр алъэгъугъ, ау сэ къыздэгущыІагъэм ымакъэ зэхахыгъэп.

10–«Сыда сшІэщтыр, Зиусхьан?» сІуагъэ.

–«Къэтэджи, Дамаск кІо», къысиІожьыгъ Зиусхьаным. «О пшІэнхэу Тхьэм къыпфигъэнэфагъэхэр зэкІэ ащ дэжьым зыгорэм къыщыуиІощтых». 11А нэфынэшхом къыхэкІыкІэ сынэхэм зи амылъэгъужь зэрэхъугъэм пае, сигъусэхэм сІэ аІыгъэу Дамаск сащагъ.

12–Ананый зыцІэу, Тэурат хабзэм итхэм арыкІоу, Тхьэм ищынагъо зыгу илъ лІы горэ Дамаск дэсыгъ. Джурт пстэуми ащ лъытэныгъэ фыряІэу щытыгъ. 13Ар садэжь къакІуи, къызбгъодахьи къысиІуагъ:

–«Сшы Шаул, о унэхэр къэплъэжьыщтых», къысиІуагъ. Ардэдэм сынэхэр къэплъэжьхи, а лІыр сэ слъэгъугъэ.

 

22:5 Тхьэмэтэ Хэсэшхом – еплъ 4:15.

 

14–«Тхьэр зыфаер зэбгъэшІэнэу, Шъыпкъагъэр Зиер плъэгъунэуи ащ ымакъэ зэхэпхынэуи тятэжъхэм я Тхьэ укъигъэнэфагъ», къыІуагъ Ананый. 15«Арышъ, о Іофхэу плъэгъугъэхэмрэ зэхэпхыгъэхэмрэ цІыфхэм зэкІэ апа­шъхьэ къыщыпІохэзэ, Шъыпкъагъэр Зием уришыхьа­тыщт. 16Джы сыда зызкІэбгъэгужъорэр? Къэтэджи, зысэ­гъэумэхъи, Зиусхьаным елъэІуи, ащ уипсэкІодхэр угу рырегъэукъэбзыкІыжьых».

 

Зиусхьаным игущыІэхэр хымэ лъэпкъхэм аригъэІунхэу

Паул зэригъэкІуагъэр

 

17–ЕтІанэ Ерусалим къэзгъэзэжьи, Тхьэм иунэшхо сычІахьи, ащ сычІэтэу сызыщелъэІум, зыгорэ къысфэ­лъэгъуагъ. 18Хьисэ сэ слъэгъуи, ащ къысиІуагъ:

–«ЗыгъэпсынкІи, шІэхэу Ерусалим дэкІ, сыда пІомэ шыхьатныгъэу къысфэпшІырэр адэщтэп».

19–«Зиусхьан», къэсІожьыгъ сэ, «оркІэ шІошъхъуны­гъэ зиІэхэр сэ сицІыфхэм хьапсым чІязгъадзэхэу зэрэщы­тыгъэри, синэгогухэм щязгъаохэу зэрэщытыгъэри мы цІыфхэм ашІэ. 20О уишыхьатэу Стефан* ылъ къызы­кІагъэкІым, сэ ащ дэжьым сыщытыгъ. ЗэраукІыгъэри афэздагъ, зыукІыгъэхэми ящыгъынхэр афэсыухъумагъэх».

21–«КІожь», къысиІуагъ Зиусхьаным. «Хымэ лъэпкъ­хэм адэжь чыжьэу узгъэкІощт».

 

Паулрэ Римыдзэ пэщэшхомрэ

 

22Паул мы гущыІэхэр къеІохэфэ нэс, цІыфхэр едэІу­щтыгъэх. Джащыгъум мэкъэшхокІэ къэзэрэгъэкууагъэх:

–А лІыр дунаим техыжь. Псэунэу фэшъуашэп!

23Ахэр къэзэрэгъэкуохэзэ, ящыгъынхэр дадзыехэзэ, сапэр датэкъуаещтыгъ. 24Джащыгъум дзэ пэщэшхом дзэлІхэм Паул пытапІэм аригъэщагъ. ЦІыфхэр Паул пэуцухэзэ, арэущтэу зыкІэкуохэрэр зэригъэшІэным пае, къамыщкІэ еохэзэ еупчІынхэу дзэ пэщэшхом дзэлІхэм унашъо афишІыгъ. 25КъамыщкІэ Паул еонхэм пае, шъо кІапсэхэмкІэ зырапхым, Паул ащ дэжьым щыт дзэ пащэм риІуагъ:

 

22:20 Стефан – еплъ 7:57-60.

 

–ХьыкумышІэм ыпашъхьэ ишъумыщэу, рим цІыфхэм* ащыщэу зыгорэм къамыщкІэ шъуеонэу шъуихабзэкІэ хъущта?

26Дзэ пащэм ар зызэхехым, дзэ пэщэшхом ыдэжь кІуи, ар ригъэшІагъ.

–Сыда пшІэщтыр? Мы лІыр рим цІыфхэм ащыщ,– ри­Іуагъ ащ.

27Дзэ пэщэшхор Паул къыбгъодахьи къыриІуагъ:

–КъысаІу! О рим цІыфхэм уащыща?

–Сащыщ,– къыІуагъ Паул.

28–Рим цІыфхэм сащыщ хъуным пае, ахъщабэ тез­гъэкІодагъ,– къыІуагъ дзэ пэщэшхом.

–Сэ рим цІыфэу сыкъэхъугъ,– къыІуагъ Паул.

29Паул еупчІынхэу щытыгъэхэр занкІэу зэкІэкІожьы­гъэх. Дзэ пэщэшхом Паул рим цІыфхэм зэращыщыр къызешІэм, дзэлІхэм Паул Іэхъу зэрэтыраригъэлъхьагъэм пае, щынагъэ.

 

Тхьэмэтэ Хэсэшхом ыпашъхьэ Паул зэрэращагъэр

 

     30ЯтІонэрэ мафэм джуртхэм Паул зэрагъэмысагъэр дзэ пэщэшхом зэригъэшІэпэнэу фэягъэти, дзэлІхэм Паул къаригъэтІэтэжьи, дин пэщэшхохэри Тхьэмэтэ Хэсэшхом щыщ пстэури зэрэугъоинхэу унашъо ышІыгъ. ЕтІанэ Паул къыщи, апашъхьэ къыригъэуцуагъ.

 

 

23

ЯТЮКІЫРЭ ЩЫНЭРЭШЪХЬ

 

    Паул Тхьэмэтэ Хэсэшхом щыщхэм ахаплъи ариІуагъ:

     –Сшыхэр, сэ непэ нэсы Тхьэм ыпашъхьэ гукъэбза­гъэкІэ мыхъун зи зыдэсымышІэжьэу сыщыпсэугъ.

     2Дин пэщэшхоу Ананый* Паул ыдэжь щытхэм ыжэ еонхэу ариІуагъ. 3Джащыгъум Паул ащ риІуагъ:

    –Тхьэр къыоожьыщт. Дэпкъэу фыжьэу къэлъэгъоным пае, агъэлагъэм уфэд. Хабзэм тетэу хьыкум къысте­пшІыхьанэу ущыс, ау щытми ор-орэу хабзэм утекІэу къысэогъаоха?

 

22:25 Рим цІыфхэр –еплъ 16:37.

23:2 Ананый – Хьисэ къызэхъу нэужым я 47-59 илъэсхэм къакІоцІ дин пэщэшхоу щытыгъ.

 

4Ащ дэжьым щытхэм Паул къыраІуагъ:

–Тхьэм идин пэщэшхом уехъона?

5–Сшыхэр, ар зэрэ дин пэщэшхор сшІэщтыгъэп,– къы­Іуагъ Паул. –Сыда пІомэ Тхьэм игущыІэ тхыгъэхэм арыт:* «О плъэпкъ итхьаматэ ІэягъэкІэ утегущыІэ хъу­щтэп».

6Тхьэмэтэ Хэсэшхом щыщхэм ащыщэу зы куп садду­кейхэу*, адрэ купыри фарисейхэу* Паул ышІэщтыгъэти, Тхьэмэтэ Хэсэшхом хэтэу къыІуагъ:

–Сшыхэр, сэ сыфарисей, сяти фарисеу щытыгъ. ЛIа­гъэхэр къызэрэтэджыжьыщтхэм сызэрэщыгугъырэм пае, хьыкумышІэм ыпашъхьэ сыращагъ.

7Арэущтэу къызеІом, фарисейхэмрэ саддукейхэмрэ зэ­щыхьанхэу аублагъ, лъэныкъуитІоуи зэрэгъэхъугъэх; 8сыда пІомэ саддукейхэм «ЛІагъэхэр къэтэджыжьхэрэп, мэлэІич щыІэп, псэ щыІэп», аІо, ау саддукейхэм афэ­мыдэхэу фарисейхэм ахэмкІэ зэкІэ шІошъхъуныгъэ яІ.

9Джащыгъум Тхьэмэтэ Хэсэшхом щыщхэр мэкъэшхо­кІэ къэзэрэгъэкуохи, фарисейхэм ащыщхэу Тэурат егъэ­джэкІо пэщэ заулэ къэтэджыхи, адрэхэм янэкъокъухэу къаІуагъ:

–Мы лІым мыхъун горэ етлъэгъулІэрэп. Псэ горэ е мэлэІич горэ къыдэгущыІэгъэнкІи мэхъу. Тхьэм тыпэ­рэмыуцу.

10Лъэшэу зэрэзэщыхьагъэхэм пае, ахэмэ Паул зэпкъы­ратхъынкІэ дзэ пэщэшхор щыни, Паул ахэмэ къахащы­нышъ, пытапІэм* ащэнэу дзэлІхэм унашъо афишІыгъ.

11ЯтІонэрэ чэщым Зиусхьаныр Паул къыфэлъагъуи къыриІуагъ:

–Угу умыгъэкІоды! Ерусалим шыхьат укъыщызэрэсфэ­хъугъэм фэдэу, Рим къэлэшхоми шыхьат укъыщысфэ­хъун фае.

 

23:5 Тхьэм игущыІэ тхыгъэхэм арыт – еплъ Пегъымбар Мусэ ятІонэрэ тхылъэу ытхыгъэм 22:28.

23:6 саддукейхэр – еплъ 4:1.

23:6 фарисейхэр – еплъ 5:34.

23:10 пытапІэр – еплъ 21:34.

 

 

Паул шъэфэу аукІынэу джуртхэм гухэлъ зэрашІыгъэр

 

12ЯтІонэрэ мафэм ипчэдыжь джурт заулэ зэгурыІуи, тхьэ аІуагъ:

–Паул тэукІыфэ, тышхэщтэп ыкІи тешъощтэп.

13Тхьэ зыІуагъэхэр нэбгырэ тІокІитІум нахьыбэ хъущты­гъэх. Ахэр дин пэщэшхохэмрэ нахьыжъхэмрэ адэжь кІо­хи араIуагъ:

14–Паул тэукІыфэ, тымышхэнэу тхьэ тІуагъэ. 15Арышъ, «Паул иІоф нахь тэрэзэу тыхэплъэным пае, тадэжь къащэ», шъуелъэІузэ шъоррэ Тхьэмэтэ Хэсэшхом щыщхэмрэ дзэ пэщэшхом макъэ ежъугъэІу. Паул мыщ дэжьым къэмысызэ, тыукІынэу тыхьазыр.

16Ау Паул ышыпхъу ыкъо ахэмэ ягухэлъ къышІи, пытапІэм кІуи, Паул а къэбарыр ригъэшІагъ.

17Паул дзэ пащэхэм ащыщэу зыгорэм къеджи риІуагъ:

–Дзэ пэщэшхом ыдэжь мы кІалэр щэ. Зыгорэ риІонэу фай.

18Дзэ пащэм кІалэр зыдищи, дзэ пэщэшхом ыдэжь кІуи риІуагъ:

–ТихьапсчІэсэу Паул зыцІэр къысаджи, мы кІалэм зыгорэ къыуиІонэу фаешъ, уадэжь къэсщэнэу къысэ­лъэІугъ.

19Дзэ пэщэшхом кІалэм ыІэ ыубыти, зы лъэныкъокІэ Іуищи еупчІыгъ:

–КъысэпІонэу сыда узыфаер?

20–«Паул иІоф нахь тэрэзэу тыхэплъэным пае, неущ Тхьэмэтэ Хэсэшхом ыпашъхьэ къащэ», аІоу, джуртхэр къыолъэІунхэу зэгурыІуагъэх,– къыІожьыгъ кІалэм. 21–Ау ахэмэ уямыдэІу; сыда пІомэ ахэмэ ащыщхэу нэ­бгырэ тІокІитІум нахьыбэ хъухэу, Паул аукІыным пае, шъэфэу пэсых. Ахэмэ ар аукІыфэ, мышхэнхэуи емышъон­хэуи тхьэ аІуагъ. Загъэхьазырыгъэу уиунашъо паплъэх ныІэп.

22Дзэ пэщэшхом кІалэр ыгъэкІотэжьызэ къыриІуагъ:

–Мыр къызэрэсэпІуагъэр зыми емыІу!

 

Паул Іэшъхьэтет Феликс ыдэжь зэращагъэр

 

23ЕтІанэ дзэ пэщэшхор дзэ пащэхэм ащыщхэу нэбгыритІу ыдэжь къяджи ариІуагъ:

–ДзэлІ нэбгырэ шъитІу, шыухэу нэбгырэ тІокІищырэ пшІырэ, пчыхэр зыІыгъ дзэлІхэу нэбгырэ шъитІу нычэпэ сыхьатыр бгъум Кесарие къалэм* кІонхэу жъугъэхьазырых. 24Шыхэри Паул фэжъугъэхьазырхи, шы горэм тежъугъэтІысхьи, Іэшъхьэтет Феликс* ыдэжь шъущэ.

25Дзэ пэщэшхом мыщ фэдэ гущыІэхэр зэрыт тхылъыри ытхыгъ:

26 «Сэ Клаудый Лисый, о лъытэныгъэшхо зиІэ Іэшъхьэтет Феликс, шІуфэс осэхыжьы.

27 Мы лІыр джуртхэм аубыти, аукІынэу фежьэгъагъэх, ау сидзэлІхэр сигъусэхэу сыкъакІуи, къаІэпысхыжьыгъ, сыда пІомэ рим цІыфхэм зэращыщыр къэсшІагъэти ары. 28 Зэрагъэмысэрэр зэзгъэшІэнэу сыфаеу, я Тхьэмэтэ Хэсэшхо ыпашъхьэ дзэлІхэм къырязгъэщагъ. 29Ахэмэ зэрагъэмысэхэрэр яхабзэ епхыгъэхэ нахь, е укІ е хьапс зифэшъошэ Іоф а лІым зи ымышІагъэу къызэзгъэшІагъ. 30 Ау джуртхэм мы лІыр шъэфэу аукІынэу агу зэрэхэлъыр зыгорэм сигъэшІагъэти, дзэлІхэм уадэжь занкІэу къязгъэщагъ. Къедаохэрэми зэрагъэмысэрэ Іофхэр уапашъхьэ къыщаІонхэу макъэ язгъэІугъ. Отхъэжь!»

31Арэущтэу яунашъо тетэу дзэлІхэм Паул зыдащи, чэщым Антипатридэ къалэм* нагъэсыгъ. 32ДзэлІхэм ятІонэрэ мафэм шыухэм Паул Кесарием ащэнэу къагъанэхи, ежьхэм пытапІэм агъэзэжьыгъ. 33Шыухэр Кесарие къалэм зынэсхэм, Іэшъхьэтетым тхылъыр ратыгъ, Паули ащ фагъэзагъ. 34Іэшъхьэтетыр тхылъым еджи, Паул зыщыщ хэкумкІэ къеучІыгъ. Киликие хэкум щыщэу зызэхехым, къыІуагъ:

 

23:23 Кесарие къалэр – еплъ 8:40.

23:24 Феликс – Хьисэ къызэхъу нэужым я 52-60 илъэсхэм къакІоцІ Иудей хэкум и Рим (Рум) Іэшъхьэтетэу щытыгъ.

23:31 Антипатридэ къалэр – Ерусалим километрэ 60-кІэ пэчыжьэу, итемыр тыгъэ къохьапІэ лъэныкъомкІэ итыгъ.

 

35–Къыодаохэрэр къызысхэкІэ, тэрэзэу сыоупчІыщт.

Іэшъхьэтетым етІанэ Ирод пачъыхьэ унэшхоу пре­торие зыцІэр ыгъэуцугъагъэм дзэлІхэм Паул щаухъумэ­нэу унашъо ышІыгъ.

 

 

24

ЯТЮКІЫРЭ ПЛІЫНЭРЭШЪХЬ

 

Іэшъхьэтет Феликс ыпашъхьэ джуртхэр Паул зэрэщедэуагъэхэр

 

Мэфитф нэужым дин пэщэшхо Ананый, нахьыжъхэм ащыщэу купрэ очыл Тертуллрэ игъусэхэу, Кесарие къа­лэм къехыгъ. Паул зэрагъэмысэхэрэр Іэшъхьэтетым ыпашъ­хьэ къыщаІотагъэх. 2Паул къызыращэм, Тертулл ар къы­гъэмысэу мырэущтэу къыІоу ыублагъ:

–Лъытэныгъэшхо зиІэ Феликс, о уитетыгъокІэ мамыр­ныгъэшхо тиІэу тэпсэу; унаІи тебгъэтэзэ, мы хэгъэгур нахь зэтегъэпсыхьагъэу хъугъэ. 3Арышъ, сыдигъуи, тыдэ тыщыІэми, щытхъу къыпфэтэшІы. 4Бащэрэ усымыгъэ­улэоу, уигуапэу укъытэдэІунэу сыкъыолъэІу.

5–Сыда пІомэ къызэрэтшІагъэмкІэ мы лІыр емынэ гор, дунаим тет джурт пстэуми зыкъарегъэІэты, диным рыкІорэ цІыф купэу Назарет купкІэ заджэхэрэми* ятхьаматэу щыт. 6Тхьэм иунэшхуи мыкъабзэу ышІыным пылъыгъ. Ар къэтыубыти, тэ тихабзэ тетэу хьыкум тетшІыхьанэу тыфэягъ, 7ау дзэ пэщэшхо Лисый къакІуи, лІыгъэкІэ къыттырихыжьи, уадэжь дзэлІхэм къаригъэщагъ. 8ЕтІанэ Лисый тэ а лІым тыридэогъоу уадэжь тыкъэкІонэу унашъо ышІыгъ. Ор-орэу ащ уеупчІымэ, зэрыдгъэмысэхэрэм яшъыпкъагъэ зэбгъэ­шІэн плъэкІыщт.

9Очыл Тертулл а гущыІэхэу къыІуагъэхэр джуртхэм шъыпкъэхэу аІозэ, ащ ІэпыІэгъу фэхъугъэх.

 

Іэшъхьэтет Феликс ыпашъхьэ Паул зызэрэщиухыижьыгъэр

 

10Іэшъхьэтетым Паул Іэ зыфешІым, Паул къыІуагъ:

–Илъэсыбэ хъугъэу мы лъэпкъым ихьыкум Іоф о ппшъэ зэрилъыр сшІэзэ,

 

24:5 диным рыкІорэ цІыф купэу Назарет купкІэ заджэхэрэр – зымы­шІэхэрэм чыристан диныр джурт диным щыщэу ашІошІыщтыгъ.

 

зызгъэхыезэ, сиІоф сигуапэу уапашъхьэ къисэлъхьэ. 11Мэфэ пшІыкІутІум нахьыбэ темышІагъэу Ерусалим Тхьэм сыщелъэІунэу сыкъызэрэ­кІуагъэм ишъыпкъагъэ зэбгъэшІэн плъэкІыщт. 12Тхьэм иунэшхуи зы цІыф горэм сыщенэкъокъоу, синэгогуми, къалэми цІыф купышхо щызгъэбырсырыхэуи щытыгъэп. 13Сидэогъухэм сызэрагъэмысэрэ Іоф пстэуми ащыщэу зи къагъэшъыпкъэжьын алъэкІыщтэп. 14Ау тятэжъхэм я Тхьэ сыфэлажьэзэ, мы цІыфхэм пхэнджэу зыфаІорэ гъогум сызэрэрыкІорэм сеуцуалІэ. Тэурат хабзэм ит пстэумкІи пегъымбархэм атхыгъэ тхылъхэм арыт пстэум­кІи* шІошъхъуныгъэ сиІ. 15Шъыпкъагъэ зиІэхэмрэ зи­мыІэхэмрэ Тхьэм къызэригъэтэджыжьынхэу мо щыт лІыхэр Тхьэм зэрэщыгугъыхэрэм фэдэу, сэри Тхьэм сыщэгугъы. 16Арышъ, Тхьэми цІыфхэми апашъхьэ гу­къэбзагъэкІэ мыхъун зи зыдэсымышІэжьэу сызэрэпсэуным сыдигъуи ыуж сит.

17–Илъэсыбэ Ерусалим сыщымыІагъэу, сэдакъэхэр сэ слъэпкъ фэсхьынхэуи къурмэн сшІынэуи джыри зэ сы­къэкІуагъ. 18Арэущтэу сшІэ пэтызэ, Тэурат хабзэм иуна­шъо тетэу зызгъэкъэбзэжьыгъэу, Тхьэм иунэшхо сычІэ­тэу сыкъыщагъотыгъ. ЦІыф купышхоми сахэтыгъэп, бырсыри щыІагъэп. 19Ау Асие хэкум щыщ джурт куп ащ дэжьым щыІагъэх. Ахэмэ сызэрагъэмысэн щыІэмэ, джы уапашъхьэ къыщылъагъохэу ар къаІон фэягъ. 20Е мо щытхэм, сэ Тхьэмэтэ Хэсэшхом ыпашъхьэ сызы­ращэм, бзэджагъэу сшІагъэу къагъотыгъэр къарэІу. 21«ЛІагъэхэр къызэрэтэджыжьыщтхэмкІэ шІошъхъуны­гъэ зэрэсиІэм пае, непэ хьыкумышІэм ыпашъхьэ сишъу­щагъ», сІуи, мы цІыфхэм сахэтэу мэкъэшхокІэ къызэ­рэсІогъагъэр арыщтын сызэрагъэмысэрэр.

22Джащыгъум Феликсэу Зиусхьаным игъогу икъэбар тэрэзэу зышІэщтыгъэм яІоф зыхэплъэн пІалъэр лъигъэ­кІуатэзэ къыІуагъ:

–Дзэ пэщэшхо Лисый къызэрэкІоу, шъуиІоф хьыкум тесшІыхьан.

23ЕтІанэ Феликс дзэ пащэм унашъо фишІыгъ Паул къин рамыгъэлъэгъузэ аухъумэнэу, игъусэхэри лъыплъэн­хэу фит ышІынхэу.

 

24:14 Тэурат хабзэм ит пстэумкІи пегъымбархэм атхыгъэ тхылъхэм арыт пстэумкІи – еплъ 13:15.

 

Паул Феликсрэ Друзиллэрэ зэрадэгущыІагъэр

 

       24Мэфэ заулэ тешІагъэу, Феликс ишъхьэгъусэ Друзил­лэ* игъусэу къэкІуагъ. Друзиллэ джуртэу щытыгъ. Фе­ликс ицІыфхэм Паул къаригъащи, Паул Мэссихь Хьисэ­кІэ шІошъхъуныгъэм къызэрэтегущыІэрэм едэІущтыгъ. 25Ау шъыпкъагъэм, зыщыІэныгъэм, къэкІощт ахърэт ма­фэм Паул къызатегущыІэм, Феликс къащти къыІуагъ:

     –ДжырэкІэ кІожь, игъо сыфифэмэ, етІанэ укъязгъэ­щэжьын.

26Паул ахъщэ къыритынкІэ гугъэщтыгъ. Арыти, бэрэ къаригъащэзэ дэгущыІэщтыгъ.

27ИлъэситІу зытешІэ ужым, Феликс ычІыпІэ Порцый Фест* зыцІэр къихьагъ. Ау Феликс джуртхэм шІугъэ горэ афишІэнэу фэягъэти, Паул хьапсым къычІигъэнагъ.

 

 

25

ЯТЮКІЫРЭ ТФЫНЭРЭШЪХЬ

 

«Кайсарым сиІоф хьыкум тырерэшІыхь», ыІуи, Паул

Іэшъхьэтет Фест зэрелъэІугъэр

 

Іэшъхьэтетэу Фест зыцІэр хэкум* къызэкІом, мэфищ тешІагъэу Кесарие къалэм* дэкІи, Ерусалим кІуагъэ. 2Джащыгъум дин пэщэшхохэмрэ джуртхэм ятхьаматэхэмрэ Паул едэонхэм пае, Фест ыдэжь къэкІуагъэх. 3Ахэмэ яхьатыркІэ Фест дзэлІхэм Паул Ерусалим къа­ригъэщэнэу ыуж имыкІхэу елъэІугъэх, сыда пІомэ Паул гъогум рыкІозэ, шъэфэу ар аукІынэу агу хэлъыгъ. 4Ау Фест ариІуагъ:

    –Паул Кесарие хьапсым чІэс. Сэри бэ темышІэу ащ дэжь сыкІощт. 5А лІым бзэджагъэ горэ ышІагъэмэ, шъуитхьаматэхэм ащыщэу зы куп сигъусэу къэрэкІуи къерэдау.

 

24:24 Друзиллэ – Ирод Агриппэ ЯтІонэрэмрэ Вереникэрэ ащыпхъоу щытыгъ. Еплъ 25:13.

24:27 Порцый Фест – Хьисэ къызэхъу нэужым я 60-62 илъэсхэм къакІоцІ Иудей хэкум и Рим (Рум) Іэшъхьэтетэу щытыгъ.

25:1 хэку – Иудей хэкур ары.

25:1 Кесарие къалэр – еплъ 8:40.

 

6Фест е мэфий е мэфипшІ нахьыбэ ахэмэ адэжь щы­мыІагъэу, Кесарием ехыгъ. ЯтІонэрэ мафэм хьыкум ышІы­нэу итІысыпІэ тетІысхьи, дзэлІхэм Паул къаригъэщагъ. 7Паул къызэлъагъом, Ерусалим къикІыгъэ джуртхэм къа­уцухьи, бзэджэгъэшхо пчъагъэкІэ агъэмысэу аублагъ, ау къаІуагъэхэр къагъэшъыпкъэжьынхэ алъэкІыгъэп.

8–Джуртхэм я Тэурат хабзэкІи, Тхьэм иунэшхокІи, КайсарымкІи мыхъомышІагъэ зи сшІагъэп,– къыІуагъ Паул зигъэхыижьэу.

9Фест джуртхэм шІугъэ горэ афишІэнэу фэягъэти, Паул къыриІуагъ:

–Мы Іофым хьыкум тесшІыхьаным пае, Ерусалим укІо­нэу уфая?

10–ХьыкумышІэу Кайсарым ихьыкум сиІоф тезышІы­хьан фаем ыпашъхьэ сит,– къыІожьыгъ Паул. –О дэгъоу зэрэпшІэрэм фэдэу сэ джуртхэм зи мыхъун ясшІагъэп. 11Ау укІ зифэшъошэ мыхъун горэ сшІагъэу силажьэмэ, укІым зыщыздзыенэу сыфаеп. Ау къызэрысэдаохэрэм шъыпкъагъэ зи ахэмылъмэ, зыми ахэмэ саІэкІигъэхьан ылъэкІыщтэп. Кайсарым сиІоф хьыкум тырерэшІыхь!*

12 Фест иІэпыІэгъухэм задэгущыІэ ужым, къыІуагъ:

–Кайсарым сиІоф хьыкум тырерэшІыхь, пІуи къызэ­рэпІуагъэм пае, Кайсарым ыдэжь укІощт!

 

Фест Паул икъэбар пачъыхьэ Агриппэ зэрэриІуагъэр

 

13Мэфэ заулэ зытешІэ ужым, пачъыхьэ Агриппэрэ* ышыпхъу Вереникэрэ Фест шІуфэс къырахынэу Кеса­рием къэкІуагъэх. 14Ахэр мэфэ заулэрэ щыІагъэхэу, Фест Паул иІоф пачъыхьэм ыпашъхьэ рилъхьи риІуагъ:

–Зы лІы горэ хьапсым чІэсэу Феликс къысфигъэнагъ. 15Сэ Ерусалим сызыщэІэм, дин пэщэшхохэмрэ Джуртхэм

 

25:11 Кайсарым сиІоф хьыкум тырерэшІыхь – Кайсарым Рим (Рум) цІыфхэм яІоф хьыкум тыришІыхьаным пае, зыфагъэзэжьынэу фи­тыныгъэ яІагъ. А лъэхъанэм Неро Кайсарэу щытыгъ. Ар Хьисэ къы­зэхъу нэужым я 54-58 илъэсхэм къакІоцІ Кайсарэу щытыгъ.

25:13 пачъыхьэ Агриппэ – Ирод Агриппэ ЯтІонэрэр Халхис хэгъэгоу Палестинэ хэгъэгум итемыр лъэныкъо итым ипачъыхьэу щытыгъ. Ежьырэ Вереникэрэ Ирод Агриппэ Апэрэм илъфыгъэхэу щытыгъэх. Еплъ 12:1.

 

дин пэщэшхохэмрэ Джуртхэм янахьыжъхэмрэ садэжь къакІохи, а лІым едаохэу, мыса­гъэ теслъхьанэу къысэлъэІугъэх.

16–Ау сэ ахэмэ ясІожьыгъ: «Зы лІы горэ къедаохэрэм апашъхьэ къихьэу, зэрагъэмысэрэм ипэгъокІ аритэу, зиухыижьынэу фитыныгъэ къырамытмэ, укІ тыралъхьа­нэу Рим хабзэмкІэ хъущтэп». 17Ахэр садэжь къызэкІохэм, Іофыр сымыгъэгужъоу ятІонэрэ мафэм хьыкум тесшІы­хьанэу ситІысыпІэ сытетІысхьи, а лІыр дзэлІхэм къя­згъэщагъ. 18Къедаохэрэр къэтэджыгъэх. Іоф мыхъомы­шІагъэкІэ агъэмысэщт, сІуи, ау зэрагъэмысэн бзэджэ­шІагъэхэу сызэрэгугъагъэхэм ащыщкІэ агъэмысагъэп. 19Ау ежьхэм ядин ехьылІагъэу Іоф заулэхэмкІэ зэгуры­Іощтыгъэхэп. Хьисэ зыцІэ лІы лІагъэу, Паул псаоу зы­фиІуагъэмкІи зэгурыІощтыгъэхэп. 20Мыщ фэдэ Іофхэм хьыкум зэратесшІыхьащт шІыкІэр сшІагъэпти, а лІым сеупчІыгъ: «Ерусалим укІоу, ащ дэжьым хьыкум къы­щыптесшІыхьанэу уфая?» 21Паул иІоф Кайсарым хьыкум тырешІыхьэфэ, хьапсым чІагъэсынэу къызэлъаІом, ар Кайсарым ыдэжь сэгъэкІофэ, хьапсым чІагъэсынэу уна­шъо сшІыгъэ.

22–Сэ сшъхьэкІэ а лІым къыІохэрэм сядэІунэу сыфай,– ыІуи, Агриппэ Фест къыриІуагъ.

–Неущ уезгъэдэІун,– къыІожьыгъ Фест.

23ЯтІонэрэ мафэм цІыфхэм лъытэныгъэшхо къафа­шІызэ, Агриппэрэ Вереникэрэ цІыфхэм хьыкум зыща­тырашІыхьэрэ унэшхом къихьагъэх. Ахэмэ ягъусэхэу дзэ пэщэшхохэри къалэм итхьаматэхэри къихьагъэх. ЕтІанэ Фест унашъо ышІи, Паул къащагъ.

24–Ори пачъыхьэ Агриппэ, шъори мыщ дэжьым тигъу­сэхэу щыІэ цІыф пстэури, мы лІым шъуеплъ!– къыІуагъ Фест. –Джурт пстэури Ерусалими мыщ дэжьыми садэжь къакІохи, агъэмысэзэ, «А лІыр нахьыбэрэ псэу хъущтэп», аІозэ зыфэкуощтыгъэхэр мы лІыр ары. 25УкІ зифэшъошэ бзэджагъэ зи ымышІагъэу къэзгъотыгъ, ау ежьым «Кай­сарым сиІоф хьыкум тырерэшІыхь», ыІуи лъэІуагъэти, Кайсарым ыдэжь згъэкІонэу тесыубытагъ. 26Ау гъэнэфэ­гъэ къэбар зи ежьым ехьылІагъэу Кайсарым фэстхы­нэу сиІэп. Арыти, шъо пстэуми шъуапашъхьэ къыряз­гъэщагъ, зэкІэми анахьэу оры, пачъыхьэ Агриппэ, тызеупчІы ужым, стхыщтыр сшІэным пае; 27сыда пІомэ зэрыдгъэмысэрэр ятымыгъашІэу, хьапсчІэс горэ афядгъэ­щэныр емыкІоу сэлъытэ.

 

 

26

ЯТЮКІЫРЭ ХЫНЭРЭШЪХЬ

 

Пачъыхьэ Агриппэ ыпашъхьэ Паул зызэрэщиухыижьыгъэр

 

Ащ нэужым Агриппэ Паул риІуагъ:

–Зыуухыижьэу укъэгущыІэнэу уфит.

Паул ыІэ къыІэти, зиухыижьэу къыІуагъ:

2–Пачъыхьэ Агриппэ, джуртхэм сызэрагъэмысэрэ Іоф пстэумкІи о уапашъхьэ зызэрэщысыухыижьырэр сэ насыпышІуагъэу зыфэсэлъытэжьы. 3Анахьэу, джуртхэм яхабзэхэри зэрызэнэкъокъурэ Іоф пстэури дэгъоу зэрэ­пшІэхэрэм паешъ ары. Арышъ, сэ къасІохэрэм уигуапэу укъядэІункІэ сыолъэІу.

4–СикІэлэгъу къыщегъэжьагъэу, сэ слъэпкъ сыхэтэу Ерусалим сызэрэщыпсэурэр джурт пстэуми дэгъоу ашІэ. 5Ахэмэ сызашІэрэр бэшІагъэ. Диным рылажьэрэ цІыф купхэм ащыщэу анахь пытэу Фарисей* купкІэ заджэ­хэрэм игъогу сырыкІоу зэрэщытыгъэр ахэр фаехэмэ, къаушыхьатын алъэкІыщт. 6Тхьэм тятэжъхэр къызэригъэгугъэгъэхэ Іофым* сызэрэщыгугъырэм пае, джы хьы­кумышІэм ыпашъхьэ сыкъыращагъ. 7Тхьэм тятэжъхэр къызэригъэгугъэгъэ дэдэр ары тэ тлъэпкъ иунэгъо лъэпкъ пшІыкІутІур чэщи мафи агу етыгъэу, Тхьэм фэлажьэхэзэ, къагъотынэу зыщыгугъыхэу зыпаплъэхэ­рэр. О пачъыхь, сэри ащ сызэрэщыгугъырэр ары джурт­хэр къызкІысэдаохэрэр. 8Тхьэм лІагъэхэр къызэригъэтэ­джыжьыщтхэр къэмыхъун Іофэу сыд пае шъулъытэрэ?

9–ЗэрэслъэкІэу Назарет щыщ Хьисэ ыцІэ сыпэуцу­жьын фаеу сэри сшІошъ хъущтыгъэ. 10Ерусалим арэу­щтэу щысшІыщтыгъ. Дин пэщэшхохэм фитыныгъэ къаІысхи, сицІыфхэм Тхьэм ицІыф лъапІэхэм ащыщхэу бэхэр хьапсым чІязгъадзэщтыгъэх. Тетыгъо зиІэхэм ахэмэ укІ хьыкум затыралъхьэм, сэри ар игъоу слъыта­гъэ. 11Синэгогу пстэуми ахэмэ бэрэ къин щязгъэщэчы­щтыгъ, Хьисэ езгъэхъонынхэуи сыпылъыщтыгъ. Лъэшэу сафэгубжэу, къин язгъэщэчынэу хымэ къалэхэми анэсы­фэ сакІэлъыкІощтыгъ.

 

26:5 Фарисей – еплъ 5:34.

26:6 Тхьэм тятэжъхэр къызэригъэгугъэгъэхэ Іофыр – лІагъэхэр къы­зэрэтэджыжьыщтхэр ары (еплъ 23:6; 24:15).

 

Паул Зиусхьан Хьисэ игъогу зэрэтехьагъэм икъэбар

къызэриІотэжьыгъэр

(Апостол. 9:1-19; 22:6-16)

 

12–Арэущтэу дин пэщэшхохэм фитыныгъэ къаІысхы­гъэу, пшъэрылъи къысатыгъэу, Дамаск сыкІонэу щы­тыгъ. 13Шэджагъом дэжь гъогум сырыкІозэ, тыгъэм нахьи нахь лыдырэ нэфынэ горэ уашъом къехэу, си­гъусэхэмрэ сэррэ тыкъиуцухьэу слъэгъугъэ, типачъыхь. 14Тэ зэкІэ чІыгум тытефи, джуртыбзэкІэ зы макъэ горэм мырэущтэу къыІоу зэхэсхыгъ:

–«Шаул, Шаул, сыд пае къин сэ сэбгъэщэчыра? Цур зием ибэщ кІыхьэ папцІэм цур ылъакъокІэ къызэре­шъутырырэм фэдэу ошІымэ, уиягъэ зэогъэкІыжьы».

15–«О ухэта, Зиусхьан?» сІуагъэ.

–«Хьисээу къин зэбгъэщэчырэр сэры», къыІожьыгъ Зиусхьаным. 16«Ау джы къэтэджи, о плъакъомэ къатеу­цожь. Сэ къысфэлажьэрэ лІы ухъунэу, Іофхэу плъэгъугъэхэмрэ озгъэлъэгъущтхэмрэ къэуушыхьатынхэуи узгъэнэфагъ ыкІи зыозгъэлъэгъугъ. 17О плъэпкърэ, хымэхэу узфэзгъэкІощтхэмрэ укъаІэпысхыжьыщт. 18Ахэр шІункІыгъэм къыхэкІынхэшъ, нэфынэм зыкъыфагъэзэ­ным паий, шэйтаным итетыгъо ыІэчІэгъ къычІэкІын­хэшъ, Тхьэм зыкъыфагъэзэным паий, ахэмэ анэхэр къэ­бгъэплъэжьынхэу адэжь усэгъакІо. Арэущтэу сэркІэ шІошъхъуныгъэ зэряІэм пае, япсэкІодхэр афэгъущтых, Тхьэм ицІыфхэу ежьым зыкъезытыгъэхэм ІэхьышІоу къалъысыщтри ахэми къалъысыщт».

 

Паул джуртхэмрэ хымэ лъэпкъхэмрэ апашъхьэ Хьисэ шыхьат зэрэщыфэхъугъэр

 

19–Арышъ, пачъыхьэ Агриппэ, уашъом щыщэу зыкъы­сэзыгъэлъэгъугъэм сыпэуцужьыгъэп. 20Апэу Дамаск къа­лэм дэсхэм, етІанэ Ерусалим дэсхэми, Иудей хэкум зэкІэ исхэми, хымэ лъэпкъхэм ащыщхэми язгъэІущтыгъ, япсэ­кІодхэм афыкІэгъожьынхэшъ, Тхьэм игъогу техьанхэу зэрэфаери, япсэкІодхэм зэрафыкІэгъожьыгъэм фэшъо­шэ ІофышІухэр агъэцэкІэнхэ зэрэфаери. 21 Джары джурт­хэм Тхьэм иунэшхо сыщаубыти, саукІынэу зыкІыпылъы­гъэхэр. 22Ау непэ нэсыфэкІэ Тхьэр ІэпыІэгъу къысфэ­хъузэ, цІыкІуми инми апашъхьэ мыщ дэжьым сыщытэу шъыпкъагъэм шыхьат сыфэхъу. Пегъымбархэмрэ пегъым­бар Мусэрэ къэхъун фэе Іофхэу зыфаІуагъэхэм анэмы­кІхэр къасІохэрэп; 23Мэссихь* къин ыщэчын фаеу зэрэщытыгъэри, апэрэу лІагъэхэм къахэтэджыкІыжьы­гъэу, ежь ылъэпкърэ хымэ лъэпкъхэмрэ нэфынэм икъэ­бар къаригъэІунэу зэрэщытыгъэри ары зыфасІохэрэр.

 

Паул Агриппэ шІошъхъуныгъэ зыригъэІэнэу зэрелъэІугъэр

 

24Паул арэущтэу зиухыижьы зэхъум, Фест мэкъэшхокІэ къыІуагъ:

–Паул, удел о. УишІэныгъэшхо пшъхьэ зэригъэкІо­кІыгъ.

25–Сэ сшъхьэ зэкІокІыгъэп, лъытэныгъэ зиІэ Фест,–къыІожьыгъ Паул, –сэ къасІохэрэр гущыІэ шъыпкъэх ыкІи гущыІэ губзыгъэх. 26Пачъыхьэм мы Іофхэр ешІэх, ащ ыпашъхьи гушхоныгъэкІэ сыкъыщэгущыІэ. Ащ гу­зылъимытэгъэ Іоф а Іофхэм зэрахэмытым сицыхьэ телъ, сыда пІомэ мы Іофхэр зэкІэ зы къогъу горэм къы щыхъугъэхэп. 27Пачъыхьэ Агриппэ, пегъымбархэм атхы­гъэхэмкІэ шІошъхъуныгъэ уиІа? ШІошъхъуныгъэ зэ­рэуиІэр сэшІэ.

28–Арэущтэу псынкІэу Мэссихь игъогу сытебгъэхьанэу огугъа?– ыІуи, Агриппэ Паул къыриІуагъ.

29–ПсынкІэми мыпсынкІэми о уимызакъоу, ау непэ сэ къасІохэрэр зэхэзыхырэ пстэури сэ сфэдэ хъунхэу Тхьэм селъэІу, ау Іэхъу-лъэхъу атерэмылъ,– къыІожьыгъ Паул.

30Ащ нэужым пачъыхьэр, Іэшъхьэтетыр, Вереникэ, ахэ­мэ ягъусэхэу щысхэр къэтэджыжьхи, унэм икІыжьыгъэх. 31Унэм зекІыжьхэм, зэраІожьыгъ:

–УкІ е хьапс зифэшъошэ Іоф мы лІым зи ышІагъэп.

32ЕтІанэ Агриппэ Фест риІуагъ:

–Мы лІым иІоф Кайсарым хьыкум тыришІыхьанэу мы­лъэІуагъэмэ, шъхьафитэу ттІупщыжьын тлъэкІыщтыгъэ.

 

26:23 Мэссихь – еплъ 2:30.

 

 

27

ЯТІОКІЫРЭ БЛЫНЭРЭШЪХЬ

 

Рим къэлэшхом кІонэу Паул къухьэ горэм зэритІысхьагъэр

 

Италием къухьэкІэ тэ* тызэрэкІощтыр Іэшъхьэтет Фест зытыреубытэм, Паули нэмыкІрэ хьапсчІэс купи Кайсарым идзэ ыцІэкІэ заджэхэу, нэбгырэ шъих хъурэ дзэлІ купым ипащэхэм ащыщэу, Иулый зыцІэм ыІэ рилъхьагъэх. 2Адрамит къалэм щыщ къухьэу Асие хэ­кум ихыІушъо Іут къалэхэм кІонэу щытыгъэм титІысхьи, ащ тыщежьагъ. Аристарх зыцІэу Македоние хэкум ит Фессалоникэ къалэм щыщыр тигъусагъ.

3ЯтІонэрэ мафэм Сидон къалэм тыІухьагъ. Иулый Паул нэшІукІэ къеплъи, Паул игъусэхэу ащ дэжьым дэсхэм Паул ищыкІагъэхэр ратынхэм пае, ахэмэ адэжь кІонэу фит ышІыгъ. 4Ащ дэжьым тэ тыкъыщежьи, жьыбгъэр къызэрэтпеорэм пае, Кипр хыгъэхъунэм ылъэ­ныкъоу жьыбгъэ къызыщемыпщэрэм тыготэу тыкІуагъ. 5Киликие хэкумрэ Памфилие хэкумрэ афэзанкІэу щыт хым тызэпырыкІи, Ликие хэкум щыщэу Мирэ къалэм тынэсыгъ. 6Ащ дэжьым Александрие къалэм щыщэу, Италием кІонэу къухьэ горэ дзэ пащэм къыщигъоти тыригъэтІысхьагъ. 7Мэфэ заулэрэ макІэ-макІэу тыкІозэ, къинкІэ Книд къалэм фэзанкІэу тынэсыгъ. Жьыбгъэм занкІэу тигъэкІуагъэпти, хым къыхэщэекІыгъэ чІыгу къуапэу Салмонэ зыцІэм тыблэкІызэ, Крит хыгъэхъунэм ылъэныкъоу жьыбгъэр къызыщемыпщэрэм тыготэу ты­кІуагъ. 8Хыгъунэм тыготэу къинкІэ тыкІозэ, Ласей къа­лэм пэгъунэгъоу «КъухьэуцупІэшІухэр» зыфаІорэ чІы­пІэм тынэсыгъ.

9Охътабэ блэкІыгъагъ, къухьэкІи узекІоныр щынагъоу хъугъагъэ, сыда пІомэ нэкІ мафэри* блэкІыгъах. Ары­ти, Паул лІыхэм агуригъаІозэ, 10мырэущтэу ариІуагъ:

–Шъо, лІы купыр, сэ зэрэслъэгъурэмкІэ, тигъогу щы­нагъо хэлъ, хьылъэхэмрэ къухьэмрэ ямызакъоу, тпсэ­хэри тшІокІодынхэу щынагъо щыІ.

 

27:1 тэ – еплъ 20:5.

27:9 нэкІ мафэр – джуртхэм ямэфэкТ мэфэшхоу «Иом Киппур» зыцІэр ары. Ар зытефэрэр ябгъонэрэ е япшІэнэрэ мазэр арыти, къухьэкІэ кІоныр щынагъоу хъугъэ. А мэфэкІ мэфэшхом джуртхэм анэкІы.

 

11Ау дзэ пащэр Паул къыІуагъэхэм анахьи, къухьэм итхьаматэми къухьэр зиеми къаІуагъэхэм нахь ядэІу­щтыгъ. 12 КІымафэр ащ дэжьым щыдгъэкІонэу къухьэуцупІэшІоу зэрэщымытыгъэм пае, а чІыпІэм тыкъыщежьэ­жьынышъ, амал иІэмэ, Финик зыцІэ къухьэуцупІэм ты­нэсынышъ, кІымафэр ащ щыдгъэкІонэу нахьыбэр зэгу­рыІуагъэ. Финик зыцІэ къухьэуцупІэр Крит хыгъэхъунэм икъухьэуцупІэхэм ащыщыгъ, къыблэ тыгъэ къохьэпІэ лъэныкъокІи, темыр* тыгъэ къохьэпІэ лъэныкъокІи фэ­гъэзагъэу щытыгъ.

 

Хым жьыбгъэшхо зэрэщыхъугъэр

 

13КъыблэмкІэ къикІэу жьыбгъэ тІэкІу къепщэ зэхъум, агу хэлъыр къадэхъугъэу ашІошІи, ежьэхи, Крит хы­гъунэм готхэу кІощтыгъэх. 14Ау бэ темышІэу, «Темыр тыгъэ къыкъокІыпІэмкІэ къикІырэ жьыбгъэшхор» хы­гъэхъунэм къикІи къапеуагъ. 15Жьыбгъэшхом къухьэр ыубытыгъ, къухьэри жьыбгъэшхом пэдгъэуцужьын ты­мылъэкІызэ, ыуж тикІыжьи, жьыбгъэшхом къухьэр ри­фыжьагъ. 16Клаудэ зыцІэ хыгъэхъунэ цІыкІу горэм ылъэныкъоу жьыбгъэ къызыщемыпщэрэм тыготэу ты­кІуи, къинкІэ къухьэм икъуашъо мыкІодэу къэдгъэнэ­жьыгъ. 17Къуашъор къаІэти, къухьэм ыкІоцІ къызыра­гъэхы ужым, кІэпсэшхохэр къухьэм ычІэгъыкІэ чІащыхи, жьыбгъэшхом зэпкъыримыутыным пае, къухьэм къы­ращэкІыгъ. Къухьэр Сыртис зыцІэ чэнджыпІэм къы­тенэнкІэ щынагъэхэти, чэтэнхэр къырагъэхыгъэх, арэу­щтэу жьыбгъэшхом зырагъэфыщтыгъ. 18ЯтІонэрэ мафэ­ми жьыбгъэр щынэгъошхуагъэти, хьылъэхэр хым хадзэу аублагъ. 19Ящэнэрэ мафэм къухьэм иІэмэ-псымэхэм ащыщхэр тэ тІэхэмкІэ хым хэтыдзэхэу тыублагъэ. 20Мэфэ заулэрэ тыгъи жъуагъуи къэмылъагъохэу, жьыбгъэшхор зэпыугъэпти, тымыкІодэу тыкъэнэжьынэу гугъапІэ ти­Іэжьыгъэп.

21ЛІыхэр мышхэхэу бэ зытешІэм, Паул ахэмэ апашъхьэ къиуцуи къыІуагъ:

–Шъо, лІы купыр, сэ шъукъысэдэІоу Крит шъукъы­щемыжьэгъагъэмэ, зэрар зи

 

27:12 темыр – арапыбзэкІэ «шэмал», тыркубзэкІи «кузей» ары.

 

шъуиІэщтгъэп, зи жъугъэкІодыщтгъэп. 22Ау джы шъугу шъумыгъэкІоды, къы­шъосэІо, сыда пІомэ шъуащыщэу зи кІодыщтэп. Къу­хьэр ары ныІэп кІодыщтыр. 23Тхьэу зибынхэм сащыщэу, сызфэлажьэрэм имэлэІич нычэпэ къысфэлъагъуи, 24къы­Іуагъ: «Умыщын, Паул! Кайсарым ыпашъхьэ уиуцон фае. Къухьэм исхэу къыбдакІохэрэ пстэури о уихьатыркІэ Тхьэм ынэшІу щыфэныгъэкІэ мыкІодхэу къыгъэнэжьы­щтых». 25Арышъ, шъо, лІы купыр, шъугу шъумыгъэ­кІоды. Тхьэм сэ къызэрэсиІуагъэм фэдэу зэрэхъущтымкІэ ежьым сыщэгугъы. 26Ау жьыбгъэшхом зы хыгъэхъунэ горэм тырифылІэн фае.

27ЯпшІыкІуплІэнэрэ чэщым Адриэхым тыхэтэу жьы­бгъэшхом къухьэр ыфызэ, чэщныкъом дэжь лІыхэм чІыгу горэ гъунэгъу къызэрэхъугъэм гу лъатагъ. 28Хым икуугъэ зашым, ІэплІэкІу тІокІ хъугъэ. ТІэкІу джыри тыкІохи, етІани куугъэр зашым, ІэплІэкІу пшІыкІутф хъугъэ. 29Жьыбгъэшхом къухьэр мыжъошхохэм ашІуигъэнэнкІэ щынагъэхэти, къухьэм ыкІэкІэ гъурзиплІ ра­дзыхыгъэу, нэф къэшъыным гузажъохэу паплъэщтыгъэх. 30Шъэфэу хэхьажьынхэм пае къухьэр зыфыхэрэм ащ ыпэ­кІэ гъурз заулэ радзыхырэм фэдэу зашІи, къуашъор хым ратІупщэхыгъ. 31Джащыгъум Паул дзэ пащэмрэ дзэ­лІхэмрэ ариІуагъ:

–А лІыхэр къухьэм къимынэхэмэ, шъупсэхэр мыкІод­хэу къэжъугъэнэжьынхэ шъулъэкІыщтэп.

32Паул арэущтэу зареІом, дзэлІмэ къуашъом икІэпсэ­шхохэр зэпаупкІыхи, къуашъор рагъэфэхыгъ.

33Нэф зэшъым ыуж, Паул зэкІэри шхэнхэу ялъэІоу, мырэущтэу къыІуагъ:

–Непэ мэфэ пшІыкІуплІ мэхъу, шъо гузэжъогъум шъу­хэтэу зи зышъумышхыгъэр. 34Арышъ, шъушхэнэу лъэ­шэу сышъолъэІу, шъумыкІодэу шъукъэнэжьыным пае, ар шъуищыкІагъ. Шъуащыщэу зыми ышъхьац налъэ кІо­дыщтэп.

35Паул арэущтэу къызеІо ужым, хьалыгъу къышти, зэкІэмэ апашъхьэ Тхьэм щытхъу щыфишІи, хьалыгъур зэгуичи, ышхэу ыублагъ. 36ЗэкІэми гу къызыІэпашІыхьа­жьи, ахэри шхагъэх. 37Тэ къухьэм ис пстэури нэбгырэ шъитІурэ тІокІищырэ пшІыкІухырэ тыхъущтыгъ.

38Ахэмэ зызагъэшхэкІыжьым, коц хьылъэхэр хым хадзэхэзэ, къухьэр нахь псынкІэ ашІыгъ.

 

Къухьэр зэрэзэхэкъутагъэр

 

39Нэф къызэшъым, хыІушъор ашІэжьыгъэп, ау пша­хъо Іулъэу зы хытІуалэ* горэ алъэгъугъ. Амал иIэмэ, ащ къухьэр рафылІэнэу тыраубытагъ. 40Гъурзэхэм якІэпсэшхохэр зэпаупкІыхи, хым къыхагъэнагъэх. Ардэ­дэм къухьэр зыгъэІорышІэрэ хьанцэхэм якІэпсэшхохэри атІэтагъэх. ЕтІанэ чэтэн цІыкІур жьыбгъэм щагъаІи, хыІушъом фаузэнкІыгъ. 41Ау къухьэр пшэхъолъэ чІыпІэ горэм хахьи, пшахъом къытенагъ. Къухьэм ыпэкІэ мы­хъыешъоу чэнджыпІэм тенагъ, хыор лъэшхэми къу­хьэм ыкІэ зэпкъыраутэу аублагъ.

42ХьапсчІэсхэм ащыщэу зыгорэ есызэ хэмыхьажьыным пае, дзэлІхэм ахэр аукІынхэ агу хэлъыгъ. 43Дзэ пащэм Паул мыкІодэу къыгъэнэжьынэу фэягъэти, дзэлІхэм ягу­хэлъ аримыгъашІэу, есыкІэ зышІэхэрэм апэ псым зы­хадзэнышъ, хыІушъом Іусыхьанхэу унашъо афишІыгъ. 44Къэнагъэхэри пхъэмбгъухэмрэ къухьэм щыщ къутафэ­хэмрэ ателъхэу хыІушъом зынагъэсынэу ариІуагъ. Арэу­щтэу зэкІэри хыІушъом нэсхи, псаухэу къэнэжьыгъэх.

 

 

28

ЯТЮКІЫРЭ ИНЭРЭШЪХЬ

 

Мелит хыгъэхъунэм Паул къыщехъулІагъэхэр

 

Тыпсаоу тыкъызэнэжьым, а хыгъэхъунэм МелиткІэ* зэреджэхэрэр зэдгъэшІагъ. 2Хыгъэхъунэм исхэр шІугъэ­шхокІэ къытпэгъокІыгъэх. Ощхышхоу ыкІи чъыІэшхоу зэрэщытым пае, машІо ашІи, тэ зэкІэ тырагъэблэгъагъ. 3Паул чы бэу ыугъои, машІом зытырелъхьэм, фэбагъэм блэ горэ чыхэм къахигъэкІи, ыІэ къеуи, къыкІэрылэлэу къыкІэрынагъ. 4Хыгъэхъунэм исхэмэ блэр Паул ыІэ къыпылэлэу залъэгъум, зэраІожьыгъ:

–Мы лІыр укІакІо горэу щытын фае; сыда пІомэ хым псаоу къыхэкІыжьыгъэми, Тхьэм ишъыпкъагъэ ар псэунэу фит ышІыгъэп.

5Ау Паул ыІэ ыгъэсыси, блэр машІом хидзи, блэм иягъэ Паул къекІынэу хъугъэп.

 

27:39 хытІуалэ – псэу чІыгум къыхахьэрэр ары. 28:1 Мелит – Малтэ ары.

 

6«А лІыр бэгыщт е ошІэ-дэмышІэу зэхэфэнышъ, лІэщт», аІуагъ ахэмэ, ау бэрэ пэплъагъэхэу, Паул зи къыщымышІыгъэу залъэгъум, ягупшысакІэ зэблахъуи, «Мыр тхьэ гор», аІуагъ.

7А чІыпІэм игъунэгъоу хыгъэхъунэм итхьаматэу Пу­блый зыцІэм чІыгушхохэр щыриІагъэх. Ащ тыригъэ­благъи, мэфищэ игуапэу тихьакІагъ. 8Публый ятэ плъы­рыстырымрэ ныбэузымрэ зыкІаубытагъэу пІэм сымаджэу хэлъыгъ. Паул сымаджэм ыдэжь ихьи, Тхьэм фелъэІуи, ыІэхэр тырилъхьэхи, ыгъэхъужьыгъ. 9Арэущтэу зэхъум, хыгъэхъунэм щыІэ нэмыкІ сымаджэхэри Паул ыдэжь къакІохи, Паул ахэри ыгъэхъужьыгъэх. 10Гъогогъу пчъа­гъэкІэ лъытэныгъэ къытфашІыгъ, тыкъызежьэжьыми, тищыкІагъэхэр къытфахьыгъ.

 

Паул Рим къэлэшхом зэрэнэсыгъэр

 

11Мэзищ зытешІэм, Александрие къалэм щыщэу, «Тхьэ ТIуазэхэр»* зыфаІорэ къухьэу, а хыгъэхъунэм кІымафэм щыІагъэм титІысхьи, ащ тыкъыщежьагъ. 12Сиракуз къа­лэм тыІухьи, мэфищэ ащ тыщыІагъ. 13Ащ тыкъыщежьи, Ригие къалэм тынэсыгъ. Зы мафэм ыуж къыблэм къи­кІырэ жьыбгъэр къепщэу ыубли, ятІонэрэ мафэм Пу­теол къалэм тынэсыгъ. 14Ащ тшы заулэ къыщыдгъотхи, ахэмэ адэжь мэфиблэ тыщыІэнэу къытэлъэІухи тырагъэ­блэгъагъ. Ащ нэужым Рим къэлэшхом тыкІонэу гъогум тытехьажьыгъ. 15Рим дэс тшыхэм тыкъызэрэкІощтыр зэхахыгъагъэти, «Аппый ЗэхэхьапІэ»* зыцІэ къалэмрэ «Хьэ­кІэщыпІищ»* зыцІэ къалэмрэ анэсы къытпэгъокІынхэу къэкІуагъэх. Паул ахэр зелъэгъухэм, Тхьэм щытхъу фи­шІи, гу къызыІэпишІыхьажьыгъ. 16Рим тыкъызынэсым, Рим тетыгъо зиІэхэм Паулрэ ежьым иухъумакІо дзэлІым­рэ язакъоу дэсынхэу фит ашІыгъэх.

 

28:11 Тхьэ ТІуазэхэр – Зевс зыфаІорэ тхьэ нэпцІым ыкъоу тІуазэхэу, Касторрэ Поллуксрэ ары. Къухьэ зыфыхэрэм а тхьэ нэпцІитІур агъэ­лъапІэщтыгъэх.

28:15 «Аппый ЗэхэхьапІэ» зыцІэ къалэр – Рим къэлэшхом киломстрэ 70-кІэ пэчыжьэу, икъыблэ лъэныкъокІэ итыгъ.

28:15 «ХьэкІэщыпІищ» зыцІэ къалэр – Рим къэлэшхом километрэ 55–кІэ пэчыжьэу. икъыблэ льэныкъомкІэ итыгъ.

 

Паул Рим къэлэшхом къэбарышІур зэрэщигъэІущтыгъэр

 

17Мэфищ нэужым Паул джуртхэм ятхьаматэхэр къа­ригъэщагъэх. Ахэр къызызэрэугъоихэм, ариІуагъ:

–Сшыхэр, тэ тлъэпкъ мыхъун зи есымышІагъэу, тя­тэжъхэм яхабзэхэми сатемыкІыгъэ пэтми, Ерусалим сыщаубыти, Рим цІыфхэм саІэкІалъхьагъ. 18Ахэр сэ сиІоф зыхэплъэхэм ыуж, укІ зифэшъошэ мыхъун зи къы­сагъотылІагъэпти, сыкъатІупщыжьынэу фэягъэх. 19Ау джуртхэр Рим цІыфхэм сызэратІупщыжьыщтым зыпэуцу­жьхэм, Кайсарым сиІоф хьыкум тыришІыхьанэу сылъэІон фаеу хъугъэ. Ау сэ слъэпкъ седэоныр арэп арэущтэу зыфэсшІагъэр. 20Іофхэр арэущтэу зэрэщытхэр ары шъус­лъэгъунэу ыкІи сыкъыжъудэгущыІэнэу шъукъызкІязгъэ­щагъэр. Шъыпкъэ, Израил цІыфхэр зыщыгугъыхэу, зы­паплъэхэрэм* пае Іэхъухэр стелъых.

21–О уикъэбар зэрыт тхылъ горэ Иудей хэкум къикІэу къытфэкІуагъэп,– къыраІожыгъ ахэмэ. –Ащ дэжьым къикІыхэу, мыщ дэжьым къэкІогъэ тшыхэми ощ пае къэбар Іае горэ ыкІи къытфахьыгъэп ыкІи къытаІуагъэп. 22О уигупшысэхэр къапІохэзэ, тябгъэдэІумэ тшІоигъу; сыда пІомэ цІыфхэр тыдэкІи а цІыф купэу диным ры­кІорэм* зэрэщыпэуцухэрэр тэ тэшІэ.

23Зы мафэ горэ агъэнафи, Паул зэрыс унэм цІыф купышхо къэкІуагъ. Пчэдыжьым щегъэжьагъэу пчы­хьашъхьэм нэсы Тхьэм и Тетыгъошхо* икъэбар Паул агуригъаІозэ, а тетыгъошхом шыхьат фэхъугъ. Пегъым­бар Мусэ и Тэурат хабзэ итхэмрэ пегъымбархэм атхыгъэ тхылъхэм арытхэмрэ* ащыщхэм къяджэзэ, Паул Хьисэ ехьылІагъэу къыІохэрэр ашІошъ ыгъэхъуным пылъыгъ. 24Паул къыІуагъэхэр зы куп ышІошъ хъугъэ, нэмыкІхэми ашІошъ хъугъэп.

25А джуртхэр зэгурымыІохэу зэбгырыкІыжьынхэм ыпэ­кІэ, Паул мы гущыІэхэр къыІуагъэх:

–Тхьэм ы Псэ ЛъапІэ пегъымбар Ешай шъуятэжъхэм яхьылІагъэу шъыпкъагъэр къыригъэІуагъ:*

 

28:20 Израил цІыфхэр зыщыгугъыхэу, зыпаплъэхэрэр – Мессихь ары.

28:22 цІыф купэу диным рыкІорэр – еплъ 24:5.

28:23 Тхьэм и Тетыгъошхо – еплъ 1:3.

28:23 пегъымбар Мусэ и Тэурат хабзэ итхэмрэ пегъымбархэм атхыгъэ тхылъхэм арытхэмрэ – еплъ 13:15.

 

26«Мы лъэпкъым ыдэжь кІуи, мырэущтэу еІу:

Шъо егъашІэм зэхэшъухы зэпытыщт, ау къыжъугурыІощтэп;

шъо егъашІэм шъулъэгъу зэпытыщт, ау гу лъышъутэщтэп.

27Сыда пІомэ мы цІыф лъэпкъым щыщхэм агухэм гулъытэ ямыІэ хъугъэ.

Ахэмэ атхьакІумэхэмкІэ жъажъэу зэхахы, анэхэри аупІыцІагъэх.

Арэущтэу щымытыгъэмэ, анэхэмкІэ алъэгъущтыгъ,

атхьакІумэхэмкІи зэхахыщтыгъ, агухэмкІи къагурыІощтыгъ,

садэжьи къагъэзэжьыгъэмэ, сэ ахэр згъэхъужьыщтыгъэх».

28–Арышъ, цІыфхэр мыкІодхэу, Тхьэм къызэригъэнэ­жьхэрэм икъэбар хымэ лъэпкъхэм Тхьэм къызэранигъэ­сыгъэр шъо зэжъугъашІэ. Ахэри а къэбарым едэІущтых!

29Паул а гущыІэхэр къызеІохэм, джуртхэр лъэшэу зэ­цІацІэхэзэ, унэм икІыжьыгъэх.

30Паул чырэкІэ ыубытыгъэ унэм илъэситІум щыпсаоу, ыдэжь къакІорэ цІыф пстэури ригъэблагъэщтыгъэх. 31 Зы цІыфи зыкІи къыпэмыуцоу, Тхьэм и Тетыгъошхо икъэбар ыгъэІущтыгъ, Зиусхьанэу Хьисэ Мэссихь ехьылІагъэу гушхоныгъэкІи цІыфхэм аригъашІэщтыгъ.

 

28:25-27 къыригъэІуагъ – еплъ Пегъымбар Ешай тхылъэу ытхыгъэм 6:9-10.